Post: #1
Title: بـُــري
Author: اساسي
Date: 06-04-2008, 10:26 AM
هذا البوست علي نسق بوستات الاحياء والتي لم تكن تستهوني الا انه لا مانع من الكتابة عن تلك المدينة الخالدة بري
بري المحس
بري الدرايسة
بري اللاماب
بري ابو حشيش
حي كوريا
امتداد ناصر
قاردن سيتي
ذكريات واحداث لجميع ابناء مدينة البراري بالمنبر وخارجه لسكان بري وزوارها ومريديها وللناس البيتفسحوا فيها الذين يقطعون الفيافي والقفار لرؤية معلمها البارز (معرض الخرطوم الدولي)
فليبدا التسجيل لفك شفرات تلك الاحياء التي تشكل فيها وجدانا و ساهمت في تشكيل وجدان الكثير من السودانين
بري معالمها
بري رموزها
بري الرياضة
بري وحكاياتها
بري وظرفائها
بري وناسها
|
Post: #2
Title: Re: بـُــري
Author: Hussein Mallasi
Date: 06-04-2008, 10:31 AM
Parent: #1
البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو.
|
Post: #3
Title: Re: بـُــري
Author: اساسي
Date: 06-04-2008, 10:43 AM
Parent: #2
| Quote: لمحمد أبو العزايم أبو الريش و اخوهو. |
يعني ما من اولاد ام درمان هم؟
مرحبا بمحمد ابو العزائم ابو الريش واخوهو في جميع بوستاتنا والبوستات المجاورة
ياخي ديل عنده القرين كارد بري
|
Post: #6
Title: Re: بـُــري
Author: tmbis
Date: 06-04-2008, 11:01 AM
Parent: #3
| Quote: يعني ما من اولاد ام درمان هم؟ |
اكتب عن مدينتك المتواضعة المصنوعة ودعنا نكتب عن المدن التاريخيه .. بمعرفتنا.
علاقتي مع اي من (البوريات) الفوق دي كالاتي:
- مشينا بالحافلة لعبونا في ميدان في نص السوق .. الحتات كلها اكشاك حتات وهمية جدا الشهادة لله .. انا افتكرت نفسي خارج حدود العاصمة .. نسبة لما تمتاز به المنطقة من تضاريس عجيبة جدا ..
بعدين الحاجة الغريبة .. الناس دي جات اتلمت ليك حوالين الميدان قاعدين يتفرجوا فينا وبعد نهاية الكورة بلاي جو خاشين الميدان .. (بيهبشو) في الفنايل والشورطات وفي شعار الهلب .. غايتو اليوم داك استغربته بشكل .. لحدي ما رجعت البيت انا مستغرب ..
- يوم اولاد حلتنا مشو (سيرة) حفلة واحد من اولاد الحلة .. وكنا ممتحنين من المتوسطة للثانوي .. تخيلو:
ابناء بري اعتدوا على ابناء الموردة العريقة بالضرب بالعصي .. والسيخ .. واطواق العجلات .. الوكت داك كانت في موضة بتاعت الشباطة كان بتتعمل عند (غـــازي) في حي الموردة .. والما لبس شبط من غازي .. وقتها بنعتبرو (مهمش)
المهم اتضح انو العدوان كان سببو انو عددية كبيرة من اولاد حلتنا كانو لابسين الشباطة ديك.. بلاي يا اساسي دي اخلاق دي .. والله تلقاك شاركت في المعركة دي برضو .. وانا عارفك انتهازي .. تكون ما لقيت مقاسك شلت ليك اي شبط من الشباطة دي وديتو تاني يوم (سوق الأخوان)
واصل ..
|
Post: #10
Title: Re: بـُــري
Author: اساسي
Date: 06-04-2008, 11:19 AM
Parent: #6
ويعرفوك فرحان بالمولد كيف يا طمبس كان ما كتبت جنس كلامك دا ...
لما فريق بري شال كاس السودان ومثل السودان خارجيا وكان الفريق القومي بتكون تلاتة ارباعه من فريق بري الزمن داك جدك السكن الموردة مؤخرا كان شغال ( برد برد) في جيش الجهادية بتاع الخليفة التعايشي , تقول لي يهبشوا في فنايلكم !! فنايل منو يا ابو فنيلة ؟؟ لما فريق حلتكم بلم تبرعات عشان يفصلوا عراريق يمشوا يحضروا بيها الصراع في مقابر حمد النيل وقتها اولاد بري بيأسسوا ليكم في المعرض .
وتاكد تماما انه الفريق الوافق يلعب معاكم هو فريق الجزارين والخدرجية بتاعين سوق اربعة من وصفك الوصفته دا ودا حجمكم الطبيعي والطليعي يا ركيب
بعدين ( شباطة) غازي بتاعة الكموش دي اتعملت عشانكم لانه المقاسات الطبيعية بتاعة البشر البلبسوا الجاهز ما كانت متوفرة عندكم عشان كدا غازي حاول يبتكر ما يستر حفيكم ياخي مرة عملوا لقاء مع غازي بتاع الشباطة دا وسالوه عن الهداه لابتكار هذه المداسات الضخمة اظنه قال يومها عيال الموردة ديل الواحد رجله الواحدة فيها صبعطاشر اصبع فمافي حاجة تلمها ليم غير البعملوا انا .
طبعا اكيد لازم اولادكم يدقوا عندنا فما رأوه في تلك الحفلة من حسان وغيد وفاتنات لم يكونوا يتوقعوا ان بداخل السودان مثل هؤلاء فحصلت لهم تلك الصدمة الحضارية التي جعلتهم يقومون بافعال قل ما توصف بالبربرية فاستحقوا عليها الجلد .
|
Post: #9
Title: Re: بـُــري
Author: أيمن الطيب
Date: 06-04-2008, 11:13 AM
Parent: #3
سلامات يا أساسى...
تسجيل ,,وحضور إنشاء الله ومتابعة كمان لصيقة ,,
يا صاحبى واحد فينا كان فى خطرات التانى وغالب
ما تكون إنت ورانا فى الأميرية والقديمة,,
بعدين بورد الحرابات والدكشمانات دا أحسن نبقى
فيه قراب من أولاد( حاراتتنا) وأولاد أهلنا عشان
فى برى القاعدة الأساسية (جارك القريب ولا ود
أعمك البعيد)...
أولاد أبو الريش أبناء أحد أعمدة إرتكاز
حى برى المحس يا ملاسى ومرحب بيك معانا
هنا كمان لأنو إنت برضو عندكم حوش حوشين
فى برى المحس وما بتحتاج (كفيل) 
وكان طلعت ما عارفو تعبت معاى,,,
مدينة البراري كغيرها من أحياء الخرطوم العريقه
يرى أهلها وغير أهلها أنها مكان متفرد وتربطهم
ببعضهم البعض علاقات القرابة والمصاهرة والجيرة
وأغلب أبنائها قد درسوا مع بعضهم البعض فى إحدى
المراحل أو جمعتهم الرياضة والأنشطة الإجتماعية..
سوف يقال الكثير عن برى هنا..
تحياتى..
|
Post: #19
Title: Re: بـُــري
Author: اساسي
Date: 06-04-2008, 05:32 PM
Parent: #9
ود بري ايمن الطيب
التحايا
التحية لاولاد ابو الريش واهلنا في بري المحس عموما وبملاسي واصدقائه الامدرمانين
نتمني ان نسمع منك الكثير
شكلك يا حبيب من اولاد بري المحس
خليك قريب ونسمع منك اكتر
|
Post: #4
Title: Re: بـُــري
Author: حمد فتح الرحمن
Date: 06-04-2008, 10:45 AM
Parent: #1
ايوااا
تعرف السر عبد العاطي
|
Post: #5
Title: Re: بـُــري
Author: اساسي
Date: 06-04-2008, 10:51 AM
Parent: #4
ايوة بعرفوا ... مربع واحد امتداد ناصر جامعة الخرطوم عمادة شئون الطلاب , فريق الكرة بالرابطة
عندي موقف كنت فيهو شاهد ( ملك) ما بحكي ليك هنا
|
Post: #7
Title: Re: بـُــري
Author: Maawya Hussein
Date: 06-04-2008, 11:08 AM
Parent: #5
ماعارف قريت العنوان بريً ( بكسر الراء)
مع موجه الالفاظ الغريبه الحايمه الايام دي 
|
Post: #20
Title: Re: بـُــري
Author: اساسي
Date: 06-04-2008, 05:33 PM
Parent: #7
والله يا معاوية بتبربر براك كان كدا
بقيتوا تقروا علي حسب خوفكم من ام ضراع
|
Post: #8
Title: Re: بـُــري
Author: nadus2000
Date: 06-04-2008, 11:12 AM
Parent: #5
أساسي صاحبي*
والله انا من زمان قايلك تنتمي لقبيلة المهمشاب (اقليمي زي حالتنا كدة)، تقوم تطلع راكب مع تمبس في سرج واحد ولو كره الأمدرماناب.
*(اعتراف دا ممكن يطلعني من قبيلة المستنيراب..
"فعلى قدر المعزة تأتي التضحية")
|
Post: #21
Title: Re: بـُــري
Author: اساسي
Date: 06-04-2008, 05:35 PM
Parent: #8
نادوس الحبيب
ياخي انحنا في كل مكان معاكم , كوستي الحلة الجديدة سبعة وعشرين تامنية وعشرين المرابيع حي النصر الاندلس حي الشاطي والله للرابعة معاك
اها لقيتني كيف؟
مدينة كوستي اكثر مدينة سودانية قضيت فيها اجازات وضهب
بعدين الزمن دا في مستنيراب اكتر من المهمشاب؟
|
Post: #92
Title: Re: بـُــري
Author: Kudouda
Date: 06-09-2008, 12:09 PM
Parent: #4
عليكم الله يا جماعه ده بوست بقعد مدسي كده
جاييكم تاني
غازي
|
Post: #11
Title: Re: بـُــري
Author: haleem
Date: 06-04-2008, 11:28 AM
Parent: #1
والله يا أساسي يوم إفتتاح المعرض دة لبسنا هدوم المدرسة مكوية سيف حسب التعليمات عشان نكون في استقبال ابعاج
وكان موضوع الانشاء عن انجازات (ثورة) مايو
سدنة سااااكت
|
Post: #12
Title: Re: بـُــري
Author: tmbis
Date: 06-04-2008, 11:42 AM
Parent: #11
| Quote: تقوم تطلع راكب مع تمبس في سرج واحد ولو كره الأمدرماناب |
والله يا نادوس .. اساسي دا لما اكون بتكلم معاهو واجيب ليهو سيرة الريفيرا .. يا حديقة الموردة وحيات الخوه بتعب تعبشديد ..
تعرف بجدع ليهو في نص الكلام الريفيرا .. وبخليهو يرغي ويزبد .. ويطلع الكدوس بتاع الازمة داك ويبخ
انت عزيز علينا يا نادوس ولذلك انا بقبل اقتراحك دا .. وبكلم الجماعة يدو اخونا اساسي عضوية فخرية.
بس على شــرط:
نخصص ليهو يومين في الأسبوع يجي يتفسح في الموردة ويضرب سمك .. (وفاخــر) من الفاتح الكوتش .. لكن حدو الدايات بس .. ميدان الخليفة ما يصل .. لانو المسالة دي ما بي يدي انا والله بتعمل لي مشكلة مع الجماعة هناك بعدين يقوموا يقولو لي بقيت تجيب لينا ناس عجيبين وغريبين جدا .. 
|
Post: #13
Title: Re: بـُــري
Author: دينا خالد
Date: 06-04-2008, 02:16 PM
Parent: #12
اساسى ؟؟ برى دى مش الجنب حلتنا ؟؟؟
قال ليها مش دى رفاعة الجنب الابيض ؟ لوووووووووول
لكن لو دى برى الفيها الحلبى !!!!
برى برى فوق برى دى انا تانى ما بجى !
|
Post: #14
Title: Re: بـُــري
Author: ابو جهينة
Date: 06-04-2008, 02:32 PM
Parent: #13
بري اللاماب
بجيك راجع يا أساسي
|
Post: #24
Title: Re: بـُــري
Author: اساسي
Date: 06-04-2008, 05:54 PM
Parent: #14
يا سلام يا ابو جهينة دي من الوعود الدسمة التي ننتظرها ونترقبها
شفت الورطة
|
Post: #16
Title: Re: بـُــري
Author: Mohamed Yassin Khalifa
Date: 06-04-2008, 03:40 PM
Parent: #13
العزيز ود حلتنا الأساسي:
عندنا بيقولوا "إنشاء يوم شكرك ما يجي" علشان كده حا أقول ليك تسلم يا يا أساسي وتسلم بيك بري الحبيبة... لأنك رجعتنا لحتتنا وخليت العالم يشهد!!!
برجع ليك بس خليني أرد على الناس الما بعرفو قدر بري ديل وأولهم أخونا طمبس.. وعلشان هو أخوي الصغير ود أمدر - جار حوش جدي الخليفة - خلونا نسامحه علي كلامه القالو ده من غير وعي من تأثير العلقة والظاهر إنها كانت سمحة
فيا طمبس أنا معاك إنو أمدرمان عريقة وعمرها بعمر حوش جدي الدخلها قبل 120 سنة... ولكن أهلي في بري سكنوها قبل كدا بكتير... وأنا إتربيت في حوش جدي من أمي الزبير عبد الله الزبير.. وجدي أحمد الزبير وجدي الشيخ إدريس ود علي, رحمة الله عليهما.. كان لهما الدور الاساسي في قيام بري الحديثة والمعروفة بحدودها الحالية.. لأنها في الأصل كانت مدينة قريبه من النيل الأزرق (البحر ذي ما بنسميهو) والكان ومازال فيضانه صعب في المنطقة ديكا.. فكان لابد من التخلي عن المنطقة بالرغم من عراقتها وتاريخ اللهو إمتداد لمملكة سوبا وسلطنة الفونج...
وحا أرجع وأكتب الكتير في الحتة دي لاحقا لو سمح ليا الأساسي...
وعن الكورة (بضم الميم وتشديد الراء) ذي ما بنتميز بنطقها نحنا أولاد بري.. فالخط هنا أحمر.. وأولادنا حايردو عليك... بس يكفي الكاس الجابو لينا فريقنا القومي الكان معظم لاعبيه ومدربهم الخال عبد الفتاح حمد - رحمة الله عليه - من أولاد بري
ولنواصل.....
|
Post: #30
Title: Re: بـُــري
Author: اساسي
Date: 06-05-2008, 10:12 AM
Parent: #16
يا سلام عليك يا محمد ياسين الخليفة
اضافة موفقة ورد لي تمبس في التمنيات
نتوقع منك المواصلة
|
Post: #23
Title: Re: بـُــري
Author: اساسي
Date: 06-04-2008, 05:48 PM
Parent: #13
| Quote: اساسى ؟؟ برى دى مش الجنب حلتنا ؟؟؟ |
تطير عيشتها بري دي جمبها اي حاجة
الحلبي جانا راحل من الخرطوم تلاتة قعدوا ثلاثة سنوات اشاكل معاي فيهم ورجع تاني الخرطوم تلاتة
|
Post: #22
Title: Re: بـُــري
Author: اساسي
Date: 06-04-2008, 05:46 PM
Parent: #11
حليم التحايا الطيبة
اذكر ذلك اليوم تحديدا كالامس , لان لي فيه علامة حتي يومنا هذا لم تفارقني اكتسبتها من ذلك اليوم اي افتتاح معرض الخرطوم الدولي
بيتنا كان قبالة البوابة الرئيسية لمعرض الخرطوم قبل ان ننتقل الي امتداد ناصر , كان الزحام عنيفا كنت اجلس قبالة المنزل بالقرب من والدي وعلي صاحب الفرن البلدي , مع الزحام حدث هرج وتشابك اثنان بالايدي وتم التفريق بينهما فتناول احدهما حجرا وقذفه في الاخر الذي كان يقف امامي , زاغ صاحبنا من الحجر وتسلمته جبهتي والي اليوم لدي شعار افتتاح معرض الخرطوم الدولي في جبيني , اذكر يومها انه نزف الجرح دما كثيرا الي درجة تغير لون قميصي وانا طفلا فتم حملي علي سيارة (التنجدة) الكحلية البيجو وفي مؤخرة السيارة كان الشخص الذي قزف الحجر مجندلا تم ايصالي الي حوادث الخرطوم وعمل سبع غرز في الجرح .
لذا ما ازال اذكر ذلك اليوم جيدا يا بتاع طلائع مايو انت
|
Post: #15
Title: Re: بـُــري
Author: محمد أبوالعزائم أبوالريش
Date: 06-04-2008, 02:34 PM
Parent: #1
Quote: البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو. |
بيكون أظرف بدون طلتك البهية وطربوشك
أساسي ...
أشكرك نيابة عن أولاد بري .... وسؤالي .. هل لك صلة ببري (سكن حالي أو في الماضي ... أهل .. إلخ) .. وحتى لو الإجابة بالنفي .. مرحب بيك في بري.
|
Post: #31
Title: Re: بـُــري
Author: اساسي
Date: 06-05-2008, 10:14 AM
Parent: #15
| Quote: هل لك صلة ببري (سكن حالي أو في الماضي ... أهل .. إلخ) |
الاخ محمد ابو العزائم
اكيد ياخ انا ود بري , الولادة والطفولة والصبا والشباب ما بين بري الدرايسة وامتداد ناصر
يا اريت نسمع منك
|
Post: #17
Title: Re: بـُــري
Author: DKEEN
Date: 06-04-2008, 03:58 PM
Parent: #1
في 97 قفلت الحكومة الجامعات لاجل غير مسمى..
فرجع كل طلبة الشهادة العربية الى الخليج..
ولاننا كنا بنعتمد عليهم في مصاريفنا اليومية والاكل والشراب..
انقطع رزقنا..
اتحيرنا ونحنا جماعة..
اضطرينا تحت وطأة الجوع اننا نفتش شغل ..
فلجأنا الى مؤسسة (الطالب المنتج) الكيزانيةعشان تدبرنا ..
اشتغلتا موزع فواتير مياة المدن..
وادوني منطقة بري عشان اوزع فيها..
لفيت بري دي بيت بيت..
ولي هسي مذكر الوجوه التي طالعتها في بري المحس وابو حشيش وبري اللاماب (بري مربع ستة)
والدعوات التي كانت تلحقني (الهي ربنا ما يوفقكم ) (موية شنو يا ولدي ..الهي يدفق مويتك على الرهاب) (الموية دي ما بنشوفها إلا فجرية ..فاتورة شنو ما بتخجل)(هسي ياولدي انتا شغلة ماعندك ..دي مواعيد توزع فيها فواتير)..
والحق يُقال الدعوات كانت مزعجة جدا بالذات من العواجيز ونسوان بري..
بس تلك الدعوات المزعجة لم تكن شيئا بجانب حسناوات بري..
كنت بقول يلا ..دعوة من بيت وطلة بت سمحة من بيت تاني ما كعب..واردد (ُبري مدهشة)
اجمل البنات لاقوني في بيوت بري اللاماب مربع ستة..
واكرم الناس لاقوني في ابو حشيش..كانو طوالي بقولو لي اتفضل يا خينا افطر او اشرب ليك جبنة..
واصعب البيوت لاقتني في بري الدرايسة ..كانت بيوت جايطة وشوارع ضيقة ودخاخين..
ونص البيوت مؤجرة تكون داير ليك ساعة عشان تعرف البيت بي اسم منو ومن ثم الفاتورة حتكون ياتو فاتورة..
لفيت بري دي شارع شارع وزقاق زقاق
وكنت من الملتصقين بهموم الناس في الشوارع وربات المنازل عند الضحى ..
اكشتفتا طعم القرش المكتسب من عرق تطاردة الدعوات..
اكتشفتا انو ابو القاسم محمد ابراهيم رئيس نادي بري
وانو عندو فيلا سمحة في قاردن سيتي فاضية
وانو معاوية البرير عندو غفير مفترس
وانو سعود البرير راجل متواضع
وانو اولاد الشيخ مصطفى الامين فللم في قاردن سيتي بتشبه بعض..
وانو كمال حمزة عندو بيت بديع في قاردن سيتي..
وانو في حبشية شغالة (شغالة )في فيلا في قاردن سيتي لو وافقت لتزوجتها الحين والساعة..
وانو في بيوت في بري الشريف يعمرها القرآن والتسبيح ..
غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب..
|
Post: #32
Title: Re: بـُــري
Author: اساسي
Date: 06-05-2008, 10:16 AM
Parent: #17
يا ديكو لكن ما نجضتها نجاض
Quote: غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب.. |
ويجيك الركيب بتاع الموردة دا لسانه زي الكرفتة يتفاصح
خليك قريب يا عمك
|
Post: #18
Title: Re: بـُــري
Author: احمد العمار
Date: 06-04-2008, 04:07 PM
Parent: #1
يا سلام عليك يا اساسى الكلام عن برى ليهو طعم خاص ، تعرف قبل فترة عمر الفاروق
كتب بوست عن الفنان أحمد الجابرى وتحدث عن اغنية الجريف واللوبيا
فاثار فى نفسى شجون غير عادية لاننا فى برى اللاماب بنعتبر اغنية الجريف
واللوبيا دى مفروض تكون اسمها ( برى واللوبيا)(اقصد المنطقة الموصوفة فى الاغنية وليس استبدال معنى كلمة جريف ببرى ) مع انو الجريف غرب وبرى الاماب
لا يفصل بينهم غير المنشية فقط يعنى نفس المكان بس الاختلاف برى فيها شاطىء رملى
والجريف لا . كما تعلم
وتمنيت ان تسمح ظروف واكتب عن برى او البرارى بصورة عامة
فرغم اصولنا الكردفانية ولكن برى اللاماب او( برى الشريف ) تظل مسقط رأسى
فبرى هى حى عريق وكم لنا فيها من ذكريات ، البحر ، الجنانين ، الحوليات ،
والكورة وفريق برى وفريق وادى النيل والروابط الكبار والناشئين ومعرض الخرطوم
وبرى الاميرية حتى الخرطوم القديمة والخرطوم التجارية بنعتبرها من برى
عموما متابعين ومشاركين كمان
أحمد العمار
التعديل لاضافة توضيح
|
Post: #25
Title: Re: بـُــري
Author: عمر الفاروق
Date: 06-04-2008, 06:25 PM
Parent: #1
بري دي كل البتربطني بيها كانت باصات ابورجيلة ..تمشي الساعة 10 صباحاً المحطة الوسطى امدرمان تلاقي يافطة مكتوب فيها إلى معرض الخرطوم الدولي تنط في الباص تمشي المعرض تكشف للمندهشين من مدارس الجزيرة والشمالية وتشتري ليك طاقية وحلاوة قطن وبالليل تجي قالب ..
دي بري لكن تاني ماااااااا شوفنا ليها شي ..
لأ والله إتذكرت رحلة البرالمة كنا بنعملا هناك في حدائق الشريف في بري ..
تخريمة :
يا تمبس ناس بري من النوع اللمن يجو يحضروا الكورة بيقعدوا قعدة العرب ديك ويقعدوا يصفقوا :
دايرين قينان ..دايرين قينان ؟
|
Post: #26
Title: Re: بـُــري
Author: maia
Date: 06-04-2008, 06:54 PM
Parent: #1
الاخ اساسي
لك التحية وانت تتحدث عن بري او البراري بكل احيائها
فهذه البراري مجموعة احياء رائعة ارتبطت عندي واهلي منذ زمن بعيد بدءا من الدرايسة المحس ، بري كوريا مرورا بامتداد ناصر او كما يقول ولد اختي ( امجاد ناصر) وانتهاء ببري اللاماب
رغم اننا من (المهمشاب ) اي ناس هامش وكدا لكن بري اصبحت لينا وطن اخر مما عرفنا الخرطوم دي لم نعرفها الا من خلال بري
كلما يذكر اسم بري طوالي بتذكر بص البراري ذو اللون الكحلي الكركابة داك البيمشي المشوار ما بين الخرطوم حتى البراري في عشرين ساعة يعني لغاية ما الزول ينسى ذاتو هو ماشي وين
بص بيشق الحلة وبيقيف في اي محطة يعني طريقه غير طريق الحافلات التي لم تعرفها سوى امتداد ناصر
امتداد ناصر جنوب وامتداد ناصر شمال وشارع الظلط الفاصل بينهم الذي كان مهكعا وحالته حالة
بري او البراري دي عالم براهو ودنيا جميلة بتمثل الخرطوم والسودان الجميل
|
Post: #27
Title: Re: بـُــري
Author: DKEEN
Date: 06-04-2008, 08:01 PM
Parent: #1
تومبس وعمر الفاروغ
شن عرفكم بي البراري انتو؟
بري دي اقلاها فيها حي الصـــفا
حي الصفا ده عارفين يعني شنو يا بتوعين الصير؟؟
معزورين يا اساسي..
موش دايما بكون في عالمين بتستنكحنا الفطور في المدرسة زمان؟؟
اهو الاتنين ديل سامبل مستنكحين..
ديل الناس الكانو بتموها في حيط الجالوص..
كرهتونا العز ذاتو..
|
Post: #28
Title: Re: بـُــري
Author: خالد العبيد
Date: 06-04-2008, 10:54 PM
Parent: #1
اساسي
تحياتي
شكرا على البوست الكبير
ومرحب بي ببري واولاد وبنات بري
فهم كثر هنا
يجب ان تضيف حي الصفا والمنشية
فهي من احياء البراري جغرافيا
يجب تقسيم هذا البوست
تاريخ بري
الشخصيات الهامة
الرياضة "السودان احرز كاس افريقيا عام سبعين بهدف درة ملاعب البراري حسبو الصغير"
السياسة
الحياة الاجتماعية
الاثار
الخ
اقول ان اولاد ابوالعزائم محمد وماضي من اسرة عريقة وكبيرة يعرفها القاصي والداني
وغير شك سيكون لهم قدح معلى في هذا البوست
والتجاني يوسف بشير قال:
وبري حلاوة والزول طراوه!!
واكيد برجع
|
Post: #29
Title: Re: بـُــري
Author: معتصم دفع الله
Date: 06-05-2008, 09:48 AM
Parent: #1
ألحق يا أحمد عبدالله 
مرات يا دباب عندك كلام سمح شديد ..
الحديث عن بري ذو شجون ويطول إن شاء الله نلقى ليهو وكت ..
بعدين ما تجي تقول لي المشي كداري لغاية مدرسة الخرطوم القديمة والتمليح ومعرض الخرطوم والرحلات ديك في الجهة الشمالية منطقة الغابة دي ما معانا..
الحياة في بري سهلة والناس تعرف بعضها البعض إن لم يكونوا أهل وذو قربى والقادم إليهم لا يجد صعوبة في التأقلم معهم والإنخراط في مجتمعهم البسيط الجميل ..
يمكن كلام دكين دا أكثر دقة وتشبيه لحال أهل بري ..
بجيكم تاني ..
|
Post: #33
Title: Re: بـُــري
Author: ابو جهينة
Date: 06-05-2008, 10:42 AM
Parent: #29
أساسي الأساسي
تحياتي
أجمل ورطة ...
شوف يا صديقي العزيز
أتينا من عطبرة الحبيبة إلى بري الشريف ( اللاماب في عام 1974 م ) و سكنا في بيوت البحر .. و جاورنا آل الهندي
ثم بالقرب من الصينية جنب المرحوم ( حسن عبد الله ) .. و العمدة
ثم جنب ناس باقرين
تملكنا بيوتنا الحالية في مربع 6
نحن و ناس إنعام عبدالحفيظ جيران ( بس ما هيطة بالهيطة )
و للورطة بقية
|
Post: #37
Title: Re: بـُــري
Author: انعام عبد الحفيظ
Date: 06-05-2008, 11:35 AM
Parent: #33
اساسي
انا لي يومين بقرأ بس وبستمتع بذكريات الجماعة ديل
للأسف انا ما عندي ذكريات طفولة في بري 
جيناها وانا كنت في الجامعة
وما عندنا فيها بيوت مِلك
بس بـ إيجارنا دا مااااااا مارقين منها
حبيناها وحبتنا
Quote: نحن و ناس إنعام عبدالحفيظ جيران ( بس ما هيطة بالهيطة )
|
أبو جهينة ياخي دي جيرة الهنا دي
|
Post: #34
Title: Re: بـُــري
Author: عمر الفاروق
Date: 06-05-2008, 10:54 AM
Parent: #1
| Quote: موش دايما بكون في عالمين بتستنكحنا الفطور في المدرسة زمان؟؟ |
بالله !!!!!
ياخي تخ !!
دكين شنو الكان بيجيب معاهو فطور المدرسة !!!!
يا قريبك انت النوع البيجي وقت الفطور يمد يدو لي هيثومي ولا وائل الحاشين مارتديلا وتقول ليهو :
أدييييييني معااااك ..
يقول ليك :لالالالالالالالالا ..
تقوم تقول ليهو :
انا زاااااااااااتي ما عايز بس كنت عايز أختبرك ..
يا عزيز ياخ اراهنك انت النوع الكان عندو شنطة دمورية فيها بقع زيت جراء حشو الطعمية وتغليفها بجريدة الأيام ..
ويومك التتجدع كنت بتحشي مربّى..
يا ديكو الله بيسألك كم مرة شلت طعميتك البايتة دي ومشيت لي أولاد العز وقلت ليهم تعالوا نفت ..
بالمناسبة انا الخرطوم دي ما بعرف فيها أي شي وجيتا كبير للجامعة ووقتي كلو في امدرمان لكن حي الصفا ده لو الحي الشريحة الخلف المطار طوالي وكلو عمارات داك فأبشرك يا اللخو عندي فيهو ذكريات طن وايام جميييلة ..
احب الطبقية واموت في بنات العز البيحبو الفقرانين ياخ ..
|
Post: #36
Title: Re: بـُــري
Author: نادية عثمان
Date: 06-05-2008, 11:22 AM
Parent: #34
بُري دي وين من جاردن سيتي ؟!!
أساسي ياشفيف
دايرة أقول ليك كتابتك طاااعمة ومليانة بي زي نوع البُهار الهندي داك أظنو إسمو ( كاري)
المهم إنو الزول بستمتع بطعم كتابتك شديد والله 
فلك مني التحايا وأرق الأمنيات
و
كُن كما أنت
أساسي أجدع ناس
|
Post: #35
Title: Re: بـُــري
Author: محمد أبوالعزائم أبوالريش
Date: 06-05-2008, 11:14 AM
Parent: #1
| Quote: اكيد ياخ انا ود بري , الولادة والطفولة والصبا والشباب ما بين بري الدرايسة وامتداد ناصر |
طبعاً كلامك ده وقع لي بعد مداخلتي الأخيرة، لما ذكرت حكاية فلقة الحجر، والموقع بيوضح إنو بيتكم وقتها كان في بري الدرايسة.
تمبس والأخوان البيقولوا إنهم ما بيعرفوا شئ عن بري، وقلما شافوها، طبعاً موقع بري ما بيخليها معبر لواحد عشان يشوفها في طريقه لأي جهة، يعني البيجي بري إما يكون قاصدها أو ماشي المنشية. أما في الوقت الحالي، وبعد الكبري الجديد البيربط بين شرق وغرب النيل الأزرق، بقت بري طريق الماشي من وسط الخرطوم إلى الجريف شرق وجميع القرى الواقعة شرق النيل الأزرق.
__
حاولت البحث عن بوست كتبه الأخ خالد العبيد ظننت أن له صلة بالموضوع، ولم أوفق ..... يا خالد البوست بتاعك طشّ وين؟
بجيكم راجع
|
Post: #38
Title: Re: بـُــري
Author: أيمن الطيب
Date: 06-05-2008, 12:41 PM
Parent: #35
يا بُرّاب يا شباب يا حلوين,,
تيت تييييييييييييييييت برى حديد
الداير يشجعنا مرحب بيهو,,
والداير يدورنا برضو مرحب بيهو (تمبس والفاروق ودكين ومن شايعهم)
برضو مرحبتين وصدورنا واااسعة وأخلاقنا عالية لكن والله علينا طولة لسان تحير
وضيوفنا وأصحابنا وجيرانا وحتى الجايين يزورو معرض الخرطوم الدولى ولا جايين عرس
فى نادى الشرطة وقايلين الطيارة النازلة مطار الخرطوم وقعت فيهم وقامو صوف وخلو
عروسهم تتلفت برضك نحن فاهمين ما السكن جنب المطار محتاج ليهو زمن طويل حتى يتعود
الناس عليه ويتعودوا على إهتزاز الأرض الذى ينتج عن هبوط طيور الجن تلك ..
برى علم وفن وهندسة ورغم ذلك كغيرنا ونحن هنا نثبت حقوق غيرنا ولا نبخس أحد شيئا,,كبعض غيرنا من
أحياء العاصمة نعيش أخلاق القرية وتجدنا بسطاء فى تعاملنا رحماء بيننا نعطى كبيرنا قدره وحقه و
يكفى أحدهم أن ينظر إليك قليلا ليحدد إبن أى أسرة أنت ومن هو والدك أو أمك أو أخوك ولذلك كان لزاما
علينا دائما أن نكون على حذر فدوما هناك من ينظر إليك ليشكرك على خير فعلت أو ليزجرك على سلوك شين
تفكر أن تقوم به,,,
برى نحن أبناءها نحتاج أن نستجمع أفكارنا وقوانا لنعرف من أين وكيف نبدأ وماذا نقول وفيمن!!!!!!!
لكن واحدة واحدة إنشاء الله والحمد لله طلع (البُرّاب) كتااااااااااار وأكثر منهم من مروا بدروبنا وحملو
طيب الذكريات,,,وحتى من ألقت به الظروف ليقرأ العدادات وطاردته لعنات الحاجّات لكنه إستمتع بمناظر
الحسناوات ومن تلقوا الجلدات ظنا منهم أن الموضوع (شبطات) وشاغلوا البنات,,,,,,,,,, خير وبركة نحن
أكبر من أن نحسبها لهم فتكفينا خوتهم,,,
نتلاقى قدام
|
Post: #39
Title: Re: بـُــري
Author: khaleel
Date: 06-05-2008, 01:14 PM
Parent: #38
ازيكم يا ناس بري
عندي سوالين
ليه بقولوا ( اجي يا بري )
والسوال التاني واحد من عظماء الفنانين السودانين عندو اغنية بتقول
( نمشي كمبو الري البابور الجاز (بري اقرب لي البابور جاز
اجابة يا اساسي وايمن
|
Post: #43
Title: Re: بـُــري
Author: Mohamed Yassin Khalifa
Date: 06-05-2008, 02:11 PM
Parent: #38
يا أخوانا.. كنتا ماشي المعرض لقيت بيت فراش.. قلت الندخل نشيل الفاتحة علي روح أخوي الصغير المرحوم الشهيد العقيد أركان حرب مهندس محمد صلاح عابدين
محمد صلاح خيرو على أهله وأولاد حلتو كتير.. وما في زول فينا مشى المعرض إلا لاقاه في الشارع في الطبلية بتاعتو ولا بيسقي العطشانين قدام بيتهم المواجه باب المعرض أيام كان صغير.. وكان واسطتنا لدخول المعرض بالبلاش لانو العمال بالمعرض كانو كلهم بيعرفوه
وقبل يومين نقلت جريدة الحدث عن عمه الأستاذ والمربي الفاضل مصطفى عابدين.. عميد وناظر الخرطوم القديمة الثانوية.. والذي قال عنه إنه ابني وتلميذي وصديقي وتربطني به علاقة قوية وطيبة فهو رجل المهام الصعبة في الأسرة وفي المنطقة، ويؤدي ما يوكل إليه بكفاء عالية، وهو ركيزة لأسرته، وظل يقدم خدمات جليلة للمنطقة ولأهله وجيرانه، وتم اختياره نائبا رئيس لنادي بري لما عرف عنه من قدرته على تحمل المسئولية. مضيفا أن الشهيد فقْد لمجتمعه الصغير في حي البراري وللسودان، وعندما أرى أبناءه الصغار أمامي أشعر بألم شديد، ولكنها إرادة الله، والله قدّر ولطف...
والله أبكتني كلمات أستاذي في ود أخوه.. ومازلت
فيا أخواني وأخواتي سامحوني لاني ماقدرتا أمشي المعرض من غير ما أمر ببيت العزاء!!!
ولنواصل...
|
Post: #40
Title: Re: بـُــري
Author: Gaafar Ismail
Date: 06-05-2008, 01:18 PM
Parent: #1
حبيبنا أساسي
يا ســلام على بـري وأهلها الطيبين
في منتصف الستينات كنت أمضي معظم أيام الأسبوع بمنزل صديقي يوسف يا سين وأخوانه طـه وقنبور .. كان عندنا فريق أسسه يوسف ياسين أسمه (الأمل) كان من مشجعي الفريق المرحوم الحكم المشهور احمد قنديل والفنان علي اللحو الذي كان يسكن جوار منزل يوسف ياسين.. بعد التمرين نجتمع في صالون منزل يوسف وندفع (شلن) خمسة قروش لكل واحد وتقوم الحاجة فرحين عليها الرحمة باعداد عشاء فول(مدنكل) ثم نستمع لبعض الوصلات من اللحو..كان من أعضاء الفريق الأخ بابكر كجول وعدد من أولاد بري الطيبين الذين نسيت أسماءهم بمرور الزمن ولكن كانت أيام جميلة.. أيضا جمعتني ظروف العمل بالرجل الفاضل ولاعب الكرة الممتاز في زمانه عمر المبارك وكيل وزارة التجارة آنذاك.. ومعنا الآن في طوكيو(الملا) محمد عمر عابدين الذي يملأ اوقاتنا بهجة كلما نلتقي بروحه المرحة وذكائه اللماح .. كانت أيام يا بــري
تسلم أخي الحبيب وتسلم بري وأهلها الكرام.
تحياتي ومودتي
|
Post: #41
Title: Re: بـُــري
Author: أيمن الطيب
Date: 06-05-2008, 01:44 PM
Parent: #40
Quote: ازيكم يا ناس بري
عندي سوالين
ليه بقولوا ( اجي يا بري )
والسوال التاني واحد من عظماء الفنانين السودانين عندو اغنية بتقول
( نمشي كمبو الري البابور الجاز (بري اقرب لي البابور جاز
اجابة يا اساسي وايمن |
الخزين حبيبنا,,,
إنت شهادتك وأسئلتك فى برى مجروحة ولا تخلو من الغرض
أعلن حيادك وما عندك مشكلة بنجاوبك,,,بعدين بما إنو فى برى الجودة
مهمة فأهل برى ما بقبلو بأى منتج غير جيد الصنعة بغض النظر عن
ماهية ذاك المنتج ولكم فى شارع المعرض عبرة يا حبيب,,
خليك معانا وما تهبش سلوكنا العريانة,,,وأكيد حا تستمتع..
|
Post: #45
Title: Re: بـُــري
Author: Mohamed Yassin Khalifa
Date: 06-05-2008, 03:01 PM
Parent: #40
أستاذنا جعفر إسماعيل:
جيت بى عظمتك ومعاك وجهاء بري.. وعلى ذكرة قنبور الأسمه محمد يسين ذي إسمي ما بنقسم.. ونحنا ساكنين في شارع واحد بيناتنا كان دكان سيد العربي..
وكانت لكل واحد فينا صداقات خاج بري.. ولما يزونا واحد مابعرف بيوتنا ويمشي يسعل سيدالعربي كان يوديهو البيت الغلط... ياخي ده تعبنا وتعب ضيوفنا وأهلنا بشكل.. المهم صاحبنا يواصل في الوصف الغلط لغاية ما محمد يسين دخل السجن بأنقلاب وأنا طفشتا وخليت ليهو البلد.. وبعدا صاحبنا إتحير ليك حيرة!!!!!!!!!!
أصلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو
سيدي ربنا يجمع الحبايب كلهم في بري
|
Post: #50
Title: Re: بـُــري
Author: Gaafar Ismail
Date: 06-06-2008, 08:19 AM
Parent: #45
Quote: صلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو
|
الحبيب محمد يسن
طبعا ما كان كل واحد في الفريق بدفع sharing لأن أغلبهم كانوا طلبة بما فيهم قنبور ذاتو . كنا البندفع أربعة أو خمسة أفندية في الفريق
تحياتي ومودتي
|
Post: #42
Title: Re: بـُــري
Author: محمد أبوالعزائم أبوالريش
Date: 06-05-2008, 02:09 PM
Parent: #1
| Quote: خليك معانا وما تهبش سلوكنا العريانة,,,وأكيد حا تستمتع |
أيمن اخوي ...
البهبش سلوكنا العريانة بلقى نفسو في بابور موية (حالياً محطة بري الحرارية)
|
Post: #44
Title: Re: بـُــري
Author: محمد أبوالعزائم أبوالريش
Date: 06-05-2008, 02:16 PM
Parent: #1
يالاّ يا أيمن ... أدي العالم دي بعض الإضاءات عن شخصيات وظرفاء بري ....
ممكن تبدأ بي:
ود الريف (رحمه الله)
عمك مرحوم رحمه الله (والد حسبو الكبير)
الشريف عنطوز
عبدالله لوفت
والقائمة تطووووول
|
Post: #47
Title: Re: بـُــري
Author: Mohamed Yassin Khalifa
Date: 06-05-2008, 05:54 PM
Parent: #44
أبوالريش الوجيه:
الناس دي ما عارفة أنو بيتكم في واجهة بري مخصوص علشان سمح وعامر دايما... ونحنا القرينا في بري المحس كان لينا محطة بندخلو قبل وعد القراية... جاركم عمنا محمد عبداللة العوض بأولادة اللطاف... والما بعرفك بجهلك
=============================
بس وينو الزول الشاطر داك السني أبوالعزائم... الكره الناس المدرسة بشطارتو
والله قدر ما عملو الجماعة كان بيفوتهم كسح..... بالله سلم عليهووووو "ببنية"
=============================
| Quote: ود الريف (رحمه الله) |
يا الله!!!!!!!!!!!!!!!!!!!!!!!!!
الراجل الضخم الكان بنبرو (مقعدو) كنبة تلاميذ طويلة وعريضة... الله يرحمو ويحسن إليه .. و يغفر لينا المظاهرات العملناها ليهو بسبب الفول
ياخي دا كان أظرف راجل في بري المحس... وفولو أحسن وأطعم فول أنا أكلته في حياتي.. ومظاهراتنا كانت لانو فولو بيخلص الساعة 8:30 صباحا قبل حصة الفطور... ولما إضايقنا من الحكاية دي ردمناهو بالطوب لدرجة ما جا المدرسة وإشتكانا لعمر الهادي الناظر .. حفيد المناضل عبيد حاج الأمين الجلدنا بحرقة وعمل لينا معاهو إتفاق بأن يشتري ليهو قدرة فول تانية... ود الريف الظريف العفيف
إطراك الخير يا أبو الريش
|
Post: #46
Title: Re: بـُــري
Author: Ahmed musa
Date: 06-05-2008, 03:30 PM
Parent: #1
اساسي الأساسي ........بري شهقة فرح جواني ......... وعوالم من جنون .........هي السياسة .......والرياضة .....والثقافة ........... والفنون ................ فرحت له>ا البوست وبرغم إرهاقي جراء دخولي الآن من المكتب .إلا أنني آثرت تسجيل حضور ..........ولي (7) مداخلات رئيســة و(6) فرعيــة وراجـــــــــــع ليك مساء بتوقيت السـودان الوطن الحُر ..ماقد كان وما سيكون ...........................
|
Post: #48
Title: Re: بـُــري
Author: Dr.Mohammed Ali Elmusharaf
Date: 06-06-2008, 06:25 AM
Parent: #1
الحبيب اساسي
التحية لك ولكل اهلنا في البراري
ورحم الله جدي الحبيب ابراهيم مختار الشكيري الذي تعلمت منه الكثير عن بري ورجالها
لي عودة باذن الله
محمد علي المشرف محتار الشكيري
|
Post: #49
Title: Re: بـُــري
Author: ترهاقا
Date: 06-06-2008, 06:53 AM
Parent: #48
برى ، تسجيل حضور
، كمية من اهلى الاعزاء ، انا طفاشى عزابى فى ميز سميناهو الحفرة فى برى المحس ، ومرات مع خالى عثمان
فى البيوت المتاخمة لاصدقائى آل حريز
شقيقى اسعد لعب فى فريق برى مهاجم فى الثمانينات، والتحية ايضا لصديقى العزيز عبد الكافى لاعب الفريق القومى وصاحب الضربات الثابتة
فى العصر الذهبي للكرة السودانية ومدرب فريق برى آنذاك
والتحية لبرى المدينة الشامخة اللى منها ممكن تمشى كدارى لاى حتى ، فى الوقت اللى ناس تمبس إلا يركبوا ابورجيلة
عشان يمشوا يشجعوا فريقهم ده لو وصلوا
ولكم الود
|
Post: #51
Title: Re: بـُــري
Author: علاء الدين يوسف علي محمد
Date: 06-06-2008, 08:48 AM
Parent: #49
Quote: بري دي كل البتربطني بيها كانت باصات ابورجيلة ..تمشي الساعة 10 صباحاً المحطة الوسطى امدرمان تلاقي يافطة مكتوب فيها إلى معرض الخرطوم الدولي تنط في الباص تمشي المعرض تكشف للمندهشين من مدارس الجزيرة والشمالية وتشتري ليك طاقية وحلاوة قطن وبالليل تجي قالب ..
دي بري لكن تاني ماااااااا شوفنا ليها شي ..
لأ والله إتذكرت رحلة البرالمة كنا بنعملا هناك في حدائق الشريف في بري ..
تخريمة :
يا تمبس ناس بري من النوع اللمن يجو يحضروا الكورة بيقعدوا قعدة العرب ديك ويقعدوا يصفقوا :
دايرين قينان ..دايرين قينان ؟ |
يا أساسي ياخ حرقني كلام عمر الفاروغ دة
الزول دة عارفو ساكن وين؟
ساكن في ما يسمي سابقاً (بعد دسوها) مرزوق و البق الآن إمتداد الثورات (رجالة ساي)
ساكن آخر الدنيا
و في آخر الدنيا آخر بيت في آخر مربوع فيها
هو بيعرف شنو عن بري
مدرسة بري الأميرية و أستاذ كمال الدقنّة إنتجليزي و كورة ، خرّجت فحول في البلد دي لا يمكن إحصاءهم
مدرسة البراري الثانوية بنات رمز يشار إليها بالبنان لعدد من السنوات شكلت حضوراً قوياً في أوائل الشهادة و كانت يوماً ما الأولي أيضاً
مدرسة أميل مرعي قرنفلي الطلع منها العازف المعروف في البراري جميع خالد أوشي و لاعب المريخ السابق صبري مكين و منها العلامة في عالم التقانة السودانية محمد عمر الفاروق و الفياض الذي يسكن قرب سوق 4 و كان أولاً للشهادة السودانية ذات عام.
و كم من المدارس أمثال علي السيد و علي التلب و الطيب الناظر و كثيرات غيرها.
بري خالد فرح و جريدة السياسة و الشريف زين العابدين الهندي و سراية آل الشريف
و مسجد بري العتيق ، و نادي بري الرياضي الإجتماعي الثقافي و مستشفي الشرطة و ساهرن و جامعة الرباط و كلية الشرطة و المباحث (محل بنفيِّش الناس) تِمس دة كان ما فيشناهو يصبر علينا.
و محطة بري الحرارية و التاريخ يقول و يقول
و أٍسرة حامد أبو الريش و البروف الراحل عبد الله الطيب
و ما ننسي نادي كوريا
دة كلو كدة في عجالة بس
ولو حبيتو كمان نضيف ليكم جمال الوالي مافي مانع مع إنو أنا هلالابي
أساسي أنا من أولاد بري
إبتدائي
متوسط
ثانوي
و حالياً
|
Post: #52
Title: Re: بـُــري
Author: خالد العبيد
Date: 06-06-2008, 11:42 AM
Parent: #1
بري قبة الشريف والحولية السنوية والنحاس
بري قبة ابتلة
مقابر البراري التي تضم في احشاءها ابطال مثل عبدالبديع علي كرار
بري عمنا شين رحمه الله في زيه الانجليزي الكامل خاصة الكدوس !!
بري حسبو الصغير وكافينول
بري وام انجبت من عظماء : مولانا حسن البداني، مصطفى احمد الشيخ ، ابوزيد موسى ، التلب ، حتيكابي ، بدرالدين مدثر ، د.حامد سيد حريز ،الشريف الهندي ، ودرة حسان زمانها" سيد الاسم" !...و و و و و
وبرجع تاني
|
Post: #53
Title: Re: بـُــري
Author: عاصم المشرف
Date: 06-06-2008, 12:09 PM
Parent: #1
الاخوة الكرام
اعجبت بفكرة البوست ومحاولة عكسه والقاء الضوء على مدينتنا الخالدة خلود نهر النيل العظيم برى الحبيبة ومن خلال البورت تعرفت على بعض الاسماء بالرغم من ابتعادى عن المدينة العزيزة لسنوات طويلة مثل الزميل محمد يسن برى الدرايسة ومدرسة برى المحس والمحامى احمدموسى برى ابوحشيش وأشك ان ايمن الطيب هو زميلنابالمغرب ابن ناس الطيب سرور.وحيقة اتمنى التعرف اكثر على أبناء البرارى بالمنبر خاصة اساسى الذى اثارشجوننا وعواطفنا لتلك البقعةالطاهرة من ارض الوطن.
حقيقة تألمت كثيرا بخبر وفاة الراحل الاخ/العقيد محمد صلاح عابدين والبركة فيكم جميعامع رجائى بنقل التعازى لاسرته.
احوتى:كانت تراودنى الفكرة منذ امد بعيدبتقديم خدمة تعريفية لمدينتناالتى نتمنى لهاالتشبه بالمدينة الفاضلة، وتتمثل هذه الفكرة بتخصيص صفحة داخلية بصحيفة صوت النيل السودانية التى نصدرها من القاهرة شهريا ولكن لقلة المعلومات والمصادر الموثقةحال دون ذلك ولعل هذا البوست يحفزنا جميعا لتنفيذهذه الفكرة خاصة بمكانيةجمع المعلومات وتوثيقها ونقل اخبار المدينةولكم فى حسبو الكبير وحاج المشرف ورملى عبد الله الشفت وغيرهم ممن تعرفونهم ولديهم معلومات عن المدينة وزكرياتهاخبر معبن للتوثيق وسوف نتفاكر فى طريقة اخراج الصفحة.
تحياتى واشواقى لكم جميعا
ولبرى واهلها اجمل الاشواق
|
Post: #54
Title: Re: بـُــري
Author: ماضي ابو العزائم
Date: 06-06-2008, 02:58 PM
Parent: #53
كتب حسين ملاسى
Quote: البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو. |
الحمد لله البقيت و اخوى سبب عشان تقطع وشك من البوست و ما تمسخو
التحية الاخى الاصغر (اساسى)
|
Post: #55
Title: Re: بـُــري
Author: ماضي ابو العزائم
Date: 06-06-2008, 03:29 PM
Parent: #54
كتب الاخ tmpis
| Quote: اكتب عن مدينتك المتواضعة المصنوعة ودعنا نكتب عن المدن التاريخيه .. بمعرفتنا. |
بعيد عن التعصب للمناطق و الحساسيات :-
تاريخيا برى المحس و (ديم ابو حشيش) و برى الاماب اقدم تاريخيا من امدرمان مع الاحتفاظ لامدرمان بعراقتها... كيف؟؟
برى المحس:- بعد اتفاقية البقط بين النوبة و عبدالله بن ابى السرح اسلمت بعض الاسر و هاجرت جنوبا(هجرة علماء المحس)و استقرو فى منطقة التقاء النيلين. و لما كانوا اهل جزر فى الشمال (جزيرة بدين)سكن جزء منهم جزيرة توتى و بقى الجزء الاخر بالجانب الغربى و كونوا حلة المقرن و ارتحل جزء ثالث الى منطقة وزارة الخارجية الحالية ثم لاسباب غير معروفة الى منطقة كلية الشرطه الحالية (تحديدا مطبهة الشرطه) ثم لفيضان حدث الى المنطقه الحالية.
ابو حشيش:-فى الاصل هم عمال استجلبوا فى عهد التركية السابقة من جنوب دارفور و جنوب كردفان للعمل فى المنجرة التى تدعم الاسكلا(مكان صناعة المراكب)و المنجره كانت فى موقع حدائق 6 ابريل الحالية ثم هجروا لمنطقة ديم ابو حشيش الحالبة و مع مرور الزمن و مؤخرا سار عليها اسم برى ابو حشيش.
برى الدرايسة:-الاحدث بين البرارى و اخذت الاسم من عمال الدريسة و ذلك بعد انشاء السكة الحديد فى بدايات الحكم الثنائى.
و برجعة سريعة لجغرافية المنطقة قبيل المهدية كانت توجد فى هذه المناطق
(فى الخرطوم(المقرن،توتى،البرارى،الجريف، و اول منطقة بعدها من الجانب الجنوبى الغربى الشجرة و من الجانب الجنوبى الشرقى سوبا)
(بحرى:- حلة حمد و حلة خوجلى و شمبات)
(امدرمان:-ابوسعد،و القلعة، المورده كانت مجرد مرفا للمراكب الشراعية)
|
Post: #56
Title: Re: بـُــري
Author: ماضي ابو العزائم
Date: 06-06-2008, 03:42 PM
Parent: #55
الحديث عن برى اطول،
برى الاماكن من غابة ود النور و الطابية و الدروة و ود المبارك
برى الاسر من اولاد مضوى و الزرقانى و الضو و اولاد حتيك و اولاد عنكيب و اولاد تمساح
و بجيكم راجع عسان خاطر ملاسى
|
Post: #57
Title: Re: بـُــري
Author: Mohamed Yassin Khalifa
Date: 06-07-2008, 07:59 AM
Parent: #56
وينكم يا أولاد وبنات بري... يا بنات أبقو قراب.. ورونا بري الجديد فيها شنو!!!!!
|
Post: #58
Title: Re: بـُــري
Author: عاصم المشرف
Date: 06-08-2008, 00:24 AM
Parent: #57
محمد ياسبن اخوى كيف حالك عساك طيب
وكيف الدرايسة واهلهاالطيبن طبعا لم ننذكرنى انا زميل دراسة سابق وكنت ساكن محطة 7 كورياوشقيقى مازال هناك اتمنى ان اتعرف على البراب المتواجدون على المنبر
مه احترامى للزعلانين فى هذا البوست
برى حضارة- برى نضارة - برى استنارة
ولنكتب عن تاريخ المدينةلاجل التعريف بها وبأهلها بعيدا عن العصبيةوالمحلية الضيقة ولكلن منا ان يفخر بموطنه الصغير ووطنه الكبير
ومتمعاصم حاج المشرف
|
Post: #59
Title: Re: بـُــري
Author: اساسي
Date: 06-08-2008, 07:10 AM
Parent: #58
الاحباب اولاد بري البوست دا متاح للجميع والجميع اهل دار فعليكم الله اعفوني من المداخلات الفردية والرد الشخصي وخلونا مع بعض كدا كلنا نوثق لمدينة البراري العريقة ونبدا بالحكايا :
اولا الموقع
تقع مدينة البراري شرق مدينة الخرطوم . بعد مباني جامعة الخرطوم ابتداء من خط السكة حديد الذي يصل بحري بالخرطوم او ما يسمى بنفق (بري) يبدأ سلاح الاسلحة الي ان يصل كبري بري او كبري كوبر فهو يحمل الاسمان وهناك اول موقع سكني هو الاشلاق والذي يحسب ضمن مدينة بري
يحدها من الغرب بطول احياء بري المحس وامتداد ناصر مطار الخرطوم ومن الشمال يحتويها النيل الازرق ويواصل في احتوائها ملتفا عليها من الشرق حتي بري الشريف ومن الجنوب تحدها مدينة الرياض . هذا بالنسبة للموقع
المعالم البارزة :
اولا عند مدخلها الغربي نجد مطار الخرطوم وكبري بري (كوبر) الذي يربط الخرطوم ببحري , وشرقا من الكبري نجد دار ونادي الشرطة , ومستشفي الشرطة والفيش والتشبيه واي حاجة خاصة بالشرطة عندها علاقة ببري , وهناك محطة بري الحرارية والتي انارت ليال الخرطوم الحالكة السواد لسنوات وسنوات وما تزال تفعل
بعد ذلك نجد سكن اساتذة جامعة الخرطوم وعلي رأسهم الراحل البروفسور ( عبد الله الطيب) وغيره من الافذاذ وبيوت ناس زملائنا ابو العزائم
نجد الكثير من السفارات والقنصليات في حي قاردن ستي اشهرها السفارة العراقية قبالة مستوصف الصادق ابو عاقلة
نجد وفي مساحة شاسعة معرض الخرطوم الدولي يحتل الجانب الشمالي بموازاة النيل الازرق واحياء بري المحس والدرايسة
بعدها نجد فندق القرين فليدج وصنوه الهابي لاند سابقا او مطعم الامير هذا للديامة حصري
بعد ذلك وفي ما كان يسمي بجناين الشريف نجد الفلل الرئاسية التي اثارت الكثير من الجدل والتي تحتضنها بري في كبرياء وعزة
نجد بعدها قبة الشريف الهندي في حي الشريف ببري اللاماب
ونواصل المعالم
كما ارجو من الاخوة الاضافة لما فاتني من معالم ابتداء من الكبري حتي قبة الشريف والمواصلة حتي المطار ببري الجديدة وامتداد ناصر وكوريا
|
Post: #60
Title: Re: بـُــري
Author: Mohamed Yassin Khalifa
Date: 06-08-2008, 07:19 AM
Parent: #58
عزيزي عاصم المشرف:
سلامات.. ويا سيدي ليك وحشة.. عرفتا إنك في مصر المؤمنة فهل مازلت بها؟
بالله ورينا أخبارك...
-----------------
أساسي.. يا أخوي وين طفشتا؟
|
Post: #61
Title: Re: بـُــري
Author: اساسي
Date: 06-08-2008, 07:22 AM
Parent: #60
| Quote: أساسي.. يا أخوي وين طفشتا؟ |
اساسي امامك واساسي خلفك
يلا نسمع منكم يا احبابنا
|
Post: #62
Title: Re: بـُــري
Author: Mohamed Yassin Khalifa
Date: 06-08-2008, 07:41 AM
Parent: #61
ودا كان عشمي فيك يا ود حلتنا!
|
Post: #63
Title: Re: بـُــري
Author: محمد أبوالعزائم أبوالريش
Date: 06-08-2008, 07:48 AM
Parent: #1
محمد يس ...
| Quote: أصلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو |
تعرف، واحد من ظرفاء برّي قال: لو عايز تعرف إنو البتكلّم معاك من ناس بري أصلاً والاّ ناس (جابو كراعو) شوفوا حيقول ليك (الجَزُر) والاّ (سوق أربعة)، لأنو مافي واحد من بري أصلاً بيقول "سوق أربعة"، وكلهم بيقولوا "الجَزُر".
| Quote: ياخي دا كان أظرف راجل في بري المحس... وفولو أحسن وأطعم فول أنا أكلته في حياتي.. |
طبعاً فول ود الريف (عمّك أحمد حسين) كان واحد من أشهر إتنين في بري المحس، والتاني هو فول عمّك مرحوم (والد حسبو الكبير).
| Quote: سكن جزء منهم جزيرة توتى و بقى الجزء الاخر بالجانب الغربى و كونوا حلة المقرن و ارتحل جزء ثالث الى منطقة وزارة الخارجية الحالية ثم لاسباب غير معروفة الى منطقة كلية الشرطه الحالية (تحديدا مطبهة الشرطه) ثم لفيضان حدث الى المنطقه الحالية. |
قبل قيام معرض الخرطوم الدولي وفندق القرين فيليدج، كنا نذهب ونحن صبية صغار لمنطقة (غابة ود النور) التي كانت تجاورها أطلال بري القديمة والتي هجرها أهلها جراء الفيضان (استغرب أن يقوم حي قاردن سيتي في نفس المنطقة ليعاني ساكنوه نفس معاناة أهل بري زمان).
|
Post: #65
Title: Re: بـُــري
Author: Mohamed Yassin Khalifa
Date: 06-08-2008, 08:49 AM
Parent: #63
الأخ محمد أبو العزائم:
| Quote: قبل قيام معرض الخرطوم الدولي وفندق القرين فيليدج، كنا نذهب ونحن صبية صغار لمنطقة (غابة ود النور) التي كانت تجاورها أطلال بري القديمة والتي هجرها أهلها جراء الفيضان (استغرب أن يقوم حي قاردن سيتي في نفس المنطقة ليعاني ساكنوه نفس معاناة أهل بري زمان). |
الظاهر رحلات غابة ود النور وخرفانها ما كان بتفوتك!!!! تعرف بسعالك ده شككتني.. إحنا جدودنا إتغشوا ولا شنو
بالله عليك.. شنو أخبار صديقي العزيز السني أبو العزائم...
|
Post: #64
Title: Re: بـُــري
Author: Taha Babiker
Date: 06-08-2008, 08:16 AM
Parent: #1
تحياتي لكل اهل بري و ماجاورها
مرور وتحيية
|
Post: #66
Title: Re: بـُــري
Author: يازولyazoalيازول
Date: 06-08-2008, 09:06 AM
Parent: #64
شكراً جزيلاً أخى أساسى على إفراد هذه المساحة لأهل برى الكرام ، فقد ربطتنى صلات مودة وتراحم مع خيار الناس فى برى فوجدت فى مجتمع برى المجتمع الخرطومى المثالى ، فبرى لمن لا يعرف برى هو المكان الأكثر حضارة فى السودان قاطبة إذ كانت ثكنات الإنجليز منذ الإستعمار تقبع قريبا من برى (مكان سلاح الأسلحة الحالى) وقريبا من محطة الكهرباء ، ولذلك نقلوا الحضارة أول ما نقلوها لأهل برى الكرام الطيبين ،
لا يأتى ذكر برى إلا وأذكر:
عبدالكافى
النور عبدالقادر
نصر الدين حبيب (يرحمه الله)
الهادى ابو الناس
الهادى الحلبى
الهادى النور (يرحمه الله)
ناس العجب ، فى برى المحس
ونسيبهم المرحوم ضابط السجن
وناس التاج جيرانهم
وبى غادى ناس حريز
وتمشى الدرايسة على ناس محجوب حسن
والريس بابكر وحبه العجيب للكنكان
وبى غادى ناس الدرديرى عمر كروم
وتمش محطة سبعة ناس حاج المشرف
وتلقى عندو حمد الريح
صلاح بن البادية
على أبراهيم اللحو
وتمشى اللاماب تلقى ناس الأمين حمد (يرحمه الله)
وأخوانه وأهله أجمعين
وفى الرملة بالليل تأتيك ألحان قنديل
مخلوطة بى غنا خضر بشير
وقهقاتهم من قفشات قنديل
وحكاويهم عن عبدالله لوفت
ورموز برى الأخرى
ففى برى ملوك الكفر والوتر وفى برى أرقى الناس وأحلى الناس وأجمل الشيب والشباب وفى برى الأصالة أذكر فى زواجى يا أساسى أتانى جمع غفير من برى ، وكان بينهم رجل (أطرش) نسيت إسمه وكان هذا الرجل فى غاية القيافة تجده يلبس البدله الأسموكنج الفل سوت ولا ينسى حتى دبوس الكرفته ومنديل الجاكيت وتناسق الألوان بالطبع ، وكان يغنى أبوعركى فصعد هذا الرجل إلى المسرح وقلد أبوعركى زهرة فى جيبه وقلنى زهرة وكان ذلك فى أواخر السبعينات ، ومثل هذا التصرف لا يفقهه إلا أهل برى
برى مجتمع متماسك ، ومجتمع سودانى مثالى لا يوجد مثله إلا فى الأقاليم الناس فى ترابط وتوادد وتراحم والناس فى برى تجدهم مع بعضهم البعض فى الحلوة والمرة كما يقولون ، يوازرون بعضهم البعض فى تكافل ومودة كبيرة ، والناس هناك كلهم مبتسمون فلا يوجد عابس فى برى ، فمجتمعهم مجتمع آمن وضاحك ومبستبشر وساخر وطيب وجميل
ياالله على برى وعلى أهل برى
حقيقة حقيقة لله درهم ، ورغم أنى لا أنتمى لبرى ولكنى تمنيت فعلا لو كنت من برى الحبيبة
حتى برى أبحشيش يا أساسى ، والله طيبة أناسها ومجتمعهم الجميل لم أجده فى أى مكان فرغن سحناتهم السوداء ولكنهم يحملون قلوبا أبيض من اللبن وقد كانت خالتى آمنه همرور تسكن فى برى أبوحشيش وعقد أبناءها كثير من الصداقات المستمرة حتى يومنا هذا مع شباب وشيب برى أبوحشيش
أما برى الشريف
فتلك حكاية أخرى
حكاوى برى لا تنتهى يا أساسى
التحية لكل أهل برى
التحية لكل من أحب برى
التحية لكل من سكن برى
وشكرا
|
Post: #67
Title: Re: بـُــري
Author: Mohamed Yassin Khalifa
Date: 06-08-2008, 09:51 AM
Parent: #66
العزيز هشام شيخ الدين:
| Quote: ففى برى ملوك الكفر والوتر وفى برى أرقى الناس وأحلى الناس وأجمل الشيب والشباب وفى برى الأصالة أذكر فى زواجى يا أساسى أتانى جمع غفير من برى ، وكان بينهم رجل (أطرش) نسيت إسمه وكان هذا الرجل فى غاية القيافة تجده يلبس البدله الأسموكنج الفل سوت ولا ينسى حتى دبوس الكرفته ومنديل الجاكيت وتناسق الألوان بالطبع ، وكان يغنى أبوعركى فصعد هذا الرجل إلى المسرح وقلد أبوعركى زهرة فى جيبه وقلنى زهرة وكان ذلك فى أواخر السبعينات ، ومثل هذا التصرف لا يفقهه إلا أهل برى |
يا سيدي دا كان خالنا المرحوم عبدالوهاب أحمد الزبير - طيب الله ثراه - وطبعا دا كان أشيك من محمد عبدالوهاب وعاشق للفن.. بس كان سمعو تقيل شوية.. وبسمع العاوز يسمعو بس...!
وياريت لو وريتنا كمان عن علاقتك يازول ببري اكتر شوية.. تكون مشكور
|
Post: #68
Title: Re: بـُــري
Author: ماضي ابو العزائم
Date: 06-08-2008, 10:21 AM
Parent: #67
Quote: عبدالكافى
النور عبدالقادر
نصر الدين حبيب (يرحمه الله)
الهادى ابو الناس
الهادى الحلبى
الهادى النور (يرحمه الله)
ناس العجب ، فى برى المحس
ونسيبهم المرحوم ضابط السجن
وناس التاج جيرانهم
وبى غادى ناس حريز
وتمشى الدرايسة على ناس محجوب حسن
والريس بابكر وحبه العجيب للكنكان
وبى غادى ناس الدرديرى عمر كروم
وتمش محطة سبعة ناس حاج المشرف
وتلقى عندو حمد الريح
صلاح بن البادية
على أبراهيم اللحو
وتمشى اللاماب تلقى ناس الأمين حمد (يرحمه الله)
وأخوانه وأهله أجمعين
وفى الرملة بالليل تأتيك ألحان قنديل
مخلوطة بى غنا خضر بشير
وقهقاتهم من قفشات قنديل
وحكاويهم عن عبدالله لوفت
ورموز برى الأخرى
|
ناس الكوره:
جنجا
جربان
حسبو الكبير
حسبو الصغير
ترانزستر
عبدالله لفت
امين عبداللطيف
محمد يسن(قنبور)
عمر ضقل
يسن ابو شنب
بالاضافه لبعض الاسماء وردت اعلاه
ففى برى الكوره لها رموز
و الفن له رموز
و السياسه لها رموز
و الشخصيات ذات الوزن الاجتماعى لها حضور فى البرارى
|
Post: #71
Title: Re: بـُــري
Author: ماضي ابو العزائم
Date: 06-08-2008, 10:35 AM
Parent: #68
سمعتو فى الدنيا زول (إسرق) مدرسه و افتخر بيهو أهله؟؟؟...نعم مدرسه و مش اشياء داخل مدرسه، يعنى المبانى بتاعت مدرسه زى جنى سيدنا سليمان لما جاب قصر بلقيس.
و ليكم الحكاية:-
هو الخال محمد ابراهيم الباشكاتب، و اسم الباشكاتب من واقع مهنته فى عهد الانجليز و من واقع المهنه دى مر عليه قرار بانشاء ثلاثه مدارس بنات فى العاصمه المثلثة فما كان منه(و من وراء ظهر المسؤلين)إلا ان حول احدى هذه المدارس الى برى المحس و مشى الخطاب المعدل على المسؤل البرطانى فكان من حظ برى واحده من اول ثلاثه مداس للبنات فى السودان (طبعا باثتثناء رفاعة)
بالمناسبه المدرسة كانت اصلا لبحرى(بس ناس بحرى ما ازعلوا)
|
Post: #69
Title: Re: بـُــري
Author: يازولyazoalيازول
Date: 06-08-2008, 10:27 AM
Parent: #67
الأخ محمد يسن خليفة
نعم نعم تذكرت الآن إسمه عبدالوهاب ، رحمة الله عليه فقد كان فعلاً رجلاً أنيقاً وقد عرفت برى الأناقة منذ عهد بعيد
يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟
ألم أقل لكم أن برى زاخرة بالفن والدبلوماسية والأناقة والجمال؟
واين محجوب حسن الآن؟؟؟ أذكر أن هذا الفتى لا يضاهيه فنان فى تقليد أحمد المصطفى وكان من أبناء برى الدرايسة وله شقيقه الأصغر كان أيضاً فنانا جميلا ،
ومن أخوان الحاج المشرف أذكر الشيخ وأظنه توفى رحمة الله عليه وله شقيق أصغر يسمى عيسى وأذكر الأستديو الصغير فى محطة سبعة وقريباً من منزل اللحو ، والسيارة الموريس المعروفة بالطير الخدارى ومنزل قنديل فى الناصية وشباب برى الحلوين والنادى حيث المجالس الجميلة وتخطيط برامج المساء تبدأ من نادى برى
برى حديثها لا ينتهى
برى حضارة الخرطوم وجمالها وأناقتها وقعداتها الرهيبة مع شعراء السودان وفنانيهم ومن لم يغنى ولم يكتب القصيدة فى رمال برى اللاماب يكون فنه ناقصا
ولى عودة
|
Post: #70
Title: Re: بـُــري
Author: يازولyazoalيازول
Date: 06-08-2008, 10:32 AM
Parent: #69
وياماضى أبو العزائم يا ليتكم تقصوا علينا شيئاً من حكاوى عبدالله لوفت فنوادره يتناولها الناس فى برى حتى يومنا هذا فقد كان لهم بمثابة موسى ودنفاش فى ودنوباوى
|
Post: #72
Title: Re: بـُــري
Author: ماضي ابو العزائم
Date: 06-08-2008, 10:45 AM
Parent: #70
العزيز يازولyazoalيازول
عبد الله لفت ده حكايه و كل ظهر تلقاهو شايل الشنطه و ماشى لما نسأله على وين يا عبدالله إقول المدرسه((و الشنطه مليانه بالقزايز ماشى اجيب كوتة المساء))
فى عزاء اصرينا عليه بعد الغداء اشرب شاى(و هو عدو الحاجات الحلوه و حبيب المزات)فمسك كباية الشاى و رفعها كما يرفع الكأس و قال(هى...كبايه بتنشاف)
|
Post: #74
Title: Re: بـُــري
Author: يازولyazoalيازول
Date: 06-08-2008, 10:55 AM
Parent: #72
نعم نعم عبدالله لوفت رحمه الله كان أظرف شخصية فى برى ويحبه الجميع
سبحان الله ، فى ناس كده ربنا يخصهم بمحبة خلقو فيهم
يا سبحان الله
وكمان أذكر فى برى (رياض) عازف الكمنجة المعروف وكان يسكن (كجرة) قريبا من بيت حاج المشرف
أما بيت حاج المشرف فده حكاية تانية خالص ، فقد رأينا على أبراهيم يمدح فى ليلة المولد التى تقام سنويا فى بيت الحاج وكان ذلك فى السبعينات وقد كانت من الأشياء النادرة جدا أن تسمع اللحو يمدح
كما رأينا معظم الفنانين يأتون لمنزل الحاج كصلاح بن البادية وزكى عبدالكريم وحمد الريح والصادق الياس الشاعر الجريفاوى المحبوب وغيرهم وغيرهم حتى العازفين مثل بندس ورياض وأحمدية وغيرهموغيرهم فقد كان بيته منتدى للشعراء والأدباء وكانت كل برامج المساء يتم تخطيطها من هناك
ألم أقل لكم أن برى حكاية لا تنتهى
|
Post: #75
Title: Re: بـُــري
Author: ماضي ابو العزائم
Date: 06-08-2008, 10:58 AM
Parent: #72
حكاية اخرى عن علم من اعلام البرارى و الرجل الذى اطلق على امتداد ناصر اسمه الحالى.
اخونا محمد الامين حتيكابى الصحافى المعروف و السياسى المعروف و الذى لايعرفه عنه الكثيرين إلا من كان قريب منه انه (نسابه) لا يشق له غبار يحفظ انساب اهله و غير اهله.
كان حتيكابى(عليه رحمة الله) عضو فى اتحاد الشباب السودانى و طلع قرار ان يسمى امتداد البرارى او (الاراضى كما كان يسميها اهل برى) باسم الرئيس جمال عبد الناصر و ذلك بعد وفاته، و للاسف الاسم فى الاول ما مشى فما كان من الفقيد الا و ان عمل لافته كبيره و ذات خلفية زرقاء و كتب عليهابالون الاحمر (إمتداد ناصر) ووضعها فى مدخل الباصات عند دخولها ناصر (بعد نادى برى و المدارس)و من هناك ثبت الاسم.
و لنا عوده
|
Post: #73
Title: Re: بـُــري
Author: يازولyazoalيازول
Date: 06-08-2008, 10:47 AM
Parent: #70
وكذلك أخى ماضى ولكى تعم الفائدة يرجى أن تحكى لنا علاقة ناس برى بناس توتى وناس الفتيحاب بأمدرمان وما هى العلاقة؟؟؟؟؟
يا ريت والله
|
Post: #76
Title: Re: بـُــري
Author: ماضي ابو العزائم
Date: 06-08-2008, 11:09 AM
Parent: #73
اخونا يازولyazoalيازول
مالك عايزنا نحت الكلوش كلو
لما تتكلم عن الفتيحاب (ابو سعد)و توتى و برى(المحس)انت بتتكلم عن فروع من أصل واحدو ضيف عليهم القوز(القوز القديم محطة مرتضى و ما جاورها)فعندنا فى برى لما تحصل وفاة لازم نرسل للقوز و توتى و الفتيحاب قبل الدفن ولا تشوف ليك مكان تدس فيهو فهم ابناء عمومتك و خئولتك و فى كتير من الاحيان الوفاه تكون فى القوز و الدفن ببرى او العكس و هناك اسر اكثر تشتتا بين هذه المناطق كمثال آل ابوالريش و آل على خوجلى و آل دليل و القائمة تطول.
|
Post: #78
Title: Re: بـُــري
Author: يازولyazoalيازول
Date: 06-08-2008, 11:23 AM
Parent: #76
يا سلام عليك يا ماضى
ده النضمى الصحيح
أنا قلت الكلام ده قبل كده الناس غالطونى قالوا لى مافى علاقة
تصور
بالله واصل يا ماضى الله يفتح عليك
|
Post: #79
Title: Re: بـُــري
Author: ماضي ابو العزائم
Date: 06-08-2008, 11:29 AM
Parent: #76
| Quote: يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟ |
الامين بشرى الاخ لمهدى بشرى الكاتب و الناقد المعروف و إبن سكينة عالم علم من اعلام الحركة النسوية فى السودان عليها رحمة الله ففى جنازتها إتلم كل الوان الطيف السياسى السودانى
|
Post: #77
Title: Re: بـُــري
Author: محمد أبوالعزائم أبوالريش
Date: 06-08-2008, 11:20 AM
Parent: #1
| Quote: بالله عليك.. شنو أخبار صديقي العزيز السني أبو العزائم... |
العزيز محمد يس .... السني أبوالعزائم موجود في مسقط حاضرة سلطنة عُمان
| Quote: يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟ |
ألحق يا أيمن .... الزول ده قاصدك ...
| Quote: واين محجوب حسن الآن؟؟؟ أذكر أن هذا الفتى لا يضاهيه فنان فى تقليد أحمد المصطفى وكان من أبناء برى الدرايسة وله شقيقه الأصغر كان أيضاً فنانا جميلا ، |
الشقيق الأصغر هو (بكري حسن)، وقد ذاع صيته في التسعينات، ولكنه توقّف بعد موقف تعرّض له من حاجة إسمها أمن الحفلات والاّ أمن الغنا والاّ شنو ما عارف.
هشام شيخ الدين .... يا خوي إنت حكايتك شنو؟ التفاصيل العندك دي ما بتاعة واحد عابر سبيل ..... إنت كنت غوّاصة في بري والاّ شنو؟
عموماً أفتكر إنك تستحق (الجنسية) ونمنحك لقب مواطن بري الفخري
|
Post: #80
Title: Re: بـُــري
Author: يازولyazoalيازول
Date: 06-08-2008, 11:35 AM
Parent: #77
الأخ محمد أبوالعزائم
لقب مواطن برى الفخرى ، صدقنى سيكون قلادة على صدرى ومصدر إعجابى وفخرى فلبرى علينا دين مستحق فقد علمتنا معانى الحياة السامية الجميلة ، لا يمكن أن تتصور مساحة الحب التى فى قلوبنا وقد أفردناها لبرى وأهل برى
لأن برى بالنسبة لى هى الجمال والمحبة وكل الخصال الطيبة ، برى فى حقيقة الأمر هى السودان
كمان أشكرك على أن ذكرتنى بالفنان الجميل بكرى حسن ، وما أكثر الحلوين فى برى
يا محمد أبوالعزائم قفشات برى وطيبة أهل برى لم أجده فى أى مكان فى الدنيا
أذكر مرة كان الهادى النور يرغب فى الذهاب لمشوار هام فى الصحافة وطلب من الهادى ابو الناس أن يوصله بسيارته الموريس الصغمبتونة الظريفة ، ولم يكن الهادى ابوالناس بخيلا فى سيارته ولأصحابه رغم حدوث أزمات فى البنزين فى بعض الأحيان فما كان من الهادى النور إلا أن ترجى الهادى وألح عليه إلحاحاً شديدا حتى رضى الهادى ابوالناس أن يوصله
وبمجرد ما تحركت العربة صوب الصحافة سأل أبوالناس الهادى النور
بيت صاحبك ده وين؟؟؟؟
فرد عليه الهادى النور (بدلع) ومع شفطة سيجارة:
شفت وداعاً ؟
ويقصد بالطبع لافتة وداعاً فى طريق مدنى وكانت آخر نقطة فى الخرطوم
ألم أقل لك أنه لا يوجد فى الدنيا أظرف من ناس برى
ملحوظة: الهادى ابوالناس هو صاحب الأستديو المشهور فى محطة سبعة وصاحب صلاح بن البادية ويعزف معه أحياناً الكمان
|
Post: #82
Title: Re: بـُــري
Author: Mohamed Yassin Khalifa
Date: 06-08-2008, 12:21 PM
Parent: #80
يا أخوانا جات مواعيد النومة خلاص وشكلكم إتغديتو هسع ومرطبين بالشاي...
اللعنة على فروقات الوقت!!!
يالزول هشام... أخوي عاصم المشرف موجود في المنبر وأكيد حا يجينا بأخبار من محطة خمسة ولغاية سبعة..
| Quote: ملحوظة: الهادى ابوالناس هو صاحب الأستديو المشهور فى محطة سبعة وصاحب صلاح بن البادية ويعزف معه أحياناً الكمان |
الهادي خالنا ومصورنا الخاص يرجع ليهو الفضل في إننا إتعلمنا التصوير الفوتوغرافي والتحميض - وده أكتر زول بار بي أمو الطيبة
|
Post: #81
Title: Re: بـُــري
Author: haleem
Date: 06-08-2008, 12:04 PM
Parent: #1
 " /> ">
يا شباب دة الكود:
واحد يرفع الصورة بالله
|
Post: #83
Title: Re: بـُــري
Author: Mohamed Yassin Khalifa
Date: 06-08-2008, 12:42 PM
Parent: #81
حليم والله بالغت فيها الصورة النكتها دي...
نعسان لكني شايف الأساتذة الشيخ وعب???? والناظر عمر الهادي.. وشايف الشهيد حسان عمر الأقرع و...
|
Post: #84
Title: Re: بـُــري
Author: محمد أبوالعزائم أبوالريش
Date: 06-08-2008, 01:12 PM
Parent: #1
بصراحة الصورة دي ما عرفت فيها غير الأساتذة (الشيخ وعُمر الهادي)، وشايفك بتقول سنة 1972 والصف التاني. المشكلة نحن قرينا سنة تانية في المدرسة القديمة، قبل بناء المدرسة الحالية الإتحول إسمها إلى (عبيد حاج الأمين)
|
Post: #85
Title: Re: بـُــري
Author: محمد أبوالعزائم أبوالريش
Date: 06-09-2008, 05:42 AM
Parent: #1
أساسي اتلحس والاّ شنو؟
Quote: نادرا ما تلقى في بيوت بري كلاب..
لذا كانت الملايكة دوما تفتح الابواب.. |
شكراً دكين ..... شهادتك عزيزة
|
Post: #86
Title: Re: بـُــري
Author: اساسي
Date: 06-09-2008, 07:13 AM
Parent: #85
| Quote: أساسي اتلحس والاّ شنو؟ |
اساسي مستمتع بالتداعي دا جدا طبعا انتو بديتو تحكوا في حاجات انحنا ما كنا شاهد عصر عليها عشان كدا قلنا نتفرج لحدي ما نتلاقي في نقطة منطقية بالنسبة لينا فالصورة حقت سنة اتنين وسبعين دي لحظة ان اخذت كنا يومها في رحم الغيب نضاف لم تخلق بعد لذا لا حديث لنا ايامئذ سوى الاستماع
قابلت الاخ هشام يازول يوم الخميس الفائت في ( سماية) كعادتنا السودانين جننا سمايات وقد بدأ في الحكي والتداعي عن بري لحظتها طلبت منه باغلظ الايمان ان يتوقف عن الحكي وتضيع المعلومات وان يمسك بها ويأتي بها الي هذا البوست ليوثق لنا عن ذكريات نادرة وقد فعل هشام مشكورا ونطمح في المزيد .
البوست للجميع انتو اطلعوا لينا من السبعينات دي شوية كمان عشان نناضمكم
|
Post: #87
Title: Re: بـُــري
Author: يازولyazoalيازول
Date: 06-09-2008, 09:00 AM
Parent: #86
شكرا أساسى
كمان لا أنسى إن نسيت المرحوم سعد الشيخ والذى كان مغتربا فى آخر عمره فى الكويت وأظنه عاد وتوفى فى برى فى مطلع الثمانينات أو لعله توفى بالكويت لا أذكر بالتحديد ، وكان منزله ناصية قريبا من سوق محطة أربعة
وكذلك لا أنسى الأخ الحبيب الشقيق الأكبر لمحجوب حسن على وبكرى وإسمه هاشم حسن على وكان يعرف بالباشكاتب ، وكان المسئول الأول فى مكتب القبول مع الأستاذ عبدالرحمن عبيدأبان السبعيات
ولا أنسى المرحوم الأمين إدريس وقد كان رائد على ما أعتقد فى سلاح السلحة
ولا أنسى الحلل فى الرملة جمب البحر
يا الله على برى
وعلى أهل برى
عاصم المشرف ، ما إتذكرتنى؟؟؟؟
أظنك كنت صغيرا وقتها
بعد كده نطلع من السبعينات ونشوف برى الألفية الجديدة بقت كيف؟
|
Post: #88
Title: Re: بـُــري
Author: عبدالله كع
Date: 06-09-2008, 10:04 AM
Parent: #1
اساسي تحياتي
استمتعته .. جدا جدا .
اول مرة اقري جميع المداخلات
ــــ
لنا عودة
(امتداد الدرجه التالته )
يحيكم
|
Post: #89
Title: Re: بـُــري
Author: محمد أبوالعزائم أبوالريش
Date: 06-09-2008, 10:25 AM
Parent: #1
الأخ عبدالله كع ...
مرحب بيك وبامتداد الدرجة التالتة في واحة بري ....
هناك كثير من الشخصيات المعروفة في بري، منها من كان من أصل بري، ومنها من مرّ بها كمرحلة، وقد خطري لي في هذه اللحظة المربّي الكبير، والشاعر (عبداللطيف عبدالرحمن) .. لمن لا يعرفه هو من كبار رجالات التربية والتعليم (المعارف)، وشاعر فحل، كانت له قصيدة تدرّس في المدارس تقول حسب ما أذكرها:-
أنت سوداني *** وسوداني أنا
ضمّنا الوادي ** فمن يفصلنا
نحن روحانِ **** حللنا بدنا
"منقو" قل لا*** عاش من يفصلنا
قل معي لا عاش من يفصلنا
أرجو تصويبي إذا كان حفظي غير سليم
|
Post: #90
Title: Re: بـُــري
Author: haleem
Date: 06-09-2008, 11:06 AM
Parent: #1
أساسي ...ياخي أبو الريش يقوليك الصورة دي سنة 72 في المدرسة الجديدة والابتدائي قريناه في المدرسة القديمة
تقول نحن القت داك ما اتولدنا
..
المهم
طبعا اتضح انك من الدرايسة
وناس الدرايسة ديل وبالتجربة..كانوا أكبر شرامة ورباطة
وكانوا بيهرشوا ناس بري المحس
ويا أخوان بالله No hard feelings
دة تاريخ
وأهو قدامكم أساسي....(رباطي) البورد
|
Post: #91
Title: Re: بـُــري
Author: محمد أبوالعزائم أبوالريش
Date: 06-09-2008, 11:54 AM
Parent: #1
الفن وما أدراك ما الفن ........
بداية من فن الحقيبة ... كان هناك (أولاد بري) ..
ثم علي ابراهيم الأحو .. ذلك الجعلي القح الذي استقر به المقام في بري وأصبح واحداً من أهلها، ثم حمد الريح إبن توتي، وبحكم صلات الدم والقربى إستقر أيضاً في بري، وقد كان لفنانا الكبير المرحوم هاشم ميرغني أياماً لا تُنسى في بري قبل اغترابه واستقراره في دولة قطر. أيضاً نجد "أولاد الدبيبة" الذين حملوا إسم منطقتهم ولكنهم عُرفوا في بري وارتبطوا بها، والمرحوم أحمد قنديل الذي جمع بين الكفر والوتر.
وليأتي ماضي ويحدثنا عن الفترة التي سكن فيها محمد وردي في بري المحس، وأناشيد أكتوبر الخالدة التي سجلها بأصوات أولاد المدارس الذين كان يختارهم من مدارس بري.
معليش يا أساسي ... الإجترار خلى الواحد يتسلطن في الذكريات .. بس برضو ما أظن الفَرّقة بيناتنا كبيرة ... وإنتو شوتوا لينا من فترة التمنينات والتسعينات.
|
Post: #93
Title: Re: بـُــري
Author: محمد أبوالعزائم أبوالريش
Date: 06-09-2008, 01:06 PM
Parent: #1
في مداخلة فوق ذكرت بوست ليهو علاقة بأولاد بري، وكنت قايلو بتاع خالد العبيد، لكن إتضح إني غلطان، وده لأنو خالد كان ليهو مداخلات كتيرة فيهو. البوست ده قدييييم ونكتّو من مخزن بكري أبوبكر. حقيقة شفتو لما كنت قارئ قبل العضوية ... حقو نطل عليهو مع بعض:-
مدرسة امتداد ناصر (3) الإبتدائية بنين
|
Post: #94
Title: Re: بـُــري
Author: Saifeldin Gibreel
Date: 06-09-2008, 06:35 PM
Parent: #93
ياناس بري سلام... يااساسي بلاهى انت من بري.... عمومآ خالص التحايا فبري والجريف غرب وتوتى كلهم اهل بعض.... بري مدينة الصمود وموطن الابطال..منها جاء البطل عبيد حاج الامين احد رواد وزعماء ثورة 1924 وجمعية اللواء الابيض وهو جد قريبنا وعضو البورد زول بن زول ..كانت بري قلعة من قلاع التنوير منها جاء ابوالقاسم احمد هاشم... برى هى امتداد لتاريخ الخرطوم الضارب فى القدم انه تاريخ المحس الذين عمرو الخرطوم وزرعوه بالخضر والفاكهة..بري مساكن مضارب آل الهندى ومنها جاء المناضل والشهيد الشريف حسين الهندى.. بري سكنتها فاطمة احمد ابراهيم والشفيع احمد الشيخ....بري الطابية والنيل.. بري عبدالكافى واولاد الذبير وحسبو بري عبدالفتاح حمد من اسسو للرياضة فى السودان... بري تاريخ واصالة.. بري النيل ومرقد الشيوخ والصالحين...
|
Post: #95
Title: Re: بـُــري
Author: Mohamed Yassin Khalifa
Date: 06-09-2008, 10:23 PM
Parent: #94
العزيز سيف الدين:
والله شكلك كنتا ومازلتا عاشق لبري لانو مداخلتك دي ليها طعم خاص... بالله عليكا زودنا بأسرارك في بري وقصصك مع أهل بري!!!
|
Post: #96
Title: Re: بـُــري
Author: محمد أبوالعزائم أبوالريش
Date: 06-10-2008, 06:00 AM
Parent: #1
من حيث السياسة، فبري ضمت وتضم كوكبة من شتّى ألوان الطيف، وزي ما ذكر الأخ سيف الدين جبريل، أنبتت عبيد حاج الأمين .. الشريف حسين الهندي .. الشفيع أحمد الشيخ وفاطمة أحمد إبراهيم ... أبوالقاسم هاشم و............... حسن الترابي .. وغيرهم.
|
Post: #97
Title: Re: بـُــري
Author: Kudouda
Date: 06-10-2008, 06:18 AM
Parent: #1
كل حي من البراري ليه نكهه خاصه... بدايه بي بري الشريف مرتع الطفوله... السوق.. ميدان الرابطه ...الاحياء الليها باب واحد اول ما تدخل تلقي روحك في نص الحله وكميه من الابواب..تدخل من واحد تلاقي روحك دخلت حله تانيه.. الناس كلهم اهل قبيلتهم البراري... يلا نمشي لي فوق شويه نلقي ناس اللاماب الببقو ناس راحات كل ما طلعت لي فوق... اها بعد داك بتبدا جخانين ابو حشيش والدرايسه .... كوريا ... اما المحس فدي قصه تانيه...
انا ادعي انو البراري اجمل احياء الخرطوم لانو كل السودان بقا فيها اهل
الواحد كان نفسو يلم في ناس من دفعتو في البوست ده.... لكن ولله القصه لمت العجايز, كدي يا جماعه عليكم الله عشان نفرز الكيمان الضاق صوت استاذ كمال الدقنه يقول عووك:-)
يا ابو السيوف.. ولله مشتاقين ... ورينا اخبارك يا سيد الناس ... انا تلفونك راح مني فادينا تلفون يا سيدي(00491795499542)
تحياتي لكل اهلي واخواني في البراري
غازي
|
Post: #99
Title: Re: بـُــري
Author: Saifeldin Gibreel
Date: 06-10-2008, 06:50 AM
Parent: #97
دكتور غازى كدودة 1000 مليون مبروك للتخرج وسوف اتصل عليك فى الساعات القليلة القادمة تحياتى لكل الشباب...
ناس بري حبينا نشركم فى المقال ... عن مأسي الانغاذ والنزوح العشوائي والتعدى على املاك اهلنا وتاريخهم...
يومية .. سياسية .. مستقلة العدد رقم: 1810
2008-06-08
االوطن صحيفة يومية سياسية مستقلة. تأسست سنة 1987م
رئيس التحرير:
سيد احمد خليفة
مدير التحرير:
خالد ساتي
نائب رئيس التحرير
عادل سيد احمد
هاتف:
00249183774901
00249183795000
00249183795001
00249183795076
بريد إلكتروني:
[email protected]
إنتبهوا.. التعمير ليس عدواناً على التاريخ..!
طـــه النعمان
في بري.. ضريح يضم رفاة الأمير عبدالله ودالنور والشريف يعقوب تتهدده الإزالة
هل ضاقت الأرض بما رحُبت.. وماذا لو نُحّي الشارع جانباً إكراماً للشهيدين!؟
أبطــال الفتح يزينون وجه الخرطـــــوم.. وقبورهم ليست «سكناً عشوائياً»!
شاب دون الأربعين.. دخل عليّ فجأة بمكتبي في مقر «الوطن» يحمل أوراقاً كثيرة، وبدا مهموماً ومكدوداً ومنزعجاً، فسألته ماذا وراءه، وإذا به يفجر أمامي قضية ذات خطر عظيم.. قضية تتعلق بالتاريخ والهوية وبذاكرة الأمة.. وهي قصة وقعت له بالمصادفة التي لا تخلو من «كرامة» أو قدرٍ وإرادةٍ ربانيةٍ، فالصدفة وحدها قادته إلى أن يجد أن ضريح جده الشيخ يعقوب ورفيقه في الشهادة في معارك حصار الخرطوم وفتحها يجري العمل حثيثاً لازالته من منطقة بري «قاردن سيتي» تمهيداً لتمديد شارع هناك، وفيما يلي وقائع القصة وموقع الشهيدين في تاريخ الامة:
عبدالله بخيت عبدالله يعقوب، من أهالي بري والجريف، رجل أعمال في الزراعة وحليج القطن بولايتي النيل الأبيض وأعالي النيل.. كان يقود سيارته على شارع النيل من بري في طريقه إلى الخرطوم بحري لزيارة بعض الأهل والأقارب في رابع أيام عيد الأضحى، وكان إتخاذه لشارع النيل مقصوداً في حذ ذاته حتى يمر على ضريح جده الشهيد «الشريف يعقوب ودقليج أبوقرون» المدفون في موقع قريب من شاطئ النيل الأزرق في تلك المنطقة المعروفة حالياً بـ «قاردن سيتي».
وعندما إقترب من موقع الضريح فوجئ باناس يقومون بقطع الأشجار الخمس المحيطة بذلك الضريح، الذي يرقد فيه شهيدآخر، إلى جانب الشريف يعقوب، هو القائد المهدوي الشهيرالذي إستشهد في حصار الخرطوم «الأمير عبدالله ود النور» الذي كان يقود المعارك من تلك المنطقة في مواجهة جيش غردون المتمركز في طابية بري.
سأل عبدالله بخيت يعقوب العمال الذين يقومون بقطع الأشجار الخمس التي نمت حول الضريح مُشَكِلَةً هرماً أو قبة خضراء تظلل قبري الشهيدين الصالحين. ذلك الضريح الذي تحوّل إلى مزار على مدى أكثر من قرن من الزمان، فقد استشهد البطلان الوطنيان في يوم واحد كان هو السبت 1 يناير 1885 وفقاً لما سجله تاريخ الثورة المهدية.
سألهم عبد الله ماذا يفعلون.. فأجابوه بكل هدوء وبساطة ودونما حذر بأنهم يقومون بقطع هذه الأشجار تنفيذاً لأمر السيد حميدة عثمان من وزارة التخطيط العمراني «إدارة الطرق والجسور والمصارف تمهيداً للشارع المنتظر تشييده في تلك المنطقة ليربط بين شارع معرض الخرطوم الدولي وشارع النيل الجديد الواصل إلى الفِلل الرئاسية التي انشئت حديثاً بتلك المنطقة.
من فوره قام السيد عبدالله بخيت باتصال عبر هاتفه الجوال بالسيد حميدة عثمان، الذي أصدر أمر قطع الأشجار وبالمهندس إيهاب من «شركة مام» للطرق والجسور، مبلغاً إياهم خطورة العمل لأن هذه الأشجار تحيط بضريح يضم رفاة شهيدين وبطلين من أبطال السودان هما الأمير عبدالله ود النور والشيخ الشريف يعقوب أحد أعلام الطريقة السمانية، فكان ردهم هو الاصرار على قطع الأشجار ومن ثم إزالة الضريح التاريخي، وأكد حميدة حمزة على القول بأن القرار هو إزالة الأشجار وأنه سيقوم بابلاغ «منظمة حسن الخاتمة» للتكفل بترحيل رفاة الشهيدين وإزالة القبرين تنفيذاً لما أسماه «المصلحة العامة».
أتُخذ هذا القرار بالرغم من أن الضريح يقع على بعد نحو «15» متراً من الطريق، ويمكن لكل من يشاهد الموقع أن يتأكد من امكانية مرور الطريق دون المساس بالضريح.
بعد ان رَفع السيد عبد الله بخيت يعقوب بالتعاون مع عمه القيادي الاسلامي المعروف علي عبدالله يقعوب مذكرة إلى وزير التخطيط العمراني والاسكان المهندس عبدالوهاب عثمان تطلب منه التفاهم في أمر الضريح بما يحفظ للشهيدين حرمتهما ومكانتهما ولأهلهما مشاعرهم وللوطن حقه في تاريخه ، وأوضحوا له انهم عندما تحدثوا إلى مسؤول الشركة المنفذة للطريق (شركة مام) ابلغهم بان القرار ليس عنده، فهو مسؤول فقط عن التنفيذ. وطلبت المذكرة تحديد ميعاد للقاء الوزير عبد الوهاب، وهذا مالم يتم حتى كتابة هذا الموضوع.
* * *
في كتابها «حصار وسقوط الخرطوم» الصادر عن دار التأليف والترجمة والنشر بجامعة الخرطوم، تقول الدكتورة ميمونة ميرغني حمزة عن دور الأمير عبدالله ود النور في ذلك الحصار (1884ـ1885): لم تدم فترة الهدوء الذي أعقب تراجع قوات أبي قرجة (باتجاه الكلاكلة) طويلاً، فسرعان ما استدعى المهدي قائده عبد الرحمن النجومي من جبل الداير ليقود حملة إلى الخرطوم في 18 شعبان 1301هـ (13 يوليو 1884) وغادر النجومي الرهد في غرة شعبان (2 يونيو 1884) وعلى رأس جيش يقارب الستين الفاً، وقد اجتمعت معه «قوات عبدالله ود النور» التي قدرت بعشرين الفاً، تسلح غالبية المحاربين بالحراب والسيوف، إلا أنه كانت هناك قوة من الجهادية تبلغ عشرة آلاف رجل مسلحين بالبنادق، بالاضافة إلى قوة مماثلة من الخيالة، وكانت معهم أيضاً اربعة مدافع جبلية، وأربعة مدافع كروب، وصاروخ واحد، وسار مع هذه القوة مجموعة من الامراء، بينهم حسن النجومي، وعبد القادر ود مِدْرِع، شيخ قبيلة الحسانية وعبدالله سالم بن حاج عبدالله.
كانت الجبهة الشرقية ـ جبهة بري ـ حيث تُرابط قوات عبد الله ود النور وعبد الله ود جبارة والشيخ العبيد ودبدرأخطر الجبهات في حصار الخرطوم، ففيها المركز الرئيسي لقوات غردون، حيث الطوابي القديمة و«البركس» ، فيما بعد، والتي تحولت في العهد الوطني وبعد الفتح الثاني إلى داخليات جامعة الخرطوم الحالية، كما انها كانت تمثل المدخل الرئيسي لاية قوات قادمة من خارج الخرطوم عبر النيل الأزرق.
ولأهمية تلك الجبهة وخطورتها وأهمية وخطر القائد الذي كان يديرها، تقول الدكتورة ميمونة، انه بعد استشهاد عبدالله ود النور انتقل النجومي إلى بري بناءً على تعليمات الامام المهدي في حين حل أبوقرجة مكان النجومي في مقابل طابية الكلاكلة. وذلك قبل ان يزحف المهدي شخصياً على الخرطوم في جيش جرار قوامه 200 الف رجل وامرأة تمهيداً للانتقال من حال الحصار إلى الفتح المبين.
أما الشريف يعقوب، والذي كان متردداً في البداية في قبول دعوة المهدية وأمرها، إلا أنه وعندما حان الحين وجد نفسه ينخرط في الجهاد، ويستشهد في معارك بري بين البر والنهر إلى جانب رفيقه عبدالله ود النور، وفي هذا تُروى الروايات عن كيف ان استشهاده كان عصياً بما له من صلاح وكرامات، حتى أضطر أعداؤه إلى استخدام «الفضة» لاصابته بطلق ناري ليسقط شهيداً، كما تقول تلك الروايات والشيخ «الشريف يعقوب» هو أحد أعلام السمانية الذين أخذوا الطريق على يد الشيخ احمد الطيب البشير القطب السماني الذي خلف الشيخ محمد بن عبد الكريم السمان «سماني المدينة» بعد أن تتلمذ على يديه دهراً في الاراضي المقدسة قبل أن يعود إلى السودان، وكان قد اقام مسيداً كبيراً لتعليم القران يُشرف على النيل في منطقة «قاردن سيتي» الحالية. وجدّهُ ابراهيم «ود قليج» في بري اللاماب، وجدّه لأمه الشيخ خوجلي أبو الجاز من أهالي توتي المدفون بالخرطوم بحري ويتسمى أحدُ أحيائها باسمه «حلة خوجلي».
وقد إنضم الشريف يعقوب بجميع حيرانه إلى الجهاد وشيد طابية بالقرب من المسيد الذي يقع في موقع «جامعة الرباط» الحالية ببري.
ذلكم هو بعض تاريخ ضريح البطلين الشهيدين الذي قررت وزارة التخطيط العمراني بولاية الخرطوم إزالته بكل بساطة وكأنه سكن عشوائي قام بين ليلة وضحاها..
إتقوا الله في تاريخ هذا البلد وتراثه .. ولا تعتدوا على من فتحوا الخرطوم وحرروها من دنس المستعمرين بدمائهم الزكية.. فهم الذين أورثونا الخرطوم .. وهم الذين يمنحون الخرطوم عزها وبهاءها وجمالها
|
Post: #98
Title: Re: بـُــري
Author: amir elsharief
Date: 06-10-2008, 06:41 AM
Parent: #1
سلامات يا ناس بري. العزاء موصول لأستاذنا مصطفي عابدين في إستشهاد إبن أخيه وإنا لله و إنا أليه راجعون.
بري جنة الدنيا و بهجتا. و الله يا ناس بري قدر ما شرقت و غربت ما لقيت ناس بأخلاقكم و حنيتكم. الله يديكم العافية أساتذتي ألأجلاء ببرى المحس ألإبتدائيةعمر الهادي, الشيخ, محجوب, محمد صالح, عبد الله, ميرغني.
أخوكم وإبنكم دكتور أمير عون الشريف قاسم
|
Post: #101
Title: Re: بـُــري
Author: Saifeldin Gibreel
Date: 06-10-2008, 07:02 AM
Parent: #98
اخونا محمد يسن..فى بري كان فى فنان شعبي بتاع حقيبة كان بجى يغنى فى الجريف نسيت اسمو يا ريت لو تزكرونى اسمو...
ماذا يعنى مالك الجيلي لاهل بري المحس.... وفريق الاتحاد وما هو سر هتافاته المعادية للحكم فيصل سيحة
|
Post: #114
Title: Re: بـُــري
Author: عاصم المشرف
Date: 06-11-2008, 02:50 AM
Parent: #101
البراب سلام
ولنترحم على شهداء الطائرة المحترقة وربنا يسلم برى مصائب المطار وكوارس الزمن
الاخ/ هشام هل يخفى القمر ويت اراصيكم والاسرة حسب متباعاتى عبر الاعلام ان تماضر فى امريكاواين بقية العائلة؟؟ ومنذ ان حرجت من السودان اعرف انك بالسعوديةوانابالقاهرةمنذ فترة وانجبت طفل وطفلةوالحمد لله.
ومن المشاهير اسصا فى برى
-على عثمان محمد طه مرشخ الدائرة 21 البراى ابام نميرى ودخلها بترشيح من ناس حاج الضوالعوض والامين على خليفةواسهم اعضاء تنظيمه ببرى فى تكويت شعبيته والشاهد على ذلك ساحة منزل الامين على خليفةببرى الدرايسة.
-فاطمة احمد ابراهيم كقاطنة سابقا ومرشحة برلمانيةفى الدبمقراطية الاحيرة
- الدكتور مامون ستادة وزير الحارجية السابق عضز الحزب الاتحادى.(جاردن سيتى)
- الحاج محمد مراد اول من سلم الازهرى العلم لرفعه
- بروفسير قندور
-اللواء معاش الخير عبد الجليل المشرف (رئيس هيئة الابداعالفنى)
-مبارك امان(الرياصة)
- عشمان حالد مضوى مرشح الدائرة21 البرارى ضد فاظمة اخمد ابراهيم ومحمد مراد ومحمد العمدة عن حزب الامة
- المرحوم سغد اخمد الشيخ مؤسس وكالة الخرطوم للانباء
- المرحوم محجوب محمد على ورير السياحة فى عهد نميرى
- الداعية عطيه محمد سعيد
- المعلق الرياضى كمال حامد
-الكابن التاج حسن
-الاديب المرحوم بدر الدين هاشم
- الشاعر السمؤل حلف الله
- المرحومة الاستاذة / ناهد على جبارة اول عضوة مؤسس لاتحاد الطلاب السودانيين بالمغرب
ومن محطة 4 الى 7
-حوش السيد غلى الميرغنى فى سوق 4 وتملكه المرحوم محجوب محمدعلى
= الناظر عوض ياسين
-خوش ناس بانقا
-مخجوبعبد القادر
- محجوب سليم
- المرحوم عوض جولط
-ناس سعد ومصطفى الشيع
-بابكر على عمر
-نتستالمربى المرحوم دياب والد د مصطفى وهاشم الضابط
- ناس ميرعنى على الطيب
-المرحوم يوسف ابو شرا
-المرحوم عوض والد نور الدين
-تاس عوض صديق
- ناس احمد عباس
- مصطفى على عمر
-عبد الفتاح
- المشرف الشسخ ادريس
- كمال حامد
-على واحمد عثمان
- عبدالجليل على طاهر
-عبد الله عبد السخى
- نتس المرحوم فيصل قليبة
- ناس مجى الدين مدنى
- عبد اللطيف سلا
- حسن المصرى
-اولاد ارياب
ومن المعالم البارزة ولفته للنطر
-قية الشريف وحولبته السنوبةونرابط اهل برى حولهافالواعى والطاشى كان يواظب عليهانيمنا وتبركا
وكم من طاش هداه الله فى هذه الحلبة
-حولية المرحوم الخليقة عبد الدافع ببرى الدرايسة والتى كانت تجمع اهل الطرق الصوفية ببرى وعيرهم فيهاوبعيدا عن مذهبيلتهم
-حولية المرحوم المشرف الشيخ ادريس بحى كورياوالتى تقام فىالليلة الحتامية للمولد النبوى الشرف
وهى ايضانجمع طبفا من الوان البشر من اهالى برى وفى هذه المعالم الثلاث ان صخ القول تجد المتناقضات والمننضات الا ان سمماحة اهل برى ونرابطهم وقبول بعضهم البعض والاخر جعل فكرة النعايش معها ممكنة وسهلة.
الاخ/ ماضى اعجنى واقنعنى سردك التوثيقى
وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس
اح/ اساسى ذكرنا يك ياصاحب هذه الفكرة الجمبلة انا كنت جل وقتى ببرى الدرايسة خاصةعند تمارين ومبريات سانتوس وزميل عادل على جبارة (بوب)وبابكر خير السيد
( ياقلبى السرارى وفيك دافن اسرارى ومجبوبى ساكن البرارى منيت العودة تانى با)
|
Post: #128
Title: Re: بـُــري
Author: عاصم المشرف
Date: 06-13-2008, 12:55 PM
Parent: #101
زول- هشام شخ الدين-محمد ياسين/ اتذكرك وهل يخفى القمر وين يقية العائلة؟
انا بالقاهرة والحمدلله تزوجت وانجبت محمد والاء
اساسى العقل المدبر للبوست والاخرين ممن لااتذكرهم ذكرونا يكم انامن كوريا ولكن كان اغلب تواجدى بالدرايسة مع عادل بوب وتاس فريق سانتوس والجامع الكبير.
ومن مشاهير البرارى ايضا
-المرحوم سعد احمد الشيخ مؤسس وكالة الخرطوم للانياء
- المرحوم بهاء الدين احمد ادريس (منزل والده على مااظن)
- المرحوم مصطفى احمد الشيخ )مسؤل الشباب سياقا بلحزب الشيوعى)
ومن الاحياء
- على عثمان محمد طه نائب الرئيس مرشح الدائرة 21 البرارى فى زمن النميرى وبدا صعوده من هناك
ويشهد على ذلك منزل الامين على خليفةودور ناس حاج الضو العوض فى اقناع واستقطاب الكثيرين لمناصرته فى الانتخابات.
-عبدالرحيم محمد حسين (بالمنشيةقيل الانقاذ)
-العم محمد مراد اول من رفع العلم السودانى مع الزعيم الازهرى ومرشح الدائرة فى الديمقراطية(الدرايسة)
- عثمان خالد مضوى مرشح الدائرة ايضاعن الجبهةالاسلامية
-فاطمة احمد ايراهسم مرشحة الحزب الشيوعى
- د. محمد العمدة مرشح حزب الامة
-التاج حس حارس المرمى والمدرب الشهير
- اللواء معاش الحير عبد الجليل المشرف رئيس هيئه الايداع الوطنى (يرى اللا ماب)
- مبارك امان (محلس الرياضة)
- كمال حامد المعلق الرياضى
-عزالدين خير الله
- بكرى بخيت
-طه ياسين القطب الاتجادى المعروف
-برفسير غندور اتحاد العمال وعيرهم
وكماطلب ود ياسين
من المعالم حوش السيد على الميرغنى محطة 4 وال للمرحوم محجوب محمد على على ماظن
ناس الناظر عوض ياسين
-بانقا
-ال شمام
-الناح اخ احمد قنديل
-اولاد محجوي عيد القادر
- محجوب سليم
-ناس المرحوم سعد ومصطفى سابقا
- ناس بابكر على خمر
-ناس التكينة
- ناس حسن حمدى
- ناس ود ملاح
- ناس اولاد سرور
- ناس مصطفى وهشام دياب
- ناس على الطيب وميرعنى ميكرفونات
-ناس شيخ يوسف ابوشراءالله يرحمه
-ناس عوض حسن
- ناس احمد عياس
- مصطقى على عمر الله يرحمه
- ناس عبد الفتاح الله يرحمه
- ناس المشرف الشيخ ادريس
- ناس كمال حامد
-ناس على واحمد عثمان
- ناس عبد الجليل على طاهر
ومن المعالم ايضا
- حولية الشرف يوسف اتلمندى رحمه الله
- حولية الخليفة عبد الدافع رحمه الله
- لية المولد الختامية النى ابتدرها المرحوم المشرف الشيخ ادريس بمنزله بحى كوريا
وفى هذه المناسبات الثلاث نجنمع جميع فئات مجنمخ يرى فتجد اصحاب الكورة واصحاب المعنى واصحاب الستةوهناك ماتجده يذكر وهو طاشىْء وتجدالاخوان المسلمين ايضايذكرون فهو مجتمع متسامح ومتعاضض بكل المقايس وليك القومة يا برى
|
Post: #100
Title: Re: بـُــري
Author: haleem
Date: 06-10-2008, 06:57 AM
Parent: #1
محمد يسن خليفة
ما وريتنا عرفت تاني منو في الصورة؟
|
Post: #102
Title: Re: بـُــري
Author: أيمن الطيب
Date: 06-10-2008, 09:48 AM
Parent: #100
سلامات يا شباب,,
قمة السعادة أن نرى البُرّاب متجمعين والذكريات والتاريخ حضور وأسماء مرت بنا فى الحياة أو فى إحدى المراحل الدراسية وأهل وأحباب إكتشفنا أنهم أيضا من أعضاء المنبر,,وحليم جاب صورة سنة 72 وأبو الريش قال كان فى مدرسة إبتدائية قديمة!!!!!! ويا أساسى أنا كنت معاك سنة 72 وفى نفس المكان
Quote: اخونا محمد يسن..فى بري كان فى فنان شعبي بتاع حقيبة كان بجى يغنى فى الجريف نسيت اسمو يا ريت لو تزكرونى اسمو...
ماذا يعنى مالك الجيلي لاهل بري المحس.... وفريق الاتحاد وما هو سر هتافاته المعادية للحكم فيصل سيحة |
يا سيف يا حبيب,,مالك الجيلى فعلا من علامات برى المحس وهو ألأخ والكوتش والمعلم وأخو الأخوان وصديق الجميع,,بالنسبة لى مالك الجيلى
أخ أكبر وجار وحبيب كما هو الحال مع معظم الجيران الذين أصبحوا أكثر من أهل بطول العشرة وطيبها وفيصل سيحة كان معروفا بإنحيازه
ضد كل ما هو برارى والفنان الشعبى إحتمال يكون (حنّان),,,
Quote: بري جنة الدنيا و بهجتا. و الله يا ناس بري قدر ما شرقت و غربت ما لقيت ناس بأخلاقكم و حنيتكم. الله يديكم العافية أساتذتي ألأجلاء ببرى المحس ألإبتدائيةعمر الهادي, الشيخ, محجوب, محمد صالح, عبد الله, ميرغني.
أخوكم وإبنكم دكتور أمير عون الشريف قاسم |
يا دكتور أمير ما زلت أذكر برى الإبتدائية والبيجو البرتقالية وأمجد كان دفعتى وصديقى وفى سنة2005 تشرفت بمقابلةالبروف رحمه الله وجعل البركة فيكم فى وفاة جدتى المرحومة الحاجة سكينة عالم وسألته عنكم ,,بلغ أمجد تحياتى ومرر رقم تلفونه لو أمكن,,وشكرا لكلامك الجميل عن برى
وأهل برى,,,
يا حليم..يا حبيب No Hard Feelings لكن هسه كلامك دا أين يصب !!
Quote: وناس الدرايسة ديل وبالتجربة..كانوا أكبر شرامة ورباطة
وكانوا بيهرشوا ناس بري المحس
ويا أخوان بالله No hard feelings
دة تاريخ |
تاريخك دا مغلوط وغير صحيح وناس البرارى
كلهم أهل وأحباب وأصدقاء وحتى لو فهى
شقاوات الطفولة ولا يمكن أن تصفنا بالشرامة
والرباطة يا حبيب,,,
ويا غازى كدودة عووووووووووووووك,,
كمال دقنة جلدنا فى اليوم الأول فى
مدرست برى الأميرية عشان فى أول حصة
إنجليزى واحد كان بقول (كمون) والمفروض
الكلمة (مون)وسأل البقول كمون دا منو
الجماعة أصلا ما عارفين وأستاذ كمال
رسل جاب الخرطوش وهبت الفصل كلو
وأستاذنا كمال موجود فى قطر وهو بخير,,
_____________________________________
أبحث منذ فترة عن أستاذى فى برى الأميرية
الأستاذ معاوية الحسن (الفرزدق)!!!
|
Post: #103
Title: Re: بـُــري
Author: ماضي ابو العزائم
Date: 06-10-2008, 10:36 AM
Parent: #102
ما عايز الخبط تداعى ذكريات الشباب لكن محمد ابو الريش كتب
Quote: ثم علي ابراهيم الأحو .. ذلك الجعلي القح الذي استقر به المقام في بري وأصبح واحداً من أهلها، ثم حمد الريح إبن توتي، وبحكم صلات الدم والقربى إستقر أيضاً في بري، وقد كان لفنانا الكبير المرحوم هاشم ميرغني أياماً لا تُنسى في بري قبل اغترابه واستقراره في دولة قطر. أيضاً نجد "أولاد الدبيبة" الذين حملوا إسم منطقتهم ولكنهم عُرفوا في بري وارتبطوا بها، والمرحوم أحمد قنديل الذي جمع بين الكفر والوتر.
|
و نسى ناس مهمين من ابو حشيش - أمونه خير الله (منى الخير) - الرحمه مكى ( و متزوجه من اخ عبدالله لفت)
و على المستوى الوطنى عاشت فى ابو حشيش بين اهلها حتى توفت من قبل حوالى عقدين من الزمان زوجة البطل على عبد اللطيف
|
Post: #104
Title: Re: بـُــري
Author: يازولyazoalيازول
Date: 06-10-2008, 02:52 PM
Parent: #103
والله ناس برى خطرين
الله يديهم العافية
شوفوا بالله جنس النضمى ده
|
Post: #105
Title: Re: بـُــري
Author: اساسي
Date: 06-10-2008, 03:19 PM
Parent: #104
Quote: ويا غازى كدودة عووووووووووووووك,,
كمال دقنة جلدنا فى اليوم الأول فى
مدرست برى الأميرية عشان فى أول حصة
إنجليزى واحد كان بقول (كمون) والمفروض
الكلمة (مون)وسأل البقول كمون دا منو
الجماعة أصلا ما عارفين وأستاذ كمال
رسل جاب الخرطوش وهبت الفصل كلو
وأستاذنا كمال موجود فى قطر وهو بخير,, |
ايوا يعني انت من اولاد اولي عثمان
تعرف وبصراحة وتجرد شديد ورغم انه الكلام دا ما لائق الان الا واني احمل في داخلي نقاط ومآخذ كبري علي طريقة كمال الدقنة في التربية والتعليم وطريقته في التدريس , هذا الشخص نحت في داخلنا جروح واخاديد لم تندمل بمرور الزمان , الواحد الي الان كلما تذكر المرحلة المتوسطة يأتيه الاحساس بانه ( حمار للجلد) كمية الضرب والقهر والتعذيب النفسي والبدني التي مورست علينا في تلك المرحلة اليانعة من اعمارنا وبقيادته هو شخصيا تعتبر من المراحل المظلمة في حياواتنا التي عشناها في بري , الدقنة من الاسباب التي جعلتني (اكره الدراسة و التحصيل ) والي اليوم وما كانت مواصلتنا للدراسة الا علي مضض انا اعتبره من الاشخاص الذين سودوا صفحة ناصعة في تاريخنا التحصيلي , اذكر جيدا الاميرية انها كانت كما سجن الكاتزار سيئ السمعة الذي مورس فيه التعذيب علي اشكاله المختلفة , اتذكر جيدا النفسية المنفتحة والتواقة لمرحلة جديدة من حياتنا الدراسية حينما انتقلنا من مرحلة الي مرحلة كاول نقلة نوعية كبري في تاري دراستنا واستشراقنا لأفاق كبري وتفتح عوالم داخلنا اتذكر اول يوم لنا في الاميرية والذي وبدون سبب مبرر تم جلد الصف الاول بانهاره الثلاثة منذ الصباح وحتى منتصف النهار والاساتذة وبقيادة الدقنة يتبادلون الجلد المبرح باسواط لا تستخدم الا مع البهائم في الطلاب الجدد الغرين , كسروا يومها فينا معاني كثيرة والي اليوم ما تزال تلازمنا .
انا وبصورة شخصية جدا بعتقد انه الدقنة من اسوأ الكوابيس التي عشناها في تلك المرحلة , ورغم قناعاتي بانه غير ضليع في طريقة ايصاله للمعلومة لطلابه الا انه كان ضليعا جدا او جزارا بمعني الكلمة في طريقة عقابه والذي يكون لاتفه الاسباب وبعقوبات لا تتناسب مع الخطا المرتكب بل لاسباب قد يختلقها هو في معظمها , بتاعين النظام او جنود امنه الذين كان يختارهم من بين الطلاب وتسليطهم علي رقاب اخوانهم لابتزازهم والتبليغ عنهم لينالوا العقوابات السخينة لاسباب تافهة وغير مقنعة , وانا طالب لم اقتنع يوما بان التحصيل يعطي بطريقته تلك .
اذكر جيدا مشواري من البيت الي المدرسة الاميرية والذي كان كابوسا في حد ذاته , والي اليوم استغرب في الطلاب الذين يذهبون الي مدارسهم فرحين ؟؟؟ ماذا يفرح في المدارس ان كانت بطريقة الدقنة ؟! هذه حقيقة لا اعلم سببا يجعله يمارس تعليما ( ساديا) عنوانه الضرب والتعذيب والبطش بالاطفال . شخصيا لم استفد منه وبفم مليان اي معلومة مفيدة فقد كانت ادمغتنا مشغولة العقاب والبطش اكثر منها مشغولة بالتعلم والتحصيل .
احمد الله كثيرا اولا لان وزارة التربية قد الغت عقوبة الضرب المبرح وغيره علي الطلاب واحمد اكثر علي ان الاميرية تلك القلعة العسكرية تم تفتيتها وتحويلها الي مدرسة ثانوية واحمد الله كثيرا علي ان الدقنة ترك التعليم المتوسط في السودان علي حاله ليواصل اخرين التعليم بطرق مفيدة .
لدي الكثير من الحكايات والمشاهد المحزنة والمبكية لطرق العقاب والبطش التي كانت مستخدمة والتي يتفنن في ابتكارها الدقنة علي تلاميذ بري الاميرية والتي يكفني حديثي اعلاه عن الخوض فيها .
|
Post: #106
Title: Re: بـُــري
Author: يازولyazoalيازول
Date: 06-10-2008, 03:38 PM
Parent: #105
يا الله يا أساسى
والله قلت كلام مؤثر جداً ولكنى كمان أستحلفك بالله أن لا تواصل فى هذا الكلام هنا بل تفتح به بوست خاص حتى لا تشوه هذا الوست الجميل عن برى الحضارة وبرى الجمال وبرى التاريخ الناصع وبرى الفنون
حكاية العقوبات فى المدارس والجلد
اسألنا منها نحن أولاد النظار
تحياتى والقومة ليك يا اساسى يا ناصع البياض
|
Post: #107
Title: Re: بـُــري
Author: اساسي
Date: 06-10-2008, 03:48 PM
Parent: #106
والله يا هشام الكلام دا واقف لي في حلقي ليهو سنوات طوال وجات فرصة مناسبة انه الانسان يتصالح مع نفسه ويطلع الجواه , ورغم اسفي انه جاء هنا الا ان كل الاماكن لها حسناتها ولها سيئاتها .
اتمني ان يتواصل الحكي الممتع عن البراري .
علاقتي ببري كانت في حيين اولهما بري الدرايسة والتي كنا نسكن فيها قبالة المعرض جوار بيوت عبد الدافع وابو الناس والتي انتقلنا منها الي امتداد ناصر في العام 82 من القرن الفائت لذا معظم ذكرياتي التي انطبعت في وجداني كانت في امتداد ناصر وحتي تاريخ اغترابي ورغم انه الان اسرتي تسكن بحري الا انه ليس لي ارتباط سوي ببري فذهابي الي السودان في الاجازات بدون طعم دون بري , والتي اقضي فيها حيزا شاسعا من الاجازة . السودان عندي هو البراري
سكنا في امتداد ناصر مربع ستة جوار احمد موسي المحامي عضو المنبر , يفصلنا عن دارهم ميدان صغير علي طرفه قبالة بيت الاستاذ النادي ومؤخرا تم عمل مسجد في الميدان الذي شهد لهو طفولتنا وصبانا .
سكون هذا مدخلا اخر للحكي عن امتداد ناصر اتمني مشاركة الاخ احمد موسى وابناء ناصر
|
Post: #108
Title: Re: بـُــري
Author: يازولyazoalيازول
Date: 06-10-2008, 04:00 PM
Parent: #107
بالله أحمد موسى من برى
يا الله
تصدق يا اساسى ودون سابق معرفة سوى هذا المنبر فقد قام هذا الشاب الجميل الشهم بلقائى عند ذهابى للخرطوم لعرس أخوى تبارك وتواعدنا مرة أخرى فحضر لى خصيصا فى الخرطوم وتعب معى غاية التعب فى موضوع الحجز كل هذا والله وبدون سابق معرفة والآن تأتى وتقول لى انه من برى
لذلك أقول لك برى لها طعم خاص ووضع خاص وأهلها هم كرام القوموالشاهد فى ذلك هى أعمالهم
لله دركم يا أهل برى
|
Post: #109
Title: Re: بـُــري
Author: اساسي
Date: 06-10-2008, 04:19 PM
Parent: #108
احمد موسي الفنان والمحامي هو من الجيل الذي مثل لنا غدوة حيث كنا نتلمس طريقهم , كان احمد موسي من الذين وهبهم الله ( تشكيلة ) من المواهب الفذة فقد كان ( حريفا) في كرة القدم حيث وهبه الله خاصية اللعب برجله اليسرى , كان من الذين يمتعون ابصارنا ونحن نشاهدهم في ميدان رابطة ناصر حيث يحلو له ان يفعل بمهاراته الافاعيل في كرة القدم هو من حرفائها الذين لو واصلوا خلفها لكان اسما لامعا في سماء انديتها الكبري في السودان فحرفنته ليست اقل من سكسك وفايز نصر الدين وغيرهم من حرفاء الكرة . بالاضافة الي ذلك كان خطاطا بارعا وهو مشهور بهذا الضرب من الابداع منذ صغره بالاضافة الي انه من وهبهم الله موهبة التمثيل ويشهد له تلفزيون السودن بالكثير من الاعمال الدرامية , اضف الي ذلك انه خطيبا مفوها محنكا وهذا يشهد له به الان مهنته في المحاماة حيث صقل تلك الموهبة الي مهنة احترافية كان مهموم بقضايا حيه حيث كان العضو الاصغر علي الاطلاق في لجنة الحي والتعاون وغيرها من المرافق الخدمية الذين وقفوا لخدمة المنطقة بتجرد ونكران ذات . شقيقه الاصغر الذي كان صنونا ورفيق دربنا في طفولتنا وصبانا وبدايات شبابنا ( الشهيد معمر) والذي كان امتدادا لهذه الاسرة الرائعة العصامية من الابناء الناجحين كان لنا مع شقيقه هذا جولات وصولات في نشأتنا نسال الله له القبول والرحمة ذلك الفتي الذي قدمته هذه الاسرة الابيه لهذا السودان بطلا نشهد له بالرجولة والفضيلة والعزة .
لله دركم يا ابناء موسي اولاد تلك النخلة الباسقة التي تجد بعض منها هنا Re: حكاية حبيبتي {زوجتي} الصديقة
|
Post: #110
Title: Re: بـُــري
Author: يازولyazoalيازول
Date: 06-10-2008, 04:24 PM
Parent: #109
والله يا أساسى جسدت كل معانى الوفاء بكلماتك تلكم ، وصدقنى سأذهب إلى السودان وأبحث عنه وسأنظر إليه هذه المرة نظرة مختلفة عن سابقتها فكل كلمة مما قلتها فى حق الرجل أصبحت تعنى لى الكثير
لله دركم يا أهل برى
هل أحظى (بجنسية) من برى؟؟؟؟؟
|
Post: #111
Title: Re: بـُــري
Author: اساسي
Date: 06-10-2008, 04:28 PM
Parent: #110
| Quote: هل أحظى (بجنسية) من برى؟ |
ممكن تنقل كفالتك علي
|
Post: #112
Title: Re: بـُــري
Author: احمد العمار
Date: 06-10-2008, 05:59 PM
Parent: #111
| Quote: واني احمل في داخلي نقاط ومآخذ كبري علي طريقة كمال الدقنة في التربية والتعليم وطريقته في التدريس |
| Quote: الدقنة من الاسباب التي جعلتني (اكره الدراسة و التحصيل ) والي اليوم وما كانت مواصلتنا للدراسة الا علي مضض انا اعتبره من الاشخاص الذين سودوا صفحة ناصعة في تاريخنا التحصيلي |
| Quote: انا وبصورة شخصية جدا بعتقد انه الدقنة من اسوأ الكوابيس التي عشناها في تلك المرحلة , ورغم قناعاتي بانه غير ضليع في طريقة ايصاله للمعلومة لطلابه الا انه كان ضليعا جدا او جزارا بمعني الكلمة في طريقة عقابه والذي يكون لاتفه الاسباب وبعقوبات لا تتناسب مع الخطا المرتكب بل لاسباب قد يختلقها هو في معظمها |
| Quote: لدي الكثير من الحكايات والمشاهد المحزنة والمبكية لطرق العقاب والبطش التي كانت مستخدمة والتي يتفنن في ابتكارها الدقنة علي تلاميذ بري الاميرية |
والله يا اساسى كأنى تتحدث بلسانى او تعبر عن ما بداخلى ، عفوا ولكن طالما البوست للتوثيق ذكرنا ذلك .
بالمناسبة انا دفعت :
* معاذ صديق عبدالدافع من الدرايسة
* عادل بابكر ( مريسة ) من الدرايسة
* خضر شيخ ادريس من الدرايسة
* عبدالمنعم الامين ( دهولى ) من الدرايسة
* ياسر الشيخ من المحس
* عبيد عمر الهادى من المحس
* مضوى بابكر من المحس
* عزالدين سليمان من المحس
اما ناس امتداد ناصر دفعتنا :
* احمد عمر سوميت ( فردتى وصديق عمرى )
*الهادى الرحيمة
* جوان جعفر
* ضياء الدين خليل
* اسامة احمد الباع
وكثيرون الغريبة رغم طول الزمن ولكن اذكرهم جيدا
كنا فى النهر ( ابوبكر )
أحمد العمار
|
Post: #113
Title: Re: بـُــري
Author: اساسي
Date: 06-10-2008, 06:14 PM
Parent: #112
الاخ احمد العمار
انتو دفعتين او تلاتة دفعات قدامنا , من دفعتنا الاخوان الاصغر لابناء دفعتكم
* علي صديق عبدالدافع من الدرايسة
* محمد خضر شيخ ادريس من الدرايسة
*نادرالرحيمة من ناصر
| Quote: والله يا اساسى كأنى تتحدث بلسانى او تعبر عن ما بداخلى ، عفوا ولكن طالما البوست للتوثيق ذكرنا ذلك . |
والله انا بعتقد اني بتحدث بلسان الكثيرين في هذا الموضوع
موضوع التربية اولا والتعليم في السودان او ما خضناه بعسر بالغ كان يشغلني والي الان . الطريقة التي تم تدريسنا بها كان لها الاثر السلبي جدا في تحصيلنا الدراسي اذكر اني دخلت الي الاميرية بمجموع 229 درجة وكنت الثالث علي الدفعة وخرجت من الاميرية الي القديمة بمجموع 193 بالرغم من ان الطريقة الثانية في الاميرية اريد بها زيادة تحصيلنا الا انه حدث العكس تماما .
|
Post: #115
Title: Re: بـُــري
Author: محمد أبوالعزائم أبوالريش
Date: 06-11-2008, 06:28 AM
Parent: #1
| Quote: وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس |
الأخ عاصم المشرّف ...
أظن أن ما سمعته صحيح. وما سمعته أنا أن الشريف نزل أول ما نزل ببري المحس. وكعادة الناس ذلك الوقت، كان بضيافة شيخ الحلة أو العُمدة. أكرم الأخير ضيافته، وبعد أيام الضيافة المتعارف عليها، أوحى إليه بعدم رغبته مواصلة استضافته. وكان ذلك خوفاً من العُمدة أو الشيخ على نفوذه، فالضيف رجل له وزنه عند أهله (ودالهندي)، وإذا أقام عنده سيكون ذلك بمثابة تنازل عن النفوذ، وسيتقاطر مريدي الشريف من الجزيرة لزيارته والإقامة لديه. ........ وأظن هذا ما حدث في بري اللاماب (والتي يعرفها الكثيرين الآن ببري الشريف).
هذي هي الرواية التي سمعتها ... وأظنها تتطابق مع ما سمعت أنت.
|
Post: #116
Title: Re: بـُــري
Author: يازولyazoalيازول
Date: 06-11-2008, 08:57 AM
Parent: #115
أخى الصغير سناً الكبير مقاماً عاصم المشرف
والله إن هذا البوست إزدان جمالاً بحضورك الباهى الجميل كعهدكم يا أبناء الحاج المشرف شيخ إدريس ، وأهلنا زمان بيقولوا (البكى بيحرروه أسيادو) فواضح أن الدار داركم وأنتم أسياد دار وما نحن إلا ضيوف معجبين بحسن الخلق وبالكرم الفياض الذى يجده كل زائر أو عابر لديار برى النضرة برى الحضارة برى التاريخ برى الأصالة برى الفنون وبرى الدين والدنيا
أخى عاصم
سعادتى لا توصف وقد علمت أنك الآن أب لطفلين ، وقد جعل ذلك من الحاج المشرف ، والدكم البركة أن يصبح جداً ،
وبالمناسبة ، المفروض إفراد بوست كامل عن (الحاج المشرف) الشخصية الخرطومية الإجتماعية التى لم تشهد لها العاصمة المثلثة مثيلاً ، فالحاج المشرف يمكن أن أشبهه لك (إجتماعياً) بأخونا فى أمدرمان المشهور بالهادى الضلالى ، فالهادى يحمل فى ذاكرته عدد مهول لا يمكن تصوره من الشخصيات الأمدرمانية والخرطومية والسياسية والفنية والرياضية والإجتماعية ، وهذا ينطبق تماماً على والدكم العظيم الحاج المشرف ، حبيب المجتمع الخرطومى ، وإدارى جامعة الخرطوم الأول ، ومنسق إجتماعات جميع شرائح المجتمع وحبيب الفنانين وصديق الصوفية ورفيق الصغار الرحيم عليهم وخليل الكبار فى وقار ومحنة وقائد مجتمع الرياضة والرياضيين
كنا فى أمدرمان فى مناسباتنا لا نتعب فى دعوةالناس للحضور للمناسبة إذ أننا فى يوم كتابة الكروت كنا ندعو الهادى الضلالى للبيت ، وبالتالى نتأكد أننا لم ننس شخصاً واحداً أن ندعوه ، كذلك هو دأب والدكم كان يعرف جميع أفراد المجتمع الخرطومى عن ظهر قلب وكان يعرف جميع أرقام هواتفهم وعناوين منازلهم ، وكان صديق الفنانين وصديق لاعبى الكورة وصديق الإداريين وصديق الساسة والسياسيين والحاكم والمحكومين وصديق الصغار والكبار من كل شرائح المجتمع
تعرف ، المفروض ابوك ده يكون فى الأمن
حقيقة يا عاصم أبوك رجل إجتماعى من الطراز الأول ، فى مناسبات العزاء مثلاُ تجده أول من يهب لشيل الفاتحة وأول من يدفع فى الكشف ، وفى مناسبات الزواج تجده فى بص السيرة ، وفى الصلاة تجده فى الصف الأول ، وكان منظماً فى حياته ، له موعد محدد لقراءة الصحف وموعد للقيلولة وموعد دقيق جداً لتناول الوجبات ، وكان إجتماعيا من الطراز الأول
كان لى شرف العمل مع والدكم لفترة قصيرة فى جامعة الخرطوم ، وكان إدارياً من الطراز الأول تعلمنا منه الكثير ، ولم أجد إداريا محنكاً ودقيقا ومنضبطا مثل الحاج المشرف
الحاج المشرف والله تعجز حروفى عن إيفائه حقه ، فهو صديق الجميع وحبيب الجميع ورفيق الجميع ، وكان كل واحد من أصدقائه يظن أنه الصديق الأول للحاج المشرف وهم لا يعلمون أنه يعاملهم سواسية وبنفس المنوال ولذلك هم فى درجة واحدة فى قلب رجل واحد
لله در الحاج المشرف ،
ولا أظن ان حواء ستنجب فى هذا الزمن مثل ما أنجبت الحاج المشرف
بارك الله فيك يا عاصم فقد أعدتنا للزمن السمح ، ولا تنسى أن تبلغ تحياتى لتلكم المرأة العظيمة (بت وهب) ولبقية أفراد أسرتكم ولزوجتك وأبنائك ولجميع شباب وشيب البرارى
وتقبل تحيات أسرتى وأهل بيتى والسلام
أخوك الصغير (المولود قبلك)
هشام شيخ الدين
|
Post: #117
Title: Re: بـُــري
Author: احمد العمار
Date: 06-11-2008, 10:04 AM
Parent: #116
فى الدرايسة وعلى شارع المعرض هناك ( مستشفى الصادق ابوعاقلة ) و فى السابق كان عبارة عن مركز صحى صغير ولكنه كان يستقبل مرضى جميع البرارى ، هذا الكلام الى بداية الثمنينات تقريبا ، بعدها ظهر مستشفى الشرطة وغطى كل المنطقة . يا ريت لو واحد يكلمنا عن نشأت هذا المركز الصحى الى ان صار الان مستشفى ( وسر الاسم )
كان لدينا مركز صحى فى برى اللاماب عبارى عن غرفتين فقط فى اخر محطة فكان يعالج كل الحالات البسيطة حتى عملية خياطة الجروح وكان اعلى كادر طبى فيه هو مساعد طبى ومن الاشياء الجميلة اذكر المساعدالطبى او الممرض يذهب للمريض فىالبيوت فى حالة استدعائهم لطعن الحقن الغيار
للمصابين او كبار السن ولكن للاسف اغلق منذ سنين طويلة .
ملاحظة يا اساسى :
الفلل الرئاسية ليست مقامة على فى جنينة الشريف فهى مقامة مكان جنينة ابو العلا وبعدها جنينة حاج سليمان وبعدها جنينةالبدراوى وتعرف جنينة عبدالله صعود ثم بعده جنينةالشريف وهى الوحيدة التى لم تحول الى اراضى سكنية من دون الجنانين .
( هذا اذا لم تخنى الذاكرة )
أحمد العمار
|
Post: #118
Title: Re: بـُــري
Author: محمد أبوالعزائم أبوالريش
Date: 06-11-2008, 10:15 AM
Parent: #1
| Quote: فى الدرايسة وعلى شارع المعرض هناك ( مستشفى الصادق ابوعاقلة ) و فى السابق كان عبارة عن مركز صحى صغير ولكنه كان يستقبل مرضى جميع البرارى ، هذا الكلام الى بداية الثمنينات تقريبا ، بعدها ظهر مستشفى الشرطة وغطى كل المنطقة . |
الأخ أحمد العمّار ...
حقيقة الأمر أن ما يُعرف الآن بمستشفى الصادق أبو عاقلة كانت (شفخانة)، ثم قام المركز الصحي من الناحية الجنوبية للشفخانة، وعلى ما أظن جوار منزل علي التلب.
تحياتي
|
Post: #119
Title: Re: بـُــري
Author: احمد العمار
Date: 06-11-2008, 10:42 AM
Parent: #118
Quote: حقيقة الأمر أن ما يُعرف الآن بمستشفى الصادق أبو عاقلة كانت (شفخانة)، ثم قام المركز الصحي من الناحية الجنوبية للشفخانة، وعلى ما أظن جوار منزل علي التلب.
|
اذكر جيدا المركز كان له جزء اخر مكمل له من الجهة الجنوبية يفصل بينهم زقاق ضييق
اشكرك عزيزى محمد ابو العزائم على الاستجابة وان كنت اتمنى تفصيل اكثر للتوثيق
أحمد العمار
|
Post: #120
Title: Re: بـُــري
Author: ماضي ابو العزائم
Date: 06-11-2008, 11:20 AM
Parent: #119
Quote: الاخ/ ماضى اعجنى واقنعنى سردك التوثيقى
وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس |
بعض الاضافات لرواية ابوالريش و اسمحلى ان اختصر بعض الجزئيات عشان ما نثير الحساسيات:-
قدم الشريف يوسف الهندى الى المنطقة قبل الثورة المهديه من ود الهندى فى الجزيره (فى هذه المنطقة عدة حلال هى:- ود الهندى و ود العطايا و ود المبارك و ود النو و الاخيره فيها قنطره اساسيه من قناطر المشروع وهى القنطره 77 )و كان كبير المحس وقتها جدنا الفكى الضو و بقية الرواية سليمة و الاضافة الاخيره هى الطريقة التى دخل بها برى الاماب فاعذرنى من ذكرها و هى ممكن تكون عاديه لكن لدى البعض ممكن تثير بعض الحساسيات
مودتى
|
Post: #121
Title: Re: بـُــري
Author: Mohamed Yassin Khalifa
Date: 06-11-2008, 11:45 AM
Parent: #118
المركز الصحي القديم كان فيهو دكتور محجوب وعم علي التمرجي.. ديل عالجونا بالسلفا وحقن البنسلين.. وكل أهلنا يدينون لهم بالجميل والعرفان ورحمة الله تنزل على دكتور محجوب... وما فينا الما بتذكزهم أو إنساهم .. لأنو مافي طهور لولد بتم إلا وكان بايدينهم.. والغريبة كانو هم يقطعوعك ويدفعو ليك قروش علشان ماتبكي لزوم الرجالة
والمرحوم الصادق أبو عاقلة.. كان رجل أعمال بارز وفي الخير لن تجد من يسبقه.. إتبرع ببناء المركز الطبي الحديث.. وسموهو بأسمه أعيان بري حتى يدخل التاريخ مثل ما دخلو قبله وبعده صناع له شيدو ضروح تعليمية وخدمية في نفس نهج علي التلب وقرنفلي والمربي علي السيد...
ولقد أهديت النميري مصحف يوم ما إفتتح هذا الصرح الطبي المسمى باسم ذلك الرجل الفاضل.. إبن بري البار
مقصرين معاكم لظروف أكل الكسرة والعصيدة والقراصة
|
Post: #122
Title: Re: بـُــري
Author: Kudouda
Date: 06-11-2008, 02:54 PM
Parent: #1
الكلام عن بري كلام زو شجن... ولله يا شباب الله يخدر ضراعاتكم.... فالحديث عن بري ليس عن حله..حي ... مكان.. انما عن ناس صبغو فلم حياتنا بالوان باهيه.. و كأنما دلقت ليك جردل ملئ بألوان الطيف علي شريط فلم ابيض اسود...
ولله يا ايمن الطيب بركه الفرزت الكيمان... لكن شكلو الاخ ماضي ابو العزائم (سيد الاسم) فهم كلامي غلط... فيا عزيزي ولله نحن مستمتعين وراجين سردكم عن بري لأنه ولله فيهو اشياء كتيره الواحد ما عارفا... لكن انا و (الشباب) قلنا نقوم نكب زكرياتنا عن تلكم البقعه الساحره... وانا في رأئي ممكن الموضوعين يمشو مع بعض بصوره متوازيه.. او نقول نلعب باصات في ذكر بري... المهم يا عزيزي الرجاء سرد قصه دخول الهندي لي بري فهو توسيق للتاريخ وليس امرا سري.. واذا نحن السودانين واصلنا عجزنا عن تقبل الراي الاخر في ده حيكون مواصله في فشلنا... والواحد كما يعهد اهل بري ما بتوقع مشكله من هذا القبيل...
الاخ اساسي... اي شخص قرا في الاميريه في تلك الفتره يعرف تماما عما تتحدث( بالمناسبه في صوره في بوست عن سامي الحاج هنا امش شوفا) والكلام عن هذه التجربه العشناها كلنا وسرد زكرياتنا واجب لسببين الاول شخصي لأنو من الضروري اخراج كل القصص التي تشغل بالنا الي الخارج فالكبت يولد المشاكل التي تشغلنا عن تزوق الحريه والتي هي في رأيي امر ألهي.... وده موضوع ركز فيهو علم النفس كتير... اما السبب التاني برضو مهم شديد هو ضروره الحديث عن اساليب التربيه (ود علم برضو ) ... لكن من المفروض برضو الحديث عن معلمين افاضل كانو و ما ذالو شموع في طريق دربنا تحترق.....
أنا بالنسبه لي...
استاذي / رياض .. استاذه/ بتول.. ده في الابتدائي(بري اللاماب الابتدائيه)... المتوسطه(بري الاميريه)..استاذ/حسبو ( استاذ متطوع, يعني شغال مجاني ساكت, استاذ دين " في الاصع توحيد") و استاذ/ امير (صاحبنا لانو اخوهو الصغير صاحبنا) استاذ عبد الرحمن (استاذي في العربي" الذي علمني كيف أتكلم", في العمارات المتوسطه سنه تالته)... الثانوي(القديمه) المربي الفاضل مصطفي عابدين.. استاذ عبد الغني ( استاذ الفنون, راعي جمعيه مسرح القديمه.. نحن ناس مسرحيه الشماسه.. و مسرحيه الحواله) ... استاذ/بخاري( رياضيات) ... استاذ/ خدر( فرنسي, راعي جمعيه المسرح) ... ولله يا جماعه ناس الثانوي كتار..عشان كده نقيف يعني ديل للحصر بس.. بالمناسبه نحن دفعه رنق كورنيليو الكان كابتن الفريق القومي للكره الطائره في ذلك الوقت برغم صغر سنه.. صديقي اللدود, فيا ناس امريكا انا الزول ده فقدت اخبارو من ما طلعت من السودان .. هو مشي الهند للدراسه الجامعيه وانا جيت المانيا و من ديك و عيك.. لكن انا سمعت انو مشي من الهند لي امريكا.. فياريت لو في زول عارف خبرو و مكانو .. و من الاجمل لو في واحد بيعرفو و عنده نمره تلفونه...
الاخ احمد عمار... هل تقصد مركز صحي اللاماب الفي السوق ام " الغرفه الصحيه" الكانت بين مدرسه بري اللاماب الابتدائيه بنين وبنات ؟
ليكم كل التحيه يا ناس البراري..
غازي
|
Post: #123
Title: Re: بـُــري
Author: احمد العمار
Date: 06-11-2008, 04:01 PM
Parent: #122
| Quote: الاخ احمد عمار... هل تقصد مركز صحي اللاماب الفي السوق ام " الغرفه الصحيه" الكانت بين مدرسه بري اللاماب الابتدائيه بنين وبنات ؟ |
الاخ / غازى المركز الصحى الذى اقصده هو الذى توجد امامه الشجرة الشهيرة ( شجرة عم خيرالله ) رحمه الله التى كان يبيع تحتها البرسيم وبعد اغلاق المركز الصحى تم تحويل المبنى الى محكمة .
أحمد العمار
|
Post: #124
Title: Re: بـُــري
Author: Mohamed Yassin Khalifa
Date: 06-12-2008, 05:27 AM
Parent: #123
غازي كدودة:
شكرا ليك لارجاعنا لبري الشريف.. أنا درست في روضة الأستاذة الفاضلة إنعام مدثر... وأنا بتكلم عن زكريات ليها أربعين سنة.. وباطلب من أول واحد منكم يشوف إنعام مدثر يهديها ""بوووووسة"" مني... فأنا والحمد لله ربوني أمين... خديجة الزبير وإنعام مدثر.. اللي كان ليها علي فضل كبير... فلقد علمتنا القراءة والكتابة.. والحساب واللغة الأنجليزية البناكل منها عيشنا الآن...
وأتزكر إنها إقترحت علي أهلي إدخالي المدرسة في عمر صغير وما تامي (6) وأتزكر فرحتها لامن قلت ليها أنو اليوم اخر يوم لي في الروضة علشان بكرة ماشي مدرسة الدرايسة الأبتدائية.. فرحت وأعلنت الخبر للأولاد والبنات.. ولما جيت الروضة بعد يومين لانو قالو ليا إنت عمرك صغيير... زعلت أكتر مني وكلمت الناظر عمر الهادي بنفسها وقالت ليهو بالحرف الواحد "دا عمرو صغير لكن عقله كبير" ودا كلام ما بنساهو طول عمري... وكان سبب دخولي مدرسة بري المحس الإبتدائية
وأتزكر في اليوم التاني إني مشيت لمدرسة بري المحس الأبتدائية في عربية الخال د. عمر عبدالقادر حمد (كتور) مدرب بري - ولوصية الوالدة - مامشى شغله لغاية ما إتأكد إني داخل الفصل...
في داك اليوم التاريخي دخلت في معركة مع أولاد بري المحس - لأني جاي من بري الدرايسة - كانو عاوزين يحقروا بيا... لكني قمت باللازم معاهم لدرجة إنو منير ويذيد عمر الأقرع طلبوا من أخوهم الكبير حسان ياخد ليهم حقهم مني.. وطبعا هو جاء واخد حقه مني وماحلاهو مني إلا أستاذ محجوب المع...
أستاذ محجوب قرر إنو ما يعاقبنا.. بس طلب مننا نكون أصحاب وبدل ما نتشاكل ندافع عن بعض وننسى حكاية من وين دي... دي كانت بداية صداقة متينة جمعتني بمنير ويذيد وحسان... لدرجة إني سميت ولد خالتي التاني يذيد.. هي كان عندها الأول منير ووعدت لو جاء تالت تسميهو حسان
|
Post: #125
Title: Re: بـُــري
Author: رأفت ميلاد
Date: 06-12-2008, 09:10 AM
Parent: #124
صباح الخير يا أهل برى .. ويا ود حلتنا أساسى
متابع بمزاج وكالعادة ناس برى طعم مميز ..
سكنت إمتداد ناصر بعمر بنى آدم .. رغم حضورنا فى ريعان الشباب إنصهرنا فى المجتمع بالميلاد ..
وإمتداد ناصر هى إمتداد البرارى .. ورغم تسييس الإسم لا تزال شهادات البحث للمنازل .. بإسم البرارى .. والذى يسكن إمتداد ناصر يتمدد الى كل البرارى ..
فى بداية البوست لفت نظرى تعليقات المداعبة .. بوصف برى بأنها خارج العاصمة .. ودى حقيقة بدون جدال .. عند دخولك برى تكون إنفصلت تمامآ عن العاصمة .. مدينة أخرى بطعم القرية .. وبرى لا أعتقد يعرفها إلا من يسكن فيها .. وزمن طويل .. يعنى فواتير دكين حوامة شوارع ساكت ..
حكيت من قبل عن الديم وسهولة الإنصهار .. ومنح الكارت الأخضر .. وحزمهم عند الإنفلات .. أما أهل برى حازمون منذ البداية .. الدخول فى عالمهم ليس من السهولة فى شيئ .. رغم طابع البساطة وسلاسة الكلام فى تعاملهم .. لا تفهمهم بسهولة .. يمكن أن تكون "مسطح" وسطهم فى حوار تعتقد إنه سازج .. هم لماحين وساخرين .. بلغة يفهمونها وحدهم ..
بعد الدخول بينهم .. يقتحون لك أحضانهم وترى فيهم شعب آخر ..
قبل فترة قصيرة إستقبلنا شاب جديد هنا بوصاية من بعض الأصدقاء .. كان معى بالمنزل صديق من بري "كوريا" .. بالتحقيق المعتاد .. "من وين فى السودان الى آخره" .. طلع الولد من كوريا .. فإستلمه صديقى .. وبدلآ من يعرف الشاب نفسه .. بدأ صديقى فى توصيف منزل الشاب .. وعمك الحكم وخالك .. وعماتك و كمية من القصص الطريفة والشكل والعكات وووو .. والشاب صامت الذى إتضح إنه غادر برى فى مرحلة الإبتدائى الى الأمارات .. ومنها الى أمريكا وأتى سويسرا بعقد عمل .. إتخزل صديقى وقال له "دورك ميت .. كان لقينا أبوك كان أحسن لينا"
هكذا برى عائلة واحدة
تحياتى
|
Post: #126
Title: Re: بـُــري
Author: ماضي ابو العزائم
Date: 06-12-2008, 10:53 AM
Parent: #125
رأفت ميلاد لك التحية
فى الحقيقة توقعت ظهورك قبل كده
و بالمناسبه جاتنى رساله من شخص عزيز و عرفت منو ان محمد الشيخ ارباب حاول التسجيل فى المنبر لكن ما توفق و بعد مساهمتى دى حاعمل بوست بالخصوص ده و الما عرف محمد الشيخ هو من اهل برى المحس و ناشط اجتماعى و بيتم الآن فى ناصر و ارجو التزكية منكم كلكم يا اهل البرارى
|
Post: #127
Title: Re: بـُــري
Author: somia gassim
Date: 06-13-2008, 00:26 AM
Parent: #126
الفنانه اسيا ربيع كانت من سكان بري
والفنانه مريم محمد الطيب
والفنان عبد المجيد حسن وكان دفعة الاخ الفنان المحامي احمدموسي ودفعتي
وفي بري ناس حسن كامل الاحمدي
وناس صالح عابدين واخيرا ماض ابو العزائم ازيك ززمن طويل اتذكرتني ??
|
Post: #129
Title: Re: بـُــري
Author: احمد العمار
Date: 06-13-2008, 06:18 PM
Parent: #127
http://buriallamab.com/
هذا رابط منتدى برى اللاماب
فيه توثيق مفيد جدا لهذا البوست
الشكر الجزيل للاخ / عبدالرحمن حمدالنيل
أحمد العمار
|
Post: #130
Title: Re: بـُــري
Author: خالد العبيد
Date: 06-13-2008, 11:26 PM
Parent: #1
| Quote: أنا درست في روضة الأستاذة الفاضلة إنعام مدثر... وأنا بتكلم عن زكريات ليها أربعين سنة.. وباطلب من أول واحد منكم يشوف إنعام مدثر يهديها ""بوووووسة"" مني... فأنا والحمد لله ربوني أمين... خديجة الزبير وإنعام مدثر.. اللي كان ليها علي فضل كبير... فلقد علمتنا القراءة والكتابة.. والحساب واللغة الأنجليزية البناكل منها عيشنا الآن... |
يعني اسماء العبيد شقيقتي درستك؟
فقد كانت تدرس في روضة انعام تلك الفترة
وهنالك التقت شقيقتي بسليمان مدثر شقيق انعام وتزوجا وانجبا البنين والبنات
انعام بخير ، وان كنت تقصد امين عالم زوج انعام فقد توفى لرحمة الله
ساحاول ان اتي لك بتلفون انعام
شكرا
صديقي اساسي
تحياتي
كلامك في حق الاستاد كمال الدقنة حار ياخ ما بتبلع
زاملته مدرسا في نفس الفترة
كنت انا مدرس ابتدائي وهو كان في بري الاميرية
مسالة الحساب والعقاب في المدارس السودانية عامة يجب الوقوف عندها في بوست منفصل
ولم تكن ميزة سيئة تميز بها كمال الدقنا دون سواه
انا شخصيا لا ادكر بانني رفعت سوط على تلامدتي او اولادي في البيت
لن اقول عفا الله عما سلف لما كان يحدث لكثير من التلاميد من قبل بعض الاساتدة
فقد كانت هنالك مسالخ للطلاب داخل المدارس باسم التربية القبل التعليم
والمجتمع ساهم في دلك ختى كنا نسمع " ليكم اللحم ولينا الضم"
على اي حال هنالك الكثير من الاساتدة اشتهرو بهدا المسلك القبيح في العقاب
لا اريد ان اغير مسار البوست
واقترح فتح بوست لهد الموضوع الهام
أسف لكتابة حرف الـ د دون نقطة لمشكلة في الكيبورد
لك وللاستاد دقنا تحياتي
العزيز ماضي
كنت متاكد بان مساهماتك ستكون سمينة
فقدت تلفونك بعد رحيلي لمدينة اخرى
هل يمكن ان ترسله لي مرة اخرى
فاجاني العزيز عصمت يوما ما بمكالمةاسعدتني
هنالك الكثير ال>ي يجب ان يوثق عن بعض شخصيات بري
العم شين : لو كان واحد عندو اتصال او تلفون بي امينة او عامر " دفعتي" او جنابو يديني ليه
العم امان
على سبيل المثال
هنالك فنان شعبي في بري اللاماب شقيق اختي حاجة العمل " والدلبع" لاعب بري
هدا الفنان يغني من ان كنا صغارا حتى الان ما اسمه؟
هنالك درويش مجدوب لا اعرف ان كان من اهل بري ولكن كان ياتي الى منزلنافي بير اللاماب اسمه "فرح دل"
يحمل ابريق ومسبحة وكثيف الشعر يقال ان له كثير من الحوارق
بالاضافة الى شخصيات كنا نحسبها اسطورية مثل عصابة الكضمي ، وعصابة الساحر
اضافة الى الظرفاء امثال "عبدالوهاب شخصية" بتاع الجير ، والدحمة
ومهلة ودريج من يدكرهم يا ناس بري اللاماب؟
وحاجة الصبر ومصرية" ديل كانو ببيعو لينا الفطور في المرحلة الابتدائية
ومصرية دي كان عندها ولد بيدرس معانا اسمو مجدي
وبرجع
|
Post: #131
Title: Re: بـُــري
Author: Mohamed Yassin Khalifa
Date: 06-14-2008, 02:55 AM
Parent: #130
الأستاذ خالد العبيد:
في الأول أظنك بتقصد حبوبتنا الشول بت الصبر - الله يرحمها... وأضيف لكلامك ده السيدة الفاضلة أمهاني العلامة المحفورة ببري الأميرية
والله ريحت قلبي وطمنتني على الغالية أمنا إنعام مدثر...وألمتني وفاة العم أمين عالم.. بالله عليك التلفون على الماسنجر بأسرع فرصة
وطبعا أم المفاجأت هي ذكرك للمعلمة الفاضلة وأمنا الصغيرة أسماء... وهي العلمتنا الحساب وكانت لينا الأخت قبل الأم.. وعرفت بزواجها بسليمان مدثر وأنشاء الله ربك رب الخير يحفظم هم وأولادهم وبناتهم .. وياريت تذكر أسمي أمامها وأعتقد - واتمنى - إنها تتزكني.. بس أكيد حاتتزكر اليوم القضتو معا في حوادث العظام لما إتكسرت أيادينا في بورمل الروضة...
|
Post: #132
Title: Re: بـُــري
Author: احمد العمار
Date: 06-14-2008, 07:59 AM
Parent: #131
الاخ خالد العبيد
Quote: هنالك فنان شعبي في بري اللاماب شقيق اختي حاجة العمل " والدلبع" لاعب بري
هدا الفنان يغني من ان كنا صغارا حتى الان ما اسمه؟ |
الفنان هو حسون الله جابو
| Quote: ومهلة ودريج من يدكرهم يا ناس بري اللاماب؟ |
دريج ومهلة الله يرحمهم طبعا هم ازواج وكان بيتهم اقرب بيت لمدرسة برى الابتدائية بنين من الجهة الشرقية وهو بيت مفصول ( وحيد ) وما كان عندهم ابناء
Quote: وحاجة الصبر ومصرية" ديل كانو ببيعو لينا الفطور في المرحلة الابتدائية
ومصرية دي كان عندها ولد بيدرس معانا اسمو مجدي
|
حاجة مصرية الله يرحمها كانت جارتنا فى مربع ( 1 ) قبل ان يرحلوا مربع ( 5 ) وكنا نشترى منها الداندرمة فى البيت ايضا، الله يرحمها
والله يا خالد التفاصيل الجميلة والذكريات كثيرة جدا لكن ضييق الوقت يجعلنى اختصر .
لك التحية يا خالد ولاهل برى من على البعد
أحمد العمار
|
Post: #133
Title: Re: بـُــري
Author: ماضي ابو العزائم
Date: 06-14-2008, 10:02 AM
Parent: #132
وصلتنى رسالة على ميلى الخاص من الاخAbdu Hamdelneel
وانقلها كماهى الامانه
Quote:
he photo of the best hagiba singer in albarary hasoon alhajabu en dont forget the jazz albrary in the 70
dont forget
1-aldibshik (bury-wadyalnil-alfarig algawmy)
2-hashim alumda (alnil alkhartoum)
3-saif dagash(almerikh omdurman)
4- izadeen kely (almawrada)
5-aldulbu3
|
Post: #134
Title: Re: بـُــري
Author: ماضي ابو العزائم
Date: 06-14-2008, 10:11 AM
Parent: #133
حسون(عن الميل السابق)
|
Post: #135
Title: Re: بـُــري
Author: ماضي ابو العزائم
Date: 06-14-2008, 10:18 AM
Parent: #134
| Quote: واخيرا ماض ابو العزائم ازيك ززمن طويل اتذكرتني ?? |
سمية ( الكورال) إزيك مصير الحى إلاقى
|
Post: #136
Title: Re: بـُــري
Author: خالد العبيد
Date: 06-14-2008, 12:23 PM
Parent: #1
يا سلام يا اولاد بري
الماتش سخن!
محمد ياسين
تحياتي
امكم الصغيرة اسماء العبيد هسه حبوبة ياخ
اولادها سامي واسلام بريحو!!
وكمان علمتك الحساب اكيد بتعرف تحسب كويس!
تتذكرك دي ما اظن لكن نحاول
اجمل ما في كلامك كلمة البورمل!
البورمل ده كان فلوكسواجن !
العزيز ودعمار
تحياتي
نعم انه حسون ذو الصوت القوي الرخيم والجميل
مهلة ودريج بتذكر بيتهم طشاش طشاش الوكت داك كنا صغار
لكن اذكر تماما انه كان بيت جوار المدرسة
ترى لمن ألت ملكية بيت دريج ومهلة
وهل تم تعويض لحقهم
مظاليم والله
في ايميل عبده حمدالنيل واظنه من ناس اللاماب
اعرف كل الاسماء تقريبا
سيف دقاش ده كان احرف لاعب كرة
يحاورك ويعقدك في فنجان!
لا يضاهيه الا كمال عبدالوهاب والطاهر حسيب
|
Post: #137
Title: Re: بـُــري
Author: awadharoun
Date: 06-14-2008, 02:44 PM
Parent: #1
سلام يااولاد بري
متابع معاكم , وكان ربنا قدرنا بندلو بدلونا معاكم
مواليد بري المحس والسكن امتداد ناصر محطة تمانية , جنبكم يااساسي ياود الباطنية
عوض حسن هارون
|
Post: #138
Title: Re: بـُــري
Author: احمد العمار
Date: 06-14-2008, 03:46 PM
Parent: #137
الاخ ماضى ابوالعزائم
الايميل المرسل لك هو من الاخ العزيز / عبدالرحمن حمد النيل وهو من ابناء برى اللاماب مقيم بهولندا
ويوضح فيه بعض اللاعبيين المشهورين من ابناء برى اللاماب وبالتأكيد تعرف معظهم اذا لم يكونوا كلهم وهم :
1/ عبده الدبشك - لعب بفريق برى و وادى النيل و الفريق القومى اسمه الحقيقى ( عبدالحكم عبدالسخى )
2/ هاشم العمدة - لعب بفريق النيل العاصمى
3/ سيف دقاش - لعب بفريق المريخ العاصمى
4/ عزالدين كلى - لعب بفريق الموردة العاصمى واسمه الحقيقى ( عزالدين عوض )
5/ محمد الدلبع - لعب بفريق برى واسمه الحقيقى ( محمد عبدالفراج )
وهناك الاخ :
6/ كولا - لعب بفريق برى واسمه الحقيقى ( متوكل عيسى )
والصورة المرفقة هى للفنان / حسون الله جابو الذى سأل عنه الاخ / خالد العبيد
أحمد العمار
|
Post: #139
Title: Re: بـُــري
Author: محمد أبوالعزائم أبوالريش
Date: 06-15-2008, 05:55 AM
Parent: #1
| Quote: 5/ محمد الدبلع - لعب بفريق برى واسمه الحقيقى ( محمد عبدالفراج ) |
رغم عدم معرفتي ومتابتعي للكورة، إلا إنو (الدلبع) كان دفعتنا في بُرّي الأميرية، وكان برضو عبدالوهاب سورين في الدفعة القدّامنا. وكان في لاعب قمة في الهدوء والتهذيب (والحرفنة)، ما عارف ليه ما سمعت عنو بعدها في الكورة، وإسمو (سيف الدين)
سمية قسم ..... إتذكرتي ماضي، وما إتذكرتي الكان بينفخ الساكسفون لما كضومو إتورّمت؟ كورال بري، وكورال كلية الإقتصاد، وجماعة الصادق شيخ الدين والبقية .......... لأ .... كده حنخرّم من موضوع البوست.
|
Post: #140
Title: Re: بـُــري
Author: خالد العبيد
Date: 06-15-2008, 08:21 AM
Parent: #1
محمد ابوالعزائم
تحياتي
سيف الدين الذي تقصده هو سيف دقاش
وهو شخص كما ذكرت انت في منتهى التهذيب
زول نسمة من النوع البنقول عليه تختو في الجرح يبرا
وبرغم انو لاعب موهوب لكن في تقديري كان النوع المابيحب الكورة!!
ذي في ناس صوتهم جميل لكنهم لا يحبون الغناء!
سيف درس القانون واصبح محامي لو ذاكرتي ما خرفت
تصدق يا محمد رغم كل الذكريات عن بري اللاماب انا رحلت منها وعمري ثمانية سنوات فقط
طيب يا محمد وماضي
هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم
ممكن بعض الحكي عنها لو كانت في علاقة
وبسأل عن ناصر البداني صديقي ودفعتي
تلفون ليه لو ممكن
طبعا قابلت مختار في بري المحس لمن مشيت السودان قبل سنة
واتشقيت بكا في امي خدرة
ولا زلت ابكيها حاجة خدرة دي جبل محنة وليها علي فضائل ما بتتنسي
كن بخير يا محمد
|
Post: #166
Title: Re: بـُــري
Author: adam alamar
Date: 06-16-2008, 12:40 PM
Parent: #140
الاخ خالد العبيد سلامي
طبعا الاخ سيف دقاش رجل مهذب و محترم جدا
تشرفت ان لعبت معه في فريق واحد برابطة بري اللاماب في فريق اسمه مانشستر
و الله كان فريق في قوة اي فريق في درجة اولي لان له لعيبة من العيار الثقيل اذكر منهم
سيف دقاش / محمد ادم الحريف ايضا و المهاجم الخطير
و عمر محجوب و كان هداف من الدرجة الاولي و الجناح خضر ما ا>كر اسم ابيه
و محجوب ابو صلعة و يوسف ابودقن و موسي محمد بشارة و مبشر عبدالرحيم منقة
و عوض ابودنه و عوض برضو ما اذكر اسم ابيه و حمد الدلبع الكبير و عمر الدلبع الصغير
و ماجد الله جابو و المرحوم عماد احمد البدراوي و محمد فضل تينقو و الله
كان لما الجمهور يجي بلقونا غالبين 2 صفر
ناس كانت بتلعب الكورة من اجل المتعة و الفرح و المرح اي واحد عنده نظرية بطبقها فيك
و روح منتهي المرح و الفرح
و لنا عودة
|
Post: #141
Title: Re: بـُــري
Author: محمد أبوالعزائم أبوالريش
Date: 06-15-2008, 08:46 AM
Parent: #1
| Quote: هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم |
ود العبيد ....
(مكتبة النهضة) ... هو الأسم الصحيح للمكتبة التي تتكلم عنها، وهي كانت ملك لعمنا (شقيق الوالد) رحمهما الله محمّد عبّاس أبوالريش، وهو العم الذي سمّاني الوالد تيمّناً به، لذلك أحمل وسط الأهل الإسمين (محمّد وأبوالريش). أسس العم محمد عباس أبوالريش مكتبة النهضة، ومجلّة النهضة التي كانت تصدر في عشرينات وثلاثينات القرن الماضي، وكان يكتب فيها كتّاب فطاحلة أزعجوا سلطات الإحتلال البريطاني بكتاباتهم، مما جعل المجلة باستمرار تحت المجهر الإنجليزي. لم يدم الأمر طويلاً، وكانت نهاية المجلّة بوفاة صاحبها الذي رحل عن الدنيا صغيراً.
إستمرّت مكتبة النهضة بعد وفاة صاحبها، وبدعم من إخوته (الوالد وأخوانه)، واستمرت حتى عهد قريب، حيث أتتها رياح التغيير، وهي كانت في المحل ضمن أوقاف الجامع الكبير بالسوق، وقام مكان البناية التي كانت تضمها سوق الصاغة الحالي.
ياااااه يا خالد ........ أثرت أوجاع.
|
Post: #142
Title: Re: بـُــري
Author: محمد أبوالعزائم أبوالريش
Date: 06-15-2008, 08:55 AM
Parent: #1
| Quote: وبسأل عن ناصر البداني صديقي ودفعتي |
(ناصر حسن البداني) حسب المعلومة العندي حالياً في أمريكا، بس ما متأكد
|
Post: #143
Title: Re: بـُــري
Author: ماضي ابو العزائم
Date: 06-15-2008, 10:48 AM
Parent: #142
| Quote: هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم |
إضافة صغيره على كلام ابو الريش:-
المكان الاول ل(مكتبة النهضة السودانية) هو جوار قهوة الزيبق و قرب حلويات حمتو(بتاع الداندرمه الشهير)ثم انتقلت فى اواخر الستينات للناصية المقابلة اولاد ملاح؛المكتبة و قهوة الزيبق كانو ملتقى المثقفين بالخرطوم فى ازمان سابقةبابلاضافه لنادى العمال و نادى الخريجين و أتنى و ميدان الامم المتحده(السوق الافرنجى).
طبعا ده كلام طلاسم بالنسبه للاجيال الجديده - محمد عباس ابوالريش متزوج بت حسن التوم ود الفكى الضو السابق ذكره فى قصة دخول ود الهندى للبرارى.
|
Post: #144
Title: Re: بـُــري
Author: ماضي ابو العزائم
Date: 06-15-2008, 10:57 AM
Parent: #143
الاخ احمد عمار كتب
Quote: الاخ ماضى ابوالعزائم
الايميل المرسل لك هو من الاخ العزيز / عبدالرحمن حمد النيل وهو من ابناء برى اللاماب مقيم بهولندا |
مشكور للاضافة لانو ما عرفت الميل من منوز
حاولت انزلو كما هو للامانة و حفاظا على حقه فى المشاركة
|
Post: #145
Title: Re: بـُــري
Author: ماضي ابو العزائم
Date: 06-15-2008, 11:09 AM
Parent: #144
وصلنى الآن الميل الاتت نصه
Quote: الأخ / ماضي
لقد سعدت ايما سعادة بوجود مثل هذا البوست والمخصص للبراري وأهل البراري العظيمين..وكان بودي ان اشارك لولا عدم تمكني من الدخول الى هذا البورد برغم من وصول كلمة السر الخاصة بالأشتراك قبل سنين مضت، الا انني لم اوفق حتى الأن من الدخول بالرغم من مراسلاتي الدائمة للأخ / بكري ابوبكر بهذا الخصوص.
مدينة البراري..هي عريقة بعراقة السودان..أهلها مواقفها..تاريخها..حاضرها..قد لاتكون اخذت نصيبها لتعريف بها كمثل بقية مدن وأحياء الخرطوم بالرغم من عراقتها
بالنسبة لي قضيت معظم سنوات حياتي خارج السودان..الا اننا كنا نحافظ على تواجدنا سنوياً لقضاء الأجازة في ربوع بري..وانا أقراء هذه المداخلات ترامت الى عيني شريط سينمائي طويل ملئ بالذكريات الجميلة والمفعمة بكل معاني الحياة على سجيتها وطيبتها وحنانها...سيأتي الوقت لسردها كاملةً غير ناقصة
بري الاماب تعني لي الكثير..ولادتي وجزء من طفولتي..بري الاماب..شجرة النص (مقابل منزل مبارك آمان) ومااحلى تلك الرحلات التي كنا صغاراًَ ناتي بالترتارات (اللستك القديم) وتلك العربات التي نصنعها من بقايا علب الفورموست وكفراتها من بقايا السفنجات وكل فينا يأتي بما استطاع الية سبيلاً من منزلة، بري الاماب وشجرة خير الله وبتاع التبش والشطة، بري الاماب وجناين بري البدراوي وحاج سليمان وابو العلا والعشاري والشريف، وتلك الذكريات مع عمنا عبدالله صعوط حينما ترسلنا حبوباتنا لجلب الليمون والطماطم، وكنا ناخذ ماتيسر لنا من جوافة ومنجا..وكان شرطة ان تدخلوها بسلام تلك الجنائن وان تجلبوا الليمون والطماطم وتأكلو مالذ لكم من المنجا والجوافة ويحرم عليكم ان تحملوها خارج الجنينة..وياما اندقينا وسكوونا...بري الاماب والمسحراتي في رمضان..كنا نحوم كل مربعات بري من واحد واتنين مروراً بي مربع تلاتة واربعة حاملين تلك الباقة وتلك الأهازيج حتى موعد صلاة الصبح.
بري الاماب...والنادي الثقافي...بري الاماب ونادي وادي النيل..بري الاماب والرابطة وناس فريق النهضة (بابكر الساحر، مضوي، عامر قيرا، بكري همزة، عبدالرحمن حمدالنيل) ودة كان فريقي المفضل، ونجي لي ناس فريق الجزائر وقلب الأسد...بري الاماب وأسرها العريقة...ناس العمدة حسين أحمد فرح..ناس الشريف الهندي....ناس البدراوي ..ناس حاج سليمان...ناس حاج عبدالرحمن الأمين..ناس ابراهيم الشكيري...ناس سليمان العركي...ناس عابدين...ناس مصطفى الصادق...ناس مبارك امان...ناس تمساح...ناس الخليفة...ناس احمد عالم...
هنالك الكثير من الذكريات...عن بري الاماب..والمحس وجزر اربعة...وبهناك الدرايسة وابوحشيش..والأميرية بري..وبمناسبة الأميرية اتذكر جينا اجازة السودان والوالدة اصرت انو لازم استفيد من اجازتي والتحق بالأميرية اثناء فترة الأجازة..كانت فكرة جميلة ومغرية الوقت داك بدوني عدد واحد جنية ايام الجنية ليهو قيمة...نصة بكملوا في النبق وحلاوة شعيرية ...عليكم امان الله كلها بس اسبوع لم فينا استاذ كمال الدقنة ماعارف ليه وعشان شنو وهاك يافروع النيم قطعه لينا في حنان اهلنا..اتذكر اليوم ديك جيت راجع البيت وحلفت يمين لي ناس الوالدة انو تاني ماماشي..ودة الحصل..على الأقل انا كان عندي الخيار نظام بقراء مستمع وكدة اما باقي اخواني واصلوا كفاحهم مع سيطان النيم
ساعود حتماً لهذة الدوحة التي بالفعل حركة فينا الكثير من ذكريات مضت ومازال اثرها باقياً فينا..زخماً ورونقاً وحنان
Munzir M. AlNeel
|
اخى منذر
ارسل كل مساهماتك لهذا عبر ميلى و ساقوم بنشرها الى ان يحل لك سيد الحوش المشكله
|
Post: #146
Title: Re: بـُــري
Author: ماضي ابو العزائم
Date: 06-15-2008, 11:12 AM
Parent: #145
و كمان محمد يوسف الحلو من هولندا اخ عثمان يوسف الحلو صديق الصبا(برى الاماب)
|
Post: #147
Title: Re: بـُــري
Author: اساسي
Date: 06-15-2008, 11:16 AM
Parent: #146
يا سلام عليكم يا اولاد حلتنا , نجضتو الشغل تمام , وكفيتو العين بي جيتكم وتداعي ذكرياتكم اللذيذ ,
متابعكم يا حلوين وجايكم
اكتبوا عن الذكريات هناك الكثير من التفاصيل التي اتمني ان تتم كتابتها باقلام شاهدي عصرها
هذا من البوستات التي احمد الله ان وفقني لفكرتها ومتابعة الجهابزة فيما يكتبون
واصلوا يا شباب
|
Post: #148
Title: Re: بـُــري
Author: ماضي ابو العزائم
Date: 06-15-2008, 11:19 AM
Parent: #146
كمان ميل من الاخ امين يوسف
Quote: الاستاذ ماضى ابو العزايم
السلام عليكم ورحمه الله وبركاته
الحقيقة انا احد المتابعين لسودانيز اون لاين ولكنى مثل الكثيرين لا استطيع التسجيل فيه دون واسطة كاى شئ اخر فى السودان مع انه وطن من لا وطن له كما يقول ود الحلفاية بكرى ابوبكر لكن الظاهر ان الواحد لازم يشوف ليه كفيل
ماعلينا انا متابع لبوست اساسى عن برى وبرى تعنى لى الكثير برى تعنى لى روضه مربع 6 المقابر والخرطوم العربية العالمية فى قاردن ستى ومدرسة استاذى مصطفى عابدين قبل ان انتقل الى مدرسة الكويت الثانوية فى امتداد ناصر حيث الحب الاول والتى صارت خطيبتى الامر الذى جعلنى اعشق ناصر حتى الثمالة
انا استاذى الفاضل من سكان برى مربع 5 قبل ان ننتقل الى مربع 8 حيث لا يفصلنا عن ابو حشيش الا شارع ال60
فى مربع 5 جاورت مامون مبارك امان واللجنة الشعبية لكننا ارتحلنا قبل افتتاح مركز صحى الشهيد مزمل
عزيزى اسمح لى بتصحيح لمعلومة عن الشريف الهندى
الشريف الهندى اعتقله الانجليز وذلك لانه كان من المقاومين الكبار لهم خصوصا ان كلمته مسموعة ولان الانجليز يعرفون هذا فقد اخرجوه من المعتقل شريطة ان لا يقيم بالجزيرة فذهب الى برى المحس وحدث ماحكيته انت من العمدة وبالمناسبه الشريف يوسف مامن ودالهندى واصلا لاعلاقة لاسرة الشريف بود الهندى ولا يربطهم بها سوى الود والاحباب والمريدين
وبالمناسبة الاراضى من معرض الخرطوم الى محطة برى الحرارية _الجزء يمين شارع الظلط وانت طالع من برى الشريف_ملك للشريف لكنه وهبها الحكومات كما اهدى داره فى امدرمان لكي تصبح دار الخريجين الحالية
اسماء لصقت فى ذاكرتى من بري
الشهيد الشريف حسين الهندى
الشريف زين العابدين الهندى
الشريف حسن الهندى
مامون ميارك امان
محجوب سليم
المرحوم عوض جولط
فاطمة احمد ابراهيم
- الدكتور مامون ستادة وزير الحارجية السابق عضز الحزب الاتحادى
- الحاج محمد مراد
- بروفسير قندور(ابراهيم تقريبا)
-اللواء معاش الخير عبد الجليل المشرف
المرحوم محجوب محمد على
آل العمدة ومخبزهم الشهير قبل ما يلقو فيه البروميد ويتشمع
بعض آل المشرف
بعض آل الشكيرى
آل بحيرى
ولسة فى كتار بس انا ساتوقف هنا لان هناك ذلك الالم اللذيذ حينما يعود المرء بذاكرته الى الوراء وينبش اجمل الذكريات وهل هناك ذكريات اجمل من ذكريات برى
واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة
اشكرك استاذى وارجو ان تنشر هذه الرسالة فى الموقع لاننى لن اشعر براحة ان لم اشارك فى هذا البوست التاريخى لانه يتحدث عن برى حيث نشاءنا وترعرعنا وتفتحت اعيننا على الحياة وانها مدعاة فخرنا والله وهى وطننا داخل وطننا
شكرا مجددا استاذى
قرصة
بالله يا اخواننا احكوا لينا عن ناصر الجميلة من مربع 1 وللاخر
و اعتذر لكم عن المشاركة الجايطة
امين يوسف ودبرى |
|
Post: #149
Title: Re: بـُــري
Author: عبدالغني كرم الله بشير
Date: 06-15-2008, 11:50 AM
Parent: #148
أساسي سلام..
سلام اهل بري..
برضو عندنا ذكريات..
ويا ابو العزائم ياخي بارك الله فيك، والله ذكرتني ذلك النص الذي كتب قبل سنوات،ولأن النت بارك الله فيه ايضا، يحق ان يوصف بانه لا يضل ولا ينسى، بحثت عنه النص ووجدته، وهو كالآتي:
Quote: أبوعرب ده ياربي فاتح علي استاد بري ؟؟
بس فاتح على استاد بري (الوهمي)، والذي علت كشافته الخشبية، ثم هوت (كأشياء أخرى هوت في هذا الظلام النفسي الدامس)، هناك في تلكم الكورنة الجميلة لناصر، الكرونة الشمالية الغربية، محل بنجر ابوعرب، بيت ناس حبيب وإبراهيم، طبعا برضو سيد كرم الله وبيت ناس بخيت الفضل وصالحة ومحمد خلف الله الشايقي، وعمك المرحوم من ناس القراصة، صاحب اللواري الكتار، الزد واي، ، لنا ذكريات، يتفح بيت أخي الأكبر على تلك الفسحة الشديدة الثراء، ففيها يتم كرنفال فطري يومي، يتجالس الجنوبيون بطولهم المحبب، وشكلهم الأحب، وهم عائدين من نادي بري، أو مدرسة قرنفلي، وتتحرك الفتيات منن على البعد، (كم هو لين جسد الجنوبية، وكأنه مسقى بندى)، وأهمس في خاطري (هل اخترقتها كلمات غزل من الفتى الملاصق لها كشق التمرة)، أم داهمتمها انين المشردين، النائمون كالموتى داخل الخيران، في تلكم الفسحة، لعبنا الكرة، وسجلنا أهداف رائعة على مرمى مكون من حجارة وملابسنا البسيطة الساذجة، لا يكدر صفونا سوى تسابقنا لمعرفة (نوع الطائرة الهابطة السعيدة)، والأخرى ا لمقلعة التعيسة (أرضي ووطني جنة)وفي المساء، تتخذ الفسحة التي تفصل بري المحس عن ناصر، شكل مخيف نسبيا، لنساء الحي، ورجاله كمان، وومتع، و(ستار)، لبعض أهل الحي والعابرووووون، والغاون، وأصحاب ال.. وال........
والآن تقلصت بيوت ناصر، لا بفعل الزمن (كعادته القديمة)، ولكن الجيران (أهل الصفاء)، تطاولوا حتى حرموا فتيات ناصر من النوم في الفسحة وتأمل سحر النجوم اليومي، وهكذا العلو، يجعل الإنسان (إله)، يتحكم في الأخرين، وتلصص على السقيان من عل، وهي تخرج من الملاءات....
فلنتجر الذكرى، ولنا عودة، بإذنه،،،،
|
والله يا ابو العزائم هذا الموضوع نسيته على الإطلاق، ولم اتذكره سوى في حديقة البدع يوم الخميس بالمساء، معاكم يعني..
الشوق والريد..
ياخي برضو بنحب بري، ولنا ذكريات، من ابو حشيش لكوشة الجبل، لنادي بري، للشريف، لميدان الرابطة محطة تمانية، وسبعة ونص..
|
Post: #150
Title: Re: بـُــري
Author: خالد العبيد
Date: 06-15-2008, 12:44 PM
Parent: #1
| Quote: المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة |
اعتقد ان المعلومة صحيحة
فقد كانت هنالك محكمة في بري اللاماب
وبالتحديد في بيت العمدة
بس ما متأكد
سمعت بالمعلومة سمع
في ناس من بري اللاماب عندهم معلومات وافرة
وناس اللاماب ديل عندهم موقع على النت
ممكن يرفدو البوست ده بالكثير
حيدر حسب الرسول الجاك
زول حكااااي
تعال بي هنا
وين انت؟
|
Post: #151
Title: Re: بـُــري
Author: محمد أبوالعزائم أبوالريش
Date: 06-15-2008, 01:03 PM
Parent: #1
ود العبيد ..
جاني اتصال قبل شوية من أحمد صديق في الإمارات، وبيقول ليك إنو ناصر البداني ترك أمريكا وحالياً موجود في السعودية. لو لميت في تلفونه حأباصيهو ليك.
في الكلام عن الأسر في البراري، لا يمكن المرور دون ذكر آل مضوي بابكر، وهي أسرة ممتدة بامتداد بري المحس وخارج بري المحس، والهاشماب هم فرع من هاشماب أمدرمان في الموردة (سامع يا تمبس؟)، وآل إسحق برضو فرع من آل إسحق في أبوروف، وآل أبوالريش في بري والخرطوم والقوز والفتيحاب.
دي مجرد نماذج للأسر في بري المحس.
|
Post: #152
Title: Re: بـُــري
Author: محمد أبوالعزائم أبوالريش
Date: 06-15-2008, 01:13 PM
Parent: #1
الأخ أساسي ..
شايف عمّك بكري أبوبكر أعلن موضوع الأرشفة .....
وبما إنو البوست ماشي مسخِّن، أرجو أن تطلب منو نقلو للربع الجديد.
|
Post: #153
Title: Re: بـُــري
Author: احمد العمار
Date: 06-15-2008, 03:50 PM
Parent: #152
| Quote: واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة |
الاخ / أمين يوسف ( راسل الايميل )
بخصوص المحكمة المذكورة :
* موقعها فى نفس مبنى المركز الصحى سابقا فى اخر محطة (الصينية) و غرب جامع الصينية مباشرة ومن ابرز المعالم حولها ( شجرة عم خيرالله ) الله يرحمه امامها مباشرة من الجهة الشمالية وكان اسمها ( محكمة الخرطوم شرق الجنائية ) او ( محكمة جنايات الخرطوم شرق ) ولكنها لم تستمر ونقلت من هذا المكان .
* شاهدت ايضا محكمة فى بيوت العمدة غرب مدارس برى اللاماب الابتدائية مباشرة وقد تكون هى نفس المحكمة ونقلت الى ذلك المبنى .
* الان هناك نقطة بسط الامن امام المبنى المذكور ، حتى الشجرة قطعت .
مع تحياتى
أحمد العمار
|
Post: #154
Title: Re: بـُــري
Author: adam alamar
Date: 06-15-2008, 04:55 PM
Parent: #153
السلام عليكم اهل بري ، كنت متابع البوست من يومه الاول و لكن
كنت منتظره يزخر بالمتداخيلن و المعلومات عشان ندخل الميدان و الكورة مسخنة
علاقتي بالبراري علاقة المولد و النشأة و الطفولة و الصبا
فقد عشت جل حياتي بل كلها في بري و ما فارقتها الا الي خارج السودان
فالحديث عن بري و اهلها ذو شجون و ذكريات لن تمحي من الذهن ابد الدهر
* نعم المحكمة كانت موجودة في السبعينبات ( طبعا نحن عواجيز )
كنا نطلع من المدرسة عشان نتفرج في الجلد حيث كان ينفذ الحكم بالجلد قدام الناس
* الفلل الرئاسية الان مقامه علي الجنينة المسكونه ما عارف كنا بنقول ليها المسكونه ليه
و هي بين جنينة ابو العلا و جنينة العشاري
* من لم يطهره العم محجوب عثمان في بري يكون ما مطهر ، عشان مافي غيره كان بطهر في الزمن داك ،
* درست الروضه في روضة ماما عزيزة عوض ثم لما كبرنا شوية انتقلنا لروضة ماما فاطمة في حلة قدام
دفعتي في بري اللاماب سيف الدين عباس ، بكري الشايقي ؛ احمد الشريف حسن ؛ عبدالرحمن الشريف ؛ مصطفي عبدالرحيم / كمال الشريف ( كنا بنسمية الضعيف ) و اظنه في لندن يوسف عبدالمعروف و محمد سعيد صالح و الطيب ابوجا و حاتم الدالي
و قد درسنا لفيف من الاساتذه الكبار امثال الناظر الامين يوسف و بابكر محمد يسين و عبدالقادر و استاذ عبيد
و للحديث بقية
|
Post: #155
Title: Re: بـُــري
Author: adam alamar
Date: 06-15-2008, 05:14 PM
Parent: #154
و حقيقة المرحلة المتوسطة كان لها طعم اخر في بري الاميرية
فقد كنا اول دفعة تدرس في الفصل المشيد حديثا وقتها في الجهة الجنوبيه ناحية نادي كوريا
و كانت اولي عثمان كانوا المدرسين بقولو ليها اولي تراب عشان الفصل ماكان فيه بلاط قايتو جنس غبار كنا بنرش الفصل مرتين في اليوم خصوصا انه كان في الفصل شفع كتير
حتي لو اعمارهم كبيرة لكن كان جنس لعب و شقاوة ما حصلت في الاميرية اطلاقا خصوصا ، الاخوان عبدالمنعم حسن من اللاماب و اسامه عثمان الشريف من ناصر و من الدرايسة ازهري الامين و ياسر حسن يوسف و الوليد مصطفي المهل و ناس كمال فضل و عثمان فضل و عاصم محمود و ياسر وداعة و من ابو حشيش ناس نجم الدين عبدالكريم و الفاتح يونس و عاطف الزاكي و من الدرايسة ايضا جمعة و داعة و ناس المحس بدوي احمد النعيم و يزيد عمر الاقرع و عمر ابراهيم و احمد ميرغني و كان معنا ايضا عباس ركس , طبعا عباس ركس و جمعة و داعة كانوا في فريق المدرسه و اظنهم لعبوا في بري الكبير , و لن انسي الاخ ماجد دياب فقد كنا انا و هو قد اشتركنا في الدورة المدرسية باسكتش جميل جدا اسمه ( عبدالتواب فرج الله مرفوع للقوة اثنين )
الله يديهم جميعا العافية و ارجوا التواصل ان امكن ذلك
|
Post: #156
Title: Re: بـُــري
Author: adam alamar
Date: 06-15-2008, 05:32 PM
Parent: #155
عندما تذكر بري لابد ان يتبادر الي الاذهان فريق بري العريق الذي كان بعبعا لفرق القمة الهلال و المريخ و اذكر ان المريخ و لفترات طويلة لم يفوز علي بري في الدورتين في اي دورة و لسنين طويلة , و كذلك الهلال
اما فريق و ادي النيل فكان لتشجيعة طعم خاص و اذكر ان مرة كان في مبارة في دار الرياضة ام درمان و ذهبنا للمبارة في بص و في جماعة ذهبو في بوكس انقلب بيهم في خور ابو عنجة ما اذكر الاسماء لكن كان فيهم احمد الامين صاحب الدكان ( مربع 2 )
و رابطة بري اللاماب كانت قوية لدرجة ما ممكن لاحد ان يتصورها فكانت الفرق تشارك فيها من خارج بري اللاماب كانت هناك فرق من المحس و الدرايسة و ابوحشيش و امتداد ناصر و غيرها
و من الفرق النهضة / الجزائر / مانشستر / اسبورتنق / الاهلي / ابناء البشاقرة / الجبال / سانتوس / الاتحاد / قلب الاسد و غيرها من الفرق التي قدمت لعيبة كبار جدا
كان للحولية طعم و نكهة مختلفة ،،،، كنا ننتظرها بالشهور و الايام حتي تأتي و كنا نحن سكان بري الشريف نتمتع بها اكثر من غيرنا لعدة ايام قبل يوم الوقفة ، حيث يأتي اليها الناس من خارج الخرطوم و تجد بعض الناس قد اقام بالتكية لايام طويلة جدا
اما المديح فقد كان ينساب الينا يوم بعد يوم بالميكرفون و كان يحرك فينا روحانيات قل ان يحركها في شيء فكان يذكرنا بالموت و المقابر او علي الاقل انا ،
|
Post: #157
Title: Re: بـُــري
Author: ماضي ابو العزائم
Date: 06-15-2008, 06:26 PM
Parent: #156
ميل تانى من منذر
Quote:
الى الأخ العزيز ماضي.. اسمح لي بان اواصل ازعاجي لك، ولكن هي الطريقة المثلى في المساهمة معكم في التوثيق لمدينة البراري..وكلي شكر وتقدير لشخصكم الكريم في اعطائي هذة الفرصة لأعبر من خلالكم عن مايجيش في خاطري من مشاركات لذكريات عابقة ولواجب يتحتم علينا نحن ابناء البراري ان نسردة ونواصل فيه لنسدد ولو جزء بسيط من فضل تلك الربوع علينا وفينا
حقيقةً احببت ان اعقب على مشاركة الأخ أمين فيما يتعلق ببعض النقاط التي تم ذكرها..عله يتقبلها مني بصدر رحب نتشارك فيه جميعاً لتقصي المعلومة الصحيحة والمتابعة الكاملة
اولاً لم تكن تلك الأراضي والتي ذكرت بان الشريف يوسف الهندي قد تبرع بها ووهبها لحكومة السودان ذلك الوقت..في الواقع وحسب التاريخ فانها أراضي كان مملوكة للعمدة حسين احمد فرح المتوفي سنة 1946م وقد تمت مصادرتها وتم التعويض له في منطقة التمانيات بالجيلي ومازالت تلك السواقي موجودة حتى الأن بمنطقة الجيلي.
أيضاً ذكرت فيما ذكرت ال العمدة..واختزلت تاريخ تلك العائلة الكريمة والعريقة والتي أسست بري الاماب في مجرد مخبز وجد فيه بروميد البوتاسيوم
أيضاً اجدك قد نفيت حقيقة وجود المحكمة والتي فيما سبق كان يطلق عليها القروية والتي كان مقرها في الصينية اخر محطة وبجانبها شجرة خيرالله..لااعتقد ان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة...لك كل الحق ان ترصد ذكرياتك وحنينك الى تلك المدينة ولكن ليس على حساب تاريخها وتلك الهمزات في سلب حقائق تاريخية موجودة يعلمها الداني والقاصي فيمن احتك بتلك المنطقة
كانت تلك المحكمة تفصل في جميع القضايا الجنائية البيسطة والشرعية في منطقة جغرافية تمتد حتى جبل الأولياء جنوباً و منطقة ابودليق شرقاً، وهي نفس المنطقة الجغرافية التي كانت تنضم تحت مسؤليات العمدة حسين فرح، والتي من بعده تولى زمام امورها ابناءة العمدة عبدالرحمن والعمدة عنكيب حتى تم الغاء الأدارة الأهلية في زمن نميري
لي عودة للمشاركة بمزيد من التفاصيل والمعلومات، الشكر اجزلة لأخي الكريم أساسي صاحب البوست وللأخ الكريم ماضي وللجميع اللذين شاركوا في هذا
Munzir M. AlNeel
|
|
Post: #158
Title: Re: بـُــري
Author: ماضي ابو العزائم
Date: 06-15-2008, 06:34 PM
Parent: #157
نعم كانت هناك احدى محاكم القرى فى الاماب و اعتقد البرارى آخر مكان وجدت فيه وظيفة (شيخ الحلة)فكان آخرهم الطيب شيخ إدريس فى الدرايسة و شيخ عبدالرحمن فى المحس (لا ادرى عن الاماب)
|
Post: #160
Title: Re: بـُــري
Author: adam alamar
Date: 06-15-2008, 06:54 PM
Parent: #158
كان في بري اللاماب محمد حسين فرح ( عنكيب ) الله يرحمه رحمة واسعة
|
Post: #161
Title: Re: بـُــري
Author: haleem
Date: 06-15-2008, 07:20 PM
Parent: #1
بري الأميرية....مروحة المدرسة
أساسي جاب سيرة الجلد في بري الاميرية..وبالتالي كان لا بد من التطرق لمشروع مروحة المدرسة ...حيث كانت فصول المدرسة بلا مراوح إلى أن جاء الى المدرسة عام 76 أستاذ اسمه أحمد دفع الله...كان انيق المظهر وبتاع ضبط وربط..وكان ألزم كل طالب بإحضار عشرة قروش على ما أذكر كل يوم سبت....والويل لمن لم يحضر هذا المبلغ..كان جمع المبلغ يتم في طابور لصباح...ليتم حصر من لم يحضروا القروش...لم تكن هناك مراعاة لأحوال الطلاب ولا ظروف أسرهم...بهذه الطريقة...وخلال سنتين أو ثلاثة...أكمل أستاذ احمد دفع الله مراوح كل الفصول...الطريف أن القرعة لتركيب المراوح وقعت على أوللى عثمان..أو الفصل أبو تراب كما اشار الأخ
آدم العمار
ونواصل
|
Post: #162
Title: Re: بـُــري
Author: adam alamar
Date: 06-15-2008, 07:39 PM
Parent: #161
الاخ حلمي لك تحياتي
طبعا اولي تراب ( او اولي عثمان ) كانت دفعة غريبة و عجيبة
اذكر كان في استاذ من جنوب السودان اسمه استاذ مارتن
قال لينا انا داير اعرف انتو عزلوكم كيف من كل المدارس
و ختوكم هنا في فصل واحد
و لنا معه زكريات جميلة جدا
و كانت ايام المظاهرات جميلة جدا خصوصا مع اخوانا من مدرسة قرنفلي سكول
|
Post: #163
Title: Re: بـُــري
Author: محمد أبوالعزائم أبوالريش
Date: 06-16-2008, 09:37 AM
Parent: #1
| Quote: ياخي برضو بنحب بري، ولنا ذكريات، من ابو حشيش لكوشة الجبل، لنادي بري، للشريف، لميدان الرابطة محطة تمانية، وسبعة ونص.. |
يا عبدالغني ياخ عايزينك تحكي لينا كمان عن إمتداد ناصر، مربع (2) ومنطقة أبوعرب
|
Post: #164
Title: Re: بـُــري
Author: عبدالغني كرم الله بشير
Date: 06-16-2008, 10:08 AM
Parent: #163
ناصر،
رغم ازعاج الطائرات التي تحمل الحالمين بالدولار والتعليم والحرية، في هبوطها وصعودها، والتي يعرفها اطفال ناصر، وشيوخهم من لونها وعلمها (طائرة اثيوبية، طائرة هولندية، بريطانية، كويتية، وهلم)، يظل يغني، وينشد، ويعرف، وتمر الباصات الزرقاء ببطنه الكبيره، وتلوص الحافلات والباكسي سابقا في جنوبه وشماله، وتسمع صراخ الرابطة لهدف مشكوك، وينشد الجنوبين في مدرسة قرونفلي اناشيد الميلاد، وتردد اليافعات في مدرسة ناصر النموذجية (اوعك قتطع صفق الشجرة عشان)، أو قم للمعلم ، او سور بيتك بالاشجار)، حتى صرخات (عوض كراتي)، في نادي بري، حيث الكشتنية، والكوارع، والشلل، في ذلك النادي ذو الشكل الهندسي لجميل، البسيط، وحوشه الماهل، الملئ بالبان، والنيم، وشماله مدرسة السلمابي التي خرجت الكثير الكثير من المربيات والامهات والموظفات والكاتبات..
كان عوض كراتي يعلم الصبية، ذو الملابس البيضاء، وهم يكورون قبضاتهم ويضربون عدو وهمي، كان الله في عونه، وأحيانا يحلق بهم الطرب وهم يرون عوض كراتي يكسر طوبة برأسه الفولاذي، الله قادر..
وما أحلى الدورات الرمضانية، نعود لها،.. لاحقا..
نادي بري، قبل ان يكون كانت الحفر، والكلاب، وذو المزاج الخاص، يعسكرون فيه، وارجل راجل ما بقدر يقطع الطريق في المساء، وكنا حين نرسل لسوق اربع بالمساء للطابونة او طماطم نتحاشى قطع الفسحة مباشرة، بل نلوذ بالمدارس، التلب وصويحباتها، قبل ان تولد بري الثانوية، كمان كانت الرزيبة في موقع مبنى النادي حاليا،
ياخي الشغل ما بخلي الزول يسترسل مع ذكرياته مع ناصر وبري وتمارين بورى، ونصر الفريق وهزيمته، واثر ذلك في النادي العريق، أسد البراري...
نعود..
ملحوظة:
والله الواحد طرب للذكريات وتذكر ناس نسيناهم، مدد يابري الشريف، وياربي ناصر، و يابري ابوحشيش..
00
|
Post: #165
Title: Re: بـُــري
Author: ماضي ابو العزائم
Date: 06-16-2008, 11:53 AM
Parent: #164
معاني و اسباب اسماء هذه المدن
فى الرابط معلومات عن البرارى بس ناقص برى الاماب. مين ممكن إكمل المعلومة؟؟
|
Post: #167
Title: Re: بـُــري
Author: ماضي ابو العزائم
Date: 06-17-2008, 10:24 AM
Parent: #165
فى ميل من الاخ عبدالرحمن حمد النيل و رغم
انه قال(ليس للنشر) إلا انه اورد عباره عجبتنى
كثيرا
| Quote: لا يزكر نادى بري والا يزكر الطيب شيخ ادريس وهناك ايضا الجعمورى |
خالد العبيد
تلفونى و بريدى موجودين على البروفايل
|
Post: #168
Title: Re: بـُــري
Author: احمد العمار
Date: 06-17-2008, 02:59 PM
Parent: #167
وصلنى الايميل التالى من الاخ / أمين يوسف نرجو ان نتمكن من الحديث عن ما ذكر
Quote: الاخ احمد
السلام عليكم
لقد تاكدت عزيزى من موضوع المحكمة والتى لم اعاصرها لكنى شاهدت مبنى بسط الامن الشاملة(الكبسولة) التى الغيت الان وقام الى جوارها قسم صغير للشرطة
هناك عزيزى العديد من الاسئلة عن برى اود ان اسال عنها لانى وعلى الرغم من اقامتى فيها الا اننى اجهل الكثير عنها وهذا لعمرى قمة العار بالنسبة لى
اولا ياريت تحكى لينا عن شجرة النص(مامون مبارك امان)والتى صارت بمثابة صقر الجديان بالنسبة لسكان برى الشريف واللاماب مربع 4 و 5
كذلك ارجو ان تحكو لنا عن تاريخ معرض الخرطوم (البجيب كل السودانيين لبري غصبا عنهم فقط ليكتشفوا ان من لم يسكن فى برى مهمش وضايع حتى لو سكن العمارات)
شجرة النص كما يحلو لسكان برى تسميتها كانت محرمة على الصغار بدعوى انها مسكونة حينا او رجالة سااااااااى وهرش معظم الاحيان
والحقيقة برى اجمل فى رمضان بالليل خصوصا برى اللاماب والحلة التحت(برى الشريف)
الان انا افتقد نادى برى مربع5 حيث يجتمع هواة الكرة لمشاهدة كاس الامم الاوربية وذلك لان للمشاهدة هناك لها طعم اخر
واسمح لى اخى احمد ان اسال الاخ ادم العمار
هل تقصد بمصطفى عبد الرحيم مصطفى عبدالله عبدالرحيم اخو صلاح ووائل وعبدالرحيم المعتمد والذى يسكن جار محمد الجاك الصراف عضو حلمنتيش
ومن هو عبد الرحمن الشريف لان العبدرحمانات كتار فى اسرة الشريف الهندى
وبالمناسبة اخى ادم احمد الشريف جدى لكن ماكنت قايل سنو صغير كدا(فى كم وش ضاحك فى الايميل مافيشات ارجو من الاخوة البراب اضافتها)
شكرا اخ احمد على سعة الصدر وكمان على توضيح امر المحكمة ومعليش مفروض اشكرك اول لكن اللهفة لما نسمع سيرة برى هى السبب
ودى لبكرى ابوبكر
ياباش مهندس عاجبك نتعب الاعضاء الكرام كدا بالكوبى بيست والتنسيق
ظروف الاعضاء مامعروفة والمشاركات بتتاخر
ادينا باسوورد خلينا نتفكفك(وشين ضاحكات ومدردقات)
سورى اخى احمد للكلمة
امين يوسف |
أحمد العمار
|
Post: #169
Title: Re: بـُــري
Author: يازولyazoalيازول
Date: 06-17-2008, 03:33 PM
Parent: #168
يا جماعة هل هذا نفس أمين صاحب الإيميل الأخير أم واحد بيشبهوا؟؟؟؟
مجرد سؤال.
الشافعة الفى الصورة دى هى بنتى الدكتورة نبراس هشام مع أخونا الحبيب أمين الهندى
|
Post: #170
Title: Re: بـُــري
Author: احمد العمار
Date: 06-17-2008, 04:10 PM
Parent: #168
Quote: ياريت تحكى لينا عن شجرة النص(مامون مبارك امان)والتى صارت بمثابة صقر الجديان بالنسبة لسكان برى الشريف واللاماب مربع 4 و 5
|
| Quote: شجرة النص كما يحلو لسكان برى تسميتها كانت محرمة على الصغار بدعوى انها مسكونة |
بخصوص شجرة النص طبعا موقعها امام منزل مبارك امان رحم الله مباشرة ، طبعا حكاية مسكونة دى هى مجرد اشاعة ، لانها كانت مطرفة شوية ولقربها ايضا من بيت من بيوت ناس العمدة قبل افتتاح المخبز الآلى فى نفس البيت فكان هذا البيت خالى وشبه مهجور ، و فى ذلك الوقت لم يكن هناك مربع 5 ولا مربع 6 يعنى من بعد النادى الثقافى فسحة ، اقرب مكان ابوحشيش وجهة مربع 6 كانت حفر كبيرة جدا ومجمع كوش لذلك طلعت هذه الاشاعة .
وبعد توسع برى اللاماب اصبحت هذه الشجرة كما اسمها فى نص برى ، وزيادة على ذلك قام الاخ / عبدالرحمن خالد ابن خالد البصير الله يرحمه بافتتاح مكتبة تحت هذه الشجرة وكانت تبيع فى هذه المكتبة الاخت/ حاجة ، وكذلك اصبحت هذه الشجرة مكان تجمع الشباب فى الفترة النهارية وبعدها تحولوا الى قهوة بخيت العمدة رحمه الله.
هذا عن شجرة النص باختصار ، ارجو من الاخوة اذا فاتت على حاجة يذكروها .
أحمد العمار
|
Post: #171
Title: Re: بـُــري
Author: ماضي ابو العزائم
Date: 06-17-2008, 06:33 PM
Parent: #170
كتب الاخ امين يوسف
Quote: عزيزى اسمح لى بتصحيح لمعلومة عن الشريف الهندى
الشريف الهندى اعتقله الانجليز وذلك لانه كان من المقاومين الكبار لهم خصوصا ان كلمته مسموعة ولان الانجليز يعرفون هذا فقد اخرجوه من المعتقل شريطة ان لا يقيم بالجزيرة فذهب الى برى المحس وحدث ماحكيته انت من العمدة وبالمناسبه الشريف يوسف مامن ودالهندى واصلا لاعلاقة لاسرة الشريف بود الهندى ولا يربطهم بها سوى الود والاحباب والمريدين
|
هناك معلومة شفاهية و المشكلة ان التاريخ الحديث و الذى لازالت شخوصه حاضرة يجد المؤرخون الكثير من الحرج الاجتماعى و السياسى فى تدوينه.
هذه المعلومه تقول ان هناك عدد لا يستهان به من علماء الخرطوم و الذين خالفوا المهدى فى دعوته أذلهم الخليفة عبدالله التعايشى فى سجنهم و بنى بهم دفاعات أمدرمان (الطوابى) منهم شيخ عبدالرحمن الضرير (والد الشيخ على عبدالرحمن القطب الاتحادى المعروف) و الشيخ خالد مضوى (والد عثمان خالد النائب السابق عن الاتجاه الاسلامى) من توتى و الهندى (اعتقد يوسف)لذلك كانوا من اعيان الخرطوم المقدرين بعد الفتح(آسف لعدم ذكر اسماء علماء الخرطوم المعنين نسبة لعدم وجود المصدر و دى ضريبة الاغتراب)
فى الخقيقة المعلومة محتاجة لمزيد من التوثيق.
|
Post: #172
Title: Re: بـُــري
Author: ماضي ابو العزائم
Date: 06-17-2008, 06:54 PM
Parent: #170
الشئ التانى:- قدوم الهندى للمنطقة كان قبيل الثورة المهديه أى فى عهد التركية السابقة فكيف يستقيم منطقا ان يكون منعه الانقليز بالاستقرار فى الجزيرة.
ثالثا:- قام الاستعمار باعطاء العلماء الذين حجزهم الخليفة عبدالله التعايشى وضعيه خاصة(نكايه فى المهديه و تمشيا بمبدا فرق تسد)و من بينهم بيت الهندى.
رابعا:- لم نسمع فى السابق اى اهتمام سياسى لود الهندى دعك من نشاط نضالى و ما دخلوا المعترك السياسى إلا مؤخرا بحساب التاريخ و ربما يعزى ذلك لطبيعة الصوفية و بعدهم عن السياسة
|
Post: #174
Title: Re: بـُــري
Author: adam alamar
Date: 06-17-2008, 09:57 PM
Parent: #168
الاخ امين يوسف
اخي جدك يكون دفعتي ... كيف
انا كنت اقصد احمد الشريف حسن , و عبدالرحمن الشريف البقدوا (اب دفسه)
هذا هو لقبه
و لشجرة النص ذكريات كثيرة و جميلة فقد كانت نادي بحالها
و بتذكرني بفريق الجزائر بعبع الفرق في رابطة امتداد ناصر
و لا يذكر فريق الجزائر الا و يذكر ابراهيم عثمان ( ابم )
و هندي بابكر ( ابو العلا ) كما كان يحلوا لنا ان نسميه
و مصطفي عبدالرحيم زين العابدين
و هناك ابو التر ترباس
كان فرق الجزائر كالفريق القومي لبري اللاماب
فقد كان يضم لعيبة من كل فرق بري اللاماب
و لنا عودة
|
Post: #173
Title: Re: بـُــري
Author: waleed dawash
Date: 06-17-2008, 08:25 PM
Parent: #1
اساسي يا دكتور تروتر
بري دي ياخوي خلا وصقيعه و ما لقينا حته فاضيه للمعرض عشان كده جبنا ليكم..
================
ما دايرين تنفصلو زيكم وزي المهمشين اخوانكم... وحاتك انت يقطع خلقتك دي من وشي
نفصلكم هوا.
|
Post: #175
Title: Re: بـُــري
Author: محمد الشيخ أرباب
Date: 06-18-2008, 08:30 AM
Parent: #173
يا وليد امشي دار الوثائق السودانية هناك بتلقي انو خورشيد باشا لمن جاء يأسس الخرطوم وجد فيها ثلاثة حيشان:-
1) حوش الفكي ارباب
2) حوش البداناب
3) حوش القاضي
ديل جدود ناس بري وتوتي والفتيحاب والعيلفون وحلة حمد وحلة خوجلي واطراف الجزيرة.
تحياتي
|
Post: #177
Title: Re: بـُــري
Author: محمد الشيخ أرباب
Date: 06-18-2008, 08:51 AM
Parent: #175
كتب الاديب معاوية محمد نور - في الخرطوم خواطر وذكريات محزونة
"وأنظر إلى يميني فأذكر ضواحي الخرطوم وأذكر بري بنوع خاص ، لا أذكر بري اليوم وإنما أذكر بري التي لم أرها بل سمعت عنها ، وأصغيت إلى أناشيد الفتيات وأغانيهن في مدحها ( بري الطراوة والزول حلاوة ) إن ذكر هذه الجملة ليمثل أمامي صورا من الماضي قوية ، حية كأشد ما تكون حياة وقوة ! يا لصور الماضي ويا لشجوه وحنينه ! أذكر شوقي إلى الماضي ، وأذكر حنيني إلى المجهول ، وأذكر شعور الإغتباط والجمال الفني الذي أشرف عليه عند مشاهدتي النيل في تلك الليلة ، فأقول يا للعجب ! أتراني أود أن أعيش الماضي والحاضر والمستقبل في ساعة واحدة ! يا لنهم الحياة ، وطبع الإنسان ، وعطش العواطف "
|
Post: #176
Title: Re: بـُــري
Author: محمد أبوالعزائم أبوالريش
Date: 06-18-2008, 08:44 AM
Parent: #1
دقييييييقة يا محمد الشيخ
إنت جيت من وين؟ ودخلت متين؟
مبروك الباسوورد .... لكن لو ما اتعمل بوست ترحيب .. خلينا نعمله هسة .. ولو إتعمل ورونا ليهو
مرحب بيك تاني يا ابن خالتي
|
Post: #178
Title: Re: بـُــري
Author: محمد الشيخ أرباب
Date: 06-18-2008, 10:28 AM
Parent: #176
ابو الريش
يا دوب صباح اليوم انا دخلت وعملت بوست ترحيب
تحياتي
|
Post: #179
Title: Re: بـُــري
Author: ماضي ابو العزائم
Date: 06-18-2008, 10:44 AM
Parent: #178
محمد الشيخ
اهلا بيك فى البورد و اهلا بيك فى البوست
الكانت اول مساهمه ليك فيهو
Quote:
يا وليد امشي دار الوثائق السودانية هناك بتلقي انو خورشيد باشا لمن جاء يأسس الخرطوم وجد فيها ثلاثة حيشان:-
1) حوش الفكي ارباب
2) حوش البداناب
3) حوش القاضي
ديل جدود ناس بري وتوتي والفتيحاب والعيلفون وحلة حمد وحلة خوجلي واطراف الجزيرة.
تحياتي |
عفيت منك يا ود خالتى بس ناس قريعتى راحت ديل ما تضيع وقتك معاهم
|
Post: #180
Title: Re: بـُــري
Author: ماضي ابو العزائم
Date: 06-18-2008, 11:03 AM
Parent: #179
بوست آخر من امين يوسف
اخى امين تجدنى جد سعيدبنشر رأيك حتى نوسع دائرة المشاركه و نثرى البوست.
Quote: الاستاذ ماضى
السلام عليكم
اغفر لى استاذى اذ اننى ساثقل عليك و اسمح لي بان اواصل ازعاجي لك
ساقوم بالرد على بعض المداخلات من الاخوة الاعضاء وسابدا بالاخ منذر مع الذى حاولت ان ارد على مداخلته ليلة الامس ولكن الاكسبلورل ابى الا ان يخذلنى بعد ان انتهيت من الرد وبدأت فى التنسيق
كتب الاخ منذر
(حقيقةً احببت ان اعقب على مشاركة الأخ أمين فيما يتعلق ببعض النقاط التي تم ذكرها..عله يتقبلها مني بصدر رحب نتشارك فيه جميعاً لتقصي المعلومة الصحيحة والمتابعة الكاملة)
ولايهمك اخى منذر فالهدف واحد لجميع المتداخلين
وكتب ايضا
(اولاً لم تكن تلك الأراضي والتي ذكرت بان الشريف يوسف الهندي قد تبرع بها ووهبها لحكومة السودان ذلك الوقت..في الواقع وحسب التاريخ فانها أراضي كان مملوكة للعمدة حسين احمد فرح المتوفي سنة 1946م وقد تمت مصادرتها وتم التعويض له في منطقة التمانيات بالجيلي ومازالت تلك السواقي موجودة حتى الأن بمنطقة الجيلي.)
اخى منذر الشئ الموثق والذى رايت مايثبته ان ارض المعرض كانت ملكا لآل الشريف وتبرع بها قبل حكم ابوعاج وساحاول الحصول على نسخة من الاوراق المحفوظة بمكتبة الشريف بسراياه
اما عن الارض من المعرض وحتى الكبرى فقد ورد هذا على لسان وزير الداخلية وقتها الزبير بشير طه وايده نائب الرئيس على عثمان وذلك فى تابين الراحل الشريف زين العابدين الهندى فى دار الشرطة العام الماضى ولدى تسجيل فيديو كامل للتابين ساحاول انزاله فى النت وارسال الرابط للاستاذ ماضى لعرضه هنا اذا سمح لى
كتبت ايضا
(أيضاً ذكرت فيما ذكرت ال العمدة..واختزلت تاريخ تلك العائلة الكريمة والعريقة والتي أسست بري الاماب في مجرد مخبز وجد فيه بروميد البوتاسيوم)
انا لم اختزل شيئا لان ماكتبته هو كل ما اعلمه عنهم للاسف لقد كان جارنا هو محمد العمدة _بيته الثانى_واعرف ايضا موسى العمدة ولكننى للاسف الشديد اجهل الكثير عنهم ويمكنك ان تلومنى على جهلى برموز المنطقة التى رحلت منها فى العام 97 وانا فى ال14 من عمرى
والحقيقة تالمت حينما سمعت بالخبر بالمصادفة اثناء زيارتى لهم اواخر العام الماضى لاننى خارج السودان منذ قرابة ال3 اعوام
ومصدر الالم ان من امر باستخدام البروميد وتسبب فى اغلاق المخبز لم يكن صاحب المخبز الذى يتعامل مع المخبز من بعيد لبعيد وهو لايستحق ماحدث له
وكتبت
(
أيضاً اجدك قد نفيت حقيقة وجود المحكمة والتي فيما سبق كان يطلق عليها القروية والتي كان مقرها في الصينية اخر محطة وبجانبها شجرة خيرالله..)
وانا كتبت
(واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة)
وهذا ليس نفيا اذا تمعنته جيدا لاننى الحقته ب(الا اذا كانت موجودة فى فترة السبعينات من القرن الماضى)
وهذا لاننى لم اعايش تلك الفترة واكاد اجزم ان معظم ابناء جيلى واندادى فى برى لم يسمعوا بهذه المحكمة وانا كنت اطلب تاكيد المعلومة لاجل العلم خصوصا ان الاستاذ احمد العمار كتبها مبهمة من دون تفصيل
الاخ / غازى المركز الصحى الذى اقصده هو الذى توجد امامه الشجرة الشهيرة ( شجرة عم خيرالله ) رحمه الله التى كان يبيع تحتها البرسيم وبعد اغلاق المركز الصحى تم تحويل المبنى الى محكمة
ويؤسفنى عزيزى انك حكمت على هذه النقطة بطريقة ولا تقربوا الصلاة
كتبت ايضا
لااعتقد ان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة
وانا اختلف معك فى اعتقادك لان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة
والا فكيف يتسنى له ان يؤرخ ولاتنسى انك قذ اخذتنى بجريرة جهلى بآل العمدة اذا كيف يستوى للمرء ان يؤرخ لشئ وهو غير ملم بكل المعلومات عنه فى هذه النقطة ناقضت نفسك
وكتبت
...لك كل الحق ان ترصد ذكرياتك وحنينك الى تلك المدينة ولكن ليس على حساب تاريخها وتلك الهمزات في سلب حقائق تاريخية موجودة يعلمها الداني والقاصي فيمن احتك بتلك المنطقة
انا لم اهمز ولم اسلب اى حقيقة ومالاعرفه لا اتحدث عنه ولهذا السبب لم اكتب عن آل العمدة لان التاريخ اما ان يكتب كاملا وصحيحا او لا يكتب من اساسه
ثم لماذا الهمز والاستلاب هل ذكرت فى الايميل مثلا اننى مؤسس برى ام قمت بتلميع شخص خصما على شخص
من يهمز ويستلب ياعزيزى يفعل هذا لفائدة فما هى الفائدة التى ساستفيدها من اخفاء التاريخ او تزويره او اللجوء لشغل النسوان(الهمز واللمز)
اخيرا اخ منذر انا لست بمؤرخ بل انا هنا لاتابع مايكتبه الاخوة واحاول ان اسال عن مااسمع عنه لاول مرة والمحكمة خير مثال
ارجو اخ منذر ان اكون قد اوضحت ماخفى لان تزوير التاريخ تهمة مشينة لانها لا يفعلها الا الاغبياء وخصوصا فى هذا العصر وانا ارباء بنفسى ان اكون غبيا لدرجة تزوير او استلاب التاريخ
شكرا اخ منذر
اسمح لى استاذ ماضى ايضا ان ارد على مداخلة السيد هشام يازول
الحقيقة اخى هشام لست انا الموجود فى الصورة ولكن لو اديتنى الاسم بالكامل بجيب ليك خبره وان كنت اعتقد انه المرحوم الامين الشريف الصديق الهندى
وذلك للشبه لكن لو اديتنى الاسم بتاكد ليك
تحياتنا للامورة واظن هسى بقت عروس من شكل الصورة ربنا يحفظا ليك
وايضا الاخ احمد العمار
فى البدء اخى الشكر اجزله على المعلومة القيمة عن الشجرة
وقد كتبت
وبعد توسع برى اللاماب اصبحت هذه الشجرة كما اسمها فى نص برى ، وزيادة على ذلك قام الاخ / عبدالرحمن خالد ابن خالد البصير الله يرحمه بافتتاح مكتبة تحت هذه الشجرة وكانت تبيع فى هذه المكتبة الاخت/ حاجة ، وكذلك اصبحت هذه الشجرة مكان تجمع الشباب فى الفترة النهارية وبعدها تحولوا الى قهوة بخيت العمدة رحمه الله.
الاخ عبدالرحمن خالد حكم دورات برى الرمضانية هل هو اساسا حكم ام انها هواية
اذكر فى منتصف التسعينات ان الخالة الحاجة نوال زوجة مامون امان كانت هى من تبيع فى المكتبة بعد ان استاجرتها من عبدالرحمن او انها هى صاحبة
الكشك وعبدالرحمن هو المستاجر لست اذكر ولكنى متاكد انها كانت فى فترة من الفترات المستفيدة من المكتبة
ساعود لاحقا للكتابة عن قهوة بخيت العمدة رحمه الله
اما ماكتبته انت استاذ ماضى ردا على نقطتى عن دخول الهندى لارض البرارى فلا ادرى كيف ارد عليه هناك بالطبع وثيقة_نص الخطاب الذى ارسل له فى المعتقل وخطاب اخلاء سبيله_ موقعة من الحاكم الانجليزى تثبت حديثى ولكن المشكلة فى كيفية الحصول على صورة منها ساحاول وان كنت اعلم انها من الصعوبة بمكان
اخيرا الاخ ادم العمار
او الجد او الخال لانك زاملت خالى عبدالرحمن ابراهيم الشريف عبد الرحمن(ابو دفسة)الموجود حاليا بالسعودية ولعلك تعرف شقيقه يوسف(سونى).
اما عن كيف احمد يكون جدى فهو جدى باللفة هو خال عبدالرحمن وعمه فى نفس الوقت واظنك تعلم هذا يعنى هو خال الوالدة وعمها فى نفس الوقت مع انه فى عمرها او اكبر قليلا وخالد اخوه لو بتعرفه اكبر منى بسنين بسيطة لكنه جدى فى نفس الوقت
ماتشيل هم انتو لسة صغار ربنا يديكم الصحة وطولة العمر
شكرا استاذ ماضى واغفر لى التعب الذى لاريب قد سببته لك
بالمناسبة كان معاكم فى اليونان شاب من اولاد برى اسمه ابراهيم او ابراهيم ود الناظر بتعرفه
سلام استاذ ماضى
|
|
Post: #181
Title: Re: بـُــري
Author: waleed dawash
Date: 06-18-2008, 05:21 PM
Parent: #180
| Quote: عفيت منك يا ود خالتى بس ناس قريعتى راحت ديل ما تضيع وقتك معاهم |
و انت مضيع زمنك مالك؟
|
Post: #182
Title: Re: بـُــري
Author: adam alamar
Date: 06-18-2008, 08:53 PM
Parent: #180
الاخ امين يوسف سلامي و احترامي
اشكرك علي الرد و التوضيح
و كدة فعلا اكدت ان احمد الشريف جدك و نحن في عمر جدك مافي مشكلة
طبعا انا بعرف سوني و قابلته كثير في الرياض
اما عبدالرحمن و الله ما ندي رقمه و يا ليت تدينا ليه لو عندك
و طبعا اذا كنت انت اصغر من خالد الشريف اكيد ما ح تعرفني
لانني طلعت من السودان بدري جدا
طبعا ذكرياتنا في بري الشريف كثيره و جميلة
فقد كانت حلة صابرين تمتاز بترابط و تعاون قل ان تجده في اي حلة في السودان
لك الشكر و الود
|
Post: #183
Title: Re: بـُــري
Author: ماضي ابو العزائم
Date: 06-19-2008, 08:40 AM
Parent: #182
الايميل التالى من Fakrudeen Ali
Quote: مدرسة بري الدرايسه الاوليه وناظرها المربي الفاضل الاستاذ الموسيقار علي ميرغني
عليه الرحمه والمغفره من معالم بري المهمه في الزمن الجميل ..فقد كانت هذد المدرسه
من طلائع المدارس وفي المقدمه من حيث الضبط والربط والتحصيل المعرفي ..وقد كانت
في مقدمة المدارس من حيث دخول طلبتها للمرحله المتوسطه..و كانت بها انشطه متنوعه
الى الجانب الرياضي..من ضمنها النشاط الثقافي والذي تمثل في نادي الصبيان حيث يجتمع
الطلبه مساء كل يوم لممارسة هواياتهم المختلفه والمفضله...
المربي الفاضل علي ميرغني عليه الرحمه كانت له علاقه متينه بالوسط الفني كموسيقار
باوركسترا الاذاعه والتلفزيون..وعلى وجه الخصوص بالموسيقار والفنان محمد وردي
وهي من امتن العلاقات في الوسط الفني... ونتيجة لهذه العلاقه المتينه فقد حظيت مدرسة
بري الدرايسه الاوليه بمشاركة الفنان وردي نشيدي ( يقظة شعب) للشاعر والصحفي الفذ
مرسي صالح سراج ..ونشيد ( اصبح الصبح ) للشاعر المقتدر محمد الفيتوري ..وبهذه
المناسبه محمد الفيتوري من ضمن الذين سكنوا واسرته الكريمه ببري الدرايسه لفتره من
الزمن ...ونواصل
|
والله شئ مفرح جدا ان يتواصل فى هذا البوست حتى من ليس لهم باسبورت على البورد بس عندى رجاء لو الواحد يعرف نفسو قدر الامكان بكون احسن (بس مش لازم)
|
Post: #184
Title: Re: بـُــري
Author: ماضي ابو العزائم
Date: 06-19-2008, 08:46 AM
Parent: #183
و آخر من Fakrudeen Ali
Quote: لبري وكل من كتب حرفاً في هذا البوست التحيه
للأخ العزيز اساسي كل التحيه والتقدير للمبادره
ولشخصك الكريم ابوالعزائم التحيه والشكر.
حديثي كما سوف تلاحظون عن الذين انتقلوا الى جوار ربهم ..للانصاف وللتاريخ
من الشخصيات التي يجب ذكرها عند الحديث عن البراري..المغفور له باذن الـلـه
الفقيد مصطفى المهل ...فقد كان من بعد الـلـه ...ولرجال ذو همه من امثاله ..الفضل
الكبير في تثبيت احقية أهل البراري في تملك قطعة ارض في موقع امتداد ناصر الحالي
فقد كانت هناك محاولات جاده من جانب الحكومه وقتها لتوزيع الارض لاهالي بري
في مناطق بعيده عن الموقع الحالي..لمصطفى المهل الرحمه والمغفره ..ولآل المغفور له
الخليفه عبدالدافع عبد القادر كل التحايا.
......ونواصل
|
|
Post: #185
Title: Re: بـُــري
Author: ماضي ابو العزائم
Date: 06-19-2008, 08:52 AM
Parent: #184
بسم الله ماشاء الله برضو من الاخ فخر الدين
Quote: حولية الخليفه عبدالدافع عبدالقادر....
الخليفه عبدالدافع عبدالقادرعليه الرحمه والمغفره من رجالات بري الاتقياء
الكرام ..رجل المروءة والشهامه ..كانت له مكانته الدينيه والادبيه والاجتماعيه
الساميه ..عن استحقاق ..كان محل احترام الجميع وتقديرهم.
...ديوانه مفتوح طوال اليوم ...طوال العام لاستقبال ضيوفه من كل الوان الطيف
السوداني..عابري السبيل ,,ومن تقطعت بهم السبل ..ومن المريدين والمحبين
وكانت له حوليه تقام كل عام تجذب المريدين من كل اطراف العاصمه وخارجها
تبدأ مراسم الاحتفال البهي منذ العصر تقريبا ً بقدوم طلائع مختلف الطرق الصوفيه
بالوانهم الزاهيه وايقاع النوبه الحبيب الى النفس..وتعيش بري صغارها وكبارها
ليله عامره بذكر الـلـه..بالمحبة والالفه.. ..بالصلاه على اشرف خلق الـلـه
محمد رسول الـلـه صلى الـلـه عليه وسلم ...بتذكر خلفاء رسول الـلـه رضوان الـلـه
عليهم اجمعين ..
..في هذه الليله يتناول كل الحضور العشاء في الديوان الكبير وتابعه حوش الخليفه عبدالدافع
حيث يقوم هو بالاشراف على كل كبيره وصغيره في هذه الليله العامره بذكر الـلـه..والتي
تنتهي مع بدايات صباح اليوم التالي
......ونواصل
|
|
Post: #186
Title: Re: بـُــري
Author: ماضي ابو العزائم
Date: 06-19-2008, 09:27 AM
Parent: #185
كتب امين
| Quote: بالمناسبة كان معاكم فى اليونان شاب من اولاد برى اسمه ابراهيم او ابراهيم ود الناظر بتعرفه |
و هل يخفى القمر فى سماهو
كل مرة اقول شكرا أساسى على هذا البوست
بالمناسبه هو ويييييين؟؟؟؟؟
|
Post: #187
Title: Re: بـُــري
Author: hassan bashir
Date: 06-19-2008, 10:19 AM
Parent: #186
بري دي في يوم من الأيام كانت حقتنا
|
Post: #188
Title: Re: بـُــري
Author: اساسي
Date: 06-19-2008, 10:43 AM
Parent: #187
| Quote: بالمناسبه هو ويييييين؟؟؟؟؟ |
قريب ومستمتع بكل كلمة تكتب هنا بل اول من يقرأها
البوست جماعي يا ماضي المداخلات لا تحتاج للتعقيب وانما البوست للاضافات او كما هو حاصل
انا اعتبر نفسي من اكبر قرائه وكلما سنحت المناسبة ساتداخل بالاضافة
بالمناسبة طلبت من الاخ بكري عدم ارشفته ونقله للدورة الجديدة
كن بخير والجميع والشكر للقراء والاعضاء علي الاضافات الثرة
دي المحرية في اولاد بري
|
Post: #189
Title: Re: بـُــري
Author: يازولyazoalيازول
Date: 06-19-2008, 10:50 AM
Parent: #187
الأخ العزيز أمين يوسف
أولاً أسمح لى أن أقدم شكرى الجزيل للأخ ماضى أبوالعزائم لإتاحته الفرصة للتواصل مع شباب جميل مثلكم ، كما أشكرك الحقيقة على كل ردودك الواعية الجميلة لكل الناس هنا ، وهذا والله هو دأب أهل برى الذين نعرفهم ، فهم ممتلئون بحب الناس وحب الخير لكل الناس وهم أناس أصيلون أصيلون أصيلون وكفى
الحقيقة يا أخ أمين ، (وسلامة الإسم إن شاء الل) ، نعم هو صديقى الامين الشريف الصديق الهندى ، والذى أعلم بوفاته لأول مرة اليوم منك ، وقد آلمنى الخبر سائلاً المولى عز وجلَ أن يتغمده بوافر رحمته ، ولكن هى حال الدنيا ، فقد كان المرحوم متعاقداً هنا فى جدة فى الثمانينات لدى البنك الإسلامى للتنمية ، وتلك كانت هى الفترة التى تعرفنا عليه ، ولم يبق بيننا طويلاً فآثر العودة للوطن بعد أن طلب أهله منه العودة وأعتقد للمشاركة فى الحياة السياسية وقتها فى الوطن ، ثم إنقطعت أخباره عنا بسبب الغربة اللعينة ، لعن الله الغربة وسنينها الطويلة ،
لا أريد أن أطيل عليكم وعلى الأحباب هنا ، ولكنى أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين)
ختاما ً أفيدك علماً بأن أصغر أبنائى فى الخامسة إبتدائى وقد أسميناه (أمين) على إسمك
وتقبل وافر تحياتى وتقديرى ،
أخوك هشام شيخ الدين
|
Post: #193
Title: Re: بـُــري
Author: Mohamed Yassin Khalifa
Date: 06-19-2008, 01:33 PM
Parent: #189
أخوي هشام شيخ الدين:
| Quote: أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين) |
لا يعرف الفضل إلا فاضل...
والله.. والله يعلم لكم أثرت فيا كلماتك هذة لما فيها من نبل لا يأتي إلا من نبيل مثلك... بها لبسنا نحن أبناء بري ثوب الأصالة والعفة والنبل
تجدني سعيد بما كتبته هنا.. فلا يشتري الرجال إلا رجل... ولقد أعطيت.. وحقا أوفيت.. وهذا شرف لنا جاء منك أيها الشريف
بك تسعد بري ويتشرف أبنائها
ولك مني وعد.. توووور أذبحه لك في عرس بنتنا الدكتورة ربنا يحفظها ويخليها لينا
ويا أولادي البريياب شدو حيلكم ونحنا معاكم
|
Post: #200
Title: Re: بـُــري
Author: يازولyazoalيازول
Date: 06-21-2008, 08:36 AM
Parent: #193
الحبيب محمد يسن الخليفة
تسلم يا رجل ن فأنا لم أقل إلا الحق فى أناس كرام عاشرتهم وعشت بينهم ولم أجد فى كل السودان لهم مثيلا ، والله على ما أقول شهيد
هنيئاً لكم بإرتباطكم ببرى ، وهنيئاً لكم بإنتسابكم ببرى ، وكل حرف فى هذا البوست كان يجب أن يكتب بمداد من ذهب
وفى إنتظار العريس ....
لووووووووووووووووووووووووووووووول
أكرر التحية والتقدير للشهامة والله
|
Post: #191
Title: Re: بـُــري
Author: hassan bashir
Date: 06-19-2008, 12:45 PM
Parent: #190
| Quote: بري دي في يوم من الأيام كانت حقتنا |
الإخوة أبناء بري
إن شاء الله ما تكونوا زعلتو .. كنت متوقع أن ين "بري" لي أحدكم ويقولي من أنتم؟ وكنت سأجيبه بأننا الخرطوم بحري
تحيات لحي بري العريق
|
Post: #192
Title: Re: بـُــري
Author: محمد أبوالعزائم أبوالريش
Date: 06-19-2008, 01:06 PM
Parent: #1
يا زول الله لا جاب زعل
وأبقى داخل (الإسم ياهو زاتو .. بس إنتو زدتو ليهو "ح" بين الباء والراء)
|
Post: #194
Title: Re: بـُــري
Author: ماضي ابو العزائم
Date: 06-19-2008, 02:08 PM
Parent: #192
و ميل آخر من الاخ امين يوسف
Quote:
استاذ ماضى
سلام
ساواصل انتهاكى للايميل الخاص بك واحتلاله حتى احصل على باسوورد او اعلن الاستسلام_ماعارف بكرى دا مالو_وارجو من الاخوة البراب دعم طلبى للحصول على باسوورد خصوصا انها مشاركتى الخامسة فى المنبر
استاذى اذا كان
بالمناسبه هو ويييييين؟؟؟؟؟
مقصود بها ود الناظر_ فهو عقبال عندك وكل المتغربين عن اوطانهم مثلى _مستقر فى برى الاماب مربع 5 جوار الكبانية
استاذى ايضا قرات لكم هذه المداخلة
الشئ التانى:- قدوم الهندى للمنطقة كان قبيل الثورة المهديه أى فى عهد التركية السابقة فكيف يستقيم منطقا ان يكون منعه الانقليز بالاستقرار فى الجزيرة.
الانجليز منعوه بعد ماجو وكان هو فى الجزيرة وقاتل الانجليز واعتقل وكان شرط الافراج عنه ان يختار اى مكان ليقضى قيه بقية حياته بعيدا عن اتباعه
يبدو ياعزيزى انك تقصد الشريف محمد الامين مؤسس الاسرة فى السودان وهو لم ير برى اساسا وانا اقصد ابنه الشريف يوسف صاحب السراى والقبة وضيف عمدة المحس
ايضا هذه المداخلة
ثالثا:- قام الاستعمار باعطاء العلماء الذين حجزهم الخليفة عبدالله التعايشى وضعيه خاصة(نكايه فى المهديه و تمشيا بمبدا فرق تسد)و من بينهم بيت الهندى.
الخليفة عبدالله لم يحجز الهندى وماكان يستطيع
واخيرا
رابعا:- لم نسمع فى السابق اى اهتمام سياسى لود الهندى دعك من نشاط نضالى و ما دخلوا المعترك السياسى إلا مؤخرا بحساب التاريخ و ربما يعزى ذلك لطبيعة الصوفية و بعدهم عن السياسة
معك حق فالشريف يوسف لم يهتم بالسياسة لان الاوطان المحتلة لا وقت لمواطتيها لممارسة السياسة واصلا لاتوجد ماتسمى بالسياسة لاننا كنا محتلين بالقوة والسياسة تعتبر فى هذه الحالة نوعا من الترف
من كان يدافع عن وطنه وعرضه ضد محتل مغتصب وغاشم يسمى مناضلا وليس سياسيا لان السياسية كلام وماسمعنا بكلام طلع محتل
السياسة دى ممكن اعارض بيها البشير او النميرى لانهم بلدياتى موش غردون او كتشنر المحتلين
ومعك حق انه بعد خروج الانجليز لم نسمع بانه مارس السياسة فى ظل السيادة الوطتية وذلك لانه توفى عام 44
وقد مارس 3 من ابنائه السياسة وهم على التوالى
خليفته الاول الشريف عبدالرحمن والذى اكتفى بدعم الحزب الوطنى مثل كثيرين غيره من المقتدرين فى ذلك الحين
اى انه لم يمارس السياسة نفسها وذلك لانه كان مشغولا بادارة البيت
الشهيد الشريف حسين الهندى والراحل الشريف زين العابدين هم من مارسوا السياسة رسميا ومافى وقت واحد
رد على مداخلة استاذ ادم العمار
مرحبا بك استاذى ومشكور على التعقيب
الخال عبدالرحمن رقمه ماعندى والله لكن لدى رقم ابن عمه واسمه عبدالرحمن برضو معاكم فى السعودية ممكن ارسل لك رقمه فى ايميل استاذ احمد العمار _بعد اذنه بالطبع_لانى لا اعرف ايميلك وكمان لقربه منك
وقد كتبت ايضا
فقد كانت حلة صابرين تمتاز بترابط و تعاون قل ان تجده في اي حلة في السودان
صدقت استاذى لكنها كانت ومازالت وستظل باذن الله منطقة محمية غير قابلة للاختراق وسكانها يتزايدون ويتناقصون فيما بينهم ونادرا ماتلمح شخصا جديدا يسكن هناك
ودا سبب لذتا
الشكر اجزله لك استاذى
واخيرا السيد هاشم شيخ الدين
سيدى الفاضل
اشكرك جدا على كلمتكم فى شخصى وهى شهادة علقتها على جدران القلب الى ان ابعث حيا
الحقيقة الراحل توفى قبل مايقارب ال7 سنوات اثر ذبحة قلبيه وانا اسف لنقل هذا الخبر وصدقت فهذا حال الدنيا تصطفى الاخيار مبكرا
رد الله غربتكم وكل من خرج لاجل الرزق فى ارض الله الواسعة
الف مبروك تخريج الدكتورة وهى معناها دفعتى انا ايضا كنت ادرس الطب فى جامعة بحرالغزال فى نفس الفترة يعنى بدينا سوا لو هى درست 5 سنوات واحتمال اكون سنيرا لو درست اقل
ولان نسبكم شرف لايضاهى باذن الله سينال شرف نسبكم احد ابناء برى مادمت تكن لها هذا الحب والتقدير
يا اولاد برى انتبهوااااااااااااااااااااااااااااااااااااا لو فكت الدكتورة من برى الرماد كال حماد
ربنا يخلى ليك امين ويفرحك بجديده
الشكر كل الشكر لك استاذ هاشم واشكرك مجددا على مجاملتك الرقيقة بحقى
والشكر من قبل ومن بعد للاستاذ ماضى الذى استبحت ايميله (شيل حقك من بكرى هو السبب)
والشكر موصول الى اساسى صاحب البوست الذى القى الينا الكرة
|
|
Post: #195
Title: Re: بـُــري
Author: ماضي ابو العزائم
Date: 06-19-2008, 02:28 PM
Parent: #194
قبلما ارد على الاخ امين استوقفتنى عبارة
| Quote: ساواصل انتهاكى للايميل الخاص بك واحتلاله حتى احصل على باسوورد او اعلن الاستسلام_ماعارف بكرى دا مالو_وارجو من الاخوة البراب دعم طلبى للحصول على باسوورد خصوصا انها مشاركتى الخامسة فى المنبر |
و اعتقد الاخ منذر عندو نفس المشكلة.
حقيقة لم اعرفك من قبل و لم اعرف الاخ منذر لكن من اسلوب الكتابه واضح جدا إحترام الكلمه و احترام الاختلاف.
ارجو ان تقدموا مرة اخرى و ساقوم على المستوى الشخصى بعمل ماسنجر لبكرى و اعتقد المتابعين البوست ما حا يقصروا. فى الايام السابقة نجحنا فى ادخال محمد الشيخ ارباب و كمان انشاء الله حيدر امين إدخل ده مش عشان هم اولاد برى بس عشان هم بستاهلو إشاركونا.
|
Post: #196
Title: Re: بـُــري
Author: محمد أبوالعزائم أبوالريش
Date: 06-19-2008, 08:37 PM
Parent: #1
لسة في حكاوي كتيرة ما ظهرت.
بالمناسبة يا محمد الشيخ ... وين إبن عمك "عبدالعظيم أرباب"، هو عضو هنا .. لكن ما بيظهر خالص.
|
Post: #197
Title: Re: بـُــري
Author: الطيب شيقوق
Date: 06-19-2008, 10:00 PM
Parent: #196
ان كانت بري حمد الريح لكفاها ذلك
مع تحياتي لاخوتي
حيدر امين - المحسي
ومالك
عمار
و السنى ابو العزائم
|
Post: #198
Title: Re: بـُــري
Author: محمد الشيخ أرباب
Date: 06-20-2008, 09:11 AM
Parent: #197
لك التحية اخونا الطيب شيقوق
يا محمد ابو العزائم والله عبدالعظيم ده شكلوا غير الموبايل بتاعو لي فترة كده ما عندي اتصال بيه
|
Post: #199
Title: Re: بـُــري
Author: محمد الشيخ أرباب
Date: 06-21-2008, 08:31 AM
Parent: #198
وين يا شباب
من الشخصيات المهمة هو نسيبنا البرفسير الراحل على المك هو متزوج من بري المحس " حياة الدليل"
ويا ماضي ومحمد وين ما ذكرتو الخال احمد حسن الضو الراجل الموسوعة. في اجازتي السابقة زرته ووجدت معاه كمال ابو العزائم وكان بيكتب في زكرياته
وخليفة كرار والعوام ودكتور سليمان مضوي وعبدالقادر حسن الضو
|
Post: #201
Title: Re: بـُــري
Author: يازولyazoalيازول
Date: 06-21-2008, 08:51 AM
Parent: #199
كتب محمد يسن خليفة
Quote: أخوي هشام شيخ الدين:
Quote: أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين)
لا يعرف الفضل إلا فاضل...
والله.. والله يعلم لكم أثرت فيا كلماتك هذة لما فيها من نبل لا يأتي إلا من نبيل مثلك... بها لبسنا نحن أبناء بري ثوب الأصالة والعفة والنبل
تجدني سعيد بما كتبته هنا.. فلا يشتري الرجال إلا رجل... ولقد أعطيت.. وحقا أوفيت.. وهذا شرف لنا جاء منك أيها الشريف
بك تسعد بري ويتشرف أبنائها
ولك مني وعد.. توووور أذبحه لك في عرس بنتنا الدكتورة ربنا يحفظها ويخليها لينا
ويا أولادي البريياب شدو حيلكم ونحنا معاكم
محمد يسن خليفة
|
وكتب أمين يوسف:
Quote: واخيرا السيد هشام شيخ الدين
سيدى الفاضل
اشكرك جدا على كلمتكم فى شخصى وهى شهادة علقتها على جدران القلب الى ان ابعث حيا
الحقيقة الراحل توفى قبل مايقارب ال7 سنوات اثر ذبحة قلبيه وانا اسف لنقل هذا الخبر وصدقت فهذا حال الدنيا تصطفى الاخيار مبكرا
رد الله غربتكم وكل من خرج لاجل الرزق فى ارض الله الواسعة
الف مبروك تخريج الدكتورة وهى معناها دفعتى انا ايضا كنت ادرس الطب فى جامعة بحرالغزال فى نفس الفترة يعنى بدينا سوا لو هى درست 5 سنوات واحتمال اكون سنيرا لو درست اقل
ولان نسبكم شرف لايضاهى باذن الله سينال شرف نسبكم احد ابناء برى مادمت تكن لها هذا الحب والتقدير
يا اولاد برى انتبهوااااااااااااااااااااااااااااااااااااا لو فكت الدكتورة من برى الرماد كال حماد
ربنا يخلى ليك امين ويفرحك بجديده
الشكر كل الشكر لك استاذ هاشم واشكرك مجددا على مجاملتك الرقيقة بحقى
والشكر من قبل ومن بعد للاستاذ ماضى الذى استبحت ايميله (شيل حقك من بكرى هو السبب)
والشكر موصول الى اساسى صاحب البوست الذى القى الينا الكرة
أمين يوسف
|
وأنا بين هذا وذاك مذهول
لله دركم يا أهل برى
|
Post: #202
Title: Re: بـُــري
Author: ماضي ابو العزائم
Date: 06-21-2008, 10:21 AM
Parent: #201
كتب الاخ محمد الامين
| Quote: يبدو ياعزيزى انك تقصد الشريف محمد الامين مؤسس الاسرة فى السودان وهو لم ير برى اساسا وانا اقصد ابنه الشريف يوسف صاحب السراى والقبة وضيف عمدة المحس |
مع احترامى لكل آل الهندى لكن نحن فى المنطقه عندما نتحدث عن بدايات آل الهندى نقصد ضمنا الشريف يوسف وهو من ذكرت انه قدم للمنطقة فى التركية السابقةو خلينا ناخد المسألة بالحساب البسيط, أحمد حسن الضو امد الله فى عمره ناهز ال90 عاما من عمره وهو حفيد الفكى الضو(مضيف الشريف). فاكيد من اعتقله الانجليز هو سخص آخر غير الشريف يوسف- مع العلم اننى لا انتقص من حق الشريف لكننا أنا و انت نتحدث عن جانب مهمل من التاريخ من حقى و حقك ان نقول ما سمعنا من روايات شفهية و نقيسها بمقياس العقل و ما زامنها من احداث حتى تظهر الحقيقه المجردة.
لك منة الود كله
|
Post: #203
Title: Re: بـُــري
Author: ماضي ابو العزائم
Date: 06-21-2008, 10:33 AM
Parent: #202
أما قولك اخى أمين
| Quote: الخليفة عبدالله لم يحجز الهندى الخليفة عبدالله لم يحجز الهندى وماكان يستطيع |
عن انه لم يحتجز الهندى ضمن علماء الخرطوم , فما أوردته شهاده سماعيه تقبل الاخذ و الرد و الشفافيه هنا مطلوبه و مطلوبه جدا خاصة ان احتجازة للعلماء ثابت تاريخا.
اما انه يبدو اخى انك لم تعرف (تورشين) حق المعرفة, ببساطة وصل الحد بهذا الرجل ان يلف معارضية بجلود الابقار المذبوحة حديثا و يلقى بهم فى الشمش و يترك الجلد يجف (وبالتالى إنكمش) على هداوه.و البطش و اشكاله فى عهد الخليفة عبدالله التعايشى من الاشياء المسكوت عنهافى التاريخ.
|
Post: #204
Title: Re: بـُــري
Author: محمد أبوالعزائم أبوالريش
Date: 06-22-2008, 05:58 AM
Parent: #1
ناس بُرّي ... صباحاتكم بُيُض ...
في ملاحظة ... بوست بُري ده .. ولحدي هسة بوست عزابة ....
أقصد إنو مافي "بوردابية من بُري" ظهرت فيما عدا إنعام عبدالحفيظ، وهي ظهرت وقالت "أنا هُنا" وكبّت الزوغة.
|
Post: #205
Title: Re: بـُــري
Author: ماضي ابو العزائم
Date: 06-22-2008, 09:52 AM
Parent: #204
عن صاحب الصورة الشايل إبنة اخونا هشام. انا الزول ده بعرفه جدا بس قلت احسن الواحد إتاكد احسن الى ان اتانى الخبر اليقين من اخونا حيدر امين(المرشح لعضوية المنبر) فى ميل نصه:-
Quote: يا ماضى
ياخى قول لاخونا هشام جبريل الشايل بنتك فى الصورة ده ( محمد الامين يوسف الهندى) خريج الزراعة جامعة الخرطوم (1982) فعلا كان فى الثمانينات فى جده واخر مرة قابلته فى اواخر التسعينات فى العين بالامارات . وهو حى يرزق ويعمل فى الخرطوم الان تجارة حرة
|
|
Post: #206
Title: Re: بـُــري
Author: يازولyazoalيازول
Date: 06-22-2008, 09:58 AM
Parent: #205
الله يبشرك بالخير ، فقد أسعدنى الإيميل حق حيدر أمين الذى أتانى بالخبر اليقين وياريت يكمل جميلو ويرسل لينا عنوان الراجل
ياخ الله يبشركم بالخير يا ناس برى يا اصيلين
والله أسعدنى الخبر وكأنما الرجل ولد من جديد
تحياتى للجميع والحمد لله فى بدء وفى ختم
|
Post: #207
Title: Re: بـُــري
Author: محمد الشيخ أرباب
Date: 06-22-2008, 10:23 AM
Parent: #206
يا عبد الغني كرم الله تعال نفتش في خبايا الذاكرة عن البراري وامتداد ناصر
مكتبة الملتقى
حسين كرم الله
جماع
واولاد المرحوم ابراهيم بله ومربوعهم البيعتبر السودان الصغير ( محس-نوبة-بقارة- حعليين-شوايقة)
عوض كراتي
عفيفي
قصي
لؤي
ابوعرب
|
Post: #208
Title: Re: بـُــري
Author: محمد أبوالعزائم أبوالريش
Date: 06-22-2008, 11:03 AM
Parent: #1
الشئ بالشئ يذكر .... مكتبة الملتقى كمان ذكرتني مكتبة المرحوم محمد ابراهيم حاج الأمين (حتيكابي) الكانت في المحطة الوسطى الخرطوم، وعلى ما أذكر كان اسمها (أبا دماك)
|
Post: #209
Title: Re: بـُــري
Author: ماضي ابو العزائم
Date: 06-23-2008, 11:21 AM
Parent: #208
عوده للشخصيات التى استقرت بالبرارى ولو الى حين :-
عند دخول التليان للحبشه و أنقلاب ابنه بالتبني عليه لاذ هيلى سلاس امباطور اثيوبيا بالسودان و استقر بسراى الشريف الهندي.
فى مصر كان هناك شيخ صوفى ناهض الانجليز فنفوه الى سواكن ثم الخرطوم و كان استاذ الشريعة بجامعة الخرطوم وهو العارف بالله السيد محمد ماضي ابوالعزائم و طوال فترته بالخرطوم استقر ببرى المحس فى نفس المبنى الكان فيه نادى برى المحس الثقافى(نادى العجايز)قبل انتقاله لمقره الحالى.
خليفة مولانا الشيخ ماضى ابوالعزائم هو السيد الارزهلى وهو جد محمد مراد القطب الاتحاد المعروف بالبرارى .
|
Post: #210
Title: Re: بـُــري
Author: محمد أبوالعزائم أبوالريش
Date: 06-23-2008, 12:34 PM
Parent: #1
| Quote: طوال فترته بالخرطوم استقر ببرى المحس فى نفس المبنى الكان فيه نادى برى المحس الثقافى(نادى العجايز)قبل انتقاله لمقره الحالى. |
لا يزال بعض مواطني بري المحس يشيرون لذلك المنزل ب(حوش الشيخ ماضي)
|
Post: #211
Title: Re: بـُــري
Author: haleem
Date: 06-23-2008, 12:59 PM
Parent: #1
| Quote: مكتبة الملتقى كمان ذكرتني مكتبة المرحوم محمد ابراهيم حاج الأمين (حتيكابي) الكانت في المحطة الوسطى الخرطوم، وعلى ما أذكر كان اسمها (أبا دماك) |
مكتبة حتيكابي لم تكن بالمحطة الوسطى..بل كانت بالسوق العربي...شرق المكتبة الحالية بميدان الامم المتحدة ومواجهة لعمارة ود الجبل ..ولم يكن اسمها أبا داماك..بل كانت مسماة على أحد مناهضي الاستعمار وقادة حركة التحرر الأفارقة ...
شوية كدة واتذكر الاسم
|
Post: #212
Title: Re: بـُــري
Author: محمد أبوالعزائم أبوالريش
Date: 06-23-2008, 01:17 PM
Parent: #211
| Quote: مكتبة حتيكابي لم تكن بالمحطة الوسطى..بل كانت بالسوق العربي |
صحيح .. شكراً للتذكير، فهي كانت بالسوق العربي، في نفس مكان باصات بري الأهلية آنذاك
|
Post: #213
Title: Re: بـُــري
Author: عادل خياري
Date: 06-24-2008, 05:38 AM
Parent: #212
سلام لكل اهل بري الكرام
وشكرا لهذا البوست الذي فجر في جواي ذكرى ايام خوالد لازالت عالقه كاحلى ايام عشتها في هذه البري المعطاءه
فقد سكنت في بري الشريف لمدة ستة اشهر وكانت من الايام الخوالد
وقبل ان اسكنها كانت لي علاقات حميمه بزميل الدراسه الدكتور عبدالرحيم الامين عبدالرحيم فحببني في بري وساكنيها
فله التحيه من على البعد وليتكم اهل بري تمدوني بتلفونه بعدان فرقنا الزمن
وفي باريس المدينه الصاخبه تعرفت على المعدن الاصيل الاخ عادل داؤد فنعم المعرفه في الغربه
اما هنا في واشنطون فالاخ هاني مبارك فخير من يمثل بري فقلبه وداره مفتوح للكل اما مايجود به وقته رغم مشغولياته
فوجهه للعمل العام لاثراء العمل الرياضي بمنطقة واشنطون الكبرى
فلكم التحيه يااهل بري
ومررت على هذا البوست لاعلن انضمامي لكم ان كان هناك متسع
مودتي
|
Post: #214
Title: Re: بـُــري
Author: ماضي ابو العزائم
Date: 06-24-2008, 10:11 AM
Parent: #213
| Quote: خليفة مولانا الشيخ ماضى ابوالعزائم هو السيد الارزهلى وهو جد محمد مراد القطب الاتحاد المعروف بالبرارى . |
المعروف عن الشيخ انه مؤسس الطريقة العزمية و الشيخ القائم الان هو شيخ سيف الدين محمد احمد ابوالعزائم و متزوج من برى الدرايسة
|
Post: #215
Title: Re: بـُــري
Author: ماضي ابو العزائم
Date: 06-25-2008, 10:08 AM
Parent: #214
الكلام دخل الحوش
جانى ميل من شخص تعتبر اسرتة ركن اساسى من اركان برى المحس. تذكروا معاى المداخلة دى:-
Quote: سمعتو فى الدنيا زول (إسرق) مدرسه و افتخر بيهو أهله؟؟؟...نعم مدرسه و مش اشياء داخل مدرسه، يعنى المبانى بتاعت مدرسه زى جنى سيدنا سليمان لما جاب قصر بلقيس.
و ليكم الحكاية:-
هو الخال محمد ابراهيم الباشكاتب، و اسم الباشكاتب من واقع مهنته فى عهد الانجليز و من واقع المهنه دى مر عليه قرار بانشاء ثلاثه مدارس بنات فى العاصمه المثلثة فما كان منه(و من وراء ظهر المسؤلين)إلا ان حول احدى هذه المدارس الى برى المحس و مشى الخطاب المعدل على المسؤل البرطانى فكان من حظ برى واحده من اول ثلاثه مداس للبنات فى السودان (طبعا باثتثناء رفاعة)
بالمناسبه المدرسة كانت اصلا لبحرى(بس ناس بحرى ما ازعلوا) |
الميل من الاستاذه هدى بت الخال محمد ابراهيم الباشكاتب و نصيحه ليكم امسكوا فى الزولة دى كويس و كويس جدا فهى تاريخ برى يمشى على قدمين و بالله عليك يا هدى استبيحى ميلى انتى و كل من اراد الكتابه عن موضوع البرارى. نص الميل بعد حذف الاشياء الخاصة جدا(الاسرية):
Quote: السلام عليكم ورحمة الله تعالى وبركاته
ألاخ ماضي
أعرفك بنفسي
وأكيد بتعرفني
هدى محمد أبراهيم- بري المحس-بت خالك محمد ابراهيم أحمد)
المهم عجبني جدا البوست عن بري
لكن ليكم بعض اللوم كل المتداخلين اتكلمو عن بري اللاماب والدرايسه وناصر الا انتو اولاد المحس ما اديتوها حقها
معلومه سريعه عن بري وساوافيك فيما بعد باكبر معلومات عنها
اولا بري كانت مكان مدرسة الراهبات وكنيستها وحتى جامعة الخرطوم
ولما الانجليز عايزين يبنو كنيسة ما حلى ليهم الا حلة اهلنا المحس
(لاحظ حتى وقت قريب اهلنا كانو بزرعو في الجروف القصاد جامعة الخرطوم)
ورحلوهم في المنطقة الفيها قارن سيتي الان وكانت اسمها الحليلة
واسم بري يقال انه اطلقوه الانجليز من اسم الكنيسة البنوها كانتربري
وصوت لوم ليك لانك قصرت في سرد كتير من شخصيات لعبت دور كبير في بري
منهم عمك الباشكاتب محمد ابراهيم احمد سليمان
وهو الذي استخرج التصديق لمدرسة بري المحس الابتدائية للبنات وهو الذى سعى لانشاء مدرسة قرنفلي المتوسطة
وهذه لها قصة اسردها ليك
سعي هو بعض رجالات بري لقيام مدرسة اهلية متوسطة للبنين
فذهب هو وابنه المحامي على للسيد اميل قرنفلي رجل الاعمال وكان على هو المحامي لقرنفلي مما سهل الوضوع
ولم يتانى السيد قرنفلي لتلبية الطلب بل رحب
وقام بالتنفيذ وقامت لجنة المدرسة بتسميتها باسمه عرفاناً بجميله
ونسيت انو اول فريق هو فريق بري المحس وده ممكن اكلمكم عنه حيدر امين برواية ابوه لانه من اللاعبين في ذلك الفريق
وما تنسى ابراهيم كبير لاعب المريخ
وبيوتات كبيره داخلها شخصيات لعبت ادوار
في الحياة الاجتماعية في بري وغيرها وفي المجال السياسي
عندك مثلاً عليى محمد ابراهيم المحامي هو الذي نادى بالاضراب السياسى في ثورة اكتوبر وده كان في اجتماع الهيئة
والتي كانت تضم الاحزاب الساسية والمحاميين والقضاة والاطباء والعمال
وقد ذكر هذا الحدث الاستاذ ميرغني النصري نقيب المحاميين في برنامج اسماء في حياتنا مع المذيع عمر الجزلي
طولت عليك لكن هناك الكثير والكثير عن المحس
وشايفه ابن عمي عمر الشيخ ارباب انضم للكواكب المنيرة من اولاد المحس
تحتاتي له
وحيدر امين سينضم
وياريت القى فرصه لانه فعلا موقع مميز وانا اول شي بعمله الصباح بدخل عليه واتصيد الاخطاء خاصة الاملائية وما اكترها
لك التحايا ولمحمد واعذرني ان طولت عليك |
|
Post: #216
Title: Re: بـُــري
Author: ماضي ابو العزائم
Date: 06-25-2008, 10:30 AM
Parent: #215
التحية ليك يا هدى, بس عيز اقول لو رجعتى للصفحة الاولى بتلقى الكلام الكتبتو عن الخال الباشكاتب,
Quote: وشايفه ابن عمي عمر الشيخ ارباب انضم للكواكب المنيرة من اولاد المحس
تحتاتي له |
الدخل هو اخوه الاصغر محمد و مستنين منو الكتير
| Quote: وياريت القى فرصه لانه فعلا موقع مميز وانا اول شي بعمله الصباح بدخل عليه واتصيد الاخطاء خاصة الاملائية وما اكترها |
الكلام ليك يا المنطط إضنيك.
فى الصفحة الثانية من البوست عامل لنك عن بوست سابق كتبتو بعنوان(معانى و اسباب اسماء هذه المدن) فيهو شئ عن البرارى بالله ادخليهو يا هدى و لو عندك اى اضافة اضيفيها هنا(و اساسا تعرضتى لجزئية منها)
|
Post: #217
Title: Re: بـُــري
Author: محمد الشيخ أرباب
Date: 06-25-2008, 10:39 AM
Parent: #215
نرحب ببنت العم الاستاذه / هدى محمد ابراهيم ومساهماتها القيمة في هذا البوست
نرجو المواصلة في اثراء هذا البوست
تحياتي لك
|
|
|