Post: #1 Title: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 00:30 AM Parent: #0
تقرير بثته قناة الجزيرة
قبل قليل في نشرة رئيسية
Post: #2 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 00:34 AM Parent: #1
قامت بإعداد الدراسة
جامعة الخرطوم..
مقدم الدراسة د. هشام يوسف
ودعم التقرير د. منتصر الطيب
و د. بهاء الدين احمد
ايضا من جامعة الخرطوم
Post: #3 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 00:36 AM Parent: #2
والدراسة علمية وبال DNA كمان
الرأي شنو
لسه عرب برضو!!!!!!!!!!!
Post: #4 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Tragie Mustafa Date: 06-10-2008, 01:02 AM Parent: #3
محمد خليل كيفنك يا اخوي يازول محنظل على الجماعه العيشة مالك؟؟؟ ديل قافلين على نقاء عروقهم العربيه في داعي تحبطهم كده يا اخي لا انت لا قناة الجزيرة لكم حق,ارحموهم وخلوهم في وهمهم الجميل.
Post: #5 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عاطف عبدون Date: 06-10-2008, 01:17 AM Parent: #4
محمد سلمات
كضاب ال D N A
ودا كلو من ال C I A
وسيظل الجعلين بنو العباس
ولو كره الموساد
.........
بصراحه انا لو زول جا قال لي انت ما نوبي كنت حزعل وديل ليهم حق
Post: #6 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 01:19 AM Parent: #4
أم حازم
سلامات
Quote: يازول محنظل على الجماعه العيشة مالك؟؟؟ ديل قافلين على نقاء عروقهم العربيه في داعي تحبطهم كده يا اخي لا انت لا قناة الجزيرة لكم حق,ارحموهم وخلوهم في وهمهم الجميل.
من زمان قلنا ما صدقونا...
هسي جات من عرب الخليج زاتهم يا تراجي
Post: #7 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 01:23 AM Parent: #6
سلامات يا عاطف
Quote: كضاب ال D N A
ودا كلو من ال C I A
قدر ده لكن يا اخوي...
Post: #8 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: سلمى الشيخ سلامة Date: 06-10-2008, 01:26 AM Parent: #6
عارف يا محمد خليل المثل البقول (عجبنى للمرقوت ) بس دا اخر كلام وتانى عجبنى للمرقوت عشان يبطلو حكاية عروبة وجن احمر دى عليك الله هسى خلقنا دى بتشبه العرب ؟ لاشعر ناعم ومسبسب ولا خدود بتحمر من الفرح ولا الزعل ولا مناخير متل مناخير العرب دقيقة ومنظمة اها المتعربين ليها شنو ؟
Post: #9 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Tragie Mustafa Date: 06-10-2008, 01:28 AM Parent: #8
Post: #10 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عاطف عبدون Date: 06-10-2008, 01:40 AM Parent: #9
في حلتنا يا محمد في زول بسيط لي درجة الغباء
والناس بتحضر في نشرة الوفيات ( توفي)
قال ليهم بالله عليكم اقفلو الراديو دا يقوم يعدنا
ونروح فيها ساي
وزي خوف زولنا دا من الموت البجي من الراديو
اسع انا ذاتي خفت ال (D N A ) يقوم يطلعني عربي
واروح فيها ساي
انا طالع من هنا
........
سلمي مشتاقين ومنتظرينك تكتبي حكاويك عن عاصمة الضباب
Post: #11 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Mohamed fageer Date: 06-10-2008, 01:42 AM Parent: #9
غالباً الــ DNA الفحصوه ده يكون شالوهو مني بدون ما أعرف لأنو أنا متأكد ما فيني أية جينة عربية والحكاية ما كانت محتاجة جامعات ودكاترة ودراسات وقنوات فضائية
جاء أوان الإنسحاب من الجامعة (العربجية) عفواً أقصد العربية
Post: #18 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:07 AM Parent: #11
Quote: غالباً الــ DNA الفحصوه ده يكون شالوهو مني بدون ما أعرف لأنو أنا متأكد ما فيني أية جينة عربية والحكاية ما كانت محتاجة جامعات ودكاترة ودراسات وقنوات فضائية
جاء أوان الإنسحاب من الجامعة (العربجية) عفواً أقصد العربية
ابو حميد
سلامات
كويس انك مقتنع ..
في جماعه تحت كده مقتنعين لكن بقولو ليك (البقنع الديك منو)
مع الاعتذار للنكته
Post: #76 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:52 PM Parent: #9
Quote: يا محمد اخوك دنقس ده متخصص في هذا الشاأن فكدي اقرأ له:
شكرا يا تراجي على لينك الاخ دنقس
Post: #12 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 01:42 AM Parent: #8
بت الشيخ
سلامات
Quote: عارف يا محمد خليل المثل البقول (عجبنى للمرقوت ) بس دا اخر كلام وتانى عجبنى للمرقوت عشان يبطلو حكاية عروبة وجن احمر دى عليك الله هسى خلقنا دى بتشبه العرب ؟ لاشعر ناعم ومسبسب ولا خدود بتحمر من الفرح ولا الزعل ولا مناخير متل مناخير العرب دقيقة ومنظمة اها المتعربين ليها شنو ؟
قلنا ليهم يا اخونا الناس ديل ما راضين بينا ولا بعترفو بينا
كده ختو الرحمن في قلبكم( نحن سودانية سود)
قالوا لالا لما الجماعه بحتو بحتو ونكتوها ليهم من جامعة الخرطوم
اها( تلصق الطين في الرجلين ما ببقى نعلين)
Post: #13 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: سيف النصر محي الدين محمد أحمد Date: 06-10-2008, 02:13 AM Parent: #12
سلام يا محمد خليل
بس القضية هنا انو ناس قناة الجزيرة جابو التقرير استنادا على دراسة جامعة الخرطوم و باحثين سودانيين..يعني بيقولوا لينا بركة الجات منكم و اصلا العرب زهجانين من الصومال و جزر القمر و بدرجة أقل-في ظني- من السودان و موريتانيا....فأحسن لينا نعمل بالمثل العربي(برضو) القائل: بيدي لا بيد عمرو.
Post: #14 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: doma Date: 06-10-2008, 02:27 AM Parent: #13
Quote: يازول محنظل على الجماعه العيشة مالك؟؟؟ ديل قافلين على نقاء عروقهم العربيه في داعي تحبطهم كده يا اخي لا انت لا قناة الجزيرة لكم حق,ارحموهم وخلوهم في وهمهم الجميل.
هههههههها بس لو قالوا لي لقوا ال دي اناي بتاعي وين ؟؟؟؟!!!!!! . انت يا تراجي القال ليك منو عدم الانتساب للعرب حنظله عيشه ؟؟؟؟ يا زوله نحن لا سائلين في البناء لا البناول الطوب كدي كلمينا العرب ديل زايدين علي باقي خلق الله شنو بحكم زيجتك منهم ؟؟؟ انا بحكم زيجتي من الالمان لا فرق بين البشر كلهم ياكلون الطعام ويمشون في الاسواق ويخرجون الفضلات .
Post: #96 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 10:01 PM Parent: #14
في جماعة اختفوا..
ان شاء الله المانع خير
Post: #19 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:11 AM Parent: #12
Quote: في حلتنا يا محمد في زول بسيط لي درجة الغباء
والناس بتحضر في نشرة الوفيات ( توفي)
قال ليهم بالله عليكم اقفلو الراديو دا يقوم يعدنا
ونروح فيها ساي
لووووووووووووول يا عاطف
لكن انت يا اخوي الجرية ما بتحلك بتكون فيك نسبة 1% كده
Post: #20 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:18 AM Parent: #19
Quote: بس القضية هنا انو ناس قناة الجزيرة جابو التقرير استنادا على دراسة جامعة الخرطوم و باحثين سودانيين..يعني بيقولوا لينا بركة الجات منكم و اصلا العرب زهجانين من الصومال و جزر القمر و بدرجة أقل-في ظني- من السودان و موريتانيا....فأحسن لينا نعمل بالمثل العربي(برضو) القائل: بيدي لا بيد عمرو.
د. ابو السيوف
سلامات يا راجل
ديل قالوها لينا مع طلّيعة لسان كمان..
وكده نمسك في المثل (العربي)ده بدل النسب (العربي) ونتخارج بي كرامتناعلي قولك
Post: #54 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 01:12 PM Parent: #8
وين يا سلمى يا ظالمة وناكرة؟ اسع شعرك الليل الطويل الناعم ذي شعر الكديسة العايز ليه قزازة ببسي كامل عشان يبقى آفرو داك جبتيه من وين؟ كان ما العرق العربي دا... كيف عاملة مشتاقين شديد والله لتلك الايام الالق.. ايام انتي وعشة مبارك حاسديننا على شعرنا الافريقي البقيف ضد الجاذبية.. لا ببسي لا يحزنون هوب افرو نصف قطره متر.. ( وش ضاحك)
Post: #88 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 03:44 PM Parent: #54
Quote: ايام انتي وعشة مبارك حاسديننا على شعرنا الافريقي البقيف ضد الجاذبية
لووووووووووووووووووووووول
Post: #110 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-14-2008, 11:17 PM Parent: #3
Post: #15 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: كمال عكود Date: 06-10-2008, 02:41 AM Parent: #1
Quote: قامت بإعداد الدراسة
جامعة الخرطوم..
مقدم الدراسة د. هشام يوسف
ودعم التقرير د. منتصر الطيب
و د. بهاء الدين احمد
ايضا من جامعة الخرطوم
Quote: من زمان قلنا ما صدقونا...
هسي جات من عرب الخليج زاتهم يا تراجي
هي الحكاية دي اسع جات من عرب الخليج والا جات من عندنا ودراسة اعدها الجماعة المن جامعة الخرطوم ديل على الأقل هنا في هذا البوست ؟؟؟؟؟؟؟
Post: #16 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: doma Date: 06-10-2008, 02:57 AM Parent: #15
Quote: عليك الله هسى خلقنا دى بتشبه العرب ؟ لاشعر ناعم ومسبسب ولا خدود بتحمر من الفرح ولا الزعل ولا مناخير متل مناخير العرب دقيقة ومنظمة
تصدقي يا سلمي ولا ببدل ملامحي السودانيه دي باعرب العرب والله حتي لو تقولوا شكار نفسه ابليس ما ببدل شكلي دا ولا بشكل الامم الاجمل من كل العرب . النبي يا سلمي سماحه شكل الانف الساميه شنو وين دقه الانوف دي عند ناس الملك منو داك بن عبد العزيز ولا كل ملوك العرب وشيوخهم .؟؟؟ّّّ!!! من ناحيه جماليه اقبخ الانوف هي انوف العرب الاصليين واليهود في رائ .
Post: #17 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: حيدر حسن ميرغني Date: 06-10-2008, 03:05 AM Parent: #16
الاخ محمد خليل
كان من الافضل أن تأتي بالمادة موضوع النقاش الى المنبر حتى يتسنى للمتداخلين إبداء رأيهم حولها بطريقة عملية
فى اعتقادي النقاش هنا سيكون قائم على الافتراضات المسبقة للموضوع
شكرا لك
Post: #64 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Tragie Mustafa Date: 06-10-2008, 02:36 PM Parent: #16
دوما سلامات
Quote: هههههههها بس لو قالوا لي لقوا ال دي اناي بتاعي وين ؟؟؟؟!!!!!! . انت يا تراجي القال ليك منو عدم الانتساب للعرب حنظله عيشه ؟؟؟؟ يا زوله نحن لا سائلين في البناء لا البناول الطوب كدي كلمينا العرب ديل زايدين علي باقي خلق الله شنو بحكم زيجتك منهم ؟؟؟ انا بحكم زيجتي من الالمان لا فرق بين البشر كلهم ياكلون الطعام ويمشون في الاسواق ويخرجون الفضلات .
يا دوما وحياتك حنظلة عيشة للناس المتلصلقين..انت متصقة؟؟؟ كان ما متلصقة يبقى الكلام ما شاملك..زلكن باي حق عايوة تنفي انه حنظلة عيشة للمتلصقين؟؟ البخليك ممكن تتكلمى عن السودانين وما بخليني شنو؟؟؟ ولا صدقتي انكم عرب السودان العاربة ونحن زنوجها؟؟؟؟
اولا يا ستي وقبل ما اجي لك للعرب البتفق معاك انهم لا زايدين رجل ولا كراع عننا.
خليني لزنوج السودان المستعربين البعرفهم زي جوع بطني
وكملي لنهاية البوست ده وشوفي وليدات عمك حيجوا يكتبوا شنو؟؟ وتعالي شوفي الدراسات و الباندوث الحيهرق هنا لانكار نتائج هذه الدراسة!!
وقتها ستعرفي المحنظل عيه عيشته منو؟؟
اما سؤال دوما يا جماعه لسلمى الشيخ سلامة ففعلا يمكنني ان اجزم لكم ان العرب الاصلينين ليسوا جميلين
Quote: من ناحيه جماليه اقبخ الانوف هي انوف العرب الاصليين واليهود في رائ .
فملامحهم هي ملامح حنان عشراوي والتي انفها يهوديه في المقام الاول وهذا يثبت انهم ابناء عمومة.
اي عرب سمحين او يهود سمحين هم اختلطوا بانسااب آخرى اما ملامحهم الاصليه فهي شفافه رقيقه وهي غير جميله وانوف طويلة بشكل تستح عمليات تجميل.
Post: #21 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:23 AM Parent: #15
Quote: هي الحكاية دي اسع جات من عرب الخليج والا جات من عندنا ودراسة اعدها الجماعة المن جامعة الخرطوم ديل على الأقل هنا في هذا البوست ؟؟؟؟؟؟؟
هم ما دايرين اعملو الدراسة دي من اصلو يا عكود..
لانهم مقتنعين ميه الميه اننا ما عرب اعملو دراسة ليييييييه؟؟؟؟؟؟؟؟
لكن لما جات مننا نشروها ليك في القناة العربية الاكثر انتشارا وبالبنض العريض كمان..
Post: #22 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:32 AM Parent: #21
الاخ حيدر
سلامات يا حبوب
Quote: كان من الافضل أن تأتي بالمادة موضوع النقاش الى المنبر حتى يتسنى للمتداخلين إبداء رأيهم حولها بطريقة عملية
فى اعتقادي النقاش هنا سيكون قائم على الافتراضات المسبقة للموضوع
كلامك في محلو وعداك العيب..
للاسف الشديد اني كنت في المكتب عندما تم عرض هذا الموضوع ولم يتسنى لي تسجيله..
ولا يوجد بمنزلي دش عربي..
ولكن اعتقد انه سيتم اعادته خلال اليوم بالنسبة لناس الخليج والسودان واتمنى ان يقومو بتسجيله
لاهمية الموضوع لكن بالنسبة لي مع ال(باسفيك تايم)صعب ان اقوم بذلك خاصة وانني لن اعود للعمل الا يوم
غدا
لك كل الود
Post: #23 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:59 AM Parent: #22
التقرير متاح الان على الجزيرة.نت
في صفحة المنوعات
Post: #24 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 04:53 AM Parent: #23
دي البحوث المغرضة التي لا يعول عليها علميا الزول بربا بمؤسسة علمية ذي جامعة الخرطوم تخش في حاجة ذي دي...
بعدين الكلام هنا عن عرق عربي نقي... دي معلومة ما عايزة اي دي ان ايه لانه اي زول عارف انه السودانين الشمالين خلطة زنجية عربية.. والكلام دا معلوم ومعروف تماما لاي سوداني..وعلى الغابة والصحراء وشاح بتبقى الدراسة دي لها ساق وقدم لو قالت لا يوجد عنصر عربي في جينات الشمالين والدليل الدي ان ايه حيث فحصت عينات من كل القبائل الشمالية.. وتتوفر لنا الفرضيات ونائج البحث بذكر العينة ونسب وكدا دي العلمية المنهجية البتجاوب على فرضيات البحث.... عشان ما يبقى كلام عوام وتنظيرات فارغة من قبل ظهرت دراسة بتقول ان الزنوج ذكائهم اقل من البيض..بعداك ان الرجال اذكي من النساء وووووو من الدراسات المغرضة غير المفيدة..
والدراسة دي خطا حيث يوجد عرق نقي في السودان وهي للقبايل التي هاجرت حديثا مثل الرشايدة من الجزيرة العربية والمحاميد من ليبيا ما لم يختلطوا بالسكان الاصلين..
الجزيرة في النهاية قناة عادية ما علمية حتى يعتد بما تقول.. خلاصة القول ان السودان الشمالي تسكنه قبائل مستعربة سكانها خلطة بين الزنوج والعرب.. وقال رسول ص العربية لسان كل من يتحدث العربية فهو عربي... والسودان ما محتاج لرخصة من العرب...
Post: #26 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Elsanosi Badr Date: 06-10-2008, 05:33 AM Parent: #24
محمد خليل تحياتي ليك ولزوارك الكرام...
Quote: لا يوجد عرق عربي نقي في السودان
تعرف نفس الكلام ده بينطبق علي مصر والعراق ولبنان وسوريا والجزائر والمغرب...لان فيها اقوام غير العرب مثل الاكراد والشراكسه والارناؤوط والامازيغ... وازديك من الشعر بيت ايضا لا يوجد نقاء عرقي عربي في الكويت الا البدو... مثل هذه الدراسات عديمة الفائده لانها تعتبر رقعه لخلل ما وفي اعتقادي هي ردة فعل لسؤال الهويه المازوم... الدراسه غير مقبوله علميا لانها غير واضحة المعالم ومعروف في السودان اين يوجد العرب وغير العرب وخلطة العرب... فالعروبه اخي الكريم نمط وسلوك وطرق حياة وثقافة وليست لون وتقاطيع وجه كما يبشر الكثيرون هنا او خارج المنبر واقرب مثالي بدو سينا والبدو في صحراء نجد فهؤلا ليسو بيض ولا تحمل تقاطيعهم ميزه محدده. في السودان في سودانيين (عرب وغير عرب)...بامكانهم ان يعيشو ا في امن وامان اذا ارتضو انهم سودانيين...
Post: #145 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Nazik Eltayeb Date: 06-20-2008, 02:41 PM Parent: #26
بغض النظر عن وجود عرق عربي في السودان من عدمه و مدي نقائه . الدراسة المذكورة غير واضحة الاهداف او علي الاقل غير منشورة بوضوح كما ان الامر ينطبق ايضاً علي عدد العينات التي تم التعامل معها في هذه الدراسة والتي لا ترقي لاثبات او نفي صفة ما .اعتقد ان جامعة الخرطوم بريئة من هذه الدراسة وكون ان بعض منتسبي الجامعة شاركو فيها فهذا لايدعم مصداقيتها ابداً. ببساطة في الامر استغلال ما فكل يغني على ليلاه ( مثل عربي دي طبعاً ثقافة عربية و مكتوبة بالعربي لا محتاجة جينات ولا بي سي ار)
Post: #34 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:53 AM Parent: #24
Quote:
الجزيرة في النهاية قناة عادية ما علمية حتى يعتد بما تقول..
الفاضلة بيان
التقرير تبنته جهة علمية معترف بأبحاثها الا وهي جامعة الخرطوم لذا لزم التنويه
وشكرا على المداخلة
Post: #35 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:59 AM Parent: #34
Quote: تعرف نفس الكلام ده بينطبق علي مصر والعراق ولبنان وسوريا والجزائر والمغرب...لان فيها اقوام غير العرب مثل الاكراد والشراكسه والارناؤوط والامازيغ... وازديك من الشعر بيت ايضا لا يوجد نقاء عرقي عربي في الكويت الا البدو... مثل هذه الدراسات عديمة الفائده لانها تعتبر رقعه لخلل ما وفي اعتقادي هي ردة فعل لسؤال الهويه المازوم... الدراسه غير مقبوله علميا لانها غير واضحة المعالم ومعروف في السودان اين يوجد العرب وغير العرب وخلطة العرب... فالعروبه اخي الكريم نمط وسلوك وطرق حياة وثقافة وليست لون وتقاطيع وجه كما يبشر الكثيرون هنا او خارج المنبر واقرب مثالي بدو سينا والبدو في صحراء نجد فهؤلا ليسو بيض ولا تحمل تقاطيعهم ميزه محدده. في السودان في سودانيين (عرب وغير عرب)...بامكانهم ان يعيشو ا في امن وامان اذا ارتضو انهم سودانيين...
السنوسي ود بدر
سلام ول ابا
لا اتفق معك بأن الدراسة غير مقبولة علميا
لان مؤسسة مثل جامعة الخرطوم من الصعب ان تخاطر بسمعتها
وخصوصا في موضوع حساس مثل هذا..
سأعود لك لاحقا ..
كل الود
Post: #133 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: amir jabir Date: 06-17-2008, 11:21 PM Parent: #24
Quote: لانه اي زول عارف انه السودانين الشمالين خلطة زنجية عربية..
انا ماعارف لانو دة ما ادونا لية فى حصة التاريخ
Post: #25 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Mohammed Elhaj Date: 06-10-2008, 05:15 AM Parent: #1
يا محمد خليل الموضوع دا ما أعتقد انو اير دراسة و DNA هسي لو أنا عارف انو في ناس لسة متخيلين انو في (عرق عربي نقيفي السودان) كان وريت ناس الجزيرة ديل من زمان انو مافي (عرق عربي نقيفي السودان) زي ما قالت د. نجاة
Quote: بعدين الكلام هنا عن عرق عربي نقي... دي معلومة ما عايزة اي دي ان ايه
السؤال هو هل في ناس بيعتقدو انو في السودان في (عرق عربي نقيفي السودان)؟
Post: #27 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: julia shawqi hamza Date: 06-10-2008, 05:34 AM Parent: #25
د/ نجاة محمود لك التحايا و الود. غايتو من الصورة ملامحك توحي أنك أقرب الى العرب منه الى الزنوج (السودانيين) فان كان هذا شرفا فألف مبروك. لنك قلت أن الرسول(ص) قال: العربية لسان كل من يتحدث العربية فهو عربي..... أفهم من هذا أن كان الحديث صحيحا، باقان أموم يجيد العربية أكثر مني، عربي و المرحوم د/جون قرنق و سلفاكير و السفير الصيني في الخرطوم و و عرب
لكن حبوبتي النوبية غير عربية و هذه شهادة منك أعتز بها جدا . لك الشكر شوقي حمزة....
Post: #29 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 05:45 AM Parent: #27
استاذنا شوقي عميق اسفي اذا كان هناك ححة في راي ردا على ما كتبته.. اسحب ردي ولك العتبي حتى ترضى والعين لا تعلى على الحاجب..
كما ذكرت انني فقط كتبت عن الدراسة وهي دراسة غير منهجية ولا علمية.. وجامعة الخرطوم لا تملك اي قدرة مالية على تمويل بحث مثل هذا اذ انها لا تستطيع ان تدفع فاتورة الموية والكهرباء... ولذلك ارى انه بحث حسب الموضة اذ لا يعقل ابدا ان توجد دماء اوربية ولا توجد عربية ولا كيف؟
احترامي لك..
Post: #28 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: صلاح شعيب Date: 06-10-2008, 05:36 AM Parent: #25
زميلنا محمد خليل
يا خي المعلومة دي قديمة وابجزيرة شنو يعني لو نشرتا..أنتا ما قريت كلام ناس الغابة والصحراء وورقة الباقر العفيف..العالم كلو ما فيه عربي نقي..حتى الخليجيين واليمنية والعراقيين والمصريين والجزائرين والمغاربة كلهم نتاج لاختلاط اجناس برغم أنهم معترفين انهم من العرب المستعربة والرسول صلى الله عيله وسلم نفسه من العرب المستعربة وليس العرب البائدة اصحاب الجين الاصلي..وأضيف ليك حاجة اللبنانيين ديل الشايلنها تقيل مع السود مافيهم واحد عربي..وماذا عن عروبة حسني مبارك والذي ينتمي إلى الفلاحين..والملك الحسن الذي حكمت اسرته المغرب طوال هذه السنين بحجة علاقته بالبيت النبوي..مع أنه من أصل بربري.
Post: #80 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: altahir_2 Date: 06-10-2008, 11:25 PM Parent: #28
العزيز الاستاذ صلاح شعيب لم اكن لاتداخل فى هذا الموضوع البغيض لو لا لمحت اسمك وازيد على ما قلت وحتى القوميون العرب وانا منهم لم يتحدثوا مطلقا عن الاصل والدم العربى الذى لا وجود له الا فى مجموعات قليلة فى اعلالى جبال اليمن. الحزين فى الامر :- ان الفهم العنصرى البغيض لتحديد الهويات المختلفةالذى يبرز الآن يأتى فى ظروف غياب المفاهيم والادوات التى تحدد اطارات الحوار حول هذه النقطة وفى ظل حالة من الجهل المريع اما المخيف حقا فهو ان يتقهقر الوعى حتى فى اواسط المثقفين اصحاب الرسالات وحملهم معول الهدم بدلا من مشعل النور مرات باسم العلم ومرات كثيرة بمسايرة الاحداث وان شئت تسميهم حقا فهم المزايدون والمتكسبون باسم مثل هكذا قضايا. اين مفاهيم العروبة والقومية فى السودان من طرحها كفكر وتاريخ وثقافة ومصير مشترك مع المحيط العربى والافريقى كوجود او كخليط يميز الشخصية السودانية. لماذا صرف النظر والاطلاع على هذه القضايا دون اخذ هذا البعدالهام جدا والذى بيده تحقيق اكبر قدر من لم الشمل على اساس انسانى صرف ومفاهيم تعبر ثقافة الناس ودورهم الانسانى الثقافى والحضارى فى الحياة.؟ لماذا تعملون على تغذية هذا الشعور الكرية بالعنصرية البغيضة ؟ حاجة غير مفهومة الا ضمن سياقات محددة يعلمها كل حصيف ومدرك لمآلاتها المقصودة. ضياء ميرغنى
Post: #36 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:03 AM Parent: #25
ابو حميد
سلامات
Quote: السؤال هو هل في ناس بيعتقدو انو في السودان في (عرق عربي نقيفي السودان)؟
عييييييييك ما يدوك الدرب وخلي بس شمس السودان تطلع شوية كده بتشوف براااااك.
Post: #37 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:18 AM Parent: #36
Quote: يا خي المعلومة دي قديمة وابجزيرة شنو يعني لو نشرتا..أنتا ما قريت كلام ناس الغابة والصحراء وورقة الباقر العفيف..العالم كلو ما فيه عربي نقي..حتى الخليجيين واليمنية والعراقيين والمصريين والجزائرين والمغاربة كلهم نتاج لاختلاط اجناس برغم أنهم معترفين انهم من العرب المستعربة والرسول صلى الله عيله وسلم نفسه من العرب المستعربة وليس العرب البائدة اصحاب الجين الاصلي..وأضيف ليك حاجة اللبنانيين ديل الشايلنها تقيل مع السود مافيهم واحد عربي..وماذا عن عروبة حسني مبارك والذي ينتمي إلى الفلاحين..والملك الحسن الذي حكمت اسرته المغرب طوال هذه السنين بحجة علاقته بالبيت النبوي..مع أنه من أصل بربري.
اخي صلاح شعيب لك التحية
وعبرك ارسلها لاستاذي د.الباقر العفيف وهو من الذين استمتع جدا بالاستماع لهم..
واتفق معك تمام في تصنيف العرب بل اسمح لي ان اختلف معك قليلا في المسميات..
حيث ان العرب البائدة لا وجود لهم الان فقد انقطع نسلهم وهم قوم ثمود وعادواخرون ولكن العرب الحاضره
(السائده)تنقسم الى قسمين عرب عاربه وهم اهل جنوب الجزيرة العربية وهم العرب الاصليين(القحطانيين)
والعرب المستعربه وهم من سكن شمال الجزيرة العربية (العدنانيين) وجاء من نسلهم الرسول (ص) وما
عدا ذلك فهو خليط بين العرب و اقوام شتى وقد ذكرت في مداخلتك بعضهم ولا زال هنالك الكثيرون لا يسع
المجال لذكرهم اما نحن في السودان فلا جدل بأننا خليط متفرد وعلينا ان نفتخر بذلك بدون السعي
للانتماء المطلق للعروبه على حساب دماءنا الاخرى
ولك كل الود
Post: #30 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: محمد أبوالعزائم أبوالريش Date: 06-10-2008, 05:52 AM Parent: #1
(لا يوجد عرق عربي نقي في السودان)... أتطرّف أكتر وأسحب كلمة (نقي) لتكون الجملة: (لا يوجد عرق عربي في السودان)
Post: #38 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:23 AM Parent: #30
Quote: أتطرّف أكتر وأسحب كلمة (نقي) لتكون الجملة: (لا يوجد عرق عربي في السودان)
ابو حميد
لالالالالالالالا يا حبيب فرمل شويه كده وتاني فكر بي رواقه
...............
.................
كترت المحلبيه ياااخ
Post: #31 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عبدالرحمن الخليفة Date: 06-10-2008, 05:58 AM Parent: #1
بعد التحية المقددرة جد لسيد البوست
سلام مكعب لسلمى بت الشيخ ....وحقيقة .. طرحك من الاخر ( المارقوت ) تفاصيل بعد اتبان الحريق على الاخضر واليابس ...
لمحمد خليل ...من كل دواخلى العرب والعروبة ليس مقياس ..( للسوية )...بل مدعاة للنكران ...فى تفاصيل ..( غير )..
لاسيما احداث الساعة للكون ....
فمن الاصلح للفتى .....ان يقول هانذا ..
( وايضا مقولة عربية )
Post: #32 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: علاء الدين يوسف علي محمد Date: 06-10-2008, 06:34 AM Parent: #31
عبط شديد و فراع و حاجات خفِية
زمااااااااااااااااااان قلنا و علي لسان الشايقي المأصّل إسمعيل حسن:
عرب ممزوجة بي دم الزنوج الحارة ديل أهلي
يعني زول شاعر و طمباري حلاها من سنين و إنتو جايين تكتشفوا الذرّة
يفهموكم ليها كيف؟
يبقي الحقيقة هي:
خليط زنجي عربي
و زنوج صرفين
خلاس
بلا دي إن إيه بلا لمّة
Post: #33 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: علاء الدين يوسف علي محمد Date: 06-10-2008, 06:38 AM Parent: #32
Quote: عارف يا محمد خليل المثل البقول (عجبنى للمرقوت ) بس دا اخر كلام وتانى عجبنى للمرقوت عشان يبطلو حكاية عروبة وجن احمر دى عليك الله هسى خلقنا دى بتشبه العرب ؟ لاشعر ناعم ومسبسب ولا خدود بتحمر من الفرح ولا الزعل ولا مناخير متل مناخير العرب دقيقة ومنظمة اها المتعربين ليها شنو ؟
يبدو إنك تتحدثين عن نفسِك فقط هنا
لو عايزة تدعيم بصور ممكن نجيك
Post: #42 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: ترهاقا Date: 06-10-2008, 08:15 AM Parent: #33
سلام كبيير للجميع ولصديقى العريس محمد خليل
أنا ما عارف قصة دم عربى نقى دى شنو ؟ والله أنا دمى نوبى نقى لا يشق عليه غبار ، ليس لى خلاف مع الدماء الاخرى ، فكل يفتخر بنقاء دمه ، فليفتخر العربى بعروبته ، يا جماعة الزمن ده دايرك تكون مواطن صالح ومفيد بصرف النظر عن العروق والدماء اللى بقت سايلة للركب فى الاربعة أركان في السودان يا جماعة نحن سودانيين وكفى ، نفتخر بسودانيتنا ، وإختلاف الدماء والاعراق محمدة وليست مزمة امريكا بجلالة قدرها تحمل كل الدماء والاعراق شيء آيرش والمان وايطاليين وهلمجر . طالما اجتمعنا فى هذه الرقعة (السودان ) لم لا نرتقى بهذا الوطن المذبوح على أيادى أبناءه
اصحوا يا جماعة العالم مشى لى قدام ونحن لحد حسع بنتش على جذورنا واشياء لا تضع الطعام على الطاولة ،
ولكم حبى وتقديرى
Post: #67 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 03:54 PM Parent: #42
Quote: يا جماعة نحن سودانيين وكفى ، نفتخر بسودانيتنا ، وإختلاف الدماء والاعراق محمدة وليست مزمة
الحبيب ترهاقا ابو علاء
صباحك خير وجبت المختصر المفيد
كل الود
Post: #40 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:45 AM Parent: #32
Quote: عبط شديد و فراع و حاجات خفِية
وانت حارق دمك مالك وجاي تشارك بدل المره مرتين مادام ده رأيك في الموضوع!!!!!!!!!!!
صحيح والله كل اناء بما فيه ينضح..
ولا بالعربي السوداني قالو الفيك بدربه
Post: #39 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 07:27 AM Parent: #31
Quote: لمحمد خليل ...من كل دواخلى العرب والعروبة ليس مقياس
التقوى ومكارم الاخلاق يا عبد الرحمن هي المقياس
ونقاء النفس والسريره
وكلنا لادم وادم من تراب
Post: #41 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Shamael Elnoor Date: 06-10-2008, 08:12 AM Parent: #39
انا مرتااااااااااااااااااااااااااااحةفي البوست دا للديييييييييييييييين !!!
شكرا يا محمد خليل والمتداخلين ،، اها البقنع الديك شنو
وعشان خاطرك وخاطر المتداخلين وعشان دمنا الافريقي الحار دا انا ح افتح بوست تعزيزا واحتفالا بافريقيتنا، واى سوداني يقول جدى الرسول ما يجينى فى البوست دا
زوروني فى البوست الجديد
تف على اى سوداني يقول انا عربي
Post: #43 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 08:49 AM Parent: #41
1 ـ ان ما يسمى بمدرسة الغابة والصحراء لا يرقى إلى مستوى مدرسة أدبية ولكنها حركة أو تيار أدبي صحبه بعض التنظير والكتابات الأدبية. وساد لفترة في الأدب السوداني ثم اختفى. 2 ـ وأن ثنائية الغابة والصحراء لا تتعارض في أصلها ولكنها تشكل إضافة جديدة وفريدة وهذا لا يكون إلا بالنظر إلى المكونين العربي والإفريقي بسواء، والاعتراف بهما معاً. 3 ـ ان المثقفين السودانيين قد وصلوا إلى أن الحل للأزمة السودانية هو حل ثقافي في المقام الأول ونجد أن هذا ما وصل إليه رجال السياسة في السودان بعد مرور أربعين عاماً من نزيف الدم. 4 ـ تحفل الثقافة السودانية في داخلها بعدة مكونات قد تشكل عنصر القوة إذا قمنا بالنظر إليها باحترام والاحتفال بها دون التركيز على ثقافة واحدة وفرضها على الآخرين مما يخلق سودان الوحدة والتنوع.
5 ـ إن حركة الغابة والصحراء لم تتأثر بحركة الزنوجة، إذ أن حركة الزنوجة تدعو إلى المواءمة بين العنصر الأوربي، والعنصر الزنجي بينما حركة الغابة تدعو إلى المواءمة بين مكونين أصيلين في تركيب وجدان الفرد السوداني الذي هو أصلاً تركيب عرقي وهجين بين العرب والزنج، ولذلك باعتراف محمد المكي إبراهيم الذي لم يقرأ لسنغور إلا بعد أن تعلم اللغة الفرنسية فيما بعد. 6 ـ لم تكن حركة الغابة والصحراء حركة سياسية ولكنها حركة فكرية وثقافية ولذلك كان أثرها ضعيفاً في محاولة تغيير الواقع المعاش في السودان. 7 ـ ربما قيام هذه الحركة في ذلك الوقت الحرج من تأريخ الأمة العربية (هزيمة 67) سارع في إجهاضها على الرغم من الإنتاج الغزير الذي أنتجته هذه الجماعة. 8 ـ لم تكن حركة الغابة والصحراء من إفرازات الحزب الشيوعي السوداني كما يدعي الكثيرون إذ أنها كانت تضم شعراء من مختلف الاتجاهات الفكرية، وفكرة الجماعة تتعارض مع الفكر الماركسي أصلاً. 9 ـ حركة الغابة والصحراء لم يتم الانتباه لها إلا عندما حدث تماس بين السوداني الأسود والأوربي الأبيض بعد سفر "محمد المكي إبراهيم" و"النور عثمان أبكر" إلى ألمانيا "إن انتباهي إلى مسألة الغابة والصحراء تم لي وأنا في محيط حضاري غربي رفض هويتي الإفريقية حين أفكر ورفض هويتي العربية حين أكون". * خاتمة بحث دكتوراه بعنوان ثنائية الغابة والصحراء عند محمد عبد الحي,, نموذج الدراسة قصيدة العودة الى سنار...قدم لكلية اللغة والعربية وادابها __ في النقد الادبي الحديث...جامعة القرآن الكريم اكتوبر سنة 2000
Post: #46 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: nazar hussien Date: 06-10-2008, 09:09 AM Parent: #43
من سياق العنوان: (لا يوجد عربي نقي في السودان)
وذلك يعني أن هناك عربي....ولكنه ...مخلوط بشوائب؟ (غير نقي)
فهل يرضي باقي السودانيون بأن يكونوا هذه الشوائب؟
ثم ثانيا هذا العربي الغير نقي: عيار كم؟
Post: #44 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 08:56 AM Parent: #41
Quote: وعشان خاطرك وخاطر المتداخلين وعشان دمنا الافريقي الحار دا انا ح افتح بوست تعزيزا واحتفالا بافريقيتنا، واى سوداني يقول جدى الرسول ما يجينى فى البوست دا
زوروني فى البوست الجديد
تف على اى سوداني يقول انا عربي
الابنة شمائل
هنا مفتوح نقاش جاد..يمكن المشاركة فيه بجدية
الاستخفاف بالرسول ص ووضع اسمه في مكان استهجان وتحقير لا يصح البتة والاستتخفاف بالاخرين لا يقود ابدا الى حوار صحي,, كما كلمة" تف" كلمة غير لائقة في اي حوار صحي,, يمكن لهذا البوست ان يكون مكان مناقشة مثمرة للغاية ولكن هذا البورد لا يمكن مناقشة اي امر بدون ان تظهر عيوب الشخصية السودانية..
Post: #70 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 04:56 PM Parent: #41
Post: #45 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: ابراهيم تون Date: 06-10-2008, 09:06 AM Parent: #1
يا خوى العقد فى شنو عربى ما عربي كلنا اولاد حواء وادم (اشهد ان لا اله الا الله واشهد ان محمد رسول الله) انا سوداااااااااااااااااااااااااااااااااااااااانى . الله غالب
Post: #47 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: doma Date: 06-10-2008, 10:54 AM Parent: #45
وانا انسان وبس
Post: #49 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Shamael Elnoor Date: 06-10-2008, 11:11 AM Parent: #47
Quote: الابنة شمائل
هنا مفتوح نقاش جاد..يمكن المشاركة فيه بجدية
الاستخفاف بالرسول ص ووضع اسمه في مكان استهجان وتحقير لا يصح البتة والاستتخفاف بالاخرين لا يقود ابدا الى حوار صحي,, كما كلمة" تف" كلمة غير لائقة في اي حوار صحي,, يمكن لهذا البوست ان يكون مكان مناقشة مثمرة للغاية ولكن هذا البورد لا يمكن مناقشة اي امر بدون ان تظهر عيوب الشخصية السودانية..
د.نجاة
لا استخفاف بالرسول (ص) ارجو عدم التحريف ،،، بل قصدت ان نسب السودانيين لاينتهى الى الرسول ، ولاداعى لملفقي الانساب ان ينهوا نسبهم الى العباس زروا وبهتانا وتف تاني لكل ملفق نسبه ،
عفوا انا اشعر بصحة ما اكتب دون ظهور عيوب الشخصية السودانية التى تزعمين انها عيوب ، المسألة مسالة هوية لا اكتر ولا اقل
Post: #51 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-10-2008, 12:24 PM Parent: #49
Quote: عفوا انا اشعر بصحة ما اكتب دون ظهور عيوب الشخصية السودانية التى تزعمين انها عيوب ، المسألة مسالة هوية لا اكتر ولا اقل
ان نحقر الاخر المختلف ونتف ليه دي ما مسالة هوية ولا بتيخ...
Quote: وتف تاني لكل ملفق نسبه ،
برضو دي ما طريقة حوار .. ثانيا ولا مليون,,
Quote: لا استخفاف بالرسول (ص) ارجو عدم التحريف
انا لا احرف ولكن حشر الرسول ص في كلامك ما صاح لم ار الرسول ص هوين الا في هذا البورد,, شخصية عادية نستخدمها في شتمنا للاخر.. الرسول ص يجب الا يذكر الا في موقع تكريم وتعظيم,,
Post: #135 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: amir jabir Date: 06-17-2008, 11:39 PM Parent: #45
Quote: يا خوى العقد فى شنو عربى ما عربي كلنا اولاد حواء وادم (اشهد ان لا اله الا الله واشهد ان محمد رسول الله) انا سوداااااااااااااااااااااااااااااااااااااااانى . الله غالب
ادم مين ؟؟؟ بتاع الدكان ولا بتاع الترمس هسى الكلام دة لو قالوا واحد ازرق عب زينا كدة كان سمع كلام فاضى لكن لان اهل الجزيرة هم من لهم الحق فى منح كلمة عربى وجماعتنا ديل الواحد ممكن يبيع شرفوا اكرر شرفوا علشان يقولوا لية عربى
والتنظير ما بنفع لا غابة ولا صحراء ولا اسماعيل حسن ولا الرسول زاتوا بحلكم البحلكم تتفاهموا مع الناس ديل
قال عرب ممزوجة بدم الزنوج الحارة قال
الله ما يمزجنا مع العرب
Post: #48 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: AnwarKing Date: 06-10-2008, 11:09 AM Parent: #1
شاهدت التقرير وسعدت به جداً... فكما تفضلت العزيزة د.نجاة، بأن كل القبائل الشمالية عبارة عن خلطة نوبية +عربية+بجاوية +الخ من العناصر السودانية...
الا أن التقرير أغفل سؤالاً مهماً... هل يوجد نقاء زنجي/نوبي/أفريقي/بجاوي في السودان؟
العرب الأنقياء عرقياً...يسمون بالعرب البائدة...نسبة للإبادة الجماعية وكده...وديل ودعوا ورحلوا منذ قديم الأزل!
العرب نفسهم مختلطين مع بعضهم مما ينفي النقاء العرقي...
لا توجد دولة كاملة نقية العرق في عالم اليوم...بل توجد مصالح مشتركة ووحدة مصير نقي بلا شوائب، فهلا أنتهينا من حدودة البيضة والجدادة دي؟
أنور...صاحب أفروعرب
Post: #50 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: علاء الدين يوسف علي محمد Date: 06-10-2008, 11:39 AM
Quote: صحيح والله كل اناء بما فيه ينضح..
دي الحاجة الوحيدة الوُفِقت فيها
بس مع التصحيح
الصفيحة الملانة عفن لا تنضح إلا عفن
إناء دي ما بيطلقوها ساي كدة
خشوم بيوت برضو
Post: #52 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Hani Arabi Mohamed Date: 06-10-2008, 12:43 PM Parent: #1
أعتز بانتمائي الإفريقي ....
Post: #69 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 04:48 PM Parent: #52
Quote: أعتز بانتمائي الإفريقي ....
me too
Post: #53 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عمر التاج Date: 06-10-2008, 12:56 PM Parent: #1
Quote: لا يوجد عرق عربي نقي في السودان)
دراسة غبية ونتيجة أغبى (إذا ورت بهذه الصيغة) دراسة تستنتج النفي المطلق لحقائق تنبني على الاحتمالات والعينات غير جديرة بالنقاش
ثم ومن قال أن عرب السودان (عرقهم نقي)حتى نخضعه للدراسة ؟ الكل يعرف أن السودانيين خليط مثلهم مثل أغلب البشر في العالم اليوم
Post: #55 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: نيازي مصطفى Date: 06-10-2008, 01:33 PM Parent: #53
هل هذه الدراسة تشمل كل قبائل السودان الحديث بما فيها الرشايدة والذين لم يختلطوا بالافارقة ؟ اتمنى ان يحاول احد الاخوة ان ياتي بهذه الدراسة كاملة .
Post: #56 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: شوقي مهدي مصطفي Date: 06-10-2008, 01:44 PM Parent: #1
Quote: يا اخي لا انت لا قناة الجزيرة لكم حق,ارحموهم وخلوهم في وهمهم الجميل.
الاستاذة تراجي..............
الوهم ده لي متين .......... نحنا يغشونا وبعدين نحن نغش اولادنا......... وعييييييييييييييييييييييييييييييييك
ـــــــــــــــــــ shawgimahadi.blogspot.com
Post: #57 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: مجاهد عبدالله Date: 06-10-2008, 01:48 PM Parent: #1
Quote: يبدو أن التربة التي نسير فيها ضاقت ذرعاً بما نحن فيه وما نحن سائرون به من مفاهيم مغلوطة ونعرات تعبر فقط عن جهلنا بحقيقة الكون وخالقة وما يسره لنا من نعمة العقل التي كان بالإمكان أن نستغلها في أحسن الصور وتتجلى من هذه النعمة سعادتنا الدائمة بأريج الجنة في الأرض ونعلم أن الجدل قائم في دواخلنا بفرض إشباع حاجاتنا المتجددة وهو ذات الجدل الموجود في الآخر ولكن حمية البعض لإشباع تلك الحاجات نتج من إستغلال الآخر وضعفة وهو باب الغباء نتيجة لتعطيل نعمة العقل وترك النفس الأمارة تسعى لتفسد ود التعايش بين العباد.قصدت من هذه المقدمة الإشارة لعنوان ما أتيت به وهو بيت القصيد في جحيم الحال الذي نعيش ،فالسؤال عن الهوية غدا يستصحب تفاصيل التعامل اللاخلاقي عبر التاريخ وتمخض عن وقوع كثير من الناس في مستنقع البحث الجذوري الأسن وهو البحث في خلايا الدم عن الأصل والنسب وذهب المعنى الأصيل للهوية وما تشمله من مضمون حضاري وثقافي نشترك فيه جميعاً أدراج الرياح ،فما بين الفرد وأبناء عمومته وشائج الدم والرباط الأسري وهو كيان الطمأنينة الصغير وما بين الفرد والأخر في المجتمع الواحد هو الموروث الحضاري وهو رباط القوم او القومية وهو الكيان الأكبر وصاحب المضمون الأشمل وأعلم أن الكثير من الناس في الواقع السوداني تترسب عنده الدهشة عن ما يمكن أن يربطه بهذا الآخر ونوعية هذا الرباط وهو كنه الحال الماثل اليوم والذي زحف بعقول الكثيرين لمرابط هذا الإستعلاء بعد أن تحول مفهوم الهوية الى معناً آخر غير مرتبط البته بالمفهوم الأصيل وتشدق البعض بتحرير صلة النسب من خصائص الواقع وفرضياته وذهبوا يبحثون عن إصول وأي إصول علها تشفع لهم بين الناس وتطفئ نار الجهل التي إنطلقت في دواخلهم،فقد بحثوا عن الإصول التي لم تبحث عنهم ،فتسلسل النسب حتى في بعض الآحايين التي تجذرت وصولاً برسول البشرية وكأنهم يبحثون في الشفاعة لجهلهم المدقع ،وتغلب الكثير منهم على هذا المرض ولكن لم يزجروا إخوانهم عن هذا وتركوا نار الإستعلاء تشتد من نتاج بحث الآخرين المضني .يبدو لي من السخف أن تسأل الفرد عن إنتمائه ومرد السخف هنا عن كيفية فهم السؤال للمتلقي وهو ما يجيبك به عن أنه إبن فلان من القبيلة العلانية وها هو يعِّل الإجابة بمرض سرعان ما تدب ناره في السائل فيرد إجابته المبتورة الإنتماء بجهل آخر ،فبحث الفرد عن كينونته للأسف يبدأ من قشرته او لونه وهو الشيئ الذي يخرج من خياراته وليس لاحد منا حق إختيار لونه(Not our choices) ولو تمعن الكل صلة المنع في هذا الإختيار لإستنتج خيار الدم أيضاً ولابعد هذه الممنوعات خيارها من إجابة نفسه لسؤال الهوية ولفتح مدارك لبه لافاق أرحب تتنزه عن التعنصر والإستعلاء أفاق لا تحدها إلأ سقف الموروث الحضاري الذي نحمل ...
Quote: التطور غاية تنشدها المجتمعات ويتأسس هذا التطور على إشباع حاجات الإنسان المتجددة في كل لحظة ولا سبيل لتحقيق تلك الحاجات دون وسائط التدافع والعمل وهنا تبرز حوجته للطبيعة والآخر وما يشكله من منتوج مادي ومعنوي من خلال التفاعل الذي يبدئ،ونستخلص النتيجة الهامة هي حوجة الإنسان لاخيه ليكن عوناً له في إشباع تلك الرغبات ومنها نستشف ضرورة التدافع بين الأفراد داخل المجتمع الواحد ،وبما أن الأس الأصيل هو حوجتي للآخر وحوجة الآخر لي فلماذا التمايز في الحقوق والواجبات وأعني حقوقي منه وواجباتي تجاه ،كما أن التطور يصاب بالشلل إذا إختل هذا المعيار او عدم التساوي في هذه الرحلة نحو التطور .والتطور نفسه وفي كل النواحي لايمكن أن يتقدم قيد أنملة طالما أن الحراك الإجتماعي مجمد بين الأفراد في المجتمع الواحد أي التطور الإجتماعي الذي يتحقق من خلال التعايش غير موجود بل يرتع الإستعلاء والنظرة الدونية بين أفراد المجتمع دون قانون يزع أو أخلاق تشع ،لذلك يبقي مفهوم الهوية مختزل في آتون القبيلة او العشيرة وهو الواقع المأزوم الذي نرزح تحته يا إستاذي الفاضل .أن مفهوم الهوية في ظل الواقع القبلي الموجود في السودان اليوم أخذ معناً آخر كما أسلفنا ولكي نعود الى المفهوم الأصيل لابد من إنطلاق حملة وعي كبيرة تؤسس لدحض المفهوم المتخلف الذي نألف ،كما أن جذور هذه الأزمة ساعدت فيها بعض القوى المثقفة للأسف الشديد وهو غضها الطرف عن النعرات المتتابعة بين أفراد المجتمع السوداني ،ونعلم أن التغيير لايمكن أن يتم بين ليلة وضحاها ولكن علينا أولاً أن نتفق حول المفاهيم الصحيحة والصحية لإنتشال هذا المجتمع من وهدته وإرجاع التطور ليسلك معابره السليمة وضرورة المعرفة بالتطور الإجتماعي الذي يمكن من اللحاق بركب الأمم . إن مفهوم الهوية يجب أن يتأسس على المفهوم الحضاري للمجتمع وما يشمله من أطر ثقافية وبيئة وعناصر توحد ولسوف نفكك كل هذا لاحقاً ولكن ما يهمنا حالياً هو قياس إستشعار الخطر الذي يحدق بنا من دواخلنا المترعة بالتنافر بين بعضنا البعض، ولو حاولنا أن نبحث عن مكنون ذلك لإقتفينا أثر الجهل الذي يعتمل أنفسنا وبلاوي الأسباب التي أودت بنا الى هذه القناعات الفطيرة . عزيزى الفاضل .. المثقف السوداني يحتاج الى وقفة عقل يستعرض عبرها تداخل المفاهيم التي جعلته يتنكب الطريق عن إفادة المجتمع ولماذا تنتشر السلبية في أفكاره ؟وعندها فقط سوف يعلم مقدار الجرم الذي لحق بهذا المجتمع العتيق جراء خلطه لذات المفاهيم التي كونت الكم المعرفي الذي يحمل...
Quote: السؤال عن الهوية واقع لابد منه لكل المجتمعات ولكي تجيب على هذا السؤال الهام يجب معرفة الخصائص المكونة لهذا المجتمع وبها فقط تتم معرفة المجتمع ،والخصائص كثيرة لتعريف المجتمعات ولكن يجب أخذ الهام منها خصوصاً لتعريف مجتمع كالسودان متعدد التعدد وهكذا يجب أن نكتب قبل أن يقفز النافرون في حلقونا دون تكملة إفادتنا حتي نصل بهذا الحوار الى نتائج جادة نتعرف به على شكل هويتنا الواقعية دون فرض أي نظريات تمعن في التشكك ،لهذا كتبنا أن واقعنا متعدد التعدد والتعدد في إعتقادي لايميع المفهوم الأصيل للهوية بل هو الركيزة التي تعتمد عليها المجتمعات لتطوير الأمم ذات الخصائص الواحدة .أن الخصائص التي يجب دراستها لتحديد الهوية وما يخص واقعنا على وجه الخصوص يجب أن لاتبتعد عن الإطار الثقافي والحضاري والجغرافي وبما أننا لا زلنا في أحد ارداء تصنيفات التطور البشري وهو الطور القبلي فلابد من دراسة شكل مستقبل هذا المجتمع والوجه الذي يبقي السير في تجاه وهو الشيئ الهام الذي يتجاهله كثير من الذين يتحاورون حول مفهوم الهوية بالنسبة للسودان ولدراسة كل ماسبق لابد من قراءة الواقع جيداً حتى لاتتخبط حلولنا .أردت بالكلمات السابقات أن أرسم جزء من شكل النقاش حول هذا الموضوع، ولكي لا نوصف بالخروج عن الموضوع نعود الى دراسة شكل الإستعلاء البغيض الذي أصبح ثقافة يتم تناولها وكما قلت أنت باباً من السخرية في التعامل اليومي بين أفراد المجتمع مما شكل قطبية حادة للتنافر بين الفرد والآخر . الإستعلاء جوهر ثقافة نشأت أبان فترة تاريخية من مراحل تطور البشرية وخصوصاً فترة الطور العبودي ونتجت هذه النشاة اواخر الطور الذي سبقه الأ وهو الطور البدائي وذلك عندما توصل البعض لجزء من وسائط ومحفزات الإنتاج وتم إستغلال الآخر بناءاً على إشباع رغباته وحوجته لديمومة الحياة (*)وهنا بدأ الأستعلاء بين البشر الذين أتوا من أب واحد وأم واحدة وكان الإستغلال الباب الأول الذي ولج منه الإستعلاء والى تاريخنا هذا،ولكي نكون منصفين أكثر لابد لنا الأول أن نعترف بحجم الإستعلاء الكبير الذي يمارس والى الأن في السودان ويجب أيضاً الإعتراف أن الواقع السوداني غارق الجهل ولزمن طويل وأن مرد هذا الإستعلاء هو هذا الجهل وحتى لايأتي أحد ويتحدث عن طبقة الأنتلجنسيا السياسية او الحركة المثقفة التي تعاقبت فتراتها في السودان بدواعي رعايتها لهذا الإستعلاء لابد من ألإقرار بجهلها السياسي والثقافي وحفاظها على مصالحها الخاصة وتغليب نظرتها الضيقة في سيادة هذا التمايز في المجتمع الواحد ...
(*)تحليل خاص
Quote: أعلم أن الذي أسوقه هو عبارة عن مقدمة يمكن أن نطلق عليها تشذيب الموضوع وملحقاته حتى لا نصتطدم بوعورة المفاهيم الخاطئة التي تعشعش لدى الكثيرين لذلك سوف تطول المقدمة بغرض تفصيل الأشياء ولسوف نجتهد بقدر الإمكان لأن نكون علميين بعض الشيئ وواقعيين لكل الأشياء ،كما أعلم أن هذا باب الضد لما نشأنا عليه وهو (الكلام قصرو)وبغض النظر عن صحته او خطئه. الحديث عن الإستعلاء الحادث اليوم وكما أوردت أنت بعض النماذج الحية إلأ أن أخذها بتلك الطريقة فيها إجحاف كبير لمن يتناولها وهنا أريد أن أوضح منظوري الذي جعلني في صف الرافضة ولنفكك قليلاً تفاصيل الواقع المزري الذي يتنفس فيه هؤلاء فشهيقهم ظلمات ورائها ظلمات في التعليم والصحة والكفاية وغياب للقانون والرعاية أي بإختصار رزح تحت الثالوث البغيض الجهل والفقر والمرض وزفيرهم كما رأيت في حادثة القطار وما جاؤوا به من إستعلاء هو نتاج واقع بيئي قميئ أورث الكثير من أمثال هذه البضاعة النافقة ،وهنا دعنا نمسك بتلابيب جذور المشكلة حتى نستجلي العظات والعبر كي نستعدل هذه الصور الكريهة وهو الموروث البيئي والذي يتأسس تنقيته أولاً بالإعتراف الكامل لظلم الماضي الذي حاق ببعض المجموعات والذي لا أساس له في الديانات والأخلاق ويقفز السؤال فمن أين أتى ؟أتي من حالات الإستغلال التي يقوم بها الفرد تجاه الآخر إذن هنا حقيقة هامة تستوقف المتابع وهو التفسير الخاطئ لاصل هذا الإستعلاء لدى الطائفتان المستعلية والمستعلوة فالأولي ترجح ذلك لإعتزازها الموهوم بنقاء عنصرها والثانية ترجحة لشكل المستعمر الوافد من الجزيرة العربية وهو خطأ كبير وقعت فيه الطائفة الثانية بإعترافها بوجود هذا العنصر النقي مما جعل الأولى تمعن في غيها ،ونعود هنا لنؤكد أن كلتا الطائفتان وقعتا في هذا الخطأ الكبير وهو ما حدا بالحل أن يكون تائهاً حتى الأن وجعل كل الحوارات مملؤه بالفراغ وأتت بالحلول التي زادت من أزمة الواقع المتأزم أصلاً .أردنا هنا أن نوضح الإشكال القاتم بين الطائفتان حتى يكون فصلنا فيه بعيداً عن شكل الحوار الفارغ وتحديد جذور الإستعلاء شيئ هام لابد منه حتى نصل الى مرمى ما نريد...
Quote: عود على بدء الى ما جاء في إفتتاحية البوست والذي فيه ما نود أن نعرج عليه تأكيداً على ما جئت به وهو حول موضوع العروبة هذه الكلمة ذات المضمون الأصيل والتي تعرضت لعوامل سوء الفهم و تغيير جوهرها العتيق وذلك عندما أتخذت كعرقية لابد من دم يجري فيها وهو ما حرف كل الحوارات عن طريقها السليم وزاد من الإصرار على ذلك هو سكوت المثقف عن التنوير بالمعنى الأصلي المراد منها ،وكما أن الممارسات التي حدثت بإسم العروبة من إستعلاء وسيطرة ثقافية زادت من تاكيد العنصر في داخل العروبة وهو الشيئ الذي جعل الكل من المنادين بهوية غيرها أن يضعوها كعامل عرق يتبع لمنطقة جغرافية محددة وفي إعتقادي أنهم ضلوا الطريق في البحث عن الهوية وجعلهم يتبعون خيطاً هو في الأساس معنى موهوم . العروبة تاريخياً عرفت بالعرب البائدة ومنهم قوم عاد وثمود وهي شعوب بادت وليس لها أي نسل يتجول بيننا ،كذلك عرفنا العرب العاربة وهم سكان جنوب الجزيرة العربية ثم العرب المستعربة وهم من نشئوا مع العاربة في بيئتهم وتشربوا من ثقافتهم وهم من وافدي سكان وسط وشمال الجزيرة العربية وصاروا عرب مستعربة وهنا فالإستعراب في محموله الثقافي لا في نقاء الدم او العرق وهو ما يهمنا ،فالمحمول الثقافي للعرب المستعربة إمتزج أيضاً بعوامل آخري مختلفة عن الأصل الطبيعي للثقافة العربية وهو ما شكل تطوراً في الثقافة المحمولة نفسها وأصبحت هذه الثقافة ملكاً لكل من يحملها ولاحق لأي مستعرب أن يترفع على آخر بما يمتلك من مكنون ثقافي وما يعنينا هنا هو الإستعلاء .أردت من هذا الخيط أن أبين أن وجوه الإستعلاء الممارس في السودان هو نتاج خطأ كبير في مفهوم الثقافة المحمولة وهنا لافرق بين حمالٍ وحمال وما يظنه الناس في بعض قبائل الشمال بإتصال جذورها ودمومها بالجزيرة العربية او ما يعني ربط الدم بالثقافة فهذا معناً آخر لشيئ آخر ولكن لايعني أن الدم هو أصل هذه الثقافة...
Quote: نعم الحديث يحتاج الى الكثير من المواصلة نسبةً لعمق القضية التي طرحته ذات التشابك الذي غير بعيد عن أرض الواقع وتفاصيله المرة وأحمد لك حسن البديهة في إختيار هذا العنوان والذي جمع كل الإشكال السوداني في سطر واحد وتركتنا نسبح لتفكيك العنوان أو المشكلة لسطور لانعرف نهاية لها، ولكن سوف نجتهد بقدر الإمكان لتببن الخيوط الأساسية لحل المعضلة.الحديث عن الهوية يمكن أن يكون مختصراً إذا تلاشت الأثار الجانبية التي خلفتها نيرانها، ولكن في ظل مترسبات كالإستعلاء نحتاج الى الكثير من النقاش حولها بفرض وجوب زراعة الثقة من جديد بين أفراد المجتمع الواحد ،وكما اسلفنا أن تعريف الهوية يمكن إختزاله الى معنى واحد لايقبل التشقق او التمييع وهو عندما نستبين إنتمائنا الحضاري يمكن ان نعرف شكل هويتنا ،والإنتماء الحضاري له أسس معينة واجبة القياس وله اسس غير معينة واجبة الخيار ،ولسوف نبتعد قليلاً عن الأخيرة لخوض الكثيرين فيها والتناقض الذي رزحوا تحته لإستبعادهم موجبة القياس، وهو عرف دأب السودانيين على السير فيه وهو عدم ترتيب الأولويات ،ولسوف نكرس مجهودنا علي موجبات القياس لمسألة الهوية دون كلل حتى تكون الرؤية واضحة ولاتحتمل الضباب، وأول موجبات القياس هو التاريخ الذي به نستشف تشكل الماضي لبنية المجتمع ،وشكل صراعها الإجتماعي الذي أنتج مجتمع الحاضر صاحب المشكلة الأنية، وبه ايضاً يتم رسم المستقبل في شكل التاريخ القادم، ومنه أيضاً نستعلم عن شكل لإرتباط الحيوي الماضوي بين المجتمعات المحزمة للمجتمع السوداني، وشكل تداخلها المنتج للتلاقح الثقافي ،وحجم تأثيرها لذات المجتمع وتفاعل المجتمع معها ومنتوج هذا التفاعل وعليه يكون مؤشر القياس التاريخي ،ومما سبق نجد أن السودان تاريخياً لم يعرف شكل تداخل أفريقاني كما أن الأفريقانية نفسها مازالت تتشكل ولم تنتج مضمونها الحضاري بعد، ويبدو ان العوامل الطبيعية الأفريقية ساعدت في تعطيل هذا التكون ولم تعرف أيضاً لغة تخصها تكتب وتصرّف، وحتى الممالك السودانية البائدة لم تألوا جهداً في البحث وراء هذه المجاهل وطبيعتها القاسية ،كما أن المجتمعات الأفريقية البدائية ما كان لها أن تفارق ديارها وهي لاتملك تجارة أو مال تطلب إستزادته، وهنا نركن الى إستبعاد شكل التداخل الحيوي بين السودان والأفارقة كما ذاك التداخل بين العرب والسودانيين والذي وضحت معالمه منذ أول خيوط تجارة جرت على ضفاف البحر الأحمر، ثم الفتوحات العربية بإسم الإسلام وغيرها من الهجرات التي منّعت من شكل التلاقح الثقافي في ذلك التاريخ بين العرب والسودانيين ،ويجب قبل هذا كله أن نعترف بشكل الإضهاد التي وجدته الثقافة النوبية والتي تعرف بأثرها الحضاري، وكما يجب أن نعترف بالتقصير الذي أحدثته حضارة النوبة بإنكفائها وعدم تداخلها مع المجتمعات في ذلك الزمان والمشكَلة لنفس المكان وهو ما تجده حتي اليوم من إستعلاء يتم من الثقافة العربية والثقافات المحلية الموجودة اليوم، وما حدث في ذلك التاريخ هو وجود ثقافة يمكن أن يتعامل معها الكل وشكلت أرضيةصلبه للتفاهم بين تلك المجتمعات وهو ما حدا بقبولها لكل من تداخل معها، وذاد من سرعة إنسيابها الدين الذي حملته في لغتها ،إذن في التاريخ نجد أن السودان تشابك وتداخل مع الثقافة العربية وشكلت بعداً مهماً في تكوين هذا المجتمع ،وذلك بالرغم من إستغلالها كعامل إستعلاء من البعض وهو ما أسهبنا فيه سلفاً ،ونجد أن السودان لم يتجه جنوباً يوما ما بل كان كل وجهه ميمماً تجاه الشمال وهو البعد التاريخي الواجب قياسه لتحديد شكل الهوية ،ولسوف ننتقل الى بعد آخر لايقل أهمية عن التاريخ وهو البعد الجغرافي في المداخلة القادمة...
المحترم محمد وضيوفك الكرام تحياتي...
كان هذا جزء من مبحثنا حول الهوية في خيط الأستاذ أبوجهينة أتمنى أن تتطلع عليه لحين عودة
خالص الود ..
Post: #58 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: nazar hussien Date: 06-10-2008, 02:03 PM Parent: #57
Quote: دراسة غبية ونتيجة أغبى (إذا ورت بهذه الصيغة) دراسة تستنتج النفي المطلق لحقائق تنبني على الاحتمالات والعينات غير جديرة بالنقاش
ثم ومن قال أن عرب السودان (عرقهم نقي)حتى نخضعه للدراسة ؟ الكل يعرف أن السودانيين خليط مثلهم مثل أغلب البشر في العالم اليوم
ثم من قال أن عرب اي دولة عربية اخري عرقهم نقي؟ بنفس فهم هذه الدراسة؟
وأبدوا بكل البلاد العربية بلا استثناء!! وطبقوا عليها نفس المعايير: بشرط ان يكون معيار النقاء 100%
Post: #72 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:00 PM Parent: #57
Quote: كان هذا جزء من مبحثنا حول الهوية في خيط الأستاذ أبوجهينة أتمنى أن تتطلع عليه لحين عودة
الاخ مجاهد
اضافة مثمرة ومقدره لك كل التقدير
Post: #59 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: اسامة دفع الله ابوالحسن Date: 06-10-2008, 02:11 PM Parent: #1
عليكم الله اسع في مقتنع انه عربي تجربة بسيطة تثبت عكس ذلك امشوا افتح اي قناةافضائية لبنانية وافتحوا واحد من قناواتناالفضائيات وقارنوا واثبتوا بعد ذلك اننا نحن عرب وبالمناسبة اللبنانيين مش صوتوا ضد انضمام السودان للجامعة العربية بعد الاستقلال ولا أنا غلطان ورحم الله محمد احمد المحجوب
Post: #61 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: احمد حامد صالح Date: 06-10-2008, 02:22 PM Parent: #59
اعزائى بالمقابل ايضا يمكن ان نقول
لا يوجد عرق افريقى { زنجى } نقى فى السودان
Post: #77 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 08:39 PM Parent: #61
Quote:
اعزائى بالمقابل ايضا يمكن ان نقول
لا يوجد عرق افريقى { زنجى } نقى فى السودان
ولما لا
Post: #74 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:30 PM Parent: #59
Quote: عليكم الله اسع في مقتنع انه عربي تجربة بسيطة تثبت عكس ذلك امشوا افتح اي قناةافضائية لبنانية وافتحوا واحد من قناواتناالفضائيات وقارنوا واثبتوا بعد ذلك اننا نحن عرب وبالمناسبة اللبنانيين مش صوتوا ضد انضمام السودان للجامعة العربية بعد الاستقلال ولا أنا غلطان
صاح يا اسامه لبنان من ضمن المحتجين على انضمام السودان للجامعة العربية حينها
ونحن مصريين على هذا الانتماء تخيل !!!!!!!!!
Post: #60 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Samau'al Abusin Date: 06-10-2008, 02:15 PM Parent: #1
Quote: (لا يوجد عرق عربي نقي في السودان)...
..... و هل يوجد عرق عربي نقي؟
مرات بتبالغوا!
Post: #63 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: jini Date: 06-10-2008, 02:31 PM Parent: #60
Quote: يازول محنظل على الجماعه العيشة مالك؟؟؟ ديل قافلين على نقاء عروقهم العربيه في داعي تحبطهم كده يا اخي لا انت لا قناة الجزيرة لكم حق,ارحموهم وخلوهم في وهمهم الجميل.
ما قلت لى حازم وسند! عمايلة ولا طفايلة!ولا حمارنة ولا حصاونة! عشان ما يروح علينا الاختساس! تعرفى يا تراجى ستكونى اول المتضررين وكدا! جنى
Post: #75 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:33 PM Parent: #60
Quote: و هل يوجد عرق عربي نقي؟
مرات بتبالغوا!
ببالغ الزمن والناس المصريين انو هذا العرق العربي النقي موجود في السودان
Post: #62 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Kamal Karrar Date: 06-10-2008, 02:29 PM Parent: #1
حين خط المجد في الأرض دروبه عظمة ترهاقا وإيمان العروبة عربا نحن حملناها ونوبه
Post: #66 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: على محمد على بشير Date: 06-10-2008, 03:12 PM Parent: #62
زماااان الشاعر اسماعيل حسن جاب المفيد
وقال عرب ممزوجه بى دم الزنوج الحاره .. ديل اهلى
Post: #87 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 05:27 AM Parent: #66
Quote: زماااان الشاعر اسماعيل حسن جاب المفيد
وقال عرب ممزوجه بى دم الزنوج الحاره .. ديل اهلى
ابو علوه سلمات يا راجل
والف رحمة ونور على الشاعر القامة اسماعيل حسن
Post: #65 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: محمد عبد الماجد الصايم Date: 06-10-2008, 03:05 PM Parent: #1
Quote: ولا يوجد بمنزلي دش عربي..
ما قلت ليك يا عمك وتقول لي الميل 40 برضو
Post: #73 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 06:13 PM Parent: #65
Quote: ما قلت ليك يا عمك وتقول لي الميل 40 برضو
ود الصايم انا بي سببي..
انت دشك شنووووووووووو
Post: #68 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: خالد حاكم Date: 06-10-2008, 04:24 PM Parent: #1
يا عالم هل مشكلة السودان بان هنالك عرق عربى نقى او غير نقى فى السودان؟ لا ابدا مشكلة السودان هى انكار واقصاء عرب السودان بحق الاخر السودانى الغير عربى ! مشكلة السودان هى انانية الثقافة العربية ومحاربتها لثقافة الاخر فى الوطن الواحد ! مشكلة السودان هم من ينعتون الاخر بالضعة والانكسار , فقط لانه اراد ان يعبر عن نفسه بلغته ! مشكلة السودان هم من يطلقون على لغة الاخر بالرطانة!
Post: #71 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Nasr Date: 06-10-2008, 05:48 PM Parent: #1
الدراسة مهمة وتاريخية لأنو حتي قريب دا وفي هذا المنبر كان كثيرون يصرون أنهم عرب بالدم (لا باللسان ولا بالثقافة) ولو قلت لواحد طيب أمك رطانية ليه؟ يقول ليك ما هم جو عرب وإتعلموا الرطانة هنا.
هسع متطرفو العروبة رجعوا لمسألة عرب مخلوطة بدم الزنوجة، مع أنو الناس في السودان كلهم زنوج وقليل جدا منهم فيهم شوية دم عربي، بس دي برضو خطوة للأمام.
لكن ما علينا، السؤال لو إنتو مخلوطين بدم الزنوج، بتحتقرو الزنوج الصافين ليه؟؟؟؟؟؟ ولو قلتو ما بتحتقروا زول بعرقه، طيب فائدة الكلام عن العرق وعرب وزنوج شنو؟؟؟؟
يا نجاة قلتي "بتبقى الدراسة دي لها ساق وقدم لو قالت لا يوجد عنصر عربي في جينات الشمالين" هذا ما قالته الدراسة بالضبط.
Post: #78 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: أنور أدم Date: 06-10-2008, 10:22 PM Parent: #71
د.نجاة
Quote: وقال رسول ص العربية لسان كل من يتحدث العربية فهو عربي...
عربي هنا معناه arabophone و ههو يعني الناطق بالعربية
و المشكلة هي ان الهوية السودانية أريد لها ان تستند علي اللغة دون غيرها من مكونات الثقافة.
Quote: ي عربي باللسان
و هنا المشلكة إذ يجب التفرقة بين عروبة اللسان و عروبة الابدان فكليهما قاصر ، إذ لا يمكن اعتبار كل من تحدث الفرنسية ( السنغالي مثلا ) فرنسي ، و كما لا يمكن اعتبار كل ذي شعر طويل و عين سوداء و لون قمحي عربي .............. هذه stereotype .
Quote: المواءمة بين مكونين أصيلين في تركيب وجدان الفرد السوداني الذي هو أصلاً تركيب عرقي وهجين بين العرب والزنج
من ناحية علمية ( من جهة الاختصاص) لا تمت كلمة زنج الي العلم الانثربولوجي بصلة. بمعني انه لا يمكن إثبات مفهوم الزنوج ......... و هناك سجالا بين التاريخيين و الانثربولوجيين حولها ، فالتاريخيون يصنفون المجموعات القبلية في السودان الي مجموعات نوبية ، زنجية ، عربية وهذا التصنيف لا يصمد طويلا امام الدارس للانثربولوجيا الطبيعية (و التي من أسس اهتماماتها البحث عن الاصل للجنس البشري ) ، لذلك أري انه من المفيد النقاش حول ما اثاره الباقر عفيفي عن الهوية، فالمشكلة الاساسية هي ليست الي أي مدي هناك دم عربي في المجتمعات السودانية.؟. و لكن لماذا هناك تشبث سوداني بالعروبة ؟ أهو التقمص كما يقول فانون في كتابه( Peau noire, masques blancs ) .لماذا هذه العروبية السودانية Pan-Arabism و التي من مظاهرها مسائلة أدعاء النسب العربي ........ و في احسن الاحوال ادعاء النسب النبوي( هذه الاخيرة لها تبريراتها الدينية المتوفرة في دور الدعاة والمتصوفة., سؤالي الآخير : هل الدراسة كانت محاولة للإجابة عن الهوية السودانية؟.
تكرم اتمني ان اجد من يعنني علي التعرف علي تخصاصات من قام بالبحث لوضعي في الاطار الصحيح
Post: #79 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-10-2008, 11:09 PM Parent: #78
Quote: اتمني ان اجد من يعنني علي التعرف علي تخصاصات من قام بالبحث لوضعي في الاطار الصحيح
الاخ انور
للاسف الشديد عندما تم عرض الموضوع لم استطيع كتابة تخصصات الدكاترة الذين اجروا الدراسة
وذلك لسرعة سحبها من الشاشة وعندما عدت الي الموضوع على النت لم اجد حتى الاسماء وشعار القناة
اتمنى ان يكون احد المتداخلين قد فطن لذلك ليورد لنا مجال تخصص الدكاترة.
Post: #81 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Mohamed fageer Date: 06-11-2008, 00:39 AM Parent: #79
Quote: وقال رسول ص العربية لسان كل من يتحدث العربية فهو عربي...
Quote: اما عن حديث الرسول ص اذا الرسول ص الذي لا ينطق عن الهوى ولا يكذب قال ذلك يبقى باقام عربي و السفير الصيني عربي باللسان ..دا طبعا حسب فهمك السطحي للحديث..
الأستاذة د. نجاة ده كان كلام سياسي من الرسول وليس كلام ديني والرسول كان بيقول كلام سياسي ودنيوي لا علاقة له بالدين وحتي لا يهجم من يعتقدون أنهم وكلاء الرسول من بعده دعوني اذكركم بالخلاف في غزوة الخندق وبقوله في مكان آخر (أنتم أدري بشئون دنياكم) والحوار الآن في شأن سياسي دنيوي خاص بأزمة سياسية دنيوية (وجودية) في السودان و(وجودية) أعني بها هنا (وجود) الدولة السودانية كدولة موحدة أو عدم وجودها
وإذا إعتبرنا السودان دولة عربية حتي لو باللسان والثقافة فلن تنتهي أزمة (الهوية) وهناك أزمة هوية نكرانها والتقليل من شأنها لن يجدي وأنت تطالبين الناس بالحوار الجاد ، وليس من الحوار الجاد أن تقولي أن باقان أموم والسفير الصيني وكل يتحدث العربية هم عرب ، إعتماداً علي حديث الرسول ، فالرسول لا ينطق عن الهوي في ما يخص ما تلقاه من الوحي فقط وليس في كل ما قال.
ولك التحية
Post: #82 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-11-2008, 00:41 AM Parent: #79
Quote: هذا ما قالته الدراسة بالضبط
سلامات عامل كيف؟
الدراسة قالت انه مافي عينات جينات عربية لمقارنتها ما قالت مافي جينات عربية.. ودا للدقة.. يعني يلقو في السودانين دماء اوربية وما يلقو عربية موش دي حاجة بترفع اكثر من حاجب؟ الدراسة ينقصها المنهج والدقة والعلمية...
وغريبة جامعة الخرطوم الما قادرة تدفع حق الكهربة يكون عملت دراسات في الدي ان ايه لحالات الدراسة المفروض تكون متناسب مع تعداد السكان الكم وتلاتين مليون.. عشان كدا دا بحث مطبوخ حسب الموضة..
Post: #83 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: سيف النصر محي الدين محمد أحمد Date: 06-11-2008, 00:41 AM Parent: #79
Post: #84 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-11-2008, 00:49 AM Parent: #83
دراسة علمية DNA السودانيون يحملون جينات الفلاتة والهوسا والأوربيين والحبش (يعني ما في عرب)
إستضاف مركز طيبة بري أمس الأول باحثين من معهد الامراض المتوطنة والأكاديمية الوطنية السودانية للعلوم قدموا دراسة بعنوان (مدي أتساق التنوع الوراثي الوطني مع جغرافيا وتاريخ السودان) وهي دراسة تطبيقية علي المجموعات والهجرات البشرية في السودان باستخدام العلامات الوراثية وذلك بتحليل الحمض النووي (DNA) علي مستوي الكرومسوم الذكري و (الميتوكوندريا) لدراسة التركيبة الوراثية للمجموعات وعلاقتها ببعضها البعض وأصولها وهجراتها . وأوضحت الدراسة أن المجموعات النيلية (دينكا ، شلك ، نوير) كانت سائدة منذ العصر الحجري الحديث ، واشارت الدراسة أن الفترة المروية شهدت هجرات كبيرة من شرق وشمال أفريقيا ، أما في الفترة المسيحية فكانت بداية ظهور العناصر الأسيوأوربية. وقال بروفيسر محمد أحمد الشيخ مدير جامعة الخرطوم والذي أدار الحلقة الدراسية انه يثق تماماً في نتائج تلك الدراسة ووصفها بالعلمية والدقيقة . وفي سياق متصل أشار بروفيسر منتصر الطيب إبراهيم استناداً إلي آلان ويسلون أن كل البشرية ترجع لأم أفريقية أصطلح علي تسميتها بـ (حواء الميتوكوندريا). وفي ذات السياق أكد مقدم الدراسة الدكتور هاشم يوسف حسن انه وبحسب ما نتج عن تحليل الـ DNA أن هنالك قربي جينية بين مجموعات قبلية كثيرة مما يشير إلي أصلها الواحد ، وقالت الدراسة أن الهوسا والفلاتة من هي قبائل أسيوية وأوربية ، وأن للبجا صلات قربى جينية بالطوارق في الصحراء الأفريقية ، وأن هنالك تشابه بين جينات المسيرية والدينكا . إلي ذلك كشفت الدراسة عن صلة قربى جينية بين النوبيين والفور والبرقو والزغاوة أما الجعليون حسب الدراسة فإن بعضهم يحمل جينات مثل جينات الهوسا والفولاني ، فيما يحمل بعضهم الآخر جينات كجينات النيليين ، وأشارت الدراسة إلي تشابه بين جينات النوير والعركيين ، وأن هنالك مجموعات كبيرة من السودانيين في الوسط والشمال تتماثل جيناتهم مع جينات سكان شرق افريقيا خاصة الأثيوبيين . وفي السياق نفسه قال دكتور عبد الله حمدنا الله معضداً ما توصل إليه الباحثون إن قبائل اليوروبا في نيجريا يدعون أنهم شايقية وأوضح انه لاجظ تشابهاً كبيراً بين اليوروبا والشايقية ، إبان تواجده في نيجريا خاصة تلك الشلوخ الأفقية المشتركة بين المجموعتين . إلي ذلك أكدت الدراسة إنتفاء النقاء العرقي تماماً في السودان ، وقالت أن هنالك روابط وأمشاج بين الكثير من الأثنيات التي تظن أنها بعيدة جينياً عن بعضها البعض , كما نفت الدراسة وجود وعناصر وسلالات ذات جينات تشابه الجينات العربية ، وعللت هذه النتيجة بسبب شح الدراسات الجينية لسكان شبه الجزيرة العربية مما يجعل المقاربة عسيرة ،،،
الرجاء ملاحظة ما تحته خط وهل يمكن ان ننفي عن غائب.. هذه الدراسة غير علمية لتناقضها..
مما يجعل المقاربة عسيرة
Post: #95 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 07:47 PM Parent: #84
Quote: هذه الدراسة غير علمية
؟؟؟؟؟؟؟؟؟؟؟؟؟
Post: #85 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: سيف النصر محي الدين محمد أحمد Date: 06-11-2008, 00:56 AM Parent: #83
تلخيص للدراسة و نقاش واسع و جميل حولها على هذا الرابط.
Post: #86 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 03:05 AM Parent: #85
محمد ود. بيان
نقاش مثمر ومفيد جاييكم راجع بعد قليل
د.سيف
الوان الطيف دي احتمعت في صوره صغيره ومعبره
وضاقت في وطن مساحته مليون ميل مربع
مش حاجة غريبه عليك الله
Post: #89 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Sabri Elshareef Date: 06-11-2008, 03:47 PM Parent: #1
Quote: وين يا سلمى يا ظالمة وناكرة؟ اسع شعرك الليل الطويل الناعم ذي شعر الكديسة العايز ليه قزازة ببسي كامل عشان يبقى آفرو داك جبتيه من وين؟ كان ما العرق العربي دا... كيف عاملة مشتاقين شديد والله لتلك الايام الالق.. ايام انتي وعشة مبارك حاسديننا على شعرنا الافريقي البقيف ضد الجاذبية.. لا ببسي لا يحزنون هوب افرو نصف قطره متر.. ( وش ضاحك)
Post: #90 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عبد الله عقيد Date: 06-11-2008, 04:10 PM Parent: #1
أنا شخصيا أعتقد جازما أنني عبد الله عقيد بن العباس بن عبد المطلب بن عبد مناف ولن يغير في قناعتي هذه دراسة مفبركة ولا تقرير مغلوط ولا هوج عنصري معادي يريد أن يسلبني هويتي.. كما أنني أعتقد جازما أن كوني من سلالة عبد مناف لا يزيدني شيئا عن غيري سواء كان أفريقيا أو هنديا أو آري... ولا أخجل أبدا من اختلاط عنصري العربي بالعنصر النوبي أو النيلي أو أي جنس أفريقي آخر.. ولكن هويتي عربية وثقافتي عربية ولغتي عربية وعرقي عربي.. وكذلك معظم سكان السودان وإن تنكر بعض (المستغربين) من راكبي الموجة من أبنائهم..
عبد الله عقيد بن عبد مناف بن قصي
Post: #92 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-11-2008, 04:54 PM Parent: #90
Quote: عبد الله عقيد بن عبد مناف بن قصي
ويحك يا رجل..
اذا هي المبارزة بيننا..
فالتقابلني خلف هذه البيداء وانت هالك لا محالة
...................
عبد الله بن عقيد
احترم قناعاتك جدا يا صديقي وان اختلفنا..
ما دمت مقتنع بعروبتك فهو شأنك اولا واخيرا بس البقنع عرب الخليج شنو؟؟؟؟؟؟؟؟؟؟؟؟
Post: #91 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Sabri Elshareef Date: 06-11-2008, 04:15 PM Parent: #1
Quote: أنا شخصيا أعتقد جازما أنني عبد الله عقيد بن العباس بن عبد المطلب بن عبد مناف
????????????
Post: #93 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: newbie Date: 06-11-2008, 05:26 PM Parent: #91
تحياتي لكم جميعا العارف عزو مستريح ,,, مثل جميل مش كده؟ لا ,,,ممكن اقولو انا الما معروف لدى كثير منكم انني عربي او غير عربي او اشجع اللعبة الحلوة (ولا مكان للمحائدين في لعبةالسودان الجديد) وومكن يقول المثل ده اي زول ,, هل المثل نفسه عربي ؟ هل هو نتاج ثقافة عربية؟ ليس بغريب ان يقوم البعض هنا بمحاولة سلخ معتقدات الناس بدعوى وضعهم اما الحقيقة المرة ,, بمعنى اوضح افاقتهم من الوهم الجميل الذي يعيشونه ,,,, وبمعنى صارخ الوضوح تقرير وتقدير هويتهم وانتماءهم, كأنه غير مسموح في السودان الجديد ان يختار الواحد انتماءه .. ببساطة لن تنتهي مثل هذه النقاشات طالمابقى هناك سودانيون يعتقدون بعروبتهم ,,وطالما هناك سودانيون يعتقدون انهم اهل السودان الحقيقيون وما عداهم دخلاء ..
بعض من ينفخ في مثل هذه النقاشات لا تهمه نتائج مثل هذه الدراسة العلمية بقدر ما يهمه ما يمكن ان ينبني عليها من آثار وأحكام,,, طيب ما دام انه لا يوجد دم عربي نقي لماذا كل مرة يحكمنا شمالي؟ ولماذا العاصمة تكون الخرطوم ولماذا ولماذا,,,
اليس كذلك يا تراجي
Post: #94 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: وليد محمد المبارك Date: 06-11-2008, 06:15 PM Parent: #93
الجزيرة العربية زاتها الان ما فيها عرق عربي نقي الا شوية كده
في قبيلة الرشايدة ما عارف هل هي برة التقرير ده ولا ما اعتبروها قبيلة سودانية
اما بقية القبائل
من ينكر ان فيه عرق زنجي ده ما سوداني يفتش جنسيته وين.... اللهم الا الرشايدة
Post: #97 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: خالد حاكم Date: 06-11-2008, 11:08 PM Parent: #94
Quote: ولكن هويتي عربية وثقافتي عربية ولغتي عربية وعرقي عربي.. وكذلك معظم سكان السودان وإن تنكر بعض (المستغربين) من راكبي الموجة من أبنائهم..
عبد الله عقيد بن عبد مناف بن قصي
هويتى نوبية وثقافتى نوبية ولغتى نوبية وعرقى نوبى .. وكذلك معظم سكان السودان...
خالد حاكم حفيد ترهاقا حفيد بعانخى حفيد فرعون الذى قال انا ربكم الاعلى
Post: #98 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-12-2008, 00:09 AM Parent: #97
Quote: حفيد فرعون
Post: #99 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: خالد حاكم Date: 06-12-2008, 02:46 PM Parent: #98
العزيز محمد خليل سلامات انا حفيد فرعون كما عبد الله عقيد بن عبد المناف بن قصى وهذه ليست مشكلة السودان مشكلة السودان تكمن فى هضم ابناء عبد المناف بن قصى على حقوق احفاد فرعون!
Post: #100 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: الصادق صديق سلمان Date: 06-12-2008, 03:51 PM Parent: #99
Quote: مشكلة السودان تكمن فى هضم ابناء عبد المناف بن قصى على حقوق احفاد فرعون!
خالد ياخوي كلامك دا ما صاح .. ليه ؟؟؟ لأنو عبد مناف خلى لأولادو التجارة وشئ من السياسة .. عشان كدة أحفادو مسكوا السوق والبلد.. وإنتو جدكم فرعون خلى ليكم الألوهية .. عشان كدة وراثتكم مفروض تكونوا ألوهية وبس .. ما عندكم أي خيار تاني.
أها يا خوي (طبعاً أنا بقول ليك ياخوي لأنو كضبة جدكم إنكشفت ولا بقيتو آلهة ولا يحزنون عشان كدة ما خايف منك تقوم تسلّط على شواظ من نار أو صاعقة) .. أها أكان لقينا واحد من أحفاد عبد مناف قال أنا ربكم الأعلى .. يكونوا فعلاً إتغولوا على حقوقكم الإلهية ومكتسبات جدكم الإله العظيم .. لكن الناس المساكين ديل ما قالوا نحن آلهة .. دخلوا السوق ونجحوا ومشوا على السياسة ومسكوا البلد وإنتو جدكم عملها فيكم .. لا لميتو في ملك سماء ولا حكم أرض .. أها أحفاد عبد مناف (العفاريت) ديل أخدوا حقوقكم كيفن ؟؟؟؟؟
مودتي ...
Post: #104 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-12-2008, 05:51 PM Parent: #100
Quote: لا لميتو في ملك سماء ولا حكم أرض
كلامك ده ما صاح يا الصادق اخوي
كده راجع مصادرك
Post: #101 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-12-2008, 03:54 PM Parent: #99
Quote: مشكلة السودان تكمن فى هضم ابناء عبد المناف بن قصى على حقوق احفاد فرعون!
الاخ العزيز خالد حاكم
مشكلة السودان عموما تكمن في اقصاء الاخر وتكميم الافواه وعدم الاعتراف بان الدولة دولة المواطن
المتساوي الحقوق والواجبات وان اعترف الجميع بذلك سنكون الافضل على الاطلاق على الاقل على مستوي
القارة الافريقية.
كل التقدير
Post: #102 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: عز الدين بيلو Date: 06-12-2008, 04:12 PM Parent: #1
فرحانين أوي
طبعاً لا يوجد عرق عربي نقي في السودان
دي راعي الضأن في الصحراء بيعرفها
لكن للذين يدعون إلى سحب السودان من الجامعة العربية لهذا
هم سطحيون أكثر من اللازم
فالجامعة العربية فيها كثير من الدول مثلها مثل السودان
ناطقة بالعربية
أم إنكم تريدوننا أن لا ننطق بها
عليكم الله كلموا بكري ده يقفل المنبر ده
لأن اللغة الأساسية فيه هي العربية
حتى من تراهم يحنقون عند ذكر كلمة عربي
لا يتخاطبون هنا إلا بالعربية
وإلا فعليهم أن يواصلوا حنقهم
ويكتب كل منهم بلغة قبيلته
========
عز الدين بيلو الماعربي
ولكنه ليس ضد العرب فهو يحبهم حب موت لأن منهم حبيبي محمد صلى الله عليه وسلم
ولأن القرآن الكريم نزل بلغتهم
Post: #103 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-12-2008, 05:49 PM Parent: #102
Quote: عز الدين بيلو
شكرا يا حبيب
Post: #105 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: الصادق صديق سلمان Date: 06-12-2008, 07:57 PM Parent: #103
Quote: كده راجع مصادرك
أنا لم أشر لأي مصادر حتى أراجعها.. كلامي كان يميل للدعابة أكثر من كونه كلاماً منهجياً وعلمياً ليتماشى مع سياق هذا البوست غير المنهجي وغير العلمي .. وإلا فقلي .. أي طريقة تلك التي إتخذها الباحثون لجمع معلومات هذه الدراسة .. هل هو إستطلاع لرأي بعض المختصين بالشأن التأريخي ؟؟ أم فحص معملي لعينات من دماء الذين يقطنون المناطق المشكوك في إن قاطنيها هم من العرب.
منتظرين ...
Post: #106 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-12-2008, 09:18 PM Parent: #105
Quote: كلامي كان يميل للدعابة أكثر من كونه كلاماً منهجياً وعلمياً ليتماشى مع سياق هذا البوست غير المنهجي وغير العلمي ..
بالنسبة لما تحته خط فإن ردي لك كان يندرج ايضا تحت هذا البند..
ومن يبادر بالدعابة لا يغلي دمه هكذا لدعابة مرتدّه..
اما اذا اردت ان تأخذ الحديث محمل الجد فأقولها لك وبالفم المليان غير العرب حكموا السودان
حتى عهد قريب وما (نميري) ببعيد عن الاذهان هل تحتاج الي مرجع لاُبات ذلك ؟
اما منهجية البوست وعلميته فصاحب البوست اشار الى دراسة علمية اجرتها مؤسسة لها باع طويل في
مجال المعرفه ولم يأتي بشئ من عنده وترك الامر للنقاش المفتوح فإن لم يكن عندك ما تضيفه
Post: #107 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: خالد حاكم Date: 06-12-2008, 11:01 PM Parent: #106
Quote: خالد ياخوي كلامك دا ما صاح .. ليه ؟؟؟ لأنو عبد مناف خلى لأولادو التجارة وشئ من السياسة .. عشان كدة أحفادو مسكوا السوق والبلد.. وإنتو جدكم فرعون خلى ليكم الألوهية .. عشان كدة وراثتكم مفروض تكونوا ألوهية وبس .. ما عندكم أي خيار تاني.
أها يا خوي (طبعاً أنا بقول ليك ياخوي لأنو كضبة جدكم إنكشفت ولا بقيتو آلهة ولا يحزنون عشان كدة ما خايف منك تقوم تسلّط على شواظ من نار أو صاعقة) .. أها أكان لقينا واحد من أحفاد عبد مناف قال أنا ربكم الأعلى .. يكونوا فعلاً إتغولوا على حقوقكم الإلهية ومكتسبات جدكم الإله العظيم .. لكن الناس المساكين ديل ما قالوا نحن آلهة .. دخلوا السوق ونجحوا ومشوا على السياسة ومسكوا البلد وإنتو جدكم عملها فيكم .. لا لميتو في ملك سماء ولا حكم أرض .. أها أحفاد عبد مناف (العفاريت) ديل أخدوا حقوقكم كيفن ؟؟؟؟؟
مودتي ...
الاخ الصادق سلامات عندما اتيت باسمى جدى الاله لم اتى به لكى اتحدث عن الوهيته وكذبته , بل انما اتيت به فقط لاذكر احفاد عبد مناف العربى بان هنالك اخرون ينتمون الى هويات اخرى غير هويتهم يشاركونه فى الوطن ولديهم حقوق مهضومه يريدونها وعلى سبيل المثال اهم هذه الحقوق ( الثقافة واللغة )
Post: #108 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Imad Khalifa Date: 06-13-2008, 06:43 AM Parent: #107
محمد خليل سلامات نرفع ليك البوست حتى يتسني لبني هاشم وبني كُليب وبني خُزامة وبقية احفاد السلالة العربية النقية ليفندوا هذه الدراسة المقرضة. خليك مستعد وما ترمي الدرقة...
Post: #109 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-13-2008, 04:51 PM Parent: #108
[/QU
Quote: نرفع ليك البوست حتى يتسني لبني هاشم وبني كُليب وبني خُزامة وبقية احفاد السلالة العربية النقية ليفندوا هذه الدراسة المقرضة. خليك مستعد وما ترمي الدرقة...
سلامات يا عمدة
امسك بالسيف عن يميني والرمح عن شمالي
والدراسة في امان
Post: #111 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: د.نجاة محمود Date: 06-15-2008, 02:18 AM Parent: #109
استاذنا شوقي عميق اسفي اذا كان هناك حدة في راي ردا على ما كتبته.. اسحب ردي ولك العتبي حتى ترضى والعين لا تعلى على الحاجب..
كما ذكرت انني فقط كتبت عن الدراسة وهي دراسة غير منهجية ولا علمية.. وجامعة الخرطوم لا تملك اي قدرة مالية على تمويل بحث مثل هذا اذ انها لا تستطيع ان تدفع فاتورة الموية والكهرباء... ولذلك ارى انه بحث حسب الموضة اذ لا يعقل ابدا ان توجد دماء اوربية ولا توجد عربية ولا كيف؟ فائق المودة والاحترام
Post: #113 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: نادر الفضلى Date: 06-15-2008, 03:48 AM Parent: #111
Quote: أنا شخصيا أعتقد جازما أنني عبد الله عقيد بن العباس بن عبد المطلب بن عبد مناف ولن يغير في قناعتي هذه دراسة مفبركة ولا تقرير مغلوط ولا هوج عنصري معادي يريد أن يسلبني هويتي.. كما أنني أعتقد جازما أن كوني من سلالة عبد مناف لا يزيدني شيئا عن غيري سواء كان أفريقيا أو هنديا أو آري... ولا أخجل أبدا من اختلاط عنصري العربي بالعنصر النوبي أو النيلي أو أي جنس أفريقي آخر.. ولكن هويتي عربية وثقافتي عربية ولغتي عربية وعرقي عربي.. وكذلك معظم سكان السودان وإن تنكر بعض (المستغربين) من راكبي الموجة من أبنائهم..
الناس مسؤولة عن أنسابها
و ما المفرح أو المحزن فى خبر هذه الدراسة إذا فرضنا صحتها و إتباعها المنهج العلمى الصحيح وفحصها لعينات متنوعة و بكم إحصائى مقبول
هل هنالك أفضلية للعنصر العربى .. هل هذا معتقد من فرحوا لنتيجة هذا البحث .. العرب أفضل
الذين قاموا بهذه الدراسة ما هى خلفياتهم فهنالك تحفظ على بعض البحوث المبنية على هوى سياسى أو أيدلوجى أو عرقى دون توخى الأمانة والنهج العلمى بغرض الوصول لنتائج تصادف الأهواء أو إحداث فرقعات إعلامية لن تغير من واقع الحال و معتقدات وثقافات وإنتماءات الناس.
كما أسلف بعض المتداخلين عدم نقاء العنصر العربى للسودانين ما داير إكتشاف علمى و إن كان التعميم مخل بإعتبار قبائل مثل الذبيدية حديثة هجرة نسبيا بالسودان ولم تخالط غيرها من القبائل. اللهم إلا إذا كان البحث مركز على الوسط والشمال النيلى ويدور فى دائرة العنصرية.
أعتز بأنى سودانى وأن نسبى لا يرجع لعمرو بن هشام. و لا يهمنى أى دماء وجينات أحمل ولكن إنتمائى للثقافة السودانية العربية الإسلامية وأعتز بمعرفة لغة الضاد وإن كنت لست ممن يملكون ناصيتها ولكن أجمل اللحظات للنفس القرأة أو الإستماع لأدب اللغة العربية فى أعلى درجاته قرآنا كريما ثم شعرا و نثرا .. إنها الثقافة العربية التى تنتشر فى معظم أهل السودان .. وإن أنكرها البعض .. هى قاسم مشترك أعظم مع ثقافة أو ثقافات سودانية محلية.
عن الإرتباط الإقليمى فهذه الدراسة إن صدقت أو كذبت نتائجها لن تغير من شئ نحو علاقة السودان عربيا أو أفريقيا و عضويته فى المنظمتين الإفريقية والعربية..
لماذا يتهافت دعاة عدم عروبة السودان على الإعلام العربى لإثبات أو الدعاية لعدم عروبة السودان .. و فى مواقف أخرى سياسية ونضالية !
Post: #139 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-18-2008, 03:50 PM Parent: #111
Quote: اذ لا يعقل ابدا ان توجد دماء اوربية ولا توجد عربية
نكرر للمرةة الثالثة او الرابعة
بأن الدراسة لم تنفي وجود دماء عربيـــــــــــــــــــــــــــــــة
Post: #130 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-17-2008, 09:14 PM Parent: #109
*
Post: #144 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-20-2008, 06:17 AM Parent: #102
Quote: عز الدين بيلو الماعربي
مرحب ببن بيلو الما عربي
Post: #112 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Bashasha Date: 06-15-2008, 03:12 AM Parent: #1
Quote: ان الفهم العنصرى البغيض لتحديد الهويات المختلفةالذى يبرز الآن يأتى فى ظروف غياب المفاهيم والادوات التى تحدد اطارات الحوار حول هذه النقطة وفى ظل حالة من الجهل المريع اما المخيف حقا فهو ان يتقهقر الوعى حتى فى اواسط المثقفين اصحاب الرسالات وحملهم معول الهدم بدلا من مشعل النور مرات باسم العلم ومرات كثيرة بمسايرة الاحداث وان شئت تسميهم حقا فهم المزايدون والمتكسبون باسم مثل هكذا قضايا.
اعلاه كلام البعثي التكريتي المدعو الطاهر2
يا سبحاك!
قال الكلام العنصري، البغيض، البعاعيتي!
هل هناك نازية، دع عنك عنصرية، اكثر من عقيدة البعث، الذي اباد الاكراد في العراق بالكيماوي؟
هل هناك عنصرية اكثر من ادعاء امثالك للعروبة في ارض السودان، وفرض الدولة العربية، الدين العربي، اللغة العربية، وحتي الازياء العربية، بقوة السلاح، والابادة للملايين؟
عارفك انت والظلامية بيان او معاكم المسكين شعيب، ليه شبكتو في جزئية "نقي" او قعدتو تهاجمو في اي كلام يتحدي الهوس الفي امخاخكم كذنوج، المتمثل في وهم العروبة!
كل مافي الامر فرق معاكم شديد نفي هذا الوهم الاصلا ماعايز اي دراسة ولايحزنون!
بخصوص غبار الانشاء الكثيف اعلاه من البعثي ده، فهذا تسميع لي خطاب البعث المصمم لغسيل امثالو او صلاح شعيب، بغرض تجنيدم وبالتالي تامين مصالح الامبريالية العربية في السودان ولاغير.
من ذلك كيف العروبة ثقافة ماعرق، وهذا دجل محض.
عمر ثقافتنا في السودان اكثر 140,000 سنة، بينما تاريخ الساميين كلهم مجتمعين لايتعدي ال5,000 سنة!
فمافاهم المساكين ديل، بتكلمو عن ثقافة امها سودانية اسمها هاجر، عمرها اقل من 5,000 سنة، كاساس لي ثقافة عمرها اكثر من 140,000 سنة، كيف، لولا امخاخ "لاخوال" زي ماقال السعودي؟
ليس هناك عرق عربي او ثقافة عربية في السودان، الا كوجود اجنبي امبريالي، مرحلي وهامشي جدا!
اما بخصوص النقاء او حجوة الاختلاط المتوهم، نقول الاتي:
كقاعدة، وعلميا، نتيجة اي اختلاط بين السودان والبيضان، دايما سودان!
case closed
لامعني لاي كلام عن اختلاط متوهم او كلام فارغ.
الي هذا التاريخ كمثال في دنقلا، لايوجد اختلاط قط مابين السكان المحليين ومن يسمونهم عرب!
كم في المليون من العرب، بتزوجو سودانيات؟
خليك من العرب، هل الجلابة الذي الطاهر ده، بتزواجو مع غير الجلابة، لمن تقولو لينا اختلاط او بطاطا؟
هذا محض وهم!
بالنسبة للعرب انفسهم، فليس هناك دم عربي نقي، لان الدم العربي نتج عن اختلاط، كحالة استثناء للقاعدة اعلاه، مابين هاجر السودانية، او ابراهيم!
دم هاجر، سابق لبروز دم اسماعيل المختلط!
فكيف هاجر الانجبت اسماعيل العربي، تكون عربية؟
هل اسماعيل هو من انجب هاجر، ياخلق؟
Post: #114 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Bashasha Date: 06-15-2008, 04:04 AM Parent: #1
Quote: أنا شخصيا أعتقد جازما أنني عبد الله عقيد بن العباس بن عبد المطلب بن عبد مناف ولن يغير في قناعتي هذه دراسة مفبركة ولا تقرير مغلوط ولا هوج عنصري معادي يريد
عيييييييييييييك!
ود عقيد،
هو احنا قنا حاجة؟
قنا ان الوهم ده، دوغما، لدواعي نفسية، غير خاضعة لمنطق، عقل، او علم، علي الاطلاق!
مفردة عربي، حقيقة، في السودان، تعني "حر" بي بساطة شديدة، اي ما "عب"، من دون درس عصر بتاعة ثقافة، او عرق!
اي كلام اضافي مجرد تبرير لفكرة مسبقة، ولاغير!
Post: #115 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: الصادق صديق سلمان Date: 06-15-2008, 10:57 AM Parent: #114
Quote: اما منهجية البوست وعلميته فصاحب البوست اشار الى دراسة علمية اجرتها مؤسسة لها باع طويل في مجال المعرفه
Quote: كما ذكرت انني فقط كتبت عن الدراسة وهي دراسة غير منهجية ولا علمية.. وجامعة الخرطوم لا تملك اي قدرة مالية على تمويل بحث مثل هذا اذ انها لا تستطيع ان تدفع فاتورة الموية والكهرباء...ولذلك ارى انه بحث حسب الموضة
يا محمد خليل ياخوي .. لمن أقرأ كلامك الفوق و (باع طويل) .. وأقرأ كلام د. بيان وعدم وجود القدرة المالية لهذه الجامعة التي لها باع طويل .. وأقارن دا كلو بمعلومة ذكرها د. طارق السويدان في محاضرة له بالخرطوم بأن الميزانية المُخصصة فقط للتعليم العالي والبحث العلمي في بلجيكا (وهي دولة أصغر من الولاية الشمالية) تفوق كل ميزانيات الدولة العربية مجتمعة.. تبقى عبارة (باع طويل) دي ما عندها معنى .. وبالتالي تبقى الدراسة كلها ما عندها معنى ..
وبالتالي الموية الباااااااردة مفيدة للصحة ..
Post: #116 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: rosemen osman Date: 06-15-2008, 03:05 PM Parent: #115
سلام يا محمد خليل يا أخوى هو الناس بتتمسح فى أذيال العروبة ليه وشنو الشرف فى أنك تكون عربى كل ما يجمعك مع العرب جلوس قادتنا مع قادتهم فى أجتماعات الجامعة العربية الما بتحل ولا تربط مافى حاجة أسمها هوية ضائعة أنحنا سودانيين وبجمعنا مع العرب وغيرهم قاسم الأنسانية ونعتز بتنوعنا الثقافى من أقصى الشمال الى أقصى الجنوب
Post: #117 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-15-2008, 06:02 PM Parent: #116
بعيدا عن الدراسة و مصداقيتها و عدم مصداقيتها خلونا نرجع لواقعنا السوداني العارفوا كل زول الحكايه ما فيها مخاخرة و لا حاجة الحكاية ان من حق كل سوداني ان تفتخر بالانتماء لاي جهة هي اصله
فالرسول ( ص ) قال في حديثه فيما معناه (انا افصح العرب بيد اني من قريش ) فابان بأنه من قريش هذه القبيلة التي حاربته و اخرجته من دياره مهاجرا الي المدينه رغم ذلك لم ينفي نسبه اليها ,
فقد قدر لي الله ان كنت في الاستوائية فالاخوة في الاستوائية عندما تسأل احدهم بعفوية السودانيين انت زانداوي يزعل منك و يرد عليك بأنه من الباريا و كذلك التبوساوي لا يقبل ان تقول له انه من اللاتوكااو الاشولي و البارياوي يفتخر بأنه من الباريا و المنداري كذلك و و و و وهذا من حقهم كل واحد يفتخر بنسبه و قبيلته و ليس فس ذلك شيء يغضب غيرهم
و اخوانا في الشمالية لو قلت لواحد انتي محسي يرد عليك بأنه دنقلاوي و العكس صحيح
و حتي القبائل العربيه عندما تقول لي زول او تنسبه لقبيلة ماقبيلته ما برضي اذا الانتماء و الفخر بالاصل شيء فطري في الانسان و لا يعني التعالي او العنظزة او اي شيء يذهب اليه اصحاب القلوب المريضه
و نحن منذ ان وعيناء علي هذه الدنيا و جدنا كثير من الالفاظ و الصفات التي تلصق بالعربي و ظللنا نرددها دون و عي و لكن هذه الهجمة في السنوات الاخيرة ارتنا ان ذلك كان مخططا و مدروسا لتحقير العرب و كل ما له صلة بالعرب
فكنا نسمع ياعربي يا جلف و كنا نرددها و كنا نسمع ياعربي يا مقطع و نرددها و لكنها كانت الفاظا قصد منها تحقير العنصر العربي و ابعاد الناس عن الفخر بإنتمائهم العربي
فإن كان للاخوة اصحاب الاصول الغير عربيه ان يفتخروا باصولهم النوبيه او الافريقية او الزنجية ، نحن نقبل بذلك و نقول لهم الف هنيئا لكم و لنا فشرفكم شرفنا و عزكم عز لنا ، و لكن اسمحوا لنا ان نقول اننا عرب ولدنا عرب و عشنا عرب و سنظل عرب ( يعني ما في يدنا حاجة خلقنا و ليس لنا لسان الا العربي و لا حياة الا حياة العرب البدو في الحل و الترحال
ماذا نفعل نغير اسمائنا عشان نبعد نفسنا من العروبه نغير لساننا عشان نرضي بعض الاخوة معادي العروبه
يا اخوان مشكلتنا ليست في من هو العربي و من هو غير العربي فالسودان و طن يسع الجميع عرب و غير عرب
هل تعلمون ان في بعض الدول الافريقية قبائل عربيه ميه الميه في النيجر و مالي و تشاد و نيجيريا و اثيوبيا و اريتريا و كينيا و تنزانيا و زيمبابوي و مدغشغر و كذلك في دول اسيا في الهند و الباكستان و ايران و تركيا و دول اسيا الوسطي و اندونيسيا
لم يعيرهم احد و لم يكرههم احد لماذا هذا التطرف في السودان و الكره لكل ما هو عربي ,,,, غيروا اسمائكم الي اسماء غير العربيه
غيروا لغتكم الي لغة غير العربيه ثم علمونا لها عشان نتواصل و نتعايش
Post: #122 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-16-2008, 08:40 PM Parent: #117
Quote: هل تعلمون ان في بعض الدول العربيه قبائل عربيه ميه الميه في النيجر و مالي و تشاد و نيجيريا و اثيوبيا و اريتريا و كينيا و تنزانيا و زيمبابوي و مدغشغر و كذلك في دول اسيا في الهند و الباكستان و ايران و تركيا و دول اسيا الوسطي و اندونيسيا
لم يعيرهم احد و لم يكرههم احد لماذا هذا التطرف في السودان و الكره لكل ما هو عربي ,,,, غيروا اسمائكم الي اسماء غير العربيه
غيروا لغتكم الي لغة غير العربيه ثم علمونا لها عشان نتواصل و نتعايش
ول ابا ادم
مرحب بيك في المنبر العام
اول بالتبادي يا ول ابوك الدولة الذكرتها دي كلها ما دول عربية ولا شنو
فقط اردت تنبيهك لهفوة صغيرة ادري انها جاءت سهوا
ولي عودة لمداخلتك
Post: #123 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-16-2008, 08:47 PM Parent: #122
اشكرك كثير علي الملاحظة اخي ول ابا محمد
المقصود كان الدول الافريقية و اظن الاستعجال كان له دور كبير في هذه الهفوة
اشكرك كثير على التنبيه
Post: #124 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Abdulgadir Dongos Date: 06-16-2008, 08:56 PM Parent: #117
+
+
تحية طيبة أستاذ آدم
كتبت:
Quote: هل تعلمون ان في بعض الدول العربيه قبائل عربيه ميه الميه في النيجر و مالي و تشاد و نيجيريا و اثيوبيا و اريتريا و كينيا و تنزانيا و زيمبابوي و مدغشغر و كذلك في دول اسيا في الهند و الباكستان و ايران و تركيا و دول اسيا الوسطي و اندونيسيا لم يعيرهم احد و لم يكرههم احد لماذا هذا التطرف في السودان والكره لكل ما هو عربي ,,,, غيروا اسمائكم الي اسماء غير العربيه
وهل في البلاد التي ذكرتها عرب يقيمون محارق كالتي تنعم بها بلادنا؟
دنقس.
Post: #126 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-16-2008, 09:30 PM Parent: #124
الاخ دنقس
هل هناك عرب في السودان يقيمون المحارق لغير العرب .......... بدون حرب ... كما تعلم ان الحرب حالة استثنائية فهناك غير العرب اقاموا و يقيموا المحارق لكل ماهو شمالي في الجنوب مثلا
التعميم فيه ظلم عظيم .... بمعني التعميم بأن العرب يقيون الحارق غير واقعي
و فيه ظلم و بهتان عظيم
يا اخوان ادونا الحل ... اذا انتم تكرهون العرب ... و تودون ان ننسحب من الجامعة العربيه
ما هو الحل ...... ما هي اللغة البديلة
الانجليزي .... لغة الكفر و الشرك ... احسن منها خلونا فب العربي
اللغات المحلية .. نعم انا معاكم اختاروا اي لغة قبلية محلية لتكون هي
لغة السودان الام .... بس اتفقوا علي معيار الاختيار
هل هو عدد القبيلة ... او عدد الناطقين بهذه اللغة
ام سهولتها و سهولة تعلمها ... ام قوة بيانها و ووضوح معانيها
و لك الشكر
Post: #128 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Abdulgadir Dongos Date: 06-16-2008, 10:02 PM Parent: #126
+
Quote: هل هناك عرب في السودان يقيمون المحارق لغير العرب .......... بدون حرب ... كما تعلم ان الحرب حالة استثنائية فهناك غير العرب اقاموا و يقيموا المحارق لكل ماهو شمالي في الجنوب مثلا التعميم فيه ظلم عظيم .... بمعني التعميم بأن العرب يقيون الحارق غير واقعي و فيه ظلم و بهتان عظيم
نعم بالسودان مستعربين يحكمون البلاد بالمحارق وتحت أسنة الرماح، والمشروع العروبي سن سنونه المحجوب خصما علي أهل السودان. كتب الأستاذ الجزولي: الزنوج المنبتين والهوية السودانية!!
Quote: ثم جاء محمد احمد محجوب عام 1941م ، وكان من أبرز مثقفى تلك الحقبة قبل أن يصبح من أميز قادة الفكر السياسي فى حزب الأمة ، وأحد الزعماء المرموقين الذين تقلدوا الوزارة فى ما بعد ، ليحدِّد شروط المثل الأعلى للحركة الفكريَّة "فى هذه البلاد" ، على حدِّ تعبيره ، بأن ".. تحترم تعاليم الدين الإسلامي الحنيف ، وأن تكون ذات مظهر عربىٍّ فى تعبيرها اللغوى ، وأن تستلهم التاريخ القديم والحديث لأهل هذه البلاد وتقاليد شعبها. هكذا يمكننا أن نخلق أدباً (قومياً) ، وسوف تتحول هذه الحركة الأدبية فيما بعد الى حركة سياسيَّة تفضى الى الاستقلال السياسى والاجتماعى والثقافى" (ضمن: أسامة ع. النور ، موقع أركمانى على الشبكة). ومن نافلة القول بالطبع أن المحجوب لم يكن يرى فى كلِّ البلاد ، بكلِّ ثرائها الاثنى والثقافى والدينى واللغوى المتنوِّع ، سوى تاريخ وثقافة ودين ولغة المستعربين المسلمين وحدهم! واستطراداً ، فإن عودة الإمام الصادق المهدى ، رئيس حزب الأمة ، بعد ما يربو على نصف القرن ، لينتقد ما أسماه (الأحاديَّة الثقافيَّة) لدى القوى السياسيَّة الشعبيَّة التى حكمت السودان بعد الاستقلال مما أدى إلى استقطابات دينيَّة وثقافيَّة حادة (مصدر سابق) ، تكتسى ، بلا شك ، دلالة وأهميَّة مخصوصتين فى هذا السياق.
لا أدري أين الظلم والبهتان؟ هذا تاريخ مدون ومحارقه موثقة بالصوت والصورة.
كتبت:
Quote: يا اخوان ادونا الحل ... اذا انتم تكرهون العرب ... و تودون ان ننسحب من الجامعة العربيه ما هو الحل ...... ما هي اللغة البديلة الانجليزي .... لغة الكفر و الشرك ... احسن منها خلونا فب العربي
نحن السودانيون الأفارقة لا نكره لا العرب ولا غير العرب، علي النقيض، بنا موروث أزلي يشجعنا علي التلاقح الأنساني، والدليل هو وجود أمثالك بأرض السودان. أن كنا حقا نكره، لما بقي مستعربا بالسودان. ثانيا، من قال أن خروجنا من الجامعة العربية مقروننا بتفسخنا من اللغة العربية أو المعاملة مع العرب؟ حقيقة بهت وأنا أقرأ حديثك عن اللغة الأنكليزية وكيف أنها "لغة كفار"!! هذا هو البهتان العظيم أن كنت تدري. دون شك أنك تجهل بأن "لغة الكفار" هذه مدونة بدستور بلادنا ومعها العربية كلغات التخاطب الرسمية بالبلاد، لا أدري كيف تجهل حقيقة أساسية كهذه؟
دنقس.
Post: #118 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-16-2008, 07:18 PM Parent: #116
Quote: سلام يا محمد خليل يا أخوى هو الناس بتتمسح فى أذيال العروبة ليه وشنو الشرف فى أنك تكون عربى كل ما يجمعك مع العرب جلوس قادتنا مع قادتهم فى أجتماعات الجامعة العربية الما بتحل ولا تربط مافى حاجة أسمها هوية ضائعة أنحنا سودانيين وبجمعنا مع العرب وغيرهم قاسم الأنسانية ونعتز بتنوعنا الثقافى من أقصى الشمال الى أقصى الجنوب
وعليكم السلام
الاخت الكريمة روز
ولا أزيد على قولك سوى قول الشاعر
اذا قالت حزام فصدقوها
فإن القول ما قالت حزام
Post: #119 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-16-2008, 07:23 PM Parent: #115
Quote: وبالتالي الموية الباااااااردة مفيدة للصحة
في دي يا الصادق يا اخوي ما بنختلف نهائي
لك كل الود
Post: #120 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Abdulgadir Dongos Date: 06-16-2008, 07:56 PM Parent: #119
+
تحية طيبة أستاذ خليل، حقيقة لا يهمني بماذا يتشبث البعض، فمن قال أنه بن عبدمناف فله، ومن قال بأنه من بلاد الشناقيط فله، حتي أن نسب البعض أنفسهم الي الفرنجة، لا غضاضة البتة. فقط نذكرهم أن هذا السودان بأفريقيا وهويته أفريقية لأن الغالب الأعم من مكوناته تقول ذلك بأرض الواقع، وهذه دعوة لأن نعيد بناؤه علي هذا النحو ان كنا حقا نريد للحروب أن تقف غير رجعة. هذا الرأي ليس الغرض منه الأنكفاء علي أفريقيا دون بقية البلاد والثقافات الأخري. خالص الود.
Post: #121 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Abdulgadir Dongos Date: 06-16-2008, 08:16 PM Parent: #120
+
وعلم الله أحفاد بن عبدمناف بالسودان في ورطة.
دنقس.
Post: #129 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-17-2008, 02:04 AM Parent: #121
Quote: وعلم الله أحفاد بن عبدمناف بالسودان في ورطة.
أخي عبد القادر
لم اتمكن من مشاهدة الفيديو بالمكتب وشاهدته الان بعد الرجوع للبيت والله احزنني جدا اننا نتمسك بمثل
هؤلاء الناس واتمنى ان يشاهده الباقون لكي يتعظوا.
Post: #125 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-16-2008, 09:14 PM Parent: #120
Quote:
فقط نذكرهم أن هذا السودان بأفريقيا وهويته أفريقية لأن الغالب الأعم من مكوناته تقول ذلك بأرض الواقع، وهذه دعوة لأن نعيد بناؤه علي هذا النحو ان كنا حقا نريد للحروب أن تقف غير رجعة.
أخي الفاضل دنقس
لك الشكر على هذه المداخلة وأعتقد ان من مصلحة الجميع رؤية السودان رائدا لافريقيا,, وقد قالها من قبل احد الاصدقاء الافارقة بأن السودانيين لو أرتضوا الهوية الافريقية لتوجهم الافارقة على القمةوذلك تقديرا لتاريخنا وتنوعنا الثقافي وثقلنا في القارة الام ولكننا نلهث وراء انتماء عربي جعل الدول العربية تصنفنا في ذيل القائمة....فالشوام مثلا يسمون الفول السوداني (فستق العبيد)ويتندرون عندما يدعي احد السودانيين امامهم بأنه عربي..عايشت ذلك بنفسي من خلال المؤسسة التي اعمل بها والتي تضم جيش جرار من هؤلاء القوم..ومن السودانيين ايضا
ولنا عودة
لك كل تقدير
Post: #127 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: يحي ابن عوف Date: 06-16-2008, 09:38 PM Parent: #125
Post: #131 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-17-2008, 10:15 PM Parent: #127
اخي ابن عوف
الفيديو جميل جدا و الموسيقي شجية
اذكر ان الاستذ الموسيقار علي يعقوب و هو يعمل الان بالسعودية مدرس موسيقي في حرس الحدود السعودي
قال بالحرف الواحد ان وحدة السودان و الدليل القوي علي ان السودان امة واحدة متحدة هي هذه الموسيقي و الالحان المختلفة شكلا و لكنها تشدك بقوة قل ان تشدك اليها اي موسيقي اخري عرية كانت او افريقية فعلي ايقاع التم تم يمكن للشايقي ان يؤدي رقصته دون الحاجة للايقاع الدليب و الهدندوي يمكن ان يرقص دون ان يخرج عن النص و كذلك النوبي يمكن ان يصاحبهم بالرقص دون نشاز و البقاري ايضا يستطيع ان يرقص رقصة المردوم و
الجنوبي و الجراري و الكاتم و الدرملي و الدلوكة و العرضه الجعلية
كل هذا يدل علي الوحدة السودانية و بالله خلونا من عرب لا ما عرب .. .عرب لا ما عرب
لما نلقي السودان زاتو مننا هرب
Post: #132 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-17-2008, 11:15 PM Parent: #131
Quote: عرب لا ما عرب
لما نلقي السودان زاتو مننا هرب
شكرا يا ادم,,
السودان ده يهرب مننا وين والله ما بنرضى بغيرو بديل ونجري وراهو محل ما يقبل
بالنسبة للموسيقى طبعا تفرد السودان لا جدال عليه ..
فقط عليك ان تتخيل ان موسيقانا هي السائدة من القرن الافريقي مرور بكل دول جنوب الصحراء
وانتهاء بنيجريا بل ان بعض درامتنا التي يراها العرب هزيلة تحتل اعلى مراتب المشاهدة عندما
تعرض في دول الجوار الافريقي..
ولك التحية والتقدير
Post: #134 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: amir jabir Date: 06-17-2008, 11:26 PM Parent: #132
Quote: هل هناك عرب في السودان يقيمون المحارق لغير العرب .......... بدون حرب ... كما تعلم ان الحرب حالة استثنائية فهناك غير العرب اقاموا و يقيموا المحارق لكل ماهو شمالي في الجنوب مثلا
وين فى الجنوب يعنى ازكر المدنية بالتحديد والحى
يعنى فى مدينة مكال حى الجلاب هجوم اشخاص من حى الشاطئ على منزل فلان الفلان العامل لينا فوقا عربى ؟؟
Post: #140 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-18-2008, 10:06 PM Parent: #134
في مدينة جوبا خير مثال
و الاحداث كثيرة في التايخ السابق قبل 1972 و كذلك بعد العام 1983 م
Post: #141 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: adam alamar Date: 06-18-2008, 10:16 PM Parent: #132
اشكرك يا محد خليل
السودان ما بهرب مننا عديل كدة يعني يجري مننا
لكن ح يهرب مننا مجازا اي بتقسيمه الي دويلات او قل كانتونات صغيرة جدا مقاس البحرين و كده
يعني النوبي داير دولة براهو مملكة كوش و نوباتية النوباوي داير دولة جبال النوبه الفونجاوي داير دولة ( سلطنة الفونج )
و ناس الاستوائية دايرين دولة الاماتونج
و ناس بحر الغزال دايرين دولة
و كذلك ناس اعالي النيل دايرين سلطنه خاصة بهم
و ناس الشرق برضوا دايرين دولة و اهل دار فور
احفاد علي دينار دايرين يعيدو سلطنة دار فور
و يجب ان لا ننسي ان هناك مشروع دولة الزغاوة الكبري
و في ناس الايام دي بتتكلم بدولة المسبعات في كردفان
اه الفضل شنو .... السودان هرب و لا ما هرب
ادم العمار
Post: #136 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: Elsanosi Badr Date: 06-17-2008, 11:40 PM Parent: #131
محمد ولد الخليل حبابك... انت عارف الدراسه هاي دللت علي قصور الباحثين وعدم معرفتهم بالسودان.... وهنا تبرز المشكله الاساسيه في الدراسة... فكيف تحصرالمليون ميل مربع في شريط ضيق وهو الحوض النيلي ...فالمعروف ان نسبة العروبه قليله جدا في هذه المناطق... فهل اخذت عينات من بدو الصحراء في الشمال الغربي للسودان (شمال دارفور) او مناطق الرشايده ف شرق السودان...اذن اولي الاخطاء هو التعميم المخل... والثاني هو الجهل بمكونات السودان الاثنيه...فهناك اقوام عرب ولن تنقصهم هذه الدراسه عروبتهم حتي ولو ابي المتثاقفون...فسنظل عربا وبدو حتي يستبدلنا الله بقوم اخرين وسنظل نحترم من هم ليسوا بعرب مادام يجمعنا هذا السودان بمكوناته المختلفه...
Post: #137 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: amir jabir Date: 06-17-2008, 11:49 PM Parent: #136
الاخ Elsanosi Badr اعتقد ان البرنامج مقصود به
Quote: شريط ضيق وهو الحوض النيلي
لان من هم فى دارفور عرب اصلين وحتى تمتد جزورهم الى مالى والسنغال وهولا الى الان دينهم نظيف كما عرقهم ولم نسمع من قبل ان احد الرشايدة تعالى على البشر حياتهم يا سيدى حياة متواضعة للغاية ؟؟ وكلهم نالوا حظهم من الاضهاد كما نال ابناء دافور من الاصول الافريقية او جبال النوبة وجنوب والسودان والانقسنا
تحياتى
Post: #138 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: mohmed khalail Date: 06-17-2008, 11:55 PM Parent: #136
الاخ السنوسي
كيف حالك ولد ابا
Quote: فسنظل عربا وبدو حتي يستبدلنا الله بقوم اخرين وسنظل نحترم من هم ليسوا بعرب مادام يجمعنا هذا السودان بمكوناته المختلفه...
الدراسة اخي الفاضل لم تقل بانه لا يوجد عرب في السودان ولكنها تقول بعدم وجود عرق عربي نقي اي
كل الدماء العربية الموجودة في السودان اختلطت بدماء غير عربية و كيف ستطيع التأكيد بأن عرب
البادية في شمال دارفور عرب خلص خصوصا بعد اختلاطهم بالبربر والطوارق والقبائل الافريقية الاخرى
بالسودان الفرنسي والفرنسيين والانجليز فلا يمكن القول بأنه لم يحصل تزاوج, او سبي طيلة هذه
القرون ؟؟؟؟؟؟؟؟؟؟؟؟
خصوصا وانه حتى وقت قريب كانت هنالك ظاهرة السراري
ولك ولاهلي ببادية شمال غرب دارفور كل التقدير عربا خلصا كانوا ام هجين..
مع ايماني ان اختلاط العنصر العربي بعناصر غير عربية لا يقل من انسانية الطرفين في شئ ولا يزيد
Post: #142 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: amir jabir Date: 06-18-2008, 10:18 PM Parent: #138
Quote: و الاحداث كثيرة في التايخ السابق قبل 1972 و كذلك بعد العام 1983 م
يازول هى بالكترة دى وانته ماقادر تسرد عموما الحق حق والباطل باطل..
Post: #143 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: خالد حاكم Date: 06-19-2008, 00:57 AM Parent: #142
Quote: يعني النوبي داير دولة براهو مملكة كوش و نوباتية النوباوي داير دولة جبال النوبه
الاخ ادم العمار انت كعربى الاسماء التى تحتها خط ماهو اصل الاسماء التى تنسب اليها هذه الاسماء ؟ ارجو ان تكون الاجابة كل اسم على حده ثانيا لايريد شخص ما دولة براهو الذين ذكرتهم يريدون المساواة والعدالة الاجتماعية , يريدون المساواة فى الحقوق الثقافية واللغوية وابرازها بالتساوى , يريدون نهاية السخرية الاستعلاء والاستعباد القائم باسم العروبة يريدون نهاية دولة الثقافة واللغة الاحادية يريدون نهاية هيمنة الاقلية العربية على الاكثرية وذهابهم بالوطن الى جامعة العرب دون استشارة الاكثرية الغير عربية على انها دولة عربية !!!!!!!!!!!!!!!!!
Post: #146 Title: Re: (لا يوجد عرق عربي نقي في السودان)...تقرير بثته قناة الجزيرة قبل قليل...ختوها ليكم واضحه كده Author: M A Muhagir Date: 06-20-2008, 05:10 PM Parent: #1
النقاء العربى دا وهم ساى.
حتى عرب الخليج هم اصبحو الان خلطة من عرب مستعربة , اتراك, فرس, افارقة (اثيوبيين), باكستانيين وغيرم. اسالوا السوانيين فى الخليج.
شمال السودان عبارة عن هجين عربى/ افريقى. اى سودانى عارف الحقيقة دى.
