Post: #1 Title: (تصويت) لأجمل أغنية سودانية Author: اساسي Date: 05-20-2008, 09:13 AM
هذا البوست للتصويت لاجمل اغنية سودانية مغناة , من حيث التوزيع الموسيقي والكلمات والالحان والاداء .
حصر التصويت حتي الان علي اغنيتين فقط ولا نقبل اقتراحات جديدة كل المطلوب من الافاضل البورداب التصويت باسم الاغنية
الاغنية الاولي :
(1) الطير المهاجر - الشاعر صلاح احمد ابراهيم - الفنان محمد وردي
الاغنية الثانية :
(2) زاد الشجون - الشاعر فضل الله محمد - الفنان محمد الامين
Post: #2 Title: Re: (تصويت) لأجمل أغنية سودانية Author: Osama Mohammed Date: 05-20-2008, 09:17 AM Parent: #1
الأخ اساسي تحية طيبة
فقط أقول لك ظلمت عثمان حسين .........
ودي
اسامة
Post: #3 Title: Re: (تصويت) لأجمل أغنية سودانية Author: اساسي Date: 05-20-2008, 09:22 AM Parent: #2
الاخ اسامة
كما ترى التصويت كان للاجمل اغنية وليس لافضل فنان سوداني , لعثمان حسين اغنيات ضخمة تتفوق علي كثير من اغنيات محمد الامين ومحمد وردي ولكن هاتان الاغنيتان اجمل ما تم غنائه في الغناء السوداني الحديث . لذا حصرنا التصويت حولهما ودمت ,
Post: #4 Title: Re: (تصويت) لأجمل أغنية سودانية Author: Maawya Hussein Date: 05-20-2008, 09:24 AM Parent: #1
(1) الطير المهاجر - الشاعر صلاح احمد ابراهيم - الفنان محمد وردي
Post: #5 Title: Re: (تصويت) لأجمل أغنية سودانية Author: اساسي Date: 05-20-2008, 09:29 AM Parent: #4
شكرا اخي معاوية للتصويت
النتيجة حتي
(1) الطير المهاجر 100% ـــــــــــــــــــــــــــ (2) زاد الشجون 0% ـ
Post: #6 Title: Re: (تصويت) لأجمل أغنية سودانية Author: bakri abdalla Date: 05-20-2008, 09:41 AM Parent: #4
كان على اغنية الود لوردى ثم 2 3 . . .
*الطير المهاجر رغم الأسى لمايحل فى دار فور وأرجاء وطنى العزيز
Post: #8 Title: Re: (تصويت) لأجمل أغنية سودانية Author: اساسي Date: 05-20-2008, 09:45 AM Parent: #6
الاخ بكري عبد الله
حناخذ بتصويتك ونعتبره لاغنية الطير المهاجر النتيجة حتي الان : عدد الاصوات (2) (1) الطير المهاجر 100% ـــــــــــــــــــــــــــ (2) زاد الشجون 0% ـ
Post: #7 Title: Re: (تصويت) لأجمل أغنية سودانية Author: DKEEN Date: 05-20-2008, 09:44 AM Parent: #1
الغنية بتاعة الجمري حامد:
(التلاتة بنات الشغلن قلبي لامن باص الرصيرص فات)
خياراتك الختيتا دي ما لازمانا ياحبيبنا..
Post: #9 Title: Re: (تصويت) لأجمل أغنية سودانية Author: اساسي Date: 05-20-2008, 09:47 AM Parent: #7
الاخ دكين
Quote: خياراتك الختيتا دي ما لازمانا ياحبيبنا..
كنا سنعتبر تصويتك (بنصف صوت) ولكنه اهدر
Post: #10 Title: Re: (تصويت) لأجمل أغنية سودانية Author: خالد عبد العاطى Date: 05-20-2008, 09:49 AM Parent: #1
[[B الطير المهاجر - الشاعر صلاح احمد ابراهيم - الفنان محمد وردي
Post: #11 Title: Re: (تصويت) لأجمل أغنية سودانية Author: اساسي Date: 05-20-2008, 09:55 AM Parent: #10
الاخ خالد عبد العاطي
شكرا للتصويت
النتيجة حتي الان : عدد الاصوات (3.5) (1) الطير المهاجر 100% ـــــــــــــــــــــــــــ (2) زاد الشجون 0% ـ
ــــــــــــ
يا اريت يا اخ خالد تحزف كود الاقتباس لانه سيغير شكل البوست او تقوم بتعديله
وشكرا مرة اخري
Post: #12 Title: Re: (تصويت) لأجمل أغنية سودانية Author: حيدر حسن ميرغني Date: 05-20-2008, 09:58 AM Parent: #11
الطير المهاجر - الشاعر صلاح احمد ابراهيم - الفنان محمد وردي
Post: #14 Title: Re: (تصويت) لأجمل أغنية سودانية Author: اساسي Date: 05-20-2008, 10:02 AM Parent: #12
الشكر اخي حيدر للتصويت
النتيجة حتي الان : عدد الاصوات (4.5) (1) الطير المهاجر 100% ـــــــــــــــــــــــــــ (2) زاد الشجون 0% ـ
Post: #13 Title: Re: (تصويت) لأجمل أغنية سودانية Author: عصام دهب Date: 05-20-2008, 10:01 AM Parent: #11
أساسي ..
جينا نسلم ..
و بالمرة نهدي ..
Quote: الأهيف ابا ما يلين من بعده صار قلبي ضريم بى نار الفرقه لمتين يا كريم الحظ يخدمنى وحبيبى يلين اراه الناعس در فاطرو كريم يألفنى ويترك لطباع الريم هو جسمو سليم وانا جسمى معذب وقليبى كليم نور محيو الفجر والليل هضليم له راحة الدنيا وليا التأليم لو مره نسيم يتمايل غصنك منه مقيسيم قبل الحاظك ما رأيت يا وسيم الأعين تفعل فعل المكسيم براق الغيم زى بسمك وليك الشادى نغيم كيف عاشقك يثبت فى وطنه يقيم انت نافر وعارفه بهواك سقيم ماليا نديم غير نجم الليل ومنامى عديم لو كان يا مدلل لى هجرى تديم اتعذب وتمنع حظى التقديم لى جود بالليم انا من بعدك صار قلبي أليم متى تعطف وتبقى حليم يا صفى القلب وروح التعليم بقى شغلى نميم وفراشى قتاد وغطاى حميم لو كان لى وصلك اوجد تتميم لى سرك بحفظ فى قلبى صميم
ممكن أهدي الأغنية ؟؟ ..
عندي صاحبي ممكن يشارك ؟؟
Post: #16 Title: Re: (تصويت) لأجمل أغنية سودانية Author: اساسي Date: 05-20-2008, 10:08 AM Parent: #13
حبيبنا عصام
شكرا للاغنية الرائعة الكلمات والالحان وان كان المجال يسمح لنافست علي المرتبة الثانية ,
بالنسبة للاهداء وصل يا حبيب
بالنسبة لمشاركة صحبك لفت نظري للتصويت من خارج المنتدي
Post: #25 Title: Re: (تصويت) لأجمل أغنية سودانية Author: اساسي Date: 05-20-2008, 10:48 AM Parent: #19
جزيل شكري اخي معاوية لايراد الروابط للاغنيتين ليكون الجميع علي اطلاع علي العينة موضوع التصويت
شكرا للمجهود
Post: #18 Title: Re: (تصويت) لأجمل أغنية سودانية Author: DKEEN Date: 05-20-2008, 10:13 AM Parent: #1
Quote: (تصويت) لأجمل أغنية سودانية
ياخي ما ممكن تجيب ليك غنيتين في بلد نص شعبها بغنو والنص التاني بحارب.. وتجي تقول صوتو لاجمل غنية سودانية؟؟ بي كيف منو بقت اجمل غنية سودانية؟؟ منو ده الحدد انو الاتنين ديل داخلين في الاجمل او اللااجمل.. وعرف كيف مقدار الجمال ..ووينو الجمالوميتر بتاعو ده عشان نعرف استنادر جمالياتو شنو؟؟
بتفرض مزاجك ورؤيتك الخاصة علينا يعني ولا شنو؟؟ بتستحقر فنياتنا وذوقنا في استطعام الاغنيات؟؟ بتستهيفنا فنياً انتا ولا كيف؟؟
مجموعة من الاستفاهامات زي ماشايف .. نامل الرد عليها بتعليق مباشر او ابداء رايك الفني حول اغنية الجمري حامد..
Post: #20 Title: Re: (تصويت) لأجمل أغنية سودانية Author: محمد عبد الماجد الصايم Date: 05-20-2008, 10:19 AM Parent: #18
(1) الطير المهاجر - الشاعر صلاح احمد ابراهيم - الفنان محمد وردي
مع احترامنا التام وحبنا الكبير لود الأمين
Quote: الغنية بتاعة الجمري حامد:
(التلاتة بنات الشغلن قلبي لامن باص الرصيرص فات)
يا عــمــك
الغنية دي مكيفاني للدين
Post: #23 Title: Re: (تصويت) لأجمل أغنية سودانية Author: Osama Mohammed Date: 05-20-2008, 10:32 AM Parent: #18
دكين
برة الموضوع بتاع الإستفتاء ده
عندك رابط للغنية حقت الجمري...؟؟؟؟
معذرة لصاحب البوست على الخرمجة بتاعتنا........
Post: #26 Title: Re: (تصويت) لأجمل أغنية سودانية Author: اساسي Date: 05-20-2008, 10:50 AM Parent: #18
Quote: ياخي ما ممكن تجيب ليك غنيتين في بلد نص شعبها بغنو والنص التاني بحارب.. وتجي تقول صوتو لاجمل غنية سودانية؟؟ بي كيف منو بقت اجمل غنية سودانية؟؟ منو ده الحدد انو الاتنين ديل داخلين في الاجمل او اللااجمل.. وعرف كيف مقدار الجمال ..ووينو الجمالوميتر بتاعو ده عشان نعرف استنادر جمالياتو شنو؟؟
بتفرض مزاجك ورؤيتك الخاصة علينا يعني ولا شنو؟؟ بتستحقر فنياتنا وذوقنا في استطعام الاغنيات؟؟ بتستهيفنا فنياً انتا ولا كيف؟؟
مجموعة من الاستفاهامات زي ماشايف .. نامل الرد عليها بتعليق مباشر او ابداء رايك الفني حول اغنية الجمري حامد..
Ignored
Post: #21 Title: Re: (تصويت) لأجمل أغنية سودانية Author: عبود عبد الرحيم Date: 05-20-2008, 10:22 AM Parent: #1
يا أخي بالغت والله في تحديد الاغنيتين وهو الامر الذي لا يتوافق مع العنوان ... معقول افضل اغنية سودانية بس بين ديل ؟؟؟؟ مع احترامنا لأذواق الجميع لكن .. ما في كلمات أغنية تضاهي (المصيـــــــــر) للمبدع سيف الدين الدسوقي والرائع الفنان الذري الراحل ابراهيم عوض ..
: : : : : : افتح الترشيحات لكل كلمات الاغاني السودانية يعني بصراحة كدي ترشيحاتك دي ما لازمانا .. زي ما سمعت من ناس قبلي هنا
Post: #27 Title: Re: (تصويت) لأجمل أغنية سودانية Author: اساسي Date: 05-20-2008, 10:52 AM Parent: #21
الاخ عبود
شكرا لابداء رايك
اغنية المصير تعتبر ملحمة غنائية موسيقية سودانية , ولكن حتي الان انحصر التنافس بين الاغنيتين اعلاه لاعتبارات موسيقية كتيرة ولحنية وادائية
Post: #22 Title: Re: (تصويت) لأجمل أغنية سودانية Author: خالد الجبل Date: 05-20-2008, 10:31 AM Parent: #1
الطير المهاجر
رأي :
كان من الافضل ترك الخيارات مفتوحة
هنالك العديد من الاغاني حسب رأيي الشخصي تتفوق علي الاغاني التي طرحتها ..
اتركالتصويت مفتوحا لتعرفها
ودي
Post: #24 Title: Re: (تصويت) لأجمل أغنية سودانية Author: اساسي Date: 05-20-2008, 10:46 AM Parent: #22
الاخوة : سوسن عبد الله محمد عبد الماجد الصايم خالد الجبل
الشكر لتصويت
النتيجة حتي الان : عدد الاصوات (7.5) (1) الطير المهاجر 85.7% ــــــــــــــــــــ (2) زاد الشجون 14.3% ــــــ
Post: #28 Title: Re: (تصويت) لأجمل أغنية سودانية Author: اساسي Date: 05-20-2008, 10:54 AM Parent: #22
الاخ خالد الجبل لو ترك الموضوع مفتوحا لاتي مثل المدعو دكين باغنيات ما انزل المندلين بها من لحن لذا حصرنا التصويت علي الاغاني اعلاه
والله يا خليل بي تصويتك للاغنيتين دا جهجهت باكات التصويت وخليت النسبة سبعة تمانية علي العموم حنعتبروا ليك تصويت كامل لكل اغنية ودي حالة خاصة ما حنقبل غيرها ولما نعمل كدا النتيجة ما حتتاثر , بس لفت نظري لحتة فاتت علي هي انه ما اضفت ان الاغنيتين لا يفضلان عن بعض . اغنية محمد الامين بتتعلم من الايام فازت قبل كدا في مهرجان عربي كافضل اغنية عربية سنة تزعة وستين لكن برضو ما نافست هنا علي العموم الشكر للمشاركة
Post: #35 Title: Re: (تصويت) لأجمل أغنية سودانية Author: العوض المسلمي Date: 05-20-2008, 11:38 AM Parent: #1
يلا نصوت
(1) الطير المهاجر - الشاعر صلاح احمد ابراهيم - الفنان محمد وردي
Post: #37 Title: Re: (تصويت) لأجمل أغنية سودانية Author: حسن إبراهيم خليفة Date: 05-20-2008, 12:04 PM Parent: #1
اساسي يا حبيبنا .... والله الأغنيتين جميلات جدا ... لكن في إعتقادي الشخصي ورأي المتواضع ان التصويت للأغنيتين فقط فيه ظلم كبير جدا لأغاني أجمل بكثير من هاتين الأغنيتين وفيه ظلم أكبر لفانين رواد خلدت ألحانهم وكلمات أغانيهم..بعد مماتهم ، أرجو أن تفتح بوست آخر لأجمل أغنية من حيث اللحن والكلمات والأداء وبعد داك خلي الباقي علينا.. ناس مصطفى محمود وأبوقصي بيجو ناطين ليك طوالي .. ده لو ما سبقهم حجر.
أها لكن برضو أنا ح أرشح ليك أغنية الطير المهاجر وأنا بحبها بالتسجيل القديم لأنو وردي أبدع فيها خالص.
لك التحية يا أساسي.
تخريمة : يا دكين لكن والله أغنية الجمري دي مبالغة فيها تطريب عالي جدا وبالمناسبة الجمري ده زول فنان بالجد بس مالاقي حظه في الإعلام.
الحبيب حسن بصراحة اراء الناس تتضارب كثيرا جدا لان الغناء كثير جدا والاغنيات الجميلة تملأ الانحاء ولكن الاختيار لهاتين الاغنيتين جاء بعد تمحيص طويل المقدمة الموسيقية لكل اغنية علي حدا تعتبر ملحمة موسيقية قائمة بذاتها , الالحان وتفاوتها الداخلي بين الكوبليهات المختلفة في الاغنيتين , كلمات الاغنيتن ومعانيهما والنسق الشعر لكل الاغنيتين مما جعل المفاضلة تنحصر حتي الان بينهما الشكر الجزيل للتصويت وان شاء الله في اقتراعات اخري سكون رايك محل عون كبير
الاخوة الاكارم khaleel العوض المسلمي حسن إبراهيم خليفة الشكر لتصويت
النتيجة حتي الان : 9 اصوات للطير المهاجر مقابل 3 اصوات لزاد الشجون ونصف صوت مهدر عدد الاصوات (12.5) (1) الطير المهاجر 75% ـــــــــــــــــــ (2) زاد الشجون 25.% ـــــــــــــ
Post: #41 Title: Re: (تصويت) لأجمل أغنية سودانية Author: علاء الدين حيموره Date: 05-20-2008, 03:51 PM Parent: #39
أغاني كتيرة جميلة ..
الطلقو النار في الحلة والسكنو الحاج عبد الله ... يا اعز الناس .. وردي العزيزة .... لفتحي حسين عزيز دنيايا ... ابراهيم عوض عزاز علينا ... ندى القلعة عزة نفسي مابية علي .. ترباس .. عزاز شامي ... بورداب العالم
مودتي
Post: #42 Title: Re: (تصويت) لأجمل أغنية سودانية Author: عمر الفاروق Date: 05-20-2008, 04:04 PM Parent: #1
اساسي : ياخ بتديني إحساس إنك بتجرب في برنامج يحسب النسبة المئوية بين قيمتين..
اصوّت لي أغنية : زاد المهاجر .. (دي بت عم زاد المجاهد)..
النتيجة حتي الان : 9 اصوات للطير المهاجر مقابل 3 اصوات لزاد الشجون و صوتان و نصف صوت مهدرات عدد الاصوات (14.5) (1) الطير المهاجر 75% ـــــــــــــــــــ (2) زاد الشجون 25.% ـــــــــــــ
Quote: مقدمة اغنية الفراش الحائر لعثمان حسين واغنية الود لوردي ليست كمثلهم مقدمة في اي اغنية سودانية.. من حيث التوزيع والتلحين..
الطير المهعاجر دي بالذات ما سمحة إلا لي زول مرتو مسافرين.. ويكون بحب مرتو المسافرة.. يعني غنية مرحلة.. زيها وزي الجلالات
برضو ما حنعتد برايك لانه اصلا ليس محل ترحيب او تقدير بالاضافة الي انه ذائقتك الموسيقية مشكوك في امرها لانه خلفيتها لم تتجاوز معسكرات الدفاع الشعبي والخدمة الالزامية , لذا حصرنا التصويت علي الاغنيات اعلاه , لاني اخشي ما كنت اخشاه ان تركت لك الامر مفتوحا ان تأتيني بأهزوجة الجيش( التشي تشي تشي الحاج منزول الما بختشي) لتنافس بها اغنية مثل بتتعلم من الايام او جميلة ومستحيلة
Post: #57 Title: Re: (تصويت) لأجمل أغنية سودانية Author: DKEEN Date: 05-21-2008, 07:52 AM Parent: #52
المرهفة التي لاتقليد في امزجتها إليك اهدي هذا المقطع من غنية الجمري حامد:
ياالسايق الخمسين ومضاير المية...عمرو طويل وايدو قوية..
المستغرب ليهو انو انا باقي كلمات الاغنية ما قادر استحضرها مع اني بغنيها كاملة مع الكورس لامن تجي في هارموني.. اها وانا بفتش في قوقل عن كلماتا لقيت انو في زولة مدهشة اكتشفت السيد الجمري حامد ده من سنة 2006 وانا يادوب سمعتا بيهو هسي من هارموني.. والغريبة كتبت عنو في سودانيز اون لاين
واليكم جزء من الحوار ...
Quote: حسي شفته كلامي الاخير ده حسيت بي نااااااشف لمن بطقطق... المقصود منو ان تباشر اعمالك بلصوره الطبيعيه و تنوم وقت القيلوله و تشرب ما وجب شرابه من قهوة و شاي... و تتسامر مع الاولاد و امهم... و تضرب تلفونات السودان..و بعد داك ... تسمع الجمري حامد و هو يتغني علي انغام الصقريه..كان فضل شي ...فلمنبر .. خلاف كدا ما تعتل هم... و ربنا انورها عليك شقيش ما تقبل.... دمتم....
انصحكم بما نصحت به تلك المدهشة.. اسمعو الجمري حامد تطول اعماركم..
Post: #54 Title: Re: (تصويت) لأجمل أغنية سودانية Author: كمال سالم Date: 05-20-2008, 11:17 PM Parent: #1
,, أساسى الاساسى ,, أحييك ,,
بصراحه أتفق معاك 100% بأن الطير المهاجر أجمل أغنيه سودانيه ,, فى جلسه رائعه بمنزل الاخ أبوساندرا العام الماضى ضمتنا مع الاستاذ الفنان محمد وردى قال أحد الحاضرين وهو فى حالة نشوه بعد أن إستمعنا لرائعة التجانى سعيد (قلت أرحل) من وردى , قال ذلك المنتشئ أنه شارك فى إستفتاء لاختيار أجمل عشره أغنيات سودانيه كان لوردى فيها أربعه أغنيات وأجمع كل الحاضرين على أن الطير المهاجر هى الاغنيه الاجمل فى تاريخ الغناء السودانى . وعشان مايزعل إبننا دكين ( إبننا دى طبعا بعد أن عرفت 96ـ2000 وشجرة اللبخ) وعشان نرضيهو بقول ليهو برضو فى جلسه رايقه ونحن فى كورنيش الدوحه الجميل وأمامنا الخليج العربى بمياهه الصافيه ولونه الجميل كنا مجموعه من ذواقة الزمن الجميل إقترح علينا الشقيق عادل أن نختار أجمل خمسه أغانى سودانيه هابطه طربنا لها , وبما أننا كنا ذواقه نطرب للهابط الجميل كما طربنا للطير المهاجر , فقد شاركنا فى المسابقه وقد كانت النتيجه كالتالى :
الاغنيه الاولى الهابطه كانت تقول كلماتها حبك خلانى شايل الجوكرين ومعرج ,, وهى لفنان معروف الاغنيه الثانيه : يابهيه أأأى الشحم ده أأى واللحم ده أأأى الاغنيه الثالثه : يادجاجتى كاك كاك ,, الأكلك يضوق الهلاك ,,, وهى من روائع ( الهبوط ) الاغنيه الرابعه وتعتبر من عيون الغناء الهابط فى زمن من الازمان وهى من كلمات والحان أسطورة الهبوط الغنائى الفنانه نصره تقول كلماتها : حبيبى المعلم ,, لاقيتو فى السلم ,, لما خلعتو خلعه ,, كسرت فيهو ضلعه ,,
ويادكين بما أنك أحد الذواقه للفن الهابط الجميل فإنه يسعدنى أن أضيف أغنية الثلاث بنات الخلو باص الروصيرص فات , إلى هذا السباق وأجعلها رقم خمسه .
تحياتى ليكم جميعا وأتمنى أن يكون هذا البوست توثيقى للغناء الرصين والهابط فكله يعتبر جزء من تاريخنا .
Post: #55 Title: Re: (تصويت) لأجمل أغنية سودانية Author: محمد الطيب يوسف Date: 05-20-2008, 11:30 PM Parent: #1
الطير المهاجر
Post: #56 Title: Re: (تصويت) لأجمل أغنية سودانية Author: اساسي Date: 05-21-2008, 07:44 AM Parent: #55
الاخوة مهند حيمورة اميرة الشيخ هارون دياب كوستاوي اشرف البنا كمال سالم محمد الطيب يوسف الشكر علي التصويت وعلي الامتناع كذلك عن التصويت
النتيجة حتي الان : 12 اصوات للطير المهاجر مقابل 3 اصوات لزاد الشجون و 6 اصوات مهدرة ذلك بعد ان اعتبرنا صوت اميرة الشيخ بنصف صوت واضفناه لنصف الصوت السابق من دكين . عدد الاصوات (21) (1) الطير المهاجر 80% ـــــــــــــــــــــ (2) زاد الشجون 20.% ــــــــــــ
Quote: ذلك بعد ان اعتبرنا صوت اميرة الشيخ بنصف صوت واضفناه لنصف الصوت السابق من دكين .
على كيفك هو قال ليك??
يعنى معتبرناا انا دكين فى عداد ناقصى العقل والدين???
شوف يا اساسى البوست مفتوح فى منبر ديموقراطى حر..
تدينا صوت كااااامل زى بقية خلق الله ديل...
ياتعتذر لينا كمان..
شغلن قلبى لمن باص الروصيرص فات..
شغلن قلبى لمن باص الروصيرص فات..
شغلن قلبى لمن باص الروصيرص فات.
شغلن قلبى لمن باص الروصيرص فات...
Post: #58 Title: Re: (تصويت) لأجمل أغنية سودانية Author: عمر التاج Date: 05-21-2008, 08:35 AM Parent: #1
الفن الغنائي يعتبر أوسع حديقة مفتوحة تتنفس فيها العوائل السودانية الحرية والمحبة مالك عايز تحصرو لينا في اغنيتين بس يا اساسي بعض الروائع خارج الحصر : مريا : حمد الريح الحزن النبيل : مصطفى سيد أحمد داخل الحصر والتعداد: (1) الطير المهاجر - الشاعر صلاح احمد ابراهيم - الفنان محمد وردي
Post: #60 Title: Re: (تصويت) لأجمل أغنية سودانية Author: Abomihyar Date: 05-21-2008, 09:02 AM Parent: #58
صاحبي اساسي غايتو لويت ايدنا كنت ترشح لاجمل اغنية سودانية بلا تحديد ولكن هسع بالنسبة للاتنين ديل فلمحمد الامين ثلاث اغنيات اجمل من زاد الشجون في رآيي شال النوار - ماممكن تسافر - حروف اسمك - وسوف ياتي اما وردي الوصيه - مرحبا ياشوق - عصافير الخريف ===== عموما في هذه المحدودية
الاخ اساسى سلام واحترام انا والله اوافق الاخ المرهف الموصلى فى الرأى يا ريت تركت الترشيح مفتوح على الاقل كنت عرف آراء الناس لكن انت هسه حصرت التصويت حسب رغبتك مع انك كاتب عنوان البوست اجمل اغنيه سودانية مستحيل خارطة الفن السودانى القديم والحديث تنحصر فى الاغنيتين ديل وايضا تنحصر فى وردى ومحمد الامين .. مجرد وجهة نظر لو تسمح ... كان مثلا تسمح لاى مشارك بتحديد اغنيتين فقط صدقنى البوست كان حايكون اروع بكتير وروح المنافسه اكبر واحلا وفى النهاية الناس بتكون متشوقه للاغنيه الفائزه لكن هسه الناس عارفه النتيجه مسبقاومامقتنعه بالفكره اصلا رغم انه الاساتذة محمد وردى ومحمد الامين من عمالقة الفن السودانى الاصيل.. لكن كثير من المعجبين ما تواقين لسماع ايا منهم.. مش تقليلا من قيمتهم لكن سبحان الله . حب الناس مذاهب حتى ولو بسمعوا ليهم .. تلقى اغانى محددة كما ذكر الاخ موصلى عموما البوست ظريف جدا والمداخلات فيه اظرف لك التحية اخى اساسى عن نفسى بقول الطير المهاجر حسب الفرصة المتاحة للتصويت
الطير المهاجر اغنيه جميله بكل المقاييس شعرا ولحنا واداء الاستاذ وردى الله يديه العافيه ابدع فيها ... برضو يا ريت اخى اساسى والاخوة المشاركين لو سمعتوها بصوت الاخ الفنان عصام محمد نور.. حقيقى اضفى عليها بعد آخر وجمال فاق الوصف.. له التحية والتقدير تخريمه
Quote: الغنية بتاعة الجمري حامد:
(التلاتة بنات الشغلن قلبي لامن باص الرصيرص فات)
لووووووووووووووووول دكين سلامات .. الاغنيه دى قلعتها من وين؟؟ غايتو كتلتنى بالضحك والله انا اول مره اسمع بيها كدى لو عندك رسلها لى فى الاميل النبى فيك النشوف ساااااى شرقتك بيها دى وبى فنانها البغنيها انا والله فاكراك بتكاوى فى اساسى ساى وقطعت الاغنيه دى من راسك لكن بعد مداخلة الجماعه ضحكت جد تحياتى وتسلموا جميعا اسماء الجنيد/ مسقط
Post: #67 Title: Re: (تصويت) لأجمل أغنية سودانية Author: Sabah Hussein Date: 05-21-2008, 10:24 PM Parent: #66
على بالطلاق بالتلاته
زى رمانى تاااح مافى اجمل منها ماح اصوت.
الاغنيه رمانى تاااح انا ليك يازمن للجابرى.
بطلو الدكتاتوريه والقمع الزوقى
Post: #68 Title: Re: (تصويت) لأجمل أغنية سودانية Author: Emad Abdulla Date: 05-21-2008, 11:08 PM Parent: #67
Quote: مقدمة اغنية الفراش الحائر لعثمان حسين واغنية الود لوردي ليست كمثلهم مقدمة في اي اغنية سودانية.. من حيث التوزيع والتلحين..
ختري يا عز ... ده الكلام .. شيل عدتك و إتجارخ يا أساسي .. بلا فقر معاك .
Post: #69 Title: Re: (تصويت) لأجمل أغنية سودانية Author: القلب النابض Date: 05-22-2008, 01:18 AM Parent: #68
الطير المهاجر لما أكون بعيدة أو زول من ناس البيت بعيد ...
هذه الصخرة .....برضك
دكين جيب لينا الاغنية القلت عليها انت واميرة بتعة بص الجريف دي عشان نحكم بعد السماع
اساسي ضيقت الفرص
Post: #70 Title: Re: (تصويت) لأجمل أغنية سودانية Author: Ahmed Hamza Date: 05-22-2008, 05:55 AM Parent: #1
التحية للاخ اساسي وزواره
زاد الشجون - الشاعر فضل الله محمد - الفنان محمد الامي
احمد
Post: #71 Title: Re: (تصويت) لأجمل أغنية سودانية Author: اساسي Date: 05-22-2008, 07:01 AM Parent: #70
الاحبة عمر التاج حمد فتح الرحمن Elmosley soma القلب النابض Ahmed Hamza
النتيجة حتي الان : 15 صوت للطير المهاجر مقابل 6 اصوات لزاد الشجون و 11 صوت مهدر ذلك بعد ان اعتبرنا انصاف اصوات اميرة الشيخ و دكين خارج التصنيف. عدد الاصوات (33) (1) الطير المهاجر 71.4% ــــــــــــــــــــ (2) زاد الشجون 28.6.% ـــــــــــــــ
الاخوة Amira Elsheikh Abomihyar الطاهر ساتي fadlabi Sabah Hussein Emad Abdulla
سعيكم مشكور
ـــــــــــــ
كنت بصدد احتساب صوت الموصلي بخمسة اصوات وذلك للتخصص الشديد والمحاباة من جانبي ولكن تقديرا لما قد يجره الامر من تداعيات قد تنسف البوست غيرت رأي . واعتبرته بصوتان و تم اقصاء اصوات دكين واميرة الشيخ لعدم الفائدة
Quote: تم اقصاء اصوات دكين واميرة الشيخ لعدم الفائدة
كر يا يمه كر
خلاص يا دكين ما دام البقت بقت يا خوى رسل لى الاغنيه وخلينى النقول رايى فيها ولا اقول ليك نزلها هنا شايفة برضو الاخت القلب النابض شفقانه زى لسماعها
** تخريمة الاخت القلب النابض الباص هو باص الروصيرص. وليس باص الجريف لووووووووول تحياتى
Post: #73 Title: Re: (تصويت) لأجمل أغنية سودانية Author: اساسي Date: 05-26-2008, 09:58 AM Parent: #72
النتيجة النهائية لاجمل اغنية سودانية :
كان تم فتح باب التصويت لاجمل اغنية سودانية علي منتدي سودانيز اون لاين للحوار في يوم مايو 2008 وكانت الاغاني المنتقاة هي رائعة الاستاذ محمد وردي للشاعر الكبير صلاح احمد ابراهيم ( الطير المهاجر) واغنية الفنان الكبير محمد الامين للشاعر الكبير فضل الله محمد (زاد الشجون) وكان التصويت معقولا ومقبولا من الاخوة الاعضاء وادناه النتيجة النهائية لاجمل اغنية سودانية:
الاغنية الفائزة هي اغنية :الطير المهاجر - الشاعر صلاح احمد ابراهيم - الفنان محمد وردي حيث احرزت نسبة 71.4% من اجمالي الاصوات
وبهذه المناسبة سنقوم بانزال كلمات الاغنية مع الخلفية الغنائية لها بصوت المبدع محمد وردي
النص: غريب وحيد فى غربته حيران يكفكف دمعته حزنان يغالب لوعته ويتمنى طال بيه الحنين فاض به الشجن واقف يردد من زمن بالله يا الطير المهاجر للوطن زمن الخريف تطير بسراع تطير ما تضيع زمن اوعك تقيف وتواصل الليل بالصباح تحت المطر وسط الرياح وكان تعب منك جناح فى السرعه زيد فى بلادنا ترتاح ضل النخيل اريح سكن وفوت بلاد وسيب بلاد وان جيت بلاد تلقى فيها النيل بلمع فى الظلام زى سيف مجوهر بالنجوم من غير نظام تنزل هناك وتحى يا طير باحترام تقول سلام وتعيد سلام على نيل بلادنا سلام وشباب بلادنا ونخيل بلادنا سلام بالله يا طير قبل ما تشرب تمر على بيت صغير من بابه من شباكه بلمع الف نور تلقى الحبيبه بتشتغل منديل حرير لحبيب بعيد تقيف لديها وتبوس ايديها وانقل اليها وفاى ليها وحبى الاكيد
Post: #75 Title: Re: (تصويت) لأجمل أغنية سودانية Author: صلاح شعيب Date: 06-16-2008, 09:37 PM Parent: #74
الطير المهاجر
Post: #76 Title: Re: (تصويت) لأجمل أغنية سودانية Author: يحي ابن عوف Date: 06-16-2008, 09:56 PM Parent: #75
اساسى سلام نعم حصرت التصويت حسب رغبتك
Post: #77 Title: Re: (تصويت) لأجمل أغنية سودانية Author: أسامة الفضل Date: 06-17-2008, 01:23 AM Parent: #76
أساسي إنت والة شكلك كدة فعلا إحتياطي خالص يا زول بيان أول زيطة و روزمين ذاته جات و إنت و دكين و تمبس وناذر تشختوا لي قوم بلا أجمل بلا اللة أداني نبقة واللة أقول ليك أجمل أغنية فوق الحلة دي أناما لجي
Post: #78 Title: Re: (تصويت) لأجمل أغنية سودانية Author: mo Date: 06-17-2008, 08:51 AM Parent: #77
الطير المهاجر ..نعم .. المصير ..كلمات سيف الدين الدسوقي ..غناء الفنان الذري أبراهيم عوض (برضووووووووو)
Post: #79 Title: Re: (تصويت) لأجمل أغنية سودانية Author: اساسي Date: 06-17-2008, 09:38 AM Parent: #78
انتو قايلين علي كيفكم ؟ تصوتوا وقت ما يحلو ليكم يلا يا شباب لقطوا سفنجاتكم التصويت اتقفل بالشمع الاحمر ورسلنا النتيجة لمركز البحوث ودراسة الجدوي . ما عندنا تصويت بعد كدا الحضر حضر والماحضر يلقانا في فضاءات ارحب
يا اسامة الفضل شايفك شكلت خلاص وبقيت كيس نايلو بس , مرحب بيك عملا لله . لكن روزمين منو ؟ روزمين كنج سايز بالفلتر .؟
Post: #80 Title: Re: (تصويت) لأجمل أغنية سودانية Author: adil amin Date: 06-17-2008, 10:03 AM Parent: #79
اغنية خوجلي عثمان
اسمعنا مرة
وتحديدا نحن ما قصرنا حاجة وانت اتلومت فينا وبهديها لثورة الانقاذ الوطني
