Post: #1 Title: مولانا خــــــدر صوت وصورة .... ورد طلب براكه Author: جمال سعيد Date: 05-23-2008, 10:57 PM
الاحباء طابت اوقاتكم بكل خير وتحيات الصديق العزيز طارق ابوعبيدة (مولانا خدر) تربطنى به جلسات وايام جميلة وود وحب صادق ... احترم فنه ورسالتة الغنائية. اطرب كثيرا لصوته واستمتع اكثر باختياراته الغنائية... عماد براكه اخوى.. احبة واحترمة شديد وطلباته اوامر كان طلب منى فى بوست اخر ان ارفع اغنية لطارق على البوست المعنى... وانا استجيب لطلب عماد هنا...
سوف اقوم بتقديم مقطعين من خلال هذا البوست: 1- مقطع فيديو عبارة عن جزء من سهرة احتفال الجالية السودانية بهولندا - امستردام باعياد الاستقلال واظن انه فى العام 2003 ( ابحث فى الفيديو عن عبدالعزيز خطاب ومنعم شوف وبراكه واخرون....) 2- مقطع صوتى لاغنية القلعة....
جمال سعيد جامع ومهتم بالغناء السودانى....
Post: #2 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 07:07 AM Parent: #1
مقطع الفيديو: انا ام درمان احتفالات الجالية السودانية بهولندا 2003
اضغط صباع التشغيل للمشاهدة
Post: #3 Title: Re: مولانا خــــــدر صوت وصورة .... ورد طلب براكه Author: خدر Date: 05-24-2008, 09:03 AM Parent: #2
2003 ؟؟
( والله يا جمال .. فعلا انت موثقاتي خطير) اخوكـ صاحي يادوب كدي نتقهوج و نجي نتونس بي امستردام زمان شكرا يا جمال ياخي علي ارجاعنا شباب تاني
Post: #10 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 03:12 PM Parent: #3
Quote: شكرا يا جمال ياخي علي ارجاعنا شباب تاني
صديقى الحبيب طارق... ربنا يقدرنا ونحفظ ونجمع لكل مبدعى بلادى ... ولسع شباب يا مان
Post: #4 Title: Re: مولانا خــــــدر صوت وصورة .... ورد طلب براكه Author: محمد المرتضى حامد Date: 05-24-2008, 09:59 AM Parent: #2
التحيه للفنان المثقف الجميل طارق أبوعبيده، (أنا أمدرمان ) إختيار نحتاجه هذه الأيام يا جمال. محبة وتحايا.
Post: #5 Title: Re: مولانا خــــــدر صوت وصورة .... ورد طلب براكه Author: خدر Date: 05-24-2008, 11:56 AM Parent: #4
نوفمبر القادم تطل علينا الذكري التاسعة لرحيل شاعر (انا امدرمان) الاستاذ عبدالمنعم عبدالحي و ايضا الذكري السابعة لرحيل عميد الفن السوداني الاستاذ احمد المصطفي .. اذكر ان اتاني ناعي الاستاذ احمد المصطفي و انا بلندن في مناسبة زواج صديقي منعمشوف 2001 الاستاذ عبدالمنعم كان يشكل ثنائي ناجح جدا مع المرحوم سيد خليفة (المامبو السوداني - نانا - ازيكم) و كان ايضاَ قاسما مشتركـ مع عظماء المدرسه الفنية الاولي. اللهم ارحم موتانا جميعا و تقبل عندكـ عبيدكـ عبدالمنعم عبدالحي و احمد المصطفي الذين قدما لنا كل تلكـ الدرر.
Post: #12 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 03:33 PM Parent: #5
Quote: نوفمبر القادم تطل علينا الذكري التاسعة لرحيل شاعر (انا امدرمان) الاستاذ عبدالمنعم عبدالحي
طارق راجع ليك برواقة فى رحاب الشاعر العملاق عبدالمنعم عبدالحى.. كمان بتسجيل صوتى قديم يتحدث فيه عن محطات فى مسيرتة...
الود والاحترام
Post: #7 Title: Re: مولانا خــــــدر صوت وصورة .... ورد طلب براكه Author: الجندرية Date: 05-24-2008, 12:14 PM Parent: #4
والله توثيق ختير لكن
قت لي خدر بتنزلو من المسرح عديل
بارعة شغلك نضيف لوووووووووووول
شايفة داليا ما شاء الله والله يا جماعة ما خاتي دكين عاد
الله يكبر العقول بس
شكراً يا جمال
Post: #24 Title: Re: مولانا خــــــدر صوت وصورة .... ورد طلب براكه Author: خدر Date: 05-25-2008, 10:13 AM Parent: #7
محمد المرتضي شكراَ كتير علي الاطراء يا فنان فعلا نحتاج لنبش تراث المدرسه الفنية الاولي و مسح الجهل بهذه الرموز العظيمة لدي الاجيال الجديده
اماني بس ده العجبكـ في القصه دي كلها !!
اشوف فيكـ يوم
Post: #11 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 03:27 PM Parent: #4
Quote: (أنا أمدرمان ) إختيار نحتاجه هذه الأيام يا جمال.
محمد اشكرك على المرور والتوقيع الانيق... فى رحاب ام درمان ارجو ان تستمع الى الفنان عبدالكريم الكابلى يتغنى ب ابوريت سلام للبقعة كلمات الشريف زين العابدين الهندى. لو ما لميت فيه ادينى خبر
الود والاحترام
Post: #6 Title: Re: مولانا خــــــدر صوت وصورة .... ورد طلب براكه Author: imad braka Date: 05-24-2008, 11:57 AM Parent: #1
الاخ جمال سعيد
انشاءالله دائما سعيد
وشكرا على هذه الذكريات
والتحية للفنان (الاستثنائى المثقف) طارق عبيده
شفت يا طارق الحفله دى حلو كيف بدون الرباعى المزعج ( سرمد - لقاء - خالد - تساب ) دا كلو من راسك المدور دا..!!
شكرا يا جمال وشكرا طارق
براكة
Post: #9 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 03:09 PM Parent: #6
Quote: دا كلو من راسك المدور دا..!!
الاجتماع دا يا عماد انا كنت حاضرة والاتفاق كان جماعى...
Post: #8 Title: Re: مولانا خــــــدر صوت وصورة .... ورد طلب براكه Author: Halema2 Date: 05-24-2008, 01:16 PM Parent: #1
يا سلام يا جمال وطارق والله جميله الحفله فاتتنا انا طبعا كنت فى السودان مشيت ادبس ( اقصد اعرس) لكن اهم حاجه فى الشريط جدددددددددددددددددددو يا حليلو وكمان اسمهان وهى شابه/ ما شابه لكن والوقت داك الحب كان مولع يا عماد براكم سويتوها فى نفسكم وانا كمان شايفه امونه محجبه وكدا سلام لى امستردام وامدرمان لك الف حب وتحيه حلوم
Post: #19 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 09:18 PM Parent: #8
Quote: جدددددددددددددددددددو يا حليلو
والله افتقدناه كثير كان اكتر من اخ لى.... انا على اتصال به ودائما يرسل سلامة الى كل الشباب
Post: #13 Title: Re: مولانا خــــــدر صوت وصورة .... ورد طلب براكه Author: ابراهيم عدلان Date: 05-24-2008, 04:17 PM Parent: #1
خدر
ترويع مع سبق الاصرار و الترصد
_______________ جمال سعيد يا زول يا فنان
Post: #14 Title: Re: مولانا خــــــدر صوت وصورة .... ورد طلب براكه Author: DKEEN Date: 05-24-2008, 05:26 PM Parent: #1
يُمتعني صوت هذا الخدر .. ويجعلني غاية في الطرب وشديد في قدرتي على ادراك هتاويل في ازمنة مضت..
ياسلام عليك يا طروق.. كم مرة قتا ليك اديني لنك لي حاجات وابيت؟؟
راجيك بالمدد..
Post: #15 Title: Re: مولانا خــــــدر صوت وصورة .... ورد طلب براكه Author: DKEEN Date: 05-24-2008, 05:27 PM Parent: #1
جمال يالروعة الشباب هناك..
Post: #16 Title: Re: مولانا خــــــدر صوت وصورة .... ورد طلب براكه Author: محمد سنى دفع الله Date: 05-24-2008, 05:55 PM Parent: #15
توزعنا في الشتات يعني لو جمعنا عازفينا البرة نعمل اوركسترا سيمفوني والناس والصحبة ياخي شجن يا حدر زي البتغني في ام درمان ديل كلهم برة محن لك العاقية والمحبة وسعوا الدايرة وخلو الناس تفرح
Post: #17 Title: Re: مولانا خــــــدر صوت وصورة .... ورد طلب براكه Author: malamih Date: 05-24-2008, 09:13 PM Parent: #16
يا طارق أبوعبيدة
الذكرى التاسعة للشاعر عبدالمنعم عبدالحي!!!
إعتقد البكباشى عبدالمنعم عبد الحي توفي بمصر في مطلع السبعينات
صححني ولا أنا غلطان..!!
Post: #29 Title: Re: مولانا خــــــدر صوت وصورة .... ورد طلب براكه Author: خدر Date: 05-26-2008, 10:31 AM Parent: #17
يا ملامح سلامات انا مرجعي الاستاذ صلاح الباشا في مقال قريتو ليهو هنا في سودانيزاونلاين اخوكـ مرق من السودان قبل كده و كان الناعي يأتيني متأخراَ قبل ثورة الموبايل الاخيره في السودان برضو في تقديري انو الشاعر عبدالمنعم لم يكن في اي من القوات النظامية المصرية نعم كان متزوج من مصرية و انجب منها البنين و البنات و اعرف ان له ابنا استشهد في 76 لكنه لم يكن عسكرياَ
وصححني ان اخبرتكـ المصادر بجديد
تحياتي
___ نجيلة بتاع قانون ؟ ولا ياتو في النجيلاب
Post: #20 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 09:29 PM Parent: #16
Quote: يعني لو جمعنا عازفينا البرة نعمل اوركسترا سيمفوني
سنى سعيد بمرورك... وصدقت فى كلامك.... والعازفيين لو ما خانتنى الذاكرة: طارق بالله صحح معاى المعلومة دى: شهاب شرحبيل كيبورد اكورديون ازهرى؟؟ ايقاع : الديسكو ساكسفون طارق دمبوش او طارق ساكس
Post: #26 Title: Re: مولانا خــــــدر صوت وصورة .... ورد طلب براكه Author: خدر Date: 05-25-2008, 10:54 AM Parent: #16
السني ياخي دي كانت ايام جميلة و شباب زي الورد اسامة مليجي ايقاعات ازهري اكورديون شهاب شرحبيل اورغن طارق ساكس ابراهيم ديسكو بنقز ده يا السني غير بيز و جيتار و ساكسفون سي كانو غايبين اوركستراء الهينة دي بس كيف الفنانيين ديل كلهم يتلموا في شغل واحد
Post: #18 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 09:15 PM Parent: #15
Quote: يالروعة الشباب هناك..
دكين مشكور على تعطير البوست بالمرور... الشباب كان فى ذلك الزمن اكثر القا وروعة وبريق..
الود والاحترام
Post: #21 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 09:50 PM Parent: #18
طبعا عرضنا الفيديو فوق (الصورة) تبقى الصوت... مرفق هنا اغنية القلعة او ما بنمشى لناس مابيجونا...
Post: #22 Title: Re: مولانا خــــــدر صوت وصورة .... ورد طلب براكه Author: جمال سعيد Date: 05-24-2008, 11:08 PM Parent: #21
طبعا جات سيرة المرحوم الشاعر عبدالمنعم عبدالحى فى بداية البوست صاحب اغنية انا ام درمان.. قمت اليوم بعملية بحث فى مكتبتى الغنائية وكانت كلمة البحث " عبدالمنعم عبدالحى" فكانت النتيجة:
ياسائر عبيد الطيب همسة عاشق عبدالدافع عثمان لحن العزارى او يانديم عبا من كاس الصبا عبدالعزيز محمد داؤود سلام بريدو ليك عبيد الطيب برجاك محمد الحويج راحت ليالى النوى محمد الحويج ربا ام درمان محمد الحويج مين احلى محمد الحويج جمال دنيانا ابراهيم عوض النيل الفاض حسن عطية با نجمتى وسعودى سيد خليفة اهل الهوى عبدالعزيز محمد داؤود انسانى عثمان الشفيع يا حياتى احمد المصطفى رحلة (رواية رحلة من مصر الى السودان) سيد خليفة الحمام حسن عطية ابنى عشك ياقمارى سيد خليفة فى حبك يا خليل عبدالدافع عثمان
Post: #23 Title: Re: مولانا خــــــدر صوت وصورة .... ورد طلب براكه Author: alfatih Date: 05-24-2008, 11:12 PM Parent: #1
ياسلاااااااااااام يا جمال سعيد ياخ
من هذا البنبر التحية لطارق والتحية لبراكة والتحية ليك اجمل ايام اسمتردام .. اعياد الاستقلال والجالية فى قلب الحدث .. شباب موية نار وروعة اللقاءات الحميمة التى كانت تجمع بينا . الله يجازى الكان السبب ( فوردونك ) .. يوم كان جميل .. فى الفيديو عبد اللطيف جدو ربنا يطراهو بالخير من اكثر الناس الذين افتقدهم حاليا ومحمد خضر اسافر كندا وخلانا نقطع فى صفق الامسيات .. كورال الجالية المجنون الذى جمع مبدعين نقطة الحيرة الفيهم انهم مقطعينها وشاربين مويتها يا حليلهم ياخ .. كلهموا .. افتقدهم الان . فى حاجة ملفتة يا جمال .. شوف الناس اللابسين ابيض كلهم بمثلوا ليك منو ..
التحية التانية فى الفيديو دا .. لاحمد الملك ومعتز جعفر وادريس عبد العزيز وعبد العزيز خطاب وخالد الطاهر وعبد العظيم الطاهر وداليا محمد عبد الحميد وكل الشباب ( الموية نار ) ..
شكرا ياجمال على هذه الذكريات والكثير من الاصدقاء الذين فارقنهم والذين مازلنا فى تواصل معهم؛ تذكرنا بالامس انا وبراكة هذه الايام الحلوة عندما شهدنا الفديو تخريمة الفاتح السنة الجايه عريس (مشعلقين )
Post: #30 Title: Re: مولانا خــــــدر صوت وصورة .... ورد طلب براكه Author: عمران حسن صالح Date: 05-26-2008, 11:05 AM Parent: #28
خــــــدر سعيد هو المكان الذي أنت فيه ... بكل هذا (الحضور) الذي يزين كل (حاجاتكـ ) . . . شكـــــــــــــراً جمال ...
.. يوم كان جميل .. فى الفيديو عبد اللطيف جدو ربنا يطراهو بالخير من اكثر الناس الذين افتقدهم حاليا ومحمد خضر اسافر كندا وخلانا نقطع فى صفق الامسيات .. كورال الجالية المجنون الذى جمع مبدعين نقطة الحيرة الفيهم انهم مقطعينها وشاربين مويتها يا حليلهم ياخ .. كلهموا .. افتقدهم الان .