Post: #1 Title: من سيفوز برئاسة أمريكا, أوباما أم مكين ? Author: Kostawi Date: 05-21-2008, 10:37 PM Parent: #0
??????????????
Post: #2 Title: Re: من سيفوز برئاسة أمريكا, أوباما أم مكين ? Author: Ahmed musa Date: 05-21-2008, 10:43 PM Parent: #1
كوستاوي هل إنتهت قصة التنافس الديمقراطي ؟؟؟ وهل تجاوز الديمقراطيون مسألة السوبر ديلقيتس ؟؟؟ فقط للعلم ...
Post: #3 Title: Re: من سيفوز برئاسة أمريكا, أوباما أم مكين ? Author: Elmosley Date: 05-21-2008, 10:47 PM Parent: #1
Hillaey
Post: #4 Title: Re: من سيفوز برئاسة أمريكا, أوباما أم مكين ? Author: Kostawi Date: 05-22-2008, 00:27 AM Parent: #3
Quote: كوستاوي هل إنتهت قصة التنافس الديمقراطي ؟؟؟ وهل تجاوز الديمقراطيون مسألة السوبر ديلقيتس ؟؟؟ فقط للعلم
سوبر ديلقيتس شنو يا حبيب نحنا تعدينا المرحلة دي
لو هيلري بليدة في الحساب أنت ما بليد يا أحمد موسى
كدي خليني النشوف عمك الموصلي الي قبضو الشرك ده
طبعا عم الموصلي هارب و مدسي من زمن إنديانا و إدورد و عمال الحديد و الصلب و عمال المناجم و عمر إدريس
أحمد موسى خت الرحمن في قلبك
نحنا قاعدين (بنجير) في البيت الأبيض بالجير الأبيض في إنتظار العريس أوباما
كروت دعوتكما في الميل
و العاقبة عندكم في المسرات و أعياد ميلاد هيلريكما الفوق ستينية
آمين يا رب العالمين
Post: #5 Title: Re: من سيفوز برئاسة أمريكا, أوباما أم مكين ? Author: عصام دهب Date: 05-22-2008, 00:31 AM Parent: #4
غايتو أوباما كان ختا تراجي دي بس وقلع منها صورته ، عوجة بتجيهو مافي !!
Post: #6 Title: Re: من سيفوز برئاسة أمريكا, أوباما أم مكين ? Author: Deng Date: 05-22-2008, 05:11 AM Parent: #1
رغم أن الانتخابات الامريكية دائما تحمل كثير من المفاجئات، ولكن حتى هذا اللحظة كل التكهنات تشير الى فوز أوباما على السيناتور المخضرم جون مكين.
ويا كوستاوي. لو أوباما أختار جون إدوارد ما بتجيه أي عوجة. وطبعا أختيار هيلري كلينتون برضه وارد.
دينق.
Post: #7 Title: Re: من سيفوز برئاسة أمريكا, أوباما أم مكين ? Author: malamih Date: 05-22-2008, 05:22 AM Parent: #6
ده الشغل ببدا من هنا ياكوستاوي,,
إعتبارات كثيرة ستحسم نتيجة إنتخابات الرئاسة..
ليست هذا تساؤل يجاب هكذا,, كدي في الأول أن نقعد في الدلجة
كسودانيين ديموقراطيين و نشوف حنقدم شنو لحملة أوباما,,
Post: #8 Title: Re: من سيفوز برئاسة أمريكا, أوباما أم مكين ? Author: Deng Date: 05-22-2008, 05:28 AM Parent: #1
Quote: كسودانيين ديموقراطيين و نشوف حنقدم شنو لحملة أوباما,,
العزيز ملامح.
ليه من المفترض ان نكون ديمقراطين ويجب علينا نساعد حملة أوباما؟ مش برضه ممكن نكون سودانين مستقلين أو جمهورين؟
دينق.
Post: #9 Title: Re: من سيفوز برئاسة أمريكا, أوباما أم مكين ? Author: Omar Bob Date: 05-22-2008, 06:11 AM Parent: #1
يا دينق
Quote: مش برضه ممكن نكون سودانين مستقلين أو جمهورين؟
لو انت ميستقل مافي اي مشكله فدا هو السواد الاعظم من الشعب الامريكي سودانيين وغير سودانيين لكن لو بقيت جمهوري تكون اتلومت تب يا اللخو,
Post: #10 Title: Re: من سيفوز برئاسة أمريكا, أوباما أم مكين ? Author: Kostawi Date: 05-22-2008, 03:25 PM Parent: #9
ملامح
Quote: كسودانيين ديموقراطيين و نشوف حنقدم شنو لحملة أوباما
Deng
Quote: مش برضه ممكن نكون سودانين مستقلين أو جمهورين؟
Omer Bob
Quote: لكن لو بقيت جمهوري تكون اتلومت تب يا اللخو
يا دينق الإنسان ديمقراطي بالفطرة
يا ملامح أكتر مساعدة محتاج ليها أوباما الأن المال و ما حاجة كتيرة......15$-25$-50$
الجالية الأريتريا عملت يوم للفند ريسينك
الحاجة التانيه هي التبرع بالوقت للحملة الإنتخابية
و ممكن تزور الويب سايد لأوباما و سوف تجد معلومات كتيرة عن ذلك
Post: #11 Title: Re: من سيفوز برئاسة أمريكا, أوباما أم مكين ? Author: Balla Musa Date: 05-22-2008, 04:08 PM Parent: #10
أتمنى أن يخوض الديمقراطيون الإنتخابات بأوباما وهيلارى معا..
هذه ال ticket فوزها سيكون كاسح وستحقق لأمريكا فوائد كثيرة وفى زمن قياسى وستحقق لأوباما حكم أمريكا لدورتين دون منافس.
Post: #12 Title: Re: من سيفوز برئاسة أمريكا, أوباما أم مكين ? Author: Kostawi Date: 05-22-2008, 04:47 PM Parent: #11
بلة موسى
طبعا كلامك ده وارد و ممكن يحصل
بس شعار change ح يروح فيها
هيلري سودان قديم و أوباما سودان جديد.....
المحصلة ح تكون عكرانة أوي
المهم
WASHINGTON (CNN) -- Barack Obama is quietly beginning his search for a running mate, according to a veteran Democratic activist in Washington.
The activist told CNN that former Fannie Mae CEO Jim Johnson has accepted Obama's request to begin a screening and selection process for the No. 2 spot.
Johnson performed the same role in 2004 and 1984 for then-Democratic presidential nominees John Kerry and Walter Mondale.
The activist, a party operative who has been involved in Democratic presidential campaigns and conventions for more than 20 years, said it is his information that the process is "at a very early point but that within the campaign itself, they have been informally thinking about it for a while."
Obama campaign spokesman Bill Burton declined to comment on the report
Post: #13 Title: Re: من سيفوز برئاسة أمريكا, أوباما أم مكين ? Author: Kostawi Date: 05-22-2008, 09:12 PM Parent: #12
حتى الآن أوباما أنفق ما يعادل ال 240 مليون دولار أمريكي في حملته الإنتخابية في حين أن مكين أنفق ما يقارب ال 80 مليون دولار.
Post: #14 Title: Re: من سيفوز برئاسة أمريكا, أوباما أم مكين ? Author: malamih Date: 05-22-2008, 09:39 PM Parent: #13
العزيز دينق
أنا قاصد السودانيين الديموقراطيين في البورد ومنهم كوستاوي
وثروت و راوية و د محمد القاضي والرشيد الحاج وديل أسميتهم The sudanese supperdilgates وهم المهتمين بالشأن الديموقراطي الأمريكي..
العزيز كوستاوي
مكتب جون مكين في أريزونا بدأ العمل على إستقطاب السودانيين و بقية الأفارقة في الإسراع بتسهيل إجراءات الجنسية الأمريكية لمن أكمل الخمس سنوات بإقامة قانونية بشرط التصويت له في الإنتخابات القادمة.
Post: #15 Title: Re: من سيفوز برئاسة أمريكا, أوباما أم مكين ? Author: Kostawi Date: 05-22-2008, 09:39 PM Parent: #13
Post: #16 Title: Re: من سيفوز برئاسة أمريكا, أوباما أم مكين ? Author: Kostawi Date: 05-23-2008, 06:27 AM Parent: #15
Yes we can
Post: #17 Title: Re: من سيفوز برئاسة أمريكا, أوباما أم مكين ? Author: ثروت سوار الدهب Date: 05-23-2008, 06:49 AM Parent: #16
ما دايرين هيلاري نائب و لا ضرس
تدينا عجاج كورعيها
عندنا لاوباما بت نائب زي السكر
دا بوست مختلف
المهم ماكين متورط مع اتنين قساوسة يمينين متطرفين واحد ملخبته مع اليهود و التاني بشتم المسلمين
و القصة جارة
سلامات
Post: #18 Title: Re: من سيفوز برئاسة أمريكا, أوباما أم مكين ? Author: Kostawi Date: 05-23-2008, 02:16 PM Parent: #17
Quote: بل كلنتون تحت تحت داير يدخل أجاويد و بقول ليهم هيلري أسمح من كاثلين
دا انا خايف منو. بيل بعد شوية بقول لينا شيلسي بته لو ماجب هيلاري. عشان يجي يتحكر لينا في البيت الابيض موش.
يا كستاوي خير البر عاجله
اها نتظركم كم يعني
لعلمك البت مكلمين فيها ناس كتار. ما تتاخرو
كاثلين اصلا من حلة اوهايو علا رحلو ليبتم الاسه ساكنين فيهو دا ليهم سنين. جيرانم في الشمال ناس نبيراسكا و في الجنوب ناس عمك اكلاهوما و من الغرب خالتك كلورادو من الشرق ناس عم ميسوري احسن من بتنا دي ما تلقو بعدين ما دايرن منكم حاجة كتيرة. و ما عندها كلام كتير و انتهت من القراية و اهلها ناس طيبين و معروفين و سيرتم زي الورد في الحلة.
Post: #22 Title: Re: من سيفوز برئاسة أمريكا, أوباما أم مكين ? Author: عادل التجانى Date: 05-23-2008, 06:18 PM Parent: #21
كوستاوي يا خوي والله أنا ما عارف ولكن ناس الغرب كان عندهم مثل بقول
(ود عم الكلب بعشوم)
يعني لو فاز دا ولا دا كلهم زي بعض بطبقوا السياسه المعروفة
بس لو ربنا فكانا من الصيبة مرة الطاعون السابق بنرتاح شويه
Plz add my name to the list one supper-D for Obama
Post: #24 Title: Re: من سيفوز برئاسة أمريكا, أوباما أم مكين ? Author: Kostawi Date: 05-23-2008, 07:16 PM Parent: #23
Quote: بس لو ربنا فكانا من الصيبة مرة الطاعون السابق بنرتاح شويه
عادل التجاني تحيتي
ما هي زاتا الفاقعة مرارتنا و الله يا عادل المرة دي لو فازت أنا أخلي ليها بلدا دي
Post: #25 Title: Re: من سيفوز برئاسة أمريكا, أوباما أم مكين ? Author: Kostawi Date: 06-03-2008, 03:20 PM Parent: #24
أها تاني عندكم كلام?
بلوا هيلاريكم دي في موية كركدي و قرطعوها
Post: #26 Title: Re: من سيفوز برئاسة أمريكا, أوباما أم مكين ? Author: Kostawi Date: 06-03-2008, 03:36 PM Parent: #25
AP - History within his reach, Barack Obama was primed to claim the Democratic presidential nomination Tuesday or soon after as voters in Montana and South Dakota bring his months-long contest with dogged rival Hillary Rodham Clinton to a close. Clinton appeared ready to bow to the inevitable and spare the party an even more protracted fight.
Dear Khorda Please drop at our celebration tonight in the heart of the smoky Mountain Quote
العزيز حيدر
اهنئك انت والآصدقاء ثروت و محمد عباس علي هذا النصر الكبير وادعوكم
جميعا لحضور احتفال مدينة ويفرفييل بريسينت للتغيير Weaverville Precinct for Changeوالذي اتشرف بترأسه والمقام اليوم في حوش ابونورة و عمر في ضاحية رييمس كرييك Reems Creek في تمام الساعة السابعة مساء. مع احترامي لرأيك الأ انني لآاوافقك الرأي. قوي التغيير التي ايدت اوباما, وقفت معه بسبب امانته وبسبب دعوته للتغيير والبعد عن المناكفات السياسية العقيمة. ,هناك العديد من الآشخاص المؤهلين لمنصب نائب الرئيس مثل سيناتور جم ويب,حاكم اريزوناالسيدة جانيت نابوليتانو والسيناتورالمتقاعد سام نين. ساعود للتعليق غدا انشاء الله. تحياتي للجميع
Post: #29 Title: Re: من سيفوز برئاسة أمريكا, أوباما أم مكين ? Author: Kostawi Date: 06-03-2008, 04:55 PM Parent: #28
Post: #30 Title: Re: من سيفوز برئاسة أمريكا, أوباما أم مكين ? Author: Kostawi Date: 06-03-2008, 10:04 PM Parent: #29
أها يا عمر إدريس يا بتاع الطبقة العاملة
بيت البكاء وين?
المعز أبو نورة إنتا يعني ما ماشي بيت البكاء "ترحموا على موتاكم ياخي"
Post: #31 Title: Re: من سيفوز برئاسة أمريكا, أوباما أم مكين ? Author: Kostawi Date: 06-04-2008, 02:20 PM Parent: #30
Al Karammmmmmmmpa
Post: #32 Title: Re: من سيفوز برئاسة أمريكا, أوباما أم مكين ? Author: nazar hussien Date: 06-04-2008, 02:34 PM Parent: #31
يعني النتيجة 1:3
لصالح مكين
الرئيس الجمهوري القادم للبيت الابيض.....(دي اصلو ما عندي فيها شك)
جمهوري: ديموقراطي: جمهوري: جمهوري:
دي سنوات التوالي يا كوستاوي
وبعدين: نحن مالنا
Post: #33 Title: Re: من سيفوز برئاسة أمريكا, أوباما أم مكين ? Author: elsawi Date: 06-04-2008, 03:26 PM Parent: #32
غايتو بعد خطاب اوباما التاريخي بتاع امبارح ومقارنته بخطاب مكين الميت الكلو ضحك ده ـ والله زكرني الترابي ـ تاكدت انه اوباما هو الرئيس القادم حتى لو نزل براهو بدون VP ..
الأخ ملامح تحياتي
Quote: مكتب جون مكين في أريزونا بدأ العمل على إستقطاب السودانيين و بقية الأفارقة في الإسراع بتسهيل إجراءات الجنسية الأمريكية لمن أكمل الخمس سنوات بإقامة قانونية بشرط التصويت له في الإنتخابات القادمة.
استبعد ما قلت جدا، ولا اعتقد ان مكتب جون مكين يمكن ان يرتكب مثل هذه الحماقة والأخطاء القاتلة التي من الممكن ان تعصف بحملته الإنتخابية بأكملها وتقدم البيت الأبيض لأبوباما في طبق من ذهب .. يا اخوي الأمريكان ديل في ظروف الإنتخابات الرئاسية الملتهبة المرشح لو عنده Math homework ما سلمو لما كان في رابعة ابتدائي بمرقوه ليهو .. تعرف الجملة دي بس
Post: #35 Title: Re: من سيفوز برئاسة أمريكا, أوباما أم مكين ? Author: إيمان أحمد Date: 06-04-2008, 09:41 PM Parent: #34
كوستاوي
مبروك يا زول، وعقبال الحملة الكبيرة.
غايتو عندي زول قال لو جون مكين فاز، بيشيل شنطته ويخلي أمريكا.
ثروت: ضحكتوني انت وكوستاوي .... يعني دي أسميها شنو؟! السياسة الأمريكية على الطريقة السودانية ولا شنو؟
إن شاء الله بالعديل والزين يازول
وولدنا مابنرضى ليه بت السودان القديم هيلاري، أها مبروك عليكم، نحن جاهزين للزغاريت هاهاها
Post: #36 Title: Re: من سيفوز برئاسة أمريكا, أوباما أم مكين ? Author: Tragie Mustafa Date: 06-04-2008, 09:47 PM Parent: #35
نزار حسين يازول ديل سودانين امريكان انت مالك فعلا لكن من حقهم مناقشة قضاياهم ونحن سودانين كندين لنا تجارة معهم ونتأثر سلبا وايجابا بنوع الحكومة الفايزة عندهم وعلمتنا تتأثر بتجارتنا معهم, يعني خادم الفكي المجبروة على الصلاة نحن.
اها انت مالك فعلا؟؟
Post: #37 Title: Re: من سيفوز برئاسة أمريكا, أوباما أم مكين ? Author: nazar hussien Date: 06-05-2008, 06:38 AM Parent: #36
Quote: نزار حسين يازول ديل سودانين امريكان انت مالك فعلا لكن من حقهم مناقشة قضاياهم ونحن سودانين كندين لنا تجارة معهم ونتأثر سلبا وايجابا بنوع الحكومة الفايزة عندهم وعلمتنا تتأثر بتجارتنا معهم, يعني خادم الفكي المجبروة على الصلاة نحن.
اها انت مالك فعل
يعني كراع في المركب وكراع في الطوف....
طيب ما تخلو لينا طوفنا دا في حالو...؟
قالت كنديين سودانيين؟ وتجارتنا وعملتنا؟
انت بالذات لن تتأثري...كان فاز باركيننتون زاتو؟ والنضال عمرو ما تأثر بحكومة....(مش المناضل حا يفضل مناضل....والحكومة حكومة...
وولدنا مابنرضى ليه بت السودان القديم هيلاري، أها مبروك عليكم، نحن جاهزين للزغاريت هاهاها
ابشري بالخير
كستاوي شكلو كدا وافق
رايك شنو في بتنا دي بالله؟
بالمناسبة فرص هيلاري تقصلت كنائب في ال24 الساعة ماضية اكثر من ما مضى. ready to go and fire up
Post: #38 Title: Re: من سيفوز برئاسة أمريكا, أوباما أم مكين ? Author: Kostawi Date: 06-05-2008, 10:25 PM Parent: #34
ثروت قلت لي شنو?
Post: #40 Title: Re: من سيفوز برئاسة أمريكا, أوباما أم مكين ? Author: Kostawi Date: 06-09-2008, 01:54 AM Parent: #38
Quote: يعني دي أسميها شنو؟! السياسة الأمريكية على الطريقة السودانية ولا شنو؟
الأستاذة إيمان أحمد
long time no see
ناس ثروت ديل لو ما دفعوا صاح عشان نعرس بتهم دي حقها راح
و الصف طويل و ناسو كتار و بالطبع (minus Hillary)
Post: #41 Title: Re: من سيفوز برئاسة أمريكا, أوباما أم مكين ? Author: Kostawi Date: 06-10-2008, 08:20 AM Parent: #40
Till August and November
'08
Post: #42 Title: Re: من سيفوز برئاسة أمريكا, أوباما أم مكين ? Author: Kostawi Date: 06-17-2008, 10:53 PM
مرحب بالقور
Post: #43 Title: Re: من سيفوز برئاسة أمريكا, أوباما أم مكين ? Author: jini Date: 06-17-2008, 11:58 PM Parent: #1
اذا لم يختار اوباما هيلارى نائبة له فسيكون قد ارتكب غلطة العمر وسيخسر الانتخابات قبل ان تبدأ! 30% من انصار هيلارى سيصوتون ليس حبا فى مكين ولكن نكاية فى اوباما! بكرة تشوف يا ثروت جنى
Post: #44 Title: Re: من سيفوز برئاسة أمريكا, أوباما أم مكين ? Author: Bakhaf Date: 06-18-2008, 08:10 AM Parent: #43
Quote: غايتو عندي زول قال لو جون مكين فاز، بيشيل شنطته ويخلي أمريكا.
والله من الان احسن يشيل عفشه ويتخارج
اوباما شنو الفوز برئاسة كمان!!!!
سودانيين امريكا عايشين في عالم خيالي ؟؟؟؟
خليكم واقعيين شويه!!!
كلام غريب
.
Post: #45 Title: Re: من سيفوز برئاسة أمريكا, أوباما أم مكين ? Author: ثروت سوار الدهب Date: 06-23-2008, 07:11 AM Parent: #44
جني
Quote: اذا لم يختار اوباما هيلارى نائبة له فسيكون قد ارتكب غلطة العمر وسيخسر الانتخابات قبل ان تبدأ! 30% من انصار هيلارى سيصوتون ليس حبا فى مكين ولكن نكاية فى اوباما! بكرة تشوف يا ثروت
60 إلى 80 % كفاية جدا من ناس هيلاري
بالمناسبة الشريحة الصعبة التحريك التي دعمت هيلاري كيلنتون، اصلا اسمهم ديمقراطيي ريغان. لانهم يصوتون للحزب الجمهوري منذ رولاند ريغان بإستمرار. و لانهم محافظون اجتماعيون. الكثير من موقف بعضهم موقف عنصري للاسف. مثلا 20% من مصوتي هيلاري في البرايمري في ولاية كانتكي اقروا لخبراء الاستطلاع بانهم صوتوا ليلاري كيلنتون فقط لانها بيضاء.
عشان كدا مافي داعي لهيلاري دي ابدا. لانو ما في فايدة من جودها في التذكرة الانتخابية تذكر في مجال جلب تلك الشرائح. الجماعة ديل ما ح يجو لمعسكر اوباما مهما كان.
و اخر استطلاع تابعته قبل اسبوعين تقريبا يقول بميول 60% من ناخبي كيلنتون لصالح اوباما. و اخر احصاء للسي ان ان قبل ايام، وجد اوباما متقدم على ماكين في الولايات التي تسمى بارض المعارك و هي فلوريدا بانسلفانيا و اوهايو. و لو تلاحظ فقدها اوباما كلها في البرايمريس لمصلحة هيلاري. مما يدل بتحرك اعضاء الحزب الديمقراطي للالتفاف حول المرشح المفترض للحزب براك اوباما.