Post: #1
Title: الخلايا النائمة !!
Author: نادية عثمان
Date: 06-04-2008, 08:37 AM
Parent: #0
هل هناك أول من أطلق هذه العبارة في عالم السياسين .. ومن هو ؟!!
هل العبارة تتعلق بلعبة ساس يسوس فقط ,, أم إنه يمكن إستخدامها في سياقات أُخرى ؟!!
ولماذا تنوم هذه الخلايا أصلا ؟!!
وهل تستيغظ وحدها أم طبقا للأوامر ؟!!
وكده يعني !!!
|
Post: #2
Title: Re: الخلايا النائمة !!
Author: نادية عثمان
Date: 06-04-2008, 08:52 AM
من قال لا أعرف فقد أفتى !!
و
أنا ( أعوذ بالله من كلمة أنا ) !!
أريدُ أن أعرف !!
|
Post: #3
Title: Re: الخلايا النائمة !!
Author: نادية عثمان
Date: 06-04-2008, 09:02 AM
Parent: #2
قلت أستعين بـ ( عمو) قوقل
كتبت عبارة ( الخلايا النائمة) جاتني زي دشيلون مقال وموضوع كلها متعلقة بسياق العبارة في موضوعات سياسية فقط !!
و
مازلتُ أنتظر العارفين من الزملاء الكرام والزميلات الكريمات في المنبر !
|
Post: #5
Title: Re: الخلايا النائمة !!
Author: عبد اللطيف السيدح
Date: 06-04-2008, 09:12 AM
Parent: #3
عزيزتي نادية
بوستك ده حايمرق كل الاطباء السودانيين المنتشرين علي طول وعرض المعمورة ليدلوا بدلوهم في هذا
الكلام لانه كلام دكاترة وبس وناس( قريعتي راحت ) يقعدوا فراجة. فأين انتم يا اطباء المنبر
رغم اننا نعلم انكم تشاطرون هذه الايام زميلكم المعز بخيت الذي فقد ماله بسبب الهاكر
|
Post: #7
Title: Re: الخلايا النائمة !!
Author: نادية عثمان
Date: 06-04-2008, 09:20 AM
Parent: #5
الغالي عبد اللطيف السيدح
| Quote: الكلام لانه كلام دكاترة وبس وناس( قريعتي راحت ) يقعدوا فراجة. فأين انتم يا اطباء المنبر |
أها دي والله معلومة مُفيدة جداً يعني الموضوع ليهو علاقة بالطب كمان ؟!!
يعني في خلايا نائمة في خلايا الإنسان كمان !!
أها فعلاً نعرف برضو المصطلح من ناحية طبية بيؤدي لشنو يادكاترة وأطباء المنبر الكرام .. سمح ؟!!
|
Post: #4
Title: Re: الخلايا النائمة !!
Author: Maawya Hussein
Date: 06-04-2008, 09:11 AM
| Quote: هل العبارة تتعلق بلعبة ساس يسوس فقط ,, أم إنه يمكن إستخدامها في سياقات أُخرى ؟!! |
تستخدم في نطاق واسع عند الجيش والمخابرات ورجال الامن ..
وايضا ممكن استخدامها هنا (منبر سودانيز اونلاين) هناك خلايا نائمه تظهر بظهور احداث معينه وتختفي بأختفاء الحدث
|
Post: #10
Title: Re: الخلايا النائمة !!
Author: نادية عثمان
Date: 06-04-2008, 09:31 AM
Parent: #4
المحترم معاوية حسين
حبابك
| Quote: تستخدم في نطاق واسع عند الجيش والمخابرات ورجال الامن .. |
كويس جداً .. يعني هل في وظيفة في أجهزة الجيش والمخابرات والأمن لمجموعة من الناس بحتاجوا ليهم في مهام محددة وبسموهم الخلايا النائمة ؟!!
| Quote: وايضا ممكن استخدامها هنا (منبر سودانيز اونلاين) هناك خلايا نائمه تظهر بظهور احداث معينه وتختفي بأختفاء الحدث |
والله ماعارفة ديل يسموهم خلايا نائمة ولا شنو .. لكن فعلاً مرات يدي تدوس على أيقونة الحضور فبلاقي أسماء عمري ماشفت ليها مداخلات ولا مشاركات في المنبر .. ومرات بظهر زول يجيك في البوست وتكون عمرك مالاقاك إسمو مع إنو لو رجعت لتاريخ تسجيلو بتلقاهو عضو قديم جداً!!
طيب وخلايا المنبر ديل نائمين ليه ؟ 
|
Post: #11
Title: Re: الخلايا النائمة !!
Author: Maawya Hussein
Date: 06-04-2008, 10:06 AM
Parent: #10
Quote: يعني هل في وظيفة في أجهزة الجيش والمخابرات والأمن لمجموعة من الناس بحتاجوا ليهم في مهام محددة وبسموهم الخلايا النائمة ؟!!
|
لا
بيستخدموها ناس الجيش والمخابرات والامن دائما للقضاء علي تلك الخلايا (دايما بتكون مجموعات متمرده)
مثال بسيط في الهجوم الاخير بتاع امدرمان ناس الامن دايما كان بصرحوا انو في خلايا تابعه للعدل والمساواه شاركت او ساعدت دخول خليل لامدرمان
الخلايا النائمه دائما ناتجه من مجموعات متمرده او جيش غير نظامي
والله اعلم
| Quote: طيب وخلايا المنبر ديل نائمين ليه |
غايتو في واحد اسمو abcd دا بظهر مع خدر الصحفي بس 
|
Post: #14
Title: Re: الخلايا النائمة !!
Author: نادية عثمان
Date: 06-04-2008, 10:21 AM
Parent: #11
معاوية
Quote: مثال بسيط في الهجوم الاخير بتاع امدرمان ناس الامن دايما كان بصرحوا انو في خلايا تابعه للعدل والمساواه شاركت او ساعدت دخول خليل لامدرمان
الخلايا النائمه دائما ناتجه من مجموعات متمرده او جيش غير نظامي |
طيب وديل بكون عندهم قيادة وإجتماعات للتنسيق والتشاور فيما يريدون القيام به من مهام ولا بتجي الحكاية كده عفوية وكيفما أتفق ؟!!
| Quote: غايتو في واحد اسمو abcd دا بظهر مع خدر الصحفي بس |
ووأحد إسمو ديمقراسي كتاباتو قليلة بس هادفة وجميلة
ووأحد إسمو عمك تنقو زمان كان فاعل بس هسة بقى نائم  
معاً لتنشيط وإيغاظ الخلايا المنبرية النائمة
|
Post: #20
Title: Re: الخلايا النائمة !!
Author: Maawya Hussein
Date: 06-04-2008, 10:52 AM
Parent: #14
| Quote: طيب وديل بكون عندهم قيادة وإجتماعات للتنسيق والتشاور فيما يريدون القيام به من مهام ولا بتجي الحكاية كده عفوية وكيفما أتفق ؟!! |
اكيد بكونوا تايعين لي تنطيم معين وبتوكل مهام في حاجات معينه ( دائما متخصصه في حته معينه)
|
Post: #6
Title: Re: الخلايا النائمة !!
Author: عمر الفاروق
Date: 06-04-2008, 09:14 AM
في ظل التوتر السائد في جزر القوقاز ومع تآكل الطبقات التحتية العمالية مع إضمحلال الرؤيا النقدية الثقافية وفي ظل التباعد الفكري بين دول الهلال الخصيب والشريط الحدودي لطاجكستان وفلادفستك كانت الخلايا النائمة !!
لا عليك عزيزتي دعيها وشأنها لا توقظيها فهي لم تنم منذ وقت بعيد بعد أن كانت ساهرة في أوفر نايت بي ندى القلعة ..
|
Post: #8
Title: Re: الخلايا النائمة !!
Author: انعام حيمورة
Date: 06-04-2008, 09:21 AM
Parent: #6
Quote: في ظل التوتر السائد في جزر القوقاز ومع تآكل الطبقات التحتية العمالية مع إضمحلال الرؤيا النقدية الثقافية وفي ظل التباعد الفكري بين دول الهلال الخصيب والشريط الحدودي لطاجكستان وفلادفستك كانت الخلايا النائمة !!
لا عليك عزيزتي دعيها وشأنها لا توقظيها فهي لم تنم منذ وقت بعيد بعد أن كانت ساهرة في أوفر نايت بي ندى القلعة .. |
نادية انا قلت قصيدة جديدة كاتباااها براك ولا شنو ؟؟!! 
|
Post: #15
Title: Re: الخلايا النائمة !!
Author: نادية عثمان
Date: 06-04-2008, 10:27 AM
Parent: #8
نعوووووووووومي
| Quote: نادية انا قلت قصيدة جديدة كاتباااها براك ولا شنو ؟؟!! |
تصدقي الأيام دي مضطرة أكتب قصائدي براي لانو الشعراء فضل الله محمد والسر قدور وهاشم صديق والتيجاني حاج موسى مافاضين يكتبوا لي 
والشاعر البروف عزو برضو مافاضي يكتب لي قصائدي لانو سرقوا منو محفظتو وفيها خمسين جنيه .. ياحليلو
|
Post: #29
Title: Re: الخلايا النائمة !!
Author: انعام حيمورة
Date: 06-04-2008, 11:23 AM
Parent: #15
Quote: تصدقي الأيام دي مضطرة أكتب قصائدي براي لانو الشعراء فضل الله محمد والسر قدور وهاشم صديق والتيجاني حاج موسى مافاضين يكتبوا لي
والشاعر البروف عزو برضو مافاضي يكتب لي قصائدي لانو سرقوا منو محفظتو وفيها خمسين جنيه .. ياحليلو |
لا حولالالا
تعالوا احكي ليكم القصة دي ..
لما كنت في القاهرة( ) دي لناس بعرفوها منهم علاء الدين اخوي ّ!!!
مشيت لي نادية وكنت قاعدة معاها وبنتونس فجأ قالت لي تعالي وفتحت البوست دا ..
جيت عشان تقلب كياني .. وتمشي زي الما في حاجة ؟!!
وقبل ما تكتب قالت لي يانعوم ..
عشان تكوني شاهدة انو ما بكتبوا لي وتشوفي بام عينك وكتبت بالتحديد القصيدة دي :
Quote: إنت قايل الكلمة كافية
عشان أعيش أنا عمري بيها ؟!!
روحي في بُعدك بتحرق
وإنت ماعارف العليها !!
كُل مرّة تقول حبيبتك
وإني وحدي المشتهيها
الإ وأقف في مكانك
وخطوة ماقادر تجيها !!
*** ****
جد تعبتَ من الكلام
أنا تاني مابصبُر عليك
صاح بحبك وعارفة روحي
وقلبي بالحيل مشتهيك
الإ عاد عذّبني صبري
وعايزة بس المح عينيك !! |
حقيقة دهشت للكلام القالته ودهشت لروعة القصيدة التي كتبت في حضرتي ..
نادية انتي جد ملاك (دا عنوان بوست مش) ترقبيهو
|
Post: #33
Title: Re: الخلايا النائمة !!
Author: نادية عثمان
Date: 06-04-2008, 11:40 AM
Parent: #29
نعوووومي صديقتي الغالية
Quote: وقبل ما تكتب قالت لي يانعوم ..
عشان تكوني شاهدة انو ما بكتبوا لي وتشوفي بام عينك وكتبت بالتحديد القصيدة دي : |
ماكمان يا إنعام إنتي لو مريتي بمرار تجربة زول يشكك في مقدراتك وحاجاتك وحتى إسم أبوك حيمورة كنتي حاتندهشي زي وتجيبني أشهد إنو إسمك إنعام حيمورة وتوريني صورة أبوك
ياوزولة خليها على الله
وكلو بالحُب والضمير الأبيض ببقى حلو سمح ؟!
|
Post: #18
Title: Re: الخلايا النائمة !!
Author: نادية عثمان
Date: 06-04-2008, 10:45 AM
Parent: #9
رأفت ميلاد
عارف ؟
قصدت أكتب إسمك كده ( حاف) بعد لقيت لؤي شمّت بناديك ( رأفت) في بوست لمياء شمّت ( صحبتي) 
بصراحة كده إيمكن لمياء مامعتبراني صحبتها لكن بجد أنا معجبة بي فكرها وكتاباتها ووعيها الكبير عشان كده ( بتسلبط ) في صحوبيتها .. شُفتَ اللياقة دي كيف
عليك الله لما تتصل بيها بلغها إعجابي الشديد سمح ؟
Quote: ما بتعرفى الخلايا النايمة
دى البصحيها متل الكلام ده جيت عشان تقلب كياني .. وتمشي زي الما في حاجة ؟!!
جاى أسلم بس
خلى خلايانا نايمة فى نوما
مودتى |
عايزة أقول ليك إنت المعارف دخولك لي بوستاتي بفرحني قدر شنو والله !!
عاين
وجهك فيهو طيبة سودانية وراحة للنفس بشكل عجيب كده وكمان بتشبه صديقي ( قابي) بتعرفو؟!!
|
Post: #58
Title: Re: الخلايا النائمة !!
Author: رأفت ميلاد
Date: 06-04-2008, 09:18 PM
Parent: #18
Quote: عايزة أقول ليك إنت المعارف دخولك لي بوستاتي بفرحني قدر شنو والله !!
عاين
وجهك فيهو طيبة سودانية وراحة للنفس بشكل عجيب كده وكمان بتشبه صديقي ( قابي) بتعرفو؟!! |
غايتو كلام حلو حلا .. بس طبزتيها بى قابى ده .. ما عندى مانع فى قابى أب شنب .. ونضاراتو الشطة ديك .. لكن تقولى شنو .. سلمى لى عليه كتير ..
أما ليميا المفعوصة خليتا شويفعونة حنكوشة كدا .. لما قريت كلاما لأول مرة إنزهلت .. نفسى زاتى أشوفا ..
ده كلو نكت فى الخلايا النايمة
|
Post: #59
Title: Re: الخلايا النائمة !!
Author: نادية عثمان
Date: 06-04-2008, 10:06 PM
Parent: #58
| Quote: غايتو كلام حلو حلا .. بس طبزتيها بى قابى ده .. ما عندى مانع فى قابى أب شنب .. ونضاراتو الشطة ديك .. لكن تقولى شنو .. سلمى لى عليه كتير .. |
والله فرحت تاااااااااااني بجيتك الحلوة يارأفت ( حاف )
| Quote: أما ليميا المفعوصة خليتا شويفعونة حنكوشة كدا .. لما قريت كلاما لأول مرة إنزهلت .. نفسى زاتى أشوفا .. |
والله لمياء بت أمي زينب دي زاااااااتي نفسي أشوفها تعال نمشي ليها سوة رأيك شنو موش فكرة
| Quote: ده كلو نكت فى الخلايا النايمة |
أنكُت تاني عليك الله وخليك هنا وحاة قابي صحبي أب نضارات سمح ؟
|
Post: #12
Title: Re: الخلايا النائمة !!
Author: نادية عثمان
Date: 06-04-2008, 10:11 AM
Parent: #6
الديماجوجي عُمر الفاروق
| Quote: لا عليك عزيزتي دعيها وشأنها لا توقظيها فهي لم تنم منذ وقت بعيد بعد أن كانت ساهرة في أوفر نايت بي ندى القلعة |
أغايتو ده كلو هين .. علا الفيك إتعرفت ياما( مثقف) ياخ وريني الديماجوجي يعني شنو ياخ ؟!! 
|
Post: #13
Title: Re: الخلايا النائمة !!
Author: عمر الفاروق
Date: 06-04-2008, 10:14 AM
| Quote: ياخ وريني الديماجوجي يعني شنو ياخ ؟!! |
طلع معناها المطرطش ..
تصدقي؟
ما تعتمدي علي شديد وتصدقيني وتقولي لي بتك ..سمح؟
|
Post: #21
Title: Re: الخلايا النائمة !!
Author: نادية عثمان
Date: 06-04-2008, 10:54 AM
Parent: #13
عُمر الفاروق
| Quote: ما تعتمدي علي شديد وتصدقيني وتقولي لي بتك ..سمح؟ |
بتي بعد هديت حيلها بالمشاوير جات برضوووووو سألتني
ياماما ماتوريني الديماجوجي خليني أروح أشوف اللي ورايا ولا ماتعرفيش ؟!!
قُلت ليها وكلي ثقة
إيمو يابنتي .. الديماجوجي يعني عمو عمر الفاروق المرطّب في السعودية !!
عجبتها كلمة المُرطّب وعادت لتسألني .. مُرطّب يعني إيه ياماما ؟!!
فهتفت في وجهها
يالهووووووووووي
أمشي شوفي قرايتك يابت !!
|
Post: #16
Title: Re: الخلايا النائمة !!
Author: عبود عبد الرحيم
Date: 06-04-2008, 10:32 AM
نادية ...
حبابك
:
:
:
:
زي رأفت ... (جينا) قلنانسلم في الاول
صباحاتك خير
|
Post: #17
Title: Re: الخلايا النائمة !!
Author: عبد اللطيف السيدح
Date: 06-04-2008, 10:39 AM
Parent: #16
| Quote: تستخدم في نطاق واسع عند الجيش والمخابرات ورجال الامن |
لا لا المصطلح طبي بامتياز لكن تلقفته اجهزة المخابرات لانه صادف هوي في نفسها.
ولازلنا في انتظار الدكاترة ليقطعوا قول كل خطيب .
|
Post: #25
Title: Re: الخلايا النائمة !!
Author: نادية عثمان
Date: 06-04-2008, 11:05 AM
Parent: #17
ود السيدح
Quote: لا لا المصطلح طبي بامتياز لكن تلقفته اجهزة المخابرات لانه صادف هوي في نفسها.
ولازلنا في انتظار الدكاترة ليقطعوا قول كل خطيب .
|
ومعاك منتظرين نشوف رأي الأطباء والدكاترة في المنبر حول المصطلح !!
ومعاً لتنشيط خلايا الجسم النائمة
|
Post: #23
Title: Re: الخلايا النائمة !!
Author: نادية عثمان
Date: 06-04-2008, 11:00 AM
Parent: #16
عبود صديقي الفاعل غير النائم رغم الحمى والصداع ..كيفك وبركة الجيت
|
Post: #19
Title: Re: الخلايا النائمة !!
Author: عمر الحبر
Date: 06-04-2008, 10:51 AM
اولا السلام عليكم يا نادية
وانا من خلايا الموقع شبه النائمة
اما بالنسبة للخلايا النائمة فى السياسة
فهى على ما يبدو تطلق على الكوادر الغير
معروفة للجميع وزى ما تقولى كدة ما عليها العين
لكن بكون فى تنسيق قوى ما بينها وبين القيادة
وهى تتحرك فى الوقت المناسب
|
Post: #26
Title: Re: الخلايا النائمة !!
Author: نادية عثمان
Date: 06-04-2008, 11:14 AM
Parent: #19
الأخ المحترم عُمر الحبر
سعيدة جداً أن أتي بك هذا البوست بعد ( نوم) طويل
Quote: اولا السلام عليكم يا نادية
وانا من خلايا الموقع شبه النائمة |
طيب عشان نستفيد من البوست ده أكبر إستفادة ممكن نعرف البخليك من الخلايا شبه النائمة شنو ؟
هل هو كثرة الإنشغال .. أم حب المطالعة والقرأة دون إبداء الرأي ولا إستياء من حال المنبر ولا شنو مثلا ؟!
Quote: اما بالنسبة للخلايا النائمة فى السياسة
فهى على ما يبدو تطلق على الكوادر الغير
معروفة للجميع وزى ما تقولى كدة ما عليها العين
لكن بكون فى تنسيق قوى ما بينها وبين القيادة
وهى تتحرك فى الوقت المناسب |
وشكراً جميلاً على المداخلة الثرّة والمفيدة ياعُمر وحبابك مليون ..
|
Post: #22
Title: Re: الخلايا النائمة !!
Author: عاطف عمر
Date: 06-04-2008, 10:58 AM
أول مرة أسمع بالمصطلح كان في سياق النكتة التي راجت عن الكسل المزعوم للسودانيين
____
تقول النكتة أن سودانياً تم تجنيده في تنظيم القاعدة
فوافق بشرط أن يكون في كتيبة الخلايا ( النائمة ) .
_______
سلامات نادية العزيزة
|
Post: #28
Title: Re: الخلايا النائمة !!
Author: نادية عثمان
Date: 06-04-2008, 11:22 AM
Parent: #22
عاطف الغالي
Quote: تقول النكتة أن سودانياً تم تجنيده في تنظيم القاعدة
فوافق بشرط أن يكون في كتيبة الخلايا ( النائمة ) . |
أغايتو السودانيين ديل بكونوا أكتر شعب طلعوا عليهو نُكت في العالم فيما يتعلق بالكسل والخلايا النائمة
|
Post: #24
Title: Re: الخلايا النائمة !!
Author: عمر الفاروق
Date: 06-04-2008, 11:02 AM
نادية عايني..
إنتي قاصدة الخلايا النائمة ولا المدينة العائمة ؟
|
Post: #27
Title: Re: الخلايا النائمة !!
Author: عبد اللطيف السيدح
Date: 06-04-2008, 11:18 AM
Parent: #24
Quote: النكتة أن سودانياً تم تجنيده في تنظيم القاعدة
فوافق بشرط أن يكون في كتيبة الخلايا ( النائمة |
اها دي دايرة بوست منفصل
اكبر قضية تؤرق مضاجعنا في الغربة هذه التهمة الملفقة
اعمل في مؤسسة لولا السودانيين الذين يعملون فيها لما انجزت اي شئ من عملها ولو غاب سوداني تنقلب
الارض والسماء .
لا اريد تغيير اتجاه البوست لكن نفسي اعرف من اين جاءت هذه التهمة؟؟
|
Post: #35
Title: Re: الخلايا النائمة !!
Author: نادية عثمان
Date: 06-04-2008, 11:45 AM
Parent: #27
ود السيدح
Quote: اها دي دايرة بوست منفصل
اكبر قضية تؤرق مضاجعنا في الغربة هذه التهمة الملفقة
اعمل في مؤسسة لولا السودانيين الذين يعملون فيها لما انجزت اي شئ من عملها ولو غاب سوداني تنقلب
الارض والسماء .
لا اريد تغيير اتجاه البوست لكن نفسي اعرف من اين جاءت هذه التهمة؟؟ |
أها أنا زاتي زيك والله ودمي بتعكّر لما مصري ولو على سبيل المزاح يقول لي السودانيين كسالى .. ومعاك بسأل من وين جات التهمة للسوداني إنو كسول ؟!!
|
Post: #31
Title: Re: الخلايا النائمة !!
Author: نادية عثمان
Date: 06-04-2008, 11:28 AM
Parent: #24
عُمر
Quote: نادية عايني..
إنتي قاصدة الخلايا النائمة ولا المدينة العائمة ؟ |
لا أنا قاصدة بلّة ود عشة .. وينو بلّة ؟!!
بتعرفو ؟!!
|
Post: #30
Title: Re: الخلايا النائمة !!
Author: عمر الحبر
Date: 06-04-2008, 11:26 AM
| Quote: طيب عشان نستفيد من البوست ده أكبر إستفادة ممكن نعرف البخليك من الخلايا شبه النائمة شنو ؟ |
انا عضو جديد بصراحة انشغلت فى بوست اليوم الحار شديد لكن من هنا وماشى حا اكون خلية يقظة
|
Post: #34
Title: Re: الخلايا النائمة !!
Author: ABUKHALID
Date: 06-04-2008, 11:40 AM
Parent: #30
خلاينا فترت
من صحيانهاالمستقيم
فنامت قليلا كي تستريح
فدعيها تنام قليلا
وسميها الخلايا
( النيامة نوم الديك في الحبل)
|
Post: #37
Title: Re: الخلايا النائمة !!
Author: نادية عثمان
Date: 06-04-2008, 12:00 PM
Parent: #34
ABUKHALID
Quote: وسميها الخلايا
( النيامة نوم الديك في الحبل) |
أيوة لكن نوم العضو في المنبر ده ماسمح لأنو نحنا هنا عشان نتعارف على الأقل والإ فكيف نكون زملاء ومابنعرف حتى أسماء بعض؟!!
|
Post: #36
Title: Re: الخلايا النائمة !!
Author: نادية عثمان
Date: 06-04-2008, 11:51 AM
Parent: #30
عُمر الحبر الخلية التي إستيغظت
| Quote: انا عضو جديد بصراحة انشغلت فى بوست اليوم الحار شديد لكن من هنا وماشى حا اكون خلية يقظة |
ده كلام زي الورد وياريت كُل الخلايا النائمة وهى عندها باسوردات في المنبر ده تصحى معانا شوية سمح؟
|
Post: #32
Title: Re: الخلايا النائمة !!
Author: عبود عبد الرحيم
Date: 06-04-2008, 11:35 AM
Quote: اولا السلام عليكم يا نادية
وانا من خلايا الموقع شبه النائمة
اما بالنسبة للخلايا النائمة فى السياسة
فهى على ما يبدو تطلق على الكوادر الغير
معروفة للجميع وزى ما تقولى كدة ما عليها العين
لكن بكون فى تنسيق قوى ما بينها وبين القيادة
وهى تتحرك فى الوقت المناسب
عمر الحبر |
بختكم ... خلاص الدكاتره جو... ياالسيدح
|
Post: #38
Title: Re: الخلايا النائمة !!
Author: نادية عثمان
Date: 06-04-2008, 01:23 PM
Parent: #32
عبود سلامات
وينهم الدكاترة يازول ؟!!
|
Post: #39
Title: Re: الخلايا النائمة !!
Author: عبود عبد الرحيم
Date: 06-04-2008, 01:44 PM
Parent: #38
Quote: عبود سلامات
وينهم الدكاترة يازول ؟!! |
هو بتاع الخلايا شبه النائمة ... ما دكتوووور؟؟؟؟؟
كلامو... كلام دكاترة !!!
|
Post: #40
Title: Re: الخلايا النائمة !!
Author: نادية عثمان
Date: 06-04-2008, 01:55 PM
Parent: #39
عبود
عارف؟
في خلايا كتيرة نائمة نوم شديد خلاص في المنبر ده لا مشاركة لا ضحكة لا كلمة !!
معاً من أجل مشاركة ولو بكلمة سلام .. ومعاً من أجل تعارف جميل .. ومعاً من أجل إيغاظ الخلايا الغارقة في النوم
|
Post: #41
Title: Re: الخلايا النائمة !!
Author: Adil Osman
Date: 06-04-2008, 02:33 PM
دى الخلايا النائمة يا نادية.
صحينى معاك بكرة عليك الله.
|
Post: #42
Title: Re: الخلايا النائمة !!
Author: نادية عثمان
Date: 06-04-2008, 02:41 PM
Parent: #41
عادل ود أبوي عثمان سلاااااااام
إنت وين يازول ليك زمن مسجل غياب .. عامل فيها خلية ولا شنو
Quote: دى الخلايا النائمة يا نادية.
صحينى معاك بكرة عليك الله. |
لا عليك الله أصحى ياخ وتعال جيب لينا مقاطع من فيلم الخلايا النائمة ده سمح ؟!!
|
Post: #43
Title: Re: الخلايا النائمة !!
Author: العوض المسلمي
Date: 06-04-2008, 02:47 PM
ناديه سلام
الخلايا النائمه في سودانيز اون لاين دي في راي حاجة تانيه خالص
وفي راي متعدده ومنها :
مشاعر ناعمه وبارده تنتظر شاعر او شاعره تحي فينا هذه المشاعر وتوقظها
راي سياسي حر لايجد فرصه ليعبر فيها فيجد ضالته في هذا المنبر
قاص وجد تمردا من جاهلين فلم يجد تشجيعا فوجد مناصرين منكم اخوتي الاعضاء
وروح فاعله مزدهره سئمت الحياة فوجدت روحها فيكم اخوتي الاعضاء
وبالطبع اختي ناديه لم تقصدي خلاياهم هذه فبالمنبر من هم اولي
احاديثهم عن السياسه ...
|
Post: #45
Title: Re: الخلايا النائمة !!
Author: نادية عثمان
Date: 06-04-2008, 02:57 PM
Parent: #43
المسلمي حبابك مليون
وشكراً كتير تسلم على المداخلة الثرّة والموضوعية وفعلا كلامك صاح أظن في بعض الخلايا النائمة من الأعضاء ( قاعدة) ليها فوق رأي
وياريت تكون المساحة دي فرصة لظهورهم ومشاركتهم والتعرف بيهم كزملاء أعزاء في المنبر ..
|
Post: #44
Title: Re: الخلايا النائمة !!
Author: عمر الفاروق
Date: 06-04-2008, 02:50 PM
وجدتها ..وجدتها ..وجدتها ..
الخلايا النائمة هي تلك الخلايا التي كانت مستيقظة حتى وقت متأخر من الليل ثم نامت بعد أن إستيقظت خلايا كانت نائمة في تلك الفترة وأتت لتستلم الوردية منها ..
Yeeeeeeeeeeeeeeeeeeeeeesssssssssssssssssssssssssssssssssssssss
|
Post: #46
Title: Re: الخلايا النائمة !!
Author: ممدوح عثمان
Date: 06-04-2008, 04:32 PM
Parent: #44
الأستاذة نادية
انا اعتبر نفسي من الخلايا النائمة رغم قصر مدة إشتراكي
وفعلا بعد هذا البوست احسست بقيمة باسوردي
بس ماعايزين بكري يشم خبر يقوم يعمل كشة على خلايا المنبر النائمة
__________________
يلا ياالخلايا النائمة اتلحلوا شوية
|
Post: #49
Title: Re: الخلايا النائمة !!
Author: نادية عثمان
Date: 06-04-2008, 06:49 PM
Parent: #46
الجميل الدواخل ممدوح عثمان
| Quote: بس ماعايزين بكري يشم خبر يقوم يعمل كشة على خلايا المنبر النائمة |
لا ياخ بكري مابعمل كشّة ولا شئ بس نحنا عايزين الخلايا المنبرية تستيغظ وتشاركنا الوطن ده بالسلام والكلام والإبتسام .. وربنا يديم المعروف يارب ..
|
Post: #47
Title: Re: الخلايا النائمة !!
Author: نادية عثمان
Date: 06-04-2008, 05:09 PM
Parent: #44
أغايتو ياعمر نفسي يوم أشوفك جادي في المنبر ده قبل أعتزل منو أنا
بطل جنك ده ياخ
|
Post: #48
Title: Re: الخلايا النائمة !!
Author: عمر الفاروق
Date: 06-04-2008, 06:41 PM
| Quote: أغايتو ياعمر نفسي يوم أشوفك جادي في المنبر ده قبل أعتزل منو أنا |
خلاص يا نداية حا اكون معاك جااادي للكتاااااش .. وأوريك اخر إحتمال يقرب ليك فهم الخلايا النائمة ..
تتذكري الزول بتاع الصالون القلتو ليك داك ؟
اها الحصل ليهو داك بيسموهو خلايا نائمة ..
|
Post: #50
Title: Re: الخلايا النائمة !!
Author: azhary awad elkareem
Date: 06-04-2008, 07:07 PM
Parent: #48
نادية عثمان..
إزيك ..
عساك وكل من حولك بخير..
مرور للتحية وتأكيد المتابعة..
|
Post: #61
Title: Re: الخلايا النائمة !!
Author: نادية عثمان
Date: 06-04-2008, 11:08 PM
Parent: #50
الأكرم أزهري عوض الكريم
تسلم من كل شر يارب
وشكراً جداً للحضور السمح وزين ..
كُن بالف خير
|
Post: #53
Title: Re: الخلايا النائمة !!
Author: نادية عثمان
Date: 06-04-2008, 07:44 PM
Parent: #48
عمر الفاروق
رأيك شنو تمشي تنوم إنت زاتك كما النحلة في خليتها الوديعة ؟!!
|
Post: #51
Title: Re: الخلايا النائمة !!
Author: Ashraf el-Halabi
Date: 06-04-2008, 07:08 PM
لعن الله من أيقظها
|
Post: #52
Title: Re: الخلايا النائمة !!
Author: نادية عثمان
Date: 06-04-2008, 07:30 PM
Parent: #51
أشرف الحلبي ( يارب أكون كاتبة الإسم صاح)
يعني إتخيل لي إنك أول مرة تدخل لي بوست فعلى الأقل قول السلام عليكم ورحمة الله !!
على كل حال الف مرحب بمرورك الكريم وعليكم السلام ورحمة الله وبركاته
| Quote: لعن الله من أيقظها |
حقيقة والله ماعارفة بتقصد شنو .. بس لفظ ( اللعنة) ده مامريح حمانا الله وإياك من شر اللعنة أخي الكريم ..!!
وتاني حبابك مليون..
|
Post: #54
Title: Re: الخلايا النائمة !!
Author: ترهاقا
Date: 06-04-2008, 07:49 PM
Parent: #52
الاستاذة نادية اخبارك
غايتو انا بعتقد إنها خلايا مختبئة بتكون منتظرة اوامر ، وبتكون ما معروفة
عند الناس يعنى ما نايمة صاحية مفنجلة
ولك الود
|
Post: #69
Title: Re: الخلايا النائمة !!
Author: نادية عثمان
Date: 06-05-2008, 07:18 AM
Parent: #54
ترهاقا العزيز
| Quote: يعنى ما نايمة صاحية مفنجلة |
أغايتو الواحد إتعلم وعرف حاجات مفيدة كتيرة عن مصطلح ( الخلية النائمة ) على مستوى السياسة
أها ود السيدح بيؤكد إنو المصطلح طبي بحت !!
لكن الخلايا الصاحية ومفنجلة دي بتكون عاملة فيها نائمة .. حركة في شكل نومة يعني ؟!!
|
Post: #64
Title: Re: الخلايا النائمة !!
Author: Ashraf el-Halabi
Date: 06-04-2008, 11:32 PM
Parent: #52
يا زولة قولي باسم الله!!
عشان ما قلت سلام يا أستاذة ودي أول مداخلة لي أبقى قاصد حاجة!!
يا زولة انتي طالما عشتي وسط المصريين المفروض حس النكتة عندك يكون عالي!!
يعني الواحد تاني لو قال نكتة يشرحا في حاشية!!
!!!!!!!!!!!!!!!!!!!!!!!!!
كان ممكن أسحب تعليقي، الثبت حسب قرون الاستشعار والفحص الجنائي المنبري إنو مؤامرة تخريبية آثمة، لكن أخشى يجي زول يقرأ كلامك يتخيل أنا كتبت حاجة ما لذيذة.
عموماً لو سحبتي مداخلتك لي حا أسحب اللتنين بتوعي ويا دار ما دخلك شر.
|
Post: #67
Title: Re: الخلايا النائمة !!
Author: نادية عثمان
Date: 06-05-2008, 01:08 AM
Parent: #64
أشرف الحلبي
حبابك تاني ونورت البوست
| Quote: يا زولة قولي باسم الله!! |
بسم الله الرحمن الرحيم
| Quote: عشان ما قلت سلام يا أستاذة ودي أول مداخلة لي أبقى قاصد حاجة!! |
لا أبداً والله .. بس عشان دي أول مداخلة ليك معاي يعني تعارف جميل عشمت عشم بس أقرأ سلامك قبل كلامك بدون أي مقاصد سؤ .. بالعكس سعيدة بتداخلك معاى جداً .. ومليون مرحب بيك ..
Quote: يا زولة انتي طالما عشتي وسط المصريين المفروض حس النكتة عندك يكون عالي!!
يعني الواحد تاني لو قال نكتة يشرحا في حاشية!!
!!!!!!!!!!!!!!!!!!!!!!!!! |
يا أشرف إنت كمان ماتبالغ .. شُفتَ ليك دنقلاوي بيفهم نُكت بعد الساعة إتناشر لو عاش مع المصريين ولا المغاربة ؟!! ( اها دي نكتة يلا سمعني ضحكتك) !!
Quote: كان ممكن أسحب تعليقي، الثبت حسب قرون الاستشعار والفحص الجنائي المنبري إنو مؤامرة تخريبية آثمة، لكن أخشى يجي زول يقرأ كلامك يتخيل أنا كتبت حاجة ما لذيذة.
عموماً لو سحبتي مداخلتك لي حا أسحب اللتنين بتوعي ويا دار ما دخلك شر. |
حرَم لا تسحب ولا شئ ياخ البيت بيتك وأنا أختك وزميلتك خُش يازول لي جوة شيل ليك كوباية ليمون وإتغدي معانا!!
خارج الحاجات:
القال الجعليين براهم حارين ونفسهم حار موش ظلمهم ساي .. إنت جعلي ياولدنا ؟!!
|
Post: #55
Title: Re: الخلايا النائمة !!
Author: ASHRAF TAHA
Date: 06-04-2008, 07:59 PM
السؤال:
الخلايا النائـ(يـ)مـة
التحليل المنطقي:
حسب ترجمة مجمع اللغة العربية بجامعة (الكونت دي فسوار) بباريس، قسم اللغة العربية، مكونة من شقين:
خلايا: وتعريفها الجزئية الدقيقة لتكوين الأصل، حيث يبدأ كل شيء من خلية ثم ينقسم ويكبر ثم ينقسم ويكبر حتى يستقيم كامل الكروموسومات الصبغية ذلك الشيء ليصبح كاملاً، وبعد أن يكوّن حمضيه النووي والديوكسي رايبوزي (DNA & DRA). ونجد ذلك في الإنسان والنبات والحيوان وحتى في التكوينات الأولية للمادة (الجماد). والمعروف أن تلك الخلايا في طور نموها، تستهلك كل مخزونها البروتيني والنيوتروني، وبالتالي تموت (بالذات في الأحياء - راجعي النشوء والموت، كتاب السير وينفريد ماكبث سيرفانتيس الطبعة رقم 15، دار لندن للدعاية والنشر، صفحة 150، المجلد الثالث عشر). ويقل إحلال الخلايا بتقادم عمر الكائن بحيث تقل نسبة البروتينات المستحدثة اللازمة لذلك. أما بالنسبة للمادة (الجماد) فتنتهي المادة وبإنتهاء الطاقة الكامنة فيها وذلك لعدم وجود (المجسات التحفيزية لمركز الباراموتفيتز). ولعل ذلك ما دفع العلماء لعمل المفاعلات التحفيزية (الباراموتفيتز) في علم الذرة وما تلاه
النائـ(يـ)مـة: وهي حالة السبات الكلية للكائن الحي او المادة، سواء كان لخلل في نظام التطور، او نتيجة لدورة نشاط طبيعي للبصمات الوراثية في ما يخص الساعة الانثروبولوجية (المرجع: كتاب الشهيق والزفير، المجلة المُحكّمة لجامعة بير البيدق، العدد 365، صفحة 26، سنة 1809)
النتيجة:
خلايا نا ئـ(يـ)مـة، بصوت لا يسمع إلا بجهاز الـ(ألترا تركواز ماغنيتيك ديسك)
أول من أطلقها سياسياً:
زعيم حركة اليد السوداء (الذي سقط أسمه سهواً)، وهم من أطلقوا شرارة الحرب العالمية الأولى حينما كمنوا لملك النمسا بجسر (ذات الجدائل) وقاموا بإغتياله، ويحكي إبن بطوطة في رائعته (سلمى يا سلامة رحنا وجينا بالسلامة)، بأن جماعة اليد السوداء واللذين كانوا ينادون بتوحيد الصرب في دولة واحدة (حيث أنهم كانوا يعيشون في ذلك الوقت تحت مظلة الإمبراطورية النمساوية المجرية، بما في ذلك البوسنة والهرسك حالياً)، يقال بأنهم وضعوا خطة لإغتيال إمبراطور النمسا في ذلك الجسر وتصادف أنه (أي الأمبراطور) تناول وجبة غداء دسمة تبعها (كما في تلك الأيام الغناء والغناج)، فذهب في نوم عميق صحى منه متأخراً، بينما جماعة اليد السوداء بزعيمهم (الذي سقط أسمه وفتشت البيت كلو وما لقيتو) ينتظرونه. إشتاط الزعيم (الذي سقط إسمه مني) غضباً ونظر إلى جنوده شذراً وقال ليهم:
معانا خلية نايمة هنا
وفي رواية: معانا طابور خامس
كيف تصحو:
تُخج جيداً أو تُرش بماء باااااااااااااارد
|
Post: #70
Title: Re: الخلايا النائمة !!
Author: نادية عثمان
Date: 06-05-2008, 10:51 AM
Parent: #55
أشرف طه سلامات
Quote: أول من أطلقها سياسياً:
زعيم حركة اليد السوداء (الذي سقط أسمه سهواً)، وهم من أطلقوا شرارة الحرب العالمية الأولى حينما كمنوا لملك النمسا بجسر (ذات الجدائل) وقاموا بإغتياله، ويحكي إبن بطوطة في رائعته (سلمى يا سلامة رحنا وجينا بالسلامة)، بأن جماعة اليد السوداء واللذين كانوا ينادون بتوحيد الصرب في دولة واحدة (حيث أنهم كانوا يعيشون في ذلك الوقت تحت مظلة الإمبراطورية النمساوية المجرية، بما في ذلك البوسنة والهرسك حالياً)، يقال بأنهم وضعوا خطة لإغتيال إمبراطور النمسا في ذلك الجسر وتصادف أنه (أي الأمبراطور) تناول وجبة غداء دسمة تبعها (كما في تلك الأيام الغناء والغناج)، فذهب في نوم عميق صحى منه متأخراً، بينما جماعة اليد السوداء بزعيمهم (الذي سقط أسمه وفتشت البيت كلو وما لقيتو) ينتظرونه. إشتاط الزعيم (الذي سقط إسمه مني) غضباً ونظر إلى جنوده شذراً وقال ليهم:
معانا خلية نايمة هنا
وفي رواية: معانا طابور خامس
كيف تصحو:
تُخج جيداً أو تُرش بماء باااااااااااااارد |
يازول إنت جادي
موباااااااااالغة ..
أضحك الله سنك ياخلية عسل صاحية
|
Post: #56
Title: Re: الخلايا النائمة !!
Author: فتحي الصديق
Date: 06-04-2008, 08:26 PM
.....وقد تستيقظ خلية ما بفعل حرف رائع يمس الدواخل .أو بفعل لحن من زمان غير زماننا.
أو كما قال أحد العارفين بعلم الخلايا النائمة.
نادية الرائعة
سألت عليك مر الموج
وصوت الرقة في الأنسام
وثورات الرياح الهوج
قوافل الذكرى لو نادت
مشاعري تجيك في أول فوج
|
Post: #71
Title: Re: الخلايا النائمة !!
Author: نادية عثمان
Date: 06-05-2008, 11:05 AM
Parent: #56
فتحي الصديق يارائع
Quote: سألت عليك مر الموج
وصوت الرقة في الأنسام
وثورات الرياح الهوج
قوافل الذكرى لو نادت
مشاعري تجيك في أول فوج |
أها ده نوع الكلام البصحي خلايا الإلهام ويدغدغ الروح بنسمة دعاش فوواحة في عز الهجير !!
تسلم يازول ياحلو ويارب ماتشوف شر
|
Post: #57
Title: Re: الخلايا النائمة !!
Author: د.محمد حسن
Date: 06-04-2008, 08:35 PM
الخلايا النائمة يسال عنها الشيةخ الاتية اسماءهم
1- السيخ تمبس
2- الشيخ طارق نقد
3- الشيخ علاء حيمورة
اما من الدكاترة فاحيلك للدكتور نجيب زيادة
ودمتي في رعاية الله وحفظه
|
Post: #73
Title: Re: الخلايا النائمة !!
Author: نادية عثمان
Date: 06-05-2008, 11:33 AM
Parent: #57
د. محمد حسن
سلامات
Quote: الخلايا النائمة يسال عنها الشيةخ الاتية اسماءهم
1- السيخ تمبس
2- الشيخ طارق نقد
3- الشيخ علاء حيمورة |
معك ننتظر تشريفهم بوست الخلايا ليدلوا بدلوهم ..!!
| Quote: اما من الدكاترة فاحيلك للدكتور نجيب زيادة |
وفي انتظارو برضووووو سمح ؟!
|
Post: #60
Title: Re: الخلايا النائمة !!
Author: emad altaib
Date: 06-04-2008, 10:40 PM
ـــــــــــــ
الاخت نادية سلامي وتحياتي:
مبدئياً .... الخليه النامية
تعريف الخليه فقط حسب ويكيبيديا الموسوعة الحرة
| Quote: الخلية في الأحياء هو الوحدة البنائية الوظيفية في جسم الكائن الحي. وتعتبر أصغر وحدة بنائية يتكون منها الكائن الحي ؛ وتقسم الخلايا عادة إلى خلايا نباتية وخلايا حيوانية ، وهناك تقسيمات أخرى ؛ وتسمى مجموعة الخلايا المتشابهة في التركيب والتي تؤدي معاً وظيفة معينة في الكائن الحي عديد الخلايا بالنسيج. وتحتوي الخلية على أجسام أصغر منها تسمى عضيات، مثل أجسام جولجي، وهناك أيضا النواة التي تحمل في داخلها الشيفرة الوراثية DNA. كما يحيط بالخلية غشاء يسمى بالغشاء الخلوي، ولدى الخلايا النباتية، جدار من السيليولوز يسمى الجدار الخلوي ، وهو غير مرن كالغشاء الخلوي. ويكمن الفرق بين الخلايا الحيوانية والخلايا النباتية في وظيفتها وشكلها |
يعني موضوع الخلية إختصاص يشمل علوم كثيرة غير الطب وهذا واضح من خلال التعريف فاجسام الكائنات الحية يدخل فيهاالانسان والحيوانات والنباتات ..
أعتقد نتيجةإلي للتعقيد وتركيبة الخلية ومركزها النواة بأهمية الكروسومات ...طيب إذا كان بجسم الانسان 10 تريليون فتوجد عملية دقيقة إفرازات إنزيمات وهرمونات وغيرها ومن الممكن ان تكون تعمل بطريقة جيدة وتكون في حالة(نمو)ومن الممكن العكس تماما عدم إفراز الانشطة غير كافي ياتي بخمول او (إطمحلال) اولا تعمل ... ومثال لذلك مازلت احفظه من ان كنت في بداية التحصيل العلمي وهو ذكره لنا استاذ العلوم أن منطقة الكعب برجل الانسان الذي يوجد به قشور او شقوق إذا صح التعبير من الممكن ان تقطع منها جزيئيات دون ان تتالم ففي هذه الجزئية الخلايا يقول الاستاذ انه لا تصل إليها الافرازات نتيجة لعدم التغذية الجيدة التي تساعد في النمو الجيد
من خلال المداخلة البسطية دي أعتقد أن وصف (الخليه النائمة) جاء تقيضاًللخلية النامية ..ومن هناتدخل السياسة والأستخبارات ... السياسة تعتمد علي تمرير المعلومات حسب خطط مرورها سواء كان (اب)(داون) او العكس او النظام الهرمي او غيره .. ويوجد في الجيش نفس النظام له دائما يكون من اعلي إلي اسفل ...إذن العملية(عملية تفاعل)..بحسابات رقمية دفيفة معقدة مثلاً من هي الخلية التي تستحق تلك المعلومه؟! وحسب نوعية وأهمية المعلومة؟! وكفاءة ومقدرة الخلية في تحمل كمية المعلومه ؟!فمن هنا ياتي الــ(تهميش)بعض الخلايا ولربما يكون مقصود او غير مقصود بسبب الظروف الامنية وسلامة الخلية او التكتيك يتطلب (تهميش او تنويم الخلية)..!
أعتقد أن الاخوان المسلمين هم الذين ابتكرو نظام الخلية (تمشياً بخلية) النحل فقد كانوا يتقسمون تقريباً إلي سته اشخاص يسمون خليه ولديهم امير إلي ان يتصلوا إلي الهرم ... فهو نظام خطير في النتظيم من خلاله تستطيع ان تحمي وتراقب التنظيم من (الاختراق) ورفع التقارير بسرية تامة وممارسة النشاط السياسي تحت الخفاء لسهوله الالتقاء والإفتراق دون شكوك تذكر ..
أما المخابرات ودورها كذلك كتابة التقارير حول الجماعات والخلايا لربما تكون لديها اساليب في جمع المعلومات وتعتمد علي نظريات الإحتمالات والتخمين في حالة يكون التنظيم متماسك بقوة ..والإستباق من الجميع الاطراف لــ(تحقيق الهدف بالزمن المحدد) فمن هنا تاتي مهارة التنظيم في التنفيذ لمن من الخلايا ... ودور المخابرات في أقل التقديرات إحباط التنفيذ والمخطط لذلك هي تلجأ إلي العشوائية والترهيب والتعذيب للحصول علي المعلومه ...بمعني (إنها حرب تدار بالاعصاب) ..حول المعلومة الطازجة
|
Post: #62
Title: Re: الخلايا النائمة !!
Author: Emad Abdulla
Date: 06-04-2008, 11:14 PM
Parent: #60
نائمة ..
لعن الله من أيقظها .
..........
و بعدين معاك يا نادية ؟؟
|
Post: #63
Title: Re: الخلايا النائمة !!
Author: munswor almophtah
Date: 06-04-2008, 11:26 PM
Parent: #62
خلايا نايمه طابور خامس عيون مزروعه كوادر سريه جواسيس أو كما يظنون وإنتى مالك والعيون.....................
سلام وقطر المسادير مجان
منصور
|
Post: #78
Title: Re: الخلايا النائمة !!
Author: نادية عثمان
Date: 06-05-2008, 06:27 PM
Parent: #63
الغالي منصور المفتاح
حبابك مليون ياغالي
| Quote: سلام وقطر المسادير مجان |
خلاياك الشجن صحيها بالتحنان
دُخري الحوبة إنت وأنبل الفرسان
الجود هيل أبوك والفزعة والإحسان
سوق قطرك تعال وصلنا بالمجان !!
|
Post: #75
Title: Re: الخلايا النائمة !!
Author: نادية عثمان
Date: 06-05-2008, 01:36 PM
Parent: #62
عماد عبد الله
| Quote: لعن الله من أيقظها . |
أجل
أجل
ومن أيغظك أنت أيضاً ياخليِة اللون والنغم والشجن الأليم !!
أنا برضو قُلتَ كده .. تصدق ؟!!
| Quote: و بعدين معاك يا نادية ؟؟ |
و
بعدين معاك إنت ياعماد !!
|
Post: #74
Title: Re: الخلايا النائمة !!
Author: نادية عثمان
Date: 06-05-2008, 11:54 AM
Parent: #60
عماد الطيب العزيز
شكراً على حضورك المثمر والمفيد جداً
| Quote: ويوجد في الجيش نفس النظام له دائما يكون من اعلي إلي اسفل ...إذن العملية(عملية تفاعل)..بحسابات رقمية دفيفة معقدة مثلاً من هي الخلية التي تستحق تلك المعلومه؟! وحسب نوعية وأهمية المعلومة؟! وكفاءة ومقدرة الخلية في تحمل كمية المعلومه ؟!فمن هنا ياتي الــ(تهميش)بعض الخلايا ولربما يكون مقصود او غير مقصود بسبب الظروف الامنية وسلامة الخلية او التكتيك يتطلب (تهميش او تنويم الخلية)..! |
لاحولا يعني التهميش لاحق حتى الخلايا لدرجة ينومها ده كلام مهم ومفيد
| Quote: أعتقد أن الاخوان المسلمين هم الذين ابتكرو نظام الخلية (تمشياً بخلية) النحل فقد كانوا يتقسمون تقريباً إلي سته اشخاص يسمون خليه ولديهم امير إلي ان يتصلوا إلي الهرم ... فهو نظام خطير في النتظيم من خلاله تستطيع ان تحمي وتراقب التنظيم من (الاختراق) ورفع التقارير بسرية تامة وممارسة النشاط السياسي تحت الخفاء لسهوله الالتقاء والإفتراق دون شكوك تذكر .. |
وده كلام جديد ومهم نشوف برضو رأي الزملاء حوله ..
وتسلم من كل شر يارب
وخليك قريب
|
Post: #65
Title: Re: الخلايا النائمة !!
Author: osman righeem
Date: 06-05-2008, 00:34 AM
العزيزة نادية
تحياتي
علي المستوي الفردي كل زول بيكون عندو
خلايا نايمة في كم حته
مثلا
في الناحيةالروحانية و العاطفية
بيكون عندو كم شاكوش من زمن الدراسة
نايمة في حنانو
وبتقوم مره مره و يا كتب قصيدة
و يا مشي القهوة
و في الناحية المادية
بيكون عندو حصالة منيم فيها
فرشك الابيض ليومك الاسود
الذي لا يأتي ابدا
وعلي رأي (المصريون )
شايلك لعوزه
يعني اي مصري يقول ليك شايلك لعوزه اعرفي انك انت بالنسبه ليهو خلية نائمة
من ناحية الحياة العامة
عضوية كل الاجزاب الشمولية
حلايا نائمة يإمتياز
بس بيكون نوم مبرمج
علي زيارات المسئولين و الانتخبات
وعدم دفع الاشتراكات
كفاك ولله ازيدك
|
Post: #66
Title: Re: الخلايا النائمة !!
Author: mohmed khalail
Date: 06-05-2008, 00:52 AM
Parent: #65
يا نودى
نحن ما عندنا دخل بالخلايا النايمه ولا الصاحيه
لكن لو بتعرفي ليك خلايا ناعمه ورينا
ثمح
|
Post: #80
Title: Re: الخلايا النائمة !!
Author: نادية عثمان
Date: 06-05-2008, 09:34 PM
Parent: #66
محمد خليل
سلامات
ثمح !!
|
Post: #76
Title: Re: الخلايا النائمة !!
Author: نادية عثمان
Date: 06-05-2008, 05:27 PM
Parent: #65
راجعة
|
Post: #79
Title: Re: الخلايا النائمة !!
Author: نادية عثمان
Date: 06-05-2008, 07:04 PM
Parent: #65
العزيز عثمان رقيم
Quote: علي المستوي الفردي كل زول بيكون عندو
خلايا نايمة في كم حته
مثلا
في الناحيةالروحانية و العاطفية
بيكون عندو كم شاكوش من زمن الدراسة
نايمة في حنانو
وبتقوم مره مره و يا كتب قصيدة
و يا مشي القهوة |
اهاااااااا
إنت قصدك محمد عادل ولا شنو ؟!!
Quote: في الناحية المادية
بيكون عندو حصالة منيم فيها
فرشك الابيض ليومك الاسود
الذي لا يأتي ابدا
وعلي رأي (المصريون )
شايلك لعوزه
يعني اي مصري يقول ليك شايلك لعوزه اعرفي انك انت بالنسبه ليهو خلية نائمة |
اهاااااااا
أتاري شايلك لعوزة دي معناها كده .. أنا زاتي ماكنت مرتاحة ليها الخلية .. أقصد العبارة دي !!
Quote: من ناحية الحياة العامة
عضوية كل الاجزاب الشمولية
حلايا نائمة يإمتياز
بس بيكون نوم مبرمج
علي زيارات المسئولين و الانتخبات
وعدم دفع الاشتراكات |
طيب وبقية الأحزاب وبخاصة الحزب الإتحادي ( جناح مولانا) خلية نائمة ولا صاحية وفاعلة في الحياة السياسية بشدة في رأيك ؟!!
|
Post: #68
Title: Re: الخلايا النائمة !!
Author: Ashraf el-Halabi
Date: 06-05-2008, 07:04 AM
نادية سلامات
الله يسألك حسة الجعلي فينا منو!؟
المهم،
خلينا في موضوع الخلايا النائمة
|
Post: #82
Title: Re: الخلايا النائمة !!
Author: نادية عثمان
Date: 06-05-2008, 10:17 PM
Parent: #68
أشرف حبابك مليون
| Quote: الله يسألك حسة الجعلي فينا منو!؟ |
جعلي إنت ده .. أنا نوبية لا تفقه العربية ياخ
وموضوع الخلايا شايفاهو جاب معلومات كويسة جداً والحمد لله ..
وكمان خلاني أتعرف بزملاء وأخوان كرام زيك .. وتسلم يارب ...
|
Post: #72
Title: Re: الخلايا النائمة !!
Author: Adil Osman
Date: 06-05-2008, 11:29 AM
خلية حلوة حلا..
|
Post: #86
Title: Re: الخلايا النائمة !!
Author: نادية عثمان
Date: 06-06-2008, 08:30 AM
Parent: #72
عادل ود عثمان
حبابك
وتسلم من كل شر يارب
|
Post: #77
Title: Re: الخلايا النائمة !!
Author: احمد العمار
Date: 06-05-2008, 05:50 PM
العزيزة نادية كيفك
| Quote: الخلايا النائمة !! |
يعنى هى لهسه نايمة
طيب دى ناوية تصحى متين ؟؟
لاننا من زمان سمعنا بنومتا دى
أحمد العمار
|
Post: #81
Title: Re: الخلايا النائمة !!
Author: mohmed khalail
Date: 06-05-2008, 09:44 PM
Parent: #77
محمد خالد ده منو يا جوماعه
يا نودى انتي خلاياك نايمه ولاشنو
ولا
صاحي كالنعسان
________
حكاية الواو الزايدة دي اتشفيته منك
سمح
|
Post: #89
Title: Re: الخلايا النائمة !!
Author: نادية عثمان
Date: 06-06-2008, 11:31 AM
Parent: #81
محمد خليل
حبابك
لازم تحرجوا خلايانا يعني .. النوم كان كابس على خلايا العيون معليش ياخ .. سمح؟!!!
|
Post: #87
Title: Re: الخلايا النائمة !!
Author: نادية عثمان
Date: 06-06-2008, 08:58 AM
Parent: #77
العزيز أحمد العمار
حبابك
| Quote: طيب دى ناوية تصحى متين ؟؟ |
قالت يصحوها يوم الخميس الساعة تلاتة الإ ربع كده
|
Post: #83
Title: Re: الخلايا النائمة !!
Author: ASHRAF TAHA
Date: 06-05-2008, 10:46 PM
| Quote: الخلايا النائمة !! 04-06-2008 07:37 , ص |
لسة ......................... !!
|
Post: #90
Title: Re: الخلايا النائمة !!
Author: نادية عثمان
Date: 06-06-2008, 12:31 PM
Parent: #83
أشرف طه
حبابك
إنت مواعيد المنبر دي بمواعيد القاهرة ولا بكري ؟
|
Post: #84
Title: Re: الخلايا النائمة !!
Author: Sabri Elshareef
Date: 06-05-2008, 10:48 PM
نادية ازيك وازيها مصر
طيب وين الخلايا القائمة
عرفنا النائمة
سلامي
|
Post: #93
Title: Re: الخلايا النائمة !!
Author: نادية عثمان
Date: 06-06-2008, 04:57 PM
Parent: #84
صبري الشريف سلامات
وحبابك مليون ومصر بتسلم عليك
| Quote: طيب وين الخلايا القائمة |
قايمة رايحة فين دي كمان ؟!!
|
Post: #85
Title: Re: الخلايا النائمة !!
Author: osman righeem
Date: 06-05-2008, 11:15 PM
العزيزة نادية
مساء الخير
قبلنا بشبكة الحبيب محمد عادل
لكن دي
| Quote: طيب وبقية الأحزاب وبخاصة الحزب الإتحادي ( جناح مولانا) خلية نائمة ولا صاحية وفاعلة في الحياة السياسية بشدة في رأيك ؟!! |
بتوديك للنوع المتقدم من الخلايا النايمة
الطابور الخامس
مافي حاجه اسمها جناح مولانا
قربت ازعل
لكن غلبني
يكون من شنو
لك شكري علي الموضوع الخفيف وسط اعاصير البورد
|
Post: #91
Title: Re: الخلايا النائمة !!
Author: محمد عادل
Date: 06-06-2008, 04:10 PM
Parent: #85
حسع محمد عادل
دخلو شنو
|
Post: #92
Title: Re: الخلايا النائمة !!
Author: نادية عثمان
Date: 06-06-2008, 04:38 PM
Parent: #91
الصديق الغالي محمد عادل
سلامات
Quote: حسع محمد عادل
دخلو شنو |
محمد عادل دخلو إنو بقى مضرب مثل في الإخلاص والمحبّة الصافية
والريدة الحقيقية ..!
وكمان
دخلو إنو صديقي وأخوي الصغير عشان كده جبت إسمو وعارفة إنو حايفهم النُكتة وقصدي ومابزعل لأنو عارف معزتو عندي قدر شنو .. ولا ماكده يامحمد ؟!!
|
Post: #94
Title: Re: الخلايا النائمة !!
Author: محمد عادل
Date: 06-08-2008, 00:00 AM
Parent: #92
الاخت ناديه
شكرا على هذه الكلمات الجميلات الرائعات
وياناديه الواحد حزين على فراقكم والله
|
Post: #88
Title: Re: الخلايا النائمة !!
Author: ناجي عز الدين الصديق
Date: 06-06-2008, 10:56 AM
الفاضلة / نادية
تحية طيبه
هل هناك علاقة بين الخلايا النائمه
والخلايا الجزعيه ممكن تمرري
السؤال لأهل الطب إذا امكن ذلك .
ولكي التحية اين ما كنتي
وإلى الملتقى
|
Post: #95
Title: Re: الخلايا النائمة !!
Author: عمر صديق
Date: 06-08-2008, 00:53 AM
الاخت نادية كيف حالك
كنت اعرف ابداعك الادبي والصحفي
لكن هنا وجدت ابداعك السياسي والطبي لايقل عنهما روعة
من الخرطوم سلام
|
Post: #96
Title: Re: الخلايا النائمة !!
Author: د.محمد حسن
Date: 06-08-2008, 01:18 PM
اتصل بي د . نجيب زيادة زهز يقدم كثير شكره وتقديره لشخصكم الكريم ويعتذر عن المشاركة لارتباطه بندة التخدير عبر الاثير التي تقيمها الجمعية الطبية بكردستان واجابة على بعض الاسئلة
عن اسباب نوم الخلايا فيقو
تنوم الخلايا اذا عولجت برحيق الذرة في احد اشكاله التالية
1- البقنية
2- العسلية
2- المريسة
اما اذا عولجت بعصير الكريستال فيمكن الرجوع لموقعنا
WWW.sabiakarada.com
مقاالنا المنشور في هذا المزقع حيث ان مصطلح الخلايا النائمة قد ذكر في هذا الموقع موثقا
الـصــابئــة والــكــرادة وشـــية تمبس ( بوست للتوثيق)
|
Post: #98
Title: Re: الخلايا النائمة !!
Author: علاء الدين حيموره
Date: 06-08-2008, 02:40 PM
Parent: #96
أن الدكتور قد أساء الفهم يا استاذة نادية وقد فهم المقصود بالمقلوب ..
فهو يرمي الى نوم الخلايا المستيقظة .. ونحن دائما نعمل على استيقاظ الخلايا النائمة ...
فالدكتور نجيب زيادة كانت ابحاثه ومشاركاته كلها في هذا السياق ..Quote: - البقنية
2- العسلية
2- المريسة
|
هذه هي التباريد ( برد .. يبرد .. فهو بارد وهي تباريد )
استيقظ يا دكتور وخلي وزير الري هو النائم ..
اتمنى ان تكون هذه اجابة شافية يا استاذة
|
Post: #97
Title: Re: الخلايا النائمة !!
Author: قرشـــو
Date: 06-08-2008, 02:23 PM
الفنانة ندو
يسعد اوقاتك كلها بالخير
Quote: قلت أستعين بـ ( عمو) قوقل
كتبت عبارة ( الخلايا النائمة) جاتني زي دشيلون مقال وموضوع كلها متعلقة بسياق العبارة في موضوعات سياسية فقط !!
|
غلطة الشاطر بى عشرة
الوداك تكابسى فى عمو قوقل شنو
انتى ما عارفه انه قوقل ده ذاتو خلية نايمة
وما عارفاه طابو خامس
وما عارفاه انه عميل خطير بسجل معلومات اى زول يكتب كلمة زى دى
وما عارفها انه الكلمة دى خلاص بقت ماركة مسجلة للقاعدة
وانه اي زول يكتبها معناها تبع القاعدة
اها الترابة دى فى خشمك
وخليك جاهزة للرحلة المرتقبة لغوانتنامو ....
سلامتك يا ستى والشر بره وبعيد
وتبرى انتى من غوانتنامو
وان شاء الله للفى بالى
اكيد الجماعة جاوبوك فوق
بس حبيت ادردش معاك شوية
لانى طولت منك
مع تمنياتى لك بدوام السعادة والهناء والسلامة الابدية
|
Post: #99
Title: Re: الخلايا النائمة !!
Author: عبود عبد الرحيم
Date: 06-19-2008, 02:16 PM
Parent: #97
صاحبة البوست اختفت واصبحت هي زاتها ...( خلية نايمة) !!!!
سلامتك
|
|
.gif)