Post: #1
Title: مرحب بحشود البورداب الجدد ,, اللهم أجعله خير !!!!
Author: كمال سالم
Date: 06-08-2008, 10:35 PM
Parent: #0
منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
لم نسمع بمناشدات أو نداءات كما يحدث عادة , بالرغم من أن هنالك العديد
من بوستات المناشده مفتوحه منذ زمن من بعض الاخوه لقبول عضويه أصدقاء
لهم , ولكن عدد الاعضاء الذين فتحوا بوستات بين اليوم والأمس للإعلان عن إنضمامهم
وطلب الترحيب بهم يثير الدهشه والتساؤل , إلى وقت قريب كنا نستقبل عضو
أو إثنين على الأكثر فى خلال الاسبوع . ياترى ماذا حدث . اللهم أجعله خير !!!!!!!!!
|
Post: #2
Title: Re: مرحب بحشود البورداب الجدد ,, اللهم أجعله خير !!!!
Author: ALazhary2
Date: 06-08-2008, 10:43 PM
Parent: #1
الزميل كمال سالم
الريس بكري هذه الايام أجود من الريح المرسلة وفاتح باب الحوش على مصراعيه.
ربنا يجعلها عضوية خير وبركة
على وزن :
جعلها الله أمطار خير وبركة 
طبعاً أنا بحب التزم بالقوانين ومن ضمن القوانين إنه تتم مخاطبة أمين الموقع عبر البريد الالكتروني وأنا أشيا وأرسل اطلب في عضوية لزميل مثقف جداً ومحب للبورد وهو بمثابة أستاذي .
والريس بكري آخر طناش
الله كريم يا كمال سالم
|
Post: #3
Title: Re: مرحب بحشود البورداب الجدد ,, اللهم أجعله خير !!!!
Author: Yassir Tayfour
Date: 06-08-2008, 10:44 PM
Parent: #1
يا كمال الدنيا قبائل إنتخابات..
وبكري -على ما أظن- داير يدخل البرلمان عن طريق ( دوائر الخريجين) من سودانيز أون لاين.
|
Post: #5
Title: Re: مرحب بحشود البورداب الجدد ,, اللهم أجعله خير !!!!
Author: دينا خالد
Date: 06-08-2008, 11:02 PM
Parent: #3
Quote: يا كمال الدنيا قبائل إنتخابات..
|
ياسر ! كذبا كاذب بكرى دا ما كدا ياخ حرام عليك !
همسه ,,,(هو ذاتو ما عارف ليك فى انتخابات ولا مافى ) !
القصة كلها انو بكرى كان فى السودان
وحصلت مواجهات وبراك عارف هناك مافى حتة يزوغ فيها !
واللياقة حقتنا ,, بقعدوا لى فى الكرسى لو ما شالو باسويرداتهم فى يدهم ما بقومو ,,
كمان قايلها مسنجر وطناش ؟
كمال ؟ يعنى نتحسس مسدساتنا ؟؟
وينك مشتاقين ؟
|
Post: #14
Title: Re: مرحب بحشود البورداب الجدد ,, اللهم أجعله خير !!!!
Author: حسين محي الدين
Date: 06-09-2008, 12:41 PM
Parent: #3
| Quote: جعلها الله أمطار خير وبركة |
الأزهري مباااااغلة عديل كده
| Quote: وبكري -على ما أظن- داير يدخل البرلمان عن طريق ( دوائر الخريجين) من سودانيز أون لاين. |
مبالغتين
ويا كمال قالوا زيادة الخير خيرين
وما تنسي بكرى في الخرطوم اليومين دي
تحاياي
|
Post: #4
Title: Re: مرحب بحشود البورداب الجدد ,, اللهم أجعله خير !!!!
Author: أبو ساندرا
Date: 06-08-2008, 11:00 PM
Parent: #1
الأمر
أوصح
من شمس ذات ظهيرة شواية
وأفضح
من صباح ووشاية
يا صاحبي
لوك الصبر
وأمضغ قات الإنتظار
ونقطنا بالسكوت
وبعديييين
تمتع بالدهشة
او
بالغيظ
|
Post: #6
Title: Re: مرحب بحشود البورداب الجدد ,, اللهم أجعله خير !!!!
Author: rosemen osman
Date: 06-08-2008, 11:11 PM
Parent: #1
Quote: منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
لم نسمع بمناشدات أو نداءات كما يحدث عادة , بالرغم من أن هنالك العديد
من بوستات المناشده مفتوحه منذ زمن من بعض الاخوه لقبول عضويه أصدقاء
لهم , ولكن عدد الاعضاء الذين فتحوا بوستات بين اليوم والأمس للإعلان عن إنضمامهم
وطلب الترحيب بهم يثير الدهشه والتساؤل , إلى وقت قريب كنا نستقبل عضو
أو إثنين على الأكثر فى خلال الاسبوع . ياترى ماذا حدث . اللهم أجعله خير !!!!!!!!! |
خير أنشاء الله
يعنى دا ترحيب ولا أسئلة تنتظر الأجابة؟
وأن كانت أسئلة فالى من؟
حتى نستعد
عموما شكرا أن كان ترحيب فى شكل سؤال
ولى عودة أن كنت تنتظر حكايانا
دمت
|
Post: #7
Title: Re: مرحب بحشود البورداب الجدد ,, اللهم أجعله خير !!!!
Author: tayseer alnworani
Date: 06-08-2008, 11:27 PM
Parent: #6
;كمال ازيك
ملاحظة فى محلها لكن نقول الف مرحب بيهم
و طبعا انحنا نصيرات الجندر روز مين وداليا مرحبتين حبابكم
Quote:
يا كمال الدنيا قبائل إنتخابات..
وبكري -على ما أظن- داير يدخل البرلمان عن طريق ( دوائر الخريجين) من سودانيز أون لاين. |
يا ياسر طيفور سلامات انت ما عارف مسودة قانون الانتخابات ما بتدى حق التصويت للمهاجرين و المغتربين الا لانتخابات رئيس الجمهورية .
ياربى سيد الحو ش يكون داير يعملها و ينزل مع سلفاكير عدييييييييييييل كده
|
Post: #8
Title: Re: مرحب بحشود البورداب الجدد ,, اللهم أجعله خير !!!!
Author: Emad Abdulla
Date: 06-08-2008, 11:29 PM
Parent: #6
يمسيك بالخير يا كيمو ..
يقال أن الصيف موسم التنزيلات ..
و المقاسة حيثما كان .. قول واحد .
الشي التاني .. الأخوات و الأخوة الجدد أظنهم كم نوعي - حتى الآن -
الله يكفينا شر الكيف .. ما سال منه و ما تيبس وقف عود ..
ثم ياخي مرحب بالسودان كلو هنا لو بيجيب مريسة تامزين و يكف عين القباحة المدورة فينا ..
أصواتنا ملمومة أخير من الفرادي ( ده لو استوينا على جمال ) ..
و الجمال - يقال - خشم بيوت ..
جملونا يا برالمة ..
فقد فات فينا الفوت نحن معاشر الديناصورات ..
أقلبوا خطاباتنا المتهالكة القديمة فوق تحت :
من أول الونسة لآخر " إستحقاقات نيفاشا " مرورا بكل العُته الفينا من هوية لآداب و فنون و جلابة و دراويش و عبيد و أولاد بلد و حلايب و نصايب ..
هزوا المنبر ده - كان سيد الكانون خلاكم - يمكن الجمر يبق تاني ..
........
بكري يفك التسجيلات ..
بكري يسجل ..
بكري يضرب الهوا دوكو ..
بكري يقوم ليهو شعر ..
و خضر حسين ما يزال : ( عزيزي المتصفح ) ..
.. أدخلوها بسلامٍ آمنين .
|
Post: #9
Title: Re: مرحب بحشود البورداب الجدد ,, اللهم أجعله خير !!!!
Author: Muna Khugali
Date: 06-09-2008, 00:47 AM
Parent: #8
بكري فكر..
بتوصيات ولا بدون توصيات "احيانا" الحال واحد..
يجو بدون توصيات ويكونوا كما هو متوقع منهم..
حلوين وملتزمين..
ويجوا بتوصيات ويخذلوا الجميع..
والدليل زي ما انتم عارفين
ازيكم في بيتكم..
|
Post: #12
Title: Re: مرحب بحشود البورداب الجدد ,, اللهم أجعله خير !!!!
Author: بشير أحمد
Date: 06-09-2008, 11:59 AM
Parent: #8
الاخ/كمال سالم
تحياتي ؛؛
جيت اسلم عليك وكده ؛؛
____________
تحياتي العطرات النديات لعمدة المنبر
عماد عبدالله ؛ياخي والله العظيم تعجبني كتاباتك
وحارس بوستاتك ؛بس مابعرف اتداخل مع كتابتك الجميلة دي ؛وأظل فاغرا فاهي
حد الدهشة .(دي الحاجات البقدر عليها)
| Quote: هزوا المنبر ده - كان سيد الكانون خلاكم - يمكن الجمر يبق تاني |
| Quote: ثم ياخي مرحب بالسودان كلو هنا لو بيجيب مريسة تامزين و يكف عين القباحة المدورة فينا |
ودمت بخير اخي عماد عبدالله
وشكرا لصاحب النفاج كمال سالم.
|
Post: #34
Title: Re: مرحب بحشود البورداب الجدد ,, اللهم أجعله خير !!!!
Author: Emad Abdulla
Date: 06-10-2008, 10:07 PM
Parent: #12
بشير ياخي يجبر خاطرك ..
و يقدرنا نبقى قدر الشكيرة دي .
سعيد يا سيدي بكلماتك الصديقة ..
و كان حيين بنتلاقى .
مودة كبيرة و كثير شكر .
|
Post: #11
Title: Re: مرحب بحشود البورداب الجدد ,, اللهم أجعله خير !!!!
Author: كمال سالم
Date: 06-09-2008, 11:31 AM
Parent: #1
الازهرى إنشاء الله ربنا يسمع منك ويجعلها أمطار خير وبركه ,,
تحياتى ,,
|
Post: #13
Title: Re: مرحب بحشود البورداب الجدد ,, اللهم أجعله خير !!!!
Author: Salih Kurdi
Date: 06-09-2008, 12:32 PM
Parent: #1
منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
لم نسمع بمناشدات أو نداءات كما يحدث عادة , بالرغم من أن هنالك العديد
من بوستات المناشده مفتوحه منذ زمن من بعض الاخوه لقبول عضويه أصدقاء
لهم , ولكن عدد الاعضاء الذين فتحوا بوستات بين اليوم والأمس للإعلان عن إنضمامهم
وطلب الترحيب بهم يثير الدهشه والتساؤل , إلى وقت قريب كنا نستقبل عضو
أو إثنين على الأكثر فى خلال الاسبوع . ياترى ماذا حدث . اللهم أجعله خير !!!!!!!!!
اللهم اجعله خير...........
وزيادة الخير خيرين.......
ولا شنو يا خوي كمال سالم.......؟
|
Post: #15
Title: Re: مرحب بحشود البورداب الجدد ,, اللهم أجعله خير !!!!
Author: abuguta
Date: 06-09-2008, 12:42 PM
Parent: #13
الخير على قدوم الوافدين
االجدد اغلبهم موجهييييين
تزود بغات ابو سندرلا
ولوك تفاول عماد عبد الله
ولا تتسرع كاخيك ابقوتة
واقرب هجمة لخليل او انقلاب فاشل
ستجد جماعتك يعرضون مع البشير
ولقدام
|
Post: #16
Title: Re: مرحب بحشود البورداب الجدد ,, اللهم أجعله خير !!!!
Author: azhary awad elkareem
Date: 06-09-2008, 01:03 PM
Parent: #15
Quote: واللياقة حقتنا ,, بقعدوا لى فى الكرسى لو ما شالو باسويرداتهم فى يدهم ما بقومو ,, QUOTE]
طبعاً الشباب ما كانوا عارفين..
وإلا كانوا طلبوا موافقتكم المسبقة عشان ياخدوا العضوية..
لكن معليش..
نكلم الجايين..
ولا بالمرة نختصر الموضوع ونكلم بكرى..
عشان يعرض عليكم الطلبات بغرض التوصية بالقبول..
|
Post: #17
Title: Re: مرحب بحشود البورداب الجدد ,, اللهم أجعله خير !!!!
Author: سلمى الشيخ سلامة
Date: 06-09-2008, 01:50 PM
Parent: #16
يا كيمو اخوى زيادة الخير خيرين
انت حاسد ولابغران ؟
|
Post: #21
Title: Re: مرحب بحشود البورداب الجدد ,, اللهم أجعله خير !!!!
Author: rosemen osman
Date: 06-09-2008, 05:27 PM
Parent: #13
Quote: منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
لم نسمع بمناشدات أو نداءات كما يحدث عادة , بالرغم من أن هنالك العديد
من بوستات المناشده مفتوحه منذ زمن من بعض الاخوه لقبول عضويه أصدقاء
لهم , ولكن عدد الاعضاء الذين فتحوا بوستات بين اليوم والأمس للإعلان عن إنضمامهم
وطلب الترحيب بهم يثير الدهشه والتساؤل , إلى وقت قريب كنا نستقبل عضو
أو إثنين على الأكثر فى خلال الاسبوع . ياترى ماذا حدث . اللهم أجعله خير !!!!!!!!!
|
نحن الصابرون لأمد ليس بالقليل فى أنتظار العضوية
نحن العاملون بصمت
حتى مل الصمت منا
لكن لم تمل مداخلنا الجميلة من السعى لنيلنا العضوية
وعقبال لكل المنتظرين والموقوفبن
|
Post: #18
Title: Re: مرحب بحشود البورداب الجدد ,, اللهم أجعله خير !!!!
Author: محمد عبدالحفيظ
Date: 06-09-2008, 02:09 PM
Parent: #1
سلامات للسناير واهل الدار
لكن المراحب واللهم اجعله خير ما جايه مع بعض 0000
الا عشمانين نلقا كرسي ونقعد معاكم ,,,, ولا نظل واقفين ,,, الله يستر!!!!
عموما الوقفه برضو رضا ,,, ومشكور علي الترحيب وربنا يجعله خير , آمين
وتقبل احترامي وتقديري
|
Post: #19
Title: Re: مرحب بحشود البورداب الجدد ,, اللهم أجعله خير !!!!
Author: Hololy
Date: 06-09-2008, 02:16 PM
Parent: #1
....
..... كمال ....ازيك ....
.... و الله تعرف ......صحي ....ملاحظه
...لكن انت حبوبتك ما قات ليك .......
....( الخير علي قدوم ...... الواردين ).....
.....
..... و يابكري ... ياخي عندنا زولا بهناك اسمو الهادي ... بخبت في الباب من زمن ..
...... والباب معصلج وما لاقين المفتاح ....فعايزين مساعدتك ....
.....و الله الزول ده مقروصين فيهو شديد .... لانو هو المنظم التنطيمي ... لحركتنا الجديده ...
....حركة ...... المساواه .....
....
....
....
...............و العدل .....
.... (بعيدا ... عن حركات المرتزقه .....و الطوابير الخمسيه)....
.... وبعدين دايرين نلحق فك التسجيلات.....ده
|
Post: #20
Title: Re: مرحب بحشود البورداب الجدد ,, اللهم أجعله خير !!!!
Author: sanaa gaffer
Date: 06-09-2008, 03:52 PM
Parent: #1
Quote: منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
لم نسمع بمناشدات أو نداءات كما يحدث عادة , بالرغم من أن هنالك العديد
من بوستات المناشده مفتوحه منذ زمن من بعض الاخوه لقبول عضويه أصدقاء
لهم , ولكن عدد الاعضاء الذين فتحوا بوستات بين اليوم والأمس للإعلان عن إنضمامهم
وطلب الترحيب بهم يثير الدهشه والتساؤل , إلى وقت قريب كنا نستقبل عضو
أو إثنين على الأكثر فى خلال الاسبوع . ياترى ماذا حدث . اللهم أجعله خير !!!!!!!!! |
بدون ترتيب ... لكن ( ليديس فيرست ) ...
* روزمين عثمان
* داليا حافظ
* عماد الشبلي
*عمر صديق
* فيصل حبيب الله
* عثمان الشيخ
* محمد عبد الجفيظ
* طه بابكر
* محمد عبد الغفار عمر
* صالح كردي
كدة تمام ولا نسيت زول /ة ؟؟
اهلا حبابكم .. وسامحونا لو ما دخلنا ليكم ( نفر .. نفر ) .. ولو نسيت زول سهواً ومن غير قصد ...
كمال ..
دي سياسة حقن دماء جديدة في المنبر .. عسى ولعل تصلح ما مال من الحال .. وتصبح اكسير الشباب الذي يعالج شيخوخة البورد ..
باقي احنا بقينا فترانيييييييين .. وما قادرين على شغب الكتابة ...
التحية للجميع ...
|
Post: #22
Title: Re: مرحب بحشود البورداب الجدد ,, اللهم أجعله خير !!!!
Author: فدياس نجم الدين
Date: 06-09-2008, 05:49 PM
Parent: #1
الأخ كمال سالم .
لو اخبرتك بعدد السنوات التي قضيتها طالباً العضوية من بكري أيو يكر لوضعت يديك فوق رأسك من الدهشة .
ولو أخبرتك بعدد الرسائل التي أرسلتها له من اجل إعطائي العضوية أقسم أنك لن تصدق .
لقد تجاوزت في مجملها أكثر من مائة رسالة بواقع رسالة كل ما تسنح لي الفرصة ، وقد سنحت لي الفرصة اكثر من ثلاثة مرات إسبوعياخلال الشهور السابقة . فتخيل عدد الرسائل المهولة التي إنهالت على السيد بكري من طرفي ؟!
عاطر التحايا .
|
Post: #23
Title: Re: مرحب بحشود البورداب الجدد ,, اللهم أجعله خير !!!!
Author: محمد الطيب حسن
Date: 06-09-2008, 06:12 PM
Parent: #22
فدياس
Quote:
لقد تجاوزت في مجملها أكثر من مائة رسالة بواقع رسالة كل ما تسنح لي الفرصة ، وقد سنحت لي الفرصة اكثر من ثلاثة مرات إسبوعياخلال الشهور السابقة . فتخيل عدد الرسائل المهولة التي إنهالت على السيد بكري من طرفي ؟!
|
قلت لي حكيته لمن جابت الدم
تحت تحت :ــــــــــــــــــــــــــــــــــــ
ياكيمو بالله زي ناس فدياس وروث مين ديل ما احسن من ناس منو ومنو ومنو ديلك
ناس واعيين وحلوين ومثقفين
|
Post: #24
Title: Re: مرحب بحشود البورداب الجدد ,, اللهم أجعله خير !!!!
Author: Amira Elsheikh
Date: 06-09-2008, 07:30 PM
Parent: #23
Quote: دي سياسة حقن دماء جديدة في المنبر .. عسى ولعل تصلح ما مال من الحال .. وتصبح اكسير الشباب الذي يعالج شيخوخة البورد ..
باقي احنا بقينا فترانيييييييين .. وما قادرين على شغب الكتابة ...
|
ياسلام عليك ياسناء السناء...
عليك الله اكتبى ..انتى تكتبى بس... فترانة,, مغمضة بس تكتبى...
لانك سناء هذا البورد..
مرحب بالاعضاء الجدد..
|
Post: #25
Title: Re: مرحب بحشود البورداب الجدد ,, اللهم أجعله خير !!!!
Author: osman righeem
Date: 06-09-2008, 08:30 PM
Parent: #1
تعين جديد
تفنيش
FIFO
|
Post: #26
Title: Re: مرحب بحشود البورداب الجدد ,, اللهم أجعله خير !!!!
Author: ismeil abbas
Date: 06-09-2008, 08:48 PM
Parent: #1
ألأخ/كمال سالم
Quote: منذ الامس الموافق 7 يونيو 2008 وسيل من البوستات الجديده لاعضاء جدد
ينهمر .
|
هذه حقيقة....وأنا من ألأمس هنأت أكثر من عضو جديد..نأمل أن يكونوا فاعلين..ومرحبآ بهم..وحقيقة..ظاهرة تدعو إلى التساؤل....
إسماعيل محمد أحمد عباس....
|
Post: #27
Title: Re: مرحب بحشود البورداب الجدد ,, اللهم أجعله خير !!!!
Author: Tragie Mustafa
Date: 06-09-2008, 09:05 PM
الزول الفرحان بصورة مع التجاني حاج موسى
Quote: تحت تحت :ــــــــــــــــــــــــــــــــــــ
ياكيمو بالله زي ناس فدياس وروث مين ديل ما احسن من ناس منو ومنو ومنو ديلك
ناس واعيين وحلوين ومثقفين
|
يازول ما تدخل ناس فدياس ورزمين في حروبك وتختهم وش دفاع
ما تبقى راجل مكروب وتمرق للربا و التلاف زي ناس وحدين.
اوع تكون انت قريب سيف سماعد؟؟
وصاني سيف لواحد قال قريبه
وقال لي غايظيني انه ناطي غلط في امور كثيرة.
اكيد ياك انت.
كمال سالم سلامات
ومرحبا بك الوجوه الجديدة
ويا روزمري ما تزعلي..زلكنها حقيقية وانتشاهدة على عضوية رحاب طه
الفاتحنها لها شهرين.
|
Post: #28
Title: Re: مرحب بحشود البورداب الجدد ,, اللهم أجعله خير !!!!
Author: Ashraf Abdel-Muty
Date: 06-09-2008, 09:09 PM
والله كنت عايز انزل بوست عشان ترحبوا بى بس والله خوفتونى .....
|
Post: #29
Title: Re: مرحب بحشود البورداب الجدد ,, اللهم أجعله خير !!!!
Author: Taha Babiker
Date: 06-09-2008, 09:40 PM
Parent: #28
سلام محبة للجميع من عضو جديد وفقط للتذكير: بان تكون عضوا جديدا في هذا المنبر لا يعيني باي صورة من الصور انك(ي) جديد(ة) علي المنابر الاسفيرية او علي السياسة و دهاليزها او علي الفنون و جمالياتها او علي العباطة و الشبك فكل منا يحمل في داخله ما يمكن ان يقدمة للاخرين من تجارب قد تكون مفيدة للبعض و غير ذلك لاخرين ولكن اذا استفاد شخص واحد من تجربة شخص آخر فذلك يعتبر انجازا (ليس في عهد الإنقاذ) المهم نحن جينا بي خيرنا وشرنا فهل لنا من مكانا بينكم ؟
تحت : تحت
بركة الجيت سمح انت و.......
|
Post: #30
Title: Re: مرحب بحشود البورداب الجدد ,, اللهم أجعله خير !!!!
Author: sanaa gaffer
Date: 06-10-2008, 03:44 AM
Parent: #1
Quote: ياسلام عليك ياسناء السناء...
عليك الله اكتبى ..انتى تكتبى بس... فترانة,, مغمضة بس تكتبى...
لانك سناء هذا البورد..
مرحب بالاعضاء الجدد.. |
اميرة الشيخ ســــلامات ...
تعرفي يا اميرة الكتابة بالجد عاوزة ( مروة ) بضم الميم وتشديد الواو ...
احنا معارك الحياة هدت قوانا ... غايتو بنعافر عشان نكتب ... باقي مسك القلم دة ادمان لا فكاك منه ...
شكرا على كلماتك البلسم ... وتاني مرحب بالاعضاء الجدد ...
الله يدينا خيرهم .. ويكفيهم شر البورد ... يبعدهم من التكتلات والانتماءات العنصرية ... ويديهم القدرة على الاستمرار ...
|
Post: #31
Title: Re: مرحب بحشود البورداب الجدد ,, اللهم أجعله خير !!!!
Author: heba Elmahi
Date: 06-10-2008, 04:57 AM
Parent: #30
سلام لكل الاعضاء قدامي و جدد ، و مرحب بيكم و ان شاء الله ربنا يقدركم و ترفعوا معانا المنبر العام و سودانيزاونلاين كلها .
***************************************
مخرج :
انتوا يا ناس المنبر العام يا كافي البلاء البغيب عنكم ما بتسألوا منو ابدا حي و لا مات !! و لا إلا نبقي في قامة تراجي حتي الناس تسأل مننا !! لك كل التحايا يا مدام تراجي
|
Post: #32
Title: Re: مرحب بحشود البورداب الجدد ,, اللهم أجعله خير !!!!
Author: محمد الطيب حسن
Date: 06-10-2008, 06:08 PM
Parent: #31
Quote:
تحت : تحت
بركة الجيت سمح انت و....... |
اهاااااااااا
قمنا علي اللفحي من اسي
تحت تحت :ـــــــــــــــــــــ
ماركه مسجله
ممنوع الاقتراب والتصوير
مرحب بك اخي في العالم الاسفيري
|
Post: #33
Title: Re: مرحب بحشود البورداب الجدد ,, اللهم أجعله خير !!!!
Author: النذير الطاهر عثمان
Date: 06-10-2008, 09:33 PM
Parent: #1
الاخ كمال سالم
شكرا لترحيبك وان شاء الله ربنا يجعله خير .
عضو جديد
|
Post: #35
Title: Re: مرحب بحشود البورداب الجدد ,, اللهم أجعله خير !!!!
Author: عمر صديق
Date: 06-11-2008, 02:22 AM
Parent: #1
كمال سالم
شكرا لك علي الترحيب واتشاء الله ربنا يجعلو خير
|
Post: #36
Title: Re: مرحب بحشود البورداب الجدد ,, اللهم أجعله خير !!!!
Author: AWAD MAHMOUD OSMAN
Date: 06-11-2008, 02:40 AM
Parent: #1
كمال سالم
| Quote: إنشاء الله ربنا يجعلها أمطار خير وبركه ,, |
أمين يارب العالمين
شكرا علي الترحيب ودمتم
|
|
|