حن ياقمر.....الاهداء للاحبة...

Post: #1
Title: حن ياقمر.....الاهداء للاحبة...
Author: Amira Elsheikh
Date: 06-05-2008, 07:23 PM

Post: #2
Title: Re: حن ياقمر.....الاهداء للاحبة...
Author: محمد البشرى الخضر
Date: 06-05-2008, 07:25 PM
Parent: #1

شكرا على الإهداء

(تلاتة اربعة وردة غاوون البتفتح و تقفل ديك)

Post: #3
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 07:29 PM
Parent: #2

Quote: شكرا على الإهداء

الاخ من الاحبة ولا من الغاوون..??

عليك الله يا ود البشرى كان ما سمعت الاغنية سمحةكيف?

عجبتنى الاغنية شديد بس ما عارفاها حقت منو..

______________________________________________________
ياخ ذكرتنى مفترض الاهداء كان يكون للاحبة والغاوون.

Post: #4
Title: Re: حن ياقمر.....الاهداء للاحبة...
Author: محمد سنى دفع الله
Date: 06-05-2008, 07:32 PM
Parent: #3

البت البشيلا الغونا
شكرا على الغونا الجميل
وربنا اديك العافية واغطيك
يا ست البنات
مودتي

Post: #9
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 08:28 PM
Parent: #4

يا حبينا...

الغنا دا مش بشيلنى بس ..دا بلعب بى لعب عديل كدا...

الدنيا من غير غنا واصحاب ما محتملة يا السنى..

فى انتظار الشريط يا استاذ عشان اجن وازيد فى الجن..

كل غنية وانت بالف خير..

Post: #5
Title: Re: حن ياقمر.....الاهداء للاحبة...
Author: عبدالكريم الامين احمد
Date: 06-05-2008, 07:37 PM
Parent: #2

هلا يا اميرة الشيخ هلا
وحبابك وحباب حنين القمر والغناء البخلي الزول يدردق في الاسافير دي درديقة قبورة
وتاني ما تسوي كده كويس..

Post: #10
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 08:32 PM
Parent: #5

Quote: وتاني ما تسوي كده كويس

كيكى...

مااسوى كدا يعنى اموت?? اموت فى الصحارى والغفار دى ولا رايك شنو..

تخيل من جيت البلد دى ما شفت لى قمر...

انت وين مختفى يازول..

Post: #6
Title: Re: حن ياقمر.....الاهداء للاحبة...
Author: GamarBoBa
Date: 06-05-2008, 07:39 PM
Parent: #2

يا بت يا مشوطنة
قمر في عينك...قمر شنو
الكهربا قاطعة ومطرة صابة

ده وكت قمر هسة؟؟؟

غايتو الزول حقو يخت ليك كلمتين رطانة يحذفوا بوستيك ده حسادة ساي
ناس ضغطها مرفوع وناس تستمتع بالغني

_____________________________
خدركة:اسمع الغنية وانت متصفح ... تذكرك فقد الحسن

Post: #7
Title: Re: حن ياقمر.....الاهداء للاحبة...
Author: Emad Abdulla
Date: 06-05-2008, 07:48 PM
Parent: #6

قلتي الأهداء لمنو يا أميرة ؟؟؟
ياخي دي غنية سمحة سمحة ..

........
قمربوبا ..
أفهم يا مواطن .. خلي عندك شوية إحساس ياخينا ..
و بعدين إنت و كيكي الجابكم هنا شنو ؟
ود البشرى زاتو برررره ..

Post: #12
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 09:02 PM
Parent: #7

Quote: قلتي الأهداء لمنو يا أميرة ؟؟؟

لعماد عبدالله...

Post: #11
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 08:49 PM
Parent: #6

Quote: قمر شنو

قمر بوبا.. كيف قمر شنو?. ...

وانا بكتب فى العنوان قلت اسي يجى دا ويقول هو القمر..

ربك غالب....

Quote: خدركة:اسمع الغنية وانت متصفح ... تذكرك فقد الحسن

متصفح لكن احبة .. رايك شنو...?

Post: #8
Title: Re: حن ياقمر.....الاهداء للاحبة...
Author: azhary awad elkareem
Date: 06-05-2008, 08:00 PM
Parent: #1

Re: .....الاهداء للاحبة...

إنشاء الله نكون منهم..

Post: #14
Title: Re: حن ياقمر.....الاهداء للاحبة...
Author: Amira Elsheikh
Date: 06-05-2008, 09:16 PM
Parent: #8

Quote: إنشاء الله نكون منهم..

ازهرى عوض الكريم..

شفت اى زول بسمع غنا وبستمتع بيهو دا يعتبر احبة...

لك التحية..

Post: #13
Title: Re: حن ياقمر.....الاهداء للاحبة...
Author: انعام حيمورة
Date: 06-05-2008, 09:05 PM
Parent: #1

وااااااااااااااااااااااااااااو ياااااااااااااااااااااااااااااااي

(ومعاها كمية من الصريخ)

اغنية رهيبة وحلوة تشبهك وتشبه حلاتك ..

اميرة انا مشتاااقة ليك

__________________________

منامي خاصمني ولي عاااادا

Post: #16
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 00:04 AM
Parent: #13

Quote: اميرة انا مشتاااقة ليك

انعام الجدعة....

ياخ ماتتسلبطو فى الشوق دا عليكم الله .. الشوق دا بقى حقى انا برااااى

بقى صاحبى خالص واتعرفنا من قريب حكيت ليهم كتير عنك وعن جمالك وطيبة

قلبك ولسة بحكى ليهو عنك وعن ناس كتاااار سمحين وطيبين..

وبعدها وعدنى انو ما حانتفارق ابدا ..

الشوق دا زول عجيب ..

واىىىىىىىىىىىىىىى وتانى واى

Post: #17
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 01:47 PM
Parent: #16

ياجماعة ياخبراء افيدونا بالاغنية دى حقت ياتو شاعر?

وكمان الالحان..

Post: #18
Title: Re: حن ياقمر.....الاهداء للاحبة...
Author: emad altaib
Date: 06-06-2008, 02:11 PM
Parent: #17

ـــــــــــ
اميرة الشيخ ...ياختي تاني سلامات

بس قاعد في البوست ده (متنخ).. وحابسه
Quote: افيدونا بالاغنية دى حقت ياتو شاعر?

وكمان الالحان..

انا ما خبير لكن ...الكلمة الحلوة بتجهجهني شديد!
Quote: أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل .. ولقد اعتزل الغناء منذ فترة طويلة ولقد كان يؤذن في إحدى مساجد الموردة... وتوفى في نهاية التسعينات على ما اذكر ...سجل التوم عبدالجليل عدة اسطوانات منها ...

Re: الحزن فى الاغنية السودانية -الجزء الاول - الدموع ال...يبة وتطفئ نار العشاق

Post: #35
Title: Re: حن ياقمر.....الاهداء للاحبة...
Author: Amira Elsheikh
Date: 06-08-2008, 08:34 PM
Parent: #18

Quote: بس قاعد في البوست ده (متنخ).. وحابسه

عماد..

ياخ شيل البوست دا كلو عافياهو ليك لله والرسول..

كغاية الانفورمشن دى
..

Quote: انا ما خبير لكن ...الكلمة الحلوة بتجهجهني شديد!

samesame.(وشوش غامزة بس مابعرف انزلها)

Post: #19
Title: Re: حن ياقمر.....الاهداء للاحبة...
Author: فيصل عباس
Date: 06-06-2008, 02:31 PM
Parent: #17

اميره الشيخ
ازيك
حن يا قمر

حن يا قـمر اوفي لِي ميعادا مـنامي خاصـمتو ولَيَّ عـادي
غـمـضة اجـفاني طال بُعادا وسـاح دمـعي البِقـالي عـادة
ارجـو مِـن شـوفتك الاعادة جـفاك شقا ونــظرتك سـعادة
البـدور ناظـرة ليـك حسادي ودون حُلي بتضـوي خِلقة سادة
الشـعر فـي القـديم مسـادي والـرديف بـاقي ليـك وسـادة
حزت شـوقي الكِـتِـر ترادي وبالجـمـال حـازت انـفـرادا
تومـة الـبـدر قـلبـي رادا وامـري ســلـمـتـو للارادة
الشـعـور وافـر امـتـدادا مـع القِـديـم اتـصــل ودادا
السـهـام زايـد اشـتـدادا جـروحي هل تـدري بـي عِدادا
الضـمـيـر الرنـع تهـادي نـظرْتو بـي عينـي زاد سهادا
يانجـم سائــلك الشـهادة كفاي عذاب روحـي طال جهادا
ليك لحاظ مـاسكة في القيادة ولـي جروح مـاشّة في ازديادا
ارجـوك ياصـاحب السـيادة قلـيل مـراهـم مـن العـيادة

Quote: الاغنية دى حقت ياتو شاعر؟
بالرغم من اني ما الخبراء
لكن اظن (الظن المؤكد)أن شاعرها هو ابوصلاح

Post: #21
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 03:26 PM
Parent: #19

Quote: حن يا قـمر اوفي لِي ميعادا مـنامي خاصـمتو ولَيَّ عـادي
غـمـضة اجـفاني طال بُعادا وسـاح دمـعي البِقـالي عـادة
ارجـو مِـن شـوفتك الاعادة جـفاك شقا ونــظرتك سـعادة
البـدور ناظـرة ليـك حسادي ودون حُلي بتضـوي خِلقة سادة
الشـعر فـي القـديم مسـادي والـرديف بـاقي ليـك وسـادة
حزت شـوقي الكِـتِـر ترادي وبالجـمـال حـازت انـفـرادا
تومـة الـبـدر قـلبـي رادا وامـري ســلـمـتـو للارادة
الشـعـور وافـر امـتـدادا مـع القِـديـم اتـصــل ودادا
السـهـام زايـد اشـتـدادا جـروحي هل تـدري بـي عِدادا
الضـمـيـر الرنـع تهـادي نـظرْتو بـي عينـي زاد سهادا
يانجـم سائــلك الشـهادة كفاي عذاب روحـي طال جهادا
ليك لحاظ مـاسكة في القيادة ولـي جروح مـاشّة في ازديادا
ارجـوك ياصـاحب السـيادة قلـيل مـراهـم مـن العـيادة

فيصل عباس..

سلام...

دا الكلام.. كدا الاغنية بالنسبة لى اكتملت لانو فى كلمات ما كنت قادرة

اميزها كويس..

دا كلام خبر جد جد ..انت فايل الخبارة دى كيف??

Post: #15
Title: Re: حن ياقمر.....الاهداء للاحبة...
Author: emad altaib
Date: 06-05-2008, 10:28 PM
Parent: #1

أميرة الشيخ ياخيتي سلام عليك ؟!

والله يجازيك بقدر ما تحتاجِ من سعادة إن شاء الله إلي مالا نهاية....كان شحتفتي روحي

وخليتي قلبي (يشخشخ) ...زي (روادي) زمان ... وكمان أخذت لي تهوية شويه

كدا من الكرسي الجالس فيه ... وياااااا حلاته..؟!

أما رقبتي تترنح يمنة ويسرة ... طبعاً عيوني سكنة في غفوة

وروحي عاشة حالة نشوة لذييييييذة وحسيت بطعمها كدا..!

وأصابع ايادي شغاله فرقعة ...ووجهي بين الابتسامه والأشراح

وخيالي وعقلي بيسافر مع الكلمات والنغم بزمن واحد ..ياااالله

وصلي الله عليك يااااااحبيبي إن شاء الله الليله نتلاقا اليوم ميعادنا

ــــ
عليك الله سجليني من ضمن الاحبة في طرف القمر داإن شاء الله بقلم رصاص
وما تخافي علي اقع بعرف بعوم في الهوا ...ولأ ...أديني طلقة رصاص
وأرتاح خلاص ..!؟ ..ورماني تااااح محفوظ الحق صباح حسين
تحياتي ليك ... وإليك

Post: #20
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 03:20 PM
Parent: #15

Quote: أميرة الشيخ ياخيتي سلام عليك ؟!

والله يجازيك بقدر ما تحتاجِ من سعادة إن شاء الله إلي مالا نهاية....كان شحتفتي روحي

وخليتي قلبي (يشخشخ) ...زي (روادي) زمان ... وكمان أخذت لي تهوية شويه

كدا من الكرسي الجالس فيه ... وياااااا حلاته..؟!

أما رقبتي تترنح يمنة ويسرة ... طبعاً عيوني سكنة في غفوة

وروحي عاشة حالة نشوة لذييييييذة وحسيت بطعمها كدا..!

وأصابع ايادي شغاله فرقعة ...ووجهي بين الابتسامه والأشراح

وخيالي وعقلي بيسافر مع الكلمات والنغم بزمن واحد ..ياااالله

وصلي الله عليك يااااااحبيبي إن شاء الله الليله نتلاقا اليوم ميعادنا

عماد ياخىى..

سلام شديد..

ياخ دا تصوير جميل خالص عبر عنى وعن احبة كتاار ..

الحالةدى ما بتصيب كل الناس الا المصابين بلوثة الجمال ..

باين اصابتك سيفير خالص واتمنى الا تشفى ابدا ..

جملت البوست دا بحضورك الانيق..

Quote: عليك الله سجليني من ضمن الاحبة

عماد الاحبة ديل مابسجلوهم بتلقاهم قاعدين ومتحكرين فيك من حيث لاتدرى

وطالما دى حالتك الشفتها دى اكيد احبة ونص وخمسة..

Post: #22
Title: Re: حن ياقمر.....الاهداء للاحبة...
Author: لؤى
Date: 06-06-2008, 03:27 PM
Parent: #1

أميرة
إزّيّك

أسمعيني
أيّ أغنية تختّيها هنا تاني أنا بشيل فيها ضريبة

روعة

أنـا في البـعـيـد مُـشـتـاق لهـمـسـة من الوطن يا نـسـمـة

Post: #23
Title: Re: حن ياقمر.....الاهداء للاحبة...
Author: هاشم أحمد خلف الله
Date: 06-06-2008, 03:33 PM
Parent: #22

إختيار موفق يا أميرة , تسجيل حضور ومتابعة ودي قعدة في بوستك ده

Post: #30
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 06:20 PM
Parent: #23

الاخ هاشم احمد خلف الله..

اقعد واتوهط بساط الاحبة ماهل وحنين بشيلنا كلنا...

بركة بالشوفة..

Post: #27
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 06:09 PM
Parent: #22

Quote: أيّ أغنية تختّيها هنا تاني أنا بشيل فيها ضريبة

لؤى....

كيفك..

عارفاك كوجنكة* كبير فى مسالة الاغانى وكمان معاك تمبس وحسام وكمان

ظهر منافس جديد هو اخونا محمد عثمان...

طبعا اكيد بتعتبر دا سطو جميل..

لكن الضربية ليه ??? الحالة لسة ما دخلناالفصل بتاع محو الامية التقنية

____________________________________________________________
كوجنكة دى اصلى ما بشرحها ليك..

Post: #28
Title: Re: حن ياقمر.....الاهداء للاحبة...
Author: محمد عثمان
Date: 06-06-2008, 06:14 PM
Parent: #27

اميرة...

شكرا للاهداء
اغنية جميلة جدا...

ــــــــــــــــ
تنفع شعار للنادى

Post: #32
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 07:37 PM
Parent: #28

تنفع شعار للنادى

محمد عثمان...

انت لسة مهلوس بالنادى ..باين المفعول عالى والجرعة كبيرة عليكم..

افلا نامت اعين المتزوجين..

شكرا على الطلة ..سمعتنى جبت سيرتك ??

Post: #29
Title: Re: حن ياقمر.....الاهداء للاحبة...
Author: لؤى
Date: 06-06-2008, 06:17 PM
Parent: #27

Quote:
كوجنكة دى اصلى ما بشرحها ليك..

عليـــــــــك الله ياخ

أنـا في البـعـيـد مُـشـتـاق لهـمـسـة من الوطن يا نـسـمـة

Post: #24
Title: Re: حن ياقمر.....الاهداء للاحبة...
Author: osman righeem
Date: 06-06-2008, 03:41 PM
Parent: #1

الاستاذه اميرة الشيخ
تحياتي

الاهداء للاحبة

هؤلاء السعداء لا يشقي جليسهم

Post: #25
Title: Re: حن ياقمر.....الاهداء للاحبة...
Author: khaleel
Date: 06-06-2008, 03:57 PM
Parent: #24

طيب يا اميرة عشان انتي ما بتجي بوستاتي

بقول اللي بسال مابتوه

Post: #26
Title: Re: حن ياقمر.....الاهداء للاحبة...
Author: قاسم المهداوى
Date: 06-06-2008, 05:10 PM
Parent: #25

نقول
سلااام
وايضا
تلصص حميد

قاسم

Post: #34
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 09:43 PM
Parent: #26

Quote: تلصص حميد

قاسم المهداوى......

هلا قاسم تلصص حميد ومع سبق الاصرار والترصد..

معا للمزيد من التلصص الجميل..

Post: #33
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 08:04 PM
Parent: #25

Quote: طيب يا اميرة عشان انتي ما بتجي بوستاتي

خلى ..

سلام كتير ...

مالك يومدااااك مشيت بدرى?? وحاة الله فاتك سماحة غنا..

ياخلى ياخ ما بينا بوستاتى ولا بوستاتك.. وحاةالله انا دايما بدخل

المنبر دا مستعجلة ومرات الصفحة الاولى ما بلحق اقراها كلها..

والبوست حقى كان لحق الصفحة التالتة الا اتصل بصديق وحاتك..

وانتى الايام دى مالك كل ساعة بوست جديد?

Post: #31
Title: Re: حن ياقمر.....الاهداء للاحبة...
Author: Amira Elsheikh
Date: 06-06-2008, 06:25 PM
Parent: #24

Quote: هؤلاء السعداء لا يشقي جليسهم

عثمان ,,,

ياسلام عليك وعلى الاحبة.. اينما وجدو تكون الدنيا غيير

Post: #36
Title: Re: حن ياقمر.....الاهداء للاحبة...
Author: خالد علي محجوب المنسي
Date: 06-08-2008, 09:19 PM
Parent: #31

الأخت الفاضلة أميرة الشيخ
تحية طيبة سلاااام
شكراً كتير على الكلم الطيب والطيب طيب وجميل

لكن هاك الأغنية بحسن الأداء وجمال الحضور المسرحي والتطريب والذي يحاكي
هديل الحمام شدوا

لك تحياتي واحترامي

Post: #39
Title: Re: حن ياقمر.....الاهداء للاحبة...
Author: Amira Elsheikh
Date: 06-09-2008, 06:47 PM
Parent: #36

خالد انجمامة..

كيفنك وكيف اهل الانجمامة...

شفت انجمامة الغنا دى سمحة كيفن??

تسلم وحضورك يسعدنى..

دمت منجم ورايق...

Post: #37
Title: Re: حن ياقمر.....الاهداء للاحبة...
Author: كمال سالم
Date: 06-08-2008, 10:49 PM
Parent: #1

أميره ,, إنشاء الله القمر حن ؟

إنت ود البشرى ده باسوردو عندك ولاشنو ؟ أى بوست فاتحاهاهو يجيك بعد دقيقه .
عقدتونا ,

ود البشرى ,, سلامات

Post: #38
Title: Re: حن ياقمر.....الاهداء للاحبة...
Author: Muna Khugali
Date: 06-08-2008, 11:04 PM
Parent: #37

يا بت يا قمر مشتاقين..
ومشتاقين أكتر لونسه متبادله من علي سريرين متقابلين..
انتي بشايك وأنا بقهوتي!

Post: #48
Title: Re: حن ياقمر.....الاهداء للاحبة...
Author: Amira Elsheikh
Date: 06-10-2008, 09:26 PM
Parent: #38

Quote: يا بت يا قمر مشتاقين..
ومشتاقين أكتر لونسه متبادله من علي سريرين متقابلين..
انتي بشايك وأنا بقهوتي!

منوية ست الناس...

كل ما اشوف ليك مداخلة فى بوست امشى وراهابس بيغلبنى اتكلم معاك..

قريب انتى يقهوتك وانا بشاهينى تحت ضل شجرة ماكنة..

كيفك واية ويسن..

مفاجأة فى زول جاى بريطانيا وكمان اتآمر معانا على شهر12 بمحبة شديدة..

ولا بوريك دا منو....

Post: #40
Title: Re: حن ياقمر.....الاهداء للاحبة...
Author: Amira Elsheikh
Date: 06-09-2008, 08:44 PM
Parent: #37

Quote: إنت ود البشرى ده باسوردو عندك ولاشنو ؟ أى بوست فاتحاهاهو يجيك بعد دقيقه .
عقدتونا ,

كمال سالم ..

سلاااام...

الباصويردات عندا بعضيها..زى ما بقول المثل...

وبعدين انتى ساكى ود البشرى ولاحنية القمر...

Post: #41
Title: Re: حن ياقمر.....الاهداء للاحبة...
Author: محمد عثمان
Date: 06-09-2008, 09:52 PM
Parent: #40

يا قمر انا ما بطولك
ادينى من نورك و ميض...

ــــــــــــــــــ
انا اسمى مكتوب.؟؟

Post: #42
Title: Re: حن ياقمر.....الاهداء للاحبة...
Author: خالد علي محجوب المنسي
Date: 06-09-2008, 10:17 PM
Parent: #41

Quote: خالد انجمامة..

كيفنك وكيف اهل الانجمامة...

شفت انجمامة الغنا دى سمحة كيفن??

تسلم وحضورك يسعدنى..

دمت منجم ورايق...

بس سمعتي يا اميرة المبدعة دي بتغني الأغنية دي كيف
بتشرح كل حرف كل نقطة بتعبير من وجهها أو يديها أو حركة تلقائية

ابقي زورينا يا اميرة

Post: #53
Title: Re: حن ياقمر.....الاهداء للاحبة...
Author: Amira Elsheikh
Date: 06-12-2008, 09:05 PM
Parent: #42

Quote: بس سمعتي يا اميرة المبدعة دي بتغني الأغنية دي كيف
بتشرح كل حرف كل نقطة بتعبير من وجهها أو يديها أو حركة تلقائية

خالد انجمامة...

سلام تانى..

لاسمعت لاشفت حاجة ..المشكلة تكون من شنو?

كدا حاول نزلها تانى..

Post: #49
Title: Re: حن ياقمر.....الاهداء للاحبة...
Author: Amira Elsheikh
Date: 06-10-2008, 09:59 PM
Parent: #41

Quote: انا اسمى مكتوب.؟؟

لسة بتسأال يامحمد عثمان??

Post: #43
Title: Re: حن ياقمر.....الاهداء للاحبة...
Author: salma subhi
Date: 06-10-2008, 06:40 AM
Parent: #40

أميرة
يسعد صباحك ومساك...

عارفة يا أميرة كل ما أجي داخلة البوست ده أقول أكتب شي تلقي الغنية سرحت بي لأنو جد بتخلي الشـعـور وافـر امـتـدادا

المرّة دي قلت كفاي بعاد روحـي طال جهادا والاّ أكتب ليك يا أميرة....

تسلمي على الذوق الرفيع.....

ودي

Post: #52
Title: Re: حن ياقمر.....الاهداء للاحبة...
Author: Amira Elsheikh
Date: 06-12-2008, 08:39 PM
Parent: #43

Quote: عارفة يا أميرة كل ما أجي داخلة البوست ده أقول أكتب شي تلقي الغنية سرحت بي لأنو جد بتخلي الشـعـور وافـر امـتـدادا

الجميلة سلمى صبحى...

ياسلام عليك وعلى شعورك الوافر الجميل...

تسلمى ياست الاحبة..

يااااا سلمى..

محبتى بلا حدود..

Post: #46
Title: Re: حن ياقمر.....الاهداء للاحبة...
Author: محمد البشرى الخضر
Date: 06-10-2008, 04:45 PM
Parent: #37

كمال سالم يا عمك..
Quote: إنت ود البشرى ده باسوردو عندك ولاشنو ؟ أى بوست فاتحاهاهو يجيك بعد دقيقه .
عقدتونا ,
بركة الوعيت يا يابا
و بطلت القهيية *

* القهيية دي يا بت الشيخ كم دايرة اشرحيها وكم ما دايرة كمان
لحقيها الكوجنكة

Post: #47
Title: Re: حن ياقمر.....الاهداء للاحبة...
Author: Amira Elsheikh
Date: 06-10-2008, 08:15 PM
Parent: #46

Quote: * القهيية دي يا بت الشيخ كم دايرة اشرحيها وكم ما دايرة كمان
لحقيها الكوجنكة

no comment ya farda....

Post: #44
Title: Re: حن ياقمر.....الاهداء للاحبة...
Author: Ishraga Haimoura
Date: 06-10-2008, 06:56 AM
Parent: #1

الحبيبة أميرة الشيخ

والله فاقدنك كتير وفقدناك أكتر في حفلة بكري

أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل. وموجودة أيضا بصوت الفنان الفرجوني وبصوت شقيقه الجقر

Post: #54
Title: Re: حن ياقمر.....الاهداء للاحبة...
Author: Amira Elsheikh
Date: 06-12-2008, 09:09 PM
Parent: #44

Quote: والله فاقدنك كتير وفقدناك أكتر في حفلة بكري

اشراقة حيمورة...

سلام وشوق كتيييير...

بش شوقنا نحن كووم تانى لا ليهو عد لا ليهو حد..

شوق حد الزهللة ياحبيبة..

جد مفتقداكم وكيف حال البنية...

Post: #45
Title: Re: حن ياقمر.....الاهداء للاحبة...
Author: معتصم دفع الله
Date: 06-10-2008, 07:47 AM
Parent: #1

ياخي الشوق اليفرتق رأسك الماكن دا

هسي دي عملية تعملوها فينا من الصباح ..
غايتو الله دا بحاسبكن فينا ..

قال الشوق قال ..

الزول البغني وبقعّد الغناء دا هو ( الجقر ) ..
زول غناي شديد وحكاي في الحقيبة يطربك ..

Post: #50
Title: Re: حن ياقمر.....الاهداء للاحبة...
Author: عبدالكريم الامين احمد
Date: 06-10-2008, 10:03 PM
Parent: #45

ياجماعة ممكن نهدي..؟؟

Post: #51
Title: Re: حن ياقمر.....الاهداء للاحبة...
Author: معتصم ود الجمام
Date: 06-10-2008, 11:11 PM
Parent: #50

اميره قمر منو
وانت شغاله معاي الكديسه شنو كده الفار
تتصلي ما ارد اتصل ما تردي
شنو يا خ ولا انت مع القمر

Post: #55
Title: Re: حن ياقمر.....الاهداء للاحبة...
Author: خالد علي محجوب المنسي
Date: 06-12-2008, 10:28 PM
Parent: #51

Quote: خالد انجمامة...

سلام تانى..

لاسمعت لاشفت حاجة ..المشكلة تكون من شنو?

كدا حاول نزلها تانى..

المشكلة تكون يا أميرة أنك ماعاوزة تسمعي شئ نرلتو أنا
لانو أنا شايف وسامع وأفتكر برضو ودالبشرى سامع وشايف وسلمى صبحي انت برضو مش سامعة وشايفة

أها تكون المشكلة وين النت عندك بي الدين ولا سداد مقدم حلي دي بتقلي حل للمشكلة

تحياتي ومودتي

Post: #60
Title: Re: حن ياقمر.....الاهداء للاحبة...
Author: Amira Elsheikh
Date: 06-14-2008, 05:38 PM
Parent: #51

Quote: شنو يا خ ولا انت مع القمر

اكيد معاهو بس هو ماراضى يحن يااااااخ اتوسط لينا عندو,,,,,

ياااخ مشاقين كنت دايرة اشوفك جيت من السودان عامل شنو؟؟

بحاول اتصل عليك بس حن وارفع التلفون ياصاحبى,,,,,,,,,

Post: #59
Title: Re: حن ياقمر.....الاهداء للاحبة...
Author: Amira Elsheikh
Date: 06-14-2008, 05:34 PM
Parent: #50

Quote: ياجماعة ممكن نهدي..؟؟

فى ظل الظروف الحاليه ماممكن طبعا...

لانو الغنى بالعربى وكدا بتدخل الاسنلاب العروبى من اوسع ابوابو

عشان كدا خلينا نهجج وماتستلب لينا البوست دا

Post: #58
Title: Re: حن ياقمر.....الاهداء للاحبة...
Author: Amira Elsheikh
Date: 06-13-2008, 09:29 PM
Parent: #45

Quote: ياخي الشوق اليفرتق رأسك الماكن دا

معتصم الشين..

يفرتقو اكتر من كدا كيف??حتى فى جزء معروض مع الباصويرد بتاعك..

ااااخ نسيت..

انتى واحد من الناس ما تتكلم معانا..الا بعد القمر يحن..

Post: #56
Title: Re: حن ياقمر.....الاهداء للاحبة...
Author: Alsa7afa_30
Date: 06-12-2008, 10:42 PM
Parent: #1

أميرة

سلام

و معك ننادي :حن يا قمـر

.
.

ياخي عاصم البنا و ياسر تمتام ديل لما يتلمو بيجننو الحقيبة جن !!!
و كمان شكلو معاهم عوض أحمودي على العود !!

________________

انتي بتذاكري من ورانا ولا إيه ؟؟

Post: #57
Title: Re: حن ياقمر.....الاهداء للاحبة...
Author: عصام علي أحمد
Date: 06-13-2008, 07:04 AM
Parent: #1

اميرة تحياتى

ياسر تمتام حيكون معاى فى الايام الجايه
تعالى انت والسنى وحلوم

حتشبعوا حقيبة وغنى يسلطن الراس