(منى خوجلي ) .. تتحبا ..!!

Post: #1
Title: (منى خوجلي ) .. تتحبا ..!!
Author: كمال علي الزين
Date: 05-30-2008, 12:29 PM

(*)

تشبه تلك التي تكتب تحت (إسمها) , ..

بل تطابقها , ..

تطل من أعينها (حنية) سودانية , ..

تعبق بالمكان رائحة (أمومة) محببة , ..

لكنها , أيضاً , ..

(حزينة) على شئ ما , ..

تتحدث بهدوء .. يتغلب على ضجيج مافي الصدور , ..

تقتحم القلوب بمحبتها , ..

حقاً , ..

(ليس من رأى كمن سمع ) ..!!

Post: #2
Title: Re: (منى خوجلي ) .. تتحبا ..!!
Author: osman righeem
Date: 05-30-2008, 12:39 PM
Parent: #1

الاستاذ كمال
تحياتي

شفت ازاي

دي المناظر بس

Post: #3
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 12:53 PM
Parent: #2

Quote: الاستاذ كمال
تحياتي

شفت ازاي

دي المناظر بس

شفتا والله ..

بس ما حا أنتظر المناظر ..

الزولة ده (بتتحبا) ..

وأنا بخاف أتعلق بالناس العارفهم ماشين ..

(يخلونا بحبهم ) ويسافروا ..

ويعلقوا قلوب الناس وراهم ..

في (القاهرة) و(الخرطوم) و(لندن) ..

زي (منى خوجلي) دي مفروض يحددوا إقامتا , ..

ولا تتغير تبقى وحشة حبتين , ..

عشان نتوازن في محبتا ..

(الله كريم ياعثمان) ..

Post: #4
Title: Re: (منى خوجلي ) .. تتحبا ..!!
Author: رأفت ميلاد
Date: 05-30-2008, 01:02 PM
Parent: #3

Quote: (منى خوجلي ) .. تتحبا ..!!
دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..

الله يرجعا لينا سالمة

كيفك يا كمال الزين

كملت لى حبر البرنتر .. ياخ أكتب كبار مباريك بى هناك

Post: #7
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 01:12 PM
Parent: #4

Quote: دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..

الله يرجعا لينا سالمة

كيفك يا كمال الزين

كملت لى حبر البرنتر .. ياخ أكتب كبار مباريك بى هناك

رافت بركة في سيرة منى الجابتك , ..

ليك وحشة يا (كافر) ..

بنكبر ليك الخط (مراعاة لفروق النظر ياعجوز) ..

أنا بصور بعيوني ..

إطمئن يا(حبيب) الزولة الشفتها دي تتطعم البحر ..

Post: #107
Title: Re: (منى خوجلي ) .. تتحبا ..!!
Author: Muna Khugali
Date: 06-19-2008, 05:23 PM
Parent: #4

Quote: دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..

الله يرجعا لينا سالمة

كيفك يا كمال الزين

كملت لى حبر البرنتر .. ياخ أكتب كبار مباريك بى هناك

رأفت..ياحليلك يارافت..

كنت متمنيه جدا رحلتنا للدوحه تكون فيها..

كان سيكون للضحكات صوت اعلي!

والله فقدتك جد..وفرحت جدا لما سمعت صوتك هناك..

وزي الكاشف..
كان افرح كتير وأكاد اطير من الفرح..
والله جد!

أما معتز قريش..والله ما تتخيل زول بسيط ومرح كيف..

Post: #5
Title: Re: (منى خوجلي ) .. تتحبا ..!!
Author: هاشم أحمد خلف الله
Date: 05-30-2008, 01:08 PM
Parent: #3

فعلا والله يا كمال اخوي مني خوجلي دي كلها حنية
اول مرة اقابلها في الخرطوم في إجازتي السابقة
حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها

مني يا نسمة صباح يا نور سطع عم البلاد
بجيتك زارنا الفرح والدوحة لبست عقد جلاد

هدية خفيفة ليك يا كمال مع اني من السعودية

Post: #9
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 01:23 PM
Parent: #5

Quote: فعلا والله يا كمال اخوي مني خوجلي دي كلها حنية
اول مرة اقابلها في الخرطوم في إجازتي السابقة
حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها

مني يا نسمة صباح يا نور سطع عم البلاد
بجيتك زارنا الفرح والدوحة لبست عقد جلاد

هدية خفيفة ليك يا كمال مع اني من السعودية

أخي (هاشم) , ..

يبدو أنك إتورط قبلنا ..

طيب ماكان تورونا ..

أنا كنتا فاكر الحكاية كلام بورداب ساي ..

على وزن كلام جرايد ..

تم القصيدة دي عشان نحنا ماعندنا شعراء في الدوحة ..

____________________________

ما خلا (سليكة) طبعاً ..

Post: #109
Title: Re: (منى خوجلي ) .. تتحبا ..!!
Author: Muna Khugali
Date: 06-22-2008, 00:56 AM
Parent: #5

Quote: فعلا والله يا كمال اخوي مني خوجلي دي كلها حنية
اول مرة اقابلها في الخرطوم في إجازتي السابقة
حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها

مني يا نسمة صباح يا نور سطع عم البلاد
بجيتك زارنا الفرح والدوحة لبست عقد جلاد

هدية خفيفة ليك يا كمال مع اني من السعودية

هشومي..
اختك ماجايبه خبر!
انا قايله مسألة التأشيرات دي ساهله شديد وخاصه بين الدول العربيه مادام الزول عنده أقامه!
يبدو ان سهولة التنقل عندنا جعلتنا ننسي ما يلاقيه الآخرين من صعوبات..معليش..
لكن يا هاشم عليك الله..ايامنا القضيناها في الخرطوم وباقي البورداب مش من اجمل ايام العمر؟؟
كفايه كان نسمع كلنا غنا سوا..ولا نخطف الشيه من بعض..والكلام بينا اصله ما كان بيتوه ولا بينتهي..
مش لي حق عليك الله أحنسك والباقيين تجو الدوحه؟؟

تاني أخير ليكم..ننظم رحلاتنا سوا ومن بدري..علشان تلحقوا تعملوا التأشيرات

سلم علي هودي لغاية ما الاقيها..عادل جباره رجع ولا لسه؟؟

شكرا اخوي علي بيتين الشعر الحلوين..ربنا يخليك..

Post: #106
Title: Re: (منى خوجلي ) .. تتحبا ..!!
Author: Muna Khugali
Date: 06-19-2008, 04:35 PM
Parent: #3

Quote: بس ما حا أنتظر المناظر ..

الزولة ده (بتتحبا) ..

وأنا بخاف أتعلق بالناس العارفهم ماشين ..

(يخلونا بحبهم ) ويسافروا ..

ويعلقوا قلوب الناس وراهم ..

في (القاهرة) و(الخرطوم) و(لندن) ..

زي (منى خوجلي) دي مفروض يحددوا إقامتا , ..

ولا تتغير تبقى وحشة حبتين , ..

عشان نتوازن في محبتا ..

(الله كريم ياعثمان) ..

كمال..

رد لي نعم يا أمي..ممكن؟؟

الخوف من الفراق احساس تحترفه حواسي وقلبي..

فقد تكرر حتي صار الخوف منه مستقرا في الأعماق..

والخوف من الفراق علي ذكري غير كريمه يخيفني أكثر..

وكما يغني الكاشف مخاطبا احلامنا...

تعال زورنا مره..

ونحمدالله علي لقاءنا الذي سنكرره باذنه تعالي في اي من اراضيه الواسعه..
في وطننا السودان..
في الدوحه..
في لندن..
في مصر..
او اي مكان آخر نستطيع الوصول له ..
وعندما يتكرر اللقاء..
سنبعد الخوف بالأطمئنان الجميل

Post: #105
Title: Re: (منى خوجلي ) .. تتحبا ..!!
Author: Muna Khugali
Date: 06-19-2008, 01:29 PM
Parent: #2

Quote: الاستاذ كمال
تحياتي

شفت ازاي

دي المناظر بس

عثمان..
بدأ التعارف والتآلف بينا من مده...
ربنا يقوي ما بيننا جميعا..
ويما ما ان مد الله في العمر..
سنصير جميعا اهل..
وسيكون اسمنا..
اسرة سودانيزاونلاين للحب والموده..

شكرا اخوي

Post: #6
Title: Re: (منى خوجلي ) .. تتحبا ..!!
Author: العوض المسلمي
Date: 05-30-2008, 01:09 PM
Parent: #1

اخي كمال سلام

Quote: الزولة ده (بتتحبا) ..

وأنا بخاف أتعلق بالناس العارفهم ماشين ..

(يخلونا بحبهم ) ويسافروا ..

ويعلقوا قلوب الناس وراهم ..

في (القاهرة) و(الخرطوم) و(لندن) ..

زي (منى خوجلي) دي مفروض يحددوا إقامتا , ..

بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه

Post: #8
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 01:18 PM
Parent: #6

Quote: بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه

الله لا وراك يا(العوض) , ..

الزولة بتشيل قلبك وتفرتق ..

ومثلها أيام عمرو كلها بتشكر ..

ده من طيبك يا (العوض) ..

___________________

خليل لقيتوا ..

Post: #10
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 01:54 PM
Parent: #8

(*)

لم أكن متحمساً للقاءها , ..

ظننتها كغيرها , لن تصمد فكرة (منى الإسفيرية) ,

أمام (منى ) الزولة العادية , ..

كثيرون تلتقيهم هنا , ولا تجرؤ على لقاءهم , ..

تخاف أن تواجه ذلك التناقض الذي ألفناه , ..

بين (زول المنبر) و(زول الحياة الحقيقية) , ..

أمران أحلاهما مر , ..

فإن كانت (منى ) ليست كما تبدو لنا ..

فمكسب حتى لا نتعلق بها ونحبها حقاً , فهي لاشك ستمضى عنا , ..

وتفارقنا , ..

وإن كانت (حقيقية) كما تبدو لنا , ..

فسنحزن على فراقها , وسنخشى وداعها , ..

Post: #110
Title: Re: (منى خوجلي ) .. تتحبا ..!!
Author: Muna Khugali
Date: 06-22-2008, 05:21 PM
Parent: #10

Quote: لم أكن متحمساً للقاءها , ..

ظننتها كغيرها , لن تصمد فكرة (منى الإسفيرية) ,

أمام (منى ) الزولة العادية , ..

كثيرون تلتقيهم هنا , ولا تجرؤ على لقاءهم , ..

تخاف أن تواجه ذلك التناقض الذي ألفناه , ..

بين (زول المنبر) و(زول الحياة الحقيقية) , ..

أمران أحلاهما مر , ..

فإن كانت (منى ) ليست كما تبدو لنا ..

فمكسب حتى لا نتعلق بها ونحبها حقاً , فهي لاشك ستمضى عنا , ..

وتفارقنا , ..

وإن كانت (حقيقية) كما تبدو لنا , ..

فسنحزن على فراقها , وسنخشى وداعها , ..

لا ادري يا كمال مالذي جعلك قيل مجيئي غير متحمسل للقاء الغير..
لكن اعلم انني في هذه الدنيا التقيت بكثيرين اسعدوني بشده.وىخرين نشروا التعاسه حولي..
الا انني لا افقد ثقتي في الأنسان والآنسانيه..احب الآخر حتي أتأكد انه لا يستحق هذا الحب..فابعد عنه..
..........
..........

كثيرا ما يخيب املنا فيمن نظن اننا عرفناهم..وهي خيبة ظن لا تستطيع تخبئة نفسها كثيرا..فدائما ما تطفوا علي سطح العلاقه وتأتي بآثارها السلبيه..
ولكن علي الرغم من الخيبه هنا..الا ان هذا لا يهم كثيرا..فخيرا أن نعرف من أن لانعرف..موش؟؟
........
........
كذلك كثيرا ما نحمل للذين لم نلاقيهم من قبل صوره معينه في مخيلتنا..نبنيها اكثر علي صدي كلماتهم المقروءه..او ربما علي نبرات اصواتهم..وأقصد بالصوره هنا الملامح الجسديه..
وصورتك عندي..ولم أكن قد رأيت صورك مؤخرا..هي صوره مغايره تماما للواقع..لا اقول أجمل او غير ذلك..
فقط اقول مختلفه..
لذ1لك اصارحك عندما اتيت في أول وهله لم أعرفك...كنت اصغر مما اتوقع..وأكثر ضجيجا مما تخيلت..
سعدت بك في كل الصورتين..وفي كل الأحوال كسبتك صديقا وابنا..
وبهذا..صار لقاؤنا قطعا قادما..

سلام منور بشمس لندن../font>

Post: #11
Title: Re: (منى خوجلي ) .. تتحبا ..!!
Author: العوض المسلمي
Date: 05-30-2008, 01:59 PM
Parent: #8

اخي كمال سلام

Quote: الله لا وراك يا(العوض) , ..

الزولة بتشيل قلبك وتفرتق
..

قلبي شالوه زماااااااااااان
زناس حنااااااااااان
بس انت قول يا لطيف

_
____________________________

اذا ظهر خليل
بتوريني ساره دي منو ؟

Post: #12
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 02:05 PM
Parent: #11

Quote: قلبي شالوه زماااااااااااان
زناس حنااااااااااان
بس انت قول يا لطيف

أحن من (منى) ده مافي ..

وأنا ماعاوز ألاقيها تاني ..

(بتخوف) ..

وصدق اللي قال:

الولف كتال ..

زي ناس (منى ) ديل ولفهم كتال ..

Quote: اذا ظهر خليل
بتوريني ساره دي منو ؟

سارة دي واحد صاحبي ..

وزول راقي جداً بالمناسبة ..

إذا ظهر خليل برسل ليك تلفون سارة في (المسنجر) ..

___________________________

(خليل) و(سارة) أصحاب بالمناسبة ..

Post: #13
Title: Re: (منى خوجلي ) .. تتحبا ..!!
Author: Amira Elsheikh
Date: 05-30-2008, 02:27 PM
Parent: #12

Quote: طيب ماكان تورونا ..

كمال ..

وحاة الله كلمتك وحكيت ليك كتيير عن

طيبة منى..

لذاذة منى

ابتسامة منى

بس قلت انا تانى زول لو مامسكتو وجضمتو بيدينى ديل مابصدق..

انشاءالله تكون جضمتها حبوبة منى

Post: #14
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 02:40 PM
Parent: #13

Quote: كمال ..

وحاة الله كلمتك وحكيت ليك كتيير عن

طيبة منى..

لذاذة منى

ابتسامة منى

حكيتي لي والله بس من كترة ما أتغشيت في الناس ..

قايلو (كلام بورد ساي) ..

Quote: بس قلت انا تانى زول لو مامسكتو وجضمتو بيدينى ديل مابصدق..

والله الجرب لدغة الدبيب بخاف من جر الحبل ,..

بقيت ما بصدق أوصاف زول إلا أشوفا وأمسك من جضوموا

Quote: انشاءالله تكون جضمتها حبوبة منى

لسا ما جضمتها , لكن خشيت فيها بالحضن كده ..

لقيتا فعلاً (حبوبة) ..

زي حبوبتي الربتني ..

بس على أصغر وأحلا وأشيك ..

_________________________

فاتك والله مسكينة

Post: #15
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 02:40 PM
Parent: #13

مكرر ...

يبدو أن المداخلة تعترض على تقصيري في وصف (منى) الحبوبة ...

Post: #112
Title: Re: (منى خوجلي ) .. تتحبا ..!!
Author: Muna Khugali
Date: 06-22-2008, 08:44 PM
Parent: #13

Quote: كمال ..

وحاة الله كلمتك وحكيت ليك كتيير عن

طيبة منى..

لذاذة منى

ابتسامة منى

بس قلت انا تانى زول لو مامسكتو وجضمتو بيدينى ديل مابصدق..

انشاءالله تكون جضمتها حبوبة منى

اميره..
هل قلت ليك انه نفسي اكون في مكان تجي فيه انتي..واول ماتشوفيني تصرخي صرختك
المجنونه ديك؟؟
......
......
سنتقابل كثيرا..ونعمل الحفله في حوش بيتكم الواسع..
ونفرح مع اخواتك ووالدك ووالدتك..
ونجري وننطط ونحتفل بالناس ونخفف علي الحزين مع الأصحاب ونزور بيوت اليتامي..
ويكونوا معانا الناس الحلوه الفرحها بيكون في فرح التانيين..
يرسموا ويلونوا ويغنوا للفقرا واليتامي فقط من اجل تخفيف ظلم الدنيا ليهم!

بس حاجه واحده مافينا..
أنا مابقدر عليها..
وهي غسيل الملابس

واحشاني جدا يا اميره..
ووصيتي ليك زي وصية أمك ليك..
خلي بالك من نفسك ومن صحتك..واكلي كويس!

Post: #111
Title: Re: (منى خوجلي ) .. تتحبا ..!!
Author: Muna Khugali
Date: 06-22-2008, 08:21 PM
Parent: #11

Quote: قلبي شالوه زماااااااااااان
زناس حنااااااااااان
بس انت قول يا لطيف

يعني انا لو جيت ما بلقي حته فاضله في قلبك؟؟
وانت تخليهم يشيلوا قلبك ليه؟؟
تعيش كيف يعني من غير قلب؟؟

غايتو أنا بجي..وبفتش لي مكان في قلبك وقلوب التانيين وبقعد..سمح؟؟

نتقابل باذن الكريم علي الأخوه والموده والكلمه الطيبه..

Post: #108
Title: Re: (منى خوجلي ) .. تتحبا ..!!
Author: Muna Khugali
Date: 06-21-2008, 00:00 AM
Parent: #6

Quote: بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه

كيف حالك يا عوض..
الخرطوم هي قبلتنا..حتي ونحن نحج بالدوحه ونعتمر في اراضي الله الواسعه..
وعندما يأذن المولي..ومع ارادتنا..نتقابل باذن الله..
ونغني للمشاعر جميعا..

Post: #16
Title: Re: (منى خوجلي ) .. تتحبا ..!!
Author: saadeldin abdelrahman
Date: 05-30-2008, 03:28 PM
Parent: #1

Quote: حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها

بالضبط كدا ، لم احس اني تعرفت عليها لتوي

ياخي عرفة قديمة جدا

طبعا الفاحأني مع سبق الاصرار
و الترصد انت يا قريبي

Post: #17
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 03:38 PM
Parent: #16

Quote: بالضبط كدا ، لم احس اني تعرفت عليها لتوي

ياخي عرفة قديمة جدا

طبعا الفاحأني مع سبق الاصرار
و الترصد انت يا قريبي

أبوالسعود .. مساءك خير ..

(الزولة) دي (نموذج ) لكائنات إنقرضت يافريبي ..

(جيل حبوباتنا) ديك ..

مصر ومترصد والله يا قريبي

Post: #18
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 03:45 PM
Parent: #17

(*)

(عمر سعد) ..

زول (حنين) و(طيبان) , ..

وجدته يقبع بجوارها كعادته في حضرة , ..

من يهوى , ..

(حبوبة منى) , ربما لا تعلم أن ضيف (عمر سعد) ,

بتمسك سنة , ..

وكم شهر , كده ..

تزوره في (الدوحة) تبيت ..

تزوره في (بانت) تبيت , ..

(ولوف ) بس يشيل شيلتو ..

فهي لا شك ستغادر , ..

ولو أنها عرفت (طيبة عمر) وإحساسه (بالولف ) ..

لفضلت أن لا تلتقيه ..!!

Post: #19
Title: Re: (منى خوجلي ) .. تتحبا ..!!
Author: كمال علي الزين
Date: 05-30-2008, 08:48 PM
Parent: #18

(*)

(السني) و(أحلام) ..

و(ودالزين) و(آسيا) ..

تستطيع القول أن :

الطيبون للطيبات ..

وليس بغريب أن نكتشف أن (حرم) ودالزين ..

تمت لها بصلة القرابة ..

(السني) أحتفى بها وبنا , ..

حين صور لنا مشاهد غزوة الموز , على طريقته الخاصة , ..

ومن زاويته هو , ..

زاوية الفنان , الذي يرى كل شئ جميل , ..

ويستطيع إلتقاط صور الحياة الجميلة ,

من بين شظايا الموتى , ..

كما ألتقط صاحبنا ذاك (الموزة) وألتهمها ,

من بين الأموات ..!!

Post: #113
Title: Re: (منى خوجلي ) .. تتحبا ..!!
Author: Muna Khugali
Date: 06-22-2008, 09:42 PM
Parent: #16

Quote: بالضبط كدا ، لم احس اني تعرفت عليها لتوي

ياخي عرفة قديمة جدا

طبعا الفاحأني مع سبق الاصرار
و الترصد انت يا قريبي

سعود..
كده تشوف ماما جاره ومنال وعصام قبالي؟؟

.....
.....

شوفت ربنا كريم كيف؟
ما اتقابلنا في الخرطوم..لكن اهو اتقابلنا في الدوحه..
مقابله مافي اجمل منها مع الأحباب والطيبين..
لنه النيه والأصرار في..ولازم نكررها ومع مجموعات أوسع...

Post: #20
Title: Re: (منى خوجلي ) .. تتحبا ..!!
Author: osman righeem
Date: 05-31-2008, 05:39 AM
Parent: #1

Post: #21
Title: Re: (منى خوجلي ) .. تتحبا ..!!
Author: عمر سعد
Date: 05-31-2008, 08:08 AM
Parent: #1

Quote: (*)

(عمر سعد) ..

زول (حنين) و(طيبان) , ..

وجدته يقبع بجوارها كعادته في حضرة , ..

من يهوى , ..

(حبوبة منى) , ربما لا تعلم أن ضيف (عمر سعد) ,

بتمسك سنة , ..

وكم شهر , كده ..

تزوره في (الدوحة) تبيت ..

تزوره في (بانت) تبيت , ..

(ولوف ) بس يشيل شيلتو ..

فهي لا شك ستغادر , ..

ولو أنها عرفت (طيبة عمر) وإحساسه (بالولف ) ..

لفضلت أن لا تلتقيه ..!!

Post: #30
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:23 PM
Parent: #21

Quote: (عمر سعد) ..

عمر سعد مالك .. مداخلتي مازدت عليها ..

برضو كتر خيرك ..

بدون كلام تستطيع أن تقول الكثير ..

محبتي التي تعرف ..

Post: #114
Title: Re: (منى خوجلي ) .. تتحبا ..!!
Author: Muna Khugali
Date: 06-23-2008, 08:10 AM
Parent: #21

الي صديقي جدا..عمر سعد

حضرت وسجلت برقم تلفوني في هاتفك انني فعلت..واتصلت عدة مرات بعد محادثتنا الأخيره من لندن..
كنت أود الأطمئنان اكثر علي شقيقك..الا انك كنت مشغول معه وبه..
الحمدلله كمال طمأنني عليه وعليك..
.......
.......

بالطبع تعلم كم أنت عزيز علي نفسي..
وكم أقدر مشاعر الأخوه العميقه بيننا..
الا أنني هنا اود أن اجدد اعترافي بهذه المشاعر الأخويه..
أود ان اشكرك علي اي لحظه قدمتها لي واسعدتني وساعدتني وقربت بيننا..
فرحتك بوجودك في المطار..ثم في بيت طه وآسيا..
ثم في اي مكان تواجدنا فيه..
سؤالك الدائم بالتلفون وانت في عملك..
جعلني اتأكد أكثر..
أن الدنيا جميله ان تمسكنا فيها باصدق وبالمحبه..
........
........
يا عمر سعد يا أبو قلب كبير...
عندما وصلت الي مصر..
قابلتني امي بالأحضان وبرقم تلفوني الذي سأستخدمه..ورفعت عن كاهلي عبء فعل كل ذلك..
..........
..........
وانت في الدوحه قابلتني بالأحضان وبرقم تلفوني الذي ساستخدمه...
احبك كأمي
وحقيقي انا احبك كثيرا وكل مافيك ولمسته فيك..يجعلني افعل!

هذا الأهتمام بالآخر..المسئوليه في التعامل والحنيه يا عمر..
تورم قدمي جعلك والعزيز كمال في حالة اصرار علي المستشفي وتحاليلها..
ولم ينته الأمر الا وبكمال يحضرني لك لتقوم بالتحاليل بنفسك..
..........
..........
ايماننا بالأسر السودانيه الأصيله لا يأتي من فراغ..ولا هي مجرد كلمات تقال..
يأتي من سلوك ابناءها وتمسكها بالقيم الحبيبه..مثل الصدق والمسئوليه..
حب الاخر ومعاونته..الكرم والحنان..
وانت رجل اجتمعت فيك كل هذه الصفات النبيله..
عرفتها علي مدي شهور طويله في أحاديثنا..
وفي تلاقينا في الدوحه ومن حديث الاخرين عنك..
وربما اسفي علي انني لم التق بشقيقك وابن عمتك كان كبيرا..
فقد كنت امني النفس بأن أري الأخلاق الحميده وهي تغني حولنابصوت اسرتك اكثر..

شكرا علي انك صديقي وأخي الجميل..
و......
............

Post: #22
Title: Re: (منى خوجلي ) .. تتحبا ..!!
Author: عثمان دغيس
Date: 05-31-2008, 08:09 AM
Parent: #1

كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )

وبالجد شايل الهم من سفرها ..

الله يهون

Post: #31
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:28 PM
Parent: #22

Quote: كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )

وبالجد شايل الهم من سفرها ..

الله يهون

سلامات يا/دغيس

صدقت والله ..

أريح شخصية دي عبارة في مكانا ..

Post: #115
Title: Re: (منى خوجلي ) .. تتحبا ..!!
Author: Muna Khugali
Date: 06-23-2008, 08:44 AM
Parent: #22

Quote: كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )

وبالجد شايل الهم من سفرها ..

الله يهون

عثمان ..
ورطة المشاعر الجميله هي أجمل ورطه..فقط أن اكدنا علي تواصلها تصير أجمل!
كلما فكرت فيك..
رايتك مبتسما باشا..ولكن ايضا مستعجلا..
مستعجل ليه يا عثمان؟؟
بنياتي يا مني منتظراتني بالعيش!
كنت كثيرا ما اقول لك..
بسم الله ياعثمان..عيش شنو اسه؟
وبعدين انت العيش ده ما تجيبه بدري قبال تمرق من البيت!
.....
.....

الا ان الحقيقه كانت في سعادتي التزامك الجميل بمسئولياتك الأسريه..
كالتزامك الجميل نحو أصدقائك..
......
......

سعدت جدا بزيارتي لكم في المنزل..
وبالتعرف علي زوجتك اللطيفه واخوك الضاحك..
وكرم ضيافتكم ونطيط بناتكم السمحات ماشاء الله..
ويا ود عمي أدعي وقول ان شاء الله..
نتقابل كلنا مرات ومرات علي الحب والكلمه الجميله والطرب العظيم..
وحمدلله علي سلامة البنات وشفاءهم..

سلم لي علي أكوردينك..سمح اخوي؟؟

Post: #23
Title: Re: (منى خوجلي ) .. تتحبا ..!!
Author: ismeil abbas
Date: 05-31-2008, 09:57 AM
Parent: #1

ألآخ/كمال.

ألسلام عليكم..ولك ألتحية وانت تفتح هذا البوست.لأخت غالية علينا جميعآ ربنا يحفظها..

ما قلنا ليكم قبل كدة القلب يحب قبل العين احيانآ..........

بصراحة دى اخت الكل....ومحبتها للناس هى التى فرضت على الناس ان يحبوها..(حب الناس يحبوك)

مودتى..إسماعيل محمد احمد عباس..

Post: #33
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:32 PM
Parent: #23

Quote: ..(حب الناس يحبوك)

العزيز / إسماعيل ..

محبة الناس شارع ماشي وجاي ..

(منى ) تسلكه جيئة وذهاباً ..

عاطر ودي ..

Post: #117
Title: Re: (منى خوجلي ) .. تتحبا ..!!
Author: Muna Khugali
Date: 06-23-2008, 01:51 PM
Parent: #23

Quote: ألآخ/كمال.

ألسلام عليكم..ولك ألتحية وانت تفتح هذا البوست.لأخت غالية علينا جميعآ ربنا يحفظها..

ما قلنا ليكم قبل كدة القلب يحب قبل العين احيانآ..........

بصراحة دى اخت الكل....ومحبتها للناس هى التى فرضت على الناس ان يحبوها..(حب الناس يحبوك)

كيف حالك يا اسماعيل..
زيارة الدوحة دي اتعلمت فيها حاجات كتيره..
جميل تشوف تصرفات الناس..وما اي ناس..ناس سودانيين زيك عن قرب..
طبعا تلاقي السودانيين هنا في اشكال اجتماعيه زي عندكم مافي...
الناس بعيده من بعضها بحكم الجغرافيه وطبيعة العمل والحياه..
يعني لو جه زول من السودان زائر..
مابيبقي في شكل احتفاليات الدوحه..كل واحد او بالكتير اتنين تلاته بيحتفلوا بيه..
وبالتالي أنا بعدت كتير من الأنسان السوداني والمجموعه السودانيه في بلد غير السودان...
اتعلمت من أهل الدوحه أن أحب بشكل افضل واتعامل بسهوله اكتر..

.........
.........

ويبقي اذن من الواجب أن نشكر صاحب الموقع الذي جمعنا في زمن الشتات المفروض..
وفي كل مره كنا بنجتمع فيها..بنجتمع علي الأماني الحلوه وجمال البورد..

يقيني أن بالرياض بورداب لا يقلون جمالا عن اهل الدوحه احباب قلبي..
ويقيني أن اجمل الأيام ستجمعنا جميعا معا...

تحياتي لك يا انسان من الزمن الجميل..

Post: #24
Title: Re: (منى خوجلي ) .. تتحبا ..!!
Author: معتصم الطاهر
Date: 05-31-2008, 10:34 AM
Parent: #1

كمال

تعرف يا جميل

نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..

و من أمثالك .. أيضا يتاورون علينا أوجاع الشوق ..

Post: #25
Title: Re: (منى خوجلي ) .. تتحبا ..!!
Author: Emad Abdulla
Date: 05-31-2008, 10:45 AM
Parent: #24

ما تنفعكم ..
رجيت الله عليكم .

Post: #35
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:50 PM
Parent: #25

Quote: ما تنفعكم ..
رجيت الله عليكم .

وإنتا إنشاالله ماتنفع ناس الخرطوم ..

عارف يا(عماد) أنا إكتشفتا إنو نحن إتلاقينا مرة واحدة بس ..

وساعة كده زي (منى) دي ..

(إنتا برضو تتحبا) ..

____________

نكاية في (ملاسي) بك , أنا (بحبك)

Post: #26
Title: Re: (منى خوجلي ) .. تتحبا ..!!
Author: عبد العظيم احمد
Date: 05-31-2008, 10:51 AM
Parent: #24

الاخ كمال سلام والتحية لمنى خوجلى الزولة الرائعة
التى تجبرك على احترامها

خلقا واخلاق
وربنا يديها الصحة والعافية
فالنزرع الحب مع الرائعين دوما
حتما
نحصد حبا
وخلقا انسانيا
تلك هى منى خوجلى كما عرفناها هنا

عبد العظيم اوسلو الجميلة

Post: #36
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:57 PM
Parent: #26

Quote: الاخ كمال سلام والتحية لمنى خوجلى الزولة الرائعة
التى تجبرك على احترامها

خلقا واخلاق
وربنا يديها الصحة والعافية
فالنزرع الحب مع الرائعين دوما
حتما
نحصد حبا
وخلقا انسانيا
تلك هى منى خوجلى كما عرفناها هنا

عبد العظيم اوسلو الجميلة

عبدالعظيم .. سلامات

أستطيع الحكم على الناس من أعينهم , ..

وعيون (منى) مليانة (حنية) و(محبة) و(صدق ) و(طيبة) ..

نحنا كمان بنحيك من (الدوحة) , ..

التي جملتها (منى) ..!!

Post: #34
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 12:38 PM
Parent: #24

Quote: نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..

سلامات يامعتصم ..

في موروثنا وتربيتنا , تجذير لحكاية الجمال عمرو قصير ..

والحلو القليل ..

و..

و(منى) وإقامتها بيننا القصيرة مثالاً ..

ده مع العلم إني لاقيتا (ساعة) من العمر ..

وربما ظروفي لن تسمح لي بلقاءها مرة أخرى حتى هنا بالدوحة ..

لكنها ساعة (كفاية) ..

Post: #118
Title: Re: (منى خوجلي ) .. تتحبا ..!!
Author: Muna Khugali
Date: 06-23-2008, 02:48 PM
Parent: #24

Quote: كمال

تعرف يا جميل

نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..

و من أمثالك .. أيضا يتاورون علينا أوجاع الشوق ..

هذه الجمعه..
اكمل ثلاثة اسابيع منذ سفري منكم..
تجري الأيام زي مابتجري دموعي..
شوفت ابراهيم عوض يا معتصم بيغنيها كيف؟؟

هذا هو حالي وحال أشواقي لكم..
دمتم لي أسره عظيمه عالية المقام والطيبه..

فالنتقارب جميعنا اكثر..
فالحياه بالحب أزهي وأجمل..

تحياتي للجميلات..
هويدا وأحلام..

Post: #27
Title: Re: (منى خوجلي ) .. تتحبا ..!!
Author: معتصم الطاهر
Date: 05-31-2008, 10:53 AM
Parent: #1

عماد
أسع نحن حبسنا لقمة التحلية المعاك ..

دايرنا نقوم عليك ..!!!
بعدين منى دى تكفيك وانت هناك ..

لولا بعض حزن أشار إليه كمال لأشرقت الدنيا كله "بها" كما هي "لها" ..

Post: #28
Title: Re: (منى خوجلي ) .. تتحبا ..!!
Author: كمبورة
Date: 05-31-2008, 11:01 AM
Parent: #27

اخونا كمال التحية والود

فعلا الزولة تتحب

الله يديها الصحة والعافية واياك

Post: #37
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:00 PM
Parent: #28

Quote: اخونا كمال التحية والود

فعلا الزولة تتحب

الله يديها الصحة والعافية واياك

آمين يا أستاذ

ويديك الصحة والعافية إنتا كمان ..

عاطر ودي ..

Post: #38
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:06 PM
Parent: #27

Quote: لولا بعض حزن أشار إليه كمال

عندي كلام كتير في الحتة دي , ..

الله يقدرني وأجي أكتبو ..

Post: #29
Title: Re: (منى خوجلي ) .. تتحبا ..!!
Author: طارق جبريل
Date: 05-31-2008, 11:10 AM
Parent: #1

ما قلنا ليكم ناس الامتداد ديل
سمحين وزينين ابيتو تصدقونا

Post: #32
Title: Re: (منى خوجلي ) .. تتحبا ..!!
Author: صلاح الأحمر
Date: 05-31-2008, 12:32 PM
Parent: #29

ما تنفعكم ..
رجيت الله عليكم .

آمين ،ربنا يسمع منك ياعماد ياخوي

نحنا في المغرب الفي سقط لقط ده

مابزورونا إلا وفود الحكومه الله لاتكسبهم.

إزيك ياكملي.. ماقصرت، برضوصاحب واجب،

والإمبراطوره ممنى تستاهل اكتر،،مودتي.

Post: #40
Title: Re: (منى خوجلي ) .. تتحبا ..!!
Author: عبد العظيم احمد
Date: 05-31-2008, 01:17 PM
Parent: #32

حبيبنا كمال

تحياتنا لمنى
عبرك

Quote: نحنا كمان بنحيك من (الدوحة) , ..

التي جملتها (منى) ..!!

Post: #44
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:35 PM
Parent: #40

Quote: حبيبنا كمال

تحياتنا لمنى
عبرك

يوصل لو لاقيتا تاني ..

ولو ما لاقيتا بوصلوا تلفونياً ..

عاطر الود ..

Post: #41
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:23 PM
Parent: #32

Quote: ما تنفعكم ..
رجيت الله عليكم .

آمين ،ربنا يسمع منك ياعماد ياخوي

نحنا في المغرب الفي سقط لقط ده

مابزورونا إلا وفود الحكومه الله لاتكسبهم.

إزيك ياكملي.. ماقصرت، برضوصاحب واجب،

والإمبراطوره ممنى تستاهل اكتر،،مودتي.

أبوصلاح .. سلامات

والله فعلاً إجماع الناس حولها ليس عن فراغ ..

المغرب دي أطلعوا منها على الخليج ده ..

بتختوا ناس الحكومة ..

Post: #39
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:15 PM
Parent: #29

Quote: ما قلنا ليكم ناس الامتداد ديل
سمحين وزينين ابيتو تصدقونا

تعرف يا(طارق )

أنا عندي أصحاب كتار في (الإمتداد) كلهم بشتركوا في حتة الظرافة دي ..

كابتن / إسماعيل عطا المنان ..(مدرب الفريق القومي)

عصام علي فرغلي ..

عبدالحفيظ الدنقلاوي ..

ومجموعة كبيرة ..

بس حكاوي (إسماعيل) دي عاوزة كتابة كتيرة ..

وحكايات عماد فرغلي كتبتا عنها في (نهارات حمراء) بتلقاهو في مكتبتي ..

أجمل ناس فعلاً ..

خصوصاً ومنى جات أكدت المعلومة دي ..

Post: #42
Title: Re: (منى خوجلي ) .. تتحبا ..!!
Author: بابكر التوم
Date: 05-31-2008, 01:25 PM
Parent: #39

الرائع كمال الزين

سلامات

شكرا وانت تحتفى بالاروع منى خوجلى

Quote: أنا عندي أصحاب كتار في (الإمتداد) كلهم بشتركوا في حتة الظرافة دي ..

كابتن / إسماعيل عطا المنان ..(مدرب الفريق القومي)

عصام علي فرغلي ..

عبدالحفيظ الدنقلاوي ..

ومجموعة كبيرة ..

هكذا هم ابناء الامتداد ولعمرى انت اجمل متابعك هنا واتمنى ان التقيك

طبعا انا مقصر ولا اعرف الا القلة من البورداب هنا فى قطر (دخان واجرك على الله)

طبت مساءا

Post: #43
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:34 PM
Parent: #42

Quote: الرائع كمال الزين

سلامات

شكرا وانت تحتفى بالاروع منى خوجلى

Quote: أنا عندي أصحاب كتار في (الإمتداد) كلهم بشتركوا في حتة الظرافة دي ..

كابتن / إسماعيل عطا المنان ..(مدرب الفريق القومي)

عصام علي فرغلي ..

عبدالحفيظ الدنقلاوي ..

ومجموعة كبيرة ..

هكذا هم ابناء الامتداد ولعمرى انت اجمل متابعك هنا واتمنى ان التقيك

طبعا انا مقصر ولا اعرف الا القلة من البورداب هنا فى قطر (دخان واجرك على الله)

طبت مساءا

العزيز/ بابكر التوم ..

ياخي أنزل الدوحة يوم كده ..

حا نحتفل بيك زي ناس (بلاد بره)

تلفوني في بروفايلي , أدينا ألو , ..

نونسك ..

عاطر الحب ..

Post: #45
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:42 PM
Parent: #43

(*)

فاتني أن أشكر الأخ (عثمان رغيم) على الأغنية التي زينت البوست ..

عاطر الحب ..

Post: #46
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 01:53 PM
Parent: #45

(*)

دون إستئذان , سأسمح لنفسي بمنادتك هكذا , ..

(خالتي منى) ..

شئتي أم أبيتي , ..

سجلتك خالة (لي) , ..

لست (صغيراً) بما يكفي , ..

ولست (كبيرة) بالقدر الذي يضعك في مقام (خالتي) , ..

خالاتي (أكبر سناً) , ..

لكنني سأضعك بمقامهن حتى أتحدث عن (محبتك) دون (حرج) ..

فالحديث عن (منى) كأنثى , فقط , يحط من قدرها , ..

ويعكر ما تحمله (المحبة) من (صفاء) ..

إنتزعت الإذن وسأمضى به ..

لأكتب ..

Post: #47
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 02:14 PM
Parent: #46

(*)

كنت أحسب أن بعض الناس , يفضلون أن يكونوا أناساً عاديون ..

عاديون ,..

يعيشون حياتهم بمكان واحد , ..

يعيشونه بين أناس ألفوهم لسنوات , ..

تعلقوا بهم , تعلقهم بالمكان , ..

(الأسفار والترحال) ..

ليست شغفهم , ..

يحبون حياة آباءهم وأمهاتهم , ..

وأمكنتهم , ..

حيث تظل (أنفاسهم) تختلط بأجواء الأمكنة , ..

(زير) و(نخلة) و(حوش ) مرشوش , ..

و(شاي) مغرب , ..

ومسلسل الساعة (تمنية) , ..

لا أظنه يأتي في نفس الموعد الآن , ..

ولا أظنه يحتفى به كالسابق ..

وتأتي عاصفة ما , لتجبر هؤلاء على التغيير , ..

يظنه البعض تغييراً إلى الأفضل , ..

ولكن أعينهم تقول غير ذلك ..!!

Post: #48
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 02:41 PM
Parent: #47

(*)

(خالتي منى ) , (قلع كده طبعاً) , ..

لا تشبه (لندن) , ..

(منى خوجلي) وردة بلدي , ..

و(حبوبة) فعلاً , ..

(منى خوجلي) لا تشبه (المدن) ..

تشبه (حلة) بيوتا من طين , ..

على شاطئ (نهر) ,

ليس أي (نهر) , ..

(نيلنا) داك وبس ..

(منى خوجلي) وطيور العوالم العليا , ..

لا تتسقان , ..

وعشب تلك البلاد (المصنوع) لا يشبه خطواتها , ..

(صوت القماري) و(البلوم) و(الحمام) , ..

وأعشاب النيل التي لم يرعاها أحد , ..

ودنيا (أمها وأبوها) , ..

..

هذا الذي يدفق على أعينها حزناً ..!!

Post: #49
Title: Re: (منى خوجلي ) .. تتحبا ..!!
Author: كمال علي الزين
Date: 05-31-2008, 03:05 PM
Parent: #48

Post: #50
Title: Re: (منى خوجلي ) .. تتحبا ..!!
Author: أبو ساندرا
Date: 06-01-2008, 07:19 AM
Parent: #1

قال:
{ يا حبيبي كان نبدأ }

يا قريبي
أنت ابتديت
من حيث إنتهت
الجماهير
وتلاشت في حبها

غايتو لو روح منى خوجلي دي وزعوها على الناس
او غطسوها في بحر
وقالوا لكل واحد إغتراف غرفة
لسادت المحبة العالم

Post: #51
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 07:36 AM
Parent: #50

Quote: قال:
{ يا حبيبي كان نبدأ }

يا قريبي
أنت ابتديت
من حيث إنتهت
الجماهير
وتلاشت في حبها

غايتو لو روح منى خوجلي دي وزعوها على الناس
او غطسوها في بحر
وقالوا لكل واحد إغتراف غرفة
لسادت المحبة العالم

Post: #52
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 08:06 AM
Parent: #51

(*)

صدقت يا (أبوساندرا) ..

(منى خوجلي) زولة (حبوبة) فعلاً ..

عاطر ودي ..

Post: #53
Title: Re: (منى خوجلي ) .. تتحبا ..!!
Author: Manal Awad Khugali
Date: 06-01-2008, 08:35 AM
Parent: #52

الاخ كمال
الوان

الجمال

الرقة

الطيبة

الحنية

الكرم

المسئولية

الاحساس بالاخريين

كلها مفردات تعبر عن مني

مني خوجلي حياة دافئة تستكين فيها

الامان احساس توفرة لك عند الاحتياج

مني طفلة بسيطة

كلمة طيبة بترضيها

Post: #54
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 08:42 AM
Parent: #53

Post: #55
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 08:42 AM
Parent: #53

Quote: الاخ كمال
الوان

الجمال

الرقة

الطيبة

الحنية

الكرم

المسئولية

الاحساس بالاخريين

كلها مفردات تعبر عن مني

مني خوجلي حياة دافئة تستكين فيها

الامان احساس توفرة لك عند الاحتياج

مني طفلة بسيطة

كلمة طيبة بترضيها

Post: #56
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 09:26 AM
Parent: #55

(*)

تعرفي يا (منال) , طفولة (منى) دي سبقتيني عليها بس , ..

(زولة جميلة ) فعلاً ..

Post: #57
Title: Re: (منى خوجلي ) .. تتحبا ..!!
Author: نادية عثمان
Date: 06-01-2008, 09:56 AM
Parent: #56

ليس من نعِمة أعظم من محبّة الناس للناس .. وحقًاً الناس بالناس والكُل برب العالمين !

شكراً نبيلاً لهذه المساحة المترعة بالجمال والحُب والصفاء

ومني خوجلي تستاهل كُل خير

Post: #60
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 10:10 AM
Parent: #57

Quote: ليس من نعِمة أعظم من محبّة الناس للناس .. وحقًاً الناس بالناس والكُل برب العالمين !

شكراً نبيلاً لهذه المساحة المترعة بالجمال والحُب والصفاء

ومني خوجلي تستاهل كُل خير

Post: #58
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 09:57 AM
Parent: #56

(*)

جمال (منى خوجلي) , ..

له علاقة بروح (الطفلة) التي تتحلى بها ,..

رغم كل شئ , ..

تستطيع أن ترى في القبح شئياً جميلاً ..

تبحث عن أعذار حتى لمن يسئ لها , ..

متفائلة رغم حزنها الذي لا يخفى , ..

وطيبانة , ..

وحنينة , ..

Post: #59
Title: Re: (منى خوجلي ) .. تتحبا ..!!
Author: إدريس محمد إبراهيم
Date: 06-01-2008, 09:57 AM
Parent: #56

عزيزي الأستاذ / كمال علي الزين

لك خالص التحية والحب والإخاء ...

رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...

عشـــم الصغيرين ...

إنتي يا عشم الصغيرين في الدفا ...
عشم البيحلم ديمه بي لحظة صفا ...
بالريده .. بالحب .. بالوفا ...
بي نجمه في الافق البعيد ...
والنور يسارق في السراديب بالخفا ...
وقتين يباغت العتمه يسرج للقناديل الوميض ...
يربت علي كتف اليتيم يتفقدو ...
يواسي دمعات الحزين ويهدهدو ..
ويزيل عواقب ساده درب الامنيات ...
يلفح متاهات الحزن ويبددو ..
مسكين يقاسمك في الوجع ..
واحزانو في التيه يدفنه ...
ينسلّ في جوف الحريق ...
زي غيمه تنضح بالسنا ...
وهج البروق وقتين تزلزل في الشفق ..
غيمة مطر رطّب جفاف الأمكنه ...
زولاً مسافر راح يوزع زادو للناس الحفت ...
كفّاها من زادو القليل .. وارتاح على حزنو انكفا ....
روعة عيون عشم الصغيرين في الدفا ...
عشم البيحلم ديمه في لحظة صفا ...
بالريده بالحب والوفا ...

إدريس محمــد إبراهيم
الرياض 11/04/2006م

Post: #61
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 10:23 AM
Parent: #59

Quote: عشـــم الصغيرين ...

إنتي يا عشم الصغيرين في الدفا ...
عشم البيحلم ديمه بي لحظة صفا ...
بالريده .. بالحب .. بالوفا ...
بي نجمه في الافق البعيد ...
والنور يسارق في السراديب بالخفا ...
وقتين يباغت العتمه يسرج للقناديل الوميض ...
يربت علي كتف اليتيم يتفقدو ...
يواسي دمعات الحزين ويهدهدو ..
ويزيل عواقب ساده درب الامنيات ...
يلفح متاهات الحزن ويبددو ..
مسكين يقاسمك في الوجع ..
واحزانو في التيه يدفنه ...
ينسلّ في جوف الحريق ...
زي غيمه تنضح بالسنا ...
وهج البروق وقتين تزلزل في الشفق ..
غيمة مطر رطّب جفاف الأمكنه ...
زولاً مسافر راح يوزع زادو للناس الحفت ...
كفّاها من زادو القليل .. وارتاح على حزنو انكفا ....
روعة عيون عشم الصغيرين في الدفا ...
عشم البيحلم ديمه في لحظة صفا ...
بالريده بالحب والوفا ...

إدريس محمــد إبراهيم
الرياض 11/04/2006م

Post: #64
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 11:53 AM
Parent: #59

Quote: عزيزي الأستاذ / كمال علي الزين

لك خالص التحية والحب والإخاء ...

رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...

Post: #65
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 11:53 AM
Parent: #59

Quote: عزيزي الأستاذ / كمال علي الزين

لك خالص التحية والحب والإخاء ...

رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...

Post: #62
Title: Re: (منى خوجلي ) .. تتحبا ..!!
Author: Mohammed Haroun
Date: 06-01-2008, 10:29 AM
Parent: #1

يا ولدي الخوجلية دي هي الحب ذاتوووووووووووووووو.... تقول لي تتحبا!!!!

أنا سافرت إلى جنيفا في رحلة عمل ولما رجعت أصبت بزكام وحمى وسخونة وعدم تركيز ... يعني كل الشبكة كانت مضروبة. ولما استيقظت في اليوم التالي وجدت (مس كول) من خالتك منى ويبدو أنها حاولت تتصل على وتقول لي مع السلامة أنا مسافرة القاهرة.

عموماً حاولت مهاتفتها عدة مرات لكن فشلت .... بس بالله أعملوا فينا معروف وخلوها ترجع لينا بسرعة .... لأنه عندنا أزمة حنية ومحنة وكدا اليومين دول.

تحياتي لك ولها ولكل الحضور والمتداخلين.

Post: #63
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 11:14 AM
Parent: #62

Quote: يا ولدي الخوجلية دي هي الحب ذاتوووووووووووووووو.... تقول لي تتحبا!!!!

أنا سافرت إلى جنيفا في رحلة عمل ولما رجعت أصبت بزكام وحمى وسخونة وعدم تركيز ... يعني كل الشبكة كانت مضروبة. ولما استيقظت في اليوم التالي وجدت (مس كول) من خالتك منى ويبدو أنها حاولت تتصل على وتقول لي مع السلامة أنا مسافرة القاهرة.

عموماً حاولت مهاتفتها عدة مرات لكن فشلت .... بس بالله أعملوا فينا معروف وخلوها ترجع لينا بسرعة .... لأنه عندنا أزمة حنية ومحنة وكدا اليومين دول.

تحياتي لك ولها ولكل الحضور والمتداخلين.

Post: #66
Title: Re: (منى خوجلي ) .. تتحبا ..!!
Author: Alsa7afa_30
Date: 06-01-2008, 12:08 PM
Parent: #1

Post: #67
Title: Re: (منى خوجلي ) .. تتحبا ..!!
Author: Alsa7afa_30
Date: 06-01-2008, 12:13 PM
Parent: #1

Post: #68
Title: Re: (منى خوجلي ) .. تتحبا ..!!
Author: محمد الطيب حسن
Date: 06-01-2008, 12:52 PM
Parent: #67

كمل ياكمال
كلامك كلام زولا كلاااااااااام

التحيه لكل البتحبو
واكيد انت من ضمنهم

Post: #75
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:47 PM
Parent: #68

Quote: كمل ياكمال
كلامك كلام زولا كلاااااااااام

التحيه لكل البتحبو
واكيد انت من ضمنهم

تشكر يا(محمد الطيب) على لطف كلماتك ..

عاطر الود ..

Post: #72
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:39 PM
Parent: #67

شكراً صحافة علي الصور , التي تحمل إبتسامة (منى) المريحة ...

Post: #69
Title: Re: (منى خوجلي ) .. تتحبا ..!!
Author: azhary awad elkareem
Date: 06-01-2008, 01:44 PM
Parent: #1

Quote: Re: (منى خوجلي ) .. تتحبا ..!!

والله يا كمال ياخوى طالما السيرة سيرة حب وكدة...

إنت ذاتك تتحبا..

وسجن سجن..جلدجلد..غرامة غرامة..زى ما قال واحد أخونا فوق..

على هامش المرور..
إذا أراد الله بعبده خيراً حببه إلى عباده..أو كما قال..

على هامش الهامش..
تحياتى ومحبتى لمنى خوجلى..
ولكل ناس الدوحة الذيذين..
ولكل من مر/ت من هنا..

Post: #73
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:43 PM
Parent: #69

Quote: والله يا كمال ياخوى طالما السيرة سيرة حب وكدة...

إنت ذاتك تتحبا..

وسجن سجن..جلدجلد..غرامة غرامة..زى ما قال واحد أخونا فوق..

على هامش المرور..
إذا أراد الله بعبده خيراً حببه إلى عباده..أو كما قال..

على هامش الهامش..
تحياتى ومحبتى لمنى خوجلى..
ولكل ناس الدوحة الذيذين..
ولكل من مر/ت من هنا..

سلامات يا (ازهري)

تحياتك ومحبتك وصلت ..

شكراً على كلماتك الرقيقة ..

عاطر ودي ..

Post: #70
Title: Re: (منى خوجلي ) .. تتحبا ..!!
Author: Sabri Elshareef
Date: 06-01-2008, 02:02 PM
Parent: #1

Quote: وبالجد شايل الهم من سفرها ..

الله يهون

ازيك دغيس
زي ما بقولوا عرفة بتين

شايل هم سفرها؟؟؟؟؟؟

الهموم الراجيك كتير
سلام لمني في الاولين والاخرين

Post: #74
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:44 PM
Parent: #70

Quote: سلام لمني في الاولين والاخرين

Post: #79
Title: Re: (منى خوجلي ) .. تتحبا ..!!
Author: عثمان دغيس
Date: 06-02-2008, 07:42 AM
Parent: #70

إزيك يا صبري ..
صحيح هي لحظات إلتقيناها فيها ..
لكنني أكاد أجزم بأني أعرفها أكثر من أي زول قابلته في حياتي ..
الزولة دي منتهى النقاء ..
ومنتهى الإلفة ..
ومنتهى الصدق ..
ومنتهى العمق ...
وأحلى ما في الطفولة ..
ومنتهى الحكمة والعقل ..
ومحبة الناس ..

لي حق أشيل الهم ولا لأ ؟

إن شاء الله وقع ليك يا صبري ....!

Post: #88
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 03:43 PM
Parent: #79

Quote: الزولة دي منتهى النقاء ..
ومنتهى الإلفة ..
ومنتهى الصدق ..
ومنتهى العمق ...
وأحلى ما في الطفولة ..
ومنتهى الحكمة والعقل ..
ومحبة الناس ..

Post: #89
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 03:43 PM
Parent: #79

Quote: الزولة دي منتهى النقاء ..
ومنتهى الإلفة ..
ومنتهى الصدق ..
ومنتهى العمق ...
وأحلى ما في الطفولة ..
ومنتهى الحكمة والعقل ..
ومحبة الناس ..

Post: #71
Title: Re: (منى خوجلي ) .. تتحبا ..!!
Author: مصطفى احمد مختار
Date: 06-01-2008, 02:58 PM
Parent: #1

اخوى كمال
منى
بتشبه
الهلال
هيبه
ودلال
عالى
الهامه
وصولو

محال
ازرق
ابيض
صال
وجال

ياكمال كملت الكلام السمح ولك تحياتى وانت تمتلك ناصية البيان ياشقى

Post: #76
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:49 PM
Parent: #71

Quote: اخوى كمال
منى
بتشبه
الهلال
هيبه
ودلال
عالى
الهامه
وصولو

محال
ازرق
ابيض
صال
وجال

ياكمال كملت الكلام السمح ولك تحياتى وانت تمتلك ناصية البيان ياشقى

الصحفي المخضرم /مصطفى مختار .. وينك ياصديقي ..

وليك وحشة , وفقدك في (جبنة) الضهر داك ..

محبتي التي تعرف ..

Post: #77
Title: Re: (منى خوجلي ) .. تتحبا ..!!
Author: كمال علي الزين
Date: 06-01-2008, 05:55 PM
Parent: #76

(*)

الأعزاء

نادية مختار

محمد هارون

إدريس

لن أفسد كلماتكم الطيبة بالتعقيب الذي لن يرتقى لماتحمله في طياتها من محبة ..

عاطر ودي ..

Post: #78
Title: Re: (منى خوجلي ) .. تتحبا ..!!
Author: انعام حيمورة
Date: 06-01-2008, 07:58 PM
Parent: #1

يا كمال ..

ولما تصطفيك بحبها بتكون انت في عالم تاني ودنيا تانية ...

والذ حاجة تتشاكل معاها عشان تعرف بعد كم ثانية بترجع ليك ..

وفي حب يا اخوانا اكتر من كدة !!!!

Post: #81
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 02:29 PM
Parent: #78

Quote: وفي حب يا اخوانا اكتر من كدة !!!!

Post: #87
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 03:27 PM
Parent: #78

Quote: يا كمال ..

ولما تصطفيك بحبها بتكون انت في عالم تاني ودنيا تانية ...

والذ حاجة تتشاكل معاها عشان تعرف بعد كم ثانية بترجع ليك ..

إنعام.. سلامات

نحنا مافي لينا طريقة شكلة , الزولة ما قاعدة كتير ..

Post: #80
Title: Re: (منى خوجلي ) .. تتحبا ..!!
Author: Yassir Hamid
Date: 06-02-2008, 08:18 AM
Parent: #1

لك التجلة كمال على الزين
على هذا البوست الرائع ودعني
أشد على متن الرحول .. وأكتب عنها ولها..

طالت الغربة وتقطعت أواصر التواصل بيننا .. ففعلت فينا الأيام ما فعلت .. ولكن لا تزالون الإضاءة التي تنير طريق الذاكرة .. ولا زلت ذلك الصوفي الذاكر الذي يتعبد في محراب تلك الأيام التي صاغتنا كحبات مسبحة أبونا عوض خوجلي رحمة الله، في منظومة العلاقات الإنسانية ..تخنقني العبرة .. وأزرف الكثير من الدمع .. حين تفتح الذواكر بواباتها فتأتيني تلكم الحياة .. التي عشناها .. بالقاهرة .. فبرغم صعوبتها ... وقسوتها ... كان لقاءكم بلسماً استطابت به النفس تهويناً للغربة .. واحتمالاً للمعاناة ...

هكذا انصرفنا نحمل بين طياتنا دفاتر ملئه .. وأندم .. وتعصرني الحسرة .. وأبحث عن إضاءة جديدة أمُني بها النفس أن التقيكم فتسوقني كأمل حياة .. وأتنفس .. لأحياء على أمل ..

أمنا جارة تعيق خطواتي .. كلما أزفت الخلوة... ألمح وجهها.. يومياً والرأس مضجعاً على تلك الوسادة .. هادئة هماً .. تشتعل بصمت الصبور .. أحساها .. هي سابحة في حمد الحق .. تسبح بحثاً عن فرج تأخر لا يأتينها .. حقوقها المسلوبة .. وأمنياتها ... فجراً تنتظره في جلد المكلوم.. والقاتلون هناك بلا حسيب ..

أمنا جارة .. لا زلتي تأتيني كنسمة أفيق عليها ... فأعلم أنني لا زلت آدمياً اجتر من الأمس واقتاد.

عندما يرن هاتف الأقليات .. منى .. دافئاً صوتها مطمئناً يسألنا عن أحوالنا .. نتبادل السماعة كقطعة من شهد .. لازال هناك صف من الانتظار .. بعضهم قابلها .. وبعضهم سعد بصوتها ..

قطع التلفون .. الفاتورة ...
عند أمنا جارة .. تسأل تلفون الأقليات .. مالو .. مقطوع .. تزعل
تسدد فاتورتنا ..
فنتواصل ..

عندما زارتنا في شقة الأقليات .. ترورقت عيناها .. وأحتبس صوتها .. لم تتخيل المنظر .. هذا الكم الهائل .. محشورين في تلك الشقة .. الخبز الناشف .. ما بين الغرفة والمطبخ .. فضاء يسع لحمام .. ثم ممر كمدخل الهرم الكبير .. وأثاث كتب عليه كان هذا سرير وكانت هذه كنبة ..
حبست دمعة .. وتجاوبت معنا بلطفها .. ووجها الطفولي الذي ينم عن براءة المدرك .. بمرح قضينا أمسية تعجز الكلمات عن وصفها.

منى عوض خوجلي
أنثى من زمن الشهد .. تدخلك وتقبع دون إذن .. فتمنع خروجها .. تحاصرها بمحبتك .. فتستجيب وتقبع ..
شكراً لتعطيرك سماءنا ... وكنا نحب أن تأتينا ببعضكم ..
للجميع محبتي ..
ياسر

شكراً كمال على الزين

Post: #82
Title: Re: (منى خوجلي ) .. تتحبا ..!!
Author: رأفت ميلاد
Date: 06-02-2008, 02:49 PM
Parent: #80

يا عين وعينية .. يا كافرة يا نصرانية ..
مافى سوق جمعة فى قطر .. تشوفى ليك فيه بخور تيمان

الله يغطيك يا منى يا بت جارة من عين الزول ده

يخلخل نيبانك

Post: #83
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 02:56 PM
Parent: #82

Quote: يا عين وعينية .. يا كافرة يا نصرانية ..

دي ماعينك عديل كدي يا(رأفت ) إنتا مش كافر ونصراني وما حاتخش معانا الجنة

Quote: الله يغطيك يا منى يا بت جارة من عين الزول ده

جنس حسادة كفار , ..

أنا جاييك (جنيفا) الشهر الجاي ومعاي سيفي البتار عشان أجاهد فيك ..

________________________________________

سيف عادل إمام المشى بيهو إيطاليا داك مامعانا

Post: #90
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 07:35 PM
Parent: #82

Quote: يخلخل نيبانك

خالو (رأفت) مالك علينا مخلخل نيبانا

Post: #85
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 03:06 PM
Parent: #80

Quote: لك التجلة كمال على الزين
على هذا البوست الرائع ودعني
أشد على متن الرحول .. وأكتب عنها ولها..

طالت الغربة وتقطعت أواصر التواصل بيننا .. ففعلت فينا الأيام ما فعلت .. ولكن لا تزالون الإضاءة التي تنير طريق الذاكرة .. ولا زلت ذلك الصوفي الذاكر الذي يتعبد في محراب تلك الأيام التي صاغتنا كحبات مسبحة أبونا عوض خوجلي رحمة الله، في منظومة العلاقات الإنسانية ..تخنقني العبرة .. وأزرف الكثير من الدمع .. حين تفتح الذواكر بواباتها فتأتيني تلكم الحياة .. التي عشناها .. بالقاهرة .. فبرغم صعوبتها ... وقسوتها ... كان لقاءكم بلسماً استطابت به النفس تهويناً للغربة .. واحتمالاً للمعاناة ...

هكذا انصرفنا نحمل بين طياتنا دفاتر ملئه .. وأندم .. وتعصرني الحسرة .. وأبحث عن إضاءة جديدة أمُني بها النفس أن التقيكم فتسوقني كأمل حياة .. وأتنفس .. لأحياء على أمل ..

أمنا جارة تعيق خطواتي .. كلما أزفت الخلوة... ألمح وجهها.. يومياً والرأس مضجعاً على تلك الوسادة .. هادئة هماً .. تشتعل بصمت الصبور .. أحساها .. هي سابحة في حمد الحق .. تسبح بحثاً عن فرج تأخر لا يأتينها .. حقوقها المسلوبة .. وأمنياتها ... فجراً تنتظره في جلد المكلوم.. والقاتلون هناك بلا حسيب ..

أمنا جارة .. لا زلتي تأتيني كنسمة أفيق عليها ... فأعلم أنني لا زلت آدمياً اجتر من الأمس واقتاد.

عندما يرن هاتف الأقليات .. منى .. دافئاً صوتها مطمئناً يسألنا عن أحوالنا .. نتبادل السماعة كقطعة من شهد .. لازال هناك صف من الانتظار .. بعضهم قابلها .. وبعضهم سعد بصوتها ..

قطع التلفون .. الفاتورة ...
عند أمنا جارة .. تسأل تلفون الأقليات .. مالو .. مقطوع .. تزعل
تسدد فاتورتنا ..
فنتواصل ..

عندما زارتنا في شقة الأقليات .. ترورقت عيناها .. وأحتبس صوتها .. لم تتخيل المنظر .. هذا الكم الهائل .. محشورين في تلك الشقة .. الخبز الناشف .. ما بين الغرفة والمطبخ .. فضاء يسع لحمام .. ثم ممر كمدخل الهرم الكبير .. وأثاث كتب عليه كان هذا سرير وكانت هذه كنبة ..
حبست دمعة .. وتجاوبت معنا بلطفها .. ووجها الطفولي الذي ينم عن براءة المدرك .. بمرح قضينا أمسية تعجز الكلمات عن وصفها.

منى عوض خوجلي
أنثى من زمن الشهد .. تدخلك وتقبع دون إذن .. فتمنع خروجها .. تحاصرها بمحبتك .. فتستجيب وتقبع ..
شكراً لتعطيرك سماءنا ... وكنا نحب أن تأتينا ببعضكم ..
للجميع محبتي ..
ياسر

شكراً كمال على الزين

ياسر حامد ..

مقطوعة من موسيقى الكلام في (المحبة) و(الأخوة) , (الجمال) ..

سأدعها هكذا متأملاً , ثم أعود للرد عليها ..

عاطر الحب ..

Post: #93
Title: Re: (منى خوجلي ) .. تتحبا ..!!
Author: كمال علي الزين
Date: 06-03-2008, 05:28 PM
Parent: #85

Quote: هكذا انصرفنا نحمل بين طياتنا دفاتر ملئه .. وأندم .. وتعصرني الحسرة .. وأبحث عن إضاءة جديدة أمُني بها النفس أن التقيكم فتسوقني كأمل حياة .. وأتنفس .. لأحياء على أمل ..

Post: #84
Title: Re: (منى خوجلي ) .. تتحبا ..!!
Author: Alsa7afa_30
Date: 06-02-2008, 02:59 PM
Parent: #1

Post: #86
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 03:18 PM
Parent: #84

(*)

شكراً يا(حسام) على الصورة ..

Post: #91
Title: Re: (منى خوجلي ) .. تتحبا ..!!
Author: كمال علي الزين
Date: 06-02-2008, 08:30 PM
Parent: #86

(*)

(زولة براحة ..كده)

حزينة , وحزنها هادئ ..

غاضبة على أشياء كثيرة , وغضبها هادئ , ..

جميلة , وجمالها هادئ , أيضاً , ..

تستطيع أن تشيع جواءً من التصالح والرضا والمحبة , ..

دون أن تتحدث , ..

حسبها أن تطأ المكان بقدميها , ..

حتى يعود كل شئ إلى أصله هادئاً ..!!

سنفتقدها , ..

وستعلق بذاكرتنا , ..

لسنوات ..!!

Post: #92
Title: Re: (منى خوجلي ) .. تتحبا ..!!
Author: كمال علي الزين
Date: 06-03-2008, 11:36 AM
Parent: #91

(*)

منى عوض خوجلي
أنثى من زمن الشهد .. تدخلك وتقبع دون إذن .. فتمنع خروجها .. تحاصرها بمحبتك .. فتستجيب وتقبع ..
شكراً لتعطيرك سماءنا ... وكنا نحب أن تأتينا ببعضكم ..

ياسر

Post: #94
Title: Re: (منى خوجلي ) .. تتحبا ..!!
Author: كمال علي الزين
Date: 06-04-2008, 03:03 PM
Parent: #92

(*)

بعد كده حقو تنزلوا أغنية (القطر الشالك إنتا) , ..

في رعاية الله خالتنا (منى خوجلي) ..

وربنا يوصلك بالسلامة , ..

وإنشاء الله نشوفك في ساعة خير , ..

Post: #95
Title: Re: (منى خوجلي ) .. تتحبا ..!!
Author: Muna Khugali
Date: 06-04-2008, 08:24 PM
Parent: #94

وأوصلني الكريم بالسلامه كما تمنيتم أنتم أحبائي لي..
ثم انه تكرم بقبول دعاء الصالح عوض خوجلي الذي لم يتوقف يوما في حياته ..
بأن يحبب الله خلق الله فيي..

الحب..
هو الزاد وهو الحياه ومعناها..
فالنتمسك به..
وكل مادزنخ مدمر وقبيح..

أرجع لكم فيما بعد..

Post: #96
Title: Re: (منى خوجلي ) .. تتحبا ..!!
Author: كمال علي الزين
Date: 06-04-2008, 09:28 PM
Parent: #95

Quote: وأوصلني الكريم بالسلامه كما تمنيتم أنتم أحبائي لي..
ثم انه تكرم بقبول دعاء الصالح عوض خوجلي الذي لم يتوقف يوما في حياته ..
بأن يحبب الله خلق الله فيي..

الحب..
هو الزاد وهو الحياه ومعناها..
فالنتمسك به..
وكل مادزنخ مدمر وقبيح..

أرجع لكم فيما بعد..

Post: #97
Title: Re: (منى خوجلي ) .. تتحبا ..!!
Author: Tabaldina
Date: 06-04-2008, 10:01 PM
Parent: #1

..
.
منى خوجلى
منال خوجلى
آيه خوجلى
وآل خوجلى جميعهم
ودودون .. حميمون .. طيبون .. كريمون
فى القلب باقوون ..
_____________

منى لك كل جميل؛

Post: #98
Title: Re: (منى خوجلي ) .. تتحبا ..!!
Author: كمال علي الزين
Date: 06-05-2008, 01:56 PM
Parent: #97

Quote: منى خوجلى
منال خوجلى
آيه خوجلى
وآل خوجلى جميعهم
ودودون .. حميمون .. طيبون .. كريمون
فى القلب باقوون ..

Post: #99
Title: Re: (منى خوجلي ) .. تتحبا ..!!
Author: كمال سالم
Date: 06-05-2008, 02:32 PM
Parent: #1

الولد الزين كمال على الزين ,,

البلاغه عندك ,, أوجزت وإختزلت مايمكن أن يقال فى مجلدات ,,, ( تتحبا ) ,,
أنا فى حالة شلل تام أصاب الدواخل ومركز الاحساس والتعبير وأوقف النبض
مؤقتا وحتى الذاكره خلخلها ,, لكنى حتما سأفيق لآحكى لكم عن إنسان عطارد
وكم هو متفوق بملايين السنين الضوئيه عن إنسان الارض .
منى خوجلى ياكمال من ذلك الكوكب العجيب , أبدا لم تخلق من نفس طينتنا ,,
السؤال الذى لن نجد له إجابه هو : كيف يكون لمخلوق هذه المقدره على الحب
حب كل الناس بهذا الصدق وتلك الشفافيه .

أنا فى حالة ذهول !!!

تحياتى ,,

Post: #100
Title: Re: (منى خوجلي ) .. تتحبا ..!!
Author: كمال علي الزين
Date: 06-05-2008, 02:40 PM
Parent: #99

Quote: منى خوجلى ياكمال من ذلك الكوكب العجيب , أبدا لم تخلق من نفس طينتنا ,,
السؤال الذى لن نجد له إجابه هو : كيف يكون لمخلوق هذه المقدره على الحب
حب كل الناس بهذا الصدق وتلك الشفافيه .

أنا فى حالة ذهول !!!

Post: #101
Title: Re: (منى خوجلي ) .. تتحبا ..!!
Author: haroon diyab
Date: 06-05-2008, 02:43 PM
Parent: #1

كمال الزين ياجميل
ازيك
Quote: (*)

تشبه تلك التي تكتب تحت (إسمها) , ..

بل تطابقها , ..

تطل من أعينها (حنية) سودانية , ..

تعبق بالمكان رائحة (أمومة) محببة , ..

لكنها , أيضاً , ..

(حزينة) على شئ ما , ..

تتحدث بهدوء .. يتغلب على ضجيج مافي الصدور , ..

تقتحم القلوب بمحبتها , ..

حقاً , ..

(ليس من رأى كمن سمع ) ..!!

وعشان نقلب الصفحة وتواصل
لك وللاستاذة مني كل التقدير والاحترام
هارون دياب

Post: #102
Title: Re: (منى خوجلي ) .. تتحبا ..!!
Author: كمال علي الزين
Date: 06-05-2008, 02:50 PM
Parent: #101

Quote: وللاستاذة مني كل التقدير والاحترام

Post: #103
Title: Re: (منى خوجلي ) .. تتحبا ..!!
Author: Muna Khugali
Date: 06-18-2008, 07:39 PM
Parent: #1

بسم الله دخلنا في دار الحب آمنين..
اللهم أدمها نعمه..
ترضي النفوس وتفرحها..
وتزيد رضائك علينا..

والحمدلله الذي رزقنا بالصالح عوض ابا..
فتعلمنا منه حب الاخر دون توقف..
والحمدلله الذي جعل أمنيته ودعاءه الدائم لنا..
ربنا يسدد خطاكم..
أحبك كثيرا يا أبي...

.........
.........

الي روح ابي اهدي كل هذا الحب الذي اشعتوه حولي...
والي نفسي اهدي فرح وجوده..

...........
...........

هي دموع شوف وحزن علي فراق ايام "مهرجان"..

أعتذر..تمكنت الآن فقط منذ تلك المداخله التي أعلنت فيها وصولي من الدخول
الي دوحة الحب هنا...والأسباب فنيه..

كمال...
شكرا علي كل شيء..
شكرا لأنني خالتك وصديقتك..
ولا تتحرج من ان تكون ابني وصديقي..
..........
..........
أرجع لكم..

Post: #104
Title: Re: (منى خوجلي ) .. تتحبا ..!!
Author: كمال علي الزين
Date: 06-18-2008, 07:48 PM
Parent: #103

Quote: كمال...
شكرا علي كل شيء..
شكرا لأنني خالتك وصديقتك..
ولا تتحرج من ان تكون ابني وصديقي..
..........
..........
أرجع لكم..

نعتز بذلك , ونشوفك على خير إنشاء الله ..

Post: #116
Title: Re: (منى خوجلي ) .. تتحبا ..!!
Author: عماد محمود علي
Date: 06-23-2008, 09:49 AM
Parent: #104

أخي الكريم كمال علي

السلام عليكم ورحمة الله وبركاته ،،،،
Quote: تتحبا..!!

منو البتتحبا دي ؟!!! الزولة دي :

ياأخي أنا ما بكجن زول في الدنيا قدر المخلوقة دي ... قال تتحبه قال ...
.
.
.
.
منو .. بحبك ...

عماد عوض خوجلي ....

Post: #119
Title: Re: (منى خوجلي ) .. تتحبا ..!!
Author: nourelhadi awad
Date: 06-23-2008, 04:04 PM
Parent: #1

تتحدث بهدوء .. يتغلب على ضجيج مافي الصدور , ..

تقتحم القلوب بمحبتها , ..

كمال ياأيها العزيز
كل من يعرف هذي المنـى
يحس دف الحميمية
فهي حب كبير يطاول صنوبرات الالب
ويلامس هدب الشمس
ويترسخ عميقا في جوف النيل
لها ولك الدعوات الجميلات
وقد التقيتها رهابا علي هامش الزيارة
فبعض كلي يعتذر
ومابايدي
http://www.youtube.com/watch?v=piLZF0hFSuI