Post: #1
Title: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-24-2008, 02:40 PM
Parent: #0
كان أقل ما تقدمه سودانيز اون لاين لشاعر مثل سند و قبله للأستاذ الراحل محي الدين فارس
هو ان تسود الصفحات حداداً على أرواحهم و أن يتصدر خبر وفاتهم أعلى الصفحة
و لكن للأسف مر خبر وفاة الاستاذ الراحل محي الدين فارس و الان الشاعر مصطفى سند - مرور الكرام
في حين تتصدر أعلى الصفحة مواضيع غير جديرة بالرفع
رحم الله شاعرنا الكبير محي الدين فارس و شاعرنا الكبير مصطفى سند بقدر ما اعطوا لهذا الشعب
و ستظل ذكراهم شعلة مضيئة في وجدان كل سوداني
|
Post: #2
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Tragie Mustafa
Date: 05-24-2008, 02:42 PM
Parent: #1
الاخت سناء
عظماء بلادنا كثر
ولكن اعتقد العرف هنا ان التسويد للمنبر لعضوية البورد فقط.
مع كامل اقراري بعظمة الفقد ولكني هنا للتوضيح بان هذا هو العرف السائد هنا.
وشكرا وربنا يتقبلهم برحمته وغفرانه.
|
Post: #4
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-24-2008, 03:05 PM
Parent: #2
الاختQuote: سناء
عظماء بلادنا كثر
ولكن اعتقد العرف هنا ان التسويد للمنبر لعضوية البورد فقط.
مع كامل اقراري بعظمة الفقد ولكني هنا للتوضيح بان هذا هو العرف السائد هنا.
وشكرا وربنا يتقبلهم برحمته وغفرانه. |
ألأخت العزيزة تراجي شكرا للمرورك و للتوضيح
نعم اتفق معكي على ان عظماء بلادي كثر , و لكن الشعراء لهم عمق اكبر في
وجدان الشعوب نسبة للرسالة الانسانية البوصلوها عن طريق اشعارهم و كتاباتهم
و حتى لو كان تسوييد الصفحات خاص لنعي اعضاء البورد فقط - كان على الأقل ان يقوم بكري
برفع
الخبر و ده أقل شي ممكن تقدمه سودانيز اون لاين لشاعريين مثل سند و فارس
|
Post: #3
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: علاء الدين حيموره
Date: 05-24-2008, 03:03 PM
Parent: #1
الاستاذة / سناء
لك الف تحية واحتراما
Quote: رحم الله شاعرنا الكبير محي الدين فارس و شاعرنا الكبير مصطفى سند بقدر ما اعطوا لهذا الشعب
و ستظل ذكراهم شعلة مضيئة في وجدان كل سوداني |
لهما الرحمة ولا ننسى ايضا محمود ابو العزائم ..
ادباء قدموا أجمل الكلام وأقترح ان تخصص مكتبات تحمل أسماءهم بمشاركة كل المهتمين بالادب ..
شكرا ليك استاذة
|
Post: #5
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-24-2008, 03:10 PM
Parent: #3
| Quote: ادباء قدموا أجمل الكلام وأقترح ان تخصص مكتبات تحمل أسماءهم بمشاركة كل المهتمين بالادب .. |
شكرا يا علاء على مرورك
و اثني على اقتراحك و زي ما قلت ده أقل شي ممكن نقدمه لشعراء بلادي
|
Post: #6
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Tragie Mustafa
Date: 05-24-2008, 03:12 PM
Parent: #3
سناء كلامك في محله
Quote:
برفع الخبر و ده أقل شي ممكن تقدمه سودانيز اون لاين لشاعريين مثل سند و فارس |
ولكن لعلمك بكري ما بيلقى زمن يقرأ كل ما يدور وبالذات لما يكون في السودان
فيمكنك مخاطبته بالماسنجر وتقديم مقرحاتك له بتثبيت البوست الفلاني و العلاني.
وهذا اقتراح جيد من علاء حيمورة:
Quote:
ادباء قدموا أجمل الكلام وأقترح ان تخصص مكتبات تحمل أسماءهم بمشاركة كل المهتمين بالادب ..
شكرا ليك استاذة |
|
Post: #7
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: khaleel
Date: 05-24-2008, 03:14 PM
Parent: #6
الرحمة والمغفرة
لفارسي الكلمة محي الدين فارس ومصطفي سند
واثني الاقتراح برفع البوست كبوستات رئيسية
|
Post: #8
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: نادر الفضلى
Date: 05-24-2008, 03:42 PM
Parent: #7
الأخت سناء
كلامك فى محله، الفقد عظيم .. هؤلاء الشعراء أثروا وشكلوا وجدان هذه الأمة.
وللأسف حتى بوستات مرض الشاعر مصطفى سند لم تجد الإهتمام
وكنت أرى فى رفعها بواسطه بكرى وتفعيل المشاركه فيها
كان سيكون له أثراً طيب فى نفسه، و تكريم ووداع للشاعر العظيم ..
وهو من إمتلك ناصيه الكلمه فإحساسه مرهف بما يكتب، خاصه فى لحظات الشدة والمرض
وربما يكون التقصير منا فى عدم تنبيه بكرى بذلك.
وتعجبت أن بوستات مرضه لم تلقى إقبالاً
وبوستات وفاته وجدت الإقبال والتفاعل والمشاركه
ألسنا شعباً متناقضاً؟
نسأل الله الرحمه والمغفرة لمصطفى سند ومحى الدين فارس
|
Post: #9
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: الرفاعي عبدالعاطي حجر
Date: 05-24-2008, 04:13 PM
Parent: #1
سناء لك التحية
أتفق معك بأن الفن والإبداع لا يمكن حصرهما بلون سياسي او فكري فالابداع مستحق للتكريم
الرحمة لسند ولفارس وللوطن دعوات خالصة بأن يجمع الله شمله في كلمة بنيه بالاندماج رغم التباين
شكرا مجددا لهذا التوارد.
.............................................................................حجر.
|
Post: #10
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 04:22 AM
Parent: #1
Quote: الرحمة والمغفرة
لفارسي الكلمة محي الدين فارس ومصطفي سند
واثني الاقتراح برفع البوست كبوستات رئيسية |
شكراً خليل على مرورك و أعتقد دعوتنا لقت استجابة و اترفع بوست نعي الشاعر سند
|
Post: #11
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 04:28 AM
Parent: #1
Quote: الأخت سناء
كلامك فى محله، الفقد عظيم .. هؤلاء الشعراء أثروا وشكلوا وجدان هذه الأمة.
وللأسف حتى بوستات مرض الشاعر مصطفى سند لم تجد الإهتمام
وكنت أرى فى رفعها بواسطه بكرى وتفعيل المشاركه فيها
كان سيكون له أثراً طيب فى نفسه، و تكريم ووداع للشاعر العظيم |
..
كلاماتك مؤثرة جداً , لكن يبدو اننا اتأخرنا شديد يا نادر , بس نقول شنو ؟
امر الله سابق لكل شي
شكرا لمرورك
|
Post: #12
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 04:34 AM
Parent: #1
Quote: سناء لك التحية
أتفق معك بأن الفن والإبداع لا يمكن حصرهما بلون سياسي او فكري فالابداع مستحق للتكريم
الرحمة لسند ولفارس وللوطن دعوات خالصة بأن يجمع الله شمله في كلمة بنيه بالاندماج رغم التباين
شكرا مجددا لهذا التوارد. |
الاخ حجر
فعلا و كما قلت لا يمكن حصر الفن و الابداع بلون سياسي او فكري
شكرا على دعواتك الطيبة و اللهم امين
و شكرا على مرورك
|
Post: #13
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 04:38 AM
Parent: #1
حابة اشكر كل المروا من هنا و اشكر الأخ بكري على رفع بوست نعي الراحل الشاعر مصطفى سند
رحلوا عنا و لكني يبقى فنهم محفورا في اعماقنا
اللهم أرحمهم بقدر ما أعطوا لهذا البلد
|
Post: #14
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Bashasha
Date: 05-26-2008, 04:49 AM
Parent: #1
ولماذ التسويد؟
انا افهم، كراهية واحتقار للون الاسود، زي ده، من البيضان. اما كراهية السودان لسوادم، لهو المبكي حد الضحك!
من عاداتنا، هو ارتداء الابيض وليس الاسود، كتعبير عن مشاعر الحزن، للنساء والرجال معا، وليس الاسود!
للمزيد مكتبة بشاشا:
هل السواد يرمز للحزن؟]
|
Post: #16
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: هشام مدنى
Date: 05-26-2008, 06:18 AM
Parent: #14
لهم الرحمة والمغفرة
انا لله وانا اليه راجعون
__________________
الأخ كمال بشاشا
| Quote: انا افهم، كراهية واحتقار للون الاسود، |
ارحمنا يرحمك الله
والله ما ممكن كده
تحياتى
|
Post: #15
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Bashasha
Date: 05-26-2008, 04:53 AM
Parent: #1
Quote: للاسف الشديد، نحن نجاري وبلا وعي منا، نهج الترميذ لكل ماهو سالب او شرير، بلوننا الاسود، وفقا لمعطيات الثقافة المهيمنة.
من ذلك سواد القلب في مقابل بياضه، حيث الاول شر محض والاخير خير محض. لهذا الملائكة بيض مثلا، والشياطين سود!
اما الترميز للموت او الحزن بالسواد، فهو الابلغ اثرا، من حيث تعارض المدلول الصارخ هنا، مع خط ثقافتنا العام، فيمااتصل بالموت تحديدا.
كدليل علي مدي تجذر المفهوم غير السالب للموت في ثقافتنا، نجد استثناء عدم الترميز له باللون الاسود كما جرت العادة للاسف الشديد.
علي العكس، فلون الكفن عندنا ابيض، والزي الرسمي لي مناسبات الوفاة والميلاد ايضا هو الابيض.
طبعا احنا بنتخيل "خطا" ان العمة والجلابية مثلا، ذي عربي، انطلاقا من الافتراض الخاطئ اننا عرب وثقافتنا عربية!
لنفهم الترميز للموت باللون الاسود في الثقافة الغربية، يتطللب المام دقيق بمكونات وخاصية هذه الثقافة المادية، اللي علي النقيض تماما، وعلي نحو عمودي، من ثقافتنا الافريقية المترعة بالروحانيات.
طبعا ووفقا لي مصطلحات جماعات الاسلام السياسي، فهذا "اسلامي" حسب ولعهم العبثي، بالتفريق الي مالانهاية مابين ماهو اسلامي، او غير اسلامي!
الموت تحديدا في ثقافتنا، الافريقية، وليس الاسلامية بالمفهوم اعلاه، لايعني نهاية الحياة كما في الثقافة الغربية والعربية، وانما، بدايتها الحقيقية.
منذ ماقبل عصر الاهرامات وللاف السنين امن اجدانا بسرمدية الحياة الاخري.
لهذا الاهرامات، وقد تم تصميمها للحياة السرمدية الاخري، ظلت باقية الي يومنا، ولااثر لمساكن الحياة الدنيا!
مصداقا لهذا، المثل الشعبي يقول:
خربانة ام بناين قش!
بل لازلت اذكر وصم جدتي لمجرد التساؤب عند صلاة الفجر، بعبارة :
دار الهوي!
لاحظو ان جدتي كانت تردد كلام غير مفهوم ولامن القران في شئ، في صلواتها!
لذات السبب هداهم "اي اجدادنا" ايمانهم العميق بابدية الحياة الاخري الي اختراع التحنيط للموتي!
بل وفي صباي في دنقلا، عايشت عادة ترك قنينة الماء مملوءة علي الدوام بالقرب من شواهد القبور!
هذا يعيد للاذهان عادة اجدادنا المتمثلة في دفن الاواني المنزلية بل افراد الاسرة الاخرين مع الميت!
متي ماوضعنا هذا الاعتقاد المتجذر في ثقافتنا، بسرمدية الحياة الاخري، سنجد اصرار اخونا بكري علي استعمال اللون الاسود كتعبير عن الحزن، في غاية الغرابة من وجهة نظر ثقافتنا، منذ ماقبل عصر الاهرامات! |
|
Post: #17
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 03:22 PM
Parent: #1
| Quote: انا افهم، كراهية واحتقار للون الاسود، زي ده، من البيضان. اما كراهية السودان لسوادم، لهو المبكي حد الضحك! |
و ليه رابط اللون الاسود عند الحداد بسواد البشرة ,
ربنا قال لون جهنم شديد السواد و الظلم ظلمات يوم القيامة يعني الظالميين حيدخلوا
نار شديدة الظلام و الظلام لونه أسود , و الظالميين و السيئيين حيجوا يوم القيامة و وجوههم مسودة
الا يكون عندك مغالطة مع ربنا و العياذ بالله - في اختياره للون الأسود رمز للظلم و الظالمين
يعني ما تلوم الناس في اخيارم للون الأسود رمز للحداد
بجيك بعدين برواقة
باي
|
Post: #18
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Bashasha
Date: 05-26-2008, 07:14 PM
Parent: #1
Quote: نار شديدة الظلام و الظلام لونه أسود , و الظالميين و السيئيين حيجوا يوم القيامة و وجوههم مسودة
الا يكون عندك مغالطة مع ربنا و العياذ بالله - في اختياره للون الأسود رمز للظلم و الظالمين |
امنت بامون!
احتقار الاسود كلام ربنا؟
يا سبحانك!
وما الغريب، اذا رب مستلبة الاعراب، عربي عديل كده!
هل صدفة ديل بعبدو كل اوجه الثقافة العربية، كدين؟
حتي ازياء الرب العربي، لدي هؤلاء دين او اسلام او شريعة!
نعم ولهذا ابادة غير العرب او "الزرقة" ولو مسلمين، اسلام، دين، او كمان شرع الله او مشروع حضاري!
ولذات السبب امثال الطقي او فرانكلي من كلاب الوهابية، يدعون علنا الي قتل الناجين من الهلكوست "الاسلامي"، في شوارع كيغالي!
لهذا امام جرذان الاسلام السياسي، يقود عمليات الmab lynching في شوارع كيغالي، بي نفسو، حيث وجه اعتقال اي "زرقة" كتيبة اولاد شندي، تلقاهو حايم! والشفرة طبعا، اي "عدل ومساواة"!
علي القارئ ان يتامل مليا، في تصوير المسكينة دي، لي ربنا، كنازي وعنصري يكره اللون الاسود!
ذات فهم غلاة المسحيين واليهود، والنص المدسوس في كتبم، عن اللعنة الربانية علي السودان! نفس الفهم النازي ده، موجود في كتب التفاسير، العربية!
بتقول علي الدعوة لكراهية السودان، كلام ربنا!
وقع ليكم الزولة دي جاية من وين؟
اللهم لا اعتراض، ولكن عشمنا في اللطف بنا!
|
Post: #19
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 08:57 PM
Parent: #1
الشيخ المتصابي بشبش:
و انا قلت احتقار الأسود كلام ربنا وين ؟
اقرى كلامي سمح لحدي ما اجيك و كان عندك مصحف امشي اقراه و شوف كلامي القلته ليك ده
شوف ربنا في كم ايه رمزللظلمات باللون الاسود و ده ما معناه انه بحتقر السود
ربنا ليه حكم في كل شي و ده ما من اختصاصنا
|
Post: #20
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: خضر الطيب
Date: 05-26-2008, 09:22 PM
Parent: #1
سبحانك ربي اني كنت من الظالمين
ياجماعة الخير الحاصل شنو , اي بوست يبدا بموضوع ومهما كان جميل بالله
في ثانيه اتقلب كيانو ويتحول لي جدل بيزنطي وخناقات ومعافره ودربكه ما
يعلم بيها الا الله .
البنيه طلبت طلب بسيط جدا انو بكري يسود الصفحات لموت رجل تسود اروقة
الثقافه والشعر والادب لوفاته , فماهو الداعي لجر البوست لهذه التفاصيل
التي تؤخر ولاتقدم ؟
حكمة اليوم :
البعافرك كان مارماك بقوم نفسك
|
Post: #21
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-26-2008, 11:29 PM
Parent: #1
البعمله بشاشا هنا و للا في بوستات تانية - ما شي غريب علينا , البوست ده ما عندو اي علاقة
بي كلامه البكتب فيهو على كل اذا حبيت تواصل انا مستعدة بس في بوست اخر تقديرا لمن فتح من
اجلهم البوست
شكرا هشام مدني و خضر على مروركم
|
Post: #22
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: Bashasha
Date: 05-27-2008, 01:44 AM
Parent: #1
خضر الطيب،
انت في نظرك الموضوع جميل او نظر اخرين قبيح، المشكلة وين؟
ياكل الناس تفكر بي طريقة واحدة يا البوست اتخرب؟
عالم!
المسكينة سناء،
يعني شنو شيخ او متصابي، لو ما الافلاس؟
|
Post: #23
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-27-2008, 05:36 AM
Parent: #1
Quote: المسكينة سناء،
يعني شنو شيخ او متصابي، لو ما الافلاس؟ |
المسكين بشبش
الافلاس هو الانت قاعد تمارس فيهو ده
|
Post: #24
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: خضر الطيب
Date: 05-27-2008, 12:56 PM
Parent: #1
اخونا بشاشا
كيف حالك
Quote: خضر الطيب،
انت في نظرك الموضوع جميل او نظر اخرين قبيح، المشكلة وين؟
ياكل الناس تفكر بي طريقة واحدة يا البوست اتخرب؟
عالم! |
الموضوع المطروح هو طلب بوضع عنوان رحيل الشاعر مصطفى سند وهو بلاشك
طلب جميل , لكن ان ينجرف الموضوع الى ابيض واسود ورمادي دا كان خلافي
اما انو الناس تفكر بي طريقه واحده فدي مستحيله يابشاشا ومافي زول عاقل برغم
او بتوقع انو الناس تفكر بطريقه واحده ,.
كت اووت :
بشاشا ياخي انت مش قلت ماشي ترتاح ؟ الجابك شنو تاني , ياخي امشي ارتاح وتعال بعد اسبوعين
تلقى دولة الجلابه اتوسعت , فتك بعافيه
|
Post: #25
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: tmbis
Date: 05-27-2008, 01:15 PM
Parent: #24
بشاشا دا يا سنـاء عندو غرام مع المووت ..
موت الجلابــة تحديداً ..
لما ينتقل اي واحد من المشاهير للرفيق الأعلى لازم يجي الأمير الكوشي سليل اسرة آمون رع .. ليودعه ويكرمه ببركات الالهة ..
بشاشا الشايفاهو قدامك دا .. والما بيخجل من البيعمل فوقو دا ولا بيراعي حرمة الموت .. وولا فاكر نفسو ح يموت .. بشاشا هذا فعلها من قبل في وفاة الراحل العظيم أبو آمنة حامد ..
هاهو يعيد الكره الآن .. بنفس فلسفته القديمة ..
يا جـدو .. يا مسوس .. إنت قبل كم يوم قليت ادبك علي في بوست من غير سبب .. وقلت ليك اعتذر وما اعتذرته ..
يللا اهـا انا الكبار الزيك ديل وما محترمين نفسهم ولا سنهم .. عندنا ليهم مشروع ثقافي مثمر ..
جهز تابوتك للموت .. وحضر كفنك اولاً
ثانياً بطل قلة ادب في حضرت الموت .. عندك اي قلة ادب تعال طالع بيها بره .. بس على شرط اشتري ليك كمامات للعفانه علشان ما تشرقك تكتلك .. اصلك فيك فرد طقاق ..
|
Post: #26
Title: Re: بكري .. أ ما كان ينبغي أن تسود الصفحات حداداً على رحيل الشاعر مصطفى سند و قبله فارس
Author: سناء عبد السيد
Date: 05-27-2008, 03:46 PM
Parent: #1
| Quote: فعلها من قبل في وفاة الراحل العظيم أبو آمنة حامد .. |
العزيز تمبس تحياتي
بالله الزول يقول شنو اسه ؟؟ ما عندي ليه غير البيت ده
و سفه الشيخ لا حلم بعده .... ان الفتى بعد السفاهة يحلم
|
|