Post: #1
Title: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 01:28 PM
أحبائى
إليكم أهدى هذه الملامح من بلادى
مجموعة من الصور التى ألتقطها أثناء أدائى لواجباتى الصحفية فى مناطق السودان المختلفة
أحاول فيها جاهدا أن أنقل للزملاء بالمنبر خاصة اللذين بينهم وبلادنا مسافات ، أنقل لهم بعض الملامح ، عساها أن تعيد بعضا من الذكرى
مع محبتى الأكيدة للجميع
_______________________________________
هذا البوست بعيدا عن (عطرابة ) السياسة
|
Post: #2
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 01:30 PM
Parent: #1
هذه الصورة إلتقطها فى أواخر أبريل الماضى ، بمنطقة سنجةنبق بولاية النيل الأزرق
وجه من قبائل الأمبررو
|
Post: #3
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: قرشـــو
Date: 06-03-2008, 01:37 PM
Parent: #1
الأخ الأستاذ محى الدين جبريل
لك التحية والاحترام
اشكرك مقدما على هذه الصور التى تود اشراكنا بها
وثق اننا فى شوق شديد لمشاهدة كل أثر من الوطن العزيز فنحن قد طال بنا الزمن خارج الوطن فاصبحنا نشتاق لكل شىء من هناك وهذا ما يجعلنا اسرى التلفزيون السودانى والقنوات السودانية الاخرى لاننا نجد المتعة فى كل مشهد يعرض من السودان لا سيما المشاهد الطبيعية فارجو ان لا تحرمنا هنا ولا فى التلفزيون من مشاهد الوطن الجميل وكونوا عيونا لنا تربطنا بما نحب ......
لك الشكر ثانية ولك التقديرى
|
Post: #4
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 01:44 PM
Parent: #3
الحبيب قرشو
شكرا ع المرور
ليتنى استطيع نقل الصورة مصحوبة بالرائحة ( ريحة التراب )
وفى هذه الصورة
آدمة أصرت على أن نلتقط هذه اللقطة معها داخل غرفة مقتنياتها التى جمعتها إستعدادا لزواجها الذى هو على الابواب
آدمة وجه من الأمبرروا ... كم إرتشفنا معها شاى الهبهان فى هذه الحجرة البسيطة
|
Post: #5
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Mohamed Elboshra
Date: 06-03-2008, 01:51 PM
Parent: #1
واصل نشر الصور ياحبيب
|
Post: #6
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 01:58 PM
Parent: #5
محمد البشرى
قواسيب محبتى
|
Post: #7
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 02:08 PM
Parent: #6
سوق الفواكه بعروس النيل الازرق سنجة
|
Post: #105
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 06:28 PM
Parent: #7
بمناسبة سوق سنجة دى يابورداب استراليا مافى زول يلمنا فى وليد الشوية او اى واحد من ال الشوية اللى هناك ديل
ديل شعب جميل جدا
كانت لنا معهم ايام فى بيتهم الوسيع فى سنجة
|
Post: #9
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Mohamed Elboshra
Date: 06-03-2008, 02:19 PM
Parent: #6
واصل نشر الصور ياحبيب
والعفو والعافية
ودالبشرى
|
Post: #11
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 02:28 PM
Parent: #9
ود ابشرى حبيبنا
لك الود وللمسيكتاب الورد
|
Post: #8
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: أبو عبيدة البصاص
Date: 06-03-2008, 02:15 PM
Parent: #1
محي الدين قرينا كلمة ملامح من بلادي في باقة صور
استبشرنا خير
الصوره الاولى بالجد كانت معبره
لكن الصوره التانية !!!!!!
ممكن اسالك انت جزء من ملامح بلادي ؟؟ وجات غلط
ولا ده للاثبات انك فعلاً كنت هناك !!!! ..
تخريمة بعيده :
بالجد شوق دراب واخبارك يامهم
ابوعبيدة تكس
|
Post: #10
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 02:22 PM
Parent: #8
أبوعبيدة تكسييييييييييييييييييييييي
وينك ياراجل يامهم شوق بالكوم والردوم
خلينا فى المهم ، هو ده إنت ...
أها النريحك الإتنين سوا
أنا جزء من ملامح بلادنا كما انت وغيرنا
وبرضوا على شان أؤكد أننى كنت هناك ، وبمناسبة كنت هناك دى ، ياريتك كنت معانا
_____________________________
أخبار الشباب كيف أو بالأحرى العجايز
|
Post: #12
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 02:39 PM
Parent: #10
طفلان من الأمبرروا ... وجهان يشعان براءة
|
Post: #13
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الفاضل يسن عثمان
Date: 06-03-2008, 02:56 PM
Parent: #12
رائع انت يا محي الدين كما في تقديمك للمادة الاخباريه. ثابت و ممتكن.
الصور جانب جميل من بلادنا لناس بالحيل زينين و سمحيين الدواخل.
واصل مستمتعين نحن دائما عندما تعرض ابداعاتك.
مودتي اليك.
|
Post: #14
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-03-2008, 09:49 PM
Parent: #13
الفاضل اخوى شكرا ع الكلام الجميل
وخليك معانا ح تشوف أكتر وأجمل
|
Post: #15
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: خالد علي محجوب المنسي
Date: 06-03-2008, 11:01 PM
Parent: #14
الأخ محي الدين
سلااام طيب وتحيات
أسمع انت المذيع البجي في التلفزيون ولا بتشبهو ؟
مودتي وتحياتي وبرجع ليك حين ميسرة
|
Post: #16
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: baha eassa
Date: 06-03-2008, 11:58 PM
Parent: #15
الاخ محي الدين .. .. تحية طيبة :
صور من عمق السودان المحبب الي قلوبنا .. واصل فهي صور حية
تصحي فينا الحنين والشوق .. فالبعد عن هذه المحبوبة قاس ..
قاس ..
|
Post: #22
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 11:07 AM
Parent: #16
الحبيب بهاء عيسى
شكرا ع المرور ، وكيف كايرو على حسك
_________________
تحايا خاصة للحلوين اللى فى البروفايل
|
Post: #21
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 10:59 AM
Parent: #15
يا ود المنسى ياسيد الإنجمامة
أنا اللى بيقرأ النشرة ، والعضو ( النشط ) فى بوست الإنجمامة بتاعك
أها يا ود شندى أهديك هذه الصورة ، إلتقطها فى طريق شندى الخرطوم وبالقرب من منطقة البسابير
محبتى
|
Post: #17
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: شهاب الفاتح عثمان
Date: 06-04-2008, 00:57 AM
Parent: #1
كتــابه وجوله متميزه ..
وتاريخ وجغرافيا وسياسه واقتصــاد في صــوره !..
واصل يا مبدع .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #18
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محمد خليل ساني
Date: 06-04-2008, 01:14 AM
Parent: #17
الزميل العزيز محي الدين جبريل ،،،
تسلم على هذا الألق والجمال القادم من ربوع بلادي ،،،
منتظرين المزيد من الإبداع المنتشر فى فيافي مدن السودان ،،،
ليت كل واحد منا يسهم فى نشر هذه الروائع عبر الوسائل الإعلاميه المختلفه ،،،
مع عظيم محبتي وتقديري.
|
Post: #19
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 08:15 AM
Parent: #18
الوجيه سانى
أها آآآخوى العرس متين ، سمعت لى خبرا زى ده فى بوست بى غادى كدى
عشان نجهز الحاجات
|
Post: #23
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 11:26 AM
Parent: #17
دكتور شهاب ، قطعا بك شوق وحنين لليالى الخرطوم
( عشرة ونسة مع الفنان العملاق محمد وردى ، فى حديقة منزله بالخرطوم ، ويظهر فى الصورة المصور العراقى محمد العزاوى )
|
Post: #20
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: طارق جبريل
Date: 06-04-2008, 09:53 AM
Parent: #1
قريبي كيفنك
وثق وثق وثق هنا ياخي
|
Post: #24
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ابوحراز
Date: 06-04-2008, 11:31 AM
Parent: #20
قلت مرة أن صلاح احمد ابراهيم لو لم يكتب سوى مريا والطير المهاجر لكفاه
أغاني تتلمس حرارتها بيديك
وتقدح أنفاسك
وتجعلك تشهق !!!!
وأنت اليوم لو لم تكتب سوى هذا البوست في سودانيز لكفاك ايضاً
أجمل شيء في هذه الدنيا أن ياتيك السودان يمشي على قدميه وأنت في مقعدك
ان تشم رائحة الأرض
والجروف
والأشجار والماء والعصافير
أن تتنفس انفاس الوطن ودعاش الوطن
يا أخي 00 ما أجمل هذا الشعب البسيط !!!
ذهبت مثلك لنفس المكان حينما ذهبت مع زملائي في الرحلة العلمية لمشروعات في النيل الأزرق
كل القرى والمدن التي ترقد بين أفخاذ النيل جميلة حد الروعة
ولو اهتم السودان بالسياحة في هذه المنطقة لحرقنا آبار البترول دون رجعة
اعجبتني البساطة في الصورة الأولى
تلكم المراة التي تضع أوانيها وتفخر بها
ونحن هنا نبحث عن الحافلة كما يسمونها
في اجازتي الماضية لم استطيع شراؤها
وكلما أأتي للمنزل أجد مشكلة كبيرة في انتظاري مع ست النفر
اليوم سأرسل لها الصورة لترى { العدة } على الهواء مباشرة
آلمتني الصورة الثانية للطفلة
أتمنى أن تكون الآن تحمل شقيقها
أما لو كانت تحمل ابنها فهذه كاااااااااااااااااارثة !!!!
شكراً لك وأنت تنقل لنا بساطة هذه القبيلة
قبيلة مليئة بالسماحة والارث الثقافي الضارب في الأعماق
وياليت لو نرى صوراً أكثر
فهذا هو السودان الحقيقي الذي ننشده
وهذا لايعني أننا نعفيك من أن لاتطعم بوستك بنساء جميلات من المنشية أو المعمورة
|
Post: #26
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 11:46 AM
Parent: #24
العزيز أبوحراز
أثرت فى شجونا بحديثك هذا ، ولكن أطمئنك بأن هذه الطفلة الحلوة تحمل أخيها الأصغر .... الحياة هناك حلوة جميلة ، خالية من ملوثات العصر ( إذا صح التعبير )
كورنيش البحر فى بورتسودان _ مايو الماضى
قواسيب محبتى
|
Post: #27
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 11:51 AM
Parent: #20
قريبى طارق جبريل ( الجهجهتوبت العمارات )
كيفك ( لاهسع فى البلد الغادى ديكى )
الصورة إلتقطها فى مدينة ابوحمد
|
Post: #25
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Mirghani Ali AlAmin
Date: 06-04-2008, 11:35 AM
Parent: #1
الأخ الكريم والزميل العزيز الخلوق
والمذيع الأنيق جداً جداً جداً ( محي الدين جبريل )
لك الود والتحية والشكر الجزيل على اشراكنا في مشاهدة الصور الجميلة من سوداننا الحبيب
ولكن بعيداً عن موضوع البوست لدي طلب خاص أرجو إجابته
فإنا من المتتبعين لتلفزيون السودان والقنوات السودانية عموماً بعين فاحصة وناقدة ، وأتطلع بشغف لأن أرى شاشاتنا بصورة جذابة ورائعة وإخراج جيد ، ولدي غيرة قوية جداً على كل ما هو سوداني ، ومن هذا المنطلق فإنني مستاء للغاية من الرسائل المكتوبة التي تعرض على شاشات قنواتنا ( خاصة على قناة النيل الأزرق ) ومصدر استيائي هو الأخطاء الإملائية الشنيعة التي ترد من خلال هذه الرسائل التي تعرض على شريط الرسائل على الشاشة ، خاصة من أشخاص يبدو أنهم طلاب جامعات أو خريجي جامعات وذلك من تحياتهم للزملاء بالدفعة كذا أو جامعة كذا .. وأنه لعمري لشيء محبط ومؤلم .
أرجو شاكراً أن تنقل هذه الملاحظات للمسئولين عن هذا الأمر ، وضرورة عدم عرض الرسائل التي فيها أخطاء إملائية أو تصحيحها ، لأن هذا الأمر يعطي انطباعاً سيئاً عنا لمشاهدي شاشاتنا خاصة من الجنسيات الأخرى
الأمر الآخر هو بخصوص طريقة إخراج نشرة السادسة مساء التي يتم قراءتها والمذيعين وقوفاً ، فعملية الإنتقال من مذيع إلى آخر لم يوفق المخرج بتاتاً فيها حيث يظهر في الصورة المذيعان في آن وآحد ويظهر إنسحاب الآخر من خلال كادر الصورة وهذه عملية ليست فنية بتاتاً وتلافيها في غاية البساطة فلماذا هذا الخطأ الفني الواضح والسهل المعالجة
أرجو شاكراً نقل ملاحظاتي هذه للمسئولين عن الأمرين أعلاه ولك مني كل الشكر والتحية يأأيها الأخ المهذب الخلوق ، والأنيق للغاية .
وهناك أشياء أخرى كثيرة سوف أوردها لاحقاً إن شاء الله .
أقترح ( بجانب عملك ) ، تعيينك كمسئول عن إناقة وهندام كل من يود الظهور على شاشة التلفزيون قبل ظهوره )
مجدداً تحياتي وشكري الجزيل .
ملحوظة : المخاطبة بالزميل أعلاه ، مقصود منها ( زميل البورد ) ، تحسباً لفهمها خطاءً زميل مهنة .
|
Post: #28
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 11:57 AM
Parent: #25
الزميل الأصيل الجميل
ميرغنى
ملاحظاتك التى اوردتها سوف انقلها للزملاء بالمحطة ، ومنتظر من مزيد من الملاحظات التى اتمنى ان ترسلها لى على المسنجر او إيميلى الخاص
[email protected]
طبعا حتى لانخرج بالبوست من ( سكتو) ههههههه
أما حديثك فى حقى فى زيل مداخلتك فأنا أعتبره شهادة كبيرة اعتز بها ، وأتمنى أن أكون دائما عند حسن ظن الجميع
وخليك معانا
محبتى الاكيدة
|
Post: #29
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Mirghani Ali AlAmin
Date: 06-04-2008, 12:10 PM
Parent: #28
أخي محي الدين جبريل
محبتي الأأكد.....
لك جزيل شكري على ردك وعلى إعطائي عنوانك الإلكتروني وتوقع منى الكثير من خلاله
شكري اللا محدود وتستاهل ما أوردته عنك وعن اناقتك بحق وبدون مجاملة
|
Post: #30
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 12:25 PM
Parent: #29
كتر خيرك ميرغنى
وبالتاكيد ما ح تمشى من هنا
|
Post: #31
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 01:50 PM
Parent: #30
والجداول تجرى فى شرايينهم ، كما النيل
البسابير جنوب شندى
|
Post: #32
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: البشير دفع الله
Date: 06-04-2008, 02:37 PM
Parent: #1
صديقي الجميل محي الدين جبريل
تحية وتقدير
نبحر معك عبر هذه الرحلة الجميلة في ربوع بلادي .
وننتظر بشغف بقية الصور .
كل الود
|
Post: #33
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-04-2008, 02:56 PM
Parent: #32
البشير أخوى
شكرا لتزيينك البوست بتوقيعك الراقى
_________________________________
أخبار امير معاك كيف ، غتلاقيتوا ولا لسه
|
Post: #34
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 08:59 AM
Parent: #33
بائع الطلح _ طريق الدمازين سنجة
كلوووووووز أب
ننتظر تعليق ود شيقوق
|
Post: #35
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الصادق خليفة
Date: 06-05-2008, 09:22 AM
Parent: #34
الاخ محي الدين جبريل
صادق التحايا
بالرغم مع انو عندي حساسية دائماً في مخاطبة نجوم المجتمع و التداخل معهم
لكني اجد نفسي مجبراً لولوج هذا البوست و التعبير عن مدى اعجابي بالصورة الجميلة و التي تحكي روعة بلادي بمختلف سحناتها وبيئتها.
ثاني شي عجبتني صورة بائع الطلح و شولات الطلح ، بالله الشوال بكم؟
ثالث شي بصراحة يا أخ محي الدين تلفزيون السودان تطور شديد من حيث الاخراج و شكل الديكور وبعض المواد المقدمة وخصوصاً برنامج البيت السعيد لكن بعض المقدمين تنقصهم الاناقة و اختيار تناسب الالوان من حيث البدلة والقميص و الكرفته.
تحياتي
|
Post: #37
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 10:05 AM
Parent: #35
حبيبنا الصادق خليفة
كبفك ياراجل ، شكرا (كتيرن) على مرورك وتوقيعك هنا
شوال الطلح ده بى 5 جنيهات اى مايعادل دولارين ونصف ، على ذمة السائق اللى سأل البائع ( انا غايتو من العربية مانزلت .. وجه ضاحك )
ولو مغرود فيهو رسل لينا العنوان ، نبعت ليك على طوووول
محبتى الاكيدة
_________________
أبارو بجيك
|
Post: #103
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الصادق خليفة
Date: 06-07-2008, 02:00 PM
Parent: #37
Quote: حبيبنا الصادق خليفة
كبفك ياراجل ، شكرا (كتيرن) على مرورك وتوقيعك هنا
شوال الطلح ده بى 5 جنيهات اى مايعادل دولارين ونصف ، على ذمة السائق اللى سأل البائع ( انا غايتو من العربية مانزلت .. وجه ضاحك )
ولو مغرود فيهو رسل لينا العنوان ، نبعت ليك على طوووول
محبتى الاكيدة |
هو جنس غرض يا محي الدين ، الشوال عليكم و الشحن علينا.
وليه على ذمة السائق مالك صغيرون ولا صغيرون .
محبتى
|
Post: #104
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 02:56 PM
Parent: #103
الصادق أخوى
صغيرون ، إنت مالك هههههههههههههه
إنت ما عارف عيييييييب تقيف مع بتاع دواء الرطوبة دا
|
Post: #36
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ممدوح أبارو
Date: 06-05-2008, 09:22 AM
Parent: #34
محيونا
وينك يا راجل؟
ما بلقي لي صور لي جبال رورو ولا أقدي؟
الطبيعة هناك تحير
راجنك يا قريبك
|
Post: #44
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:06 PM
Parent: #36
الوجيه أبارو
اها نجيك فى مدنى عدييييل وبالتحديد موقف بركات ، لفتن إنتباهى الصغيرات اللائى يحملن ( الفندك والمدق ) ويساعدن ستات الشاى ويكسبن بعضا من الجنيهات ، قلت لهن  إنتوا مش أحسن تمشوا المدرسة ؟ الشغل ده لاحق بعدين وكت تكبروا )
فردت إحداهن بتهكم ، ياداقس المدرسة زااااااااتة مأجزة ، أنت ماقعد تقرا ولا شنو ؟
التانية ما إشتغلت بى نهائى ..
وبهمة وإتقان يمارسن المهنة ويزين المكان ... الأجمل فى المشهد هو تلك الإيقاعات الجميلة التى يصنعنها بسحن البن
|
Post: #45
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:15 PM
Parent: #44
شكرا الباشمهندس بكرى لرفع البوست
وأها وكت جيت براك أنتظر الراجل ده على شان تشرب شوية ( غباشة)
الصورة إلتقطها فى طريقى إلى قيسان مع الرعاة
|
Post: #77
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ممدوح أبارو
Date: 06-06-2008, 06:54 PM
Parent: #44
| Quote: فردت إحداهن بتهكم ، ياداقس المدرسة زااااااااتة مأجزة ، أنت ماقعد تقرا ولا شنو ؟ |
ديل بنات بركات يابا
قالو مارنجان السودان وبركات تسعة لغات والعاشرة إبتسامة
شايفك شونت لي شيقا بس كان تبانتو ليه بي شوية شاف وصباغ
في شان الرطوبة وكـــاااكـــ
|
Post: #78
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 08:34 AM
Parent: #77
أبارو
طبعا مدنى دى بالنسبة لى بتعنى حاجات كتيييييييرة ، كان حيينا بلاقيك و( بفت ) ليك
لكن ماتمشى بعيد
|
Post: #134
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: أبو عبيدة البصاص
Date: 06-09-2008, 10:20 AM
Parent: #34
هسي في داعي للكلوووووور أب ما سمعنا خلاص
والله تعمل كلووز تاني اكلم بتاع الحركه اقول ليهو
الزول ده لسه ماعندو رخصة
بلاش كلوزات معاك
البيصاص
|
Post: #38
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: أبوبكر أبوالقاسم
Date: 06-05-2008, 10:05 AM
Parent: #1
المذيع الأنيق تحياتنا وأشواقنا
شكراً لكم وأنتم تذكرونا بريحة التراب والإنتماء بعيداً عن المكياج ....
شكراً وواصل إبداعك فكلنا ترقب لتنسم هواء نقى فى هذا المنتدى الصاخب .
تخريمة :
ملخص الخبر المذاع من كلمة المسئولين منكم كمذيعين ينبغى على المونتاج ( الإعداد) ألا يكرره فيما يتم إقتباسه من حديث المسئول
فالمتوقع أن يتم بث جزء لم يتم تلخيصه كإمتداد للخبر ولمزيد من المرور على ما قاله وإختصاراً للوقت .
|
Post: #39
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-05-2008, 10:37 AM
Parent: #38
الاخ محي الدين
متعك الله بالصحة والعافية وانت تتنقل بنا في ربوع بلادنا بل مدننا وقرانا وبالتاكيد واجهتك الكثير من الصعاب وانت تبحث لتوثق لتلك الاماكن الجميلة - سنجة الدمازين الرصيرص والانقسناوحسبي ما قاله الاخ الرائع عن هذا البوست الجميل :
Quote: وأنت اليوم لو لم تكتب سوى هذا البوست في سودانيز لكفاك ايضاً
أجمل شيء في هذه الدنيا أن ياتيك السودان يمشي على قدميه وأنت في مقعدك
ان تشم رائحة الأرض
والجروف
والأشجار والماء والعصافير
أن تتنفس انفاس الوطن ودعاش الوطن
يا أخي 00 ما أجمل هذا الشعب البسيط !!!
ذهبت مثلك لنفس المكان حينما ذهبت مع زملائي في الرحلة العلمية لمشروعات في النيل الأزرق
كل القرى والمدن التي ترقد بين أفخاذ النيل جميلة حد الروعة
ولو اهتم السودان بالسياحة في هذه المنطقة لحرقنا آبار البترول دون رجعة |
معزتي
|
Post: #40
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ود محجوب
Date: 06-05-2008, 11:36 AM
Parent: #39
الأخ محى الدين
تحياتى وللأهل
ما تنسى الضفة الغربية
|
Post: #41
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-05-2008, 11:54 AM
Parent: #40
| Quote: ننتظر تعليق ود شيقوق |
ات عارف يا محيو الطلح اسعارو تراجعت ما عارف هل متاثر بزيادة اسعار النفط ولا ارتفاع المواد الغذائية ؟
|
Post: #49
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:37 PM
Parent: #40
ودمحجوب يادكترة كيفك والوليدات
أها نمشى ليك للضفة الغربية
الصورة أدناه لشروق الشمس فى وادى أبورغيوة بالقرب من الحقنة
والصوة التانية دى لشجرة تنبت على كومة من الصخور ، إلتقطها من منطقة الكوداب
|
Post: #47
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:27 PM
Parent: #39
ودشيقوق
شكرا للمرور ، والعطر الذى نثرته فى البوست
لكن إتخيل نفسك مع الجماعة ديل ، وبوصيك تحدر الطاقية ، لان الشمس حارة خلاص
الصورة من مدينة ابوحمد
|
Post: #46
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:21 PM
Parent: #38
حبيبنا أبوبكر أبوالقاسم
تحياتى وأشواقى ، ياراجل وينك إنت ، منتظرين الصور بتاعتك فى الانجمامة بتاعة ودالمنسى
وبعدين حاجاتك الجبتها خليها ساكت ... قشرت بالجلابية والعمة يومتا لعقد فى الجزيرة ، الجماعة قعدونى بيهن قدااام ههههههههههه
( العطر لطشوهو من العربية )
_________________________________
الكلام التانى ح يصل بإذن الله للزملاء فى المحطة
|
Post: #48
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: salma subhi
Date: 06-05-2008, 02:30 PM
Parent: #46
الأخ الفاضل محي الدين
كل التحايا الطيبة....
بوست ينبض بالحياة...واصل نثر ملامح من بلادي.....
ملاحظة: الحمدلله ما في راس حديّة في الصور...
لحدي الآن...
تقديري دوماً
|
Post: #50
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:47 PM
Parent: #48
سلمى صبحى
حبابك والجابك يجيب سماح
أها ده كيف
العمالة ( بتاعين العمل والحواطاااات ) فى مدينة الدمازين ، جزء من تراثنا الشعبى
ودى عدة الشغلال مابتغباك ، رتينزات سااااااااى هههههههههههههههه
كلووووووووز أب وده راس الحدية ، دى رتينزة بعرفها الطيب شيقوق بس
|
Post: #52
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: salma subhi
Date: 06-05-2008, 02:59 PM
Parent: #50
أخونا محي الدين جبريل....
سلامٌ قولاً من رب رحيم
| Quote: حبابك والجابك يجيب سماح |
هسي دي حبابك لي ولي سماح!انت خليتني أقول..قل أعوذ برب الناس
ويا لطيف !! تااااااني جبت صورة الحديّة والحاجات الغريبة دي....
اللهم سكّنهم في مساكنهم!
تحياتي للأسرة
|
Post: #55
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 03:10 PM
Parent: #52
سلمى ولايهمك ، خلاص إنتظر صور شندى
تحياتى لك ولافراد بيتك
|
Post: #57
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: salma subhi
Date: 06-05-2008, 03:16 PM
Parent: #55
| Quote: سلمى ولايهمك ، خلاص إنتظر صور شندى |
ايوة كده يا محي الدين...صور شندي وناس شندي
صور الحديّه لي هسي مخلوعه منها....
متابعين معاك
تقديري
|
Post: #58
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 03:20 PM
Parent: #57
بت صبحى
أها مدخل شندى
طبعا كتاحة ودكنابة شديدة أضطرنى للتصوير من داخل السيارة
|
Post: #42
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: توفيق عبد المجيد
Date: 06-05-2008, 01:15 PM
Parent: #1
رائع رائع رائع
لك منا هذه الوريدة
لك منا كل الشكر
استمر
|
Post: #51
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 02:54 PM
Parent: #42
توفيق عبد المجيد ، بركة الجيتنا ونورت بيتنا
خليك معانا
الحلوة اللى فى البروفايل ، كان ماعندها ولاد عم جاهزين ( دايرة) لمحمد ولدى
قلت شنو
|
Post: #43
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ناصر محمد خليل
Date: 06-05-2008, 01:26 PM
Parent: #1
شكرا لك أخ محي الدين على هذه الروائع .
ناصر
|
Post: #53
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 03:01 PM
Parent: #43
ناصر
شايفك قلت بتحب الأكلات البحرية
حصل مشيت سوق السمك فى بورتسودان ( سوق السقالة )
هاك دى وأعمل حسابك ماتعضيك
|
Post: #54
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Hatim Salih
Date: 06-05-2008, 03:04 PM
Parent: #1
| Quote: العمالة ( بتاعين العمل والحواطاااات ) فى مدينة الدمازين ، جزء من تراثنا الشعبى |
الذي ديل هم اللي جابوالكفوة للبلد دي
دا مفروض يعلق في حبل المشنقة مش تقول تراث
|
Post: #56
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 03:14 PM
Parent: #54
حاتم صالح
ماتزعل يا أخوى
أنت أخبارك شنو ، البلد ديكى لو مافيها تركين ، نرسل ليك
شوال محبة
|
Post: #59
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محمد سنى دفع الله
Date: 06-05-2008, 03:34 PM
Parent: #56
محي الدين جبريل
الزول القيافة
صورك مدهشة وفيها عايزة شوية ظبطة تنافس
اعتى الفنانيين
وفي صور فائزة بالجوائز من دلوقت
بس عايزك تحكي لينا لامن مشيتو تزوروا صديقكم في الجزيرة وما لقيتوه
واتعذبتوا في السفر لامن وصلتو مدني
ممكن او افتح بيها بوست خاص
مع نودتي ومحبتي ليك الشديدة
|
Post: #60
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 03:48 PM
Parent: #59
أكاد لا أصدق
أستاذ محمد السنى شخصيا .... لالالا ، ده شرف عظيم
أستاذى طبعا شكرا مقدما ومؤخرا على تشجيعك ، وأنا أكبر جائزة عن هذه الصور ، هى وجودكم معى فى البوست ... جائزة لاتضاهيها كنوز الدنيا ....
لكن آآآآآخوى دحين أقبف منو الكلمك بمغامرتنا فى الجزيرة ، دى قصة عجيبة ، وواحدة من أجمل واطرف واحرج المواقف اللى مرت بى فى حياتى ، لكن طبعا حياة الطلاب كلها ( مجازفات )
وطبعا الاخطر منها بتاعة ديك عم جادو ... الضبحوهوا الطلبة العزابة ، ومشو يفتشوا ليهوا مع سيدوا النهار كلوا ، أنا طبعا غسلت عدة الاكل بس هههههههههههههههه
وبجيك تانى
|
Post: #61
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محمد سنى دفع الله
Date: 06-05-2008, 03:57 PM
Parent: #60
ديك عم جادو
وبعدها مجازفات فب ربوع الجزيرة
منتظرين
بعدين بكلمك بالفتان الكلمني
لكن ماضحكنا
لامن
عايزين
في
هدومنا
|
Post: #62
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 04:08 PM
Parent: #61
كويس أستاذ السنى ماعملتوها فى .....
طبعا واحد من ابطال قصة الجزيرة الان مصمم قرافيكس فى السعودية قدر ما مسكنا لبكرى فى كراعو عشان يديهوا الباسويرد، ماجاب لينا خبر ، اسمه امير بشير من رفاعة ..
عزيزى بكرى أبوبكر : أمير بشير حمد ، من وجهاء رفاعة ، يق... ابها البهية ......
حرك الراجل معانا
|
Post: #63
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محمد سنى دفع الله
Date: 06-05-2008, 04:22 PM
Parent: #62
اها قمنا بالواجب ورفعنا بوست الفنان امير
يلا اتحفنا بالصور
وبعد تنتهي من البوست ده
تتحفنا يا بوجبة شهية من ديك عم جادو
ولا ديك الحاجة بهانه
مودتي
|
Post: #65
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 04:36 PM
Parent: #63
شكرا استاذ السنى لرفع بوست (المملطش) امير
المنزل الذى عاش فيه شاعر النيل حافظ إبراهيم بمدينة الروصيرص
|
Post: #64
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: لؤى
Date: 06-05-2008, 04:24 PM
Parent: #1
عزيزي محي الدّين
مساء الخير
عارف ؟
قبيل شُفتَك بتقرا في الأخبار ، فقُلت الزّول دا وين مُختفي من المنبر ؟؟
وهسّع دخلتي دي كانت للتّفتيش عليك
فلقيت كُلّ الرّوعة دي
أتاريك لافّي من بلد لي بلد
ليك التّحيّة والشُّكر
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
|
Post: #66
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 04:41 PM
Parent: #64
لؤى
شكرا على شرف الطلة
وما ( سعل) منك بلا آآآآخوى
وبزيارتك بوستينا نور
|
Post: #67
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: mohmed khalail
Date: 06-05-2008, 05:05 PM
Parent: #66
توثيق جميل لربوع بلادي
تشكر يا محي الدين على اشراكنا في هذا التجوال
سلمت
|
Post: #69
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: ود محجوب
Date: 06-05-2008, 05:30 PM
Parent: #67
يا ابو محمد
ما قصرت ومتابعين
بس شوف لينا الجزيرة نسرى
وسوق الكمر
وحوض ود حامد
اذا توفرت
وسلم على اسعد وعباس
|
Post: #81
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 09:23 AM
Parent: #69
دكتور ود محجوب
ده حوض والبسابير
وبجيك بالباقى
|
Post: #80
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 09:09 AM
Parent: #67
محمدخليل
ياكردفانى ياجميل
بجيك من كردفان
خليك معانا
وببدا ليك من بابنوسة فقط خليك معانا
|
Post: #68
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: عز الدين بيلو
Date: 06-05-2008, 05:29 PM
Parent: #1
شكراً ليك
وللكاميرا الجميلة
ما شاء الله
صور تنقلك إلى الطبيعة مباشرة
|
Post: #70
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: اميرة الحبر ادريس
Date: 06-05-2008, 06:09 PM
Parent: #68
محي الين ..سلامات
بوست جميل
وفعلا الصورة لاتقل عن الخبر
وهي كنز ومخزون للصحفي
محي الدين انا عندي صور لمناطق في السودان يتحفظ الكثيرين في دخولها من سنين
لو نزلتها في الوقت ده هنا بتجيب الكتاحة
اميرة
|
Post: #71
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: توفيق عبد المجيد
Date: 06-05-2008, 08:32 PM
Parent: #70
Quote: توفيق عبد المجيد ، بركة الجيتنا ونورت بيتنا
خليك معانا
الحلوة اللى فى البروفايل ، كان ماعندها ولاد عم جاهزين ( دايرة) لمحمد ولدى
قلت شنو |
رغم وجود اولاد العم لكن احسن نزيد رجال العائلة بمحمد وابوه واهله
قلنا خير
وكمان نوريك شعارنا في الزواج
بعيد عن السياسة قريبا من الزواج
|
Post: #72
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-05-2008, 09:12 PM
Parent: #71
محى الدين
| Quote: كلووووووووز أب وده راس الحدية ، دى رتينزة بعرفها الطيب شيقوق بس |
يجازى محنك اتاريك بتعرف الرتينزات والله ضحكت ضحكت ضحكت .
سلمى صبحي
انا متابع هذا الابداع !!
|
Post: #73
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-05-2008, 10:18 PM
Parent: #72
أحبائى وتاج رأسى
شكرا لهذا العبير
بجيكم بالدور واحد واحد
قبلاتى للجميع
|
Post: #74
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-05-2008, 10:26 PM
Parent: #73
هييييييييييييييييع الكلس عافي منك
|
Post: #75
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Elsanosi Badr
Date: 06-06-2008, 00:37 AM
Parent: #74
|
Post: #76
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: حواء سليمان ابراهيم
Date: 06-06-2008, 04:38 PM
Parent: #75
محى الدين سلامات
صور جميلة ومعبرة ، عليك الله
كتر لينا من صور الدمازين والروصيرص
ذات الخضرة اليانعة وما تنسى كان عند صور للخزان
حواء
|
Post: #79
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: فيصل محمد خليل
Date: 06-07-2008, 08:45 AM
Parent: #76
يا سلااااااااااااام يا محي الدين
|
Post: #90
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 11:07 AM
Parent: #79
يافسل ياهليل
شكرا للعبور وان كان سريعا
فعطره ظل بالمان
حتى الان
محبتى معاها صفيحة تركين
|
Post: #85
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 10:17 AM
Parent: #76
حواء سليمان
تحياتى وأشواقى
إليك صورة مبنى بوستة الروصيرص ، المبنى عمره أكثر من 60 عاما تقريبا ويقع بالقرب من الغستراحات القديمة إبان الحكم الإنجليزى المصرى
|
Post: #129
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 08:12 AM
Parent: #75
السنوسى ياود البوادى
إنت ما براك تفوز هذه المحبوبة بقلبك ، أنا أيضا أعشقها حد الجنون ، فإن نشات بين أحضان النيل إلا أن بيئاتنا كان جزءا من الصحراء والبادية ، شأننا شأن كل أهلنا فى نهر النيل والشمالية حيث قرانا تقع فى شريط ضيق على النيل وتحدها بلاحدود الصحارى ...
محبتى الاكيدة
|
Post: #86
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 10:23 AM
Parent: #70
زميلتى وصديقتى اللدودة أميرة الحبر
كيفك يازولة
كويس الزول لو حرمته الظروف من لقاءاتك ، يلجأ لكتاباتك وتحقيقاتك الجريئة بالغراء الراى العام
خليك معانا
|
Post: #82
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 09:54 AM
Parent: #68
عزالدين بيلو الرجل الجميل
شكرا على التوقيع والإشادة
______________________________
باقات ورد وتحايا بعطر الطلح
|
Post: #83
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: قرشـــو
Date: 06-07-2008, 10:01 AM
Parent: #1
الأستاذ المتألق محي الدين جبريل
لك التحية والتجلة
حقيقة ما اجملك وما اجمل ما أتيتنا به
لقد أسعدتنا كثيرا وطوفت بنا فى ارجاء السودان المختلفة وفى مناطق ظلت مهمشة حتى يومنا هذا (غرب شندى) فلك الشكر الجزيل ولك التقدير وارجو ان تواصل نشر هذا الجمال ....
انه السودان الرائع فى مختلف مناطقه فما اجمل الركون اليه ....
مع كل الود
|
Post: #88
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 10:36 AM
Parent: #83
الحبيب قرشو
مناطق غرب شندى غنية بأهلها كحال اهل السودان جميعا
وما أنس لا أنس تلك الايام الجميلة فى مدارسها ، الكمر الإبتدئية بنين ، حجر الطير المتوسطة ، حياة الداخليات التى اورثتنا تواصلا حميميا مع كل ابناء المناطق المجاورة فى ريفى ودحامد وجنوب ريفى المتمةن إلى أن إنتقلت لمدرسة شندى الثانوية الأهلية فكانت نعم المدرسة ، لانها كانت مصنفة ضمن المدارس القومية ، بها 6 انهر ، درس معنا على صديق ابوشوك الدلنج ، وفرانسيس من واو ، وعلى من هيا ( له الرحمة ، ابكر يعقوب من نيالا ، وعمر من العسيلات ... وجميع الوان الطيف السودانى كانت حاضرة ، معظمهم تجولوا معنا فى مناطقنا تلك وصاموا معنا رمضان رغم زمهرير نهاراتنا انذاك ....
|
Post: #84
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: قرشـــو
Date: 06-07-2008, 10:03 AM
Parent: #1
الأستاذ المتألق محي الدين جبريل
لك التحية والتجلة
حقيقة ما اجملك وما اجمل ما أتيتنا به
لقد أسعدتنا كثيرا وطوفت بنا فى ارجاء السودان المختلفة وفى مناطق ظلت مهمشة حتى يومنا هذا (غرب شندى) فلك الشكر الجزيل ولك التقدير وارجو ان تواصل نشر هذا الجمال ....
انه السودان الرائع فى مختلف مناطقه فما اجمل الركون اليه ....
مع كل الود
|
Post: #87
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: nazar hussien
Date: 06-07-2008, 10:28 AM
Parent: #84
يا قرشو: محي الدين دا لا هسي ما قطع البنطون: والبوست فعلا ناقص صور غرب شندي....
عشان تشوف سبل كسب العيش البي جد جد
من العتالة في البنطون
وانتهاءا بنقل التراب من الحفر في بطن قليبة....وعلي ظهر حمار جائع...
وتقولوا مهمشين.....يا ....
والله نحن مسكتنا الشديد القوي ساكت
|
Post: #89
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 10:44 AM
Parent: #87
الحبيب نزار
تعال معاى للبنطون ، لكن نحن ح نقطع المرة دى ببنطون فنقول ، وفنقول دى طبعا جنوب شندى بحوالى 80 كيلومتر تقريبا ، وح نعدى لفنقول ونمشى منها ( لا ورا) جيهات ودحامد ...
معزتى
|
Post: #91
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: بشير أحمد
Date: 06-07-2008, 11:10 AM
Parent: #1
الاخ/محي الدين جبريل
تحياتي؛؛؛
وتشكر علي الصور
ياخي شوف لينا اهلنا في كاب الجداد ايام تغطياتكم للقسم الشمالي
الغربي لمشروع الجزيرة
تخريمة بدون اشارات:
تحية خاصة لصديقي كمال سويكت
وقول ليهو قاعدين نعتل في بوست يسري
وبكري مصهين مننا ؛
وانت برضو يدك معانا.
|
Post: #93
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 11:34 AM
Parent: #91
بشير الامين
يارجلا بروعة الجزيرة الحبيبة
الأسبوع المضى مشينا المعيلق ، واحد صاحبنا تزوج من هناك ، يا اخى انا للان مندهش ، ديل قمم فى اى شئ ، الرجالة الشهام الكرم والجمال ....
تحاياك ستصل زميلى وصديقى سويكت
وبجيك بى غادى كان نقنع بكرى ده
|
Post: #92
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: عبدالله كع
Date: 06-07-2008, 11:24 AM
Parent: #1
محي الدين .. سلامات يا خينا ..
زيدنا من دلك شويه ..
في انتظار المزيد يا حبا .
ــــــــــــــ
رائع روعة السودان
|
Post: #94
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 11:40 AM
Parent: #92
عبد الله كع
شكرا للعبور والعبير
خلاص اركب مع الجماعة ديل
ولازم تشيل معاك حاجة فى راسك ( الصنقرارة حارة خلاص )
________________________
قليبة محبة
|
Post: #97
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: Elsanosi Badr
Date: 06-07-2008, 11:58 AM
Parent: #94
.
|
Post: #96
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: طلحة عبدالله
Date: 06-07-2008, 11:50 AM
Parent: #92
سلامات يا محي الدين جبريل
اخبارك واخبار الاولاد والجماعة كلهم شنو ..؟؟
ليكم وحشة يا زول ..
قلت لي :
Quote:
ملامح من بلادى ... على هامش مهامى الصحفية فى ربوع السودان ..( توجد صور) ....
|
أها بإستثناء الصور البتتصدرا (صورتك الخايف عليها) دليلك شنو انو الصور دي صورتها انت علي هامش مهامك الصحفية ..؟
اصلي ناوي ابقي بتاع سياسة وغلاط ونقة ..
(ثم أطلق ضحكة مجلجلة وغادر البوست دون رجعة)
|
Post: #98
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 11:59 AM
Parent: #96
كتب طلحة عبدالله
سلامات يا محي الدين جبريل
اخبارك واخبار الاولاد والجماعة كلهم شنو ..؟؟
ليكم وحشة يا زول ..
قلت لي :
Quote:
ملامح من بلادى ... على هامش مهامى الصحفية فى ربوع السودان ..( توجد صور) ....
أها بإستثناء الصور البتتصدرا (صورتك الخايف عليها) دليلك شنو انو الصور دي صورتها انت علي هامش مهامك الصحفية ..؟
اصلي ناوي ابقي بتاع سياسة وغلاط ونقة ..
(ثم أطلق ضحكة مجلجلة وغادر البوست دون رجعة)
إنتهى كلام طلحة
طلحة أخوى الاولاد بخير الحمد لله اها انت كيف صحتك
ثق تماما لو جاء اي زول قال الصور دى حقتوا ح اقول ليهو طوالى شيلا ، وامشى اصور غيرا او انزل غيرا ، لكن ثق تماما لم افكر يوما فى مثل الذى جال بخاطرك
حاجة غريبة
وبرضو محبتى الاكيدة
|
Post: #100
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: طلحة عبدالله
Date: 06-07-2008, 12:19 PM
Parent: #98
كتب ود اهلي محي الدين جبريل
إنتهي كلام كلام ود اهلي محي الدين جبريل
التعليق:
(حاجة غريبة) دي بتاعت زكريا حامد وانت ما كتبت منقول ..
فتت (بكسر الفاء) يعني إتخارج بسرعة البرق ..
يا زول هوي بهظر معاك ما تعمل لي فيها اسامة سيد احمد .
|
Post: #101
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 12:25 PM
Parent: #100
طلحة اخوى
وانا زااااااااااااااتى بهظر معاك
اها كده كيف
زيرو زيرو
تعادل سلبى
مش
_______________________
باقات ورد للزميل اسامة سيداحمد وعروسته
|
Post: #102
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: طلحة عبدالله
Date: 06-07-2008, 12:30 PM
Parent: #101
Quote:
اسامة سيداحمد وعروسته |
|
Post: #95
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: عبدالله كع
Date: 06-07-2008, 11:50 AM
Parent: #1
محي الدين عليك الله ..
شوفته القربه المعلقه دي ؟ صنقرة شنو؟؟
ــــــــــ
صدقني فيها جنس موية باردي..
|
Post: #99
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-07-2008, 12:09 PM
Parent: #95
الحبيب عبدالله كع
خد ليك كريعة من دا
|
Post: #106
Title: صنو الإبداع
Author: سيف بخيت موسي
Date: 06-07-2008, 06:44 PM
Parent: #1
سلام عزيزي محي الدين
صور ناطقة وبسيطة ومعبرة
غرق لجوة ورينا
مزيد من التفوق يالأنيق
صنو الإبداع
مع محبتي وتقدير
ولينا عودة
|
Post: #107
Title: Re: صنو الإبداع
Author: خالد علي محجوب المنسي
Date: 06-07-2008, 06:46 PM
Parent: #106
محي الدين زيرك دامويتو ماباردة
ما مندي تمام
جيب لينا صور من جهة شندي ( ولع فينا الأشواق كان نقلع نجيكم )
انت ياكا المذيع ؟؟
دا سؤال من أحمد ما مني
|
Post: #108
Title: Re: صنو الإبداع
Author: محي الدين جبريل
Date: 06-08-2008, 10:31 AM
Parent: #107
ودالمنسى
سلم لى على أحمد وأمو
صور شندى دى بجيك ليها فقط خليك متابع
كليقة محبة
|
Post: #110
Title: Re: صنو الإبداع
Author: الطيب شيقوق
Date: 06-08-2008, 10:38 AM
Parent: #108
| Quote: خد ليك كريعة من دا |
محيو
دحين الزهور النامية جوار الزير ده قائمة بروس ولا مزروعة عديل ؟ والله مرطّبة اكتر من زهور القصر الجمهوري ذاتها .
|
Post: #111
Title: Re: صنو الإبداع
Author: محي الدين جبريل
Date: 06-08-2008, 10:42 AM
Parent: #110
ودشيقوق
الزهور دى أعتقد مامزروعة قصدا ، زى القامت ( بروس ) لانها ما منسقة ...
يا أخى انت خطييييييير دائما رادارك بتلتقط الحاجات الحلوة ....
أيها الشيخ العاشق ( ده لقبى ليك من اليوم ) موافق ؟
|
Post: #109
Title: Re: صنو الإبداع
Author: محي الدين جبريل
Date: 06-08-2008, 10:37 AM
Parent: #106
شكرا سيف
ويلا معانا لمناطق الأمبررو الرحل
ولاية النيل الازرق
|
Post: #112
Title: Re: صنو الإبداع
Author: الطيب شيقوق
Date: 06-08-2008, 10:47 AM
Parent: #109
Quote: ويلا معانا لمناطق الأمبررو الرحل
ولاية النيل الازرق |
محيو
زى الشايف في الصورة وراك غابة طلح كاملة ولا نظري ضعيف يا ربي ؟
|
Post: #113
Title: Re: صنو الإبداع
Author: محي الدين جبريل
Date: 06-08-2008, 10:53 AM
Parent: #112
وشيقوق ( الشيخ العاشق )
عاد انت وآآآآآشوقك لدوا الرطوبة دا
أها خلى معاك العيدان ديل
مكتبنا فى ابوروف ممكن نرسل ليك بالدى اتش ال حاجة اسما الر......لة
|
Post: #114
Title: Re: صنو الإبداع
Author: الطيب شيقوق
Date: 06-08-2008, 10:57 AM
Parent: #113
نان علا تكتب فيها قابل للكسر يا عشاى
|
Post: #115
Title: Re: صنو الإبداع
Author: محي الدين جبريل
Date: 06-08-2008, 11:03 AM
Parent: #114
هااااااااااااائل ودشيقوق لقيك لسة .......
|
Post: #116
Title: Re: صنو الإبداع
Author: الطيب شيقوق
Date: 06-08-2008, 11:11 AM
Parent: #115
| Quote: مكتبنا فى ابوروف ممكن نرسل ليك بالدى اتش ال حاجة اسما الر......لة |
محيو
حطبك الشقيق ده انا قائل ما نمرة واحد ، يا ود جبريل ، لانو ممطور برة لحدى سلبتو هيرتت والارضة قائمة في اطرافو . ابقى نجيض شوف الشوال المفوّم تفويمة وشوف الحطب الابيض الما رشتو مطرة والزم ، عند الزمل ، حبل السعف لانو المطرة بتزيد متانتو .
هيييييييييييييييع
|
Post: #117
Title: Re: صنو الإبداع
Author: محي الدين جبريل
Date: 06-08-2008, 11:45 AM
Parent: #116
أفو آود شيقوق يحردن دايرنى أنا أقي مع بتاع الحطب ، تتقطع كراعى مابحوم بى غادى لايجيبنى الدرب عبور
شوف لابنشترى ال..لح ، ولا بنجى حايمين بشارع الدايات
شوفت زى الرجالة دى هيييييييييييييييع
|
Post: #118
Title: Re: صنو الإبداع
Author: الطيب شيقوق
Date: 06-08-2008, 11:57 AM
Parent: #117
| Quote: أفو آود شيقوق يحردن دايرنى أنا أقي مع بتاع الحطب ، تتقطع كراعى مابحوم بى غادى لايجيبنى الدرب عبور |
ضحكتنى يا محيو وذكرتني موقف هنا في مسقط
كنت في الدكان السودانى هنا في مسقط وعادة بجيبو الطلع ببيعوهو بالكيلو . اولاد المغتربين ما بيعرفوا الطلع ولا حاجة سجم ساى
اها في واحد عمك طلب من بتاع الدكان يوزن ليهو كيلوين من الطلح وبتاع الدكان وضع ليك الطلح في الميزان وقام طفف الميزان - وانا بعاين ساااااااااى - اكان اشوف ليك الولد قام يجوض في التاجر انت مالك زيدو زيدو زيدو .
وحياة اسم الله الجنا شلاقة ساى منو لكن حرم ما عارف البزيدو ده ذاتو شنو .
|
Post: #119
Title: Re: صنو الإبداع
Author: محي الدين جبريل
Date: 06-08-2008, 12:04 PM
Parent: #118
بالله بالكيلو عندكم
اها يمين أكسر ليك لوائحى وقوانينى وامشى اشترى ليك شوال كاااااااااااامل فقط رسل عنوانك
ويا الدى اتش ال جاك بلا
هييييييييييييييييع برضو رجالة
|
Post: #120
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: صلاح الفكي
Date: 06-08-2008, 12:46 PM
Parent: #1
محي الدين جبريل..
تحية تقدير واحترام..ومرور لرؤية روائع السودان .. بوستات زي دي بتخلي النار تقيف والهم يفوت.. وتشعل نيران أخري .. نبران الشوق ..
مرة ثانية تحية ليك ياحبيب..
|
Post: #121
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-08-2008, 03:45 PM
Parent: #120
الحبيب صلاح الفكى
شكرا للمرور والكلام الجميل ، نسأل الله أن يعم الخير والسلام ربوع بلادنا ، وقطعا ساجتهد لأطوف بكم فى ولايات السودان المختلفة
باقات ورد
|
Post: #122
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-08-2008, 03:47 PM
Parent: #120
| Quote: اها يمين أكسر ليك لوائحى وقوانينى وامشى اشترى ليك شوال كاااااااااااامل فقط رسل عنوانك |
لا لا لا يا محيو يا حليلك ات قايل هسع ؟
مؤشر اساعرو تراجع شديد مع تسونامي المجاعة الجايينا ده لانو قيمتو صارت تتاثر بعوامل بيئية ومناخية وصحية وغذائية يا محيو .
بس تبقى الحقيقة المحورية فيما لو استطاع ساستنا استثمار المعطيات العالمية الحالية والتركيز على الزراعة بشقيها الحيواني والنباتي لان ذلك قد يفضى لزيادة دخل الفرد السوداني وتحسن مستوى معيشته ومن ثم البحث عن مواطن الترفيه.
لقيتني كيف يا محيو ؟؟
|
Post: #123
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-08-2008, 03:56 PM
Parent: #122
بورصات ومؤشرات
ده كلوا على شان الطلح والر....لة
وبجيك راجع ( أيها الشيخ العاشق )
|
Post: #124
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-08-2008, 04:20 PM
Parent: #123
لا ابدا يا محيو وانما لنباهي بكم الامم
فاهمني ولا طاشي مع كاميراتك ؟
|
Post: #126
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-08-2008, 04:50 PM
Parent: #122
بورصات ومؤشرات
ده كلوا على شان الطلح والر....لة
وبجيك راجع ( أيها الشيخ العاشق )
|
Post: #125
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: هجو الأقرع
Date: 06-08-2008, 04:29 PM
Parent: #1
الاخ الكريم محى الدين ، شكرا على الصور الرائعة بس عليك الله سرع لينا فى صور شندى ياخ
|
Post: #127
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 07:44 AM
Parent: #125
الزميل الجميل ، هجو
كيفك يازول ، أصبر شوية ، ولا أقول ليك خلى دى معاك ونحن ماشين شندى ، أكيد لازم ننزل نبرد شوية فى كافتريا البكاش ، ولا شنو
|
Post: #128
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-09-2008, 07:51 AM
Parent: #127
الاخ هجو كيفك يا اخي وكيف الاولاد انشاء الله ام الاولاد تعافت تماما .
| Quote: الاخ الكريم محى الدين ، شكرا على الصور الرائعة بس عليك الله سرع لينا فى صور شندى ياخ |
محيو
عاد دراب الشمالية ده بصوروا ليهو شنو ارجع بقفاك وامشى لينا حظيرة الدندر صور لينا غابات الدندر وذرة الدندر وسمسم الدندر وبهائم الدندر وعسل الدندر وط ... الدندر
|
Post: #130
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 08:33 AM
Parent: #128
هجو كفارة وسلامة ام الوليدات ، طمئنا على صحتها
ودشيقوق ، نحن عارفين الدندر سمحه وناسا سمحين ، وط ...حها سمح ، لكن رايك شنو فى قعدة الجبنة دى ، كانت فى بورتسودان الشتاء الماضى ....
|
Post: #131
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-09-2008, 08:48 AM
Parent: #130
| Quote: ودشيقوق ، نحن عارفين الدندر سمحه وناسا سمحين ، وط ...حها سمح ، لكن رايك شنو فى قعدة الجبنة دى ، كانت فى بورتسودان الشتاء الماضى .... |
كتر خيرك
والله يا محيو جلسه تحسدون عليها وقهوة الشرق مبااااااااااااااالغة لا سيما عندما تخلط بالزنجبيل !!! هيييييييييييع .
|
Post: #132
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 09:03 AM
Parent: #131
ودشيقوق
دى كانت جلسة حلوة خلاص ، وأدروب صاحب الجلسة ده راجل طريف وبتاع نكتة ، طبعا فى النهاية حلف من القروش ......
عاين لكيس التمباك ، اللى مداه لى وعندما أعتذرت ليهوا إنى ما بسف ، مدد شفتاه وقال : أه مافى فايدة لو مابتسف ههههههههه
|
Post: #133
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: سيف الدين حسن العوض
Date: 06-09-2008, 09:47 AM
Parent: #132
الاخ الرائع جدا / محي الدين جبريل
سلامات واشواق وتحايا بطول امتداد الوطن الموحد
تسجيل حضور واعجاب مدهش بالبوست الرائع
طبعا جينامتأخرين لانو في حضرة جلال الوطن يطيب الجلوس
خاصة في وجود هذه القهوة
شوقنا ليكم لايحد وللوطن لايعد
مودتى
|
Post: #135
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-09-2008, 10:29 AM
Parent: #133
| Quote: عاين لكيس التمباك ، اللى مداه لى وعندما أعتذرت ليهوا إنى ما بسف ، مدد شفتاه وقال : أه مافى فايدة لو مابتسف ههههههههه |
غايتو اكان جاملتو وسفيت ليهو من حقتو دى اكان تجينا بكمية صور مقلوبة هيييييييييييييييع
|
Post: #137
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 02:32 PM
Parent: #135
ربنا ستر ياودشيقوق
وديل عندهم تمباك قالوا هاى كوالتى
ميناء بورتسودان
|
Post: #136
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-09-2008, 02:26 PM
Parent: #133
أستاذ سيف الدين حسن شخصيا هنا ، ده قمة الفخر والشرف
كيفك يا أستاذنا وصحتك
لسة فى البلد البعيد داك ؟
________________________
شوق بالكوم والردوم
|
Post: #138
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-10-2008, 07:40 AM
Parent: #136
والله يا محيو اكان ما مشيت الدندر ايام الخريف وصورت المناظر ما عافين منك . طبعا بتلقى الشجر كلو مخضر الكتر واللعوت والطندب وفلان ذاتووووووووو.
|
Post: #139
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: محي الدين جبريل
Date: 06-10-2008, 08:52 AM
Parent: #138
ودشيقوق
صباحاتك صباحات الدرت والشبع وريحة العليف والبرم
المشكلة ما فى إنى أمشى دى بسيطة جدا ، لكن المشكلة أمشى وألقى الكلام البتقول فيهو ده والكرم ( وحاجات تانية حاميانى ) ألقى ده كلوا وما أجى .....
إنت وينا جيتك ....
مش قلت جايى
|
Post: #140
Title: Re: ملامح من بلادى ... على هامش مهامى الصحفية فى ربوع السودان ..( توجد صور) ....
Author: الطيب شيقوق
Date: 06-10-2008, 10:27 AM
Parent: #139
يا زول انا جايي طاب خليك جاهز بالكاميرات والله اتجول معاك محل ماش وبعرف ليك محلات الابداع والمبدعين من ناسنا
|
|