Post: #1
Title: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 03:15 PM
Parent: #0
لان مراسل الجزيرة في انجمينا يخشي ان تنهي القناة خدماته بسبب ضعف ادائه المهني وبسبب فشله في
تغطية الاحداث في دارفور وشرق تشاد ( فنجر) كما يقول الصحفيون مادة لينال بها رضا رئيسه
لكنه وقع في شر اعلامه . وياللغباء رجع الي ارشيفه واستعاد شريطا قديما واحدث عليه بعض فنون القص
واللصق . وخاطب المسؤلين بالقناة بأنه انجز خبطة صحفية يتحدث بها الركبان. لكنه فات عليه ان الذين
يجلسون خلف القائد المتمرد هم الان في ضيافة ام درمان بعد ان جاؤوها غزاة . وللأسف مرت علي القناة
وعلي مراسلها الغبي هذه الملاحظة 0
ماذا قالت الحياة اللندنية بحسب ما نقل مراسلها النشط النور احمد النور
في تطور آخر، أكد وزيرالعدل عبدالباسط سبدرات أن وزارته وجهاز الأمن والاستخبارات يعكفان على درس مستندات جديدة تتعلق بخطة هجوم متمردي «حركة العدل والمساواة» على أم درمان الشهر الماضي، لافتاً إلى أن المستندات لم يكشف عنها من قبل.
كما كشف نائب رئيس جهاز الأمن والاستخبارات الفريق محمد عطا عباس أن السلطات استطاعت اعتقال كبار المسؤولين في «العدل والمساواة» الذين شاركوا في الهجوم على أم درمان وأبرزهم نائب رئيس الحركة محمد بحر، ومسؤول الأمن عبدالعزيز نور عشر وهو الاخ غير الشقيق لزعيم الحركة خليل ابراهيم، والأخ الآخر عوض نور عشر الذى اعتقل أول من أمس في مدينة القضارف مختبئاً داخل مسجد، ومسؤول الاستخبارات محمد بشارة، ومسؤول المدفعية المرضى بخيت سليمان.
الي ذلك اوضح مصدر أمني رفيع المستوى سألته «الحياة» بأن الشريط الذي ظهر فيه زعيم ما يسمي ب «حركة العدل
والمساواة» خليل إبراهيم في قناة «الجزيرة» القطرية أمس قديم، مؤكدا إن بعض أفراد حراسة ابراهيم الذين ظهروا خلفه هم الان أسرى في الخرطوم. مشيرا الي ان التسجيل يتحدث عن مؤتمر حركته الذي عقد قبل شهور في منطقة باهاي في داخل الأراضي التشادية.
|
Post: #2
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عز الدين بيلو
Date: 06-04-2008, 03:22 PM
Parent: #1
غايتو
منتظرين
نشوف
آخر أخبار الجزيرة شنو 
|
Post: #3
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: ود الباوقة
Date: 06-04-2008, 03:27 PM
Parent: #2
ربنا يكضب الشينة ..
ود الباوقة
|
Post: #4
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Tragie Mustafa
Date: 06-04-2008, 03:27 PM
Parent: #1
شوف يا خليل ابراهيم
بعد ما هروني الجلابه ديل كل يوم اسمى مشعلق في امر يخص العدل و المساواة
لالعمك كان حكمت الخرطوم(باذن الله  ) فليس اقل من (الدريم تكت )لشخصي الضعيف
(اوباما/ هيلاري)
(خليل/تراجي) اوكي يا فردة.
بس طمني عليك يا ود امي قالوا دربهم ما عارفينه الجلابه ديل!!
(كلمني حاول حس بي ...الي آخر الاغنيه)
|
Post: #5
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 03:30 PM
Parent: #4
| Quote: (كلمني حاول حس بي ...الي آخر الاغنيه |
من وين يكلمك ؟؟
|
Post: #6
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: SARA ISSA
Date: 06-04-2008, 03:39 PM
Parent: #1
اولاً الشريط لم يُبث بعد
ثانياً اللقاء أجراه مراسل سودان !!
الآن الشيخ نافع علي نافع مزنوق من قبل أعضاء مجلس الأمن حول جرائمكم في دارفور ..
وبعدين النور أحمد النور دا حرامي قوقل ..زي أبو رزقة ما عندو مصداقية
|
Post: #8
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 03:54 PM
Parent: #6
Quote: اولاً الشريط لم يُبث بعد
ثانياً اللقاء أجراه مراسل سودان !!
الآن الشيخ نافع علي نافع مزنوق من قبل أعضاء مجلس الأمن حول جرائمكم في دارفور ..
وبعدين النور أحمد النور دا حرامي قوقل ..زي أبو رزقة ما عندو مصداقية |
عزيزتي الشريط لم يبث كاملا لان الجزيرة اكتشفت مؤخرا ما انطلي عليهافي بداية الامر ، رغم انها قدمت
مقاطع منه خلال نشرات الاخبار ،ثم سحبته بعد ان اكتشفت ( الغشة)
اما المراسل فليس سودانيا بل تشادي يعمل في القصر الرئاسي لدي دبي
اما النور احمد النور فهو من اكثر المتاعطفين مع حركة العدل والمساواة لانه من محبي الترابي
|
Post: #12
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: SARA ISSA
Date: 06-04-2008, 04:13 PM
Parent: #8
بس معقولة للدرجة دي !! ناس الجزيرة يصبحوا عبطاء ..وبعدين يكون في علمك الشريط الذي يبعثه المراسل يخضع للفحص والقياس ومرات برسلو أمريكا ..والجزيرة لها خبرة طويلة في هذا المجال أكتسبتها من فحص شرائط القاعدة ولا أظن أن هذا المراسل التشادي يستطيع خداعهم ..يعني الشريط المضروب من البداية بقولوا ليك : لم يتسنى لنا التأكد من صحته ..وهناك شرائط لاسامة بن لادن بثتها الجزيرة بعد عدة شهور بل هناك لقاءات مع الراحل جون قرنق تأخرت في بثها لفترة طويلة من الزمن ..ثق سوف تظهر الكثير من الأشرطة والألبومات ..لكن ما هي نهاية كل ذلك ..أفترض أن خليل مات ..فقد مات قبله كاربينو كوانين ..وليم نون ..داود بولاد.. يوسف كوة ..قرنق نفسه ..فهل انتهى التمرد في السودان ؟؟ لن ينتهي لأن اسبابه موجودة ، فأنت في حاجة إلي كماشة لاصطياد كل المتمردين المحتملين ، وإستهداف أبناء دارفور على الخلفية العرقية سوف يجلب المزيد من أمثال خليل ، وسوف تكون العواقب اشد ، سوف يكون هناك تخريب للمنشآت ، إستهداف الشماليين بناء على الخلفية العرقية ، بالضبط كما حدث في العراق ، فقد عجزت دولة عظمى مثل أمريكا في القضاء على التمرد المسلح حتى بعد موت الزرقاوي أستمر الوضع المتوتر
|
Post: #7
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبود عبد الرحيم
Date: 06-04-2008, 03:46 PM
Parent: #1
بالله يا السيدح ... خبر الجزيرة زاتو راح في شربة موية؟؟؟؟
وانا من امبارح اقول الجزيرة دي ما بثت الشريط الاعلنت عنو ليه؟؟؟
اتاريهم قاعدين ليهم فوق راي !!!
|
Post: #9
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: إسماعيل التاج
Date: 06-04-2008, 04:01 PM
Parent: #1
Quote: في تطور آخر، أكد وزيرالعدل عبدالباسط سبدرات أن وزارته | Quote: وجهاز الأمن والاستخبارات يعكفان |
..... |
| Quote: كما كشف نائب رئيس جهاز الأمن والاستخبارات الفريق محمد عطا عباس أن السلطات ...... |
| Quote: الي ذلك اوضح مصدر أمني رفيع المستوى سألته «الحياة» ....... . |
يا السيدح
شنو البخلي مراسل الجزيرة (غبي) ومراسل الحياة (نشط)؟
وبعدين مرجعية النور والحياة هي: الأمن.
منو البثق في ناس الأمن سواء ناس الأمن نفسهم.
يعني مسئول أمني لو ما قال كلام زي دا، حيقول شنو؟
وبعدين بإفتراض إنو الشريط (مزيف)، واللقطات قديمة، ناس الأمن منزعجين ليه عشان يمشوا يحللوا ويقولوا إنو الشريط قديم؟ الهواجس لزومها شنو؟ عاوزين يقنعوا ويطمئنوا منو؟ أنفسهم أم العالم؟
شكراً
|
Post: #11
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 04:10 PM
Parent: #9
| Quote: وبعدين بإفتراض إنو الشريط (مزيف)، واللقطات قديمة، ناس الأمن منزعجين ليه عشان يمشوا يحللوا ويقولوا إنو الشريط قديم؟ الهواجس لزومها شنو؟ عاوزين يقنعوا ويطمئنوا منو؟ أنفسهم أم العالم؟ |
لا عشان بقية المتمردين ومن لف لفهم ما يدوشوا راسنا بظهور خليل وما ادراك ما خليل
دي مسرحية نحن شفنا غيرا جيبولينا متمرد تاني
خليل الان بسف في التراب علي خيبته وفشله
|
Post: #10
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبود عبد الرحيم
Date: 06-04-2008, 04:03 PM
Parent: #1
Quote: عزيزتي الشريط لم يبث كاملا لان الجزيرة اكتشفت مؤخرا ما انطلي عليهافي بداية الامر ، رغم انها قدمت
مقاطع منه خلال نشرات الاخبار ،ثم سحبته بعد ان اكتشفت ( الغشة)
اما المراسل فليس سودانيا بل تشادي يعمل في القصر الرئاسي لدي دبي |
أها يا السيدح اخوي ... الجزيرة دي البطالب باعتذاره منو؟؟؟
السؤال عبرك محول ...
لي منو كدة عبدون في المنبر ... اي معانا هنا ... شابكنا اعتذرو .. وخجلان ليكم ...
أحسن منو سارة عيسي كلاما كان معقول وفي حدود الذوق ..
|
Post: #14
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 04:28 PM
Parent: #10
Quote: أها يا السيدح اخوي ... الجزيرة دي البطالب باعتذاره منو؟؟؟
السؤال عبرك محول ...
لي منو كدة عبدون في المنبر ... اي معانا هنا ... شابكنا اعتذرو .. وخجلان ليكم ...
أحسن منو سارة عيسي كلاما كان معقول وفي حدود الذوق |
نعم اخي عبود هذا سؤال منطقي جدا
وعلي المشاهدين وخاصة السودانيين الذين منحوا كامل ثقتهم للجزيرة ان يطالبوها بالاعتذار لما
اصابهم فقد قالت لهم الدولة بان المتمرد الفلاني قتل والاخر تم اعتقاله ثم بعد ذلك يظهرون احياء في
شريط الجزيرة فهذا يعني تكذيبا للدولة .
عبرك امرر ذات التساؤل لمن يهمه الامر!!!!
|
Post: #13
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عز الدين بيلو
Date: 06-04-2008, 04:27 PM
Parent: #1
ما تسنو يا جماعة
إنو ناس العربية برضهم كان عملوا حوار صوتي مع (خليل)
وقالوا إنو حيزيعوه على راس كل ساعة
أها
ذاعوه مرة واحدة
ساعة شكك فيهو محمد محمد خير المستشار الإعلامي لسفارتنا في أبو ظبي
طوالي سحبوه
بدون ما يجيبوه تاني
=========
عشان كده
كل الاحتمالات واردة
غايتو إلا يجيبوه
ويورينا ما حصل في أم درمان
حتى نصدق أنو ما يزال حياً يرزق
|
Post: #15
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: محمد فرح
Date: 06-04-2008, 04:37 PM
Parent: #13
| Quote: وإستهداف أبناء دارفور على الخلفية العرقية سوف يجلب المزيد من أمثال خليل |
الاخ السيدح
لك كامل الود
بعدين الخال سارة عيسي أو عيسي سارة ما مهم الاسم لانو معروف لاعضاء المنبر
خلي يجي تاني وانت معهم وتراجي وواحد لاجئ في هولندا ...
و واحدين مأجورين في كندا كلكم تعالوا وشوفوا الجلابة....
ح يعملوا شنو..
دي من جلابة؟؟؟؟
|
Post: #16
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 04:48 PM
Parent: #15
Quote: خلي يجي تاني وانت معهم وتراجي وواحد لاجئ في هولندا ...
و واحدين مأجورين في كندا كلكم تعالوا وشوفوا الجلابة....
ح يعملوا شنو |
يازول انا جلابي اكتر منك
انت من الخرتوم وانامن جيهة شندي
وناس العدل والمساواة ديل بطونن مليانة خلاص مننا نحن ناس نهر النيل
|
Post: #17
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: doma
Date: 06-04-2008, 05:17 PM
Parent: #16
اعتقد انها حرب اعصاب بين الفريقين لا غير وستظل الحقائق غائبه
الي ان يجئ خليل ابراهيم الي القصررئسا وتراجي مصطفي وزيره للخارجيه .
وساره عيسي رئيسا لجهاز الامن .
|
Post: #18
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبود عبد الرحيم
Date: 06-04-2008, 05:22 PM
Parent: #17
| Quote: وتراجي مصطفي وزيره للخارجيه |
... وكتمل التطبيع مع (اسرائيل) ... ويزورنا أوباما ...
|
Post: #19
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 05:38 PM
Parent: #18
بالانتخابات الحرة المباشرة تراجي مصطفي ستكون وزيرة خارجية السودان الدولة الحرة المستقلة العظمي
التي تملك قرارها وتحترم شعبها الذي لايحمل في وجهها السلاح ، اما غير ذلك فبيننا وبين المتمردين
(الميدان يا حميدان)
|
Post: #20
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Mohamed Suleiman
Date: 06-04-2008, 05:53 PM
Parent: #17
شوف يا السيدح .... و من لف لفه ...
أهم شئ هو قد أنجزه دكتور خليل و جماعته : كشفوا عورة نظامكم و إنكم كلكم قاعدين في السهلة .... حاميكم واحد ريالتو سايلة لرجلينو .... ده فارسكم و حارسكم ... و مصر يقعد في منصب الدفاع لحدما هو زاتو يقبضوه في كماشة لاهاي ...
بقي بالله بطلوا الجعير و حكاية أنظمتنا تعكف علي دراسة أسرار الهجوم و و ...
هو الهجوم زاتو ما كان سري ... كان علني ... و أنظمتكم كانت شغالة مذيعة مباراة في كرة القدم : و خليل إتحرك .. و ماشي .. و لسه ماشي ... و تخطي خط الدفاع الأول .. و تخطي خط الدفاع الثالث ( خط الدفاع الثاني أبوريالة زاتو ما عارفو وين ) ... و لسه ماشي .. و دخل خط العرضة ( علي وزن خط ستة ) ... و دخل أمدرمان .. لكن حرّم ما يمرق .... و مرق ... لعطل فني في الكماشة ..
المصيبة يا السيدح و من لف لفه إنو خليل قال جاييكم تاني ... و ده المجننكم ... لأنو الآن إنتو عرفتوه ما بكضب ..... و كان مفتكرنو بيكضب ... كمان نحن حاجزين مقاعدنا للمباراة الجاية .. بث مباشر .. بالطبع الخطة سوف لن تكون ياها ... و حنسمع منك يا السيدح ( أجهزة أمننا تعكف الآن علي خطة الهجوم ... الجديدة .. التي نفذت ) ... ده لو ما جا أوكامبو بكماشته و علي لاهاس راص ..
محمد فرح .... هل سمعت بمصطلح ( جقلابي ) ... من جقلب يجقلب .. فهو جقلابي ..
.
|
Post: #21
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Al-Shaygi
Date: 06-04-2008, 05:54 PM
Parent: #1
Quote: شوف يا خليل ابراهيم
بعد ما هروني الجلابه ديل كل يوم اسمى مشعلق في امر يخص العدل و المساواة
لالعمك كان حكمت الخرطوم(باذن الله ) فليس اقل من (الدريم تكت )لشخصي الضعيف
(اوباما/ هيلاري)
(خليل/تراجي) اوكي يا فردة.
بس طمني عليك يا ود امي قالوا دربهم ما عارفينه الجلابه ديل!!
(كلمني حاول حس بي ...الي آخر الاغنيه)
|
بشتنه
الشايقي
http://alkatwah.com
www.Alshaygi.dubaimlm.com
.
|
Post: #22
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: على محمد على بشير
Date: 06-04-2008, 06:03 PM
Parent: #21
Quote: ثانياً اللقاء أجراه مراسل سودان !!
|
مراسل الجزيره بالسودان
ام المراسل عبد الرازق مراسل الجزيره من انجمينا
ارسوا ليكم على بر ياساره !!
|
Post: #23
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Hani Arabi Mohamed
Date: 06-04-2008, 06:03 PM
Parent: #1
ظهر خليل .... اختفى خليل .... قبضوه ..... ما قبضوه ..... لقوه ..... ما لقوه
البشير .... الترابي .... الصادق ... نقد .... سلفاكير .... اتفاق ... اختلاف
بين كل هذه العناوين
متى نجد عنوانا يتكلم عن حقوق المواطن السوداني في كل شبر من أنحاء هذا الوطن ؟
- التعديل لتصحيح خطأ إملائي -
|
Post: #25
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: albagir altahir
Date: 06-04-2008, 06:29 PM
Parent: #1
الزول الاسمو محمد سليمان ده هو عليك الله خليل سو شنو في المرة الاولي عشان يجي تاني وبي ياتو روح يجي تاني والناس ديل عشان ما الناس القاعدين لينا في حلقنا وحقوق الانسان والاباده الجماعية خلو جماعت خليل ديل يدخلو امدرمان ويهبتوهم ليك عشان لو ضروبهم والله في المرخيات برة امدرمان كان القيامة قامت وقالوا دي اباده جماعية لاهل دارفور
|
Post: #26
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: تاج الدين عبدالله آدم
Date: 06-04-2008, 06:42 PM
Parent: #1
.Quote: عشان لو ضروبهم والله في المرخيات برة امدرمان كان القيامة قامت وقالوا دي اباده جماعية لاهل دارفور
|
عشان كده خليتوهم يتقدموا لحدي ام درمان مش كده؟ والله انتو ناس حنينييين خلاص. يا لرقة قلوبكم المرهفة المفعمة بحب اهل دارفور
|
Post: #27
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Tabaldina
Date: 06-04-2008, 08:25 PM
Parent: #1
..
.ط
| Quote: ... وكتمل التطبيع مع (اسرائيل) ... ويزورنا أوباما ... |
اوباما زاتو طلع خاين
http://www.aljazeera.net/NR/exeres/D748183F-03E6-4FFF-A442-9B10D0EBA4FD.htm
عشان يفوز اتمسح فى اسرائيل ..
كما تمسح خليل فى تشاد
وتمسحت تراجى فيهم الاثنين
وبكره .. يطلع الافارقة نيغرو ويبيع القضية
يا عم رئيس امريكا دا ساهلة كدا .. لازم تدفع
وتبيع مبادئ وتضمن النفوذ اليهودى والراسمالية الاسرائلية
__________
غايتو اوباما دا كن ظهر .. بن لادن بكون استضافو معاهو ..
ولو طلع حى .. اكيد صدام حسين كان ساكن مع سامى الحاج فى زنزانة ..
|
Post: #28
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: صلاح الفكي
Date: 06-04-2008, 08:59 PM
Parent: #1
Quote: شوف يا خليل ابراهيم
بعد ما هروني الجلابه ديل كل يوم اسمى مشعلق في امر يخص العدل و المساواة
لالعمك كان حكمت الخرطوم(باذن الله ) فليس اقل من (الدريم تكت )لشخصي الضعيف
(اوباما/ هيلاري)
(خليل/تراجي) اوكي يا فردة.
بس طمني عليك يا ود امي قالوا دربهم ما عارفينه الجلابه ديل!!
(كلمني حاول حس بي ...الي آخر الاغنيه) |
تراجي تكتب بمزاجية عالية.. عارفة يا تراجي.. عندما أقرأ لك مثل هذه الكتابة ..أحس أن الجو عندك هاديء غير ملبد بالغيوم النضالية.. وانك في مزاجية عالية ..أي أنك في حالة طبيعية..
ان شاء الله دائما..
|
Post: #29
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-04-2008, 10:06 PM
Parent: #28
Quote: شوف يا السيدح .... و من لف لفه ...
أهم شئ هو قد أنجزه دكتور خليل و جماعته : كشفوا عورة نظامكم و إنكم كلكم قاعدين في السهلة .... حاميكم واحد ريالتو سايلة لرجلينو .... ده فارسكم و حارسكم ... و مصر يقعد في منصب الدفاع لحدما هو زاتو يقبضوه في كماشة لاهاي ...
بقي بالله بطلوا الجعير و حكاية أنظمتنا تعكف علي دراسة أسرار الهجوم و و ...
هو الهجوم زاتو ما كان سري ... كان علني ... و أنظمتكم كانت شغالة مذيعة مباراة في كرة القدم : و خليل إتحرك .. و ماشي .. و لسه ماشي ... و تخطي خط الدفاع الأول .. و تخطي خط الدفاع الثالث ( خط الدفاع الثاني أبوريالة زاتو ما عارفو وين ) ... و لسه ماشي .. و دخل خط العرضة ( علي وزن خط ستة ) ... و دخل أمدرمان .. لكن حرّم ما يمرق .... و مرق ... لعطل فني في الكماشة ..
المصيبة يا السيدح و من لف لفه إنو خليل قال جاييكم تاني ... و ده المجننكم ... لأنو الآن إنتو عرفتوه ما بكضب ..... و كان مفتكرنو بيكضب ... كمان نحن حاجزين مقاعدنا للمباراة الجاية .. بث مباشر .. بالطبع الخطة سوف لن تكون ياها ... و حنسمع منك يا السيدح ( أجهزة أمننا تعكف الآن علي خطة الهجوم ... الجديدة .. التي نفذت ) ... ده لو ما جا أوكامبو بكماشته و علي لاهاس راص .. |
انت يامحمد سليمان بطمن في روحك
رجال امننا البواسل تركوا لك ومن لف لفك الاحلام والهلاويس ، وتولوا هم حماية امدرمان والسودان
والعاجباه نفسو يحاول يغامر تاني .
|
Post: #30
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Al Sunda
Date: 06-05-2008, 10:12 AM
Parent: #1
| Quote: ماذا قالت الحياة اللندنية بحسب ما نقل مراسلها النشط النور احمد النور |
Quote: جريدة الصحافة
رئيس مجلس الإدارة:
طه علي البشير
المدير العام:
هاشم سهل
رئيس التحرير :
النور أحمد النور
|
وهذا نموذج آخر(الاول كان كمال .... رئيس تحرير الرأي العام مراسل جريدة القدس اللندية)
رئيس تحرير صحيفة سودانية
مراسل لصحيفة لندنية
وكمان مراسل نشط
هانت رئاسة تحرير الصحف في السودان حتى وصلت إلى هذا المستوى
|
Post: #31
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عمر التاج
Date: 06-05-2008, 02:00 PM
Parent: #1
ها ها ها ها
سنضحك حتى يظهر الشريط
وبعد ذلك
ها ها ها هأ
أيضاً سنضحك
|
Post: #32
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: عبد اللطيف السيدح
Date: 06-05-2008, 02:03 PM
Parent: #31
| Quote: سنضحك حتى يظهر الشريط |
اطمنك الشريط ما حا يظهر يا عمر التاج
خلي المتمردين يشوفوا غيرو
|
Post: #33
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: خضر الطيب
Date: 06-15-2008, 08:21 PM
Parent: #1
Quote: Quote: سنضحك حتى يظهر الشريط
اطمنك الشريط ما حا يظهر يا عمر التاج
خلي المتمردين يشوفوا غيرو |
من يضحك اخيرا يضحك كثيرا ووضح جليا بان احد اعلاميي الانابيب قد فضح جهله
امام الملأ , اللهم انت كريم يارب .
|
Post: #34
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: محمد على النقرو
Date: 06-15-2008, 11:19 PM
Parent: #1
| Quote: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم |
الظاهر انك عايش مع وهم أبو رياله ... ولا تكون مشفت الشريط؟؟؟!!!
لكن نديك فرصة تستعين بصديق عشان تتأكد من جماعتك الشاهدو
الشريط عشان تخلى الوهم العايش فيهو دا.
ديل فعلا رجال دخلوا نهارا جهارا وياهم كل الدنيا
شافتهم خلفه .... والله رجاله زى دى ولا بلاش.
لكن أقول ليك الراجل دا مابيكذب حيجى تانى زى
ما وعد بس ناسك يجهزو كماشاتهم عشان يمسكو
وتجى انت تكتب زى الكلام .. وهسى نعبره " اعتبار ما يكون"
بس الظاهر حتخيبو امالكم جد جد.
|
Post: #35
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Tragie Mustafa
Date: 06-16-2008, 00:24 AM
Parent: #34
يا شباب
خضر الطيب ومحمد علي النقرو
انتو يا اخونا السيدح ده الا تحنظلوها عليه
ما كفايه محنظفله عليه من يوم 10 مايو لليوم!!
|
Post: #36
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: طلال عفيفي
Date: 06-16-2008, 02:23 AM
Parent: #35
أخونا عبد اللطيف ..
سلامات ..
طبعاً أسهل حاجه إنو تراجي تبِل شريط خليل وتشرب مويتو ،
فليس في الأمر عجب .
لكن صعب علينا نتعامل مع قضايانا ببل المويه وشرابها ،
لأن أمرنا يا عبد اللطيف ضيق ، وحالنا لا يحمد على مكروهِ
سواه ..
مسألة " الغزو " ، أو " المرتزقة " ، أو " حرب أمدرمان "
بتفتح باب كبير لمعاملة قضايانا الوطنية :
فقبل أن يرتاع أهل المدينة في أمدرمان ، إرتاع الناس في
قرى دارفور ، روعة بالطريقة الصح ، سكتهم النيران ، ونالت
من حياتهم ..
وقبل أن يرتاع أهلنا في العاصمة المثلثة ، تقطعت أحشاء
الأمهات في الغرب على البنات اللائي عز لهن نصير ..
إن الحزن يملأنا لحال البلاد وإنسانها ، ونحن نبحث بكل ما فينا
عن مخرج من هذا الحال العصيب : حال الجور والعسف والعنصرية
الشديدة التي تحدق فينا بكراهة ..
إعتقال ناس خليل في الخرطوم ليس مفرحة لدينا ، فهم ناسنا ،
وأبناء شعبنا ، وما أدراك ما شعبنا يا عبد اللطيف : أشكال
وألوان ، إمتحنتهم الأيام وتداولتهم الحكومات بالعسف والتغريب ،
فتأمل ..
تأمل أن تكن في بلاد تخطف كحل عينيك ، تحرمك المنام بالقصف ،
وتأكل سيرتك وتصفك بالغريب ..
المعتقلون يا عبد اللطيف ناس ضاعت دنياهم ، شباب ..
كان ممكن يسكنوا ، أو تحل بيهم السكينة في المجالس ، لكن :
لا خيار لمن تنادي ..
زمان في المثل ، قالوا :
من جبرك على المـُر ؟
قال :
الذي أمًر منه ..
وها يحملون السلاح الكعب ، لأن حياتهم مُره ..
ولأنهم لا يبصرون في الحياة حياة ..
قبل أن نسأل أحداً في وطننا المحبوب العزيز أن يبل موية أي شي ،
لازم نسأل كيف ممكن نتفادى البلل :
أو قـُل ، هذا الغرق ..
إننا نغرق ،
وتغرقنا أكثر هذه التماحيك ، والمعارك الطرفية وسط وطن تتنازعه
القباحة والموت وعدم الإحترام والسفسطه ..
ولا حول ولا قوة إلا بالله (طبعاً) ..
|
Post: #37
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Abdulbagi Mohammed
Date: 06-16-2008, 03:18 AM
Parent: #36
where are they?
|
Post: #38
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: معتصم احمد صالح
Date: 06-16-2008, 06:04 AM
Parent: #1
يا حدي سال في طلا دبع!!
احا بعد عرض الشريط في الجزيرة منو الحيشرب مويتو
مع العلم ان الشريط من البلاستيك ولبله لابد من وضعه في كوز وتعريضة لدرجة
حرارة معينة حتى (يسيح) الكوز - اقصد الشريط ، والذي يجرو لشرب سائله البلاستيكي
لابد له من طلاء حلقه بسبيكة النيكل حتى لا يحرق جوفه الداخلي اعني جدار الحلق من الداخل..
|
Post: #39
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: Maksab
Date: 06-16-2008, 09:43 AM
Parent: #38
الاخ طلال
لك التحية و التجلة
الحقيقة انا مريت على جميع المداخلات و أسف انو ده حال ابناء الوطن الواحد...
مداخلتك و الوحيدة البتحتوي عى كلام عقل براه جهوية او عنصرية او انحيازية... كلام مواطن سوداني شايل هم بلدو و حسب...بغض النظر عن اصله او سحنته...
لو انتصر خليل او انتصرت الحكومة ... ده ما بغير شي من الواقع المؤسف
السودان الان في قمة الهاوية و الله المستعان... و نحن مشغولين في الانسياق ورا النزعات و الترهات
مكسب
|
Post: #40
Title: Re: يا تراجي شريط خليل الجديد( بليه واشربي مويتو ) كل الظهروا معاه معتقلين الان في الخرطوم .
Author: خضر الطيب
Date: 06-24-2008, 06:51 AM
Parent: #1
.
|
|