Post: #1
Title: الزميلة ناهد علي كفارة وسلامتك ...!!!
Author: awad okasha
Date: 05-29-2008, 05:44 PM
تعرضت الزميلة ناهد علي ( لوقعة ) في المكتب ...
ادت الى ( فكك ) في مفصل القدم ...
عين حارة ما صلت على النبي 
كفارة وسلامتك يا زولة يا رايعة ...
|
Post: #2
Title: Re: الزميلة ناهد علي كفارة وسلامتك ...!!!
Author: هاشم أحمد خلف الله
Date: 05-29-2008, 05:48 PM
Parent: #1
كفارة وسلامتك يا ناهد ما تشوفي شر انشاء الله
تخريمة :-
يا عوض يا خي لسه مستني ردك بخصوص الجلسرين
|
Post: #6
Title: Re: الزميلة ناهد علي كفارة وسلامتك ...!!!
Author: ناهد علي
Date: 05-30-2008, 07:59 PM
Parent: #2
ياسلام اخي هاشم أحمد
والله انا بتكيف عديل كدة لما القاك في مكان انا فية ريدة في الله .
شكر لاتصالك اخبرتني بت اختي كلمات باتصالك وسوالك عني وانا بالمستشفي وياريت لو قعدنا في البيت وسمعنا صوتك.
عارف والله انا جيت محبطة علي العلي مشينا المستوصف المعني الخاص(.........) نخلي اسمة عشان الاحراج وقطعنا نمرة ودفعنا حق الكشف قال الدكتور امشوا اعملو صورة مشينا للصورة جبناها وجينا قالوا الدكتور طلع عشان مواعيد العيادة حقته عليك الله هسع كان قعدت سمعت صوتك العافية ماكان جاتني . طلعنا من المستشفي عدل علي البصرة زيت وملح وموية دافية صبحنا شديدين ونصيحين (كلمات بتقريك السلام وفرحانه عشان اعجبت بااسمها)
ياخي والله لو بنفع جلسرين هناارسل ليك صفيحة الشتاء عندكم جاء وله كيف.
شكري وتقديري .
|
Post: #3
Title: Re: الزميلة ناهد علي كفارة وسلامتك ...!!!
Author: awad okasha
Date: 05-29-2008, 06:01 PM
Parent: #1
شكرا على الطلة هاشم ..
| Quote: يا عوض يا خي لسه مستني ردك بخصوص الجلسرين |
الجلسرين في السودان بينطقوها ( جرسلين ) ...
كفاية وله ازيدك .... 
اها وقع ليك كلامي ؟
|
Post: #4
Title: Re: الزميلة ناهد علي كفارة وسلامتك ...!!!
Author: محمد خليل ساني
Date: 05-29-2008, 11:32 PM
Parent: #1
الف كفاره ليك يا زوله ،،،
الحاصل شنو عين منو اللى صابتك دي ،،،
أوع تكون عين سيف الحاره دى
ولا تكون دي ربطة السرير اللى عملت عملتها فيك ،،،
ما قلنا ليكم خلو المسيره تمشي براها ما صدقتونا ،،،
ألف سلامه ليك يا أجمل زوله ،،،
شكرا لك عزيزي عوض على هذا التذكير ،،،
مع عظيم تقديري وامتناني .
|
Post: #8
Title: Re: الزميلة ناهد علي كفارة وسلامتك ...!!!
Author: ناهد علي
Date: 05-30-2008, 08:14 PM
Parent: #4
يازول ياخطير يامحمد خليل
يابو عين حارة
انت بالذات منك جفلةوخوفة وسيف دة اخير تفك دربة وتفك شوطة انت اخوي وانا نصحتك الزول دة خطير هسع ساي اتفنا نجي بورتسودان قرصنا في اضانه جابنا من المكتب مكسرين دحين ياخوي الفارقة والمة لمانا نهار يفرقنا ليل .
انا حدي مدني وسودانية وسيف ،اها بورتسودان ان بقت جنب زلط الصحافة ماني ماشة ليها.
شكر للاطمئنان وفك درب سيف .
مودتي
|
Post: #5
Title: Re: الزميلة ناهد علي كفارة وسلامتك ...!!!
Author: ناهد علي
Date: 05-30-2008, 07:38 PM
Parent: #1
الاخ/ عوض عكاشة
مساء الخير عليك
تسلم ياخي شكر لتفقد اخباري واحوالي .
عارف ياعوض ياخويا هي وقعه خفيفة لكين نعمل شنو للاوزان التقيلة .
علي كل حال هي عين واصابتني لكين مدني برة القائمة تكون بورتسودان قلمتني قبل اصلها.
شكري وتقديري
|
Post: #7
Title: Re: الزميلة ناهد علي كفارة وسلامتك ...!!!
Author: ممدوح أبارو
Date: 05-30-2008, 08:11 PM
Parent: #5
| Quote: لكين مدني برة القائمة |
الحمد لله...........
علي السلامة ووالف لا بأس عليك وإنشاءالله ينطظ في نظرو
وعلي مروق مدني بره دائرة الاتهام
|
Post: #9
Title: Re: الزميلة ناهد علي كفارة وسلامتك ...!!!
Author: محمد خليل ساني
Date: 05-30-2008, 09:36 PM
Parent: #7
معقول يا ممدوح بس كده ،،،
فرحان عشان مدني طلعت بره الحسبه ،،،
يااااخ بورتسودان دى ما تزعل عليها شويه ،،،
كان كده يا أبارو ما جاييكم فى مدني ،،،
من حسي حسن النوايا ما ظاهره ،،،
كنت حابب أعمل لى صورتين تلاته كده مع مشاهير مدني ،،،
بس الفيك إتعرفت يا مان ،،، ولو فى حاجه بتشفع ليك حـ يكون معرض الزهور داك ،،،
ناهد سيبك من فرحة أبارو دي ،،، وخليك فى بورتسودان أحسن ،،،
مع تقديري و إمتناني .
|
|