Post: #1
Title: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عادل
Date: 06-16-2008, 02:17 PM
Parent: #0
جدد نادي الهلال ظهر اليوم عقود نجومه الدوليين عمر بخيت، حمودة بشير لمدة 5 سنوات، و ريتشارد جاستن لمدة 3 سنوات، و ذلك في أول أيام فترة التسجيلات التكميلية التي حددها الإتحاد العام السوداني لكرة القدم.
وغدا سيجدد مهند الطاهر
|
Post: #2
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: طلحة عبدالله
Date: 06-16-2008, 02:22 PM
Parent: #1
يا محمد عادل ياخ الصورة الفي البروفايل دي مجوبكة البوست ..
قلت لي :Quote:
يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه |
يعني انت فهمك انو مشكلة الوالي والصاقعة قروش .. ؟؟؟؟
مافي زول طالبني توضيح للتعديل
|
Post: #3
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عادل
Date: 06-16-2008, 02:29 PM
طلحه
اقراء الصدى عدد اليوم شوف الوالى فى المانشيت الاول قال شنو
يطالب حسن عبدالسلام بكشف المستندات وتوضيح الحقائق
|
Post: #4
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عادل
Date: 06-16-2008, 02:31 PM
Parent: #3
الوالي: أطالب أمين المال بنشر المستندات المزعومة ونرفض
أكد رئيس المريخ جمال الوالي لـ (الصدى) أنه ظل يتابع الكتابات الممجوجة لبعض الصحافيين الذين يكتبون باستمرار عن وجود مستندات تدين رئيس النادي وتثبت وجود تجاوزات مالية في مجلس المريخ الحالي.. وقال: أعلم يقيناً أن ما يردده هؤلاء الصحافيون يأتي كنتاج مباشر لما يسمعونه من أمين المال شخصياً.. وإلا لبادر بنفيه بصفته المسئول الأول عن المال في النادي وهو أعلم أعضاء المجلس ببواطن الأمور وبمساهمات رئيس النادي المادية.
* وأضاف الوالي: انتظرنا نشر هذه المستندات كثيراً وطال انتظارنا لها حتى أصبح الحديث عنها شبيهاً بعبارة (بكرة السفر مجان).. ومن الواضح أن ما يُكتب عن وجود تجاوزات مالية في المريخ يعجب أمين المال وإلا لما سكت عليه حتى اللحظة ولبادر بنفيه بنفسه.
وقال الوالي: أطالب أمين المال نشر ما لديه من مستندات على الملأ (إن كانت موجودة) لإثبات ما يدعيه ويردده بعض الصحافيين المساندين له، وأضاف: : أما بالنسبة لي فلن أعمل بعد اليوم إلا مع من يحترمون جهدنا ويؤمنون بأننا مؤهلون لإدارة النادي ويتفقون معنا في الأفكار والرؤى الرامية لرفعة شأن المريخ العظيم.
|
Post: #5
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عبدالرحمن
Date: 06-16-2008, 02:33 PM
محمد عادل ..تحياتى ..
كل القصة انو ادارة المريخ فرطت قبل كدا
فى حموده وعلاء الدين يوسف واستفاد منهما
الهلال استفادة كبيرة ..بينما تسجيل المريخ
للاعب الهلال (المشطوب لسوء السلوك ) فاشل حيث لم
يقدم علاء بابكر ماكان متوقع منه ..لذلك
الحسرة والندم هما الذين حركا ادارة المريخ وجعلاها
تسعى لتسجيل ريتشارد ومهند وخالد بخيت وحموده ..
مع العلم بأنو المريخ سجل اللاعب هيثم طمبل (ذو
المستوى المتذبذب) بعد ان تم شطبه من الفريق الجنوب
الافريقى وليس من الهلال ..لانو التاريخ يؤكد انو
المريخ لايستطيع تسجيل لاعب هلالى دون استغناء
الهلال عنه ..
(حد يشعر بالسعادة يمشى يختار البعاد )
مبروك لشعب الهلال عودة الرباعى ..
و(قد) يسجل الهلال السعودى اذا رغب الهلال
فى حالة توفر خانة له ...
|
Post: #6
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عادل
Date: 06-16-2008, 02:39 PM
Parent: #5
الحبيب محمد عبدالرحمن
سبحان الله اى لاعب يجئ من المريخ للهلال ينجح
والعكس تماما
لو لاحظت ياحبيب نجاح علاء يوسف وحموده فى الهلال بقدر كبير
وفشل طياره ومجاهد واكرم الهادى وطمبل
ياحبيب ديل قالو الكاش بقلل النقاش
نسو انو ناس حموده وعمر ومهند وريتشارد
ماببدلو الهلال ابدا
السعودى نحنا لو دايرنو بنجيبو ذى ماقلت ياحبيب لكن خاتنو فيها رونى احمد عادل
|
Post: #7
Title: Re: يامريخاب اولادنا جددو لينا 5 سنوات تانى لمو باقى قرشاتكم تحلو بيها مشكله الوالى والصاقعه
Author: محمد عادل
Date: 06-17-2008, 10:28 AM
-------------------------
|
|