Post: #1
Title: والله واحد تاني يقول لي بوردابي أخش في بطنو
Author: nile1
Date: 06-09-2008, 09:42 AM
بردب ال.....بلاش من دي..بردب أبا صابر..ويبردب برديبا...والماعارق البرديب يعني شنو ينفح صدرو ويقول أنا بوردابي..والجماعه شابكنهم بورداب الرياض وبورداب جده وبورداب الخرطوم ..وما عارفين إنو في صنف تاني هم بورداب الزريبه... وهم فرحانين وطايلين شبرين لا فوق..باعتبار أنها المسأله يعني شكره...غايتو ماعارف أنا تاني البيقول لي بوردابي يتحمل البتجيهو مني...وكلو ولا طولة اللسان والإساءه...عموما الناس هنا على فريقين فريق إسمه أعضاء منتدي سودانيس أونلاين والفريق التاني ياهم البورداب....ديل يبردبو سااااكت باسم الفهم والثقافة وحرية الرأي...و...اللهم لا تجعلني من البورداب..وحقو بكري يعمل ليهو منتدي تاني غير المنبر العام(يكون فرناغه) وفرناغه دي على قكره بالعربي يعني ما انجليزي.. يسميهمو الزريبـــه عشان العاوز يبردب ياخد راحتو في البردبه
المهم تاني البيقول لي بوردابي يشيل شيلته والعاوز يبقي بوردابي كمان على كيفو...المسأله كلها حرية رأي وحقوق إنسان وفهم وثقافة وحته الثقافه دي نحن ماعندنا ليهاجواز مرور.
|
Post: #2
Title: Re: والله واحد تاني يقول لي بوردابي أخش في بطنو
Author: ismeil abbas
Date: 06-09-2008, 09:54 AM
Parent: #1
ما تزعل..يا أخى والله رفعت ضغطك.......
مودتى....
إسماعيل محمد احمد عباس.....من بورداب الرياض..
| Quote: المهم تاني البيقول لي بوردابي يشيل شيلته والعاوز يبقي بوردابي كمان على كيفو...المسأله كلها حرية رأي وحقوق إنسان وفهم وثقافة وحته الثقافه دي نحن ماعندنا ليهاجواز مرور. |
|
Post: #3
Title: Re: والله واحد تاني يقول لي بوردابي أخش في بطنو
Author: nile1
Date: 06-09-2008, 10:37 AM
Parent: #2
الأخ إسماعيل
تحياتي وصادق ودي
| Quote: إسماعيل محمد احمد عباس.....من بورداب الرياض.. |
يازول إنت يتتكلم جد؟؟؟؟..دا إقرار خطير..حدد وضعك..عضو في المنبر وللا بوردابي؟؟؟؟..بس أنا ماشايفك بتبردب وحاشاك البردبه..عموما خلينا نشوف أهلنا الترابله حيقولوا شنو
|
Post: #4
Title: Re: والله واحد تاني يقول لي بوردابي أخش في بطنو
Author: أبو عبيدة البصاص
Date: 06-09-2008, 10:48 AM
Parent: #1
سؤال :
البردبه معاها بردعه ولاساي ؟
جننتونا
البصاص
|
Post: #5
Title: Re: والله واحد تاني يقول لي بوردابي أخش في بطنو
Author: ismeil abbas
Date: 06-09-2008, 11:38 AM
Parent: #1
ألأخ/الزاكى
لونك جميل..لآنك تحب الوطن..وقنوع.لآن ما يقدمونه لك ترضى به..يا أخى أقبلنا كده............بوردابى
| Quote: حدد وضعك..عضو في المنبر وللا بوردابي؟؟؟؟..بس أنا ماشايفك بتبردب وحاشاك البردبه..عموما خلينا نشوف أهلنا الترابله حيقولوا شنو |
عضو منبر كلمة مركبة ,,مختصرة فى بوردابى..وخلينا من البردبة دى..وشكرآ على ثقتك فى شخصى...والله البردبة الكثيرة ما كويسة بتودى التوج..شكرآ
إسماعيل محمد احمد عباس...
|
Post: #6
Title: Re: والله واحد تاني يقول لي بوردابي أخش في بطنو
Author: ابو جهينة
Date: 06-09-2008, 11:58 AM
Parent: #5
الزاكي
وين الحي بيك؟ مشتاقووون
ذكرتني القصة بتاعة التكامل السوداني المصري أيام نميري و السادات
قاموا عملوا بطاقة لناس الشمالية و ناس منطقة أسوان عشان يدخلوا و يمرقوا بدون جوازات أو تصاريح للسفر.
أها ... كتبوا في البطاقة في خانة الجنسية : مصرداني ( إختصارا لمصر و السودان )
قاموا في واحدين إحتجوا ليه مصر قبل السودان
قام ( حساس محمد حساس ) زميلنا هنا بالمنبر دة اللي هو ( محمد الريح ) كتب في جريدة لا أذكر أسمها :
أقترح أن يكون الإسم : سوصري
و تكون الأغنية إياها : أنا سوصري حر .. و الحرية في دمي .. سوف أحطم الأغلال مهما كمموا فمي.
أما بعد :
بعد أن عرفنا أن كلمة بوردابي مشتقة من ذاك الأصل ..
فإنني أقترح :
نشيل بور و نخلي ( دابي ) .. و نقول : دابي من دبايب الرياض ... يا ( النبي نوح )
أو نشيل دابي و نخلي بور .. و نقول : بوري من بواري الرياض ...
أو نختصر الكلمة و نخنقها كالآتي : ردابي من رداديب الرياض
واحد من أصدقاء د. نجيب زيادة بيسأل واحد من أصدقائه بالرياض في جلسة شوائية :
بوردابي دي جاية من كلمة شنو؟
فقال له الآخر : دي ميناء بتاعة ناس حاتم الدابي .. بتجي فيها مراكب الشعراء و من يتبعهم من الغاوون.
تحياتي يا الزاكي لك و للأسرة
أبو جهينة ( دابي من دبايب الرياض ... بس غير سام ) 
|
Post: #7
Title: Re: والله واحد تاني يقول لي بوردابي أخش في بطنو
Author: ممدوح عثمان
Date: 06-09-2008, 12:22 PM
Parent: #6
يا الزاكي
انت من بورداب وين ؟؟؟؟؟
بس ماتزعل
|
Post: #8
Title: Re: والله واحد تاني يقول لي بوردابي أخش في بطنو
Author: nile1
Date: 06-10-2008, 10:26 AM
Parent: #7
الأخ إسماعيل
تحياتي
| Quote: يا أخى أقبلنا كده............بوردابى |
حبابك عشره والرجال الزيك معرفتهم تسوي كتير
|
Post: #9
Title: Re: والله واحد تاني يقول لي بوردابي أخش في بطنو
Author: nile1
Date: 06-10-2008, 11:04 AM
Parent: #8
الأخ أبو جهينة
لك كل الود والتقدير والتحايا العطرة
مشتاقين والله
موجودين ياخوي بس ماشين جنب الحيطه تحاشيا للبردبة وربما الرفس..و..الخواف بيربي عيالو
كنت متأكد إنكم إنت والشايقي ومامان أول من يبادر بالتعليق..بس خلى الحكاية مستورة ..ماتشيلك شلاقة الترابلة وتترجم الموضوع لي ناس البندر وتودينا في ستين داهيه..ما بنقدر على الرفس
وآخر الأخبار هي أنني قررت وأنا بكامل طوعي وإختياري وبأهليتي المعتبرة شرعا أن..ألم عزالي وعيالي
وايمم صوب الوطن
وطن النجوم أنا هنا...وداعا بورداب السعودية
|
Post: #10
Title: Re: والله واحد تاني يقول لي بوردابي أخش في بطنو
Author: ابو جهينة
Date: 06-10-2008, 11:40 AM
Parent: #9
نايل
تحياتي
أتمنى لك كل توفيق و تقدم و ربنا يسعدك أينما حللت.
|
Post: #11
Title: Re: والله واحد تاني يقول لي بوردابي أخش في بطنو
Author: nile1
Date: 06-10-2008, 11:58 AM
Parent: #9
الأخ ممدوح
| Quote: انت من بورداب وين ؟؟؟؟؟ |
بلدياتك....تحياتي
|
Post: #13
Title: Re: والله واحد تاني يقول لي بوردابي أخش في بطنو
Author: naeem ali
Date: 06-11-2008, 08:31 AM
Parent: #1
بوردابي....
|
Post: #14
Title: Re: والله واحد تاني يقول لي بوردابي أخش في بطنو
Author: قرشـــو
Date: 06-11-2008, 08:38 AM
Parent: #1
الأخ الحبيب الزاكى
لك التحية والتجلة
يازول والله ليك وحشة
ورعى الله ايام المنتديات والناس الكانوا فى المنتديات
والله البردبه اصبحت شىء عجيب وغريب
كم مرة فكرة فى اعتزال هذه البردبه ولكنه داء قديم لا ينفك ان يتاورك ويجعلك احمقا كلية ...
سعدت من خلال هذا البوست بمعرفة انك قديت عين الشيطان وأكلت كبدة أسد وعدت لارض الوطن
ولكن مثلك سيدى الوطن يحتاجهم فى هذه المرحلة ولعل الاحتياج لك كان منذ عدة سنون ولكنك ضننت على الوطن بمعارفك وخبراتك والحمد لله انك سخيت اخيرا ....
اتمنى لك التوفيق ويقينى انك ندمت على سنين الغربة اللئيمة السابقة ...
مع كل مودتى
|
Post: #15
Title: Re: والله واحد تاني يقول لي بوردابي أخش في بطنو
Author: nile1
Date: 06-11-2008, 09:21 AM
Parent: #14
الأخ الحبيب قرشــو
تحياتي وصادق ودي ووافر تقديري
عودتي للسودان ستكون باذن الله يوم 6 يوليو..حاشا أن نضن على الوطن..وسبق أن سعينا وأبدينا الإستعداد للعودة نظير ثلث ما نتقاضاه هنا( اي مايستر الحال) ولكن من لا تعجبهم عودة الخبرات ممن كانوا في مواقع المسئولية و(تكسيرا للمقاديف) عرضوا علينا مايوازي بدل مواصلاتنا هنا..وبعد عقد من الزمان أيقنواأن سياسة ال lobbying لن تسير دفة العمل في هذا المجال....تحياتي
|
Post: #16
Title: Re: والله واحد تاني يقول لي بوردابي أخش في بطنو
Author: nile1
Date: 06-11-2008, 09:23 AM
Parent: #14
الأخ الحبيب قرشــو
تحياتي وصادق ودي ووافر تقديري
عودتي للسودان ستكون باذن الله يوم 6 يوليو..حاشا أن نضن على الوطن..وسبق أن سعينا وأبدينا الإستعداد للعودة نظير ثلث ما نتقاضاه هنا( اي مايستر الحال) ولكن من لا تعجبهم عودة الخبرات ممن كانوا في مواقع المسئولية و(تكسيرا للمقاديف) عرضوا علينا مايوازي بدل مواصلاتنا هنا..وبعد عقد من الزمان أيقنواأن سياسة ال lobbying لن تسير دفة العمل في هذا المجال....تحياتي
|
Post: #17
Title: Re: والله واحد تاني يقول لي بوردابي أخش في بطنو
Author: محمد فرح
Date: 06-11-2008, 09:23 AM
Parent: #14
أخ نايل
تحيه طيبه
كلمة (بوردابي) يفهم أنها أتت من (بردبه) وكما هو معلوم فإن الـ(بردبه) كما الـ(برطعه) تستخدم للدواب . 
لذلك ليك حق ياحبيب وحقو نقترح شي جديد
مؤونة عام من الود
|
Post: #18
Title: Re: والله واحد تاني يقول لي بوردابي أخش في بطنو
Author: nile1
Date: 06-12-2008, 01:23 PM
Parent: #17
الأخ محمد فرح
تحياتي
| Quote: وكما هو معلوم فإن الـ(بردبه) كما الـ(برطعه) تستخدم للدواب . |
يعني تقصد إنو بوردابي ممكن يكون معناها حمارابي.. وللا حمار عديييييل؟؟؟هسع القال ليك فسر الكلمة دي منو؟؟؟مالك داير تجيبلنا الهبوب والكتاحه؟؟؟
|
Post: #19
Title: Re: والله واحد تاني يقول لي بوردابي أخش في بطنو
Author: nile1
Date: 06-18-2008, 10:48 AM
Parent: #18
فوق للمناكفة
|
|