بكري ابوبكر جميلة جميلات اقتصاد عائزة تخش ما تدخلها وينولك ثواب

Post: #1
Title: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 12:51 PM
Parent: #0

مها زكريا

من اكبر حنكوشات جامعة الخرطوم عائزة اذن مرور

باركها يا رئيس

Post: #2
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-18-2008, 12:57 PM
Parent: #1

Post: #3
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 01:01 PM
Parent: #2

شكرا يا ملاسي

يا قريب حاتم الجد

علي التثنية ان كانت تلك تثنية

Post: #4
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Shamael Elnoor
Date: 06-18-2008, 01:01 PM
Parent: #1

ماعارفة ياخليل ارتبطت لى بقناة زول شديد

ومن قناة زول الى اقتصاد الخرطوم

على اى حال البوست مفروض يتدعم بالصور عشان بكري يبقى عليهو (سمع وشوف)

Post: #5
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 01:03 PM
Parent: #4

Quote: على اى حال البوست مفروض يتدعم بالصور عشان بكري يبقى عليهو (سمع وشوف

شمائل

والله والله مها دي صورة وصوت علي ضامنتي

وانتي عارفة زوق خالك خليل ما بقع واطة

Post: #6
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-18-2008, 01:11 PM
Parent: #5

كيفن ما تثنية يا خليل .. ياخي دي تثنيتين مع بعض.

Post: #7
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: حسين محي الدين
Date: 06-18-2008, 01:14 PM
Parent: #6

Quote: من اكبر حنكوشات جامعة الخرطوم عائزة اذن مرور

حبابك الحنكوشة والله

نثني ونبارك يا بكري

Post: #9
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Shamael Elnoor
Date: 06-18-2008, 01:20 PM
Parent: #7

كفاية زوقك على قناة زول
طلعت بتاع تركيب وعدسات لاصقة وعمليات نفخ وقلب

على اى حال انا قريت الخرطوم لكن يطرشني ما سمعت بيها ، احتمال تكون دفعة اكل الدهر عليها وشرب وكاد ان ينام
دفعتك يا خليل

البوست موعود بزيارة كل من:
صديق الموج
ود الصايم

Post: #8
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: esam gabralla
Date: 06-18-2008, 01:20 PM
Parent: #1

كدى اول حاجة نرحب بالزولة الظريفة مها زكريا ، مرة شفت اسمها كعضوة هنا مكتوب بالانقليزى ، مها بقت دفعتنا بعد تربيتة شهيرة شملت عدد من اعمدة و عمد و دعائم الدفعة ( نجيب اللستة يا الفي امريكا و كندا و لا السترة) ...

نجيك انت يا خليل و من لف لفه ( ديل ناس هندسة و طب)

كرهتونا زمان كليتنا و كافتريتنا ... ناس هشام السيد و العوض مصطفي وخيراوى و ابوشوك و رحاب ومحمد هاشم والبقية من دورات الرابطة كسرو رقبتهم و ابدعوا في بناء و تشييد كافتريا لطلاب و طالبات الاقتصاد ...

بالله الدنيا دى ما تمسي شوية كده و الشمس تغيب تلقي الضهب جاى يتطاقش و يتجارا على الكافتريا، تتاخر دقائق بس تجى تلقي دبايب و عقارب و صحراويي هندسة و طب مالين الكافتريا و يتلفتو زى المراوح، قاشرين و مسرحين و ماسحين الجزم و متريحين كمان .... و كل واحد رافع لافتة كبيرة غير مرئية مكتوب عليها : مشروع مهندس ـ دكتور/مشروع عريس .....

و كلهم متنافسين في البنات السمحات، حتى خليل كبير الضهب كان تحت تحت متعشم فيهن لكن التربيتات والدسمسات جهجهت خطتو .......

غايتو بوظتو علينا ايامنا ديك .... انت قايل ال خمسة/صفر (الحا اجيب سيرتا ليوم الدين) ديك من شنو؟ دى كلها مغسة من تضهبكم ده .....
اها في الانترنت دى عاوزين تواصلو تضهبكم

سلام خليييي

و مرحب تانى مها

ملاسي

Quote: كيفن ما تثنية يا خليل .. ياخي دي تثنيتين مع بعض.

انتا ما بتتوب من الخفة ؟؟

Post: #10
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد المعتز
Date: 06-18-2008, 01:31 PM
Parent: #8

منح العضوية بقي بالحنكشة ورونا لانو في حناكيش وجميلات منتظرات؟؟؟؟وبنرسل صور(شوف ..وشوف)
نشوف الصورة حتي نثني.....

Post: #11
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: عبدالكريم الامين احمد
Date: 06-18-2008, 01:33 PM
Parent: #8

Quote: حتى خليل كبير الضهب كان تحت تحت متعشم فيهن لكن التربيتات والدسمسات جهجهت خطتو .......

Quote: انت قايل ال خمسة/صفر (الحا اجيب سيرتا ليوم الدين) ديك من شنو؟ دى كلها مغسة من تضهبكم ده

ملاسي

Quote: انتا ما بتتوب من الخفة ؟؟

ونقول حباب مها زكريا بت اقتصاد

انت عارف يا مرجف ياعصام مشكلتك العويصة معاي انك قاعد تصنع ( my days)

Post: #14
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: بكري اسماعيل
Date: 06-18-2008, 01:40 PM
Parent: #11

مرحب يا خلي

لو بقت سنيرنا واللا برلومتنا يا هلا فيها ... ويابكري بالله سرعة الاستجابة ..

دفعة 92 عنهم أنا ...

Post: #15
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: ابراهيم محمد الحسن
Date: 06-18-2008, 01:44 PM
Parent: #11

Quote: بالله الدنيا دى ما تمسي شوية كده و الشمس تغيب تلقي الضهب جاى يتطاقش و يتجارا على الكافتريا، تتاخر دقائق بس تجى تلقي دبايب و عقارب و صحراويي هندسة و طب مالين الكافتريا و يتلفتو زى المراوح، قاشرين و مسرحين و ماسحين الجزم و متريحين كمان .... و كل واحد رافع لافتة كبيرة غير مرئية مكتوب عليها : مشروع مهندس ـ دكتور/مشروع عريس .....

خليل ..
بصراحة كدة انت خفتك دي هي البتجيب لينا الكلام والهواء ..
مالك ومال حنكوشات إقتصاد ؟

بعدين هو الأخ عصام جبر الله ما قرأ إعتراف الأستاذة (عواطف إدريس) لما قالت إنهم بيهاجرو لغاية كافتريا هندسة بغطاء الليمون .. بس هم قصدهم يطلعو بجكس جادي
لي ما مشوا كافتريا إقتصاد ؟ ماهي أقرب ليهم .. أكيد عارفين انه ما بيلقوا جكس جادي

Post: #12
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: DKEEN
Date: 06-18-2008, 01:38 PM
Parent: #1

تدخلها يابكري وما تدخل لينا هيثم تكون الفيك اتعرفت..

خليل
ده هسي مكان حسناوات الله بسالك؟؟

Post: #29
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 06:52 PM
Parent: #12

Quote: تدخلها يابكري وما تدخل لينا هيثم تكون الفيك اتعرفت

دكين

اصلو هيثم مصطفي هو

لكن كان جاء حبابو الف

Post: #13
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: haleem
Date: 06-18-2008, 01:39 PM
Parent: #1

Quote: على اى حال البوست مفروض يتدعم بالصور عشان بكري يبقى عليهو (سمع وشوف)

هو بكري لسه هايسمع ويشوف..

والله الصلعة تلقاها جنس عرق حسي

Post: #16
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد عبدالرحمن
Date: 06-18-2008, 02:03 PM
Parent: #13

الغريبة امبارح كنت مع طارق ابوشوك بنحضر فى كورة
ايطاليا وفرنسا ..حاولت اتذكر ليهو ناس اقتصاد البكتبو
معانا هنا مااتذكرنا غير عصام جبرالله والصاوى وسهام المجمر..

اها نقول كدا بقو اربعة ولا لسه فى ناس ..اكيد بكون فى
ناس تانيين ..
الف مرحب بيها والبورد منور ياخليل ..,وخلى كيكى
ضرسو يتاور ..

Post: #18
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hatim Yousif
Date: 06-18-2008, 02:15 PM
Parent: #16

Quote: معانا هنا مااتذكرنا غير عصام جبرالله والصاوى وسهام المجمر

هل هو الصاوي أمير الصاوي ... ود بحري ؟؟؟؟؟؟؟؟؟؟؟؟؟؟؟؟؟

...

Post: #19
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-18-2008, 02:22 PM
Parent: #16

Quote: طارق ابوشوك بنحضر فى كورة
ايطاليا وفرنسا ..حاولت اتذكر ليهو ناس اقتصاد البكتبو
معانا هنا مااتذكرنا غير عصام جبرالله والصاوى وسهام المجمر..

الاخ محمد عبدالرحمن: تحية وتقدير

البورد ملان بي ناس اقتصاد لكن ما بكتبوا، واحتمال يكون فيهم الما بقروا حتى..

ما عرفتك انت منو لكن حبابك، واتعشم في توصيل تحياتي العاطرة جداً للصديق القديم طارق ابو شوك (لم التقيه منذ التخرج، اقصد تخرجه هو)..

ولصاحب البوست خليل:

نرحب كثيراً بمها زكريا ونتمنى أن تكون اضافة نوعية زاخرة للبورد

سيف بشير

(اقتصاد 83 - 88 )

Post: #20
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد عبدالرحمن
Date: 06-18-2008, 02:27 PM
Parent: #19

سيف بشير ..تحياتى ..

تصدق هو اتذكرك امبارح بس انا نسيت اكتبك هنا ..
حتى انو انا اتهمتك بالحياد ..قلت ليهو اعتقد انو
محايد ..هو نفى لى انك محايد ...انا اتخرجت بعدكم
مااظن اتقابلنا فى الجامعة... اتخرجت سنة 99 ..بس اتعرفت
على طارق هنا ..عبدالرحمن محمد حسن (الجاحظ) ابن عمى
لو بتعرفو اظنو عاصركم ...

تحياتك لطارق سوف تصل ..

Post: #21
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-18-2008, 02:38 PM
Parent: #20

شكراً يا محمد عبدالرحمن

Quote: انا اتخرجت بعدكم
مااظن اتقابلنا فى الجامعة اتخرجت سنة 99 ..بس اتعرفت
على طارق هنا ..عبدالرحمن محمد حسن (الجاحظ) ابن عمى
لو بتعرفو اظنو عاصركم ...

انا ظللت بالجامعة كمساعد تدريس حتى 91، واحتمال كبير نكون قد تلاقينا، وصدق طارق في نفيه "تهمة" الحياد عني، وكنت ولازلت اكن احتراماً عميقاً لذلك العقد الفريد من المحايدين/ت الذين ذكر بعضهم عصام جبرالله

سيف

التعديل، اليوم التالي:

المعذرة يا محمد:

لا أدري لماذا تعاملت مع سنة تخرجك 99 كـ 91 عندما كتبت بالامس (احتمال كبير نكون قد تلاقينا)... فبعد ان انتبهت الآن التصحيح: أحتمال كبير نكون ما اتلاقينا "اللخبطة دي ما عندها أي علاقة بالسن وكدا!!"

Post: #17
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-18-2008, 02:09 PM
Parent: #13

Quote: هو بكري لسه هايسمع ويشوف
والله الصلعة تلقاها جنس عرق حسي

Post: #22
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Anwar Ahmed
Date: 06-18-2008, 02:48 PM
Parent: #1

نرحب بيها لانها من اقتصاد

Post: #23
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: elsawi
Date: 06-18-2008, 05:24 PM
Parent: #22

الف مرحب بالأخت مها زكريا وقطعا ستكون اضافة نوعية كبيرة للمنبر ولا اظن ان بكري سيبخل عليها بكلمة مرور خاصة وانه مزاجو رايق اليومين ديل وبيوزع في كلمات المرور بسخاء شديد .. بالمرة لو شاف لينا طريقة لي هاشم عثمان وحسن ابوعلي يكون ما قصر لأنه الإثنين عندهم رغبة في الإنضمام وبعد داك ناس هندسة وعلى رأسهم كيكي وخليل لو دايرين غلب ودق هنا في المنبر نحن حاضرين وتيمنا جاهز على الأقل نعيد ليهم زكريات الخمسة صفر الأليمة ..
Quote:
كرهتونا زمان كليتنا و كافتريتنا
Quote:
بالله الدنيا دى ما تمسي شوية كده و الشمس تغيب تلقي الضهب جاى يتطاقش و يتجارا على الكافتريا
تعرف يا عصام جبر الله ضهب الكافتيريات هين الله لا وراك ضهب الأسافير، والله انا مرات بدخل عشان اضحك بس في الكبكبة والرجفة الإسفيرية لبعض الأعضاء البرحبوا بالبنات بس وتلقى الواحد فارش ورقو كلو وجاي خامي بوكيه الورد بتاعو ويقرب يكتب قصيدة غزل في ترحيبو ..
Quote:
هل هو الصاوي أمير الصاوي ... ود بحري ؟؟؟؟؟؟؟؟؟؟؟؟؟؟؟؟؟
ابدا يا حاتم انا الصاوي محمد حامد ود ابي روف .. الصاوي أمير الصاوي ود الصافية قريبي ـ ابن عم والدي ـ وهو ايضا خريج اقتصاد الخرطوم .. والله الزول عامل لخبطة من ايام الجامعة، تعرف مرة انا طالع من محاضرة لقيت احد الزملاء بإنتظاري خارج القاعة وقال لي الحق سريع في طيارة منتظراك في الكافتريا من قبيل ومشينا الكافتريا لقيت ليك شابة جميلة جدا ـ ليست طالبة بالجامعة ـ تجلس لوحدها والضهب يزازي حولها، المهم سلمت عليها وقلت ليها خير عايزاني في شنو البت قعدت تضحك وقالت لي انا عايزة الصاوي ما عايزاك انت فقلت ليها انا برضو الصاوي لكن يبدو انك عايزة الصاوي امير، المهم اكرمتها بعصير الليمون البارد والشاي والونسة وكدت ان اصطحبها لوجبة في بيت القزاز لولا ظهور الصاوي امير المفاجئ الذي افسد علي كل شئ ..

Post: #24
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 05:35 PM
Parent: #23

يا ريس

معقول تكسف الناس ديل كلهم

يلا خليها تدخل بسلام امنة

Post: #25
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: عبدالكريم الامين احمد
Date: 06-18-2008, 05:36 PM
Parent: #23

Quote: وكدت ان اصطحبها لوجبة في بيت القزاز لولا ظهور الصاوي امير المفاجئ الذي افسد علي كل شئ ..

في ذمتك يا الصاوي دي حالة كابتن فريق ناسو دايرين يدقونا اسفيرا
وبعدين ياخي غلب الخمسة بتاعكم الزي (قون البشاقرة ده ) لوكتوها عشرين سنة
وفي العشرين سنة دي بنكون غالبنكم زي عشرمية مرة كده...

واحنا بعد سجلنا عمر الحبر وابوسمرة تاني عوجة اسفيرية بتجينا مافي تب...

وياخي في زول جميل ورائع (ابراهيم باخت) الزول ده كشكشوه ياخي وخليهو يجينا في المنبر البقي زي
كافتيريا اقتصاد ده

وكل الود يا الصاوي ومشتاقين والله

Post: #26
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 05:42 PM
Parent: #25

Quote: واحنا بعد سجلنا عمر الحبر وابوسمرة تاني عوجة اسفيرية بتجينا مافي تب...

ناس جملين ياخ

معاوية السمين وطارق الصغير ودانيال وبرعي وجاليلو وكمال الغالي وجبرالله

وناس هناية بت ناس هناي (كرع)

Post: #27
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-18-2008, 05:50 PM
Parent: #26

Quote: انتا ما بتتوب من الخفة ؟؟

خفة شنو يا صديق .. عليك أمان الله عبود يا جبل الحديد

______
لدي من أسباب التثنية
ما يملأ زكائب

Post: #28
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-18-2008, 05:55 PM
Parent: #27

Quote: خفة شنو يا صديق .. عليك أمان الله عبود يا جبل الحديد

عارف يا ملاسي

مها دي بتكلم انجليزي احسن من تاتشر

Post: #30
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 09:30 AM
Parent: #28

اها كيف كده؟؟؟!!!!!!!!!!!!!!!

مها زمن الجامعه و زمن هسه كما عجبك يا شيماء قال اكل الدهر وشرب
الزمن ياكل و يشرب فى الرجرجة و الدهماء ..بس انتى قولى ماشأالله و امسكى الخشب
و لووووووووووووووووووووول

Post: #31
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-19-2008, 09:47 AM
Parent: #30

بس اوعك تطلعي صور الباقيين

(قاصد عصام والصاوي وكدا!!)

Post: #32
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Shamael Elnoor
Date: 06-19-2008, 09:53 AM
Parent: #30

سهام المجمر

لوووووووووووووووووووووووووووووووووووووول

اتنعل ابو الكيرلي ذاتو

عليك الله لو سمحت ممكن تملكيني اسم الجل البتستخدمو؟؟؟؟

شمائل

Post: #88
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: ناهد بشير الطيب
Date: 06-20-2008, 01:21 PM
Parent: #23

Quote: حاتم انا الصاوي محمد حامد ود ابي روف .. الصاوي أمير الصاوي ود الصافية قريبي ـ ابن عم والدي ـ وهو ايضا خريج اقتصاد الخرطوم

بالله يالصاوى تلمنى فى الصاوى امير الصاوى كنا جيران
فى الصافية ...شارع واحد...وبلغه سلامى وسلام نادر وناجى ...
ولك خالص الود ...(ممكن برسالة عالماسنجر)

خليل العزيز

خالص الود ...

وبنادى معاك على بكرى لدخول مها ....

Post: #97
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hatim Yousif
Date: 06-21-2008, 11:01 AM
Parent: #23

Quote: الصاوي أمير الصاوي ود الصافية قريبي ـ ابن عم والدي ـ وهو ايضا خريج اقتصاد الخرطوم

يالصاوي ... ياخ مشتاقين عديل لود عمك الكارثة ...
ضروري أيميله أو حتى رقم تلفونه بالماسنجر ...

سلام ..

Post: #33
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-19-2008, 10:00 AM
Parent: #1

سسسهههههههههههههاااااااااااااااااااااام المجمررررررررررررررررررررر
حأكوتلك (جااييياااااك بالدرب)

دي نقبتيها من وين؟؟؟

شيليها حسسسسسسسىىىى دي
ولو دايرة حرب الصور دي،، عندي كمية لناس دفعتنا أفتكر كانت في رحلة وليك إنتي كمان وبقية ( العقد الفريد)

Post: #34
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-19-2008, 10:23 AM
Parent: #33

مرحب بيك يا مها زكريا

Quote: ولو دايرة حرب الصور دي،،

بدون تعليق

Post: #35
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 10:57 AM
Parent: #34

شفتي صورة مها

تحرق الفشفاش

عشان تعرفي ذوق خالك خليل

Post: #36
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 11:04 AM
Parent: #34

شكراً يا بكري على برقية الاستجابة.

____
الشي شنو .. نفر من الجن!!

Post: #38
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 11:08 AM
Parent: #36

Quote: الشي شنو .. نفر من الجن!!

تعرف يا ملاسي احتمال كبير انا اكون عارض برة النقارة

والزولة اكون عندها عضوية قبل البوست

لاحظ لمداخلة جبر الله

Post: #39
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: حيدر حسن ميرغني
Date: 06-19-2008, 11:13 AM
Parent: #36

لا لتهميش هيثم الخلا قريب دكين

ومرحبا بالقادمة من طرف خليل

Post: #37
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 11:06 AM
Parent: #34

لووووووووووووول ساى يا شمايل
لكن ما لقيتك بكاااااااية

جل شنو يا بت العاوزاهو ؟؟؟
خليل ده مشى وين ؟؟؟ يجى يشوف محن الشعر البيسأل فى الما بقدر عليهو؟؟
اسمعى يا شمايل مها صديقة عزيزه جدا جدا جدا و جزء اصيل من شلتى التى لم تفترق ابدا
اها انا عمرى ما اتجرأت و سألت سؤالك ده .....
كدى استهدى بالله قال اسم الجل قال!!!!!!

Post: #40
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 11:20 AM
Parent: #37

Quote: تعرف يا ملاسي احتمال كبير انا اكون عارض
برة النقارة والزولة اكون عندها عضوية قبل البوست

كلامك صاح يا خليل .. فالعضوية من مارس.
الظاهر – و الله أعلم - سهام شيلتك القفة
و نحن - يا مؤمن يا مصدق - شلناها معاك!

Post: #42
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: حيدر حسن ميرغني
Date: 06-19-2008, 11:24 AM
Parent: #40

Quote: و نحن - يا مؤمن يا مصدق - شلناها معاك!

عشان معزتنا لخليل ياحسين

Post: #45
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 11:34 AM
Parent: #42

Quote: عشان معزتنا لخليل ياحسين

الفردة

كدي ما نستعجل

مها البعرفها بتكتب وبتضحك بالانجليزي

Post: #44
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 11:32 AM
Parent: #40

Quote: كلامك صاح يا خليل .. فالعضوية من مارس.
الظاهر – و الله أعلم - سهام شيلتك القفة
و نحن - يا مؤمن يا مصدق - شلناها معاك

معليش يا حسين

قفة تفوت ولا حد يموت

Post: #41
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 11:21 AM
Parent: #37

Quote: خليل ده مشى وين ؟؟؟ يجى يشوف محن الشعر البيسأل فى الما بقدر عليهو؟؟
اسمعى يا شمايل مها صديقة عزيزه جدا جدا جدا و جزء اصيل من شلتى التى لم تفترق ابدا
اها انا عمرى ما اتجرأت و سألت سؤالك ده .....
كدى استهدى بالله قال اسم الجل قال!!!!!!

سهام المجمر

شمائل مغيبة

جل شنو البتعملو مها

ياخي مها دي بوجه النوم اسمح من مني زكي

والما عارف اقول عدس

Post: #43
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 11:29 AM
Parent: #41

هووووووووووووووووووى يا مها جابت ليها تهديد صورك نزليها كان دايره شوفى الخايف منو
و انا الصوره دى ما بشيلها الا جنس الناس الهنا ديل يستغفرو
يا خليل ياخ عدس شنو خلى ثقافة الداخليات دى
احرجتنا مع مها...

والله يا خليل لو قابلت مها هسه تلقى عصام و الصاوى و سيف وانت شخصيا
حناكيش اكتر منها!!!!!!!!!!!!!!!

Post: #47
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: shammashi
Date: 06-19-2008, 11:39 AM
Parent: #41

Quote: تاريخ التسجيل: 21-03-2008
مجموع المشاركات: 3

غايتو يا خليل طلعت فايت ملاسي في الكبكبة واللبط...............

أو يكون بكري غير تاريخ التسجيل خوفا من دكين
وخوفا من عرق الصلعة لمن تتم الزرزرة.

لكن بيني وبينك هي تستحق.

Post: #46
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: esam gabralla
Date: 06-19-2008, 11:34 AM
Parent: #1

غايتو .... سبحان الانترنت الخلت الضهب خليل و من لف لفه (دى كلنا فيها يا كيكي) يعملو فيها اصحاب مها ...

يا خلى ...

Quote: شفتي صورة مها
تحرق الفشفاش
عشان تعرفي ذوق خالك خليل

تقول عندك حل او خيار تانى!!!! قوم بلا ذوق بلا فنيلتك على قول معاوية اب شنب لدكتورة xy .

وعلى ذكر الصاحب العمدة ابوشوك ( يا محمد عبدالرحمن خليك عارف تانى و تالت انك لميت في كنز انساني ، امسك فيهو قوى و قول ليهو خاترك تايب) مرة بتكلم مع معتصم دفعتنا و بلدياتو عن بلدهم قنتى ، معتصم قال ليهو فلانة بت فلان سمحة، ابوشوك بكل قطامتو اللذيذة رد ليهو: السماحة ياتا، الليلت هنا و لا الليلت البلد.

اها يا خليل: ذوقك العاجبك ده، حق هنا و لا حق بلدكم؟

سلام يا مها، مره لمحت اسمك بين الحضور و ما كنت متاكد, يا زولة مرحب في القجة الهنا دى، غايتو نصيحة اختى نوع خليل و واحد صاحبو اسمو كيكي، و في لستة تانية بديك ليها بالماسنجر، اى نعم الفيها كلهم اصحابي لكن ما بتشكرو , جماعتى ديل عاملين فيها رسامين و غنايين و شعراء و سياسيين، لو واحد بالغلط سلم عليك طوالى اقفلى الكمبيوتر ,اسمي انا زاتى في اللستة .

اقامة طيبة و ضهب اقل ....

ابراهيم محمد الحسن

Quote: بصراحة كدة انت خفتك دي هي البتجيب لينا الكلام والهواء ..
مالك ومال حنكوشات إقتصاد ؟

طيب يا ابراهيم لمو الخفاف بتاعنكم عليم، بعدين زولكم ده بعد عمرو ده كلو ـ بما فيها التربيتات ـ ولسه خفيف، حيتقل في القبر و لا متين ؟

Post: #48
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد البشرى الخضر
Date: 06-19-2008, 11:39 AM
Parent: #1

Quote: خفة شنو يا صديق .. عليك أمان الله عبود يا جبل الحديد
نكون طولنا من البلد
و تعريف الخفة اتغير عن زمان
ممكن ...الإنقاذ دي اتوقع منها اي حاجة

Post: #49
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: esam gabralla
Date: 06-19-2008, 11:52 AM
Parent: #1

ود البشري

Quote: تعريف الخفة اتغير عن زمان

انت من زمن الف الطوب الفين؟ على الحرام ترجع السودان بي وزن رموشك توزن عشرين زى ملاسي جبل الحديد .... معاهو طربوشو وشنبو كمان

Quote: يا جبل الحديد

و نحن - يا مؤمن يا مصدق - شلناها معاك!

يا حسين قصدك جبل القفف و الزكائب ....
التقلة عندك لكن

شيل شيل يا تقيل ....

Post: #50
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: هشام المجمر
Date: 06-19-2008, 11:52 AM
Parent: #1

مرحب بالاخت مها زكريا

مرة شفت اسمك فى بوست لى

قلت قبل نرد نسأل صضاحبتك سهام اول

اها بعد الترحيب ده يا مها بتجى النصائح

اولها

اى واحد دخل البوست ده ما تدى وش سمعتى

خصوصا

داك

سهام بتوريك اسمو

Post: #51
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:00 PM
Parent: #50

يا سهام المجمر

دافعي عن الكلام

صحي مها زكريا مسجلة من شهر مارس

وللا دي مها تانية

Post: #52
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 12:09 PM
Parent: #50

والله يا خليل مها شيلتنابرلمتنا نحن الاتنين (على قولها)
الحقيقة هى متابعة جيده للمنبر و كل مره تضرب عشان تعلق على موضوع او تفش معاى مغسه فى نهاية كل سيرة للمنبر تقول لى انا عاوزه اشترك و انا اقول تمام
اها اشتركت و ما كلمتنى و هسه بكل هدوء بتعتذر امس فى التلفون انها نسيت تكلمنى
و طبعا يا ابو الخل لما مها تعتذر يبقى خلاسسسسسسسسسسسسسس
و الاشنو؟؟

Post: #53
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:14 PM
Parent: #52

Quote: و طبعا يا ابو الخل لما مها تعتذر يبقى خلاسسسسسسسسسسسسسس
و الاشنو؟؟

خلاص نخليهو دها بوست ترحيب

ومافي عوجة

Post: #54
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 12:27 PM
Parent: #53

Quote: خلاص نخليهو دها بوست ترحيب

يا زول قلت كدا .. ما عندك أي مانع؛
مرحب يا مها زكريا؛ و شكراً لمن جعل ذلك ممكناً و كدا.

Post: #55
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:32 PM
Parent: #54

Quote: يا زول قلت كدا .. ما عندك أي مانع؛
مرحب يا مها زكريا؛ و شكراً لمن جعل ذلك ممكناً و كدا

والله يا ملاسي

البوست بجي بالغفلات

لكن ما خسرنا كتير ( سترة وصلحة زي ما قالت حبوبتي)

Post: #57
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:38 PM
Parent: #55

لكن يا ملاسي طلعت غتيت غتاتة

ياخي قول لي فرمل رسل ماسنقر كان خالك اتصرف بدل الانبطاحة دي

والغريبة كيكي نبهني وقال

اذا رايت اسنان ملاسي بارزة

فلا تظنن ملاسي يبتسم

Post: #60
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 12:44 PM
Parent: #55

Quote: اى واحد دخل البوست ده ما تدى وش
سمعتى خصوصا داك سهام بتوريك اسمو

و ليه ننتظر لحد سهام ما توريها اسمو .. انا دا بوريها اسمو؛
اسمو عصام جبر الله و يبدو أن هشام خشي من أن يورد اسمو لأسباب تنظيمية

Post: #56
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-19-2008, 12:37 PM
Parent: #1

شباب وشابات بلدي إزيكم كلكم ،، وشكرا على ترحيبكم لي،،
وزي ما قالت سهام ،، بأتابع المواضيع اللي بتطرح بصورة دائمة وبأضرب لسهام اما حاجة تعجبني أو كمان تستفزني.

ويا سهام ، موعودة بالصور ، لقيتها وحأسكنًها وأنزلها في بوست.

خليل إزيك،، لا زال تعليقي لسهام قائم ( حنكشة الصغرة أرحم من حنكشة الكبر))) ولا شنو!!!

ودة ما إعتراف مني بأني كنت حنكوشة ،، كنت بأتحفظ دائما لصديقات عمري ناس سهام والباقيين علي الكلمة دي لما كانوا يقولوها لي في الجامعة .

عصام ،، والله مشتاقين

بأدخل البوستات وبتجيني حالة (Nostalgia) (نوستالجيا)) لأيام الجامعة.

Post: #59
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:43 PM
Parent: #56

Quote: بأدخل البوستات وبتجيني حالة (Nostalgia) (نوستالجيا)) لأيام الجا

شفت الانجليزي يا شمائل

هسه لو ادوك الف دولار بتعرفي نوستالجيا دي

اعملي شخيط واقيفي بعيد انتي في حضرة مها

Post: #58
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-19-2008, 12:40 PM
Parent: #1

بأعتذر ليك يا سهام ويا خليل ،، أنا فعلا كنت لقيت إيميل بكري وطلبت منه اشترك،، بعد فترة إستجاب مشكور

أفتكر كان شهر 3

Post: #61
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 12:47 PM
Parent: #58

Quote: بأعتذر ليك يا سهام ويا خليل ،، أنا فعلا كنت لقيت إيميل بكري وطلبت منه اشترك،، بعد فترة إستجاب مشكور

أفتكر كان شهر 3

شفت يا ملاسي

الاعتذار الرقيق دها زي حق المتنبي

فاني اذا اعتذرت اليك احتاج اعتذاري اعتذارا

Post: #63
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 01:18 PM
Parent: #61

Quote: اعملي شخيط واقيفي بعيد انتي في حضرة مها الحضري

لوووووووووووووووووول
والله يا خليل ما قايلاك بتجهجه قدر ده...
بقيت تلخبط ما بين مهاالنقر و مها عيون
لكن ليك حق...........المهاتين ما عندنا فيهن كلام

Post: #64
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 01:23 PM
Parent: #63

Quote: والله يا خليل ما قايلاك بتجهجه قدر ده...
بقيت تلخبط ما بين مهاالنقر و مها عيون
لكن ليك حق...........المهاتين ما عندنا فيهن كلام

تشابهت الظباء علي خليل

فلم يدر خليل ماذا يصيد

Post: #67
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: عبدالكريم الامين احمد
Date: 06-19-2008, 01:43 PM
Parent: #64

Quote: اعملي شخيط واقيفي بعيد انتي في حضرة مها الحضري

ياخ الليلة ده يوم المتعة العالمي
يا احمد تجاني
يا احمد تجاني

يا ود التجاني انت وينك وين ؟؟

Post: #68
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 01:50 PM
Parent: #67

[[
Quote: ياخ الليلة ده يوم المتعة العالمي
يا احمد تجاني
يا احمد تجاني

يا ود التجاني انت وينك وين ؟؟

لازم احمد التجاني

واسلم علي مها زكريا

Post: #96
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hatim Yousif
Date: 06-21-2008, 10:57 AM
Parent: #67

Quote: يا احمد تجاني
يا احمد تجاني

يا ود التجاني انت وينك وين ؟؟

ياكيكي ... صديقنا أحمد التجاني ... تكاثر عليه (العزاب) في بيته ...
إستقبل اليوم (الصبي) الثالث في أسرته ... ليصبح منزله كمنزل (عزاب الحلة) حال خروج المدام للعمل ...
آملين أن يكتفي بهذا القدر من المحاولات لإستقبال (أجمل الكائنات)... خوفاً من الوصول به الى تشكيل فريق كرة قدم كامل ..
لذلك ... فأنه يعمل جاهداً هذه الأيام لإقناع (معتز ومهند) بإمكانية التعامل مع القادم الجديد ...

...

Post: #62
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: esam gabralla
Date: 06-19-2008, 01:06 PM
Parent: #1

لوووول

الفيك بدربو

يا هشام "احمر" و عندو طربوش و بقول باااااع؟

ملاسي

امسك في خليل ده قوى، بعلمك كيف تتحمل تبعات الخفة، خليي ما فارقة معاهو من كترة التضهب، و أأكد ليك حتكونو تيم رهيب شايف خليل بقا يتحدث باسمكم

Quote: لكن ما خسرنا كتير

يا خلى: ادى لينا سحس ده حصص في تقلة الجلد عند الخفة، باقي تقلة الجلد عندو ....

خسرت؟ ياخى ما تبقي طماع كمان، انت ربحان %1000 قبل ما تكتب البوست ده

بعدين شمايل المسكينة دى خليها في حالا و كريماتا

سيف

Quote: (قاصد عصام والصاوي وكدا!!)

اسه في زول سالك؟ في داعى للفضائح يا ابا مشيلح

يا مها ما يغشوك

Quote: ولو دايرة حرب الصور دي،،

العالمين دى منتظرة الحرب دى بالذات، و كل واحد عندو ضرس قديم او ضلع مكسرة .... تحت تحت كده: اخوك عاوز ليهو كم صورة كده و سهام بتوريك ( شايفين الخفة المجيهة يا ملاسي و خلى)

نمشي نشتغل

Post: #65
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: عبدالكريم الامين احمد
Date: 06-19-2008, 01:34 PM
Parent: #62

Quote: امسك في خليل ده قوى، بعلمك كيف تتحمل تبعات الخفة، خليي ما فارقة معاهو من كترة التضهب، و أأكد ليك حتكونو تيم رهيب شايف خليل بقا يتحدث باسمكم

والله شرطت عيينا كمهندسين حايمين في الاسافير دي
وبقت عليك خفة وخوة ملاسي...وانشاء الله يضوي ليك

وانا من امس بعدما قريت مداخلة عصام عرفت بحسي الامني بانه خلف هذا البوست مفاجاة من العيار الجميل..
واهو الاخت مهاطلعت بوردابية منذ مارس (تموز ولا حزيران ماعارف)
وانت ياخليل تشيل وتدق في القرب و صحبك الجديد ملسون منايا بعرض ليك..

غايتو انا بقترح انو الثنائي الجديد ده تتاح ليهو مساحة وزمن اسفيري
شكلنا كده موعودين بحاجات (جيوانبراشية) حتجنن وحتكون روتانا اسفير بس
سيرو ياخلي وملاسي
وعين عصام جبرالله سترعاكم

ومرحب بالاخت مها زكريا

Post: #66
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 01:39 PM
Parent: #65

كيكي كل يهون عشان

عشان النقر ودها اسم مها ايام الجامعة

ومن لم يحب صعود الجبال يعيش ابد الدهر بين الحفر

Post: #69
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 01:57 PM
Parent: #66

Quote: يا خلى: ادى لينا سحس ده حصص في تقلة الجلد عند الخفة، باقي تقلة الجلد عندو ....

خسرت؟ ياخى ما تبقي طماع كمان، انت ربحان %1000 قبل ما تكتب البوست ده

بعدين شمايل المسكينة دى خليها في حالا و كريماتا

يا عصام جبر الله

تعرف انا برضو لقيت مرة في الحضور مها زكريا لقيت ما اتخيلت انها دها النقر

لكن سهام المجمر ضحكت في الناس

لكن مافي خسارة يا جبر الله

يا عصام كيكي لما قابل ملاسي في الخرطوم لقاهو زول مسكين جدا ومودب جدا

دي حركات بوستات ساكت لا عليك منه

Post: #70
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 02:13 PM
Parent: #69

يا خليل بالاهى ما تبوظ لينا البوست ده

الكده و كده بيكون كده و كده اين ما حل و اين ما كان حتى و ان جهجهه الزمان فيزيائياكان ام اسفيريانرجع لمها اعتقد

انا و انت لازم ننتقم؟؟صااااااح
شنو مسجلة و لابده كده عشان تعملها فينا و تدقسنا
والا دقيستها نزلت رحمة و نور عليك
اذا لم تنتقم معى فأنى لازما و لابدا و حتما
منتقمة منها

Post: #71
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 02:21 PM
Parent: #70

انتقام ايه يا سهام

مها ليها هذه الهدية

Post: #72
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 02:30 PM
Parent: #71

Quote: انتقام ايه يا سهام

مها ليها هذه الهدية

ههههههههههاااااااااااااااااااى

والله ياها كانت المحرية فيك
ياكا خليل بى ذاتك بى صفاتك

Post: #73
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 02:36 PM
Parent: #72

Quote: والله ياها كانت المحرية فيك
ياكا خليل بى ذاتك بى صفاتك

نعمل شنو يا سهام

مع ناس ملاسي ديل لكن

Post: #74
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-19-2008, 02:55 PM
Parent: #73

شايفاك مصر و ملح (الاتنين بضم الحرف الاول و كسر التانى)؟؟

يحول سؤالك لعناية كيكى و الصاوى

خلينا مع الترحيب

مها بتجيك راجعة بس شيل الصبر

Post: #75
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد البشرى الخضر
Date: 06-19-2008, 02:56 PM
Parent: #1

عصام جبر الله يا عمك...
Quote: بالله الدنيا دى ما تمسي شوية كده و الشمس تغيب تلقي الضهب جاى يتطاقش و يتجارا على الكافتريا، تتاخر دقائق بس تجى تلقي دبايب و عقارب و صحراويي هندسة و طب مالين الكافتريا و يتلفتو زى المراوح، قاشرين و مسرحين و ماسحين الجزم و متريحين كمان .... و كل واحد رافع لافتة كبيرة غير مرئية مكتوب عليها : مشروع مهندس ـ دكتور/مشروع عريس .....
رغم اني في البداية ما عجبني كلامك دا و اتحسست منو - ام حتوت من اقتصاد وكدا
لكن بعد اعدت النظر كرتين لقيت معاك حق من شلتنا كمية كانو كاسرين ركبة بهناك
و عندي اولاد عمتي اتنين من ميكانيك برضو متزوجين من اقتصاد
السر شنو يكون ؟
غايتو كان في كورس في خامسة اسمو Engineering Ecnomic إحتمال دا السبب

Post: #76
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: elsawi
Date: 06-19-2008, 05:05 PM

Quote:
بس اوعك تطلعي صور الباقيين

(قاصد عصام والصاوي وكدا!!)
نقول شنو بس الفيك بدربو!!
سيف بشير انت نسيت انو انا محتفظ بي صورتك البقيت تشبه فيها جدك الله يرحمو؟
وعلى كل حال انا ما عندي مانع انزلها ليك هنا وانزل جنبها احدث صورة لي ونخلي الشباب يحكموا!!
اها رأيك شنو؟ وبعدين عصام ده ود صغير يادوب عرس قبال سنتين ومافي اي اسباب وجيهة تكبرو عشان كده سيبو خارج المنافسة!!

مها زكريا حبابك الف ومرحب بيك، ولو علمنا بوجودك لكنا رحبنا بك عند انضمامك في مارس ..
نصيحة هشام المجمر دي امسكي فيها قوي واحذري من الضهب خاصة المهندسين منهم لأنه ديل اسوأ انواع الضهب وانت ست العارفين من ايام الجامعة ..

الصاوي

Post: #77
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 05:38 PM
Parent: #76

Quote: نصيحة هشام المجمر دي امسكي فيها قوي واحذري من الضهب خاصة المهندسين منهم لأنه ديل اسوأ انواع الضهب وانت ست العارفين من ايام الجامعة ..

شنو يا الصاوي ما تتصلح معانا

Post: #78
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد فضل الله المكى
Date: 06-19-2008, 08:52 PM
Parent: #77

مهّويه ....لا

الدنيا بعدك كوم رماد

لا تنفع آداب لا اقتصاد

لا طب كمان لا صيدله

يا بكرى لا

بس مها دى

مثنى وثلاث ورباع

ود المكى

Post: #79
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 09:48 PM
Parent: #78

Quote: يا خليل بالاهى ما تبوظ لينا البوست ده
الكده و كده بيكون كده و كده اين ما حل و اين ما كان
حتى و ان جهجهه الزمان فيزيائياكان ام اسفيريا

أها غالط - كمان - يا عصام و انفي انك المقصود
بكدا و كدا في مطاعنة سهام المجمر أعلاه!!

Post: #80
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-19-2008, 10:11 PM
Parent: #79

Quote:
Quote: بأعتذر ليك يا سهام ويا خليل ،، أنا فعلا كنت لقيت إيميل
بكري وطلبت منه اشترك،، بعد فترة إستجاب مشكور أفتكر كان شهر 3

شفت يا ملاسي الاعتذار الرقيق دها زي حق المتنبي
فاني اذا اعتذرت اليك احتاج اعتذاري اعتذارا

و الله يا خليل أنا شايفو اعتذار عادي جداً؛ بس و كت قلت
عليهو زي حق المتنبي .. و خوتك كلامك ما يقع ال و ا ط ة

Post: #81
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-19-2008, 10:38 PM
Parent: #80

Quote: و الله يا خليل أنا شايفو اعتذار عادي جداً؛ بس و كت قلت
عليهو زي حق المتنبي .. و خوتك كلامك ما يقع ال و ا ط ة

حسنات المقربين سيئات الاشرار

Post: #82
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-20-2008, 10:09 AM
Parent: #81

الصاوي كيفك بعد غيبة

Quote: سيف بشير انت نسيت انو انا محتفظ بي صورتك البقيت تشبه فيها جدك الله يرحمو؟

انا الفهمتو انو حرب الصور دي مقصوده بيها سهام...

Post: #83
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: taha
Date: 06-20-2008, 10:39 AM
Parent: #1

سلام يا شباب يا حلوين

بي مناسبة حرب الصور اعلاه ... نحن غايتو شفنا الشافه

Post: #84
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: محمد عبد الماجد الصايم
Date: 06-20-2008, 11:08 AM
Parent: #1

وجود ملاسي بكثافة في هذا البوست أقلقني عليه

____________
يا زولة حبابك 1000

Post: #87
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-20-2008, 12:18 PM
Parent: #84

Quote: وجود ملاسي بكثافة في هذا البوست أقلقني عليه

وجاب صيوانو كمان

Post: #91
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: كمال علي الزين
Date: 06-20-2008, 06:08 PM
Parent: #84

Quote: وجود ملاسي بكثافة في هذا البوست أقلقني عليه

فيك الخير(ياحمودي العسل) , ياحنين وكلك طيبة

________________________________________

قلقك تأخر كثيراً , (ملاسي) قرب يطالب بأرشفة (الرجال الذين يصبغون شعورهم)فقد إنتوى وشراها

Post: #85
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: العوض المسلمي
Date: 06-20-2008, 11:17 AM
Parent: #1

خليل سلام

البوست شرب قبيييييييييل

بس قلت لازم اسجل حضور

وبكرر كلام زول في هذا البوست

عليك الله ده منبر يدخلن فيه حناكيش

الا يكونن من النوع القاتل

Post: #86
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-20-2008, 12:02 PM
Parent: #85

العوض

Quote: عليك الله ده منبر يدخلن فيه حناكيش

الا يكونن من النوع القاتل

والله كمان دي حنكوشة خمسة نجوم

Post: #89
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-20-2008, 01:38 PM
Parent: #86

كتبت ناهد بشير الطيب اليوم الجمعة 20 يونيو 2008:
Quote: خليل العزيز خالص الود ...
وبنادى معاك على بكرى لدخول مها....

Post: #90
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-20-2008, 05:35 PM
Parent: #89

يا مها زكريا

لو ملاسي دها رسل ليك ماسنقر كرباوي ما تردي ليهو

واعتبروهو missed call massenger

Post: #92
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-20-2008, 09:22 PM
Parent: #1

(والله كمان دي حنكوشة خمسة نجوم)

يا خليل،، إنت مصر على كلمة حنكوشة دي؟؟؟
عرفها لي ، أصل الكلمة دي شنو ،، وتعريفها وبتتقال لمنو ،، وبالشكل ولا بالفعل،،،

وتاني:: حنكشة الصغرة والجهلة أخير من حنكشة الكبر

Post: #93
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-20-2008, 10:16 PM
Parent: #92

Quote: يا خليل،، إنت مصر على كلمة حنكوشة دي؟؟؟
عرفها لي ، أصل الكلمة دي شنو ،، وتعريفها وبتتقال لمنو ،، وبالشكل ولا بالفعل،،،

الحكناكيش هم ناس شهادة لندن حسب تعريف عمك حسن ماكردة

ومن حب الحكناكيش امتحنت جيت الطيش

Post: #94
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-21-2008, 06:17 AM
Parent: #93

Quote: الحكناكيش هم ناس شهادة لندن حسب تعريف عمك حسن ماكردة

تعريف لا يبدو دقيق .. لانو على أيامنا كان في
أولاد من شهادة لندن عاملين فيها شيوعيين!

Post: #95
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: سلمي النصري
Date: 06-21-2008, 06:36 AM
Parent: #1

سلام

مها زكريا

Sister's School
???????

شهاده لندن....؟

سلام

Post: #98
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: rosemen osman
Date: 06-21-2008, 11:57 AM
Parent: #95

هو يا خليل أنت بجى منك الا كل جميل

Post: #99
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-21-2008, 12:07 PM
Parent: #1

لا أعتقد أنو الحنكشة ليها علاقة بالمدرسة أو الشهادة

لكن هل الحنكشة هي سلوك ام مظهر؟؟؟؟

روزمين ،، مرحب بيك إنت كمان،، أنا معجبة جدا بكتابتك

Post: #100
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: عمر الحبر
Date: 06-21-2008, 02:13 PM
Parent: #1

حبابك ملاييين يا مها زكريا والله البوست بتاعك دة لما لينا
اصدقاء من الزمن الجميل . وليد وكيكى والصاوى وعصام جبرالله
واهلنا كمان زى العوض على العموم مرحب بيك
Quote: عرفها لي ، أصل الكلمة دي شنو ،، وتعريفها وبتتقال لمنو ،، وبالشكل ولا بالفعل،،،

والله انتى احسن حاجة تقولى انا حنكوشة لكن منسلخة طبقبا
التحية عبر بوستك للصاوى وعصام جبرالله ال لينا منهم عشرات السنين

Post: #101
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: nada ali
Date: 06-21-2008, 02:47 PM
Parent: #1

مها زكرياشخصيا؟

البورد نوّر

الف مرحب

ندى مصطفى

(من الدفعة التى اكل عليها الدهر و شرب يا شمائل -- انا روحى رياضية ما زى سهام المجمر )

و فعلا البوست بقى و لا كافتريا اقتصاد
(مع التحفظ على بعض مما كتبه عصام جبر الله)

و سلام للاصدقاء/ات هنا!

Post: #102
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: سلمي النصري
Date: 06-21-2008, 03:45 PM
Parent: #1

سلام مها

احتمال للصدف بس جاء ردي خلف مشاركات المشاركين واستعمالهم لكلمه حناكيش
والتي لا احبها اطلاقا ...

لكن هذا لم يكن قصدي اطلاقا .....
انا بس كنت بتساءل هل انت مها زكريا الدرست معنا في سستر سكول ام لا
وعندما رايت اسمك تذكرت ايام المدرسه ووجهك الضاحك وطفرت الي ذهني ذكريات
جميله خاصه بطفولتي وبدايه شبابي وارتبطت هذه الذكريات في مخيلتي بامي رحمه الله عليها..

ارجو المعذره ان ضايقك تعليقي فهو لم يكن سوي تساوول هل انتي من اعنيها ام لا..
وفي جميع الاحوال لك سلامي....

سلمي عبد العزيز النصري

Post: #103
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-21-2008, 05:37 PM
Parent: #102

هلا بسلمي النصري وندي علي وعمر الحبر

وكل الحلويين

ملاسي ازيييييك

Post: #104
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: hanouf56
Date: 06-21-2008, 05:55 PM
Parent: #103

Quote: اللقب: maha zakaria
: .

عدد البوستات: 7
تاريخ التسجيل: 21-03-2008
محل الاقامة:
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى:
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال:
معلومات اضافية:
مكان العمل:
مكان الميلاد فى السودان:
صورتى:

Post: #105
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-21-2008, 05:58 PM
Parent: #104

اجمل بروفايل والله في عام 2008

Post: #106
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-21-2008, 06:48 PM
Parent: #1

أنا ما متذكرة إنو أنا مليت فورم البرفايل..
عموما لو مساعدة كدة علشان أعرف املا فيه معلوماتي

سلمى ، ازيك، ياها أنا مها ، سستر سكول وإقتصاد إحصاء. ,انا كمان روحي رياضية جدا، من دفعة أكل عليها الزمن وشرب ، وبناتي ماشاءالله شوية ويدخلوا الجامعة. . وشكرا على الترحيب.

ندي أزيك ،،

أنا أبدا ما إتحسست من كلمة (حنكوشة) حسي ، لكن زمان في الجامعة لما كانوا يقولوها لي، كنت بأحس كدة بانه بيعزلوني ، (يا حنكوشة زحي بعيد ، ما حتفهمينا )

حسي ممكن أقول ليك إنها دي كلمة عنصرية شوية
وفعلا ، looking back ، بأفتكر إنه الكلمة دي فعلا عزلتني شوية عن الناس في الجامعة ، ما عدا قلة ، لا زلت أعتز بصداقتهم جدا.

في دفعتنا ، يمكن كنت الوحيدة من شهادة لندن ،، لكن كان في بعضهن وبعضهم (أحنكش مني) .

سهام عارفاهم كوييييس

قولي يا سهام

Post: #107
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-21-2008, 07:42 PM
Parent: #106

Quote: ملاسي ازيييييك

تمام .. تمام جداً يا خليل .. و ذلك على الرغم من وصف ندى مصطفى و مها زكريا لتلك الدفعة
بأن أكل عليها الدهر و شرب؛ إلا أن ذلك لم يؤثر على معنوياتي و زكائب معنويات من يليني.

Post: #108
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-21-2008, 08:07 PM
Parent: #107

Quote: لانو على أيامنا كان في أولاد
من شهادة لندن عاملين فيها شيوعيين!

لمن راسلني مستفسراً عمن اقصد أقول
بأنني أقصد يوسف و ياسر السمين!!

Post: #109
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Ashraf Abdel-Muty
Date: 06-21-2008, 08:23 PM
Parent: #108

والله ما عارف منو ارحب ب منو ؟؟ على العموم الاخت مها منوره والله
العزيز حاتم شايفك بتسال من الصاوى امير انا حاليا فى الامارات
فى اجازه ونازل معاه ممكن ابيع ليك رقم تلفونو
الخال العزيز الصاوى محمد حامد طولنا ما شفناك تحياتى لك
و للاسره الكريمه و للاخ حامد

Post: #110
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: nada ali
Date: 06-21-2008, 09:55 PM
Parent: #1

العزيزة مها، مرحب بيك تانى،

انا هسة متين جبت سيرة الحنكشة؟ دى سلمى النصرى.

اتفق معك، اذا تعدّى استخدام كلمة "حنكوشة" (و "أغبش" -- ليه مافى "غبشاء"؟) المزاح، فانها تصبح كلمة لعزل الطالب/ة مثل الكلمات الاخرى السخيفة التى تستخدم مثلا لوصف الطلاب من خارج العاصمة...الخ) و هذا مؤسف لان ايام الجامعة كانت فرصة للتعرف على اخوة و اخوات اعزاء من جمبع انحاء السودان.

و يا ملاسى، بس علشان ما تزعل انت او هندة تزعل، حكاية اكل عليها الدهر و شرب دى جابتها شمائل و انا فقط قلت ان روحى رياضية، لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟

Post: #111
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: حليمة محمد عبد الرحمن
Date: 06-21-2008, 10:01 PM
Parent: #110

Quote: بكري ابوبكر جميلة جميلات اقتصاد عائزة تخش ما تدخلها وينولك ثواب

تقول من نور هي مخلوقة.. ربنا شال من احلى صفات ردم فوقا..
لاجل الجمال الفاتن..
ولانه " في الانبياء خالق مشاكل"
معاَ (لتدجين) كتاحة البوست.. وتهذيب (الملافظ)، وصولا الى المشاكل السعيدة..
اوقع..D
تخريمة:
----------
يا بكري مستنى شنو؟ اوعى تعمل تقيل لغاية ما يسقوك موية الغسيل..
:

Post: #112
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: احمد التجانى احمد
Date: 06-21-2008, 11:42 PM
Parent: #1

مها زكريا لاجدال فى انك كنت احد
اعمدة الجمال وال STYLE
ايام دفعتنا واتفق معك انه حناكيش
مصطلح غير دقيق لعزل الناس وفرز الكيمان
وياما التقينا بمن كانوا مصنفين كحناكيش
اسعدوا ايامنا وكانوا ومازالوا اخوة كرام
واولاد بلد يعجبوك

خليل انا عاذرك لعدم تهنئتك لى بالمولود الجديد
لانك مافاضى من مها زكريا دخلت فى حزيران ولا ايلول
طبعا انت شايل الابريق من الالفية التانية
وتعرف اسم وليد كان مرشح قوى الا شايف حظوظه تضاءلت
بعد اصرارك على تهميش الامير الجديد

Post: #113
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: سلمي النصري
Date: 06-21-2008, 11:53 PM
Parent: #1

Quote: انا هسة متين جبت سيرة الحنكشة؟ دى سلمى النصرى

هذا ما ذكرته الاخت ندي علي
بصراحه ندمت اشد الندم علي دخول هذا البوست.

الاخت ندي ارجوك راجعي المداخلات بعنايه لكي تعرفي ماذا قلت..ولك الشكر.

الاخت مها ووالله لم اتفوه بكلمه حنكوشه ولا حناكيش في حياتي واكررها لك ...

في حياتي كلها...

دخولي هذاالبوست فقط كان من اجل التاكد من ان مها زكريا المذكوره هي من درست معنا
في سستر سكول وللترحيب بها فبعد تفرقنا بعد امتحانات الشهاده افرح فرح شديد عنما التقي باحدي الاخوات ممن كانوا معنا, بالمدرسه حتي لو لم تكن صديقتي عن قرب... و يا مها يا اختي صحيح كلمه حنكوشه بتخلي الواحده مصنفه بطريقه مختلفه.., لكن بالنسبه لي اخذت الامر ببساطه عندما كنت بالاهليه وقبلها عنما درست خارج السودان ..بل لقد وصل الامر بزملائي علي مناداتي بالملكه اليزابيث..و اعتبرتها مزاح وانتهي الامر,

اسفه جدا علي الدخول في هذا البوست.

سلام
يا مها انا لست في الخرطوم انا في مونتريال..لكي سلامي ولاسرتك.

Post: #114
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: nada ali
Date: 06-22-2008, 00:30 AM
Parent: #1

الاخت سلمى،

اعتذر اذا كنت قد اوردت اسمك خطأ، فلم اقرأ جميع المداخلات هنا لكنى اردت فقط تنبيه مها(فهى ردت لى على مداخلتك، و ردت لك على مداخلتى).

كلمة "حنكوشة" ما شتيمة، و انت برضو باين عليكى حنكوشة (وجه ضاحك).

Post: #115
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: elsawi
Date: 06-22-2008, 02:45 AM
Parent: #114

Quote:
والله ما عارف منو ارحب ب منو ؟؟ على العموم الاخت مها منوره والله
العزيز حاتم شايفك بتسال من الصاوى امير انا حاليا فى الامارات
فى اجازه ونازل معاه ممكن ابيع ليك رقم تلفونو
الخال العزيز الصاوى محمد حامد طولنا ما شفناك تحياتى لك
و للاسره الكريمه و للاخ حامد
يا اشرف يا ود يا مفعوص انت جيت هنا متين؟
و جيت براك ولا جا معاك زول كبير؟
و بعدين خال دي شنو؟ يخلخل ضروسك انا هسه اكبر منك بي شنو؟ كلها خمستاشر سنة
وكيف اكون خالك و امك عمتي و ابوك عمي؟ دي اسأل منها الصاوي امير بيشرحها ليك
و الله انا سعيد جداً بهذا اللقاء الإسفيري و اكثر سعادة لأنه انضم لنا فرد جديد من العائلة و ان شاء الله تكون إضافة كبيرة لهذا المنبر .. تحياتي للصاوي امير و اسرته و ياريت ترسل لي إيميله و رقم تلفونه عبر الماسنجر لأنه حقيقة انا لي اكثر من 17 سنة ما لاقيتو، و ايضاً تحياتي للعمة سامية و العم عبد المعطي و سلام وتحايا خاصة لجدي امير ولكل الأهل .. سلامك لحامد سيوصل و هو بالمناسبة عضو هنا برضو لكنه قليل الكتابة ..
الصاوي

____________________________________________________________
معليش يا خليل ويا مها زكريا خرمنا ليكم من موضوع بوستكم لكن ما كنت عارف انه ود عمتي المفعوص ده جا داخل في كوتة بكري الأخيرة ..

Post: #116
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-22-2008, 07:07 AM
Parent: #115

Quote: حكاية اكل عليها الدهر و شرب دى جابتها شمائل و انا فقط قلت ان روحى رياضية، لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟

لوووووووووووووووووووووول
ندى مصطفى والله الا تعملى ليك ساتر من سبف و الصاوى
ياخ بركه البوست مها الجابك مقلعه و الا زماااااااااان يا وومن
الرسول فيك عاد كما اتحفتينا ... والله شوق لما الكتابة غلبتنى

منو؟ سيرت من؟ و كيف؟ ومتين؟؟ الصاااااااااااااااااااوى امييييييييييييييير
والله ايام سلام ليك يا اشرف و مرحب بيك فى المنبر و فى البوست ده تحديد
والله انت جبت لينا ريحة دعاش ما فى زيها تحية و سلام كبير عبرك لصديقى "الشاب الوجيه" وسلام مربع الف مره لى ماجده العسل

الصاوى الولد اشرف ده لو ما شكمته من هسه بكره ح يقول ليك يا حاج
و القصه دى ما كويس لنفسيات ناس كتار هنا
ياخ شوق شديد

عصام جبرالله عليك شوف البوست ده ماشى كيف؟ شوف الناس القلعت دى كيف

يا خليل
اها قلت لى الحنكوش منو.. انا ما كلمتكم يا جماعة مها دى بقت اغبش منكم/ن

سيف بشير حرب الصور على و على اعدائى (وجه ضاحك قر قر قر قر)

الصاوى الرسول نزل لينا الصور الخاف منها سيف دى

Post: #117
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Shamael Elnoor
Date: 06-22-2008, 07:58 AM
Parent: #116

لا حول ولا قوة الا بالله
الواحد مايدوكم ضهرو
ياجماعة اكل الدهر عليها دى زعلتكم كدا ليه؟؟

اولا البوست منزلو خليل يعنى انا فهمت انو دفعة مها ،،، بعدين خليل دي يكبرني بعقدين من الزمان

ثانيا: انا قريت آداب وكنا بنتكل فى اقتصاد علىشارع النيل وكدا وقلت لنى ماعرفت مها دي

ثالثا: يا سهام المجمر انا لايماك ماجبت لى اسم الجل عندى عرس فى الايام الجاية دى وناوية على الكيرلي

Post: #118
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-22-2008, 08:00 AM
Parent: #116

Quote: بصراحه ندمت اشد الندم علي دخول هذا البوست.
Quote: اسفه جدا علي الدخول في هذا البوست.

ما جابت ليها اسف و ندم يا سلمى .. الموضوع بسيط .. بسيط جداً.

Post: #119
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-22-2008, 09:04 AM
Parent: #118

قال خليل اكبر منى بعقدين من الزمان ...قصد اكتر من كده شنو يا شمائل (وجه مفرفر من الضحك)
اها انتى تعاين فى الفيل و تطعنى فى ضله.. ما ياها مها حايمه هنا ما تسأليها عديييييييييييل
انا الحاجة الوحيده الممكن انصحك بيها لعرسك ده هى ان تلحقى شعراتك بعمل اربعه كعكعات كاربات
اتنين قدام ذى انوار الفولكس فاجن و اتنين ورا
واذا الحكاية ما عجبتك احولك لندى مصطفى توريك كيف تلفى القصه

اها كيف معاك؟؟؟

Post: #120
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-22-2008, 09:39 AM
Parent: #1

سلوم يا زولة ،، أنا أبدا ما زعلت ، ويمكن أكون لخبطت في الردود ، معليش, وعليك الله ما تتأسفي لدخول البوست دة. أنا فرحت جدا بملاقاة الناس دي كلها.

بالعكس، أنا كمان لما أشوف أو ألاقي أي زول من ناس زمان بأفرح فرح شديد. أنا متابعة المنبر دة من أكتر من سنة لأني بألقى فيه ناس زمان الزمن الجميل
(زمن الزمان زين والشعر للأضنين)) الكيرلي شفتوهو في الصورة اللي نزلتها سهام من وراي

أها ،، حقو دي تكون فرصة للناس يلحقوا أخبار بعض ، ويمكن يتلاقوا (to catch up)

خليتكم بخير وعافية، بداية إسبوع وكدة

Post: #121
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-22-2008, 10:25 AM
Parent: #120

مها ينولك ثواب ورى شمائل دى الكيرلى دااااااك عملتيهو كيف؟؟!!!

Post: #122
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-22-2008, 10:41 AM
Parent: #1

قالوا ليك بتذك انا يا سهام
ر،،
أنحناما أكل الزمن علينا وشرب

بعدين الواحد أيام الصغرة كان أي حاجة بيجربها للشعر أو الوش

تتذكري الراجل الكان بيبيع النبق والدوم داك ؟؟ كان طلبنا منه شنو؟؟

وقعد أسبوعين علشان يجيبه لينا ، وبعد داك أشك إنه الأصلي!!!!

غايته كلمي شمايل تجربه ، يمكن ينفع معاها
((عشرة وشوش ضاحكة))

Post: #123
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-22-2008, 11:20 AM
Parent: #122

يا مها انتى جنيتى و الا شنو؟؟؟؟؟؟؟؟؟؟؟؟؟
الله يجازى محنك
هسه باقى ليك لو قلنا الكلام ده هنا فى زول بيصدقو
يا بت يا شمايل طالما جابت ليها مريق قصص ذى دى و تهديدات صور
انسى لموضوع و ارجعى للكعات احسن ليك

مهااااااااااااا قال عشرة وشوش ضاحكة... ياخ قولى مية وش فطسان
من ذكرى الريحةساااااااااااااااى ...قال ما اصلى قال
والله لوووووووووووووووووووووول يا فردة

Post: #124
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-22-2008, 11:34 AM
Parent: #123

يا خليل .. فجأة كدا البوست اتحول و بقى بتاع سهام و مها .. شنو !!

Post: #125
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-22-2008, 11:43 AM
Parent: #124

Quote: يا خليل .. فجأة كدا البوست اتحول و بقى بتاع سهام و مها .. شنو !!

فعلا انطبقت علينا الاغنية البتقول

وروني العدو واقعدوا فراجة

قعدنا فراجة يا ملاسي

Post: #126
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Shamael Elnoor
Date: 06-22-2008, 03:17 PM
Parent: #125

ياسهام المجمر
اسال مها ليه انت وخليل مش القائم بالاعمال

بعدين مها طلعت ماخدة عضوية يعنى انت وخليل موضوعكم استحم

على اى حال يا مها زكريا مرحب بيك وزى ماقريتي عندى عرس فى اليومين الجايين انقذيني باسم الجل

قلت لى ياسهام كعكات ،، اها بباندات ولا لساتك ملونة ولا بنس؟؟

ملاسي
البوست بقى كدا لو ماعجبك امشي اعمل شعرك كيرلي

Post: #127
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-22-2008, 05:44 PM
Parent: #126

Quote: اسال مها ليه انت وخليل مش القائم بالاعمال

شمائل النور

وين وين تلقوا زي دها

خليل شحد الله والله ادها

كرع

Post: #128
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Ashraf Abdel-Muty
Date: 06-22-2008, 08:01 PM
Parent: #127

العزيز خليل احسن تكلم بكرى اغير ليك اسم البوست
الى اقتصاد ولم الشمل

انتى يا سهام دفعه كم عشان اعرف اقول شنو من الالقاب
وممكن تختارى من ديل الاخت - العزيزه - الخاله - الوالده

على العموم الدعاش زاتو متابع و برسل لكم التحايا

العزيز الصاوى انا كبرت و بقيت بطلع براى

كل الود

Post: #129
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-22-2008, 11:18 PM
Parent: #128

Quote: انتى يا سهام دفعه كم عشان اعرف اقول شنو من الالقاب
وممكن تختارى من ديل الاخت - العزيزه - الخاله - الوالده

عبد المطي

سهام ما دفعة مها

انت مافي معلوم وللا شنو

Post: #130
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hatim Yousif
Date: 06-23-2008, 08:46 AM
Parent: #129

أشرررررررف

تلفون الصاوي أمير الصاوي في الخاص لو سمحت ..
ياخ قريبك ده أنا ماشفته من زمن كان أحسن واحد يوزع Polo
____________

أصحاب البوست .. نأسف للمقاطعة ...

Post: #131
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-23-2008, 09:46 AM
Parent: #130

شمائل و الله غتاتت مها معاك دى ما عجبتنى
كدى خلينى اديها سلك اهرشها لان حالة شعرك حننتنى
على خلفية بوست سابق لخليل الظاهرالكيرلى بتاع مها فشاهو شويه
عشان كده قعد يغنى لينا خليل شحد والله اداه
لكن نان هو اداهو ساى ما عدييييييييل كده الله فتحها عليهو

يا اشرف ياخ ما قلنا فى الماسنجر مها..الصاوى دفعتى لكن ما قدرى انا اصغر منهم!!!
لكن اسوى شنو صاحبت عمك تبقى عمتك
اها قول لى يا عمتى انشألله عنهاالايام ما رجعت

Post: #132
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-23-2008, 11:31 AM
Parent: #131

Quote: انتى يا سهام دفعه كم عشان اعرف اقول شنو من الالقاب
وممكن تختارى من ديل الاخت - العزيزه - الخاله – الوالده

تحسبو لعب!

Post: #133
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-23-2008, 11:45 AM
Parent: #132

Quote: تحسبو لعب!

ملاسي

اين المحتفي بها

Post: #134
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Hussein Mallasi
Date: 06-23-2008, 11:59 AM
Parent: #133

Quote: اين المحتفي بها

اختزلوا الموضوع كلو في جل و ما جل .. زهجت .. مشت.

Post: #135
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-23-2008, 12:12 PM
Parent: #134

Quote: اختزلوا الموضوع كلو في جل و ما جل .. زهجت .. مشت.

والله ملاسي كلام صاح

الناس بتتكلم عن سلطة وثروة وابيبي

وبت سمحة

شمائل معلقة جل جل

خلي يولي

Post: #136
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-23-2008, 12:44 PM
Parent: #1

لا والله ما زهجت مشيت ، أنا لاقية الناس دي كلها وين، لكن الدنيا نص إسبوع وقاعدين في معافرة بلدنا ومعايشها.

Post: #137
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-23-2008, 02:10 PM
Parent: #136

كيفك يا ندى

Quote: لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟

انا هسع ما متذكر، الصاوي دفعتي وللا لا؟؟ اتخيل لي لا، لانو لما كنت في خامسة، سكنا في داخلية واحدة وهو كان في رابعة... لكن الما متأكد منو فعلاً هو عصام جبرالله - وما عارف ليه انت اغفلتي اسمو...

وإذا أصلو دفعتنا نحنا ذاتها أكل عليها الدهر وشرب، أمال ناس حسن عبدالسلام يقولوا ويعملوا شنو (يا حسن انت اول زول اتذكرتو من الدفع "وليس الدفعة" القدامنا... زي ناس جعفر هاشم وكدا)

ويا سهام مافي اي داعي ندى تاخد اي ساتر... عامل السن برضو ليه اثرو (يعني في علاقتو بضروس العقل وهكذا)

سيف

Post: #138
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-23-2008, 02:37 PM
Parent: #137

سيف بشير يا فردة لكن كا دفعة طبعا

قبل فترة فردتى البتعرفها و مافى داعى لذكر اسمها هنا لانها جنها و جن ناس سودانيزاون لاين ديل
المهم قالت لى انا ماشة معاك بيتك تعالى غاشيانى اها سقتها وقفنا نشيل حاجات من الكان القريب من البيت
قام الولد قال لى اها دايره شنو ياخالة ..طبعا فلانه حدجتنى بنظره فظيعة الولد دخل الكان من هنا و انا اضنينى اتقلعن من هنا
و انتهت بتهديد انها تانى ما ح تركب معاى عربية كيف يعنى اسمح لولد شنبه قام يقول لى يا خاله
طبعا عارفنى قلبى ميت كنت بضحك بث

Post: #139
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: saif basheer
Date: 06-23-2008, 03:59 PM
Parent: #138

بتحصل عادي يا سهام... مع انو ما حصلت لي أنا لسه.. لكن قربت، لاني اتذكرت قصة "ياسر حنا" لما كان في اجازة في السودان ووصل ليه شباب معاه في طريقه، ولما نزلوا بادر احدهم "تُشكر يا والد"!!

Post: #140
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-23-2008, 05:43 PM
Parent: #139

سهام

ناس دفعتنا في عمر النبوة كلهم

Post: #141
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-25-2008, 11:03 AM
Parent: #140

Quote: لا والله ما زهجت مشيت ، أنا لاقية الناس دي كلها وين، لكن الدنيا نص إسبوع وقاعدين في معافرة بلدنا ومعايشها

يا مها الاجازات في لندن زي زمان وللا غيرتي لمونت كارلو

Post: #142
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-25-2008, 12:24 PM
Parent: #141

Quote: يا مها الاجازات في لندن زي زمان وللا غيرتي لمونت كارلو

عالم حاقدة جنس حقد

لووووووووووووووووووووووووول

Post: #143
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-25-2008, 12:30 PM
Parent: #142

Quote: عالم حاقدة جنس حقد

لووووووووووووووووووووووووول

عارفة طوال سنوات الجامعة وانا اسمع بعض الزملاء بمشوا لندن

وكنت بشوف لندن كالاحلام ومتمني زيارتها

هسع حاقدم لتاشيرة في الدوحة هنا

وشهر تمانية حامشي اشوف لندن لي الزمن وامزق فاتورة لندن وبعد داك نقبل علي فينيسيا

Post: #144
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-25-2008, 12:31 PM
Parent: #1

يا خليل هوووي،،،، إنت لسة ما جاوبتني علي تساؤلي ،،،،
حنكشة الصغرة ولا حنكشة الكبر؟؟؟؟؟؟

وبعدين انت لسة من زمن لندن؟؟ الناس بقوا يمشوا يصيفوا في بلاد تانية يا أخوي

لكن جد فايتاك سخانة معتبرة هنا.... وكمان معاها كتاحة أمبارح ،، وشوية قطع كهرباء ظريف كدة،، غايته مستمتعة في مونت كارلو أكتر من لندن..

أها يلا حأقول أنا مصيفة وين المرة دي ، لكن ما تقول لسهام لأنو إتواعدنا نمشي كلنا سوا
((((همسا ... همسا...))))
زانجبار

Post: #145
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-25-2008, 12:37 PM
Parent: #144

Quote: أها يلا حأقول أنا مصيفة وين المرة دي ، لكن ما تقول لسهام لأنو إتواعدنا نمشي كلنا سوا
((((همسا ... همسا...))))
زانجبار

ما تخلوها المالديف ونتلاقي كلنا هناك وجيبوا معاكم ندي وزلفي واماني حسن وايناس خيري

Post: #146
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: Siham Elmugammar
Date: 06-25-2008, 01:06 PM
Parent: #145

Quote: ما تخلوها المالديف ونتلاقي كلنا هناك وجيبوا معاكم ندي وزلفي واماني حسن وايناس خيري

يا خليل ياخ مالك عاوز تبكينا ياخ
وبعدين خت اسم غادة كدوده
عشان الشلة تكتمل
والله عاوزه احكى ليك حاجه عن شلتنا دى بس خايفه حسادتك و حسادة من لف لفك

Post: #147
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: khaleel
Date: 06-25-2008, 06:02 PM
Parent: #146

Quote: والله عاوزه احكى ليك حاجه عن شلتنا دى بس خايفه حسادتك و حسادة من لف لفك

يا سهام

زمان قبل الراس ما انصلع والضرس ما انقلع

ما حسدتكم احسدكم هسع

حقارات ولبس كدارات

Post: #148
Title: Re: بكري ابوبكر جميلة جميلات اقتصاد عائزة تخش ما تدخلها وينولك ثواب
Author: maha zakaria
Date: 06-25-2008, 10:01 PM
Parent: #1

سهام يأختي ، تحكي شنو ولا شنو ولا شنو.........
ولا شنو؟؟
ويا خليل ،، لقيتك حريف شديد .

سهام ، عاد في قصص ممكن نحكيها لكن تانيات خليهن لامن نتلم

كدي أبتدي