Post: #1
Title: هناك مقاطعة عفوية لبوستات اقطاب النظام هللا لاحظتم هذلك؟؟
Author: خالد الطيب أحمد
Date: 05-27-2008, 01:00 AM
زرت قبل قليل عدد من البوستات فوجدتها مقفولة باقطاب النظام
بالمنبر من كيزان وأمنجية ماسحي أحذية صلاح قوش ..يخططون لمؤامرة قذرة جديدة
تذكرت صديقي العزيز الدكتور مصطفي محمود وهو يرفع شعار المقاطعة والتجاهل
لسنوات عديدة بهذا المنبر..و مقولته الشهيرة:
هؤلاء ما أتو لنقاش ولكنهم أتوا لأجندات أخر!
وتذكرت تحذيراته المتكررة:
1- التجاهل
2- التجاهل
3- التجاهل.
وذهبت أبعد لأتذكر العزلة الإجتماعية التلقائية المضروبة منذ سنين
علي أقطاب النظام من
الطلاب بجامعة الخرطوم و مختلف الجامعات السودانية الأخري ..
حتي أننا كنا نشفق عليهم أحيانا من فرط العزلة , لكننا سرعان ما نعود
لنتذكر ما أرتكبوه من جرائم في حق بلدنا وأهلنا فنزيدهم عزلة علي عزلتهم
و عرفت أنها ما زالت حتي اللحظة.. وإلي أن تعود شمس الحرية
فالتحية للشرفاء في السايبر..
والتحية للشرفاء الطلاب ..
والتحية لكل شرفاء بلادنا حتي النصر
|
Post: #2
Title: Re: هناك مقاطعة عفوية لبوستات اقطاب النظام هللا لاحظتم هذلك؟؟
Author: محمد نور أحمد
Date: 05-27-2008, 01:07 AM
Parent: #1
خالد الطيب .. أخونا الذي شرانا..
| Quote: هناك مقاطعة عفوية لبوستات اقطاب النظام هللا لاحظتم هذلك؟؟ |
خالد ازيك يااخي..
أنا بس شفت أقطاب دي جيت جاري..
قلت يا ربي بكري دا أدا ناس علي عثمان ونافع وقطبي وقوش ديل باسويردات ولا شنو؟
قلت كدا النلحق أتصور معاهم للدنيا والزمان..
أقطاب دي كبيرة يا خي..
----------------
إنت ياخوي بوست الطيارة وين..
الطيارة في عضمها ما بيهمني خبرها .. لكن البوست مفيد كان تواصل فيه.
|
Post: #3
Title: Re: هناك مقاطعة عفوية لبوستات اقطاب النظام هللا لاحظتم هذلك؟؟
Author: خالد الطيب أحمد
Date: 05-27-2008, 01:22 AM
Parent: #2
يا عريس ..
أولا ألف مبروووك..
وبيت مال وعيال
وسامحنا ياخي , كنا في غياب
ولم نقرأ الخبر المفرح إلا قبل قليل
وعن طريق الصدفة ..!
أما أقطاب دي فالمقصود أقطابه بالمنبر..
لكن ما تستبعد أبدا وجود واحد من آلهتهم تحت أي إسم
أو بباسورد عضو..فكل حاجة هنا متوقعة .
Quote: إنت ياخوي بوست الطيارة وين..
الطيارة في عضمها ما بيهمني خبرها .. لكن البوست
مفيد كان تواصل فيه. |
أوعدك باكر أواصل فيهو ..وحأرسل ليك اللنك بتاعو..
مبرووك مجددا ..
وتحياتي..
|
Post: #4
Title: Re: هناك مقاطعة عفوية لبوستات اقطاب النظام هللا لاحظتم هذلك؟؟
Author: خالد الطيب أحمد
Date: 05-27-2008, 01:31 AM
Parent: #3
فلنقل أذلام النظام بالمنبر فهي أشد قسوة..
|
|