Post: #1
Title: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 06:12 PM
كل يوم جديد يمضي يزيد من تأكيد توفيق نادي الهلال في موضوع محترفيه الاجانب عكس الحال تماما في نادي المريخ بالرغم من الكرم المبالغ فيه من قبل النادي الاحمر ورئيسه في الصرف علي المحترفين الا انه بعد وقت وجيز يتضح ان المريخ اشتري الترماي للمرة الالف بعد المائة
|
Post: #2
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 06:15 PM
Parent: #1
بالامس تألق اللاعب النيجيري يوسف محمد مع منتخب بلاده والذي يعج بنجوم وزنهم من ذهب الا ان الفتي قلب كل الموازين وظهر بأداء رائع أجبر المدرب علي ان يجعله يلعب كامل المباراة وهو يشارك لاول مرة مع المنتخب امام منتخب النمسا وديا والتي انتهت بالتعادل بهدف لكل.....
|
Post: #3
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 06:16 PM
Parent: #1
Quote: يوسف محمد يتفوق علي كبار المحترفين ويذهل النيجيريين في كل انحاء العالم
خطف نجم الهلال يوسف محمد الاضواء في اول ظهور له مع المنتخب النيجيري الاول في المباراة الودية التي جرت امس امام النمسا مستصيفة امم اوربا (يورو 2008) واسفرت عن التعادل بهدف لكل فريق وشارك يوسف من البداية وحتي النهاية رغم وجود عدد كبير من المحترفين الافذاذ علي دكة البدلاء وقدم واحدة من اجمل مبارياته انتزع اعجاب الجماهير النيجيرية التي ظهرت تعليقاتها عبر المواقع
المختلفة علي شبكة الانترنت عقب المباراة واستطاع محترف الهلال ان يحجز مكانه في التشكيلة الاساسية لمنتخب النسور الخضراء التي ضمت في مباراة الامس كل من اينوغبا فى حراسة المرمى و فى خط الدفاع يوسف محمد (الهلال السودان) ، جوزيف يوبو (ايفرتون الانجليزي) ، نوانيرى (سيون السويسري) و تايى تايوو (مرسيليا الفرنسي) وفى خط الوسط : ميكيل (تشلسي الانجليزي) ، كانو (بورتسموث الانجليزي) ، أوتشى كالو ( الميريا الاسباني) ، أنشيبى (ايفرتون الانجليزي) و فى الهجوم : ياغبينى ياكوبو (ايفرتون الانجليزي ) و شوكو أوتشى (خيتافي الاسباني)• |
من صحيفة قوون
|
Post: #4
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 06:20 PM
Parent: #1
وبمقارنة خفيفة:
_ كلاتشي نجم الهلال مطارد من عدد كبير من الفرق الافريقية والعربية
_ قودوين مطارد من غالبية الفرق الافريقية والعربية واخباره تكاد تكون يوميا في نشرات الاخبار في الفضائيات العربية بالرغم من مراوغاته الكثيرة داخل وخارج الملعب
_ يوسف محمد ...راجع الخبر اعلاه
_ داريو كان: يتم اختياره بصورة منتظمة لمنتخب موزمبيق مما يدل علي ثبات مكانته....
|
Post: #5
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 06:28 PM
Parent: #4
Quote: _ قودوين مطارد من غالبية الفرق الافريقية والعربية واخباره تكاد تكون يوميا في نشرات الاخبار في الفضائيات العربية بالرغم من مراوغاته الكثيرة داخل وخارج الملعب
|
.
.
.
.
.
.
.
.
.
Quote: دبي - هشام عبد الملك:وصف قودوين مهاجم الهلال النيجيري المعار الى النصر الإماراتي إدارة الهلال بأنها إدارة رجل واحد، وقال: صلاح ادريس هو الكل في الكل في النادي، هو المدرب واللاعب والرئيس والمتحكم في كل مفاصل الأمور في القلعة الزرقاء، وذكر اللاعب أنه لن يعود للهلال وقال: هناك العديد من العروض المقدمة لي لكنه تحفظ في الكشف عنها، مشيراً الى أن مدير أعماله تلقى اتصالات من عدة أندية ترغب في الاستفادة من خدماته، ورأى قودوين أن الهلال كان قريباً جداً من التتويج ببطولة دوري الأبطال في العام الماضي، وامتدح قودوين الشعب السوداني وقال إنه لن يجد مكاناً يعيش فيه وكأنه وسط أهله غير السودان، ولو شاءت الأقدار أن يعيش وسط الشعب السوداني لما تمنى شيئاً آخر.
|
نعم اخى ياسر
اكيد هناك فرق بين محترفى الهلال والمريخ
|
Post: #7
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 06:35 PM
Parent: #5
نعم هناك فرق
فقد سافر ايداهور محترف المريخ معارا الى نادى النصر الاماراتى عبر مطار الخرطوم
وبصحبته مندوب نادى النصر وكان فى وداعه رابطة مشجعى المريخ والتى اقامت احتفال
مصغر لللاعب فى المطار وودعته بالدموع والورود
وفى نفس الرحله كان مغادرا برفقتهم محترف الهلال قودوين معارا لنادى النصر ايضا
وبدون وداع من احد ليكتشف فى المطار انه محظور من السفر لتثور ثائرته ويهان ويذل
فى مطار الخرطوم ومن بين دموع ايداهور المفارق للعالم الجميل جدا
كانت دموع قودوين تحكى قصة اضطهاد وذل ومهانه
ليلجأ الى سفارة بلده ويتدخل الدبلوماسيين النيجيريين ليرضخ الهلال صاغرا ويفك الحظر
ويسافر قودوين فى اليوم التانى وهو يلعن حظه العاثر الذى وضعه فى رحمه يد الارباب
.
.
.
.
.
.
.
.
.
نعم .. اكيد هناك فرق ...
|
Post: #6
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 06:31 PM
Parent: #1
اما في المعسكر الاحمر:
_ أيفوسا: تم تقديمه بالمجان لناد مصري مغمور..وهذا النادي رفضه ويبحثون عن مخرج لاعادته لحظيرته
_ أيداهور: سيعود لنفس الحظيرة بعد ستة شهور تجربة اعارة فاشلة مدتها سنة لم تكتمل
_ باولينو: نجا من مقصلة التسريح بأعجوبة العام الماضي ويمضي معظم الوقت في دكة البدلاء ولا يمكن للاعب محترف ان يرضي بهذا الوضع ان كان يملك بديل اخر
_ أوبينا: أقوي المرشحين للاستغناء عنه لاكتشاف ان المحليين افضل مستوي منه حتي الجديد منهم
_ العراقي سعد عطية: ربما يتم الاستغناء عنه لصالح اخلاء خانة للعائد للحظيرة ايداهور
_ العراقي علاء عبد الزهرة: مهاجم لم يحرز من الاهداف ما يشفع له
هذا عدا الذين تمت ازالتهم وذهبوا لمزبلة النادي الاحمر وهم كثر علي سبيل المثل لا الحصر:
_ الشيخ ديوب
_ اليجا تنانا
_ كوني المالي
_ اليمني المجنس النونو
_ كبير القوم ابالو
والقائمة تطول وتطول
|
Post: #9
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 06:48 PM
Parent: #6
Quote: كلاتشي نجم الهلال مطارد من عدد كبير من الفرق الافريقية والعربية
|
واين هو كلتشى الان ؟
فقد سافر للقاهره لتلقى العلاج ولم يسكن فى السكن الذى خصصه له النادى
ولا يعرف احد من ادارة الهلال اين هو الان .. ام انت نايم على اضنيك ياياسر
وماهو السبب فى هذا التصرف ؟
فقد وعد الارباب كلتشى باطلاق سراحه متى ما وجد عقد احتراف جيد فى نادى جيد
وفعلا طلب نادى بولندى كلتشى بالاسم بعد ان عرضه عليهم وكيل اعماله
وفعلا ذهب كلتشى الى بولندا واجرى الاختبارات واجتازها بنجاح وارسل النادى البولندى
يطلب شهادة نقله الدوليه وقدموا سبعمائة الف دولار للهلال
ولكن لسوء حظ كلتشى العاثر كان ايامها الارباب يلت ويعجن فى موضوع قودوين
مره اعطى كلمه للاهلى ومره يفاجأبان قودوين لاعب لنادى عجمان وبنص القانون ومره يفاجأ
بأن قودوين وقع عقد مع النجم الساحلى ومره يحضر مندوب الترجى ومره محمد عبد الجواد
يتكفل بحل المشكله عن طريق الاهلى جده
ووسط كل هذا يأتى عقد كلتشى مع النادى البولندى وتفوق الصفقه المليون دولار
ويماطل صلاح ادريس ويلت ويعجن ويتهرب ويبدى ويعيد
وفى الاخير يجبر كلتشى على ان يكمل عقده مع الهلال وبلا بولندا وبلا كلام فارغ
وفعلا كلتشى يأتى ليكمل موسمه مع الهلال
واهو انا وانتا وكل الدنيا
شايفين كلتشى مع الهلال هذا الموسم شكلو كيف ...
والان تبقى لكلتشى اقل من سته شهور لنهاية عقده ومن حقه ان يوقع عقدا مع اى نادى
يطلبه ويدفع له ما يرضى طموحه خاصه وان وكيل اعماله كان ينتظره فى قاهرة المعز
.
.
.
.
.
.
.
.
.
.
.
نعم ... اكيد هناك فرق ...
|
Post: #8
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-28-2008, 06:41 PM
Parent: #1
سلامات يا دكتور ياسر
شارك يوسف محمد في مباراة نيجيريا والنمسا منذ البداية وأكملها، مرتديا القميص
رقم 21 (النجم الكبير نوانكو كانو ارتدى القميص رقم 4). يوسف نال بطاقة صفراء
في الدقيقة 84.
كان يوسف هو المحترف الوحيد داخل إفريقيا من ضمن لاعبي منتخب نيجيريا الذين
شاركوا في المباراة، بل هو المحترف الوحيد داخل إفريقيا بين كل اللاعبين ال26
المختارين للمنتخب.
منتخب نيجيريا سيستضيف جنوب إفريقيا يوم الأحد القادم في التصفيات المؤهلة
لكأس العالم، وأعتقد أن وجود يوسف أساسيا في هذه المباراة هو ما سيؤكد نجاحه
في مباراة الأمس.
_____________________
انضم يوسف محمد للهلال في فترة التسجيلات الرئيسية بعد نهاية موسم 2005 بعقد
مدته ثلاث سنوات تنتهي في ديسمبر 2008 قادما من أنيمبا النيجيري بعد أن نال معه
كأس دوري أبطال إفريقيا مرتين متتاليتين.
وبعد موسم أول لم يحالفه فيه التوفيق، عاد يوسف ليقدم موسما رائعا مع الهلال
بتألق كبير في مركز الظهير الأيمن الذي كثيرا ما أحسن الانطلاق منه ليقود هجمات
الهلال المعاكسة، وزاحم بل ربما يكون قد تفوق على هيثم مصطفى في صناعة اللعب
بانطلاقاته السريعة وعكسياته الدقيقة في معظم الأحوال.
اختيار يوسف ضمن قائمة منتخب نيجيريا عدة مرات أمر يؤكد أنه أحد أفضل من
يشغل مركز الظهير الأيمن في القارة السمراء. وأتمنى أن يفلح الهلال في الإبقاء
عليه هو بالذات لأنه لاعب نادر المثال، بل أعتقد أن الاحتفاظ به هو بالذات أوجب
من الاحتفاظ بغيره من المحترفين؛ لصعوبة تعويضه بلاعب آخر يؤدي مهام وظيفته
بذات الكفاءة.
|
Post: #10
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: motaz
Date: 05-28-2008, 06:51 PM
Parent: #8
نقلا عن وكالات الأنباء
ونتمنى ان يقدم يوسف محمد مستوى يؤهل ناديه الهلال للفوز بكأس الأندية الإفيقية الأبطال
التوقيع: واحد مريخابي
|
Post: #17
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 07:26 PM
Parent: #10
الاخ معتز: شكرا ليك يا معتز يا مريخابي يا راقي
|
Post: #11
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 06:53 PM
Parent: #8
المشكله ليست فى ان يوسف محمد جيدا ام سيئا
شارك مع منتخب بلاده ام لم تتح له الفرصه
المشكله يا ساده فى كيفية معاملة المحترفين واخراج اجمل ما عندهم
فالجواهر والاحجار الكريمه
ان ارتدتها امرأه قبيحه فلن تخفى من قبحها شيئا
وان ارتدتها غادة حسناء ستزيدها اشراقا وجمالا فوق جمال
هنا تكمن المشكله ياساده
قودوين قالها وبالفم المليان .. لن اعود للهلال ولو جلست عاطلا ..
كلتشى مختفى فى القاهره وهو يبحث عن عرض جيد ورغم انف الهلال ..
.
.
.
.
.
.
.
.
.
.
نعم ... اكيد هناك فرق ..
|
Post: #12
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: احمد حامد صالح
Date: 05-28-2008, 06:56 PM
Parent: #11
منتخب نيجيريا الشفناهو فى غانا و لا منتخب تانى ... بالله ما شكر لينا الراكوبة فى الخريف
|
Post: #14
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 07:08 PM
Parent: #11
ابوبكر كونى محترف المريخ السابق
اكتشف المريخ بأنه مصاب بداء القلب وحاول المريخ علاجه عند احسن الاطباء
فى السودان ومن ثم الى اشهر اخصائى قلب فى المانيا وعالج لاعبين مشهورين
من قبل
واتى التقرير من المانيا يفيد بأن مزاولة كرة القدم بالنسبه للاعب خطر على
حياته وبالرغم ان المريخ كان فى اشد الحاجه الى ذلك المدافع الشرس الا انه
اختار المحافظه على حياته مقابل كأسا قد يفوز بها المريخ ان بقى هو يدعم صفوفه
وكان اختيارا انسانيا يحكى عظمة من يجلسون على سدة الحكم فى المريخ
فى المقابل استجلب الهلال محترفا اكتشف الطبيب عله فى قلبه وامره بالعوده مره
اخرى ليعيد التشخيص ويتأكدوا من الامر الذى بدأ لهم
وخرج اللاعب ولم يعد حتى الان للمستشفى وقدم الهلال تقريرا طبيا سليما ومن نفس
المستشفى الذى اكتشف العله فى قلب المحترف
وبموجب التقرير سجل الاتحاد اللاعب للهلال رغم ان احدهم اخطر الاتحاد بأن التقرير
غير سليم وانه مزور واخلى زمته
وهاكم حديثه بالنص
وهاهو خالد عز الدين يفضح المستور فى قضية المحترف الاجنبى
Quote: أنا صحفي وصلتني معلومة عن قيام إيفياني بإجراء اختبارات طبية في مستشفي وهذه الاختبارات أعطت إشارات غير طيبة عن قلب ايفياني وطلب هذا الدكتور من ايفياني العودة للتأكد أكرر للتأكد من سلامة قلبه ولكن اللاعب لم يعد وقد اجتهدت وهذا حقي لا تستطيع انت ولا غيرك ان يمنعني من ايصال هذه المعلومة لمجلس الهلال وقد وصلت المعلومة ولم أنشرها أنا في الصحف ولم أحاول منع تسجيل ايفياني ولكنني تفاجأت بعد ذلك بمعلومة عن تقديم الهلال لشهادة طبية من نفس المستشفي تؤكد علي سلامة ايفياني وقلبه !! وقد اجتهدت في معرفة ما حدث وعرفت ان ايفياني لم يعد للمستشفي وانه لم يعرض نفسه مرة اخرى لطبيب القلب ونقلت هذه المعلومة لاتحاد الكرة بعد ان استلم الشهادة الطبية من الهلال وهذا واجبي الانساني قبل ان يكون الرياضي او الهلالي وتركت الامر بعد ذلك لأن واجبي انتهي في تلك المرحلة بعد ان اخبرت الهلال واتحاد الكرة !!
والتزمت الصمت طوال الفترة الماضية وتعاملت مع ايفياني باعتباره لاعبا في الميدان الى ان وجدت خبرا عن إصابة لاعب في القلب في صحيفة قوون يتطابق مع المعلومات المتواجدة لدي ومع المعطيات الاخرى ومنها عودة قدوين وضرورة إخلاء خانة له وعدم سفر ايفياني لأهله في فترة الراحة الحالية .. واجتهدت مرة اخرى في البحث عن الحقيقة وهذا واجبي الصحفي وقدمت المعلومات المتواجدة لدي للقارئ الكريم لأنه صاحب الحق في هذه المعلومات الآن !!
|
وبعد ان يكشف المستور ويضع اصبعه فى عين الحقيقه الغائبه
هاهو يتحدى كما تحدى رئيس الهلال شداد بان يكشف خطاب الاتحاد للفيفا
Quote: أخي صلاح لقد ذكرت أن قلب إيفياني سليم وهذه دعوة صادقة مني أن يكون كذلك كما ذكر الاخ عماد الطيب أن ايفياني أجرى فحوصات طبية أكدت سلامته وكل الذي أتمناه نشر التقرير الطبي الذي قدمه الهلال لاتحاد الكرة وهذه أمنية بدون تحدي كما تحديت أنت اتحاد الكرة في نشر خطابه للفيفا بخصوص اللاعبين المجنسين ..
|
والسؤال
هل سيجرؤ الهلال بنشر التقرير الطبى الذى قدمه للاتحاد العام وبموجبه تم تسجيل
اللاعب فى كشوفات الهلال
..
..
.
.
.
.
..
.
.
.
..
.
.
نعم .. اكيد هناك فرق ..
|
Post: #13
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-28-2008, 07:03 PM
Parent: #1
ده شنو يا علي بشير؟
يقولو ليك يوسف محمد لعاب، تقول صلاح إدريس عمل مع قودوين كدا وكدا؟ 
|
Post: #15
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 07:20 PM
Parent: #13
Quote: ده شنو يا علي بشير؟
يقولو ليك يوسف محمد لعاب، تقول صلاح إدريس عمل مع قودوين كدا وكدا؟ |
ماعهدتك من الذين يلوون عنق الحقيقه يا ود الريح
رغم انو شوقنا بحر
فالبوست عنوانه يؤكد الفرق بين محترفى الهلال والمريخ
وعلى خلفية تألق يوسف محمد مع منتخب بلاده
كدى صنقع فوق مره تانيه وشوف العنوان مكتوب فيهو شنو بعد تالق يوسف !!
وكا جاءت افتتاحية البوست من الاخ ياسر كالاتى : -
| Quote: كل يوم جديد يمضي يزيد من تأكيد توفيق نادي الهلال في موضوع محترفيه الاجانب عكس الحال تماما في نادي المريخ بالرغم من الكرم المبالغ فيه من قبل النادي الاحمر ورئيسه في الصرف علي المحترفين الا انه بعد وقت وجيز يتضح ان المريخ اشتري الترماي للمرة الالف بعد المائة |
وقع ليك يا ود الريح والا اعيدوا ليك تانى 
|
Post: #16
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 07:21 PM
Parent: #1
اهلا بالجميع ..والبوست لكم ...كل ليدلو بدله دون قيود
حبيبنا أحمد الريح:
سعيدين بالعودة
| Quote: يقولو ليك يوسف محمد لعاب، تقول صلاح إدريس عمل مع قودوين كدا وكدا؟ |
علي محمد بشير غلبو اليقولو
أما عن قودوين فيجب حمايته لانه مرغوب في كل مكان اما عن ايداهور فالراجل غير مرغوب فيه في اي مكان غير نادي المريخ وباب المطار يفوت جمل لو عايز هو لكن العين بصيرة
|
Post: #19
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 07:30 PM
Parent: #16
Quote: علي محمد بشير غلبو اليقولو
|
دا كلو وغلبنى البقولوا
يعنى لو قلت ح يحصل ليكم شنو ؟
الظاهر عليك ياياسر فتحت البوست وماقريت المداخلات
انتقدنى .. صوبنى ..كذبنى
الفوق دا كلو حقائق يا اللخو
ماتدفن راسك خلف اكليشيهات محفوظه
دافع عن وجهة نظرك وعن هلالك وما تدفن راسك فى رمال جمال الوالى والمؤتمر الوطنى
وملف الوالى وشنو كدا ما عارف
قول لى قودوين ماقال كدا
او خالد عز الدين ماصرح بذلك
او ابوبكر كونى ماكان عيان بالقلب وانتوا ما حاولتوا تعاجوه
وانو رئيس الهلال حاول ان يقدح فى المريخ والاتحاد على خلفية
علاج كونى
قول لى انك شفت التقرير الطبى بتاع ايفيانى او انك كشفت عليهو
وانو خالد عز الدين كذاب
قول لى كلتشى ماقاعد يظبط فى اموره فى القاهره وانكم فى انتظار
سيمفونية الوداع الاخير
قول لى انو داريو كان ماماسوره
او قول لى سورى شريف احسن من داريو كان
قول اى شئ غير الاكليشيهات الجاهزه
ملف جمال الوالى والمؤتمر الوطنى وشنو كدا ماعارف
Quote: في حد جاب سيرة جمال الوالي هنا..... بالرغم من انو ملفو ممكن يخليك تسيب المنبر خالص
|
|
Post: #18
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-28-2008, 07:26 PM
Parent: #1
Quote: ماعهدتك من الذين يلوون عنق الحقيقه يا ود الريح
رغم انو شوقنا بحر |
حقيقة شنو يا علي "أبو جسيم"؟ إنت بس شكلك مشتاق للغلاط الرياضي
دكتور ياسر بيتكلم عن الفرق في المستوى الفني، والمحفز لى كلامو
ده هو مشاركة يوسف محمد في مباراة الأمس وسط كوكبة من نجوم
الأندية الأوروبية المعروفة.
ده علاقتو شنو بى صلاح إدريس وقودوين ووكيل كلتشي؟!
|
Post: #20
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 07:30 PM
Parent: #18
| Quote: ده علاقتو شنو بى صلاح إدريس وقودوين ووكيل كلتشي؟! |
والله يا أحمد جبت المفيد
|
Post: #21
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 07:41 PM
Parent: #20
محترفي الهلال في أربعة اعوام
_ يوسف محمد: متألق مع منتخب نيجيريا ومطلوب بشدة
_ كلاتشي: مطلوب بشدة من عدة فرق عربية وافريقية
_ قودوين: مطلوب بشدة من عدة فرق افريقية وعربية
_ داريو كان: يلعب للموسم الخامس علي التوالي وبتالق ليضرب الرقم القياسي في اقامة المحترفين بالسودان
محترفي المريخ في عامين:
أيفوسا: تم تقديمه بالمجان لناد مصري مغمور..وهذا النادي رفضه ويبحثون عن مخرج لاعادته لحظيرته
_ أيداهور: سيعود لنفس الحظيرة بعد ستة شهور تجربة اعارة فاشلة مدتها سنة لم تكتمل
_ باولينو: نجا من مقصلة التسريح بأعجوبة العام الماضي ويمضي معظم الوقت في دكة البدلاء ولا يمكن للاعب محترف ان يرضي بهذا الوضع ان كان يملك بديل اخر
_ أوبينا: أقوي المرشحين للاستغناء عنه لاكتشاف ان المحليين افضل مستوي منه حتي الجديد منهم
_ العراقي سعد عطية: ربما يتم الاستغناء عنه لصالح اخلاء خانة للعائد للحظيرة ايداهور
_ العراقي علاء عبد الزهرة: مهاجم لم يحرز من الاهداف ما يشفع له
_ الشيخ ديوب: تمت ازالته لعدم الكفاءة وعامل السن
_ اليجا تنانا: تمت ازالته لعدم الكفاءة وعامل السن
_ كبير القوم ابالو تمت ازالته لعدم الكفاءة وعامل السن
_اليمني المجنس النونو هرب وارسل جنسيته في مظروف
_ كوني المالي: تمت ازالته لعامل المرض
كدا وضحت ليك الرؤية وهدف البوست ياعلي
ماتدخل لي وكيل لاعبين ولا صلاح ادريس ولا بتاعين الامن حقين المطار بالله الموضوع في الميدان وبس
|
Post: #22
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-28-2008, 07:51 PM
Parent: #20
| Quote: ده علاقتو شنو بى صلاح إدريس وقودوين ووكيل كلتشي؟ |
علاقه قويه جدا
لانو المحترفين ديل بشر وبنى ادمين زيهم وزيك زيى
وطالما هم بيعطوك مستويات جيده وبيحققوا معاك نتائج طيبه
فيجب ان يعاملوا كذلك معامله طيبه
وشنو يعنى لو يوسف محمد امس لعب مع منتخب نيجيريا امام البرازيل وقام
بكتم انفاس كاكا ومنع رونالدينهو من انو يحرز اى هدف
وهو نفسه احرز هدفين الفوز لنيجيريا على البرازيل
دا كلو ح يفيدكم بى شنو اذا ودع هذا اللاعب الهلال وهو ساخط عليه ويعض اصابع
الندم على فترته الاحترافيه فى الهلال وصرح فى الاعلام بانو الهلال لا يعامل لاعبيه
الاجانب معامله انسانيه ولا يعرف حقوقهم ويزور فى اعمارهم وفى اوراقهم الثبوتيه
وكشوفاتهم الطبيه ويوعدهم ويخلف وعوده ويحظرهم فى المطارات
مافى حاجه اسمها محترف جيد ويعامل معامله غير جيده
ومافى حاجه اسمها الكلام عن مستويات المحترفين بمعزل عن حياتهم فى البلاد
ومدى التزام انديتنا فى تهيئة الاجواء المناسبه لهم ليبدعوا ويتعلم منهم
الناشئه وباقى اللاعبين وينهلوا من فنون كرة القدم التى يقدمونها فى دورينا
اولا ومن ثم فى مشاركاتنا الخارجيه ثانيا
والا فكيف ننشد ان تطور كرة القدم عندنا ونحن نستجلب المحترفين الجيدين ومن
ثم نعاملهم معاملة القطيع ولا نهيئ لهم الجو المناسب الذى يبدعون فيه
هذا اذا اردنا ان نعقد مقارنه بين محترفى الهلال والمريخ كما حمل عنوان البوست
ويجب ان تخضع هذه المقارنه لكل السلبيات والايجابيات
والا لما كان من حق كاتب البوست ان يشير للمقارنه من اصلو
وكان يكتفى بالاشاره لابداعات يوسف محمد مع منتخب بلاده
لكان كفانا كل هذا النقاش
اما وان فعل
فعلينا مناقشة الامر بكل جوانبه
| Quote: والله يا أحمد جبت المفيد |
وقع ليك فى جرح ... موش
طيب انتا جايب سيرة المريخ من الاول مالك ؟
|
Post: #23
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-28-2008, 08:10 PM
Parent: #1
Quote:
علاقه قويه جدا لانو المحترفين ديل بشر وبنى ادمين زيهم وزيك زيى
وطالما هم بيعطوك مستويات جيده وبيحققوا معاك نتائج طيبه
فيجب ان يعاملوا كذلك معامله طيبه |
ما اختلفنا يا أبو علوة، لكن برضو لكل مقام مقال. عندما يقارن أحدنا بين
المستوى الفني للاعبي الهلال والمريخ بيكون المتوقع هو أن تنحصر الردود
في إطار "مقارنة المستوى الفني".
ردودك في مجملها عن "التعامل مع المحترفين"، والفرق بين الأمرين
واضح. وعلى العموم حرية التعبير مكفولة ليك طبعا.
لولا خشية الإسهام في الانحراف باتجاه الpost لسألتك:
ماذا تعرف عن اللاعب النيجيري الذي أحضره المريخ قبل بداية الموسم
وأسكنه في فندق دون أن يسأل لمدة 10 أيام ظل خلالها يجوب شوارع قلب
الخرطوم بلا هدى حاملا حذاءه الرياضي ومرتديا قميص فريقه النيجيري؟!
وماذا فعل المريخ مع اللاعب أنور الذي جاء من السد القطري؟
______________________________________
عودة لموضوع الpost:
"يوسف محمد" أقل لاعبي المنتخب النيجيري شهرة بين الجماهير النيجيرية
"أو هكذا لاحظت بمتابعة بعض مواقع الإنترنت النيجيرية". والسبب هو أنه
يلعب في الدوري السوداني، ولولا مشاركة الهلال وتألقه إفريقيا، فضلا عن
تميز مستوى يوسف، لما حجز هذا الأخير مكانا لنفسه بين النخبة المختارة.
ولن يفوتني أن أذكر هنا أن تألق قودوين مع الهلال في الموسم الماضي
جعله مرشحا -ضمن ثلاثة لاعبين- لنيل جائزة أفضل لاعب في بطولات
الأندية آنذاك.
|
Post: #24
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 08:44 PM
Parent: #23
Quote: عندما يقارن أحدنا بين
المستوى الفني للاعبي الهلال والمريخ بيكون المتوقع هو أن تنحصر الردود
في إطار "مقارنة المستوى الفني". |
برضو يا احمد جبت المفيد ووقعت لي في جرح { وش باسم }
ولمن نفتح بوست يا علي عن المقارنة في المعاملة للمحترفين انت اول واحد حأقدم ليك دعوة
|
Post: #25
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 08:54 PM
Parent: #1
كتبت يا علي
Quote: واهو انا وانتا وكل الدنيا
شايفين كلتشى مع الهلال هذا الموسم شكلو كيف |
شكلو مالو...أحرز هدفين زي الحلاوة في جو غبار ما تشوف اصبعك فيهو..وكان الهدفين هم السبب في وصولنا لدور الثمانية للابطال الكبار
برضو يا علي شكلك رايحا ليك حاجة...ركز في المفيد وهو الشأن الفني
وجيب المفيد
أرجو أن تكون عرفت الفرق
|
Post: #26
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 09:09 PM
Parent: #25
عندما نتحدث عن محترفي الهلال فنحن نعطيهم حقهم الذي يستحقونه عطفا علي مستوياتهم في الملعب وأدائهم الكروي ...
ولسنا ممن ينفخون البالونات عن المحترفين عند تسجيلهم والتي تفرقع في أول مباراة لينكشف المستور بالرغم من الحملة الاعلامية للتلميع والتي تفوق حملة اوباما وهيلاري كلينتون مجتمعتين وعندما ينكشف المستور لا يرعوي من اطلق سيل النفاق والاعلام الهلامي بل يذهب ليشغل جمهوره المسكين بصيده اخري وينفخ البالونة حتي تطرشق وينتقل الي بالونة وبالونة وبالونةو.....
|
Post: #27
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 09:16 PM
Parent: #26
كتبت قبل ثلاثة اعوام في بوست فكاهي عن تسجيلات نادي المريخ من المحترفين بعنوان:
| Quote: خواطر رياضيه.... استراحه خفيفه....وهدية العيد لاهل المريخ |
| Quote: انا لاعب كره قديم{خرده}....تخطيت الثلاثين من العمر{عجوز يعني}.. ...لدي اصابات كثيره تمنعني من اللعب { ومعطوب كمان} دا غير امراض الزمان..{الله يعين}.....من جنسيه افريقه {صديقه}......لدي الرغبه الصادقه في ان احترف عندكم وحأكون عند حسن ظنكم........وأنا واثق انه اعلامكم ما حيقصر معاي وحايكتب عني من الصفات والمميزات ماليس في ساحر العصر القديم بيليه ولا في ساحر العصر الحديث رونالدينيو.....ويقوم جمهوركم يستقبلني من مطاركم الجميل ويشيلني {يعتلني يعني } و يحوم بي العاصمه كلها ولحدي مانصل دار الاتحاد عشان نوقع ...يقوم واحد شليق من جماعتكم يتذكر انو ماكشفوا علي طبيا { شكيتوا علي الله} ..والجماعه يقوموا يعتلوني تاني للمستشفي وقبل ما تطلع النتيجه {الانا عارفها سلفا وما بتغباني} اكون خمشت الفي النصيب من الاخدر ابو صلعه.....ولما تطلع النتيجه يتلفتوا يلقوني في مطار الخرتوم...{المره دي كداري وحياتكم }....واخر الكلام وسعوا صدركم....واصلوا دي ارزاق مقدره ومكتوبه.....وقبل ما امشي اخوي سمع بي قصتي ومصايبه اكبر من مصايبي... وجايي في الطريق ...عليكم الله ما تقصروا معاه..والبركه في اعلامكم المامضلل {حاشا لله}...ودعتكم الله. |
|
Post: #28
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: ALGARADABI
Date: 05-28-2008, 09:50 PM
Parent: #1
دكةور ياسر
سلامات
لكن والله زعلتني ياخ
كيف تنسى المحترف الذي وقع في مكاتب الاتحاد السوداني قي القاهرة (عمو نجاد)
ياخ مجدي شال الاوراق و انتظرو في القاهرة(نسبة لظروف الطيران التي كادت أن تفقد المريخ عمو نجاد وليتها فعلت)
نجاد حطم جميع الارقام القياسية في مشاركات المحترفين ( صفر مشاركة)
وتم شطبه بجنح الليل وقبل فترة التسجيلات وتركت خانته شاغرة حتي التسجيلات التكميلي
سامح الله سمسار الصفقة(الهلالابي)برانكو
|
Post: #29
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 11:04 PM
Parent: #28
حبيبنا القرضابي
ياخي دا كمان بيحسبوه لاعب كرة قدم ..أحنا بنتكلم عن لاعبي كرة القدم
دا الوالي جابو زكاة ضراع لي امواله ساكت...
|
Post: #30
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-28-2008, 11:21 PM
Parent: #1
كان هناك حارس مرمي أفريقي ..دخل مزاج الوالي ..طلب اللاعب لبن الطير فأحضره له الوالي ..وتم تكسير كل قوانين ولوائح الاتحاد العام عشان خاطر سواد عيونو...وفجاة طار وتبخر..وخلي الجماعه يغنوا:
يا شيكوزي عليك النبي تجي
ورد عليهم متبخترا:
بي حلتكم ديك انا تاني ما بجي
|
Post: #32
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: يسرى معتصم
Date: 05-28-2008, 11:36 PM
Parent: #30
الصلوى وييييين
|
Post: #31
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-28-2008, 11:33 PM
Parent: #1
نشرت صحيفة المشاهد هذا الخبر بتأريخ 13 ديسمبر 2007:
مر ديسمبر ويناير دون أن يحملا جديدا بشأن تجديد التعاقد مع يوسف
محمد، وأشك في أنه سيجدد عقده في يونيو (فترة التسجيلات التكميلية)،
ليصبح حرا في ديسمبر من هذا العام، بل يمكنه التوقيع لأي نادي قبل
6 أشهر من نهاية عقده الحالي مع الهلال دون أن يعود انتقاله إلى أي
ناد آخر -إن حدث- بأي عائد مادي للهلال.
على العموم: التركيز مهم جدا في الفترة القادمة تأهبا لدور المجموعتين
في دوري الأبطال، وهذه مسؤولية الإعلام الحادب حقا على مصلحة الهلال.
|
Post: #33
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 00:04 AM
Parent: #1
الانتقال سنة الحياة يا احمد.. ولا احسب ان يوسف محمد سيستمر في الهلال بعد العرض الكروي الذي قدمه بالامس والذي كان في مكان عيون السماسرة فيه اكثر من الاكسجين.ان اراد يوسف ان ينتقل للافضل فذلك حقه ويكفي انه اسعدنا عدد من السنين و سيظل محفورا في اذهانن فترة طويلة اما عن حق الهلال المادي فما زالت ادارة الهلال حديثة عهد بفنون الاحتراف وقصة طمبل خير شاهد اتمني ان يعوا الدرس مستقبلا
|
Post: #34
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-29-2008, 00:07 AM
Parent: #1
| Quote: كيف تنسى المحترف الذي وقع في مكاتب الاتحاد السوداني قي القاهرة (عمو نجاد) |
بمناسبة (نجاد بايروفيتش)؛ كنت في السودان أيام تسجيله للمريخ، والذي ألهب حماس
قريحتي، فجادت بمقال بعثت به لصحيفة قوون؛ وطبعا ناس قوون نشروهو بلا إبطاء!
Quote:
بايروفيتش... فتحي البوسناوي!
- اتسعت عيناي دهشة وأنا أطالع نبأ تعاقد المريخ مع مدافع بوسني عمره 36 سنة أملاً في حل أزمة المدافع الأخير التي أرقت مضاجع محبي النادي الأحمر لردَحٍ من الزمان، حدثتني نفسي أنّ المريخيين ربما أرادوا مفاقمة الأزمة لا حلها... ويا للمفاقمة!
- من ذا الذي أوهم أهل المريخ أن لهم خللاً في وظيفة المدافع الأخير؟! من ذا الذي خدعهم بالبحث في "أرشيف النشرات الإخبارية" عمن يقيهم شر الأهداف الهلالية؟! ومن ذا الذي أوهمهم أنّ "بايروفيتش" العجوز يملك حلّ الشفرة الزرقاء في الليلة الليلاء في كل الملاعب بلا استثناء؟!
- مالهم لا يعوا الدروس -وقد كثرت- من صانع أزماتهم أمير الهلال ونجم كل المواسم هيثم مصطفى؟! هو -إن لم يكونوا يعلمون- أزمته الحقـّـة والكارثة المزمنة التي أعياهم حلها، هو "القلق" المطبِق والخطر الداهم وواضع مهاجمي الهلال في مواجهة حارسي مرمى النادي الأحمر متى شاء وكيف شاء... ويا للمشيئة!
- 36 سنة هي عمر اللاعب البوسني المسكين الذي أتـَـوْا به -من أين لا أدري- ليقود خط دفاعهم وأمام من؟ أمام طمبل وقودوين وكليتشي ومن خلفهم الأمير هيثم مصطفى، قالوا إنّ الخبرة سند له، ونحن نقول إنّ العمرَ المتقدم للاعب في خانته ينذر بكارثة محدقة -عليهم هم طبعاً- وتبشرنا -نحن الهلالاب- بموسم آخر من مواسم الضحك الكروي الذي أدمناه وما مللناه!
- 36 سنة هي عمر لاعب من البوسنة أتى به المريخ والخبر في حد ذاته مدعاة لافترار الثغر ثم التبسم ثم الضحك بلا انقطاع، لاعب بوسنى تباينت الأقوال في كونه لاعباً دولياً وكأن للبوسنة شأن في كرة القدم الأوروبية، لنفترض أن "بايروفيتش" لاعب أساسي بقائمة منتخب البوسنة بل دعونا نفترض أنه كابتن المنتخب... وإيه يعني؟!
- إن الأمانة تقتضي منح النادي الأحمر حق الريادة -التي تتسبب في أعوام الرمادة- في البحث عن اللاعبين في الدول المتخلفة كروياً، ولعلنا لا زلنا نذكر بالضحك -على وزن نذكر بالخير- مدافع النيجر الحاج "شيكورا" الذي ضحك منه المريخيون قبل غيرهم، بل إن مدرب المريخ آنذاك أشركه في وسط الميدان إمعاناً في إضحاك الجماهير الكروية بمختلف ألوانها... ويا للضحك!
- سرعة التعاقد مع اللاعب البوسني تشي بأنه عاطل عن اللعب وقبل ذلك عاطل عن الموهبة، أما توقيعه للمريخ "الأمدرماني" بالقاهرة فقد جعل الشك يتسرب لعقلي حتى صوّر لي أن "بايروفتش" هذا ما هو إلا صعيدي اسمه "فتحي البوسناوي" اختفى شاربه الضخم بفعل فاعل!
- 36 سنة هي عمر "فتحي البوسناوي" وإعلام المريخ يبشر جماهيره بقرب اعتزال أمير الهلال هيثم مصطفى! لن يعتزل هيثم عاشق الهلال قبل أن يقوى عود الساحر الجديد مهند الطاهر فهيثم يحب الهلال كما يحبه رواد المدرجات الشمالية الشرقية باستاد الهلال وربما أكثر! أما "فتحي البوسناوي" فلربما اعتزل قبل أن تلامس قدماه الكرة بملعب الرد كاسل!
- شطب المريخ فاروق جبرة بحجة كبر سنه، وسجل "فتحي البوسناوي" لذات السبب! تعاكست الأفعالُ والعذر واحد! لاعب من البوسنة وعمره 36 سنة... كم أتمنى سماع تصريحٍ ناري للدكتور كمال شداد عن هذا الحدث الطريف! الأكثر طرافة هو أن أحداً من القيّـمين على تسجيلات المريخ لم يشاهد "فتحي البوسناوي" قبل تسجيله، ومع هذا نقرأ عن المنهجية والمؤسسية والعلمية واستخدام الحاسوب في تسجيل اللاعبين بالمريخ... ويا للمنهجية!
- أما الآن وقد ارتدى "فتحي البوسناوي" قميص المريخ فقد بدأ كتـّـابه الحديثَ عن رصانة اللاعب واتزانه وجديته والتزامه وهي صفات ليست بالمستغربة على من هم في مثلِ عمره! رأيت فيما يرى النائم أن "فتحي البوسناوي" انتهر النيجيريين إيفوسا وإيداهور الذين أكثرا من القفشات في معسكر المريخ بالدوحة! وعلى ذكر قفشات النيجيريين، فإن ادعاء "ظرافة" اللاعب الفلاني وخفة دم اللاعب الفلتكاني هي عادة مريخية صرفة لإيهام محبي النادي بأن الإعداد يسير على قدم وساق فتراودها أحلام اليقظة باكتساح الهلال وتصحو على تمريرة قاتلة للأمير هيثم مصطفى للقول بأن القفشات في معكسر الإعدادات دليل عدم الانضباط!
- لن يقوى "فتحي البوسناوي" على مجابهة النيجيري صارم القسمات كليتشي إلا من باب توقير الصغير للكبير! أما أمير الهلال وقائده هيثم مصطفى فليس ملزماً بهذا التوقير... وهنا تكمن مشكلة "فتحي البوسناوي" الذي أشفق عليه من أن بنفرد به البرنس في أحد أركان الملعب... ويا للانفراد!
- 36 سنة هي عمر مدافع بوسني ضمه المريخ لقائمته أملاً في الصعود لمنصات التتويج الداخلية والخارجية... فهل يقوى الكهل "فتحي البوسناوي" على الصعود لهذه المنصات؟!
- ترصُـد كاتبي المريخ للنجاحات الهلالية جعلهم من حفـَـظـَـةِ لوائح انتقالات اللاعبين الدولية فجعلوا من قابيتو الما رجع بيتو قاصراً لا يقدر على تحمل تبعات الاحتراف لصغر سنه... فهل يقدر عليها الكهل البوسناوي؟!
- نجاح المدافع البوسني سيكون مفاجأة لمحبي المريخ قبل غيرهم، وأخشى أن يفشل المهاجم إيداهور في حل أزمة هجوم النادي الأحمر الذي وصل مهاجموه لمرمى الهلال مرة واحدة في الدوري الممتاز منذ أغسطس 2001 مقابل 10 أهداف زرقاء ! هدف واحد خلال 52 شهراً... ويا للتواضع!
- لاعب لديه وكيل معتمد لدى الفيفا، أراد اللاعب فريقاً بعينه وأراد الوكيل فريقاًَ آخر، ترى: هل تلزم الفيفا اللاعب رغماً عنه بالنادي الذي يريده الوكيل؟! متى استعبدتم اللاعبين وقد ولدتهم أمهاتهم أحرارا ؟!
- قال لي محدثي إن للاعبكم وكيل معتمد لدى الفيفا ولن يلعب لكم، قلت له إن كان للاعبنا وكيل فإن لاعبكم الكهل لا نادي له... ويا للكهولة !
|
|
Post: #35
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 00:19 AM
Parent: #1
أجمل ما في الموضوع:
| Quote: ومع هذا نقرأ عن المنهجية والمؤسسية والعلمية واستخدام الحاسوب في تسجيل اللاعبين بالمريخ... ويا للمنهجية! |
|
Post: #36
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 00:29 AM
Parent: #35
أبوحميد: بحاول أفتش في الارشيف ما كتبه اعلام المريخ عن هؤلاء اللعيبة المحترفين الذين سادوا ثم بادوا وكتب عنهم اعلام المريخ وقال فيهم مالم يقله مالك في الخمر...بالله لو لقيت حاجة في طريقك مدنا بيها...
|
Post: #37
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-29-2008, 00:37 AM
Parent: #1
| Quote: "يوسف محمد" أقل لاعبي المنتخب النيجيري شهرة بين الجماهير النيجيرية |
رغم أن يوسف محمد أفضل محترفي الهلال الإجانب؛ إلا أن لاعب وسط أنيمبا "سام ليدور"
حذر من خطورة كلتشي وقودوين (!) في تصريحاته التي نشرت قبل أيام في صحيفة الغارديان
النيجيرية، والتي وصف فيها الهلال بالفريق المرصع بالنجوم!
هذا ملخص لما قاله اللاعب عن الهلال (قمت بترجمة نص الخبر):
أكد سام ليدور لأعب فريق أنيمبا لصحيفة الغارديان النيجيرية أن فريقه يجب أن يحذر فريق
"الهلال السوداني المرصع بالنجوم" إذا كان راغبا في نيل كأس دوري الأبطال للمرة الثالثة.
وقال ليدور للصحيفة إنه متفائل بأن فريقه قادر على قهر مازيمبي الكنغولي والقطن الكاميروني،
وأضاف: "الفريق الوحيد الذي أخشاه هو الهلال، الذي يلعب له النيجيريان كلتشي وندوبيسي
إيزي (قودوين)". وقال إن السجلات تحفظ فوز الهلال على البطل السابق (الأهلي) في الموسم
الماضي.
واختتم ليدور حديثه عن الهلال للصحيفة بقوله: "علينا أن نعمل بجدية للتغلب على هذا الفريق
الذي ستكون مواجهته -بلا ريب- تحديا صعبا، لكننا سنعمل على تأكيد تأهل فريقنا لنصف النهائي".
مصدر الخبر بالصحيفة النيجيرية
|
Post: #38
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-29-2008, 10:55 AM
Parent: #37
*
|
Post: #39
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: فيصل محمد رشوان
Date: 05-29-2008, 11:20 AM
Parent: #38
Quote: يوسف محمد: متألق مع منتخب نيجيريا ومطلوب بشدة
_ كلاتشي: مطلوب بشدة من عدة فرق عربية وافريقية
_ قودوين: مطلوب بشدة من عدة فرق افريقية وعربية
_ داريو كان: يلعب للموسم الخامس علي التوالي وبتالق ليضرب الرقم القياسي في اقامة المحترفين بالسودان
محترفي المريخ في عامين:
أيفوسا: تم تقديمه بالمجان لناد مصري مغمور..وهذا النادي رفضه ويبحثون عن مخرج لاعادته لحظيرته
_ أيداهور: سيعود لنفس الحظيرة بعد ستة شهور تجربة اعارة فاشلة مدتها سنة لم تكتمل
_ باولينو: نجا من مقصلة التسريح بأعجوبة العام الماضي ويمضي معظم الوقت في دكة البدلاء ولا يمكن للاعب محترف ان يرضي بهذا الوضع ان كان يملك بديل اخر
_ أوبينا: أقوي المرشحين للاستغناء عنه لاكتشاف ان المحليين افضل مستوي منه حتي الجديد منهم
_ العراقي سعد عطية: ربما يتم الاستغناء عنه لصالح اخلاء خانة للعائد للحظيرة ايداهور
_ العراقي علاء عبد الزهرة: مهاجم لم يحرز من الاهداف ما يشفع له
_ الشيخ ديوب: تمت ازالته لعدم الكفاءة وعامل السن
_ اليجا تنانا: تمت ازالته لعدم الكفاءة وعامل السن
_ كبير القوم ابالو تمت ازالته لعدم الكفاءة وعامل السن
_اليمني المجنس النونو هرب وارسل جنسيته في مظروف
_ كوني المالي: تمت ازالته لعامل المرض |
شايفك ما جبت سيرة لملك التسخين خلف المرمى أيفياني .............
|
Post: #41
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 01:16 PM
Parent: #39
الاخ فيصل رشوان
| Quote: شايفك ما جبت سيرة لملك التسخين خلف المرمى أيفياني ............. |
ياخي انت ماكفاك البيعملو اعلامكم فيكم برضو بتقتبسوا في مصطلحاتو البخدركم بيها دي
يكفي افياني انه احد ابطال صعود الهلال لدور الثمانية الابطال في ملحمة الغبار بالخرطوم..ولا ماشفتها
ابقوتة العزيز ..فعلا احمد الريح هو الرياضي الالمع حاليا في البورد ونتشرف به دائما
وانت كذلك تحياتي
|
Post: #40
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: abuguta
Date: 05-29-2008, 11:22 AM
Parent: #38
ليتنى كنت محرر صحيفة رياضية
لمددت اقامتى فهدا البوست ليس نكاية فى الاحمر
لكن لان كاتب البوست د..ياسر..مستضيف الرياضى الالمى
احمد الريح
,,,فحقا لان الاستماع والتدوين
|
Post: #42
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 01:47 PM
Parent: #40
عزيزنا ابوقوتة ..الهلالي الاصيل
نحن نستمتع بأقامتك معنا ...فالدار دارك ايها الهلالي الاصيل
واحمد الريح كاتب هلالي مميز له منا التحية
|
Post: #43
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: khaleel
Date: 05-29-2008, 01:54 PM
Parent: #42
يوسف محمد لعاب في الشق الهجومي
لكنه كمدافع غير جيد
object width="425" height="355">
|
Post: #44
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: فيصل محمد رشوان
Date: 05-29-2008, 01:59 PM
Parent: #40
العزيز ياسر
| Quote: يكفي افياني انه احد ابطال صعود الهلال لدور الثمانية الابطال في ملحمة الغبار بالخرطوم..ولا ماشفتها |
طيب ليه ما ذكرتوه مع أبطالك ديل ياخ أنت ما خليت حتى ناس اليجا تانا ولا ديوب مرورا بالزهرة والخ ...
عليك الله زول الزمن البيسخن فيهو أكثر من الزمن البيلعبوا دي داير ليهاإقتباس 
| Quote: يكفي افياني انه احد ابطال صعود الهلال لدور الثمانية الابطال في ملحمة الغبار بالخرطوم..ولا ماشفتها |
فعلا يكفي ...
|
Post: #48
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 08:51 PM
Parent: #44
رشوان انت زعلان ليه
| Quote: طيب ليه ما ذكرتوه مع أبطالك ديل ياخ أنت ما خليت حتى ناس اليجا تانا ولا ديوب مرورا بالزهرة والخ ... |
خليهو قصاد عمو نجاد واحدة بواحدة عشان ما تزعل بس
|
Post: #45
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-29-2008, 04:24 PM
Parent: #1
هذه وجهة نظر مختصرة ومغايرة يا دكتور ياسر، كتبها المريخابي
بدر الدين الفاتح في المشاهد عدد يوم 26 مايو 2008:
|
Post: #46
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 08:42 PM
Parent: #45
الاخ احمد الريح
Quote: هذه وجهة نظر مختصرة ومغايرة يا دكتور ياسر، كتبها المريخابي
بدر الدين الفاتح في المشاهد عدد يوم 26 مايو 2008: |
في انتظار وجهة النظر المغايرة
والي حين وصولها دي استراحة خفيفة
Quote: سبب الظهور الاول الرائع لمحترف الهلال يوسف محمد مع منتخب بلده في المباراة الودية امام النمسا ردود فعل كبيرة في الاوساط النيجيرية والافريقية •• وانهالت الاشادات علي اللاعب من كل مكان واصبح اسما لامعا في سماء بلده •• ومن المرشحين الاوائل لمباراة الاحد المقبل لنيجيريا امام جنوب افريقيا ••
وقام الاتحاد النيجيرى بمنح أى لاعب شارك فى مباراة المنتخب الودية امام النمسا والتى انتهت بالتعادل بهدف لكل مبلغ ألفى دولار عبارة عن حافز بعد الاداء المشرف الذى قدمه اللاعبون تحت قيادة المدرب الجديد شعيبو أمودو ، وذكرت الصحف ووسائل الاعلام النيجيرية أن منتخب نيجيريا استعاد مستواه الذى عرف به فى منتصف التسعينات و وجد يوسف محمد لاعب الهلال اشادة خاصة بعد المستوى المذهل الذى ظهر به و الثقة التى تميز بها أداؤه رغم انه يشارك بجانب نجوم كبار فى المنتخب بقيادة كانو و يوبو و غيرهم وذكر الكثيرون أن يوسف كان أحد ضحايا المدرب السابق الألمانى بيرتى فوغتس الذى كان يرفض ضم لاعب يلعب خارج أوروبا ، هذا وقد وصلت بعثة نيجيريا مساء أمس الى العاصمة أبوجا قادمة من مدينة غراتس النمساوية وحلت بفندق نايكون استعدادا لمباراة جنوب أفريقا يوم الأحد المقبل فى افتتاح تصفيات كأس العالم 2010 و أمم أفريقيا 2010 بأنجولا• |
من صحيفة قوون
|
Post: #47
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: Ahmed Alrayah
Date: 05-29-2008, 08:51 PM
Parent: #1
| Quote: في انتظار وجهة النظر المغايرة |
هناك صورة لمقال بدر الدين الفاتح يا دكتور تحت كلماتي أعلاه.
أهي غير واضحة؟
|
Post: #49
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 10:38 PM
Parent: #1
يبدو أن الخلل في كمبيوتري يا هندسة....سأحاول افتحها من كمبيوتر اخر
|
Post: #50
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-29-2008, 11:09 PM
Parent: #49
صرف ملياري في جيش محترفين جرار بدون فائدة..ولا حد يسأل من وين القروش دي وليه ؟؟؟؟
|
Post: #51
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-30-2008, 03:45 PM
Parent: #50
ينحصر دور اعلام المريخ في الاتي:
_ التطبيل والتضخيم ونفخ البلونات لكل محترف جديد حتي اذا ما اتضح نفاقهم وطلع المحترف فشوش أنتقلوا الي محترف اخر لالهاء الجمهور المخدوع بضحية اخري
_ محاولة التغطية علي فشل ناديهم في صفقات المحترفين بمحاولة التقليل من شأن محترفي نادي الهلال كأطلاق الالقاب ذات اللغة المتدنية والتي غالبا ما تستخدمها الحكامات او في شكل الحريم من شاكلة:
ل
| Quote: ملك التسخين خلف المرمى |
و
ولو ما نفعت القصة ينتقلوا الي الخطة الرئيسية من اللعب خارج الميدان بمحاولة التأثير علي اللاعب وتشتيت ذهنه بمنحه لقب ولدنا بعد مغازلته بكم مليون دولار كدا من ماكينة النقود الحمراء
والاغرب ان كل محاولاتهم طلعت فشوش
ولسة مستمرين وبيحاولوا وجمهورهم المسكين بيصدق لانه هو برضو مخدوع بعد ان رشوا عليه لقب الصفوة لمزيد من التخدير
في جمهور صفوة يتخدع لخمسة اعوام والسادس في الطريق
|
Post: #52
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: على محمد على بشير
Date: 05-31-2008, 07:13 AM
Parent: #51
قائمة بأسماء المحترفين المطاقيش الذين انضرب فيهم الهلال:
1/الكنغولي لوا لوا(لم يلعب أي مباراة مع الهلال وتم شطبه بسبب تواضع المستوى).. يعني نجاد ما براهو!
2/ الإثيوبي الأميرو
3/ الكنغولي أنقيدي
4/ الكنغولي زولو(هرب من جحيم الهلال قبل انتهاء عقده مثل قودوين)
5/ اليمني أكرم الصلوي (لعب مباراة واحدة أمام الخرطوم 3)
6/ الموزمبيقي غابيتو(تم شطبه بعد ارتكابه ركلة جزاء مع العجب)
7/ بيتر جيمس المعطوب صاحب الجنسيات المتعددة!
8/ النيجيري تسخاني أكبر هيتر في الخرطوم حالياً
هل نسيتم هذه الكوامر لتتحدثوا عن محترفي المريخ؟
بالمناسبة:محترف المريخ سعد عطية لعب مباراة ودية مع منتخب بلاده أمام منتخب تايلاند قبل أيام ولم يهتم بها الاعلام المحلى كثيراً مع أن عطية يلعب مع بطل آسيا بينما يلعب يوسف مع منتخب متواضع غادر أمم إفريقيا في ربع النهائي
ومحترف المريخ علاء الزهرة تصدر قائمة هدافي تصفيات آسيا الأولمبية برصيد 8 أهداف ويتم استدعاؤه للعب مع أسود الرافدين بانتظام
|
Post: #53
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: نيازي عبدالله مرحوم احمد
Date: 05-31-2008, 07:23 AM
Parent: #52
تحياتي اولا
لك حق تفرح اصلوا انتو محرومين من الفرحه ليكم زمن
طيب افياني دا لاعب ناجح ماهو محترف برضو
سعيد عطيه والزهره الان مع المنخب العراقي بطل اسيا للعام السابق 2007
شنو يعني لا شئ؟؟؟؟علي الاطلاق ولا تعني شي لكن صحيفة قوون تنجح دايما في ان تفرح الهلالاب وهميا
|
Post: #54
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-31-2008, 10:05 PM
Parent: #53
Quote: وكيل قودوين يكشف الاطراف المتورطة في توتر علاقة اللاعب مع الهلال :-
كشف عبدالودود بوضياف وكيل اللاعبين السويسري الجنسية المغربي الاصل في اتصال هاتفي مع الكابتن منتصف ليلة امس آخر التطورات بخصوص موكله نجم الهلال
النيجيري قودوين وابان بوضياف انه سيجتمع بقودوين في العاشرة من صباح اليوم لمناقشته في الخطوة المقبلة بعد انتهاء فترة اعارته لنادي النصر الاماراتي .. واكد بوضياف ان قودوين وبنص العقد سيصبح لاعب الهلال بعد انتهاء فترته مع نادي النصر الاماراتي لذلك سيحاول ان يقنعه بعدم التشدد في مواقفه تجاه نادي الهلال لانه سيكون ملزما بالعودة لهذا النادي وانه لا يمكن ان يشجعه في توتر علاقته مع النادي الذي يرتبط معه بعقد رسمي.. وكشف بوضياف عن الاطراف التي تسببت في الازمة بين قودوين ونادي الهلال وقال ان وكيل اللاعبين مامادو وشخصيات سودانية رفض الافصاح عنها تسببت بدرجة كبيرة في تحريض قودوين علي الهجوم المتواصل علي رئيس نادي الهلال وقطع الطريق امام اي محاولة للعودة من جديد للسودان ووعد بوضياف بأن يجتمع مع قودوين وان يقدم له نصائح تساعده في المضي قدما في مشواره الكروي.. |
من صحيفة الكابتن
|
Post: #55
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-31-2008, 10:08 PM
Parent: #54
Quote: علمت قوون بان المريخ خلال الفترة الماضية كثف لقاءاته مع محترف الهلال كليتشي والذي ينتهي عقده في ديسمبر، ليوقع معه عقد
انتقال مبدئي مع انطلاقة الفترة التكميلية·· ويتردد بان اللاعب استلم من المريخ جزءا من مقدم العقدالذي اتفق عليه الطرفان··
وتقول المصادر بان المريخ بعد ان فقد الامل في اللاعبين المحليين وكذلك قودوين الذي يمتد عقده مع الهلال وكذلك يوسف محمد الذي رفض مجرد التفكير في الانتقال من الهلال واللعب لاي ناد محلي آخر وتفكيره في الاحتراف الاوربي، جعلت المريخاب يتحركون تجاه كليتشي والذي وقع ضحية الاحتراف وما ادراك ما الاحتراف·· وكان اللاعب قد تفاوض مع الهلال لاعادة قيده·· ولم تتواصل اللقاءات بعد· مما يفسرها البعض بانها مزايدات ومحاولات للضغط على الهلال لرفع سعره، وتعريضه لضغوط واستنزاف ونجومه المحليين الذين ينتظرون التقييم··· |
|
Post: #56
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-31-2008, 10:16 PM
Parent: #55
ومازال المريخ يتفاوض مع الرباعي مهند الطاهر , حمودة , ريتشارد, وعمر بخيت وهذا الاخير افادت اخر المعلومات انه تم عرض مليار ونصف {من فلوس الغلابة طبعا} لتسجيله
طيب يا علي محمد بشير ما اديك اقتراح أنه نلبس ليكم تيم الهلال أحمر وخلاص مادام فاقدين الثقة في تيمكم الكل سنة بتغربلوا فييهو وما نافع....خمس سنوات عجاف والسادس في الطريق
|
Post: #57
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 05-31-2008, 11:07 PM
Parent: #1
Quote: قائمة بأسماء المحترفين المطاقيش الذين انضرب فيهم الهلال:
1/الكنغولي لوا لوا(لم يلعب أي مباراة مع الهلال وتم شطبه بسبب تواضع المستوى).. يعني نجاد ما براهو!
2/ الإثيوبي الأميرو
3/ الكنغولي أنقيدي
4/ الكنغولي زولو(هرب من جحيم الهلال قبل انتهاء عقده مثل قودوين)
5/ اليمني أكرم الصلوي (لعب مباراة واحدة أمام الخرطوم 3)
6/ الموزمبيقي غابيتو(تم شطبه بعد ارتكابه ركلة جزاء مع العجب)
7/ بيتر جيمس المعطوب صاحب الجنسيات المتعددة!
8/ النيجيري تسخاني أكبر هيتر في الخرطوم حالياً |
بالرغم من انو حديثنا عن الاربع اعوام الاخيرة الا انو عشان خاطر اتصالك بكل اصدقائك وتجميعك للستة دي حأرد ليك عليها بالرغم من انو دا تاريخ قديم:
الاول دا الا من راسك ياعلي
الاميرو سمعت بيهو وهو علي خطي طيب الذكر المرحوم يوهانس الذي تذكرونه جيدا وما في داعي لذكر باقي التفاصيل.
أنجيدي محترف ممتاز وقبل امس عرض التلفزيون السوداني لاهداف احرزها انقيدي من ضمنها هدف جميل جدا في مرمي النادي الاهلي السعودي في جدة ودا اكبر دليل علي نجاحه
زولو: ممتاز ومرعب ..أرعب حراسكم بما فيه الكفاية ولم يهرب كما هرب شيكوزي عندما عرضتو عليه الجنسية الهملتوها وبهدلتوها
اكرم الصلوي لاعب صغير السن يرجي منه الكثير الا انه حكاماتكم ردحوا في شهادة ميلاده وعمرو وبمساعدة الاتحاد العام تم تطفيشه ...كنت اتمني مواصلته
غابيتو: طرف يمين ممتاز تم الاستغناء عنه بعد ان تم ايجد طرف اخر وهو داريو كان
بيتر جيمس: لاعب ممتاز ومارسنا معه اقصي درجات الصبر والوفاء الا ان اصابته كانت اكبر
النيجيري الاخير هذا لم اسمع به الا منك
تعديل حرف الطاء في طرف
|
Post: #58
Title: Re: تألق يوسف محمد مع منتخب نيجيريا يؤكد الفرق بين محترفي الهلال والمريخ
Author: yasir Abdelgadir
Date: 06-12-2008, 09:04 PM
Parent: #57
أجمل ما قرأت مؤخرا أن مجلس نادي المريخ اعترف اخيرا بأن تسجيلات اللاعبين للخمس اعوام الاخيرة كانت فاشلة....
ولو بعد خمس سنوات الا انو حاجة جميلة الاعيراف بالخطأ ودي بعتبرها نقطة في صالح النادي...
باقي نقطة واحدة انو اعلام المريخ يلتفت لناديه ويترك نادي الهلال في حاله ويبطل الاعيب العيال ومغازلة لعيبة نادي الهلال في الفارغة والمليانة واللعب من خارج الملعب ...لانو الطريق الوحيد لنيل الممتاز والظهور في دوري الاضواء يبدأ من مصارحة النفس وايقاف خداع الجمهور المسكين والنظر لسلبيات واخطاء النادي بشفافية
|
|