Post: #1 Title: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 09:33 PM
يبدو اننا نعيش مواسم عودة الزمن الجميل فما ان انحبست الشهقة بقدوم عمر الحبر الا وعالجنا بكري بضربة من النوع المعلم بحضور المهندس ابراهيم ابو سمرة..!! ابراهيم ابو سمرة شهرة وايام خوالي خلدت في ردهات ام النخيل وصيت عالي في احداث ذلك الزمن البعيد... اول مرة في حياتي اشوف زول يتناول البمبان قبل ما يصل للارض ويجدعوا للبوليس تاني..!! الميدان الشرقي وهندسسسسسة.. لاعب سلة ماهر واستايل غوردون ومقالعة في الرنق وثري بوينت في مباريات منتخب الجامعة وضد الكليات الاخري التي لم تجد معه حل مشجعا ولاعبا ومصيبة كبري هو وبرفقة اخريين اشهرهم الفتي الاخر طه النور اسحاق الذي نطالب بتسجيله فورا وفورا .... شاعر مرهف وفتي تعرفه كل جنبات جامعة الخرطوم التي كان احد اساطينها وشيوخها الكبار
هلا تقدمت سيدي الريس ابو سمرة فنحن قبعنا هنا الف عام وعام في انتظارك
Post: #2 Title: Re: ابراهيم ابو سمرة وصل الف مرحب..!!! Author: khaleel Date: 06-01-2008, 09:37 PM Parent: #1
Quote: هلا تقدمت سيدي الريس ابو سمرة فنحن قبعنا هنا الف عام وعام في انتظارك
مرحبا بود استاذة عواطف
مرحبا بود اللواء
مرحبا بصديقي ابا سمرة
Post: #3 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 09:42 PM Parent: #1
والله يا خلي التسجيلات المرة دي رهيبة غابت وجابت الحبر وابوسمرة... وخليهم يمسكو معاك وردية بعد ده انا فترت وكعكت ياخي....
انا متلهف بالجد لسماع وقراية اشعار ابوسمرة بعد هذا الزمن الطويل فهو شاعر مرهف ورقيق
Post: #4 Title: Re: ابراهيم ابو سمرة وصل الف مرحب..!!! Author: khaleel Date: 06-01-2008, 09:45 PM Parent: #3
Quote: وخليهم يمكسو معاك وردية بعد ده انا فترت وكعكت ياخي....
وانا ذاتي عائز اتفرغ لليو تيوب
Post: #6 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 09:47 PM Parent: #4
Quote: وانا ذاتي عائز اتفرغ لليو تيوب
كدي احسن يا زول اخير ليك من الكدامير البجيب هواء دي
Post: #5 Title: Re: ابراهيم ابو سمرة وصل الف مرحب..!!! Author: ALazhary2 Date: 06-01-2008, 09:47 PM Parent: #3
الأخ العزيز الزميل في أم نخيل أستاذنا عبد الكريم
نرحب زميلكم إبراهيم أبو سمرة والبورد نور .
ياخي أتذكر قبل 15 سنة تقريباً كنت بعرف صديق إسمهسامي سمير أبوسمرة والدته من روسيا .
ياريت لو زميلنا الجديد إبراهيم بعرفه يكرمني برقم جواله أو إيميله .
تحياتي وتقديري
Post: #7 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 09:51 PM Parent: #5
Quote: نرحب زميلكم إبراهيم أبو سمرة والبورد نور
هلا يا ابو الزهور وحبابك شديد وفعلا المنبر نور ونور شديد لو يعلم قومي فابو سمرة علما فوق راسه نار بل نيران ونتمني له اقامة سعيدة في هذا المكان ونتمني ان ياتي ليفيدك في امر صديقك وكل الشكر علي الترحيب يا ازهري
فدوما هي ام نخيل
Post: #8 Title: Re: ابراهيم ابو سمرة وصل الف مرحب..!!! Author: محمد عثمان Date: 06-01-2008, 10:16 PM Parent: #1
الف مرحب اخ ابراهيم ابو سمرة
لا ياتى منك الا الجميل اخ عبد الكريم..
Post: #9 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 10:19 PM Parent: #8
Quote: الف مرحب اخ ابراهيم ابو سمرة
لا ياتى منك الا الجميل اخ عبد الكريم
الف تحية يا محمد عثمان وحبابك في كرنفال صديقي ابو سمرة وياريت يا محمد تعطر لينا المكان باحدي الحان المرحوم الجابري وياريت تكون 0رليس (تفتح الاغنية مع البوست) وساكون شاكرا وممتنا علي ذلك كل الود والتحية
Post: #14 Title: Re: ابراهيم ابو سمرة وصل الف مرحب..!!! Author: محمد عثمان Date: 06-01-2008, 10:50 PM Parent: #9
Quote: وياريت يا محمد تعطر لينا المكان باحدي الحان المرحوم الجابري وياريت تكون 0رليس (تفتح الاغنية مع البوست) وساكون شاكرا وممتنا علي ذلك
اتفضل اخ عبد الكريم..
اضغط للاستمااع
Post: #10 Title: Re: ابراهيم ابو سمرة وصل الف مرحب..!!! Author: النورس الحزين Date: 06-01-2008, 10:22 PM Parent: #1
زول عموش
و نضارتو قعر كباية
و مغلوب السنين دى كلها فى الجامعة
جايي يتفاصح بى جاي
غايتو بكري دى بسجل لينا فى كوامر
شكرا بكري و شكرا كريم و مرحب بى طويل عنقوق
Post: #11 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 10:27 PM Parent: #10
هلا يا نورس يا حزين وحبابك والله وشكرا لابوسمرة الذي جعلنا نلتقي بالنوارس الحزينة ولكن يا زول هوووي صاح طويل عقوق وصاح قعر كباية ولكن مغلوب دي جبتها من وين يا نورس هوووي .. احنا رغم سمستر برضو غالبين الناس لفت رايت
وكل الود والتقدير وحبابك في كرنفال ابو سمرة
Post: #12 Title: Re: ابراهيم ابو سمرة وصل الف مرحب..!!! Author: انعام عبد الحفيظ Date: 06-01-2008, 10:37 PM Parent: #1
Quote: اول مرة في حياتي اشوف زول يتناول البمبان قبل ما يصل للارض ويجدعوا للبوليس تاني..!! الميدان الشرقي وهندسسسسسة
كيكي مرحب بـ ابراهيم أبو سمره
بس بالله خليهو يبعد من بمبان البورد د سمح؟
Post: #13 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 10:44 PM Parent: #12
Quote: بس بالله خليهو يبعد من بمبان البورد د سمح؟
هلا يا انعام وحبابك والله.. وسمح يا انعام ولكن (كدي شوفي لكن دي) ابو سمرة ده انا ما بضمنوا ليكم حيسوي شنو في بمبان المنبر ده غايتو لو يوم جيتو لقيتو المنبر ده مولع نيران وحاصل فيهو بمبان اسفيري ابحثوا عن ابراهيم الشهير بابو سمرة وهو بالمناسبة معاكم في الخرطوم يعني اعملوا ساتر مع حسسسع دي
Post: #15 Title: Re: ابراهيم ابو سمرة وصل الف مرحب..!!! Author: عبدالكريم الامين احمد Date: 06-01-2008, 10:56 PM Parent: #13
Quote: اتفضل اخ عبد الكريم
تسلم يا ودعثمان ودوما يدك ملانه دهشة وياسمين ودمت اخا رائعا عزيزا وكل الشكر والتقدير
Post: #16 Title: Re: ابراهيم ابو سمرة وصل الف مرحب..!!! Author: رأفت ميلاد Date: 06-01-2008, 11:00 PM Parent: #13
ألف مرحب بإبراهيم أبو سمرة من كستاوى لى كيكى .. إبقى زول تمام
ياربى عندو علاقة بحبيبنا الفاتح أبو سمرة
مودتى
Post: #17 Title: Re: ابراهيم ابو سمرة وصل الف مرحب..!!! Author: ابراهيم ابوسمرة Date: 06-01-2008, 11:08 PM Parent: #1
يا كيكي وخلي هده ضلت الطرق فوصلت الي رغم عتامة الطريق الدي بات يوصل بيني والكتابة فارجو ان تتقبلوها ولا تطلبوا غيرها فقد تباعدت الخطى وانقطع رجع الزمن الجميل ولكم كل الود مع تحياتي لاحمد التجاني وباقول ليه انو الكتاحة بطلت تجي
قيدومة ....... قالو اتوسدت وجع المسافات ..... الوهج رجعت ملامحي مع الصباح .... اتلفحت توب الصلاه معقولة يا شبه السفر معقولة فيكي اتمددت تاهت حكاياتك .. معاك اترددت رجعت بلاك والهمسة فيكي اتبددت ...... ما تمشي لي ... جاييني فيك .. صوتك ولون شوقك قبييل وتوددك ما بين عيوني الفيك وبين دقة نفيستي مودتك .... قوليها لي واقعد ارحل في صدى الموج من هنا لي خصلتك وارسم علي ضهر السحاب مليون قصيدة تودعك زافاكي لي
Post: #18 Title: Re: ابراهيم ابو سمرة وصل الف مرحب..!!! Author: ابراهيم محمد الحسن Date: 06-02-2008, 06:18 AM Parent: #17
ألف مرحب بالباشمهندس أبو سمرة ومنتظرنك في اليوم الحار ..
الأخ نورس حزين :
Quote: زول عموش و نضارتو قعر كباية و مغلوب السنين دى كلها فى الجامعة جايي يتفاصح بى جاي غايتو بكري دى بسجل لينا فى كوامر
أعمل حسابك .. أبو سمرة صاحب نظرية إتصلح يا حكم .. بندقك يا حكم) وطبعا الحكم كان ما بيتصلح .. وبيحصل الدق
Post: #19 Title: Re: ابراهيم ابو سمرة وصل الف مرحب..!!! Author: esam gabralla Date: 06-02-2008, 06:53 AM Parent: #1
Quote: احنا رغم سمستر برضو غالبين الناس لفت رايت
كضاااااااب
ننادى انور و معنى و الباقين؟
ابوسمرة الرباطى .... يوم الخمسة الشهيرة كان من المرابطين في ثغور كلية الهندسة المظلمة و مدججين بالطوب و الحجار لمنع السيرة من المرور بها
خرخار و بكاى يا ابوسمرة
مرحب بيك في الهيصة دى
Post: #20 Title: Re: ابراهيم ابو سمرة وصل الف مرحب..!!! Author: ALazhary2 Date: 06-20-2008, 11:33 PM Parent: #1
الاخ الزميل المهندس إبراهيم أبو سمرة
هل أجد لديك عنوان أو رقم تلفون الصديق القديم سامي سمير أبو سمرة ؟
إتصلح يا حكم .. بندقك يا حكم)