شكرا يا دفعة علي هذة الهدية اللتي اسعدت صباحي والتحية لكارلس سانتانا اللزي تعلمنا منة الكثير
Post: #3 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 05-26-2008, 01:42 AM Parent: #2
دي يا دفعة ذكرى لي أيام سعيدة وحزن خيم في المسافة البيني بينك و ما قريبة لو سنين العمر عدت أحكي بس كيفن أعيده
Post: #4 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 05-26-2008, 06:27 AM Parent: #3
سنوات الفرح احمد داوود ديفيد قرووب ممدوح الفريد حقا نادر النادر فعلا والسودانيين وموسيقى بهيجة مالك علينا يا ازهري
Post: #5 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 05-26-2008, 09:15 AM Parent: #4
النسي باصحي
سلامات
و ليك مدة ما بنت و أنا في إشتياق لي شوفتك.... و يا النسي وين إنت وين......
و كانت لنا أيام في ذلك الزمان البديع
Post: #6 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 05-26-2008, 11:35 AM Parent: #5
دفعتنا الفنانة:
سلمى علي عبدالقادر فاطمة عثمان طه فتحية محمد الحسن ماجدة حمدالله إبراهيم ألفت محمد مكي ديل الشابات......
و من الشباب:
علي السقيد ممدوح محمد طاهر فريد ميرغني الزين محمد علي معتصم عوض الكريم عبد الحافظ محمد نور سلمون جبرولدي مدثر بابكر المهدي محمد سيف الدين علي التجاني الفاتح بشير محمد جعفر الحاج محمد نادر عبد الله وحيد جعفر فضل المولى محمود تاور عبدالعزيز المبارك عادل تاج السر عبدالله محمد عبدالله أزهري عبدالقادر نورالهدى.....
[ ابو الزهور تشكر على الهدية ... اطمئن ، ذاكرتك بخير با صديق. تحياتى يا نادر .. ما اخبار ممدوح ؟
امس حصلت حاجة غريبة . كنت اتجول فى وسط مدينتنا الصغيرة ، فلفت انتباهى شخص يرتدى تى شيرت عليه اسم و صورة الفنان ( Pink Floyd) .... فقدمت نفسى اليه و جلسنا نتحادث عن فلويد الذى فاز هذا العام بجائزة (Polar Music) السويدية ، هو و مغنية السوبرانو رينيه فليمنج ، تقديرا لعطائهما الثر و المميز . كانت الجائزه فى العام المنصرم من نصيب الساكسوفونيست ( Sonny Rollins) و كان بين الذين نالوها فى السابق بول مكارتنى و كوينسى جونز ... المهم ، افترقنا بعد حديث ممتع مع ذلك الرجل الموسيقارالذى قدم الى أيوا للمساهمة فى الاعداد لمهرجان ايوا سيتى للجاز هذا الصيف ... عدت الى وحدتى ، فوجدتنى اتذكر زميلنا الفنان ابراهيم محمد الحسن ، الذى كان شديد الاعجاب بفلويد و أعماله الألكترونة الباكرة ، و كان دائم الحديث عنه .. ترى اين ابراهيم محمد الحسن الآن ؟ كان ذلك الالبوم الذى غنت فيه حنان النيل ناجا .. فماذا قدم بعده ؟ و على ذكر ابراهيم محمد الحسن توافدت صور أهل الجاز ، من شرحبيل الى أحمد داؤد وأحمد حمو و نادر و ممدوح فقد أسس ابراهيم محمد الحسن ، كما تعلم يا ازهرى ، فرقة الامواج ( The Waves) التى شاركت الى جانب فرقة الراحل احمد داؤد ( David's Group ) و جاز الديم ، شرحبيل احمد و فرقته و جيلانى الواثق .. فى مهرجان الجاز الذى أقمناه فى الساحة الشعبية بالديوم فى وقت ما من العام 1981 عندما كان للجاز السودانى شنه و رنه !!!! و لعلكما تذكران ، كيف تدفق الجمهور نحو الساحة الشعبيه تلك الامسية، التى نفذت فيها تذاكر الحفل و رقص الناس داخل الساحة و خارجها ، و فى بيوتهم الى ما بعد منتصف الليل . زمن !!!
وما وصفته بالغرابة ، هو عثورى على هذا البوست حال عودتى من وسط المدينة ، و كنت لم ازل مشغولا بابراهيم و نادر و ممدوح .. فكأنما كنت على موعد مع الدفعة و اصدقائها !!!
يلزمنا توثيق لتجربة فرق الجاز من شرحبيل و أضواء بحرى و النجوم الى العقارب و البلو ستارز و وليم م اندريه ... الديم و النسر و النومادز ، تريو السودنيين .. ديفيدز قروب و الويفز ..و عفوا لمن لم اذكر هنا .. هل من معين ؟
عبداللة سلام وليك وحشة ممدوح اخبارة مقطوعة وكما تعلم هو يعيش داخل محراب جيتار الفريد وعالمة النغمي المتميز اتمني ان يكون بخير وصحة برجع لك علي مهل لسرد تجربة // فرقة اضواء بحري // فرقة الافارقة// فرقة الديوم // فرقة سلاح الموسيقي // فرقة القولدن فنقر ...شاشاتي // فرقة شرحبيل // جيلاني الواثق // فرقة الساوندرس// تجربة الفنان وليم اندرية// فرقة الويفز //فرقة ديفد قروب// وتجربة الفنان كمال كيلا // فرقة البلوستار // كما هانالك فنان قد لا يعرفة الكثير الفنان عازف الكمان والجيتار عبد الفتاح اللة جابوا فرقة الصول ميوسك // فرقة الانجلز // فرقة امدورمان // وسوف افرد مساحة في هذة البوست لتجربة هذة الفرق العظيمة وهي تقود حملة في بداية الثمانينات تحت شعار نحن السودان لمكافحة الجفاف والتصحر اللتي شارك في حفلها الختامي الفنان العالمي هنري بلفونتي ....................................
السني الجميل الدنية مابتدي حريف ناس الجاز يا معلم كان لهم دور كبير داخل المجتمع الخرطومي وهم يتغنون باغاني بوب مارلي واستيفي وندر وطبعا سانتانا البديع ياة ياة ياة هذة لعمري ساعات وايام تدريب متواصل لتجويد هذة الاعمال الفنية العالمية اللتي اعجبة بها كل سكان كوكب الارض وهذة مما ساعدنا كموسيقين مبتدئين في ذلك الزمن الوريف ان نتحسس طريقنا الفني ونكتشف الكثير من الاسرار من تكنيك آلي وصياقة هارمونية وتوظيف نغمي بديع في هذة النوع من الموسيقي // اللذي كان يعرف بموسيقي الجاذ // كما كان لمجتمع الخرطوم في ذلك الوقت دور كبير في تشجيعنا ودعمنا من خلال الحفلات اللتي لا تخلوا من مشارك هذة الفرق ..... والتنافس في ما بينها كان سببا في لمعان نجم العديد من هذة الفرق // ولي ان ازكر // المرحوم عمرغيلي // والمرحوم ابورزقة // والمرحوم احمد داؤود // لهم الرحمة والقفران ومن هذة الفرق كان هنالك عازفين اسرو الساحة الفنية // عازف الباص احمد جبريل وصلاح خليل عازف الجيتار // وكانت اصولهم الفنية // فرقة العقارب وفرقة الاصدقاء // وطبعا عاذف الساكس الجميل عامر مؤسس فرقة العقارب فكانت اضافتهم الفنية ضمن الفرق الموسيقية اللتي صاحبت العديد من الفنانين الكبار من منطلق الخبرات اللتي تعلموها من موسيقي الجاذ ولي ان ازكر دور كل من الموسيقيين // ابرهيم محمد الحسن وتجربتة مع الفنانة حنان النيل فهي تجربة جديرة بالتقدير // ومساهمات عازف الجيتار الخطر جدا كاميليو ولمساتة الفنية داخل حدائق نغم الفنان الكبير محمد وردي // و كمال حمدي... يالة من فنان // والعديد من فناني وعازفين هذة النوع من الموسيقي قد لا تذعفني زاكرتي اللتي جار علية الزمن بزكرهم في مداخلتي هذة // والتحية لدفعتي العظيمة اللتي اسهمت بالكثير داخل خارطة الفن السوداني // واتمني من اللة ان يمن علينا بالصحة لتطوير موسيقانا السودانية ودفعها لما نتمناة لها
Post: #10 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 05-26-2008, 08:09 PM Parent: #8
ابو الزوز وعبد الله فلوت ونادر السودانى ياخ مالكم علينا ؟ ياناس مالكم على ؟ مشاكل طبيعية سلمون ياخ سلمون الارتيرى صحبى الجميل سالت عنه قالو فى ايطاليا فى الكونسرفتوار الايطالى فى روما كان لمن يسالوه بعد ما اتخرج احمد ربشة عليه رضوان الله ورحمته ـ سلمون كيف ؟ يقول ـ زمان كنا اجنبين اتنين ، هسى بقينا اجنبين واحد وعلى السقيد القاعد وين ياربى ؟ مرات بسمعه فى اذاعة امدرمان اخر مرة قبل شهر تقريبا فى برنامج (جراب الحاوى ) وسلمى على (الكمنجة ) ما لاقيتا ليك فى السودان بقت سلمى الشيخ بس زمان يا ابو الزوز كان فى المعهد بقولو (0سلمى السمينة )اللهى دى شخصنا السمين وسلمى الضعيفة ودى سلمى على قلت ليها بقينا قدر قدر قاعدة فى كسلا الان ممدوح طاهر فريد قابلته فى السودان بشتغل فى جامعة الاحفاد لكن الما عندى خبرو تب مدثر بابكر ياخوانا ما تلمونى فى العربى دا مشتاقين يا ابو الزوز ياخ
يا عبداللة لكل فرقة من هذة الفرق حكاية من حيث تكوين افرادها والموضوع الموسيقي اللزي تقدمة علي خشبة المسرح وعندما ينقل ليل الخرطوم الساكن انغامهم لمسامعنا يمكننا ان نحدد هوية الفرقة من خلال نغمها المتميز فلكل فرقة بصمة نغمية خاصة بها كما يوجد داخل هيكل تكوين الفرقة عازفين او مغنيين زو مهارات عزفية وغنائية عالية استطاعوا بمواهبهم تقديم كل اغاني التوب الغربي في زلك الزمان الوريف في احسن صورة // كما كان معجبي هذة النوع من الموسيقي لا يجاملون بل كانوا مستمعين درجة اولي يعني لو اي فرقة لم تجود اغانيها كما ينبقي قد تجد صعوبة في الاستمرارية و قد يكون هذة من احد اسباب نهاية الفرقة وفي اقلب الاحيان يعاد تكوينها باسم جديد وإضافة عازفين اكثر مهارة فمثلا // فرقة البلوستار كانت باسم فرقة اضواء بحري // فرقة السودانيين كانت فرقة ديفدقروب //
لابد لنا ان نزكر شئ مهم جدا لمازا تكونت هذة الفرق منز بداية السبعينات قبل ان ندخل في تعريف هذة الفرق وتعريف افرادها ؟؟؟ لقد كانت كل الفنادق الكبيرة والاندية الخرطومية في بداية السبعينات تتعامل مع فنانين وعازفين اجانب يقدمون هذة النوع من الموسيقي عل خشبة مسارحهم الليلية بصورة مستمرة كما كانت هذة الفرق تقبض اجورها بالعملة الصعبة من ادارات هذة الفنادق والاندية الثقافية فكانت المواسم // مثل اعياد الكريسمس وراس السنة // تشهد تنافس شديد في مابينها للفوز باكبر عدد من توزيع وبيع التزاكر في هذة المواسم وهذا مما كان دافعا لتكوين الفرق المحلية واعتراف العديد من العازفين السودانيين للموسيقي واصبحت الموسيقي مصدر دخل سابت لهم // وكان المستفيد الاول اصحاب المسارح والاندية الليلية اللتي وفرت لهم هذة الفرق المحلية التكلفة العالية والعملة الصعبة اللتي كانت تدفع للاجنبي في ذلك الوقت
ما حضرت الزمن ده صغير و جاهل و كده يعني..... المهم: يا السني و عبدالله و نادر سلمى إنتي بره الترتيب ده للإعتبارات الإقليمية و كده....غايتو عندك فرصة مداخلة عن فرقة جاز كردفان...
المهم يا أخوانا الدار داركم و أرجو الإسهاب.........
أنا بس حاجز الناس ديل: عمر قيلي عاصم زين الدريديري محمد الشيخ محمد أزهري عصام أكرت سامي الصلحي حامد عثمان و صلاح دهب..... أعلاه قوم قد أدهشوا أذني و روحي....في زمن كانت تجوز فيه الدهشة وبقية ستأتي حسب ظروف القهر و ضعف الذاكرة........
Post: #19 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 05-30-2008, 06:36 AM Parent: #15
Quote: ما حضرتة الزمن دة صقير وجاهل وكدة يعني........
غايتو جنس غايتو قال صقير وجاهل قال وبعدين ياحبة الناس الحجزتهم ديل كلهم بتعرفهم اكتر من احمد حمو وفيصل سيد امام امانا ماتلومتة يا ش....................وطبعن الحقد ملا عيونك من صورة سالومي والنيو لك عالم حاقدة بشكل ولا يهمك ياسالومي الدفعة خرف بعيد عنك ....ها ها ها
Post: #32 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-02-2008, 11:07 AM Parent: #19
و الله و الله أول يوم لاقيتهم هو و ممدوح ساقوني حفلة معاهم و كانوا عبيد كبار بيز و جيتار و بغنوا في سماحة غنا.....شي عربي و شي إنجليزي و أنا كنت جاي من الدويم صغير و جاهل....حتى بالأمارة ده كان يوم التلاتاء يوم إختبار القدرات قبل ما ندخل المعهد زاتو.......
يا حبة الجقلبة في شنو لامن جيت المعهد كنتة معلم تسد عين الشمس مبعوث من بخت الروضا قال صقير وجاهل قال ..... ها ها ها.. ..وبعدين عليك اللة ما تشتت لينا الكور ونحن في حضرة كارلوس سانتانا ومزيكاتية السودان الجهابز وانت عارف من زمان ناس الدرامة ... ولا بلاش السني دة صاحبي .........ها ها ها ركز معاي ومنتظرين الكثير منك // والناس الحجزتهم في اللستة حقتك الفوق دي //
Post: #17 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 05-30-2008, 01:52 AM Parent: #16
يعنى عشان اول مرة ابقى زى البنات ؟ عارفاك مالك لكن كان عندك الصورة العاجباك جيبا (حرم )ما بقول حاجة وحات ابوى اها قصرت معاك ؟ بعدين فرقة جاز كردفان دى يخربنى ما بعرفا بتذكر كان فى فرقة جاز (كمبونى ) فى السبعينات تانى (برى يبقى لى السم ) ناس عبدالله ود السجانه بعرفوها اكتر منى وعمك حامد موسى مراهد حلوة عمك دى مش ؟ المهم نرجع لموضوعنا عارفاك ما عاجباك غيرها ياخ او اقول ليك شيلا زاتو لقيتنى كيف ؟
Post: #33 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-02-2008, 11:15 AM Parent: #17
و حات إسم الله... إنتي...... ست البنات لي حدهن..... يا خدارنا... يا الكنت دارنا.... و كنت في دنيانا واحة
في الاول لا بدلنا من تعريف الرواد لهذة الفن // وما يعرف بموسيقي الجاذ // الفنان الكبير شرحبيل احمد/ ملك الجاز السوداني/ وفرقتة تتكون من زكية شرحبيل / وهي اول رائدة سودانية / عازفة / جيتار/ وباص جيتار كامل عازف الطو ساكس علي يعقوب عازف طرامبت المرحوم احمد داؤود/ عازف درامس / وهؤلاء هم اساس فرقة شرحبيل / الاولي كما هنالك العديد من العازفين كان لهم دور في مشوار هذة الهرم،الموسيقي نادر السوداني / باص جيتار / محي الدين / باص جيتار/ عبداللة باص / عازف باص جيتار / وحيد دينق / عازف درامس/ عبد العزيز / عازف درمس / عبداللة تنقوري / بركشن / عازف درامس/ احمد حامد / درامس ================= فرقة العقارب ======== عامر ساكس // تنور ساكس عادل منجد / درامس / صلاح خليل /جيتار صلاح رجب / جيتار احمد جبريل / عازف باص / ودة التكوين الاول لهذة الفرقة شارك هذة الفرقة في مشوارها الفني وحيد دينق / درامس كاميليو / جيتار عثمان زيتوا باص جيتار وصلاح عثمان /عازف اورغ ليلوا / عازف جيتار / وبالمناسبة هذة العازف كنقولي الجنسية / وكان من احد اعضاء فرقة الفنان العالمي جيمس براوند /وشارك مع العديد من الفنانين الافارقة من وصلة فنهم للعالم كما كان لة دور كبير في تلك الفترة من توجية وصقل موهبة العديد من عازفي الجيتار لة التحية ============== فرقة الافارقة ======= ومن رواد هذة الفرقة الفنان كمال كيلا / عبداللة ابراهيم / عازف التينور ساكس/ وكانت تضم في تكوينها الاول العديد من عازفي الات النفخ النحاسية / من يعملون في سلاح الموسيقي/ قد لا تزعفني زاكرتي بزكر اسماهم / ومعظم العازفين كانوا / اجانب كنقوليين / اشتهرت هذة الفرقة بعبقرية الفنان كمال كيلا اللذي كان يتغني باغاني الفنان العالمي جيمس براون وقد يتزكر الكثير منا مجد هذة الفرقة اللتي كانت موضة في كل ليالي الخرطوم الصاخبة بعد ذالك كونة الفنان كمال كيلا فرقة خاصة بة استمرت فرقة الافارقة في تقديم عروضها بنفس الاسم بقيادة عبداللة ابراهيم وكان ولجود الفنان طارق مصطفي / كمغني للفرقة بثوبها الجديد / وهوة يتغني بلونية مختلفة تماما عما كانت علية الفرقة لقد كان اضافة جديدة لمشوار الفرقة ومن اعضاء هذة الفرقة صلاح بني / عازف باص جيتار / ناجي /عازف جيتار تيسير عازف/ جيتار وحيد دينق / عازف درامس في بداية الثمانينات هاجرت الفرقة لمصر وهي تحمل اسم الافارقة وكانت من اشهر الفرق في مصر وصاحبهم في هذة المشوار عازف الدرامس / عجب / كما شارك الفرقة مشوارها الفني العديد من العازفين المصريين ================ ارجو المعزرة لو نسيت زول من هؤلاء الرواد والعند اضافة او تصحيح في اسماء الفننانين الفوق ديل يلحقنا ويقول عووووق // نادر السوداني
كمال كيلا ====== بعد الانتشار الكبير والنجاح داخل فرقة الافارقة كونة فرقتة الخاصة وكانت الموسيقي الغربية زات تاثير كبير في موضوعة الغنائي المتميز فكانت لة العديد من الاغاني العربية داخل تكوين برنامجة الغنائي عل خشبة المسرح ذائد اغاني جميس براوند اللتي كانت سبب في شهرتة// ومن اعضاء فرقتة عمر بولينو / عازف جيتار // سوف اتكلم عنة لاحقا فهوة من احد المحطات الجازية // حلوة جازية دي علي عثمان / عازف جيتار / ولا بد لي ان اتوقف عندة هذة العلي وهوة من خيرت عازفي الجيتار /تقدمة لمعهد الموسيقي في نفس السنة اللتي قبلت دفعتنا كما تعتبر هذة الدفعة من اول الدفع اللتي تم ترشيحها بواسطة مكتب القبول جامعة الخرطوم ورقم نبوغة الفني وحصولة علي الشهادة الثانوية رفضت ادارة المعهد طلبة لم تخر عزيمتة ذهب للقاهرة لتحقيق حلم حياتة والتحق باكادمية الفنون /الكنسيرتفوار / حصل علي درجات علمية عالية في مجال التاليف الموسيقي كما اصبح استازا بها لة مني كل تقدير واحترام مصطفي جمعة /// عازف جيتار// ويعتبر مصطفي جمعة ليس عازفا فقط فهوة مغني ومؤلف اغاني // نجحت بعض اغانية ووصلت للتب المصري // لة التحية كما كان من احد اعضاء فرقة الويفز // كما كان للفنان عازف الجيتار كميليو دورا اساسيا داخل تكوين فرقة كمال كيلا قد نلاحظ حركة انتقال بعض العازفين داخل الفرق بكثرة وهذة شئ طبيعي في ذلك الوقت / لقد كان كل من اعترف هذة النوع من الفن يعتمد علي دخلة اعتمادا كليا فنجد هؤلاء العازفين المهرة ينتقلون هنا وهناك اذا كانت فرقهم الاساسية في حالة ركوض ............................ وبيات شتوي
Post: #23 Title: Re: إهداء إلى.... ممدوح الفريد... و نادر السوداني ....و كل الدفعة Author: Abdalla abdalla Date: 05-31-2008, 01:46 AM Parent: #22
نادر سلام كتر خيرك ياخى .... تقفز الى الذهن اسئلة كثيرة قيما يخص الفرق ، عن أعضائها و موسيقاها و أجوائها... لكنى سأترك كل ذلك الى تنتهى من عرضك الشيق المفيد . أرجو أن تواصل . تحياتى مجددا
Post: #24 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 05-31-2008, 07:49 AM Parent: #23
الحلوين الصغار كلكم عارفين يا حلوين الليلةحاحكي ليكم حكاية انا لمن جيت المعهد كنت صغير جيت لقيت عمو ازهري ولد كبير بدرس في قسم الموسيقى وعمو نادر ده كان صغير زي وتاني عمو فيصل سيد امام وصاحبو احمد حمو ديل كانو عاملين فيها صعاليك بخوفو الناس عشان بمسوا بحري لكن في واحد اسمو عم حمد اسماعيل ومعاهو واحد عاتي اسمو الدرديري ده كان بخوفهم كلهم انا ما بخاف الا من واحد بس كان بعزف الكلارنيت طويل وعاتي ولمن بقينا اصحاب بقينا نقول ليه (( اميغوو) يعني يا صديقي بالأسبانية ربنا ارجمو هو زاتو كان بخاف بس من عم عمر النجار بتاع الديكور كنا صغار وفي المعهد كان في اولاد كبار بخوفونا بالموسيقى السمحة وكانو الكبار الفي المسقى عندهم قروش بجيبوها من العدادات مش عدادات الكهربا والموية لالالاعدادات الحفلات عشان كده بجو لابسين هدوم سمحة ونظيفة انا كنت قايل الهدوم دي شان هم عندهم قروش لالالا تاري في العدادات بلاقوا البنات السمحات عشان كده بجو قاشرين واهم حاجة كانو بفطرو ا (( الكوفنجية الماعندهم قروش من ناس الدراما اها الاولاد الكبار ديل بي ظرافتهم وضحكهم علمونا نسمع الموسيقة لمن بقينا ما بنخاف منهم اها بعد داك عملوا اوركسترا الساعة 12 نص النهار وهاك يامزيكا والناس جاطت وقالو منو الجاب الكوريين وناس قالت لالالاخلو الكوريين اها قام الاولاد الكبار الما بخافو قالو ياجماعة تخلو الكوريين ترجعوهم نحنا في .. نحن العملنا الجقلرة نحن العملنا موسيقى الدييش نحن العملنا الجاز البشبهنا نحن البنجضم الموسيقةى الشعبية ..يازول كانوا الوقت داك صغار لكن اتنفشو وكبروا وكبرت معاهم احلام واماني وكبرنا ولسه شايفين نغسنا صغار .. التحية للكبار الصغار التحية لكل موسيقي سلاح الموسيقى في الديش والبوليس واحبكم يا اخواني الكبار الصغار والصعار الكبار
Post: #25 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 05-31-2008, 09:33 AM Parent: #24
الحبان في حوش فرق الجاذ سلام السني السقنتوتي وعبداللة فلوت يا اسماعيل نفسي اعرف.... انت مسحتة شنو.............. ها ها ها لكن شكيتك ياعبداللة ولا بلاش ... انا كنتة قايل الموضوع ممكن يخلص في مداخلتين .......... وفركش........ مسعولين من الخير وين سيد البوست ============ فرقة الاصدقاء ======== لم تستمر هذة الفرقة كثيرا لكن قدمت اعمال في غاية الروعة وبخبرات صلاح خليل واحمد جبريل العقاربية وباضافة عازف الدرامس الجميل سيف عبداللة سعيد وعازف الجيتار السر وكان معهم الموغني الرائع صلاح مزمل نجحت الفرقة وبدات تسحب البساط من تحت الفنان كمال كيلا وفرقة العقارب لحد ماء كانت فرق ما يعرف بالجاذ تعتمد اساس تكوينها علي ثلاث // الاجهذة الموسيقية // وتعتبر هي الموصل الحقيقي لموضوعها الموسيقي // وكل ما كانت هذة الاجهذة حديثة تستطيع الفرقة ان تنفز اعمالها الموسيقية والوغنائية باكثر دقة // المستوي الفردي في اداء عازفي هذة النوع من الموسيقي يحتاجون لتدريب متواصل لكي يصبح العازف مؤهل لتنفيز اي غنية او عمل موسيقي عالمي تتفق المجموعة عليه حصول الفرقة علي عقود سابتة تدعم الفرقة ماديا مما يساعد افراد تكوينها من شراء الاسطوانات والشرايط والمصاريف الشخصية ياة ياة ياة اتزكرتة شخصية كان لها دور كبير لمساعدة هذة الفرق // العم الجميل غريب اللة // كانت بدايتة في امدرمان وكان عندة دكان صقير يبيع العديد من الاجهذة الموسيقية ازدهرت تجارتة بسبب انتشار فرق الجاز وبعد ذلك فتح محل في عمارة صحاري بالخرطوم لة الرحة والمقفرة واصل اولادة من بعدة وكان دكان غريب اللة هوة المحل الوحيد في الخرطوم اللزي تخصص في بيع الالات الموسيقية
هنالك دور مهم للاندية الثقافية في ذلك الوقت ومن رواد هذة الاندية النادي العربي / والنادي السوري / ونادي ابولوا / والنادي الايطالي / ونادي التنس / والنادي الالماني / كانت تتضمن عضويتها العديد من الاجانب العرب والارمن والسودانيين ومن يعيشون في مجتمع الخرطوم المخملي في ذاك الزمان تكونت العديد من الفرق بمساعدة إدارات هذة الاندية الثقافية مثل / فرقة الاصابع الزهبية / والرير استون / ولمع داخل هذة الفرق العديد من العازفين والمغنيين / المرحوم وليم اندرية / بوب اندرية / ملاكو عازف جيتار / شاشاتي / الفاتح الكردي / محمد سعد / يوسف شدياك / السموال فضل ناصر / عازف الترامبت /وكان يوجد داخل هيكل تكوينها يونانيين وارمن وكانت موسيقاهم زات طابع الكنتري والروك هذة بجانب الاغاني العربية زات الاصول اللبنانية والمصرية بعد ذلك انتهجت العديد من الاندية نهجهم مثل / نادي الكشافة البحريية / ونادي التنس اللزي لعبة دورا كبيرا في انتشار الفنان جيلاني الواثق وفرقتة اللتي كانت في الاصل فرقة الصول ميوزك وهم / عجب درامس / الفاتح الكردي جيتار / عاطف جيتار / كمال حمدي باص جيتار / وصلت شهرت الفنان جيلاني بهذة المجموعة قمة المجد وكان التنافس الشديد بين الفنان الراحل وليم اندرية واغانية العربية اللتي لم تعدي كبري الخرطوم في وقت ماء ومنحصرة داخل هذة الاندية فقط بدا في الظهور في العديد من الحفلات في امدورمان والخرطوم بحري بعد ظهور الفنان جيلاني الواثق و نجاحاتة في هذة المدن
Post: #29 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-01-2008, 08:41 AM Parent: #28
ودالجمام الفنان الجدع شفتة يا حبة كل عازفي الجيتار تخرجوا من مدرسة المجنون سانتانا ومافي فرقة في السودان ما عزفت سمبا باتي والعمل الموسيقي الفي الفيديو الفوق دة عبارة عن مجموعة من الاغاني والمقطوعات لماهم بعبقرية في شكل واحد باسم سامباباتي لك ولة التحية ومرحب بيك في حلة المجانيين الازهريية
عمر بولينوا ... وعلي عثمان ... وفرقة امدورمان ============================ اسس نعوم / فرقة امدورمان / في منتصف السبعينات وهذة النعوم كان يمتلك الالات الموسيقية وكانت بروفات الفرقة في منزلة في حي العباسية وكان لنعوم محاولات في الغناء مع فرقتة اللتي تتضمن بعض العازفين الافارقة / كنقوليين / كان لهذة الفرقة دور كبير في ذلك الزمان داخل احياء امدورمان القديمة وبمهارة الفنان عمر بوينوا وصوتة المتميز // وبمقدرات علي عثمان ونبوقة العزفي علي الجيتار اسبتت الفرقة وجودها في ذلك الزمان // بعد ذلك سافر عمر للقاهرة ولمع نجمة بنجاح غنيتة اللتي غناها الفنان/ مصطفي قمر / قد لا تزعفني زاكرتي الخربة بتزكر اسم الغنية المهم / كانت علامة ومحطة لنجاح الفنان المصري مصطفي قمر كما كان مشاركا للفنان محمد منير والعديد من الفنانين المصريين / تزوجة بالفنانة الرقيقة زينب الحويرص لة التحية ولها الاحترام والتقرير
Post: #31 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-02-2008, 10:54 AM Parent: #24
Quote: جيت لقيت عمو ازهري ولد كبير بدرس في قسم الموسيقى
أصبر..... أنا شخت ليك شخيت طويل في الواطة..... و عملت علامة الحرب (الحاء و الراء مضمومتان) و مديت تلاليشي...... أنا عمو أنا....... الليلة...... كان سمعتك عشة دريشة ياالسني...الليلة
Post: #34 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-02-2008, 12:24 PM Parent: #31
دريشه عدييييل ولا دريسه هداف الثواني الليله والليله باصات ابورجيله ده كان اجمل لحن بخبوا الأطفال لمن اقعوا في مشكلة وطالما انا صغير بغني وبقول الليله والليله عم ازهري بدقنا وعشه بتبهدلنا
يا أخوانا هوي...... الحاضر يكلم الغايب...... أنا لما دخلت المعهد..... محمد السني دفع الله كان فنان كبير... مثل فيلم (أبيض و أسود)مع: يوسف وهبي و إستيفان روستي بطولة ليلى مراد أيام بعثته في مصر.........
Post: #37 Title: Re: إهداء إلى.... ممدوح الفريد... و نادر السوداني ....و كل الدفعة Author: حمد اسماعيل Date: 06-04-2008, 03:00 AM Parent: #35
أول حاجه يا نادر الذاكره قويه ما نسحرك ساكت
أنا دا جيت صغير ولقيت الناس ديل كلهم كبار يحمدو الله
وكنته بتفرج على ناس نادر ديل بالشباك(ديفد قروب) فى البروفات .
بعدين ياالسنى ما تخاف الله انته كنته معلم كبير لما انا جيت
وحتى لوبتذكر اشتركته معاكم فى اسكتش فى محطة التلفزيون الاهليه أول حلقه
مع واحد من ناس الفرقه اسمه عمر ( من توتى) افتكر وكان دوره تمتام
وفى نفس الحلقه قدمنا عيون المها مع المرحوم عميرى وسميه حسن .
تجى تقول (لكن في واحد اسمو عم حمد اسماعيل ومعاهو واحد عاتي اسمو الدرديري ده كان بخوفهم كلهم ) أنا لا خريج ولا حاجه أنا دراسات اضافيه ساكت وحتى زغته وباريت العدادات أها ومن ديك وعيك .
يا أبو ملاز يا فقرى جدا وبسأل وين سموءل طرمبه الناس نسته.
كفانى جهجهتة السودانى يكون راسه ضرب .
برجع تانى
Post: #38 Title: Re: إهداء إلى.... ممدوح الفريد... و نادر السوداني ....و كل الدفعة Author: حمد اسماعيل Date: 06-04-2008, 03:11 AM Parent: #37
إهداء إلى.... ممدوح الفريد... و نادر السوداني ....و كل الدفعة (Re: Azhari Nurelhuda)
معليش أنا ما دفعه دخلته شلاقه ساكت بس الناس طولته منهم ولا شنو يا أبو الز
Post: #39 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-04-2008, 05:09 AM Parent: #38
Quote: كنت بتفرج علي ناس نادر ديل بالشباك // ديفدقروب// في البروفات
يا حمد لامن دخلنة نادي الفنانيين كنا متحامين باحمد داؤود لة الرحمة. ولو ماهو ماكان اظن بنقدر نمشي في شارع النادي خليك من نعمل برفات وكمان في القرفة المجاورة لقرفة الفنان الكبير شرحبيل احمد قال بتفرج علي ناس نادر ديل بالشباك قال .......
Quote: كفاني جهجهتة السوداني يكون راسة ضرب
يا حبة الراس ضرب من يوم ما شالتوا رجلية لسكة المجهول يا حليلك ياحمد وياحليل تلك الايام بزكرياتها الندية اللتي تعيش ارواحنا بعطر جمالها اللة ينعل الكان سبب
الحمد لله و شهد شاهد من الشباب النضير السيد حمد إسماعين.... و الله يا يا محترم الشباك ده أنا متذكره في الأوضة الأخيرة في النادي...و ناس نادر ديل كانوا عبيد كبار بدخلوا النادي بعرباتهم (بالأمارة الفان الأزرق) من البوابة الخلفية الفاتحة علي الحفر و الدردقانية الورى أم رمان الثانوية بنات....قال دفعتنا قال......
الأخ العزيز السموءل فضل ناصر إنقطعت أخباره بإغترابه في السعودية...التحية و الود و الشوق له و ده موسيقي ممتاز و لا يمكن أن ينسى......
حمد .. كيف حالك و كيف حال المعاك ياخى؟ ليك وحشة و الله... كده يا حمد بعد نادر ده ما ينتهى من قصة فرق الجاز ابدا لينا قصة فرق الفنانين . دى طبعا ما عندك فيها مشكلة ( آآآل ايه !!!.... يا بتاع البرابيز ......) و يساعدك فى الموضوع ده ابوالزهور سابقا ( ابو ملاذ حاليا ) ... و ساطور .. و ...الفاتح يس .. و موصلى .... الدعوة للجميع
السنى .. سلامات ياخى انت منصورى ما جنبك فى الدوحة ... عليك الله الكزو .. و رسل لى تلفونه فى المسنجر و عمر الخزين . كان لاقى ليهو سكة ... برضو.
نرجع للموضوع : نادر .. واصل عليك الله و خليك من المنازعات الجانبية و الكور الطايشة . زى ما قال أزهرى فى محطات هامة لازم تديها وقفة : الدرديرى احمد الشيخ و صلاح دهب مثلا .
لسه راجينا كلام كتير عن الدفعة .. ووحيد جعفر .. و الغندجانى . و ممدوح و : يا على السقيد يا على السقيد كل يوم فطوركم فول و زيت ما مرة غيروا .. اكلوا بيض
فرق الجيش لموسيقي الجاز ================ لم يكتفي سلاح الموسيقي بانغامة المتميزة اللتي كانت تشارك في العديد من المناسبات العامة و/ الخاصة / داخل ازقة وحيشان بيوت العاصمة بآلاتها النحاسية وانغامها الشجية / وبظهور فرق الجاز وانتشارها تكونت العديد من الفرق داخل فروعة / فكانت فرقة جاز المدرعات الاكثر شهرة لوجود الفنان صلاح براون اللزي انتهجة نهج الفنان كمال كيلا كما كان يغني للفنان العالمي جيمس براوند حتي ارتبطة اسمة بهذة الفنان الجميل واستطاعت هذة الفرق ان توظف ايقاع // التم تم السوداني // داخل هيكلها الموسيقي اللزي تسبقة النكهة الاثيوبية من خلال ارتجالات الساكس كما لمعة نجم العديد من عازفي هذة الالة داخل هذة الفرق // عبداللة دينق// حامد لة الرحمة / والعديد // كما سجلت ازاعة امدورمان العديد من هذة المقطوعات الموسيقية اللتي نفزت بواسطة بهذة الفرق ولا بد لنا ان نزكر دور الوالد جعفر فضل المولا في ذلك الوقت ودورة في تطوير ودعم الموسيقات العسكرية لمع العديد من المغنيين والعازفيين لهذة اللونية داخل تكوين هذة الفرق / ومنهم تاج الدين وكان مغني زاصوت متميز علي يعقوب عازف ترامبيت / احمد حامد عازف درامس / محي الدين عازف باص جيتار / اسامة عازف بكلوا // وبالمناسبة اسامة بكلوا كان من احد اعضاء فرقة ديفد قروب فهوة فنان بكل ماتحملة هذة الكلمة لة التحية ........................ارجوا المساعدة لو نسيت لي ذول / .. والخرطوم جميلة بلد الحبايب الخرطوم جميلة بلدالقرايب
الفنان عبد الفتاح اللة جابو هوة اول فنان سوداني استطاعة ان يصنع الجيتار الكهربائي في ورشتة الخاصة بة في السجانة كما كان يجيد العزف علي الكمان والجيتار وكان عضو فرقة اركسترا الازاعة في ذلك الوقت كونة اول فرقة / ومن اعضاء هذة الفرقة / سامي المغربي عازف اورغ / عجب عازف درامس / سليمان ابوغالب / عازف جيتار لقد كانت بدايتي الفنية مع سليمان في مركز شباب امدورمان سوف نفرد مساحة لهذة المركز اللزي خرجة العديد من الفنانيين / ممدوح / محمد ازهري / نادر السوداني وحيد دينق/ ويرجع الفضل للفنان المنصوري اللزي كان يشاركة في ادارة شعبة الموسيقي المرحوم / محمد فزاري لة الرحمة .......المهم كانت فرقة عبد الفتاح اللة جابوا تعمل بصورة مستمرة في فندق اكسلسوار وعندمان انشئ فندقة قصر الصداقة بالخرطوم بحري واصلت فرقتة عروضها علي خشبة مسرحة صاحبة فرقة عبد الفتاح العديد من العازفين من كانت بدايتهم الفنية في نادي الكشافة البحرية وكان نشاط الفرقة منحصر داخل الفنادق
لاد بد لي ان ازكر نادي الجاز السوداني ======================= لقد شهدة فندق صحاري مولد هذة النادي اللذي كان الفنان شرحبيل احمد راعيا لة كما كان يقدم عروضة اسبوعيا علي حدائق صطحة وكانت اغلب الاسر الخرطومية اعضاء في هذة النادي لم يكن الفنان شرحبيل احمد رائدا لهذة اللونية في السودان فقط بل كان رائدا لها في كل الوطن العربي / لا يعرف العرب عن هذة اللونية فهوة رائدا لها وبدون منازع / ظهرت بعدة العديد من الفرق سامي كلارك وهوة لبناني / فرقة الموسيقي الحرة اللتي كانت تضم حميد الشاعري / وناصر المزداوي كما لمع نجم الفنان احمد فكرون اللبي الاصل / لم تكن موسيقي الراي الجزائرية لها وجود في ذلك الوقت انتهجت العديد من الفرق المصرية نهجة كفرقة المصريين بقيادة هاني شنودة وكنات تعرف هذة اللونية بالفرانكوارب / ياة ياة بعد كل هذة المشوار تفرض موسيقي الجاز الشرحبيلية نفسها وتصبح موضة باسم الموسيقي الشبابية في كل الوطن العربي العيب الوحيد هو الاعلام السوداني في ذلك الزمن لم يكن متواكبا مع ما يدور من حولة ولم يصل لعمق فهم ناس ما يعرف بفرق الجاز اللتي كانت تحس بموسيقي العالم وتتفاعل معها ..............
Post: #44 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-04-2008, 07:59 PM Parent: #43
يا سلالالالالالالالالالالالام يا نادر السوداني نواصل ومربعين يدينا واصل التوثيق يا فنان تعظيم احترام
Post: #45 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-05-2008, 01:25 AM Parent: #44
فرقة اضواء بحري ========== ولدت هذة الفرقة داخل مركز شباب الخرطوم بحري علي مازكر ومن رواد هذة الفرقة العملاقة اللتي أسبتت وجودها بجدارة داخل المجتمع العاصمي من خلال ما كانت تقدمة من اعمال موسيقية وغنائية عالية االجودة والادقان ومن رواد هذة الفرقة عاصم زين/ عازف جيتار ومغني/ ابو رزقة لة الرحمة عازف جيتار / عمر قيلي لة الرحمة عازف باص جيتار ومغني / فتحي عازف درامس فهؤلاء هم اساس فرقة اضواء بحري وبعد ذلك تقير اسم الفرقة واصبحت / فرقة البلو ستار / بعض انضمام / عازف الجيتارالسر / وعازف الدرامس محمد السيد / سافر عضو الفرقة الاساسي ومغنيها عمر قيلي الي كينيا وفي هذة الفترة لمعة نجم الفنان الدرديري كمغني للفرقة وعازف الساكس صلاح دهب واحمد حمو كعازف باص جيتار تواصلت نجاحات هذة الفرقة وكانت قمة نجاحاتها عندما صاحبت الفنان العالمي جيمي كلف عندما حضر الخرطوم وهذة لعمري سمعت من الفنان جيمي كلف وهوة يقول هذة الفرقة قد لاتقل عن فرقتي بشء وهذة كانت شهادة من فنان قد لا تقل شهرتة عن الفنان بوب مارلي في ذلك الوقت كم كانت فرقة البلوستار عظيمة وكم كان ذلك الزمان نديا
Post: #50 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-06-2008, 06:13 AM Parent: #45
فرقة البلوستار ========= عازف الاورغ الفنان الجميل محجوب مصطفي شقيق الفنان صلاح مصطفي هوة من احد اعضاء هذة الفرقة والفنان عصام اكرد شقيق عازف الاكرديون الجميل اكرد كانت لمسات اصابعة علي الكيبورد اضافة جديدة لفرقة البلوستارلهم التحية والتقدير
Post: #46 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-05-2008, 01:59 AM Parent: #44
السني اخوي نادر السوداني لم يكن سوي قزم صقير وشاهد عيان عاش في زاك الزمان مع عمالقة هذة الفن اللزي دفنهم الزمن في زاكرتة وحرقت الانانية والجهل صحفهم اللتي كانت شموع قد تضئ دروب فنانين قد ياتون من بعدنا متشبثين بالعلم والمعرفة ومواكبة العالم من حولهم ....................
Post: #47 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-05-2008, 10:07 AM Parent: #46
السوداني.... أنا كنت واثق من أن هنالك كنوز كثيرة تحتاج لطريقة ما لإخراجها من راسك ده يا نادر....و طبعا ود السجانة عرف ليك ...(ما السن بضاحك نديده...) ده سرد خطير لتاريخ مهم جدا ....يديكم ويديم عليكم العافية....
يا سوداني ... أنا عندي بعض الأسئلة تتعلق بمحطة هامة في سردك ده....و هي محطة نادي الجاز السوداني...:
1) هل كان هنالك نادي يدعى نادي الخرطوم للجاز نشأ نديدا و مواكبا لمدرسة الخرطوم التشكيلية يخطط و يدعوا لجاز سوداني خالص...ام هو نادي الجاز السوداني....؟
2) ثم ماهي طبيعة النقاش و النزاع الدار في مفهوم الجاز كمصطلح و الجاز كأسلوب معروف عالميا في ذلك الوقت...؟
3) و ماهي المبادرات الجادة حسب علمك و التي إستجابت و إستفادت من ذلك النقد الذي وجه للفرق التي قدمت الموسيقي الغربية كما هي بأيدي سودانية....(أرجو إلقاء الضوء على تجربتكم الخاصة في هذا المجال على إختلاف مراحلها...غربي.... عربي.... (ناصر المزداوي و جيل جلالا)... ثم يا غريب عن بلادك...و ما بعدها)؟
4) ثم ماذا كان يعني مفهوم تطوير الموسيقى السودانية و الحداثة و المواكبة و عالمية الموسيقى السودانية في رأيكم كفرق جاز في ذلك الوقت....؟
5) و هل كانت هنالك محاولات للإستفادة مما هو سوداني في هذا السياق....؟
لقد إستمعت لإفادات خطيرة من الآتية أسمائهم:
* الأستاذ النور عثمان أبكر....(أديب, شاعر و صحفي... ملم بتاريخ هذا الضرب من الموسيقى و علاقتها بالموسيقى الأفريقية (الأصل و الجذور) و ما يمكن أن تساهم فيه الموسيقى السودانية في هذا....)
* الأستاذ عبدالعزيز فرج....(دبلوماسي, موسيقي و مغني و من مؤسسي نادي الجاز السوداني.....)
* الأستاذ ناصر الحاج .....(أستاذ دراما و موسيقي....)
العزيز نادر أرجو الشروع في الإجابة عقب الإنتهاء من هذا السرد التاريخي الممتاز...أرجو....ما تستعجل علي راحتك و أنحنا منتظرين.....
يا ابوالزهور مالك علي وعايز تقلب علي المواجع ووجع الضرس دي كانت حرب طويلة بداها ابوي الفنان /عثمان الموا/ رائد رواد هذة النوع من الموسيقي / تجلت عبقرييتة في موسيقاة اللتي اتجهت غربا سابقة لزمانها بكثير كما كانت حربة ضد من كانوا يتحكمون في ازاعة امدورمان في ذلك الوقت / و من يدافعون ويحاربون داخل خندق التخت الشرقي المصري اللزي فرضة نفسة داخل دهاليز إزاعة أمدورمان في ذلك الوقت حتي وصلة بة الياس لقتل نفسة / وكانت رؤيتة البعيدة لشكل الموسيقي السودانية اعمق بكثير بل تتواكب مع موسيقي الغرب بنسيجها الهارمني وانغامها الشجية رحمة اللة الفنان عثمان الموا اللزي زرعة لنا وديان من النغم ومهدة لنا طريق كان من الصعب ان تتحسسة اصابعنا واحاسيسنا الفتية
Quote: هل كان هنالك نادي يدعي نادي الخرطوم للجاز نشا نديدا ومواكبا لمدرسة الخرطوم التشكيلية يخطط ويدعو لجاز سوداني خالص ... ام هوة نادي الجاز
اول حاجة لم يكن هنالك جاز بمعني / الجاز الامريكي اللزي يعتمد علي سلالم البلوز والسلالم الملونة ومركباتها الهارمونية المعقدة وارتجالتها المصاحبة داخل شكله النغمي المتميز / في ذلك الوقت كان يطلق علي آلة الدرامس المصاحبة للفرق في موضوعها الموسيقي في ذلك الوقت // الجاز // ونادي الجاز الوحيد اللزي اعرف كما زكرت هوة نادي الجاز اللزي كان يرعاة الفنان شرحبيل احمد وكان من احد اسباب نجاحة وجود بعض الراقصين / المرحوم سامي ابوالعلا اللزي درسة حركة التعبير بالجسم المصاحب للموسيقي باروبا / والراقص افريكانوا / وكانت موضة الرقص الغربي في هذة النادي من احد الاسباب لنجاح هذة النادي بالاضافة لموسيقي واغاني الفنان شرحبيل اللذي كان في قمة مجدة في ذلك الزمان ................................دي كدة النقطة الاولي
Post: #51 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-06-2008, 08:32 AM Parent: #49
Quote: ثم ما هي طبيعة النقاش والنزاع الدار في مفهوم الجاز كاسلوب معروف عالميا في ذلك الوقت
كان كل شباب الجامعات والمعاهد العالي ومن درسوا في الغرب ذائد علي الاجانب والجاليات الغربية والعربية اللتي كانت تعيش في الخرطوم يعشقون هذة النوع من الموسيقي وكانت شريحة اخري من المجتمع ترفض هذة النوع من الموسيقي وكانت تري فيها ضرب من الجنون لان ببصاتة لا فاهمة كلام،ولا فاهمة مزيكة سوي نبر الدرامس القوي ومكبرات الصوت العالية وشباب بيتنطط قدام الفرقة والعجاجة قايمة / نرجع تاني لي حتة الازاعة والتخت الشرقي وبلمناسبة واحد مافون ضرب لي تلفون وعاوزني اشرح حتة التخت الشرقي / التخت الشرقي هوة مجموعة،من الالات الموسيقية مصرية الطابع مثل العود والكمان والغانون والناي والرق والطبلة البلدي تصاحب المطرب في وصلتة الغنائية كما هي وحادية النغم / المهم هذة الشريحة تري في الفن كلمة وصوت داخل فكرة التخت الشرقي كما فرضتها ازاعة امدورمان في ذلك الوقت / ونحن نري العكس تماما / نري في هذة المجموعة من الالات الميلودية الطابع ضعيفة النبر قد لا تاتي معبر عن مانتمناة لمزيكتنا السودانية / من زاوية فهمنا للموسيقي الغربية / والشئ الغريب في الموسيقي السودانية القديمة كنا نري في داخل نسيجها النغمي تيمة الشكل الدائري اللزي تمتاز بة موسيقي الغرب وكانت بعض هذة اللزم كما يسمونها الفنانين تتطابق او تتشابة لحد كبير بمقطوعات عالمية اوجازية / اوآسيوية / واقصد الموسيقي الهندية // لم تكن في السودان فرقة جاز // بالمعني المفهوم للجاز فكانت فرق بوب ميوزك تتغني بكل انواع الموسيقي الغربية / روك اندرول/ كنتري / صول ميوزك / ريغي / فنك ميوزك / زائد علي اغاني الدسكوا / اللتي كانت اكثر شهرة في ذلك الوقت كما كان لوجود العازفين الافارقة دور كبير في توصيل الاغاني الافريقية من خلا مشاركتهم للفرق المحلية
Post: #52 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-06-2008, 09:55 AM Parent: #51
دي هدية مني ومن اسيا ربيع ليك يا نادر السوداني جد وليك علي في الأجازة الجاية دي اجمع ليك صور لفرق الجاز في السودان ومعلومات ولقاءات مع عازفين وموسيقيين جاز وسوف اجمع ليك كتابتك الكتبتها هنا كلها واعمل ليك كتاب عن موسيقى الجاز في السودان هذه هديتي لك ومحبة وسلام
Post: #53 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-06-2008, 10:39 AM Parent: #52
ودي صورة لفنانيين موسيقيين مع الزعيم الأزهري ..
Post: #54 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-06-2008, 10:56 AM Parent: #53
Post: #55 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 06-06-2008, 12:17 PM Parent: #54
نادر السودانى والسنى، حمد اسماعين ، ازهرى ، اسماعين محمد الحسن عبد الله محمد عبد الله وكل الناس العبرت من هنا للمعهد الانحناء ولفرق الجاز فى السودان كل الحب عشان نقرا تاريخنا نادر واصل لكم محبتى
شكرا صديقي العزيز علي هذة الهدية كما اسمح لي ان اشكر السيدة اسيا ربيع لوقفتها معنا داخل دهاليز فرق ما يعرف بالجاز
جقلرة ===== يالسني اخوي عايز تعمل لي كتاب حتة واحدة واللة فيك الخير كنا نتمني ان تسمع تجاربنا الموسيقية اللتي هي امتداد لعبقرية زاك الزمان الوريف وقد تكون زات تاثير مباشر لاجيال من بعدنا قدتتعلم منها الكثير وتضيف لها الاكثر جمالاً
التجلة و التقدير و الإحترام لما أوردته من كلام هام....و الرحمة و المغفرة لوالد الجميع المرحوم عثمان ألمو أحد رواد هذه المدرسة....في إعتقادي أن عثمان ألمو كان عالما موسيقيا و مواكبا لما كان يحدث في عالم الموسيقى من حوله على أيامه.... و لكن ما قولك في أساتذته و الذين سبقوه من الأعمام محمد إسماعيل بادي, زقل, عود الصندل, رمضان مكوة و العم عبدالقادر عبدالرحمن..... إلخ. عثمان ألمو تتلمذ على أيدي هؤلاء و تأثر بهم (راجع مقطوعة مامبو نص الليل أو شعار برنامج ما يطلبه المستمعون لمحمد إسماعيل بادي و أغنية جنة الألحان يا قلبي لألمو) تجد أن الأثر واضح و الأسلوب متميز و يكاد يكون متشابه.....هؤلاء هم من تعلموا الموسيقى و حالوا أن يطبقوا علمهم على الموسيقى السودانية. و لأنهم جميعا من مدرسة الموسيقى العسكرية إستعملوا النحاسيات في موسيقاهم فصارت تشبه موسيقى الجاز سيد الإسم. و حاربوا الآحادية و لذلك أدخلوا من الخطوط الرأسية و الأفقية الكثير مما ساعد في إثراء النسيج اللحني السوداني.....رأيك شنو......؟
يا ابو الزهور / عندما ياتي الحديث عن هؤلاء / محمدإسماعيل بادي . زقل . عود الصندل . رمضان مكوة . والعم عبدالقادر . اسماعيل عبد المعين / لا بد لنا ان نتوقف ونرصد تاريخ هذة الفترة / ودور الخواجات ومن كانوا يحكمون بلادي في ذلك الزمان / ماهية ايدلوجية تفكيرهم في ذلك الوقت عندما كانت موسيقي الجاز الامريكية تتحكم في زوق المستمع الغربي من خلال عباقرة هذة النوع من الموسيقي / مثل شارلي باركر / لوي ارم استرونق جون كورتلين / والعديد من وصلت موساقاهم للعالم في ذلك الزمان / لعبة الخواجة دور مهم في صقل مواهب هؤلاء الرواد من خلال تعلمهم للنوتة الموسيقية لتنفيزهم مقطوعات المارشات العسكرية الغربية الاصل داخل الموسيقات العسكرية وعندما اتسعت مداركهم الفنية داخل اسوار الموسيقات العسكرية تعاملو مع العديد من المقطوعات الشعبية من مناطق مختلفة من انحاء السودان الحبيب وسخروا كل خبراتهم وما تعلموا من الخواجات وهذة مربط الفرس
Post: #57 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد الامين عمر Date: 06-06-2008, 03:14 PM Parent: #1
الاساتذة العظام أزهري نادر سلمي والسني ،ارح، واصلو الرش، تلك التجربة في التاريخ الخرطومي - السوداني ، تحتاج الى الكثير من النبيش والبحيت ، الله يحفظك يا نادر على القدرة على السرد والتوثيق، اطالبكم باسم اجيال قانون النظام العام والانضباط والمظهر العام وحرمة المزامير والفن القاصد. اطالبكم بالجدية في التوثيق لاجيال حاولت ان تسير على ذات الدروب رغم الوعورة والصعاب ، اتمنى ان تتواصل مسيرة التوثيق حتى تصل مساهمات جيلنا واليكم هذه الاسماء المرحوم يوسف بشاره، محمد شمو، الصافي مهدي، عماد ببو، بهنس وآخرون شالوا وراكم الشيله رغم ما عاشوه من ظروف تعلمونها. ولي قدام لكم التحية ومحبتي محمد
Post: #60 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-07-2008, 08:36 AM Parent: #57
الاستاذ محمد الامين عمر تشكر لمرورك وإنشاء اللة نكون قدر القول
Post: #62 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-07-2008, 10:11 AM Parent: #60
Quote: ما هي المبادرات الجادة حسب علمك والتي استجابت واستفادت من ذلك النقد الذي وجة للفرق اللتي قدمت الموسيقة الغربية كما هي بايدي سودانيين
اولا عشاق هذة اللونية من الموسيقي في ذلك الوقت كانوا لا يقبلون تقير نوتة من الغنية / وتلقاهم حافظين الغنية بي ضبانتة حلوة .. ضبانتة دي / كما كانت تتبارة الفرق فيمابينها في من هم الاكثر تجويدا واتقانا في تنفيز هذة او تلك الغنية / لنا ان نعترف بعبقرية هؤلاء الموسيقيين فاغلبهم كانوا لم يدرسون قواعد الموسيقي / مثل النوتة والهارمني / فكانوا يسمعون الغنية اوالموسيقي وكل عازف يسن اضانوا ويقعد لساعات طويلة بدون ملل حتي يستوعب ويحفظ الخط المطلوب ان ينفزة داخل ايطار العمل الفني / الحتة دي في حد زاتة خلت العازف اكثر تمكنا واكثر خبر لم يكن هذة العازف يسمع الة محددة بعينها بل كان يسمع كل الاشكال الايقاعية والهارمونية والميلودية بالاضافة لسماع دور التة داخل هذة النسيج النغمي / ومن هنا اصبح عازفي هذة النوع من الموسيقي يرون الموسيقي من ثلاث بعاد / ليس بعدا واحد كما يراة التخت الشرقي السوداني تعلمة عازفي فرق الجاز الكثير من خلال تقليدهم لاغاني الغرب بتنوعها النغمي وتكنيكها الآلي المعقد / فنجد عازف الجيتار مثلا عزف العديد من الاغاني رالمقطوعات الموسيقية للعديد من خيرت عازفي العالم في هذة الالة فنجد تعلم واكتسب خبرات كثيرة وتملكت احاسيسة مفاتيح ابواب كانت مقلقة تماما امامة وهذة كل ما يتمناة اي موسيقي ان يجد تلك المفاتح ليصل لبر الامان داخل فكرة الموسيقي
Post: #61 Title: Re: إهداء إلى.... ممدوح الفريد... و نادر السوداني ....و كل الدفعة Author: Abdalla abdalla Date: 06-07-2008, 09:04 AM Parent: #57
عزيزى نادر
تحيتى الحارة و اكرر شكرى على جهدك الكبير. لى بعض الملاحظات :
تتقاطع الخطوط لأن الموسيقى هى الموسيقى ، و لمصلحة التوثيق يكون من الافضل فرز الكيمان ، و ان نتناول كل فئة على حدة :
1 - الموسيقى العسكرية ، التى استندت على الخبرة البريطانية و قدمت للناس المارشات العسكرية المأخوذة من الغناء الشعبى . 2 - ا العسكريون من أمثال محمد اسماعيل بادى ، ممن تدربوا فى اطار الموسيقى العسكرية و قدموا اعمالا موسيقية خالدة ( سجل بادى مقطوعة مامبو ضوء القمر الشهيرة فى سيتمبر 1957 ) 3 - الفنانون الذين مالوا الى الاساليب الغربية من جاز و خلافة ( عثمان ألمو و شرحبيل أحمد و جيلانى الواثق ... ) 4 - الفرق التى اصطلح على تسميتها بفرق الجاز .. سواء اعادت انتاج الاعمال الغربية أو قدمت اعمالها الخاصة . 5 - تأثير هذا كله على المستمعين و على التيارات الموسيقية و الغنائية الاخرى .
ليس مهما اذا كان ما قدمته هذه الفرق ، و الفنانون الذين مهدوا لظهورها ( جازا ) بالمفهوم الامريكى ( الذى يعانى بدوره مشكلة فى التعريف ) .. ما يهمنا هو توصيف ما قام به هؤلاء . يهمنا ان نعرف من هم ، و كيف مارسوا عملهم الابداعى و كيف عاشوا حياتهم .. و بالطبع سترد أسماء الكثيرين ممن اقتربوا بقدر أو آخر من هذا المجال ، وهم يستحقون الذكر بلا ادنى شك فما نحن بصدده هنا هو كتابة فصل فى تاريخ العناء و الموسيقى فى بلادنا .. و لكل معلومة وزنها و قيمتها.
العزيز ود السجانة عبداللة تجدني اتفق معك تماما وفصل الكيمان كما ذكرت مهم جدا وتناول كل فئة علي حدة علي حسب الفترة الزمنية قد يساعد في القاء الضوء علي تسلسل الاحداث وتطورها / لوك الصبر / وكان لا بد لي ان اتوقف عند النقاط المهمة جدا اللتي اثارها عجوز المزيكة ابوالزهور اللتي اصابت سهامها مكامن اشياء كثيرة داخل حظيرة هذة الفرق جقلرة ==== بما انك ود السجانة عاوزك تساعدني في سرد تاريخ فرق عظيمة بحكم اولاد حلتك 1 / فرقة الديوم الشرقية =========== تعتبر هذة الفرقة من اهم المحطاط الفنية في تاريخ فرق الجاز السودانية وغنيتهم الشهيرة // حجة كولن كولن //
2 / فرقة الساوندرس =========== الفنان كمال فيت / عازف الجيتار والفنان مصطفي قسم اللة / مغني // ...................
Post: #63 Title: Re: إهداء إلى.... ممدوح الفريد... و نادر السوداني ....و كل الدفعة Author: willeim andrea Date: 06-07-2008, 04:17 PM Parent: #1
كفاية مزاح وخلي الليل يكون صباح ........... ياسلام عليك ياوليم اندرية سيد الاسم يا سلام والتحية لك وليم اندرية وانتم تزكرونا بما يحملة بروفايلك هذة بفنان عظيم اثري الساحة الفنية والرياضية واكيد عندك الكثير من زكريات تلك الايام ارجو ان لا تبخل لنا بها ولك كل الشكر في رفع هذة البوست عاليا لكي تري اجيال لم تعش تلك الفترة ولم تري ازهي ايامها
Post: #66 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-08-2008, 08:58 AM Parent: #64
THE WAVES تكونت هذة الفرقة في منتصف السبعينات وهي بقيادة الفنان ابراهيم محمد الحسن هذة الفنان الجميل من احد ابناء المعهد العالي للموسيقي والمسرح درس البيانوا كما كان لة تجربة عظيمة مع الفنانة حنان النيل وكانت تطلعاتة وطموحاتة تسبق وقتة بكثير كان يعشق كل ماهوة جديد في عالم الكيبورد وهوة اول من بدا يسجل افكارة الموسيقية علي التراكات ولابد ان نتوقف قليلا هنا // لم تكن ازاعة امدورمان ولا مبني التلفزيون السوداني رقم كل الامكانات المتاح لة في ذلك الوقت يعرف او توجد داخل مبانية هذة التكنلوجية / واول من كان يمتلك هذة الجهاز المرحوم محمد ازهري / ابراهيم محمد الحسن / فرقة السودانيين / وهذة الاستوديو الصقير في الحجم يمكن ان تسجل بة العديد من التراكات من خلال اربعة تراكات اساسية / وكان في ذلك الوقت اكبر استوديو يمكن تلقاة في اروبا ولا امريكا لا تتعدا تراكاتة الاربعة وعشرين تراك ومن اعضاء فرقة WAVES يحي / درامس / عمر / باص جيتار / مصطفي جمعة / جيتار كمال عمر جيتار /
سلامات عبد الله محمد عبد الله سلام نادر السوداني سلام يا سلمي
أيوااااااااااااا فرق (الجاز) وقالو الكلام بجيب الكلام,...كدي النجاول نختبر الذكرة ونبدأ ليكم من عازفي فرق (الجاز) في بحري:
النبدأ ليكم بي صالح محمد الحسن (شقيق يسري محمد الحسن) مؤسس فرقة (لاأذكرها الان - اسعفوني بالاسم) وعازف للباص وكانت المجموعة تضم معه كمال (نحتوك) شقيق فتحي عازف الدرامز (في محمجوعة البلو ستارز تاج الدين أو (التاج جيرك) درامز ومغني له صوت جميل جدا ... شارك في عدة فرق... أو كما يسمونه عازفي بحري (مفش فرق)..... كمال محمد عمر (الويفز.....ذا رد لاين باند.. أو الخط الاحمر و فرق اخرى) وهو عازف للجيتار ومغني (له ايضا صوت جميل) ومازال الكلام عن مجموعة صالح محمد الحسن... عازف الجتار ناجي قيلي (وهو يقرب للفنان المشهور المرحوم عمر قيلي) يحيى (عازف الدرامز ومن مؤسسي فرقة الويفز) عمر (عازف الباص ومن مؤسسي فرقة الويفز) والناس دي كانوا كلهم بيدرسوا في الثانوية (كمال - ناجي - يحيى)..... و الكلام عن أولاد بحري له بقية..............
كل الاسف لازهري نور الهدي والله يازول الموضوع ده خلاني ارجف ده كلامو كتير ومحفور بعيد في الذاكرة خلاني انسى الأوليات العادية جدا سلام ليك أنا رديت بدون ما ابدأ بسلام ليك عذرا
نادر سلامات انا ما اتطانشت كلامك .. لكين قلت اشوف ناس أقدر منى على الكلام فى الموضوع ده . و ها هو الاستاذ ياسر بسطاوى يكتب مستجيبا للنداء . له الشكر الجزيل ... و منه ننتظر الكثير. فى الطريق ايضا الاخ العزيز ، ابن الديوم الشرقية ، سيف الدين عبدالتام عضو فرقة الساوندرز . و آخرون . تحياتى يا ابوالزهور.. و نسمع منك.
Post: #70 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 06-08-2008, 08:49 PM Parent: #69
يا نادر وعبد الله وياسر بسطاوى وابو الزهور واصلوا هذا التاريخ لان تاريخ الموسيقى قرانا نتفا منه عبر شيخنا الجليل جمعة جابر والدكتور الطاهر (0الموسيقى ) وكلنا عيون لتلك الفترات من تاريخنا فلا تكسل يا نادر او ياسر او عبد الله ود السجانة لكم التجلة
Post: #71 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-09-2008, 07:19 AM Parent: #70
ياسر بصطاوي ازيك وحبابك عشرة بلا كشرة البيت بيتك يا حبة صحبك عبداللة عاوز يكب الزوقة ها ها ها
يا عبداللة عاوز تعمل زقبير ماشي ........... غايتو جنس غايتو قال ما عارف شنو داك وما ادراك اصلوا ناس الفولوت ولا بلاش حمدة في بطنة
سالومي صاحبتي لا كسل ولا حاجة / كل زول بحالو يدور يلملم في الشقا المشرور الوجع في الجيب مصرور لا بسد لا بيبل الزور /
فرقة الانجلز / ========= والفرقة دي بنسميها فرقة العدادات بالنظر لتاريخها كان اي مزيكاتي مزنوق ليهو في قرشين يجي الفرقة دي ويلبد ليهو يومين وبعد داك يفرتق / اسس هذة الفرقة الفنان والاداري الفز الرشيد الجوهري وكان مقر الفرقة في منزلة في حي العباسية شارع الفيل كان الرشيد يعزف العديد من الالات يعني لو اي عازف من الفرقة كسل وما لحق العداد ما في مشكلة الرشيد سداد باص جيتار / ماشي اورغ عز الطلب جيتار جمالو وكان زول جميل اللسان حلو المعشر طول ما انت متهاود وما بتعور جيبو اللة يمسيك بالخير ياود الجوهري كانت لنا معك زكريات وايام لا تنسي / ومن العازفين الشاركوا في مشوار هذة الفرقة ....... لا حولة ماشاء اللة كتار
الرشيد الجوهري / طارق مصطفي / مغني صلاح بني / باص جيتار كمال عمر مغني وعازف جيتار ممدوح طاهر فريد مغني وعازف جيتار نادر السوداني مغني وعازف باص كمال نحتوك عازف درامس وحيد دينق عازف درامس ابراهيم ياني مغني وعازف جيتار / وكان ابرهيم يني حافظ كل اغاني ومزيكة سانتانا ناجي القدسي جيتار احمد تاور رحمة اللة شقيق الفنان محمود تاور / واحمد تاور رحمة اللة كان من خيرت عازفي الجيتار شارك هذة الفنان الجميل العديد من الفرق وكانت لمساتة الفنية داخل كل هذة الفرق تسبت نبوقة الفني لة الرحمة كما كان هنالك العديد من العازفين الافارقة واللة انا يتخيل لي كل مزيكاتية العاصمة المثلثة شاركوا في هذة الفرقة ..................
Post: #72 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-09-2008, 09:37 AM Parent: #68
العزيز ياسر بسطاوي
و عليكم السلام
التحايا و الود
المسألة و الله ما بتستاهل الأسف....أحزنني كثيرا أسفك....
نرجع للنقاط والتساؤلات التي اشار لها عجوز المزيكة ابو الزهور وما ورد في الجزء الثالث
Quote: ارجو إلقاء الضوء علي تجربتكم الخاصة في هذة المجال علي إختلاف مراحلها غربي ... عربي ..( ناصر المزداوي وجيل جلالا ) ثم يا غريب عن بلادك وما بعدها ؟
ديفد قروب ===== قبل الخوض في تفاصيل كيفية تكوين الفرقة وتطلعاتها لا بد لنا أن نرجع ساعة الزمن لما قبل ديفد قروب والعلاقة الحميمة التي تربطني بصديق طفولتي ممدوح لم تكن الموسيقي والعمل سويا في العديد من الفرق هي ما يربطني بهذة الفنان العظيم بل اعمق من ذلك بكثير فنحن كنا نسكن في حي واحد في امدورمان وكانت الموسيقي هي شاقلنا الوحيد منز الطفولة وتحديدا الاغاني الغربية التي كانت تلهب عقولنا الفتية بما لها من بريق كما كان لنا العديد من المحاولات المشتركة في صياقة اغانينا الخاصة كنا نقعد في منزلة او منزلي لساعات طويلة وكانت الجيتارات الاكوستك والمسجل القديم المتهالك الذي يوجد علي طربيزة ونحن نحاول نسجل فكرة موسيقية اوغنائية نغني ونسمع ما سجلناة لساعات وساعات طويلة حتي نحس بالالم اللزي بدأت تتحسسة اصابع ايدينا الصبية وكان العديد من الاغاني تبدا كفكرة لم تكتمل بعد كنص شعري او كفكرة لحنية والعديد من الاغاني اللتي نضجت ثمارها كنا من اول المستمتعين بها ياة ياة كم وحشتني تلك الايام وطهر معانيها كيف تكونت هذة الفرقة ؟ جاني ممدوح البيت وحسيت وراء حضورة خبر او قنبلة موقوتة يريد تفجيرها في وجهي ضحكت وقلت ليو منو قالشنو وبطبيعة ممدوح وخجلة سكت لي برهة وقال لي تعرف يا معلم منو الكان معاي في البيت قبل اجيك قلت ليو يعني حيكون استيفي وندر ضحك وقال احمد داؤود عازف الدرامس السابق للفنان شرحبيل قلت ليو طيب شنو الجديد / قالي في مشروع قيام فرقة واحمد اشتري اجهزة جديدة وعاوزنا ان نتجتمع بة في منزلة الزي لايبعد كثير من منزل الرشيد الجوهري / حي العباسية شارع الفيل / في المعاد المحدد ذهبنا لمقابلة احمد في منزلة كانت تسبقنا احاسيسنا الصبية قبل ارجلنا لنري هذة الاجهذة اللتي وصفها لي ممدوح وعندما وصلنا منزل احمد وحفاوة الاستقبال بدانا نتفرج في الجيتارات والانبليفايرات رالدرامس الما خمج وكنا في حالة من الدهشة والانبهار لا انساة ما حييت / بداء الاجتماع مع احمد الذي رحبة بنا في تكوينة الجديد الذي يحمل اسم ديفد قروب وكان النقاش يدور في ايجاد العضو الرابع للفرقة اقترح ممدوح عازف الجيتار احمد خليفة / المشهور باحمد اسكيس / الزي يمت بالقرابة لممدوح فهوة عازف جيتار ومغني تم الاتصال باحمد اسكيس ووافق علي الفور بدات البرفات في منزل احمد داؤود وبدانا بترتيب انفسنا وتجميع الاغاني اللتي تساعدنا في تقطية وقت الحفلات كان المرحوم احمد داؤود في حالة استعجال للفرقة وكنا انا وممدوح نري غير ذلك / وكانت وجهة نظرنا في ذلك الوقت عدم الاستعجال وتجويد اغاني الفرقة لكي تصمد امام فرق كانت فرضدت نفسها بقوة موضوعها الموسيقي وكان لابد لنا انجد شكل جديد وغير تقليدي لانجاح هذة الفرقة بعد العديد من الاحباطاط اللتي لازمتنا في مشورنا الفني / ..........نواصل
Post: #74 Title: Re: إهداء إلى.... ممدوح الفريد... و نادر السوداني ....و كل الدفعة Author: ميسرة غاندي Date: 06-10-2008, 00:15 AM Parent: #73
الاستاذ نادر يا سوداني
ما حا اقدر اقول غير انو (كفيت ووفيت يا اصلي)
ومشكور كتير علي التاريخ الجميل ده وارجو منك
ان تواصل ده كلاام مهم ومفيد جدا جدا جدا
ويا ابو الزهور الفضل يرجع ليك انت كمان لنه
فتحت البوست بي الهديه القيمه لي شخص قيم وفريد
اشكركم شديد يا ...... راحت اوصفكم بي شنو
لكم الود غاندي
Post: #75 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-10-2008, 07:17 AM Parent: #74
ميسرة سلام يافنان دة تاريخ لفنانين كانوا بيحلموا ان يوصلوا المزيكة حقتنة للعالم ....واكثر من ثلاث عقود من الزمان ولي حسة بعافروا شد حيلك يامعلم ولو عاوز دفرة تب مابنقصر معاك لاانك ذول شجاع ودي حاجة ما موجودة كتير في هذة الزمن
Post: #76 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-10-2008, 08:47 AM Parent: #73
كانت هنالك ثلاث اتجاهات كان لابد ان تسلكها الفرقة لكي نخرج من عنق الزجاجة وكنت انا وممدوح متفقين عليها تماما 1/ فكرة الغناء الجماعي ونستفيد من الشكل الموسيقي اللذي ظهرت بة فرقة / البيتلس / وهوة جيتارين وباص ودرامس / و كنا حافظين تقريبا كل اغاني هذة الفرقة عزف وغنا / ولعشقنا لهذة الفرقة اللتي استطاعت اتغير شكل الموسيقي في العالم كما كانت هذة الفرقة من احد مصادر الدخل القومي لبريطانيا العظمي من خلال توزيع اصطواناتها 2/ البحث عن موضوع موسيقي جديد / وكان في ذلك الوقت الحج بوب مارلي بدا يطلع في الكفر في اوربا وكانت موسيقي وايقاعات الرقي في بداية شهرتها 3/ الاهتمام بما قدمة العرب من اغاني زات الطابع الغربي ذي / ناصر المزداوي / احمد فكرون / بالاضافة لما كان يقدمة شرحبيل وجيلاني الواثق وليم اندرية وهؤلاء الفنانين كان لهم السبق في تقديم هذة اللونية بالقة العربية / وكان المطلوب من فرقة ديفدقروب ان تجد شكلا لاغانيها الخاصة يكون مختلف تماما عن كل اللونيات اللتي طرحت / وكما زكرت سالفا كان عندنا عدد لاباس بة من الاغاني الخاصة / كانت التمارين والبوفات لحد الاستماتة / نجحت الفرقة لحد كبير في تنفيز هذة النقاط واستطاعت ان تجد لنفسها مكان داخل احظيرة فرق الجاز
Quote: ثم ماذا كان يعني مفهوم تطوير الموسيقي السودانية والحداثة والمواكبة وعالمية الموسيقي السودانية في رايكم كفرق جاز في ذلك الوقت
و أزيدك في الشعر بيت: عايز أرجعك للعصريات الساحرة في (البنشز) في شارع النيل قصاد مكتب مدير الجامعة و جيتارين و باقي العقد الفريد و Hotel California-Eagles دي كانت أيام جميلة...يا صديقي أردت أن أدفعك لتتذكر سحرها و ألقها لتكتب عنها الكثير يا سوداني......
Post: #79 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-11-2008, 00:50 AM Parent: #78
كيف لي ان انسي تلك الزكريات وممدوح يغنيي قصاد مدير مكتب الجامعة وهوة يغني HOTEL CALIFORNIA - EAGLES باسلوب رميات اغاني الحقيبة وكنا وكل العقد الفريد في حالة هستيرية من الضحك / ياة ياة لزكريات تلك الايام الجميلة
Post: #80 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-11-2008, 01:40 AM Parent: #76
نواصل ما انقطع من حكي عن فرقة ديفد قروب نحن نري في تطوير الموسيقي السودانية بالاهتمام ببنيتها التحتية واقصد /الاشكال الايقاعية والهارمونية داخل شكل الموسيقي السودانية / اللتي لم تحظي بنفس القدر اللزي حظيت بة الاشكال الميلودية المصاحبة للغنية السودانية / كانت تطلعاتنا ابعد من ذلك / كنا نري في الاشكال الايقاعية السودانية / الدليب / التم تم النقارة / النوبة المصاحبة لحلقات المديح الديني باشكالها وتنوعها / وكل الاشكال الايقاعية،اللتي توجد في كل اقاليم السودان هي مفاتيح لبداية عصر جديد لتطوير الموسيقي السودانية مع الحفاظ بخماسية النغم وخاصية شكلة المتميز / كنا نحلم بتطور اجهزة الاعلام واستوديوهاتها لتسجيل وتوثيق ما نراة بتكنلوجي افضل يتواكب مع مثيلاتة في افريقيا والعالم لتوصيل افكارنا الفنية من خلال مادة فنية تتشابة ومثيلاتها من حيث التقنية من نغاء صوتي عالي الجودة ينافس في السوق العالمي المهم كانت هنالك نزاعات داخل فرقة ديفد قروب الحتة / الفنية / والمادية / وبالمناسبة الحاجتين ديل كانو هم الاسباب لفك عقد الكثير من الفرق / كانت تري الفرقة باضافة الفنان / الفاتح الكردي / وهوة عازف جيتار مغني ومالف اغاني مكسب كبير للفرقة من الناحة الفنية اللتي كنا انا وممدوح حريصين عليها كل الحرص ومن ناحية اخري لاح في الافق نزاع الحتة بتاعة العدادات من باقي اعضاء الفرقة استفحلت حتي انفرض عقد ديفد قروب وبداية فرقة جديدة باسم / الكريسيدر / وكانت تتكون من/ نادر /ممدوح /الفاتح / من تكوين فرقة ديفدقروب كما شارك العديد من العازفين منهم / محمد السيد / ابراهيم محمد الحسن / احمد حامد / كمال حمدي / محمد سعد ............وللكلام بقية
Post: #81 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-11-2008, 06:42 AM Parent: #80
واصلت فرقة الكريسيدرس مشوارها الفني معتمدة علي فكرة الغناء الجماعي ولابد من القاء الضوء علي دور الفنان عازف الدرامس / محمد ابراهيم سعد / صاحب حلويات سعد اللذي كان لة دور كبير في دعم الفرقة بالالات الموسيقية / وتوفير مقر بعمارتة في الخرطوم غرب شارع جامعة القاهرة بدات تنجح اغاني الفرقة الخاصة من خلال اغاني ممدوح / والفاتح / وشخصي الضعيف حتي بدا جمهور معجبي الفرقة في حفلاتهم بطلب اعادة غنائها لاكثر من مرة خلال عروض الفرقة وبامناسبة لم تكن غنية ياغريب عن ديارك في قمة لستة هذة الاغاني / كانت غنية مستحيل انساك واسيبك من تاليف ممدوح زات طابع البلوز التي غناها في مهرجان الجاز اللزي شاركت فية العديد من الفرق في دارالرياضة الخرطوم من انجح اغاني الفرقة / وكان للفنان الفاتح الكردي نصيب الاسد داخل برنامج الفرقة ومن اشهر اغانية غنية / وقت الرحيل / غاب القمر / ياليل يطويل / والعديد ........................ نجحت اغاني الفرقة الخاصة نجاحا كبيرا داخل المجتمع الخرطومي مما دفع الفرقة لتقيير اسمها لفرقة السودانيين / وكان الهدف من تقير الاسم ليتواكب مع ما نتمناة لتطوير الاغنية السودانية في ذلك الوقت// كان لوجود عازف الدرامس سيف عبداللة سعيد اضافة كبيرة لخبرتة اللتي كانت تسبقنا عندما كان من احد أعضاء فرقة الاصدقاء وصوتة الباصي اللزي كان داعما للكورس الغنائي الذي كانت تتميز بة الفرقة
وسوف اقدم في هذة البوست بعض من هذة التسجيلات لهذة الفرقة اللتي لا زلت احتفظ بها في شرائط الربع بوصة // وعدني احد اصدقائي من يملكون هذة الجهاز الديناصوري المنقرض .. لنقل محتوياتة للكمبيوتر وتحويلة mp3 لكي يسهل نقلة في النت ===================================================================
Quote: هل كانت هنالك محاولات للاستفادة مما هوة سوداني في هذة السياق
كانت النا العديد من المحاولات في صياقة بعض الاغاني / عازة في هواك / دمعة الشوق/ كان بدرعليك انا مامعيون / والعديد باسوب جديد وغير تقليدي
اتحاد فرق الجاز السودانية ودرة في حملتة لمكافح الجفاف والتصحر والمجاعة ======================================= تكون اتحاد فرق الجاز في منتصف الثمانينات وكانت اللجنة تتكون / شرحبيل احمد / جيلاني الواثق كمال كيلا / نادر السوداني / وممثل لكل فرقة من فرق الجاز / قرر الاتحاد باقامة حفلتين الاولي في مدني بتاريخ 18 /7 / 1985/ والثانية في قاعة الصداقة بتاريخ 26 / 7 / 1985 وبعد المشاورات مع كل الفرق قررت اللجنة ان تقام حفلات نهارية في كل الميادين العامة في العاصمة المثلثة وفي شوارعا الرئسية لجمع التبرعات وهذة لعمري كانت هذة الفرق العظيمة في منتصف نهار الخرطوم وشمسة المحرقة وهم يتصببون عرقا يغنون ويعزفون ومن حولهم نساء ورجال وباعة متجولون واطفال حتي ماسحي الاحزية لم يتاخروا في المساهمة بالمال لدعم هذة الحملة في وقت وقف نادي اتحاد الفنانين / التقليديين / متفرجا ولم يساهم باي شئ استمرت الحملة لعشرة ايام وختمت في قاعة الصداقة اللتي شارك فيها الفنان العالمي / هنري بلفونتي وكل الفرق اللتي شاركت في هذة الحملة كما نقل التلفزيون هذة الحفل علي الهواء مباشر في كل قنواتة وهذة كان دور مشرف لهذة الفرق واجهزة الاعلام في ذلك الوقت سلم شرحبيل وجيلاني الواثق كل ما جمعة من مال / للسيد سوار الدهب اللزي كان رئيسا للسودان في فترة حكومتة الانتقالية / كم كانت هذة الفرق عظيمة وكم كانت مواقفهم مشرفة لهم التحية والتجلة والاحترام
THE HEAVY DUCKS ================ كونة هذة الفرقة الفنان / سامي الصلحي عازف الباص جيتار / عندما حضر للسودان قادما من بريطانيا وكان بصحبتة / عازف البيانوا ديفيد / كما كان من اعضاء هذة الفرقة / سيف عبداللة سعيد عازفا للدرامس / كما تعتبر هذة الفرقة الثانية لة بعد فرقتة الاولي / الاصدقاء / كميليوا عازف جيتار / اللزي لمعة نجمة في فرقة العقارب والعديد من الفرق / كانت هذة الفرقة بتكوينها الرباعي من اول الفرق اللتي تمتاز موسيقاها بموسيقي الجاز سيد الاسم / حلوة سيد الاسم دي / وكان لوجود عازف البيانوا / ديفيد/ دور كبير في صبق موسيقي الفرقة بمركبات هارمونية زات طابع جازي صرف داخل اعمالهم الخاصة وتناولهم للعديد من الاعمال الموسيقية العالمية من منظورهم الخاص / كانت هذة الفرقة تقدم عروضها في كفتيريا النيل الازرق شارع النيل بجوار سينما النيل الازرق وكان يدير هذة الكفتريا في ذلك الوقت / فتحي الحاوي / كان من الصعب ان تجد مكان داخل هذة الصالة اللتي تمتلإ طرابيزها قبل ان تبدا هذة الفرقة في تقديم عروضها علي خشبة مسرحة / وفي احد هذة الامسيات قررنا انا واخوي ممدوح للذهاب لسماع هذة الفرقة / وفي المعاد المحدد وصلنا للصالة وكانت مسامعنا تسبق ارجلنا للدخول وحضور عرض هذة الفرقة العملاقة اللتي كانت حديث كل عازفي فرق الجاز ومعجبي هذة اللونية / وقبل ان نصل للباب الرئيسي للصالة كانت هنالك موسيقي فرقة / ديبربل الشهيرة / وغنيتهم / CHILD IN TIME / اللتي كانت تتربع التب الاروبي في ذلك الوقت دخلنا الصالة وجلسنا بمقربة من المسرح / وبعد انتهاء الاغنية / اعتلت الفرقة خشبة المسرح وبدات في عزف وغناء هذة الاغنية البديعة / كنت انا واخوي ممدوح في حالة اندهاش واستمتاع لما قدمتة هذة الفرقة من اعمال موسيقية خاصة قد لا تقل عن اي فرقة عالمية في ذلك الوقت سافرت الفرقة لانجلترا لتقديم عروضها وتسجيل اعمالها الخاصة ....................
وليم اندرية ====== كانت بدايتة الفنية في نادي الكشافة البحرية وبعد النجاحات الفنية والرياضية اللتي حققها داخل اسوار هذة النادي ومشاركاتة كعازف جيتار ومغني داخل العديد من الفرق اللتي كانت تمارس نشاطاتها الفنية داخل اندية الخرطوم المتعددة كونة فرقتة الخاصة اللتي كانت تتكون من بوب اندرية وهوة شقيق المرحوم وليم اندرية / عازف باص جيتار ومغني / ملاكوا /عازف جيتار / بوشب وهوة اغريقي الاصل عازف اورغان وكيبورد / فتحي ....وبلمناسبة فتحي عازف الدرامس من مواسيسي فرقة اضواء بحري وفرقة البلوستار / السموء ل فضل ناصر عازف ترامبت وهوة من خيرت عازفي هذة الالة درسها بمعهد الموسيقي وكان لة دوركبير داخل اوركسترا معهد المموسيقي / كما كان لة دور متميز داخل فرقة وليم لة التجة والاحترام وبهذة التكوين استطاعة وليم اندرية ان يقدم العديد من اغانية الناجحة مثل غنية / كفاية مزاح اللتي كانت من احد محطاط نجاحة الفني / سير ياساير في دربك ياة ياة كانت هذة اغنيتي المفضلة / كما اتمني من الاخ بوب اندرية ان يسمح لي باعادة توزيعها وتقديمها بما لها من شكل نغمي عالي الجودة / اقتيل هذة الهرم الفني والرياضي الفز امام منزلة في عهد الطاقية نميري وإنطفات شمعة فنية ورياضية كانت تضئ طريق الرياضة والفن في السوداني / رحمة اللة الفنان وليم اندرية واسكنة فسيح جناتة / واصلة من بعدة شقيقة الفنان بوب اندرية مشوار الفرقة وهي تحمل اسم فرقة وليم اندرية ...........................
جقلرة ===== ازهري وكل العقد الفريد لازلت اعمل جاهدا لتحويل بعض اغاني فرقة السودانيين وتحويلها /mp3/ كما تجدوني في انتظار من لة اي معلومات عن / فرقة الديوم الشرقية / وفرقة الساوندرس ..............ولكم كل الود
Post: #85 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-16-2008, 11:24 AM Parent: #84
Quote: اي معلومات عن / فرقة الديوم الشرقية / وفرقة الساوندرس
أين ود السجانة .....؟؟؟؟؟
أظهر و بان عليك الأمان.....إنت مطلوب في الميدان....و دي حلتكم ...و فرق حلتكم و الديم و السجانة حالة واحدة....و الديامة و السجاناب هم أولاد عمومة و هم الأدرى بشعابها.....
Quote: ازهري وكل العقد الفريد لازلت اعمل جاهدا لتحويل بعض اغاني فرقة السودانيين وتحويلها /mp3/
التسجيلات دي يا نادر نادرة أعمل قصاري جهدك لتنزيلها في هذا البوست.....
Post: #86 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 06-16-2008, 12:57 PM Parent: #85
الشباب الحلو تحياتى ما تنسوا المنصورى عبد الله ود السجانة طلب تلفونو وجبناهو ليهو اها ما تنسوا تعملوا حفظ للبوست لانه الارشفة جاية ولازم تواصلو المشوار يا شباب محبتى
باقي يا سلمى إنتي مفلهمة و فاهمة و بتعرفي لنوع الكلمات الكبار ديل من نوع: أرشفة.... و شحتفة...و كده يعني.... و باقي أنحنا ناس بكري ديل ما بجيبوا خبرنا.... آها عاد يا سلمى... النبي.... و الرسول ....و القطاعة.....و ختة الله السودا تعرض ليكي كدي قدامك ..و سويتا ليك في ظمتك دي...كان ما كلمتيهم و أتوسطي لينا عندهم عشان يودوا البوست ده في الدورة البرامجية الجديدة........ خلي ناس عمو نادر ديل يتذكروا لينا أيامهم السمحة..... يا حليلة و يا حليل أيام نبيلة
Post: #88 Title: Re: إهداء إلى.... ممدوح الفريد... و نادر السوداني ....و كل الدفعة Author: سلمى الشيخ سلامة Date: 06-16-2008, 01:50 PM Parent: #87
حاضر يا ابو الزوز هسى نسوى الحركة دى لانه دا موضوع مهم جدا وحرام ما يظل مرفوع ارفع (بوستك هيبة وجبرا )
يا ابو الزهور مش نادرة وبس دي من كتر ما بخاف عليها بعاملة زي البردييات المصرية القديمة لما لها من افكار لفنانيين اللة يديهم الصحة والعافية هنالك بعض المشاكل التقنية تتعلق بجهاز الربع بوصة الديناسوري لكن انا بحاول علي حسب الظروف الوقتية
سالومي صحبتي تسلمي / وانتي تقفين امام ابواب ونفافيج فرق الجاز بعقلك المستنير وفهمك العالي...................... شكرا اختي وانتي ترشحين هذة البوست لفترة قادمة
من خلال فكر فرقة السودانيين في ذلك الزمان لاحت في الافق فكرة برنامج تلفزيوني يتكون من العديد من الحلقات باسم / سبعة نقاط لتطوير الموسيقي السودانية / 1 / النصوص الشعرية / ودورها / لمرحلة قادمة / تتواكب واطروحة التطوير داخل شكل الاغنية السودانية 2 / الشكل الخماسي للموسيقي السودانية / ومثيلاتها في العالم / وكيف استطاعت هذة الشعوب بترويض النغم الخماسي ومعالجة خطوطة النغمية / من حيث شكل الفورم وهيكلة النغمي 3 / الايقاعات السودانيية وتعددها ودورها في المساهمة في التطوير 4 / التوظيف الالي والهارمني المصاحب لشكل الاغنية السودانية داخل نسيج نغمها المتميز 5 / الاغاني التراثية / والشعبية / واغاني البنات / وامكانية اعادة توثيقها / 6 / اهمية الاستوديوهات زات تكنلوجلي عالي ودورها في توثيق / وتسجيل مادة عالية الجودة لطرحها في الاسواق المحلية / والعربية / والعالمية / تستطيع ان تنافس من حيث الجودة وخاصية النغم 7 / المنتج / واقصد قنوات التسويق وراس المال اللذي يدعم فكرة التطوير وتقديم الفن السوداني للعالم في اجمل صورة لكي يصبح سلعة قيمة تنافس في السوق العالمية تدعم الاقتصاد من خلال العملات الصعبة اللتي يحققها المنتجين بتوزيعهم للعديد من الالبومات الفنية لخيرت الفنانين السودانيية / توجد بها كل مقايس الجودة من / نغم / توظيف الي / هندسة صوتية تتواكب ومتطلبات هذة السوق / اللتي خرمت جيوبنا بشراء العديد من الاسطوانات والشرائط / في ذلك الوقت سوف اتناول كل نقطة علي حدة / كما كانت تراة الفرقة،في ذلك الوقت لتقديمها في شكل حلقات تلفزيونية .......................
Post: #93 Title: Re: إهداء إلى.... ممدوح الفريد... و نادر السوداني ....و كل الدفعة Author: الطيب عبد الرحيم خلف الله Date: 06-16-2008, 10:38 PM Parent: #85
أخي الزعيم
أولاً تحية معطرة بعبق كل الكلمات الجميلة التي تفوح من هذا البوست الجميل.
ويسعدني أحبتي أفراد أسرة الكلمة واللحن والشدو أن أحييكم وأرخصوا لي أن أدخل عليكم خلسة في جلستكم الرائعة هذه وأنتم تتسامرون وتجترون "أحلى الذكريات" حول الدفعة من أوسع أبواب الصداقات الحميمة التي توثق بين قلوب أولاد الدفعة وما أجمل وأبدع هذا السمر عندما يتناثر حولنا درر من أفواه أهل الفن والإبداع حيث الطفشات وأروع الطرفات في أجمل المناسبات. إنها بحق لحظات جميلة عشناها معكم ونحن نطل عليكم من أسوار معهد الموسيقى والمسرح القلب النابض بالحياة الممتعة المتخمة بكل أشكال الثقافات والمعارف والفنون التي تنظم نبض الحياة في هذا الكون البديع.
Quote: كانت بدايته الفنية في نادي الكشافة البحرية وبعد النجاحات الفنية والرياضية التي حققها داخل اسوار هذة النادي ومشاركاتة كعازف جيتار ومغني داخل العديد من الفرق التي كانت تمارس نشاطاتها الفنية داخل اندية الخرطوم المتعددة
فيا بو الزهور قد شدني كل البوست ووقفت كثيراَ عند سيرة وليم أندرية على لسان أخوك نادر السوداني ولا أخفي عنك يا أزهري شعوري حين قفز بي عقلي وقلبي للعام 1975 في سنة البرلم حين كنا ننام ونستيقظ على أنغام فرقة وليم أندرية التي كانت تحي لياليها بالضفة الأخرى (كازينو النيل الأزرق) فتنقلها لمسامعنا بالبركس صفحات الماء في الليالي الهادئة ولا زال صدى كلمات أغنية رائعة ظل يرددها في كل ليلة مستهلها ومنتهاها "أقايي" تزينها لكنة أمهرية تجرينية شدية تخرج من حنجرة أندرية، ذلك الفنان الذي عشقه محبي كرة السلة واللحن الجميل وكان خسارة للسودان حين قتلت الموهبة بطلقة جبانة إبان إنتفاضة 2 يولو 1976م والمحزن أن سلبت الأحداث كل الأحزان على رحيل أندرية فنسأل الله له الرحمة والمغفرة.
Quote: زمان كنا اجنبين اتنين ، هسى بقينا اجنبين واحد
وقفة أخرى أخي أزهري بخصوص ولد الدفعة سلمون جبرولدي الذي جاء أسمه في توثيقكم لأولاد الدفعة حيث توقفت كثيراً عند الاسم وتمنيت مداخلته على البوست وما تفضلت به الأخت سلمى الشيخ من طرفة مع سلمون يشدنى لطرفة جرت إحداثها في نفس ذاك الزمان وتحت نفس العنوان وبنفس المعان حيث كان معنا في سنة البرلم بكلية الآداب زميل من الشقيقة أثيوبيا أسمه كيداني تسفاي وكان يدرس Special Arabic يزامله في هذا الكورس احد أخوتنا الجنوبيين وللمصادفة أنهما كانا يحضران هذا الكورس لوحدهما فقط وفي إمتحان نهاية العام كنا نسأل تسفاي عن أدائه في أمتحان اللغة العربية الخاصة وترتيبه فيقول "جيت التاني" أما الأظرف فكانت إجابته حول سؤال عن أصعب شيء في الإمتحان فقال قد طلبوا منهم كتابة جملتين مفيدتين فكتبهما كالتالي:
1/ "ضحك السمك في البحر" 2/ "بصق الحمار في الديم" مع الإعتذار الشديد لأهلنا وأحبابنا بالديوم شرقيها وغربيها وما كان ذلك إلا براءة لسان تسفاي في ذلك الإمتحان فهو كان يعرف كثير من احياء البلد ولكنه لم يذكر من أحيائها إلا الديم الديم لسهولة كتابته ونطقه معاً، أما أماكن تردده حيث يتكاثر اصدقائه فلم يكن يقدر عليها مثل صحافة ظلط أو العمارات أو الجريف. فلكيداني أينما كان ولكل أفراد دفعة 1975/1976 (أولى آداب – جامعة الخرطوم) وافر التحية ولنترحم من هنا على كل عزيز غيبته عنا الأيام خلال هذه الفترة.
ولكم أنتم يا رواد الفن والأدب ويا لآليء وشموع ورواسي هذا المنبر (خريجي معهد الموسيقى والمسرح) كل المحبة، كما لا يفوتني أن أزجي بالتحية لكل التشكيليين والأدباء الشعراء المبدعين والروائيين الذين نستمتع برؤاهم وثمرات جهودهم في هذا المنبر القامة في وجداننا جميعاً وللقائمين عليه كل المحبة والود.
الطيب عبدالرحيم
Post: #99 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-18-2008, 10:44 AM Parent: #93
صديقي و أخي البديع الجميل....العالم حارس بحر أبيض....الطيب عبدالرحيم
حبابك ألف..... أسعدني كثيرا ورودك ....و ما أتيت به من مسك, عطر الحديث...يا العشاري الحجر الورود...
رحم الله المبدع وليم أندريه....و أذكر كيف تأثرنا لموته بتلك الطريقة الهمجية و المأساوية...(الرجل الجسور..)و التي كنا نقرأ عنها تحدث بعيدا عنا و ما كنا نتصور أن تحدث بيننا في السودان في يوم من الأيام....
أما صديقنا سلمون جبرولدي الله يطراه بالخير فهو يحتاج أن يفرد له (بوست) خاص لكل الملح و الطرائف ...و هي كثير....خرج هذا الزميل و عيناه تدمعان شاكرا و ممنونا لكل أهل السودان....
واللة يا وليد قدر ما عصرتة النافوخ ما قدرتة اتذكر / ياخي قششني وانا بتذكر الباقي ها ها ها ............. شكرا يا وجية لمرورك الزاهي
Post: #95 Title: Re: إهداء إلى.... ممدوح الفريد... و نادر السوداني ....و كل الدفعة Author: ميسرة غاندي Date: 06-18-2008, 01:59 AM Parent: #94
الاخوة والاخوات
تحيه عطره
ابت نفسي والا ان اشارك الاخ النادر (نادر السوداني)
تعرف ؟ الكلام ده مهم جدا جدا وزي ما قلت ليك في المشاركه الاولي
ده تاريخ وكتير من الناس العادين ساااااااااااااااااااكت خليك من بعض
الموسيقين ما عارفينو المهم اسمح لي بلمشاركه واتمني ان تكون مفيده
فرقه جاز الديوم
تأسست الفرقه بقياده الراحل المقيم عمنا عمر عبده في عام 1965
والجاين ديل جزء شفتو والجزء التاني سمعت بيهو سمع
الاسأتذه// صلاح عبد اللطيف /موسي عيسي الخير //عبد الغني عبد الفضيل //محمد ود الديم //
عبد القادر محمد // عباس محمد ابراهيم //يوسف بازقره //
المعروف بان فرقه جاز الديوم تغني بي العربيه والافريقيه
كانت الفرقه تشارك في جميع الاحتفالات القوميه و الموسيقيه
توفي الاستاذ عمر عبده في يوم 20/5/1983 اثر حادث حركه في طريقهم من مدينه (سنار)
تم تكوين الفرقه مرة تانيه في عام 1984 بي قياده ابن اخيه المغني وعازف الجيتار (ابراهيم حسين)
والتحيه له من هنا والفرقه دي عندها اربع اجيال انا والمرحوم اخونا طارق ابو بكر الله يرحمو (طارق ساكس)
من جيل الاستاذ ابراهيم حسين . شاركت الفرقه في مهرجان (نحن السودان) لي منكوبي الجفاف والتصحر في عام 1985
وشاركت الفرقه في مهرجان الخرطوم الدولي للموسيقه / الاول والثاني والثالث والرابع والخامس
وكانو وما زالو يقيمو حفلاات سنويه بي الديوم الشرقيه لي صالح الطلااب الناجحين في امتحانات الشهاده السودانيه
ودي حاجه بسيطه عن فرقه جاز الديم.
لكم الود اجمعين
غاندي
Post: #97 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-18-2008, 03:43 AM Parent: #95
يا.. ميسرة غاندي.. يا..... دة الكلام تشكر علي هذة السرد القيم ومن احد اعضاء هذة الفرقة / طارق ساكس/ الذي درس الساكس بقصر الشباب وكان من احد تكوين فرقة الديوم التقيت بة في القاهرة وكان في ذلك الوقت يسكن مع الفنان عازف الجيتار مصطفي جمعة / لمعة نجمة في العديد من المسارح القاهرية / سافر لكندا وكون هنالك فرقة خاصة بة كما سجل اول اسطوانة لة وعندما رجع السودان بعد طول غيابة، توفي اثر حادث حركة رحمة اللة الفنان طارق / وهذة شمعة اخي تنطفيء لاحد رواد الموسيقي في السودان .....................
Post: #96 Title: Re: إهداء إلى.... ممدوح الفريد... و نادر السوداني ....و كل الدفعة Author: Walid Safwat Date: 06-18-2008, 02:01 AM Parent: #1
رغم كثرة مشاركاته من مطلع السبعينات مع فرق الجاز والفرق العالمية الزائرة فان اكثر ما عرف به وحيد صلاح -keyboards (الملقب زورا بوحيد الحبشي)كان مع فرقة Golden Fingers وضمت ايضا ابراهيم محمد الحسن. الفرقة تكونت لاحياء حفلات في موسم الاعياد في السبعينات وكانت تضم 3 اورغنيست. ولست متاكد من علاقة الفاتح الكردي بهم ولكن التقيت بهم الثلاثة في القاهرة في منتصف الثمانينات ثقام وحيد بتسجيل البوم لاقى نجاح متوسط في جنوب مصر ولم يوزع الالبوم في السودان او اي مكان اخر. اما الفاتح الكردي فقد لحق بوحيد وقام بتسجيل البوم لم يطرح في الاسوق لاختلاف بين الفاتح والمنتج. كان الالبوم باسم وقت الرحيل . وقت الرحيل بكون براي زكراك معاي عايش حداي طيفك بيمر وحدي البعيش اسباب اساي...
وللعلم كان المنتج هو حميد الشاعري و ناصر المزداوي وشاركت فرقة المزداوية بالعزف والغناء في البوم وحيد والبوم الفاتح.
التجربتين كانتا لانتاج "جاز" سوداني ومنها كان الاختلاف حيث كان المنتج يرغب في توزيع يروق للجمهور المصري.
المخ مشوش والحقائق اتلخبطت بما عاصرته من الاحداث بماسمعته فلم اعد اذكر او اجزم بكل او بعض مما سبق. ____________________________________ بالمناسبة دي.. كمال كيلا كان يردد اغنية تقول كلماتها:
He.. can make the sun shine Can stop the rain...
ممكن تحفر وتتزكر لينا بقية كلماتها و مغنيها؟؟؟ انت او ممدوح او واحد من معاصري الزمن الجميل __________________________________
Post: #98 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-18-2008, 04:09 AM Parent: #96
ياوليد ما كان تقول وحيد الحبشي من الاول نعم نعم هوة من ابناء فرقة الكشافة البحرية عازف اورغ شارك العديد من الفرق / فرقة سمير اسكندر والقلدن فنقر / فهوة فنان جميل جدير بالاحترام ورائد لة وزنة داخل حظيرة فرق ما يعرف / بالجاز / لة ولك التحية .......................... لابد لي ان اصحح معلومة مهمة وما ورد بخصوص الفاتح الكردي / وحميد الشاعري وتسجيل البومة وهذة للتاريخ واللة علي ما اقول شهيد / لم يكن حميد الشاعري معروفا عندما سجلت فرقة السودانيين البومها الاول / الذي تعاقدت الفرقة علي تسجيلة مع شركة /امبير /قاردن سيتي / ودة فلم سوف اتناولة بالتفصيل الممل في مرحلة قادمة ازا اللة مدة العمر ........وغنية وقت الرحيل من تاليف الفاتح وسجلت في استوديوا / امبير / بواسطة سيف عبدالة سعيد درامس / وشخصي الضعيف / وبمشاركة الفنان مودي الامام ابن المخرج حسن الامام / كيبورد / وكانت هذة الاغنية ضمن مجموعة من الاغاني / يحمل اسام البومها / السودانيين / كما سجل الفاتح البوم خاص بة متعاقدا مع نفس الشركة / وفي نفس الفترة سجلت البومي / مسدار/ الذي انتجتة شركة حصاد ......................ودة فلم تاني ............... برجع ليك لغنية / HE / التي اول من غناها في السودان فرقة البلوستار / عمرقيلي / لة الرحمة ولهذة الغنية حكاية في ذلك الوقت من قبل المتشددين .....................................
من أول ما تسجلت في البورد، لم أشهد بوست أشيق وأهم وأكثر تفردا من هذا البوست!!
التحية لكل المشاركين وقبلهم لأزهري (الماكر)، أما التحية الأساسية فهي لنادر السوداني (سوداني القلب قبل اللقب). لم يدر في خاطري إطلاقا أنه يمكن أن يتمكن شخص ما (مهما كان) بتسليط الضوء بهذا الشكل المبين على حياة موسيقية كاملة موازية ومقارعة للخط التقليدي العام والذي ما زال يستحوذ على وعي العامة. عشت بأمدرمان وأحببت البلوستارز، وليم أندرية، العقارب، ديفيد قروب، كمال كيلا، السودانيين، الويفز. ساهمت في الإنتاج الفني للجيلاني الواثق، وكنت في منزل شرحبيل قبل حوالي أربعة أشهر، في آخر زيارة لي للسودان في زيارة لشريف شرحبيل.
رغم ذلك، لم أتخيل أنه بالإمكان توثيق هذه المشاريع على قصرها أو طولها.
هذا البوست يستحق الجمع، وهو مشروع يمكن القيام به بالتعاون مع أبوالزهور ونزار عتيق الذي لفت نظري لهذا البوست. ليس على نادر وأولاد الدفعة سوى أن يكتبوا ما يعن لهم.
هذا البوست دخل الـ bookmark، ومن هنا سيبدأ الجمع التوثيقي. وعلى كل من لديهم تسجيلات صوتية أن يقوموا بوضعها في مكان يمكن الوصول إليه مع توضيح الرابط، أو أن يرسلوها (MP3, WMA)، لأزهري أو على عنواني [email protected]
تحياتي مرة أخرى
عبدالحليم أبوقصيصة
Post: #102 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-19-2008, 01:58 AM Parent: #101
نقلت هذة الغنية للصفحة الاولي لكي يتسني لنا نقل نموزج آخر /// لمتابعة الحديث عن فكر فرقة السودانيين
Post: #103 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-19-2008, 04:31 AM Parent: #101
يا عبد الحليم يا زول يا ......عندما يقتنع الانسان بشئ ويضعة امامة بكل حب واخلاص لابد ان تجد في مخلايتة الكثير فيما احب لك مني كل الود والتقدر كما ااتمني ان تقف معنا علي خشبة هذة المسرح الجازي داعما ًلة بتجاربكم التي نحن بصدد توثيقها .............. شكرا جزيلا
أهل البوست الاعزاء سلامات تأتى الرياح بما لا تشتهى السفن ....... و الأنهار كذلك ! فقد اختار نهر ايوا الصغير فجأة ( التجنى ) و غمر بلدتنا الصغيرة الوادعة بما لا طاقة لنا به فأخرس بمياهه الهواتف و أسكت الانترنت.. و صرنا كأهل توتى فى انشغال بتتريس البحر و تصديده .. و ما زلنا.. فمعذرة للغياب . عند دخولى اليوم وجدت ان قد فاتنى القطار .. و ان الكلام قد تشعب و ارتاد الساحة فرسان جدد مرحبا بهم اجمعين .. موسيقيين و موثقين و معلقين و البوست بيحرروه أهلو !!!!!!
نادر: حال الطوفان دون انجاز الحوار مع سيف الدين عبدالتام ... أرجو ان يتم فى وقت قريب .. المهلة .
يا سلمى : تلفون منصورى لسه ما وصل !!! فى التخليص ؟
هذة الغنية ايضاُ من احد روائع الفاتح الكردي / ومن أداء فرقة السودانيين واسلوب الغناء الجماعي منز عقدين ونصف من الزمان / / غاب القمر / غاب القمر لامن ظهر محياك مالت نجوم الليل طرب في هواك أشعلتة ناري يالفي خيالي انتي القمر كل الفرح والنجوم والريدة الكانت شايلاها الغيوم أشعلتة ناري يالفي خيالي لبينا دعوات القلوب مهدنة للريد الدروب آن ألأوان للريد يبين ألشايفو مكتوب في الجبين كلمات والحان الفاتح يوسف اسماعيل //المشهور بالفاتح الكردي // اتمني ان تكون بخير وصحة صديقي العزيز يالك من فنان لك التجلة كما اتمني ان اسمع عنك كل خير وتحقق كل ما كنا نحلم بة ................................................نادر السوداني
سبعة نقاط لتطوير الموسيقي والاغنية السودانيية / فكرة لبرنامج تلفزيوني ................ 1 / النصوص الشعرية ودورها / في مرحلة قادمة تتواكب واطروحة التطور داخل الاغنية السودانيية كانت تري الفرقة في ذلك الوقت ومن خلال تعمقها في شكل الغنية الغربية من حيث نصوصها الشعرية انسب شكل شعري يتوافق مع هذة اللونية هوة شكل اغاني الحقيبة بمالها من مربعات شعرية وشكل دائري يتوافق تماما مع شكل الغنية الغربية / لم نكن شعراء بل كنا نحلم ان يتعاون معنا شعراء ذي محمود القدال لة الرحمة محجوب شريف يكتبون لنا نصوص تتوافق مع نصوص الحقيبة،من حيث الشكل واستعارة مفردات اكثر سهولة لتوصيل الاغنية السودانية داخل الوطن العربي لتاتي معبرة عن شكل جديد نتمناة لها وبالفعل كانت هنالك ورشة عمل مع الراحل محمود القدال لة الرحمة لغنية بعنوان/ المدينة. / كنا نحس وما يعانية الملحنين وهم يتناولون نصوص شعرية في غاية التعقيد من حيث مربعاتها الشعرية وعروضها وصورها الجمالية / وكان هذة من احد اسباب ضعف البناء اللحني النغمي للعديد من الاغاني السودانية من حيث البناء النغمي الزي يعبر عن مفردات شعرية وصور جمالية كما يصبح هذة النص الشعري الملحن اكثر صعوبة عندما توظف داخل نسيجة النغمي الالات الموسيقية المصاحبة لة وفي هذة النقطة يتم استضافة بعض الشعراء في البرنامج لتوصيل الفكرة كما كانت تراها الفرقة في ذلك الوقت وبمشاركة المشاهدين واراء من يتواجدون داخل الاستوديوا لتعم الفائدة .............
لابد لي ان احي ود حلتي ورفيق دربي الشاعر الجميل عبد المنعم الجزولي ودورة الكبير داخل موضوعي الموسيقي ولمساتة الفنية داخل نصوص البوم مسدار الذي سجتلة بالقاهرة / لة التحية كما سجلت بعد ذلك العديد من الاغاني زات الطابع الجزولي العالية الدسم واللة الخردة دة رجوعة للسودان فرق معاي اتمني لة التوفيق وطول العمر فهوة فنان بقامة الوطن
2 / الشكل الخماسي للموسيقي السودانية / ومثيلاتها في العالم وكيف استطاعت هذة الشعوب ترويض هذة الشكل ومعالجة خطة النغمي من حيث الفورم و شكل هيكلة النغمي .........................لنا رجعة
Post: #110 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-20-2008, 06:31 AM Parent: #104
يا ودالسجانة انت وين يا معلم......................... ياخي حمدلة علي السلامة متابعين اخبار ايوا وانا كنت قايل الفلم دة يكون بعيد من حلتكم علي العموم انشاء اللة كل البهناك تمام عليك اللة طمنة عليهم .....................يلاسلام وفي انتظار سيف الدين عبدالتام
Post: #109 Title: Re: إهداء إلى.... ممدوح الفريد... و نادر السوداني ....و كل الدفعة Author: Walid Safwat Date: 06-20-2008, 00:02 AM Parent: #1
ومازلنا في انتظار حكاية HE ____________________ نادر الرجاء راجع الماسنجر
Post: #111 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-20-2008, 06:34 AM Parent: #109
يا وليد سلام لقيت الرسالة بحاول اتصل بيك خلال عطلة الاسبوع يلا سلام
2 / الشكل الخماسي للموسيقي السودانية .................... كتبت في فترة سابقة / بوست بعنوان / الانبراطورية الخماسية الاثناعشر / وفكرة هذة البوست تاتي من تمسكنا بخماسية النغم السوداني والمحافظة علي طابعة / فهوة بصمة تعكس هويتنا الافريقية زات الجزور التي تمتد تحت ترابة الغالي / كانت لنا وجهة نظر في هيكل وفورم الاغنية السودانية بالمقارنة بما يشابهها من موسيقي شعوب العالم / وكان لوجود الاساتزة الكوريين بالمعهد العالي للموسيقي والمسرح دور كبير في ترشيد مداركنا الفتية زات الميول الغربي وفتح ابواب كثيرة امامنا كانت مقلقة تماما و كان من المستحيل لنا حل طلاسم ما نسمعة من موسيقي غربية معقدة في الشكل والمضمون / ومن خلال مادة دراسية تعرف / بمادة الصلفيج الغنائي / كانت تدرس لنا كمادة اساسية داخل حجرات الدراسة / وهي عبارة عن مقطوعات واغاني كورية تشبة لحد كبير الموسيقي السودانية من حيث النغم / ونحن داخل حجر الدراسة وبمصاحبة هؤلاء الاساتزة العظام تعلمنا منهم كيف استطاعوا ان يروضوا هذة النغم الخماسي الكوري ليصبح متواكبا وما يدور من حولنا في العالم من موسيقي كما اكتشفنا العديد من العيوب الفنية التي توجد داخل الهيكل النغمي للموسيقي السودانيية كما تعلمنا كيفية معالجته..................... / بالمناسبة لم تسلم تجربة الاساتزة الكورين من النقد اللاسع الغير مقنن عندما وزعوا الاغاني السودانية زي / دمعة الشوق / انا ما معيون / والعديد من دورر الموسيقي السودانية / كان اختيارهم لتلك الاعمال يستند في المقام الاول لسلامة هيكلها النغمي الذي كان دافعا لهم لبناء البنية التحتية من هارموني وكنتربوينط لكي تنفزها اوركسترا المعهد بآلاتها المتعددة وهم ينيرون لنا الطريق لبداية عهد جديد لتطوير المزيكة السودانية / وهذة للتاريخ لم يكن للاساتزة الكورين اي دور كما يقول الكثيرين في تشوية الموسيقي السودانية كما لم تكون في اجندتهم دوافع لتوجية الاعلام السوداني في ذلك الوقت لفرض الطابع والاحساس الكوري داخل هذة الاعمال التي تمت صياغتها من قبلهم كان دورهم صقل مواهبنا وتمهيد الطريق لدارسين سودانيين / من عازفين / ودارسين لقواعد التاليف والتوزيع الموسيقي / ان يستفيدوا من علم وخبرات هؤلاء الاساتذة العظام وتسخير ما تعلموة منهم لخدمة الموسيقي السودانية بما لها من طابع واحساس متميز /
Quote: سبعة نقاط لتطوير الموسيقي والاغنية السودانيية / فكرة لبرنامج تلفزيوني
رسالة لنادر وكل المشاركين في هذا البوست القيم
نشرت سابقا في هذا المنبر موضوعا عن الفن الغنائي السوداني أعتقد أنه قد يكون ذو فائدة خصوصا مع مشروع نادر لتطوير الموسيقى والأغنية السودانية (والذي أركز على متابعته). شارك البعض في تناول المقال ولكن أرشفة المنبر حالت دون استمرار النقاش، ولم أشأ وضعه قيد الاستمرارية (دون سبب منطقي، زهج ساي). الآن أعتقد أن هناك سبب منطقي لطرحه لذلك إليكم هذا الرابط:
لاأملك سوى أن أتداخل رغم أنني كنت أفضل جمع مشروع نادر للتطوير ومناقشته لاحقا بدلا عن تناوله (واحدة ورا التانية). لكن هناك نقطتين أساسيتين لم أملك معهم الصبر:
النقد الذي تناول الكوريين لدرجة اتهامهم بتشويه تراثنا الغنائي. هذا التراث الذي يعتبر -بالمفهوم السائد عالميا- ليس أكثر من مادة خام. لا أشك أن غالبيتها من الجودة بمكان، لكنها بعقلية غيرنا مادة للتطوير وهذا هو السبب الرئيسي الذي أغرى متطفلي هذا الجيل بالتغول عليها، للأسف دون أساس موسيقي ذو قيمة. في هذا -دون جدال- الكوريين أفضل من "أولاد البلد" عاطلي الموهبة.
النقطة الأخرى هي التركيز على ما يميزنا (مثل السلم الخماسي) وتطويره تجاه توصيله للعالم، بدلا عن محاولة التماشي مع ما هوسائد اقليميا لضمان عدم الشذوذ. لا أشك أن التلحين في السلم الخماسي أكثر صعوبة لمحدودية النغمات المتاحة (رجاء التصحيح من العارفين)، لكني أحيل المجموعة إلى تجربة Yanni والذي قاد المتلقين لقبول أعمال موسيقية مبنية على أحد أنماط الإيقاع اليوناني (4/7). يشابهه الدليب إذا لم أكن مخطئا. لدينا تجربة تستحق التناول من الأكاديميين الموسيقيين وهي العمل الغنائي للكاشف "فتنة" (فتنت بيه) والتي ليست خماسية ولا سباعية (هل هي تساعية، لا أدري).
أما عن الموضوع الأساسي، فرق الجاز، والتي ليست بالضرورة "جاز"، فهي مكون أساسي من وعينا الموسيقي الغنائي في السودان، وأجمل ما فيها أن كل المشاركين فيها سودانيين قلبا وقالبا، لم يخرجوا من ثوبهم السوداني لكنهم أخرجوا الثوب السوداني من التنميط.
الرائع عبد الحليم لك كل تقدير وما ورد من كلام لة وزنة السبعة نقاط لتطورير الموسيقي والغناء السوداني كعنوان لبرنامج تلفزيوني واهمية اي نقطة من اجندتها هي مفاتيح لمشوار في طريق سليم لتطوير الفن السوداني تملكتها اصابع فناني وعازفي ما يعرف بفرق الجاز في وقت شهدة بنبوقهم الفني وعمق نظرتهم للفن السوداني ..................... وعندما تتحاور مع اي واحد منهم تجدة ينظر بعين تحت ما تطأة قدمية والعين الاخري ترصد هدف بعيد يتمني ان تصلة ارجلة ................ علي عكس الجانب الاخر / الذي اسمية التخت السوداني / الزي فرضتة ازاعة امدورمان / نجد نجوم هذة الازاعة يدورون في فلك واحد فوق سماء الخرطوم ومن حولهم كوكبة من العازفين لا تتعدي احلامهم حدود هالة الضوء التي من حول هذة النجوم / التي استطاعت وبمساعدة اجهزة الاعلام ان تفرض نفسها علي المستمع السوداني من خلال نصوص شعرية وعبقرية شعراء وصانعي كلمة استطاعوا ان يستاسرو بقلب المستمع وشد انتباهة لمعطيات شعرية فقط متناسيين الجانب الاخر / واقصد الحتة الموسيقية / التي كان اضعف بكثير بمقارنتها بعمق معاني النصوص الشعرية
وعن عاطلي الموهبة واتباعهم ----------------------- ما شاء اللة فهم كثيرون / فهم يؤمنون بالمثل البيقول / يافيها يا اخفيها / ها ها ها اللة يسامحم
من خلال فكر فرقة السودانيين في ذلك الزمان لاحت في الافق فكرة برنامج تلفزيوني يتكون من العديد من الحلقات باسم / سبعة نقاط لتطوير الموسيقي السودانية / 1 / النصوص الشعرية / ودورها / لمرحلة قادمة / تتواكب واطروحة التطوير داخل شكل الاغنية السودانية 2 / الشكل الخماسي للموسيقي السودانية / ومثيلاتها في العالم / وكيف استطاعت هذة الشعوب بترويض النغم الخماسي ومعالجة خطوطة النغمية / من حيث شكل الفورم وهيكلة النغمي 3 / الايقاعات السودانيية وتعددها ودورها في المساهمة في التطوير 4 / التوظيف الالي والهارمني المصاحب لشكل الاغنية السودانية داخل نسيج نغمها المتميز 5 / الاغاني التراثية / والشعبية / واغاني البنات / وامكانية اعادة توثيقها / 6 / اهمية الاستوديوهات زات تكنلوجلي عالي ودورها في توثيق / وتسجيل مادة عالية الجودة لطرحها في الاسواق المحلية / والعربية / والعالمية / تستطيع ان تنافس من حيث الجودة وخاصية النغم 7 / المنتج / واقصد قنوات التسويق وراس المال اللذي يدعم فكرة التطوير وتقديم الفن السوداني للعالم في اجمل صورة لكي يصبح سلعة قيمة تنافس في السوق العالمية تدعم الاقتصاد من خلال العملات الصعبة اللتي يحققها المنتجين بتوزيعهم للعديد من الالبومات الفنية لخيرت الفنانين السودانيية / توجد بها كل مقايس الجودة من / نغم / توظيف الي / هندسة صوتية تتواكب ومتطلبات هذة السوق / اللتي خرمت جيوبنا بشراء العديد من الاسطوانات والشرائط / في ذلك الوقت سوف اتناول كل نقطة علي حدة / كما كانت تراة الفرقة،في ذلك الوقت لتقديمها في شكل حلقات تلفزيونية ....................... نقلت هذة المداخلة من الصفحة الاولي لمن يتباعون هذة البوست ولتسلسل الاحداث.........................
3 / الايقاعات السودانيية وتعددها ودورها في المساهمة في التطوير كل من يتواجدون داخل اسوار ما يعرف بفرق الجاز / تعاملوا مع العديد من الاشكال الايقاعية الغربية زات الاصول الافريقية المنبع / ودة كدة من الاخر / كما عرفت العديد من الاستايلات الموسيقية الغربية من خلال شكلها الايقاعي واقصد شكل ال PATON الايقاعي الذي سيقت داخل هيكلة الموسيقي / الذي اشتهرت اغانية وموسيقاة من خلال معطياتة الايقاعية فمثلاً / الروك / الرغي / الفنك / الباسانوفا / السلسا وهوة من امريكا الاتينية / والعديد فكان الشكل الايقاعي هوة من يحدد هوية الاستايل الذي تتبنان فرق الغرب الموسيقية . وكانت الفرقة تقدم اغانيها داخل اطار شكل واستايل ايقاع محدد وتبدع في تقديم فنها من خلال معطياتة الايقاعية كنا نتمني ان تتكون فرق موسيقية سودانية تركز علي شكل ايقاعي سوداني محدد مثلاً / فرقة تبني شكلها الموسيقي والغنائي علي ايقاعات / الدليب 7/4 / فقط وتبدا في تطوير معطياتة وتوظيف الدرامس والالات الايقاعية الاخري المصاحبة مثل البنقز والكنقة كحليات داخل شكل الدرامس الذي يتحكم نبرة القوي ونبرة الضيف داخل اطارال PATON الدليبي حلوة دليبي دي ها ها ها ومن هنا يوظف الباص جيتار واولاد عموا / الجيتارات / والبيانوا / مكونين بنية تحتية هارمونية ايقاعية داعمة للخطوط الفوقية من غناء او خطوط نغمية اخري في شكل لزم موسيقية او خلفيات موسيقية تاتي معبرة عن شكل جديد وغير تقليدي / فهذة ينطبق علي كل الايقاعات السودانية المتعددة / نقارة / تم تم .وعد من عندك لحدي ما ارجع تاني لو ربنة مدة في العمر
Post: #119 Title: Re: إهداء إلى.... ممدوح الفريد... و نادر السوداني ....و كل الدفعة Author: حمد اسماعيل Date: 06-22-2008, 09:15 AM Parent: #118
أولا
up
علشان
بالسلامة
Post: #120 Title: Re: إهداء إلى.... ممدوح الفريد... و نادر السوداني ....و كل الدفعة Author: willeim andrea Date: 06-22-2008, 10:25 AM Parent: #1
سبحان الله قبل ايام... وفي قناة النيل الازرق شاهدت فرقة البلوستارز.... وناس مخضرمه وبتواصل المشوار ... بتغني الغني القديم داك شي لبوب وحاجات تانيه ما بذكره.شي من الماضي البعيد وبلت شووووووق .. ياسلام... اخر عهدي بفرقة البلوستارز احدي حفلات راس السنه في العام 1979.. في احدي اندية الخرطوم.. يا ناس بورداب الخرطوم رجا فتشو فرقه البلوستارز بالله واكتبو لينا عنها للتوثيق ووين كل الناس الحلوه الحلوه ديك ووين الدرديري ... ومحبتي لكل الناس الحلوه هنا ناس بيت الامانه وناس امدرمان وناس الديوم
Post: #121 Title: Re: إهداء إلى.... ممدوح الفريد... و نادر السوداني ....و كل الدفعة Author: حمد اسماعيل Date: 06-22-2008, 05:02 PM Parent: #120
وهذا أحد عمالقة الفن السودانى
محمد اسماعيل بادى رحمه الله
وسوف احاول البحث عن بعض النماذج
تحياتى
Post: #122 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-23-2008, 06:25 AM Parent: #121
المخرج الفنان الجميل اسماعيل محمد الحسن ما تزعل من ابو شلاضيم اخوك ابوالزهور اكيد دقس وجلة من لا يدقس .ها ها ها ولاادري السنين ام ليالي غربتها التي حالت دون تزكرنا توام دفعتنا من قسم الدراما وفنانيها العظام وامسحة لي في وششي ولو لميت في ابو شلاضيم صحبي بشلخ ليهو شلاضيمة الكبار ديل ذي اكورديونوا بتاع المعهد الزمان داك،......ها ها ها ومن دفعتنا في قسم الدراما
1 / اسماعيل محمد الحسن 2 / الفاتح البدوي 3 / عوض محمد علي 4 / عوض بابكر 5 / هاجر مهدي 6 / عبدالرحيم فرج 7 / عادل سالم حمادة 8 / مريم محمد الطيب 9 / عبد الحكيم الطاهر 10 / ابراهيم العسقي 11 / اسامة الجوخ 12 / ذينب نقاش 13 / امال مصطفي 14 / محمد سليمان فضللة 15 / نادية احمد بابكر 16 / حاج ابا 17 / شازلي عبدالقادر 18 / عبد الرازق بشير 19 / حمزة سليمان ...........................انشاء اللة ما اكون نسيت لي زول
Post: #123 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-23-2008, 11:24 AM Parent: #121
سيد حمد
شكرا جزيلا لإيرادك هذا النموزج و الذي سوف يثري النقاش بشكل ممتاز .... الأغنية من ألحان محمد إسماعيل بادي و من آداء الأستاذ خليل إسماعيل كانت هنالك أسباب موضوعية دفعت لظهور هذا الشكل من التعاون بين الأستاذ خليل إسماعيل و الموسيقار بادي و هي البحث الدؤوب لشكل جديد لتقديم الأغنية السودانية ..بين الثنائي أعلاه...بالإضافة لقرارات سياسية و إدارية صاحبت إضراب الموسييقيين الشهير في الإذاعة و الذي نتج عنه إستعانة إدارة الإذاعة بموسيقى القوات المسلحة .. و يظهر جليا في هذا العمل الجميل أثر العصر الذي لحنت فيه الأغنية (السوينق و الروك آند رول).....
فما قولكم يا نادر يا سوداني....في ريادة هؤلاء النفر المجهول من الموسيقيين السودانيين....أنهم كانوا قد خرجوا عن (نهج التخت الشرقي) كما وصفته أنت و أمامك هذه الفخامة و الضخامة في الآداء الآلي و تعدد ألوانه و أشكاله و جمال تشكيل و ظائفه.... و كان قد خلق لنا جازا مجازا و بلسان و حس سوداني مبين.....فلماذا لم تطوروا هذه التجربة و تتبعوا خطاها تحديثا..... أرجو أن أنبه بأن الفنان صلاح بن البادية له أعمال نفذت بنفس الأسلوب و على سبيل المثال لا الحصر...أغنية إنت يا غرامي ....حبك السامي ...و حي إلهامي....
و شكرا كتير يا سيد حمد يا محترم
Post: #124 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-23-2008, 11:54 AM Parent: #123
العزيز إسماعيل محمد الحسن
يا دفعة
الفتنة نائمة..........
إنت يا صديقي ظهرت يوم 30 مايو و بدون تعليق....و سألك نادر عن ماهو الذي عدلته....ثم لم تظهر بعدها...و تدخل ود السجانة و غير مجريات الحديث...و إستلم بعد داك صاحبك العجوز الموضوع.... بعدين ما تسمع الكلام ده....بس معقول أنا أنساك...؟ هو إنت إنت يا أبو سريع .... بتتنسي...يا زين الشباب...و نوارة المجالس....بعدين أنحنا بنسابق في الزمن مع عجوز القيامة ده دايرين نطلع منه بحاجة.... أرجو أن تتقبل إعتذاري الشديد لك و للدفعة العظيمة كلها....
طبعا يا إسماعيل أنحنا ما قدر ناس نادر ديل....طبعا أنحنا من الثانوي و على المعهد عدل...بس الجماعة ديل إنت عارف براك.....يعني مافي داعي....و لا شنو يا دفعة؟؟؟
Post: #133 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-25-2008, 07:33 AM Parent: #120
يا وليم اندرية تجدني اضم صوتي لصوتك وندعوا كل من لة تسجيل او صور او معلومة عن فرقة البلوستار يلحقنة بيها كما تجدنا سعداء لمرورك والتحية لفرقة البلوستار العملاقة ....................
Post: #141 Title: Re: إهداء إلى.... ممدوح الفريد... و نادر السوداني ....و كل الدفعة Author: اسيا ربيع Date: 06-26-2008, 02:45 AM Parent: #133
Quote: يا وليم اندرية تجدني اضم صوتي لصوتك وندعوا كل من لة تسجيل او صور او معلومة عن فرقة البلوستار يلحقنة بيها كما تجدنا سعداء لمرورك والتحية لفرقة البلوستار العملاقة
سلام.. شباب
اناجيييييت
اها.. يانادوري .. قول( 1)
Post: #125 Title: Re: إهداء إلى.... ممدوح الفريد... و نادر السوداني ....و كل الدفعة Author: sumah Date: 06-24-2008, 05:48 AM Parent: #1
** *
يا Azhari ياNurelhuda يا
يا اخوى انا مسحت الكتبتو قلت ليه روحى خليهم بكره بترجع العرجا لمراحا منو البحرر ليهم دلوكتم غيرنا وكان ما المسرح اتنصب فى الاول وطلعنا فيهو نحن.. واللةالا تنقروا مزيكتكم فى كوم ترتوره لكن صاحبى نادر مصر يمسحو ليك فى وشك دا ونسى الصلعه..
**
اية حاجة منكم مقبولة..
* **
Post: #126 Title: Re: إهداء إلى.... ممدوح الفريد... و نادر السوداني ....و كل الدفعة Author: sumah Date: 06-24-2008, 06:03 AM Parent: #1
** *
نادر السوداني دة يايو الزهور انطبق عليهو كلامك يعنى ما قلت الا الحقيقة
Quote: طبعا يا إسماعيل أنحنا ما قدر ناس نادر ديل....طبعا أنحنا من الثانوي و على المعهد عدل...بس الجماعة ديل إنت عارف براك.....يعني مافي داعي....و لا شنو يا دفعة؟؟؟
وقد وضح ذلك فى الاتى:-
ابراهيم البزعى محمد سليمان فضل اللة زينب دقاش
يا نادر ياقاش
* **
Post: #127 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-24-2008, 06:24 AM Parent: #126
عييييييييييييييك يا سماعين
Quote: دة يايو الزهور .....
هم ديل ناس الدرامة حبايبنة قال ما عارف الحصة لغة وصوتييات اموت ركن .........................................يا ش........... اطلع بالصور وبطل حركات ناس الدرامة .......................
Post: #128 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-24-2008, 06:49 AM Parent: #127
يابوزهور برجع ليك بعد ما انقل نموزج الراحل المقيم / سيد خليفة ورائعتة / المامبو السوداني التي تتجلي فيها فكرة الاسونيق / من ورشة عمل فرقة السودانيين / وتحويلها mp3 لرفعها في النت / والتحية للرجل المحترم حمد اسماعيل / والراحل المقيم خليل اسماعيل لة الف رحمة / وكل اولاد جيلة من تعاملوا مع تفعيلة شكل الاسوينق الجازي المنبع ..........................
يعتبر ال SWING داخل نغم موسيقي الجاز القديمة هوة الروح المحركة لمعطياتة الميلودية وكان للفنان الفيس بريسلي والعديد من فناني الغرب السبغ في تطوير معطياتة النغمية كما تواكب ذلك لظهور العديد من الرقصات الغربية التي تعرف / بالتويست والجيرك / وكانت زات علاقة وطيدة بحركة نغمة الدائرية وفورم شكلة الذي يتكون من /A B / وما يعرف بالمطلع والكوبلية / وفي بعض الاحيان يوجد شكل ثالث يضاف لشكلية الاساسيين / كشكل جديد يكسر الرتابة لتكرار أشكالة الاساسيية / AB / تاسرة العديد من الفنانين السودانيين بهذة الشكل ويظهر هذة جلياً في بعض اغاني / الكاشف وغنيتة / اسمر جيل / وشرحبيل وغنيتة / اللابس البمبي / عبد الكريم الكابلي / ورائعتة / سكر بضم ال س / كما كان لملك الحداثة الفنان الرئع ابوعركي وغنيتة قد لا تزعفني زاكرتي بتزكر إسمها / دبلة الحب والخطوبة وشياكة توظيفة الالي الجميل /وطبعا الفنان الكبير محمد وردي / الاكثر تاثرا بشكل ال SWING في حدائق نغمة / ورائعة الفنان محمد الامين / الموعد / نجد في هذة الفترة كيف انتشرت الغنية السودانية من خلال اغاني الفنان الراحل المغيم / سيد خليفة / وهوة يقود ثورتة الاسونقية داخل قلب افريقيا والوطن العربي كما كانت شعوب وسط افريقيا وخصوصا الشعب الاثيوبي الذي يعشق كل الاغاني السودانية التي سيقت داخل نسيج نغمها ال SWING بخماسية نغمة ودائرية شكلة داخل مجتمعات غير ناطقة باللغة العربية .......................... لم نختلف مع من قدموا هذة الشكل لهم التجلة،والاحترام كان الاختلاف في منطقة لم تجد اهتمام ولم يسلط عليها الضوء داخل التخت السوداني وهي تتعامل مع هذة اللونية / توظيف شكل ال PATON الايقاعي واولادعموا ..... كبنية تحتية تاتي اكثر تعبيرا لهذة الشكل الموسيقي الذي نجح نجاحا كبيرا تعرف يابوزهور كانت فرقة السودانيين عاملة ذي الرياضيين في الدورات الاولمبية / تلقي الرياضي يتدرب طول السنة يتمني ان ياتي برقم جديد / في لعبة رياضية ماء / وبيكون الرقم بعض اجزاء من الثانية / وهذة هوة الفرق لما نراة من تفاصيل دقيقة قد تاتي بنتايج نتمناها للموسيقي السودانية ..............................................................
Post: #130 Title: Re: إهداء إلى.... ممدوح الفريد... و نادر السوداني ....و كل الدفعة Author: حمد اسماعيل Date: 06-24-2008, 11:09 PM Parent: #129
حبيبنا نادر
البهارات مهمه بعد مرات وعلشان الموضوع يتسبك
و الناس تتابع الموضوع
هاكم فرقة الديوم كمثال.
Post: #131 Title: Re: إهداء إلى.... ممدوح الفريد... و نادر السوداني ....و كل الدفعة Author: sumah Date: 06-25-2008, 02:31 AM Parent: #1
** *
حبيبنا نادر
البهارات مهمه بعد مرات وعلشان الموضوع يتسبك
و الناس تتابع الموضوع
هاكم فرقة السودانيين كمثال:صوره من غير صوت
او كما قال
حمد لبد
* **
Post: #132 Title: Re: إهداء إلى.... ممدوح الفريد... و نادر السوداني ....و كل الدفعة Author: نادر السوداني Date: 06-25-2008, 03:45 AM Parent: #131
شكرا يا اسماعين يا فنان حسة الصورة دي عايزة ليها صوت من شمال الصورة ابو طاقية / سيف عبد اللة سعيد عازف الدرامس وابو دقن الفي النص شخصي الضعيف / ومن الخلف المبدع الفاتح الكردي وبجانبة الفنان الرائع ممدوح طاهر فريد / يار يت تعود تلك الايام بكل ما لها وما عليها ..... يا ابوالزهور شفت الشباب والحيوية قال عموا نادر قال ..... ها ها ها يا سمعة حسة لي ذي خمسة ساعات بلكلك في جهاز الجن بتاع بكري دة الغنية ماعاوزة تترفع عليك اللة رسل لي البرنامج الكلمتني عنة عشان انا قربتة اجن عديل والرحمة حلوة
يا حمد يا فنان الغنية حقت فرقة الديوم دي نكتة من وين حولا ............. تزكرت ذلك الوقت والفرق العربية وهي تتغني بكلمات / ذي شرم برم كعب الفنجان / والطشت قالي ياحلوة قومي امشي استحمي / باللة شوف كيف كانت الفرق السودانية عظيمة لو لقت قليل من الاهتمام / .. ياخي دقيقة اسمع مستوي تسجيل هذة الغنية داخل ازاعة امدرمان تحس هؤلاء الفنانين اكبر بكثير من الاستوديوا ومهندسي صوتة لنا ان نتخيل لو سجلت هذة الغنية في اوربا في ذلك الوقت بتقنية ذلك الوقت كان حيكون الكلام مختلف لهم ولك التحية يا فنان يا جميل
Post: #134 Title: Re: إهداء إلى.... ممدوح الفريد... و نادر السوداني ....و كل الدفعة Author: محمد سنى دفع الله Date: 06-25-2008, 07:46 AM Parent: #132
نادر السوداني موقعنا جاهز سودانوي وتوثيق للفنون السودانية وسوف اقوم يتوثيق مادة سوف تكون مفاجأة لك من السودان محبتي ومودتي
يالسني دايماً حاجاتك مكربة ونجيضة يلا رسل لي رقم الحساب ونشوف سودانوي دة للزمان وانشاء اللة نكون قدر القول
Post: #135 Title: Re: إهداء إلى.... ممدوح الفريد... و نادر السوداني ....و كل الدفعة Author: Azhari Nurelhuda Date: 06-25-2008, 10:58 AM Parent: #132
يا سوداني
حمد إسماعيل و بوصفه صاحب رئيس الفرقة أحمد إبراهيم داؤود (ديفيد عليه الرحمة) كان يتمتع ب (فيتو) الدخول في حجرة البروفات في أى وقت شاء و له حق مطلق في التصرف بمواد كان يسجلها بمسجله العجيب داك. عليه... حمد إسماعيل يحتفظ بتسجيل كامل لبروفة في النادي القديم تشتمل على كل شئ و تعتبر كنز نادر يا نادر....رسل الدولارات عشان تسمع و نسمع معاك....
ابو الزهور ما دام بقى فيها .. رسل الدولارات عشان تسمع و نسمع معاك.... ..
احسن نغير القناة للجناح التانى..
واظنها فى التاريخ نفسو..
مهداة الى الزملاة الاعزاء موسيقى ودراما..
كل الفرقة بالسنة الاولى مسرح عام 1977 بمبانى المعهد بالعمارات شارع 75 واول عرض على خشبة المسرح الجديدة لنج (الدفعة دى لمن اتخرجت كانت قد تقلصت الى ثمانية فى التمثيل والاخراج.. اتنين فى العرائس .. اثنين فى النقد.. وواحد فى الديكور) لهم تحياتى اين ما وجدوا.. ...
تحية خاصة جداللاستاذ انور محمد عثمان الاستاذ عثمان البدوى الاستاذ البريطانى جون ديفيد من المسرح الاليزابيثى ..لندن..
غنية الراحل المقيم سيد خليفة رحمة اللة / ورائعتة المامبو السوداني / غناء الفاتح الكردي / من ورشة عمل فرقة السودانيين في منتصف الثمانينات / بروفة تسجيل داخل استوديو امبير القاهرة / وبمصاحبة بعض الفنانين المصريين الفنان كامل الشريف / هوة من اعضاء فرقت الجيت المصرية عازف اورغ وصاحب الرؤية الموسيقية / اشتهرة هذة الفنان ولمع نجمة من خلال توزيعة للعديد من الاغاني المصرية كما كان لة دور داخل السينماء المصرية / موسيقي تصويرية كما شارك بالتمسيل في العديد من الافلام / لة التحية والتقدير الفنان علي صدقي عازف درامس وبمشاركة سيف عبداللة سعيد / نادر السوداني باص جيتار ...........يلا نسمع الربة دي
