ما بين عزاز شامي وامنة مختار... مالكم كيف تحكمون؟؟؟؟؟

والله بغض النظر عن اي كلام تقولوه اثبتو انكم لا حكيمين ولا عادلين ولا فيكم ذرة مروءة وشهامة (الا من رحم ربي.. وما حاخصص اسماء لانو الشر يعم.. لكن كل من يقرأ يستطيع ان يميز)..

انطباعيين لاقصى درجة.. كتيرين من الجو شايلين سيوفهم ومفاريكهم للذود عن عزاز ما وقفوا مع نفسهم مجرد وقفة عشان يتذكروا (فاصلحوا ذات بينهم).. لا.. جو طوالي شايلين القبح الما بيفضح غير دواخلهم فقط..

بغض النظر عن من اخطأ.. فكلنا بشر.. ممكن عزاز تكون غلطت في حق امنة, فهي بلا شك غير معصومة, وممكن امنة تكون غلطت في حق عزاز برضو.. لكن كونو الواحد يجي طوالي يحمي النيران ويتصدر للمشاكل بالاسلوب القذر دا.. فكل اناء بما فيه ينضح..

ترضو والا تزعلو والا تضربوا راسكم في اقرب حيطة.. الراجل لما يفتح خشمو في مشاكل بين اتنين من اخواتو والمحسوبات عليو بغض النظر عن انو بميل لمنو فيهن.. فبيحاول يلملم ويغتغت ويستر.. وكان غلبو خلااااص اللمليم بيبلع السيف متني ويسكت..

ويا علاء حيمورة.. سقطت اليوم سقوطا لا يدانيه سقوط..
وللاسف.. واحد في الشال سيفو وكال النبذ لامنة عشان كلاما في حق عزاز الما كان فيو اي جملة واضحة وصريحة.. اتدمدم واتغتغت قدام كلام علاء الوااااااضح ولغته البذيئة واشاراته الساقطة واكتفى بقول (دا ما بشبهك.. ويا ريت تحذف.. ونرفض ونشجب)

اخجلوا يااااااااخ
ان الله يامركم اذا حكمتم بين الناس ان تحكموا بالعدل....

_____________________________________

وناس الفتنة نائمة لعن الله من ايقظها واخص بالقول الاخ تبارك شيخ الدين.. فربما يكفينا منك ان يكون لك وزر كل كلمة بذيئة او ساقطة قيلت هنا لا ينقص ذلك من اوزار قائليها شيئا..


التحية للاخت عزاز شامي.. وكوني جميلة كما انت.. قلبا وقالبا..

والتحية للاخت امنة مختار.. وارجو الا تنقادي لاستفزازات اخوتنا الرجال هنا (سامحهم الله) حتى لا تتعمق جذور القطيعة بينك وبين اخت لك.. يكفيك منها انها من بلادك..

كبيرة يا رشا والله

قلنا الصلح خير وكفى

والنعم فيك يا رشا

Quote: ترضو والا تزعلو والا تضربوا راسكم في اقرب حيطة.. الراجل لما يفتح خشمو في مشاكل بين اتنين من اخواتو والمحسوبات عليو بغض النظر عن انو بميل لمنو فيهن.. فبيحاول يلملم ويغتغت ويستر.. وكان غلبو خلااااص اللمليم بيبلع السيف متني ويسكت.. ويا علاء حيمورة.. سقطت اليوم سقوطا لا يدانيه سقوط.. وللاسف.. واحد في الشال سيفو وكال النبذ لامنة عشان كلاما في حق عزاز الما كان فيو اي جملة واضحة وصريحة.. اتدمدم واتغتغت قدام كلام علاء الوااااااضح ولغته البذيئة واشاراته الساقطة واكتفى بقول (دا ما بشبهك.. ويا ريت تحذف.. ونرفض ونشجب) اخجلوا يااااااااخ ان الله يامركم اذا حكمتم بين الناس ان تحكموا بالعدل....

طيب يا رشا قبال ما نضرب راسنا بالحيطة بتاعتك دي .. إنت ليه بتتعامي عن بعض الساءات وبتطلعي حكيمة في بعض الأمور ..
أول حاجة لي علمك قبال راسنا ما ينضرب بالحيطة ,, عزاز انا تحجديدا ما جيت داخل علشان ادافع عنها ولا من عادتي بين اخواتي بدخل بيناتن .. لكن في حال انو اي واحده هنا تتعرض للظلم من اي واحد من الناس التافهه اللافه هنا دا .. وعامله فيها مناضلة وتصنف على كيفه .. والله ما بيعجبني الوضع والحمد لله عبرت عن شعوري كتير جدا في الوقت الما بنشوفك بي حكمتك دي فيهو ..
يعني اختذلتي المسالة في انها صراع بين اتنين .. طيب قبال ما يظهر الحاصل دا وتقعدي تعايني للناس ديل ما كان تديني تبارك شيخ الدين للعملو مع عزاز دا .. قبال ما تجي تفتشي ليك مبررات غريبه جدا لي آمنة مختار والظاهر عليها عايزه ليها اي مدخل علشان تقول اي كلام في اي شخص ما عاجبه وما تتورع في انها تقول الكلام دا لي اي زميلة هنا .. بس بي فهم انها جلابية .. والفكرة دي مسيطرة عليها .. لحدي الآن اتنين من الأخوات .. ياربي لو بكره اتقلب الأمر عليك في اي خلاف ح نلقى نفس حكمتك ونفس حيطتك المايلة الكان ضربناها ليك بي دماغنا ممكن نهدها ليك على راسك برضو ..؟
ما عايزنك تخجلي يا رشــا .. لكن مرة واحده بس .. ما تلمي الناس في كرتونة واحده المخطي على المصيب .. وتصرفي ليهم البعجبك من توصيات ..

Quote: طيب يا رشا قبال ما نضرب راسنا بالحيطة بتاعتك دي .. إنت ليه بتتعامي عن بعض الساءات وبتطلعي حكيمة في بعض الأمور .. أول حاجة لي علمك قبال راسنا ما ينضرب بالحيطة ,, عزاز انا تحجديدا ما جيت داخل علشان ادافع عنها ولا من عادتي بين اخواتي بدخل بيناتن .. لكن في حال انو اي واحده هنا تتعرض للظلم من اي واحد من الناس التافهه اللافه هنا دا .. وعامله فيها مناضلة وتصنف على كيفه .. والله ما بيعجبني الوضع والحمد لله عبرت عن شعوري كتير جدا في الوقت الما بنشوفك بي حكمتك دي فيهو .. يعني اختذلتي المسالة في انها صراع بين اتنين .. طيب قبال ما يظهر الحاصل دا وتقعدي تعايني للناس ديل ما كان تديني تبارك شيخ الدين للعملو مع عزاز دا .. قبال ما تجي تفتشي ليك مبررات غريبه جدا لي آمنة مختار والظاهر عليها عايزه ليها اي مدخل علشان تقول اي كلام في اي شخص ما عاجبه وما تتورع في انها تقول الكلام دا لي اي زميلة هنا .. بس بي فهم انها جلابية .. والفكرة دي مسيطرة عليها .. لحدي الآن اتنين من الأخوات .. ياربي لو بكره اتقلب الأمر عليك في اي خلاف ح نلقى نفس حكمتك ونفس حيطتك المايلة الكان ضربناها ليك بي دماغنا ممكن نهدها ليك على راسك برضو ..؟ ما عايزنك تخجلي يا رشــا .. لكن مرة واحده بس .. ما تلمي الناس في كرتونة واحده المخطي على المصيب .. وتصرفي ليهم البعجبك من توصيات ..

Quote: انا ما بتشتفزني إلا جنس الكتابات دي.. يجي ابو ساندرا يقول ليك و(لآمنة السلام والحب والإحترام) وماعارف(المكتظ بالفهم والإستعلاء الذكوري وبالعنف والقسوة) وتجي رشا وتقول ليك (اخت لك..) و(اخوتنا الرجال هنا (سامحهم الله) هسي الرجال مالم.. ماياهو دي بت جات قات ليكي انا قليلة ادب وما متربية .. وجات ورتنا فهم قلة الادب وعدم التربية... وطرشت لينا من معين اصلها .. الرجال ذنبهم هسي شنو؟!! تجي انتي تقولي سامحنا الله ويجي ابو ساندرا يقول الاستعلاء الذكوري والبطيخ الاحمر.. انتو شيوعين معقدين وعندكم جن بتاع استعلاء وذكورة طايرة ليكم وماعارفين محلها وين ولا قصتكم شنو بالضبط.. بت بتنبذ في بت .. مال هذا الموضوع ومال الذكورة والاستعلاء ومسامحة الرجال.. ده كوم والكوم التاني ياستي رشا.. ياخي البت قات ليها انتي تحرشتي بي جنسياً وانتي وانتي وانتي وشالت وكيلت ليها من كل اصـول اللارباية نبذة.. تجي تقولي ليها (اخت لك).. الخوة دي غيروها؟؟ غيروها هي؟؟ خوة شنو يا رشا ؟؟انتي بتستفزينا ولا القصة شنو؟؟ بتستهتري بي قيم الشتيمة المالحة دي ولا عالمك بلغ درجة من الوردية وبقيتي ما تفرزي الكلام؟؟ قذف (قليلات الادب) والشتايم دي ما واقعة ليك ولا بتستهتري بي مشاعر (بنات الاصول)؟؟

بعد اذن زوار البوست.. سابتدر ردودي بالاخوين تمبس ودكين..

اولا, انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم..

لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم.. ولا واحد فيكم ما بهدي التاني.. نعم امنة غلطت في حق عزاز.. خلاص يعني.. فجرت.. استحقت القتل والشنق والتنكيل!!!! ما عندها طريقة تستتاب بها مرة واحدة في هذا الامر ولا اقول ثلاثا؟؟؟

اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو...

لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟ ما هدا علاء قال كلام سيء في حق امنة.. كتبتو شنو؟؟ "كدا ما صاح يا علاء" "الكلام دا ما بشبهنا يا علاء" "احذف لو سمحت".. وفعلا.. استجاب علاء لمناشداتكم وحذف العبارات الطلعت منو ساعة غضب...
كنتو حتخسرو شنو لو اتعاملتو مع امنة بنفس الاسلوب دا؟؟؟؟
وما بالكم انها ممن قال فيهن عليه الصلاة والسلام "ما اكرمهن الا كريم وما اهانهن الا لئيم"


ويا دكين.. البت نبذت البت.. البت الاتنبذت دي ما عندها ايدين ولا كيبورد ترد بيهن؟؟
ثم انو انت الراجل الدخلك شنو في نبذ النسوان؟؟؟
لما يتعرض لعزاز راجل زيك.. ابقى سل سيفك وامرق معاو الخلا اضبحو من الاضان للاضان.. لكن شفتنتك دي ما تعملا علي بت زيها وزي عزاز..

وبتهيأ لي عزاز ست الحق فضلت الصمت.. تفتكروا فضلت الصمت ليه؟؟؟؟ ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها"..

يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات.. ولو كنتو انتو برضو اتلهيتو علي عينكم وسكتو كانت امنة برضو سكتت وما زاد اللغو والكلام الفارغ والحبل الميت بتاع قالت عن نفسها وبطيخ المسكت انت هسي فيو دا..

وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب






__________

حكمة اليوم..

الجفلن خلهن اقرع الواقفات...

رشا حاتم

تعرفي كل كلمة تكتبيها في هذا البوست هي خصم عليك ؛ وكل مكابرة وركوب راس وخطاب عشوائي وانحياز للظلم تقول عنك .

Quote: اولا, انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم..

طيب ليه نصبتي نفسك قاضية هنا ومارستي الظلم الفادح واردتي ذبح عزاز للمرة التانية ؟؟

Quote: لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم.. ولا واحد فيكم ما بهدي التاني..

انت كاذبة .. انا هديت آمنة وهديت علاء وهديت البفية؛ علاء ارعوي ومسح كلامهم المسيئ ؛ وآمنة سدرت في ممارستها للانتحار .. وكذلك فعل العديدون ممن انتقدوا امنة ومع ذلك رفضوا الخطاب الفاحش ضدها؛ الكذب العليك شنو ؟؟ ولا عايزا تكملي الظلم بالكذب كمان ؟؟

Quote: نعم امنة غلطت في حق عزاز.. خلاص يعني.. فجرت.. استحقت القتل والشنق والتنكيل!!!! ما عندها طريقة تستتاب بها مرة واحدة في هذا الامر ولا اقول ثلاثا؟؟؟

لا .. لا تستحق القتل والتنكيل ولا نقبله لها؛ يجب قول الحقيقة في وجهها فائدة لها؛ وليس لعب لعبة الثلاثة الاورواق وخلط الحق بالباطل كما تفعلين.

Quote: اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو...

العدل يا ستي قبل الاحسان ... ومن يرفض الحق تكبرا واعتزازا بالاثم يسيئ لنفسه لا غير .

Quote: لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟ ما هدا علاء قال كلام سيء في حق امنة.. كتبتو شنو؟؟ "كدا ما صاح يا علاء" "الكلام دا ما بشبهنا يا علاء" "احذف لو سمحت".. وفعلا.. استجاب علاء لمناشداتكم وحذف العبارات الطلعت منو ساعة غضب... كنتو حتخسرو شنو لو اتعاملتو مع امنة بنفس الاسلوب دا؟؟؟؟

انا اتعاملت معها بهذا الاسلوب ولم تستجب حتى الان؛ وآمنة صديقة عزيزة وانا كنت احترمها كثيرا واودها جدا؛ وقد ناصحجتها فلم تنتصح ؛ وآمنة بما مارسته اسائت لنفسها في المقام الاول؛ وآمنة لا تجيد ضبط نفسها ولا تحتاج لمحرشين ولا مهدئين لكيما تلغ فيما ولغت فيه من الاهانات والاساءات .. زواصلا في ذلك البوست لم يستفزها احد كيما تغضب او لا تغضب بل جائته بقصد الايذاء والاساءة متشجعة بما مارسه قبلها تبارك شيخ الدين.

Quote: ويا دكين.. البت نبذت البت.. البت الاتنبذت دي ما عندها ايدين ولا كيبورد ترد بيهن؟؟

بلاي .. يعني عايزاها تبقا شكلة نسوان كما تحلمين؛ بما فيها من معيط شعر واسفاف ومفراكات ؟؟ لا والله عزاز اكرم من من هذا الذي تدعيها له ؛ ولكنك لا تعلمين؛ واكتبي أكثر حتى تفضحي نفسك اكثر .

Quote: ثم انو انت الراجل الدخلك شنو في نبذ النسوان؟؟؟ لما يتعرض لعزاز راجل زيك.. ابقى سل سيفك وامرق معاو الخلا اضبحو من الاضان للاضان.. لكن شفتنتك دي ما تعملا علي بت زيها وزي عزاز..

لا اقبل اسلوب دكين تجاه امنة او تجاه تراجي ولا اقبل اي اسلوب فيه اساءة لامراة؛ ولكن قضايا الحق العام لكل انسان حق التدخل فيها؛ ارضاء لضميرنا الحي؛ ولكن اصحاب الضمير الميت لن يعرفون شيئا عن هذا .

Quote: وبتهيأ لي عزاز ست الحق فضلت الصمت.. تفتكروا فضلت الصمت ليه؟؟؟؟ ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها"..

يا اهلنا كم من الجرائم ترتكب باسمك .. يا ستي عزاز سمتت ترفعا ان تخوض فغي مثل هذا الوحل؛ ودعت كل الناس الا يردوا عنها؛ فهل كان جز\اء الاحسان الا استمرار الاساءة ؟؟ انت عايزة عزازو تسكت وامنة تستمها وتشنع بها والناستسكت عن قولة الحق ؟؟ يا ستي الساكت عن الحق شيطان اخرس؛ فان اردتي ان تكوني شيطانا اخرس وتسكتي؛ او تكوني شيطانا ناطقا مثلما تفعلين الان بوقوفك مع الظلم وتطفيفك ومراوغتك؛ فانت حرة .. ولكن لا تدعينا لأن نكون مثلك .

Quote: يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات.. ولو كنتو انتو برضو اتلهيتو علي عينكم وسكتو كانت امنة برضو سكتت وما زاد اللغو والكلام الفارغ والحبل الميت بتاع قالت عن نفسها وبطيخ المسكت انت هسي فيو دا..

اسلوبك يحدث عنك ؛ وعشوائيتك ظاهرة في كلامك .. وانحيازك للظلم لن يتناطح فيه تيسان .. يا ستي لعزاز ان تصمت فهي صبورة وعاقلة وكريمة النفس؛ ونحن لا يهمنا حسنات عزاز في الاخرة او غيرها؛ وانما يهمنا الحق في اعتدء بشع مورس امامنا فهل نصمت ؟؟ ومرة اخرى كلام دكين مرفوض تماما؛ رغم انه رد فعل وكلام امنة كان الفعل ؛ وتطفيفك مرفوض .

Quote: وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب

ولماذا قالت ما قالت وسدرت في قولها وخطئها تجاه عزاز؛ هل مارست عليه القرصنة وحركات الرباطية ؟؟ وهل انت هنا لا تمارسين القرصنة وحركات الرباطية ؟؟

Quote: حكمة اليوم.. الجفلن خلهن اقرع الواقفات...

عجبت للظلمة يدعون الحكمة .

سلام يا رشا

هل تعنيني ببعض كلامك اعلاه؟

يا اخوانا لموا المواضيع وتعالوا مارسوا حقكم الديموقراطي هنا (تصويت) لأجمل أغنية سودانية

شلاقة

Quote: شلاقة

شلاقه جنس شلاقه


رشا


مفروض تستنكري اللغه البذيئه والجديده الدخلت علي المنتديات السودانيه قبل ما تحاولي تصلحي بين اختين

Quote: ياخ انا ذااااتى زماااان فتحت بوست للبرنسيسة عزاز شامى دى ..وندمتنى عليهو لمن سفيت التراب.. لانها فهمتنى غلط على ما يبدو ..وافتكرتنى ( بحبها) ..تخيل ؟!! آى والله صدق أو لا تصدق ..فقد سألتنى اذا كنت لا أزال ( أحبها) ؟! طبعا ما قدرت أقول ليها : منتهى قلة الأدب يا عزاز ..ليه لأننى أحترم ( المثليين ).. وأحترم ( ميولهم) وأراها طبيعية جدا.. ويبدو ان سبب ( تحرشها بى ) وغلطها على بدون اى سابق عداء لها..( فى بوست زهرة حيدر ) لأنها تأكدت انى لا بحبها ولا حاجة ..وانما هو مجرد اعجاب منى بكتابات زميلة..

Quote: والتحية للاخت امنة مختار.. وارجو الا تنقادي لاستفزازات اخوتنا الرجال هنا (سامحهم الله) حتى لا تتعمق جذور القطيعة بينك وبين اخت لك.. يكفيك منها انها من بلادك

انا ما بتشتفزني إلا جنس الكتابات دي..
يجي ابو ساندرا يقول ليك
و(لآمنة السلام والحب والإحترام)
وماعارف(المكتظ بالفهم والإستعلاء الذكوري وبالعنف والقسوة)
وتجي رشا وتقول ليك (اخت لك..) و(اخوتنا الرجال هنا (سامحهم الله)
هسي الرجال مالم..
ماياهو دي بت جات قات ليكي انا قليلة ادب وما متربية ..
وجات ورتنا فهم قلة الادب وعدم التربية...
وطرشت لينا من معين اصلها ..
الرجال ذنبهم هسي شنو؟!!
تجي انتي تقولي سامحنا الله
ويجي ابو ساندرا يقول الاستعلاء الذكوري والبطيخ الاحمر..

انتو شيوعين معقدين وعندكم جن بتاع استعلاء وذكورة طايرة ليكم وماعارفين محلها وين ولا قصتكم شنو بالضبط..
بت بتنبذ في بت ..
مال هذا الموضوع ومال الذكورة والاستعلاء ومسامحة الرجال..

ده كوم والكوم التاني ياستي رشا..

ياخي البت قات ليها انتي تحرشتي بي جنسياً وانتي وانتي وانتي وشالت وكيلت ليها من كل اصـول اللارباية نبذة..
تجي تقولي ليها (اخت لك)..
الخوة دي غيروها؟؟
غيروها هي؟؟
خوة شنو يا رشا ؟؟انتي بتستفزينا ولا القصة شنو؟؟
بتستهتري بي قيم الشتيمة المالحة دي ولا عالمك بلغ درجة من الوردية وبقيتي ما تفرزي الكلام؟؟
قذف (قليلات الادب) والشتايم دي ما واقعة ليك ولا بتستهتري بي مشاعر (بنات الاصول)؟؟





رشا بوستك ده بندق في بحر..
هبالة ساي..

ومما يستغرب له يا دكين انك زول واعي وفاهم..
واكيد حتكون عارف انو حركات الحرب بالوكالة دي ما حلوة في حقك.. والا شنو؟؟؟











اسمع,, النيولوك دا تبع حملات الدفتردار الانتقامية والا شلاقة ساي؟؟





_________________________

(متوقعة منك كل انواع الردود.. بس بتمنى انك ما تتعدى الريد لاين الفوق دا.. سمح؟)

رشا سلام

دعوتك جميله ومعبره
انشاء الله ما تكون كلمة الحق التي يرادها باطلا
فالبوست المذكور فيه اشانه لاتشبه الجميع هنا
وليت الكل يقف لحظة صدق مع نفسه

رشا حاتم

يجب ان تحلي بصفح المسيح

من ضربك علي خدك الايمن ادر له خدك الايسر


والبوجه ليك مهانة قولو مرحب زيدني تاني

Quote: بت بتنبذ في بت ..

والله انا ماكنت قايلك كده
يا دكين

عليه ، آسف

Quote: التحية للاخت عزاز شامي.. وكوني جميلة كما انت.. قلبا وقالبا..

هذا هو السطر المفيد من مجمل البوست .. خاصة بعد ماأتي بوست عزاز أكله ...

وانا معك بصرف النظر عما قلتيه ( سامحك الله ) معك وواثق في عزاز سوف تكون الاجمل بيننا ...

رشا حاتم انت ظالمة فعزاز شامي لم تتعرض لامنة مختار البتة في ذلك البوست الذي افسدته امنة مختار وتبارك شيخ الدين وشطبه ظالما بكري ابو بكر .

نصحنا امنة مختار فلم ترعوى واستخدمت اسؤا الاستاليب في محاربة بنت جنسها

مالكم لا تتحرون العدل ؟؟

عادل عبد العاطي
كف عن هذا.


انتم جماعة الايبرالي تتكالبون على آمنه مختار لانها لقنت نور تاور درسا مبالغ فيه.

غير كده بعرف شكل معالجاتك كان ممكن يكون كيف.
وكان ممكن تدخل للاثنين بالماسنجر وتهديء الجميع.


يا عادل انت آخر من يتحدث هنا عن النبذ و الفحش.
لقد كتبت لود العمدة ما لم يكتبه احد هنا.

ولم ننتدخل الا بالخير وقلنا لك كق يا عادل وهذا لا يشبهك.
اولا تحيزك واضح هنا.

قلة الادب الاتقالت لآمنه مخترا كثيرة.

علاء حيمورة آخر من يحق له الحديث عن الاخلاق
فقد كتب من قبل لمحمد حامد جمعه كلام عنصري يستحق ان يفقد باس ورده لاجله.
دين البذئي اكثر من يتباذئ هنا.


ويا دكين بطل صلقة وقلت ادب انت اول من كتب هذا هنا.

يوما كتبت انا عن آمنه مختار انها جميله
اول من قال لآمنه اعملي حسابك تراجي دي ضكيره كان دكين.

فامشيوا لم بضاعتكم الجهوية الفاسدة من وشنا.


تظل آمنه مختار نموذج مصادم شاء رجعي واستعلايئ البورد
وجلابته وذكوره ام ابو.

ويا العود المسلمي احسن برضو تقعد في علبك والا تشهد بما لا تعرف.
هذا البورد انتهكت فيه آدميتنا بكشل مبالغ فيه.
فلا تحدثنا بان فلان آتى بمن لم يآتي به من قبل او غيره.


وشكرا يا رشا وشكر يا ابو ساندرا
ويا رشا تحملي فان من يقول الحق تأكدي بانه يدفع ثمنا باهظا هنا.


ما حدث بين آمنه وعزاز لا يخرج من كونه مكاواة بينهم.

دخول الرجال الماعندهم شغلة ديل و البنعرف دوافعهم كويس آخير يتلموا.

تراجي سلامات

قلت لامنة مختار عبر الماسنجر
قبل ايام عديدة .

وقلت لها في البوستات
ودافعت عنها تجاه الفحش.

هي تصر على ممارسة الهيراكيري فمن يمنعها
ولو جائت وشتمتني وحولتني عدوها الجديد فسابتئس قليلا
لكني لن استغرب.

تفسيراتك مغلوطة كتفسيرات امنة
وود العمدة رددت له بعض بضاعته ثم اعتذرت .



كوني شجاعة وقولي لها ان ما فعلته غلط
لانك بهذا السلوك تسعديها على الانتحار.

أكعب حاجة تِدِخِّل الرجال وسط شكل النساوين
تستاهل يا دكين ...
.
.

Quote: علاء حيمورة آخر من يحق له الحديث عن الاخلاق

نجيب ليك كلامك البذيء بصوتك مع سارة ؟؟؟


خرفك مبكر يا سيدة المهذبات ...

Quote: ويا العود المسلمي احسن برضو تقعد في علبك والا تشهد بما لا تعرف. هذا البورد انتهكت فيه آدميتنا بكشل مبالغ فيه. فلا تحدثنا بان فلان آتى بمن لم يآتي به من قبل او غيره

الغلط في كلامي ده شنو؟

نقل إلى المنتهى

Quote: رشا حاتم انت ظالمة فعزاز شامي لم تتعرض لامنة مختار البتة في ذلك البوست الذي افسدته امنة مختار وتبارك شيخ الدين وشطبه ظالما بكري ابو بكر .

بكري لم يشطبه ظالما يا عادل.. بل شطبه محاولا اخفاء بعض عوراتكم..

وبرضو انا ما ظالمة.. لانو عزاز اذا اتشتمت من بت واحدة زيها فامنة اتشتمت من ستمية الف واحد..

يعني عزاز حقها اتاخد تالت ومتلت كمان.. وما كان بيحتاج منك لاعادة فتح البوست لو كنت انت ايضا عادلا

وحكيما في مثل هذه المواقف.. اللهم الا ان كنت تود صب الزيت على النار او اغاظة الطرف الثاني في

معركة ذات الاصول الكانت مدورة دي!!!!


وبعدين يا رجالنا رايكم شنو نرجع للعصر بتاع اهلنا الزمان؟؟؟ ناس ابوي وابوك وحبوبتي وحبوبتك؟؟

الكانو لما تكون في شكلة بين نسوان بقومو الرجال يزحو بعييييد ويخلو النسوان الزيهن يحكمن بينهن.. اها يقومن النسوان يتدوسن ليك في بعضن وعجاجتن حدها السما.. ويلمن ليك في الخاتية دي يمعطنها ويشلضمنها لغاية ما تقول حقي برقبتي وتعتذر للتانية.. ويقومن عادي بعد داك يتنفضن ويشيلن مفاريكن ويمشن يكملن سواطتن

اها,, عملن بالمثل القائل "الجنس للجنس رحمة" يا ريت تطلعو انتو من مواضيع فلانة نبذت علانة وقالت ليها وديك مسكينة والتانية اصلا من يوما خاتية ومارقة للربا والتلاف.. وتفضوا للبلد الراجياكم والمعارك الجد جد.

رشا حاتم

Quote: بكري لم يشطبه ظالما يا عادل.. بل شطبه محاولا اخفاء بعض عوراتكم..

يا ستي اهو دا البوست ؛ ولو فيهو عورة واحدة لي جيبيها ؛ ولو ما فيهو انت تكوني كاذبة بي شهادة ..

الصفحة الأولى

الصفحة الثانية

Quote: وبرضو انا ما ظالمة.. لانو عزاز اذا اتشتمت من بت واحدة زيها فامنة اتشتمت من ستمية الف واحد..

انتي الظالمة لانك وضعتي عزاز وآمنة في كفة واحدة؛ وامنة معتدية وعزاز ضحية؛ بل حاولتي ان توحي ان عزاز هي المخطئة؛ وقد ادنت انا كل من شتم آمنة باسلوب فاحش وبانتهاك لانسانيتها وخصوصيتها؛ ولا ازال اديسنهم؛ ولكن في اعتداء امنة على عزاز فان آمنة هياستخدمت تلك الاساليب تجحاه عزازتجاه عزاز؛ وعزاز لم تفعل ذلك ؛ بل لم تقل لها شيئا.

انت ظالمة جدا وتصرين على الظلم .

Quote: يعني عزاز حقها اتاخد تالت ومتلت كمان.. وما كان بيحتاج منك لاعادة فتح البوست لو كنت انت ايضا عادلاوحكيما في مثل هذه المواقف..

وهل نحن نتكلم عن الحق ام عن اسفاف المسفين؛ وفي اولهم امنة ؟؟ وهل يجوز لك مساواة موقف عزاز بموقف امنة؛ الا ان تكوني ظالمة ممعنة في الظلم؛ وعزاز حنست الناس تحنسيا الا يردوا؛ ولكن مع ظلمة مثلك لا بد ان نرد .. واين حكمتك انت يا قراقوش زمانك ؟؟ فاتحة بوست تساوي فيه الجاني بالضحية؛ وتميلي لصالح الجاني ؟؟ وعايزانا نسكت ؟؟ وانا افتح بوستات زي ما عايز ؛ في زول سألك فاتحة البوست دا ليه ؟
يا ظالمة ؟؟

Quote: اللهم الا ان كنت تود صب الزيت على النار او اغاظة الطرف الثاني في معركة ذات الاصول الكانت مدورة دي!!!!

ولماذا اغيظ احدا اذا احتفيت بشخص؟؟ واي معركة كانت مدورة يا ستي ؟؟ زول فتح بوست يحتفي بانسان ؛ فأتي شخصان وخرباه ؛ فاين المعركة والمعترك ؟؟
هنا ظلم وعدوان يا ستي ؛ ولكن يبدو ان معاييرك مختلة وظلمك فايت الحد ولذا لا تري الظلم البائن .

Quote: وبعدين يا رجالنا رايكم شنو نرجع للعصر بتاع اهلنا الزمان؟؟؟ ناس ابوي وابوك وحبوبتي وحبوبتك؟؟ الكانو لما تكون في شكلة بين نسوان بقومو الرجال يزحو بعييييد ويخلو النسوان الزيهن يحكمن بينهن.. اها يقومن النسوان يتدوسن ليك في بعضن وعجاجتن حدها السما.. ويلمن ليك في الخاتية دي يمعطنها ويشلضمنها لغاية ما تقول حقي برقبتي وتعتذر للتانية.. ويقومن عادي بعد داك يتنفضن ويشيلن مفاريكن ويمشن يكملن سواطتن

ما هذا التخلف يا ستي ؛ وهل تريدي سوق النساء للتكل من جديد؛ وعزل المجتمع في قسمين واحد للرجال واخر للنساء ؟؟ ولم تصوري هذا الاعتداء انه مجرد شكلة نسوان ؟؟ واين حقنا الانساني في رد الظلم عن الانسان رجلا كان ام امراة؛ واين كان موقفك في ذلك البوست كأمراة؛ عملا بمنطقك المتخلف والاعرج ؟؟ ولماذا لم تتدخلي هناك وتمعطي المخطئة؛ بدلا من ان تفتحي بوستا تنعدم فيه ابسط قواعد العدل؛ تساوي فيه بين الجاني والضحية؛ وتطالبينا بعدم تصويبك باعتبار ان ما تم "شكلة نسوان" .
لا يا ستي .. انتي هنا تحاولين ان تبرري لظلمك بالرجوع لعهود التخلف؛ ونحن نتعامل مع الاعضاء هنا كبشر كاملي الاهلية؛ لا كنسوان قاعدات في التكل يتشاكلن ويتماعطن؛ ويرجعن بعد داك لي سواطتن (والسواطة دي شنو يا ستي ؟؟ اوعا تكون تدبير المنزل او عملهن الشاق عندك سواطة ؟؟) .

Quote: اها,, عملن بالمثل القائل "الجنس للجنس رحمة" يا ريت تطلعو انتو من مواضيع فلانة نبذت علانة وقالت ليها وديك مسكينة والتانية اصلا من يوما خاتية ومارقة للربا والتلاف.. وتفضوا للبلد الراجياكم والمعارك الجد جد.

لا يا ستي انا ما بطلع؛ لأن الاساءة لانسان دون ذنب؛ واستخدام احط وسائل اغتيال الشخصية واكثر الاساليب رجعية وفحشا من قاموس القوى المتخلفة ضد النساء؛ هي اشياء تستحق الوقوف ضدها من كل شريف؛ وهي معركة حقيقية للعدل والحقيقة؛ وهي من صميم قضايا التغيير الاجتماعي؛ لا تصلح البلد الا بصلاحهاا ؛ وليس هناك معارك اكبر منها ومعارك جد جد غيرها؛ فالمواقف لا تتجزأ ؛ والعدل واحد ؛ والناس سواسية في الحقوق والواجبات؛ نسائهم ورجالهم .
اما اذا ظننتي ان الناس يمكن ان تهين الناس ساي كدا - سمبلة - وتؤذيهم ؛ رجالا كانوا او نساء؛ وسواء كان هذا الظلم اات من رجل او امراة؛ ونتركهم دون ان نقول رأينا؛ لانهم "نسوان" او رجال؛ فانك فعلا تعبرين عن افقك المنخفض ؛ وعن احتقارك لجنسك واخواتك من النساء؛ واحتقارك لقيم العدل والحقيقة.

قالت رشا :
واكيد حتكون عارف انو حركات الحرب بالوكالة دي ما حلوة في حقك.. والا شنو؟؟؟



كااااااااااااااااااااااااااااااااااااااااك .. خخخخخخخخ ..









بالغتى فوكها والله ...

عارفة يا رشا ..
الخسران في المعركة الهلامية دي كلها السيدة المحترمة آمنة مختار ..
لانها في كل مرة تسقط فيها بلفظ مخجل .. تجد كوم كبير من الذين يلبسون الحق بالباطل ..
آمنة اخطأت خطأ لا يغتفره مجتمعنا المحافظ .. ما عندنا بنات بتلفظوا الألفاظ دي ..
البنات عندنا يا ست رشا ( حاجة فيك تقطع نفس خيل القصايد ) ..
بنقبل الولد الصعلوق الوسخان الاشتر .. بس البت ( يا سلام ياخي الله فوقا ) ..

..
..

اتكلموا مع السيدة المحترمة في ما بينكم وانصحوها عشان نفسها .. وبلاش من موضوع البوستات الدعائية البتفتح الموضوع دا مرة تانية ..

..
..

عادل عبدالعاطي ..
يبدو لي ان مداخلات ضررها اكثر من نفعها .. وربما تُدخل اطراف آخرى في الامر ..
اترك الامر الآن لتجنب الاساءة التي تلحق بالاخرين من خلال المكايدة لك ..

Quote: عارفة يا رشا .. الخسران في المعركة الهلامية دي كلها السيدة المحترمة آمنة مختار .. لانها في كل مرة تسقط فيها بلفظ مخجل .. تجد كوم كبير من الذين يلبسون الحق بالباطل .. آمنة اخطأت خطأ لا يغتفره مجتمعنا المحافظ .. ما عندنا بنات بتلفظوا الألفاظ دي .. البنات عندنا يا ست رشا ( حاجة فيك تقطع نفس خيل القصايد ) .. بنقبل الولد الصعلوق الوسخان الاشتر .. بس البت ( يا سلام ياخي الله فوقا ) .. .. .. اتكلموا مع السيدة المحترمة في ما بينكم وانصحوها عشان نفسها .. وبلاش من موضوع البوستات الدعائية البتفتح الموضوع دا مرة تانية ..

كلامك عين العقل يا حميدة..

رغم انو الزمن الكعب هو الخلا النسوان يقيفن ويقالبن الرجال ويقلعن حقوقن بضراعن لكن برضو بيفضل كلام اماتنا انو البت ما مفروض تطلع الشينة منها.. ولا مفروض تتصدر للمشاكل للدرجة التدي من يلبسون الحق بالباطل فرصة انهم يتناشبوها..

امنة غلطانة ثم غلطانة.. موش في حق عزاز فقط.. في حق نفسها ايضا.. لكن كان لازم يتفتح البوست دا بوجهة نظر تدين اولا تصرفات الرجال الاستنكروا علي امنة الفاظا ووقفتا قدامهم واعتبروها فجور منها وما استنكروا علي نفسهم التصدي ليها الخلاها تزيد في غيها..

ابواتنا يا حميدة.. الرجال التمام مقنعين الكاشفات ومدرجين العاطلات..
الواحد فيهم بيملص هدمو عشان يستر بيو مرة ما بعرفا ولا شافا قبل كدا..
ابواتنا يا حميدة.. الرجال الصاح.. ما بقيفو قدام النسوان الا بالخير.. وايدهم ما بتتمد ليهن الا عشان يزيلو منهن اذى.. ولو لقو الواحدة متمرغة في الطين.. بيسترو عليها ويمرقوها منو..

ديل الرجال عندنا يا حميدة.. ويا سلام عليهم وربنا ما يعدمنا ليهم..

عادل عبد العاطي
سلامات

اقتباس:
كوني شجاعة وقولي لها ان ما فعلته غلط
لانك بهذا السلوك تسعديها على الانتحار.



الكلام ده تقوله لزولة ليست مثلي ولا في آمانتي ولا نضجي لعلمك.
ما بيني وبين آمنه اكبر من معرفة مواقع انترنت.

وآمنه اعرف كيف انصحها كاخت مخلصه
واعرف متى يتم هذا واين
ولا اعمد للاستعدراض مثل بعض اصدقائك ممن يتعرضون هنا بنصحك ويعملوا فيها اهلا الاخلاق.

ولكني حفلات الشواء الآدمي اعرفها جيدا.
واعرف المتخصصين باقامتها بهذا البورد واعرف دوافعهم جيدا.
لذا اتصدى.

ما يحدث هنا لا حق له ان يوجه آمنه حوله.
بكري عنده لوائح خالفتها يورينا وين ويقول لها اتكلي على الله.

ما يحدث اغتيال شخصية ومن غوغاء نعرفهم جيدا
وكنت اتوقعأ ان تربأ بنفسك عن هذا الوحل.


وخلينا من حكياة مالكم كيف تحمكون وعاملين فيها ابهات الاخلاق هنا
فقد راينا ميلان الكفلة وتطفيفي الميزان كثيرا يا عادل ولن انكشه هنا لانه ليس وقته.


كفوا ايديكم عن آمنه مختار
والا فاليتحول الموقع لامدرامان آخرى لصراع المركز و الهامش.
فالغالبيه تصفي حسابتها هنا ومن هذا المنطلق.


وما فاضل الا تجي نور تاور تقول آمنه استعانت بقوات
تشاديه ومرتزقة اي دفعت لتراجي لتقول هذا؟؟!!
كله وارد ومتوقع من جلابة البورد.

لسه منتظرك يا رشا ...


عشان ما اقول الكلام هنا ويحرج الناس العزاز ...

سلام للجميع
امنة و عزاز لهن القدرة و العقل و الشوف البقدروا يحلو بيهو خلافاتهن و سوء الفهم ان وجد.

الاتنين من الاقلام والعقول النبيهة والشجاعة و المتبصرة. وكاى بشر لكل عيوبها واخطائها و نواقصها.

ما يدور هنا ـ غض النظر عن النوايا والدوافع ـ يزيد الشقة و يحمى نيران في ما هو عادى ويحدث كل يوم ولحظة.

اتركوا عزاز و امنة في حالهن و سيصلن يوما ما بطريقة ما لتفاهم يخصهن وحدهن... كبشر جميل و كنساء مستقلات و يسعين للحفاظ على كيانهن و استقلالهن.

Quote: اتركوا عزاز و امنة في حالهن و سيصلن يوما ما بطريقة ما لتفاهم يخصهن وحدهن

ده الكلام ياعصام...

سلام للجميع

هذه ليست المرة الأولى التي تكتب فيها آمنة مختار تلميحات سخيفة،
وبالنسبة لي: قلمها ليس جديرا بالاحترام.

كتبت ذات مرة (في مقال تم حذفه) ملمحة إلى سبب سخيف لقلة
تداخل الزميلات مع الزميل قاسم المهداوي، ومعرضة بالزميل
-برضو- طلال عفيفي:

Quote: خلى طلال يسلفك شوية كحل من عيونو الكحيلة العاجباهو وعاجبه جكس المنبر دى وأضمن ليك ..عينك ما تشوف الا النور

الى تراجى مصطفى و...طلال عفيفى

بالنسبة لي: إنصاف المعتدى عليه أوجب من الصلح (يعني نحن نقول
الحقيقة والمظلوم بعد داك حر: يعفو أو لا يعفو). ومن الواضح أن
تلميحات آمنة مختار لعزاز شامي تلميحات سخيفة للغاية تستحق
الشجب بلا إبطاء.

(هذا رجل وهذه امرأة) تصنيف لا يهمني كثيرا. الناس هنا كلهم
كبار ومسؤولون عما يكتبوه.

..
.
قدر دا !!؟

______________

اللهم لا اعتراض فى خلقك

Quote: بعد اذن زوار البوست.. سابتدر ردودي بالاخوين تمبس ودكين.. اولا, انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم.. لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم.. ولا واحد فيكم ما بهدي التاني.. نعم امنة غلطت في حق عزاز.. خلاص يعني.. فجرت.. استحقت القتل والشنق والتنكيل!!!! ما عندها طريقة تستتاب بها مرة واحدة في هذا الامر ولا اقول ثلاثا؟؟؟ اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو... لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟ ما هدا علاء قال كلام سيء في حق امنة.. كتبتو شنو؟؟ "كدا ما صاح يا علاء" "الكلام دا ما بشبهنا يا علاء" "احذف لو سمحت".. وفعلا.. استجاب علاء لمناشداتكم وحذف العبارات الطلعت منو ساعة غضب... كنتو حتخسرو شنو لو اتعاملتو مع امنة بنفس الاسلوب دا؟؟؟؟ وما بالكم انها ممن قال فيهن عليه الصلاة والسلام "ما اكرمهن الا كريم وما اهانهن الا لئيم" ويا دكين.. البت نبذت البت.. البت الاتنبذت دي ما عندها ايدين ولا كيبورد ترد بيهن؟؟ ثم انو انت الراجل الدخلك شنو في نبذ النسوان؟؟؟ لما يتعرض لعزاز راجل زيك.. ابقى سل سيفك وامرق معاو الخلا اضبحو من الاضان للاضان.. لكن شفتنتك دي ما تعملا علي بت زيها وزي عزاز.. وبتهيأ لي عزاز ست الحق فضلت الصمت.. تفتكروا فضلت الصمت ليه؟؟؟؟ ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها".. يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات.. ولو كنتو انتو برضو اتلهيتو علي عينكم وسكتو كانت امنة برضو سكتت وما زاد اللغو والكلام الفارغ والحبل الميت بتاع قالت عن نفسها وبطيخ المسكت انت هسي فيو دا.. وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب

شكرا رشا

اعتقد ان امنه وعزاز قادرات علي معرفة الحوار والتواصل وحل المشكلة التي بينهما من غير اتيام مشجعه هنا وهناك


اتمني الا تطول الخصومه ويحكم صوت العقل
للجميع سلامي

اعجبت بطرح رشا وموضوعيتها
لها التحية والاجلال

Quote: سلام للجميع امنة و عزاز لهن القدرة و العقل و الشوف البقدروا يحلو بيهو خلافاتهن و سوء الفهم ان وجد. الاتنين من الاقلام والعقول النبيهة والشجاعة و المتبصرة. وكاى بشر لكل عيوبها واخطائها و نواقصها. ما يدور هنا ـ غض النظر عن النوايا والدوافع ـ يزيد الشقة و يحمى نيران في ما هو عادى ويحدث كل يوم ولحظة. اتركوا عزاز و امنة في حالهن و سيصلن يوما ما بطريقة ما لتفاهم يخصهن وحدهن... كبشر جميل و كنساء مستقلات و يسعين للحفاظ على كيانهن و استقلالهن.

شكرا يا عصام جبر الله.

الأخت عزاز
الأخت آمنة
وصاحبة البوست / رشا

السلام على أرواحكم الطيبة
شكراً الأخت رشا ولنقل : ( ,إن تصلحوا... فالصلح خير ) الآية .. إسمعا لرجلٍ كهلٍ ضحك المشيب برأسه فبكى ، الحياة قصيرة مهما طالت فلماذا لا نجعلها روضة نضوع أريجه بعبق طيب .. أنتما روحان طيبتان زرعتما في هذا المنتدى طيباً بألق المشاركة ووهج الكلمة ؛ فلا تدعا للحزن موطيء قدم .. ومن بدأ منكم فهو الأخير ، رجائي لكما ومنكما طي صفحة الحزن والألم فالأخيار في هذه المساحات يتمنون منكما ولكما الوئام .. أنتما روحان سمحتان متسامحتان طيبتان .. لنبدأ صفحة جديدة ضوعها مسك .. فلا عتاب لما مضى .. مجرد كلمات يفوح منها الطيب من كل منكما للأخرى تُجمِّل هذا المكان .. دعونا نزرع الف زهرة ولا نسمح لشوكة واحدة تشوك إحداكما ؛ فهذا يحزننا .. أتمنى عليكما أن تبدءآ بكليمات الطيب وأنا على يقين أن ما بينكما سوء تفاهم لا يرقى للخصام والقطيعة فما يجمعكما أكثر وأكبر مما يفرقكما .. الحياة جميلة رغم صعابها .. والأجمل أن نتجاوز صعوباتها وخصوماتها بروح التسامح فالقلوب النبيلة لا تمل الغفران .. وأمنى على الآخرين أن يشاركوا في دعوة الوئام لا أن نشعل أوار الخصام .. شكراً رشا على روحك الطيبة الجميلة .. لك مني باقة من نسرين إمتناناً وتقديراً.

Quote: الأخت عزاز الأخت نادية وصاحبة البوست / رشا

كااااااااااااااااااااااااااااك ..كاااااااااااااااااااااك ..كااااااااااااااااااااك ..

وكما يضحك بندق في ميكي جيب
كئ كئ كئ كئ كئ كئ كأأأأأ كأأأ كأأأأ

يا جماعة نادية دي تطير عيشتا ..
أحب هارموني وأموت في ساهور..
أصحى يا ابوبكر ..

امنة مختار تحيّر..
يجوها الرجال تقول ليك حاولوا يغتصبوني ويتحرشوا بي !!
يجوها البنات تقول ليك حاولوا يخلوني مثلييّة وما ادراك ما سحاق !!!
اقترح عليك يا امونة خيتي تبني ليك صومعة في المنطقة ما بين سنكات وجبيت على سفح جبل تتعبدي وتذكري الله كثيراً يقوم ليك دقن ابيض وضهرك يتحني وتشيلي ليك عكاز مربوطة فيهو قفة تجولي اطراف السودان والدول المجاورة داعية للرسالة ويتعمل ليك أحلى كتاب قصص أطفال ملوّن يسموهوا :
الجدة أمنة والأرنب الذكي ..

falsh Back:
يا سلااااام ياخ أخيراً كتبت بي الإنجليزي جملة مفيدة من فعل وفاعل ومفعول به ..
الموضوع بيني وبينكم شكل نسوان بس المشكلة غنو شكل النسوان دائماً ما يرتبط عندي بي مرا سمييينة لابسة ليها توب مشرّط وقميص نوم وسخان من قعدة المطبخ مع سن دهب وضراع كبير توبها يجرجر بي الواطـــة وشافعها يصرخ ويبكي تبدا المعركة بدق الصفايح وطلّيع الفضايح مع ضربة يد بأخرى في شكل (كيّة) مدعومة بأمثلة تذكيرية :
نسييييتي ؟؟؟ نسيييتي لمن هناااااااااااي داك ؟
وانتي نسيتي لمن اسمو منو داااااااااااااك ؟؟
هيييييييييييييي يا مرا هيييييييييييي أرعي بي قيدك ؟
انا برضو ؟؟ هيهيييييييييييييييييييييييييييييييييييييي !!!

المخرجات من الشكلة :
يستفيد منها نسوان الحلّة بالخروج بمعلومات قد تعينهن في اي يوم يتشاكلن مع المرتين ديل ..

اها يا عزاز وامنة فيكم المواصفات دي عشان تتشاكلوا ولا نمشي ناكل باسطة ؟

لو الإجابة لأ الله يرضى عليكم يا ناس البورد ارخو الموضوع ده وسيبو الناس في حالهم ..

..
.

والله فضول يا الفاروق
جيت بس اشوفكـ انت شايت ووين ..
لقيتك بتكاكى فى أبوبكر ..

صراحة ما عارفين الدور الجاى على منو ؟؟
كل اسبوع نقاش وشكلة* وهجوم على زول
المنبر بقي ارض عمليات ...

________________

*شكلة دى ما ليكِ .. سمح

حذف مع بقاء وجهة نظري كما هي ...

Quote: بعد اذن زوار البوست.. سابتدر ردودي بالاخوين تمبس ودكين.. اولا, انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم.. لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم.. ولا واحد فيكم ما بهدي التاني.. نعم امنة غلطت في حق عزاز.. خلاص يعني.. فجرت.. استحقت القتل والشنق والتنكيل!!!! ما عندها طريقة تستتاب بها مرة واحدة في هذا الامر ولا اقول ثلاثا؟؟؟ اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو... لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟ ما هدا علاء قال كلام سيء في حق امنة.. كتبتو شنو؟؟ "كدا ما صاح يا علاء" "الكلام دا ما بشبهنا يا علاء" "احذف لو سمحت".. وفعلا.. استجاب علاء لمناشداتكم وحذف العبارات الطلعت منو ساعة غضب... كنتو حتخسرو شنو لو اتعاملتو مع امنة بنفس الاسلوب دا؟؟؟؟ وما بالكم انها ممن قال فيهن عليه الصلاة والسلام "ما اكرمهن الا كريم وما اهانهن الا لئيم" ويا دكين.. البت نبذت البت.. البت الاتنبذت دي ما عندها ايدين ولا كيبورد ترد بيهن؟؟ ثم انو انت الراجل الدخلك شنو في نبذ النسوان؟؟؟ لما يتعرض لعزاز راجل زيك.. ابقى سل سيفك وامرق معاو الخلا اضبحو من الاضان للاضان.. لكن شفتنتك دي ما تعملا علي بت زيها وزي عزاز.. وبتهيأ لي عزاز ست الحق فضلت الصمت.. تفتكروا فضلت الصمت ليه؟؟؟؟ ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها".. يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات.. ولو كنتو انتو برضو اتلهيتو علي عينكم وسكتو كانت امنة برضو سكتت وما زاد اللغو والكلام الفارغ والحبل الميت بتاع قالت عن نفسها وبطيخ المسكت انت هسي فيو دا.. وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب

..

ياخي اتقِ الله يا بكري اسماعيل..

ما فتح هذا البوست الا رغبة مني في ايقاف هذا الغثاء الذي تتناقلونه.

فإن كانت امنة مختار او سواها اسوأ من خلق الله من النساء.. فلا انت ولا سواك يعلم أي منقلب تنقلب..

وما السيدة رابعة العدوية عنكم ببعيد..

فلماذا تتعرضون لهن باطلاق الاحكام وتوزيع صكوك الغضب والطرد من رحمة المجتمع وعين رضاه؟؟؟

دعوا الخلق للخالق.. ولا تنسوا ان لكم نبيا عليه افضل الصلاة والسلام قد امركم بالا تخوضوا في اعراض

بعضكم البعض ولا تذكروا احدكم بما يكره.. حتى وان كان فيه ما تقولون.

ولسانك لا تذكر به عورة امريء فكلك عورات وللناس السن..

ان كان ما ظهر لكم منها, عكس ما هي عليه حقيقة.. فأين تولون وجوهكم حينئذٍ؟

وستجد من يفتري على اهل بيتك وان كانوا في بروجٍ مشيدة.. فالامر في هذه الدنيا دينٌ يُرد عاجلا ام اجلا..

من لم يستطع الاصلاح بين اثنين.. كما تفضل اخي ابوبكر يوسف ابراهيم.. فليصمت خيرا له..

اما كل ما ذكرت يا عادل عبد العاطي.. فلا يعدو كونه اذكاءً لبقايا نارٍ تحاول عبثا احياءها..

ولا ادري اين خطت يدي محاولات اظهار عزاز بانها معتدية؟؟؟

الحق بين لمن اراد ان يراه.. واما ما تشابه منه فهو لمن في قلوبهم مرض..

لم اكتب هذا البوست لانصاف امنة وادانة عزاز او العكس الذي هو قطعا صحيح.. فامنة قد اخطأت خطأ فادحا في حق عزاز.

وهنا اقول ان امنة ربما تكون قد ادركت استعجالها وانقيادها لشيطان الغضب الذي جعلها تكتب ما كتبت في حق زميلة لها.. ولكن شيطان اصطيادكم للاخطاء والكبوات قد قطع عليها الطريق للرجوع الى الحق او الاعتذار.

ولا ادري ما ينطوي عليه تهديدك يا علاء بشأن ما يجرح نفوسا عزيزة.. فقد ادنت, ولا زلت, الالفاظ والعبارات التي قرأتها لك ردا على امنة.. والعيب كل العيب ما كتبت يا ابن بلدي..


ولا حول ولا قوة الا بالله.

و النعم

لا حول ولا قوة الا بالله

لكن يا أخت رشا..
انتي كنتي غير متابعة و ما فاضية عشان تتابعي باعترافك
يعني غير ملمة بأبعاد ما حدث ولا تاريخ الناس دي
البخليك تحكمي و حكمك يطلع سليم 100% و انتي غير متابعة اصلاً
و يخلي الناس الداخلة في المشكلة و فاهمة " مالكم كيف تحكمون" شنو؟
للأسف بوستك هذا ذر للرماد في العيون و شلاقة في غير محلها
و انتي بحسن نية أو سوئها تكرسين للظلم في هذا المنبر
" لا أريد أن اقول انتي ظالمة" الله حسيبك!

Quote: لكن يا أخت رشا.. انتي كنتي غير متابعة و ما فاضية عشان تتابعي باعترافك يعني غير ملمة بأبعاد ما حدث ولا تاريخ الناس دي البخليك تحكمي و حكمك يطلع سليم 100% و انتي غير متابعة اصلاً و يخلي الناس الداخلة في المشكلة و فاهمة " مالكم كيف تحكمون" شنو؟ للأسف بوستك هذا ذر للرماد في العيون و شلاقة في غير محلها و انتي بحسن نية أو سوئها تكرسين للظلم في هذا المنبر " لا أريد أن اقول انتي ظالمة" الله حسيبك!

اتابع شنو يا سعدالدين؟؟؟
وليه دايما نكون انطباعيين وناخد الاشياء سلسلة مربوطة مع بعضها ومنقولة بالتواتر؟؟
المشكلة الحصلت هسي دي اضيف لي عليها ابعاد انا ما تابعتها؟؟؟
وبعدين وين الحكم هسي؟؟؟ الانا قلت انو حكمكم غلط وحكمي صاح؟؟
انا ما اختلفت معاكم في الحكم بخطأ امنة في حق عزاز لان الحق بيّن.. وارجع اقرا..
انا اختلافي في الطريقة التي نفذ بها الحكم يا سعد الدين..
اختلافي في الطريقة التي جا بيها الاعمى شايل المكسر عشان يكيل النبذ والشتائم ويصرف لامنة اضعاف ما صرفت لعزاز..
ياخ موش عاوزين القصاص؟؟ ربنا قال "واذا عاقبتم فعاقبوا بمثل ما عوقبتم به"..
"والعين بالعين والسن بالسن والجروح قصاص"..
المشكلة الحالية.. وخت خطين تحت الحالية دي لانو اول ما ارفضه في التعامل هو اجترار الخلفيات لانها اكيد بتشوش علي الناس وبتخلي الحكم انطباعي.. يبقى في المشكلة الحالية امنة قالت الفاظ ما حلوة في حق عزاز والحكام ما عاوزين يكتفوا بالادانة والشجب والاستنكار.. يبقى خلاص قولوا ليها انتو كمان لفظ زي القالتو لي عزاز.. ويا حبذا لو اجمعتوا رايكم ساعة تنفيذ الحكم واخترتوا جلاد واحد ينوب عنكم.. في حين انو زي ما انا شايفة انو صاحبة الدم زاتا عفت وقالت ليكم يا اخوانا لا تزودوا عني بما لا ترضونه لي.. واتهيأ لي ماف احكم من كدا..

اما عن النية فلا يعلم القلوب الا الله.
واما عن الشلاقة.. فنعما هي مقارنة برزانة البعض في هذا المنبر..
ولرب كلمة قالت لصاحبها دعني..

أنا الجابني تحديدا و خلاني أكتب ليك هو اني حسيت
بأني المعني بهذا:

Quote: وللاسف.. واحد في الشال سيفو وكال النبذ لامنة عشان كلاما في حق عزاز الما كان فيو اي جملة واضحة وصريحة.. اتدمدم واتغتغت قدام كلام علاء الوااااااضح ولغته البذيئة واشاراته الساقطة واكتفى بقول (دا ما بشبهك.. ويا ريت تحذف.. ونرفض ونشجب)

و انتي قلتي ما عايزة تحددي اسماء..
و حتى لما سألتك فوق ما جاوبتيني.. ما مشكلة.

طيب يعني كان مفروض ما ندين كلام علاء ولا نعمل شنو يعني؟
نسيئه؟

انتي ما سمعتي بحاجة اسمها البادئ اظلم؟

و بعدين الصلح خير نعم.. لكن باراحة الحقوق لاهلها و الشد على يد الظالم
و ليس بكنس المظالم تحت الفرشة.

---------------
راجعي ما كتبتيه في صدر البوست حيث حاولتي مسك العصاة من نصفها
و راجعي أيضاً مداخلة احمد الريح لتفهمي
لماذا "نحن" انطباعيين.

Quote: ولا تنسوا ان لكم نبيا عليه افضل الصلاة والسلام قد امركم بالا تخوضوا في اعراض بعضكم البعض ولا تذكروا احدكم بما يكره

وامنه دي كانت خاضت في خور ابوعنجه !!!!

ما برضو اعراض زميله واخت هنا اتهمتها بحبها والتحرش بها عاطفيا




التناقض ما كويس

Quote: وامنه دي كانت خاضت في خور ابوعنجه !!!! ما برضو اعراض زميله واخت هنا اتهمتها بحبها والتحرش بها عاطفيا التناقض ما كويس

غايتو الحمد لله بس..

معاوية انت بتقرا كيف؟؟

يعني الواحد لو ما شال سيفو وقطع راس امنة بيكون ما ادانها؟؟

الادانة دي ما بتتم الا بالنبذ والشتايم؟؟؟

الواحد ما فضل ليو الا يكورك والا يطلع في راس بيت ويأذن فيكم:

"أن يا قوم.. قد اخطأت امنة خطأ فادحا في حق زميلة لها.. وأنني إذ طالبتكم بكف الاذى عنها لم اكن ابغي سوى عفوكم عند مقدرتكم.. والا يقابل الخطأ بالخطأ.. وان ندرء بالتي هي احسن فإذا الذي بيننا وبينه عداوة كأنه وليٌ حميم.. وان ندفع السيئة بالحسنة فنمحها.. ونخالق الناس بخلق حسن.. هذا ولكم ان تواصلوا المسح بالسوق والاعناق ان شئتم وان تثخنوا في الارض حتى لا تبقوا عليها من الكافرين ديارا.. وهدا طرفي من الموضوع دا.. اللهم هل بلغت.. اللهم فاشهد".

اغلق البوست في ساعته وتاريخه.. واتهد كتف المقصلة..

Quote: وهدا طرفي من الموضوع دا.

خير ما فعلتي


واصلا دايره ليك طريقه تتخارجي والحمد لله اتلقت

تضامنى اللا محدود مع الاخت عزاز شامى ..

رشا حاتم سلامات

اصلا انا لا اخترم المكابرين والقضاة غير العدول

كتبتي

Quote: اما كل ما ذكرت يا عادل عبد العاطي.. فلا يعدو كونه اذكاءً لبقايا نارٍ تحاول عبثا احياءها.. ولا ادري اين خطت يدي محاولات اظهار عزاز بانها معتدية؟؟؟

يا ستي طرحك متخلف وظالم وانت من تحاولين اذكاء النار وتخافين او ترغبين في قول الحقيقة واظهار الحق واستشراف العدل


اليس هذا ما كتبته بيدك في اول مداخلة لك ام كان كاتبه شخص آخر ؟؟

Quote: بغض النظر عن من اخطأ.. فكلنا بشر.. ممكن عزاز تكون غلطت في حق امنة, فهي بلا شك غير معصومة, وممكن امنة تكون غلطت في حق عزاز برضو.. لكن كونو الواحد يجي طوالي يحمي النيران ويتصدر للمشاكل بالاسلوب القذر دا.. فكل اناء بما فيه ينضح..

لا ي ستي عزاز ما ممكن تكون غلطت في حق آمنة مختار في ذلك البوست؛ لأنها اصلا لم تخاطبها؛ وما في زول قال هي معصومة؛ وكل زول يعرف انها لم تغلط في ذلك البوست وانما تم الاعتداء عليها من تبارك وآمنة ..ولكن ان تطرحي هذا الاحتمال والحمد لله جيبنا ليك البوست بعد ان ظننتي انه راح في خبر كان؛ بل وتقدمي احتمال غلط عزاز وتضيفي انها ليست معصومة؛ فهذا ما يوضح ظلمك وتحيزك السافر وروحك الشريرة كمان .

وقلتي كمان

Quote: الراجل لما يفتح خشمو في مشاكل بين اتنين من اخواتو والمحسوبات عليو بغض النظر عن انو بميل لمنو فيهن

ووين اصلا المشكلة بين اتنين ؟؟ وهل عزاز فتحت فمها بكلمة ؟؟ لماذا لا تسمي الاشياء بمسمياتها؛ ولماذا تخلطي بين الجاني والضحية ؛ الا ان يكون غرضك سيئا وميزانك شديد الاختلال .

Quote: الحق بين لمن اراد ان يراه.. واما ما تشابه منه فهو لمن في قلوبهم مرض..

نعم الحق بين لمن اراد ان يراه؛ وبالنسبة لي ما في زول في البوست دا في قلبه مرض أكثر منك ..

Quote: لم اكتب هذا البوست لانصاف امنة وادانة عزاز او العكس الذي هو قطعا صحيح.. فامنة قد اخطأت خطأ فادحا في حق عزاز.

وليه ما تديني الغلط وتحددي الغلطان منو يا حضرة القاضية ويا من عايزة تدي الناس دروس في الاخلاق والجندرية والخلق السوداني ؟؟ يا ستي الفيك انكشفت وغرض البوست واضح واعتذارك لعزاز مطلوب اليوم قبل الغد وكفي عن المكابرة .

Quote: وهنا اقول ان امنة ربما تكون قد ادركت استعجالها وانقيادها لشيطان الغضب الذي جعلها تكتب ما كتبت في حق زميلة لها.. ولكن شيطان اصطيادكم للاخطاء والكبوات قد قطع عليها الطريق للرجوع الى الحق او الاعتذار.

اصلا ما ادركت ولا عندنا شيطان اصطياد ولا اي شيطان اخر .. وشيطان الاصطياد عندك انت ؛ فاين اصطدنا وهل لم ننصحها نصحا جميلا المرة تلو الاخرى ؟؟ انا شخصيا نصحتها قبل ايام في الماسنجر وتحدثت معها حديثا جميلا في بوست زهرة حيدر الذي اعتدت فيه على تيسير عووضة باسؤا النعوت دون سبب؛ ولم ار لك تدخلا بزعمطة او مفراكة؛ كما تدعين وتزعمين من تدخل النساء في التكل وسواطتهن وغيره من حديث التخلف؛ مما جعل تيسير تهجر البورد؛ واعتدت وقتها ايضا على عزاز؛ وفي ذلك الوقت أدنت وصف كلمة عزاز لها انها جهلولة؛ اما في بوست حيمورة فامنة ايضا معتدية؛ ورغم ذلك نصرتها ضد استخدام ما يحقر المرأة والاساليب الفاحشة ضدها؛ فعن اي شيطان تتحدثين؛ وعن اي اصطياد؛ لاني لا ارى الشيطان المفترض الا فيك؛ ولا ارى الاصطياد الا في بوستك الظالم هذا .

وعموما فقدت اي ثقة في موضوعيتك وعدك والفيك اتعرفت ...

الأخ عمر الفاروق

لك التحية والإحترام

حقيقة أنا لا أتعامل بغير ما هو واضح ولست حذقاً في حل الألغاز ولست من أهل الهمز واللمز فإن كانت مداخلتك في حدود ما رميت له أنا في مداخلتي فلك الشكر وإن كانت لغزاً فاستميحك العذر أن لا تتداخل معي لأنني ل أقبل أن يستغل ما أكتب - حتى ولو مداخلة عابرة - في الإساءة لأيٍ من الأختين .. ولك الشكر والتقدير

رشا :
بالجد قاعدة تتعبي شدييييييد عشان تدي الناس إحساس إنك طارحة المشكلة في صورة عدم إنحياز وإحتواء للموقف ومصالحة أو ترك الأخوات الإتنين ديل يحلوا امورهم براهم من غير ما يتدخل الناس ..
لكن كل مداخلاتك فيها إنحياز واضح وصارخ للأخت امنة مختار وده حقك والله ماف زول بيغلطك فيهو لكن الغلط لمن تجي تختمي كل كلام بي إنك ما وقافة في طرف معين ..
بصراحة البوست مغلف بعناية والغرض منه مختلف تماما عن ما تقنعي نفسك أو تحاولي إقناع الاخرين بيهو ..
تعرفي الفرق بين بوستك وبوست عادل عبد العاطي شنو ؟
عادل كتب عديييل إنو مع عزاز ..
إنتي كان تكتبي عديييل وتسميهو امنة مختار ..
تخريمة :
اها النسوان مشو الجزر ولا لسة يا جماعة عشان نوقف الدافوري ده نمشي نحضر

Quote: مغلف بعناية والغرض منه مختلف تماما عن ما تقنعي نفسك أو تحاولي إقناع الاخرين بيهو

يا رشا ..
ذي ما السيدة المحترمة آمنة غلطانة وممكن كان الناس تلقى ليها العذر ..
انتي برضو غلطانة بس ما عندي ليك عذر في مساندتك للباطل ..
اذا كان غرضك كما ذكرتي في مداخلتك الاخيرة .. بنقول ليك يا ستي انتي اذن ما اتوفقتي في بداية هذا البوست ..
وللاسف الشديد واضح جدا انه مداخلات الاخوان هنا هي الخلتك تغيري رأيك ..
كنتي مفتكرة انك بتحدثي من منطق قد يكون مقبول .. ولكن بديتي بداية شترا استفزت الناس ..
الحاجة التانية ومفروض انها تكون معلومة لديك انه دي ما شكلة نسوان او كما دايرة انتي تصوريها
دي كتابة في منبر بغض النظر عن الكاتبا منو ودايما بنفترض انهم X كبير .. عشان الناس ما بتعرف بعض ألا من خلال ما يكتب ..
اي زول عنده الحق انه يكتب رأيه في البذاءة الحاصل دي .. ولكن برضو ما في داعي نرد عليها ببذاءة اكبر منها ..
لكن دا ما بلغى حق الطرف التاني انه يبدي امتعاضه من الكلام الما مهذب الاتكتب دا .. وليه الحق انه يطرش ليكم عديل في المنبر ..
حاليا يا ست رشا انتي عندي ما عندك اي فرق بينك وبين آمنة مختار وربما آمنة احسن منك .. لانه ممكن نلقى ليها عذر ..

رشا حاتم
مساء الخير

متابع البوست من البدائة
واصح حاجة عملتيها ياها دي :

Quote: الواحد ما فضل ليو الا يكورك والا يطلع في راس بيت ويأذن فيكم: "أن يا قوم.. قد اخطأت امنة خطأ فادحا في حق زميلة لها.. وأنني إذ طالبتكم بكف الاذى عنها لم اكن ابغي سوى عفوكم عند مقدرتكم.. والا يقابل الخطأ بالخطأ.. وان ندرء بالتي هي احسن فإذا الذي بيننا وبينه عداوة كأنه وليٌ حميم.. وان ندفع السيئة بالحسنة فنمحها.. ونخالق الناس بخلق حسن.. هذا ولكم ان تواصلوا الطفق بالسوق والاعناق ان شئتم وان تثخنوا في الارض حتى لا تبقوا عليها من الكافرين ديارا.. وهدا طرفي من الموضوع دا.. اللهم هل بلغت.. اللهم فاشهد". اغلق البوست في ساعته وتاريخه.. واتهد كتف المقصلة..

بس ياريت ماتجي راجعة تاني
ولك اجر الاجتهاد
وفي ميزان حسناتك
وماكان من زمااااااااااااااااااااااااااااااااااان

تصدق قررت اجي راجعة يا هارون دياب..

عشان اعرف بالضبط الفكرة شنو في المنبر دا؟؟؟

وشنو هو الذي غلف بعناية يا عمر الفاروق؟؟ واغلفو ليه اصلا؟؟ يعني نظرية المؤامرة والفبركة والاجندات الخفية دي يجب الا يخلو منها بوست والا كيف؟؟

الواحد يا يقيف فراجة يا اما يتخذ احد الكومين ويتصنف غصبا عنو يعني؟؟؟

كلامك دا قالو لي صديق امبارح.. اتصل بي وقال لي كدا انتي اتحسبتي في كوم تراجي وامنة!!

قلت ليو وهي منو تراجي وامنة ورشا ومنى وتيسير وعزاز واشراقة وغيرهن؟؟ والعملنا كيمان منو اصلا؟؟

التقينا هنا.. وطرح كل واحد فينا راجل كان والا مرة افكارو واراءوا..

اختلفنا مع بعض فكريا زي ما بنختلف ثقافيا وعرقيا ودينيا..

يميل بعضنا لبعض وينفر بعضنا من بعض بفهم تالف الارواح وتنافرها.. لكن دا ما بمنع انو نقيف مع الحق حتى لو كان في الجانب المضاد لنا..

الخطأ في حق امنة والذي اتى كرد فعل لخطأها في حق عزاز كان اكبر..

ولا اتراجع عن موقفي.. ان ظلمت عزاز مرة فقد ظلمت امنة مئات المرات بما كيل لها من سباب وشتم..

وانا عن نفسي ما اتعودت اخد جانب الكوم الاكبر بس عشان اعوم مع التيار يا عمر.. الناس كلها اوفت عزاز حقها.. بقيت كلمة الحق فيما تعرضت له امنة واللي ماف زول قالا ولما جيت انا قلتها بقيتو لي في رقبتي.. وليه ما ادنتي وليه ما اتنيلتي علي عينك..

ادنت وهسي بدين خطأ امنة لكن من وجهة نظري واللي انا قطعا حرة فيها لانو كل زول بيقيس الامور بمقاييسو شايفة انو الامر الاستفزاني وخلاني افتح البوست هو خطا الغالبية في حق امنة وما لقيته من الفاظ ومهاترات.. وبصراحة كدا لو كانت المشكلة دي اقتصرت علي امنة وعزاز ممكن كان ما ادخل من اساسو ولا اعلق ليهن ولا اقول فلانة غلطت وعلانة اتظلمت.. لكن تقول شنو في ناس قلب ظهر المجن.

ويا سعد الدين بصراحة انا لما جبت الاقتباسات اعلاه ما انتبهت لقائلها وما جبتها استنكارا بقدر ما كانت استدلال علي اسلوب ممكن يتخذ في رد الخطأ وارجاع الفئة الباغية الى الحق..
وزي ما علاء ما كان حيرفض مناشدة بالشكل الراقي دا عملا بالمثل "الحسنة معطت شارب الاسد" فبتهيأ لي امنة برضو ما كان حترفضا.. لانها ما حتكون ابشع من الاسد يعني.

Quote: لا اتراجع عن موقفي.. ان ظلمت عزاز مرة فقد ظلمت امنة مئات المرات بما كيل لها من سباب وشتم..

لا بلاي .. لسه ان ظُلمت ؟؟ ما متأكدة يعني انها ظُلمت ؟؟ وبرضو عاملة فيها قاضية وتنبذي في الناس من طرف وتسوقي في خطابك الرجعي ؟؟

اها يا ستي الحقيقة التي لا تقبل الجدل هي ان عزاز ظلمت مرتين؛ مرة من آمنة وتبارك؛ والمرة الثانية منك انت شخصيا في هذا البوست؛ ودا الكلام الجد كان عجبك كان طقيتي رأسك بالحيط زي ما تفضلتي وطلبتي مننا .

يا رشا

علاء برغم شناعة اخطائه.. يحمد له أنه يرجع للحق و يعتذر
كما فعل في حالة محمد حامد جمعة.. و لما خاطبناه باللين و الرفق
كان من عشمنا فوقه و عهدنا به انه اواب.. ولم يخذلنا.
شوفي لينا بقى الجماعة التانيين ديل بعتذروا متين و بتراجعوا امتى؟
انا شخصيا اساؤوني هنا من غير سابق معرفة و بدون سبب واضح( على الاقل بالنسبة لي)
متين اعتذرت لي أو لغيري؟
اجيب ليك قائمة ولا مافي داعي؟
طيب امسكي قسط يسير

1/الاخت نور تاور
2/ د.نجاة محمود
3/طلال عفيفي
4/عزاز
5/ الاستاذ عثمان محمد صالح الذي ترك المنبر فراق الطريفي لي جملو!

....

و غيرهم كثر

هل رأيتي اعتذار بحق اي منهم/ن؟؟؟

Quote: الخطأ في حق امنة والذي اتى كرد فعل لخطأها في حق عزاز كان اكبر.. ولا اتراجع عن موقفي.. ان ظلمت عزاز مرة فقد ظلمت امنة مئات المرات بما كيل لها من سباب وشتم..

للأسف هذا كيل بمعيارين و تتجاوزين فيه القاعدة المبدئية
" البادئ اظلم" حتى يثوب لرشده
ونحن لم نر رشدي اباظة ولا عماد حمدي منها ذات يوم!
فارفقي بنا و بنفسك رعاكي الله.

الأخ الكريم أبوبكر

عمر الفاروق يقصد أنك أوردت اسم نادية خطأ في مداخلتك الأولى
فهي لا علاقة لها بالموضوع.. ربما تقصد آمنة.

تحياتي لك و للأسرة.

حالتك تضحك وتحنن يا رشا

تقولي تور يقولو ليك احلبي

هـــــــــــــا هــاهــه هههههههههه

لكن بالك طوويل
رغم انك ما حتصلي لاي حاجة
لكن معجب جدا بروحك القتالية

تابعي


السنجـــــك

Quote: اغلق البوست في ساعته وتاريخه.. واتهد كتف المقصلة..

لا ما اغلق يا رشــا ..
طالما بتكتبي كلام زي دا ..

Quote: والله بغض النظر عن اي كلام تقولوه اثبتو انكم لا حكيمين ولا عادلين ولا فيكم ذرة مروءة وشهامة (الا من رحم ربي.. وما حاخصص اسماء لانو الشر يعم.. لكن كل من يقرأ يستطيع ان يميز)..

...

Quote: جو طوالي شايلين القبح الما بيفضح غير دواخلهم فقط..

...

Quote: لكن كونو الواحد يجي طوالي يحمي النيران ويتصدر للمشاكل بالاسلوب القذر دا.. فكل اناء بما فيه ينضح..

...

Quote: ترضو والا تزعلو والا تضربوا راسكم في اقرب حيطة.. Quote: الراجل لما يفتح خشمو في مشاكل بين اتنين من اخواتو والمحسوبات عليو بغض النظر عن انو بميل لمنو فيهن.. فبيحاول يلملم ويغتغت ويستر.. وكان غلبو خلااااص اللمليم بيبلع السيف متني ويسكت..

يا ستي دا جزء بسيط من الكلام الكتبتيهو .. وعلشان تقفلي البوست دا .. يا اما كلامك دا يكون بالضبط صحيح وكل الناس البي هناك الفتحتي البوست دا علشان تهاجميهم يستحقو كلامك دا .. يا اما كمان تكون ليك الشجاعة الكافية البتخليك تعتذري عن كلام زي دا ما ليهو اي علاقة بالصحة وهو فقط محض هجـوم ما ليهو اي مبرر ..
واللغة الحادة الزي دي قاعدة يا رشا وهو بالمناسبة نفس الاسلوب البتسلكو تراجي في تصفية خصوماته هنا دا على شاكلة الراجل فيكم .. وطقو راسكم بالحيطة .. بالاضافة لي بقية النعوت دي .. ودا البخلينا دائما في موقف انو الواحد يدافع عن اشياء كتيرة من الاساس ما كان يجب ان تتقال .. وبعداك تجي التسميات والمسميات الهلامية بتاعت شخصيات ذكورية .. واستلاب ذكوري .. ويجي ابو ساندرا يديك محاضرة في الهتافات الذكورية .. وبعض من الشيوعيين يوزعو ليك مناشير من زمن حارسنا وفارسنا يا جيشنا ومدارسنـا ..
الخطوط الكتبتها ليك في الاقتباس في مداخلتي السابقة ارجعي ليها .. كتبتها لىيك علشان اجي ارد عليك .. وحسع كلامي دا ما رد لي كلامك .. بس اديني شويتين ح ارجع ليك لانو في يدي حاجة بس اخلصة .. وفي نفس الوقت قلت اكتب الكلام دا علشان يصلك لانو عادي جدا احتمال بعد شوية بكري يقوم يشيل البوست دا .. لانو بقى واضح اي واحده يا اي واحد ممكن يجدع ليهو اي كلام .. في حق الناس ويبني ليهو مليون حيطة هنا دا .. وقبلما يرد السيد بكري يجيب الاسمنت بتاعو والبلدوزر ..
اصبحت بعض الاخوات هنا للاسف الشديد لا يتركن لنا مساحة لنحترم وجهات نظرهن نسبة للاسلوب المتبع في توصيل ما يحملون تجاه الآخـر هنا وهذا للاسف لا يتماشى مع البعض هنا ..
لكن
الحاجة الكويسة انو الواحد للاسف الشديد اسقط الكثير من الثوابت او الكوابح الاخوية التي كان يدخرها للكثير من الأخوة والأخوات هنا ..

رشا حاتم

Quote: ترضو والا تزعلو والا تضربوا راسكم في اقرب حيطة.. الراجل لما يفتح خشمو في مشاكل بين اتنين من اخواتو والمحسوبات عليو بغض النظر عن انو بميل لمنو فيهن.. فبيحاول يلملم ويغتغت ويستر.. وكان غلبو خلااااص اللمليم بيبلع السيف متني ويسكت.. ويا علاء حيمورة.. سقطت اليوم سقوطا لا يدانيه سقوط.. وللاسف.. واحد في الشال سيفو وكال النبذ لامنة عشان كلاما في حق عزاز الما كان فيو اي جملة واضحة وصريحة.. اتدمدم واتغتغت قدام كلام علاء الوااااااضح ولغته البذيئة واشاراته الساقطة واكتفى بقول (دا ما بشبهك.. ويا ريت تحذف.. ونرفض ونشجب)

انتظرتك كثير بعد رسالتي المسنجرية ليك موضحا الحقائق ومنتظر سعادتك تجي وتعتذري عما قلتيه وتوضحي الحقائق الحا اوضحها انا هنا ...

اولا يا جماعة الخير فتح الاخ حميده بوستا ممتعطا فيه من الحديث الذي قالته سناء أو نسب ايها ..

وابدت سناء استياها الشديد من الذين يستغلون جمع التبرعات...كة العربية السعودية

تداخل الكثيرين ومن بينهم عبد الرازق الطالب : وكانت مداخته

Quote: الفي بطنو حرقص براهو (بيرقص).. مما توحي بان هنالك من البورداب من استغل مشكلة سناء وجمع تبرعات دخلت جيبه .... واردف : Quote: الفي سروالوا قداي ولا بشنقل..

واردف :

Quote: ما يضع صحيفة الرأي العام في محكـ مصداقية إحتكار الخبر.. والمتاجرة بالقيم الإنسانية النبيلة.. ويضع الأخ/ حميدا في مصاف المتصدر دون غيره من آلاف البورداب "بُكتُر نعرِفِي.. وبالتالي نقع في شر أعمالنا..

ردت الاخت العزيزة عزيزة النفس بت العزاز اهل الكرم والفهم والدراية / عزاز شامي

Quote: عبدالرازق الطالب، صباح الورد البيتفتح داك في كل مداخلة جهبزية تعملها ... انت يا تتعلم تقرى وبعد داك تكتب يا انحنا نتعلم نفطك في المداخلات و نتكتب عند الله صابرين كاظمين الغيظ... يا مؤمن انا ما شفت ليك مداخلة تتقري لا بالعدلة لا بالقلبة لو ما المثل البنعرفه و معناهو واضح ما كنت عرفت انو انت باهت حميدة بقوة عين تحسد عليها! يعني ظلم و بهتان في ذمم و كلام كبار كبار كده لا قدره لا بتقدر تسده...

والكثيرين من المداخلين امتعطوا من كلام عبد الرازق الطالب : ( راجعوا البوست )

الا ان حاول عبد الرازق الطالب جرح الاخت عزاز وهو يقول لها :

Quote: ليبرو عزاز شامي.. المحرش ما بيكاتل.. المرة الجاية كان جيتي جيبي معاكـ المأذون.. الوصية عند حميده..

كلاما في غاية السخف وزجرنا عبد الرازق الطالب في كلامه هذا ..

وفتحت بوستا ليرى عبد الرازق ومن لف حوله من هي عزاز بت اعز الناس ...


لا العبيطة الدلاهة آمنة ولا البذيئة تراجي ولا قليل الادب تبارك كانو طرفا في هذا البوست ومن أين أتوا
الله اعلم ..

اتو حاملين حقدهم وكراهيتهم ومصطلحاتهم الغوغائية ليرمو بالسهام على عزاز ..

كوني شجاعة يا رشا وقولي للغلطان انت غلطان ..

ان شاء الله يكون وصل ليكم الفهم ..

وستظل عزاز مرفوعة الرأس وستظل آمنة ومن لف حولها في الارض ...

الاخ علاء

Quote: لا العبيطة الدلاهة آمنة ولا البذيئة تراجي ولا قليل الادب تبارك كانو طرفا في هذا البوست ومن أين أتوا الله اعلم .. اتو حاملين حقدهم وكراهيتهم ومصطلحاتهم الغوغائية ليرمو بالسهام على عزاز ..

للحق والامانة الاخت تراجي لم تغلط اصلا على عزاز بل اعطتها حقها وشهدت لصالحها وغلطّت امنة في دخول ذلك البوست
غلط تراجي الوحيد انها الان تحاول الدفاع عن غلط امنة بعد ان ادانته في البوست المذكور

اعدل يا اخي وتراجي تستحق منك اعتذارا هنا .

Quote: للحق والامانة الاخت تراجي لم تغلط اصلا على عزاز

بس غلطت علي انا ...


راجع كلامها عني .. لما قالت

علاء حيمورة آخر من يحق له الحديث عن الاخلاق

اصلا ما طالب منها اعتذار ...


تسلم اخوي الحقاني / عادل

ابوبكر:
يا اخوي لا همز لا لمز لا غمز لا يحزنون ..
لا انا فاضي ليك لا إنت بتكون فاضي لي ...
يعني بالواضح كده نحن الإتنين ما أظن نكون فاضيين لي بعض..
لكن مادام عايز تفلسف لي النضم وغمز ولمز أها هاك النجييييضة :
مداخلاتك من الواضح تمامااااااااااااً إنها مداخلة زول عايز يشارك والسلام ..
زول ما عارف منو أطراف الموضوع ..
لأنو يا عزيزي الفاضل نادية دي ماف في الفيلم ده ..
المقصودة امنة !!!
الليلة لو كنت كتبت بدل امنة امونة كان بنبلعا ونقول تشابه اسماء ..
الليلة لو قلت تامنة بنقول غلطوحرف التاء جاء من سرعة الطباعة ..
الليلة لو قلت خمنة بنقول مستعجل وكتب حرف الخاء بدل الألف..
لكن يا عزيزي إنت جيت كتبت ناااااااااااااادية !!!!
والعلاقة بين إسم نادية وإسم امنة ده زي ود جيرانا الإسمو عوض الكريم بلة وبيدلعوهو يقولوا ليهو توشو
ده أصل الحكاية يا اللخو ..
شوفت الموضوع بسيط كيف ؟

..
.
اها اللمه العملتها رشا والجابت العميان والمكسرين دى ما انتهت
الواحد جا قال يتاكئ الباب بعد الناس تتخارج ..
دى ما كانت جوديه دى غزوة رشا ما عارفين المنتصر والمهزوم الحق والباطل ..!!

( عارفه يا رجاء الكوتشنير ( الاستبان بتاعك) السؤال بتاع بوستات الشكل
ادى نجاح وتأكيد 100% فى راى القراء وهذا هو الدليل )

__________________


يا ربي حسي انا الما حضرت ضربة البداية اقيف مع منو ؟؟
الواحد زاتو ما عارف نفسو عميان ولا مكسح ولا فضولى ..

نصائحك وفريها لنفسك يارشا أو اسديها لمن البستموها ثوب الضحية هنا...
أين كنتِ عندما تعرضت سيئة الذكر للأخوات المحترمات هنا ؟؟؟

_______________________________

اتمنى ألاّ تعود الأخت عزاز لهذا المكان مرة أخرى
خصوصاً وأنه يجمعها والحثالة في سلة واحدة ..

رشا ما بتفوتي من البوست قبل أن يأتي اكله ...


لو ما قادرة على جنس الكلام ده ما كان في سبب واحد يخليك تفتحي بوست ..


حتى لو مشيتي حا يكون البوست محروس وستو تكوس ..


تعالي ردي علينا على المداخلات دي

نحمدو ونشكرو واستغفرتك يا مالك روحي..

اهان نبدا ببكري اسماعيل..

انا كنت ما حاضرة لمن امنة اتعرضت للاخوات ديل تصدق يا بكري..
حضرت هسي لمن اتعرضت لعزاز وانتو اتعرضتو ليها.. وقلت ليكم يااخ كدا عيب.. كدا ما صاح..
دي مرة مهمان كان.. والمجنون في ذمة العاقل..

ويؤسفني يا عادل عبد العاطي اقول ليك انو جميع مداخلاتك اوف بوينت.

نجي للاخ علاء حيمورة..
انا ما عارفة يا علاء انتو ليه مصرين تتغاضوا عن الجانب الاقراري والاعترافي والرووووبي بتاعي بخطأ امنة؟؟ يعني سرد كل الوقائع الحصلت دي ما بغير في الامر شي.. كل الفكرة بالنسبة لي كانت في الاساليب الشفتها وقريتا واستهجنتها منكم لانكم ما كنتو احسن منها في حاجة.

ويا تمبس.. انا لما كتبت البوست دا والله ما اخدت دقيقة افكر فيها في حجم خطأ امنة وكونها تستاهل والا لا.. لانو مهما كان جرمها ما بيديكم الحق تبهدلوها البهدلة دي..
بالمنطق كدا يا تمبس وخليك امين مع نفسك.. لو جيت ماري في شارع لقيت ليك عشرة رجال قاعدين ينبذو ليهم في مرة ويهينو فيها ويمسحو بيها الارض حتقيف تقول ليهم كدي احكو لي المرة دي سوت شنو امكن تطلع فعلا غلطانة؟ والا حتستنكر عليهم الفعل اول شي بغض النظر عن جرم المرأة؟؟؟؟

اما بالنسبة لضرب الراس في الحيطة يا تمبس فما اتهيأ لي دي عبارة بتسقط الاحترام بيننا كزملاء واي وصف انا اطلقتو كان على الموقف ما علي الاشخاص. وعن نفسي لا اكن لك الا كل احترام وتقدير.

Quote: بعد اذن زوار البوست.. سابتدر ردودي بالاخوين تمبس ودكين.. اولا, انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم.. لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم.. ولا واحد فيكم ما بهدي التاني.. نعم امنة غلطت في حق عزاز.. خلاص يعني.. فجرت.. استحقت القتل والشنق والتنكيل!!!! ما عندها طريقة تستتاب بها مرة واحدة في هذا الامر ولا اقول ثلاثا؟؟؟ اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو... لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟ ما هدا علاء قال كلام سيء في حق امنة.. كتبتو شنو؟؟ "كدا ما صاح يا علاء" "الكلام دا ما بشبهنا يا علاء" "احذف لو سمحت".. وفعلا.. استجاب علاء لمناشداتكم وحذف العبارات الطلعت منو ساعة غضب... كنتو حتخسرو شنو لو اتعاملتو مع امنة بنفس الاسلوب دا؟؟؟؟ وما بالكم انها ممن قال فيهن عليه الصلاة والسلام "ما اكرمهن الا كريم وما اهانهن الا لئيم" ويا دكين.. البت نبذت البت.. البت الاتنبذت دي ما عندها ايدين ولا كيبورد ترد بيهن؟؟ ثم انو انت الراجل الدخلك شنو في نبذ النسوان؟؟؟ لما يتعرض لعزاز راجل زيك.. ابقى سل سيفك وامرق معاو الخلا اضبحو من الاضان للاضان.. لكن شفتنتك دي ما تعملا علي بت زيها وزي عزاز.. وبتهيأ لي عزاز ست الحق فضلت الصمت.. تفتكروا فضلت الصمت ليه؟؟؟؟ ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها".. يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات.. ولو كنتو انتو برضو اتلهيتو علي عينكم وسكتو كانت امنة برضو سكتت وما زاد اللغو والكلام الفارغ والحبل الميت بتاع قالت عن نفسها وبطيخ المسكت انت هسي فيو دا.. وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب

..

Quote: انا ما ملزمة بتكثيف وجودي في البورد وتنصيب نفسي حكيمة قرية اوز في كل خلاف يحدث وكل شاردة وواردة, حتى يتم تصنيفي من المقسطين والحكماء الذين تقبل شهادتهم..لم اكن متواجدة بالمنبر ولا اتابع الكثير مما يحدث.. ما استفزاني حقا هو هذا الهجوم البشع من غالبيتكم

طيب يا رشا إذا ما ليك اي زمن علشان فقط تراجعي بضربة كيبورد وكتابة بعض الكلمات على محرك البحث حق البورد .. علشان تعرفي الحاصل شنـو واصل المشكلة شنو.. والغالباً بتلقى تفسير للشئ الحاصل داخل نفس بوست المشكلة لانو غالباً اللنكات البتتخت في البوستات بتشرح الحاصل ..
لو ما اديتي نفسك الصلاحية دي ارجو انك ما تدي نفسك صلاحية انك تهاجمي من غير اي معرفة لانو الدور المثلتسهو هنا دا .. هو دور الحكيم فاقد الحكمة .. لانو كلامك الكتبتيهو وبديتيهو بهجوم على كل الناس الجوه .. اهو بتتراجعي عنو بإنك واهمه نفسك انك مع الحق وأنو اساسا آمنة مختار اخدت اكثر مما تستحق وصورتي كل الناس الجات هناك فقط من أجل ان ترجم آمنة مختـار بالطوب .. وترشق عزاز شامي بالورود ..
لا يا سيدتي الفاضلة .. الحق دا طريق واحد وواضح .. Re: هل الشموليه هي الوجه الاخر للعقل والسلوك السوداني البوست دا ادخلي شان تقريهو وما اعتقد انو ما مر عليك .. بتلقي فيهو كل الرايح عليك وليه آمنة مختار دخلت البوست داك علشان توجه كلامه لعزاز شامي وتصفق لي تبارك شيخ الدين .. البوست المعني بتلقي فيهو آمنة مختار مارست نفس الاسلوب مع الزميلة تيسير عووضة .. وبعبارات ممكن تقيفي عليها وإذا اتفقتي معاها انها لائقة خلينا نطلع من البوست دا ونقبل كلامك دا كلووو .. لكن عندها تحلي بالصبر والجلد لانو الظاهر لي الطلع علشان يسمع الناس كلام فارغ ما اظنو بيكون معصوم أو مصفح أو ليهو مناعة ضد الكلام الشين . الغريب في الأمـر انو نفس البوست ما لقيتك فيهو علشان تجي تدخلي بين عزاز شانمي وآمنة مختار وتيسير عووضة القبلت النصح وعفت عن الشئ الوصل ليها من آمنة مختار .. والشء الغريب اللحدي الآن ما لاقي ليهو اي تفسير .. انـا دخلي شنـو تشير ليها بي بوست وتختو هناك .. لي زولة اساسا كتبت بوست لي زميل بيعمل عملية جراحية .. وغيره اتكتب مية بوست في نفس اليوم عن نفس السبب .. وتجي تقول ليها ..

Quote: دخلت مكتبتها ألتمس قبسا من فكر ليبرالى أو حتى بيزنطى.. ويا لروعة ما وجدت.. دوحة غناء وثريات تنير دروب االفكر ..أحضرت لك منها اثنتين..

دي هنا انا بعتبره وقاحـتة وقلة ادب .. فاتت الحد .. لو رجعتي بتلقي نفس هذه الحية كتبت ما كتبت عن شخصي وعن دكين في سنوات سابقة .. وصفتنا بما وصفت .. وما خلت لينا حاجة .. وبنفس مبدا كلامك البتقولي فيهو

Quote: ما عندها طريقة تستتاب بها مرة واحدة في هذا الامر ولا اقول ثلاثا؟؟؟

.. ما استتبناها بل تجاوزنا وغفرنا وصفحنا الصفح الجميل .. ونحن المجني علينا .. وقتها تدخل ابو ساندرا نفسه الذي كتب بالامس دي تصفية حسابات يا تمبس ..؟ في بوست عزاز المسحوب وللاسف الشديد ما قدرت ارد وقتها لانو البوست انسحب .. نفس ابو ساندرا .. والعديد من الأخوة الذين اتصلوا وقتها او كتبوا عن التجاوز والصفح .. وللاسف الشديد وبناء على رغبة اخ عزيز وقتها ضغطت على نفسي واتصلت علشان اعتذر انا عن ظلم احاق بي وكلمات مهينة جدا اتكتبت في حقي .. اتصلت بمبدا الصفح الجميل والعترة بتصلح المشية .. فماذا انابنا هنا في هذا البورد سوا تجريح وقلة ادب من بعضهم وبعضهن .. هل الالسن عقرت عن الرد بالمثل .. بل من هو الذي يجب أن نضع له اعتبارا من الآن فصاعدا او من اي وقت .. إذا كان هو لا يقدر حتى لو القليل ..؟

Quote: كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو...

ما تقبقبيهو .. لكن على الاقل لو كلامك دا كان كتبتيهو بي هناك بشكل مرتب وقلتي لي آمنة انتي غلطانه على الاقل كان منعتي علاء حيمورة انو ما يكتب الاتكتب لي آمنة من طرفو وعلى الاقل كان وفرتي مليون كلمة اتكتبت في حق آمنة مختار الجايه تدافعي عنها وتجدي ليها مبرر بالرغم من اعترافك الضمني انو غلطانه وواقعه في برميل كامل بتاع غلط ..

Quote: لو كنتو اكتفيتو بالادانة واتعاملتو معاها زي ما اتعاملتو مع علاء حيمورة.. تفتكروا كانت حتلقى نفسها مضطرة لانها ترد ليكم بالاسلوب دا؟؟؟؟

.. افتكر كان برضو ح ترد بالاسلوب دا .. لانو لو نفس الامنة دي جات وقالت لي تبارك شيخ الدين الكلام دا عيب لانو عزاز دي اختي مهما اختلفنا .. صدقيني كان كبرت مليون مرة في عين الناس البتفتكري انها بتشتم فيها دي .. وإنت المسيح حقها الجاية تتحملي الاذيه علشانه .. شفتي المسالة كيف في غاية البساطة كونك تعمل نقد لي نفسك وتقيفي في وجه باطل .. بي كلمة صغيرة .. وبين انك تكشف عن مكنونك الجواك بكل ما فيه من قبح وانانية .. وسواد قلب وحقد ..

Quote: كنتو حتخسرو شنو لو اتعاملتو مع امنة بنفس الاسلوب دا؟؟؟؟

.. انا شخصيا كنت ح اخسر كتير جدا لمعرفتي المسبقة بي تعامل أمنة مختار حتى مع ضلها .. ودا بالدليل والبرهان .. ما عايز اتنين يتغالطو فيهو ..

Quote: ما اظن عشان عاجباها الولولة البتعملو انتو فيها دي.. حسب معرفتي بعقل عزاز من خلال كتاباتا, فهي اكيد فضلت الصمت من باب انها ما تكبر المشاكل وانو الانزلاق للحتات دي ما بشبها ولا بشبهنا كلنا.. وعلي قول اهلنا "التقماك اقماها"..

. مافي ولولة هنا يا سديتي الفاضلة انما عندك صوت ارتفع لتغطي على ما سقتيه في حق الجميع .. وعندما يرتفع الصوت بالصراخ يجب أن تعرف انك في تجاه الخطأ .. دي قاعدة ثابته ..

Quote: يعني ببساطة عزاز عرفت تاخد حقها من امنة بانها صمتت عن اساءاتا وكسبت بذلك حسنات..

يكون في علمك عزاز سكتت قبل كدا .. في البوست الاديتك الرابط بتاعو .. بعد ان ردت لها نفس بضاعتها .. وكنت انا وبحكم معرفتي بي عزاز وبي اخلاقيات عزاز .. وقفتها بعدما وجهت ليها صوت لوم بأنها تكف وتصفح فكان ان فعلت .. وبرضو سكتت تيسير عووضة في نفس البوست بعدما تدخل اكتر من شخص بينهم عادل عبد العاطي .. نس هذا العادل المصلوب الآن معنا بعباراتك .. يعني المطلوب الآتي:
- السكوت حال تعرضك لهجوم عنيف تجاوز حتى الشخصي ويقفز غلى ما ابعده .. حتى تضمن انو بي سكوتك دا بترد ظلم .. ويكون سكوتك حافز جيد جدا لي آخـر ما بيقدر نعمة الصمت على القبح وبالتالي يكون برنامج مثمر جدا انو يمارس قبحو على نفس الشخص .. ويقوي مقدرتو على القبح ويتعداهو لي اكثر من شخص ..
- مباردة نفس القبح والسقوط ورده .. علشان تضمن انك على الاقل بترد علشان تحافظ على شخصك .. أو ترد الظلم الاتعرضت ليهو .. وفي الحالة دي تفتح ليك رشا حاتم بوست وتختك مع كل الناس بي ضربة كيبورد واحد انك اخذت حقك والاخطا عليك مسكين يا عيني ما يستاهل البيحصل ليهو دا ..

Quote: وبعدين اي انسان يتعرض للرباطية وحركات القرصنة العملتوها لامنة دي كان حيقول ليكم كدا.. يااااخ هو ربنا حلل للمسلمين يقولوا لكفار قريش احنا صبئنا لمن يشتد بيهم التعذيب

كفار قريش والمسلمين ما كانو بتقرصنو زي قرصنتنا دي لانو ما كان عندهم (كهــربه) ولا عندهم DSL .. سيوف وسيطان وخناجر .. العين بتشوف البموت فيهم بموت .. والبيحيا بدون شك بيموت بكره .. واهو في النهاية كلهم ماتو وشبعو موت ..
لكن هنا القرصنة دي فيها كيبورد وفيها شاشة معظم البتقرصنو هنا دا الواحد فيهم لقى ليهو مساحة مناسبة جدا علشان يفضي فيها اسقاطات كتيرة جدا .. الزولة البتتعرض لي غيره من الرجالة .. اكيد عندها خلل في حتة محدده .. واكيد احترامه لي ابوها أو أخوها في البيت او خاله أو عمها .. ما تامي .. وبالمثل الرجل البتعرض لي اي اخت هنا من الأخوات تنطبق عليهو نفس القاعدة .. فقط يبقى مطلوب من الجميع تتحمل نفسيات التانيين .. وفي وجود الهتيفة وحملة الرايات والفلاسفة لا يمكن ان تتوفر هذه الخاصية ..

Quote: اهلنا في المثل قالوا الحسنة معطت شارب الاسد.. يعني لما امنة او اكس من الناس يقول كلمة سيئة في حق واحد تاني ونجي احنا نقبقبو طوالي من تلابيبو وهاك يا جلد فاكيد لا حيرجع هو للحق ولا حيرجع للزول النبذو حقو...

..

Quote: وزي ما علاء ما كان حيرفض مناشدة بالشكل الراقي دا عملا بالمثل "الحسنة معطت شارب الاسد" فبتهيأ لي امنة برضو ما كان حترفضا.. لانها ما حتكون ابشع من الاسد يعني.

.. أقوله ليك بي صراحة شديدة يا رشا .. اسلوبك الاستعملتيهو في البوست دا .. واسلوب آمنة مختار البتتعامل بيهو مع البعض هنا من مبدا انها مصادمة كما اوهمها البعض هنا بي الشعارات الزائفة صدقيني الاسلوب دا:
ما بيدخلكم جنينة الحيوانات علان تمرو مجرد مرور بي قفص القـرد ، ناهيك عن انو يمعط ليك صوفه من شنب الاسد العينك ليهو في القفص جوه وما قاعد في غابة وحر طليق ..

تبلدينا

الشي كلو موثق عشان حركات رشا حاتم وظلمها دا
وجودية شنو عليك عليك الله دا كلام جودية ام تطفيف بالميزان وحشفا وسوء كيلة ؟؟

الصفحة الأولى

الصفحة الثانية

Quote: يا ربي حسي انا الما حضرت ضربة البداية اقيف مع منو ؟؟ الواحد زاتو ما عارف نفسو عميان ولا مكسح ولا فضولى ..

Quote: خطا الغالبية في حق امنة وما لقيته من الفاظ ومهاترات..

انت بتغالطي في نفسك ..
آمنة مختار ما في زول غلط عليها .. هي الجابتو لنفسها براها وبألفاظ شوارع غير مقبولة ..
لو جات أخدت بالشلوت فوق راسا .. برضو هي الجابتو لنفسها بقلة ادبها الغير مبررة ..
ما تجي تتفاصحي انتي زاتك وتقلي في ادبك وتقولي انه الناس غلطت عليها ..
لو كانت قالت ليك انتي دي يا رشا انك مثلية ما كان رضيتيها ..
بطلي العوارة البتعملي فيها دي واحترمي الناس عشان يدوك بالشلوت انتي زاتك ..

..
..

ورجاء للاخوة الاعضاء .. نقفل البرنامج البايخ دا ..
المعلومة وصلت للجميع .. معانا واحدة هنا اسمها آمنة مختار لسانها زفر وبتتلفظ ألفاظ ما كويسة ..
وفي واحدة اسمها رشا بتساند فيها ..
كدا الامور بقت واضحة للجميع ..
الما داير يسمع فارغة .. يتجنب المستنقع دا ..

..
..

بالجد الواحد عنده رغبة يطرش ليكم هنا ..

عليك الله يا رشا بعد ما تنتهي من السخف البتعملي فيهو دا ..
امشي الارشيف وفتشــ عن كلمة ( نــــص مكنة ) ..

..
..

نص مكنة يعني Gay يا رشا .. عشان الامور ما تتلخبط ليها ..
وقالتا السيدة المحترمة لعضو البورد المحترم حسين ملاسي ..
تعال قولي لي اليوم دا انا كنت غايبة ..

..
..

انا طرشت خلاص ..

Quote: آمنة مختار ما في زول غلط عليها .. هي الجابتو لنفسها براها وبألفاظ شوارع غير مقبولة .. لو جات أخدت بالشلوت فوق راسا .. برضو هي الجابتو لنفسها بقلة ادبها الغير مبررة .. ما تجي تتفاصحي انتي زاتك وتقلي في ادبك وتقولي انه الناس غلطت عليها .. لو كانت قالت ليك انتي دي يا رشا انك مثلية ما كان رضيتيها .. بطلي العوارة البتعملي فيها دي واحترمي الناس عشان يدوك بالشلوت انتي زاتك .. .. .. ورجاء للاخوة الاعضاء .. نقفل البرنامج البايخ دا .. المعلومة وصلت للجميع .. معانا واحدة هنا اسمها آمنة مختار لسانها زفر وبتتلفظ ألفاظ ما كويسة .. وفي واحدة اسمها رشا بتساند فيها .. كدا الامور بقت واضحة للجميع ..الما داير يسمع فارغة .. يتجنب المستنقع دا .. .. ..

اقول شنو بس؟؟

حسبي الله ونعم الوكيل..

الواحدة الاسمها رشا دي يا حميدة يؤسفها جدا ان قادتها قدماها لمثل هذا الوحل فعلا..

ويؤسفني جدا ان اتعامل مع امثالك..

ويؤسفني اكثر انك تحسب على هذا الوطن رجلا..

واصل يا حميدة.. وكل اناء بما فيه ينضح..

Quote: ويؤسفني اكثر انك تحسب على هذا الوطن رجلا

ويؤسفني جدا اني ما بقدر اثبت ليك رجالتي من عدما هنا في المنبر ..
لكل مقام مقال ..

..
..

أسفي انني لا استطيع مجاراتك فيما تود جري اليه يا حميدة..

قال رسول الله صلي الله عليه وسلم: "لا يسب الرجل اباه. قالوا وكيف يسب الرجل اباه يا رسول الله؟ قال يسب الرجل ابا الرجل فيسب الرجل اباه ويسب امه"..

صدق الرسول الكريم..

ربما كنت انا المخطئة.. رغم قناعتي بمبادئي..

ولانني فقط لا اود ان اتيح الفرصة لذوي النفوس المريضة للتعرض لي باكثر مما حدث اعلاه..

فهذا قلمي قد رفع من هنا..

رفع من مكان لا يعف فيه لسان احد عندما يزين له هواه انه قد حظي بالمغنم..

مكان تهان نساؤه ويكرم رجاله..

مكان يتهافت فيه البعض ليردعوا النساء بينما يتوارون وينزوون امام اسفاف بعضهم وبذاءاته..

مكان لا نجد فيه ريح ابائنا واجدادنا.. ليس من قلة احفادهم.. ولكنهم كغثاء السيل..

فلتطيبوا نفسا.. فقد ولى الجمع الدبر..

ومين حيبكيك يا وطن

وقلوب وليداتك ملطخة بالعفن

مغبون براك ومتمكن

خليني ابكيك يا زمن

ابكي الشمس

وكتين شروقا يكون سواد

ابكي القمر

وكتين منامو يكون سهاد

وابكي الزرع

الشال رفات بعضك سماد

ولسة ثمرو بناكلو زاد؟

يا حليلو حضنك يا وطن

ويا حليلو ليل السترة كم غتغت محن

مين من وليداتك يقيف

ويخلي عهدك ليهو قيف

ما يعدي لبحر الفتن

ويغني ليك

وقف الكلام جوف الحلِق

كان بلعو موية اكان شِرِق

وكان مرقو بينجض خلِق

والحل شنو؟؟؟

عهدك كفن

سترت بيهو الما اتدفن

لجمت بيهو الايد رسن

وقلعتها المنخورة سِن

والسوس عفِن

وبس عشان الواحدة عين

بندوس جمرنا ونتمَكِن

ونكرم جيوش من المِحن

رشا حاتم

Quote: ربما كنت انا المخطئة.. رغم قناعتي بمبادئي.. ولانني فقط لا اود ان اتيح الفرصة لذوي النفوس المريضة للتعرض لي باكثر مما حدث اعلاه.. فهذا قلمي قد رفع من هنا.. رفع من مكان لا يعف فيه لسان احد عندما يزين له هواه انه قد حظي بالمغنم.. مكان تهان نساؤه ويكرم رجاله.. مكان يتهافت فيه البعض ليردعوا النساء بينما يتوارون وينزوون امام اسفاف بعضهم وبذاءاته.. مكان لا نجد فيه ريح ابائنا واجدادنا.. ليس من قلة احفادهم.. ولكنهم كغثاء السيل..

ما ممكن تمشي بي ظلمك
من دون ما تشتمي ؟؟

قالت نفوس مريضة قالت .

ــــــــــ

Quote: ويؤسفني جدا اني ما بقدر اثبت ليك رجالتي من عدما هنا في المنبر .. لكل مقام مقال ..

عيب.. هذا الاسلوب

مدان كُليةً..


ومستهجن..


(( ماهكذا تورد الأبل ))


ياخي نحن وين ؟!

هي دي الرجاله في فهمك ؟!

تاني يا رشا .. عشان انتي عندك عقدة في الفهم ..
البورد ما المكان البثبتو فيهو الرجولة .. من عدما ..
وعيب منك تجي تقولي كلام ذي دا يا مهذبة يا نصيرة الحق ..
عيب في حقك يا متربية انك تقولي كدا ..
وانا ما عارف الحرقك شنو عشان تجي تكتبي الكلام دا كلو ..
للمرة المليون ولحدي بعد بكرة .. المنبر ما المكان الممكن الزول يثبت رجولته فيهو ..
لكن ممكن الزول يجي يتفاصح ويقل ادبه ذي ما بتعملي يا محترمة ..
انتي مش قلتي دي وجهة نظرك .. طيب ليه ما بتتقبلي وجهة نظر الناس .. بدون الدخول في حتة راجل ولا ما راجل ..
انتي عرفتيني ما راجل كيف .. ومقاييس الرجالة عندك شنو ..
دايرني اجي اطبل ليك واقول ليك كلامك صاح وبعد شوية ارسل ليك ماسنجر ونبقى اصحاب عشان ابقى راجل في نظرك ..

..
..

أكون دقست الوكت داك ..

..
.
والله يا عادل ؛؛

انا والله عشان اكون صادق
ما قريت بداية النقاش ( بقيت ما بقدر اقول شكلة جا كلام دا
المهم امووناتى دى بحبها من زمان زولة بعرفها وقعدت معاها
عاجنها وعاجنانى .. طيبة ورقية .. شخصيتها فى الواقع تختلف عن المنبر تماماً
محبوبة وانيقة وبتعرف عايزة شنو ..
نسال الله ان يبعدها من فاحش القول والاساءات .. ويهديها بالاعتذار كما هداكم مع حزب الامه

اما عزاز دى بريدها من مداخلاتها هنا بس .. وحسي اجبرتونى احبها فى عيونكم
الستين الحايمات هنا .. يعنى زوله مدحها اكثر من مئة شخص فى المنبر
ما حاجة ساهلة واكيد ما مدحوها من فراغ .. بس لو بقيتوا ما عاشرتوها ..
مع استثناء اهل الرياض .. يبقي دى حاجة تانية يكون الا
عشان السايد كاب ولا الطاقية الفى راسها دى ..

عشان كدا ساظل متوارى ماسكا العصى من الوسط ..
رغم انى هذا البوست سيذهب للارشيف بدون الوصول الى نتيجه ..
__________________

بالمناسبة انت يا عادل اعتذرت لناس الامه فى شنو ؟؟

Quote: المهم امووناتى دى بحبها من زمان زولة بعرفها وقعدت معاها عاجنها وعاجنانى .. طيبة ورقية .. شخصيتها فى الواقع تختلف عن المنبر تماماً محبوبة وانيقة وبتعرف عايزة شنو ..

..

Quote: يعنى زوله مدحها اكثر من مئة شخص فى المنبر ما حاجة ساهلة واكيد ما مدحوها من فراغ .. بس لو بقيتوا ما عاشرتوها .. مع استثناء اهل الرياض .. يبقي دى حاجة تانية يكون الا عشان السايد كاب ولا الطاقية الفى راسها دى ..

..

Quote: بالمناسبة انت يا عادل اعتذرت لناس الامه فى شنو ؟؟

.. والله يا تنقــا لقيت الهمبريب دا وتضري في عيشك ..

الأخت الكريمة رشا،
سلامات،
انا مفترضة حسن النية فيما كتبت و إنك لا تقبلين الظلم لآمنة ولا العنف اللفظي ولا الذي لا أقبله لها أنا أيضا .. قد نختلف و قد نتفق بحدود ما نقبله لأنفسنا بلا تعد ولا جور ولا فجور ...
أرجو صادقة منك ومنك الأخوة الأفاضل الذين مروا من هنا بالتوقف عن الحديث عن الأمر ولا أشكك مثقال ذرة في دوافعهم وإن جانبهم الصواب يوما في التعبير عن غضبتهم... لكن تأكدي ان كل منهم بداخله قيم جميلة تعجز شاشة مساحتها 15" في اظهارها على حقيقتها ...
انا شخصيا عافية لـ الله و الرسول لآمنة مختار فيما قالته في حقي و عافية عن تبارك شيخ الدين وعافية لكل ما سيحمله القدر يوما من اساءة سواء متعمدة أو بلا قصد، لإني لست منزهة من الخطأ و ارجو العفو حين الزلل ...
انا متأكدة انو لو مسني ضر حقيقي ما بيرضي آمنة ولو مسها ضر ما بيرضيني ... النفس آمارة بالسوء و لكني بذرة الخير ما بتموت في داخلنا لو سمعنا صوت العقل...
واقسم بالله لا أحمل في قلبي ضغينة وعفى الله عما سلف و اتمنى ان يعفو كل من مسه أذى في هذا الشأن فالحياة بها ما هو أهم من هذا العرك ...
لا تثقلوا قلوبكم بما هو ليس أهل لكم وانتم مدفوعون بالطيبة فعودة محمودة لطيبة تستحقونها ...
امسحو اي اساءة جاتكم في وشي ...
و ارجوكم انهوا الخلاف وارتقوا الشق،
رجاء خاص أرجو انكم ما تخيبوا رجائي...

THE END

Quote: و عافية عن تبارك شيخ الدين

wa Tabaruk Sheikheddin 3afi 3an 3uzaz Shami

Quote: امسحو اي اساءة جاتكم في وشي ...

not the type i got from 3alaa' 7emura ..SALAMAT WASH'SHIK









almuhim ..

الأخت عزاز

سلام على روحك الطيبة

كلماتك أعلاه تدل على صفاء ووفاق .. كنت كبيرة يا أختي وأتمنى على الطرف الآخر أن يخطو بإتجاه خطوتك .. ما يحدث ها هنا يسيء للكل وبدلاً من أن تكون هذه المساحة للتلاقح الفكري الثقافي أصبحت بما يشبه صحف التابلويد حيث يصب الكثيرون الغاز في النار بدلاً من البحث عن الصلح والتصالح .. شكراً لك

البوست ده بالذات مكلّف شديد، كونو لا يحتاج عدد 10 سجارات فقط، ولا علبة، بل يحتاج الى شيشة عديل كده...
عشان نخلص للعبارة الشهيرة: اختلف العلماء ...الا واحداً

وهذا بالضبط أحد الأوجه التي تحدث عنها طيب الذكر المونج محسن طه هنا:

Quote: قلت لي شنو ، ياخ الناس ديل شابكيننا قضية فارغة جدا ومجلية وعاضة لا ماشة وراء ولا حتودي لي قدام، واقفين لينا من سنة دو لحدي يوم الليلة، زي الحمار لمن تجيب ليهو قطعة جلد مرفعين، لا يقدر يمشي كدا ولا كدا وفي النهاية يموت من الوهمة ويكون لافي مرفعين ولا يحزنون جلدة بس... وعاين نحنا بلد بيجبوا لينا زول عسكري ماكل قعونجة وقاعد بنطط سنتين في ارنب نط تراني بنط ويعملوهو وزير صحة ويمشي يجتمع بالدكاترة ولمن يوقلوا ليهو والله يا ريس عندنا نقص في الاختصاصيين واطباء التخدير جنابو يرد بكل بساطة ويقول: ياخ هسي دي مشكلة عاملين لي ليها اجتماع( ما ترقوا بس) اها عاين وزير صحة زي دا واسمو رامبو... وياهو يا كنج اي نقلتي عايز يعمل لينها ملك وشاغلنا انت وانا بي انت عربي وهو عب وانت جلابي وشنو شنو شنو وكلام عاضي يا مان، لمن الواحد يجي يوضح ليهم الوهمة دي يسحبوا بوستو ويقولوا عنصري... اتمنيت لو الناس صبرت دقيقة بس والله العظيم ما كان جا زول في السودان اتكلم عن الموضوع دا تاني. واسمع يا انور، كان ما مصدق كلامي دا انا بثبتوا ليك تاني بيان بالعمل، تعال بكرة اعمل لي فيها كنج وافتح ليك بوست واعمل واعمل بتنبذني وانا حا اعمل ليك عب كبير وشوف الناس القاصية والدانية حتتطاقش كيف ...؟ وحا يطلعوك عنصري ويطالبوا بسحب البوست...!! دي هي المشكلة في السودان انشغالنا بقضايا انصرافية ما ليها اي علاقة بالبحصل هسي دا والحايخلينا انا وانت ماعندنا وطن ذاتو وقريب اذا الموضوع استمر، والله امشي نيويورك اعمل عب هناك وانت تبقي كنج في الدنمارك...\ Re: محسن طه: الكلمة رصاصة لا يحتملها البعض

ونسي محسن طه أن العبد لله، مقاطع المنتجات الدنماركية...خصوصاً جبنة لباشكري...وكده!
--
في البوست ده تحديداً...أجدد إحترامي لنفسي الشمرتجية التي تأمر بمزيد من الإنحدار
نحو هاوية، قلنا وقالو...قالو وقلنا...والخ...













(صورة تبارك، بدلاً عن المهم...)

يا كنج ما قلنا THE END

بلا تبارك بلا بطارية محروقة

عمو كوستاوي،
The End دي مرتطبة في ذاكرتنا ب
فلو ما جبتا الأسد البيلولي راسو يمين وشمال داكا...
ما أظن ينتهي الفيلم ده!


بعدين التعبير ده:

Quote: بلا تبارك بلا بطارية محروقة

محرض للتفكير...









الله يجازيك يا تبارك...خليتني أمشي أجيب علبة تانية

الموهم...

وبمناسبة العلبة التانية دي هاك دي:
قالوا في حلفا القرية 24 والناس كلها أهل هناك، وأمام الجامع عمك جريس يخطب في خطبة الجمعة:
بعد أن حمد الله وأثنى على نبيه، بدا في موضوع الخطبة: مشينا نشتري للبت الصغيرة جزمة من الدكان
صاحب الدكان قال الجزمة ب 60 جنيه...وانا مرتبي 60 جنيه...يعني مرتبي بيساوي شنو؟
الجماعة ردوا عليهو: بيساوي جزمة!
فاسترسل عمك جريس في خطبته: مرتبي بيساوي جزمة...أتق الله يا عمر البشير، أقيموا الصلاة...

بعد الصلاة ساقوه ليك ناس الأمن وعملوا الواجب!

الجمعة البعدا، بدا عمك جريس الخطبة، وبعد ان حمد الله وأثنى على نبيه، قال:
الجمعة الفاتت قلتا ليكم مشيت أشتري للبت جزمة من الدكان وطلعت ب 60 جنيه
وانا مرتبي 60 جنيه...يعني مرتبي بيساوي جزمة، بعد الصلاة جو ناس الأمن ساقونا
ودقونا، أهــــــــــــــــا: يا عمر البشير ما تتق الله

برضو بعد الصلاة الجماعة ساقوه ليك وعملو معاه الواجب بالزيادة كمان،

والأنكى من كده...جابو ليهم أمام للجمعة غيرو...من غير أهل الحي!
صلّى بالناس الجمعة، والجمعة البعدا...

الجمعة البعدا، غاب لمرض أشتد به، و ناس القرية ما عارفين (الزول ما غريب!)

الجماعة وقعوا ليك تحنيس في عمك جريس، عليك الله تقوم تصلي بينا...

على مضض قام يتنحنح ومشى على المنبر، فحمد الله وأثنى على رسوله وأختصر الخطبة في قوله: عباد الله أتقوا الله
أقيموا الصلاة...

كبّر وركع ثم سجد...وطال السجود...

وطال....

وطـــــــــــــــــــــــــــال...

أتاريهو عمك جريس قام من السجود وقاعد يعاين في الناس الما عندها رأي ديل!
همهم عمك جريس: أها يا ناس، انا ماشي...خلّو الزول البيصلي بيكم ده يجي يرفعكم

Quote: عم امنة غلطت في حق عزاز.. خلاص يعني.. فجرت..

امنة ما غلطت في حق عزاز
الغلط ده لامن اقول شي ما قاصدو.. او شي ضايق الاخر بصور غير مقصودة
لكن لامن امنة تقول لي عزاز انتي اتحرشتي بي جنسياً...
أمنة بتكون فجرت..
بل وابشرك ده احسن سامبل لي فجور ...
الفجور ده غيروهو؟؟

دكين الشين
قلنا ليك قفل
قفلك الماعدلك
قول يامين

THE END
معناها أقفل صليبك ده...يلا غيرنا كده ولا كده

أها نجي للجد بعد ده...

Quote: وناس الفتنة نائمة لعن الله من ايقظها

الكلام ده بيقودنا لنتيجتين (كلاهما يحتمل الخطأ)...
يا إمّا أنو البوست ده زاتو فتنة...لعن الله من رفعه (ولو بدون قصد، أو بقصد الشت أبا نسبةً ل Shut Up)
أو أن البوست ليس بفتنة...ولا يلعن الله من رفعه (ولو بقصد، كما نفعل أنا وأخواني وأعمامي الكُشاف هنا)...






الموهم...

أرفض الإتهام الفطير الذي وصلني بأنني أقوم بتمييع البوست وحرفه عن
مساره الصحيح... على ما أظن، أنا وبقية العُلماء كلنا ماشين في الإتجاه الصحيح!


بعدين هو التمييع عيب ولا حرام... كلنا بنحب الحمار!
هاكم دي:

بعدين ياخي انتي حارقة رزك مالك ؟؟
هسي يعني انتي خبرتك في الدنيا دي اكبر مني لامن تجي تنصحيني؟؟
ولاياربي اكبر مني في العمر ولا عندك معارف لــُدنية انا ماعندي؟؟
انتي يارشا شايفاني قصير كده قايلاني قدرك؟؟

لولا أنني أكره شُبهة التحامل والوقوف الى الجانب الصحيح
لكنت قلت ليك أنو ما في محصول أسمو رز زاتو في السودان يا دكنكن...يا دكّوني أبو صليب!

Quote: معارف لــُدنية

طوالي تبادر لذهني حكاية التعلمجي القال للمجند أقيف كويس وحازي الصف...رد عليهو الجمبو: الزول ده عندو ماجستير ياخي
التعلمجي: عندو ماجستير، عندو ملاريا...يقيف لينا هنا كويس!

ولا التعلمجي التاني الهرش المُجند قائلاً: أقيف كويس، عامل راسك زي سمبرية، راكبة في حصان، ماشة تجيب موية من البحر






الموهم....

يا أخواني وأخواتي ، أنا قاعد بضيّع في زمني ساكت...
عندي ساعتين لازم أنتظرهم صاحي...لو مشيت نومتا، حا تجيني الكوابيس بتاعة
منو الغلطان؟
وبكل أسف مافي مرحوم هنا، ولا زول تم إيقافه من البورد ولا حاجة...
عشان كده لازم نلقى الغلطان وأنا صاحي بدل ما أجيبو ليكم في كابوس...


وبمناسبة كابوس دي: التحية لبورداب سلطنة عُمان!


الموهم...

Quote: ياخ انا ذااااتى زماااان فتحت بوست للبرنسيسة عزاز شامى دى ..وندمتنى عليهو لمن سفيت التراب.. لانها فهمتنى غلط على ما يبدو ..وافتكرتنى ( بحبها) ..تخيل ؟!! آى والله صدق أو لا تصدق ..فقد سألتنى اذا كنت لا أزال ( أحبها) ؟! طبعا ما قدرت أقول ليها : منتهى قلة الأدب يا عزاز ..ليه لأننى أحترم ( المثليين ).. وأحترم ( ميولهم) وأراها طبيعية جدا.. ويبدو ان سبب ( تحرشها بى ) وغلطها على بدون اى سابق عداء لها..( فى بوست زهرة حيدر ) لأنها تأكدت انى لا بحبها ولا حاجة ..وانما هو مجرد اعجاب منى بكتابات زميلة.

ما هوى بموازين العدالة هنا إلا من يقدمون الاتفاق الفكري أو السياسي
على المقاييس الأخلاقية المتفق عليها! ولا أكره أمرا مثل الجودية بطريقة
(أنتما تنتميان لنفس المعسكر)!

تجي تقول للغلطان: إنت غلطان؛ يقولو ليك فتنة وبتاع! عليكم الله أسي
الغلط الغلطتو الاسمها آمنة دي غلط عادي؟! غايتو كان عجبكم ولا ما
عجبكم ده اسمو قلة أدب. ومفروض بكري يطبق اللوائح على كاتبة الكلام
الفارغ ده، ده إذا كان ما طبقها لسه.

ستظل هذه الكلمات ومغزاها السخيف "الذي لا ينكره إلا مكابر" وصمة عار
في جبين كاتبتها، ودليلا على افتقارها لأبسط مقومات "شرف الخصومة"،
وعلى أن كنانتها ذاخرة بما يمكنه إيذاء الآخرين.

Quote: دكين الشين قلنا ليك قفل قفلك الماعدلك قول يامين

عُـــلم يا كوستاوي ويُنفذ..
بس عشان خاتر الجميلة الفي بروفايلك ام بسمات حلوة دي..

Quote: أكعب حاجة تِدِخِّل الرجال وسط شكل النساوين

لماذا هذا الفصل الحاد ما بين البيضة والحجر يا عمك؟
لماذا الإصرار على تكرار تاريخ "الحريم" في هذا البورد؟


لمــــــــــــــــــــــــــــــــــــــــــــــــــاذا؟


بمناسبة لماذا دي: كابلي وكده!







الموهم...

Quote: وعلى أن كنانتها ذاخرة بما يمكنه إيذاء الآخرين.

بمناسبة كنانتها دي- أول مرة أسمعها- شقيش موقعها من ترعة الرهد؟


ياخي أنا ماشي أنوم... ما منكم نكهة، لا زول داير يشاكل ولا زول داير يغالط!


سُب!




الموهم....

البداية:
::: عًزاز شامي :::
ثم
ما بين عزاز شامي وامنة مختار... مالكم كيف تحكمون؟؟؟؟؟

الى أن بدأت المرحلة التانية

بين عُزاز شامي وإسمي المسروق !!!

والآن مع
::: اساسي :::


ودعناكم الله...

الجدير بالذكر أنو عمو كوستاوي بعد ما الآتو بتاعو كلو أتحتّا هنا...
هرب الى الأمام الى هنا
من سيفوز برئاسة أمريكا, أوباما أم مكين ?
أو لنقل، أن الفتنة العامة النائمة ما بتنطفي، فلجأ الى الشئون الداخلية...



الموهم...

ودعناكم الله (2)

أظن أوباما حا يفوز

يا عادل عبد العاطي خلي الحركات البايخة دي ياخي...
جاني وجع شمار وعيون وانا بحاول أعرف كتبت شنو جديد في الصفحة الأولى!

الرجاء الإتيان بالإقتباس عشان نحكم عليهو: يا إمّا رشا غلطانة، ولا ما غلطانة!

في الحالتين ترانا منتظرين...انا وأخواني الكُشّاف الفوق ديل...

عزيزي المتابع عزيزتي المتابعة: البوست ده الفورة فيهو مليون...وما شاء الله مليان لولوة و
الذي منو، انا قاعد هنا، الى أن يطلع الغلطانين براهم ويقولوا الروب...أو ألبس أنا الروب

وبمناسبة الروب، الشرموط قرب يخلص مننا!

Quote: انا مفترضة حسن النية فيما كتبت و إنك لا تقبلين الظلم لآمنة ولا العنف اللفظي ولا الذي لا أقبله لها أنا أيضا .. قد نختلف و قد نتفق بحدود ما نقبله لأنفسنا بلا تعد ولا جور ولا فجور ... أرجو صادقة منك ومنك الأخوة الأفاضل الذين مروا من هنا بالتوقف عن الحديث عن الأمر ولا أشكك مثقال ذرة في دوافعهم وإن جانبهم الصواب يوما في التعبير عن غضبتهم... لكن تأكدي ان كل منهم بداخله قيم جميلة تعجز شاشة مساحتها 15" في اظهارها على حقيقتها ... انا شخصيا عافية لـ الله و الرسول لآمنة مختار فيما قالته في حقي و عافية عن تبارك شيخ الدين وعافية لكل ما سيحمله القدر يوما من اساءة سواء متعمدة أو بلا قصد، لإني لست منزهة من الخطأ و ارجو العفو حين الزلل ... انا متأكدة انو لو مسني ضر حقيقي ما بيرضي آمنة ولو مسها ضر ما بيرضيني ... النفس آمارة بالسوء و لكني بذرة الخير ما بتموت في داخلنا لو سمعنا صوت العقل... واقسم بالله لا أحمل في قلبي ضغينة وعفى الله عما سلف و اتمنى ان يعفو كل من مسه أذى في هذا الشأن فالحياة بها ما هو أهم من هذا العرك ... لا تثقلوا قلوبكم بما هو ليس أهل لكم وانتم مدفوعون بالطيبة فعودة محمودة لطيبة تستحقونها ... امسحو اي اساءة جاتكم في وشي ... و ارجوكم انهوا الخلاف وارتقوا الشق، رجاء خاص أرجو انكم ما تخيبوا رجائي...

كبيرة والله يا عزاز ..

اها شوفو ليكم تاني موضوع..

أنور كنج سايز يا بتاع الشمارات..شكرا على رفع هذا البوست
فلو لم ترفعه لما كنت رأيته ..
الأخت رشا حاتم :

Quote: وانا عن نفسي ما اتعودت اخد جانب الكوم الاكبر بس عشان اعوم مع التيار يا عمر.. الناس كلها اوفت عزاز حقها.. بقيت كلمة الحق فيما تعرضت له امنة واللي ماف زول قالا ولما جيت انا قلتها بقيتو لي في رقبتي.. وليه ما ادنتي وليه ما اتنيلتي علي عينك..

طبعا هنا لاااازم وحتما ولابد تعومى مع التيار..
خصوصوا لو كان هذا التيار يحوى واحدة من بنات البطة السوداء اللى هم ( آمنة وتراجى ) وزمرتهم ..

طبعا أنا متفقة معاك على كل كلمة قلتيها فى البوست..
ولكننى تعجبت من رضوخك للضغوط الشديدة لتجريمى ..
بالرغم من الشتائم والاهانات التى نالتك بسبب هذا البوست ..


شخصيا لا أرى اننى غلطت فى حق عزاز اطلاقا..

ورغم الهيلمانة بتاعة رعاع السعودية وأصحاب عزاز الأنتيم ..
فأنا عااارفة بل متأكدة من ان عزاز نفسها تعرف فى قرارة نفسها اننى على حق..

عزيزي المتابع ، عزيزتي المتابعة،
بحسب آمنة مختار هنا، فأن رشا حاتم هي الغلطانة ، كيـــــــــــــف؟
تيب واحدي واحدي،
رشا حاتم فتحت بوست لمناصرة آمنة مختار
قاموا لموا ليك فيها المثقفاتية وعملوا ليها زي عملية شُلة المثقفين في بيت البكاء لمن
يجي زولاً فيهو الرقشة...والرقشة لمن لا يعرفها، هي القروووش...كاش موني وكده!
أها يقوم عبد الغني ده يفكها حامضة في الناس الحولينو: عندي 50 طن حديد الفار أكلهم...
وطبعاً فقهاء الأغنياء الكلام بارد على بطونهم، وكمان مستعدين يجدوا النظرية العلمية التي تبرر كلام
عبد الغني ده....

الملخص من النضمي الفوق ده: المثقفين والمثقفات، قدروا يجرفوا رشا حاتم في تيارهم القوي، ويخلوها
بدل ما تدافع عن آمنة مختار، تقوم بالعكس، تدين آمنة مختار...ممممممممم...

أذن بحسب آمنة مختار، رشا حاتم الفتحت البوست ده مخصوص لمساندة آمنة مختار، غلطانة!
وده ما يسمى بقانون الحجّاز، ليهو أستاذ!

آمنة مختار لحد الآن...على حق...



_____
بكل أسف حا أخذل توقعاتكم وما حا أتشاكل مع آمنة مختار
Stay Tuned
لكن هاكم ده العربون بتاع المداخلة الجاية:








هوي يا آمنة، ما تحاولي تتلصقي فيني ...أنا زول رب أسرة
أنور كنج سايز ولا بنسون...أختيني!

الأخ أنور
أرجو أن تساعد في تجاوز هذا الأمر و الذي أصبح لا يحتمل مزيدا من الطرق عليه.

الأخ العزيز العوض،
ياخي تحياتي وأشواقي من هنا الى حيث أنت...

وينك ووين الحي بيك، بركة الجيت هنا...سعيد جداً بطلتك ,,,

آمرني يا حبيب...كيف يمكن أن أساعد في تجاوز هذا الأمر؟

أنا عندي شوية أسئلة ، ومكانها هنا، وفقط هنا لا غير...
ممكن أسئلك ليها؟
لو ما عندك إستعداد، بس، ما تجاوب وانا أتفّهم الوضع تماماً

مع عميق مودتي!






____________
لاحظوا، من مسُتنكر الى مهرج الى طرف في مشكلة والخ...في هذا البوست، شوية شوية،
سأصبح انا هدف النبيل للباحثين عن شماعة يعلقوا فيها خجلاتهم!

ولاحظ أن مفردة الخطاب مذكر عشان ما تتخلط كيمان قلتا ليها وقالت ليك...

فبدايةً برجاء العزيز كوستاوي مروراُ بهرشتو لي والخ...

أجد نفسي في وضع مريح جداً أقول فيهو كلام محسن طه تاني وتالت:

Quote: قلت لي شنو ، ياخ الناس ديل شابكيننا قضية فارغة جدا ومجلية وعاضة لا ماشة وراء ولا حتودي لي قدام، واقفين لينا من سنة دو لحدي يوم الليلة، زي الحمار لمن تجيب ليهو قطعة جلد مرفعين، لا يقدر يمشي كدا ولا كدا وفي النهاية يموت من الوهمة ويكون لافي مرفعين ولا يحزنون جلدة بس... وعاين نحنا بلد بيجبوا لينا زول عسكري ماكل قعونجة وقاعد بنطط سنتين في ارنب نط تراني بنط ويعملوهو وزير صحة ويمشي يجتمع بالدكاترة ولمن يوقلوا ليهو والله يا ريس عندنا نقص في الاختصاصيين واطباء التخدير جنابو يرد بكل بساطة ويقول: ياخ هسي دي مشكلة عاملين لي ليها اجتماع( ما ترقوا بس) اها عاين وزير صحة زي دا واسمو رامبو... وياهو يا كنج اي نقلتي عايز يعمل لينها ملك وشاغلنا انت وانا بي انت عربي وهو عب وانت جلابي وشنو شنو شنو وكلام عاضي يا مان، لمن الواحد يجي يوضح ليهم الوهمة دي يسحبوا بوستو ويقولوا عنصري... اتمنيت لو الناس صبرت دقيقة بس والله العظيم ما كان جا زول في السودان اتكلم عن الموضوع دا تاني. واسمع يا انور، كان ما مصدق كلامي دا انا بثبتوا ليك تاني بيان بالعمل، تعال بكرة اعمل لي فيها كنج وافتح ليك بوست واعمل واعمل بتنبذني وانا حا اعمل ليك عب كبير وشوف الناس القاصية والدانية حتتطاقش كيف ...؟ وحا يطلعوك عنصري ويطالبوا بسحب البوست...!! دي هي المشكلة في السودان انشغالنا بقضايا انصرافية ما ليها اي علاقة بالبحصل هسي دا والحايخلينا انا وانت ماعندنا وطن ذاتو وقريب اذا الموضوع استمر، والله امشي نيويورك اعمل عب هناك وانت تبقي كنج في الدنمارك...\ Re: محسن طه: الكلمة رصاصة لا يحتملها البعض

وبمناسبة التكرار دي هاك دي:
قالوا إمام جامع عندو خطبة واحدة ما بيغير فيها
الجماعة قالوا ليهو هريتنا بيها،
رد ليهم: لما تعملوا الفيها بغيرها ليكم!



المهم...

الأخ أنور
بس خلي البوست يغطس و كدا بتكون ساعدت. إذا كان في ناس تانيين طلبوا منك الطلب دا لأسباب بتخصهم دا موضوع تاني. ياخي أمش صحي إقبال و ألعب معاها و ضحكها و بعد داك صحي أمها و قول ليها البت دي جيعانة و أمشي نوم جربتها الحركة دي؟ لذيذة والله جربها و أنسى البوست دا.
بالنسبة لأسئلتك جاهز ليها بس في ظرف أحسن من كدا.

Quote: ياخي أمش صحي إقبال

ده عيبك يا العوض يا أخوي...
قايل إقبال بتنوم!

كنج سايز..عليك الله ما تخلى البوست ده يغطس كيتن فى العوض ده

Quote: الملخص من النضمي الفوق ده: المثقفين والمثقفات، قدروا يجرفوا رشا حاتم في تيارهم القوي، ويخلوها بدل ما تدافع عن آمنة مختار، تقوم بالعكس، تدين آمنة مختار...ممممممممم...

غايتو دى بالغت فيها خليتنى رقعت الضحكة بأعلى صوت..

ياتهم المثقفين ديل ؟!
أوعى يكون رعاع السعودية : ناس دكين وتمبس وحميضة !!!


كنج سايز : انت شكلك كده طولت من الثقافة والمثقفين..
ايه رايك أوديك كوس مكثف فى فوراوول

Quote: أوديك كوس

دي قويه دي

Quote: دي قويه دي

معاوية حبابك...
القوية شنو؟
أشرح لي ربنا يفتح عليك...خلاص الشمار كتلني بالحيل!











____
من أقوال حسين ملاسي: قلة الأدب ساهلة!

Quote: هوي يا آمنة، ما تحاولي تتلصقي فيني ...أنا زول رب أسرة أنور كنج سايز ولا مارلبورو...أختيني!

ربما هذه اول مرة اتداخل فى بوست يخصك يا عزاز شامى
ورغم انك وجه مريح وقلم محترم الا انك بموقفك هذا

Quote: الأخت الكريمة رشا، سلامات، انا مفترضة حسن النية فيما كتبت و إنك لا تقبلين الظلم لآمنة ولا العنف اللفظي ولا الذي لا أقبله لها أنا أيضا .. قد نختلف و قد نتفق بحدود ما نقبله لأنفسنا بلا تعد ولا جور ولا فجور ... أرجو صادقة منك ومنك الأخوة الأفاضل الذين مروا من هنا بالتوقف عن الحديث عن الأمر ولا أشكك مثقال ذرة في دوافعهم وإن جانبهم الصواب يوما في التعبير عن غضبتهم... لكن تأكدي ان كل منهم بداخله قيم جميلة تعجز شاشة مساحتها 15" في اظهارها على حقيقتها ... انا شخصيا عافية لـ الله و الرسول لآمنة مختار فيما قالته في حقي و عافية عن تبارك شيخ الدين وعافية لكل ما سيحمله القدر يوما من اساءة سواء متعمدة أو بلا قصد، لإني لست منزهة من الخطأ و ارجو العفو حين الزلل ... انا متأكدة انو لو مسني ضر حقيقي ما بيرضي آمنة ولو مسها ضر ما بيرضيني ... النفس آمارة بالسوء و لكني بذرة الخير ما بتموت في داخلنا لو سمعنا صوت العقل... واقسم بالله لا أحمل في قلبي ضغينة وعفى الله عما سلف و اتمنى ان يعفو كل من مسه أذى في هذا الشأن فالحياة بها ما هو أهم من هذا العرك ... لا تثقلوا قلوبكم بما هو ليس أهل لكم وانتم مدفوعون بالطيبة فعودة محمودة لطيبة تستحقونها ... امسحو اي اساءة جاتكم في وشي ... و ارجوكم انهوا الخلاف وارتقوا الشق، رجاء خاص أرجو انكم ما تخيبوا رجائي...

كبرتى كتير فى نظرى وعرفت انك تستحقين كل هذا الحب الذى فاضت به
صفحات هذا البوست وهذا المنبر لى قدام.
ضياء ميرغنى

Quote: كبرتى كتير فى نظرى وعرفت انك تستحقين كل هذا الحب الذى فاضت به صفحات هذا البوست وهذا المنبر

حُب ساي هو؟
حُب ووله وعشق وهيام والخ...
الله يكفيها شر الحُساد فقط ، لا غير...










____
آمنة مختار ...ما قاصدك كويس؟
عارفك موسوسة وأسع بتقوم عليك الحالة جيم!

الموهم....

Quote: أوعى يكون رعاع السعودية : ناس دكين وتمبس وحميضة !!!

انا إسمي مكتوووووووووووووووووووووووووووووب؟




طييييييييييييييييييييييييييييييب
تخريمة :
والله يا امنة دي ريدة منك ساااااااااااااي كونك ما ما كتبتيني مع الرعاع ..انا غايتو حا أقول ده تحرش عاطفي

Quote: والله يا امنة دي ريدة منك ساااااااااااااي كونك ما ما كتبتيني مع الرعاع ..انا غايتو حا أقول ده تحرش عاطفي

الفاروغ ..احتمال واللهى ..
أصلو التحرش الأيام دى بقى أشكال وألوان