Post: #1 Title: تراجي مصطفي امرأة بحجم الوطن!!! (2) Author: Abdulgadir Dongos Date: 06-05-2008, 05:34 AM Parent: #0
+
التقيتها عبر كتاباتي بسودانيز أون لاين، وما أعظم أن نلتقي الأفراد عبر القلم. صقلت المعرفة بالألتفاف حول قضية أهلنا بدارفور الحبيبة، فكانت العظيمة تراجي أحد الذين نذروا أنفسهم ليدحروا الظلم الذي ألم بأهاليهم. لا أرغب في أن أصف الأخت تراجي بالشجاعة لأنها فوق ذاك الوصف، فهي أنسانة في أول المقام. أجل يا صحاب ، انسانة لأنها فضلت أن تكون كذلك بعملها الدؤوب لأجل آخرين. فحقا كانت الصوت والقلم والحقيقة التي تعكس معاناة أهلنا بدارفور وخاصة نساء دارفور. في زمن تواري فية حملة الأقلام من قبيلة المتعلمين، وأشمئذت نفوس أؤلائك العطب الذين احتكروا السودان ومصير أهله، كانت العظيمة تراجي تجوب المدن هاتفة لسقوط الظلم عن أهل دارفور خاصة والسودان عامة. أخيرا وبعد فترة تفوق العام، قررت أن أشد الرحال لأراها عن كثب. اصدقكم القول يا صحاب، فقد كانت قمة عليا مما أرتأيت. ليس هذا رأي فحسب، بل رأي أخوة أعزاء أصتحبتهم معي اليها. رأيت بأم عيني جسارة تلك المرأة . رغم ظروفها الخاصة، لم تبرح الأبتسامة شفتيها طيلة وجودنا بحضرتها. وعلم الله رأيت فيها صدقا أزاح عني عناء سنينا عددا، وتشاؤم ظل يتردد الي نفسي كلما قرأت لأصحاب السهام الصدئة هراء يبتغون النيل من تراجي أو غيرها من أصحاب القضايا في السودان. قبل أن أقرأ بعض الترهات عن الأخت تراجي، كنت أبحث عن مقام يليق بها لأزف لها شكري وعظيم أمتناني لأستضافتنا في منزلها العامر، وتالله كتبت أكثر من رسالة شكر، الا أني لم أحس بأني عبرت عما تكنه جوانحي من احترام لتلك المرأة. ما تفعله تراجي أعظم مما تناله بعض الأقلام التي تكتب في الخفاء وتتواري خلسة أن دعي الداع. أكتب هذه الكليمات شاكرا تراجي لما تقوم به من عمل لأجل وطنها وداعما لاجل فكرتها حتي وان أختارت ان تتعامل مع شارون ذات نفسه. لك التحية والأحترام سيدة تراجي، ودمت ذخرا وكنزا لوطنك، وعظيم مودتي لك وللأسرة الكريمة.
Post: #2 Title: Re: تراجي مصطفي امرأة بحجم الوطن!!! (2) Author: Tragie Mustafa Date: 06-05-2008, 05:53 AM Parent: #1
دنقس يا حبيب.. انت عايز تخفف على اختك هجمة ظلامي وعروبي وجلابة المنبر الآخيرة بالبورد ولا شنو؟؟؟
تشكر يا غالي وتعلم تماما انني من عشاق حروفك...واحب كتابتك جدا... وعارف..انت وقلة...لو بيدي اموال..فاني اعتقد ان امثالكم يجب ان يفرغوا للكتابة لهذا الشعب المتعطش لمثل كتابتكم.
واحس بالآمان ان ببلادي رجالا مثلك اوفياء....مستنيرين وواقع لهم الامر العام بشكل جيد جدا....ويحلمون الوطن بحدقات عيونهم قلوبهم كبيرة تحمل حبا لكل ابناء الشعب وتعطف حتى على الاعداء وتراهم بانهم فقط اغبياء وكان حالك في الردود على بعضهم يذكرني قول الشاعر:
وارفق بابناء الغباء كانهم عميا...... فان الجهل شيئا كالعمى.
عارف يا دنقس لو بيدي كل هؤلاء.... 1)عبد القادر دنقس 2)تماضر شيخ الدين 3)عادل عثمان 4)محمد سليمان 5)تاج الدين آدم 6)آمنه مختار 7)مرتضى جعفر 8)عمر علي 9)الباقر موسى 10)الباقر العفيف 11)اندرو كوت 12)آدم صيام 13)الصادق ضرار 14)ثروت سوار الدهب 15)عبد الغني بريش فيوف
لو بيدي افرغكم تماما للكتابة...باجر...لان للحياة التزامتها... وضروري ان نوفر لكم احتياجاتكم فقط للتفرغوا للكتابة لاهل السودان الجديد.
فملكاتكم مذهلة..و الكلمة طيعة لديكم... و الرؤية و البصيرة متوفرة ايضا كل هذه الصفات تجعل منكم كتاب الشعب بلا منازع.
غايتو يا دنقس كان عندي بت ماكان خليتك لايص لليوم لو بالفكي كان كتبتك ليها. ربنا يصونك يا اخي لشبابك ويجنبك الغربة وشرورها
Post: #3 Title: Re: تراجي مصطفي امرأة بحجم الوطن!!! (2) Author: doma Date: 06-05-2008, 07:02 AM Parent: #2
Quote: غايتو يا دنقس كان عندي بت ماكان خليتك لايص لليوم لو بالفكي كان كتبتك ليها. ربنا يصونك يا اخي لشبابك ويجنبك الغربة وشرورها
طيب ما تكتبي لبت اختك دومه وكت بتعرفي تكتبي
Post: #4 Title: Re: تراجي مصطفي امرأة بحجم الوطن!!! (2) Author: Tragie Mustafa Date: 06-05-2008, 07:07 AM Parent: #3
Quote: طيب ما تكتبي لبت اختك دومه وكت بتعرفي تكتبي
كيف مش قال علينا كده الشايقي صلاح ابو اديه اخو القلب النابض؟؟!!
آمونه قالت الجلابي الذي احببت
جاء قال لها قولي
Quote: الجلابي الذي كتبت!!
في اشارة قذرة منه لان الجلابي لن يحب بشكل طبيعي بت الهامش!!
Post: #5 Title: Re: تراجي مصطفي امرأة بحجم الوطن!!! (2) Author: doma Date: 06-05-2008, 07:40 AM Parent: #4
لوول غايتوا مكايداتكم عينه انتوا وناس اب ديه اها اسه ما تكتبي لبنيتي دنقس دا
Post: #9 Title: Re: تراجي مصطفي امرأة بحجم الوطن!!! (2) Author: Abdulgadir Dongos Date: 06-06-2008, 04:35 AM Parent: #5
+
Quote: اها اسه ما تكتبي لبنيتي دنقس دا
أستاذة دومة تحية طيبة، وكل سنة وأنت طيبة.
ليه ما تخلي الكتابة تكون من دون وسيط دنقس أهلوا فقراء بروبوا المويةعشان كده أحسن الكتابة تكون ماسنجرية ولا عذر لمن أنذر
عايني للوسطاء
أها نبقي لجنس دا
أعلان التوبة
تسلمي يا أم النسب.
دنقس.
Post: #11 Title: Re: تراجي مصطفي امرأة بحجم الوطن!!! (2) Author: doma Date: 06-06-2008, 08:00 AM Parent: #9
Quote: أستاذة دومة تحية طيبة، وكل سنة وأنت طيبة.
عبد القادر ولدي النبي كان تقول لي استاذه احب اسمع منك كلمه الوالده دومه لاني دا احساسي تجاهككم وحبابك الف من غير كتابه يشيلك الراس قبال الكتف .
Post: #8 Title: Re: تراجي مصطفي امرأة بحجم الوطن!!! (2) Author: Abdulgadir Dongos Date: 06-06-2008, 04:15 AM Parent: #2
+
Quote: غايتو يا دنقس كان عندي بت ماكان خليتك لايص لليوم لو بالفكي كان كتبتك ليها.
تراجي الجميلة، تحية وود. لكن يا تراجي ما قالوا عرق المحبة ما بشتغل لما تقطعيهو البحر (المحيط) يا زولة عرق محبة شنو، أهو طلعت لينا نسيبة (الخالة دومة)
دنقس.
Post: #6 Title: Re: تراجي مصطفي امرأة بحجم الوطن!!! (2) Author: بكري الخير Date: 06-05-2008, 08:25 AM Parent: #1
دنقس
انت ما عندك موضوع ولا شنو؟؟
بتدافع عن هذه التي ظلت تكتب عن الجلابة والغرابة في اشارة سوداء منها لتمزيق النسيج الاجتماعي السوداني؟؟
تراجي: المجموعة بتاعتك دي انشا الله تضوي ليك
Post: #7 Title: Re: تراجي مصطفي امرأة بحجم الوطن!!! (2) Author: حواء سليمان ابراهيم Date: 06-05-2008, 10:16 AM Parent: #6
دنقس يا اخوى تراجى دى انسانة جميلة الدواخل لقد لمست منها مواقف انسانية قل ما تجدها فى هذا الزمان تراجى كبيرة وكبيرة جدآ فى مواقفها ( هووووى ما كبيرة عمر )
Quote: دنقس يا اخوى تراجى دى انسانة جميلة الدواخل لقد لمست منها مواقف انسانية قل ما تجدها فى هذا الزمان تراجى كبيرة وكبيرة جدآ فى مواقفها
شكرا أخت حواء، ويعلم الله كان قابلتيها في الحقيقة، يسرقك الوقت. تراجي أنسانة روحها ملئي بحب الناس والحياة. عظيم الود أخت حواء.
دنقس.
Post: #10 Title: Re: تراجي مصطفي امرأة بحجم الوطن!!! (2) Author: Tragie Mustafa Date: 06-06-2008, 05:42 AM Parent: #6
دنقس كيفنك؟؟؟ وكدي خليني اشوف الجلابي ده بكري الخير....
يا بكري الخير انت راجل ما بتخجل..عارف لو منك عشان الترحيب بك بس الحميم واصيل ما مفروض تكتب الكتبته ده .زمتابعاك انت الاصل ما قاعد تكتب الا نادر ومجموع مدخلاتك كلها 212 لقيت مخصص منها قريب ل 3 لتراجي مصطفى!!
Quote: بكري مرحب بك ومنور وبطل حركات البرالمه دي رد على ضيوفك وخلي بوستك فوق في السماء الاحمر مش تخليه يحتل تحت وتقول فتحوا لي وما رحبوا بي!!
ما كتبه محمد عكاشة عنك فعلا يجعلنا ننتظر منك الكثير خاصه انك مقيم في ارض الجمال (الاحفاد)
Quote: ابوبكر احمد محمد الخير (بكري الخير) من مواليد بربر – دارمالي 1976 خريج جامعة امدرمان الاهلية كلية الاداب قسم اللغة الانجليزية 1999 ماجستير ادارة اعمال من جامعة امدرمان الاسلامية اعمل بمعهد دراسات المرأة والنوع والتنمية – جامعة الاحفاد للبنات - مسجل للدراسات العليا بالمعهد شاركت وقمت بالتنسيق للكثير من المؤتمرات وورش العمل والندوات
الف مرحب بك .... ومنتظرنك بالكثير.
عارف انك جلابي ليه وليس شمالي فقط ؟؟؟؟لانك ناكر للحق شوف انا رحبت بك بكل براءة وبصدق وطيبة حقيقيه,ليه رحبت بك تفتكر؟؟ ما عارفاك شمالي قايلني؟؟؟؟كنت عارفاك شمالي..لكن ما قايلاك جلابي!! ودي تمشي وتبحث عن معنها لانك كما يبدو جاهلا بها.ولقد تعبنا من شرحها للمدعين بعدم الفهم.
طيب وكمان خليني ارويك انت جلابي ليه... كموظف بقسم دراسات الجندر بجامعة الاحفاد تقدر تقول لي يوم بالغلط قررت تكتب ولو سطر واحد عن كل التعديات ضد النساء و البنات التي حدثت بدارفور مؤخرا؟؟؟ لماذا لم تحدث عندك ردة فعل تستحق ان تسطر بخصوصها بوست ولو واحد..خليك من بوست ولا وقعته على رفض اعتقال ولا رفض تعذيب او ادانة لكل الانتهاكات البتحصل لناس دارفور!!
وجاي تعترض على لماذا سميناكم جلابة!!
Post: #12 Title: Re: تراجي مصطفي امرأة بحجم الوطن!!! (2) Author: حيدر حسن ميرغني Date: 06-06-2008, 08:04 AM Parent: #10
والله يا دنقس إتلومت في الوطن أب ضراع ده وتراجي ذاتها كريمة وإنت بتستاهل؛ لدرجة لو ربنا أداها (قريشات) دايرة تفرغك للكتابة؛ وكتابات تراجي تبْرهِن على أي نوع من الكُتّاب تقرأ؛ وأها النوريك الكرم الـ(مو) كرم تراجي، أنا القدامك ده لو ربنا أداني قريشات، أوديك تقرأ من جديد، أ ب ت ث.. عشان تجي راجع تمحو أمية أختنا تراجي؛ عشان تاني لما تكتب جنس عنوانك (الماكِن) ده، الناس ما يقولوا ليك: "دننننننننن"
المهم يا صديق، لحين ما ربنا يدينا القريشات، نقول ليك:
