معاً من أجل تغيير شعار جامعة الخرطوم وحذف كلمة "الله" منه

الكلمات التي في الشعار، الركن الأعلى يمين هي

"الله.. الوطن .. الحقيقة .. الإنسانية"


مرتضى جعفر

معاً من أجل تغيير شعار جامعة الخرطوم وحذف كلمة "الله" منه

لطالما فكرت في هذا الشعار ذي الأربع كلمات "الله، الوطن، الحقيقة، الإنسانية" الذي تضعه جامعة الخرطوم شعاراً لها حتى من قبل انقلاب 30 يونيو 1989. ولطالما شعرت بأن كلمة الله الموجودة في هذا الشعار قد "حشرت" حشراً أشتم منه رائحة استغفال الكيزان للشعب السوداني، تلك اللعبة التي أدمنوها مع هذا الشعب. ولطالما أقنعت نفسي بأن من حشرها لابد وأن له صلات بتيار الإسلام السياسي في السودان، وأرجو إن كنت مخطئاً أن يصححني من يعرف السياق الذي وضع فيه هذا الشعار.

وكثيراً ما فكرت في الآية القرآنية الموضوعة بداخل الـ"Exam Hall" قاعة الامتحانات الكبرى "وما توفيقي إلا بالله"، ألا يحق لنا أن نسأل كاتبها بأي ذنب كتبت؟ وهو يعلم أن من بين الممتحنين المسيحي ومعتنق الديانات المحلية وغيره. الدين لله والوطن للجميع. فحتى كلمة "الله" الموضوعة في الشعار ترمز لإله المسلمين، الواحد الأحد، بينما الجامعة درس ويدرس بها مسيحيون وأصحاب ديانات محلية من الجنوبيين، فبأي وجه حق يفرض عليهم إله المسلمين؟ من هنا كانت فكرة فصل الدين عن التعليم مكملة لفكرة فصل الدين عن السياسة في رسم معالم العلمانية.

الجامعة كمؤسسة تعليمية وتربوية تقصد خدمة الوطن في المقام الأول برفده بالعلماء والباحثين وبحوثهم، والذين يفيدونه في ضروب الحياة المختلفة بالتالي فوجود كلمة الوطن مستساغة ومفهومة، وكذا الحال بالنسبة للحقيقة والإنسانية، فما قيمة العملية التعليمية بدونهما؟ لكن ليدلني أحد من معارضي فكرة هذا البوست، المحتملين والمعروفين، إلى دلالة واحدة أو واصرة واحدة تربط بين الجامعة، والدين مطلق دين، لا دين بعينه. فقد يكون مفهوماً وضع كلمة "الله" في شعار جامعة القرآن الكريم أو حتى الجامعة الإسلامية لكن في جامعات لا تضع الدين في خارطة مناهجها ولا محركاً ولا غاية لبحوثها لا مكان لكلمة الله في شعارها.

هذه الفكرة وفي هذا الوقت قد تكتسب زخماً خاصاً، يختلف عن أي وقت مضى أو ربما سيأتي. فنحن الآن نخطو خطوات واسعة نحو دولة المواطنة والحقوق والواجبات المتساوية التي مجال لتمييز عرقي أو ديني أو ثقافي فيها، ولعل هذا هو مرد هذا الزخم. فالمعركة مع الإسلام السياسي أساسية وجوهرية في هذا السياق ولا مهرب من خوضها بكل ما تحمل من ضراوة وشراسة. وهذه المراجعة يجب أن تشمل حتى كلمات النشيد الوطني. فأي إله ذلك الذي نحن جنده؟ أهو الله الرحمن الرحيم، أم هو "ألآب والابن والروح القدس" أم هو "الكجور"؟ هذا مع كامل احترامي لمسلمي ومسلمات السودان، فهم ببساطة ليسوا كل السودان. وقد حانت لحظة رد الحقوق إلى أصحابها، تلك الحقوق السليبة منذ 1/1/1956.

الجبهة القومية الإسلامية حولت جامعة الخرطوم والجامعات الأخرى إلى خلاوى يدرس فيها عبد الحي يوسف والكاروري ومن هم على شاكلتهم، وأصبحت في عهد الهوس الديني أبعد ما تكون عن الحياة الأكاديمية والعلمية. فمجرد التوقيع على نيفاشا لا يعطي ضمانة لبناء دولة المواطنة. ما يعطي الضمانات هو مسار التنفيذ والتقليل من حمولة التدين وتمييز المسلمين دون سواهم في دولة المشروع الحضاري التي ما عاد لها من وجود بعد نيفاشا. ففكرة البوست أعمق من تغيير الشعار أو كلمات النشيد الوطني.


مرتضى جعفر

مرتضي جعفر..

مالك حاذف كلمة الله؟؟

الله دي ما بترمز للمسلمين لوحدهم..

الالوهية والايمان بيها دا معتقد للمسلمين والمسيحين واي زول مؤمن

إن شاء الله مؤمن بجدادة(دجاجة)..!

والسودان بلد يدين بالاسلام والمسيحية ..ودي الاديان الرسمية

للبلد..يبقي من حق المسلمين والمسيحيين يكون مكتوب ليهم كلمة الله وهي

رمز الايمان في جامعتهم الام(جامعة الخرطوم)..

ماعارفة لكن اتذكرت سباق الحمير..!

سؤال : هذا الشعار من الذي وضعه؟؟؟؟؟








تخريمة : الله (في)

Quote: وكثيراً ما فكرت في الآية القرآنية الموضوعة بداخل الـ"Exam Hall" قاعة الامتحانات الكبرى "وما توفيقي إلا بالله"، ألا يحق لنا أن نسأل كاتبها بأي ذنب كتبت؟ وهو يعلم أن من بين الممتحنين المسيحي ومعتنق الديانات المحلية وغيره. الدين لله والوطن للجميع. فحتى كلمة "الله" الموضوعة في الشعار ترمز لإله المسلمين

الأخ مرتضى جعفر
حقيقة إستغربت جدا من طرحك ..
فبغض النظر عن مخالفتك لنظام الكيزان أو خلافه .. فإن الله الواحد هو إله المسلمين والمسيحين ..
وما اعتقد انه التنازلات تكون لدرجة أن يزال إسم الجلالة نسبة لأنه هناك أصحاب ديانات محلية لا يؤمنون بالله الواحد .. ويتضررون من وجود إسمه جل تعالى ..
النقاش قد يطول في مثل تلك الأمور .. لكنني إكتفيت بالإشارة فقط ..

Quote: كلمة "الله" الموضوعة في الشعار ترمز لإله المسلمين، الواحد الأحد، بينما الجامعة درس ويدرس بها مسيحيون وأصحاب ديانات محلية من الجنوبيين، فبأي وجه حق يفرض عليهم إله المسلمين؟

Quote: الله دي ما بترمز للمسلمين لوحدهم.. الالوهية والايمان بيها دا معتقد للمسلمين والمسيحين واي زول مؤمن إن شاء الله مؤمن بجدادة(دجاجة)..!

.. (والــــــله) يا ابقراط ضحكتني من الصباح وقبال ما اكمل الساندوتش دا وقبال ما اشرب لي ( بقـه) من القهـوة .. بتاعت بخاري المررة دي ..
عندي فكرة (بقق) القهوة دي اديها الحوض ولامؤاخذه يعني .. لانو كدا دا الواحد مزاجو اتعدل .. يقرا ليك بوست من الصباح يحس انو راسو ساتعدل ..
المهم يا انا بقترح عليك بعض الاقتراحات بتساعدك في الحركة بتاعتك دي:
1- وإنت نازل السودان لوووووو فكرته تنزل بالدس طبعا زي اخونا بشاشا (الإلــه ) حاول اشتري معاك علبة بتاعك بوهيــة لونه يكون ( فوشي ) وشيل معاك علبة (تنــر) واخلط اللون الفوشي دا مع لون (حنطي) يا طلع ليك لون (حرجلي) يا لون (بصلي) اختار ليك اي من اللوان دي واقيف جمب اليافطة بتاعت الاكزام دي وشيل ليك (جقــمة) كبيرة من اللون الحنطي القبيل دا (وبخهــا) ارجع لي ورا شوية واديها نظرة وتعال تاني اديها (بخــه) .. يللا قبال ما تنشف .. اجري بسرعة على اليافطة الفي الشارع بتاعت (الله) دي .. يافطة الله العادية دي .. يللا اديها معاك (بخـه) بي جقمة (صوغيره) يا دلعادي علشان تعمل (ماتشن) مع (الجعمة) الجوانية ديك .. لاحظ الكلام دا لازم يكون يوم ( الجغمة) العصـر علشان الناس تكون ماجزة وما تعمل ليك مشكلة .. مش احتمال الكيزان ديل يجيك واحد شايل ليهو طووق (ميدن شاينا) يقطعو ليك في راسك القرعة الفاضي دا ..؟

بلاي عليكم الله عاينو دا قال انا كنت بقرا في جامعة الخرتوم ..
النموذج دا .. قال انا معارض ..

الاخ مرتضى - لك التحية


الله هو إله كل الديانات ، وربما حتى بعض من المحلية منها وليس هنالك إله للمسلمين وإله آخر للاديان الاخرى
فالله جل جلاله هو إله كل الكتب السماوية وأستبعد من يعبدون البقر والنار وهلمجر ، لا ارى إنو فى مشكلة
فى وجود كلمة الله الخالق وباعث كل الرسل والكتب السماوية

واتفق معك فى إزاحة الآيات القرانية داخل الجامعة لان الجامعة لكل الاديان


ولك ودى

كتب مرتضى جعفر:

Quote: من هنا كانت فكرة فصل الدين عن التعليم مكملة لفكرة فصل الدين عن السياسة في رسم معالم العلمانية.

لانشغالي الشديد أكتب لك في نقاط سائلا ربي -اله العالمين- التوفيق:

*أولا: اعلم يا مرتضى أن الدين الجديدالعلمانية) الذي يعتنقه كثير من الضالين الذين نسأل الله لهم الهداية،هو سبب البلاء الذي نحن فيه،من موجات الحاد في الله،واستخفاف بدينه بل اشمئزاز باسمه الكريم(الله) -عز وجل- وتطاير شرر هذا الوباء ليدفع أصحاب الجهل، وقرناء أبي جهل للاستهزاء برسول الهدى، ومعلم البشرية،محمد بن عبد الله صلى الله عليه وسلم،وللدعوة الى مساواة الدين الحق -الاسلام-الذي هو دين جميع الأنبياء بدين الملحدين ،وعبدة الأحجار والأبقار والصليب والنار،وعبدة رع وحتشبسوت وعبدةالدنياوالدولار والبنكنوت.لكنها سنة الله أن يختبر عباده ويمتحنهم ليعلم الصادقين من الكاذبين ،والمؤمنين من المنافقين.ذكرتني عباراتك ،واسلوبك الاستئصالي بالدكتاتور التركي:كمال أتاتورك الذي طبق الدين العلماني على تركيا،فبدل نعمة الله كفرا وأحل قومه دار البوار،وحارب اسم الله -كما تحاول أنت الآن وسيكون الخزي والفشل والعار نصيبك-فألغي اللغة العربية التي نزل بها القرآن،ومنع الحجاب،وألزم المسلمين باالأذان للصلاة باللغة التركية!،وفرض لبس "الطربوش" وحارب الا سلام دون هوادة-وكما تقول أنت الآن:"...بكل ما تحمل من ضراوة وشراسة..."ما النتيجة بعد كل هذا الكيد والمكر الذي تزول منه الجبال؟:عاد الحجاب بكل "ضراوة"ولبست النساء الحجاب ،وسئمن من الأصنام العلمانية،وعبادة الشهوات واشغال الناس بالدنيا،وعاد الشباب الى هذا الدين،وزحف نور الاسلام الى كثير من أوجه الحياة،وسعى البرلمان -بالأغلبية-لخلع هذه الأغلال الوثنية والغاء قرار منع الحجاب ،ولا زال الطاغوت يدافع عن صنمه هنالك, والحرب سجال، والحق يدمغ الباطل باذن الله .فأرجو أن تختصر(الدرب)فقد سبقك اليه "أتاتورك"،و"بورقيبة"،و"بومدين" ،"وفرعون" ،وكل له اله باطل يعبده،حتى أن فرعون قال لهم ما علمت لكم من اله غيري)! والعلمانية الكاذبة المتخصصة في حرب الاسلام بسبب شموليته شعارها كشعار فرعون ولكنها تدعي الحياد في التعامل مع الأديان.
*ثانيا:كونك تترك كلمة "الوطن"و"الحقيقة" و"الانسانية" وتطالب بحذف اسم الجلالة (الله) يثبت أن مسألتكم مسألة الحاد،ومحادة،وكبر،وعدم علم ونقصان منطق وفهم،والا فقل لي أي وطن بدون دين؟!وأي حقيقة بدون مرجعية؟!أليس الله هو الحق؟واسمه الحق؟ودونه الباطل(فماذا بعد الحق الا الضلال فأنى يؤفكون)(فتعالى الله الملك الحق لا اله الا هو رب العرش الكريم.ومن يدعو مع الله الها آخر لا برهان له به فانما حسابه عند ربه انه لا يفلح الكافرون).فلن يفلح الكافرون في كل زمان ومكان وستكون الهزيمة حليفهم! أما "الانسانية" فدونك التاريخ الاسلامي لتتعلم منه أن اليهود، والنصارى، وعبدة النار، والأحجار، عاشوا بين ظهراني المسلمين وتنسموا عدل الاسلام،ولم يرغمهم انسان على ترك أديانهم والدخول في الاسلام، بل كانوا يدخلون أفواجا عن قناعة ورضا،وعندما استأصل اخوانك الكاثوليك المسلمين واليهود في الأندلس عاد اليهود مرة أخرى الى بلاد الاسلام التي عاش فيها أجدادهم وشملهم الاسلام ودولته برعايته وعدله،فأرجو أن تكون منصفا،وأن تحترم عقلك فتستعمله،وأن تحترم بالتالي عقول العقلاء حتى لا تفرق بين المتماثلات ،ولا تقع في المتناقضات.
*ثالثا:هذا الدين-الاسلام-ليس دين ما تطلق عليهم"الكيزان"، ولا أنصار السنة،ولا غيرهم وانما هو دين الله.الآلاف الذين يدخلون الآن في الدين الحق أفواجا،انما يدخلون بسبب ما يحسونه في جوانحهم وأفئدتهم من السعادة الغامرة،والاطمئنان العظيم،هذا فضلا عما يعيشونه أحكاما وتشريعا،فابحث لك عن موضوع جاد، ولا تضع أوقات الناس بلغو فارغ،وبحث لا طائل من ورائه،ودعوة لفتنة لعن الله من أيقظها.

*رابعا:وطننا الحبيب حاله كحال مريض يعاني وعليه أطباء كثر، وكل يدعي العلاج ،الا طبيبا واحدا عنده الجواب الكافي لمن سأل عن الدواء الشافي،وأنتم حالكم كحال طبيب فاشل ،اقترح على المشرفين على هذاالمريض أن يسقى المريض سما لعله يشفى .وحالكم كحال القائل:
......................*وداوني بالتي كانت هي الداء!
شفانا الله واياك من هذا الداء العضال،ومن سوء المنقلب والحال.

الاخ مرتضى جعفر

تحياتي

الله عز وجل هو اله لكل الاديان ، وكما تفضلت وقلت الشعار موجود من قبل الانقاذ
يعني المسالة ما اعتقد لها مدلولها الكيزاني
والدين اخي مرتضى ليس هو حكر للكيزان او حقهم براهم ، هم حولوه لوسيلة لتحقيق مآربهم لكن لا يعني ذلك انه اي اشارة دينية او كتابة لاسم الجلالة هي ورائها فهم كيزاني استغلالي

مثلا في الاردن في كل ملف بتلقى ثلاثة كلمات ( الله .. الوطن .. الملك) !! والاردن ليست بالبلد المطبق للشريعة

والشيء الاهم واسمح لي انه اقولها انه مشكلتنا ليست في كتابة اسم الجلالة في شعار للجامعة او كتابة ايات قرانية و فعلا ممكن مرات تحس انه في زيادة في كتابة الايات والاحاديث لاغراض سياسية ، لكن في الاخر دي ما المشكلة
هذه كلها اشياء ما بتشكل مشكلة لانه في الاخر يبقا ما ينفع الناس واما الزبد فيذهب جفاء يعني الناس بتقدر تميز وتفرق الاغراض السياسية والفهم الديني الصحيح
مشكلتنا الاهم في حال البلد ذاته والاقتصاد المنهار والبنية التحتيتة التي تم استغلالها من قبل الكيزان
هذا هو ما يحتاج ان يسعى الناس للعمل على تغييره

ولك شكري

Quote: ماعارفة لكن اتذكرت سباق الحمير..!

فعلا سبــاق حمير .. والله

المفكـر مرتضى جعفــر العايز يشيل اسم (الله) من الشعار لانو اله المسلمين بس ..:
هي يستطيع ان يأتي ليحدثنـا عن من هو الذي قام (بتصميم هذا الشعـار) اولاً؟
وثانياً هل يأتي ليحدثنـا إلى ماذا يرمز الشعار من فلسفة تشكيلية من دلالات الالوان الأزرق والأبيض تحديداً وكيفية صياغتهم بهذه الطريقة ..؟؟

في انتظارك يا بتـاع البوهية .. يا نقاش حتين بعدين نشوف باقي الحاجات دي (والدولار) ( النقط ) ليك بيهو صاحبك ابورزقة دا .. في (جبهتك) القومية دي

على يسـار الصورة .. تظهـر كتابة اللغــة المروية القديمة .. ليحدثنـا .. (إلـه) التجديد مرتضى جعفـر عن وضع هذه اللغـة هنـا.. لماذا؟؟

وبرضو بعد ما نحزف كلمة الله نجى نغير كلمة جامعة لأنو الجامع مكان عبادة المسلمين

الغريبة صاحب البوست مسمى اسمو مرتضى والمرتضى هو رسول المسلمين

والله يا مرتضي جعفر دي بالغت فيها رسمي وشعبي !!!


استغفر ربك انه كان توابا

من قــال .. (الله) .. هو إلــــه المسلمين .. يا خريج جامعة الخرطوم .. دا منو الغشاك دا..؟
إنت معناته لا بتعرف الله .. ولا بتعرف اي رسول .. ولا عمرك (سجــدت) لي هبل أو منـاة .. البشوفك ويسمع كلامك والله يقول منقط الاديـان دي وبتطلع في الكورة وهي ماشة ..

جهلـول .. جهلول كبير جدا إنت يا خسارة ضياع الزمن فيك علشان تتعلم ..

وبنفس الفهم لماذا لا يحذفو كلمة الوطن لأن الجامعة يدرس بها أجانب
ولماذ لا تحذف كلمة الحقيقة فالجامعة تدرس سياسة وتاريخ واحتمالات وتنبؤات..الخ
وما المانع أن يكن شعار الجامعة بدون كلمات أو رسم طالما هناك كلمات ورسومات أخر




-----
يا أخي:
الله هو الحقيقة الوحيدة التي لا يختلف عليها العقلاء

Re: ما هي حدود الحرية الجنسية في الفكر الشيوعي ؟؟؟

Quote: Quote: ولم نسمعهم يتحدوثنا في منصة دينية عن عدم وجود الله الشيوعية في أبسط تعريفات المعرفين هي فكر إلحادي قائم على إنكار وجود الله ومحاربة الأديان وإنكار البعث.. أتى به: اليهوديان كارل ماركس ولينين ليضلو به جبلاً كثيراً..

الله يهديك

الأخ مرتضى:

Penny-wise-pound-foolish

مثال إنجليزى يعنى "يهتم بالملاليم ويبعزق الجنيهات"
البلاد تحترق وداير تشغل الناس نقاشين لافتات..

في انتظــار .. حملة الاعلام والبافطات .. النماذج التي عودتنا ان تحجينـا بالاسلام السياسي ..
في انتظار ايضا فاصل من تجلياتهم .. طبعا بعد إذن الالهـة التابعين ليهم ..
بالنسبة لي المنتظراتي دا .. انا بعتبر البوست دا استلمناه بوضع اليد عليه والحقائق .. إذا تاني عايز يقلعوا يجي يدفع جزية هنا دا .. ويرد على الكلام المكتوب فوق .. وحذاري انو يجيب ليهو كلام فارغ من القوقل ويجي يطرشو هنا دا ..
البورد دا مستهدف .. بعد كدا اي واحد كضاب منافق عامل فيها بتاع حركات .. اي كان الحركات دي مسلحة واللا تتبع لي منظمة العفو الدولية بتاعت الاسلاماوي السياسي داك .. بعد كدا عندنا معاهم كلام ..
يا البورد دا مشى زي السير .. يا كمان هم مشونا نحن في العجين وما لخبطناهو ..


يللا يا (سمكرجي) ابقى مارق ..

فليمدد أبو حنيفة رجله

...

أين أنت يا وليد محمد المبارك

اشتقنالك والله

Quote: ففكرة البوست أعمق من تغيير الشعار أو كلمات النشيد الوطني.

يا سلام

يعني الفكرة مش تغيير شعار جامعة الخرطوم فحسب

وإنما حتى تغيير كلمات النشيد الوطني


لأن فيها اسم الله:

Quote: نحن جند الله جند الوطن إن دعا داع الفدا لن نخن نتحدى الموت عند المحن نشتري المجد بأغلى ثمن هذه الأرض لنا فليعش سوداننا علماً بين الأمم يا بني السودان هذا رمزكم يحمل العبء ويحمي أرضكم...

أها النشيد ده برضو كتبوه ناس الإسلام السياسي

========

ألم أقل لكم:

آن لأبي حنيفة أن يمدد رجليه

هذه الشعار الجميل..والذي يعبر عن رسالة الجامعة

وضع في عهد مدير الجامعة الأسبق البروفيسور النذير دفع الله

في بداية ستينات القرن الماضي...

ولا علاقة له بأي تيار سياسي

يعني بي نفس استنارتك وفهمك المتطور . (والفرشة والبستلة والسقالة) الحايم بيهم في شارع الجامعة ديل معناتو:
الأمريكان ديل من زمن ابراهام لنكولن .. وجورج واشنطون .. لحدي كوستاوي فاكنها فينا ساكت ؟؟
يعني ناس كونداليزا ديل مسلمين بالدس ..؟
كاميرون دياز وانجلينا جولي .. وجوليا روبرتس برضو مسلمين ويعبدوا فوق الله سيدهم وداسنها مننا ..؟
يعني بتقصد انو الواحد ممكن يمشي (يتدين) ليهو كنجالات من بيل قيتس عادي جدا وبعداك يقسط ليهو قروشو ويعمل ليهو (شيكة) يجيبو بيها عمرة ويشتري ليهو سيح وطواقي ..؟



آهـ يا منافق .. يا دجـــال

Quote: هذه الشعار الجميل..والذي يعبر عن رسالة الجامعة وضع في عهد مدير الجامعة الأسبق البروفيسور النذير دفع الله في بداية ستينات القرن الماضي... ولا علاقة له بأي تيار سياسي

ليه يا حليم؟؟؟

خلي الزول دا يجاوب براهو..

تخريمة : الله غالب

(( وأذا ذكر الله وحده أشمئزت قلوب الذين لايؤمنون بالأخرة وأذا ذكر الذين من دونه اذا هم يستبشرون )) سورة39 أية 42
الأ ترون أنه يشمئز من ذكر الله أما إذا ذكر غيره من إلهته تراه يستبشر وتنشرح نفسه
وها هو السر فى عدم دخول قول الله القلوب
(( سأصرف عن أياتى الذين يتكبرون فى الأرض بغير الحق وأن يروا كل أية لايؤمنوا بها وان يروا سبيل الرشد لايتخذوه سبيلا وان يروا سبيل الغى يتخذوه سبيلا ذلك بأنهم كذبوا بأياتنا وكانوا عنها غافلين )) سورة 7 أية 146

هذا المسكين يرى العلمانية طريق رشده فالأية أعلاه أبلغ فى الرد عليه ويكأنها نزلت الأن


ويقول الله للنبى (ص) ونحن معه ((وقل الحمد لله سيريكم أياته فتعرفونها وما ربك بغافل عما تعملون )) سورة 27 أية 95

وهذا المشهد يتكرر من الذين نتلوا عليهم أيات ربهم(( وأن يكاد الذين كفروا ليزلقونك بأبصارهم لما سمعوا الذكر))سورة 68 أية 51

رغم ذلك نتمنى له الهداية قبل خروج روحه فى أى لحظة

Quote: 17-06-2008, 06:42 ص

دي في امريكا 12 ونص ليلا



ادوا الزول دا فرصه يصحصح شويه

المعركة عموماً ضد الإسلام السياسي شرسة وضارية، لكن قبل ذلك لا مناص من خوضها. للذين يريدون أن يدفنوا رؤوسهم في رمال أن الله هو ذاته إله كافة الأديان، هذا قول مغلوط، ويسند ذلك قول القرآن نفسه عن اليهود والنصارى: "قالت اليهود والنصارى نحن أبناء الله وأحباؤه" سورة المائدة آية 18، لا شك أن لكل دين إله أو مجموعة آلهة، ويختلف أي منها عن الآخر، فالله الذي تحدث عنه اليهود والنصارى وبإقرار من القرآن له أولاد، فهو مختلف بذلك عن "الله" المعبود في الإسلام حيث ورد في سورة الإخلاص "قل هو الله أحد، لم يلد ولم يولد".

ثانيا الله المكتوب اسمه في شعار جامعة الخرطوم هو إله المسلمين وليس إلهاً آخر، لأنه هو ذاته قائل الآية "وما توفيقي إلا بالله" المكتوبة في الـExam Hall، وإلا لماذا لم تكتب "في البدء كانت الكلمة" إن كان المعني هم المسيحيين، وإن كان المعني المسيحيين والمسلمين وغيرهم لكتبوا نصوص مقدسة من تلك الكتب المقدسة. أنتم أيها الحالمون لا ترون في السودان سوى وطن يقطنه المسلمون ولا ترون أن لأصحاب الديانات الأخرى حقوقاً، بل من بينكم من يريدونهم أن يدفعوا الجزية عن يدٍ وهم صاغرون.

ثالثاً قالت (رشا سالم) بأن الدين المسيحي والإسلامي هما الدينين الرسميين بالبلاد، ولا أدري على ماذا استندت في ذلك. فنحن نعيش في بلد يقول دستورها في الفصل الأول طبيعة الدولة ما يلي:


الفصل الأول: الدولة والدستور

طبيعة الدولة

1ـ (1) جمهورية السودان دولة مستقلة ذات سيادة، وهى دولة ديمقراطية لا مركزية تتعدد فيها الثقافات واللغات وتتعايش فيها العناصر والأعراق والأديان.

(2) تلتزم الدولة باحترام وترقية الكرامة الإنسانية، وتُؤسس على العدالة والمساواة والارتقاء بحقوق الإنسان وحرياته الأساسية وتتيح التعددية الحزبية.

(3) السودان وطن واحد جامع تكون فيه الأديان والثقافات مصدر قوة وتوافق وإلهام.

وهنالك الكثير من الأديان بالسودان. وينص الدستور الانتقالي في المادة 6 (الحريات الدينية) على ما يلي

(أ‌) العبادة والتجمع وفقاً لشعائر أي دين أو معتقد، وإنشاء أماكن لتلك الأغراض والمحافظة عليها،
و

(هـ) تدريس الدين أو المعتقد في الأماكن المناسبة لهذه الأغراض،

الأخت مايا تحياتي لك أيضاً، ما تطرقتي له رديت عليو في سياق تناولي لمداخلة رشا سالم.

الأخ أبو الريش

إن كنت تعتقد بأن المعركة ضد الإسلام السياسي هي معركة لا علاقة لها بحريق البلاد، فأنا لا اتفق معك في ذلك. فببساطة من الذي أشعل هذا الحريق وبأي وقود؟ الإجابة عندي ببساطة هم الإسلاميين وبوقود الإسلام السياسي. وكنت قد قلت في مداخلتي الأولى بأن فكرة البوست ليست فقط تغيير شعار جامعة الخرطوم والنشيد الوطني، على أهمية هذه الفكرة، إنما الفكرة المركزية وراء ذلك هي هزيمة الإسلام السياسي الذي بدون هزيمته لن تتأسس دولة المواطنة، وهذه المعارك-تغيير شعار جامعة الخرطوم والنشيد الوطني- هي معارك هامة في هذا السياق. الحريق المشتعل في البلاد لا سبيل لوقفه إلا بلجم هؤلاء المجرمين، الذين لا يستهدفون حتى إقامة دولتهم الدينية الفالقننا بيها دي والمغشوشين بيها ناس كتار، فكرتهم المركزية استغلال الدين للبقاء أو الوصول إلى السلطة، فلا سبيل من لجمهم وتعريتهم والتصدي لهم، ولابد لأصحاب الديانات الأخرى أن يأخذوا حقوقهم كاملة غير منقوصة فهم سودانيون من الدرجة الأولى ايضاً. بعدين معركتي دي لو ما عاجباك بكل أريحية ممكن تروح البوستات الفيها المعارك التي تروقك، لكن لن تجدني فيها.

المتداخل حليم شكراً على معلومة أن الشعار صمم في عهد إدارة البروفسير النذير دفع الله، وهذا يضع نقاطاً فوق الحروف.

المهرجين من شاكلة الأمي تمبس والتكفيري عبد الرازق الطالب وبقية الكيزان أرجو الراجيكم من سكات فلا قول لكم هنا كي تقولوه.

مرتضى جعفر

Quote: 1ـ (1) جمهورية السودان دولة مستقلة ذات سيادة، وهى دولة ديمقراطية لا مركزية تتعدد فيها الثقافات واللغات وتتعايش فيها العناصر والأعراق والأديان.

الحمدلله جبت لينا كلام الدستور ذاااتو..

اها في الدستور دا مكتوب اديان..

وانا قبيل قلت ليك الاله ما الا يكون اله المسلمين ولا المسيحين..

انا قلت ليك اي زول عندو دين.. كلمة الله دي بتشملو..

حتي لو كان يدين بالديانة ...اي حاجة ممكن تختها..

يعني انا لو جيت قريت الشعار دا ..حيجي في ذهني ربنا سبحانه وتعالي..

لو قراهو زول مسيحي حيجي في تفكيرو الثالوث ..زي لما يقول (الرب)

لو قراهو زول بيعبد البقر..حيفكر في البقرة الهو بيعبدها(والعياذ بالله)

وما تجي تقول لي ليه اتعوذتي..ودي حرية اديان..

اي زول حر يدين بما يري..واي زول حر يتعوذ ..

ولما قلت ليك الاسلام والمسيحية..فدا لانهم غالبية السكان..

لو عندك احصائية تانية نورنا..الله ينور عليك..

..........

تمبس..

شيل بقجة غباينك دي واتخارج من هنا يا براي

لا حول ولا قوة إلا بالله
وأستفغر الله العظيم مقدما من إيرادي الإقتباس أدناه من بوستك

Quote: المعركة عموماً ضد الإسلام السياسي شرسة وضارية، لكن قبل ذلك لا مناص من خوضها. للذين يريدون أن يدفنوا رؤوسهم في رمال أن الله هو ذاته إله كافة الأديان، هذا قول مغلوط، ويسند ذلك قول القرآن نفسه عن اليهود والنصارى: "قالت اليهود والنصارى نحن أبناء الله وأحباؤه" سورة المائدة آية 18، لا شك أن لكل دين إله أو مجموعة آلهة، ويختلف أي منها عن الآخر، فالله الذي تحدث عنه اليهود والنصارى وبإقرار من القرآن له أولاد، فهو مختلف بذلك عن "الله" المعبود في الإسلام حيث ورد في سورة الإخلاص "قل هو الله أحد، لم يلد ولم يولد".

يعني صدقت كلام اليهود والنصاري ؟؟؟؟؟؟؟؟
طيب ربنا عز وجل قال ( لو كان فيهما آله إلا الله لفسدتا )
ولو دي هنا حرف إمتناع لإمتناع
يعني مافي إله تاني غير الله عز وجل
رأيك شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: هذه الشعار الجميل..والذي يعبر عن رسالة الجامعة وضع في عهد مدير الجامعة الأسبق البروفيسور النذير دفع الله في بداية ستينات القرن الماضي... ولا علاقة له بأي تيار سياسي

Quote: المهرجين من شاكلة الأمي تمبس والتكفيري عبد الرازق الطالب وبقية الكيزان أرجو الراجيكم من سكات فلا قول لكم هنا كي تقولوه. مرتضى جعفر

..
يا افلاطون .. العمل الشعار دا منو .. ولييه .. وعشان شنـو..؟
كدي رد ل على البتاع دا بسرعة لاني داخل لي اجتماع صغمبوتي كدا وجاييك ..
اوعه اللقاك بتلف وتدور .. شايفك طرشت ليك كلام فارغ كتير ما ليهو اي علاقة بالكتبتو دا ..
يللا اخد راحتك لكن عندك عشرين دقيقة للاجابة ..

علشان نعرف الامي منو فينا .. من الابي ..
عايز تصادر حق العلماء بي نقرة كيبورد وشابكنا معركة واسلام وكفار ؟؟

سلام مرتضي جعفر

نعم حشر الله حشرا في هذا الشعار

وما كان لهم ان يحشروهو هكذا لانه اكبر من ان نتاجر به

الله في الشعار ليس رمزا لرب السماء بقدر ما هو يعير عن من يودون ان يصيروا الهة في الارض بإسمه

نعم لحذف كلمه الله من اي مكان لا يليق بجلاله


















....................
في ذات السياق
تذكرت حكايه صديقي الذي ذهب لبائعة خمر (عرقي) وبعد ان شرب وإرتوي طلب منها ان ترسل اليه الخمر غداً الي منزله

فردت عليه سأفعل ان شاء الله فغضب ( السكران) وقال لها ارجو ان لا تحشري اسم الله ونحن نعصه فنحن في غني عن ذلك

Quote: نعم حشر الله حشرا في هذا الشعار وما كان لهم ان يحشروهو

*مما يخطط له أعداء الله لتمزيق المسلمين واضعاف شوكة الاسلام:
1/احياء الشعارات الجاهلية ،وتشجيع الجاهلين على احياء الوثنيات والديانات المنقرضة والعقائد التي أورثت أهلها دار البوار وجعلتهم حصيد النار، ك(الجماعة)التي يرفع هذا العضو المسكين شعاراتها،لاحياء الدين الفرعوني: (النار يعرضون عليهاغدوا وعشيا ويوم القيامة أدخلوا آل فرعون أشد العذاب)-لاحظ كذلك كتابات (بشاشا)التي تنضح حقدا وشتما فاحشا،كما تتضمن الاستعانة بآلهته الباطلة (باذن الاله رع)!!!! ألم أقل لكم بأن كل انسان لا بد له من خضوع وخشوع وعبادة:فالمهتدي سلم عبادته لله،والمعتدي على الفطرة والحق سلمها لاله باطل مثل الذين يدعون من دون الله أولياء كمثل العنكبوت اتخذت بيتا وان أوهن البيوت لبيت العنكبوت لو كانوا يعلمون)
2/تصنيف المسلمين الى (متطرفين)و(معتدلين)محاولة شق صفوفهم بتشجيع الفكر الباطني الصوفي الفلسفي ،والجماعات الخارجة عن ملة الأسلام كالقاديانية والبابية والجمهورية والبهائية،واظهار ان هذا هو الاعتدال! وان أولئلك يمثلون الارهاب!ومحاربة الاسلام الصحيح بتشويه سيرة وصورة أهله،ووصمهم بالتطرف ،والاجرام واهانة المرأة،والارهاب.......!
3/محاولة تشجيع التيارات العلمانية المحاربة للدين ،بدعمها ،والتنسيق معها،ومؤازرتها.
4/اثارة الشبهات القديمة والجديدة ،وبث بذور الشك في أفئدة المسلمين.
*وأخيرا:فالله ناصر دينه،ودينه(نور) نسبه الله اليه ،وهو القائل:"يريدون ليطفئوا نور الله بأفواههم،والله متم دينه ولو كره الكافرون)
(قل موتوا بغيظكم)(قل موتوا بغيظكم)(قل موتوا بغيظكم)

Quote: نعم حشر الله حشرا في هذا الشعار وما كان لهم ان يحشروهو هكذا لانه اكبر من ان نتاجر به

يا مسكين..

أين المتاجرة هنا؟ ولا هي كلمة وإنت حافظها ولازم تسمع؟؟

Quote: نعم لحذف كلمه الله من اي مكان لا يليق بجلاله

ليه؟قالوا ليك مكتوبة في (مستراح)؟؟؟ دي جامعة يا باشا.. يعني مقام علم واستنارة (اقرأ باسم ربك)..

Quote: في ذات السياق تذكرت حكايه صديقي الذي ذهب لبائعة خمر (عرقي) وبعد ان شرب وإرتوي طلب منها ان ترسل اليه الخمر غداً الي منزله فردت عليه سأفعل ان شاء الله فغضب ( السكران) وقال لها ارجو ان لا تحشري اسم الله ونحن نعصه فنحن في غني عن ذلك

قلت لي في ذات السياق؟؟؟
يا زول أتعب شويه وافهم الحاصل..

لكن بالمناسبة السكران دا زول كويس لأنو معترف بإنو الخمر حرام

Quote: دي جلابية بمواصفات قياسية... أوع تطلع قدرك..

قدري وانا قدرها

بس

تعرف يا الواثق لمن زول زيك يقول لي انت غلط يا دوب انا بثق اني صح 99.9%

ولو الحيحددو الصالح من الطالح انت وامثالك من المهوسين

فلي عظيم الشرف اني اكون اني اكون زي ما انت شايفني واسوء حبتين

Quote: فلي عظيم الشرف اني اكون اني اكون زي ما انت شايفني واسوء حبتين

بالمناسبة يا زول أنا ما شايفك

Quote: نعم حشر الله حشرا في هذا الشعار وما كان لهم ان يحشروهو هكذا لانه اكبر من ان نتاجر به الله في الشعار ليس رمزا لرب السماء بقدر ما هو يعير عن من يودون ان يصيروا الهة في الارض بإسمه نعم لحذف كلمه الله من اي مكان لا يليق بجلاله

قول ليس بحق اريد به باطل

Quote: والتكفيري عبد الرازق الطالب

Re: سيرة الهزيمة أو كما تقول الاسطورة ( يضوي ليكم )

Quote: المراجع التي تؤكد يهودية أصحاب الفكرة.. وعملهم وفق برتكول بني صهيون هي: المرجع الأول كتاب التضليل الماركسي صفحة 59.. تحدث عن.. كارل ماركس اليهودي ولد سنة 1818م في ألمانيا، وتوفي سنة 1883م واضع الأسس الفكرية والنظرية للشيوعية، كان أنانياً متقلب المزاج حاقداً. المرجع الثاني كتاب الموسوعة الميسرة.. ص 309 لينين وهو فلاديمير أليتش، ولد سنة 1870، وتوفي سنة 1924م، يهودي الأصل، قائد الثورة البلشفية في روسيا، عام 1917م. المرجع الثالث الموسوعة الميسرة، ص 310.. تحدث عن إستالين: وهو جوزيف فاديونفتش، ولد سنة 1879م، وتوفي سنة 1954، سكرتير الحزب الشيوعي.. وفي جريدة الشرق القطرية بتاريخ 05/06/1991م.. ورد مقال طويل عن.. يقول بالرغم من أنهم يعلنون محاربة الأديان وينكرون وجود إله، فإنهم يقولون بشأن اليهود وفلسطين "إننا لا نؤمن بالله حقاً، لكننا مقتنعون بأنه (أي الرب)، خصص أرض فلسطين لشعب إسرائيل". وللإستزادة يا أمجد أقرأ مدارج السالكين

.

من باب الذكرى: الدين النصيحة

Quote: من نواقض الإسلام الخطيرة، ومبطلاته الكبيرة، موالاة الكفار من اليهود، والنصارى، والهندوس، والبوذيين، والشيوعيين، ومن شابههم.

إذا ضاقت بكـ الدنيا ففكر في ألم نشرح فعسر بين يسرين متي تذكرهما تفرح..

ليس سقوط المرء فشلاً إنما الفشل أن يبقى حيث وقع مرتضي جعفر..


حكمة اليوم:


الجاهل إذا عرف أسباب جهله لأصبح حكيم..

وصلتني معلومة بان مصمم الشعار أو فكرته هو الشاعر ادريس جماع، هل هذه المعلومة صحيحة؟ واذا لم يكن كذلك فمن هو مصمم الشعار؟؟ بروفسور شبرين؟ بسطاوي بغدادي؟ أم من؟؟؟

الاخ العزيز/ مرتضى جعفر ..والاخوة المتداخلين..

السلام عليكم ورحمة الله ...

لا اريد ان اررد ماقاله الاخوة قبلي من ناحية لفظ الجلالة ( الله ) ..الله ..الله ..او GOD ..GOD

ولا اريد ان اقول الاسلام..والله...ده ليس للكيزان او انصار السنة,,

لكن تعال نحتكم معك...
اولاً...المثل العربي يقول تحدث اقول لك من انت ...والمرء من تحت لسانه...

لكن يا عزيزي ارجع لنفسك اولاًً ...واسئلها من انت ...واين نشأت وماهي البيئة التي خرجتك...

سوف تجد جزء كبير في الرد علي ذاتك وعلي اسألة الكثيرين من ردو عليك بسخرية وبجدية او من وصفوك بالجهل ...سوف تجد الاجابة حتماً اذا تاملت هذا القول جلياً ودخلت الي مداخل نفسك الحقيقية ..
ثانيا:
لنتحدث باللغة التي تفهما انت الديمقراطية ...او العمانية..
يا اخي ببساطة شديدة المسلمين والمسيحين اكثرية ومن يدين بالله من حقه ان يضعه كشعار له فا نحن في هذا البد مسلمين وندين بكلمة الاسلام ونحن اكثرية من حقنا الديمقرطي وبسلاحك نرد عليك هذه الاكثرية ارتضت ذلك من قبل ان تولد انت ...

ثالثاً:
ما اعتقد انك اعلم من الدكاترة البروفيسرات والفلاسفة الذين تخرجوا من هذه الجامعة او من جامعات اخري ..لا احد منهم قال ما قلته انت ...ولا انت باغير من الذين لا دين لهم او لهم اديان اخري ولم يطالبوا بما طالبت به انت...
وحتي سياسين نيفاشا او ابوجا او العدل و المساواة او المهمشين لا احد طالب بما طالبت به انت...
وبعدين يا اخي هموم هذا الوطن اكبر من هذا الكلام ...

Quote: مما يخطط له أعداء الله لتمزيق المسلمين واضعاف شوكة الاسلام:

دحين دا مو تكفير يا جماعه؟

Quote: دحين دا مو تكفير يا جماعه؟

دي جلابية بمواصفات قياسية...


أوع تطلع قدرك..

العزيز مرتضى جعفر
سلامات



يا جماعه النطيتوا لمرتضى جعفر في حلقه
بحجة ان كلمة الله هو اله المسلمين و المسيحين هذا ليس حقيقي ولا صحيح لغويا.
الله كلمة خاصة بالمسلمين.وبطلوا غلاط وخلونا ننتقل لنقطة ثانيه.

النقطه الثانيه اثارها الاخ عثمان الجيلي شيخ محمد
وهي ان المسليمن اكثريه دي برضوا ما صحيحة وملفوحة من جهات احصائيه غير دقيقة:

Quote: ثانيا: لنتحدث باللغة التي تفهما انت الديمقراطية ...او العمانية.. يا اخي ببساطة شديدة المسلمين والمسيحين اكثرية ومن يدين بالله من حقه ان يضعه كشعار له فا نحن في هذا البد مسلمين وندين بكلمة الاسلام ونحن اكثرية من حقنا الديمقرطي وبسلاحك نرد عليك هذه الاكثرية ارتضت ذلك من قبل ان تولد انت ...

وبتذكري بنكته قالوا اايم المحاجات انه تستثنى العاصمة القومية من الشريعه
والجنوب و المسلم تبطق عليه الشريعه حتى لو هو في جوبا والمسيحي يستثنى من الشريعه
حتى لو هو في الخرطوم!!فقاول هنالك حلفاوي..قال لهم وحتعرفوا ده مسيحي وده مسلم كيف؟؟
قالوا ليه من الاسماء؟؟؟قالهم طيب فكوا التسجيلات الاول وشوف من الحيسجل عندكم مسلم!!


يبقى مغزاها ليس كل من حمل اسم مسلم هو مسلم؟؟وليسوليس حتى كل مسلم يقبل
بالسيطرة الدينية على الآخرين بحجة الغالبيه,انا مسملة ولا اقبل ان يكون هنالك
اي طرح ديني باسم عقيدتي..ومتاكدة ان هنالك مثليمين كثر مثليوفالتكفوا عن التحدث باسمنا.


وتعم لالزالت اي تعابير تدل على دين محدد من اي صرح او اي نشيد او اي شيئ وطني
يخص كل السودانين بكل عقائدهم وفلسفاتهم.

Quote: انا مسملة ولا اقبل ان يكون هنالك اي طرح ديني باسم عقيدتي..ومتاكدة ان هنالك مثليمين كثر مثليوفالتكفوا عن التحدث باسمنا

طيب يا الأخت المسلمة ورينا رأي الإسلام شنو في الحاجة دي بالأدلة ويا ريت لو تضربي لينا أمثلة كده من دولة المدينة لأنو كان فيها يهود ومسلمين ومنافقين.

Quote: وتعم لالزالت اي تعابير تدل على دين محدد من اي صرح او اي نشيد او اي شيئ وطني يخص كل السودانين بكل عقائدهم وفلسفاتهم

شايلين هم غير المسلمين أكتر منهم؟؟ شكوا ليكم متين؟؟؟

ذكرتوني والله واحد جنوبي عاقل في جامعة جوبا كان بتكلم في ركن نقاش,قال ليهم :أنا شخصياً ما خايف من الحدود دي لأني لا بسرق لا بزني لا بسكر عشان كده ما فارقه معاي..


الغريبة يا تراجي لما خليل إبراهيم وجنودو كبروا ما اعتبرتيهو متاجرة باسم الدين وقلتي دا انفعال عادي..

غايتو جنس محن..

كسرة:أمشوا اسمحوهو لو بتقدروا

اخي مرتضي سلام

يا اخوي خلاااااااااااص انتهت مشاكلك ومواضيعك ؟
يعني بس بقت مشكلتك حذف اسم الجلاله من شعار جامعه !!!
اخي الكلام ده وراه كلام وبالله عليك اشوف موضوعك ده متطور ...
اسم الجلاله ده بعد انكتب تاني مافي زول بقدر يشيلوا ...
بكره يامرتضي تجي تقول غيروا اساميكم ....

فرية قديمة تناولتها التيارات المناوئة للجبهة الإسلامية إبان فترة الديموقراطية الثالثة بأن الشعار المرسوم على الجنيه السوداني وهو نفس شعار جامعة الخرطوم الحالي بأن المكتوب عليه هو : الولاء لله وللجبهة الإسلامية والمؤسف أنها كانت تنطلي على بعض الجهلاء ..

هذا نموذج آخر ..

يا مرتضى جعفر الدولار عليه


وشعار جامعة الحرطوم عليه





فكن صادقا مع نفسك وقاطع التعامل بالدولار.
وتعال قدم لينا دعوتك دى.

(معاً من أجل تغيير شعار جامعة الخرطوم وحذف كلمة الله)

ليس فقط جامعة الخرطوم انما كل مؤسسات الدولة يجب ان تكون محايدة تجاه الاديان وهذا هو فصل الدين عن الدولة

النقاش الذى طابعه الاستفزاز والسخرية والتكفير لن يزيد صاحبه حسنات يوم الميزان ومن الافضل التواضع على اسلوب للحوار غايته الوصول للحقيقة وليس لاثبات ان وجهة نظرنا صحيحة فى كل الاحوال.

الذين يدعون ان كلمة الله ترمز لكل الاديان ينكرون عقل انفسهم فى البداية قبل ان ينكروا الحقائق، فالله في تعريف

الاسلام ليس هو الله فى التعريف المسيحي وحتي لو افترضنا ان الله يرمز لكل الاديان لماذا لا توجد ايات من الانجيل تزين مؤسسات الدولة المتسامحة تجاه الاديان!!

هذه موضوع مهم وفى الحقيقة هو موضوع الساعة وليس (سبق الحمير) كما وصفته احدهن وهذا الموضوع ليس له علاقة بكراهية الكيزان او حبهم كما انه ليس له علاقة بالالحاد او شدة التدين وهنالك دعاة اسلام توصلوا الى هذه النتيجة وضرورتها وهي فصل الدين عن الدولة.

والحقيقة ان موضوع فصل الدين عن الدولة( وليس فصل الدين عن السياسة) هو من اسباب فشل الدولة السودانية الحديثة

واذا كنا جادين فى خدمة وطننا علينا ان ندرس جذوراسباب الفشل وتقديم المعالجات الممكنة

شكراً مرتضى جعفر عهدناك في هذا المنبر جاداًعندما ينزوي الاخرون

Quote: هذه موضوع مهم وفى الحقيقة هو موضوع الساعة وليس (سبق الحمير) كما وصفته احدهن وهذا الموضوع ليس له علاقة بكراهية الكيزان او حبهم كما انه ليس له علاقة بالالحاد او شدة التدين وهنالك دعاة اسلام توصلوا الى هذه النتيجة وضرورتها وهي فصل الدين عن الدولة.

اتذكرت سبق الحمير والله..

لانو المرحلة الفيها الوطن مفزعة..

والناس محتاجة انها تتفكر في البيحصل ..وتقترح حلول جامعة..

وتحاول إنقاذ ما يمكن إنقاذه من حكومة السجم دي..

يجي استاذ مرتضي يتكلم عن شعار جامعة الخرطوم؟؟

هو احتمال نصحي الصباح نلقي الجامعة ذاتها باعوها..!

دا لو ماكانو باعوها لسه..!

معاويه حسين
خلي اللفاحي...العضو مرتضى جععفر لعلمك يقيم فيدلوة خليجيه
يبقى اسحب ايحاءاتك الرخيصة ي:

Quote: Quote: 17-06-2008, 06:42 ص دي في امريكا 12 ونص ليلا ادوا الزول دا فرصه يصحصح شويه

نعم للدولة المدنية الديمقراطية

لا للدولة الدينية

يا سلالالالام
البوست جاب ليهو فلاسفة كبــاااار .. فلاسفة كبـااار جدا
ح يحاضرونـا عن حريات الأديان .. وعن انو ليه الواحد يرسم صورتو في فنلتو يا يحلق صلعة كيف .. بدون رغوة صابون ..
احي كل الفلاسفة وكل علماء الاجتماع وخريجي السايكولوجي والصحة النفسية ..
احييهم جميعا قساوسة .. على احبـار على ائمة مساجد ..



يللا يا النقاش .. بلاي لو سمحت تعال وريني الصمم الشعار دا منـو .. لانو موضوعي معاك زي ما عارف الفورة مليون ..

طيب يا فلاسفة طالما ما عايزين تنظرو حقو بالمرة كدا تشوفو لينا معاكم طريقة لي تغيير رمز الصليب في بقية الاعلام دي ..
واللا دي كمان شخوط ساكت ما ليها علاقة بي اي رمز ديني ..


بلاي كدي حاولو غيرو لينا الصيب بتاع علم بريطانيا دا .. لانو انا مسلم وجاي بريطانيا قريبات دي ..
مش من حقي برضو .. امتع نفسي ودا ليهو علاقة بالبند رقم (طلطاشر) في الإعلان العالمي لحقوق الإنسان ..؟

واللا انتو يا الضاربين الهمبريب .. ورايحه ليكم الرايحة فاكرين نفسكم براكم بتاعين تنظير وفلاسفة ..
الواحد يكون مدروش شغل النهار كلو وما شايف قدامو .. يجي يكتب ليهو كلمتين ويصفق لي نفسو .. ويعمل فيها سقراط ..

بالنسبة لي الفيلسوف مرتضى جعفر البوست دا ما تمشي تسيبو .. ولما تكتب ليك حاجة تعال ناقش فيها .. وخلينا من الحركات بتاعتك دي ..
قلنا ليك الصمم الشعار دا منو .. وليه بالشكل دا .. وليه بالالوان دي ..
طبعا لو ما عندك مقدرة حول الاجابة لي تراجي .. لانها بتعرف اي حاجة .. وممكن تتكلم في اي حاجة ..


يللا اي واحد فيكم انا منتظرو علشان يفلسف لي المسالة دي إن شاء الله يقطع ليهو اي كلام من عندو بنديهو تلاتة من عشرة ..


قال ايه ..
معـــــا ..
إنت طوالي معا أصلو يوم واحد ما بتعمل ليك حاجة براك بي ضراعك ..؟
القناة بتاعتك قلت عايز محمد سليمان وتراجي يعملوها معاك ويدفعو ليك شيرنق ..
اهـا
حسع وصلت وينك .. وجبت لحدي الآن كم رسيفر للقناة دي ..
يللا مشروع القناة + مشروع تغيير اسم الله .. ديل ان بعتبرهم امانة في رقبتك .. ولو ما اديتني المفيد فيها .. ح تشنق هنا .. واحتمال كبير نسحلك ونربط ليك رقبتك في اليافطة بتاعت جامعة الخرطوم دي ..

Quote: انا مسملة ولا اقبل ان يكون هنالك اي طرح ديني باسم عقيدتي..ومتاكدة ان هنالك مثليمين كثر مثليوفالتكفوا عن التحدث باسمنا

..
والله يا السمكرجي مرتضى .. غير الهوا ما جبت ليك حاجة ..

هوووي هـا ..
إنت مش قبل كدا اتكلمتي بي اسمي في اسرائيل .. ؟
خلاص ولا يهمك انا بتكلم ليك بي اسمك وادق ليك يافطة كبيرة فيها الله .. جمب اليافطة بتاعت صاحبك النقاش دا ..
وبي كدا تكون الكورة درون تلاتة اتنين ..

والله حالتكم تعمل قعده عديل كدا .. طبعا حسع دي فاكرين نفسكم ح تغيرو حاجة مش كدا ..؟
كدي اخد لي نومه واجي اشوفكم ح تغيرو شنـو ..


يللا يا بتاع الاسلام السياسي جيب معاك باقي المغيراتية .. وبقاولكم على البوهية .. وبجيب ليكم الصفايح الفاضية ..


عالم ما بتخجل .. الواحد الله كم ما عارفو جاي ينظر لينا في الدين .. وفي السياسة .. وفي المزيكا
واحيانا في كرة القدم ..


وهم .. عالم وهم

Quote: هوووي هـا .. إنت مش قبل كدا اتكلمتي بي اسمي في اسرائيل .. ؟ خلاص ولا يهمك انا بتكلم ليك بي اسمك وادق ليك يافطة كبيرة فيها الله .. جمب اليافطة بتاعت صاحبك النقاش دا .. وبي كدا تكون الكورة درون تلاتة اتنين ..

أيواااا ذكرتني يا تمبس..

نرجو من تراجي ولأن للمبادئ طريقاً واحداً أن تطالب (صديقتها) إسرائيل بإزالة (نجمة داؤود) من علمها حيث إن هذا يتناقض مع حياد الدولة تجاه الدين ولوجود فلسطينيين مسلمين من ضمن (مواطنيها)..


كسرة : النجمة دي يا تراجي ما عندها أي علاقة بنادي المريخ (على حسب علمي).

سلام مرتضي و الجميع

اسمح لى بالراى ده.

بوست نموذجى للمداخل و المقدمات الخطا لقضايا في غاية الاهمية و الحساسية.

القضايا التى اثرتها في صلب كتابتك و يمكننى دون غلظة او استهزاء بك تسميتها الخفة المقابلة ، مقابلة لخفة دعاة الاسلام السياسي و دعاة الدولة الدينية في تناول مثل هذه القضايا.

يمكن ايراد امثلة و حجج كثيرة ان كتابة او عدم كتابة اسم اله او نبي في شعار جامعة ما في بلد ليس له اى تاثير على علمانية الدولة من عدمها.

التحول بقضية هامة و كبيرة و معقدة مثل العلمانية و علاقة الدين بالدولة لاغراقها في تفاصيل و جزئيات ليست ذات اهمية مباشرة او غير مباشرة للقضية نفسها مشابه لاغراق الاسلام السياسي للفضاء الفكرى و السياسي بتفاصيل و جزئيات فقيرة و بائسة.

لجوءك لنموذج شعار الجامعة ـ والذى لا ادرى كيف توصلت الى انها قضية مهمة ـ اصاب في مقتل قضايا اخرى هامة شملتها كتابتك لكنها ضاعت بسبب هذه الخفة.

اعود لاوضح وجهة نظرى اكثر

تحايا

Quote: يمكن ايراد امثلة و حجج كثيرة ان كتابة او عدم كتابة اسم اله او نبي في شعار جامعة ما في بلد ليس له اى تاثير على علمانية الدولة من عدمها

كويس يا عصام جبر الله إنها جات منك لأني كنت على نفس نهج تمبس حأجيب هنا شعارات دول كتيرة وحتى شعارات (أندية كورة) فيها صلايب وحاجات كتيره تصنف كرموز دينية وطبعا في بلاد علمانية, طبعا ما حننسى الدولار أب صلعه..

المطلوب من العلمانيين فك الارتباط وحل الإشكالية دي..كيف دولة علمانية تخت ليها رمز ديني أو تسمح لمؤسسة تحت سلطتها بوضع رمز دين كشعار؟؟؟





يا عبد العزيز زي ما قلنا ليكم زمان (مافي حاجة اسمها دولة كاملة الحياد تجاه الأديان) دي موجودة في الكتب وبس.

في كل مئذنة
حاوي ومغتصب
يدعو لاندلس
ان حوصرت حلب

وبالرندوك الناس في شنو والحسانية في شنو ..

اتمنى ان لا نبتذل النضال ...

الاخ الفاضل الواثق الصادق
نسعد دوماً بالحوار العقلاني معك

Quote: يا عبد العزيز زي ما قلنا ليكم زمان (مافي حاجة اسمها دولة كاملة الحياد تجاه الأديان) دي موجودة في الكتب وبس

الكمال لله يا اخوي الواثق انا لم اتحدث عن دولة كاملة الحياد بدليل اننى ذكرت فصل الدين عن الدولة وليس فصل الدين عن السياسة

ما معني دولة محايدة تجاه الاديان؟

دولة ليس لها دين رسمي

الدولة لا تتدخل للترويج لدين معين وفى نفس الوقت لا تتدخل للتضيق على دين معين

الحقوق والواجبات تحددها المواطنة وليس الدين
(وبالطبع نحنا عشنا زمن ان الحقوق ليس يحددها الدين فقط بل حتي داخل الدين الواحد ياتوا جماعة وياتوا فكر)

نعم هنالك دول محايدة تجاه الاديان رغم ان المسلمون يشكلون اغلبية مثال جيد السنغال

السنغال دولة ليس لها دين رسمي

يبلغ عدد سكان البلاد حوالي 10 مليون

94% من السنغاليين مسلمون

و4% مسيحيون

و2% أديان محلية ولادينيون

السنغال دولة ديمقراطية متعددة الأحزاب. ينتخب رئيس الجمهورية لخمس سنوات،

رئيسها الأول ليوبولد سنغور(مسيحي)

رئيسها الحالي عبد الله واد( مسلم)

تسلم يا عبد العزيز..

السنغال دي مش عضو في منظمة المؤتمر الإسلامي؟؟؟

للمزيد يا عزيزي عبد العزيز ونقلاً عن الموسوعة الحرة :
منظمة المؤتمر الإسلامي هي تجمع على مستوى سبع و خمسون حكومة، لمحاولة دمج الجهود والتكلم بصوت واحد لحماية وضمان تقدم مواطنيهم و جميع مسلمي العالم البالغ عددهم حوالي 1.4 مليار نسمة. و هي منظمة دولية ذات عضوية دائمة في الأمم المتحدة
تأسست المنظمة في الرباط، المملكة المغربية، في 25 سبتمبر 1969، حيث عقد الاجتماع الأول لزعماء العالم الإسلامي عقب أكثر من شهر من حريق الأقصى 21 أغسطس 1969. حيث طرح وقتها مبادئ الدفاع عن شرف وكرامة المسلمين المتمثلة في القدس و قبة الصخرة، وذلك كمحاولة لإيجاد قاسم مشترك بين جميع فئات المسلمين.
عقد المؤتمر الإسلامي لوزراء الخارجية جلسته الثالثة، في فبراير 1972، و تم وقتها تبنى دستور المنظمة، الذي يفترض به تقوية التضامن والتعاون بين الدول الإسلامية في الحقول الإجتماعية والعلمية والثقافية والإقتصادية والسياسية
ومن اللجان الدائمة : اللجنة الدائمة للإعلام والشؤون الثقافية (كومياك)، و يرأسها رئيس جمهورية السنغال، و مقرها في داكار، السنغال


كدي أضرب لينا مثال تاني يا عبد العزيز عشان الحكاية دي توضح.

Quote: كدي أضرب لينا مثال تاني يا عبد العزيز عشان الحكاية دي توضح

غامبيا التى يشكل المسلمون %90 من عدد السكان نقرأ ما اجاب به بابوكر بلين إسماعيل جاكن / وزير الدولة للشؤون الخارجية في جمهورية غامبيا عندما سئل عن تطبيق الشريعة الاسلامية

وبسؤاله عن توجهات غامبيا لتطبيق الشريعة الإسلامية ، ومدى تأثير أحداث 11 سبتمبر على ذلك ، خاصة بعد تناقل بعض وسائل الإعلام لأنباء عن إشهار رئيس غامبيا إسلامه ..
قال إن رئيس غامبيا ولد مسلماً ، وكان مسلماً طوال حياته ، وفي كل بيان له يؤكد أنه فخور بأنه ولد مسلماً . وغامبيا دولة يشكل المسلمون فيها 90% من السكان ، وهناك مسيحيون ، وليس من العدل أن نفرض الشريعة الإسلامية على كل السكان ، ولدينا أسلوب ديمقراطي متعدد الأحزاب . ومنذ سنتين بعض أعداء غامبيا قالوا إن الرئيس سيفرض الشريعة على الدولة بغرض إضفاء صورة سلبية عنها ، لأن الشريعة الإسلامية صوّرت خطأً للعالم الغربي ، لكن ليس هناك نية لفرضها في غامبيا ، وليس لأحداث 11 سبتمبر أي أثر على

المصدر

http://64.233.167.104/search?q=cache:yqIyH6cU_lwJ:www.m...n&ct=clnk&cd=7&gl=us

أشاد / الحاجي بابوكر بلين إسماعيل جاكن / وزير الدولة للشؤون الخارجية في جمهورية غامبيا بجهود دولة الإمارات في رفع الديون عن بلاده وتحسين مستوى معيشة مواطنيها ، وذكر أن صندوق أبو ظبي للتنمية قد أسهم بمشاريع إنمائية في غامبيا ، وأنّ هناك محاولات تُبذل لتنشيط التعاون التجاري والاستثماري بين الإمارات وغامبيا التي تحاول الاستفادة من تجربة النظام الاقتصادي الليبرالي في الإمارات ، وإقامة مشروع مماثل لمشروع جبل علي ، حيث يتم إيفاد بعض المسؤولين ورجال الأعمال الأفارقة للإمارات للاستفادة من خبرتها في إنماء منطقة غرب إفريقيا وفتح مجالات استثمار .
وأوضح أن الإسلام هو الدين السائد في غرب إفريقيا وأن له أسسه المتينة هناك ، وهو الدين الرسمي في غامبيا . ورغم وجود ديانات أخرى تحاول مواجهة انتشار الإسلام ، إلا أنه من الصعب أن يحلّ دين آخر مكان الإسلام في غرب إفريقيا ..
المصدر هنا :http://www.mostakbaliat.com/link112.html


أها يا عبد العزيز شوف الوزير دا بقول شنو؟؟؟قال ليك الدين الرسمي هو الإسلام عديل كده..

يعني بتعريفك لحياد الدولة تجاه الدين يكون مثال غامبيا غير موفق

تاني أدينا مثال

زيادة مفيدة في مثال غامبيا :

هدد رئيس غامبيا يحيى جامع في تجمع عام في بانجول الخميس "بقطع رؤوس" مثليي الجنس اذا لم يغادروا غامبيا حسبما ذكر صحافيون من وكالة فرانسبرس.وقال يحيى جامع ان "غامبيا بلد مؤمنين (...) الخطايا والممارسات اللااخلاقية مثل الشذوذ الجنسي لن يسمح بها في البلاد" مؤكدا انه "سيقطع رؤوس كل مثليي الجنس".

ألأخ مرتضي جعفر

لعلك تابعت ألأزمه التي نشبت في العراق عندما طالب البعض بتغير العلم العراقي و أزالة الثلاث نجوم و تعبير الله أكبر وكادت هذه ألأزمه أن تعصف بما تبقي من وحدة العراق و تشعل فتيل حرب أهليه...و أتفق القوم علي أزالة النجوم فقط...

مرتضي:

أستعنت بي ياتو شيطان لمن كتبت الكلام ده؟

ده طلب مفروض يقدم للشياطين وبس.

طبعاً كنا سألنا مرتضى جعفر عن مصمم شعار جامعة الخرطوم ولم يجب..

مافي مانع طالما المناسبة جات إنو نسألو هو والعلمانيين المعاهو عن معاني أعلام الدول الآتية :

أستراليا,السلفادور,إيرلندا,إيسلندا,إيطاليا,بريطانيا,الدنمارك,الدومنيكان,سريلانكا,الصين,فرنسا,كوريا الشمالية(مثالاً وليس حصراً).





يا تمبس : كفايه ولا نجيب شعارات أندية الكورة؟


بس فالحين لي في جامعتنا دي.

لمزيداً من النقاش يمكن الاطلاع على هذا البوست الهام

حــــول قضــــية الـديـن والـدولة (قراءة في التأريخ ال...ماعي للدين الإسلامي)

بنجيكم بعد نشوف آخر الموضوع دا..


عشان الطاقة محدودة وكده

يا مراحب يا عاطف عبدون

نعم ياخي، الله الذي في الشعار هو ليس رمزاً لرب السماء-كما قلت- إنما هورمز لآولئك الذين يودون أن يصبحوا آلهة في الأرض باسمه، ومن هنا ينبع موقفنا المعارض لهذه الفكرة الرخيصة. بعدين يا عاطف لا أشاطرك الرأي بأنه يحب حذف كلمة الله من الشعار من باب أن المكان لا يليق بجلاله، لكن لأن لا مكان لله اساساً في هذا الشعار إذ لا صلة لله بالجامعة، خلافاً لبقية الكلمات الموجودة في الشعار بما فيها العبارة المكتوبة باللغة النوبية القديمة باعتبار أنها منجز حضاري إنساني سوداني يشير إلى حضارة سودانية غنية ورائدة. بعدين يا عاطف ايضا أنا ضد وجود كلمة الله في الشعار من باب أنها فصل من فصول معركتنا مع الإسلام السياسي، ووجه من وجوهـ معركتنا الأشمل من أجل العلمانية، واعدك بأنني سأتتبع المظاهر التي تشي بالإفراط في التدين وسأعمل في حربها دون هوادة..فالوطن للجميع وليس للمسلمين فقط.


-----------------

العزيزة تراجي مصطفى

طالبان أفغانستان دمروا تماثيل بوذا في باميان بالمدافع بدعوى أنها أصنام.. طالبان السودان استغفلوا الشعب السوداني ودمروا تمثال المهاتما غاندي الذي كان في شارع الدكاترة في أم درمان وألقو به في اليم مكتوفاً، وطالبان السودان استغفلوا طلاب جامعة الخرطوم ذات أحداث والجامعة مقفلة وحطموا تمثالي القرشي وبابكر عبد الحفيظ شهداء أكتوبر الذين كانا في مدخل المكتبة المين بدعوى أنها أصنام، فهؤلاء المجرمين الجهلة-الذين لا قوون على قعلتهم جهاراً والجامعة مفتوحة لانهم جبناء- لو سكتنا على خبثهم لتمادوا ولو تمادينا نحن في الجلوس في خانة المدافعين عن أنفسهم ومعتقداتهم لتمادوا هم في الهجوم علينا لذا لا بد من أن نقلب موازين هذه المعادلة الخاسرة... لك شكري ومودتي


------------------------

العزيز عبد العزيز حسن كيفك والأسرة

نعم معاً من أجل فصل اتلدين عن الدولة وعن التعليم




مرتضى جعفر

مرتصــــــى
ســــــــــــــــــــــــــــــلام
الليلة كنت فى ورشة تدريبية عن أليات التحول الديمقراطى فى فندق (( كم نجمة كده )) صليت مع الشيوعيين الظهر وواحد منهم تحدث انه كل جمعة عندو حوار فى المسجد بعد الصلاة ..
ياخوى مرتصى الشيوعيين بتيعين السودان يشكل الله سبحانه وتعالى وجود دائم فى وجدانهم ...
الاثارة فى الطرح كلام هتافات ليس له مردود فكرى . ..

حقـــو يكون عندك الشجاعة وتقول انك لا تؤمن بفكرة الاله الواحد ...

تخريمة ...
ياخى عشان تمبس ما يستلم البوست حقك ...حقو تفتح ليك بوست انت عارف حاجه عنه ...

كديه ورينا الله سبحانه المكان المسموح يكون فيه شنو (( ياخى روح بلا هرجلة فارغة وخاوية ))

Quote: بعدين يا عاطف ايضا أنا ضد وجود كلمة الله في الشعار من باب أنها فصل من فصول معركتنا مع الإسلام السياسي،

الاخت العزيزة / تراجي...

السلام عليكم ورحمة الله ...

يااخت تراجي اولاً : معلومة المسلمين اكثرية دي ما ملفوحة ..ده واقع يعرفة كل سوداني ولوعايزة ابين ليك جغرافياً وعدديأ ذلك المسألة ما محتاجة درس عصر ..
اما لفظ الجلالة للمسلمين فقط ...دي فتوي من عندك ليس ليها اصل ارجعي للكتب السماوية كلها سوف تجدي لفظ الله فيها...وانا قلت انو نحن مسلمين ومسيحين اكثرية ..وحتي كمسلمين نحن اكثرية...
والسلام ختام
عثمان الجيلي

الدكتورة رشا
تحياتي

كلامك طيب

اسالك لمن ليس له دين ولا يعتقد بوجود اله وهم موجودين بالسودان نساء ورجال
بل هنا في المنبر معنا من صرح ومن لم يصرح رجل او امراة

الدفاع عن كلمة الله ممكن تنال فيما لم يعتقد بوجود اله




وان حزفت الكلمة ما هي المسبه التي ممكن ان تحدث

وقبل ان تكتب ما هو الذي حصل لمن دخل الجامعه دارسا او زائرا ولم يقرا اسم الله


القيمة ليس بالشعارات المكتوبه او المحزوفه




الاخ مرتضي تحياتي

واصل في طرحك واكيد الزبد سيذهب جفاء

ويمكث ما ينفع الناس

Quote: القيمة ليس بالشعارات المكتوبه او المحزوفه

وتيب ..؟!؟

حاذفنو مالكم يا انصرافيين؟

انت عارف انا مغيوظة شديد كدا ليه؟

يعني لو البوست دا فتحو زول تاني..والمدافعين

عنو ناس تانيين البطن ماكان فيها مغسة..!

عندما خاطب الله سبحانه وتعالي موسي وهو عند النار
أراد الله سبحانه وتعالي أن يعرف نفسه لموسي
حتى تبدأ مرحلة الرسالة علي يقين وعلم ومعرفة
فكيف عرف الله نفسه لموسي ؟؟؟
؟؟
؟
(( إنني أنا الله ......لا إله إلا أنا....فأعبدني وأقم الصلاة لذكري...)))
سورة طه الآية 14
إن جميع المنتسبين للإديان الناطقين بالعربية يعرفون أن الله تعني الرب والمعبود

الاخ مرتضي
من حقك ان تفكر
هب أنك توصلت لهذا الغرض
ما هي النتيجة
ماذا سوف تحقق من وراء الفكرة
ماذا سوف يحل بجامعة الخرطوم من تطور وتقدم
ارجو ان لايكون الامر مجرد ترف وفراغ
ولو عندك غرض
لا بأس من الوضوح
ولك التحية

Quote: بالمناسبة يا زول أنا ما شايفك

يا الواثق يعني انصار (ال....) بتاعنك ديل

حلوا مشكلتهم مع تفشي الل(....) بين الجماعه وقبلو التكفير تاني؟

لسه برضو ما شايفك..


حاول مرة أخرى..

أقول ليك حاجة ألبس أصفر عشان تظهر...

بسم الله الرحمن الرحيم ده شنو!

خلاس نقول ليهم ختو يهوه.

مرتضى
أنت ذاتك بكل ما تفعل ثقافتك إسلامية ..

وما تعمل فيه مكابره .. ساكت

لماذا لا تدافع عن المسلمين حتى لو كنت لا تؤمن بالاسلام .. من باب أن علمانيتك تدعو إلى إحترام حقوق الأخرين .. ومنهم المسلمين؟

من خلال مبراراتك الأخلاقية العلمانية .. هل من حق المسلمين الدفاع عن حقوقهم .. ومنها وضع أيتها شعار يريدون إذا ما توفرت له الأغلبية أو الأمكانية؟

بريمة

العزيز مرتضى

سلام .

حقيقة لا اعرف الظروف والملابسات التي وضع فيها إسم الله على شعار جامعة الخرطوم ، ولكني أعتقد إن كلمة الله ليست وقفاً على المسلمين وقد أتاحت لي الظروف أن ادرس كورساً عم الدين ( Classical Islam ) بجامعة وينبيك - كندا. وقد عرفت من خلال هذا الكورس بالاضافة لمعلوماتي القديمة ، العلاقة بين الإسلام والأديان الاخرى واظن تاريخ الاديان ليس خافياً عليك، فكلمة الله تستخدم في المسيحية واليهودية والإسلام وحتى في بعض الاديان الهندية القديمة.. وبغض النظر عن اسباب وضعها في شعار جامعة الخرطوم ومن يقف وراء ذلك أرى إن هذا البوست غير موفق في تقديم مبررات كافية للحذف فإذا كان غرض البوست هو الربط بين الإسلام السياسي ومؤسسات التعليم العالي فارى إن التركيز يجب أن يكون في مواد التدريس التي حولت الجامعات السودانية كلها وكل مؤسسات التعليم لمجرد مراكز لتدريس مواد لا علاقة لها بالتنمية أو التفكير " (مؤسسات تجهيل عالي)... وهنا يكون هنالك عائداً من النقاش حول الموضوع ، لكن المطالبة بحذف كلمة الله من الشعار لن تفيد حتى ولو ألغى الشعار كلهفسيظل الواقع كما هو ... لأن الموقف ليس ضد الله ، فالله جميل وأجمل من كل القبح الذي شوّه بلادنا تحت راياته ... الله هو نصير الفقراء والمعدمين ونصير المحرومين ... وجميل لو وضع في شعار جامعة تسعى لتحقيق الخير وتخدم الحقيقة فهذه مضامين لا تتضارب والله في كل الاديان كرمز للخير المطلق و" حلاّّل عقد ليالي الضّيق" .
الشيئ الثاني هو تصوير العلمانية كنقيض للدين فهذا موقف اعتقد فيه الكثير من الدغمسة قال نقد " حزبنا ما فيهو ولا ملحد واحد" ويقصد حزب الشيوعيين وقد تسائل حسن موسى الفنان المعروف في سخرية لازعة " وفيهو شيوعيين " أعتقد الفرق واضح بين العلمانية والمادية التي تؤمن بإله " راجع المسالة الاساسية تاني " هنا بكون الفرق واضح بين الدروب .. فأنا لي خمسة سنوات اعيش في بلد علماني لا يختلف إتنين في علمانيته " كندا " هنا الدولة تدفع لبناء الكنائيس والمساجد ، وتمول المدارس الدينية وتشجع الناس لفعل كل ما يجعلهم يعيشون في سلام ... وكل ذلك بالقانون كحقوق يحرسها الدستور .. ولكن الدستور ذاته يمنع الكراهية أو إستعلاء دين على آخر أو إستخدام الدين كإمتياز أو سبباً للتفريق بين الناس ، هنا تتعايش الاديان كما لو إنها لم تتقاتل يوماً في أي ساحة من ساحات الحروب الدينية ولا حتى في السودان.

قبل الفصل بين الإسلام السياسي والعلمانية .. أرى ضرورة الفصل بين حركات الإسلام السياسي والإسلام ، فالله الذي يتردد في نوبات الصوفية في بلادنا هو إله للخير والحب والجمال وليبقى في بلادنا لأبد الآبدين ، الله الذي في دعوات أهلنا وهم يودعوننا في رحلة المجهول هذه فليبق للابد على لسانهم ، الله الذي يزين شعارات جامعاتنا فليبقى.

أعتقد إنك حر في رغبتك بتغيير ومسح كلمة الله من الشعار ولكن ستظل رغبة خاصة لا علاقة لها بالعلمانية ولا بالإسلام فهي نتاج حالة الكراهية التي تولدت لدى قطاع كبير من الناس بسبب ممارسات الإسلاميين وأدت لأن يعتنق البعض أديان اخرى ليتبرأوا من ما ارتكب بإسم الإسلام .. والتطرف يولد التطرف.

هامشية كاملة يا أخ مرتضي
حقيقة هامشية
ليست هذه هي الأمور التي يتعارك عليها أصحاب الهم
خلي همك كبير ... كبير في حجم الوطن .... يعني مليون وعي مربع
لو ما عندك موضوع نزل غُني هابط أحسن من ده

انـا خطرت لي فكرة امس وانـا نايم زي الساعة تمنية وعشرة كدا ..
قلت ناس يذهب الزبد جفاء المجموعة القاعدة تحاضر عن (الله) وعن الاسلام السياسي .. وانضم ليهم مؤخراً الدكتور (انــا) صاحب اكبر غـدة (انوية) بالبورد وخبير الاسلام السياسي في منظمة العفـو الدولية..
ما خطـر لي من فكرة انو:
بعدما تشيل هذه المجموعة من النقاشين اسم الجلالة من اليافطة بنفس تكنيك ( البـخ ) بالبوهية احنطية اللون والحرجلية المذهب المذكورة في ( بخنــا اعلاه ).. يقوموا بنفس البوهية دي يكتبوا ليهم لافتــه قماش .. خمسة متر في خمسة متر .. ويكتبوا فيها:
.. لا لله ,, لا لله .. هي للسلطة ولا للجاهـ .. على ان يكون التوقيع .. ( مجموعة الدب بيري ) ..
مجموعة الدب دي ما جاية من فراغ طبعا .. مجموعة يذهب الزبد جفاء القاعده تدي فينا محاضرات دي .. هي نفس المجموعة بتاعت الدب .. لمزيد من الايضاحات .. خلونا نشوف (بخــاري) موضوعـو شنــنو وبجي بكمل ليكم المسالة بتاعت الدب دي ..










فتاح يا عليم .. رزاق يا كريم.

Quote: التحول بقضية هامة و كبيرة و معقدة مثل العلمانية و علاقة الدين بالدولة لاغراقها في تفاصيل و جزئيات ليست ذات اهمية مباشرة او غير مباشرة بالقضية نفسها , مشابه لاغراق الاسلام السياسي للفضاء الفكرى و السياسي بتفاصيل و جزئيات فقيرة و بائسة.

امثلة لشعارات جامعات علمانية

Canada


McMaster University
Τα παντα εν Χριστωι συνεστηκεν Greek
All things cohere in Christ
كل شيء يتوحد في المسيح


Université Laval
Deo favente haud pluribus impar Latin
By the grace of God, to no one equal
بفضل الله الذي لَم يَكُن لَّهُ كفُوًا أَحَد

University of King's College
Deo Legi Regi Gregi Latin
For God, Law, King, People
الله القانون الملك الناس

University of Ottawa
Deus Scientiarum Dominus Est Latin
God is the Lord of Knowledge
الله هو رب المعرفة

University of Saskatchewan
Deo et Patriae Latin
For God and Country
الله والوطن


The Netherlands

Groningen University
Verbum domini lucerna pedibus nostris Latin
The word of the Lord is a light for our feet

كلمه الرب تنير طريقنا

Radboud University Nijmegen

In Dei Nomine Feliciter Latin
May we proceed with happiness in God's name
السعاده في المضي قدما بسم الله

Sweden


University of Uppsala
Gratiae veritas naturae
Truth through God's mercy and nature
الحقيقة من خلال رحمة الله والطبيعة

United Kingdom

Durham University
Fundamenta eius super montibus sanctis Latin
Her foundations are set upon the holy hills
اسست على التلال المقدسة


University of Aberdeen
Initium sapientiae Timor domini
The fear of the Lord is the beginning of wisdom
الخوف من الرب هو بداية الحكمة (رأس الحكمة مخافة الله )

University of Oxford
Dominus Illuminatio Mea
The Lord is my Light
الرب نوري


United States


Brown University
In deo speramus Latin
In God we hope
ويحدونا الأمل في الله (توكلنا على الله )

Columbia University
In lumine Tuo videbimus lumen Latin
In Thy light shall we see light
بضوءك نري النور

Duke University
Eruditio et Religio
Erudition and Religion
سعة الاطلاع والدين

Furman University
Christo et Doctrinae
For Christ and Learning
من اجل المسيح والعلم

Gardner-Webb University
Pro Deo et Humanitate
For God and Humanity
من اجل الله والانسانيه

George Washington University
Deus Nobis Fiducia
In God Our Trust
ثقتنا في الله (حسبنا الله)


Princeton University
Dei sub numine viget
Under God's power she flourishes
بقوة الله تزدهر

يا أحمد خليل ياخي شكراً ليك وجزيت خيراً,وفي الحقيقة فتحت باباً للجهاد (المدني),,,وحسب سيرورة الصراع بين العلمانية و(الدين) السياسي فإن تغيير شعارات هذه الجامعات فوراً أولوية لا فكاك منها,,,

فيا علمانيي العالم اتحدوا..(لتمسحوا) أو (تبخوا) زي ما قال تمبس..



دايرين واحد يتبرع كده يجيب لينا شعارات أندية الكورة..

حأبدأ ليكم أنا..

أحسبوا وقولوا واحد (الهلال) السوداني..

وهرب الرجل....
وفى روايه اخرى ........ زاغ
طيب اعتزر و .... زوغ

Quote: خلي همك كبير ... كبير في حجم الوطن .... يعني مليون وعي مربع لو ما عندك موضوع نزل غُني هابط أحسن من ده

العزيز أبنوس

تحياتي

مشكور جداً على المداخلة والاهتمام بالموضوع. فيما يتصل بفكرة أن كلمة "الله" مستخدمة في بقية الأديان الأخرى، تجدني قد فندت ذلك في مداخلة سابقة، وأعيد هنا، أنه لا اعتراض لي على ذلك فقط من باب أن لكل دين إله، ولعل هذا ما يميز الدين كفلسفة مثالية تفسر الظاهرات الطبيعية وتعزوها إلى سوبر باور Super Power، عن الفلسفات المادية التي لا تفسر نفس الظاهرات على ذات الأساس، بالتالي هنالك سوبر باور في الدين الإسلامي ومثله في المسيحية ومثله في الهندوسية وحتى الديانات المحلية عندنا، لا خلاف حول ذلك. لكن ما أقوله تختلف دلالات –رموز- هذه السوبر باور من كل دين إلى آخر. فإله المسيحيين في دلالاته هو غير إله المسلمين وهما بالضرورة يختلفان عن "هيلا سلاسي" كإله كان معبوداً وله من يعتقدون في ألهويته. فوق هذا وذاك أعيد وأكرر أن من كتب كلمة الله في شعار جامعة الخرطوم لم يكن يعني المسيحيين ولا اليهود ولا أصحاب الديانات المحلية ولا الملحدين ولا أظن كان ينطلق من نقطة التقاء الأديان التي تحدث عنها الأستاذ محمود محمد طه. وإلا لماذا كتبت آية من القران الكريم في "الإكزام هول" بينما غابت النصوص المقدسة للديانات الأخرى.

إليك وإلى الذين يشاطرونك الرأي بتقليل أهمية هذه المعركة. أقول: كل ما سيق من مبررات للتقليل من أهمية هذه المعركة استند على توقيتها أوعلى تصويرها وكأنها معركة ترفية. أقول أخشى ما أخشى ألا يحين زمن هذه المعركة أبداً في أجندتكم النضالية والتغييرية، وأخشى ما أخشى أن تكون مثل هذه الأفكار نابعة من تهيب منازلة الإسلام السياسي التي نبعت من تداعيات حادثة معهد المعلمين العالي والتي طرد نواب الحزب الشيوعي من البرلمان بسببها والتي جعلت محمد إبراهيم نقد-بمناسبة ومن دون مناسبة- ينفي أن حزبه لا يوجد به ملحدون وجعلته غير مرة يتنصل عن الدفاع عن العلمانية ويهمنا بأن نضال حزبه منذ 1946 كان من أجل الدولة المدنية وشايعه في ذلك كمال الجزولي غير مرة.

مرة أخرى أنا لا أفرق بين معارك فرعية وأخرى جوهرية في سيرورة الصراع مع الإسلام السياسي فكلها بذات الأهمية، بالنسبة لي بالطبع. وهذا التأجيل المستمر لهذه المنازلة من قبل متحدثة من يدعون العلمانية أمر مشبوه يثير عندي الشكوك أكثر مما يحرضني على محاورته. لنتأمل الهمة التي يتعامل بها الطرف الآخر للمعركة لنرى أي إبطاء رحنا ضحايا في حبائله. لك أن تتأمل ملاحقة مجرمي الإسلام السياسي للطالبات في أزقة الجامعة والفتيات في شوارع المدن وإجبارهن على الحجاب وسؤالهن بكل وقاحة عن كيف خرجن من أمام أولياء أمورهن بهذا المظهر. لك أن تتأمل أن هؤلاء المجرمين لم يفوتوا الفرصة في فرض مواد التربية الإسلامية على طلاب الجامعات حتى الذين يدرسون الهندسة والطب والبيطرة، ولك أن تتأمل حمولة التدين التي حملوها للمناهج التعليمية في مدارس التعليم العام، ولك أن تتأمل التربية الجهادية التي أفسدوا بها عقول جيلين من أبناء وبنات الشعب السودان. فمت يحين توقيت هذه المعركة ومن أين نبدا؟


مرتضى جعفر

العزيز صبري الشريف

تشكر على المرور والاهتمام بالموضوع، وعلى الكلمات المساندة والداعمة. تعرف يا صبري مجرمي الإسلام السياسي معلوم أنهم يفتقدون للأهلية الأخلاقية المطلوبة للدعوة إلى الفضيلة، حتى وإن كان الدين هو وسيلتها. تعرف الناس ديل أنا أخدتا لي غيبة كده من مشاهدة تلفزيون السودان يجي شهر كدهـ أول أمس بشوف فيو لقيتم في النشرة الرئيسية (10 مساء بتوقيت السودان) وبعد ما الساعة بتاعت LG ديك أعلنت العاشرة، كانوا زمان بجيبو حمامة سلام ترفرف ويكتبون على الشاشة وحدة في تنوع، أها هسة بقوا يعملوا قبليها صور بتاعت المظاهرات التي نددت بالرسوم الكرتونية ويكبوا في نهايتها قاطعوا الدنمارك ومنتجاتها..تخيل المرجمين ديل وخدامهم لو تركنا ليهم الحبل على القارب حا يلفوهو حول رقابينا.

لك التحية با عزيز
مرتضى جعفر

Quote: معلوم أنهم يفتقدون للأهلية الأخلاقية المطلوبة للدعوة إلى الفضيلة،

اولا : هل تؤمن بوجود قيم اخلاقية ؟؟؟؟؟
ثانيا : هل تؤمن بوجود فضيلة ؟؟؟؟؟


ماهى الاهلية الاخلاقية للدعوة الى الفضيلة ..؟؟؟؟؟

Quote: هذه السوبر باور من كل دين إلى آخر. فإله المسيحيين في دلالاته هو غير إله المسلمين وهما بالضرورة يختلفان عن "هيلا سلاسي" كإله كان معبوداً وله من يعتقدون في ألهويته. فوق هذا وذاك أعيد وأكرر أن من كتب كلمة الله في شعار جامعة الخرطوم لم يكن يعني المسيحيين ولا اليهود ولا أصحاب الديانات المحلية ولا الملحدين ولا أظن كان ينطلق من نقطة التقاء الأديان التي تحدث عنها الأستاذ محمود محمد طه. وإلا لماذا كتبت آية من القران الكريم في "الإكزام هول" بينما غابت النصوص المقدسة للديانات الأخرى.

.. طبعا يا عزيز بشاشا القارئ زي ما ملاحظ .. افلاطـون معارك اسفيرية عاد ليفسر لنا الماء بالماء .. وعاد كعادته القديمة يمارس اللف والدوران ..
يتحدث عن الذي صمم شعار الجامعة وينتقد فيه بحده ويدعي انه لا يتفق مع اطروحات محمود محمد طـه .. يعني نحن كلما نقول ليهو محمود دا خليهو بعيد .. مصر انو يورط الرجل وهو بين يدي الله .. ومصر برضو يطلع الزول الصمم الشعار دا مجرد جربندي ساكت ..
فقط تامل يا عزيزي القارئ كيف يرد على مداخلات بعينها ويرمي اسقاطات لغة هزيلة تزيد من شدة توتره وتبين وتفضح طرحـه المتخلف المتشنج ..
زعيم مجموعة الدب بيري .. ينسى في غمرة تشنجه ان يرفع راسه ليرى ما كتبه غيره من شيوعيين .. وممن يختلفون اشد الاختلاف في الطرح الاسلامي حتى في المناهج ..
لكن
امثال هذا المتطرف المتشنج .. وبعض الهتيفه الذين يتبعونه في جهل مضحك .. لا يجدون مكانا للترويح عن النفس .. يبدو ان مات يجدونه هنا من لطم على خدود افكارهم البالية يعيدهم غلى مصاف الاحساس .. والشعور ان بهم باقي من حياة ..

Quote: إليك وإلى الذين يشاطرونك الرأي بتقليل أهمية هذه المعركة. أقول: كل ما سيق من مبررات للتقليل من أهمية هذه المعركة استند على توقيتها أوعلى تصويرها وكأنها معركة ترفية. أقول أخشى ما أخشى ألا يحين زمن هذه المعركة أبداً في أجندتكم النضالية والتغييرية، وأخشى ما أخشى أن تكون مثل هذه الأفكار نابعة من تهيب منازلة الإسلام السياسي التي نبعت من تداعيات حادثة معهد المعلمين العالي والتي طرد نواب الحزب الشيوعي من البرلمان بسببها والتي جعلت محمد إبراهيم نقد-بمناسبة ومن دون مناسبة- ينفي أن حزبه لا يوجد به ملحدون وجعلته غير مرة يتنصل عن الدفاع عن العلمانية ويهمنا بأن نضال حزبه منذ 1946 كان من أجل الدولة المدنية وشايعه في ذلك كمال الجزولي غير مرة.

.. والله التجاني الطيب بابكر الكنا بنقعد ومنسمعو بقول في شنو ونحن شفع .. كان لو ما صلى العشاء ما بجر ليهو حرف في قلم .. وعندنا واحد تاني في الحلة من الشيوعيين الكبار جدا دا لما الجبهة في سنينة الأولى .. كان امو بتحضر ليهو الشنطة وتتتكله جمب خشم الباب وفيها الملاية والمصحف وكتب لينين .. امو عجوزة وصلاية .. صلاة السنين ورابطة راسه .. زولنا دا كان بطشم طشمي السنين .. لكن كان ما صلى العشاء والله كاس عصير ما يرفعوا ..
تجي تشبكني الحزب الشيوعي ومعارك وسوبر مـان .. والرجـل العنكبوت؟


يللا يا بتاع المعارك .. اظهر لنا بعض البطولة واشرح لينا الشعار دا ..
ولو غلبك جيب عاطف عابدون يعتذر لينا ويشرح .. ولو غلبكم الاتنين جيب لينا ابو غده انوية احتمال كلكم كدا تقدروا تورونا الصمم الشعار دا منـو .. وسنة كم تحديدا ..

الجائزة الاولى .. طقم اسنـان دهب .. ومسدسين موية وتلاتة فرش تمنية بوصة وعلبة بوهية رينبو ..

Quote: تمبس.. شيل بقجة غباينك دي واتخارج من هنا يا براي

.. يا رشـا سالم ..
سامعيني كويس وارمي كلامي دا البحــر ..
مش انت زيك وزي الناس الاتعلقت في الجامعة واخدت على راسه بي سيخ الكيزان وبي الاطواق المصنوعة في الصين ..؟
فاضل ليك مداخله واحده هنا في البوست دا .. والله كان ما طلعتي كوزة هنا وفي الامن كمان .. انا ما تمبس ..
مرتضى جعفر دا يا ستي انا ماخدو مقاولة شخصية .. لانو جا فاتح زراير قمصيو وقال تمبس دا كوز وامنجي .. والاحر من كدا وحرقني شديد .. قال لي عايزين تورينا كنت بتعمل شن للناس لما كنت في الأمن ..
النبي يقيف ليك ويسد ليك المكان .. حسع زي دا انا بخليهو ..؟
والله إلا يقول الروووب هنا دا ..
الروووب يا تمبس خليني ..
غير ذلك .. اي بوست هنا .. بستولى عليهو وامنطقو ليك فيهو .. وامسح بيهو الواطة .. واجيب ليهو الزول العملتو مخصوص علشانو ..
الا وهو .. هذا الرجل ..

Quote: دايرين واحد يتبرع كده يجيب لينا شعارات أندية الكورة.. حأبدأ ليكم أنا.. أحسبوا وقولوا واحد (الهلال) السوداني..

يا الواثق ..
اعمل حسابك ..
والله هلالانـا الصعب دا (الببخــو) بالبوهية نحن (نرشـو) بالـدم

الطريق إلى السودان الجديد..إنشاء العلاقات الطبيعية مع إسرائيل أهم محطاته

Quote: ولي عودة مرتضى جعفر

براآآآآكـ ..



قشة ما تعتر ليكـ..

{وَإِذْ قُلْتُمْ يَا مُوسَى لَن نُّؤْمِنَ لَكَ حَتَّى نَرَى اللَّهَ جَهْرَةً فَأَخَذَتْكُمُ الصَّاعِقَةُ وَأَنتُمْ تَنظُرُونَ} البقرة55


{وَإِذْ قَالَ مُوسَى لِقَوْمِهِ إِنَّ اللّهَ يَأْمُرُكُمْ أَنْ تَذْبَحُواْ بَقَرَةً قَالُواْ أَتَتَّخِذُنَا هُزُواً قَالَ أَعُوذُ بِاللّهِ أَنْ أَكُونَ مِنَ الْجَاهِلِينَ }البقرة67


{فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتاً حَسَناً وَكَفَّلَهَا زَكَرِيَّا كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقاً قَالَ يَا مَرْيَمُ أَنَّى لَكِ هَـذَا قَالَتْ هُوَ مِنْ عِندِ اللّهِ إنَّ اللّهَ يَرْزُقُ مَن يَشَاءُ بِغَيْرِ حِسَابٍ }آل عمران37

{وَإِنَّ مِنْهُمْ لَفَرِيقاً يَلْوُونَ أَلْسِنَتَهُم بِالْكِتَابِ لِتَحْسَبُوهُ مِنَ الْكِتَابِ وَمَا هُوَ مِنَ الْكِتَابِ وَيَقُولُونَ هُوَ مِنْ عِندِ اللّهِ وَمَا هُوَ مِنْ عِندِ اللّهِ وَيَقُولُونَ عَلَى اللّهِ الْكَذِبَ وَهُمْ يَعْلَمُونَ }آل عمران78


============

مرتضى

الله هو خالق الناس جميعاً

عند اليهود والنصارى والمسلمين وكل المؤمنين يؤمنون بأن هناك رب خلقهم

عندنا في اللغة العربية نعرفه باسم الجلالة (الله)

وفي الإنجليزية هو (GOD)

وحقيقة لا أعرف بباقي اللغات يطلقون عليه ماذا ؟؟

=========

نسأل الله لك الهداية

Quote: وتيب ..؟!؟ حاذفنو مالكم يا انصرافيين؟

دكتورة رشا شكرا جزيلا

ربما الانصرافية تجعل لنا حضور في عالمك الغير انصرافي

لاعب غانا يلوح بعلم إسرائيل مونديال كأس العالم 2006م.. [توجد صورة]..

Quote: Ghana soccer player John Pentsil parading the Israeli flag celebrating his team's goal against the Czech Republic. (AP) المدافع جون بينتسيل محترف في نادي هابوئيل تل ابيب.. وده.. الجنن حكومة بلدو غانا.. وبادرت بالإعتذار.. ووصفت هذا السلوك.. مبررة.. بقولها.. اللاعب أرعـــــن..

هسعي يقول عليكـ شنو في طولة لسانكـ دي..


سجمكـ..

Quote: دكتورة رشا شكرا جزيلا ربما الانصرافية تجعل لنا حضور في عالمك الغير انصرافي

بلاي وإنت طالع اقفل الباب وراك ..
البوست دا العايز يرد فيهو مفترض يجي ياخد الفاتحة من هنا ..
عديمين منطق وعديمين موضوع .. جايين فاكنها فينا هنا دا وعاملين لينا فيها منظراتيه وفلاسفة ..


ح تشرح لينا الشعار دا وعملو سنة كم يا ابو غده انوية .. واللا ح تعمل لينا فيها الود مهذب سياسيا ودينياً وفي النهاية تعمل فيها نقاش ..؟

سلام مرتضي و الجميع

بدءا شايفك اخترت طريقة تجاوز الاراء المخالفة كليا او جزئيا و "التحاور" مع الاراء او الاشخاص المتفقين كليا او لحد كبير معك. ده من حقك، لكنى اعتقد اننا محتاجين حوارات (ديالوق ) لا مونولوقات. دى برضو خيارات و ليها تبعات.

ما يهمنى هو القضايا المطروحة و ضرورة التحاور حولها وتقبل مبدا جوهرى وهو اننا قد نتفق في الشعار العام ـ العلمانية كمثال ـ لكن قد نختلف في زوايا النظر لها و بالتالى تتعدد المواقف و الرؤى. مهم قبول و احترام هذه التعددية و هذا الاختلاف وهو في احد ابعاده جزء حيوي من مبدا العلمانية ذاتها.

لانك لم ترد ـ لاسباب تخصك ـ على تحفظاتى على ما كتبت، اسمح لنفسي باعتبار بعض الاشارات هنا و هناك انها رد على و ربما على اخرين/اخريات.
لتكون المواقف واضحة، انا مع الدولة العلمانية و مع طرح قضية العلمانية بكل الوضوح والجسارة و الجدية المعرفية والفكرية. و ضد الاتجاهات التى تحاول طمس او تمييع طرحها لاعتبارات سياسية او براقماتية ( حديث نقد او الجدل الدائر في الحزب الشيوعى حول دولة "مدنية" ام علمانية يسير في هذا الاتجاه في تقديري) . و ايضا ضد الاتجاهات التى ـ بوعى او من غير وعى منها ـ تبتسر قضية علمانية الدولة لشكليات و قشور ـ نموذج جيد تركيا ـ او تحولها لاداة منفعية في الصراع السياسي مثل ما حدث في فرنسا و دول اوروبية اخرى حين استخدم اليمين شعارات العلمانية ـ ضمن وسائل اخرى ـ لاثارة العواطف ضد المهاجرين و الاجانب .

كما كتبت لك في مداخلتى الاولى : المدخل لاى قضية و كيفية تناولها مهم و حاسم احيانا كثيرة للقضية نفسها، ده ما اكتشاف منى بل موجود في وسائل البحث/الكتابة/الاعلام الخ.
انا ازعم ان كتابة اسم اله في شعار جامعة اية جامعة او مؤسسة ليس حاسم لامر علمانية الجامعة/المؤسسة من عدمه، الادلة على وجود هذا الامر في جامعات علمانية عالمية اتى به الاخ احمد خليل. مر على جامعة الخرطوم تحت نفس هذا الشعار اساتذة و دكاترة و بروفسرات علمانيين قاطعين (مثال د. محمد محمود ـ نشرة اليقظة) و اخرون تمسكوا بتدريس النظريات العلمية كالتطور الداروينية و تسبب تمسكهم بالعلمية و العلمانية في فصلهم و ربما اعتقالهم. ربما لم ينتبه هؤلاء لوجود المفردة في شعار الجامعة او انتبهو، لكن واضح انها لم تكن تشكل التهديد او الخطر على علمانية الجامعة و لا على استقلالها الاكاديمي والبحثي والادارى و المالى. ازعم ان ايا من هؤلاء سيوافق دون تردد على كتابة اية مفردات دينية في شعار الجامعة مقابل استرداد الاستقلال الاكاديمي والبحثي والادارى و المالى الكامل للجامعة.
المدخل/العنوان الذي قدمته لموضوعك اطاح ببقية القضايا و الافكار المهمة التى طرحتها مثل :

Quote: - الجبهة القومية الإسلامية حولت جامعة الخرطوم والجامعات الأخرى إلى خلاوى يدرس فيها عبد الحي يوسف والكاروري ومن هم على شاكلتهم، وأصبحت في عهد الهوس الديني أبعد ما تكون عن الحياة الأكاديمية والعلمية. فمجرد التوقيع على نيفاشا لا يعطي ضمانة لبناء دولة المواطنة. ما يعطي الضمانات هو مسار التنفيذ والتقليل من حمولة التدين وتمييز المسلمين دون سواهم في دولة المشروع الحضاري التي ما عاد لها من وجود بعد نيفاشا. - فالمعركة مع الإسلام السياسي أساسية وجوهرية في هذا السياق ولا مهرب من خوضها بكل ما تحمل من ضراوة وشراسة

بل انت كنت بشكل ما منتبه لمخاطرة هذا المدخل حين كتبت:

Quote: ففكرة البوست أعمق من تغيير الشعار أو كلمات النشيد الوطني

لماذا الاصرار والتبرير اللاحق لهذه المخاطرة اصلا؟

كتبت لاحقا

Quote: إليك وإلى الذين يشاطرونك الرأي بتقليل أهمية هذه المعركة. أقول: كل ما سيق من مبررات للتقليل من أهمية هذه المعركة استند على توقيتها أوعلى تصويرها وكأنها معركة ترفية

و

Quote: مرة أخرى أنا لا أفرق بين معارك فرعية وأخرى جوهرية في سيرورة الصراع مع الإسلام السياسي فكلها بذات الأهمية، بالنسبة لي بالطبع. وهذا التأجيل المستمر لهذه المنازلة من قبل متحدثة من يدعون العلمانية أمر مشبوه يثير عندي الشكوك أكثر مما يحرضني على محاورته.

دى مكابرة منك تعلم انت نفسك خطلها ، لا يوجد شخص او حزب او جماعة "واقعية" تخوض في الشان العام و تزعم انها لا تضع اولويات ، لا تفرق بين معارك فرعية وأخرى جوهرية و لا تفرز بين الرئيسي والثانوى.

ارى ان هناك خلط بين امرين:

العام: اهمية و اولوية خوض الصراع المفتوح والجسور في قضايا العلمانية/الديمقراطية ( لا افصل في اهمية خوض المعركتين معا ، تقديري الخاص)

التفصيلى: شنو الرئيسي/الحاسم في قضية العلمانية ( مثلا الدستور، القانون ,مناهج التعليم الخ) و شنو الثانوى و الهامشي جدا مثل تغيير شعار الجامعة, و هو فى تقديري ثانوى للغاية، يمكن ان تتناوله جامعة في دولة حسمت قضاياها العلمانية الكبري و و تفرغ البعض لاكمال ال political correctness and the nice to haves

في دولة دينية مثل دولتنا قتل فيها ملايين الناس باسم الاله و لا زالو, يصبح الحديث عن علمانية شعار الجامعة ـ ولو تحت دعاوى العلمانية ـ بالفعل ترف و سوء تقدير.

بريشت قال:

حقا احيا في زمن قاتم

و اللغو العادى عن الاشجار
يصبح ذنبا و جريمة
لان اللغو العادى عن الاشجار

يعنى الصمت

ازاء فعال نكرات و لئيمة

لست ملزم بالرد على

no hard feelings and nothing personal

تحياتى.




الواثق سلام

Quote: كويس يا عصام جبر الله إنها جات منك لأني كنت على نفس نهج تمبس حأجيب هنا شعارات دول كتيرة وحتى شعارات (أندية كورة) فيها صلايب وحاجات كتيره تصنف كرموز دينية وطبعا في بلاد علمانية, طبعا ما حننسى الدولار أب صلعه.. المطلوب من العلمانيين فك الارتباط وحل الإشكالية دي..كيف دولة علمانية تخت ليها رمز ديني أو تسمح لمؤسسة تحت سلطتها بوضع رمز دين كشعار؟؟؟

شيل الصبر، بجيك للنقاش

سلام يا مرتضى ..

شابف الهاودوك و شبه إتفقوا معاك كلهم دخلتهم في ( يا عزيزي ) و منحتهم شرف الحوار ..
طيب ناس الما عزيزك ديل .. ما بتاخد و تدي معاهم ؟؟
و زي ما قال عصام .. وكت دايرو منولوج و شيالين ما كان تكتبوا لينا ياخ ..
من حقنا نقول ليك : ده شوف أضيق من خرم السبيبة لقضية اوسع من سماء الخرطوم الشقيانة بالغفلة .
و ما ناقصين تشتيت طاقاتنا و تبديدها في دايالوق الجدادة و البيضة .

و ما تغضب من كلامي ..
إحترامي .
أبقى طيب ..

UP

Quote: الأخ أبو الريش إن كنت تعتقد بأن المعركة ضد الإسلام السياسي هي معركة لا علاقة لها بحريق البلاد، فأنا لا اتفق معك في ذلك. فببساطة من الذي أشعل هذا الحريق وبأي وقود؟ الإجابة عندي ببساطة هم الإسلاميين وبوقود الإسلام السياسي. وكنت قد قلت في مداخلتي الأولى بأن فكرة البوست ليست فقط تغيير شعار جامعة الخرطوم والنشيد الوطني، على أهمية هذه الفكرة، إنما الفكرة المركزية وراء ذلك هي هزيمة الإسلام السياسي الذي بدون هزيمته لن تتأسس دولة المواطنة، وهذه المعارك-تغيير شعار جامعة الخرطوم والنشيد الوطني- هي معارك هامة في هذا السياق. الحريق المشتعل في البلاد لا سبيل لوقفه إلا بلجم هؤلاء المجرمين، الذين لا يستهدفون حتى إقامة دولتهم الدينية الفالقننا بيها دي والمغشوشين بيها ناس كتار، فكرتهم المركزية استغلال الدين للبقاء أو الوصول إلى السلطة، فلا سبيل من لجمهم وتعريتهم والتصدي لهم، ولابد لأصحاب الديانات الأخرى أن يأخذوا حقوقهم كاملة غير منقوصة فهم سودانيون من الدرجة الأولى ايضاً. بعدين معركتي دي لو ما عاجباك بكل أريحية ممكن تروح البوستات الفيها المعارك التي تروقك، لكن لن تجدني فيها.

Quote: إن كنت تعتقد بأن المعركة ضد الإسلام السياسي هي معركة لا علاقة لها بحريق البلاد، فأنا لا اتفق معك في ذلك.

المعركـة ضـد الإسـلام السياسى؟!!!
شـر البليـة ما يضحك.. ياخ انت ما عارف الإسلام السياسى زاتو شنـو، وما حاربته يوم واحـد.. أنت تحارب الحكومـة.. هل
فهمت الفرق؟ وهل محاربـة الإسـلام السياسى هى مناطحـة اللافتات؟ وفرقعات الكلمات مثل "أزيلوا كلمة الله" للعلم بأن هـذه
العبارة قـد تهيج بعض المهوسين؟ كأن الغرض هو إستفزاز وتهييـج البسطـاء، بالرغـم من أن اللإسلاميين سوف يضحكون ولا يردون.
ما هـو الإسلام السياسى؟ ترمى هـذه الكلمات وكأنها مفهومة بالضرورة.. قافزا على حقائق كبيرة، لا تملك إلا أن تناقشها
إن كنت فعلا تريـد فهم الإسـلام السياسى ومحاربته.. الإسلام السياسى هـو مصطلح غربى يقابله تطبيق الشريعـة الإسلامية عند
المسلمين، فلماذا لا تكون شجاعـا وتعارض تطبيق الشـريعـة والدعوة الى تطبيقهـا، وتعدد أسبابك وتدافع عن وجهـة نظرك؟
شنو يعنى تغييـر لافتـة بالنسبـة لبراغماتيين مستعدين يغيروا أى شئ من أجل التكتيك.. شـوف دستـور 1998 وشوف التغييرات
التى حدثت فيه، والكلمات الدينية التى حذفت منه.
ما زلت أقول لك penny-wise-pound-foolish

Quote: بعدين معركتي دي لو ما عاجباك بكل أريحية ممكن تروح البوستات الفيها المعارك التي تروقك، لكن لن تجدني فيها.

يا مرتضى لا بد أن تعرف أنك بمجرد ما تنقر على ذر الإرسال، فإن البوست ليس ملكا لك.. وأنا عندما أرد، بالرغم من
إيرادى اسمك كمخاطب، إلا أن هدفى هو كل من قرأ البوست، وليس أنت وحدك. فلا تظن أنى أخاطبك من دون القراء.. والقراء
يستفيدون من النقاش والأراء المتباينـة ويفكرون بعقولهم ويصلون للرأى الذى يكونوه بأنفسهـم. فلا تحجـر عليهم حريـة المعلومات
من مصـادر مختلفـة.
بالناسبـة أنا لا أرد كثيرا على المعركـة (العاجبانى).. دائمـا أرد على المعركـة الما عاجبانى.. (لو الإختلاف فى الرأى
عندك يعنى عجب وغضب)

الصديق ود جبر الله
عبّرت عني بصورة أدق و أشمل..
يديك العافية..
والعلمانية مشكلتها الأولي في من يتشبرون بها، لا الذين يعادونها من منطلق ديني مغلوط وسطحي..
والعلمانية في فهمنا البسيط تحترم الأديان اكثر من الذين يتاجرون بأديانهم، حيث تنأى بالأديان عن المعترك السياسي..
الدولة وبكل مؤسساتها لا تخضع لديانة ولكنها (الدولة) توفر للأديان كل ما تتطلبه حرية المعتقد..

Quote: كتب الزميل أحمد خليل: امثلة لشعارات جامعات علمانية Canada McMaster University Τα παντα εν Χριστωι συνεστηκεν Greek All things cohere in Christ كل شيء يتوحد في المسيح Université Laval Deo favente haud pluribus impar Latin By the grace of God, to no one equal بفضل الله الذي لَم يَكُن لَّهُ كفُوًا أَحَد University of King's College Deo Legi Regi Gregi Latin For God, Law, King, People الله القانون الملك الناس University of Ottawa Deus Scientiarum Dominus Est Latin God is the Lord of Knowledge الله هو رب المعرفة University of Saskatchewan Deo et Patriae Latin For God and Country الله والوطن The Netherlands Groningen University Verbum domini lucerna pedibus nostris Latin The word of the Lord is a light for our feet كلمه الرب تنير طريقنا Radboud University Nijmegen In Dei Nomine Feliciter Latin May we proceed with happiness in God's name السعاده في المضي قدما بسم الله Sweden University of Uppsala Gratiae veritas naturae Truth through God's mercy and nature الحقيقة من خلال رحمة الله والطبيعة United Kingdom Durham University Fundamenta eius super montibus sanctis Latin Her foundations are set upon the holy hills اسست على التلال المقدسة University of Aberdeen Initium sapientiae Timor domini The fear of the Lord is the beginning of wisdom الخوف من الرب هو بداية الحكمة (رأس الحكمة مخافة الله ) University of Oxford Dominus Illuminatio Mea The Lord is my Light الرب نوري United States Brown University In deo speramus Latin In God we hope ويحدونا الأمل في الله (توكلنا على الله ) Columbia University In lumine Tuo videbimus lumen Latin In Thy light shall we see light بضوءك نري النور Duke University Eruditio et Religio Erudition and Religion سعة الاطلاع والدين Furman University Christo et Doctrinae For Christ and Learning من اجل المسيح والعلم Gardner-Webb University Pro Deo et Humanitate For God and Humanity من اجل الله والانسانيه George Washington University Deus Nobis Fiducia In God Our Trust ثقتنا في الله (حسبنا الله) Princeton University Dei sub numine viget Under God's power she flourishes بقوة الله تزدهر

الشكر للزميل أحمد على هذه الحجة الدامغة التي تتكلم بنفسها،ولذلك لم يبذل الزميل(أحمد) عناء في الكلام عن الشعارات المكتوبة في جامعات علمانية تتبع لبلدان علمانية يشار اليهابالبنان!.لو كان هذا السجال مباراة ملاكمة لاعتبرت مداخلة وحجة الزميل (أحمد خليل) :الضربة القاضية الفنية! ولكن لأنها سجال فكري فأراها "ضربة معلم" فكريةعلى الزميل "مرتضى"أن يقف أمامها متفكرا،كماأقترح على الزميل أن يطوي "أوراقه"! وأن يوفر"أحباره"!وأن "يشمر"ثوبه ويقطب جبينه وينطلق"بشراسة"!الى هذه الجامعات العلمانية ليزيل منكرها!اذ كيف ب"قدوة"!العلمانية أن"يحشروا"اسم الله !!!-على عبارة عاطف عبدون-.سننتظر الى أن تنجلي المعركة بين مرتضى والجامعات العلمانية الكندية والبريطانية والأمريكية...وحين ينجلي الغبار ستعرف يامرتضى أفرس تحتك أم حمار!والا فهو سباق حمير! على قول أختنا رشا.
آخر الكلام:
لا صوت يعلو فوق صوت المعركة!

عصام جبر الله وعامد عبد الله

تحياتي

ربما لم تتمكنا من متابعة البوست بصورة دقيقة، لكن ما حاولتما تصويره من طريقتي في الرد وهي الإقتصار على المشاركين لي في الرأي (الأعزاء والعزيزات أو الشيالين كما اسماهم عماد عبد الله) يكذبه الردود التي كتبتها حتى الآن، فقد رددت على مخالفين لفكرتي وهم حصراً

رشال سالم

مايا

أبو الريش

أبنوس

وتجاهلت المهرجين من شاكلة تمبس، وآولئك الذي يطلبون لي الهداية مثل الكوز عز الدين بيلو، فلا ثمة ما أقوله رداً عليهم. هؤلاء تجاهلنهم عن عمد وساستمر في تجاهلي لدعواتهم المباركة أو لتهريج بعضهم مثل عبد الرازق الطالب الما شايف في أي بوست سوى علاقتو بالصهيونية فدهـ ما عندنا ليو رد أحسن من إنو إمشي يشوف ليو دكتور يعالجو من فوبيا اليهود دي،

أما أنت يا عصام فقد قد قلت في مداخلتك الأولى الآتي

Quote: اعود لاوضح وجهة نظرى اكثر

وما فعلته أنا هو إنني انتظرتك تستكمل توضيح وجهة نظرك، إذ هي لم تأت مكتملة في البداية، وسنرد عليها بعد أن اكتملت في المداخلة التانية بس الصبر وانتظرنا كما انتظرناك.

عماد عبد الله مافي زعل يا زول، لكن ما فعلته أنت هو انك فقط اقتبست جزءاً صغيراً من مداخلة عصام غير المكتملة، لذا ينطبق عليك ما قلناه لعصام، وزي ما بيقول حسن موسى أنكلمك ضحى من هسة ردنا عليك تجده في سياق ردنا على عصام؟

مرتضى جعفر

Quote: أو لتهريج بعضهم مثل عبد الرازق الطالب الما شايف في أي بوست سوى علاقتو بالصهيونية فدهـ ما عندنا ليو رد أحسن من إنو إمشي يشوف ليو دكتور يعالجو من فوبيا اليهود دي،

نسأل الله العافية لنا ولكم؛
فعلاً البتعمي القلوب..
يعني هسعي يا مرتضى بعد ده يقولوا عليكـ موحد يعني ولا بطران..
ياها آخرة إعتناق فكرة اليهوديان [كارل ماركس ولينينٍ] الإشاعو الضلال وسقوكـ ليهو جغمة هرت كبدكـ بالحسد حتى على اسم خالقكـ كطفل أنبوب مهوس بعداء المعتقدات..


قال معا قال..

يا زول بعد إستكباركـ ده..؛
أكان داير تمشي..
أمشي بس..


أكل نيمكـ براآآآآكـ..

سلام مرتضي

اسف لو استعجلت او اخطات في الحكم على مداخلاتك او الردود. عموما واصل في النقاش الرئيسي لانه مهم و مفيد

سلام

انا ما قلت ليك انت فقاعة

لكن ما قايلك فقاعة قدر ده

يعني لا بتعرف دين
ولا بتعرف علمانية
ولا عارف الشعار الجيت تناقشه سواه منو وبتين وكيف

واصل يا بيض لانك مثال جيد زنموذج كويس لضاحلة من يركبون الفكر العلماني

اها يا منظر انا بطالبك بتغير اسمك لانه برمز لدين معين

وبرشح ليك تسمي نفسك بيض لنك فعلا بيض وفاسد كمان

قلت انت خريج جامعة الخرطوم
ياتو كلية؟
اوع تقول لي الكلية الحربية

كتب مرتضى
وقد حانت لحظة رد الحقوق إلى أصحابها، تلك الحقوق السليبة منذ 1/1/1956

يازول بس جاوبني في الحتة بتاعة رد الحقوق الى اصحابها
يعني نرجع نسمي شارع النيل شارع كتشنر و شارع الجامعة شارع غردون وجامعة الخرطوم كلية غردون التذكارية ولا انت قصدك حاجة تانية انا مافهمتها قالوا الفهم قسم .

بعدين رايك في الاسامي شنو ؟ يعني لو واحد اسمو محمد ابراهيم نقد،الصادق المهدي ،احمد الميرغني ، محمود محمد طه، حسن عبدالله الترابي ، مابترضى بيهو رئيس للسودان عشان اسمو بيدل على الاسلام والسودان فيهو جميع الاديان لازم نجيب اسم محايد ؟
غايتو الخيارات بتاعت الرؤسا في زمنكم ح يكون مشكلة لووووووول يكه

زاتوووو

شوف يا اللخو
العالم ده فيه ناس كتيرين رفضوا فكرة وجود خالق لهذا الكون
ودعوا لها بشجاعة وما لفوا ودوروا وجابوها بي غادي

لا دخل لجماعات الاسلام السياسي فيما تطرح من وضع اسم الجلالة في اماكن بعينها دون الاخري
الامر له علاقة بدرجة ايمان الشخص بوجود ذلك الخالق من عدمه
ودرجة القدسية التي يحملها له



لك ان ترفض ما ترفض وتقبل ما تقبل لكن لا تتواري في دعواك لابعاد مظاهر التدين من الحياة ورفض الدين مطلقا بحرب بعض الجماعات في الساحة السياسية حيث لا علاقة



واود ان اؤكد لك ان الانسان بفطرته يشعر بان هناك قوة مهيمنة اوجدت هذا الكون ولذلك بدا البحث عنها للتقرب منها والتقوي بها
فحاول ايجادها في كل ما يراه حسب وجهة نظره متميزا ومتفةقا عليه
ولذلك عبد بعضهم المخلوقات وقدسوها ولم تكن هناك دعاوي لعدم وجود خالق الا في القريب وكمثال لذلك ما حدث في الاتحا السوفيتي والصين من رفض الدين واعتباره افيون الشعوب


ولكن تعال لاخبرك بما علمته ولمسته بنفسي من نزعة الانسان للتدين بفطرته


في الصين اذا سالت معظمهم يقول لك انه غير مؤمن وليس له دين محدد
ولكنك اذا شاهدت ممارساتهم تشعر بمدى الفراغ الروحي الذي يعيشون فيه
كيف ذلك؟

في الصين يعتبرون زعيمهم ماوتسي تونق رجلا غير عادي وارفع من منازل البشر
ولذلك صنعوا له تمثال كبير جدا في مسقط راسه ويحجون اليه بغرض التبرك وطلب الحظ
والحماية ويقدمون الزهور للتمثال كقرابين







وافدح من ذلك يركعون للتمثال باعتبار انه تمثال لاله
ولديهم حكاوى عن كرامات زولهم وكيف ان السمش والقمر ظهرا سويا في نفس الزمن عند افتتاح التمثال وكيف ان كل الزهور تفتحت بفضل يركاته

وعند سؤالك لهم هل هو اله لا يجيبون بالنفي لانه عظيم وبنى الصين الجديدة بقوة خارقة لا يمكن ان تتاح للبشر









هذا يدلل على ان الانسان السوي ذو الفطرة السليمة يؤمن بوجود الخالق واذا حدثت بعض التاثيرات مثل ما هو في الصين من تربية اجيال علي عدم وجود خالق تراهم يحاولون سد ذلك النقص بمثل ما حكوت لك من طريق











يعني تمشي وتجي راجع لي ( الله ) كان بقى فيها عمر




اللهم اختم لنا بالصالحات


التعديل لايضاح ان بعض الصور تم تغطيتها لعدم استئذان اصحابها

سبق وأن تبنى اتحاد طلاب جامعة الخرطوم في 2003م شعار الجامعة (الله - الحقيقة - الوطن - الإنسانية) ليكون الشعار الرئيسي للاتحاد، وصار يكتب في الخطابات الرسمية ، يُروَّس في الأعلى ...


الجماعات الدينية بالجامعة ظلت تعترض على إحلال الشعار محل البسملة...

اعتقد أن مسألة البسملة مرتبطه بطريقة أخرى بما طُرح في البوست ..

السوءال ...


هل يتضمن الشعار الجامعة - بوجود كلمة الله - الإستهلال الإسلامي بالبسملة، والمسيحى وغيره ؟

لنا عودة

Quote: غايتو الخيارات بتاعت الرؤسا في زمنكم ح يكون مشكلة لووووووول يكه

اعجبني (الكـولاج ) فيما تحته خـط زاتووووو ..
لذلك:
احب الكـولاج زاتووووو
أما بعد:
فكما يرى الجميع ويقرأ ويظهر انو (زبد) المفكر صبري الشريف الذي يقصده في مداخلته السابقة .. يظهر انو (فورتـه) الف ..
*وكما اعجبتني من قبل عبارة بليغة للزميلة عزاز شامي وهي تخاطب احداهن .. كانت (فايره) وشايله مفراكته وواقعة في الجميع شتيمة من طرف .. (وفورتها) تعدت (فورتي) الالفية الشهيرة بفضل بعض الفلاسفة هنا ..
تجدوني لا اجد وصفا او تعبيرا يليق بهذا البوست الخرافي .. غير
لووووول يكـه .. فارجو الاعتماد (كأداة رفع) .. وجب استخدامها (نائب فاعـل) أو ( ضرس فاعل )بدلا عن (زولي هوووي ها ) **المشهور ادنـاه ..الذي صمم خصيصا لمراغبة المنظر السياسي مدعي العلمانية .. مدعي الجمهورية مدعي الحركة الشعبية .. مدعي اي حاجة ..
يعني باختصار:
لو جيت كتبت هنا في البوست دا او اي بوست تاني عبارة ( لوووووول يكـه) مافي زول يطالبني بالشرح .. أو يقول لي:
(الليلة وين الزول بتاعك ابو .. بوووووق )..؟
هذا طبعا:
بعد الاستئذان من الزول زاتوووووو يكـه ..



ــــــــــــــــــ
* زميلتنا عزاز قالت ليها .. ( الليس لسقوطك قـاع )...؟
**

Quote: إليك وإلى الذين يشاطرونك الرأي بتقليل أهمية هذه المعركة. أقول: كل ما سيق من مبررات للتقليل من أهمية هذه المعركة استند على توقيتها أوعلى تصويرها وكأنها معركة ترفية. أقول أخشى ما أخشى ألا يحين زمن هذه المعركة أبداً في أجندتكم النضالية والتغييرية، وأخشى ما أخشى أن تكون مثل هذه الأفكار نابعة من تهيب منازلة الإسلام السياسي التي نبعت من تداعيات حادثة معهد المعلمين العالي والتي طرد نواب الحزب الشيوعي من البرلمان بسببها والتي جعلت محمد إبراهيم نقد-بمناسبة ومن دون مناسبة- ينفي أن حزبه لا يوجد به ملحدون وجعلته غير مرة يتنصل عن الدفاع عن العلمانية ويهمنا بأن نضال حزبه منذ 1946 كان من أجل الدولة المدنية وشايعه في ذلك كمال الجزولي غير مرة.

(هـذه المعركة):
معركة الفكـر كما يروج لهـا مدعي الفكـر والنزال الفكري .. بكل ادواته أو المعركة بكل ما هو معروف فيها طالما ذكر معركة في مخيلته المتواضعة فوجب استعمال كل الادوات فيها من اجل النصر او الهزيمة .. من اجل الاقناع او الـ لا إقناع ..
عرف عن الكيزان في كل المحافل سقوطهم الفكري ولذلك كانوا يلجأون إلى تعطيل لغة العقـل لتحل مكانها لغة الجسد .. فكانوا يحشدون من سيخ واطواق .. وقنابل ملتوف ويستعينون بأجهزة الدولة المختلفة .. احيانا وفي غالب الأمر كانوا ينجحون في معاركهم فكم قتلوا وكم كسروا وكم شردوا بأدواتهم المحشودة لكل المعارك .. فكرية كانت أو (عضـلية) فكم من أعزل قضى نحبه .. وكم من ينتظر بفكرته ..
المعركة اعلاهـــا..
تصور هزيمة هذا المدعي .. مرتضى جعفـر فيما طرح فكريا لو سلمنا جدلا أن ما طرحـه يعتبر فكرة ..

Quote: وتجاهلت المهرجين من شاكلة تمبس، وآولئك الذي يطلبون لي الهداية مثل الكوز عز الدين بيلو، فلا ثمة ما أقوله رداً عليهم. هؤلاء تجاهلنهم عن عمد وساستمر في تجاهلي لدعواتهم المباركة أو لتهريج بعضهم

.. تجاهل كاتب البوست الردود على البعض هنا هزيمة وفرار من (المعـركة) التي يصورها فطالما هناك طرح القصد منه اقناع الجميع بدلالة (معـا من اجل .... ) فهذا معناه الحشد .. وادخال السيخ وقنابل الملتوف والاطواق إلى حرم الفكــر والصراخ بالصوت العالي أو الاستجداء كما يفعل دائما ..
لو استعملنا اي معادلة رياضية معقدة أو بحسابات اللوغريثمات أو اي قانون لاثبات نظرية هذا المدعي لكسبه لمعركته .. نجده عاجز تماما عن اثبات ما كتبه .. من ترهـات فعمد لطريقته المعروفة من تنميط عشوائي .. (هذا كوز وهذا أمنجي) ..
عجز ابتداء بتفنيد الشعار أو حتى التوضيح عن الحقبة الزمنية لتصميمه وبعدها عن العلاقة بالكيزان .. الذي يدعي أنه ينازلهم وما هو إلا اداة تعمل على ترسيخ فهم الكيزان .. او معين يصب في فكرهم البالي ..
وسنظل نهتف ضد كل ما يأتي من معارك وهمية يتقهقر فيها طارحها مرتضى جعفر الشهير بمرتضى تنظير في الفاضي .. ويفر تاركا كل بوست ومن خلفه هزيمة بجلاجــــــل ..

نهتف بالهتاف الجديد .. لوووووووول يكـــه .. بعد الاعتماد طبعا.

و......

لووووووووول يكــــه

معا من اجل الابقاء علي شعار جامعة الخرطوم والتمسك باسم الجلالة فيه...
لا حول ولا قوة الا بالله ..
معقولة يستطيع شخص ايا كان تحمل هذا الوزر؟؟؟

ــــ
التعديل لخطأ في كلمة

معه كامل تأكيدي أنو (الله) دا ما حقنـا برانـا نحن المسلمين .. كما يروج .. هذا المدعي ساقط القناع وهو يفر من هذه المعركة







ـــــــــــــــــ
معاً من أجــــــل فضح افكار مرتضى جعفـر الهزيلة بالمنبر الحر لسودانيز اونلاين وهو يقدم خدمات جليلة لحكومة المؤتمر الوطني.

يا تامبا
الزول ده ظلطت راسوو ياخ..
دي قطعية بي ساسوية عديل كده..



___
كامل تضامني مع مرتضى جعفر في مشروع إستنارته الزائفة..

عصام جبر الله تحياتي

حكا لي صديقي الجمهوري الفنان التشكيلي خلف عبود ذات مرة أنه وعقب محكمة الردة في العام 1968، أصدر الجمهوريون كتاباً اختاروا له عنواناً هو "الإسلام برسالته الأولى، لا يصلح لإنسان القرن العشرين"، دار حوار بين الجمهوريون حول عنوان الكتاب. كانت وجهة نظر الأستاذ محمود هي أنه لابد أن يكون العنوان بهذه الصيغة حتى يجئ مستفزاً من باب أن الاستفزاز يحرض على المعرفة. فعندما قلت في مداخلتي الأولى بأن فكرة البوست أعمق من تغيير شعار جامعة الخرطوم أو كلمات النشيد الوطني فهمتها أنت و كما قلت لي:

لماذا الاصرار والتبرير اللاحق لهذه المخاطرة اصلا؟


فيا عزيزي أنا لم أخاطر ولم أكن بحاجة إلى تبرير. ولو قرأت مداخلتي الأولى لاستطعت أن تضع عبارة "فكرة البوست أعمق من ....." في سياقها الصحيح، الذي هو ليس تنصلاً عن مخاطرة العنوان. فمثلاً تراني قد قلت، في نفس المداخلة، بأننا نخطو خطوات واسعة نحو دولة المواطنة بفضل نيفاشا بالتالي يجب أن يحترم مسلمونا مسيحيينا وكلاهما يجب أن يحترما ملحدينا وأصحاب الديانات المحلية، وفي هذا السياق تأتي معاركنا ومن بينها المعركة محل الحوار هنا. فأنا وبالعبارة "فكرة البوست أعمق من ....." أتعامل مع العنوان كوسيلة مستفزة تحرض على التفكير والمعرفة، وأضع هاتين القضيتين ضمن جدول أعمال القوى العلمانية.

وحتى نخرج من مسألة الأولويات وترتيبها في سياق الصراع مع الإسلام السياسي. عندما كتبت هذا البوست تحت هذا العنوان، لم أكن أدعو قرائه من قوى العلمانية أن يذهبوا ويعملوا على إزالة كلمة الله من شعار جامعة الخرطوم غداً صباحاً، كما يحاول المهرج تمبس أن يجعل البوست يصوب نحو ذلك الهدف والغريبة شايعه في ذلك أبو الريش. مع العلم بأنني لا أتعامل مع قضايا العلمانية ومعاركها ضد الهوس الديني بالقطعة، كما تفعل أنت أي بمعنى أن ننتهي من قضية قتل الناس باسم الإله-كما قلت- أولاً ثم بعد ذلك ندلف إلى ما تليها من حيث الأهمية. أنا فهمت وأفهم أن هذه المعارك كل لا يتجزأ من باب أي منها سندخل، وكما قال أبو العلاء المعري:

إذا تفكرت في فكر لا يمازجه فساد عقل صحيح هان ما صُعُبَا

وقلت يا عصام مايلي

Quote: مر على جامعة الخرطوم تحت نفس هذا الشعار اساتذة و دكاترة و بروفسرات علمانيين قاطعين (مثال د. محمد محمود ـ نشرة اليقظة) و اخرون تمسكوا بتدريس النظريات العلمية كالتطور الداروينية و تسبب تمسكهم بالعلمية و العلمانية في فصلهم و ربما اعتقالهم. ربما لم ينتبه هؤلاء لوجود المفردة في شعار الجامعة او انتبهو، لكن واضح انها لم تكن تشكل التهديد او الخطر على علمانية الجامعة و لا على استقلالها الاكاديمي والبحثي والادارى و المالى. ازعم ان ايا من هؤلاء سيوافق دون تردد على كتابة اية مفردات دينية في شعار الجامعة مقابل استرداد الاستقلال الاكاديمي والبحثي والادارى و المالى الكامل للجامعة.

استغرب مثل هذا الحديث غاية الاستغراب يا عصام، فكون أن وضع مفردة "الله" في شعار الجامعة لا يشكل تهديداً أو خطراً على علمانيتها ولا على استقلالها الأكاديمي والبحثي والإداري والمالي، فما الداعي إذا لوجودها؟ وإن كنت أنا أرى بأنه يمثل تهديداً وخطراً. ما سقته أنت من مبررات يعضد فكرة حذفها ولا يبرر لوجودها. ألم تسأل نفسك- أنت بالتحديد لا تمبس ولا غيره- لماذا تبرر لوجود هذه المفردة في هذا الشعار؟ بعدين المسألة بالطريقة بتاعتك دي طرحها كدهـ غلط والصواب هو الشعار يجب أن يحتوي على المفردات التي تعكس أهداف ورسالة الجامعة وطبيعتها، لذلك لا مكان لكلمة الله فيه. بالتالي فمنطق أن وجود العبارة طالما لا يهدد أنشطة الجامعة المختلفة، لا مانع من وجودها في الشعار، دهـ منطق مرفوض وإن قبله علمانيون قاطعين مثل د. محمد محمود، أو لم يقبلوه لأنهم لم ينتبهوا لها أو انتبهوا ولم يقدروها حق قدرها.

بعدين شوف يا عصام أنا ما شايف علماني (قاطع) في السودان الشمالي دهـ، سوى الأستاذ محمود محمد طه، على الرغم من أنه انطلق في صراعه مع الهوس الديني من أرضية دينية، وصارعهم صراعاً لم يترك لهم من خيار آخر سوى قتله. ولو كان لدينا علمانيين قاطعين- كما تفضلت-مثل الأستاذ محمود، لما فعل المهووسون كل ما يحلو لهم بهذه الأمة. تبقى مأثرة الأستاذ أنه ما تهيب منازلة الهوس الديني والإسلام السياسي من بين مآثر كثيرة وكبيرة.

إقرارك لما جاء به المتداخل أحمد خليل حول وجود كلمات دينية في شعارات عدد من الجامعات في عدد من البلدان العلمانية، كمبرر لوجودها في شعار جامعة الخرطوم، أمر يبعث على الحيرة. فيا عصام لا مجال للمقارنة بين الجامعات في الغرب وجامعة الخرطوم، فالمجتمعات هنالك مضت على علمانياتها قرون وأصبحت بعيدة عن أي خطر، أما نحن لا زلنا في صراع محتدم مع قوى الإسلام السياسي من أجل العلمانية ونسعى إلى تأسيس دولة المواطنة. هناك في الغرب الدين أعيد إلى مكانه الطبيعي دور العبادة وأخرج من مؤسسات التعليم والحكم، خروجاً أقول أنه نهائي، على الرغم من ذلك فكلمات ذات محتويات دينية في شعارات الجامعات مرفوض أيضاً ويجب أن تزال في أقرب سانحة من باب:

political correctness and the nice to haves

أما إزالتها من شعار جامعة الخرطوم أمر واجب وضروري من باب أن وجودها يعزز من مواقع الهوس الديني في صراعه ضد القوى العلمانية، وفي دولة أدمنت نخبها السياسية-يسار ويمين- التمييز العرقي والديني والثقافي مثل السودان همشت فيه مجاميع كبيرة بسبب دياناتها وعرقياتها وثقافاتها وتبذل الجهود لأسلمتها واستعرابها، تكتسب هذه المعركة زخماً شرحته في مداخلتي الأولى.


مرتضى جعفر

Quote: سبق وأن تبنى اتحاد طلاب جامعة الخرطوم في 2003م شعار الجامعة (الله - الحقيقة - الوطن - الإنسانية) ليكون الشعار الرئيسي للاتحاد، وصار يكتب في الخطابات الرسمية ، يُروَّس في الأعلى ... الجماعات الدينية بالجامعة ظلت تعترض على إحلال الشعار محل البسملة... اعتقد أن مسألة البسملة مرتبطه بطريقة أخرى بما طُرح في البوست .. السوءال ... هل يتضمن الشعار الجامعة - بوجود كلمة الله - الإستهلال الإسلامي بالبسملة، والمسيحى وغيره ؟

الأخ وائل طه محي الدين

تحياتي

شوف ما وضعت أنا تحت خط، لترى الهمة التي يعمل بها المهوسون، لترى تفسيراً واضحاً لأن كلمة الله التي في الشعار تنسجم مع الآية القرآنية الموجودة في الإكزام هول وكلو في جامعة في بلد مسلم. نقوم نشوف من الناحية التانية تباري من يفترض أنهم علمانيين في التبرير لوجود كلمة الله في الشعار وربما البسملة لو أتيحت لهم الفرصة. بعدين يا وائل واحد من أهداف مثل هذه البوستات والتي سأعمل على فتحها من حين إلى آخر، هو أن نقلب موازين المعركة دي، فمنذ حادثة معهد المعلمين العالي والعلمانيين يدافعون عن قناعاتهم وغير قادرين على مهاجمة الإسلاميين وكمال الجولي يقول ليك أنا أنصاري وبصلي الجمعة في مسجد الخليفة-الجمعة التطير عيشتك- طيب يا أنصاري ما تمشي تتلم على أحزاب الأمة الكتيرة دي المقعدك في الحزب الشيوعي شنو، على الرغم من إنو التكتيكات الهجومية على قفا من يشيل وفي عالم اليوم أصبحت أيسر، ياخي الأستاذ محمود محمد طه عمل شنو أكتر من إنو حركتو أصدريت "بيان هذا أو الطوفان"، هسة زول قادر يكتب ليو بيان ما في والقضايا الممكن يتكتب فيها البيان دفعاً لقضايا العلمانمية إلى الامام كتيرة. يا زول المهم الناس ما تتهيب المعركة دي

مرتضى جعفر

Quote: يا تامبا الزول ده ظلطت راسوو ياخ.. دي قطعية بي ساسوية عديل كده..

يا طيفور ..
والله الزول دا حدي معاهو زي ما قلت ليك إلا يقول خليني يا تمبس ..
انا زول بيتهم بالباطل ويقعد يكورك ويلم فيهو الناس .. ويتعدى حدودو ويهاجم الناس ويكضب .. دا زول بعتبروا منافق وجبان ..
إلا انو مرتضى جعفر تعدى كل هذه الحدود .. مع الجبن والنفاق .. جابت ليها كمان مصادرة حقوق .. وكضب في الفارغ ..
علشان كدا ح نستمر نحلق ليهو ..
بالمنطق .. وبي غير المنطق ..

Quote: تغيير شعار جامعة الخرطوم وحذف كلمة "الله" منه

الاخ مرتضى
تحياتي

اسمح لي بأن اسأل عما سيكون عليه موقفك في حال استبدال هذا الشعار بشعار العلمانيين التقليدي ( الدين لله والوطن للجميع ) هل ستعترض عليه ايضا لكونه ينطوي على اسم الجلالة الاسلاموي ؟!
شكرا مقدما
____________________
رب اشرح لي صدري

..

كتب تمبس

نهتف بالهتاف الجديد .. لوووووووول يكـــه .. بعد الاعتماد طبعاِ

Approved

موردة تكسب

زاتوووو

شكرا يا زوووووول يكــه للابروفـال ..

اهـا بعد كدا .. الفوره يكـــــه الف





يكـــه

Quote: نهتف بالهتاف الجديد .. لوووووووول يكـــه .. بعد الاعتماد طبعاِ

الاخوة : تمبس
: الزول زاتو


ياخوانا الا الزول يقول الروب ((انا بالنيابة عنه بقول الروووووووووووووووووووووووووب ))
بريتو ..فلقتو ...كويتو ...كفاية عليه


((( ماقلنا ليك ما تكتب حاجة انت ما عارفها ))

يا جماعة البروف الجاهل ده مشى وين ؟

ينزل وين البوست ده

يظل فوق

بس عشان اسم الله ظهر في عنوانه

وليد البليد

على الرغم من إنو في البوست دهـ أنا كانت سياستي هي عدم الرد على المهرجين من أمثالك والأمي تمبس، لكن بقول ليك يا جهلول أنا ذاتي ما داير البوست دهـ يغطس فقط عشان إنتا والأناتيك الزيك يعرفو إن في ناس علمانيين وما عايزين يشوفو كلمة الله في شعار جامعة الخرطوم أو أي مكان آخر سوى المساجد ودور العبادة...عشان كدهـ كلو يوم الصبح أديهو رفعة والمسا أديهو رفعة عشان نشوف الزيك وزي غبد الرازق الطالب حاتمارسو جهاد إسفيري ولا تقعدوا بأديكم....أما جهلة وأناتيك


ولو رد واحد من المتحاورين الجادين بنرد عليو... مفهوم يا جاهل وكلم أخوك الأمي التاني علاء يونس (تمبس) وبقية الأناتيك مفروض كلكم على بعض يودوكم متحف يقولوا في ناس عايشين في القرن 21 وتعود أدمغتهم الخربة إلى القرن السابع. جهلة وأميين


مرتضى جعفر

Quote: مفهوم يا جاهل وكلم أخوك الأمي التاني علاء يونس (تمبس) وبقية الأناتيك مفروض كلكم على بعض يودوكم متحف يقولوا في ناس عايشين في القرن 21 وتعود أدمغتهم الخربة إلى القرن السابع. جهلة وأميين مرتضى جعفر

الواحد وعشرين الحبـة دي ..؟
قول تمنية وعشرين .. تلتين .. اربعين .. خمسين ..
وديها فوق علقه في السلك ..
نحن كان بنعرف زي قرايتك القريته دي وكان الله فتح لينا بي عقل زي حقك دا .. والله الواحد حسع دي كان عمل ليهو متحفين .. وقناة فضائية واحده .. بي قروشو براهو .. ما شارك معاهو ناس .. وكان من الصباح جاب ليهو تلفزيون ملون سبعطاشر بوصة ونص .. وفتحو هنا دا في البورد دا علشان الما يشتري يتفرج ..
طبعا انا ما رجعت ليك للبوست دا لانو كنت منتظرك تجي راجع ..
أوريك تجي راجع لي شنـو..؟
يللا تابع معاي في الرد التاني .. علشان نمتعك في البوست بتاعك دا ..
مش ما عايزو يحتل علشان العلمانين القلتهم ديل ..
يللا ساعدنا بالتواجد .. حركات الزوغانات دي ما بتنفع معانا ..
نمحن فتية امنوا بربهم .. وقاعدين شغالين قصادك .. نتابعك كدا دا .. بعد اسبوع واحد كان ما جيت سمعت المصحف هنا دا .. وقصرت بنطلونك للركبة وطولت دقنك .. وصليت بينا هنا دا العصر واذنت للمغرب والعشاء .. انا ما تمبس ..


قال شنـو .. ؟؟ اوديكم المتحـف..

المتحف والحياة باطلـة .. واللا شنــو؟

ما تنفعل يا سيدنا البروف


لكن اسمعني

اسمك ده ما فيه دلالات دينية

ما تغيرو معاك مرة واحدة


قبل ما تغير شعار الجامعة

انت موش زول علماني

فوق لاجل كلمة الله التي تظهر في عنوان البوست

ونزولا عند رغبة البروف الجاهل

تحت امر البروف

يرفع عاليا ليكشف مستوى الوضاعة والضحالة

معاً من أجل تغيير شعار جامعة الخرطوم وحذف كلمة "الله" منه


مرتضى جعفر

Quote: معاً من أجل تغيير شعار جامعة الخرطوم وحذف كلمة "الله" منه

انت لسع في معا دي

هاهاهاهاهاهاهاهاهاهاهاها

غايتو الا تكون انت وشياطينك المعاك


قال معا قال

هاهاهاهاهاهاهاهاهاهاهاهاهاهاهاهاها

مسكين والله يا جماعة ما تيبوا للزول ده ناس عشان يتموا معا دي

بكرة حنشوف
http:// اطالب بمنع الاذان حتى لا نزعج اخوانا العلمانيين

للتوثيق......


http://www.sudaneseonline.com/u/sudansudansudansudansud...dansudansudan110.jpg


http://www.sudaneseonline.com/u/sudansudansudansudansud...dansudansudan110.jpg


على حسب الوثائق الرسمية للجامعة

وثائق الجامعة الرسمية

شكرا يا وائل على شرح الشعـار ..
وهذا ما كتب بعد ان نقلته من الصورة صغيرة الحجم اعلاه:
(الكتاب المفتوح هو رمز المعرفة المتفتحة يحتل الجزء الاعلى من الشعار .. يقسم صفحتيه عموديا خطان متوازيان الخط الأيمن أزرق والأيسر أبيض والخطان يمثلان نهر النيل والمائلان النيل الأزرق والأبيض يمنه ويسرى على التوالي وما بين النيلين مبنى الجامعة تنبعث منه خطوط بيضاء (نور العلم) تمتد داخل خلفيه سوداء (زلام الجهل).
الجامعة هي الإرادة الفعالة للوصول إلى (الحقيقة) الحقيقة التي تعمق الإيمان (بالله) سبحانه وتعالى عن طريق كشف اسرار مخلوقاته ، وبتسخير المعرفة معرفة الحقيقة ، نشيد صرح الوطن ونسهم في سمو وتقدم الإنسان ( الإنسانية ).
اللوحة المستطيلة شمال الشعار تمثل الكتابة المروية دليل حضارتنا القديمة، قدمها أحد أفراد الشعب هدية إلى الأله ايزيس أم الأجيال التي تزداد حكمتها بتعاقب ما تنجب من أجيال (فكرة الجامعة) وباللوحة محاولة لكتابة الخرطوم باربع حروف مروية.)


هل وعيت الدرس .. يا هذا المرتضى ..؟
عندك فرصة اجـابة لتظهر بعض من معرفة .. بعد الحصة الاخدتها في الشرح اعلاه للشعـار ..

يللا اتلحلح كدا وورينا الصمم الشعار دا منـو ..؟
وبالمرة كمان ورينـا بلد المليون شهيد دي وين ..
وجيب لينا معاك اسامي المليون شهيد ديل ..


وكدي تاني نشوفك فاتح ليك موضوع ولامي الناس .. وتكورك تعالو لي .. وسووو معاي ..
شوف انا تحديدا اعمل معاك شنـو ..؟

يللا انقلع..

فووووووق يكـــــه

مرتضى تحياتي
ورجاء ان ترفع هذا البوست لبكري حاى لا يارشفه.


غايتو يا مرتضى ما بفق المرارة المتأسملين الواضحين زي
بيفقعها العلمانين المارت بيعملوا متدينين!!



نفس الوجوه دي تلقاها بكرة بتردح وتقول لك خليل دباب
طيب خليل ما آخير له التصالح من الذات من جنس العمايل دجي؟؟؟

لكن يا تراجي خليل ما دباب

واحمد حيننين ولا حسين
ده ما كان رئيس اتحاد طلاب جمعة النيلين في عهد التمكين

ولا ده احمد تاني ؟



فوق نزولا عند رغبة البروف

من الواضح أن البعض يريدون تحريف النقاش والزج بمسار البوست الى متاهات (عجيبة)
أرجو أن ينتبه صاحب البوست لهذا

مودتي