عادة سرية (جداً) ..!!

(*)

(نفوس) كانت تسكن أقصى طرف الحي , ..

كانت أسمها (نفيسة ) , ولكنه لم يكن يحمل جرساً رومانسياً , ..

أو هكذا تزعم (نفوس) , ..

أسمت نفسها (نينا) ولكن (حسن البعيو) و(أبوالليل ) سخرا منها , ..

لأن ضخامة حجمها وعمرها الذي مضى نحو عقدهاالرابع لا يتناسبان , وجرس موسيقى (نينا) , ..

فقالت :

شكيت محنكم, هي بس بقت علي أنا ,.. خلاص خليتا (نفوس) عشان خاطركم ..!!

(*)

(حسن البعيو) , يدعي أنه (فونجاوي) , أي أنه ينتمى إلى (الفونج) , ..

الذين أسسوا دولة السودان بشكلها الحديث , ..

(نفوس) تتشكك في أمر زعمه هذا , وتقول:

إنتا يا سجمان كلك قدر ضراعي دي ..

مخولق , والهوا يشيلك , أنا الزيك ده لو سمعوا بيهو (بات معاي) , بخرب سمعتي ,

في السوق , ..!!

يرد عليها (حسن البعيو) :

أسي الجاب سيرة المبيت معاك منو , إنتي باين عليك مكسرة فيني ساي , ..

أنا (فونجاوي) سيد البلد دي , والزيك دي ما مستواي , ..!!

قبل أن ترد عليه , بعد أن أغضبها تهكمه يأتيهم صوت (عمر كاوية) صائحاً :

يا (نفوس) البوليس كبس على بيت (أبوالليل) ..!!

Quote: (عمر كاوية) (أبوالليل)

والله ايام يا كمال...


واصل السرد الجميل ..

Quote: والله ايام يا كمال... واصل السرد الجميل

إنشا الله توصلم تحاياي ومحبتي , أينما كانوا ..

(حسن البعيو) آخر عهدي به , يعمل مساعد مكانيكي مع (ودالملك) قدام مطعم البحر الأحمر في السوق

العربي ..

لكنه أختفى ..

أتمناه بخير ..

*
.قاصي اترك في الحكي.....

Quote: .قاصي اترك في الحكي.....

فوق

Quote: فوق

شكراً يا(محمدالمعتز) على جعل سيرتهم عالياً ..

(*)

(والله إتأخرتوا شوية ياجنابو , .. البنقو ده كان شوالين أسي بقى كم قندول كده , بعتو كلو)


هكذا بادر (أبوالليل) الضابط الذي ظهر من خلف (عساكره ) بعد إقتحامهم بيته , ..

رد الضابط وقد بدا راض عن غنيمته :

ده كفاية يا(أبوالليل) بوديك (سجن أمدرمان) عشرة سنة كده ..!!

رد (أبوالليل) :

والله بس ما مقامك يا(جنابو) .. لو عارفك جاي كنتا خليتم ليك كم شوال كده , تترقى بدل ما قاعد مقدم

من أيام (البوليس أب ردا) ..!!

رد الضابط :

بطل فصاحة يا (أبوالليل ) ..!!

ثم أشار إلى عساكره لأخذه إلى البوكس بالخارج ..!!

Quote: بخرب سمعتي , في السوق , ..!!

قدر ده
الله يجازي محنك يا كمال
حضور ومتابعة

Quote: قدر ده الله يجازي محنك يا كمال حضور ومتابعة

حسين ياجميل ..

تسلم , ..

حضورك يسعدني دائماً ..

عاطر ودي ..

Quote: (حسن البعيو) آخر عهدي به , يعمل مساعد مكانيكي مع (ودالملك) قدام مطعم البحر الأحمر في السوق العربي ..

عاد كذلك يا كمال ولكن معلم ميكانيكي كبير ويعمل لحسابه بعد عودته من امريكا ( نعم حظي بفرصة لوتري) ولكنه آثر العودة لغبار الخرطوم ..


قبل ايام قابلته وسابلغه تحاياك ..

Quote: عاد كذلك يا كمال ولكن معلم ميكانيكي كبير ويعمل لحسابه بعد عودته من امريكا ( نعم حظي بفرصة لوتري) ولكنه آثر العودة لغبار الخرطوم .. قبل ايام قابلته وسابلغه تحاياك ..

منو فيهم الكان في (أمريكا) ..؟

(حسن ) ولا (ودالملك) ..؟

Quote: ( نعم حظي بفرصة لوتري) ولكنه آثر العودة لغبار الخرطوم ..

(*)

(أبوالليل) , يقال أن أسمه (آدم) , ..

لكن هذا اللقب طغى على إسمه , لأن شكله كان أقرب إلى أن يكون (أبوالليل) , ..

كان نحيفاً , طويلاً , أسوداً , وعيناه لا تتناسبان مع شكله , ..

كان (أبوالليل) يمتلك عينان بحجم كرة (المضرب) , تبرزان إلى الأمام , ..

كان يمتهن (بيع) البنقو , ولكنه , كان إنساناً بكل ماتحمله الكلمة من معنى , ..

طيب القلب , ودوداً , مسالماً , ..

وكان صاحب واجب ..!!

(*)

(حسن البعيو) , كان (ميكانيكياً) شاطراً , ..

يفتح ماكينة السيارة ويجلس عند حافتها , ..

ولو أن غطاء الماكينة أغلق عليه , فسوف يظل يلعن بالداخل , حتى يلحق به أحدهم , ..

كان بحجم زراع (نفوس) , فعلاً , ..

لأن (نفوس) كانت عملاقاً , وكانت تحمل ثديين بحجم أخانا (حسن البعيو) , ..

(حسن ) كان يدعي أن (نفوس) ليست (التيب) بتاعو , ..

وكانت الجملة الأنجليزية الوحيدة التي ينطقها طوال يومه , ..

بل ربما طوال حياته , ..

ربما سمعها من صديق أمسياته (بروفسور عبدة) , ..

فليس خافياً أن (حسن البعيو) و(د. عبدة) الأستاذ الجامعي , والمثقف التقدمي , ..

تربطهما صداقة حميمة , ..!!

{نفوس} دى حبيتها وحاسة انى بعرفها




متابعة.... بتابع كل الكتابات البتلامس {ناسنا}




واصل ياكمال

Quote: نفوس} دى حبيتها وحاسة انى بعرفها متابعة.... بتابع كل الكتابات البتلامس {ناسنا} واصل ياكمال

دكتورة / إشراقة .. تحايا عطرة


(نفوس) و(حسن البعيو) و(ابوالليل) وصحبهم , أساطير عاشت بين الناس , ..

لهم محبتي ..

وسأواصل ..

متابع وفى انتظار جلكسات ابوالليل وتعليقات نفوس














ونفسين من الاخضر

Quote: متابع وفى انتظار جلكسات ابوالليل وتعليقات نفوس ونفسين من الاخضر

سلامات ياباشمهندس ..

تراودني نفسي كثيراً , منذ وقت وطيل مضى , ..

على نبش حكاياهم ..

سلام عليهم في الأولين والآخرين ..

عاطر حبي ..

(*)


(نفوس) كانت تستطيع أن تسد الطريق على (مدرعة ) من (مدرعات الجيش) , ..

حسبها أن (قزة كوع) على وسطها , وصدرها الذي يزن أطناناً , يمتد أمامها , ..

ذات يوم كان (البوليس) يبحث عن (حسن البعيو) , ..

لجأ (حسن البعيو) إلى أصدقاء عدة , وسرعان مايفاجأ بأن (البوليس) قد لحقه , ..

تسامع الناس نبأ البحث عن (حسن البعيو) , ولم يستطيعوا فعل شئ , ..

حتى أخبر أحدهم (نفوس) , ...

(نفوس) جزعت له , ..

ومضت تمشط الشوارع والبيوت بحثاً عنه , ..

وجدوها باكية تجلس على عتبات (بيت أبوالليل ) الذي آل إلى (خراب) بعد القبض عليه , ..

غنت له ولأبوالليل مناحة تناقلها الناس :

(حسن البعيو) حبيب قلبي , ..

ماشفتو ..

(حسن البعيو ) صديق كربي ..

ماشفتو..

(حسن البعيو) رسول ربي ..

ماشفتو ..

وهنا ظهر لها (حسن البعيو) فجأة , وأنتهرها قائلاً :

يا(نفوس) رسول شنو , عاوزة تجيبي لي الهوا كمان , أنا قضيتي (قطعة بنقو) , ..

عاوزاهم يلحقوني (محمود طه) داك الله يقطعك , ..

ردت فرحة :

هي بركة الشفتك طيب , (محمود طه ) ده شنو , ورسول شنو يا سجمان إتا , القافية حكمت ساي , ..

وبدأ شجارهما المعتاد ..

وجفت دموع (نفوس) على (حسن البعيو) , ..

وبدأت في تحقيره وشتمه ..!!

(*)


إمتد شجارهما لدقائق معدودات , ..

ثم بدأت (نفوس) في الصياح :

يا(بوليس) البعيو ود الكلب أهو ده ..

يابوليس (البعيو) أهو ده تعالوا أمسكوهو ريحونا منو ..

صاح فيها (حسن البعيو) قبل أن يولي هارباً :

سمح يا(نفوس) بأدبك , بتسلميني للبوليس ..


ثم ركض وأختفى من أمامها , ..

عادت تنوح عليه بعد أن غاب عن أنظارها :


حسن البعيو مابستاهل

حسن البريدني وبتتاقل

حسن ...

لابد أن (كاوية) و(أبوالليل) يذكرون بقية المناحة , ..

سألت عنها (حسن البعيو) ذات يوم فأنكر حدوث الأمر , ..

ظناً منه أن (نفوس) ليست من مستواه وأنه سيتزوج (مصرية) بيضاء , ..

حسب زعمه المصريين لن يرفضوا تزويحه , ..

حسبه أن يجمع (التفتوفة) ..!!*



___________________________________

*(التفتوفة) في معجم (حسن البعيو) تعني مالاً كثراً ..!!

ود الزين .. الرجل الذي خير من أنجبته الـ (إم بي تي) ...
ياخي تعال هنا ...
أنا كل ما أبدأ أتصفح أول حاجة بكوس بوستاتك ... وماتجي تقول لي لشنو
" بكوس الفوق دي من الكواسة يعني - والكواسة في معاجيم أهل العوض "اللهو نحنا" تعني الفِتّيشْ الفِتّيشْ"...
إنشاء الله بعد التعب دا كلو تستوعبببها.
غايتو وأصل ومتابعنك وماشين معاك ... شوف أأود الزين أخوي"الجمع هنا للتفخيم وكدا "...
عشان مايجي ناطي لي واحد ذي ناس تمبس ويقول لي هوي اللخو أتكلم عن نفسك وبس . باقي لازمًا الواحد يعمل حسابوا وكدا ...


عاين جاي !!
















ـــــــــــ
العوض رجع ولا لسة

صديقي:
من زمن الحكايات الانسان

أنت حتما ولابد جان حابسلو كنز

الكلام دا بتغوص وتلبد وفت تجي ناطي بيهو
بتجيبو من وين

باخي البعيو بتاعك دا ونفوس
تحس بيهم ماشين بيناتنا
وعايشين
وكان مكضب شوف لمان نفوس وزت عليهو البوليس والحوار البينهم

انت كنت حاضر؟؟

ياأخي اولا اتّر الراجل الأولاني داك
روحتو وما خبرت درب ترجعوا

لكن تعرف انا الكان رايح مني لقيتو
وزاد الألق
والحنين يتغلل كما الماء في ساق النبتة الندية
واصل أصلو الحاصل حاصل
بهاء

رائع ياكمال

واصل ....

ريحنا من المرض الفى البورد ده...

خطك جميل ...

Quote: (حسن ) ولا (ودالملك) ..؟

البعيو ذات نفسه..

وطبعا جا من امريكا بقصص وحكاوي يتابعها ( الفرد ) منذ الصباح وحتى مغيب الشمس وتزداد حبكتها (في الصباحيات ) ..

Quote: البعيو ذات نفسه.. وطبعا جا من امريكا بقصص وحكاوي يتابعها ( الفرد ) منذ الصباح وحتى مغيب الشمس وتزداد حبكتها (في الصباحيات ) ..

ياسلام ياخي , كثيراً ماحلم بالسفر إلى أمريكا , ربنا حقق حلمو لأنو حبوب وطيبان , بس أنا عارفو

برجع , ..

(البعيو) لا ينفع إلا أحد الكادحين , ..

لا يستطيع العيش إلا مهمشاً , يأكل في جماعة , وينام في جماعة , حياته كلها كان جزء من كل ..


سلام عليه ومحبة ..

Quote: رائع ياكمال واصل .... ريحنا من المرض الفى البورد ده... خطك جميل ...

صلا ح أبودية .. نهار سعيد

تسلم ياسيدي على حسن ظنك ..

عاطر ودي ..

Quote: صديقي: من زمن الحكايات الانسان أنت حتما ولابد جان حابسلو كنز الكلام دا بتغوص وتلبد وفت تجي ناطي بيهو بتجيبو من وين باخي البعيو بتاعك دا ونفوس تحس بيهم ماشين بيناتنا وعايشين وكان مكضب شوف لمان نفوس وزت عليهو البوليس والحوار البينهم انت كنت حاضر؟؟ ياأخي اولا اتّر الراجل الأولاني داك روحتو وما خبرت درب ترجعوا لكن تعرف انا الكان رايح مني لقيتو وزاد الألق والحنين يتغلل كما الماء في ساق النبتة الندية واصل أصلو الحاصل حاصل بهاء

تعرف ياصديقي بتاع (اليابان) ,

كلما تغير الناس والحال , ..

أحن إلى زمان المحبة والتسامح وعين الرضا التي عن كل عيب كليلة , ..

هذه العين أضاعها مشروع بسط الأمن الشامل , ..

وكتائب العسس , ..

ومحاكم التفتيش الجديدة ..

أما عن أتر الراجل الأولاني داك , ...

فلن أيأس حتى أتبين خبره , ..

عاطر ودي ..

Quote: والحنين يتغلل كما الماء في ساق النبتة الندية

Quote: باخي البعيو بتاعك دا ونفوس تحس بيهم ماشين بيناتنا وعايشين وكان مكضب شوف لمان نفوس وزت عليهو البوليس والحوار البينهم انت كنت حاضر؟؟

Quote: ود الزين .. الرجل الذي خير من أنجبته الـ (إم بي تي) ... ياخي تعال هنا ... أنا كل ما أبدأ أتصفح أول حاجة بكوس بوستاتك ... وماتجي تقول لي لشنو " بكوس الفوق دي من الكواسة يعني - والكواسة في معاجيم أهل العوض "اللهو نحنا" تعني الفِتّيشْ الفِتّيشْ"... إنشاء الله بعد التعب دا كلو تستوعبببها. غايتو وأصل ومتابعنك وماشين معاك ... شوف أأود الزين أخوي"الجمع هنا للتفخيم وكدا "... عشان مايجي ناطي لي واحد ذي ناس تمبس ويقول لي هوي اللخو أتكلم عن نفسك وبس . باقي لازمًا الواحد يعمل حسابوا وكدا ...

عصام الجيلي

تحياتنا وكده ..

(صاحب الرايحة بفتش خشم البقرة) يعني ؟

تكوس شنو ؟ إنتو (أهل العوض) ديل منجم الحكايات والأساطير ..

بقبل عليكم يوم عندي فيكم عود كبير ..







_________________________

(العوض) جاب شحنة(قنقليز) من الغرب وجا

حسن البعيو ونفوس ديل شكلهم كدا كان بعدن يتصايحن وكان قربن يتناطحن

السرد جميل فيه عبق القصص الشعبية المنسية واصل

Quote: حسن البعيو ونفوس ديل شكلهم كدا كان بعدن يتصايحن وكان قربن يتناطحن السرد جميل فيه عبق القصص الشعبية المنسية واصل

عادل عبدالعزيز عبد الرحيم سلامات

مرحباً بك بالبورد ..

وبيننا هنا ..

عاطر التحايا

Quote: غنت له ولأبوالليل مناحة تناقلها الناس : (حسن البعيو) حبيب قلبي , .. ماشفتو .. (حسن البعيو ) صديق كربي .. ماشفتو.. (حسن البعيو) رسول ربي .. ماشفتو .. وهنا ظهر لها (حسن البعيو) فجأة , وأنتهرها قائلاً : يا(نفوس) رسول شنو , عاوزة تجيبي لي الهوا كمان , أنا قضيتي (قطعة بنقو) , .. عاوزاهم يلحقوني (محمود طه) داك الله يقطعك , .. ردت فرحة : هي بركة الشفتك طيب , (محمود طه ) ده شنو , ورسول شنو يا سجمان إتا , القافية حكمت ساي , .

حوار جيد

Quote: حوار جيد

شكرا (محمد المعتز)

الزين /كمال الزين ازيك وان شاء الله شديد
يعجبنى اهتمامك بتاريخ من تعرفهم ومن هم محيطين بك
وهذا فى تقديرى يدل على انك حفيظ على العشرة والمكان والزمان الذى
ربطك بهولاء وحفيظ على الجيرة،، وتعجبنى كذلك طريقة سردك الممتعة
والشيقة..
اقرأ كل بوستاتك ولكن لا اجد الزمن الكافى للمداخلة
والترحيب بسبب مهنة المتاعب التى امتهنها
خالص الود لك

الزين /كمال الزين ازيك وان شاء الله شديد
يعجبنى اهتمامك بتاريخ من تعرفهم ومن هم محيطين بك
وهذا فى تقديرى يدل على انك حفيظ على العشرة والمكان والزمان الذى
ربطك بهولاء وحفيظ على الجيرة،، وتعجبنى كذلك طريقة سردك الممتعة
والشيقة..
اقرأ كل بوستاتك ولكن لا اجد الزمن الكافى للمداخلة
والترحيب بسبب مهنة المتاعب التى امتهنها
خالص الود لك

(*)

(حسن البعيو) , لم يجد ذاك المساء ملاذاً آمناً سوى (نفوس) , ..

بعد أن أعياه الترحال بين بيوت أصدقاءه , فكر ملياً , ولم يجد سوى خيارين , ..

بيت صديقه (د. عبده) وهو (زول كاسو وقعداتو) , وبيت (نفوس) لأنها لن تتردد في المخاطرة من أجل , ..

أصدقاءها وأحبابها , وربما تفضل مواجهة (كتيبة ) من (البوليس) على أن تخذل صديقاً , ..

(نفوس) شرسة جداً في الدفاع عن أصدقاءها , ..

توقف (حسن البعيو) أمام بيت (د. عبدة) وطرقه , ..

ردت عليه زوجته من الداخل :

منو إنتا؟

أجابها :

أنا (حسن حامد) ..

ردت :

(حسن حامد) منو ؟

أجابها موضحاً :

(حسن البعيو) طيب ..

سرعان مافتحت الباب وأطلت من خلفه جزعة :

كتر خيرك يا(حسن) والله فيك الخير .. جيت تسأل عن صاحبك ؟

أجابها :

مالو ..؟

قالت :

أمبارح بالليل جو ناس الأمن ساقوهوا , وماعارفينهم ودوهوا وين ..؟

تمتم (حسن) :

عليك أسي ده وقت (نضال) يا دكتور , عشان محتاج ليك ؟

سألته :

قلت شنو ..؟

أجابها :

لا مافي حاجة .. أدخلي وإطمني أنا حا أمشي أسأل عنو عندي قريبي أمنجي إبن جزمة .. خشي ..


ثم تأكد له, ..

أن لا مناص من لجوءه إلى (نفوس) ..!!

(*)


جلست نفوس أمام باب غرفتها الصغيرة , التي هي كل بيتها , ..

غرفة من طين بلا أسوار , تقضى أمسياتها على عنقريب قديم , أمام غرفتها , ..

وتنام عليه , دون أن تخاف شيئاً , ..

فهي لا تملك ما يطمع به طامع , ..

كما أنها تتمتع بمحبة جميع من عرفها , رغم ضيق خلقها ولسانها اللازع , ..

إلا أن الجميع يعرفون أن (قلبها الطيب) هو جل ما تملكه من ثروة , ..

إستلقت على (العنقريب) الذي يكاد يئن من ثقل وزنها , ..

وترهل جسمها على جانبيه , ..

ظلت تراقب النجوم , وتفكر في حالها وفي حال أصدقاءها , ..

حتى متى يعيشون هذه الحياة , مطاردة , عزلة , فقر مدقع , ..

هوان على الناس ..!!

Quote: الزين /كمال الزين ازيك وان شاء الله شديد يعجبنى اهتمامك بتاريخ من تعرفهم ومن هم محيطين بك وهذا فى تقديرى يدل على انك حفيظ على العشرة والمكان والزمان الذى ربطك بهولاء وحفيظ على الجيرة،، وتعجبنى كذلك طريقة سردك الممتعة والشيقة.. اقرأ كل بوستاتك ولكن لا اجد الزمن الكافى للمداخلة والترحيب بسبب مهنة المتاعب التى امتهنها خالص الود لك

شكراً يا ستي

كمال على الزين ,,,



إنت منعول ومطموس















إنت الخيال ده جبتو من وين ؟؟؟ دى كتابات زول عمرو سبعين سنه ,,

Quote: كمال على الزين ,,, إنت منعول ومطموس إنت الخيال ده جبتو من وين ؟؟؟ دى كتابات زول عمرو سبعين سنه ,,

ماتغشك الصورة القديمة دي يا(كيمو) قربنا من (السبعين)

سرد يجبر على المتابعة بشغف


الاستاذ كمال على الزين.... سلسلة الكلمات والاحداث بطريقة بسيطة وجميلة وقوية....


إحترامي

Quote: سرد يجبر على المتابعة بشغف الاستاذ كمال على الزين.... سلسلة الكلمات والاحداث بطريقة بسيطة وجميلة وقوية.... إحترامي

شكراً (رندا أحمد) , ..

على لطف كلماتك ...

عاطر ودي ..

(*)

سرعان ماغفت (نفوس) , ..

بعد أن داهمها النعاس وهي تتطلع إلى النجوم , وتفكر في أحوالها وأحوال صحبها , ..

غفت لساعات دون أن يطلع على ليلها الصباح , ..

وبدأت الأمطار في الهطول , ..

ولم تعد تقوى على إحتمالها بالخارج , ..

حملت لحافها الصغير وركضت نحو غرفتها , ..

والأرض من تحتها تشكو , ثقل وزنها , وصوت خطواتها تدب بالأرض , يكاد يضاهي , ..

صوت إنهيار حائط من الأسمنت المسلح , ..

هوت بكتفها على باب الغرفة , دون أن تفلت لحافها , فتهاوى مصراعيها أمام ثقلها وأنفتح , ..

وضعت لحافها على العنقريب الآخير , وجلست عليه , ..

وماكادت تحط بثقلها على اللحاف حتى سمعت صوت صرخات إنسان يئن من تحتها , ..

ويشتم ويلعن ..!!

(*)


صعقت (نفوس) , وهبت من جلستها كأن شيئاً قد لسعها , ..

لم تكن تملك ترف الكهرباء , ..

راحت تصيح في هستريا , وتضرب على موضع جلوسها , تصرح :

منو , .. حرامي , .. منو ..؟

رد عليها صوت (حسن البعيو) :

حرامي شنو يا سجمانة , خلاص يا (ماما جليلة) *, عمارتك أقفليها كويس تاني , ..

والله الحرامي الليقصد خرابتك دي إلا يكون مشتهي ليهو دقة ساي ..!!

ردت :

الله يقطعك يا (البعيو) بتدخل بيتي من وراي وتنوم كمان .. ؟

أجابها في يأس :

والله مالقيت غير خرابتك دي مكان ., مجبور على إحتمال قلة أدبك وطولة لسانك ..!!

أجابته في عدوانية:

هوي يا(البعيو) منو القال ليك بخليك تبيت هنا , إنتا برضك راجل وأنا مرة , .. وسمعتي ..و..

قاطعها (البعيو) :

سمعة شنو يا (بت السيد علي) .. إنتي منو الما بات معاك , إنتي أقل حاجة عندك (تمنية صلايب إيدز) , .

بعدين إنا ستمية مرة قلتا ليك إنتي أصلاً ما (التيب) بتاعي ..

ردت غاضبة :

يتبتب لحمك وشحمك , تشتمني في بيتي , بعدين أنا والله (عزراوية) لسا..!!

رد عليها :

عزرائيل ياخدك , إسمها (عزراء) , ده جهل شنو ده ..!!

قالت وكأن كلامه لم يؤثر بها:

البركة ياخوي في دكتور (عبدة) بتاعك ده , علمك الحديس ولبس القميص , .. أنا زاتي من زمان شاكا

فيهو إنو (طهار) ساي ما دكتور ..دكتور شنو البصاحب الزيك ديل ..!!

رد عليها وهو يشعل سيجاره :

قاتل الله الجهل .. إنتي قايلاهو دكتور بعالج الناس , ده دكتور في (الفلسفة) ياجاهلة , بعدين إشمعنا

إخترتي الطهار بس , .. مرة صعلوقة تفكيرك دائماً في (بتاعات) الرجال ..!!

ومضى بينهم الحوار حتى خرجت الشمس من تحت الأرض ..معلنة صباحاً جديداً !!







_______________________________________

* (ماما جليلة) كانت تمتلك عمارة قريبة من الحي وكانت نائباً لمدير التلفذيون , علها بخير أيضاً ..!!

(*)

خرجت (نفوس) في رحلة البحث عن قوت يومها , ..

رحلتها التي تبدأ من (غسيل) الملابس و(الأواني) لبعض أهل الحي , ..

ثم بعدها البحث عن (بيت عرس) لمعاونة أهله على غسل الأواني مقابل أجر زهيد , ..

وأعمال كثيرة تدر عليها ما يجعلها تعود محملة بقوت يومها وسكرها قليل من (البن والشاي) , ..

عادت بعد مغيب الشمس ولم تجد للبعيو أثراً , ..

سهرت في إنتظاره , ..

عاد عند منتصف الليل , وهو يحمل بين يديه أكياساً بها خضروات وفاكهة وخبز , وأسماك مطهوة جاهزة , ..

قابلته (نفوس) بتكشيرة ولامته قائلة:

ده شنو يا البعيو , إنتا ضيفي ما تعمل كده تاني .., ..

سخر منها قائلاً :

هو إنتي لاقية تاكلي , بطلي فشخرة , ..

ومن يومها رق قلبه لها , ..

ورق قلبها له , ..

وبدأت حكاية (عادة سرية) جداً ..!!

(*)

ليلتها سكر (حسن البعيو) , حتى تخيل نفسه عملاقاً , ..

وهطلت الأمطار وأضطرتهما للمبيت تحت سقفها الأوحد , ..

إستيقظت صباحاً , لتجد نفسها عارية و(البعيو) يغط في نوم عميق بين أرجلها , ..

وكان , ..

(عاري) أيضاً , ..

لم يتحدثا عن الأمر , تحاشا أن ينظرا إلى بعضهما , ..

(البعيو) أنكر دائماً أمر مضاجعته (نفوس) , ..

(نفوس) لم تكن تعتبر (البعيو) رجلاً , ..

إستمرت تضاجعه وتعتبر الأمر ممارسة للعادة (السرية) , ..

تستخدم فيها أداة هي (حسن البعيو) , ..

حتى وشى بها أحدهم يوماً , وأبلغ عنها بحجة أنها تساكن رجلاً دون زواج , ..

وجاءت الشرطة ..!!

(*)

(الشرطة الشعبية) أرسلت شيخاً في السبعين , لإقتحام بيت (نفوس) , والبحث عن الرجل المزعوم ,..

مولانا كان معلماً قديماً بالمدارس الإبتدائية , إنتهى به الأمر مؤذناً , ثم مجاهداً , بمحاكم التفتيش ,

بحثاً عن عورات الناس , وإقتحام بيوتهم , بحجة منع الرزيلة وإفشاء مجتمع الفضيلة , ..

مجتمع الفضيلة الذي تغاضى عن جوعها وعريها , وهوانها على الناس , ..

اليوم يبحث أمر تأديبها , ..

ذات المجتمع الذي لم يبحث يوماً , أمر إعطاءها مسكناً مناسباً , وعملاً لائقاً , ومصدراً للدخل يكفيها شر

التنقل بين بيوت الناس , لإزالة أوساخهم من على ملابسهم وأوانيهم , وبالوعاتهم , ..

يطالبها اليوم بأن تمتثل لمعتقداته وقيمه المزعومة , ..

قيمه التي تنادي بالفضيلة , ..

وتسقط الرحمة , ..!!

(*)

جاءها مولانا راكلاً بابها الذي صنع من صفيح تمت إعادة تصنيعه مرات عدة , ..

أخراها أنه كان (صفايحاً لجبنة ) الدويم الممتازة , قبل أن يقف ساتراً بين (نفوس) ومجتمعنا

الفاضل , ..

دخل عليها وهو صائحاً :

ياساتر ..

قالها بعد أن إقتحم الغرفة بالطبع , ..

كانت مستلقية على عنقريبها و(البعيو) بين أرجلها يقط في نوم عميق , ..

غطت على كامل جسد (البعيو) بثوبها , وهبت لمواجهة (الشيخ المجاهد) , ..

بادرها قائلاً :

إنتي (نفيسة) ..؟

أجابته :

لأ , (ليلي المغربي) , ..

أجابها في جدية وغلظة :

يامرة أتأدبي .. أنا في مهمة رسمية , ..

ردت بسرعة :

إنشاء ماتكون جاي هنا تحرر كبويتا ..


غضب مولانا وتجاهل جملتها الأخيرة وقال :

جانا بلاغ إنو معاك راجل هنا , ..


(قزت كوعها) ولله في أمر (نفوس) شئؤن حين تقف موقف (قزة الكوع ) وقالت :

أنأ ماشايفة لي راجل قدامي ,.. (قالتها وهي تشير إليه) , ..

غضب مولانا وقال :

النايم ده شنو ..؟

ثم تفحص (حسن البعيو) من تحت ثوبها وقال :

الشافع ده منو ؟

قالت :

ده ود أختي عندو ملاريا ..


نظر نحوها شذراً , ثم توجه نحو الباب في مشية عسكرية , ..

ومضى ..!!

(*)

كنت أود أن أنقل خبر زواجهما , ..

أن أرسم لهما صورة زاهية , (نفوس) و(حسن البعيو) , ..

لأن من ينظرون للأمر من ثقب باب الفضيلة الذي لم يفتح أمامهما يظن بهما سؤاً , ..

ويراهما ليس كما أراهما أنا , ..

بعين المحب , ..


تذكرت بكاءهما ذات مساء على حالهما , ..


تذكرت كيف أنهما أحبا الناس دون يعرف الحسد والبغضاء إلى قلبهما طريقاً , ..

رغم معانتهما , إلا أنهما كانا , ..

أجمل نفساً منا جميعاً ..

لكنهما بحسابات آخرين , ليسا سوى (متشردين) و(مفسدين) , ..

بكاءهما على حالهما , ..

رأيته تجريما لمجتعهم وإن عذروه وأحبوا أفراده , وتسامحوا معهم , ..

ولكنهم لم يتمتعوا يوماً بكونهم أصحاب حق في رقاب مجتمع بأكمله , ..

كان يجب أن يمد لهم يده , ويرأف بهم , ويعطيعهم , ..



ولو القليل ..!!

كمال :
ياخ ما تعلقنا كدا
ورينا الحصل شنو للبعيو ونفوس أو ( نينا ) سابقا؟
ياخ ناس زي ديل هم ملح الأرض
ما داير ادور اسطوانة مشروخة عنهم
فقط لي ملاحظة :
السرد فوق عادي
وتكنيك كتابي موغل في الحرفية
فقط
: أسمح لي بالآتي :
لا تشحن السرد الجميل ببعض اكليشهات
المباشرة مثلا حديثك عن حال المجتمع حيال نفوس
وحيال حسن
دع هذا وهو موجود أصلا بين تضاعيف السرد
يمكن للقاريء أن يلمحه
ولا يحتاج للتشديد عليه
أقول قولي هذا
وأحبك
واحب نفوس
وأحب حسن
واصدقائهم
مثل صديقي معتصم
لك ود
بهاء

Quote: كمال : ياخ ما تعلقنا كدا ورينا الحصل شنو للبعيو ونفوس أو ( نينا ) سابقا؟ ياخ ناس زي ديل هم ملح الأرض ما داير ادور اسطوانة مشروخة عنهم فقط لي ملاحظة : السرد فوق عادي وتكنيك كتابي موغل في الحرفية فقط : أسمح لي بالآتي : لا تشحن السرد الجميل ببعض اكليشهات المباشرة مثلا حديثك عن حال المجتمع حيال نفوس وحيال حسن دع هذا وهو موجود أصلا بين تضاعيف السرد يمكن للقاريء أن يلمحه ولا يحتاج للتشديد عليه أقول قولي هذا وأحبك واحب نفوس وأحب حسن واصدقائهم مثل صديقي معتصم لك ود بهاء

(*)

ملاحظتك بمكانها يا صديقي ,

ولكنني خفت على أصدقائي من محكمة الفضيلة , فأردت لهما مخرجاً , ..

عساهم جميعاً بخير ..

(*)

(عبدةأبوتسعة) , كان مساعداً لأبوالليل في توزيع (البنقو) , ..

(أب تسعة) من نواحي (السوكي) , جاء إلى العاصمة كغيره بحثاً عن حياة أفضل , ..

طغى عليه أيضاً إسم (أب تسعة) لأن أحد أصابع يده اليمني تعرض للبتر في حادثة غريبة , رواها هو ,

(أب تسعة) كان يشارك (البعيو) محبة (نفوس) و(فراشها ) مناصفة , ..

وكانا أصدقاء , لم تفسد المنافسة على (نفوس) صداقتهما أبداً , ..

كانت (نفوس) تعتبر (أب تسعة) رجلها الحقيقي , ..

و(البعيو) أداة (للعادة السرية) تستخدمها بغيابه , ..

(أب تسعة) كان شكله يوحي بأنه (مثقف) , ..

بنطلون (الشارلستون) و(النظارة السميكة) و(القلم الباركر) على جيب (قميصه ) لا يفارقه , ..

والجريدة تحت أبطه دائماً , أو بين يديه , ..

كاذب من يقول أنه رآه يوماً يقرأ , (جريدته ) تلك , ..

أو أي مكتوب آخر , ..!!

(*)


(حسن البعيو) لم يكن يرى الأمر على هذا النحو , ..


كان يسخر من إدعاء (نفوس) , ويبرر للأمر على نحو آخر , ..

يقول (البعيو) :

(أب تسعة) ماعندو حاجة , وديني ما بقدر على (نفوس) دي , ..

لكن بس بتقشر بيهو ساي , خجلانة من شكلي المكوجن ده , ..

(أب تسعة) يمشي معاه السوق , ويركب معاها المواصلات , راجل طويل عريض لبيس وشكلو محترم , ..

لكن بالليل يخربو ما بسوى شي , ..

الليل حقي أنا , والله بفرفر ليك في (نفوس) دي جنس فرفرة , ..

والصباح تحكي لي (عشة خنفس) تقول ليها :

والله (أب تسعة) أمبارح كتلني عديل كده ..

أنا ما زعلان والله , (أب تسعة) ده فردتي و(نفوس) كمان معذورة , ..

أنا خلاقة و هي عاجباها روحا ..

نحنا كده أسرة ناجحة , عارف لو (نفوس) ولدت بكون الجنا جناي لكن , إسمو ود (أب تسعة) , ..

خليها يشيل شيلتو , ..

أنا بلد والله يقدروا على الرباية ..!!

(*)


(أبوالليل) قضى بضع سنوات بسجن أمدرمان , ..

وعاد ليتزوج إحدى قريباته , كانت صغيرة جداً , تزوجها وهي إبنة (ثلاثة عشر) وأنجب منها , ...

صار (أبوالليل) متصوفاً , وترك زعامة تسويق (البنقو) لمساعده السابق (أب تسعة) , ..

(أب تسعة) أدارها بنجاح وإقتدار , وتوسع في تجارته , ..

وسرعان ما ألقت الأرض بشخصيات جديدة , ..

(أبو الشي) , ( فرح آتو) و(رمضان الحلبي) , ..

وكلهم مسلط على طريقته , ..

(حسن البعيو) في أواخر (رمضان) إعتكف بالمسجد , ..

رأى رؤيا , وناداه منادي , حسب زعمه , ..

ورفض الصلاة خلف (شيخ سليمان نكير) لأنه كان من (الكيزان) , ..

(شيخ سليمان) أسماه الناس (شيخ سليمان نكير) لأنه كان فضولياً و(حشريا) , ..

وكان حسب زعم (البعيو) دجال وبحب (العيال) ..

وهذه قصة أخرى ..!!

(*)

(حسن البعيو) إستعار (عراقي) أبيض اللون من صديقه (د. عبدة) , ..

كان (العراقي) على (البعيو) جلباباً طويلاً , وعلى عنقه لف (مسبحة) طويلة , ..

ثم أعتزل (نفوس) وأنشغل عن الناس بمجالسة صديقه (د. عبدة) الذي حببه إلى القراءة , ..

قال (البعيو) :

قريت ليك كتاب إسمو (رحلتي بين الشك واليقين) , بتاع (مصطفى محمود) المصري داك , ..

كنتا عاوز أقوى يقيني , ..

وحات الله شككني أكتر , ..

الناس ديل دينهم ده غير بتاع الله والرسول ده ..؟

ونجوم وأفلاك وماتعرف إيه , السما والقمر , ..

الدين ده ماداير ده كلو , ..

طيبة وظرافة كده , ..

وحب الناس يحبوك , ..

وتختى النسوان الزي (نفوس) دي , ..

الجنة تدخلا دغش , ..!!

(*)


لم تكد تمضى أشهر , حتى عاد (حسن البعيو) إلى معسكر الفوضى أكثر قوة وحماساً , ..

لكنه كان أكثر إيماناً بأن رحلته بين (الشك واليقين) قد أتت أكلها , ..

فقد عرف (سليمان نكير) عن قرب , وقرأ سيرة (الصحابة) , ومؤلفات (مصطفى محمود) , ..

عاد وهو يلم بالكثير عن الدين , والحياة , والتأريخ , ..

سأله (أب تسعة) :

يازول رجعتا تاني مالك ما كنا إرتحنا منك , ..

وقلتا ساكي درب الجنة , ..


رد ضاحكاً :

والله يا (أب تسعة) إنتو أخير من ناس (سليمان نكير ) ديل , ..

والله تباريهم , إلى جهنم وبئس المصير , ..

سأله (أب تسعة) مزهولاً :

يازول كيف ديل ناس الله وساكنين الجامع سكنى ..؟

رد (البعيو) :

ديل ياسيدي مجرد ناس إتعودوا على طريق الجامع , يعني أدمنوهوا , ..

وبقى جزو من حياتهم , زي (البنقو) و(نفوس) و(العرقي) عندنا , ..

لكن تحت تحت البسووها تحير الشياطين , ..!!

رد (أب تسعة) :

يا زول ماتهبش ناس الله ديل بعيقوك ..!!

ضحك (البعيو) ومضى من أمامه وقال :

أنا أسي مشغول لكن بجي بحكي ليك , ..

قبل أن يغيب عن ناظريه لا حقه (أب تسعة) قائلاً :

يازول تعال عندي معاك كلام كتير عن نفوس , ..

(نفوس) حامل ..!!

الاخ المبدع كمال علي الزين

التحية لك وانت تتفوق علي نفسك

كانت مرات قليلة رايت فيها بطل القصة عندما كنت ازور صديقي رياض محي الدين

واحييك علي طريقة السرد الرائعة

المسكوت عنه في المجتمع السوداني كثير والجميع يهابونه

التحية لك وانت تناقشه بشجاعة فائقة

لذلك نجحت الراما والسينما المصرية لانها كانت وما تزال تصويرا حيا للمجتمع المصري دون خجل

لابد من جرعات حتي نفيق

من ما قمنا وربونا علي اساس اننا احسن ناس حتي سبقتنا الدنيا ونحن نرددها في ياس والي اليوم

المجتمع السوداني يحتاج الي مبضع الجراح لكي يصل الي كل اورامه غير الحميدة ويزيلها

وما الادباء الا جراحين بدون مباضع,ولكن اثرهم عظيم

فسر قدما ايها الجراح

مع تحياتي للاسرة

سيف برعي

Quote: الاخ المبدع كمال علي الزين التحية لك وانت تتفوق علي نفسك كانت مرات قليلة رايت فيها بطل القصة عندما كنت ازور صديقي رياض محي الدين واحييك علي طريقة السرد الرائعة المسكوت عنه في المجتمع السوداني كثير والجميع يهابونه التحية لك وانت تناقشه بشجاعة فائقة لذلك نجحت الراما والسينما المصرية لانها كانت وما تزال تصويرا حيا للمجتمع المصري دون خجل لابد من جرعات حتي نفيق من ما قمنا وربونا علي اساس اننا احسن ناس حتي سبقتنا الدنيا ونحن نرددها في ياس والي اليوم المجتمع السوداني يحتاج الي مبضع الجراح لكي يصل الي كل اورامه غير الحميدة ويزيلها وما الادباء الا جراحين بدون مباضع,ولكن اثرهم عظيم فسر قدما ايها الجراح مع تحياتي للاسرة سيف برعي

ذاكرتك قوية والله ياسيف

كانوا جيران ناس (د. محي الدين خليل) فعلاً , ..

ودي مفارقا جاييها لي قدام ..


ألف مبروك المولود أو المولودة ..

سمعت متأخر ..

عاطر الحب ..

Quote: المسكوت عنه في المجتمع السوداني كثير والجميع يهابونه

واصل يا فنان
منابعين وبشغف ..
سرد فوق مستوى الروعة ...

Quote: واصل يا فنان منابعين وبشغف .. سرد فوق مستوى الروعة ...

مرحبتين (دغيس)

وصباحك خير ..

شكراً على لطفك ..

(*)

بدا (حسن البعيو) أكثر نضوجاً بعد تجربته الأخيرة , ..

صار ينطق بالحكمة , وصار يتحدث عن الأحلام والتغيير , وهما كلمتان لا تعنيان شيئاً , ..

في ذلك الوسط الذي طحنه اليأس , وذوبه الواقع إلى ذرات صغيرة من اللامبالاة , ..

واقع يقول : أنك لا تستطيع أن تحلم , لا تستطيع أن تخلق واقعاً جديداً لك ولغيرك , ..

مالم تكن مسنوداً بمكتسبا ت أسرية ومجتمعية , ..

كسر (البعيو) كل ذلك , وصار كل يوم يمضى في طريق حلمه بالتغيير والتغير , ..

حتى ليلتها , ..



ليلة وفاة (نفوس) , ..!!

(*)

سمعت (نفوس) أن لها أم كبقية خلق الله , ..

لكنها كانت تعيش بعيداً بعض الشئ , كانت تعيش بقرية قرب (الرنك) , ..

أصرت على أن تسافر لرؤيتها , ..

أبوها هو الذي تولى رعايتها , حتى سن الرابعة , ..

وبعدها تولت هي رعاية نفسها , ..

فقد توفى بعد أن لدغته (حية) بموقع (الفرن) الذي كان يعمل به , ..

يقال أنه كان (حبشياً) , جاء إلى السودان عن طريق (الكرمك) , ..

ولكنه إستوطن (بالرنك) في بادئ الأمر وتزوج (أم نفوس) وأنجبها , ثم تطلقا , ..

فحمل أبنته على كتفه وهرب بها ليلاً إلى (الخرطوم) , ..

وهكذا عرف الناس (نفوس) , ..!!

Quote: مولانا كان معلماً قديماً بالمدارس الإبتدائية , إنتهى به الأمر مؤذناً , ثم مجاهداً , بمحاكم التفتيش , بحثاً عن عورات الناس , وإقتحام بيوتهم , بحجة منع الرزيلة وإفشاء مجتمع الفضيلة , .. مجتمع الفضيلة الذي تغاضى عن جوعها وعريها , وهوانها على الناس , .. اليوم يبحث أمر تأديبها , .. ذات المجتمع الذي لم يبحث يوماً , أمر إعطاءها مسكناً مناسباً , وعملاً لائقاً , ومصدراً للدخل يكفيها شر التنقل بين بيوت الناس , لإزالة أوساخهم من على ملابسهم وأوانيهم , وبالوعاتهم , .. يطالبها اليوم بأن تمتثل لمعتقداته وقيمه المزعومة , .. قيمه التي تنادي بالفضيلة , .. وتسقط الرحمة , ..!!

جميل ياود الزين

Quote: جميل ياود الزين

جمل الله أيامك أخي (خضر)

(*)

(أب تسعة) وهو يروي قصة بتر إصبعه , يتحاشى وجود (حسن البعيو) , ..

يقول بعد أن يتلفت يمنة ويسرى ويتأكد أن (البعيو) لا وجود له على مدى دائرة قطرها عدة كيلو مترات , ..

: أنا كنت حارس مرمي أقبض الحمامة , الموية لو دفقتها ما تدخل , ..

(حامد بريمة) ده دربتوا أنا , لكن الدنيا بت الكلب , ..

كنت لابس خاتم تقيل كده , واقف بيهو في مباراة ضد ناس (عباس البعشوم) , ..

(البعشوم ) شات فيني كورة بي كراعو الطرشا (اللفت) ديك , طرتا ليك معاها لحدي ما طلعتها فوق , .

بي طرف أصابعيني , يدي شبكت في الغماز البعلقو فيهو الشبكة , الخاتم دخل جوة الغماز , ..

وقعتا الأرض يدي خدرانة ودمها كابي , والخاتم وأصبعي معلقين في القماز بتاع العارضة , ..

ودوني المستشفى , و ..


يسرع في إنهاء القصة مخافة أن يطل عليه (حسن البعيو) مكذباُ ..!!

كتابه جميله خلاص... بس متقطعه ماله ما مره واحده؟
تعرف؟ انا عندي مشكله مع بعض الكلمات زي "رائع" و" رائعه" ما عارف ليه بحس انو الزول القاله ما احس بي عمق الحاجه القراها!! يمكن لانها ما مفردات شائعه عند الفقراء وانا اتربيت في بيئه فقيره ففقدت احساسي بيها لاني كنت بسمعه بس في مسلسلات الاطفال هاهاهاها. وعشان كده بحب الكتابات تكون متواصله عشان ما واحد قبل ما تتم نصك يعلق يكتب كلمه من زي ديل وتصيب عقدتي الانا عارفه وتبعدني عن جو النص المكتوب . هاهاها
لك عميق الشكر

Quote: بس متقطعه ماله ما مره واحده؟

متقطعة عشان تتقري وتتحسا , وعشان ما نتقل عليكم , ..

Quote: تعرف؟ انا عندي مشكله مع بعض الكلمات زي "رائع" و" رائعه" ما عارف ليه بحس انو الزول القاله ما احس بي عمق الحاجه القراها!! يمكن لانها ما مفردات شائعه عند الفقراء وانا اتربيت في بيئه فقيره ففقدت احساسي بيها لاني كنت بسمعه بس في مسلسلات الاطفال هاهاهاها. وعشان كده بحب الكتابات تكون متواصله عشان ما واحد قبل ما تتم نصك يعلق يكتب كلمه من زي ديل وتصيب عقدتي الانا عارفه وتبعدني عن جو النص المكتوب . هاهاها لك عميق الشكر

تعرف يا مدثر إنا شكلك ماشفتو , لكن باين عليك بتشيه الوالد عليه الرحمة أكتر من (عبدالخالق) , ..

السخرية , والكلمة الجرئية , اللازعة أحياناً , ..


تعرف حلتكم دي مليانة حكاوي , وزحمة ناس كلهم يستحقوا يتكتب عنهم , ..

(شيخ ناجي) دفعتنا وصاحبنا الذي بدأ ممثلاً وأنتهى (فكي) , ..

(طلال محمد عثمان) , ..

(شلة الكاشيكو) زمان , ..

(صديق الجيو) ونضالو العجيب , ..

و...

ناس رائعين كتار

(*)

أما (حسن البعيو) فله رواية أخرى حول أمر بتر إصبع (أب تسعة) لا ترضى (أب تسعة) , ..

لكن (حسن البعيو) لا يحفل برضاءه من عدمه ويرويها كلما وجده يتحدث عن بطولاته كحارس مرمى , فقد

إصبعه وهو يحمي مرماه في مباراة كرة قدم أمام (عباس البعشوم) صاحب الرجل الطرشا , ..

يباغته (حسن البعيو) قبل أن يكمل :

بالله شوف الزول الكضاب ده , .. إنتا بتجليها واقفة وحات الله أشوت فيك (كشك) يدخل بدون ماتشوفوا , ..

يا أخوانا الزول ده كان حرامي , أيوة حرامي عديل كده بنط الحيط , دخل يدو في شباك عشان إفتحو سيد

البيت طقاهو من جوة بي ساطور ولا أجنة ما عارف طير صباعو وبقت ليهو بي توبة ..

بس البتوبو من الكضب شنو ؟

يقاطعه (أب تسعة) دون أن يكترث لإتهامه :

إنتا بتعرفني من وين كمان , والله نحنا لو ما الظروف أصلو مانتلاقى والله الزيك ده كان إلا يشوفني ,

في الجرايد , دنيا بت كلب , ..!!

يضحك (البعيو) , ويمضي وهو يضرب كفاً بكف , ويلتفت قبل أن يغيب عن ناظريه قائلاً :

والله يا (أب تسعة ) الجرائد إلا يجيبو فيها صورتك وتحتها بالخط العريض (عثر على هذا الجثة) , ..

وإنتا مصور خشمك مفتوح وعيونك منططة , ..!!

(*)


ركض (البعيو) ومن أمامه (أب تسعة) نحو بيت (نفوس) , ..

جاءهم خبرها , ..

كانت (الداية) معها وهي على وشك أن تضع مولودها الأول , ..

وصلا وجلسا صامتين أمام الغرفة , ..

لم يكونا يحفلان كثيراً إبن أيهما هو , ..

كانا و(نفوس) أسرة واحدة , ..

خرجت عليهم (الداية) مبشرة بطفل ذكر , ..

أعطاها كلاهما ورقة نقدية من فئة معتبرة , ..

دخلا على نفوس ونظرا إلى الطفل بجانبها وبهتا , ..

كان طفلاً شديد البياض , ..

صرخ (البعيو) :

يجازي محنك يا(رمضان الحلبي) ..!!

(*)

ظلا يحدقا في الطفل وينظرا إلى (نفوس) , ..

صاح فيها (أب تسعة) :

ده شنو يا (نفوس) ده ود منو ده ؟

أجابته بسرعة :

هي يا (أب تسعة) مالو , ده ود عرب أبياض , جنس الولادة دي إنتا و(البعيو) ده بتقدروا تجيبوها ..؟

والله (رمضان ) بس الخالق الناطق , ده مستقبلو مضمون يا(سجم الرماد) , ..!!

ضحك (البعيو) وجلس على الأرض وقال :

يازولة المهم حمدلله على سلامتك إنتي , ..

أما (أب تسعة) فخرج دون كلام , ..

وبعده جاء (رمضان الحلبي) مهنئاً ..!!

سلام....
لم استطع تذكرك للاسف !! واتذكر رئيس اللجان الشعبية الذي ذهبت عنده لاستخرج شهادة سكن و الذي ضحكت لابي ساخرا قبل ان اذهب عندما قلت له " (عارف يا ابوي.... طبعا بتاع اللجان ده بكون جا الكلاكله مع الانقاذ وبرضو حا يسالني ساكن وين)!!!
لم استطيع تذكرك... انت الذي حفظت ذاكرتك صورة ابي وتعليقاته اللاذعة واحتفت ذاكرتك بـ (شلة الكاشيكو) زمان , و(صديق الجيو) ونضالو العجيب..!!
أرايت كم هذه الحياة أسيفه ؟؟
لك الود حتي نلتقي بيوم ما في حينا الفقير ذاته!!

Quote: سلام.... لم استطع تذكرك للاسف !! واتذكر رئيس اللجان الشعبية الذي ذهبت عنده لاستخرج شهادة سكن و الذي ضحكت لابي ساخرا قبل ان اذهب عندما قلت له " (عارف يا ابوي.... طبعا بتاع اللجان ده بكون جا الكلاكله مع الانقاذ وبرضو حا يسالني ساكن وين)!!! لم استطيع تذكرك... انت الذي حفظت ذاكرتك صورة ابي وتعليقاته اللاذعة واحتفت ذاكرتك بـ (شلة الكاشيكو) زمان , و(صديق الجيو) ونضالو العجيب..!! أرايت كم هذه الحياة أسيفه ؟؟ لك الود حتي نلتقي بيوم ما في حينا الفقير ذاته!!

والله أنا زاتي إحترت وما عرفتك , (عبدالخالق) صاحبي , ..

وبعرف الوالد الله يرحمو كويس ..

بس ما وقعتا لي لسا ..

عاطر تحياتي ..

(*)

(رمضان الحلبي) , ..

كان من أصول مصرية , ولكن أهله هاجروا إلى السودان قديماً وبرعوا بصناعة (الباسطة والطحنية) , ..

لم يكن يمت للمصرين بصلة سوى شكله ولونه , ..

كان سودانياً رغم أن والديه لا زالا يتحدثان لهجة مصرية قحة , ..

كان ضخم الجثة , أبيض اللون , يغطي صدره ويديه شعراً كثيفاً , ..

كان (طويل اللسان) وإبن نكتة , كأهله المصريين , ..

يحب (البنقو) و(العرقي) ووالديه , ..

كان رغم ضخامته ولؤمه وشقاوته , ..

حبوباً ومسالماً , ..

لم يكن يفعل شيئاً شاذا إلا حين يجتمع هو وصديقيه الآخرين , ..

(فرح آتو) و(أبوالشي) ..!!

العزيزُ / كمال علي الزّين ..

العُنوانُ أفْضَى بي إلى بَعِـيدْ ،

فدخلتُ خِلْسَةً أتَرَقَّبُ خلفيَ ،

لكنِّي وجَدتُّني أسْكُنُ فيكَ

قَصًّـا رَائِعـًا ورَائـقـًـا

ورَاقـيا ،

لَمْ يُخِبْ حرفُـكَ ظنِّي

يا كمال ،

فكُنْ كما أنتَ ..

ولكَ المَعَزَّاتُ

كُلُّها كُلُّها

فرْضُها ونفْلُها ..


احترامي ..





أخوك / محمَّد زين ...

Quote: العزيزُ / كمال علي الزّين .. العُنوانُ أفْضَى بي إلى بَعِـيدْ ، فدخلتُ خِلْسَةً أتَرَقَّبُ خلفيَ ، لكنِّي وجَدتُّني أسْكُنُ فيكَ قَصًّـا رَائِعـًا ورَائـقـًـا ورَاقـيا ، لَمْ يُخِبْ حرفُـكَ ظنِّي يا كمال ، فكُنْ كما أنتَ .. ولكَ المَعَزَّاتُ كُلُّها كُلُّها فرْضُها ونفْلُها .. احترامي .. أخوك / محمَّد زين ...

محمد زين (الأديب المنظم)

تذكرني بأساتذتنا (أيام زمان) , ..

مرورك وكلماتك تسعدني , ..

فشكراً يا صديقي , ..

عاطر التحايا ..

(*)

(رمضان الحلبي) و(أبوالشي) و(فرح آتو) , ..

ثلاثتهم كانوا ضخام الجثة , ..

برعوا في سرقة الخراف (لزوم القعدات) , ..

يلاحقونها على (موتر) يقوده (أبوالشي) , وعندما يحازون قطيع (الخرفان) , ..

يسلمون على الراعي المسكين دون أن يتوقفوا , ويمد (رمضان الحلبي) يده القوية , ..

ويتناول (الخروف) من بين صحبه ويضعه أمامه على (الموتر) بينه وبين سائقه (أبوالشي) , ..

الذي ما أن يشعر بوجود (الخروف) خلفه , ..

حتى يعمل يديه في مؤشر السرعة , ليئن (الموتر) وهو ينطلق بسرعة , ..

تحت ثقل (رمضان) و(أبوالشي) , ..

والراكب الجديد (الخروف) المختطف ..!!

Quote: ولكنني خفت على أصدقائي من محكمة الفضيلة , فأردت لهما مخرجاً , ..

الاخ كمال علي الزين ...
تحايا عطرة ...
اتابع كتاباتك بشغف يجعلني اشعر بالاسف على عدم تكرار ذلك اللقاء اليتيم بحوش ضرائب المغتربين المزعج ذات يوم صيفي حار ...
لفتت انتباهي جملتك المذكورة اعلاه ...
والتي تقودنا الى نقاش قديم متجدد عن مأزق الكاتب في التعبير .. ولغة الكتابة ...
هل نحن مطالبون بتبرير افعال شخصونا كانهم نحن ؟؟
هل يجب ان تكون شخصيات القصص فاضلة وكاملة حتى تنال تعاطف القارئ ؟؟
اذن اين الواقعية ؟؟ وكيف نتجنب تحوير الاحداث الى خيال حتى لا نصدم القارئ بالحقيقة التي قد لا يرتضيها ؟؟!! ..
ولماذا ينظر البعض للكاتب الذي يروي بعض التجارب الحياتية المصنفة في خانة السرية وكانه جزء منها ؟؟!! ..

اعتذر عن الاطالة .. كلماتك فتحت نفاجات التساؤل في عقلي ...
امتعنا بالمزيد ...

Quote: الاخ كمال علي الزين ... تحايا عطرة ... اتابع كتاباتك بشغف يجعلني اشعر بالاسف على عدم تكرار ذلك اللقاء اليتيم بحوش ضرائب المغتربين المزعج ذات يوم صيفي حار ...

مساءك خير يا(سناء) , ..

عارفا كل لقاءآتي بي ناس (الخرطوم) كانت شترا وما فهمتا فيها حاجة , ..

وحتى الناس اللاقيتهم من ناس بره زيك كده , ماقدرتا أتواصل معاهم , .

كنت مخلوع بعيد عنك , وإمكن المكان الإتلاقينا فيهو ده ليهو دور في إنو يكون لقاءنا عابر ومكلفت , ..

عجبني موقفك اليوم داك , ..

وحكيت عنو كتير , ..

(إنتي زولة جدعة جد) ..

Quote: لفتت انتباهي جملتك المذكورة اعلاه ... والتي تقودنا الى نقاش قديم متجدد عن مأزق الكاتب في التعبير .. ولغة الكتابة ... هل نحن مطالبون بتبرير افعال شخصونا كانهم نحن ؟؟ هل يجب ان تكون شخصيات القصص فاضلة وكاملة حتى تنال تعاطف القارئ ؟؟ اذن اين الواقعية ؟؟ وكيف نتجنب تحوير الاحداث الى خيال حتى لا نصدم القارئ بالحقيقة التي قد لا يرتضيها ؟؟!! .. ولماذا ينظر البعض للكاتب الذي يروي بعض التجارب الحياتية المصنفة في خانة السرية وكانه جزء منها ؟؟!! ..

هذا ينبطق على السودانيين فقط , فنحن في مرحلة تشكل جديدة , ..

(شخوصك) لازم تحميها في واقع التكفير والتبخيس , والتفتيش حتى على (أرواح الناس) , ..

مطلوب منا الكثير , ..

يجب أن نعلم الناس أن (الكتابة) هي إقتطاع جزء حقيقي من الحياة بكل تفاصيلها ووضعه أمام القارئ , ..

وذكرتني ملاحظتك دي , موقف طريف مرة بي :

واحد قراني كم مرة كده وبعدها لاقاني , ونستو معاي كلها كانت عن المواخير والخمور ومغامرات أسفل

المدن , وده مثقف يعني مش من العامة , ..

يعني بعد قصة الجماعة ديل عادي ممكن ينفتح فيني بلاغ (ترويج مخدرات ) و(كم تهمة كده) ..

(*)

(رمضان الحلبي) , أصبح (مجاهداً) , ..

نعم , إنضم إلى (مليشيات الدفاع الشعبي) , ..

وتدرب وغادر مهللاً , مكبراً إلى (ساحات الجهاد) , ..

أعادوه من جوبا , على يديه (كلبشات) , وقد فقد ربع وزنه , ..

(رمضان ) أراد أن ينعش تجارة (البنقو) , وسمع أن (الجنوب) به (بنقو ) جيد جداً , ..

ولم يجد سوى (الدفاع الشعبي ) مدخلاً , ..

ذهب وعاد , ..

وصار يحدث الناس , عن صداقاته وجنود (قرنق ) :

والله الفرد ديل , لعبتا معاهم قمار , وسكرتا معاهم , وبيني وبينهم عيش ملح , ..

بس القروش اليوغندية الخرتها منهم ماعرفتا أوديها وين ؟

سأله (البعيو) :

يازول لاقيتهم وين ؟

رد (رمضان) :

قبضوني في كمين كده , وكانوا عاوزين يقتلوني , قالو ده (مرتزقة عراقي) , ولا (كوبي) , ..

قلتا ليهم دقيقة يا فرد أن (رمضان الحلبي) أسألوا (أولاد مونج) في كل الخرطوم , بعرفوني , ..

فردي كلهم , أي نعم أنا ما مؤيد قضيتهم , لأني ماعارف المشكلة شنو ؟

لكن من الليلة معاكم حق , بس ما تضيعونا , أها والله كمان أن (جكسايتي ) زانداوية وحا أعرسا , ..

ياخي نزل السلاح ده ..!

سأله (البعيو) :

أها حصل شنو ..؟


رد (رمضان) :

والله واحد جا لفا فيني كده وهبش ليك يدي وكورك للقائد بتاعو قال ليهو (مندكورو شكل منقة) ..!

قلتا ليهو مافي مشكلة قول (حلبي ) ساي عافي ليك ..!!

(*)

يومها , يوم دفن (نفوس) , تذكروا أنها (مسيحية) , ..

بعد أن جاؤوا بها إلى المقابر , ظهر إبنها من (رمضان الحلبي) الذي تولى تربيته (أب تسعة) و

(البعيو) , مناصفة , وقال لهم :

أنا إتخيل لي (نفوس) دي كانت (مسيحية) , ..!

صاح (البعيو) من وراء أعينه الدامعة :

أي والله نسيت (نفوس) مسيحية , ما تكلموا الجماعة ديل يقوموا يرفضوا يدفنوها هنا , يتلتلوها , تكون

إتبهدلت حية وميتة , ..

عزموا على ذلك , لكن (سليمان نكير) جاء وخطب في الجمع موضحاً أنها (مسيحية) وأنه لا يجوز دفنها

هنا , ..

سأله (البعيو) مغتاظاً :

أها نحنطا قصدك ولا شنو ..؟

أجابه (شيخ نكير) :

لأ ..تدفنوها في مقابر المسيحيين في الخرطوم , ..

رد (البعيو):

يعني حا تندفن مع عليه القوم والله بختها , ياراجل ماتختشي , الخرطوم شنو البنوديها ليها , ..

قاطعهم صوت (رمضان الحلبي) صائحاً :

ياناس الله يسألني (نفوس ) دي أسلمت زمان وأنا شاهد على ذلك ..

لم يكد (شيخ نكير) يسمع جملته حتى بادر الجمع :

الله أكبر , هذا فتح عظيم , رحمها الله (الفاتحة على روحها الطاهرة ), ..

وسرعان ما واروها الثرى بعد أن صلوا عليها , وخطب فيهم (شيخ نكير) خطبة عصماء , عدد فيها مآثر

الفقيدة ..ّّ!


في طريق العودة سأل (أب تسعة) (رمضان) :

إنتا يا (رمضان) ياخوي , نفوس دي أسلمت متين ..؟

أجابه (رمضان) :

والله أنا معاشرا لي كم سنة أسي , ماعارف ليها دين , لكن قلتا ألم الحكاية ..!!

سأله (أب تسعة ) مستنكراً :

لكن إنتا قلتا يسألني الله , يازول , إنتا ما ...

قاطعه (رمضان) مختصراً :

يعني ربك حا يخلي البلاوي العملتها في دنيتي دي كلها ويركز على إسلام (نفوس) ده , ..

ياخي أنا عدد الخرفان السرقتها دي ساي لو ربك إتذكرا لي يوم القيامة إلا أشوف لي بلد تانية , ..!!

رد (أب تسعة) :

أستغفر الله يازول إنتا ما عندك دين , ده كلام شنو ده ..؟

تدخل (البعيو) قائلاً :

والله إنتو عالم فاجرة , (نفوس)دي غايتو ما حاتلقى ليها زول يدعي ليها دعوة صالحة , ..

هنا جاء دور إبنها (عبدالله الدفار) الذي كان قد جاوز حينها السادسة عشر ,..

وقال في حزن :

(نفوس ) أنا براي بدعي ليها وبعمل ليها (سبيل) كمان , ..

نظر إليه (البعيو) وقال :

والله , إنتا كمان بالذات تبعد عنها , إنتا أكبر مصيبة وقعت على راس المرة المسكينة دي , ..

وهنا بدأت حكايات (عبدالله الدفار) إبن (نفوس) من (رمضان) والذي تولوا تربيته جميعهم , ..!!

كمال علي الزين


التحية والتجلة


حلوة ( لكن من الليلة معاكم حق )


شنو قلت ( بت السيد علي ) ؟


التحايا جلها واسماها



الله يحفظك آآآآآآآآآآآآآآآمين

Quote: كمال علي الزين التحية والتجلة حلوة ( لكن من الليلة معاكم حق ) شنو قلت ( بت السيد علي ) ؟ التحايا جلها واسماها الله يحفظك آآآآآآآآآآآآآآآمين

ويحفظك يا أستاذ

شكراً على حضورك الكريم ..

(*)

(نفوس) قبيل وفاتها , لم يكن لها حديث , سوى خبر (أمها) , التي سمعت أنها على قيد الحياة , ..

وتعيش بالرنك , أخذت إبنها (عبدالله الدفار) وسافرت لزيارتها , ..

شهر مضى والمكان بغير (نفوس) , لم يكن يطاق لصحبها , ..

(حسن البعيو) عاد إلى المسجد , صار صامتاً , قليلاً مايحدث أحداً , ..

(أب تسعة) لم يستطع الصمود فأستغل غيبتها وسافر لزيارة أهله بالسوكي , ..

(رمضان الحلبي) أنشغل عنها بحبيته الجديدة (طيبة الزانداوية) , كانت (طيبة) جميلة ذات قوام ممشوق , ..

لونها برونزي فاتح , وكانت تحبه , ..

(رمضان الحلبي) و(طيبة) , كانا خفيفي الظل , ..

ولكنهما لم يستطيعا تخفيف أمر فراق (نفوس) على (البعيو) أو (أب تسعة) , ..

فأنشغلا عنهما بحفلات (الغناء الزائيري) التي كان يقيمها أهلها في كل أنحاء العاصمة , ..

صار (رمضان) يهتم بملبسه أكثر , ..

تخلى عن الموتر وعمل سائقاً بالسفارة (الألمانية) , ..

وأحبه الألمان وسفيرهم على وجه الخصوص , ..

قال (البعيو) وهو يرى السفير الألماني يزور (رمضان) ويخرج من بيته ضاحكاً :

الشكية لي الله , الحلبي ده , ياكل راس الأسد , الله لا كسبوا , فرد السفير الألماني زاتو , ..

يقال أن (رمضان ) قد كذب على السفير وأدعى أنه من أصل يهودي مات أهله في (الهولوكوست) وأن أبيه هذا ليس أبيه , ..

وأن هذه الأسرة المصرية إستجلبته من اليونان بعد الحرب العالمية وكفلته وتبنته , ..

سأل (أب تسعة ) (نفوس) ذات مساء , بعد عودتها من (الرنك) :

إنتي يا(نفوس) صحي (رمضان ) غاشي السفير عشان كده بحبو وبعطف عليهو ..

ردت (نفوس) :

أيوة قال ليهو إنو أهلو كتلهم (هرتل) في (كوستي) , و ..

قاطعه (البعيو) كعادته مصححاً :

(هرتل ) ده منو يا بهيمة , إسمو (هتلر) وبعدين الجابو (كوستي) شنو ..؟ إنتي قصدك (الهولوكوست) ..

ردت (نفوس) :

ودي ماياها (كوستي ) زاتا يعني ..!!؟


نظرا لبعضهما , (البعيو) و(أب تسعة) وأنفجرا ضاحكين , ..

ورمتهما (نفوس) بغطاء (الحلة) التي كانت تعمل على تنظيفها ..!!

اخي العزيز كمال

كلنا في قمة النشوة والمتابعة

كان معي في الهاتف قبل قليل ابن الخالة سيف اليزل جعفر من اليابان وهو زول صاحبي شديد

ودائما ما نتناقش في كتاباتك,وهو من المعجبين بكتاباتك وخيالك المجنح في الكتابة

واقول لك ان اهلنا في التريعة اشتهروا منذ زمن قديم بتفطيسهم لاي حرامي يمر من هناك

لذلك كان الحرامية متخصصين في (النمر) وهو مصطلح للمنطقة من المركز الصحي وانت ماشي

ولا تحتاج الي ان اذكرك بقصة ذلك اللص الذي تم قتله ووضعوا له الشطة في مؤخرته

وكان اخر من كال له لكمة صديقنا وقريبنا طراه الله بالخير عبد العزيز النمير لاعب الاهلي وبري

ابو حشيش سابقا, وكان صديقا لاخي الاكبر الذي كان يلقبه ب(خواجي التريعة) فالرجل تفتح مبكرا

وما خلي سينما او بار,من لدن اكسلسيور وحتي سان جيمس وله مع اخواني الكبار مغامرات تضيق عنها

الصفحات في ذلك الزمان الجميل في ايام حكومة الرئيس الاسبق نميري في فترة ما قبل قوانين سبتمبر

التي مزقت السودان متعدد الاعراق والاديان.

كتاباتك يا كمال ممزوجة بحواري الكلاكلة وحاراتها وشخوصها وحواراتها,ونكاد نحس بها حتي النخاع

ولي ابن خالة بتاع سجارات كان تعبان مع اهلنا في التريعة,عايز يمشي بحر التريعة يستمتع بالسجارات

واحيانا تكون معه جكسويته,وكل يوم بنيات وهوكات مع عائلة ابراس ناس مجتبي وخلافه,ورغم صغر حجمه

فقد كان صنديدا,فعذبهم وعذبوه رغم صلات القرابة فكانت الحرابة تدور كل يوم الي ان اصبحوا اصدقاء.

الادب الحق يا كمال هو الممزوج بعرق الناس وضحكاتهم واهاتهم ولقد وصلت الي هذا فعقبال النشر قريبا.

تحياتي لصديقي المقاتل الجسور عاطف ولكل الاسرة,وسر الي الامام فلديك معجبون يتابعون.

سيف

الأستاد كمال الزين أب حالاً زين

ياخي إبداع أيما إبداع
أنا بدخل بوستاتك بعد كل يوم شاق
لأنها استراحة حقيقية

وبستكتر على نفسي أدخل وأعلق
بحب أتابع
لكن أجبرتني على التعليق زي
ما أجبرت أي متداخل تاني

لك الود والسلام والتحية

Quote: الأستاد كمال الزين أب حالاً زين ياخي إبداع أيما إبداع أنا بدخل بوستاتك بعد كل يوم شاق لأنها استراحة حقيقية وبستكتر على نفسي أدخل وأعلق بحب أتابع لكن أجبرتني على التعليق زي ما أجبرت أي متداخل تاني لك الود والسلام والتحية

Quote: الأستاد كمال الزين أب حالاً زين ياخي إبداع أيما إبداع أنا بدخل بوستاتك بعد كل يوم شاق لأنها استراحة حقيقية وبستكتر على نفسي أدخل وأعلق بحب أتابع لكن أجبرتني على التعليق زي ما أجبرت أي متداخل تاني لك الود والسلام والتحية

مرحبا , أخي (نورالدين)

شكراً ياسيدي على لطف كلماتك ,

خالص ودي ..

Quote: اخي العزيز كمال كلنا في قمة النشوة والمتابعة كان معي في الهاتف قبل قليل ابن الخالة سيف اليزل جعفر من اليابان وهو زول صاحبي شديد ودائما ما نتناقش في كتاباتك,وهو من المعجبين بكتاباتك وخيالك المجنح في الكتابة واقول لك ان اهلنا في التريعة اشتهروا منذ زمن قديم بتفطيسهم لاي حرامي يمر من هناك لذلك كان الحرامية متخصصين في (النمر) وهو مصطلح للمنطقة من المركز الصحي وانت ماشي ولا تحتاج الي ان اذكرك بقصة ذلك اللص الذي تم قتله ووضعوا له الشطة في مؤخرته وكان اخر من كال له لكمة صديقنا وقريبنا طراه الله بالخير عبد العزيز النمير لاعب الاهلي وبري ابو حشيش سابقا, وكان صديقا لاخي الاكبر الذي كان يلقبه ب(خواجي التريعة) فالرجل تفتح مبكرا وما خلي سينما او بار,من لدن اكسلسيور وحتي سان جيمس وله مع اخواني الكبار مغامرات تضيق عنها الصفحات في ذلك الزمان الجميل في ايام حكومة الرئيس الاسبق نميري في فترة ما قبل قوانين سبتمبر التي مزقت السودان متعدد الاعراق والاديان. كتاباتك يا كمال ممزوجة بحواري الكلاكلة وحاراتها وشخوصها وحواراتها,ونكاد نحس بها حتي النخاع ولي ابن خالة بتاع سجارات كان تعبان مع اهلنا في التريعة,عايز يمشي بحر التريعة يستمتع بالسجارات واحيانا تكون معه جكسويته,وكل يوم بنيات وهوكات مع عائلة ابراس ناس مجتبي وخلافه,ورغم صغر حجمه فقد كان صنديدا,فعذبهم وعذبوه رغم صلات القرابة فكانت الحرابة تدور كل يوم الي ان اصبحوا اصدقاء. الادب الحق يا كمال هو الممزوج بعرق الناس وضحكاتهم واهاتهم ولقد وصلت الي هذا فعقبال النشر قريبا. تحياتي لصديقي المقاتل الجسور عاطف ولكل الاسرة,وسر الي الامام فلديك معجبون يتابعون. سيف

Quote: ياخ ناس زي ديل هم ملح الأرض ما داير ادور اسطوانة مشروخة عنهم

(*)

العزيز/ سيف برعي

سلامات

(سعد جعفر ) أو(سعدالدين عبدالرحمن) كما يعرف هنا ,

كان معانا بي جاي , وقضى معنا أياماً جميلة ,

وياصديقي فعلاً أولئك قوم مدهشون وملاعين , ..

Quote: فالرجل تفتح مبكرا وما خلي سينما او بار,من لدن اكسلسيور وحتي سان جيمس وله مع اخواني الكبار مغامرات تضيق عنها الصفحات في ذلك الزمان الجميل في ايام حكومة الرئيس الاسبق نميري في فترة ما قبل قوانين سبتمبر التي مزقت السودان متعدد الاعراق والاديان.

Quote: ورغم صغر حجمه فقد كان صنديدا

Quote: ولا تحتاج الي ان اذكرك بقصة ذلك اللص الذي تم قتله

Quote: واحيانا تكون معه جكسويته,وكل يوم بنيات وهوكات

Quote: فكانت الحرابة تدور كل يوم الي ان اصبحوا اصدقاء.

ليس لدي كيبورد عربي


حتى عودة لكم جميعا تحايا عطرة

Quote: وهوكات مع عائلة ابراس ناس مجتبي وخلافه

كمال الزين
جيت اشوف الجدا دي شنو
لك الود

Quote: كمال الزين جيت اشوف الجدا دي شنو لك الود

مساء الخير (أم راشد)

سعيد بعودتك , أتمنى أن تكوني بخير ..

عاطر ودي ..

الاخ كمال
سلامات
مررت كثيرا بهذا البوست ولكن لاادرى ماالذى يبعدنى الا ان فتحته
فكان السرد الرائع الى حد الدهشة وظللت مساهرة الى الساعة 2 صباحا

يا حليل الشغل

واصل انا مستنياك

Quote: الاخ كمال سلامات مررت كثيرا بهذا البوست ولكن لاادرى ماالذى يبعدنى الا ان فتحته فكان السرد الرائع الى حد الدهشة وظللت مساهرة الى الساعة 2 صباحا يا حليل الشغل واصل انا مستنياك

صباحك خير ياتيسير


سعيد بمرورك وآسف على تسهيدك أو تسهيرك لأن الأولى للعشاق ,..

حسب إحتكار المثقفاتية والشعراء , ..

ما حا تستني كتير , ..

كوني بخير ..

Quote: .. سعيد بمرورك وآسف على تسهيدك أو تسهيرك لأن الأولى للعشاق ,.. حسب إحتكار المثقفاتية والشعراء , ..

بالعكس ما اجمل السهر مع هذا السرد الجميل .
البورد بقى يخوف غليكم الله ما تخلونا ننكوى بناره كتيير

Quote: بالعكس ما اجمل السهر مع هذا السرد الجميل . البورد بقى يخوف غليكم الله ما تخلونا ننكوى بناره كتيير

تاني غايتو أن حالف ما أدخل في بوست (عنف) لا مدافع لا مهاجم , الحكاية مسخت وجاطت ,..

(*)

(أبوالليل) كان غائباً يوم وفاتها , يوم وفاة صديقته (نفوس) , ..

كان قد خرج من السجن , وتاب وأسلم خلافة الكيف لنائبه (أب تسعة) , ..

وجدوه عند قبرها باكياً , إرتمي عليه , وأصر على المبيت عنده , ..

وفعلها , وجدوه صباحاً يخرج من بين القبور ولا يزال وجهه متورماً من آثار السهر والبكاء , ..

(البعيو) كان يدرس اللغة الإنجليزية مساءً ويجمع كل ماتيسر من معلومات عن (بلاد العم سام) , ..

قال وكان يبدو جاداً في قوله :

أنا بحب أمريكا وعاوز أهاجر ليها لأنها بلد بتحترم (البعيوات) , (البعيو) هناك كان فشل ببقى

(مصارع ) وكان فشل شديد , بمثل في الأفلام ديك , أفلام اللي بالي بالك ديك ,.. أيوة ماكلكم

بتحبوها , وبتشوفها , وبعدين تنكروا , ..

حتى (شيخ نكير) أي والله (شيخ نكير ) عندو منها كمية , مرة سرقتها منو , بعتها في سوق

(القنص) , والله جابت مبلغ محترم , سكرتا منو وجبتا منو عشا لي (نفوس) الله يرحمها , ..

(أبوالليل) أطلق على إحدى بناته إسم (نفوس) , ..

(البعيو) يزعم أن لموت (نفوس) علاقة ما , بزيارتها لأمها , وقد سأل (د. عبدة) تفسيراً علمياً ,

وأعطاءه تفسيراً , أقنعه جداً , وكره (أم نفوس) , لأنها حسب زعمه هي من تسبب بموتها , ..!!

(*)

(نفوس) بعد عودتها من زيارة أمها , تغيرت كثيراً , صارت أقل مرحاً من زي قبل , ..

كما أنها صارت أقل شراسة , نقص وزنها كثيراً , قبلت بأشياء كثيرة لم تكن تقبل بها من قبل , ..

حتى أنها قبلت (مبلغاً ) من المال من أحد المحسنين , لم يصدق ذلك أحد , ..

(نفوس ) كانت شديدة الإعتداد بنفسها , رغم فقرها إلا أن نفسها كانت (عزيزة) , وأنفها عالي ,..

كانت كثيراً ماتحكي عن أنها يوماً ما ستعود إلى أهلها كانت تفخر بأن لها أهلاً :

شوف يا(البعيو) إنتا أظنك قايلني مقطوعة من شجرة , أبداً يا خوي أنا أمي حية وأهلي كتار بس

مالاقياهم , ويوم ما ألقاهم , حياتي دي كلها حا تتغير , وحاتشوف عينك , ..

يرد (البعيو) :

أيوة عارفك من (ناس النفيدي) ورايحة منهم , والله مافي شي مطلع عينك غير وهمك ده ..

تغضب (نفوس) :

والله ياسجم أنا بس ماعندي جواز سفر , لكن كان عندي كنتا أقل حاجة مشيت الحبشة لي أهل أبوي ,

يضحك (البعيو) :

يعني أبوك جا بي جواز , يازولة السودان ده زي (النكس) تطلعي منو وتخشيهو عادي بأي

إتجاه , ..!!

(*)

(نفوس) لم تمكث كثيراً , عند أهلها , ..

عادت بسرعة أدهشت أصدقاءها , باغتها (البعيو) قائلاً :

إنتي يا(نفوس) ماكنتي بتحلمي باليوم ده عمرك كلو , وقادانا قد ,( أهلي) , (أهلي ) , ..

ردن عليه (نفوس) بصوت خافت :

أنا تعبانة من السفر أسي (حسن) , خليني عليك الله , ..

قاطعهم إبنها (عبدالله الدفار) :

أنا جعان يا(نفوس) , ..

صاح فيه (البعيو) :

(نفوس) دي أختك ياود إنتا , قول ليها (يمة) , ..

وأردف ساخراً :

ولا أقول ليك حقو تقول ليها (ماما) ولا (مامي) زي (شيريهان) في المسلسل , ماخلاص (ماميك) دي

لقت الأسرة الحاكمة الضاعت منها ..

ثم ضرب على يد (فرح آتو) وأستغرقا في ضحك متواصل ...

(نفوس) أشاحت بوجهها عنهم , ..

وشردت تفكر بشئ يجهلونه ..!!

يا كيمو الليلة الصباح قابلت البعيو ..





وليك علي اجيب ليك صورة طازجة له ..

Quote: يا كيمو الليلة الصباح قابلت البعيو ..

ياخي تحياتي وأشواق ومحبة ..

Quote: وليك علي اجيب ليك صورة طازجة له ..

والله كده (جكس ) البورد ده كلو حا يتكسر ..

قول ليهو كمال قال ليك :

صورة بي ردا الجنز داك , ونضارات شمسية بالليل , ..


سأروي حكايته معي حين صيرني (فتوة) وما أنا بذلك ..

(*)

كنت يومها ماراً بجوار موقع جلوسهم المعتاد , ..

تعودت أن أداعب (حسن البعيو) بكلمات من قبيل (يامعلم) , (يا طويل.. البال) , ...

و..

يومها وجدت ثلاثة من الشباب يحتدون معه بالحديث , وعلا صوتهم , ..

تكالبوا عليه وضربوه , رموا به أرضاً وراحوا يركلونه , ..

(حسن البعيو) كان حبوباً مسالماً , لم يؤذ أحداً طوال حياته , ..

لم أستطع الوقوف متفرجاً , ولم أفكر كثيراً , وكررت عليهم مهاجماً , ..

كنت في حالة أشبه بالغياب عن الوعي , ..

ضربت أحدهم على فكه فوقع أرضاً , ركلت الآخر , ثم الثالث , ..

(مشت معاي كده ) ..

كانت ضرباتي هذه مؤلمة على مايبدو , فقد نهضوا على عجل وفروا دون أن ينطقوا حرفاً , ..

بعد أنتهت المعركة , نظرت إلى أحجامهم وأنا أحمد الله على أنهم لم يفكروا في مهاجمتي أو الرد على

لكماتي , ..


(حسن البعيو) قام من الأرض ضاحكاً , وحملني بيديه محاولاً رفعي إلى أعلى , هكذا كانت طريقته في

الإحتفاء , ..

بعدها صار يحكي ويتحاكي عن (قوتي وبأسي) , ..

وما أنا إلا محب غضب لصديقه وحالفه الحظ , ..

بعدها صار أغلب من سمع رواية (حسن البعيو) التي يخلص في روايتها ولا يقصر في إضافة (بعض

الآكشن) , ..

صاروا يعملون لي ألف حساب , ..

حتى جاء يوم أن قدم إبن إحدى قريباته وهو (سامي ميلاد)* , الذي دعم (قصة فتونتي المزعومة ) ..!









___________________________________________

(سامي ميلاد) هو(سامي سليمان ميلاد) إبن الشهيد (سليمان ميلاد) شقيق الزميل (رأفت ميلاد)

شفتو الدنيا دي ضيقة كيف ..

السرية جدا هي عادتك في الكتابة ..أثملتني حروفك ..وجدتني أتمشى مع نفوس والبعيو ..في أزقتنا الحاضرة في الخيال ..وأوجعتني تلك النظرة العابرة التي نرمقهم بيها ..سلمت عاداتك.
مع ودي

Quote: السرية جدا هي عادتك في الكتابة ..أثملتني حروفك ..وجدتني أتمشى مع نفوس والبعيو ..في أزقتنا الحاضرة في الخيال ..وأوجعتني تلك النظرة العابرة التي نرمقهم بيها ..سلمت عاداتك. مع ودي

شكراً داليا على لطف كلماتك , ومجاملتك الرقيقة ..

عاطر ودي ..

Quote: مساء الخير (أم راشد)

منتظر تلفونك على المسينجر يا دكتورة

(*)


ليلة عصيبة جداً , عشتها بسبة أنني (بطل ) مفترض , أو (فتوة) عاتي , ذو بأس شديد , ..

جاء ليلتها مجموعة من الشباب على متن (حافلة) وأحتلوا (بيت) أبو الليل بغيابه , ..

يبدو أنهم جاؤوا ومعهم كافة أنواع (الكيف) , كما أنهم إستطحبوا معهم (عتوت) صغير زبحوه وقاموا

بطهيه (قعدة وشربا ودخان وعشوة) , ..

هذا كله بغياب (أبوالليل) , أحدهم إدعى أنه صديقه , ,انه لا يعلم أن (أبوالليل ) بالسجن , ..

وقد تورط حيث أنه قام بدعوة أصدقاءه ولا مناص من أن يبر بوعده , ..

لم يكن (رمضان) و(آتو) و(أبوالشي) بالجوار , وكذلك كان (أب تسعة) غائباً , ..

إحتج عليهم (البعيو) وأحتد معهم وطالبهم بالمغادرة , فأبرحوه ضرباً وسخروا منه , ..

ولم يكن أمامه إلا أن يستنجد بأحد ما , يستطيع ردعهم , ..

وكان أن جاءني (بحسبان أنه يعتقد أنني) أستطيع تفريق جمعهم , والبطش بهم , ..

فقد كنت بطله المفترض , و(فتوته ) العتي , ..

بالتأكيد حاولت التملص , ..

لكنه حاصرني , ..

وبخس من أمرهم أمام قدراتي العظيمة في القتال , ..

(ياكيمو ديل لو وقفت قدامهم ساي ودورت فيهم هوكاتك ديك, كلهم بفتحو ما بقيفوا إلى في السجانة) ..

توكلت على الله ومضيت معه ..!!

وكانت ليلة طويلة قاسية , ..

لا أعادها الله ..!!

*************
ذاكرتك عجيبة ياكبمو..

تسلم.............

Quote: ذاكرتك عجيبة ياكبمو.. تسلم.............

ده نصو تأليف معقولة أنا حا أدقا الدقة الحا أحكيها دي

(*)

ليلتها مضى أمامنا (البعيو) إلى بيت (أبو الليل) , ..

كان يمشي مسرعاً , أمامي في حماس وثقة , ..

كان يحدث نفسه وهو يمشي :

الليلة يا(...) جبتا ليكم (كيمو) وجيت ..


وأنا من خلفه أرد عليه هامساً :

(كيمو) تطير عيشتو يا (البعيو) , الليلة أمانة ما (كيمو ) بتاعك حا يتوضب . ..!!

يلتفت لي متسائلاً , دون أن يبطئ سرعته :

قلتا حاجة يا(كيمو) , ..؟

رددت عليه :

لا قلتا ليك بيت (أبو الليل) ده لسا , ..

يرد مستغرباً :

إنتا ماعارف بيتو وين , ..؟

إنتا الليلة مالك يا (كيمو) , ولا تلقاك يدك أكلتك .. وضحك واثقاً وأردف :

خلاص قربنا أسي بتتفشا فيهم ..

ليلتها , صحبنا (فتى ) جسور , إسمه (سامي ميلاد) , ..

كان صغيراً على مثل هذا المعارك , (نظام أنا متعود وكده ) , ..

لكنه كان شجاعاً و(قلبو حار) ..

عرفته عن قرب بعدها , ولم يدهشني أنه إبن الشهيد (سليمان ميلاد) . ..

هذا الشبل من ذاك (الأسد) ..

فجأة وجدتنا ويا لحسرتي أمام (بيت أبوالليل) , وأصوات الجماعة تأتينا من الداخل , ..

يتسامرون ويضحكون , ويتناولون (العتوت) و(العرقي) , ..

ضرب (البعيو) على الباب برجله فأنفتح وصاح فيهم :

قوموا يا (.... ) الليلة (كيمو) جاكم ..!!

(*)

قارئ عزيز من الإمارات , ..

الأخ / أبو ذر حسن طه .. من (أبناء الحصاحيصا)

هاتفني مشكوراً ,


يبدو أنه يستعجل حكاية (البطولة الماتت قبل ما يسمعن بيها بنات عمها) ..

غداً نواصل ..

شكراً أبا ذر ..

.










البوست ده بكون فتحتو الف مرة
لي عودة

Quote: البوست ده بكون فتحتو الف مرة لي عودة

مرحباً بعودتك ..

كيمو !!!

يعطيك ألف عافية أيها المبدع ..

Quote: يعطيك ألف عافية أيها المبدع ..

يعافيك ياعطوفة ..

صباحك خير ..

سعدت بعودة قلمك المميز ..

منتظرين , حاجات جديدة ..

عاطر ودي

(*)

لم يكد (حسن البعيو) أن يفعل فعلته ويقتحم المكان , وكله ثقة بأنه جاءهم بمن سيبطش بهم , ويشتت

جمعهم , حتى هب من داخل البيت (دستان ) من الطوال العراض الشداد الغلاظ , ..

باغته أحدهم قائلاً ولم يحرك ساكنا ولازال بين فكيه (عظم) من زبيحتهم التي سنلحق بها إنشاء الله على

أيديهم :

إنشاء الله ما يكون (كيمو) بتاعك ده ,واحد من الشافعين الجاي جاريهم وراك ديل ..؟

رد (حسن البعيو) في ثقة :

كمان بتقل أدبك ..



لا أذكر جيداً ما جرى بعدها , ..

فقد أظلمت الدنيا أمامي ..

و...

لعن الله مساعدة الأصدقاء , في تلك الأنحاء ..!!

Quote: ده نصو تأليف معقولة أنا حا أدقا الدقة الحا أحكيها دي

يا كيمو يا رائع .. كما قالت اميرة فان ذاكرتك من فولاذ وان ما تسرده واقع عشناه بكل تفاصيله وشخوصه التي لا زالت تمشي بيننا ..

Quote: تفاصيله وشخوصه التي لا زالت تمشي بيننا ..

طيب ما تجيب لينا صورة (حسن البعيو) نشوف ماذا فعل الزمن بصاحبي

يا معتصم شوقتنا لصورة للبعيو..


سيف

Quote: يا معتصم شوقتنا لصورة للبعيو..

(*)

مابين إقتحامنا لبيت (أبوالليل) و معركة (ذات العتوت) ...

خمس دقائق أو أقل , (دقونا فيها دق العيش) , إلا أننا لم نخاطر بسمعتنا السابقة , ..

ولم نفر , ..

كروا علينا جميعهم , إستقبلهم (سامي ميلاد) بضربات سريعة لم تكد أن تتهاوى أمام بأسهم وكثرة

عددهم , لكنه والحق يقال (إتطقطق بشرف ) , ..

وكذا كان حالي , كان البيت بلا كهرباء , .. ولما أشتد الوغى وحمي الوطيس , ..

وكدنا أن (نلحق حبوبتي) , فاجأني أحدهم وسط ذلك الظلام :

كمال .. ؟

لم أستطع إجابته بالطبع فقد كنت مشغولاً جداً , ..جداً ..

توقفوا عن ضربي , وتوقفت عن إستقبال لكماتهم , بعد سماعهم لأحدهم يناديني بإسمي ..!!

(*)

دخل علينا (حسن البعيو) فجأة , ..

ووجدنا (سامي ميلاد) وأنا , نتوسط خصومنا السابقين بمعركة (ذات العتوت) , ..

وبدأنا في إلتهام لحم العتوت وإحتساء (السفن أب ) , ..

وعلت أصواتنا ضحكاً وصخباً , ..

نظر إلينا وأبتسم ومضى في طريقه إلى الخارج , ..

كان البعيو قد أختفى عند بدء المعركة , ..

ولم يظهر مرة أخرى إلا الآن , ..

ووجدنا قد توسطنا القوم , وشاركناهم وليمتهم وسمرهم ..!!

(*)

لم يعد (البعيو) بعدها مرة أخرى , ..

حسبته قد رأي بطله المزعوم يتهاوى أمامه , و(يوضب توضيب عدوكم) , ..

لكن ويا للمفاجأة , قابلت بعدها بيومين , (فرح آتو) وقابلني بإبتسامة عريضة وباغتني قائلاً :

والله يا(كيمو) لكن طلعت شفت , (البعيو) حكي لي ..

حسبته يسخر مني , ولكنه ضاعف حيرتي حين إستدرك :

ياخ إنتا و(سامي ميلاد) ده ملاعين , بالله طقطقتوا الجماعة وأكلتو عتوتهم ,..

(عفيت منكم) ..!!

(*)

يبدو أن (حسن البعيو) ولحسن حظ (العبدلله) , لم يشهد لسبب ما , نجهل كنهه (معركة ذات العتوت) , ..

وعاد ووجدنا على تلك الحالة , ..

لا شك أنه ظن أننا كنا الأعلى كعباً وأنتصرنا عليهم وأكلنا (مزتهم) وشربنا , (مشروباتهم) , ..

ولم يطق صبراً من فرط غبطته , ..

فمضى وروج لبطولة جديدة , ..

وزاع خبر نصرنا , ..

وأحتفظت بموقعي كبطله (المفضل) , ..!!

Quote: يا معتصم شوقتنا لصورة للبعيو.. سيف

(*)

عودة (نفوس) من لدن أهلها , ..

كانت تحفها بعض من غرابة , ..

وجه هذه الغرابة يتجلى بصمتها الذي صار سمة على غير عادتها , ..

ونحولها , وشرودها الدائم , ..

ثم وفاتها المفاجئة ..!!

(*)

(حسن البعيو) يتأثر دائماً بصديقه (د. عبدة) , ويحفظ أقواله وينقلها عنه , ..

(د. عبدة) مستودع الحكمة بعالم (حسن البعيو) , ..

(البعيو) صار يتحدث عن التحليل العلمي للأحداث , ..

أخذ معه (عبدالله الدفار) ويمم وجه شطر بيت (د. عبدة) , أملاً في تفسير ما , ..

لما طرأ على (نفوس) من تغيير , ثم وفاتها المفاجأة , ..

سأل (د. عبدة) إبنها (الدفار) عن رحلتها للتعرف على أهلها , ..

وروى (الدفار) كل ماجرى , وبتفصيل ممل ...

وبعدها , جاءهم (د. عبدة) بالخبر اليقين ..!!

(*)

روى (عبدالله الدفار) , أن (نفوس) كانت تكاد تطير فرحاً , حين سمعت بأمر أهلها , ..

عثورها على أهلها كان حلم حياتها الذي عاشت من أجل تحقيقه , ..

(أمها) وأهل أمها , ..

والمكان الذي تنتمي إليه , ..

ودفء العائلة , ..

أحلام (نفوس) صغيرة متواضعة , أغلبها تدور حول المحبة والحميمية, ..

وصلت إلى أهلها فجراً , سألت عن بيت أمها , قادها إليه شيخ كان قد غادر المسجد لتوه ,

عائداً من صلاة الفجر , ..

وصلت بيت أمها , طرقت الباب , وهي تحتضن إبنها (الدفار) , ..

وتسارعت دقات قلبها ..!!

الحبيب كمال تحياتي

نفوس
ابو اليل
ابو تسعة
حسن العيو
رمضان الحلبي
د.عبده
عبدالله الدفار
فرح أتو
مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد
واصل نحن في الانتظا

Quote: الحبيب كمال تحياتي نفوس ابو اليل ابو تسعة حسن العيو رمضان الحلبي د.عبده عبدالله الدفار فرح أتو مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد واصل نحن في الانتظا

Quote: الحبيب كمال تحياتي نفوس ابو اليل ابو تسعة حسن العيو رمضان الحلبي د.عبده عبدالله الدفار فرح أتو مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد واصل نحن في الانتظا

(*)

معاك حق يا (أسامة)

تستطيع رؤيتهم بكل مكان ..

تحية ومحبة لهم ..

أينما كانوا , ..

مع أختلاف أسماءهم , ..

عاطر الحب ..

حياتهم كتاب مفتوح للجميع بس بتتغير الادوار في المسرحية اما المسرح فهو واح

الغالي كمال ود الزين

انت مشيت وين

مازلنا منتظرين

في وجد وحنين

لتكملة هذا السرد الرصين

Quote: الغالي كمال ود الزين انت مشيت وين مازلنا منتظرين في وجد وحنين لتكملة هذا السرد الرصين

تشكر يا أسامة على حسن ظنك ..

سنواصل ..

عاطر التحايا ..

تستاهل الورود يا كيمو والله انتا ما ساهل تب
ينصر دينك يا شيخ واصل بالله .... طوالي

Quote: تستاهل الورود يا كيمو والله انتا ما ساهل تب ينصر دينك يا شيخ واصل بالله .... طوالي

حبيبنا وشاعر الغاوون المجيد ..

أسعدتني زيارتك , ..

وليتني أستطيع قطف ورود حقيقية لك أيها الرجل الجميل ..










___________________________________

أوعا يكون حمودي العسل جاي وراك (الكلام ده ماكويس يقروه الشفع )

Quote: مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد

(*)

(عبدالله الدفار) إبن (نفوس) , ..

كان صبي ضخم الجثة , أبيض اللون , مجعد الشعر , ..

كان هجيناً حقيقياً بين (نفوس) و(رمضان الحلبي) , ..

كان الفتى يعيش حياة جيدة ومرفهة , بحسبان أن له عدة آباء , ..

يشرفون عليه مناصفة , ويتبارون في تدليله , ..

وربما هذا ما أكسبه هذه الشخصية اللا مبالية , ..

أو ربما تلك هي (جينات) رمضان الحلبي , ..

طالما عانت (نفوس) من أجل تحقيق حلمها ,بتنشأته نشأة صحية , ..

بعيداً عن آباءه الملاعين ..!!

(*)

أطلق عليه رصفاءه من أبناء جيله لقب (الدفار) , ..

لضخامة حجمه ولأنه يمشي زاحفاً على الأرض , ويتهادي كسيارة النقل التي تسمى بنفس الإسم , ..

أدخلوه عدة مدارس , لكنه سرعان ما يفصل لسوء السلوك , ..

الغريب أنه رغم ضخامته وإنفلاته لم يكن عنيفاً يوماً , ..

كان يجئ بما يزهل الشياطين , ..

ضربوه كثيراً بغرض تأديبه , (جميع آباءه ) وكذلك (نفوس) , ..

لم يكن يتأثر كثيراً بعقابهم , ..

(نفوس) كانت تأمل به كثيراً , ..

لكنه طالما خيب آمالها ..!!

تحياتي

سرد حقيقي (تلك الشخصيات الروائية)اشعر باني اعرفهم والتقيتهم في مكان ما موجود في الذاكرة اليومية..



قاصي اترك...


دم بخير..

Quote: تحياتي سرد حقيقي (تلك الشخصيات الروائية)اشعر باني اعرفهم والتقيتهم في مكان ما موجود في الذاكرة اليومية.. قاصي اترك... دم بخير..

مرحباً بك دائماً يا(محمد)

أتمنى أن أقول عنهم جيداً ..

عاطر الحب ...

كثيرا ما ننظر لهم وكأننا من عالم مختلف ..ولكن القاسم المشترك يبقى..في خيبات الأمل ..واصل
متابعين .

Quote: كثيرا ما ننظر لهم وكأننا من عالم مختلف ..ولكن القاسم المشترك يبقى..في خيبات الأمل ..واصل متابعين .

صدقت يا(داليا)

عوالمنا واحدة وإن إختلفت طرائق (خيبات الأمل) ..

عاطر تحاياي ..

(*)

رافقها (عبدالله الدفار) برحلة زيارة أهلها الأولى , ..

والأخيرة , ..

عادت وهي تفتقد الكثير من (مكونات) المرأة التي عاشت بين الناس ,

وعرفت (بنفوس) , ..

وعاد وهو كما هو , ..

(عبدالله الدفار) , ذلك الأكول , الذي لا يبالي بشئ , ..

والذي كل ما أخرجوه من مصيبة فعلها , ..

عاد ليخلق أخرى ويحشر بها نفسه حشراً , ..

سأله (البعيو) :

أمك دي مالا يا (دفار) ..

أجابه وقد تبين ملمحاً لحزن ما , ليس من شيم (الدفار) :

(نفوس) دي عويرة , كانت فاكرة إنو لما تلقى أمها , حا تتغير حياتا , ..

وحا يكون اللقاء زي ما بحصل في الأفلام الهندية ديك , ..

تحضنا كده والمطرة صابة والموسيقى الهادية ديك شغالة ..!!

قاطعه (البعيو) :

والله يا سجمان الكلام البتقول فيهو ده , حيرني , أتاريك بتفهم ..

تحليل عجيب , كأنو البتكلم ده (دكتور عبدة) ..

رد (الدفار) :

مشكلتكم بتجرى ورا إنكم تعملوا فاهمين , ماقادرين تفهموا إنو عدم الفهم رحمة , ..

أها (نفوس) مشت ولاقت أمها وفهمت , ..

والفهم ده هو الكتل (نفوس) ..

أنا بتفرج فيكم , وماعاوز زول يعرف إنو أنا ممكن أفهم , عشان أعيش مرتاح ..!!

أكمل جملته ومضى تاركاً (البعيو) في دهشة حقيقية ..!!

جدو كيمو

ما شاء الله عليك ياخ

سرد جميل

دمت طيب

Quote: جدو كيمو ما شاء الله عليك ياخ سرد جميل دمت طيب

أبوالسعود

ماتفكها فيني كده وتمشي ..

غيرك يقول الكلام ده بمشيهو . ..

إنتا قدامي بدفعتين في نفس الحوش ..

أي نعم الكبر خشا , لكن حافظ كويس

وينك والله ليك وحشة ..

تلفونك وصلني وحا أديك تلفون ..

عاطر تحياتي ..

Quote: تاني غايتو أن حالف ما أدخل في بوست (عنف) لا مدافع لا مهاجم , الحكاية مسخت

ياخى لو مافى زول داخلك هنا ,,,
انا كنتا حاكون متكيف جداً
..
..

عليكم الله ما تخشوا الا يكتب النهاية ,,,!!وخليكم زى القراء ديل




ـــــــــ
كمال
"وما تخش بوستات العنف ما دام بتكتب بالطريقة دى"

كل ودى

Quote: ياخى لو مافى زول داخلك هنا ,,, انا كنتا حاكون متكيف جداً .. .. عليكم الله ما تخشوا الا يكتب النهاية ,,,!!وخليكم زى القراء ديل ـــــــــ كمال "وما تخش بوستات العنف ما دام بتكتب بالطريقة دى" كل ودى

سلامات يا الملك

شكراً ياسيدي على حسن ظنك ..

سنواصل عسى أن لا نواجه عنفاً هنا ..

لأنه تارة يلاحقنا حتى وإن كنا نتحدث , عن (إبن زيدون وولادته) ..

عاطر الحب ..

(*)

(يموت الإنسان ,حين تموت أحلامه)

هكذا لخص (د. عبدة) حكاية النهاية , نهاية (نفوس) , ..

تلك (المحبة) , (المحبوبة) , التي كانت تملأ الدنيا برزاز ضحكاتها , ..

وخفة ظلها , رغم ثقل حجمها , ..

(نفوس) كانت حلماً عابراً بحياة أصدقاءها , ..

وكانت حياتها حلم أيضاً , حلم لقاء أهلها , ..

ودفء (أمها) , ..

كانت عيناها تقول :

أنا (نفوس) الضائعة , حتى أجد (أمي) ..

رغم أنها ماتت عن نيف وأربعون , ..

إلا أنها كانت تحلم بطفولة جديدة , بين يدي أم لم ترها..!!

(*)

أشفقت على (حسن البعيو) , أيضاً ,..

حين علمت أنه دار حول حلمه أمريكا (كنحلة) حائرة , ..

ثم عاد إلى خليته , ..

حلم (البعيو) الذي عاش من أجله هو هجرته إلى (أمريكا) , ..

وحلم (نفوس) الذي عاشت من أجله , هو هجرتها إلى أحضان أمها , ..

كلاهما حقق حلمه , ..

وأرتمي بين أحضان (أمه) , ..

أميهما , (أم ريكا) و(أم نفوس) , ..

يبدو أن أحضانهما كانتا متشابهتان , ..

تشابه (حسن) و(نفوس) , ..!!

(*)

(نفوس) حين رحلت , ..

أخذت معها الكثير من جمال الناس والأمكنة , ..

بكى عليها كل من عرفها , ..

كل من غسلت ببيته , كل من خدمته بليلة عرسه بأجر ودون أجر , ..

(نفوس) رغم فقرها كانت صاحبة واجب , ..

كل أفراح وأتراح أحباءها من أهل الحي , ..

كانت تخدم فيها حافية , وترفض أن تتقاضى أجراً ,..

تغضب وتصرخ :

العروس دي مابتي , إنتوا أظنكم قايليني جيتكم خدامة , .

أنا ماناقصة شغل إنتو أهلي , ..

وتخرج غاضبة ..!!

(*)

بعض الناس يحملون معهم الكثير حين يرحلون , ..

(نفوس) كانت أحد أولئك الناس , ..

لكنها أيضاً , ظلت حاضرة بكل أركان المكان , ..

وبكل خفقة قلب أحبها وأحبته , ..

(عبدالله الدفار) , ..

حصد الكثير من غرسها , ..

بإلتفاف الناس حوله , ومحاولة البر به محبة في (نفوس) , ..

ووفاء لذكراها , ..

قال (البعيو) في لحظة سكر :

(نفوس) بتجيني في الحلم بالليل , وبشوفا في زحمة الناس في السوق العربي , ..

ومرة شفتها في التلفزيون , ..

يرد عليه (رمضان الحلبي) :

يازول والله صادق , مرة قمتا من النوم مخلوع , كنتا اليوم داك داقي ليك (الدفار) جنس دقة , ..

حسيت بيها بتخنق فيني , ونفسي بتقطع , ما حلاني منها إلا الصحيان من النوم , بعدها (الجزمة) ده ,

بقيت أعمل ليهو ألف حساب , ..

سمعهم (الدفار) الذي كان يتلصص عليهم :

(نفوس) بتجيني بالليل طوالي , مرة غطتني في البرد , ..

ومرة كنت جعان أدتني (طعمية) , طعمية عديل كده أكلتها ولقيت باقيها الصباح , ..

صاح بوجهه (البعيو) :

ياخي خيبة الله عليك حتى في سيرة المرة الطيبة دي ساكي بطنك ..!!

(*)

(نفوس) لدى وصولها بيت أمها , ..

وطرقها على باب بيتها للمرة الأولى , ..

كانت تتوقع لقاءً درامياً , ..

كما تشاهده بأفلام السينما وتبكي مع أبطالها , ..

فتح الباب وبدا من خلفه عجوز (أشيب) قصير , ..

بجلباب رث أبيض متسخ , ..

ما كاد يفتح الباب , حتى سبقته إلى طارقيه , ..

رائحة خمر معتق نفاذة ..!!

يا سلام يا سلام يا سلام يا سلام يا سلاااااااااااااااااااااااااااااااااااااااام
والله كم انت عظيم ووالله شعرت بانك صديقي وباعرفك منذ المتوسطه وكده لكن يبدو الفارق في العمر كبير .... والله منذ زمن لم اقرأ بمتعه مثل ما قرأت في هذا البوست كتر خيرك وان شاء الله بنتلاقي وواصل ربنا يطول عمرك.

Quote: يا سلام يا سلام يا سلام يا سلام يا سلاااااااااااااااااااااااااااااااااااااااام والله كم انت عظيم ووالله شعرت بانك صديقي وباعرفك منذ المتوسطه وكده لكن يبدو الفارق في العمر كبير .... والله منذ زمن لم اقرأ بمتعه مثل ما قرأت في هذا البوست كتر خيرك وان شاء الله بنتلاقي وواصل ربنا يطول عمرك.

أستاذنا/ طارق

ده من لطفك يازول ياطيب , نتشرف بلقاءك ومعرفتك ثروة ..

عاطر الحب ..

(*)


لحظة اللقاء بين (نفوس) وأمها , ..

كانت ...

مشهد آخر من مشاهد مأساة (نفوس) , ..!!

الاخ الاديب الاريب كمال

أرفع لك قبعتي احتراما علي هذا المستوي الادبي الرفيع من رجل ذواق للادب.


واصل وعين الله ترعاك




سيف اليزل برعي

Quote: الاخ الاديب الاريب كمال أرفع لك قبعتي احتراما علي هذا المستوي الادبي الرفيع من رجل ذواق للادب. واصل وعين الله ترعاك سيف اليزل برعي

تشكر يا سيف

عاطر التحايا

(*)

أسمياها (نفوس) , ..

(رمضان الحلبي) و(طيبة الزاندوية) , ..

كانت طفلتهما الأولى , ..

كما أنها كانت أختاً لإبن (نفوس) الوحيد (عبدالله الدفار) , ..

لم أعرف لمعنى أن التيمن بإسم أحدهم , حين تطلقه على أطفال جدد , ..

قيمة سامية , كما عرفتها حين تطلعت إلى (نفوس) الصغيرة , ..

وهي تمشي على الدروب التي خطت عليها (نفوس) الكبيرة , خطواتها تلك ..

خطواتها التي دبت في بالأرض , كضحكات أفلتت من بين حنجرة صحابها الحزين , ..

أو مياه بللت رمق أرض عطشى ,..

أو ..

أو كأشياء كثيرة جملت قبح زمان ومكان , وطيبت نفساً ضائقة , ..

(رمضان) و(طيبة) جعلا إسم (نفوس) يتردد بآذان من أحبوها كل صباح , ..

أظنهما سيحرصان على أن تشق طريقاً أرادته (نفوس) الكبيرة , لنفسها وعجزت , ..

أو أعجزوها , ..!!

Quote: بتتغير الادوار في المسرحية اما المسرح فهو واحد

Quote: (نفوس) بتجيني بالليل طوالي , مرة غطتني في البرد , .. ومرة كنت جعان أدتني (طعمية) , طعمية عديل كده أكلتها ولقيت باقيها الصباح , ..

كتابة جميلة و جذابة يا كمال ياخوي... فيها شيئ من مباشرة أحيانا... لكن أليست الحياة هكذا مباشرة أحيانا؟ المهم متابعين معاك..

Quote: كتابة جميلة و جذابة يا كمال ياخوي... فيها شيئ من مباشرة أحيانا... لكن أليست الحياة هكذا مباشرة أحيانا؟ المهم متابعين معاك..

تسلم يا(العوض) , ..

مباشرة دائماً , حتى تأخذ طريقها إلى القلوب , دون أن تضل الطريق ..


محبتي ..

(*)

(عبدالله الدفار) , ..

وحكاياته , بدأت تتصدر الأحداث , ..

و(نفوس) الصغيرة تكبر , ..

وتتغير الأمكنة , بتغير أهلها , ..

غيبة (نفوس) , ..

ثم غيبة (البعيو) , ..

ثم وفاة (أبوالليل) المفاجئة , ..!!

(*)

أتردد كثيرا كلما أردت الحديث عن (ليلة) رحيل (أبوالليل) , ..

أبو الليل , لم يكن رجل عادي , قد رحل , ..

وكذلك (نفوس) , ..

لم تكن (إمرأة) عاشت ثم مضت راحلة , نحو الموت , ..

هؤلاء كانوا , قلب مكان , ..

وأنفاس محبين , ..

وحارة أصدقاء , ..

كانوا عالم آخر , ..

جميل , يتسرب بين مسام عالمنا القبيح ..!!

(*)

حملوا نعشه , ..

كانوا أربعة رجال , وكان النعش يميل كثيراً , ..

وليس قليلاً , على إحدي جوانبه الأربعة , ..

كانه يتداعي للسقوط , ..

تراه وهو يكاد يفلت من بين أيديهم , ..

تمعن النظر , ..

لتكتشف أن هذا الميل , والإنحدار , ..

لأن أحد الأربعة الذين يحملون نعشه , ..

هو (حسن البعيو) , ..

كانت أدمعه تتساقط من حول نعش (أبوالليل) , ..

كان يحمله , ويبكيه , ..

ويبكي (نفوس) , ..

ويبكي حاله , ..

فقد أخذ منه الموت , أحباءه دونما إعتذار , ..

أصر على حمل نعشه , كما أصر من قبل على حمل نعشها , ..

لم تطب نفسه , حتى وجد له مكاناً , قربها , ..

قرب (نفوس) , ..

دفنوه , وتخيلهما على سرر متقابلين , ..

ترحب به ويرحب بها , ..

وقد أسعدهما اللقاء ..!!

(*)

جلس على حجر ضخم أمام بيت (أبوالليل) , ..

أطرق رأسه , ووضعه على كفيه , ..

وأطلق لنفسه العنان , ..

بكى (حسن البعيو) صديقه (أبوالليل) , ..

راسلني يومها , ولم أعرفه كاتباً , ..

بعث لي خطاب قال فيه :

(كيمو) ناسني كلهم ماتوا , ودفنتهم بي يدي , ..

وأنا ماعندي غيرهم , ..

لو متا عارفك إنتا بس اللي حا تتتعب نفسك عشان تدفني , ..

الناس كلها حاسبانا زيادة عدد ساي في الدنيا دي , ..

لو متا حا تهتم بي زي ما أنا أهتميت بي (نفوس) و(أبوالليل) , ..؟

عارفك عاوز تسافر من البلد دي , لكن , هل صاحبك (حسن البعيو) الفقير الخلاقة ده , ..

بستحق ترجع من سفرك عشانو , وتبكيهو وتدفنوا , ..

ولا إنتا زيك زي غيرك ..!!

إنتهى خطاب (حسن البعيو) , ..

وها أنا على سفر , ..

وهو لازال على قيد الحياة , ..

ولم أعد أدري , هل أنا مثلهم , ..

أم أنني سأعود لدفنه , والبكاء عليه , ..؟

أطال الله عمره , ..

لكنه إمتحان لا أود أن أرسب به , ..


(الله يقطعك يا البعيو) ..

لن تموت , ..

على الأقل قبل موتي أنا , ..

حتى لا أجبن عن (مواجهة هذا التحدى) ..!!

(*)

تقلب (عبدالله الدفار) بمرقده طويلاً , قبل أن يعتدل ويقول موجهاً حديثه (للبعيو) :

إنتا يا(حسن البعيو) عارف إنو (نفوس) دي لو ماكانت مشت لي أمها ماكانت ماتت ..!!

تنهد (البعيو) ثم قال :

تعرف يا(سجم الرماد) أنا بقيت أخاف , لأنك بقيت تفهم , ..

أجابه الدفار دون أن يعر جملته اهتماماً:

وحتى (أبوالليل) زاتو لو ماتاب وبقى زول جوامع ماكان مات ..!!

أجابه (البعيو) بدهشة حقيقية :

لا بس دي مافهمتا , ولو كان عندك ليها تفسير حقيقي , حا أخاف أكتر لأنك بقيت تفهم ,

أكتر من (حسن البعيو) , اللي هو شخصنا الضعيف , ..!

تجاهله مرة أخرى مما أستفز (البعيو) وبدا على وجهه الضيق ,

ثم قال (الدفار) في ثوب الحكمة الجديد:

(ابوالليل) لو ماكان , بقى زول جوامع وتاب كان ربنا اجل اخدوا ,

لانو ربك عارفو زول طيب وما حاياخدوا وهو عاصي عشان يدخل النار, فكان حا ينتظروا لحدي ما يتوب

وبعدين ياخدوا ,

وقع ليك يا (البعيو)...؟

(*)

إنفتح باب بيت (أم نفوس) على مصراعيه أمامها , هي وأبنها (عبدالله الدفار) , ..

كان العجوز الأشيب الذي فتح لهما الباب , يحدق بهما ببلاهة , فقد كان مخمور , تعب , نعس , ..

جاءه صوت (أم نفوس) من الداخل :

منو الجانا مع الدغش ده يا(صلاح) ..؟

قبل أن يجيبها هو , صاحت (نفوس) في لهفة والعبرة تكاد تخنقها :

دي أنا (يمة) , أنا بتك (نفيسة) ..!

دهش (صلاح) وصمتت (أم نفوس) , ..

أما (عبدالله الدفار) فقد أزاح الرجل من أمامه , ..

ودلف إلى باحة البيت , فقد كان جوعان تعب ..!!

(*)

بدأت روحها تغادر جسدها شيئاً فشيئاً , ..

الطريق إلى الموت , كان هو الطريق إلى (الرنك) , ..

وكان ذلك الأشيب هو (نائب عزرائيل) كما تخيله (يوسف إدريس) , ..

أراحني (يوسف إدريس) من عناء الشرح , حين سبق إلى تصور ذلك (النائب) , ..

غادرت (نفوس) بيت (أمها) فجر اليوم التالي , وبيدها (عبدالله الدفار) , ..

يجرجر أرجله في تثاقل وبيده الأخرى (حبة مانجو) , يلتهما بتلذذ , ..

وقد غطت عصارتها على ثوبه المتسخ , ..

وسالت على جانبي فمه , ..

وهو يمتص منها (نتفة) ويصيح بأمه:

موديانا وين يا(نفوس) ياخ ..!

تجيبه بصوت تعب خافت حزين :

ماشين أهلنا ..!!!

Quote: ماشين أهلنا ..!!!

(*)

كان (عبدالله الدفار) حينها , أصغر سناً , من أن تثير جملتها تلك , ..

إستغرابه , ودهشته , ..

(ماشين أهلنا) , ..

نطقتها (نفوس) , دون وعي , وبتلقائية فرضت نفسها على ظرفها , ..

هي تغادر أهلها , الذين أنفقت عمرها بحثاً عنهم , ..

متوجهة إلى (أهلها) , ..

بكي (البعيو) , حين حدثه (الدفار) عن ليلة مغادرة (نفوس) لبيت أهلها , ..

فاضت دموعه , محبة وحزناً , عليها , ..

قال للدفار:

صدقت والله , نحنا أهلها , أنا و(أبوالليل) و(أب تسعة) و(الحلبي) و(آتو) و(أبوالشي) , ..

حتى (د. عبده) , و(شيخ نكير) , .. نحنا أهلها ..!!

الله يرحمك يا(نفوس) , ويرحمك يا(أبوالليل) , ..

قالها وتمعن بأمرها , ..

غادرتهم بحثاً عن أهلها , ..

وعادت بعد أن أكتشفت أنهم هم أهلها الحقيقيون ..!

الله ينصر دينك ياود الزين

واصل نثر الدرر

اطبع - انشر - وزع
ولا تعلن

شوف كان ترجع حاجة

اسامة

Quote: الله ينصر دينك ياود الزين واصل نثر الدرر اطبع - انشر - وزع ولا تعلن شوف كان ترجع حاجة اسامة

تسلم يا أسامة على لطفك , ..

وكلماتك المشجعة ..

عاطر تحياتي ..

من الظلم
ان

يظل

هذا

الابداع

حبيسا

داخل

الاضابير

Quote: من الظلم ان يظل هذا الابداع حبيسا داخل الاضابير

أهو طلعناه من (الأضابير) للبورد , ..

شكري وأمتناني ..

نواصل ..