Post: #1
Title: كنت شاهدا ..
Author: محمد حامد جمعه
Date: 06-10-2008, 08:38 AM
Parent: #0
قبل سنوات ، حضرت حفلا لا اذكر مناسبته ، داخل استديوهات تلفزوين ولاية الخرطوم ، لا اذكر من بين ثقوب ذاكرتى المعطوبة ماهية البرنامج ، المهم اننى كنت حاضرا بالاستديو ، كان من ضمن الضيوف المشاركين الاستاذين الراحل المقيم ابراهيم عوض ، والفنان على ابراهيم اللحو
بدا البرنامج وسار الحديث كما هو معلوم فى هذه البرامج فى الحتة دى ، واشكر شنو واقدر ايه الى ان تحدث الاستاذ الراحل ابراهيم عوض عن عميد الفن الراحل احمد المصطفى ، تحدث يومها ابراهيم عوض حديثاعميقا وبحب ولوعة اسال الدمع من اعين الحاضرين ، فجاة بدا صوت ابراهيم عوض رحمه الله فى الانقطاع ، فاخرج منديلا لا ينفصل من اناقته المعهودة ومسح دمعا تسلل على خديه ، واصل الحديث ، كلماته كانت تتداخل مع دبيب مسير كاميرات التصوير الهادئ ، من بين الجمهور لم نعد نسمع سوى شهقة باكية ، وزفرة ، وانة ، وعبارة استغفر الله العظيم وصاحبها يرسل عينيه الى كشافة مترعة بالضوء ليتجنب ارسال دمعه الى الاسفل ، هنا تدخل الاستاذ اللحو وا ليكمل الناقصة فشرع بالعود يغنى (سفري السبب لي ازاي ) ، ومضى فى الاغنية العظيمة لكنه لم يكمل لانه انهار بالبكاء والمرحوم ابراهيم عوض تهتز اكتافه وقد دفن وجهه فى منديله باكيا بصوت جهير ، تحول الاستديو الى حالة من الرؤى الغائمة بالدمع والنحيب لدرجة ان المخرج نفسه لم يدرى ماذا يفعل ، لقد لمست فى هذا الموقف علاقة حب وود واعزاز بين احمد المصطفى وابراهيم عوض وضرب من الوفاء نادر .
تذكرت كل هذا واذاعة خرطومية تبث الاغنية مساء فاستمعت اليها .. طربت .. وسعدت .. وحزنت .. فاغلقت المذياع اذ لا اقبل بعد (السفر ) اى (اذى ) من اى اغنية اخرى ... ونمت لكنى لم انم!
رحم الله احمد المصطفى (العميد ) ورحم الله فى هذا المقام عثمان حسين ورحم الله الغنا بعدهما فى هذه الديار .. وكفى
|
Post: #2
Title: Re: كنت شاهدا ..
Author: Kostawi
Date: 06-10-2008, 08:49 AM
Parent: #1
دنيا دبنقا
البتخلي نوع زي دا بتكلم عن
عثمان أبو عفان
و ود حي العرب إبراهيم عوض
بلاهي شوفو الدنيا دي شغالا كيف!!!!
|
Post: #4
Title: Re: كنت شاهدا ..
Author: محمد حامد جمعه
Date: 06-10-2008, 09:03 AM
Parent: #2
Quote: عثمان أبو عفان
و ود حي العرب إبراهيم عوض |
ديل برضو مرقتوهم من ملة السودانيين العاديين ، ديل يا كوستا فوقى وفوقك وفوق زعلى منك ولا زعلك منى وفوق تقسيمات يمين وشمال ديل مسمار النص للبلد ومسمار القلب لانهم فكة الريق للملايين شمال وجنوب البسطاء الطيبين .. النضاف من عامة الشعب
ولانو نوعك دا عاوز يستحمر الناس فطوالى جاى تحتكرهم ، ديل مناضلين بلا شك واعظم نضال من مليون فى حجمك ووزنك لانهم قعدوا وضاقوها حلوة ومرة ، سمح وزين وماتوا رجال زى ما عاشوا عظماء عشان كدا شفت شفع الورنيش بكو عثمان حسين يومتا لكن نوعكم دا ونوعك دا لو عن بكرة ابيكم طفشتو ولا غرتو فىالارض ولا السما مافى زول بفقدكم
لو قاعدين جوه ما محسوبين ولا قاعدين بره ما مفقودين
انصراف يا اهالى 
|
Post: #3
Title: Re: كنت شاهدا ..
Author: NGABY AJOOZ
Date: 06-10-2008, 08:54 AM
Parent: #1
الزميل محمد حامد جمعة ( ملكي )
كده انا حا احبك سير في الخط السمح ده السياسة دربها اعوج
|
Post: #5
Title: Re: كنت شاهدا ..
Author: محمد حامد جمعه
Date: 06-10-2008, 10:07 AM
Parent: #3
سايرين بس انتو عاينو كويس وبدون احكام مسبقة
|
Post: #7
Title: Re: كنت شاهدا ..
Author: Kostawi
Date: 06-10-2008, 10:26 AM
Parent: #5
الكرمبا
ديل مش الخاتنهم في السجون
القلتو ديل الجو مع ود خليل?
هسع طلعوا ببكو عثمان حسين?
ياخ أنت لو بتعرف تبكي
أبكي أهلك في دارفور
و
بعدين تعال شيل الفاتحة على أبو عفان
|
Post: #15
Title: Re: كنت شاهدا ..
Author: محمد حامد جمعه
Date: 06-10-2008, 11:22 AM
Parent: #7
ما تتعقد يا كوستا ، ولا تهلك اسى وتجلد يا رجل ، الجلد بالكلمات يجلى البصر كما البصيرة ++
Quote: ديل مش الخاتنهم في السجون
القلتو ديل الجو مع ود خليل?
|
جو مع خليل ..نعم .. بشهادة حاجات كتيرة واثباتات اقلاها اهلهم الجوهم من دارفور لمن شافو صورهم وقالو ديل عيالنا مخطوفين عند حركات التمرد
واما فى السجن فاقول ليك لا لانهم فى مركز تاهيل نفسى ومرتاحين واتحداك انو تنتدب من تشاء من عضوية المنبر من طرفكم للتحقق هل هم من ابناء الهامش ام خور مجرى المريدان بالخرطوم
| Quote: أبكي أهلك في دارفور |
اهلى كل يوم معاى فى البيت والخرطوم وماشين جايين شاكرين حامدين صابرين لا مدو قرعة لا شالو حال بلدهم ، لقد تركنا بكاء دارفور لك ولغيرك فانا من قوم لهم صبر على المكروه شديد
|
Post: #6
Title: Re: كنت شاهدا ..
Author: NGABY AJOOZ
Date: 06-10-2008, 10:12 AM
Parent: #1
| Quote: سايرين بس انتو عاينو كويس وبدون احكام مسبقة |
يعني عفا الله عما سلف ( النشوف رآي المعردين )
|
Post: #8
Title: Re: كنت شاهدا ..
Author: د.نجاة محمود
Date: 06-10-2008, 10:31 AM
Parent: #6
اوتش!
(زول مدردق بالضحك لغية ىخر الحوش وراجع تاني.. )
|
Post: #9
Title: Re: كنت شاهدا ..
Author: Elsanosi Badr
Date: 06-10-2008, 10:48 AM
Parent: #8
ولد جمعه لعلك باهي| Quote: وحزنت .. فاغلقت المذياع اذ لا اقبل بعد (السفر ) اى (اذى ) من اى اغنية اخرى ... ونمت لكنى لم انم! |
يا خي انت وكت وصاف زي ده وبتسمع وبتحب وبتتنهد لامن تسمع الكلام السمح...مالك لاصق في الكدر بتاع عجلة الناس ديل
____________________________________
بتتنهد دي حلوه مش...
|
Post: #12
Title: Re: كنت شاهدا ..
Author: Kostawi
Date: 06-10-2008, 11:03 AM
Parent: #9
حبي لعثمان حسين و إبراهيم عوض
لا يقل عن حبي لأي طفل قتل ببندق الإنقاذ في دارفور و باقي أقاليم السودان
لا لا لا لدموع التماسيح
|
Post: #13
Title: Re: كنت شاهدا ..
Author: Murtada Gafar
Date: 06-10-2008, 11:05 AM
Parent: #9
سعادة الأمنجي جمعة،
ياخ مريت ليك على البوست دهـ "أدناه" وطلعت what quoted hereinbelow وخلينا من دموع التماسيح بتاعتك دي ياخ إنتو قتل واغتصاب وحرق قرى وتجويع وتعذيب وسرقة أموال العامة، الغنا دهـ ما عندكم فيو، وفي رقبتكم دي في دم كم فنان كدهـ، خليها مستورة زي ما قال شيخنا يطول عمرو كمان وكمان
Quote: الاستاذ عبدالله عثمان
استغربت جدا لصلاة البشير خلف جثمان الراحل عثمان حسين
والذي كان معارضا للانقاذ..وأذكر أننا كنا في عربته طريقنا لحفل اقامه
في فندق هيلتون أيام توقيف أغانيه. وقال أن الدور الذي يبذله وردي ضد الانقاذ يشرفه كفنان
..وشن يومها هجوما على الانقاذ وأعلن أسفه عن الحال الذي وصل إليه الفن
وأحلف قسم على ما قاله وشهودي في ذلك اليوم الموسيقار حافظ عبدالرحمن
وعازف الاكورديون عبدالحي.
الانقاذ جلدت الفنانيين حتى الذين غنوا لها
ومن الاغنيات التي اقفتها للاستاذ عثمان حسين
1ـ حارم وصلي مالك
2ـ أنا والنجم والمساء
3ـ بحبك بحبك
والشاهد على ذلك الباشمهندس الطيب مصطفى
والذي قام بهذا الاجراء ضد عثمان حسين وعدد من الفنانين
|
الكذابون ينعون عثمان حسين!!!!!
وزمان كلمتك قلتا ليك خليك في عبد الباسط عبد الصمد والحصري والعثيمين..فن ما في سكة يا مان
مرتضى جعفر
|
Post: #21
Title: Re: كنت شاهدا ..
Author: محمد حامد جمعه
Date: 06-10-2008, 12:32 PM
Parent: #8
| Quote: زول مدردق بالضحك لغية ىخر الحوش وراجع تاني |
حوش بكرى دا قولى استاد ويمبلى كوستا دا حاجيب ليهو فلايت ..
|
Post: #10
Title: Re: كنت شاهدا ..
Author: الزوول
Date: 06-10-2008, 10:55 AM
Parent: #1
السلام عليكم
شكراً محمد حامد جمعة على السرد الجميل
...........
وما الناس إلا هالك وأبن هالك *** وذو نسب في الهالكين عريق
|
Post: #11
Title: Re: كنت شاهدا ..
Author: حمزاوي
Date: 06-10-2008, 11:00 AM
Parent: #1
رحم الله الاستاذة احمد المصطفى وابراهيم عوض وعثمان حسين
واسكنهم فسيح جناته
شكراً احي محمد
|
Post: #14
Title: Re: كنت شاهدا ..
Author: حيدر حسن ميرغني
Date: 06-10-2008, 11:21 AM
Parent: #11
ياجماعة للرجل حق أن يحزن ويأسى على من يجمع نفر غير قليل من بشرنا على حبه
الوطن للجميع
الفنان لمعجبيه
|
Post: #16
Title: Re: كنت شاهدا ..
Author: A.Razek Althalib
Date: 06-10-2008, 11:23 AM
Parent: #11
Quote: حبي لعثمان حسين و إبراهيم عوض
لا يقل عن حبي لأي طفل قتل ببندق الإنقاذ في دارفور و باقي أقاليم السودان |
عوجة دي:
ناس تكتل الكتيل بالحقد الجهوي والتحريض الأثني..
وتبكي في جنازتو.. 
لا وألـ (لا)ـف لعاطفة متاحف الهلوكوست وجراقستها الكاذبة..
|
Post: #17
Title: Re: كنت شاهدا ..
Author: Kostawi
Date: 06-10-2008, 11:36 AM
Parent: #16
| Quote: اهلى كل يوم معاى فى البيت والخرطوم وماشين جايين شاكرين حامدين صابرين لا مدو قرعة لا شالو حال بلدهم |
ولد ده
ختري
الخرطوم مرة واحدة
و أولاد الأرنيش ما برضو قاعدين في الخرطوم
إنتا أحسن منهم في شنو?
هم أحسن منك لأنهم
They don't kiss asses
|
Post: #18
Title: Re: كنت شاهدا ..
Author: محمد حامد جمعه
Date: 06-10-2008, 12:05 PM
Parent: #17
Quote: ولد ده
ختري
الخرطوم مرة واحدة
و أولاد الأرنيش ما برضو قاعدين في الخرطوم
إنتا أحسن منهم في شنو?
هم أحسن منك لأنهم
They don't kiss asses |
فعلا انت غبى ولا يرجى منك حتى للبلد القبلك وسكنك واكلك وبقاك مناضل هسة من ثقافة الخواجات بس الله قدرك عليهو ، كان للاس والدو والتريس دى فى سينما الحارة الرابعة كنا علمناك ليها
|
Post: #19
Title: Re: كنت شاهدا ..
Author: tmbis
Date: 06-10-2008, 12:07 PM
Parent: #17
Quote: وزمان كلمتك قلتا ليك خليك في عبد الباسط عبد الصمد والحصري والعثيمين..فن ما في سكة يا مان
مرتضى جعفر |
عن اذنك يا شــاويش .. ادينا اذن صرف لي الملكي دا ..
هووي يــا مراسل قناة الشروق إنت ..
طبعا شغال على كيفك .. تكوزن العايز تكوزنـو.. وتاسلم العايز تاسلمو .. وتعمل حفلة لي ناس وتخلي ناس ..
عامل فيها بتاع حفـلات مش كدا .. يا بتاع الشروق ..؟
طيب يعني زي الديسكي جوكي حالتنـا دي .. كان جاب ليهو (دربوووكـه) هنا وقعد يدق ليك فيها في راسك الكبير دا .. يعني مستحيل برضو يبقى فنـان .. يعني كـوز .. ابن ستين كوز مش كدا..؟
طيب خليك معاك وركز عارفك ما بتفهم إلا الواحد يجيب ليك البوكسي ..
طيب تتذكر شابكني إنت غير الغنا والمزيكا يا ديسكي جوكي ويا ديفد قروب ما عندك حاجة ..
اهـا
بي كدا معناته خلاص انا افراج .. ؟
اها وريني درب الشيوعيين بي وين .. علشان نمشي عليهم .. نوزع ليهم مناشير
ملحوظة:
كلامي دا واضح الظاهر لي علشان ما تجي تبكي لينا هنا دا وتقول العساكر ديل عايزين يحلقو لي صلعة (بالناشف) ..
يا جستابو:
احييك .. على الكلام السمح دا .. وأهو زي ما شايف بقيت مشهور كيف .. تكتب ليك كلمة واحده يتكالب عليك المناضلين ..
شباب على ( عجـزه ومسنين) ..
بلاي القنعان منو حولو لي احلق ليك ليهو طوالي ..
ملحوظة أخيرة:
تمبس الديسك جوكي (أمنجي) .. حاضراً عن المحقق الفيدرالي عصام جبر الله ( مشركين ) .. 
|
Post: #20
Title: Re: كنت شاهدا ..
Author: A.Razek Althalib
Date: 06-10-2008, 12:11 PM
Parent: #17
Quote: هم أحسن منك لأنهم
They don't kiss asses |
يا لبؤسكـ ..
جاي الحج والعمرة عشان تلعب كوتشينة قلت لي..
طبعاً ياهون دا مستواكـ النفسي المأزوم والمهزوز العلموكـ ليهو أولياء نعمتكـ في بلاد الرأسمالية..
صدق القال..
حسن الملافظ سعد..
|
Post: #23
Title: Re: كنت شاهدا ..
Author: Rawia
Date: 06-10-2008, 12:43 PM
Parent: #20
محمد حامد جمعة
اتعامل معك باحساسك
واعتبرك انسان مرهف
وصادق
اتقبل كتاباتك كل بظرفه
وتاني شكرا لرهافتك واحساسك
______________________
تمبس انا حاجزة انزل الاغنية هنا
|
Post: #22
Title: Re: كنت شاهدا ..
Author: عمر التاج
Date: 06-10-2008, 12:40 PM
Parent: #1
الفنان فنان بفنه وبحسه المرهف
وليس بانتمائه للنظام او معارضته له.
وكذلك المتلقي
قال ودجمعة
كنت شاهدا ..
وقال آخر هنا
كنت الضحية ..
|
Post: #24
Title: Re: كنت شاهدا ..
Author: tmbis
Date: 06-10-2008, 12:48 PM
Parent: #22
Quote: ______________________
تمبس انا حاجزة انزل الاغنية هنا |
يا ابو الرور ,.
الشغل هنا بالكارنيهـات ..
رتبتك شنـو ..؟
إنت قايله التنزيل دا ساهل كدا ساكت ..؟ ..
المرة دي بنفوته ليك لكن المكرة الجاية بنشتغله اقدميه ...
ملحوظة:
يا حلات البوري والدبابير فوقك
|
Post: #25
Title: Re: كنت شاهدا ..
Author: النورس الحزين
Date: 06-10-2008, 01:12 PM
Parent: #1
تأثرت جدا بما كتبت يا جمعة
بى هناك تبكى و بى هنا تبكى
|
Post: #26
Title: Re: كنت شاهدا ..
Author: محمد حامد جمعه
Date: 06-10-2008, 01:34 PM
Parent: #25
| Quote: تأثرت جدا بما كتبت يا جمعة |
وانا تاثرت بما شهدت
|
Post: #27
Title: Re: كنت شاهدا ..
Author: عز الدين بيلو
Date: 06-10-2008, 01:54 PM
Parent: #1
نحيي فيك هذا الإحساس المرهف
وربنا يرحم كل من قدم لهذا الشعب لحناً جميلاً
|
Post: #28
Title: Re: كنت شاهدا ..
Author: محمد حامد جمعه
Date: 06-10-2008, 03:30 PM
Parent: #27
التسجيل يا جماعة ..سمعونا
|
Post: #29
Title: Re: كنت شاهدا ..
Author: Kostawi
Date: 06-10-2008, 04:00 PM
Parent: #28
| Quote: فعلا انت غبى ولا يرجى منك |
ليه كدا يا جنابو
الزعلك شنو?
الآس?
طيب معليش نرمي ليك الولد
بتاع الأورنيش
بدون قرعة
OK?
|
Post: #30
Title: Re: كنت شاهدا ..
Author: Marouf Sanad
Date: 06-10-2008, 04:20 PM
Parent: #29
| Quote: قبل سنوات ، حضرت حفلا لا اذكر مناسبته ، |
عليك الله يا م جمعة !
ياخي زول بتذكر التفاصيل دي كلها وما قادر يتذكر المناسبة!
تكون كنت سادي خدمة?
إنت تكون من الجماعة الكانو قبل سنوات ، حضرت حفلا لا اذكر مناسبته ،
عليك الله يا م جمعة
ياخي زول بتذكر التفاصيل دي كلها وما قادر يتذكر المناسبة!
تكون كنت سادي خدمة?
إنت تكون من الجماعة الكانو بشيلو العشاء ويمشو ينومو
في التلفزيون !
في التلفزيون !
|
Post: #31
Title: Re: كنت شاهدا ..
Author: Marouf Sanad
Date: 06-10-2008, 04:37 PM
Parent: #30
ياخي حفلة فيها أبو خليل واللحو وفي التلفزيون ممكن تتنسي
|
Post: #32
Title: Re: كنت شاهدا ..
Author: Kostawi
Date: 06-10-2008, 05:01 PM
Parent: #31
|
Post: #33
Title: Re: كنت شاهدا ..
Author: esam gabralla
Date: 06-10-2008, 05:08 PM
Parent: #1
| Quote: سايرين بس انتو عاينو كويس وبدون احكام مسبقة |
ولد ده ....
رقة دى و احساس و شفافية ....
و الاحساس المرهف ....
غايتو قايلك مدرب كتابة بس ...
طلعت خريج قسم الدراما كماااان
نجى نفك معاك شوية مخاخيت بعدين ...
| Quote: التسجيل يا جماعة ..سمعونا |
يا جماعة سمعو م.ح.ج. ده بسرعة ... العبرة خانقاهو
انت وقت بتعرف قدر ده .... ما مشيت هوليوود مالك؟
المخبرنجى تمبس
جيب التسجيل سريع .... محج عندو شريط زيادة
|
Post: #35
Title: Re: كنت شاهدا ..
Author: Kostawi
Date: 06-11-2008, 06:25 PM
Parent: #34
شنو يعني يا جنابو
حردان يعني?
و الله مشتاقين
|
Post: #36
Title: Re: كنت شاهدا ..
Author: محمد حامد جمعه
Date: 06-11-2008, 06:32 PM
Parent: #35
اشفق عليك خاصة حينما يكون السخف هوية والعبط بيانا ، وحينما يكون النكرة حكما وقاضيا وحينما يكون غير المدرك لخطابه خاطبا فى الناس ولا خطاب (بكسر الخاء )
|
Post: #37
Title: Re: كنت شاهدا ..
Author: Kostawi
Date: 06-11-2008, 07:57 PM
Parent: #36
| Quote: اشفق عليك خاصة حينما يكون السخف هوية والعبط بيانا ، وحينما يكون النكرة حكما وقاضيا وحينما يكون غير المدرك لخطابه خاطبا فى الناس ولا خطاب (بكسر الخاء ) |
كلامك مالو بقى زي التاميه موية
خلاص بطلت سرقة الكلام من الإنترنت?
تعظيم يا جنابو
|
Post: #38
Title: Re: كنت شاهدا ..
Author: Salah Abdulla
Date: 06-11-2008, 08:28 PM
Parent: #37
محمد ، سلام
| Quote: رحم الله احمد المصطفى (العميد ) ورحم الله فى هذا المقام عثمان حسين ورحم الله الغنا بعدهما فى هذه الديار .. وكفى |
القول ما قلت ...... وكفى ..
|
Post: #39
Title: Re: كنت شاهدا ..
Author: Ahmed Alrayah
Date: 06-11-2008, 09:16 PM
Parent: #1
إبراهيم عوض
أحمد المصطفى
عثمان حسين
بعدهم الغنا السمح قرب يكمل.
شدو حيلكم ساي يا شعراء الأغنية وملحنيها، عندكم مهمة
صعبة عديل كده تتمثل في مقاربة إبداع هذا الثلاثي الراحل.
_______________________________
... في ناس في البورد ده ما بيكبروا؛ ومن هولاء kostawi!
|
Post: #40
Title: Re: كنت شاهدا ..
Author: محمد حامد جمعه
Date: 06-12-2008, 09:44 AM
Parent: #39
Quote: في ناس في البورد ده ما بيكبروا؛ ومن هولاء kostawi!
|
|
Post: #41
Title: Re: كنت شاهدا ..
Author: newbie
Date: 06-12-2008, 09:57 AM
Parent: #40
| Quote: في ناس في البورد ده ما بيكبروا؛ ومن هولاء kostawi! |
سهر الجداد ولا نومو
|
Post: #42
Title: Re: كنت شاهدا ..
Author: Kostawi
Date: 06-12-2008, 04:03 PM
Parent: #41
| Quote: في ناس في البورد ده ما بيكبروا؛ ومن هولاء kostawi |
يا كبير إنتا
مباري لي الأمنجية و الكيزان
و ما بتخش إلا في البوستات البكتبوها
الناس البطبل للإنقاذ
زول شايل ليه طبشيرة و مساحة
|
Post: #43
Title: Re: كنت شاهدا ..
Author: Kostawi
Date: 06-12-2008, 04:14 PM
Parent: #42
شنو يا جنابو
ما تسمع كلام الظلامي أحمد الريح ده و تفرح ساكت
كدي جاوب على السؤال:
هل أقلعت عن سرقة المواضيع من النت?
و بعدين ح نجي نشوف حكاية خليل
و غسيل الأموال
و موضوع الأراضي
|
Post: #44
Title: Re: كنت شاهدا ..
Author: Kostawi
Date: 06-18-2008, 02:18 PM
Parent: #43
هل أقلعت عن سرقة المواضيع من النت?
و بعدين ح نجي نشوف حكاية خليل
و غسيل الأموال
و موضوع الأراضي
|
Post: #45
Title: Re: كنت شاهدا ..
Author: Zakaria Joseph
Date: 06-18-2008, 05:14 PM
Parent: #44
كوستاوى
سلامات
هو صاحبنا يده طلعت طويلة و لا شنو?
|
|