هل تتعرض المراه السودانيه العامله للاستغلال من قبل الرجل؟؟

الرجل هنا ربما يكون الاخ او الاب لكن الارجح والاكيد هو الزوج
ربما سمع الكثيرين او شاهدوا حالات كثيره لتعرض المراه العامله للاستغلال من جانب الزوج وشخصيا عاصرت حالات كثيره وسمعت عن اكثر منها من نساء عاملات يتعرضن للاستغلال من جانب ازواجهن او اتكال الازواج عليهن فى كثير من الاعباء الماديه.
الملاحظ ان الكثير من النساء العاملات او لنقل نسبة 70% يتزوجن فى سن متاخر ، مما يسهل على الازواج ان يقدموا على هذا العمل وكانه حق مشروع لاقترانه بشبه عانس اذا صح التعبير، احدى الاخوات ذكرت لى حرفيا ماساتها والتى انتهت بالطلاق وربما تنفس الاهل الصعداء عند وقوع الطلاق وذلك لعدم انجاب الزوجين ، تقول هذه السيده ان تعرفها على هذا الرجل جاء عن طريق بعض الاصدقاء والحاحهم عليها للموافقه بهذا الزوج والذى ندمت عند الاقتران به وتحايله عليها لاخذ الاموال بل وصل به الامر لاقناعها بصرف مصاغها الذهبيه من اجل ان يبدا مشروع وكل هذا كان عباره عن سراب ، والزوج كان يقيم مع زوجته فى منزلها وحسب روايتها حتى انه لاياتى (بصابونة حمام)..........واخيرا وقع المحظور وتم الطلاق
هذه والكثير غيرها من القصص واقع يحتاج الى مراجعه ومناقشه وبحث دقيق حتى تتفادى المراه العامله الوقوع فى مثل هذا الفخ والذى فاجاتنى محدثتى ان الكثير من زميلاتها واللائى يعملن معها فى نفس المصلحه ذات الرواتب العاليه والحوافز المتدفقه وبعد ان حكت لهن عن معانتها مع زوجها قالوا لها نحن ينطبق علينا نفس ما تقولين وربما اكثر!!
قديما كان الكبار فى مجتمعنا لايسمحون لابنائهم المتزوجون الاقامه فى بيت انسبائهم ، الا ان الحال انعكس الان واصبح الممنوع قديما هو المرغوب حديثا الزواج من امراه عامله او وارثه او عندها لوترى..او ربما عروسه مغنربه ايام الاغتراب كان اغتراب قبل ان تحرقه نيران الهجرة لاوربا واللوترى لامريكا..........وقبل ان يساوى الجنيه السودانى ريالان سعوديان!!!
ربما اتوجه بصراحة للاخوات البوردابيات العاملات المتزوجات مشاركتنا بصراحه ووضوح حتى نعى ابعاد المشكله واسبابها وطرق علاجها

يعنى الواحده بتكون شغاله و زوجها عاطل???
اصلا هى تعرس ليها واحد عاطل ليه ???
مصاريق البيت مسؤليه الزوج...و لو احتاج مساعده ما فى مانع الزوجه تساعد فى صرف البيت. "او اى اتفاق بينهم"

smart_ana2001

تحياتى

Quote: يعنى الواحده بتكون شغاله و زوجها عاطل???

كثير من الحالات ينطبق عليها سؤالك وممكن يكون شغال جوكى زى الحاصل الان فى السودان

Quote: اصلا هى تعرس ليها واحد عاطل ليه ???

نحن فى مجتمع لايرحم العانس او المطلقه وربما لخشية الكثير منهن فوات القطر يقبلن

Quote: مصاريق البيت مسؤليه الزوج...

ده الوضع الطبيعى والمعروف فى مجتمعنا

Quote: و لو احتاج مساعده ما فى مانع الزوجه تساعد فى صرف البيت. "او اى اتفاق بينهم"

عادى يحدث تعاون ما بين الازواج فى حالات احتاج الزوةج لمساعدة الزوجه لكن ان يرمى كل الحمل عليها فهذا لايمكن ان تطيقه المراه

up

Quote: هل تتعرض المراه السودانيه العامله للاستغلال من قبل الرجل؟؟

العاملة وبس ؟؟

العاملة والعاطلة والصّغيرة والكبيرة والمتعلّمة والأمّيّة والنّحيفة والبدينة والسّمراء والشّقراء والطّويلة والقصيرة والغنيّة والفقيرة والأم والأخت والزّوجة والإبنة ..






أعذرني لن أصل لنهاية

أنـا في البـعـيـد مُـشـتـاق لهـمـسـة من الوطن يا نـسـمـة

Quote: العاملة والعاطلة والصّغيرة والكبيرة والمتعلّمة والأمّيّة والنّحيفة والبدينة والسّمراء والشّقراء والطّويلة والقصيرة والغنيّة والفقيرة والأم والأخت والزّوجة والإبنة ..

لؤى
سلامات
يعنى فى استغلال للمراه من قبل الرجل؟؟

Quote: العاملة والعاطلة والصّغيرة والكبيرة والمتعلّمة والأمّيّة والنّحيفة والبدينة والسّمراء والشّقراء والطّويلة والقصيرة والغنيّة والفقيرة والأم والأخت والزّوجة والإبنة .. أعذرني لن أصل لنهاية

هنا وصلت إلى النهاية يا عزيزى لؤى.
المراة مستغلة فى السودان بصورة عجيبة جداً.
بس المسالة عايزة دراسة يا عبد الغفار عشان بعد شوية بجيك واحد يقول ليك جبت النسب ده من وين (70%) مثلاً ....
الموضوع كبير ومحتاج إعادة نظر ودراسة... اكيد.

شكراً عبد لغفار عبدالله المهدى.


شول اشوانق دينق
______________
كيف يا لؤى؟

شول يا صديقي
تحاياي وأشواقي

Quote: هنا وصلت إلى النهاية يا عزيزى لؤى.

لا لم أصل يا شول
كُنت سأكتب كذلك الموؤودة والمختونة والمُغتصبة والمطلوقة وووووووو
لكنّي رأيت أن أدفن رأسي في الرّمال كحال الرّجال
(( إعتراف .. (( انا ماراجل )) ))




وعُذراً أخي عبد الغفّار

أنـا في البـعـيـد مُـشـتـاق لهـمـسـة من الوطن يا نـسـمـة

عبد الغفار يا حبيب ..

انت ما نصيح ولا شنو ؟؟؟؟ حليل الزمن الكان فيهو الراجل بيستغل فيهو المرأه .. وحليل زمن الراجل يوم زواجو كان بيخنق الكديسه ..

الزمن ده يا اخوي لو الراجل خنق الكديسه الزوجه بتاكلها ليهو ((( نيه ))) .... والزمن ده الزوجه اصبحت تسوق الراجل من اضانو زي الاضينه .. والامثله كثيره وممله ..

Quote: عبد الغفار يا حبيب .. انت ما نصيح ولا شنو ؟؟؟؟ حليل الزمن الكان فيهو الراجل بيستغل فيهو المرأه .. وحليل زمن الراجل يوم زواجو كان بيخنق الكديسه .. الزمن ده يا اخوي لو الراجل خنق الكديسه الزوجه بتاكلها ليهو ((( نيه ))) .... والزمن ده الزوجه اصبحت تسوق الراجل من اضانو زي الاضينه .. والامثله كثيره وممله ..

حبيبناسمير
تحياتى
ذكرتنى حبوبتنا المرحومه(خدومه) والتى قالت رجال الزمن ده رجال (التابه واليابه)
لكن يا سمير لسه الدنيا بخير وفى رجال بمعنى الكلمه
وحكاية الكديسه دى بقت فى قصص الحبوبات زمن الراجل ما بشوف المراه الا ليلة الدخله

بس المسالة عايزة دراسة يا عبد الغفار عشان بعد شوية بجيك واحد يقول ليك جبت النسب ده من وين (70%) مثلاً ....
الموضوع كبير ومحتاج إعادة نظر ودراسة... اكيد.

الاخ/ شول
تحياتى

فعلا المساله محتاجه لدراسه ودراسه دقيقه، اما عن النسبه ومن اين اتيت بها (لو قلنا مثلا السودانيين الموجودين فى مصر معظمهم يعتمد على المراه ودى حقيقه)
اما فى السودان فالظاهره لاتحتاج لتدقيق واصبحت حاجه عاديه (زيتنا فى بيتنا)

انا تماماَ ضد أن تصرف المراة على زوجها ويكون ابوالقدح عاطل
هذه مباديء لم أكن أحيد عنها
وحينما اسمع برجل تصرف عليه زوجته اشتاط غضبا
لكن
الآن غيرت كل هذه النظرة
فقد رأيت اصدقائي المتزوجون من نساء عاملات وضعهم قد تغير جداً
بنوا بيوتهم
وقاموا بتجهيزها على أحسن ما يكون
اشتروا سيارات فارهة
وحتى جضومهم تغيرت
ياخي مالنا ومال القيم والمباديء
قال يشتاط غضباً قال !!!

Quote: فقد رأيت اصدقائي المتزوجون من نساء عاملات وضعهم قد تغير جداً بنوا بيوتهم وقاموا بتجهيزها على أحسن ما يكون اشتروا سيارات فارهة وحتى جضومهم تغيرت ياخي مالنا ومال القيم والمباديء قال يشتاط غضباً قال !!!

ابو حراز
سلامات
اهاياشول رايك شنو فى كلام ابو حراز ده؟؟

اخي عبد الغفار سلام

Quote: قديما كان الكبار فى مجتمعنا لايسمحون لابنائهم المتزوجون الاقامه فى بيت انسبائهم ، الا ان الحال انعكس الان واصبح الممنوع قديما هو المرغوب حديثا الزواج من امراه عامله او وارثه او عندها لوترى..او ربما عروسه مغنربه

ورد علي لسان البعض :

ان طائر ام رخم قالت انا خير من تلاته

احدهم الذي يسكن في بيت نسابته

Quote: ورد علي لسان البعض : ان طائر ام رخم قالت انا خير من تلاته احدهم الذي يسكن في بيت نسابته

العوض
سلامات
ده كان زمان هسع الموضوع بقى عادى وغابت الكثير من المبادى

عبدالغفار سلام اخوي

Quote: العوض سلامات ده كان زمان هسع الموضوع بقى عادى وغابت الكثير من المبادى

غياب المبادئ يعني موت الامه وهذا ما لايحتمل

عبد الغفار يغشاك السلام

دي حقيقة واقعة وبائنة في المجتمع السوداني ....
وللاسف الوضع يزداد سؤا كل يوم ... وأنا اعرف كثير من الشباب من ضمن شروطهم
للزواج أن المرأة لازم تكون شغالة ( يعني نظام مبيتين النية وكدة )

Quote: دي حقيقة واقعة وبائنة في المجتمع السوداني .... وللاسف الوضع يزداد سؤا كل يوم ... وأنا اعرف كثير من الشباب من ضمن شروطهم للزواج أن المرأة لازم تكون شغالة ( يعني نظام مبيتين النية وكدة )

عبد الرحمن سوركتى

السلام ليك ولجميع الاهل

نظام مبيتين النيه ده بقى واضح وضوح الشمس والاكثر عرضه النساء اللائى تتجاوز اعمارهن منتصف الثلاثنيات .
الاسباب التى تدفع بالشباب لقبول هذا الوضع معروفه ، لكن السؤال هل تستمر هذه العاده حتى نجدها واقعا وياتى اليوم الذى يتقدم فيه اهل الفتاه لاهل الرجل؟؟

Quote: هل تتعرض المراه السودانيه العامله للاستغلال من قبل الرجل؟؟

نعم ونعم ونعم.....اكيد

Quote: نعم ونعم ونعم.....اكيد

الاخ/ بشير
تحياتى

تاكيد بالتلا ته
شكرا للمرور