التحية لضباط الحركة الشعبية بجهاز الامن الوطني

الحرية هي ان تمشي ثقيلاً على ظهر الارض..

عليك الله مامكن تكلمن..يعتقلونا...


الدنيا دى أصلومانمرق منها بأى بــطولات

ضباط الامن جناح الحركة الشعبية ديل وطنيين ومناضلين ولا برضو كلاب امن ؟؟

يا ناس انو اساسا رافضين يكون في جهاز امن طيب ارفضو معاكم الشرطه والجيش كمان وبالمره الجهاز القضائي
المفروض نعارض بفهم
ولو اى تنظيم حكم البلد اول حاجه ح يعملها الاهتمام بامن البلد والمواطن
اما اذا كان لكم تحفظات على ممارسات افراد فى اى جهاز فهذا لا يعنى رفضه بل اصلاحه
خير لك من ان تلعن الظلام ان تشعل شمعه
انا مع وجود كل الاجهزه من امن وشرطه وجيش لان هذا هو الطبيعى ومع دخول الحركه والجيش الشعبى لاي من هذه الاجهزه للمساهمه فى الاصلاح وبسط الحريات واحترام الاخر
ولكنى ايضا ضد اى ممارسات تحد من حريه المواطن

يقول صاحب الانتباهة في مكالمة هاتفية انه توقف عن اصدار الصحيفة لان اتنين من ضباط الحركة
الشعبية بالامن الوطني زاروالصحيفة وطالبو بحذف مانشتات..(انتهى)

ان الحرية التي تمنح للصحف يجب ان لاتكون خصما على استقرارالبلاد الامني...
في بلاد بها عدد كبير من الملشيات المسلحة ومن السهل جدا ان يتحول فيها الشخص العادي الي شخص مسلح متربص يجب ان يتم حجب المعلومة التي تجعل هذا التربص ممكناً..




ان إذاعة ام درمان حين كانت تحسن استخدام حريتها في الوصول الى الجميع بما تبثه من محتوى قومي ساهمت كثيرا فيما مضى في تقوية النسيج القومي السوداني..
الحرية التي منحتها الدولة لبعض الصحف ساهمت كثيرا في زرع الفتنة ونخر جذع الثقة القومية التي استطالت عبر زمان الاذاعة والاعلام الراشد..

ان الحرية التي لايُراعى فيها للمصلحة العامة يجب ان تسلب..

استاذ دكين
تحياتي

الحرية المطلقة مفسده مطلقة
كم السلطة المطلقة مفسده مطلقة
وتنتهي حريتك عندما تبدأ حرية الاخرين
الاطار المفاهيمي لمنطومة العدل الاجتماعي
و اشكالية انظمة الحكم تتحول فيها دائما
مبدئية المصلحة العليا للوطن الي مصلحة
عليا لنظام الحكم
الحل محدد استقلال المؤسسات
استفلال السلطة القضائية
استقلال و اتنتخاب الجهاز التشريعي
وضوح صلاحيات و توصيف دور الجهاز التنفيذي
و دستورية رأس الدولة

وبذلك تطبق اصول العدالة و تنعدم المعايير المذدوجة و المثلثه و المربعة





لماذا يرسل جهاز الامن ضباط من تبعية الحركة الشعبية
ما هي الرسالة المقصوده من ذلك ؟

الله لا كسبك ياخى
ده شنو البوست المهبب ده ..

Quote: ان الحرية التي لايُراعى فيها للمصلحة العامة يجب ان تسلب..

تسلب ..؟؟؟؟
يسلبوااضنيك بي عروقا...
منو العندو الحق في توزيع الحرية وسلبها من أساسا ..؟
ياخى ربنا لقال لنبينا الكريم (صلى الله عليه وسلم ) ..( لست عليهم بمسيطر ..)
والفاروق - رضي الله عنه - قال ( متى استعبدتم الناس وقد ولدتهم امهاتهم احرارا )

اها في البشر القدامنا ده واللى انت بتطالبهم بقوة عين بسلب حريات الناس
فى زول فيهم احسن من حبيبناالمصطفى عليه السلام ولا فاروقنا عمر رضى الله عنه ..؟

ده المبدأ العام
نجى للمصلحة العامة اللى انت وغيرك داير يتخذها قميص عثمان
شنو هى المصلحة العامة ..؟
ومنو البيحددها ..؟
جاوب لى على السؤالين ...!!

وتعال معاى لملصحتك العامة دى
اها افترضنا س ، ص ، ك ، ن ... دى المصلحة العامة والثوابت والمحاذير
نحميها كيف المصالح العامة دى ..؟
بالقانون ولا بالهمبتة ..؟
طبعا حتقول لى القانون
اوكى .. ماشي
القانون ده مش هو دستور البلد واللوائح المتفرعة منو ..؟
تمام
اذن المصلحة س العامة بتحميها المادة فلان في الدستور او في اللائحة
والمصلحة ص العامة بتحميها الفقرة علان في الدستور او اللائحة
وهكذا ..
صاح ...؟؟
طيب ..
مش فى محاكم مهمتا انها تطبق المواد ديك على المخالفين للمواد ديك ..؟؟
تييب ...!!
مش الاحسن اى زول يخالف المواد ويهدد المصالح العامة يودوه للمحاكم ديك ..؟؟
ايوة ..
طيب انت وغيرك ليه بتتجاوزو المواد والمحاكم وتشتغلو شغل هبتلى ساكت و الشغلانية اصلا ما حقتكم ..؟

يعنى عشان الانتباهة ولا غيرها غلطت تجى تغلط انت كمان ..؟
لو اصلا الغلط بيعالجو بالغلط ما اى زول يعيش غلط ونقلب الدنيا غابة .. كدة كويس ..؟؟
عشان كدة ما كويس البيسوى الغلط عالجو بالصاح .. والصاح هو القانون
تلاتة اربعة ادانات بالمحكمة ممكن تغطس حجر الانتباهة وكل الصحف
وتسحب منها الرخص عديييييييل وتريح الناس والبلد منها
بالمحكمة ..
شوفت القانون ده سمح كيف .. وعسل ازاى ..؟؟

لكن سماحتو وحلاوتو ماظاهرة بسبب طغيان طريقة تفكيرك ده ( اسلبوهم بضباط الحركة ، راقبوهم بجنود المؤتمر، بهدلوهم بجيش الامة ، طلعوا زيتم بمجندى الاتحادى و.. وكدة )
الشغل الهبتلي فى اى زمان واى مكان بيمسح القانون ويمسخ الدستور ..

ولذلك حرصا على المصلحة العامة يجب تفعيل القوانين و الاحتكام الى المحاكم فقط لا غير ..
نعم لسلب الفوضى - مش الحرية - ولكن بالمحاكم وقضاتها
مش بضباط الحركة ولا بوليس الحركة ..

دى حاجة
والحاجة التانية بجى ليها بعدين


::::::::::::::::::::::::::::::

عمك عثمان مرتو جابت ليهو ولد
وسعدية جابوها من البلد عيانة
وعلى عرسو اول ستة ..بكرة حفل الشاى

شد ليهم سلك .. وقوم بالواجب