Post: #1
Title: انفجار جديد في الطائرة المنكوبة واصابة مدير المطار بحروق
Author: عبود عبد الرحيم
Date: 06-11-2008, 05:13 PM
تفاجأ مدير مطار الخرطوم وعدد من العاملين بالطيران المدني اثناء تفحص طائرة الايربص المنكوبة حوالي الساعة السادسة من مساء اليوم الاربعاء بانفجار جديد في حطام الطائرة مما ادي لاشتعال النيران من جديد في الطائرة واصيب جراء ذلك الفريق يوسف ابراهيم مدير المطار بحروق طفيفة في يديه وتلقي الاسعافات العاجلة كما اصيب عدد من العاملين الذين كانوا بالقرب من حطام الطائرة .
|
Post: #2
Title: Re: انفجار جديد في الطائرة المنكوبة واصابة مدير المطار بحروق
Author: عز الدين بيلو
Date: 06-11-2008, 05:17 PM
Parent: #1
أخوي عبود
مشكلتنا كلها في تفاجأ دي
حسبنا الله ونعم الوكيل
أمال لو ما كانوا متخصصين
وكانوا جربندية زينا كده كان عملوا شنو
|
Post: #6
Title: Re: انفجار جديد في الطائرة المنكوبة واصابة مدير المطار بحروق
Author: Magdi Ahmed Elsheikh
Date: 06-11-2008, 05:31 PM
Parent: #2
| Quote: أمال لو ما كانوا متخصصين |
....متخصيصين تعني من اجاد الشئ والم به وسبر غوره
والا انا غلطان..
ولو ما غلطان ...
اذن لا مكان Quote: تفاجأ دي
.. |
ممكن يكون لها اسم اخر من المسميات الكثيرة...
وكل زول يدينا ليها اسم..
صنفرة...
تذكروا انو الخريف ياتي كل سنه..صاح مش كده
لكن البلد برضو بتغرق....صاح والا انا غلطان
|
Post: #3
Title: Re: انفجار جديد في الطائرة المنكوبة واصابة مدير المطار بحروق
Author: عبود عبد الرحيم
Date: 06-11-2008, 05:20 PM
Parent: #1
المصدر الذي تحدث لي الان قال أن السيد مدير المطار الفريق يوسف ابراهيم اصيب بحروق طفيفة وكذلك بعض مرافقيه من العاملين واوضح انهم تلقوا الاسعافات وهم الان بخير ...
لكن هذا الحادث يعني ان تتوخي الجهات المختصة الحذر من تطورات جديدة امام حطام الطائرة واتخاذ الاحتياطات اللازمة لتفادي المزيد من الخسائر ..
|
Post: #4
Title: Re: انفجار جديد في الطائرة المنكوبة واصابة مدير المطار بحروق
Author: راشد جبريل
Date: 06-11-2008, 05:24 PM
Parent: #1
دى والله فضيحة تانية
دى زى قصة واحد عضاهو كلب والدكتور اداهو حقن
وقال لية امشى شوف الكلب لو مات علشان نديك باقى
الحقن ومشى للكلب والكلب عضاهو تانى
|
Post: #5
Title: Re: انفجار جديد في الطائرة المنكوبة واصابة مدير المطار بحروق
Author: ناهد بشير الطيب
Date: 06-11-2008, 05:30 PM
Parent: #1
رجعت الطائرة السعودية من مطار الخرطوم بركابها وعلى متنها زميل البورد صابر الحواتى
ولم يجاذف كابتن الطائرة بالنزول فى المدرج بالركاب وفضل العودة ....الى مطار الملك عبدالعزيز
بجدة
|
Post: #7
Title: Re: انفجار جديد في الطائرة المنكوبة واصابة مدير المطار بحروق
Author: Magdi Ahmed Elsheikh
Date: 06-11-2008, 05:37 PM
Parent: #5
Quote: رجعت الطائرة السعودية من مطار الخرطوم بركابها وعلى متنها زميل البورد صابر الحواتى
ولم يجاذف كابتن الطائرة بالنزول فى المدرج بالركاب وفضل العودة ....الى مطار الملك عبدالعزيز
بجدة |
عاااااااااااااقل ..
ومثال للتخصص وتوخي الحيطه والحذر.....
شكرا ناهد...
|
Post: #8
Title: Re: انفجار جديد في الطائرة المنكوبة واصابة مدير المطار بحروق
Author: بشير حسـن بشـير
Date: 06-11-2008, 05:56 PM
Parent: #1
كابتن طيار سعودى ، يعمل ضمن فريق طيران المملكه العربيه السعوديه
ذكر معلقا على حادث طائرة الإيرباص السودانيه أمس ، وفى موقع العربيه
نت ، ذكر أنه مطار الخرطوم به من المشاكل الفنيه ما يستطيع أن يسبب
كل يوم كارثه مثل كارثة أمس ، إبتداء من برج المراقبه ، وحتى الإضاءه
الليليه على جنبات المدرج فهى فى حاله مذريه ، وفضل ألا يتكلم عن أخطاء
زملاءه الطيارين السودانيين ، تخيلوا !!!!!!
مستوى مطار الخرطوم ، ومستوى الأمن والسلامه !!!
فلبى على وطن يموت على رصيف الإنتظار ......
|
Post: #9
Title: Re: انفجار جديد في الطائرة المنكوبة واصابة مدير المطار بحروق
Author: abubakr
Date: 06-11-2008, 06:06 PM
Parent: #1
| Quote: تفاجأ مدير مطار الخرطوم وعدد من العاملين بالطيران المدني اثناء تفحص طائرة الايربص المنكوبة حوالي الساعة السادسة من مساء اليوم الاربعاء بانفجار جديد في حطام الطائرة |
من لا يقدرعلي ان يضمن سلامته كيف يضمن سلامة المسافرين ؟؟
|
Post: #10
Title: Re: انفجار جديد في الطائرة المنكوبة واصابة مدير المطار بحروق
Author: Magdi Ahmed Elsheikh
Date: 06-11-2008, 06:29 PM
Parent: #9
| Quote: من لا يقدرعلي ان يضمن سلامته كيف يضمن سلامة المسافرين |
شكرا ابوبكر...
وهذه حكمه وقاعده اساسيه ومن مدرسة الاساس.....
لكن هل كانت ضمن منهج المتخصصين والا لا لا ادري..
هل هناك من يدري ويجعلنا ندري بما لا ندري....
|
Post: #11
Title: Re: انفجار جديد في الطائرة المنكوبة واصابة مدير المطار بحروق
Author: Motawakil Ali
Date: 06-11-2008, 08:16 PM
Parent: #10
| Quote: تفاجأ مدير مطار الخرطوم وعدد من العاملين بالطيران المدني اثناء تفحص طائرة الايربص المنكوبة حوالي الساعة السادسة من مساء اليوم الاربعاء بانفجار جديد في حطام الطائرة مما ادي لاشتعال النيران من جديد في الطائرة واصيب جراء ذلك الفريق يوسف ابراهيم مدير المطار بحروق طفيفة في يديه وتلقي الاسعافات العاجلة كما اصيب عدد من العاملين الذين كانوا بالقرب من حطام الطائرة . |
لقد اعتدنا على هذه الهزات الارتدادية
غزوة أمدرمان تخلف انفجارا في معرض الغنائم
كارثة الطائرة تسبب انفجارا بعد 24 ساعة...
وربك يجيب العواقب سليمة
|
Post: #12
Title: Re: انفجار جديد في الطائرة المنكوبة واصابة مدير المطار بحروق
Author: Abd Alla Elhabib
Date: 06-11-2008, 08:24 PM
Parent: #11
Quote: دى زى قصة واحد عضاهو كلب والدكتور اداهو حقن
وقال لية امشى شوف الكلب لو مات علشان نديك باقى
الحقن ومشى للكلب والكلب عضاهو تانى |
|
Post: #13
Title: Re: انفجار جديد في الطائرة المنكوبة واصابة مدير المطار بحروق
Author: malamih
Date: 06-11-2008, 08:57 PM
Parent: #12
هذا يعني أنهم لم يطفئوا النيران تماما وأن هنالك أجزاء من الطائرة مارالت حية بلغت المطافئ..!!
|
Post: #14
Title: Re: انفجار جديد في الطائرة المنكوبة واصابة مدير المطار بحروق
Author: الحاج حمد الحاج
Date: 06-11-2008, 10:08 PM
Parent: #13
هل هناك أشخاص مدربين في وحدة الاطفاء الموجودة بمطار الخرطوم على كيفية التعامل بمهنية مع حرائق الطائرات؟
|
Post: #15
Title: Re: انفجار جديد في الطائرة المنكوبة واصابة مدير المطار بحروق
Author: عبدالكريم الامين احمد
Date: 06-11-2008, 10:13 PM
Parent: #14
بلد عجيبة
الناس تتفاجا باللاندكروزرات
وتتفاجا بحريق الطيارة
ومن ثم حريق صهريج الطيارة
وتتفاجا ايضا بالخريف
والفيضان...
انا ماعارف ال20 سنة دي الانقاذ دي قاعدة بتعمل في شنو؟؟
ياربي بتكون بتدرس الناس في كيفية التفاجو والتفاجع.
حليلك يا بلد
|
Post: #16
Title: Re: انفجار جديد في الطائرة المنكوبة واصابة مدير المطار بحروق
Author: gannat
Date: 06-11-2008, 10:22 PM
Parent: #1
سلامات يا أخوانا
الطيارة دي حرقت في مطار الخرتوم الدولي ، ولا موكده،
الخرتوم محل الريس بنوم والتيارة بتقوم،
تيب لو التيارة دي طرشقت في حوش بانقا كان حصل شنو ؟؟
أنها مأساة ألمت بركاب الطيارة والشعب السوداني،
هل تتخيلون أن يكون هنالك تحقيق عادل في الكارثة؟؟
قبل ذلك::
هذه الطيارة مستأجرة وليه مدة وجيزة جدا جدا،
والباقي تموهو براكم؟؟؟
يديكم دوام الصحة والعافية
|
Post: #17
Title: Re: انفجار جديد في الطائرة المنكوبة واصابة مدير المطار بحروق
Author: abubakr
Date: 06-12-2008, 03:22 AM
Parent: #1
كيف تم تصنيف مطار الخرطوم دوليا ام التسمية هي لا صلة لها بذلك واية فئة تتبع لها فالمطارات تقسم الي عشرة فئات اكبرها اليوم الفئة 9 ولكن بعد وصول الطائرة العملاقة ايربص 380 فالمطارات التي تستقبلها تتحول الي الفئة عشرة ...امور السلامة الارضية اكييد من مستلزمات تصنيف المطارات وكذلك كفاءة من يديرونها ....اما مدير يتابع حريق الطائرة من مكتبه كما ذكر مدير مطار الخرطوم ساعة الحادث ويذهب يتفقد طائرة محروقه دون ترتيبات امنية ولا تاكد من خلو خزاناتها ولا وجود ما يسبب ضررا لانسان في موقع الحطام فهو غير صالح للادارة ولياتي بما ينفي ذلك ...
|
Post: #18
Title: Re: انفجار جديد في الطائرة المنكوبة واصابة مدير المطار بحروق
Author: Ahmed Yousif Abu Harira
Date: 06-12-2008, 06:33 AM
Parent: #17
| Quote: مدير يتابع حريق الطائرة من مكتبه كما ذكر مدير مطار الخرطوم ساعة الحادث ويذهب يتفقد طائرة محروقه دون ترتيبات امنية ولا تاكد من خلو خزاناتها ولا وجود ما يسبب ضررا لانسان في موقع الحطام فهو غير صالح للادارة |
احتراماتي يا باشمهندس
خرجت من غزوة حركة العدل والمساواة لمدينة أمدرمان بتعبير بسيط لكنه معبر وهو أن:
البلد دي قاعده أم فكو ساي
تتصور؟؟!!
الطائرة القطرية عادت ادراجها بعد ان وصلت مطار الخرطوم وصاحبك كان فيها!!.
لا في استعلامات لا معلومات ولا حتى ضربوا تلفون ساي قالوا للناس ديل ياخي ما تجو نحن ما جاهزين!!.
ولا زال مطار الخرطوم مقفول.
ينطبق على حطام الطائرة الجاثم بمدرج المطار المثل البقول:
البعير المات في البلاد...ان خلوهو خسرا (بوظها)*
وإن جروهو كسرا.(كسر اعواد الذره)
ـــــــــــ
البلاد بلهجة ناس البطانة معناها: الترس حيث يزرع محصول الذره
|
Post: #19
Title: Re: انفجار جديد في الطائرة المنكوبة واصابة مدير المطار بحروق
Author: Ashraf el-Halabi
Date: 06-12-2008, 06:45 AM
Parent: #1
Quote: دى والله فضيحة تانية
دى زى قصة واحد عضاهو كلب والدكتور اداهو حقن
وقال لية امشى شوف الكلب لو مات علشان نديك باقى
الحقن ومشى للكلب والكلب عضاهو تانى |
هههههههههههههه
دا حقو يمشي يعضي الدكتور
|
Post: #20
Title: Re: انفجار جديد في الطائرة المنكوبة واصابة مدير المطار بحروق
Author: بكري الخير
Date: 06-12-2008, 07:35 AM
Parent: #1
Quote: البعير المات في البلاد...ان خلوهو خسرا (بوظها)*
وإن جروهو كسرا.(كسر اعواد الذره)
ـــــــــــ
البلاد بلهجة ناس البطانة معناها: الترس حيث يزرع محصول الذره |
احمد يوسف
قلت لي زي ديك العدة؟؟
|
Post: #21
Title: Re: انفجار جديد في الطائرة المنكوبة واصابة مدير المطار بحروق
Author: Ashraf el-Halabi
Date: 06-12-2008, 07:41 AM
Parent: #1
أستاذنا أبو حريرة
| Quote: البلاد بلهجة ناس البطانة معناها: الترس |
والترس يعني شنو؟
|
Post: #22
Title: Re: انفجار جديد في الطائرة المنكوبة واصابة مدير المطار بحروق
Author: Nasruddin Al Basheer
Date: 06-12-2008, 08:04 AM
Parent: #21
دي زي حكاية الإمام السهى في الصلاة
وقام عمل سجود السهو
لكنه سهى في سجود السهو..
|
Post: #23
Title: Re: انفجار جديد في الطائرة المنكوبة واصابة مدير المطار بحروق
Author: Ahmed Yousif Abu Harira
Date: 06-12-2008, 10:24 AM
Parent: #22
اخونا/اشرف الحلبي (من الصورة افتكرتك عامر جابر)
الترس ده يشرحوهو كيفن هسع؟
نتوكل علي الله ونقول:الترس (بفتح التاء والراء وسكون السين)
عبارة عن مزرعة او (حواشه) تزرع أبان الخريف.
بالمناسبةالترس زاتو بيختلف عن البلاد (والاثنين عبارة عن مزارع)..
لكن عشان أقرب المعنى جبت كلمة ترس وطلعت برضو ما واضحه.
ــــــــــــــ
نصر الدين الحلبي
سلااااامات ياخ ومشتاقون
|
Post: #24
Title: Re: انفجار جديد في الطائرة المنكوبة واصابة مدير المطار بحروق
Author: هشام المجمر
Date: 06-12-2008, 11:29 AM
Parent: #1
انصر دينك يا ابو بكر
نعم من لا يعرف أن يضمن سلامة نفسه فى مطاره كيف له أن يكون مسئولا عن سلامة الآخرين
لكن العيب ليس فيه
العيب فيما من عينه وهو يعرف انه لا يفقه شيئافى وظيف تتطلب معرفة كبيرة وخبرة عريضة فى الطيران المدنى
انه الرجل غير المناسب فى المكان غير المناسب
مطار الكل نائم فيه
الآن يريد المدير أن يدعى البطولة ولو كان فى عدالة لحوسب على كل الارواح التى اهدرت بدون سبب
البلد دى الاسمها بلدنا الآن تحت الحضيض
لقد فقدت الصلاحية
|
|