Post: #1 Title: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 00:58 AM
ست سنوات بالتمام والكمال وأنا أرسم لنفسي خطة الوصول براً الى مدينتي بورتسودان ،،،
ست سنوات وأنا أخط على الورق رحلة العمر هذه ،،،
ست سنوات وأنا أرسم فى مخيلتي تفاصيل دقيقة لقادم آت فى المستقبل المجهول ،،،
ست سنوات وأنا أتوق لتوثيق مسيرة رحلتي ما بين الدوحة وبورتسودان لمسافة تمتد لآلاف الكيلومترات ،،،
الفرصة أتتنى أخيرا هذا العام 2008 ،،، وقد تكون بالفعل رحلة العمر ،،،
رحلة تحوي بين طياتها أحلام الشباب إن لم يفتنا هذا الحلم وأعني بها إكمال نصف الدين كما يحلُم الكثيرون ،،،
رحلتى هذه المرة للسودان عبر المملكة العربيه السعوديه قد تكون فأل خير لى لتخطي هذه العقبة وكسر هذا الحائط ،،،
رحلتى تأتى وسط أُنس أألفه للمرة الأولى ووسط صداقات جديدة طرحت زهرها عبر منبر الإنسانية سودانيز أون لاين ،،،
صداقات أعتز بها جدا من بينها وجوه لم أرها حتى الآن وأخرى أحلم برؤيتها والتعرف عليها ،،، وثالثة حزنت كثيرا لتأخر تعرفي عليها ،،،
رحلتى لبورتسودان مدينتي ستكون توثيقا لصداقات قادمة عبر متواليات الأيام ،،، ستكون حلما قادما فى حياة إنسان أضناه البعد عن عشقه السودان ،،،
على بركة الله أغادر أمسية الخميس القادم الموافق 29 مايو 2008 متوجها الى السودان عبر المملكة العربية السعوديه وفى الخاطر أشياء كثيره أسأل الله أن تتحقق ،،،
دعواتكم لى بسلامة الوصول والعوده ستكون ونيسي فى طريق الرحلة الطويل نحو بورتسودان ،،، ونحن معاً على موعد مع التوثيق الكامل لهذه الرحلة منذ لحظة المغادره وحتى العوده بمشيئة الله ،،، قلوبكم معى هى دافعي نحو الهدف المنشود ،،،
مع عظيم محبتي وتقديري وإمتناني ،،،
Post: #2 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال سالم Date: 05-28-2008, 01:39 AM Parent: #1
محمد خليل ,, يازول معجون من صندل ومحلب ,, ياطيب ,,
والله حنفتقدك كتير كتير كتير ,, وأخيرا إتكلموا فوقك ؟ إنشاء الله ربنا يتمم على خير , ومن القلب ليك التهنئه الحاره وتمشى وتجى بالسلامه عشان نمد الافراح من معيذر وحتى جسر البحرين الجديد مرورا بالخور ,, رحله بريه موفقه إنشاء الله . وماتنسى العمره بالله , أصلوا قالوا الحلفاويين دائما بنسوها ,, غايتو العرس لو فى يوليو قطع شك بحضروا ,, بس رسل لينا رقم التلفون من هناك ,, تحياتى وأمنياتى الطيبات ,,[/B]
Post: #12 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 10:52 AM Parent: #2
الزعيم كمال سالم ،،،
يا أول العابرين عبر هذا المكان ،،، كلماتك تنم عن ذوق كبير وحب لا محدود وإحترام دفين ،،، لو كنت اعلم أن مثل هذا الكلام سيقال فى هذا المقام ،،، لقررت السفر منذ زمن بعيد ،،،
ضحكتني والله ،،، مين اللى غشاك وقال ليك إن الحلفاويين بينسوا العمره ،،، ما تصدق يا زول أهلنا أكتر ناس بـ يحجوا ويعمرّوا كمان ،،، والعمره طبعا من الحاجات اللى مودياني بالبر ،،، وربنا يتممها لينا ويقبل قول آمين ،،،
وإنشاء الله ربنا يسهل موضوع العرس ونفرح كلنا مع بعض فى السودان والدوحه والسعوديه كمان ،،، لك التحيه عزيزي وعبرك لأهل بيتك الكرام ،،، وسنكون على تواصل دائم ،،، مع محبتي وتقديري .
Post: #3 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Elsanosi Badr Date: 05-28-2008, 01:47 AM Parent: #1
محمد خليل يا جميل... انشاءالله رحلتك تكون موفقه وغانمه وربنا يلمك في الحبايب وتبل شوقك من عروس البحر بورتسودان... وبالله طلب بسيط عليك الله اطبع لي قبله علي جبين بورتسودان تلك المدينه الرائعه كما اهلها...
Post: #4 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 05-28-2008, 05:43 AM Parent: #3
الأخ محمد خليل االأخ محمد خليل اتمنى لك سفرة سعيدة بين وديان ووهاد نجد و الحجاز مرحبا بك في عسير ان كان لديك وقت فستنقلب رحلتك من رحلة العمر و العمرة الى رحلة العمرين . غدا الجمعة زواج الأبن اسامة الدرديري .......ببورتسودان وطالبناه بالتأخير لأن حضورنا في يوليو... ولكن ظروفه لم تسمح وأظنك ما حا تحصلو. امنياتنا التعويض بكم وربنا يتمم على خير مرحبا بأخبارك من الثغر" و أكيييييييد صور"
Post: #18 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 12:48 PM Parent: #4
العزيز ذو المقام الكبير محمد الشيخ ،،،
تحياتي لك من دوحة الخير لتصلك وسط جبال عسير البهيه ،،، تمنيت أن يكون الطريق يسير عبر ذلك الدرب حتى أمتع عيني برؤيتك ،،، لكن الأيام القادمة بمشيئة الله ستمتعنا بهذا اللقاء ،،، حاولت قبلك مع أسامه الدرديري عشان يأجل الزواج حتى أتمكن من الحضور ،،، لكن إظاهر إنى حأحصل توابع هذا الزواج من صبحيه ورحلات وخلافه ،،،
أتمنى إننا نتلاقى فى لحظة خير وسعاده ،،، وأكيد التوثيق سيكون بالكلمه والصوره لكل تفاصيل الرحله ،،،
مع عظيم محبتي وتقديري .
Post: #14 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 11:14 AM Parent: #3
العزيز السنوسي بدر ،،،
أشكر لك كريم الدعاء بسلامة الوصول ،،، لو تعرف مدى شوقى لمدينتي الأم بورتسودان لكنت قطعت الفيافي لمرافقتي الى هناك ،،، اتمنى أن نلتقى فى لحظات خير وسعاده ،،، تأكد أن القبلة الأولى لمدينة الثغر الباسم بورتسودان ستكون لك ،،، والثانيه عليك تمنياتي أن تكون بخير وعلى خير ما يكون ،،،
لك عظيم ودي وتقديري.
Post: #5 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 05-28-2008, 05:50 AM Parent: #1
الله معك ودربك اخضر يسهل طريقك وينور دروبك ويجمعك بمن تحب تبل شوقك الجميع سينتظرك عصام الجيلي وحسين عوضاي في المنطقة الشرقية الريس ابو جهينة وعلاء تمبس وهاشم خلف الله وابوقصي وعبد السلام ابو شنب وجميع بورداب الرياض البطحاني الموقوف موقتا عمر الفكي في مكة اجمل بورداب في المدينة المنورة واخيرا بورداب جده ( عروس البحر ) وشقيقة بورسودان وفي سواكن ستجد الحبيب ابوبكر علي ينتظرك عند البوابة ليزفك الي عشقك الابدي بورسودان حيث تجد في انتظارك العزيز اسامه دهب وبقية بورداب بورسودان يابورداب طريق الرحلة جاييكم زول جميل في زمتكم وفي رقبتكم لامن يصل اهلوا وانتوا اهلوا لانزكيك علي احد ولكن منذ ان عرفناك عرفنا معني الاخوة الحقة سنتابع معك خطوات هذه الرحلة الميمونة باذن الله وستجدنا معك خطوة بخطوة حتي تعود سالما غانما بالعمرة المقبولة وملاقاة الاهل الطالت والزواج السعيد باذن الله سنتواصل
Post: #22 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 01:32 PM Parent: #5
يا زول ده شنو ده ،،، ما كسرت (ضهرنا) عدييييل كده ،،، عليك الله الكلام ده ما بيقص الضهر قص كده ،،، عقدتونا بالحيل يا أخ الرجال ،،، إنشاء الله يوم شكركم ما يجي ،،،
والله الواحد سعيد بشكل يا هارون عشان هو محاط بحب الناس الطيبين ديل ،،، أتاري سودانيز أون لاين دى لامه الطيبه والجمال والناس السمحين ،،، الواحد ما عارف يقول شنو ،،، إحساس جميل جدا من الإلفة والمحبه والترابط ،،، شعور ما بيحس بيهوا إلا الواحد اللى قاعد فى نصوا وأنا الآن فى نص الدايره ،،،
طبعا الرحله سيكتمل ألقها بلقاء البورداب فى كل مكان عبر الطريق الطويل ،،، و زى ما قلنا توثيق بالكلمة والصوره لرحلة العمر والتى أتمنى أن تكون كذلك ،،، طبعا الزاد الوحيد لهذه الرحله هو الدعاء الصالح والتمنيات الطيبة بسلامة الوصول والعوده ،،، و طبعا دى ما أظن إنكم حـ تبخلوا علينا بيها مش كده يا شباب ،،، لك التحية أخى هارون وعبرك لأهل بيتك الذين أتعبناهم بالأمس وسط تلك الوليمة الدسمه ،،، ما تفتحوا خشومكم كده ،،، الوليمه رااااحت ،،، قراصه حاره بملوحة دناقله وحاتكم ،،، الناس ما كان عايزه تقوم من مكانها ،،، بس تقولوا شنو ،،، الكرعين تعبت تب ونمّلت كمان ،،، شفتوا ده هو الشديد القوى اللى قومنا من مكانّا ،،،
مع عظيم محبتي وتقديري .
Post: #6 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: essam&amal Date: 05-28-2008, 06:28 AM Parent: #1
معقول قبل ما تتحرك من الدوحة وقبل ما تصل بورتسودان الخرطوم نورت كده ؟ مراحب بالزول السمح ود اهلى السمحين آل حلفا اعز اصدقائى واصدقاء المرحوم ابو وضاح حلفاويين قمة فى كل شىء واصله الرقى والحضارة حقتهم امسك راسك يا زول تحيانى من هنا لعادل شريفة وعصام ود ناس طلسم الاصيل ومنى محجوب والقائمة طويلة تحياتى لكل حلفاوى بالامارات ام وضاح
Post: #7 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 05-28-2008, 09:19 AM Parent: #6
Quote: ولكن منذ ان عرفناك عرفنا معني الاخوة الحقة
Post: #8 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ebrahim_ali Date: 05-28-2008, 09:47 AM Parent: #7
الحبيب محمد تحياتي وسلامي تصحبك السلامة في حلك وترحالك اجازة سعيدة ورحلة موفقة وزواج مبارك مقدماً وحياة زوجية سعيدة وفي انتظار التوثيق الصوري لهذه الرحلة المباركة وانتظرنا في بورسودان قريباً وايضاً عبر السعودية بإذنه تعالى
*خارج النص وياريت لو تزودنا بجميع المعلومات والأشياء المطلوبة في السعودية وبورسودان لافراج مؤقت 2008 هاي لوكس واسعار الشحن والباخرة وكيفية تأكيد الحجز ياريت بعد ما تصل وتعرف دا كلو وتزيد من عندك اي معلومات اخرى وفي رعاية الله
Post: #10 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 05-28-2008, 10:09 AM Parent: #8
الزميل العزيز محمد خليل ساني
يا اخي تصل بالسلامة ومبروك مقدما
ووصيتي ليك ان تتعامل بحذر شديد مع الطريق من تتحرك من قطر الي اخر نقطة الوصول لانو انت عارف
كم فرح تحول الي دموع ومآسي واحزان ربنا يحفظك ويتولاك
ضروري تحرم للعمرة من ميقات السيل وهو في طريق الرياض مكة المكرمة
وعند وصولك لمكة يمكنك الاتصال بي علي جوال 0551971622 انا ساكن في مكة باسرتي .
Post: #33 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 01:41 AM Parent: #10
الزميل الغالي عبداللطيف السيدح ،،،
لك ودى وتقديري من على البعد حتى اللقاء فى أعظم بقعة على وجه الأرض ،،، سعدت كثيرا بكلماتك ونصائحك الغاليه فى طريق السفر الطويل ما بين الدوحة وجده ،،، إنشاء الله سأتبع التوصيات والتعليمات حتى الوصول سالما لمحطة الختام بورتسودان مدينتي ،،، العمرة من الأسباب الرئيسة التى دفعتني للسفر عبر البر لذا كانت رحلة العمر هى العنوان الأمثل ،،، يا ليتنا نجمع بين العمرة وليلة العُمر ،،، حتى ننعم بخير الدارين ،،، اشكرك كثيرا على دعوتك الكريمة لى فى مكة المكرمة وتحياتي عبرك للأسرة الكريمة وإنشاء الله سنكون على إتصال دائم معكم حتى ننعم برؤيتكم الكريمه ،،، تم حفظ الرقم ايها العزيز السيدح ،،،
مع عظيم محبتي وتقديري ،،،
Post: #11 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عصام دهب Date: 05-28-2008, 10:11 AM Parent: #8
مرحباً بك يا محمد و أسال الله تعالى أن يوفقك و يحفك بعنايته ..
وآمل أن نلتقي فور وصولك إلى جدة أو مكة ..
عصام دهب 0503639124
Post: #34 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 01:50 AM Parent: #11
قريبي وبلدياتي عصام دهب ،،،
هِلّو ،،، ويفيييينا ،،، لك مودتي وتقديري الكاملين على مرورك الكريم ،،، دعواتكم لنا ستكون هى الغمامة التى ستحفظنا حتى سلامة الوصول ،،، أشكرك على شعورك الطيب نحو رحلتى ال الثغر الباسم بورتسودان ،،، بالتأكيد ساقوم بالإتصال بك متى ما وصلت الى مكة المكرمة أو جده للتعرف عليك وعلى بقية البورداب ،،، آفيه لغو ،،، مع عظيم تقديري وإمتناني .
Post: #32 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 01:17 AM Parent: #8
الحبيب إبراهيم على ،،،
تسلم على الكلمات الطيبه ،،، دعواتك ستكون زادي فى رحلتى نحو بورتسودان مدينتي ،،، إنشاء الله سيكون الود ممتدا بيننا فى كل سكناتنا وخلجاتنا ما كان فى العمر بقيه ،،، التوثيق سيكون حاضرا بمشيئة الله فى رحلة العمر كما أسميتها بس إنت تابع معانا ،،، بورتسودان فى إنتظارك متى ما حضرت عبرها وستجدني فى إنتظارك فى الميناء مع حبيبنا أبوبكر على ،،،
داخل النص ـــــــــــــــ
المعلومات ستكون عندك حاضره عبر هذا البوست متى ما توفرت فقط الرجاء إعلامي بمواعيد الإجازة والسفر ،،،
Post: #9 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: رشا سالم Date: 05-28-2008, 10:05 AM Parent: #7
Post: #13 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 05-28-2008, 10:59 AM Parent: #9
والله الا اشتكيكم لاحمد دهب والله زميلي زكريا حامد في السودان
Post: #36 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:04 AM Parent: #13
يا أخوانا إستهدوا بالله كده ،،،
مالكم دخلتوا فى أبغض الحلال وإنتو فى أطهر بقعة على وجه الأرض ،،، أشكركم على شعوركم الطيب تُجاهى ،،، ويكفيني والله هذا الإحساس الرائع ،،، أراكم على خير ،، مجتمعين ،، متحابين ،، متماسكين ،، متمسكين بكل درر الخير ،،،
مع عظيم محبتي وتقديري.
Post: #35 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 01:57 AM Parent: #9
الأخت رشا سالم ،،،
لك تقديري وإحترامي ،،،
أشكرك على تزيينك للبوست بكل هذا الجمال ،،،
مرورك أضفى ألقا من نوع خاص لرحلة العمر ،،،
دعواتك لنا بسلامة الوصول والعودة بمشيئة الله ،،،
Post: #28 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 04:22 PM Parent: #7
محمد الطيب الزول الزين ،،،
إقتبست أحلى جمله من أحلى مداخله ،،، تسلم وتسلم أيامك ،،، أكيد عندك كلام كتييير فى البوست ده ،،، عارف ليه ،،، لأنى ما بصدق إنك بترمي الكلمه دى ،،، وبتقعد بره لفتره طويله ،،، عارفك راجع بى روااااقه ،،، دائما معودني على المقالب اللى زي دي ،،، بس دعواتك القلبيه وصلتني من زماااااان ،،،
مع عظيم ودي وتقديري .
Post: #27 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-28-2008, 03:31 PM Parent: #6
العزيزه أم وضاح ،،،
يدي فوق راسي من قبيل لحدي الآن ،،، كلامك سمح بالحييييل ،،، يعطيك العافيه ،،، ما أصلو الكلام الزين فصّلوه عليكم تفصيل ،،، الخرطوم والسودان منور بوجودكم ولأنكم حته منّو ،،، حلفا هى الأصاله والخلق الرفيع وكل الحاجات الجميله ،،، عشان كده ما غريب إنه زوله رائعة زيك يكون القريبين منها من حلفا ،،، لك التحيه والتقدير ،،، وألف حمدالله على السلامه وقدّر ولطف ،،، والحكايه تِمامتها لمن ربنا ييسّر لينا الشوفه ،،،
كونى بألف خير وعافيه ،،،
Post: #15 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال عكود Date: 05-28-2008, 11:22 AM Parent: #1
الله يوصلك بالسلامة يا أستاذ محمد
والرحلة هذه ممتعة أنا باقي جربتها أكتر من عشر مرات
وأنت كمان بتكون معاك ساهلة جدا لانك نصف المسافة بالنسبة لنا أي بورتسودانت بس تتلب البحر نحن بعد داك نمشي قدر المسافة من هنا إلى بورتسودان تقريبا
ومن ميزات الرحلة دي يا اخ محمد أنه فيها عمرتين ماشي جاي وفي وقت ما فيه زحمة ولا أروع منها
وإذ تحتاج أي استشارة انا جاهز لانه اخوك من سنة 90 ولا هسع مشي بالطريق دا اكتر من عشر مرات
Post: #37 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:16 AM Parent: #15
تسلم أخى كمال عكود ،،،
نصائحك ودعواتك هى الزاد فى هذه الرحلة الطويله ،،، طبعا الواحد بيستفيد من تجارب الآخرين خاصة فى مثل هذه المواقف ،،، بالتأكيد بورتسودان هى الأقرب من بين كل مدن السودان عدى مدينه سواكن بالتأكيد ،،، وأحمد الله أن غيّض لنا بالطريق عمرتين فى الذهاب والإياب ،،، دعواتك لنا بالتوفيق ،،، اشكرك على أريحيتك وثق سأتصل بك متى ما احتجت لأي مساعده أو إستفسار ،،،
لك مودتي وتقديري .
Post: #16 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: شهاب الفاتح عثمان Date: 05-28-2008, 11:56 AM Parent: #1
حملناك الامل وامنياتنابالســلامه وديعــه ..
ومعـــاك سرنــا بسم الله ..
Post: #17 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 05-28-2008, 12:28 PM Parent: #16
الاخ العزيز سانى
الف الف مبروك يا صاحب وربنايتمم على خير .
اها كيف اجيك فى منفذ سلوى الحدودى ولا انتظرك فى الدمام غايتو انا الخميس اوف يعنى ما عندى دوام ...
ياخى كان كملت الناقصه وتجيب معاك محمد الطيب . على العموم عصام الجيلى قال ليك لوما جيت الدمام شيل شيلتك ( مش الشيله ديك ) عااااااااارف راسك ضارب .
تلفوناتى معاك وكذلك دعواتى بسلامة الوصول .
منتظرك تحدد الخميس ولا الجمعه .
حسين
Post: #49 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 01:19 AM Parent: #17
الحبيب حسين عوضاي ،،،
يا أصدق من لم تراه عيناي حتى الآن وتتوق لرؤيته فى كل وقت ،،، لك التحية والود والحب والتقدير من أرض الدوحة الطيبه ،،، الحكاية تأخرت يا حبيب نتيجة لظروف قاهره ونسأل الله أن يقدر لنا الخير أينما كنا ،،، بالتأكيد عزيزي عوضاى سنكون على موعد للتلاقي فى الدمام لنجتمع مع كل الأحباب هناك وفى مقدمتهم الرائع عصام الجيلي ،،، يا ريت محمد الطيب يكون معاى فى الرحله دى بس الراجل مطنش الموضوع خالص ،،، قول لعصام الجيلى ما تشيل هم ،،، شيلة العروس ،،، شيل شيلتك ،،، أو أى شيلة تانيه ،،، سأكون بمشيئة الله معكم والتفاصيل معكم أول بأول ،،، إنشاء الله بعد المستجدات الأخيرة السفر سيكون مساء الأحد القادم بمشيئة الله ،،،
مع عظيم محبتي وتقديري .
Post: #38 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:20 AM Parent: #16
الدكتور شهاب الفاتح عثمان ،،،
لك من الود مثنى وثلاث و رباع ،،، أشكرك على دعواتك وعلى ما جمّلت به البوست من روائع ،،، دعواتكم ستكون رفيقى بمشيئة الله فى رحلتى الذهاب والإياب ،،،
مع عظيم مودتي وتقديري.
Post: #19 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: البشير دفع الله Date: 05-28-2008, 12:56 PM Parent: #1
العزيز العريس المرتقب محمد خليل ساني
لك التحية والود
وموفق باذن الله
أدعو لك باتمام ما تريد على خير
ان كان خط سيرك يمر بأبها وخميس مشيط فأدعوك لزيارتي والراحة والاستجمام
جوال 0509117517
كل الود
Post: #21 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 05-28-2008, 01:26 PM Parent: #19
كان من المفترض أن أكون الخميس و الجمعة في الرياض لكن الله غالب , ولكن دا تلفون هشام الدرديري في الرياض 0509278571
Post: #39 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:26 AM Parent: #19
العزيز البشير دفع الله ،،،
حمدالله على سلامة الوصول ،،، لك كل تقديري وإمتناني على دعوتك الكريمه ،،، مرورك أسعدني كثير وهذا ينم عن أصالة المعدن والدواخل ،،، إنشاء الله سيكون لقانا قريبا فى مساحات أرحب ،،، تاكد متى ما توفرت الفرصة ستجدني معك فى أبها البهيه ،،،
مع عظيم ودي وتقديري .
Post: #20 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Alsa7afa_30 Date: 05-28-2008, 01:25 PM Parent: #1
Post: #23 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Tragie Mustafa Date: 05-28-2008, 01:37 PM Parent: #20
محمد كيفنك؟؟ وان شاء الله رحلة موفقة وتصحبك السلامة واحذر السواقه وانت نعسان او مرهق لازم تنتبه زي ما وصوك ناس كثر هنا.
وضحكني كمال سالم القال:
Quote: ,, غايتو العرس لو فى يوليو قطع شك بحضروا ,
كمال سالم انت قنعان من روحك؟؟بورتسودان في ويوليو؟؟!! يازول عايز تبقى فسيخ؟؟ دي بلدنا ونحن بنعرفها حدك سنكات لو فكرته تتحاوم بهناك في ويوليو وبنات بورتسودان ذاتهم ما بيحبوا يعرسوا في ويوليو..لان العروس ومعازيمها كلهم بكون مكياجهم سائح من كثر الحر
يا اخي عرس في اكتبور نوفبمر ديسمبر...لكن يوليوي ...لا الا كان في السعوديه معليش!
Post: #24 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 05-28-2008, 01:57 PM Parent: #23
يا تراجي انتي من زمن حر بورسودان الزمان داااك بتاع السبعينات ياحليلك ما سمعتي بالتغيرات المناخية و السنة الفاتت المطرة كسرت ديم جابر وهمش كموش. يعني اتساوت الكتوف مع ناس الخرتوم واتبرة. بعدين ودساني راجل مغترب ممكن يأجر صالة مكيفة من صالات الجماعة الطيبين وكدى. اسجل لك صوت لوم لعدم حضورك للعزاء في بوستي بتاع عادل أمام.واحد صاحبي قال لي غايتو كان مرقت من تراجي تاني ما بتجيك عوجة. (بالمناسبة تراجي هي أول من رحب بي على المنبر عشان كدى ما بنساها
"كل ديل وكفاحا")
Post: #41 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:38 AM Parent: #23
الأخت العزيزه تراجي ،،،
شكرا ليك على مرورك اللطيف ودعواتك النابعة من القلب ،،، والله لو تعرفي مقدار السعاده اللى حاسس بيها بعد دخولك على البوست ،،، دعواتك زاد الطريق ،،، وياريت لو تكترى منها يا تراجي ،،، كمال سالم داير يجامل بس ما عارف إنو شهر يوليو ده بيتلتل ،،، جنس جرسه وسخانه ورطوبه ،،، عشان كده حبيت أمشي بدري نوعا ما حتى ألحق آخر الأيام الحلوه ،،، والله إنت عارفه يا تراجي دى حكايه عويصه جدا حكايه الميك آب ده والسخانه ،،، والله ضحكتيني شديد جدا ،،، ما إنتى عارفه حال البلد والمناخ فى يوليو ،،،
مع عظيم تقديري وإمتناني.
Post: #40 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 02:29 AM Parent: #20
متى ما ذُكر الإبداع تجد هذا الفتى المترع بالجمال ،،،
لك ودي وتقديري عزيزي حسامو على هذا الإختيار الموفق ،،،
كنت محتار وقلت لو صحافه 30 حاول يمر من هنا راح ينزل أيه ،،،
ما خيبت ظني ،،، والإختيار كان موفق جدا ،،،
والله يا حسام ما عارف أيه حكاية توارد الخواطر اللى ماشيه فى البلد اليومين دوووول ،،،
لك عظيم إمتناني .
Post: #25 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 05-28-2008, 02:29 PM Parent: #1
محمد خليل رحلة سعيدة وبعيدا عن طلاقات ناس مكة ... انا منتظرك في جدة واوع من الزوغان والتثنية حتجيك من اولاد عوضاي، وبعدين في جدة مخبازة خطيرة حتنافس ديم سواكن كلها . في انتظارك ياحبيب والتلفون عندك.
Post: #26 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال مبارك Date: 05-28-2008, 03:13 PM Parent: #25
يا حبيب تصل بالسلامه
لازم تأخذك حذرك فالطريق من الهفوف الى الدمام والخبر به أصلاح وغير
واضح ومظلم ،، أتمنى ان يكون حضورك قبل الظلام ،،،
ان واجهت اى متاعب ،، فقط ،،، أركن واتصل ع رقمى هذا 0542284109 ،،
وفى أنتظارك بالسلامه انشاء الله
Post: #29 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: معتصم ود الجمام Date: 05-28-2008, 04:59 PM Parent: #26
العزيز ساني تحاياوود
اكيد ناوي تزور الرسول ... تعال المدينة المنورة ستجدني في انتظارك تلفوني مرسل لك في المسنجر لك عامر المحبه ...تلفون بكري تعال المدينه بديك لهيو بالمناسبه هو في الميناء تلاقهو قدامك طوالي
Post: #61 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 02:15 PM Parent: #29
العزيز معتصم ود الجمام ،،،
لك كل الود والترحاب ،،، يعطيك ألف عافيه يا بطل على التحيه والمرور الكريم ،،، إنت عارف عملت لينا أجمل حاجه ،،، طلعت لينا أبوبكر على من مخبئه السري ،،، إنشاء الله ربنا يجيبنا من هناك ،،، ونتمتع بشوفتكم ،،، يعطيك ألف عافيه يا جميل وخليك قريب ،،،
مع عظيم محبتي وتقديري.
Post: #52 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 01:59 AM Parent: #26
العزيز كمال مبارك ،،، الرجل المبارك ،،،
اشكر لك شعورك الطيب تجاهى وتجاه رحلة العمر ،،، سأكون حذرا بمشيئة الله طوال الطريق خاصة بعد التوصيف الدقيق الذى سردته فى هذه المداخله ،،، تأكد سأتصل بك فى كل الأحوال سواءا للمجاملة أو السؤال عن معلم من المعالم ،،، شكرا لشعورك الطيب تجاه رحلتى الى بورتسودان ،،،
إنشاء الله سنلتقى ما دام كنا جزءا من هذا المنبر الكبير ،،،
Post: #51 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 01:40 AM Parent: #25
عزيزي كمال إدريس الرجل الزين ،،،
يا زول الله مشتاقلكم بشكل ما تتخيلوا يا رجل ،،، الواحد سعيد جدا إنه حيلاقي الوجوه الطيبة الحلوة فى طريق الذهاب الى بورتسودان ،،، يا زول أقوليك شنو ،،، أيه حكاية الطلاقات الى ضربت دي ،،، إنت عارف أنا مغادر السودان عشان أحاول إكمال نصف الدين وجماعتك ديل دايرين يحلفوا يطلقوا ،،، وياريت يكون طلاق رجلين بس لا غير ما تنسي تجهزّ لينا مواعيد فتح وإغلاق جميع محلات المعصومه فى جده ،،، عشان نعرف نوقّت الموضوع صااااح ،،،
مع عظيم محبتي وتقديري .
Post: #30 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: james Date: 05-28-2008, 05:17 PM Parent: #1
Post: #31 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عصام الجيلي Date: 05-28-2008, 09:12 PM Parent: #30
العزيز ولد ساني ... تحيّة عابقة بالاحترام أقدّمها لكَ من سماء مدينة الدمام آملاً أن تصلها وأنت بألف خير . ( ونحن في الإنتظار) ... وأتمنى لك رحلة سعيدة وموفقة بداية من ديار زايد مروراً بديار آل سعود وإقامة طيبة في ديار الثورية تراجي مصطفي ... حيث أهلك وناسك الذين يَعُدّون الأيام بالساعات انتظارا وترقبا...
ومبروكـ مقدمـأ ياسيدي ...
Post: #42 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 05-29-2008, 08:11 AM Parent: #31
سلامات للجميع
والله الواحد طول من المنبر خالص
انشاء سنوافيه و قت الوصول, ياسانى وافينا بموعد مغادرتك لجدة
و زى ماقالليك معتصم الجمام بتلاقينى قدامك على الرام بتاع الباخرة
الاجواء فى سواكن جميلة و باردة نسبة الرطوبة قليلة جدا
و لكن يندر تواجد الاسماك على السواحل فى هذا الوقت من السنة
احد الاخوان سأل عن معلومة الافراج المؤقت لسيارة موديل 2008 بس اسال و ارجع ليك
تحياتى للجميع
ابوبكر سواكن
Post: #43 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عادل التجانى Date: 05-29-2008, 10:10 AM Parent: #42
بالسلامه يا ساني
وسلم على كل وجه سوداني يقابلك في الطريق الجميل
وعند وصولك لبورتسودان سلم لي على الأخ الشاعر الجميل / محمد عبد الله محمد بابكر من اتحاد أدباء بورتسودان .
وما تنسى الملوحه (قال ملوحه قال) الغشه الدخلتنا في بيت صاحبك الدنقلاوي الرائع (هارون) الشبع الطير والحديه وكمان عمل (دلفري) ملوحة لي بيت صاحبك ود القريش (تركين)
يا صاحبي قدر ما شربت مويه ما رويت يا كافي البلا الحصل دا شنو والحمد لله بقت علي العطش وما لخبطت البطن
لكن بيني وبينك صاحبك هارون دا زول كريم بس عيبو الوحيد (بتو النجاضة .. داخله ومارقه ... فيناحتى كدت أن أقول أنها عروس المستقبل لي صاحبنا صحافه) .
يلا سلم على جميع الأهل
لخبطت ليك البوست كلو (بالملوحه)
تاني لو إنتو رجال نادوني لي ملوحه وأنا حا أعلن عن الملوحة الشايله في سيارتك
Post: #45 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 05-29-2008, 10:28 AM Parent: #43
استاذ الجميع / عادل التجاني اولا : مازالت اركان منزلنا المتواضع تتمايل طربا لتشريفك لنا... ومااحلي ساعات اللقاء عادل التجاني معتز القريش محمد الطيب حسن حسام الدين ( صحافة 30 ) الاخ ناجي حمزة الاخ خالد دياب والمحتفي به الرجل الجميل محمد خليل ساني مع اتصالات جميلة وطويلة من كل من الحبيب / عصام الجيلي الحبيب / حسين عوضاي الرائع / حاتم جيمس مع بعض الاتصالات المتفرقة من الزعيم / كمال سالم وكانت ليلة من ذات الليالي تشريف ساذكره دائما وانتم بمعيتنا. وبي زيارتك بيتنا نور .... ولازلت اردد كم اسعدتني زيارتك وتشريفك لنا ايها الحبيب الغالي ادام الله المعروف بيننا ووثق اواصر المحبة بين الجميع ونتلاقي قريبا لنفرح مرة اخري بالزميل العزيز ساني وهو متابطا يد شريكة حياته . وقال ملوحة قال....! والملوحة ياعمك في انتظارك دائما وساني لمن يرجع بي السلامة يجيب معاه مؤنة سنة . وجه ينطق بالفرح كل الود هارون دياب
Post: #65 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 03:54 PM Parent: #45
تسلم يا سيد الناس على الكلام الطيب ،،،
والله فعلا بيتكم بيت كرم وطيبه وحنيه ،،، الأريحية اللى إستقبلتونا بيها ما بتجي إلا من ناس هم أصحاب الكرم والجود ،،، شكرا لهذا البيت العامر على هذا الكريم الفياض ،،، و زي ما وعدت عادل التجاني اللمه الجايه إنشاء الله تكون فى بيتكم وبى ملوحتنا الطازه من السودان كمان ،،، تحياتي عبرك لأهل بيتك العامر ،،، بدءا من الصغير الأمور حتى أم مفراكه حديد طيبة الدار ،،،
مع عظيم تقديري وإمتناني .
Post: #64 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 03:48 PM Parent: #43
الزول الرائع بروعة الأيام عادل التجاني ،،،
آآآآآآه لو تدري مدى التقدير والإحترام الذى أكنه لشخصك الكريم فى دواخلي ،،، والله العظيم ضحكتني بشكل ما تتخيلوا ،،، مالك والهضربه دى يا زول ،،، ما دام بقت على العطش بس هينه الحكايه ،،، بس بى كلامك ده إظاهر الحكايه ما قصة عطش بس ،،، الحكايه أكبر من كده ،،، ياااخ إنت فتيت أى حاجه فت ،،، ما نسيت حاجه ما قلتها ،،، قلت الحمدلله الحكايه وصلت للنهايه وما راح تجيب سيرة الملوحة اللى فى الضهريه ،،، لقيتك وإنت ماااري على الختام وبتّودع المداخله ،،، جبت السيره ،،، شفت كيف ،،، قال عطش قال ،،، متأكد إنه عطش بس بعد ده ،،، والله العظيم كانت جلسه جميله جدا ،،، سعدنا بالطبع باللمه الحلوه دى ،،، ويااااريت تتكرر تاني يا صِحاب ،،، محتاجين زي اللمات دي تاني يا شباب ،،، أسعدتني كلماتك جدا جدا يا راقى إحساسك ،،،
مع عظيم مودتي وإحترامي وتقديري.
Post: #63 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 03:34 PM Parent: #42
الحبيب أبوبكر على ،،،
الحمدلله معتصم ود الجمام قدر يطلعك من مخبئك السري ،،، مالك كنت بعيد مننا كده وما قاعد تدخل المنبر ،،، سألنا عليك كتير فى تجى تتعرف يعقدوا ليك وبرضو ما فى فايده ،،، الحمدلله إطمئننا على إنك بخير وبصحة وعافيه ،،، إنشاء الله سأعلمك بتفاصيل الرحله أولا بأول سواء عبر هذا البوست أو عبر الهاتف ،،، بعدين تعال هنا يا زول ،،، شنو حكايه الأسماك اللى مافى دى ،،، إنت عايز تهرب من عزومة السمك الكاربه ولآ شنو ،،، على العموم العزومه سيك سيك معلقه فيك ،،، يعني مافى مهرب يا ماااان تسلم على المرور الكريم وإنشاء الله سنلتقي على الخير والمحبه ،،، سؤال برئ جدا يا أبوبكر ،،، جهّزت لى العروسه تحت السلم ولآ طنشت الموضوع ،،،
مع عظيم محبتي وتقديري وإمتناني.
Post: #62 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 03:01 PM Parent: #31
الحبيب عصام الحاج ،،،
أولا سعدت كثيرا بمحادثتك عبر الهاتف قبل أن نتمتع برؤيتك الكريمه ،،، طبعا البلاد منوره بوجودكم ،،، ونورها بيزيد بحاجاتكم الجميله اللى بتستقبلوا بها الزوار ،،، من دار آل ثاني سنتحرك لكم إنشاء الله الى دار آل سعود يوم الأحد ،،، وربنا يكتب السلامه ،،، وطبعا أجمل ما فى هذه الرحله وفى طريقها الطويل قبل الوصول لمكة المكرمة هو رؤيتكم والتعرف عليكم عن قرب ،،، وربنا يديم هذه المعرفه ويديم المحبه والتواصل الأخوي الصادق ،،،
مع عظيم تقديري وإمتناني .
Post: #66 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 04:04 PM Parent: #62
العزيز عصام الجيلي ،،، العزيز حسين عوضاي ،،،
على فكره المداخله اللى فوق دى مقصوده وبالاسم ده بالتحديد ،،، عاااارفين ليه لأنه أخونا عوضااااى أمبارح طول الليل شابكني عصام الحاج قال وعصام الحاج فعل ،،، طوالى قمت أعدل ليهو المعلومه وأقول ليهو اسمه عصام الجيلي ،،، يجى تاني يقول لى عصام الحاج ،،، قلت عوضاي ده صاحبي وما فى طريقه تجيب سيرة الموضوع ده تاني إلا بالكلمه دى ،،، ضحكت فى سري وقلت خلاص حأعملها بس تانى رجعت غيرّت رأيي وقلت يمكن عصام الجيلي يزعل ،،، وفى النهايه نزلت زى ما فكرت فيها أول من غير ما أقصد شيخك قوى يا حبيب ،،، وده عشانك يا ود الجيلى عشان تشوف صحبك الجديد عوضاي بيقول شنو
مع عظيم محبتي وتقديري.
Post: #81 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عصام الجيلي Date: 06-01-2008, 07:25 PM Parent: #66
Quote: أخونا عوضااااى أمبارح طول الليل شابكني عصام الحاج قال وعصام الحاج فعل ،،،
تقطعوا فوقي سااااااي كويس والله خففوا لينا الذنوب العلينا دي ...
ـــــــــــــــــــ ولد ساني صاحبك عوضاي راكبها مبنشرة
Post: #53 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 02:06 AM Parent: #30
الحبيب جيمس ،،،
دعوة موجزة تحمل كل ما نتمنى أن يكون عليه الحال ،،، سعدت بالتحدث إليك عبر الهاتف ،،، افرحتني أريحيتك بكل تفاصيلها ،،، كنت أتمنى أن نلتقي وجها لوجه فى دورة الحياة الصعبة ،،، وأكييييد الملوحة الجايه بعد العودة ستكون عندي أنا بعد إكمال نصف الدين ،،،
مع عظيم محبتي وتقديري .
Post: #44 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عادل سهل Date: 05-29-2008, 10:24 AM Parent: #1
إذن ستفتقد الدوحة صديق المشاهير
رحلة موفقة يا محمد يا راجل ياظريف ولازم تجلس معى لتأخذ " الهدايات " وتستفيد من خبرة أربعة سفرات مماثلة
خاصــة أننى بدأت الآن الإعداد للخامسة
أى أنتم السابقون ونحن اللاحقون
وإن شئت نحن على الدرب سائرون
وقبل ما يجوا " الذين يحرفون الكلم عن موضعه " درب السفر ومش درب العرس ياسانى ( وبنا ما بنا لذاك من أشواق )
تمشى وتجى بالســـلامة . . . يا حمــادة مع الســـلامة
Post: #46 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-29-2008, 11:23 PM Parent: #44
شيخ العرب عادل سهل ،،،
لك التحايا يا عزيزي الغالي على كلماتك ودعواتك بالخير وسلامة الوصول ،،، طبعا الخبره منكم وأنتم أصحاب الريادة فى هذا الأمر ،،، كنا منتظرين مجيئك فى الفروسيه مساء اليوم خلال الجلسة الودية الحلوة التى جمعتنا جميعا نحن ومجموعة من البورداب ،،، تمنيت فعلا أن تكون حاضرا لتكون الإستفادة فورية من نصائح قبل السفر ،،، مالك يا شيخ العرب شنو الجقلبه دى ،،، ما تخلي الدرب زى مايكون يكون ،،، درب عرس ،،، درب سلامه ،،، درب جلكوز ،،، كلها فى الدرب شرق ،،، الحكايه مفهومه ما عايزه فهامه ،،، وبطّل الجغليب ،،، دعواتك زادي فى رحلتى نحو مدينتي بورتسودان ،،،
مع محبتي وتقديري .
Post: #47 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 00:05 AM Parent: #46
كثيرا ما يقولون القدم ليهو رافع ،،، وكثيرا ما يقولون أيضا كل تأخيره وفيها خيره ،،، وأنا أضيف لكل هذا وأقول ،،، ما زالت لدي بعض الأيام لأقضيها فيك يا دوحة الخير والمحبه ،،، بعض الظروف القاهره والإجراءات التى لا تنتهى تأخرت رحلتى نحو السودان عبر السعوديه ،،، كنت أتمنى أن يكون النحرك مساء الخميس إلا أن الله أراد أن يكون هناك موعد آخر للإنطلاق وهو أمسية الأحد ،،، الحمدلله فى الأولين والحمدلله فى الاخرين ،،، قدّر الله وما شاء فعل ،،،
مع محبتي وتقديري لكل المتداخلين عبر هذا البوست ،،،
Post: #48 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Alsa7afa_30 Date: 05-30-2008, 00:25 AM Parent: #1
.. إنت يا بسّام .. بسمتك أزهار ..
Post: #50 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ودرملية Date: 05-30-2008, 01:32 AM Parent: #48
سلامات وعوافي محمد خليل ساني .. ياصديق .. ستريق علي امتداد المسافة الدموع .. والقلب الخفوق طيار بالشوق والحنين ..والدرب ستطويه طي العاشقين العاجلين .. متر متر .. نحو اتجاهك حيث الشمس ترفض المغيب في "سرها".. نحو اتجاهك "بيت الله العتيق" والروح مليئة بحب الكريم الرحيم والايادي مرفوعة علي استار الكعبة واللسان يرتل دعاء الملتزم والبكاء يطوي صمت المكان ..النشيج .. النضيف ..ياالله ..يا لفضلك وكرمك الفياض .. "والروضة الشريفة" ريانة باللطف والكرم الالهي الجزيل ... طيبٌ مسراك يا عزيز "ثم بلغ سيدي الحبيب وانت تقف علي قبره لتسلم عليه محبتي وسلامي" وقل له "ودرملية قال ليك بحبك شديد" .. وما تنسى تحياتي لكل وجه صبوح علته سحنتنا الفريدة ولسواكن ولبورتسودان خصوصا "مطعم البرلمان" .. العمرة وزيارة المدينة ياحبيب ماتفرط فيهم ... بعدين كان لاقيت معتصم دفع الله في الرياض قول ليهو تلفونك مالو "عيان" .. معزتي وتصل بالسلامة .. ياخي حسامو دا حكايتو براها والله يا محمد الزول دا بيعرس متين عشان نوريهو كتابنا معاهو بالطريق الصحيح .. حسام ازيك ياخي .. وصدقني يا محمد دي رحلة ما حتنساها وح تمسخ عليك ركوب الطائرة لي يوم الدين .. ابقا عشرة علي البر ..
Post: #68 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 10:38 PM Parent: #50
الحبيب ود رمليه ،،،
كلماتك تبعث الطمأنينة والسعادة فى النفس البشريه ،،، لا أدري ماذا أقول فأنت قد أكملت جميع الكلمات ،،، لم تترك لنا كلمة نحتمى بها وسط هجير التنقل المستمر من موضوع الى آخر ،،، سأعمل إنشاء الله على زياره المدينة المنوره فى طريقي الى مكة لأداء العمره ،،، أو قد أعكس الأمر ،،، أكمل عمرتى أولا والذهاب للسودان ،،، ثم العمرة مرة أخرى فى طريق العودة والذهاب الى المدينة المنوره وأنا أعود أدراجي صوب مدينة الدوحه ،،، أخي ود رمليه ،،، تأكد متى مازرت الأماكن المقدسة دعواتك ستكون هى الأولى فى سيرة الدعاء الطويله ،،، شكرا على نصائحك الغاليه ،،، وسأكون بمشيئة الله عند حسن الظن بنا ،،،
مع عظيم تقديري وامتناني .
Post: #67 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-30-2008, 10:26 PM Parent: #48
يا جمالك يا صحافه 30 ،،،
تسلم على اللقطة الحلوه ،،، الخشيم ده يا صحافه ما قدرت تقفلوا لينا بحركه كده ،،، فى إنتظار المزيد من لقطات التوثيق يا جميل ،،،
مع عظيم تقديري وإمتناني ،،،
Post: #54 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Sayed Bekab Date: 05-30-2008, 02:18 AM Parent: #1
الحبيب ساني
بالسلامة إن شاء الله استمتع ووثق كل لحظة من اجلنا فى الرحلة و منتظرين الصور
Post: #69 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 00:06 AM Parent: #54
طبعا يا أبوالسيد مبسوط منك كتير كتير ،،،
معقول فى يوم واحد ألاقي مداخلتين فى بوستين مختلفين كمان ،،، فينك من زمان يا بكاب ،،، تسلم على مرورك الكريم ،،، خليك متابع معانا والتوثيق جاييييك يا جميل ،،،
مع عظيم تقديري وامتناني.
Post: #55 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Hatim Salih Date: 05-30-2008, 02:43 AM Parent: #1
ساني ياحبيب
تمشي وتجي بالسلامة
Post: #56 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 05-30-2008, 09:05 AM Parent: #55
ياسانى وينك ياخ بالغت عديل ياخ ما اتداخلنا و كدا و شخت لينا
شخت له اى بمعنى قطعو معاهو ستة صفر
طبعا ياسانى انت طولت غايتو انا بديك حبة مطلحات جديدة عشان ماتضيع فى الونسة لمن تجى
منتظرنك ياجامد
Post: #71 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 00:56 AM Parent: #56
الغالي أبوبكر على ،،،
والله يازول من كترة شوقنا ليك ،،، بقيت أى بوست اشوف فيهو اسمك بعمل مداخله على طول ،،، فى شوق يا أخوانا أكتر من كده ،،، والله يا ابوبكر بقيت واجهه مشرقه جدا لابن ولاية البحر الأحمر فى منبر بكري ،،، ما بتعرف الشعور اللى كنت حاسي بيهو وأخونا معتصم ود الجمام فتح البوست باسمك ،،، تتصور الفرحه ما شالتني من الأرض ،،، إحساس جميل جدا جدا ،،، تسلم على الأريحيه ،،، عزيزى خلاص جايييك يا أب شرا ،،، شفت كيف متذكر بعض الكلمات ولآ النسيان ضربنا ،،، التفاصيل ستكون بحوزتك أولا بأول بس إنت تابعنا من على البعد ،،، وما تطول الغياب عن المنبر ،،،
مع عظيم تقديري.
Post: #70 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 00:16 AM Parent: #55
العزيز حاتم صالح ،،،
تسلم من كل شر ،،، اشكرك على تمنياتك الطيبه بسلامة الوصول والعوده ،،، يعطيك ألف عافيه يا جميل ،،،
مع عظيم تقديري وامتناني.
Post: #57 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: sourketti Date: 05-30-2008, 10:36 AM Parent: #1
ربنا يكتب سلامتك الطريق ممتع وأقصر خط من سلوى على الحدود السعوديه القطريه الى الهفوف ثم تأخذ طريق خريص وهو الاقصر الى الرياض وبعد خريص بقليل تجد مفرق طرق ياخذك للطريق السريع الرياض الدمام .... نصيحتى لك أن تحاول بقدر الامكان ان تسير فى الطريق بين سلوى والهفوف بالنهار لسببين الجمال والشاحنات التى تمر ليلاً وربنا يكتب سلامتك حاول ان تستمتع برحلتك ولا تأبه للوقت وسر على مهلك ولا تزيد عن 100 باى حال وحذارى من السواقه وانت مرهق او نعسان
Post: #58 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: sourketti Date: 05-30-2008, 11:16 AM Parent: #1
الاحساء (الهفوف) منطقة آثار قديمه وكانت بها دولة القرامطه الذين سرقوا الحجر الاسود وحاولوا بناء كعبة فى بلدهم وبقى الحجر الاسود معهم لمئتى عام قبل اعادته لمكه.... ولابد انك ستكون ناوى العمرة وفى هذه الحاله ميقات احرامك سيكون بالطائف وهو ميقات السيل إن لم يتم فتح طريق الهدا الممتع الذى يمر عبر جبال الهدا الشاهقه وهو الأقصر ولكنه مغلق للصيانه وعموما ميقاته عند وادى محرم اذا تم فتحه.... وفى السيل الكبير (ميقات أهل الطائف ويسمى ايضاً قرن المنازل) نزل سيدنا جبرئيل على نبينا الحبيب (ص) ليواسيه بعد أذى بنى ثقيف الذين جاءهم مستنجداً بهم من أذى القرشيين فيخبره عند قرن المنازل وهو مكان مسجد الميقات ويقول له (السلام يقريك السلام ويسألك إن شئت أطبقت عليهم الاخشبين) وبعد قرن المنازل وانت محرم للعمرة فى الطريق لمكه المكرمه ستمر انشاء الله بقرية صغيرة اسمها اليمانيه وهى بين الجبال وكان بها صنم العزى الذى أرسل له سيدنا رسول الله (ص) خالداً ين الوليد ليهدمه فذهب وهدمه ولما عاد سأله النبى (ص) عما وجد فذكر ماصادفه وما فعل فطلب منه أن يعود مرة ثانيه لأنه لم يفعل وفى عودته وجد عجوزاً شمطاء واقفه فشج رأسها وقتلها وعند عودته أخبر النبى (ص) يالامر فقال له لقد فعلت ....وقد أوصى النبى (ص) بالاسراع عند مناطق الهلاك بس مش سرعه كبيرة طبعاً
ولما تصل مكه المكرمه انشاء الله أخبرنا عشان نمتعك بالباقى وربنا يتقبل منك ومن معك ...
Post: #59 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 05-30-2008, 12:31 PM Parent: #58
Quote: الطريق ممتع وأقصر خط من سلوى على الحدود السعوديه القطريه الى الهفوف ثم تأخذ طريق خريص وهو الاقصر الى الرياض وبعد خريص بقليل تجد مفرق طرق ياخذك للطريق السريع الرياض الدمام .... نصيحتى لك أن تحاول بقدر الامكان ان تسير فى الطريق بين سلوى والهفوف بالنهار لسببين الجمال والشاحنات التى تمر ليلاً وربنا يكتب سلامتك حاول ان تستمتع برحلتك ولا تأبه للوقت وسر على مهلك ولا تزيد عن 100 باى حال وحذارى من السواقه وانت مرهق او نعسان
العزيز سوركتى
ياخى سانى ده عزيز علينا ليك على اطلع استقبلوا فى منفذ سلوى الحدودى ومعاهو لمن اسلمو ليك الاخوان فى الرياض . ما تشيل هم يا عزيز .
الزعيم هارون دياب .. ياخى انشاء الله بيتك ديما عامر يا جميل سعدت بمحادثتك انت وكل الزملاء
الافاضل معتز القريش وحسام والحبيب محمد الطيب .
فائق المحبه والتقدير
حسين
Post: #73 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 01:41 AM Parent: #59
الحبيب حسين عوضاااااي ،،،
تسلم يا جميل على الحاجات الحلوه دى والشعور الراقي ده ،،، دائما إنت على الموعد وفى كل الأوقات اللى يحتاج لك فيها الواحد ،،، طبعا لمن أقوليك المواعيد حألقاك منتظرني فى الهفوف ،،، ما بتقصر يا حبيب ،،، وتسلم من كل شر ،،،
مع عظيم إمتناني وتقديري.
Post: #72 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 01:33 AM Parent: #58
العزيز سوركتي ،،،
والله ما عارف اقوليك شنو ،،، معلومات مشوقه للغايه وما بتتمل ،،، ياريت تواصل الحديث والكلام الطيب الحلو ده ،،، تأكد نصيحتك الغاليه دى ما حأهملها أبدا أبدا ،،، وبعدين الشباب ناس حسين عوضاي قالوا حيكونوا معاى فى الصغيره والكبيره ،،، والحمدلله منبر بكرى ده والله لاميّ الناس على الخير والشئ الطيب ،،، تعرف فى ناس كتيرين جدا ومن بينهم عوضاي عرفتهم من المنبر ده بس ،،، تصدق ،،، بس ما بقدر أبدلهم بعد ده بأى حاجه فى الدنيا ،،، يلا يا سوركتي ،،، منتظر تفاصيلك حول هذه الرحلة من واقع تجربتك العمليه ،،، فى إنتظارك ما تطول علينا ،،،
مع عظيم تقديري ومحبتي.
Post: #60 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد عبد الماجد الصايم Date: 05-30-2008, 12:48 PM Parent: #1
يا عمك
الرياض نفر
0505347474
أوع تشتت طوالي
Post: #74 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 03:11 AM Parent: #60
الحبيب محمد عبدالماجد الصايم ،،،
جاييك جاييك يا جميل ،،، إنشاء الله وقت ما أصل الرياض حأتصل عليك ،،، يعني ما بشتت طوالي ،،، طبعا الواحد ما بيستغنى عنكم وعن كل البورداب الحلوين ،،، ربنا بس يوصلنا بالسلامه إنشاء الله ،،، وحـ أشدلك سلك على طول ،،،
مع عظيم تقديري ومحبتي.
Post: #75 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: hamid abdalah Date: 05-31-2008, 03:36 AM Parent: #1
الاخ العزيز الغالي محمد خليل ساني السلام عليكم ورحمة الله ,, لقد تعرفت علي هذا الاسم الجميل عبر اثير اذاعة البحر الاحمر.. في عهد الاستاذالكبيرعلم الدين حامد .. ومنذ تلك الايام ظل هذا الاسم الرائع محفور في ذاكرتي .. الي ان شاءت الاقدار ووجدته هنا في ملتقي الاحباب ( سودانيز اون لاين ).. فاتقدم اليك بخالص التحايا والاشواق .. واساءل الله تعالي ان يكلل رحلتك بالتوفيق.. ويبعد عنك كل سوء ويحقق لك الاماني الجميلة .. ونستودعك الله في دينك ومالك وخواتيم اعمالك ..
وبكل تاءكيد ساكون متابع معك الرحلة عبر هذا البوست الجميل.. الذي له عندي طعم ولون ونكهة راااااااااااااااااااااااائعة.. بل اكاد اصرح واكون غير مبالغا اذا قلت باني وجدت به بعض ضالتي ..
________________________________________________________ وساعود اليك قريبا ان شاء الله لاجترار ذكريات بورتسودان الحنية , وتلك الايام التي لها حنين وشجون خاص ..
________لتعديل حرف _______
Post: #76 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 09:32 AM Parent: #75
العزيز حامد عبدالله
لك التحايا من أرض الدوحه ،،، ياااااخ رجعتنا لسنوات رائعة من سنوات إذاعتنا بورتسودان ،،، رجعتنا لأيام علم الدين حامد وشلكاوى والنيّل وأبوالحسن أحمد وعبدالحكيم طه وعباس محمود والسر عثمان والقائمة تطول ،،، أيام حـ تظل محفوره فى دواخلنا كلنا ما دامت الأيام ،،، تعرف الواحد مبسوط بشكل وخاصه وإنى بلاقي عبر منبر الأحباب ده معارف كتير فى وسط سنوات الإغتراب ،،، عشان كده بشكرك كتير على كلماتك وشعورك الرائع الفنان تُجاه شخصي الضعيف ،،، وأيام بورتسودان دى ما بتتنسي أبدا ،،، تتصور بالأمس كان فى بورتسودان عرس زميلنا أسامه الدرديري على زميلتنا سهام كنت ناوى أحصل العرس ده ،،، بس تقول شنو الحمدلله على كل حال ،،، القدم ليهو رافع ،،، إنشاء الله خليك متابع معانا الرحله ،،، عشان حتوثق لحاضر ومستقبل مدينة بورتسودان وما حدث فيها من تغييرات ،،، ومنتظرين ذكرياتك الجميله عن بورتسودان وما فيها ،،، والله الحمدلله إنى فتحت البوست ده عشان ألاقيك فيهو ،،، وسنكون دوما على تواصل عبر العام والخاص وسلك التلفون ،،،
مع عظيم محبتي وتقديري.
Post: #77 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 05-31-2008, 10:08 AM Parent: #76
انت يا خليل اتحركت والله لسع ؟
Post: #78 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 05-31-2008, 04:31 PM Parent: #77
العزيز الزميل عبداللطيف السيدح ،،،
تحياتي لك أخي الغالي ،،، القدم ليهو رافع ،،، ما زلت بالدوحه ،،، إنشاء الله سيكون التحرك مساء غد الأحد ،،، سأوافيك بالتفاصيل متى ما تحركت على هاتفك الجوال ،،، أشكرك على متابعتك اللصيقة وإهتمامك الكبير ،،،
مع عظيم محبتي وتقديري.
Post: #79 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 05-31-2008, 11:49 PM Parent: #1
العريس المنتظر محمد خليل ساني والاستاذة مني خوجلي ويظهر في الصورة الاستاذ سعد الدين عبد الرحمن وهارون دياب داخل نادي السباق والفروسية بالدوحة والعدسة للاخ الفنان صحافة 30
Post: #80 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-01-2008, 03:46 AM Parent: #79
كان يوما من الأيام الجميلة الخالدة فى دفتر الذكريات ،،، يوم لا ينسى من أيام بورداب الدوحه ،،، او قُل فى أيامي بالتحديد ،،، يوم تجمع عدد من البورداب محتفلين بمقدم ملكه ووزير ووداع عضو من أعضاء المكان ،،، شكرا يا شباب على هذا التوثيق الرائع الذى يسعد الدواخل ،،، شكرا صحافه 30 على هذه الصور يا صاحب العدسة البلوريه ،،، شكرا هارون وحرمه المصون ،،، شكرا كمال سالم ،،، شكرا محمد الطيب الذى لم أره ،،، شكرا حسامو ،،، شكرا كمبوره ،،، شكرا سعد الدين أحد المحتفى بهم ،،، شكرا منى خوجلي يا من أحدثتي إنقلابا فى ليالي الدوحه ،،،
مع عظيم محبتي وتقديري.
Post: #84 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-01-2008, 09:49 PM Parent: #80
Quote: ولد ساني صاحبك عوضاي راكبها مبنشرة
والله يا عصام الزول ده عاوز يفتنا ساى .
بينى وبينك منو الراكبا مبنشره . اقول ولا تنكتم .
عااااااااااالم ما تجى الا بالضغط .
تحياتى يا جميل . موعدنا بكره انشاءالله عند تشريف الحبيب سانى
Post: #85 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-02-2008, 00:17 AM Parent: #84
يا شباب مالكم عايزين تفتقوا لبعض كده ،،، روووووقوا المنقه شويه ،،، ما تخلوا كلمه عابره تقطع اللى بينكم ،،، على العموم إنشاء الله لمن أجي بكره حأصلح ذات البين ،،، الموعد على سلام حاااار ووجبه كااااااربه والحساب علىّ ،،، ما تقولوا ضيف وكده ،،، والله شوقنا بحر لرؤيتكم الغاليه يا شباب ،،، خليكم بعافيه ،،،
مع محبتي وتقديري.
Post: #82 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: صلاح الفكي Date: 06-01-2008, 09:46 PM Parent: #1
محمد خليل المحترم.. موفق أن شاء الله.. ورحلة موفقة ..
Post: #86 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-02-2008, 01:36 AM Parent: #82
تسلم أخي صلاح الفكي ،،،
تمنياتكم نور تنير طريق الرحلة الطويل ،،، شكرا على المرور الكريم ،،،
مع عظيم تقديري.
Post: #83 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: sourketti Date: 06-01-2008, 09:47 PM Parent: #1
ياسانى وين انت الان ؟؟؟واليك النشرة بالتفصيل شويه ...لو كنت مواصل فى سلوى توجد استراحة آمنه تتبع لساسكو يمكنك المبيت بها حتى الصباح ثم تتجه صوب الاحساء باذن الله فى الصباح الباكر حتى تشاهد بعض آثار المنطقه على يمين الداخل للمدينه وذلك قبل الظهر وحتى تتغدى فى واحد من مطاعم السودانيين بها انشاء الله .... ومن الاحساء (الهفوف) يمكنك الانطلاق صوب الرياض عبر الطريق الاقصر وهو طريق خربص وعليك التزود بالوقود (يعنى أملأ التنك فى الهفوف) ... بعد خريص يشويه تشاهد على يمينك مفرق الطرق الذى ذكرته لك وتشاهد السيارات المسرعه على الطريق السريع الدمام- الرياض ...والتى اتوقع ان تصلها بالمساء بين المغرب والعشاء (لكن لا تتقيد بوقت وسر على مهلك ... وربنا يكتب سلامتك ومن معك والى اللقاء
Post: #87 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-02-2008, 01:53 AM Parent: #83
الحبيب سوركتي ،،،
تسلم بالجد على المعلومات القيمه دي ،،، الواحد فعلا كان محتاج يتنور عن الحاجات الحلوه دي ،،، وطبعا تحركى سيكون صباح الأحد بمشيئة الله نحو الأراضي المقدسه ،،، وبالتأكيد الحاجات اللى ذكرتها دى حنشوفها والشمس طالعه ،،، يعني توصياتك جات فى محلها ميه ميه ،،، يا ريت تواصل معانا الرحله ما بين الهفوف والرياض عبر خريص ،،،
مع عظيم تقديري وإمتناني.
Post: #88 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 02:55 AM Parent: #87
اللمسات الأخيره للإنطلاق لرحلة العمر عبر السعوديه ،،، التجهيزات مستمره حتى الساعة الحادية عشرة من مساء الإثنين ،،، ودى طبعا وفقا لنصيحة الأصدقاء المارين من قبل بهذا الطريق ،،، إيااااك من خدوش الطريق على جوانب السيارة البيضاء اللون ،،، وطبعا أخوكم ما كضب خبر طوالى مشى للمنطقة الصناعيه وهاااااك يا لصيّق ،،،
Post: #89 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 03:18 AM Parent: #88
عمليت طلاء السلامه يسير على قدم وساق على يد الفنى المختص فى إحدى المحال المتخصصة بالمنطقة الصناعية فى قطر ،،،،،
Post: #90 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 03:56 AM Parent: #89
دابة رحلة العمر بعد الخروج من ورشة طلاء السلامه بالمنطقة الصناعيه ،،، فى إنتظار المرحلة الأخيرة للتوجه للأراضى المقدسة بمشيئة الله صباح اليوم الثلاثاء ،،، دعواتكم بالسلامه و قولوا آآآآآآآآمين ،،،
Post: #91 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 04:37 AM Parent: #90
صورة مع دابة رحلة العمر بعد الإنتهاء من عمليات التجهيز للرحله بالمنطقة الصناعيه ،،،
Post: #92 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-03-2008, 06:01 AM Parent: #1
ساني صباحات ندية
Post: #93 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-03-2008, 08:58 AM Parent: #92
و الله ياسانى قلبت العربية بمبى عديل
بالسلامة ياجامد
Post: #97 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 09:09 PM Parent: #93
الحبيب أبوبكر
نعمل شنو يا قريبي ،،، عشان نكسر الحظ ،،، قلنا يمكن اللون ده يجيب لينا المأذون لحدي سلم الباخره ،،، ولآ عندك راي تاني ،،، شايف النحل كتر حواليك فى سواكن ،،، على العموم أصبر شويه ،،، جاييييين نهِشّوا معااااااك ،،،
مع محبتي وتقديري.
Post: #96 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-03-2008, 07:50 PM Parent: #92
العزيز هارون ،،،
تسلم من كل شر وربنا يحفظ ليك عيالك ،،، أمنياتك زاد طيب لهذه الرحله ،،، سنكون على تواصل دائم طوال أيام الطريق حتى الوصول إنشاء الله ،،، تحياتي للأسرة الكريمه ولـ بت الشيخ ،،،
مع عظيم تقديري وامتناني.
Post: #94 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-03-2008, 10:39 AM Parent: #1
الاخ/ محمد ساني الزول الرائع تصلنا بالسلامة ياخي ومن هسع توب السرتي والجلابية السكروته علي ، والحنة الاولة في أمبده عندنا .... ناس الهجيج والجبجبه راجنك والعجب ناس ........... تصل بالسلامة وحلفتك في العمرة ماتنساني من الدعاء. تقديري وشكري
Post: #95 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-03-2008, 12:41 PM Parent: #94
Quote: دابة رحلة العمر بعد الخروج من ورشة طلاء السلامه بالمنطقة الصناعيه
طيب بعد ده ما تشد الرسن ياااااااااخ .......
زازيت بينا
Post: #100 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-04-2008, 01:52 AM Parent: #95
و أزاااااااازي بمليون زيك كمان ،،،
شفت كيف ،،، أهاااااا لقيتني إزاااااى محبط ولآ تمام التمام ،،، هلكتني هلاااااااك يا بطل ،،، شويه كلام يعملوا فيك كده ،،، يااااااخ إنت طيب طيبه يا جدع ،،، تسلم يا بكرى أبوبكر إنك عرفتنا على ناس حلوين زي ديل ،،،
مع عظيم محبتي وتقديري.
Post: #98 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-04-2008, 01:03 AM Parent: #94
الأخت ناهد علي ،،،
تسلمي على الكلمات الحلوه دي ،،، يا سلام على شعورك الطيب ده ،،، معقول يا أخوانا فى هناء أكتر من كده ،،، توب السرتي والجلابية السكروته والحنه الاولى عندكم في أمبده ،،، بعد ده كله تقولوا لى السودان ما فيهو خير ،،، معقول الإحساس الطيب ده بين ناس فى منبر واحد من غير ما يكونوا بيعرفوا بعض من قبل ،،، تسلم بكري أبوبكر على هذا التجمع السوداني الكبير من سودانيي الداخل والخارج ،،، تسلمي ناهد على ،،، كلماتك أسعدتني كثيرا ،،، وبارك الله لك فى كل ما تحبين ،،،
مع عظيم تقديري وامتناني.
Post: #99 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: BADRELDIN MAHMOUD Date: 06-04-2008, 01:34 AM Parent: #1
محمد سلامات وتصل بالسلامة انشاء الله
عندى سؤال....بهية(طلاء) السلامة دى ما عرفتها....... شنها--الشين مكسورة---- ??
Post: #101 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-04-2008, 02:44 AM Parent: #99
مالك يا أخوي رجعت بسرعه كده وعدلت المداخله ،،، قايلني ما قريتها وفهمتها كمان ،،، يعني قايلني ما حأقدر أقرا الشين المكسوره دى ،،، ما تخاف أخوك شايقي قدييييييييم ،،، عشان كده التعديل ما كان ليهو لزوم ،،، أهاااا لقيتني كيف ،،،
ردا على سؤالك ،،، ------------------------ أخوك طبعا جاهل جهلول بمثل هذه المسائل ،،، بس واحد صحبي ساقني للمكان كده ،،، وهاك يا تلطيخ بالطين كمان ،،، بواسطة المسدس الهوائي ،،، وهى وسيلة للمحافظة على بوهية السيارة من الخدوش فى الطريق الطويل ،،، شفت كيف ،،، أخوك ما بيعرف حاجة كيف وجاهل جهلول بأي شئ ... تسلم يا جميل ،،،
Post: #102 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-04-2008, 08:35 AM Parent: #101
الأعزاء البورداب الأفاضل ،،،
صباحكم سكر ويومكم ناااااادي ،،،
أتوجه فى هذه اللحظات صوب المملكة العربية السعوديه فى طريقى الى السودان ،،، أتوق لمعانقة بيت الله الحرام وأداء العمرة والتى أسأل الله أن يسهل لنا دربها ،،، ومنها بمشيئة الله صوب بورتسودان مدينتي التى أحب لقضاء الإجازة ومحاولة إكمال خلطة العمر السحريه ،،، دعواتكم لى بسلامة الوصول وأداء العمرة والعودة هى زادي فى طريق رحلتى الطويل ،،، أتمنى أن تكونوا على أفضل حال وعافيه ،،، وسألتقيكم عبر أحداث هذه الرحلة أولا بأول ،،، مع عظيم تقديري وامتناني للجميع وخاصة الذين مروا عبر هذا البوست من الأعضاء أو القراء الأصدقاء لمنبر الإنسانية لمنبر بكرى العامر بكل حب وتقدير ،،،
تخريمه قبل الخروج ------------------- العزيزان حسين عوضاي وعصام الجيلي ،،، أنا الآن فى الطريق إليكم وموعد اللقاء فى الهفوف كما تم الإتفاق ،،، أتمنى أن تكونوا جميعا بخير وعافيه ،،، مع عظيم تقديري ،،،
Post: #103 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 06-04-2008, 08:57 AM Parent: #102
تصل بالسلامة
ونحن في انتظارك
ام بارح وصلنا من الدوحة العزيز فوزي بشري مندوبا لقناة الجزيرة لتغطية اعمال المؤتمر الاسلامي العالمي الاول للحوار بمكة المكرمة ( وقد ذرف الدمع سخينا في الطواف)
و معنا كذلك المذيع عمر الطيب من ال bbc وعادل الباز الاحداث وضياء الدين
بلال الراي العام وامام محمد امام الشرق الاوسط
Post: #166 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-10-2008, 11:23 PM Parent: #103
العزيز السيدح
كل من ينعم بزيارة الأراضى المقدسة والبيت الحرام والحرم النبوي الشريف تراه يخرج من عيش الدنيا الفانية الى عوالم أرحب وأكمل وأكثر إيمانا وتقوى وتمسكا بالآخرة وما يقرب إليها من قول وعمل ،،، أنا على يقين تام بأنهم من أسعد الناس حاليا بعدما أدوا العمرة وزاروا قبر المصطفى صلى الله عليه وسلم ،،، تسلم يا غالى وراجعلك بعدين وعلى رواقه كده والصور طبعا خطيره يا أبا الغضنفر ،،،
مع عظيم تقديري وودي ،،،
Post: #104 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: أبوعبيدة محمد الأمين Date: 06-04-2008, 09:02 AM Parent: #102
الأخ الحبيب العريس/محمد خليل سانى تحياتنا يا راجل يا ذوق
توصل بالسلامة ، بعدين ياخى سيبك من البورد وخليك مركز على القيادة والملائكة تحرسك وتغطيك وتصابحك وتماسيك وسنكون على اتصال
توصلنا بالسلامة باذن الله
Post: #105 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عادل التجانى Date: 06-04-2008, 10:12 AM Parent: #104
ساني يا غالي
نقول عمره مبروكه وإن شاء الله تكون استغفرت من متابعة ود القريش (مزحه) قال - دلفري- ملوحه تحياتي لك وأنت في كل مكان
Post: #106 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-04-2008, 01:32 PM Parent: #105
حلفتك بالله كان تنساني من الدعوات
Post: #107 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-05-2008, 08:24 AM Parent: #106
العزيزه ناهد
Quote: حلفتك بالله كان تنساني من الدعوات
يازوله الراجل ده حلفاوي فاهمه يعني شنو حلفاوي قال دعوات قال
علي العموم انا بكون في العمره بعد اسبوع لو دعواتك بتنتظر
قلتي شنو
Post: #108 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-05-2008, 01:42 PM Parent: #107
الاخ/ محمد الطيب ياخي والله انا مقروضة شديد للدعوات ومابقدر انتظرك اسبوع النصيحة عاد . خليني مع ساني دة وقالوا عصفورة في اليد ولا ألف طائر. انا واثقة من دعوته انشاء الله تستجاب ماتخرب علي ياخوي ساي .
******* مع أنو الواحد بقه يتعقد من ادعو لينا معاك دي .(حسب كلام سودانية 200)انتي هسع ماجيت من العمرة مادعيتي مالك. وبرضة ادعو ليك معاك. شكري وتقديري
Post: #171 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 00:31 AM Parent: #108
ده شنو يا ناهد ،،،
عصفور فى اليد ولا ألف طائر ،،، شكرا ليك يا زوله والفيك إتعرفت ،،، إنتى عارفه الدعوات جاتك ترف من كل صوب ،،، وإنتى قاعده تقولى هنا ما بعرف شنو ،،، على العموم خياراتك لسه مفتوحه ،،، عندك واحد ماشي العمره خلال اليومين ديل خليهو يدعوا ليك ،،، وطبعا زيادة الخير خيرين مش كده ،،،
تحت تحت ــــــــــ تحياتي ليك من مدينة الثغر الباسم بورتسودان وتسلمي من كل شر ،،،
Post: #170 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 00:24 AM Parent: #107
والله جنس خفافه ولفافه ،،، الناس إختاروا وقالوا أدعوا لينا ،،، شنو المحركه دي ،،، ما تصبر يا أخوي يطلبوا منك ده ،،، طبعا لقيت البورد خلاء والبوست مهجور وأنا فى عرض الطريق قلت تبشع بىّ مش كده ،،، وكالات الأنباء نقلت الخبر لايف وعرفتوا من زمان ،،، لكن على الرغم من ذلك ما نسيتك من الدعاء عشان تشوف دعوات الحلفاويين كيف ،،،
مع عظيم تقديري وامتناني ،،،
Post: #169 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 00:14 AM Parent: #106
الأخت العزيزه ناهد على ،،،
والله العظيم ما نسيتك من الدعوات ،،، الدعوات كانت بالكوم فى كل مرحلة من مراحل العمره ،،، الدعوات الكتيره طبعا كانت خلف المقام بعد الفراغ من الطواف وصلاة الركعتين ،،، ربنا يحقق كل الدعوات والأماني ،،، وحـ يجي يوم حـ تدعي لىّ فيهو مش تدعي علىّ تسلمي من كل شر قولي آآآآآآمين ،،،
مع عظيم تقديري وامتناني ،،،
Post: #168 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 00:07 AM Parent: #105
الفنان الراقي عادل التجاني ،،،
تسلم يا راجل يا مبدع ،،، الدعوات طالت الجميع من طلب ومن لم يطلب ،،، طبعا هى دعوات بالخير والفلاح ما يمشي فكرك لـ بعيد والله إشتقت كثيرا لجلسة ملوحه كاربه مع شلة الأنس الجميله دييييييييك ،،،
مع محبتي وتقديري.
Post: #167 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 00:01 AM Parent: #104
الحبيب أبوعبيده محمد الأمين
تسلم من كل شر يا غالي ،،، دعواتكم وتمنياتكم كانت زادا لنا فى رحلتي نحو السودان ،،، إنشاء الله سيكون ملتقانا فى لحظات عامرات بالإيمان والدعوات الصالحات ،،،
مع عظيم محبتي وتقديري.
Post: #110 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: BADRELDIN MAHMOUD Date: 06-05-2008, 09:07 PM Parent: #101
ابو حميد طلعت ختري لاكين ..........
تصل بالسلامة انشاء الله
Post: #172 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 02:29 AM Parent: #110
العزيز بدر الدين محمود
تسلم من كل شر وتشكر على المرور الكريم ،،، دعواتكم هى الزاد الذى هوّن علينا وعثاء الطريق ،،،
مع محبتي وتقديري.
Post: #115 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: yasir Abdelgadir Date: 06-06-2008, 11:38 AM Parent: #99
مرحب بيك أخ محمد .....أنا موجود في الرياض حتي نهاية الاسبوع القادم...
Post: #174 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 06:38 AM Parent: #115
العزيز ياسر عبدالقادر
شكرا لك على المرور والشعور الطيب نحو شخصى الضعيف ،،، تتصور لم ادخل الى المنبر لفترة وخاصة خلال الرحله ،،، والنتيجة أننى لم ارى هذه المداخله إلا الآن ،،، تأكد لو مرت فقط تحت عيني كنت سعدت بسماع صوتك على أقل تقدير ،،، جماعتنا فى الرياض ما قصروا والله هاك يا استقبالات وهاك يا عزايم ،،، والصور جايه جايه وحتشوف مدي الترحاب والإستقبال خلال الرحله ،،، والبقيه طبعا سأتشرف برؤيتهم فى رحلة العوده بمشيئة الله ،،،
مع عظيم تقديري وإمتناني.
Post: #121 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمبورة Date: 06-08-2008, 10:17 AM Parent: #99
اخوي محمد حسن التحايا كلها
كل المنى بوصولك سالم غانم باذن الله
وربنا يتقبل العمرة ولا تنسانا من صالح الدعوات
وربنا يتمم ليك بخير وتسعد باقي ايامك
وانا معاك سوف اكون في انتظار التوصيات ها ها ها ها
اتمنى لك رحلة عودة موفقة
نحنا بعدك بكم يوم وعندما اكون باذن الله في بورسودان بتصل عليك
Post: #181 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 02:19 PM Parent: #121
الحبيب كمبوره
الحمدلله الأمور مشت تمام التمام أديت العمره بنجاح وبراحه تامه الجميع بخير فى الأراضى المقدسة من الأخوة البورداب وصلت مدينة سواكن على خير ووجدت أبوبكر على فى الإنتظار إنت بس تعال وحتلقانا منتظرنك على أحر من الجمر بس ما تنسى تتصل على إتفقنا ،،،
مع محبتي وتقديري.
Post: #131 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبدالرحمن عبدالله أبوشيبة Date: 06-08-2008, 09:44 PM Parent: #99
يا محمد يا عزيز يا غالي ،، افتقدناك في قاعة الأخبار ،، ربنا يكتب سلامتك وتجينا متأبط نصفك الحلو ،، الجميع هنا يتمنون لك إجازة سعيدة في ربوع السودان.
Post: #183 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-12-2008, 06:45 AM Parent: #131
شبشوب العجيب تسلم يا حبيب
تصدق الواحد فى إجازه ومشتاق جدا لغرفة الأخبار والناس اللى فيها ،،، تسلم من كل شر وإنشاء الله الواحد ح يرجع متأبط نصفه الآخر زى ما قلت أو على أقل تقدير رخصة القياده ،،، تحياتي للجميع من الزملاء والزميلات بقاعة الأخبار والى لقاء قريب بمشيئة الله ،،،
مع محبتي وتقديري.
Post: #109 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-05-2008, 08:58 PM Parent: #1
تصحبك السلامه عزيزى سانى
وانت الان فى العاصمه السعوديه بمعية الاخ محمد عبدالماجد الصائم .
كل الدعوات لك بسلامة الوصول .
Post: #111 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-06-2008, 08:53 AM Parent: #109
الأخوة المتداخلون الأعزاء
سلامات عليكم جميعا ،،، هى رحلة من أروع الرحلات فى حياتي ،،، كانت مدخلا لى للكثير من الأشياء الحلوه عرفتني بأصدقاء أراهم للمرة الأولى ،،، قصص كثيرة وحكاوي مثيرة عن رحلة العمر ،،، قصة (الشره) الكبيره فى الهفوف على وزن الليلة الكبيره ،،، قصة (الطشة) الشهيره ،،، على وزن طشة الملوخية كده ،،، قصة الـ Parking الشهيره ،،، قصة حى أبراج الحمام بارك ،،، وهى لك خصيصا يا ود البشرى ،،،
أتوجه بعد صلاة الجمعة بمشيئة الله صوب مكة المكرمة لأداء العمره ثم التحرك صوب مدينة جده ،،، وجاييكم يا شباب مكه ،،، الأستاذ السيدح والصديق خالد عطا وقريبي العزيز عصام دهب والأخ أبوعبيده محمد الأمين والزميل العزيز كمال إدريس ،،، وكل الأخوة الأعزاء شكرا لك المتداخلين ،،، وخلوني أجيكم برواقه أحسن ،،،
مع عظيم محبتي وتقديري.
Post: #112 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-06-2008, 09:05 AM Parent: #111
سلامات ياسانى
ربنا يوصلك بالسلامة حينما تشرع فى السفر من جدة لسواكن عليك بالعبارة (سارة 3) - شركة السلام مواعيد اللبحار من جدة مساء ايام الاحد و الثلاثاء و الخميس الوصول عادة فى الحادية عشرة و النصف لليوم التالى
الرجاء اخطارنا بموعد مغادرتك و شكرا
ملحوظة:
عباس دخل الجيش اما زينب و عيالها ...
Post: #185 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-12-2008, 06:59 AM Parent: #112
عُلم ونُفذ يا مان
التعليمات كانت حاضره فى كل وقت ،،، والحمدلله الرحلة كانت موفقه على العباره ساره 3 ،،، العوده ستكون بمشيئة الله على ذات العباره بعد أن قمت بواجب الحجز ذهابا وإيابا ،،، تسلم من كل شر يا جميل ،،،
مع محبتي وتقديري.
Post: #184 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-12-2008, 06:53 AM Parent: #109
تسلم يا راقى
محادثاتك معى طوال الطريق كانت زادي فى الدرب الطويل ،،، تتصور يا عوضاي الواحد ما تخيل إنه فى طريق سفر ،،، تخيلت إنى فى الدمام أو قاعد فى الهفوف أو الرياض أو مكه أو جده أو الدوحه يعني بالواضح كأنه مستقر فى البلد دي ،،، حكايات كثيرة لهذه الرحلة ستكون حاضره فى المداخلات القادمه بس خليك متابع ،،،
مع محبتي وتقديري.
Post: #113 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال سالم Date: 06-06-2008, 10:37 AM Parent: #1
محمد خليل ,, رحله موفقه إنشاء الله ,,
أنا كنت خايف عليك من بهدلة سواكن ,, لكن الحمدلله أهو ظهر لك الاخ الهمام أبوبكر على , وهو ماحيقصر ,, فى مكه ماتنسانا من صالح الدعوات ,, وأوعك تنسى زيارة الرسول وتفتكروا مدفون فى الكعبه , أبو فاطمه مدفون فى حته إسمها المدينه وعندو قبه خضراء كبيره فى الروضه الشريفه , معليش أنا عارف ثقافتكم فى الحاجات دى ضعيفه عشان كده لزم التنويه . تحياتى وأمنياتى الطيبه ,,
Post: #186 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-12-2008, 07:13 AM Parent: #113
الزعيم كمال سالم
تسلم على دعواتك الطيبه دي ،،، الحبيب أبوبكر على ما قصر وقام بالواجب على أكمل وجه ،،، بعدين تعال هنا يا عمك من القال ليك الحاجات دي ما عارفنّها ،،، يا زول أخوك عجيب فى الحاجات دي عارفها صم ،،، المدينه ما شيها فى طريق العوده بمشيئة الله ،،، دعواتك بس يا زعييييييم وطبعا ما نسيتك فى الكعبه المشرفه ،،،
مع محبتي وتقديري.
Post: #114 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-06-2008, 11:09 AM Parent: #1
شكرا بورداب الاراضي المقدسة
عبد الفتاح ابو شيمة محمد عبد الماجد الصائم والمرفود من الراكوبة ود الصائم الصغير ومنتظرين الصور ومفاجات الكتاكيت واصل يامان
Post: #116 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-06-2008, 11:55 AM Parent: #114
Post: #195 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 10:33 PM Parent: #116
تسلم يا هارون يا الراقي إحساسك
إنشاء الله رحلة العمر تمتزج بشربات الفرح ليكون الخليط فرحا مقيما فى الدواخل ،،، المشاورات جارية لتنفيذ الجزء الثاني من الرحله ،،، التفاصيل ستكون حاضرة متى ما اكتملت الصوره ،،،
مع عظيم محبتي وتقديري.
Post: #117 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: انعام حيمورة Date: 06-06-2008, 12:19 PM Parent: #1
ساني ..
مبروك تحقيق رحلة العمر ومبروك العمرة ...
اتمنى ان الخرطوم تكون في الخطة حقت الرحلة ونحن في الاستقبال ...
تصل بالسلامة يااارب
Post: #196 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 10:42 PM Parent: #117
العزيزه إنعام حيموره
تسلمي على التحيه والمجامله ،،، أكيد طبعا الخرطوم ضمن الخطه وكمان مدني وحلفا وكسلا ،،، سأعلمكم بتفاصيل التحرك متى ما عقدت العزم على ذلك ،،، خليك متابعه ،،، وتسلمي مره أخرى على السؤال ،،،
مع تقديري ومحبتي الفائقين .
Post: #118 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد عبد الماجد الصايم Date: 06-06-2008, 01:54 PM Parent: #1
Quote: والمرفود من الراكوبة ود الصائم الصغير
استغفرتك يا مالك روحي
الواحد ما ينوم ولا شنو
Post: #119 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 06-07-2008, 08:47 AM Parent: #118
الزملاء الاعزاء علي امتداد بث سودانيز اون لاين الاسفيري
وصلنا بحمد الله الزميل العريس محمد خليل ساني قادما من دوحة الخير في طريقه الي سودان العزة .
وادي شعيرةالعمرة ليلة البارحة ، وهو في امن وامان
ويغط الان في نوم عميق مع الزميل خالد العطاابن بورتسودان الاصيل
Post: #120 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-08-2008, 09:57 AM Parent: #119
Quote: ويغط الان في نوم عميق
الان شنو الزول ده طواااااااااااالي غاطي
Post: #199 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 11:05 PM Parent: #120
ده اللى قدرت عليهو ،،، بدل ما تقول أدعو لينا تقول يغطقط راسك ،،، أين أبي سفلعة من كل هذا !!!!
مع محبتي وتقديري.
Post: #198 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 10:59 PM Parent: #119
تسلم يا أبا خزيمه
كانت ليلة من أجمل الليالي ،،، أديت فيها العمرة بصبر وجلد رغم التعب من طول الطريق ،،، تفاصيل هذه الجزئية وأشياء أخرى ستجدها حاضرة فى مداخلات لاحقة ،،،
مع عظيم تقديري وامتناني.
Post: #197 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 10:48 PM Parent: #118
برئ ،،، برئ ،،، برئ
حموووووودى العسل ،،، أنا مئتلتش حد ،،، لو ما مصدق أسأل الكوتش هارون حـ يقوليك الحقيقه ،،، وقتك قرّب يا أبوالبنيات ،،،
مع عظيم تقديري ومحبتي.
Post: #122 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 06-08-2008, 10:21 AM Parent: #1
العريس ساني التقيته في جدة وقد اكمل اجراءات شحن سيارته ويستعد الان ـ 12 ظهرا الاحد 8 /6 2008 ـ للصعود الى الباخرة في رحلته الى بورسودان....Bon voyage
Post: #204 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:38 AM Parent: #122
تسلم يا كمال يا غالي وراجعلك تاني إنشاء الله ،،، والمره دي طبعا فى منزلكم العامر ،،، يجدك بخير مع تقديري وامتناني.
Post: #123 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-08-2008, 10:58 AM Parent: #1
الاخ / محمد الطيب انا من الاول قلبي حاسي انك اذا مشيت العمرة ودعيت لي دعوتك مخرمجة ومابتجيب حقها . غايتو دي بالغتا فيها عديل كدة قلت لي من جدة للمدينة كم ساعة دة كلام دة ياخي راجع نفسك او استعين بصديق. هارون دياب والله لازم احكي ليك الحصل في الماسنجر. اخير دعوة الحلفاوي انا شايفة يمكن تجيب نفع. تصل بالسلامة يااخ ساني وعمرة مقبولة انشاء الله. تحياتي
Post: #124 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 06-08-2008, 11:23 AM Parent: #123
بالسلامة في جدة و بالمرة يا ناس جدة خلو الراجل يعمل ركعتين جنب عجلة سيدنا آدم وكدى
Post: #206 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:46 AM Parent: #124
الخال ود الشيخ ،،،
وينك يا رجل ،،، تتصور للآن ما قابلت العريس أسامه ،،، غايتو رايح الخرطوم يمكن أشوفوا هناك ،،، إنشاء الله أشوفك فى الرياض لو كنت فيها وأنا راجع ،،،
مع عظيم تقديري.
Post: #205 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:43 AM Parent: #123
محمد الطيب
ما قلت ليك أطلع منها ،،، أهااااااا جاك اللى كنت خايف منو ،،، لكن أعمل شنو إنت صحبى عشان كده بخليك تدعو لى أنا ،،، أهاااااا جاتك من السماء عشان تسترد شويه كرامتك المهدره ،،، منتظرنك فى بورتسودان والسمك يناديك ،،،
ناهد على تسلمي على كل شئ
مع عظيم تقديري .
Post: #125 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-08-2008, 01:37 PM Parent: #1
الاخ/ أبوبكر علي سلام والله الفيك اتعرفت ياخي سؤال الله والرسول تابة بية لي عن مواعيد دخول الباصات وكيفية احجز للرجعه عشان ماعندي زمن تقول لي انا دائمابكون في اجازة خميس وجمعه وسبت وماعندي فكرة احاول اسال ليك وبرد ليك. غايتو يعني الا نجي من قطر عبر السعودية ونعمل عمرة ونكون سائقين عربية بهيتا بنية حتين تورينا مواعيد العبارة (3) الله يخليك لي يا.....الوريتني اعمل شنو من قولت تيت لي السلامة عليكم. علة ياأبوبكر ماياها المحرية فيك. انشاء الله ساني ينفعك . شكري واحترامي
Post: #126 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-08-2008, 01:50 PM Parent: #125
Quote: علة ياأبوبكر ماياها المحرية فيك.
شكيتك على الله اكان اسهمى مرتفعة اليامات دى و دايرة تنزليها لى. اسة الله يسالك النكتة الحكتا نانسى عجرم و البنحكيها نحن واحد
يوم فاتح لى قناة عربية كدى لقيت نانسى بتحكى نكتة حدا هيك مابيحبش رفيئو, فسالو الاول عن امنية فئال , انو حابب يشوفو مامتو, فسالو التانى , فئال انو متمنى ها الشخص مايشوفش مامتو
اها اسمعى النسخة السودانية سالو واحد بلدياتى عن امنية, الراجل حنين قال متمنى يشوف امو, سالو بلدياتك الغتيت, قال (أمنيتى الجنا دا لايشوف امو).
و مابين نسخة نانسى و بلدياتك ايـــــــــــــــك انسى بس
اها سانى ببقالو وزير
Post: #127 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-08-2008, 02:22 PM Parent: #126
ياناهد اسة انا مشغول شديد اصبرى لى ساكت للمساء
Post: #128 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-08-2008, 02:54 PM Parent: #127
عارفاك مافاضي باقي الليلة بايت قبلك في الميناء لمن تصبح ويجي طهر بكرة ماتمشي تمض ضهرط دة وتجي تاني . انشاء الله بدلة الوزارة تبقة قدرك وماتكون ضيقة عليك . سمعت سمع قالوا جايب ليك البدلة وباقي حربشات كدة . انا جيتي هينة والله يخلي لي الحجز لي ماشة وجاية . ياربي اكون من الشمات وتتاخر الباخرة وتنصلب ليك يومين ثلاثة قبلك. شكري وتقديري،،
Post: #129 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-08-2008, 09:35 PM Parent: #128
اها يا ابوبكر تحركت الباخره الان من ميناء جده
تلفون محمد خليل سانى للمتابعه 0910480849
عارفك ما بتقصر الا عزومه السمك والصياديه دى ما يشوفا خليهو يهاتى ساااااااى .
(قلتا لى ساكن وين ) جنس صدف غايتو
تقديرى
حسين
Post: #212 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 07:11 AM Parent: #129
العزيز عوضاااااي ،،،
ما كنت قايلك غتيت كده ،،، ده شنو يا مان ،،، معقول عايزني أهاااتي بالسمك ،،، أخوك بكوري لخبط ليك مخططاتك و ردم لينا السمك ردم ،،، إنت عارف فى طريق العوده كمان عمك قرموش مجهز المطلوب ،،، أهاااااااااااا حتروح وين بعدين ،،،
مع عظيم تقديري وإمتناني.
Post: #211 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 07:03 AM Parent: #128
يا ناهد شماتك راحت فى الفاضي ،،،
الباخره جات فى وقتها وكملنا الإجراءات وأكلنا السمك كمان ،،، أحسن تقوموا تروحي تدعى فى الحرم عشان ربنا يستجيب لدعاك ،،،
مع تقديري وسلامات يا أبوبكر ،،،
Post: #209 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:59 AM Parent: #127
الصبر اللى يكتلك ،،، ده شنو يا زول ،،، كان فى صبر كان قالوا ليك أحجز لينا ،،،
Post: #208 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:56 AM Parent: #126
أبوبكر على ،،،
قلت شنو ببقالوا وزير ،،، براااااك طينت عيشتك بيدك ،،، وجبت الكلام لروحك ،،، ما زمان قالوا ليك خلى ساني ينفعك ،،، وإظاهر ساني فتح الشنطه علي تربيزة السمك ،،، ده كلو وما فهمت حاجه ،،، عيشتك تتقطع
مع تقديري ومحبتي.
Post: #207 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 06:51 AM Parent: #125
يتقطع ساااااااني ،،، اللى دخل الزول ده فى الموضوع ده شنو ،،، يا أخوانا روقوها شويه ،،، الحاجات دي بسيطه وما بتجيب زعل ،،، غايتو يا أبوبكر اللى فيك إتعرفت ،،،
مع عظيم تقديري .
Post: #130 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-08-2008, 09:42 PM Parent: #1
وتحركت الباخرة الميمونة تقل عريس الموسم الحبيب ساني الي بورسودان ومنك جفلة ياقريبي
Post: #132 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 08:59 AM Parent: #130
اولا بالتبادى امس بالليل البوست دا قدر مابحت مالقيتو, قلت ناهد تكون غتست حجرو, الحمد لله تراهو بق تانى.
ناهد قولى واحد
Quote: حلفتك بالله كان تنساني من الدعوات
اتنين
Quote: خليني مع ساني دة وقالوا عصفورة في اليد ولا ألف طائر.
تلاتة
Quote: اخير دعوة الحلفاوي انا شايفة يمكن تجيب نفع.
والله بالغت ياناهد راجعى كدا بتسلسل متوالية هندسية , تلقى انك متشككة فى دعوة سانى, و عشان لقيتيهو فى البحر مابرد عليك. لكن انا فى و برد باالانابة عنو
غايتو جنس ناس دايرين دعوات
الله يخلى ليك دا و لا دى
Quote: الله يخليك لي يا.....الوريتني اعمل شنو من قولت تيت لي السلامة عليكم
و تانى
Quote: انا جيتي هينة والله يخلي لي الحجز لي ماشة وجاية .
Post: #133 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 09:15 AM Parent: #132
لاحولا بلد ضيقة فعلا طلبتها نص كم- كاجوال- مع قميص سماوى فاقع و ربطة عنق قرمزية
البلد دى مافيها شئ تتدس
والله ياناهد امس جاتنا جنس رطوبة لاحولا غايتو سانى دا ربنا يديهو العافية و حلفو قالو ليك , بورسودان كان فيها كتاحة تمانين سنة ماشافو زيها
سانى جاى و الفصول كلها اتعاقبت فى فترة ساعات مطر و كتاحة و رطوبة و سموم
Post: #134 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 09:26 AM Parent: #133
Quote: عارفك ما بتقصر الا عزومه السمك والصياديه دى ما يشوفا خليهو يهاتى ساااااااى .
هو بصبر, ضرب لى من جدة قال شنو , اجهزو سانى حيرنا زاتو, قلنا دا ما موسم سمك ابى يصدق غايتو بنجازف ليهو غدا بى سمك قشرى و شوربة و صيادية
Quote: (قلتا لى ساكن وين ) جنس صدف غايتو
حاجة عجيبة ياحسين
Post: #135 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 11:51 AM Parent: #134
وصل محمد سانى الى ميناء سواكن قبل قليل الواحدة و الثلث ظهرا, الحمد لله على سلامة الوصول.
Post: #218 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:56 AM Parent: #135
تسلم يا جمبل ،،،
لقد كان إستقبالكم لي على سلم الباخره رائعا بروعة شخوصكم ،،، أبوبكر على ، معتصم عبدالقادر ، محمد أحمد عكور أجمل من رأيت عند وصولى مدينة سواكن ،،، أدركت وقتها أن الغربة وملايينها لا تسوى شيئا مقابل هذه اللحظات السعيده ،،، احمد الله على سلامة الوصول وسلامي للجميع ،،، ولك تحيات أم جمعه وحفيظة جابت ولد سمتوا عتريس وعويس طخ هريدي عشان تار بوووه ،،،
مع عظيم محبتي وتقديري.
Post: #217 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:36 AM Parent: #134
Quote: (قلتا لى ساكن وين ) جنس صدف غايتو
غايتو دى بشايرها ظهرت أمبارح ،،، العربيه إطقشت قدام بيتكم والسبب مجهول ،،، يا الله حسين وأبوبكر عارفين السبب شنو ؟!!!!! الفيكم إتعرفت يا ناس الآكو والماكو ،،،
مع محبتي وتقديري.
Post: #215 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:25 AM Parent: #133
أسامه أنور عكاشة سواكن
مالك قلبت بسرعه كده يا مان ،،، جاك تهديد ماسنجري ولا شنو ،،، طمنا يا أخوي ،،، اللهم اجعله خير ،،،
مع عظيم تقديري وامتناني.
Post: #214 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:16 AM Parent: #132
أبوبكر على (أسامه أنور عكاشه سواكن)
سيناريو يغني عن مليون إجابه ،،، تسلم ،،، كفيت ووفيت ،،،
مع عظيم تقديري وامتناني .
Post: #213 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:06 AM Parent: #130
تسلم يا غالى يا ابن الغاليين ،،،
تعرف يا هارون الواحد حاسس بجد إن الرحله دى آخرها خير كتير ،،، طبعا ما نسيناك من الدعوات فى الحرم ،،، (كيتا فى محمد الطيب) تمنيت أن يكون كل بورداب الدوحه معي فى رحلة العمر ،،،
مع عظيم تقديري وامتناني.
Post: #136 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 06-09-2008, 12:32 PM Parent: #1
شكرا السفير ابو بكر على ... حمدالله على السلامة يا ساني.
Post: #137 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-09-2008, 12:44 PM Parent: #136
أخوتى الأعزاء فى كل مكان من بورداب العالم والسعودية وقطر وبورتسودان
أشكرك لكم كريم المتابعة والدعوات الصادقات ،،، إحساس عميق تملكني وأنا أتنقل من مكان الى مكان مصحوب بدعوات الكثيرين من أعضاء المنبر والأصدقاء والأحباء ،،، إستقبال أقل ما يوصف به أنه إستقبال ملوكي على رام الباخرة من حبيب البورداب وسفيرهم فى سواكن أبوبكر على ،،، الصديق العزيز معتصم عبدالقادر ،،، الحبيب محمد أحمد عكور ،،، وعدد آخر من أصدقائنا ببورتسودان ،،، سعدت كثيرا بهذا الإستقبال الرائع ،،، وسأعود إليكم بالصورة والكلمة بعدما ألتقى الأحباب فى بورتسودان ويستقر بنا المقام فى بورتسودان مدينتي ,,, إستضافنى العزيز ابوبكر على وأصر على أن يكون أول دخول على الأصدقاء على هذا البوست من مكتبهم العامر فى صرافة الإمارات فرع ميناء عثمان دقنه بسواكن ،،، لكم تحياتي والى لقاء قريب عبر هذه الدوحة الغناء ،،،
مع عظيم تقديري وإمتناني ومحبتي.
Post: #138 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد عبد الماجد الصايم Date: 06-09-2008, 01:04 PM Parent: #137
يا عمك حمدلا ع السلامة وكدا
بالمناسبة دي
إن شاء الله اللابتوب يكون سرقوهو
Post: #148 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 07:47 PM Parent: #138
و الله ياود الصايم الزول دا شديد خلاص, اللاب توب فى يدو , و الكاميرا رابطا فى رقبتو غايتو السمعتو ناوى عليك, ياشماتة ودالبشرى فيك
Post: #223 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:22 PM Parent: #148
صدقت والله ،،،
عفارم عليك يا أبوبكر ،،، إنشاء الله الرساله تكون وصلتك يا أبو البنيات ،،،
مع عظيم تقديري وامتناني.
Post: #222 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:18 PM Parent: #138
حموووووودي العسل
عشم إبليس فى الجنه ،،، تسلم من كل شر ،،، مجموعة الدمار الشامل جاياااااك قريب ،،،
مع عظيم تقديري وامتناني.
Post: #139 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: hamid abdalah Date: 06-09-2008, 01:12 PM Parent: #137
الف حمدلله علي سلامة الوصول .. وعقبال اتمام نصف الدين ..
رحلة ممتعة وجميلة , حيث انك التقيت بالاحباب الجدد واستقبلت في كل مكان استقبال الملوك وحففت بدعوات الاحباب البعاد من امثالنا
فعلا انها رحلة العمر ..
فالشكر عبرك موصول لكل الاخوان الذين التقيتهم, فقد جعلونا نحس باننا من بيت واحد رغم البعد الجغرافي ورغم اننا لم نلتقي من قبل , والشكر اجزله موصول لناظر الحوش الاخ الباشمهند بكري ابوبكر ..
Post: #140 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 06:28 PM Parent: #139
سلامات للجميع
العبارة سارة 3
كان فى استقبال محمد سانى اصدقاؤه معتصم و محمد احمد و يظهر فى الصورة احد مرافقيه فى الرحلة و احد عمال الميناء (و اصبعى)
Post: #141 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 06:41 PM Parent: #140
سانى و معتصم
فى مطعم العم هاشم قرموش, سانى يتاهب لالتهام الناجل
عزيزى محمد الطيب القادم احلى, فلا تبتئس ياصديقى.
سانى ماقصر انتظرنى لحدت ماخلصت حساباتى فى صبر يحسد عليه, و بعدها جئنا لمطعم قرموش. والله يامحمد الطيب بس ماقلنا بسم الله, واحد مننا اتخنق, انا ضحكت و و علقت انو دى دعوة محمد الطيب انو السمك ماينفعنا, فضحك الجميع
Post: #142 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 06:51 PM Parent: #141
و جيئ بالطعام باشراف العم هاشم قرموش, اطباق من سمك الناجل الفخيم و الصيادية و الشوربة. و القى العم هاشم قصيدته الشهيرة التى تشيد و تمجد مطعمه. و يظهر فى الصورة الاخ محمد احمد جلوسا, و العم هاشم وقوفا, و الاطباق الشهية
Post: #225 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:35 PM Parent: #141
ياااااااخى حرام عليك
ما قطعت قلوبهم ومصارينهم ،،، ده شنو اللى عملتوا ده ،،، دى الحاجه اللى بتجيب الهواء ،،،
مع عظيم تقديري.
Post: #224 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:29 PM Parent: #139
العزيز حامد عبدالله
تسلم يازول يا طيب على الكلام الطيب ،،، إنت عارف أجمل ما فى الرحلة دى أيه ،،، العلاقات الطيبه بين الناس والتواصل الحميم ،،، واحدين لأول مره أشوفهم فى حياتي تلقاك وكأنك تعرفهم من سنين ،،، كرم حاتمي ، بشاشه فى الإستقبال ، حلاوة لسان وطلاوة خُلق ،،، تسلم يا بكرى فقد جمعتني بكل هؤلاء ,,,
مع محبتي وتقديري.
Post: #145 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 07:38 PM Parent: #136
تسلم كتير اخى كمال
Post: #221 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 11:14 PM Parent: #136
شكرا ليك يا كيمو ،،، جايييييييك راجع قريب ،،، مع محبتي وتقديري.
Post: #143 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: essam&amal Date: 06-09-2008, 07:04 PM Parent: #1
نورك واصلنا فى الخرطوم حمد لله على السلامة نورت بلدك يا محمد فى انتظار وصولك للخرطوم اوعى يكون ما مشيت المدينة المنورة لزيارة قبر المصطفى { ص } شايفة المدة دى قصيرة لازم تمشى يا محمد .
تحياتى ام وضاح
Post: #226 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 01:56 AM Parent: #143
العزيزه أم وضاح
نور منو ده يا زوله ده نور الناس الموجودين داخل السودان وفى الخرطوم كمان بالذات ،،، شكرا ليك كتير على المداخله الرقيقه ،،، إنشاء الله بطرفكم فى الخرطوم فى غضون يومين تلاته كده ،،، الواحد بالطبع سعيد بكل الناس الحلوه اللى قابلها طوال الطريق للسودان ،،، إتمنى أن الصوره تكتمل بالخرطوم وبطريق العوده كمان إنشاء الله ،،،
مع محبتي وتقديري والى لقاء قريب بمشيئة الله ،،،
Post: #144 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبدالفتاح أبوشيمة Date: 06-09-2008, 07:18 PM Parent: #1
Quote: ست سنوات بالتمام والكمال وأنا أرسم لنفسي خطة الوصول براً الى مدينتي بورتسودان ،،،
ست سنوات وأنا أخط على الورق رحلة العمر هذه ،،،
ست سنوات وأنا أرسم فى مخيلتي تفاصيل دقيقة لقادم آت فى المستقبل المجهول ،،،
ست سنوات
هو انت ساتي واللا ساني
يااخي انا قايلها ساتي
طلعت حلفاوي
كدا ما تمام
وبعدين شنو شابكني سنوات سنوات سنوات
وهو انت ماشي تغنّي في عرسك واللا شنو
مبروك مقدماً
والله ترجع ساي هرون دا يجننك
Post: #146 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 07:38 PM Parent: #144
مهداة لك اخى محمد الطيب
و للغاضب حسين عوضاى (نو مور تعليق ياحسين)
سانى بعد ان عدل كرسيه ليكون اقرب اكثر من الصيادية التى ترنو اليها اصابعه فى الصورة.
Post: #147 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 07:45 PM Parent: #146
بحسابات رياضية سريعة ممكن ناكد انو الصحن دا بتاع سانى , باعتبار انعكاس الضوء, و رجل الطربيزة , و كدا
Post: #149 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 08:02 PM Parent: #147
تداعى الاشياء - things fall apart
رصف الاطباق الفارغة فوق بعضها البعض بعد ان كانت عامرة و مترعة, تكثيف عالى الدقة لمفهوم الحياة.
(حبة فلسلفة )
ماسمعتو كلامى بتاع اشربو الشاى اول , بعد داك الموية و البارد, اها خمو و صرو , انا لى هسة شارب لى حفاظة. طبعا كان اقتراحى انو شرب الشاى اولا بيمنع اللهف. لكن ماسمعو كلامى
ياربى سانى لى هسة يكون شرب كم جك؟
Post: #150 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 08:37 PM Parent: #149
البحر خلفك, واالامانى تلوح بالوصول و النورس الأبيض فال حسن.
الاخ محمداحمد و انا
عزيزى محمد الطيب , دا البيحصل بعد الفراغ من أكل الناجل الشهى. فقط تحديق مستديم للامام, بلا تحديد لنقطة وصول, و فكرة تعتمل فى الراس تقول ( ماأروع طعم الناجل)
Post: #151 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 08:47 PM Parent: #150
وانَتَبَهْنَا بعدما زَالَ الرَّحِيقْ ... وأَفَقَنَا ليتَ أنَّا لا نُفِيقْ
و تثاقلت أقدامنا مبتعدة لروعة المكان. و خلفنا وراءنا بعض مناديل و عطر و علب فارغة...
و امال بالعودة يوما ما ...
Post: #153 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 09:06 PM Parent: #151
سعدت كثيرا بلقاء الاخ محمد خليل سانى , و رغما عن سخونة الجو , الا ان ابتسامته لم تفارقه ابدا. خالص الامانى بقضاء اجازة طيبة , تكون حافزا لنجاح يلازمك اخى محمد.
Post: #157 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-10-2008, 07:17 AM Parent: #151
الاخ/ابوبكر علي انت ساني فتح الشنط في المطعم وله انا مابشوف دحين الفي التربيزة دة فتيل ريحة ؟
هسع عليك الله مافضلت لينا حاجة انشاء الله الكراويش . تقديري واحترامي
Post: #229 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 02:33 AM Parent: #157
شنطة شنو يا زوله ،،، ده كرم عمك قرموش بتاع السمك اللذيذ ،،، الراجل أذهلنا بكرمه الفياض وطقوسه الرائعه ،،، سؤال برئ ،،، عليك الله فتيل الريحه ده لمحتيهوا كيف ،،،
مع عظيم تقديري وامتناني ،،،
Post: #228 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 02:27 AM Parent: #146
يا لها من وجبه ،،، همممممم هممممم لذيذ
تسلم يا أبوبكر ،،، عزمت فأشبعت ،،، الموعد فى طريق الرجعه ،،، جاييييييك للإجراءات من 8 صباحاً ،،،
مع عظيم تقديري ومحبتي.
Post: #227 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 02:16 AM Parent: #144
تسلم يا فنان ،،،
والله سعدت بشوفتك والتعرف عليك فى الرياض ،،، تصدق حلفاوى والحمدلله ومن اشكيت كمان ،،، بصلى وبصوم وبحج بيت الله الحرام وما بسب العقيده ،،، أها لقيتني كييييف حلفاوي بالجد ولآ لسه متشكك ،،، تسلم على المرور اللذيذ ،،، جايييييك إنشاء الله قريب فى طريق العوده ،،،
مع عظيم محبتي وتقديري.
Post: #152 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: sourketti Date: 06-09-2008, 08:53 PM Parent: #1
حمداً لله على سلامة الوصول ... ووين وصف تفاصيل الرحلة من الدوحة وعبر السعوديه وفى مكه الى بورتسودان وبالصورة لو سمحت قبلما تنشغل بالعرس والعروس وتختفى عن الانظار ... ربنا يسعدكم ويهنيكم ويبارك فيكم
Post: #231 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 02:01 PM Parent: #152
العزيز سوركتي
الله يسلمك وشكرا على نصائحك قبل التحرك ودعواتك طوال الطريق ،،، التفاصيل جاتك لقيتها ولآ لسه ،،، على العموم صور حلوه وجميله ما تفوتك ،،، وخصوصا صور صحبك حموووووودي العسل ،،، عرفتو هو داك صاحب ود البشرى بتاع الشارقه والمرض والما معروف ،،، ع العموم خليك معانا ح تستمتع ،،،
مع عظيم تقديري.
Post: #154 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-09-2008, 09:19 PM Parent: #1
Quote: و جيئ بالطعام باشراف العم هاشم قرموش, اطباق من سمك الناجل الفخيم و الصيادية و الشوربة
لا تعليق
Post: #155 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-09-2008, 09:31 PM Parent: #154
Quote: لا تعليق
Post: #156 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد سنى دفع الله Date: 06-09-2008, 09:52 PM Parent: #155
ليكم حق تعلقوا كيف وما خليتو فيها نفس الف حمد الله على السلامة ومبروك مقدما ساني وابوبكر صحبة ورفقة جميلة ووفية لكم المحبة والمودة
Post: #158 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-10-2008, 07:46 AM Parent: #156
Quote: انت ساني فتح الشنط في المطعم وله انا مابشوف دحين الفي التربيزة دة فتيل ريحة ؟
جنس ناس شوافين شوف
ايوة والله دا فتيل ريحة, سانى فتح الشنط و قسمناالحاجات , انا وقعت لى فازة بتاعة ورود, و برواز ذهبى للوحة ربما اشتريها بعد سنوات. شفتى سانى دا راقى كيف اها بعد داك توزعنا الادوار (البيست مين)
تخريمة: طبعا عم قرموش راجل ظريف جدا, بعد تخلصى ياناهد تناول الطعام, بجيب فتيل ريحة و مناديل و غسول للفم, عليك الله دا بتلقيها فى مطاعم الخرطوم.
Post: #159 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-10-2008, 07:53 AM Parent: #158
Quote: وما خليتو فيها نفس
سلامات استاذنا محمد السنى
غايتو بالنسبة لى انا, ماشبعت لكن تعبت من المضغ فوقفت, و فى النفس حسرة على مابقى.
Post: #162 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد الرحمن الطقي Date: 06-10-2008, 11:22 AM Parent: #159
Quote: دعواتكم لى بسلامة الوصول والعوده ستكون ونيسي فى طريق الرحلة الطويل نحو بورتسودان ،،، ونحن معاً على موعد مع التوثيق الكامل لهذه الرحلة منذ لحظة المغادره وحتى العوده بمشيئة الله ،،، قلوبكم معى هى دافعي نحو الهدف المنشود ،،،
العزيز / محمد خليل ساني حزنت أني لم أكن أكن أحد مودعيك بالدوحة و على كل حال صحبتك السلامة في حلك و ترحالك و و عددا ؛ميدا و زواجا ميمونا إن شاء الله .
Post: #238 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-18-2008, 12:27 PM Parent: #162
الشيخ الوقور عبدالرحمن الطقي
تحياتي من أرض السودان تشكر كتير على تمنياتك والله عارفين الظروف ولو لقيت طريقه كنت قمت بالواجب وزياده بس جيرانك ناس هارون دياب وصحافه وبورداب الدوحه الحلوين قاموا بالواجب وما قصّروا وموعدنا إنشاء الله بعد العوده بس ما تنسونا من صالح الدعوات
مع عظيم تقديري وامتناني.
Post: #237 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-18-2008, 12:21 PM Parent: #159
أبوبكر قول يا لطيف
معقول ما شبعت وتعبت من المضغ والكسارات الإحتياطي اللى كان شغاله دي ودت الإنتاج وين غايتو الصور موجوده والصوره ما بتكضبها العين ولآ أيه رأيك ننزل ولآ قلتوا الروووووووب
مع محبتي وتقديري.
Post: #236 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-18-2008, 12:17 PM Parent: #158
والله يا أبوبكر يا أخوي
تعبان جنس تعب تفهم ده وتشرح لى ده وناسي نفسك يازول ريّح نفسك شويه لسه لمه بورداب الخليج جايّنك فى سواكن يا سفير الجزيره وما حولها وسواكن التاريخ وكل ما تحتويها سلامي ومحبتي
وإنشاء الله يوم شكرك ما يجي يا أبوبكر على
Post: #235 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-18-2008, 12:11 PM Parent: #156
الحبيب محمد السني دفع الله
والله إستقبال ولا أحلى ناس حلوين ظراف الواحد مفتقدهم من زمان وواحد لذيذ تاني ابوبكر على سفيرنا فى سواكن ووجبه سمك دسمه ولمة صحاب حلوين عليك الله بعد ده يعلقوا يقولوا شنو ما فى قول مش كده بس إنت ما عارف فى حاجه خفيه بين عوضاي وأبوبكر على هى شنو ما معروفه ياريت تستخدم صلاحياتك وتعرفها لينا عشان خلاص إتقطعنا وما عرفنا
مع عظيم محبتي وتقديري.
Post: #232 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-17-2008, 02:05 PM Parent: #154
غايتو جنس غايتو
Post: #160 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Alsa7afa_30 Date: 06-10-2008, 09:18 AM Parent: #1
حمد لله على السلامة يا كتكوت ..
Post: #161 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: فيصل محمد خليل Date: 06-10-2008, 09:39 AM Parent: #160
Post: #246 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 11:45 AM Parent: #161
إبني العزيز فيصل
تسلم على جمال الإختيار الأغنية أضفت على البوست طعما آخر
أسعدني مرورك الكريم وتحياتي للأسرة الكريمه
Post: #244 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 06:58 AM Parent: #160
صحافه الفنان
واحشنا كتير وشكرا على التحايا يا كبير الكتاكيت
كن بخير وعافيه
Post: #163 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: BADRELDIN MAHMOUD Date: 06-10-2008, 05:03 PM Parent: #1
ياخى العضة ما عندكم ياخ ..شهيتونا عديل كدة
Post: #164 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-10-2008, 06:41 PM Parent: #163
ألرجل المفياق المراوغ الرعديد المسباق ابوبكر علي
( نبز وشتيمه علي سياق ناس زمان )
اما بعد
Quote: عزيزى محمد الطيب القادم احلى, فلا تبتئس ياصديقى.
سانى ماقصر انتظرنى لحدت ماخلصت حساباتى فى صبر يحسد عليه, و بعدها جئنا لمطعم قرموش. والله يامحمد الطيب بس ماقلنا بسم الله, واحد مننا اتخنق, انا ضحكت و و علقت انو دى دعوة محمد الطيب انو السمك ماينفعنا, فضحك الجميع
عزيييييييييزي قال عزيزي قال انت خليت فيها عزيز
ياخي انت خليتني اسي اكمل 3 باكو مناديل عشان اوقف ريقي الجاري من المناظر الوحشيه الانت منزله دي
ياخ حرام عليكم ماخليتو سمكه حايمه في المطعم اين حماة البيئه واين حماة الحياة البحريه ؟؟
اضحك انشا الله لمن تنشرط ماعافي منك يا ابوبكر
مالك تريان ومندي كاسي الكتان والهندي ومحمد ساني الهندي
تحت تحت :ــــــــــــــــــــــــــ ربي يديم السعاده والخوه
Post: #165 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-10-2008, 07:49 PM Parent: #164
Quote: ألرجل المفياق المراوغ الرعديد المسباق
و اخيرا ظهر الرجل المكر المفر الجحجوح المتابط
ياخ ماراجينك من امبارح
و الله ياود الطيب , قبل الشروع فى الالتهام, واحد خنق, طوالى قلت لى سانى دى دعوة محمد الطيب, لقيتك خترى, و الله ناهد ماليها حق كان تخليك تدعى ليها
تحت تحت: سانى لسة ماظهر , يكون لى هسع لهفان و بيشرب
Post: #173 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 06-11-2008, 05:23 AM Parent: #165
حمد الله على سلامة الوصول بعد شهر واحد بس معاكم...حتروحي مني فين انت و الدرديري.
Post: #250 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 12:33 PM Parent: #173
تتصور يا ود الشيخ
الدرديري اختفى فى ظروف غامضه وما عارفين ليهو طريق جُرّه (على قول الصعايده) تحت تحت كده سمعت إنو مشى مصر وبرضه تحت تحت كده سمعت إنو وزارة الداخليه أصدرت فرمان بعدم الخروج والرد على التلفونات وزيارة الأصدقاء واستقبال الزوار إلا بعد العودة الميمونه من وين ما عارف فهمت حاجه (ما حاجة هارون) لو فهمت كلمني منتظرك بشغف
مع عظيم تقديري وامتناني.
Post: #249 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 12:03 PM Parent: #165
يا أبوبكر
مالك شابكنا واحد خنق وكده ما تقول ده معتصم صحبي عديل شنو يعني هو أول واحد يخنق طبعا دي حركه فى شكل سمكه عشان محمد الطيب بطنو ما تبرد عارفوا بيقول ده ساني مره مطلعني زى كدايس سواكن بى 7 أرواح ومره اتخنق ومره طه القرشي مريض ومره طه القرشي فى المستشفى ومره طه القرشي يمزمز السمك وهكذا دواليييييييييييييك
مع تقديري وامتناني الفائقين.
Post: #248 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 11:57 AM Parent: #164
محمد الطيب يا أخوي
يخرب بيت السمك وسنين السمك وعمر السمك وحياة السمك وقرش السمك وعيون السمك ويخرب بيت العزائم محل ما مشت وجااااات وما مسامح الزول اللى يتعزم سمك ويرفض العزومه ما مسامح الزول اللى يشوف السمك قدامو وما يستمتع بكل لحظه معاهو
كفايه يا محمد الطيب ولآ أزيدك ما كانت عزومه دي ياخ تعال وحأعزمك بنفسي عشان ما تجيب ليها نبز ناس زمان يا ابن أبى سفلعه
مع عظيم محبتي وتقديري ومنتظرنك .
Post: #247 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 11:49 AM Parent: #163
أخي العزيز بدر الدين محمود
وإنت لسه شفت حاجه الجاي خطير خطير يااااخ بورتسودان دي بقت فيها حاجات تجنن عديل (مخ محمد الطيب ما يمشي بعيد)
تسلم على المرور الطيب ،،،
Post: #175 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-11-2008, 07:02 AM Parent: #1
الف حمد الله علي السلامة وسلم لي علي اي حاجة تقابله
Post: #176 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-11-2008, 08:26 AM Parent: #175
Quote: وسلم لي علي اي حاجة تقابله
والله ياهرون دا شوق مبالغ فيهو
تسلم ياحبيب
رسلت ليك مسنجر و منتظر الرد
تحياتى
Post: #177 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-11-2008, 10:28 AM Parent: #176
Quote: طبعا لقيت البورد خلاء والبوست مهجور وأنا فى عرض الطريق قلت تبشع بىّ مش كده ،،،
ياخ بالغت ياسانى, خلا شنو انا كنت قاعد حارس البوست
و رديت على ناهد بيد من حديد, كدى امشى نص الصفحة
لكن بصراحة انا تعليق محمد الطيب لى ناهد عجبنى, الزول دا علاق خلاص
الصراحة كويسة ياسانى اخوى
ياسانى عليك رد فى اخر الصفحة, اعمل اقتباس و رد فى النهاية, لانو الردود الفى نص بتجهجه.
Post: #252 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 12:46 PM Parent: #177
أبوبكر
الـ مستعجلّها شنو لاحق فاطنه ولآ مُحمد ما تفتش على ردود النص دى دائما الحاجات الحلوه بتلقاها مدكنه مش كده فتش أى حاجه وكل حاجه وتاني حاجه
مع تقديري وامتناني
تحت تحت -------------------------- أتاااااريك حرّاس شديد حرست العقاب حراسة عدوينك
Post: #178 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-11-2008, 10:34 AM Parent: #176
هارون كييييييييييف الكلام ده
Quote: وسلم لي علي اي حاجة تقابله
والله كلمه حاجه دي بلغتنا الاسي معناها ....... ( ابوبكر اكمل الاماكن الفارقه )
الفتنه صحي نائمه لعن الله من بحته ونكشه
تحت تحت :ــــــــــــــــــــــــــــــــــ انا خلاص قربت ياعمك قول لصحبك بتاع المطعم يجهز السمك من اسي وجاييك مسنجر ارض جو
Post: #179 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-11-2008, 10:49 AM Parent: #178
Quote: والله كلمه حاجه دي بلغتنا الاسي معناها ....... ( ابوبكر اكمل الاماكن الفارقه )
ياخ سيب اللخبتة
هارون بيقصد بى حاجة thing
Post: #261 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 00:07 AM Parent: #178
محمد الطيب يا أخوي
إستهدى بالله وبطل هضربه الحكايه ما مستاهله الحاجه دي حاصطادها ليك بنفسي إنت بس تعال وحتلاقي السمك جااااهز وفكرك ما يروح بعيد البحر مليان سمك بس أخوك أبوبكر عايز يضللك ويحرمك من الميراث لكن أخوك التاني ساني واقف بالمرصاد لكل من تسول له نفسه زعزعة إستقرار الأسماك فى الماء
مع عظيم تقديري وامتناني
Post: #251 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 12:41 PM Parent: #175
الله يسلمك يا هارون يا أخوي
سلمت ليك على كل حاجه أى حاجه حاجه حاجه وسمحه حاجه وشينه حاجه أهاااااااا لقيتني كيف سلاّاااااام مش كده
وبرضو كيتاً فى محمد الطيب اللى مدخل روحو فى أى حاجه وكل حاجه والترابه الجاااات فى خشمو وحاجه ما تعترّلوا
مع عظيم تقديري ومحبتي ،،،
Post: #180 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد علي Date: 06-11-2008, 12:07 PM Parent: #1
الاخ/ ساني ياذوق تصدق خيرات الدعوات ونفحاتها الطيبات وصلت يازول كلام عجيب، محمد الطيب دة كان داير يطللني ساي علة انا كنت ثابتة وعند كلمتي . شكر لدعواتك ولي الامنيات الطيبة ماقصرت والله .. يوم فرحك يارب .
محمد الطيب قال بدعي ليك انا والله كان ودرتنا ساي ، قلت لي من مكة للمدينة كم ؟
ابوبكر علي اعتذارك مابفيدك طيعت الفرصة معاي ..اها قلت لي شنو سمعت صوتي الخير جاك ومال لوكان ساي رحبت بي جيتي وشفتني كان عيييييك لي جنا الجنا في خير كثير .
Post: #182 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-11-2008, 11:33 PM Parent: #180
نبتدي منين الحكايه ،،،
هى قصة وسرد واقعي لرحلتى ما بين الدوحة والسودان عبر السعوديه ،،،
نبدأ ونقول ،،،
قعدت أساسق لمدة 7 أيام تقريبا فى سبيل إني أحصل على فيزا العبور عبر المملكه ،،، الحقيقه إنتظرت كتير كتير ،،، والشباب بتوع الأصايل كانت حالتهم حاله ،،، أخوانا صلاح وعبدالروؤف كانوا فى حركه دائبه فى سبيل إستخراج الفيزا لكن لم تكلل المساعي بالنجاح ،، السبب بالطبع كثرة الجوازات الداخله للسفاره والخاصة بطلبات المرور عبر السعوديه وتم منحنا بالضبط 3 أيام فقط للعبور وحدث العكس والتفاصيل مع خواتيم هذه الرحله ،،، أها المهم الله سبحانك قيض لينا الأخ تاج السر عبدالرحمن وهو من أبناء بورتسودان ولعب لفريق حى العرب كمان واللى تابع الفيزا مع أحد الموظفين فى السفارة أو القنصلية السعوديه فى الدوحه والحمدلله تسلمنا الفيزا وهاك يا تجهيزات أخرى مهمة تذكرناها بعد إنجاز الثلاثاء لتدخل الرحلة مرحلة الجد بعيدا عن التغزل فى جمال الوجه والعينين ،،، وهاااااااك يا طريق جالك ساااااااني ،،، عشان كده كان الحمدلله المشي بين الهفوف بإحساس طفولي لذا لم نتمكن من النيل منها ،،، ودي طبعا مرحله جديدة من مراحل ولادتك الإسفيريه ،،، فى المداخلة القادمة قصص وحكايات من الهفوف ،،، ودي طبعا قصص واقعيه وهاك يا حكايات ،،،،
مع عظيم محبتي وتقديري.
ــــــــــــ
التعديل لتبديل كلمة جده بكلمة الدوحه
Post: #187 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عصام دهب Date: 06-12-2008, 09:22 AM Parent: #182
حمداً لله على السلامة يا محمد و أمنياتي لك بإجازة سعيدة و عودة مظفرة ..
و الظاهر إنك لسع ما أنجميت ..
Quote: السفارة أو القنصلية السعوديه فى جده
دي طبعاً لحدي هسع ما فتحوها لكن أديها صنة بس .. قريب تسمع !!
تحياتي لك يا ظريف يا رائع ؟؟
Post: #191 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-12-2008, 11:47 PM Parent: #187
عزيزى عصام دهب
جمعه مباركه تتصور النوم كان مغالبني ،،، بكتب حرف وبنوم فى حرف ،،، والقصد طبعا السفاره أو القنصليه فى الدوحه وليس جده ،،، ياريت طبعا الحاجه دى تتم فى القريب العاجل كمان ،،، سعدت بروعة اللقيا ،،، جاييييييك برواقه ،،،
مع محبتي وتقديري.
Post: #192 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-13-2008, 01:27 AM Parent: #182
رنين الهاتف لم ينقطع منذ إنطلاقي من الدوحه صوب منفذ أبو سمره ،،،
مهاتفات جميلة من الأعزاء هارون دياب ومحمد الطيب ورفيقى طيلة رحلة السعوديه حسين عوضاي ،،،
العزيز عصام الجيلي كان حاضرا معي عبر الهاتف أيضا ولا أنسي الأعزاء عماد سيدأحمد بـ كيوتل وسيف اليزل ملك الناصر أبو الغاليه إضافة الى هاتف رقيق من الأخت ليلي من أبوظبي ،،،
وصلت الى منفذ ابوسمره وقفت قليلا لألتقط أنفاسي ولآخذ بعض الزاد من بقالة المنفذ منها زاد لعطش الطريق وآخر لعطش الهاتف للشريحة السعودية سوا ،،،
توجهت بعدها صوب المحطة الأولى جمارك أبوسمره لم تتعد العملية والتدقيق دقائق معدودة مصحوبة بإبتسامات ودعوات صادقات بسلامة الوصول والعوده ،،،
بعدها مباشرة توجهت صوب جوازات أبوسمره وتدقيق فى فيزا الخروج والجواز وأوراق السيارة مرة أخرى وختم مميز ثم دعوات أخريات بسلامة الوصول والعوده مصحوبة بإبتسامات أخري ,,,
بعدها تأتي محطة التأكيد الآخيرة أو (التشييك) كما يحلو أن يطلقوا عليها وهذه مصحوبة بونسه خفيفة عن السودان وما حدث فى أم درمان مع تعبير كامل لحب القطريين لأبناء السودان وهو حب متبادل ،،،
بعدها غادرت الأراضي القطرية مصحوبا بدعوات الكثيرين لتتلقاني المنطقة المشتركة بكل ترحاب ثم الأراضي السعوديه فى منفذ سلوي الحدودي بكل ترحاب وبشاشه ،،،
تأكيد من أوراق السيارة وفيزا العبور وإستمارة الجمارك القطريه وتمنيات بسلامة الوصول والعوده ،،،
ثم التوجه صوب الجمارك السعوديه التى استقبلتني بكل بشاشة وسعة صدر ،،، ضحك ومزح من القلب مع طلب بالوقوف ناحية الشمال لمنصة الجمارك وتفتيش تقليدي لم يتعد الدقائق ثم قفشات حلوه وتمنيات بالسلامه ،،،
سعدت كثيرا بهذه الروح الطيبة التى قابلني بها كل من حمل أوراق سياراتي وجواز سفري لأكمال ترتيبات السفر عبر المنفذين القطري والسعودي ،،،
توجهت بعدها صوب منصة التأمين على السيارة وهذه ضرورية جدا طيلة الطريق والشحن فى العبارة فى الطريق الى سواكن وقيمة التأمين 70 ريالا سعوديا ويجب أن يكون بحوزتك هذه المبلغ (خرده) حتى تسلم من لطعة الإنتظار حتى يتم (فك) المبلغ وجلب (الصرف) ،،،
ثم نهمت الطريق صوب النقطة الأخيره نحو الدخول الى مدينة سلوى الحدودية ومنها الى الإحساء أو الحسا كما يحلو لهم أن يطلقوا عليها أو الهفوف مع محادثات تطول حينا وتقصر حينا آخر مع حسين عوضاي وعصام الجيلي ،،،
ثم طويت الأرض طيّاً نحو الهفوف وفى القلب والخاطر لقاء صديقى الفنان المهاجر طارق الرضي الذى كنت أحادثه بين الفينة والأخري فى طريقي إليهم وهو المكان الذي سألتقي فيه بورداب الدمام حسب الإتفاق ،،،
وصلت الهفوف فى تمام الساعة الرابعة إلآ عشر دقائق تقريبا مع وصف تفصيلي من طارق الرضي للطريق حتى اللقاء فى نقطة طلب منى الرضي المكوث بجانبها ثم كان اللقاء والعناق بعد إنقطاع عن الرؤية لمدة امتدت لنحو 10 سنين أو يزيد ،،،
كانت هذه مرحلة من المراحل الحرفيه لتأتي بعدها مرحلة الصور التى تتحدث بأبلغ ما يكون الحديث ،،، ترقبوها فيما يلي من مداخلات والبداية ستكون مع طارق الرضي الفنان المهاجر الذى غنى من قبل سلطان حبك ده الـ خلانا نحن نحبك ،،، وأسرته الكريمه وكتاكيته الرائعين ،،، ربنا يحفظهم ويحفظ أمهم قولوا آمين ،،،
مع محبتي وتقديري.
Post: #264 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 08:49 AM Parent: #180
الأخت العزيزه ناهد على
والله لو تابعتي محمد الطيب ده ضايعه ضايعه عشان كده أمسكي فى أى زول تاني هو على العموم جاي قريب للسودان وحـ يروح يعمل عمره كمان لو حابه يدعو ليك الفرصه لسه مفتوحه أصل مشواره لسه ما بدأ
مع عظيم تقديري وامتناني
تخريمه صغيره -------------------- أظن أبوبكر ده مفروض تسامحوه بعد ده الزول ما قصّر جا أدى فروض الولاء والطاعه يعني بالواضح كده براءه ولآ أيه رأيك
Post: #188 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 06-12-2008, 10:07 AM Parent: #1
ابو بكر وساني ........ لا ..كده خميتونا .......... وين صور كدايس سواكن!!!!!!!!
Post: #189 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-12-2008, 10:15 AM Parent: #188
Quote: ابو بكر وساني ........ لا ..كده خميتونا .......... وين صور كدايس سواكن!!!!!!!!
تحياتى استاذ كمال
والله اليوم داك ماكان فى كدايس عند عم هاشم قرموش.
انا ملاحظ كلما نمشى غدا متاخرين يعنى, الكدايس بتكون كسولة من التخمة, يعنى من الصباح شغالة لهط.
عم هاشم عندو سوط بيفرقعو فى الهوا للكدايس, لمن لقيت السوط مافى, عرفت انو الامن مستتب.
Post: #266 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:07 PM Parent: #189
وقطع أبوبكر على قول كل خطيب
شوق أطنااااااان ،،،
Post: #265 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:02 PM Parent: #188
كيمو اللذيذ
كدايس بورتسودان دى مالك عليها لمن تتلمي عليك بتجغلب ووقتها حـ تقول يا ريت اللى جرى ما كان بيني وبينك كده كنت حابب بالجد نصورها ليك لو مصر على كده رجعتي ليك قربت وجاهز لإلتقاط الصور منتظر ردك
مع عظيم محبتي.
Post: #190 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 06-12-2008, 11:29 AM Parent: #1
لكن ذلك يؤكد شكوكي في ان تلك المأدبة لم تكن في سواكن بل قمتم بأداء ادوارها ربما في بور سودان او حتى سنكات.
انت مطالب اخي ابو بكر بعمل بوست خاص عن كدايس سواكن .... تبدأ ولله ابدأ .. على وزن تجي ولله نجي.
Post: #267 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:21 PM Parent: #190
يا كمال يا صاحبي
إنت لسه مُصر على موضوع الكدايس ده ولآ شنو ابوبكر على هرب منك شمال ويمين ما فى فايده شغال معاهو رونالدينيو عديييل كده يا زول ما ترّكز والله حـ تاباهو الموضوع ده
تخريمه صغيره -------------- الشوق شديد ورياح العوده بدأت تهب وبعنف
Post: #193 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: Sayed Bekab Date: 06-13-2008, 05:17 AM Parent: #1
محمد
بختك إن شاء الله درب السلامة جميل السفر بالسيارة عبر الدول تقيف وقت ما داير تقيف تبيت مكان ما داير تبيت حرية جميلة تتوسطها المناظر الجميلةهنيئا لك صديقي.
ياخي دي رحلة فنانة علي انغام البلابل و صبرريي ووو حيملي
بس اوعك تقطع بنزين فى الصحراء بتبيت ليك فى بطن ديب غايتو
Post: #194 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: عبد اللطيف السيدح Date: 06-13-2008, 09:35 AM Parent: #193
والله ياكمال سبقتني عليها حكاية الكدايس دي يعني ختفتها من خشمي زي ما يتختف كدايس سواكن اللقمة من
ايد الزول ، ورغم ذلك لازلت مصرا علي السؤال اين الكدايس في اول مأدبة للعزيز ساني في السودان
بعد غياب سبع سنوات ؟ دي كدايس ما محترمة يعني ما دايرة تستقبل العريس
المهم حمدا لله علي السلامة ياعريس وحدد لنا موعد الفرح متين.
وشكرا ابوبكر علي هذا السبق الصوري الجميل
Post: #200 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-14-2008, 07:45 AM Parent: #194
أول من استقلبني من أبناء بورتسودان عند المدخل للمملكة العربيه السعوديه الأستاذ الفنان المخضرم طارق الرضي موظف البنك الذى ارتقى اعلى الدرجات فى بنك التنميه ومارس الغناء حتى هاجر الى السعوديه متنقلا بين جده والرياض والهفوف التى استقر به المقام فيها حاليا ،،،
Post: #201 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-14-2008, 07:49 AM Parent: #200
صورة من جانب آخر فى الصالون العامر لمنزل الصديق الفنان طارق الرضى فى الهفوف ،،،
Post: #241 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 02:08 AM Parent: #201
فنان بورتسودان طارق الرضى وهو يتوسط إبنتيه روان ورناد فى صالون منزلهم العامر فى الهفوف ،،،
Post: #242 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 02:15 AM Parent: #241
صورة من زاوية أخرى مع الكتاكيت الصغار فى الهفوف ،،،
Post: #243 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 02:34 AM Parent: #242
صورة تجمعني مع إبنتي طارق الرضي روان ورناد ىفى الهفوف ،،،
Post: #270 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:38 PM Parent: #194
سلامات يا أبا خزيمه
أخبارك وصحتك والعائلة الكريمه تتصور موضوع الكدايس فعلا معناها عامل رواااااج عشان كده القال إنى مصورها ومنزلها هنا ما كضب وقريب كمان قبل ما أرجع ليكم بهناك تسلم على سؤالك موضوع العقد المشاورات جاريه حتى الآن والله لو كانت محادثات السلام كان خلصت من زمان تسلم من كل شر وحـ تلاقى الأخبار عندك أول بأول ،،،
مع عظيم تقديري وإمتناني.
Post: #269 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:32 PM Parent: #193
الجميل سيد بكاب
والله فعلا الرحله حلوه خاااالص على الرغم من الإرهاق والتعب على الرغم من العراقيل التي صاحبت الرحله على الرغم من الأتربة والأهوية الشديده التى صاحبتني طوال الطريق إلا أننى استطيع أن أقول لك إنها الرحلة الأمتع فى حياتي قابلت فيها من قابلت سعدت برفقة الأحباب الرائعين فى كل مكان إنت عارف الطمع خلاني كمان أعشم نفسي برحلة عودة بذات الجمال والألق وما تخاف أخوك حريييييييييص العداد لو نزل تكه كده المحطه الجايه جاااك بلاء طوالى تلقاني واقف فيها ما قلت ليك حريص شديد تابعنا بذات الحماس
مع عظيم تقديري وامتناني.
Post: #202 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-14-2008, 07:52 AM Parent: #1
ساني صباحات شوقنا بي خيرن صباحك طلت الياسمين شنو ياعمك....؟ مشتاقووووووووووون وانشاء الله تكون سلمت لي علي اي حاجة....؟
كيتن في محمد الطيب
Post: #271 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 12:45 PM Parent: #202
الحبيب هارون
ما توصيّ حريص السلام وصل من زماااااااان وعلى مين على كل حاجات بورتسودان مش حاجه محمد الطيب بس تسلم من كل شر أنت والعائلة الكريمه سؤالكم لم يعطنى إحساس أننى غادرت الدوحه تسلم على هذا التواصل الحميم و ده إنت فعلا ،،، هارون دياب صاحب القلب الكبير ،،،
مع عظيم تقديري وإمتناني.
Post: #203 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: قرشـــو Date: 06-14-2008, 09:50 AM Parent: #1
العزيز سانى
تحية واحتراما
والف حمدا لله على سلامة الوصول لارض الوطن .. فقط بالامس فى لقاء بورداب جدة سمعت بهذا البوست وحزنت لاننى لم اشارك فيه منذ البداية واتعشم ان نراك فى رحلة العودة يا سيدى وامنياتى فى التوفيق بالزواج الميمون وخلينا معاك بالصورة
المحيرنى بس صحن البصل ده محتوياته شنو ؟؟؟؟
Post: #276 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:52 AM Parent: #203
الحبيب قرشـــو
تعرف والله الواحد كان حابب يشوفكم كلكم بس تقول شنو قعداتكم خلصتوها جلساتكم كمّلتوها ما فضّل لينا إلا نمسك الهواء بس لكن الرجعه غير زي ما جده غير ولآ أيه رأيك غايتو فى العودة عندى ليله حأبيتها فى جده فى منزل عزيزنا كمال إدريس العامر لازم أشوفكم فيها بعدين إنشاء الله لمكه لأداء العمره ثم من هنااااك عييييك للمدينه ثم الدمام والهفوف وإنشاء الله الطريق يكون أخضر زى ما كان فى الذهاب وربنا يعدّل الخطوه
مع عظيم تقديري وإمتناني.
Post: #210 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: essam&amal Date: 06-16-2008, 06:59 AM Parent: #1
ازيك يا محمد آسفة للغيبة لظروف خارجة عن الارادة تغيبت كم يوم من المنبر نسبة لوفاة ابنة عمتى المفاجئة لها الرحمة اول حاجة عملتها على طول تابعت الرحلة الجميلة وخلتنى على فكرة افكر متى اسافر مثل هذه الرحلة شرفت وطنك وكلنا شوق لرؤيتك بيننا واعمل لينا برنامج فى الخرطوم وده وعد انى حاكون بين البورداب لاول مرة ان شاء الله .
نحن متابعين ,,,,, تحياتى ام وضاح
Post: #216 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-16-2008, 11:30 AM Parent: #210
Quote:
كيتن في محمد الطيب
محمد القشري تطير عيشتو
Post: #277 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 02:15 AM Parent: #216
محمد الحِشري ده
عيشتو لسه ما طارت كان كدى محظوظ خالص يا زول ما تروق مالك ما عارف روحك قشري وحشري وِنشري و رغم ده كلو منتظرنك فى سواكن
تحت تحت -------------------- على فكره الإتفاق اللى بينا إعتبروه ملغي خلاص الزمن عدىّ ومشي وما فى نتيجه ياني اللى سابقك سابقك
Post: #220 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-16-2008, 12:18 PM Parent: #210
العزيزه أم وضاح عظّم الله أجرك فى بنت عمتك ،،، تقبلها الله مع الصديقين والشهداء وتعازينا للعائلة الكريمه ،،،
تعرفى الواحد سعيد بشكل بحجم الحفاوه والإستقبال اللى لقاها طوال الطريق ،،، وفعلا هى رحلة العمر اللى عرفتني بناس طيبين وزينين وستكتمل الصوره بالتعرف عليكم وكل بورداب الخرطوم ،،، إنشاء الله يومين تلاته كده وأكون فى عاصمة البلاد ،،،
مع محبتي وتقديري.
Post: #219 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ismeil abbas Date: 06-16-2008, 12:00 PM Parent: #1
ألأخ/سانى..
بهديك تحياتى...
أسعدتنا بهذا السرد الجميل..واصل وربنا يوصلك بالسلامة ويتمم ليك مرادك..ويسعدك مع من تحب...
إسماعيل محمد احمد عباس...
Post: #230 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: MOHAMMED ELSHEIKH Date: 06-17-2008, 05:34 AM Parent: #219
ساني ماشي الخرتوم تسوي شنو؟ اقعد شوية في الحر داوبعدين ملحوقة يا ابوبكر الرجل المضياف ...جاك بلا انا في الطريق بعد يومين تلاتة كدى
Post: #279 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:07 AM Parent: #230
الغالي ود الشيخ
ما عارفك يازول وصلت ولآ لسه انا للآن في بورتسودان منتظر بعض الموضوعات تنتهى بس الإثنين أو الثلاثاء إنشاء الله فى الخرطوم الدرديري لسه ما شفتوا أظن راح القاهره زى ما قال لى صديقي معتصم الجو جميل جدا اليومين ديل فى بورتسودان تعال بسرعه رطّب وبعدين أمشي للأمطار فى الخرطوم منتظرنك بهناك
مع عظيم تقديري ومحبتي.
Post: #278 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 02:21 AM Parent: #219
العزيز إسماعيل عباس
تسلم من كل شر وتشكر كتير على المرور الطيب وخليك متابع معنا الموضوع لسه ما انتهى واصحابك ديك ناس الدمام والرياض أمانه ما حكاويهم بتطير العقل
مع عظيم محبتي وتقديري.
Post: #233 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ناهد بشير الطيب Date: 06-17-2008, 02:11 PM Parent: #1
الاخ محمد خليل ....
ترافقك السلامة .......اينما ارتحلت .....
وسوف نلتقى باذن الله هناك.......
Post: #234 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-17-2008, 07:17 PM Parent: #233
Quote:
غايتو جنس غايتو
والله ضحكتك دى ما عاجبانى شكلها شماته شماته
يا سانى الموضوع ده قلنا جليهو .
هلكتنا ياااااااااااخ
اشوف فيكم يوم انتا والملياردير الهندى بيكا ورسمى اخوه
Post: #239 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: خالد العطا Date: 06-18-2008, 01:04 PM Parent: #234
نحيا ونشوف عرس يحيا اقصد عرس ساني
Post: #240 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-19-2008, 01:48 AM Parent: #239
ود سلبونا المضياف الكريم
بركه اللى جمعت ،،، حمدالله على السلامه ،،، يا زول العرس جاااااااي ،،، خليك قريب ،،، إتفقنا ،،،
مع عظيم محبتي وتقديري.
Post: #245 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-19-2008, 09:15 AM Parent: #240
سلامات عليك الله لمن تصل امدرمان , سلم على حاجة تلقاها قدامك (الحقوق محفوظة ل هارون دياب)
ياخ ماتبدا تفت حمودى العسل هنا راجينك
واصلو البقت عليهو بقت بعد فتة ودالصايم الشهيرة يعنى عايرة و ادوها سوط
سانى الساند ليكود غسلتو و لا لسة؟
Post: #253 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 00:22 AM Parent: #245
الفنان طارق الرضي يعزف لحن ترحيبي فى صالونه العامر والكتاكيت الصغار يتابعون فى صمت ،،،
Post: #254 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 00:27 AM Parent: #253
محاوله يائسه مني لإعادة عزف إحدى المقطوعات لكنها باءت بالفشل والصغيره رناد تتابع الموقف عن قرب وتحاول المساعده على قدر ما تستطيع ،،،
Post: #255 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 00:45 AM Parent: #254
منذ مغادرتي بوابة دولة قطر منفذ أبوسمره وأنا أمنى نفسي برفقة طيبة حلوه ،،، دخلت منفذ السعوديه الحدودي عند منطقة سلوى وتلك الرغبة تتأجج بدواخلى ،،، وكيف لهذه الرغبة الاّ تتأجج وصوتان من أصوات بورداب السعودية يتابعنني أينما حللت ،،، أولهما صوت العزيز وابن منطقتي بورتسودان صديق القريب والبعيد حسين عوضاي ،،، ثانيهما الرجل الرائع الحبوب عصام الحاج الشهير بعصام الجيلي فى منبر بكري ،،، سعادتي كانت كبيرة وأنا أخط خطواتي نحو الهفوف وفى مخيلتي ذلك الحلم الجميل ،،، ملاقاة الأحبة من بورداب الدمام وما حولها ،،، ولكن هل تكتمل كل لحظات السعادة لشخص عابر يبحث عن سعادة ضائعه ،،، أول من قابلت أخي وصديقى الفنان طارق الرضي كما اسلفت سابقا ،،، قام معى بكل واجبات الضيافة من اهتمام ورعاية وكرم حاتمي دفاق ،،، رغم إقتراب موعد الدوام فى فترته الثانية إلا أنه كان هاشا باشا طيبا سمحا ،،، أم البنيات كانت حاضرة بإبتسامتها الطيبه ودعواتها بسلامة الوصول ،،، وروعة الصغار روان و رناد كانت حاضرة فى كل لحظات جلوسي بينهم ،،، وللحقيقة والتاريخ ذكر لى طارق بأنه كان فى غاية الإستغراب وهو يرى صغيرته رناد وهى تلعب معى وتضحك وتقص على بعض القصص ،،، مبلغ الإستغراب كان من الواقع الذى كانوا يعايشونه مع كل زائر عندما كانت تنفر بعناد واضح من كل ملاعب أو ملاطف ،،، حمدت الله على أن جعلني قريبا من قلوب الصغار وهى هبة من الله ينالها كل من يحب هؤلاء الصغار بصدق وتلقائية محببه ،،، خرجت من منزل الأسرة نحو دوام العزيز طارق وأنا أحسب اللحظات التى تفصلنى عن لقاء الأحباب حسين عوضاي وعصام الجيلي ومن هنا بالذات بدأت قصة الشرة الكبيره ،،،
ويالها من شرّه ،،،
Post: #256 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 06:46 AM Parent: #255
فصول الشرة الكبيرة بدأت من هذه اللحظة ،،، خرجنا من منزل الفنان الصديق طارق الرضي بعد أن قام وأسرته الكريمة بواجب الضيافة تماما،،، بل وطلبت منى الأسرة أن أبيت ليلتي معهم على أن أتحرك صباح الخميس ،،، إلا أننى أصررت إصرارا شديدا بأن أتوجه صوب دوام الرضى الموجود فى طريق الهفوف الدمام وأنا جاهز تماما متى ما قدم حسين عوضاي وعصام الجيلي للمدينة ،،، وأمام إصراري إقتنعت الأسرة بطرحي على أن يكون المبيت فى طريق العودة بمشيئة الله ،،، مخطط لقاء بورداب الدمام خاصة حسين عوضاي وعصام الجيلي كان يشمل مرافقة عوضاي لشخصى الضعيف صوب الرياض ،،، وعودة عصام الجيلي لمقر عمله بسبب الدوام صباح الخميس وفى الخاطر زيارة الدمام واللقاء مرة أخرى فى طريق العوده إنشاء الله ،،، وتأهبنا للتحرك نحو دوام العزيز طارق وهاتف آخر يصلني من عوضاي يوضح بأنه يضع اللمسات الآخيرة نحو التحرك صوب الهفوف ،،،
خرجنا لنكون أمام واقع آخر فرضته علينا الظروف والمقادير ،،،
Post: #257 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 06:49 AM Parent: #256
تأهبت للتحرك صوب المكان الذى سألتقي فيه عوضاي والجيلي وكلى أمل وشوق لهذا اللقاء وتظهر فى الصورة تلك النظرة الآمله مع قليل من تعب الطريق وأنا أقف أمام منزل الفنان طارق الرضي بالدمام ،،،
Post: #258 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 06:55 AM Parent: #257
صورة للصديق طارق الرضي أمام منزلهم العامر ولحظات الوداع قبل التوجه صوب الرياض ولكن من كُتب له أن يبقى لابد له أن يبقى مهما حاول أو أراد فإرادة الله هى الغالبة على كل الأمور والحمدلله على ذلك ،،،
Post: #260 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-20-2008, 05:33 PM Parent: #258
خرجت من بيت الصديق الغالي طارق الرضى وتوجهنا صوب المكان الموعود جلسنا نترقب اللحظات والدقائق والساعات فى سبيل قدوم عوضاي والجيلي باءت جميع محاولاتنا بالفشل وأقصد هنا محاولات الجلوس بهدوء إنتظارا للمقدم السعيد الهاتف النشوان يرن بين الفينة والأخري ،،، أين أنت يا صديقى ،،، تأتيني الإجابة دقائق فقط وسأتحرك صوبكم فى الهفوف ،،، جلسنا أنا وطارق نرتشف كؤوس الشاي والقهوة المصنوعة بأيدٍ باكستانية لم أذق لها طعما على الغالب الأعم بحكم تعودي على جبنتنا الشرقية الأصيله فاجئني الرضي بذات الشعور ،،، أعتقد أنك لم تستمتع بهذه الرشفات من الجبنه واستطرد قائلا كيف لك أن تستمتع وأنت من شربتها فى حضرة الشرق ولاية البحر الأحمر وبورتسودان بكل تفاصيلها وأصقاعها وبكل طقوسها ،،، ضحكت فى سري وأنا أعلم أن علاقتي بالقهوة غير حميمية بالمرة فقط كنت من المتذوقين لهذه النكهة الرائعه ،،، جاء الى مجلسنا صديق جميل يدعي محمد وجلس يتحدث عن كل الجوانب والفصول ،،، ضحك الرضى وقال لى نحن على هذا الحال فى الدوام المسائي وسوف يأتي فلان وعلان وفرتكان وهم أصدقاؤنا فى الهفوف نتجاذب أطراف الحديث حتى يحين موعد الإغلاق ،،، نسيت أن أقول أن طارق الرضي يدير تجارة تختص بالزجاج لأحد كبار رجال الأعمال فى الهفوف لمدة تجاوزت العشر سنوات إن لم تخني الذاكره ،،، سرد لى جانبا من ذلك التاريخ الخاص بهذه الشركة التى أنشئت على يديه بهذا الصرح الكبير الذي رأيته ،،، سعدت بالطبع أيما سعادة وأنا أرى واحدا من أبناء مدينتي بورتسودان يتصدر الركب فى مثل هكذا أعمال ،،، سرحت مرة أخرى مع صديقّي عوضاي والجيلي وأين هم الآن هل وصلوا الى مشارف الهفوف خاصة وأن المده المحدده للتحرك إنتهت من زمن ،،، حسين وعلى حسب الإتفاق الأولىّ سيتوجه للصديق عصام ومنها الى الهفوف ،،، اتصلت على عوضاي لأسأله هل وصلت وكلى أمل وعشم بأن أراه هو والجيلي فشوق اللقاء يطغي على كل ما دون ذلك ،،، فاجئني حسين بأنهم لم يتحركوا بعد من الدمام سألته مستغربا ولم ذلك ؟ فقال لى بأن كفيلهم حضر فجأة وطلب جميع الموظفين والإداريين والعاملين ولا بد لى من الحضور ،،، وقصّ على الحكاية كاملة والتى اشتملت على ذهابه للمنزل لجلب بعض الأغراض التى يريد إرسالها الى السودان ومن بينها غرض يتعلق بأحد أعضاء المنبر لتوصيله الى أهله فى مدينة بورتسودان ،،، ليأتي بعدها الهاتف بضرورة التجمع على وجه السرعة والعجله وكان لهم ما أرادوا ،،، طلب من حسين الإنتظار حتى نفرغ من الإجتماع الطارئ ومن بعد التحرك صوبنا فى الهفوف ولا ننسى بالطبع أن هناك شخص ثالث ينتظر على أحر من الجمر هو الصديق عصام الجيلي ،،، أغلقت الهاتف والحسرات تقودني يمنة ويسرى وسألني الرضي ما الامر سردت له ما حصل فقال لى الصباح رباح صاحبك لن يستطيع الحضور اليوم ،،، لم اتمنى أن يحدث هذا لكنه صار فقط مع مزيد من الإثارة والتشويق والفلفل الحار وليس الشمار الحار فقدت الأمل فى وصول العزيز عوضاي خاصة بعد الأنباء الاخيرة بأن هناك عمل مستعجل طلب منهم إنجازه هو وزملائه وقد شرعوا بالفعل فى تنفيذه ،،، قلت فى سري الصباح رباح كما قال الرضي فقط يتطلب الأمر بعض الإستعداد الذهنى والنفسي خاصة بعد هيئت نفسي للسفر للرياض فى ذات الليلة ولكن كما ذكرت فى مستهل هذا البوست القدم ليهو رافع ،،، توجهنا صوب منزل الرضي مرة أخرى وطلبت منه الذهاب ناحية محطة البترول للتزود بالوقود ومن ثم تجديد تغبيرة السلامه أو طلاء السلامه الذى أخذته الرياح الشديدة فى طول الطريق بين الدوحة والهفوف وقد كان لنا ما أردنا ،،، حضرنا للمنزل مجددا ووجدنا الكتاكيت الصغار فى إنتظارنا دردشنا قليلا ثم لعبنا قليلا وتناولنا طعام العشاء ثم خلدت للنوم ،،، قبل أن أغط فى نوم عميق وأنا اصلى غااااااطى من زمان على قول محمد الطيب تحدثت الى عوضاي فقال لى أنهم فرغوا الآن من العمل وهو يتأهب للتحرك نحوى ،،، الساعة وقتها كانت تشير الى نحو الحادية عشرة ليلا ،،، طلبت منه المبيت ثم التحرك باكرا صوبي لنترافق سويا نحو الرياض وكان الإتفاق على ذلك وموعد التحرك السادسة صباحا ،،، قبل أن أغط مرة أخري اتصلت على شريكنا الثالث فى رحلة العمر من الهفوف الى الرياض عصام الجيلي وقال لى إن عوضاي (شرّااااهو) بالمعنى الواضح ذكرت له ما حدث فقال لى خيرها فى غيرها سنكون لقاءا عند العوده بمشيئة الله بسبب دوام الخميس ،،، شكرته على ذلك وطلبت منه الإتصال بعوضاي ومواساته على العمل الطارئ الذى أخذ منهم الكثير ضحك وقال لى سأفعل ذلك وتوسدت جانبي الأيمن ورددت الأدعية الرواتب ونطقت الشهادتين كما هى العاده دائما ثم أخذنى سلطان النوم وفى مخيلتي لقاء صباح الخميس مع حسين عوضاي والرفقة السمحة نحو الرياض ولكن ليس كل ما يتمناه المرء يدركه ،،،
فهناك فاصل آخر من فصول قصة الشرّة الكبيرة ،،،
Post: #262 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 01:32 AM Parent: #260
نمت ليلتي وهواجس الأمس تعتصر دواخلي ،،،
إحساس سوداوي تملكني وأنا ارى رحلتي تصيبها العراقيل والمآزق بين الفترة والأخرى ،،، بين لحظات نومي وسهادي كنت أخال أن هناك صوتا بعيدا يداعب الأجفان ،،، إحساس بصوت رنين الهاتف أقلق راحة جفني دون وجود على أرض الواقع ،،، صحوت باكرا وأنا أحلم بروعه لقاء الغالي حسين عوضاي ،،، خلت أنه يقف الآن عند مدخل المدينة ينتظر ،،، إنسان ذو جمال داخلي أخاذ ونقاء سريرة يحسد عليها وهذا ما لمسته من تواصلي معه عبر الهاتف ،،، أكملت طقوس الصباح المعتاده وجهّزت أغراضي ميمما هذه المرة مغادرة المدينة بإذن الواحد الأحد ،،، أخذت هاتفي لأجري محادثة مع عوضاي لأعرف أين طاب به المقام وأي الدروب سلك ،،، رنين الهاتف يتواصل دون إجابه ،،، قلت فى نفسي لعله يُعد مفاجأة سارة لشخصي الضعيف ،،، وقلت ربما هو الآن فى طريق الوصول الى الهفوف ولكن خاب الرجاء والأمل مع مرور الزمن ،،، عشرات الهواتف والرسائل ولا حياة لمن تنادي ،،، ساورني القلق ماذا حدث لصديقي ؟ لماذا لا يجيب على الهاتف ،،، ظللت فى حالى هذا حتى أشرقت الشمس قليلا وارتاحت فى سطوعها لانقل قلقي الى عصام الجيلي ،،، حاول عصام بنفسه مرات ومرات ولكن دون جدوى ،،، قكرت فى أن أسلك طريق الدمام لأطمئن على عوضاي إلا أن طارق الرضي طلب مني الصبر حتى تتضح الرؤيه ،،، جلسنا فى حالنا هذا ساعات وساعات حتى شارفت الساعه على حدود العاشرة صباحا ،،، رننت الهاتف مرة أخرى علّى أحظى بمن يطمئن فؤادي وقد كان ،،، أتاني على الجانب الأخر من الهاتف صوت سعودي سألته عن حسين وعما جرى له ،،، لحظات وسمعته ينادي ياحسين هناك من يريدك ،،، ولحظات أخرى قضيتها فى ترقب حتى أتاني صوت حسين بلا صوت ،،، صوت واهن بعيد وكأنه شاخ ،،، صوت مبحوح مبحوح مبحوح ،،، سألته ماذا جرى لك ,,, قال لى بذات الصوت المبحوح لقد نسي الهاتف فى السياره ،،، نام وتعمق فى النوم وهواتف عديدة دون هاتفي وصلته دون إجابه ،،، ليذهب اليه زملاء العمل ويجدونه يغط فى نوم عميق ،،، سعدت كثيرا بسلامة حسين بعد أن دارت بى الهواجس فى جوانب شتى ،،، قص على كل الحكاية والملابسات وطلب منى الإنتظار حتى يتمكن من العودة ومرافقتي نحو الرياض ،،، شكرته شكرا كثيرا على هذه الرغبة المستميتة وطلبت منه السماح حتى أغادر الهفوف صوب الرياض ،،، بعد محاولات عديده أقنعته بوجهة نظري لكنه طلب منى أن نكون سويا فى الدمام فى رحلة العوده بمشيئة الله ،،، ضحكت فى سري خاصة وانا استرجع تلك المداخلات التى كان يكتبها عوضاي بين الفينة والأخرى خاصة تمنياته التى كانت تصب فى إكمال إجازتي بين سهول ووديان السعوديه ،،، حمدت الله أن ذلك لم يتم خاصة بعد الطشة الكبيرة التى حدثت لى وأنا أتوجه صوب الرياض ،،،
وهذه قصة أخري فى طريق رحلة العمر ،،،
Post: #263 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: hamid abdalah Date: 06-22-2008, 04:57 AM Parent: #262
اخي محمد ساني .. تابعت معك كتابتك عن الرحلة ومازلت اتابع.. وقد قراءت الجزءين الاخيرين من سردك .. وقد انتابني في البدء الشعور بالقلق .. ومن ثم احسست بحسرة في النفس .. و ساءني كثير وللاسف الشديد .. تلك الشرات التي حدثت لك .. وليتها لم تحدث ...وليتها لم توثق...
ولكن لا تعليق لي علي ذلك الا كما قلت :
ليس كل مايتمناه المرء يدركه ...
...
نساءل الله ان يجنبك كل سوء
Post: #288 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:13 PM Parent: #263
الأخ حامد عبدالله
تشكر يا إنسان على شعورك الطيب والله الواحد ما عارف الحاصل شنو تمشي بى جاااي تجي بى جااااي تقول يمين تمشي شمال غايتو الحمدلله رب العالمين كل اللى بيجيبوا ربنا كويس وما ضاقت الإ لتفرج ومن توكل على الله فهو حسبه والحمدلله على كل حال رحلة من أجمل رحلات حياتي لن تنسي من ذاكرتي أبد الدهر وإنشاء الله تعود بذات الكيفيه وبذات التعب والعنت وبذات الجمال والروح صدقني دعواتي دى صادق فيها جدا أجمل الأشياء ما عانيت من أجله وما كابدت فيه المشاق والمتاعب وتسلم أخى حامد من كل شر
مع عظيم تقديري وامتناني.
Post: #282 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:35 AM Parent: #245
يا أبوبكر يا أخوي
إنت حمودى العسل ده أقصد ود الصايم مالك زعلان منو كده عايز تفتوا والسلام الزول ده ما زى ما إنت فاكر زول حبوب ووديع وما تشوف مناقراتو دى ده عندو قلب طيب وكبير بشكل ضيعتك مش كده على العموم الصفات دي مابتعفيهوا من الفته خاصة بعد التمنيات اللى مش فى محلها اللى كان بيتمناها قال أيه إنشاء الله الكاميرا تتسرق واللابتوب يتعطل غايتو جنس غايتو زولك يومو قررررررررب
مع عظيم تقديري وامتناني.
Post: #281 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:18 AM Parent: #234
الدكتور حسين عوضاي
سلامات يا غالي مالك مطول الغياب ولآ خجلان من شرّتك لى فى الهفوف يا زول حصل خير الموضوع أكتر من عادي إنشاء الله حـ أشوفك فى طريق العوده بيكا يسلم عليك وسيف الإسلام ورسمي كمان قلت لى أخبار الجركانه شنو
منك لله يا بيكا ،،، الزول ده لحقتو ود الصايم ،،،
Post: #280 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:12 AM Parent: #233
الأخت العزيزه ناهد بشير الطيب
شكرا على مداخلتك الرقيقه إنشاء الله سنلتقي فى لحظات الخير والمحبه
مع عظيم تقديري وإمتناني.
Post: #259 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد عبد الماجد الصايم Date: 06-20-2008, 11:52 AM Parent: #1
Quote: ياخ ماتبدا تفت حمودى العسل هنا راجينك
واصلو البقت عليهو بقت بعد فتة ودالصايم الشهيرة يعنى عايرة و ادوها سوط
أبو بكر يا وهم
خليك قاعد منتظر
إنتا ما سمعت بي قصة الشرة الكبيرة
دا ما أنا زاااااااتي
الزول دا ما شفتو زاتو مشا بي وين
عالم سمكـ
Post: #268 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد سنى دفع الله Date: 06-22-2008, 12:24 PM Parent: #259
ساني الحبيب الف حمدالله على السلامة ورينا لو عايز اقوم يالفارهة بتاعتنا ماهي الخطوات من هنا الى ان نصل عندكم بالتفاصيل المملة ولك حبي
Post: #272 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-22-2008, 01:04 PM Parent: #268
الجميل السني
تسلم من كل شر وشكرا على مداخلتك الرقيقه
الخطوات كما يلي وبالتفصيل الممل
1/ إستخراج فيزا العبور من السفاره السعوديه عبر مكتب الأصايل وده مكتب ناس بكرى على فكره هو قام اليوم من بورتسودان وسيصلكم فى غضون 3 أيام ،،، الأوراق الطلوبه للفيزا تتطلب الآتي ،،،
أ/ جواز السفر مع صلاحيه 6 أشهر على الأقل ب/ خطاب بمن يهمهم الأمر من جهة العمل ج/ إستمارة السياره سارية المفعول وباسمك د/ دفع مبلغ 125 ريال عن كل تاشيرة مع دفع 1000 ريال أمنيه ترد بعد العوده مع ضرورة الإحتفاظ بالإيصال الأصلي هـ/ لو السارة عليها أقساط ضرورة إستخراج خطاب من البنك بالموافقة على العبور ودى حتتطلب منك كفيل ولو السياره باسمك ما فى مشكله
2/ التوجه ترافقك السلامه نحو منفذ أبوسمره لإكمال الإجراءات فى دقائق معدودة من الجانب القطري وده طبعا التشييك على السياره وتسجيلها وإستمارتها ،،، سيتم إعطائك خطاب الجمارك ليم تسليمه للبوابة الثانيه وهى خاصة بالجوازات والتأشيرة والذى منو ،،، بعدها ستتوجه للبوابة الأخيره ودى لزوم التأكيد على الإجراءات ومطابقتها على الواقع وزى ما قلت ليك ده كلو ما بيستغرق من 10 الى 15 دقيقه تقريبا ،،،
3/ كده تكون طلعت من منفذ قطر وستتوجه الى منفذ سلوى السعودي ،،، فى سلوي أولا سيتم التأكيد من أوراق السيارة ثم فى مدخل آخر من الفيزا بعدها ستتم دعوتك لركن السياره يمينا أو شمالا لزوم التفتش ودى كمان ساهله والسعوديين عاملوني بصورة طيبه جدا جدا ،،،
4/ الخطوة الرابعه هى التأمين على السياره ودى فى الحدود السعوديه قبل الخروج من بوابه النهايه لمنطقة سلوي وتكلفتها 70 ريال سعودي يعني لازم تجهز فكه سعوديه والورقة دى مهمه جدا ما حتقدر تشحن السياره إلا بيها وطول الطريق ما حيسألوك إلا منها ده لو سألوك بعدها تصحبك السلامه نحو ميناء جده الإسلامي ،،،
تفاصيل ما سيحدث فى جده والإجراءات هناك مع هواتف مهمه لعدد من الأصدقاء فى الميناء مع هواتف بورداب جده ومكه والرياض ستجده فى مداخلة قادمة بمشيئة الله ،،،
Post: #273 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد الطيب حسن Date: 06-22-2008, 04:17 PM Parent: #272
Quote: ساني الحبيب الف حمدالله على السلامة ورينا لو عايز اقوم يالفارهة بتاعتنا ماهي الخطوات من هنا الى ان نصل عندكم بالتفاصيل المملة ولك حبي
ألعزيز السني نحن قايمين تقوم معانا بس جيب جوازك واستمارة اليارة وخطاب الكفيل وماعليك من الباقي
Post: #274 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-22-2008, 06:18 PM Parent: #273
Quote: الزول دا ما شفتو زاتو مشا بي وين
ود الصائم ياجامد
بلاى , قلت لى فى الغدا جيت شايل صحن القراصة كيف؟ و قرب ينكشح لمن انكلك اتلوى بسبب الموكيت
و الباركنغ...
قال ماشاف سانى .. قال
تحت تحت ياود الصائم زمان ماما اشكيناز فى الروضة قالت لينا اتكلموا مع الاكبر منكم باحترام (ياجامد)
Post: #291 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:28 PM Parent: #274
لا إله إلا الله محمد رسول الله
يا أبوبكر يا أخوي
ده شنو الفّت ده ياخى إنت فوله ما بتتبله فى خشمك مالك يا زول طعميتك حاااااره كده الزول ده سألك مالك مستعجل عليهو كده على العموم سألتك وما تردني ممكن تديني عنوان ماما أشكيناز وياريت تكون ساكنه جنب ماما نوره عشان هم أصحاب من زمااان والحمدلله ربنا جمعهم من جديد
مع تقديري وحبي
Post: #290 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:23 PM Parent: #273
يا ود الطيب
قيامك ده بقى زى قيام قطر أتبرا وبقى زى سفر الجفا وبقى غلوتيه عديييييل كده ياخى ما تحدد سفرك وتريحنا وترتاح خلاص أنا قربت أرجع وإنت لسه مسافر ،،، ما مسافر كملت ورود الدوحه أعقلها وتوكل
مع عظيم تقديري وامتناني.
Post: #275 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:02 AM Parent: #272
العزيز السني
بعد وصولك لجده مباشرة عليك التوجه للحجز فى أحد المكاتب سواء باعبود أو ساره3 السلام سابقا أنا شخصيا سافرت بساره 3 وراجع بيها وحاتك الباخره نظيفه والكافتريا مرتبه ،،، وهاك تلفون صديقنا برعي من بورتسودان وهو جار وصديق عزيز وعندهم مكتب حجز تلفونه 966500667409 و ده لزوم الترتيب للسفر من الدوحه ،،،
عايزين منك الجواز وورقة التأمين والإستماره الأصليه للسياره ولو عايز تحجز ذهاب وإياب جملة المبلغ 3600 ريال شامله التربتيك وتذكرة السفر لشخصك وتذكرة شحن السياره + 1000 ريال سعودي كأمنيه ترد عند العوده بالسعوديه قيمة تذكرة الفرد الواحد ما بتتجاوز 230 ريال سطح أضف لها 100 ريال لزوم غرفه بسريرين ،،،
الباخره تتوفر فيها كروت الشحن للجوالات السعوديه والسودانية + أرقام شرايح جديده زين + سوداني بالريال السعودي ،،،
فى بورتسودان أول ما الباخره تصل ويتم إنزال العربات تقوم قبلها بختم جوازك فى جوازت ميناء عثمان دقنه ثم تتوجه بالسياره بنفسك فى صاله خارجيه خاصه بالإفراج المؤقت سيتم إنزال العفش بواسطه 3 أفراد لازم تتفق معاهم أول ،،،
بعدها سيأتي مندوب أو معاون أو معقب لمتابعة بقية الإجراءات منها التأمين بواسطة شركة شيكان ثم دفع رسوم إذن تنزيل سياره لشركة المهاجر ودى تقريبا ممكن تكلف نحو 1000 ريال سعودي لا ترد للتأمين والإذن وما تنسي المندوب اللى معاك لازم تنكتوا حقه كمان ودى متفاوته كمان ،،،
غايتو إجراءات سواكن دى أبوبكر على بيوصي ليك زول هناك ولو انا موجود وقتها يااااانى الجاييك فى سواكن ،،،
وانا فى إنتظار الإجابه على أى إستفسارات تانيه ،،،
Post: #283 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:47 AM Parent: #275
رحلة الخروج من الهفوف وتظهر فى الصوره لافتات الطريق وعربه مستضيفى فى الهفوف فنان بورتسودان طارق الرضي ،،،
Post: #284 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:52 AM Parent: #283
صورة أخرى لطريق الخروج وتظهر بوضوع لافتة الرياض مكه المكرمه وهو الإتجاه الصحيح للرحله ،،،
Post: #285 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 03:55 AM Parent: #284
صورة أخذت لى بواسطة الصديق طارق الرضي قبيل آخر مخرج للعودة للهفوف وهو المكان الذى ودعني فيه الرضي على أمل اللقاء فى طريق العوده بمشيئة الله تعالى ،،،
Post: #286 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 04:00 AM Parent: #285
الصديق طارق الرضي عند مفترق طريق العودة الى الهفوف والتى توجهت بعدها الى الرياض وقبلها منطقة الطشة الكبيره ولهذه قصة أخرى ،،،
Post: #289 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:17 PM Parent: #259
غايتو جنس محن
الله يسلمنا منها الناس إتفتنوا فى بعض يقطع سنينك يا سمك
سمعتوا آخر خبر
السمك هاجر من سواحل سواكن وقالوا مشى سكن حته قريبه من أم الحمام فهمتوا حاجه
تصدقوا ولا أنا
Post: #287 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد عبد الماجد الصايم Date: 06-23-2008, 08:49 AM Parent: #1
Quote: زمان ماما اشكيناز فى الروضة قالت لينا اتكلموا مع الاكبر منكم باحترام (ياجامد)
كااااااااااااااااااااكـ
أبو بكر يا عمك
والله إنت أكل سمك ساااي تكون فايتني بي عشرة سنين
Post: #292 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 01:37 PM Parent: #287
يا ود الصايم
صعبتها مالك كده الزول ده ما قاصد كان حابب يهظر معاك شويه إنتو الواحد ما يهظر معاكم أبدا قلت لى شنو الزول ده بأكل السمك ساااااي فايتك بكم سنه
غايتو جنس غايتو يومك قرب يا عمك
مع عظيم تقديري وحبي
Post: #293 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: كمال ادريس Date: 06-23-2008, 02:08 PM Parent: #1
الحبيب ود ساني تحياتي للكافاب.
وشكرا لانك استخرجت الفنان طارق الرضى الذي اكل عليه الدهر وشرب.
مداخلة السني تعني ان نعلن الاستعداد في جدة لاستقباله!!.
Post: #294 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 05:11 PM Parent: #293
العزيز كمال
يا حليل الكافاب إنت من زمن الكافاب إيلا مسك الشاطي ده كله وعمل فيه حلاة كورنيش الناس مبسوطه ومهيصه على الكورنيش أقول ليك حاجه كمان بورتسودان بقى فيها حوالى 6 (كورنيشات) كل واحد يقول للتاني قوم وأنا أقعد مكانك الصور جاياك يا كيمو وحتشوف بنفسك
بالنسبه للسني مابراهو الجاييك هناك محمد الطيب ومحمد عثمان كمبوره وغيرهم من بورداب الدوحه يلا شدّوا حيلكم مشروعكم أحلى مشروع
مع عظيم تقديري ومحبتي.
Post: #295 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: haroon diyab Date: 06-23-2008, 05:51 PM Parent: #1
ساني مشتاقووووووووووووون
اها كدي النسألك سلمت لي علي اي حاجة.....؟
Post: #296 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-23-2008, 11:22 PM Parent: #295
هارون يا حبيب
قمنا بالواجب من زماااان الحاجه اللى قاصدها واللى كمان ما قاصدها يا عمك شغال من طرف بس زى بتاعت محمد الطيب من جهه و زى اللى قاصدها أبوبكر على من جهة أخرى شفت كيف جابت ليها فلهمه كمان
تحت تحت ------------------ ناس بيتكم قلت ليهم جهّزوا مؤنة عام من الملوحه لزوم الدليفري وعزائم معيذر وما جاورها وأخوك كمان عامل حسابه تمام التمام يانا المالينها مالينها
Post: #297 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-24-2008, 09:29 AM Parent: #296
Quote: الدكتور حسين عوضاي
سلامات يا غالي مالك مطول الغياب ولآ خجلان من شرّتك لى فى الهفوف يا زول حصل خير الموضوع أكتر من عادي إنشاء الله حـ أشوفك فى طريق العوده بيكا يسلم عليك وسيف الإسلام ورسمي كمان قلت لى أخبار الجركانه شنو
منك لله يا بيكا ،،، الزول ده لحقتو ود الصايم ،،،
خلاص النجوم كملوا قبلت على الكومبارس .
لكن لقيتك بتدق طار كويس اهو مهنه بتاكل عيش .
ياخى مشتاقين والله تلفونك ما بيجمع ولا دى حركات معلمين (موجود وكده ) .
بعرف ارد ليك شيل الحال كويس وكلو شى بوقتو .
محبتى
Post: #298 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: حسين عوضاى Date: 06-24-2008, 09:36 AM Parent: #297
الاخوه بورداب الخرطوم
سانى فى طريقه اليكم وهو الان على مشارف مدينه عطبره .
كل دعواتنا له بسلامه الوصول .
Post: #306 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-26-2008, 00:15 AM Parent: #298
الغالي حسين عوضاي
تسلم من كل شر دائما مبادر بكل ما هو طيب تشكر كتير على التنبيه هاتفت مساء الثلاثاء وصباح الأربعاء الزميلتين ناهد على ومياده كمال فى إنتظار التحدث مع البقية صباح ومساء الخميس واتوقع أن أغادر الخرطوم بمشيئة الله مساء الجمعة أو صباح السبت على أقصى تقدير
مع عظيم ودي وتقديري.
Post: #305 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-26-2008, 00:07 AM Parent: #297
الله يجازي محنك يا حسين
لقيتك بتدق طار كويس مش كده ع العموم كنت جاييييك فى الدمام وأنا راجع بس غيّرت رأيي عشان وصمة عار الشره تكون معاك الى أبد الآبدين
مع عظيم مودتي.
Post: #299 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: خالد العطا Date: 06-24-2008, 11:10 AM Parent: #1
نحنا في انتظار
الصـــــــــــــــــــــــــــور
Post: #300 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-24-2008, 12:16 PM Parent: #299
Quote: والله إنت أكل سمك ساااي تكون فايتني بي عشرة سنين
دعنا لا نتعارك اخى ود الصائم فقط انظر الى صورتى و البراءة التى تندلق من عيناى ياخ معقولة ماملاحظ الاندلاق دا
Post: #301 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: ابوبكر على Date: 06-24-2008, 12:24 PM Parent: #300
حسين عوضاى سلامات بالفعل الاخ سانى اتصلت بيهو و هو فى الطريق ربنا يوصلو بالسلامة
شهود عيان قالو سانى اتحرك صلاة الفجر من بورسودان و صول عطبرة الساعة واحد ضهر. يعنى الخرطوم بيصلا مع المسلسل انشاءالله
محمد الطيب ليهو حق فى عدم مرافقة سانى (وشك اللخدر ياحمودى)
Post: #302 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-24-2008, 11:03 PM Parent: #301
دايما مستعجل يا بكوري فى تحديد مواقفك وقناعاتك ،،، ياااااخي تريث شويه يمكن الحكايه تكون وشايه ساكت ،،، والله ربك رب الخير ألهمنى آخد الصوره الجايه دي عشان تكون عظة لكل من تسول له نفسه التشكيك فى (أرنبية) القياده ،،،
وهاااااااااااااااك الدليل ،،،
وخلي محمد الطيب ينفعك ،،،
Post: #303 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-25-2008, 09:23 AM Parent: #302
نعود لتوثيق فصول الرحله خاصة فى المنطقة ما بين الهفوف والرياض تحركت من الهفوف فى منطقة المخرج الأخير برفقة صديقى الفنان طارق الرضى زودني طارق بالعديد من النصائح ومن بينها ضرورة التأكد من الطريق وقال لى لابد من السؤال متى ما صعبت عليك الأمور سألته عن وضوح الطريق فقال تتبع العلامات وسوف تصل ونبهني الى منطقة معينة هى منطقة التحول نحو الرياض ودعته وتحولت نحو الطريق أنهب الأرض نهبا نحو الرياض وكانت الساعه تشير وقتها نحو العاشرة صباحا استمتعت بكل لحظة من لحظات الرحلة نحو الرياض وصوت صديقى حسين عوضاي يأتي عبر الهاتف سائلا عن الحال ،،، قال لى عوضاي بأنه سيكون معي طوال فترات الرحله وقد كان مما ابعد عني الملل من طول الطريق لكنه أبعد عني شيئا آخر ،،، أبعد عنى التركيز على الطريق وقراءة اللافتات ومعرفة الى أين أسير ،،، منك لله يا عوضاي لم أنتبه لنفسي إلا وأنا فى منطقة النعيريه حمدت الله على وصولى الى هذه المنطقة وأنا أمنى النفس أن الرياض على مرمى حجر منها ولكن خاب ظني ورجائي ،،، ذهبت الى محطة البنزين لأتزود بالوقود وفى النفس إتصال هاتفي آخر من عوضاي لأخبره أين استقر بي المقام ،،، هاتفته فقال لى أين أنت ؟ قلت له فى منطقة تسمى النعيريه ،،، أجابني بأنها قريبة من الدمام هل أتيت لزيارتي ،،، أسقط فى يدي هذا القول ،،، تذكرت وقتها نصيحة صديقي طارق الرضي لابد لك من الذهاب بمخرج معين تحت الكبري الفلاني وأنا بالطبع أجهل معالم ذلك الفلاني ،،، ضحكت ملئ شدقيّ وأنا آكل هذا المقلب الممتد لأكثر من مئتي كيلومتر ذهابا وبالطبع مثلها فى الإياب ،،، سألت أحد السودانيين عن الطريق الى الرياض فقال لى بأن علىّ أن أعود فى ذات طريقي لمسافة 199 كيلومتر مارّا بمناطق الصرار وعريعره وما شابهها ،،، شكرته على ذلك لكنه أصرّ علىّ بضرورة الذهاب للغداء معه ووقتها كانت الساعة تشير الى الواحدة ظهرا بالمناسبه محدثي طبيب سوداني مسؤول يعمل فى مستشفى النعيريه ،،، شكرته على ذلك وتوجهت فى طريقي عائدا من حيث أتيت وأنا أغنى مع عبدالحليم حافظ بتلومونى ليه ،،، وآآآآخ منك يا عوضاي ،،، هاتفني بعدها صديقي عوضاي وقلت له كلو منك يا تش تش ،،، وكان يفنّد لى كل أسانيدي بأنني السبب وكان لابد لى من التركيز وكان وكان وكان ...... ،،، وصلت الى النقطة التى افترقت فيها عن الطريق الصحيح وعندها وجدت حركة سير عالية عرفت حينها أنني فى الطريق الصحيح ،،، قلت فى نفسي هلى أقفل الهاتف إذ ربما يكون عوضاي لى بالمرصاد مرة أخرى فى طشة جديدة ضحكت فى سري وقلت كيف لى أن احرم نفسي من هذه الصحبة الجميله وقد كان التواصل حتى الوصول الى الرياض ،،، سعدت كثيرا وأنا اسمع صوت الصديق محمد عبدالماجد الصايم طوال طريقي نحو الرياض فهى المرة الوحيده التى أحادثه فيها ،،، وجدته إنسانا بشوشا وديعا بكل ما تحمله الكلمة من معنى وضربنا موعدا للقاء متى ما وصلت الرياض تناولنا جميع صنوف الحديث عن البورد وما فيه عن المواقف الكثيرة التى مرّ بها خاصة مع ود البشرى وحكاية حموووودى العسل ،،، وصلت الرياض فى حوالى الساعة الرابعة والنصف وتوجهت الى منطقة إلتقاء معين اتفقت فيها مع صديقي وقريبي بشرى إبراهيم الذي كان ينتظرني ،،، وتلك قصة أخرى من قصص رحلة العمر ،،، وفى الخاطر قصة الباريكينغ العجيب وجيييييتك يا ود الصايم ،،،
المداخلات القادمة خاصة بالطشة الكبيره وموثقة بالصوره وحاتكم ،،،
Post: #304 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: mayada kamal Date: 06-25-2008, 02:56 PM Parent: #303
حمد الله على السلامة يا قريبي
المداخلات القادمة خاصة بالطشة الكبيره وموثقة بالصوره وحاتكم ،،،
بالله ركز على الحتة دي كوييييييييييييييييييس
Post: #307 Title: Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) Author: محمد خليل ساني Date: 06-26-2008, 00:20 AM Parent: #299
الحبيب خالد العطا
تحياتي لك وحمدالله على سلامة الأسره الكريمه سأقوم بإنزال الصور تباعا بس حـ أبدأ بصور الشرة الكبيره ثم الرياض وبعدين مكه وصورها الحلوه وهكذا وصولا لجده وبورتسودان والخرطوم ثم العوده بمشيئة الله يعني عشان نمشي بالتسلسل اليومى لرحلة العمر
??
