Post: #1
Title: سيناريو الاقتحــام .. مسلسل (بوليصي)
Author: tmbis
Date: 05-18-2008, 01:17 PM
ايوة مسلسل بوليصي..
ادهشنـي قبل فترة أحدهم يقال انه من المسرحيين ومن المخرجين وكعادة المخرجين والممثلين وبعض الذين (لقــو) ليهم فرصة وكسحوا امريكا يا أوروبا وادوها كوزين تلاتة .. كعادتهم يطير خيالهم المجنح إلى ابعد نقطة غير مرئية للوهم ..
خيالهم هذا يجعل منهم كائنات اسطورية . علاقتها مع الواقع .. يشبه علاقتي بقيادة الطائرة الميج تسعة وعشرين (MiG-29) التي يقودهـا ويقوم بعملياتها الفنية زميلكم بالبورد المقاتل (الديجاتيلي) *خالد الطيب / عصام أحمد(راجع الشرح).. وهو يقود هذه الطائرة إلى الآن في بوسته الشهير .. أتمني أن تحقق لي حركة العدل والمساواة واحد من أهم أحلام حياتي؟
أحدهم هذا الذي ادهشني .. كتب مسرحية بعنوان (مرت الرئيس حامل) .. اعجبتني الفكرة حينها لكنها ما راقت لي .. لكن المخرج هذا عندما عبرت عن شعوري حيال العمليات الفنية للمسرحة والابطال .. ما كان منه إلا ووجه لي نقد حاد جدا فيما يتعلق بالنص .. والاضاءة .. والمكياج .. وقال باخلاق رياضية ( كمبس واللا تمبس دا زول ما محترف بتاع كتابة) دا زول هاوي ساكت ..
المهم انا جاتني فكرة انو اكتب سيناريو لمسلسل بوليصي أو زي ما تقولو ميداني .. ابطاله بعض المقاتلين الكيبورديين هنا دا.. في ساحة بكري ابوبكر الالكترونية ..
بلاي البتحسس لما يجي داخل هنا البوست دا ممكن يجيب معاهو حبوب نوم .. بتاعين (المويات) يجيبو معاهم (الدوخه ) بتاعتهم .. حملة اللافتات يجيبو معاهم قطع القماش .. مناديب الوكالات المختلفة .. من رويتريزاب إلى بيبيسيهاب .. لي جزيراب ونايل بوراب .. وإلخ اتمنى انهم يحضروا مقالاتهم وكاميراتهم (وكدوساتم) .. اصحاب (البرانيط) الكبيرة يجب ان يتحلوا بالحيطة واليقظة والما بقدر على الحيطة دي يشوف ليهو طريقة بتاعت سلك شايك .. يا كمان يكسر ليهو قزاز فوق راس الحيطة بتاعتم ...
اي سؤال ..؟
|
Post: #2
Title: Re: سيناريو الاقتحــام .. مسلسل (بوليصي)
Author: osman righeem
Date: 05-18-2008, 01:34 PM
Parent: #1
ممكن توقع عقدالانتاج ؟
نحن جاهزين
قبل رمضان
|
Post: #3
Title: Re: سيناريو الاقتحــام .. مسلسل (بوليصي)
Author: tmbis
Date: 05-18-2008, 01:43 PM
Parent: #2
يا عثمان ..
والله نحن ناس الله ساكت .. القروش الكتيرة بتضرنـا والشوية برضو بتضرنـا .. نقوم ندخل في توقيع عقد وانتاج وبرامج زي دي بنطلع بره الشبكة.. لكن ما بيضر لو لقينا لينا بطل بطلين كدا .. يشيلو الشيلة دي ..
غايتو لو عندك قروش ما عندنا مانع .. احتمال كبير نبيع ليك الفلم دا .. ونبيع ليك معاهو الصينية زاته..
|
Post: #6
Title: Re: سيناريو الاقتحــام .. مسلسل (بوليصي)
Author: tmbis
Date: 05-18-2008, 02:17 PM
Parent: #3
شاشة سوداء عريضة ينتقل فيها اللون إلى الرمادي ثم ضوء ساطع تدريجيا تنعدم الملامح ..
تظهر من جديد شاشة أخرى مزيج ما بين اللون الأسود والأبيض تتحول إلى رمادي .. مع تداخل طفيف للون الأصفر .. ثم اصوات بعيدة محمولة بالهواء آيات قرانية وهمهمة تلاوة كأذكار أو تراتيل تنبعث من ناحية قبة ومبنى ضخم تتوسطه ساعة ضخمة جدا .. الاصوات تتخللها اصوات عوادم لبعض السيارات .. يمكن ان تميز باصات التاتا والركشات المحومة في شوارع المدينة ..
يستمر المشهد في العرض .. تتداخل وجوهـ اطفال ونساء وبائعات تسالي يحملن اطباق مختلفة على رؤوسهن .. تختفي الاصوات تدريجياً ليعلو صوت احدهم يركض من الناحية الغربية للطريق .. تتدلى من كتفه شنطة ضخمة .. يفرغ ما فيها من حجارة غير مرتبة الحجم والشكل واللون .. يحصب المارة الذين يتجاوزون حجارته ويضحكون باصوات مختلفة .. يركض صاحب الشنطة المتدلية ويصيح .. الاسلام السياسي .. الاسلام السياسي .. الدين .. الدين ... هوووي يـا الما بتسمعوا ديل .. دينكم كلكم..
يظهــر من منطقة حي البوستة أحدهم يقلد نفس حركة هذا المتشنج لكن من دونما ترتيب مسبق بينهم .. يحمل هذا الآخر علماً يلوح به للاخر .. يرتدي شعار فريق كرة قدم أحد الدول ويلعب فيها توماس هيثلر .. يحمل كرة القدم بيد وبالأخرى راديو صغير موجه على احدى المحطات العالمية تظهر ذبذبات البث ضعيفه ومتقطعه يحاول التحكم في الالتقاط بإدارة الموجه تتوجه الكاميرا بكلياتها نحو الراديو .. ثم تنتقل بصورة سريعة إلى المتشنج الذي اكمل ما في (شنطته) من حجاره واتجه مباشرة لحامل الراديو وكرة القدم الذين دخلوا في عراك منتظم .. تمكن فيه صاحب (الشنطة) من طرح صاحب الرادي ارضا .. ثم خلع بجامته وظهرت فنله كان يرتديها بالداخـل وقد تلونت بالعلم الأمريكي لوح بيديه علامة النصر ثم ابتسم .. جرى المتشنج الأمريكي تجـاه سوق امدرمان بعد أن انعطف يساراً من صينية المجلس اكمل دورته على ركن ميدان الخليفة ترنح في ركضه .. ثم استدار راجعا تجاه شارع الموردة .. بنفس هتافه الاسلام السياسي .. الاسلام السياسي .. يتوقف فجاة ويضرب راسه بعنف على احدى الأعمدة التي توسطت الطريق .. تتطاير نوافير من الدم .. يتحول لون الشاشة إلى الأحمـر..
|
Post: #15
Title: Re: سيناريو الاقتحــام .. مسلسل (بوليصي)
Author: Frankly
Date: 05-18-2008, 07:06 PM
Parent: #6
قريـــــــــــبا في دور العرض
|
Post: #21
Title: Re: سيناريو الاقتحــام .. مسلسل (بوليصي)
Author: tmbis
Date: 05-19-2008, 12:15 PM
Parent: #15
يا فرانكلي اشكرك على هذا البوستـر .. على وزن اشكرك على هذا البوست ..
ياريت يا فرانكلي تنتبه لي السيناريو وتعمل كمبيوزيشون منو .. وطالما في حرامي النت في البطولة الحصرية .. حقو تجيب لينـا في البوستر طيارة حربية .. بالعدم كدا
طيـارة رش ..
ارشكــم..؟ 
|
Post: #4
Title: Re: سيناريو الاقتحــام .. مسلسل (بوليصي)
Author: osman righeem
Date: 05-18-2008, 01:47 PM
Parent: #1
| Quote: غايتو لو عندك قروش ما عندنا مانع .. احتمال كبير نبيع ليك الفلم دا .. ونبيع ليك معاهو الصينية زاته.. |
يا اخوي
يلا ابدأ
منتظر بخاري كمان؟
بالتوفيق
|
Post: #8
Title: Re: سيناريو الاقتحــام .. مسلسل (بوليصي)
Author: tmbis
Date: 05-18-2008, 02:36 PM
Parent: #4
.. يا عثمان .. تتخيل الليلة بخاري جا بدري .. لكن حرنت ليهو مشيت جبت القهوة من استاربكس من بره .. قلت ليهو قهوتك دي الليلة (موصة واشرب مويته) .. نحن راسنـا دا يا عثمان ما بنرهنو لي اي جهـات عميلة ..
انا بعتبر بخــاري دا عميل وامنجي وكـوز ..
|
Post: #5
Title: Re: سيناريو الاقتحــام .. مسلسل (بوليصي)
Author: طلحة عبدالله
Date: 05-18-2008, 02:02 PM
Parent: #1
وين يا مسكين ..؟؟
قلت لي عايز تتقمص شخصية الفريد هتشكوك يعني ..؟
شديد ولضيض يا تامبا
واصل وستجدنا انشالله من المتابعين .
Quote:
لو لقينا لينا بطل بطلين
|
المريخ واحد من الأبطال ديل طبعا .. 
|
Post: #7
Title: Re: سيناريو الاقتحــام .. مسلسل (بوليصي)
Author: علاء الدين يوسف علي محمد
Date: 05-18-2008, 02:27 PM
Parent: #5
ما داير ليك خاين يا تمبس ؟
|
Post: #25
Title: Re: سيناريو الاقتحــام .. مسلسل (بوليصي)
Author: tmbis
Date: 05-19-2008, 01:46 PM
Parent: #7
| Quote: ما داير ليك خاين يا تمبس ؟ |
يا ابو عــلاء ..
سلامات . غايتو حالتك تحنن وإنت (ميــت) قلت لي فردتك عايز يوديك اللقيط ..؟
غايتو نسبة الخيانة عندنا كتيرين .. مقارنة باصحاب البطـل .. لكن ما عندنا مشكلة لو جبت لينا معاك طيارة يا (سبيطة بتاعت موز) ما عندك عطلة ..
بلاي تخيل شكلك ومعتل ليك سبيطة موز طالع بيها الطيارة الميــج
|
Post: #22
Title: Re: سيناريو الاقتحــام .. مسلسل (بوليصي)
Author: tmbis
Date: 05-19-2008, 12:27 PM
Parent: #5
Quote: قلت لي عايز تتقمص شخصية الفريد هتشكوك يعني ..؟
شديد ولضيض يا تامبا
واصل وستجدنا انشالله من المتابعين .
|
..| Quote: المريخ واحد من الأبطال ديل طبعا .. |
والله يامسكين من القرعة دي طلعت بقيت زي الراكب ليك في بوكس (مــوز) .. كلما يمسكوك من حته تتملص ...
خلينا ننتهي من موضوع المسلسلة دا .. ونشوف الفلم الهندي بتاعك دا الحاصل فوقو شنـو ..؟
والله عندي تسجيل لي ريمــاز ... كدااااا .. واشار إلى خد (محبوبته) بصباعه.. كان ما بطلت الفوضة البتعمل فيها دي والله يسمك ..
|
Post: #9
Title: Re: سيناريو الاقتحــام .. مسلسل (بوليصي)
Author: khalid abuahmed
Date: 05-18-2008, 03:40 PM
Parent: #1
طبعا حا تستغرب جدا..!!!
تصدق برغم اختلافي معاك.. لكن السيناريو جميل.. جداً حقيقة..
واصل طوالي.. بدون ما ترد على زول.. خلي الردود في النهاية..
|
Post: #10
Title: Re: سيناريو الاقتحــام .. مسلسل (بوليصي)
Author: humida
Date: 05-18-2008, 03:54 PM
Parent: #9
ما يعجبك كيف يا ( المؤنبو ضميرو ) ..
دا دعم لـ( مسيرة المسلسلات ) و ( الدراما ) ..
وانت من ( الرواد ) طبعا ..
..
..
الاستاذ ابوأحمد ( عميد المسرح الهذلي ) ..!!
..
..
يا تمبس عليك الله ما تنسى ( كوجاك ) ..
|
Post: #30
Title: Re: سيناريو الاقتحــام .. مسلسل (بوليصي)
Author: tmbis
Date: 05-20-2008, 07:53 AM
Parent: #10
| Quote: يا تمبس عليك الله ما تنسى ( كوجاك ) .. |
والله ياحميده تأنيب ضميرك دا سر كتمتو عديل كدا ..
بلاي عليك الله جهز لي فنايل وطواقي وبنطلوين جينز ..
وصفـارة ..
بالجد كدا .. انا عايز احترف في مانشيستر يونايتد بعد كدا
كت اااوت
هاك الكلاشنكوف دا..
|
Post: #26
Title: Re: سيناريو الاقتحــام .. مسلسل (بوليصي)
Author: tmbis
Date: 05-19-2008, 02:00 PM
Parent: #9
Quote: طبعا حا تستغرب جدا..!!!
تصدق برغم اختلافي معاك.. لكن السيناريو جميل.. جداً حقيقة..
واصل طوالي.. بدون ما ترد على زول.. خلي الردود في النهاية.. |
اوووه ابو أحمد الكوز ياااخ ..
منو القال ليك بستغرب ..
تعرف انا الزول الوحيد الفي الدنيا دي ممكن استغرب آخـر زول .. عادي جدا تعرف البورد دا عامل زي شنـو ..؟
عامل زي الملاهي ..
بتلقى بيت الاشباح .. تدخل تقعد تكورك .. يطلع ليك بعاتي من الصندوق تقعد تكورك .. وكان قلبك ما محدثك احتمال تعمل ليك حاجدة ما كويسه في هدومك
تطلع ليك طوطحانية .. تجي نازل تحت (تطرش) ..
تسوق ليك عربية سبق تدقش ويدقشوك .. مافي حد يقول ليك رخصتك وينه..؟
لذلك ..
البروح منك في حته بتلقاهو في حتة تانية .. يعني ممكن تلعب عصابة عصابة عادي جدا ... وتأجل عمل اليوم للغد برضو ..
أهم
حاجة في المسالة دي .. تكون صاحب بال طويل .. تتحمل اذية غيرك .. وتقيس الامور بي ميزان الدهــب .. الفهلوة احيانا ما بتأكل عيش .. لكن الواجب علينا تجاه نفسنا نعمل ما يرضي ضميرنـا ..
شكلي كدا الليلة رجعت لي مسالة التدريس تاني .. عجبتك المحاضرة دي ..؟
..
.
السيناريو دا بيكتمل بي مشاركة الناس الهنا ديل .. يعني اهم حاجة الترحيب بالناس دي من اول
واللا اريك شنـو..؟
|
Post: #11
Title: Re: سيناريو الاقتحــام .. مسلسل (بوليصي)
Author: طارق جبريل
Date: 05-18-2008, 03:59 PM
Parent: #1
تمبس كيفنك ياخي
|
Post: #12
Title: Re: سيناريو الاقتحــام .. مسلسل (بوليصي)
Author: القلب النابض
Date: 05-18-2008, 04:07 PM
Parent: #11
تمبس لك التحية
|
Post: #33
Title: Re: سيناريو الاقتحــام .. مسلسل (بوليصي)
Author: tmbis
Date: 05-20-2008, 08:26 AM
Parent: #12
سلامات يا  قلب ..
ليك التحايا وين الحي بيك..؟
|
Post: #31
Title: Re: سيناريو الاقتحــام .. مسلسل (بوليصي)
Author: tmbis
Date: 05-20-2008, 08:07 AM
Parent: #11
يا ود جبرين ..
كيف امورك ..؟
مشتاقين .. والأمور كيف معاك ..؟
|
Post: #13
Title: Re: سيناريو الاقتحــام .. مسلسل (بوليصي)
Author: عمر الفاروق
Date: 05-18-2008, 04:16 PM
Parent: #1
| Quote: يرتدي شعار فريق كرة قدم أحد الدول ويلعب فيها توماس هيثلر |
والله يا عمك لو كان قلت مايكل بالاك الكلام ده كان أخد طابع اخر
تخريمة :
عليك الله يا تمبس السيناريو ده لو فيهو زول مفروض يجكس ليهو بت سمحة ويسوقا كافتريا يشربوا قونقليز فانا حاجزو ..
|
Post: #14
Title: Re: سيناريو الاقتحــام .. مسلسل (بوليصي)
Author: خالد الطيب أحمد
Date: 05-18-2008, 06:38 PM
Parent: #13
مادام السيناريو بيخصنا ..
فيفترض ندعمو بالمعلومة التاريخية..
وللا شنو؟
Quote: كان حلمي وأمنيتي منذ صغري أن
أكون "كابتن طيران" مدني!
حلم ..زي كل طفل ما بيحلم!
أذكر مرة سألتنا أستاذة العربي في سنة تانية إبتدائي وقالت:
عاوزة كل واحد فيكم يوريني لما يكبر عاوز يكون شنو؟
واحدين قالوا: مهندسين
وواحدين: دكاترة
وواحدين: صحافيين
وواحدين: وزراء...
أستاذة "فاطمة" ما قاطعتهم أبدا!
و لما جاء دوري وقفت وقلت: أنا كابتن طيران..
قامت استاذة فاطمة قالت لي : لكن يا ولدي يا خالد
مافي كلية في البلد"الزكيبة" دي
بتبقيك كابتن طيران
وأهلك أنا عارفاهم "ناس الله"
و مابيقدروا يقرووك بره السودان!
المهم ضحكت أستاذة فاطمة وواصلت:
أحلم قدر لحافك يا ولدي.!
عن نفسي ..
ما صدقت استاذة فاطمة..
ولا كان عندي إستعداد أصدقهاوقتها.
المهم ..كبرت..
وعرفت الحاصل في بلدنا "الزكيبة"
لكن الحلم كبر معاي ..بس إتغير
كتير..
خصوصا بعدما عرفت إنو كابتن الطيران
ممكن يغير حال البلد كلها
لو لقي الطيارة المناسبة ..
بالضبط زي الطيارة حقتنا دي..
mig-29
|
وحاأواصل معاك بمعلومات حقيقية وما خيالية حتفيدك..
ـــــــــــــــــــــــــــــــــــــــــــــ
ما بعيد عن الموضوع:
بوستك بتاع: (إنتو موضوع الصور بتاعتي ده شنو ؟)
فكو لي لأني محتاج ليهو وما لاقيهو.
|
Post: #16
Title: Re: سيناريو الاقتحــام .. مسلسل (بوليصي)
Author: Abdulrahman Eldaw
Date: 05-18-2008, 07:08 PM
Parent: #14
|
Post: #17
Title: Re: سيناريو الاقتحــام .. مسلسل (بوليصي)
Author: tmbis
Date: 05-19-2008, 08:02 AM
Parent: #16
شبــاب صباح الخيرات ..
بالمناسبة:
البوست دا المحور الرئيسي فيهو (بخــاري) يعني مرهـون بي جية بخاري .. يعني بي صراحة كدا بخاري كان اليوم عمل فيها مجنون البوست دا ممكن عادي جدا يتحول لي ( فلم هندي )
لذلك .. ادعوا معاي انو بخاري يجي عشان ما يعطل لينا اشغالنـا ..
ملحوظة:
مافي زول يسالني يقول لي بخاري دا منو الدنيا صباح يا شبــاب .. والاسئلة من الصباح بتلخبط للواحد بنرامجـو .. شفتو كيف..؟
اي سؤال..؟ 
|
Post: #18
Title: Re: سيناريو الاقتحــام .. مسلسل (بوليصي)
Author: عماد محمود علي
Date: 05-19-2008, 08:48 AM
Parent: #17
تامبا ياصنديد
| Quote: ادعوا معاي انو بخاري يجي عشان ما يعطل لينا اشغالنـا .. |
يااااارب بخاري ده يجي هنا سريع ، يارب ... يا رب .
بخاري بالله عليك الله ما تعطل لينا الشغلانية دي .. قوم تعال ماتعمل فيها ميت .
تمبا ... بخاري ده منو ؟!! 
متابع ....
عماد
|
Post: #35
Title: Re: سيناريو الاقتحــام .. مسلسل (بوليصي)
Author: tmbis
Date: 05-27-2008, 09:10 AM
Parent: #14
Quote: ما بعيد عن الموضوع:
بوستك بتاع: (إنتو موضوع الصور بتاعتي ده شنو ؟)
فكو لي لأني محتاج ليهو وما لاقيهو. |
..
كمــان بقيت تسال ..؟
والله كويس ..
كان خلوك شوية احتمال كمان .. تعمل المسالة عادية وتقوم تطالب كمان ..
اصلو حرامية الزمن دا . حرامية وعينهم قوية ..
قلت لي عايز تطلع طيار ..؟
اهـا
قول طلعت طيار .. بتقدر تجي داخـل امدرمان ..؟ والله غلا تجي سايق ليك طيارة رش ..
وفي الرش .. رش جــراد.. وبودة .. وبعض من فــيران الحقول.
شفــت كيف ..؟
الصورة السرقتها ديك وديته وين ...؟
فتش على البوست .. واللا كمان تكون ما فاضي لي ..
فتش البوست بتاع الصور .. وتعال تم لينا الموضوع بتاع (الدوبيت ) عندنا نسخه جديدة عايزين نجربه فيك بالاضافة لي المطارق الجابوها لينا جديدة الايامات الفاتت ..
يكون في علمك مطارق من امدرمان مباشرة .. للصقع في الراس ..
صقااااع .. والله تجفل زي الراكبك جــن مفلس ..
|
Post: #34
Title: Re: سيناريو الاقتحــام .. مسلسل (بوليصي)
Author: tmbis
Date: 05-20-2008, 09:18 AM
Parent: #13
| Quote: والله يا عمك لو كان قلت مايكل بالاك الكلام ده كان أخد طابع اخر |
يا عمر ..
بالاك دا وويين لي ناس فاندام ..؟
Quote: تخريمة :
عليك الله يا تمبس السيناريو ده لو فيهو زول مفروض يجكس ليهو بت سمحة ويسوقا كافتريا يشربوا قونقليز فانا حاجزو .. |
.. ياعمر طبعا بالنسبة للرؤية الفنية للنص أو السيناريو ح تتخلله بعض المشاهد التي تبين بعض المفاصل الدقيقة جدا للحركة الطبيعية .. من نظام حياتي يومي لي .. وضع الشارع .. العام والسلوكيات المرحلية .. شفت كيف السلوكيات المرحلية دي ..
لذلك
استنادا لي مداخلتك دي ح اضيف بعض النقاط المهمة جدا لتحريك بعض الشخوص تجاه الحبكة الاخراجية المتوقعة ..
نسبة لي حشد عدد تلاتة أو اربعة مقاتلات في دور البطولة المطلقة فما بضمن ليك انو واحده تقوم تشرب ليك القنقليز حقك دا .. إنت من زمن القنقليز .. اتصرف شوف ليك طريقة بتاعت ايسكريم بالفانيليا .. أو (شوكلات مووو) أو (بنانا اسبليت) وكتر لي من البنانات ..
على كل حال ونسبة لي اقتناعي التام بي حسك الفني العالي وصوتك المميز في الغناء ودا طبعا لأمر عايشتو هنا على ارض الواقع بعد الملفات الصوتية التي وصلتني وإنت تجري بعض البروفات اثناء الحمام .. كل الحصل دا بيخليني احاول اقنع ليك البطلتين ديل على اساس انك تستفرد ليك بي واحده وتعزمه عصيرك دا ونحاول نقدم نقلة جديدة أو نستعين بي خاصية الفيديو كليب..
كت اووت ..
حاول تشوف ليك بنطلون جينز واديهو رقعتين في الركبة واتنين بالخلف علشان الحبكة الفنية .. وعلشان تتماشى مع حساسية الوضع ..
اكشــن..
|
Post: #19
Title: Re: سيناريو الاقتحــام .. مسلسل (بوليصي)
Author: ملكة سبأ
Date: 05-19-2008, 10:10 AM
Parent: #1
بالله انا حاجزة كباية القنقليز دي بعد المشهد ينتهي
|
Post: #20
Title: Re: سيناريو الاقتحــام .. مسلسل (بوليصي)
Author: عمر الفاروق
Date: 05-19-2008, 10:44 AM
Parent: #1
بخاري ده منو ؟
تخريمة :
ملكة سبأ طيب ما تخليك شفتة وتعالي مصلي معاي المشهد والظروف ما معروفة إمكن نعيدو أكتر من مرة وبدل الكباية يبقا جردل
|
Post: #23
Title: Re: سيناريو الاقتحــام .. مسلسل (بوليصي)
Author: ابو جهينة
Date: 05-19-2008, 12:34 PM
Parent: #20
تامبا
أنا بكتب ليك سيناريو الجزء التاني ..
بخاري دة عندو علاقة بالرز و المندي و المظبي ؟
|
Post: #24
Title: Re: سيناريو الاقتحــام .. مسلسل (بوليصي)
Author: عمران حسن صالح
Date: 05-19-2008, 12:59 PM
Parent: #23
| Quote: بخاري دة عندو علاقة بالرز و المندي و المظبي |
هيي يا تمبس الإقتباس ده من ابو جهينة ّّ
بس والله كان (حاقص) لي في حلقي ..
عارفكـ يالحبيب تحب(العضة) ... أي عضة عشان (كباية الشاي) تظبط بعد كدة ..؟؟؟
أنا مشكلتي بقيت في أطراف البطحا ... وانت في السفارات (سِنَة ناعمة) ..
ومايونيزكـ يلحم ....
ومع الجو الهادي .. وطراوة شجر شارع السفارات بقيت شغال(سيناريوهات ) ...
|
Post: #27
Title: Re: سيناريو الاقتحــام .. مسلسل (بوليصي)
Author: على محمد على بشير
Date: 05-19-2008, 03:01 PM
Parent: #24
لا لا لا ...
تمها اكان صحى ود ابوك ..
|
Post: #28
Title: Re: سيناريو الاقتحــام .. مسلسل (بوليصي)
Author: عمر الفاروق
Date: 05-19-2008, 05:41 PM
Parent: #1
ابو علوة :
| Quote: تمها اكان صحى ود ابوك .. |
هيييييييييأ ..هيييييييييييعأ ..هيييعأ
|
Post: #29
Title: Re: سيناريو الاقتحــام .. مسلسل (بوليصي)
Author: Abdelmuhsin Said
Date: 05-19-2008, 10:28 PM
Parent: #1
تمبس لك التحية
|
Post: #32
Title: Re: سيناريو الاقتحــام .. مسلسل (بوليصي)
Author: عصام دهب
Date: 05-20-2008, 08:20 AM
Parent: #29
تمبس إزيك ..
شحتفتنا ..
و لو جليت موضوع المسلسل عندي ليك فكرة فيلم آكشن ختري جداً .. إسمو ( قتال حتى الموز ) ..
و لو عايز تشتغل تراجيدي خلي أساسي يديك القصة بتاعة ( لايوق الأمير المهمش ) ..
قلت شنو ؟؟
|
Post: #36
Title: Re: سيناريو الاقتحــام .. مسلسل (بوليصي)
Author: Frankly
Date: 05-27-2008, 09:42 AM
Parent: #32
تعديل بسيط يا تمبس
في تصميم البوستر المصاحب للفيلم
المنتج قال لازم ننزل المهرّجين الرئيسييين
بس وصيتي ليك : خلي أدوارهم تبقى جادة شوية
قال لو بي طريقة تهريجهم هنا دا ما بينفعوا لفيلم كرتون
الفيلم دا عايزنو يكون عالمي عشان كدا ما مشكلة نصلّح في عرض الشخصيات شوية
http://www.sudaneseonline.com/u/The_Invasion_Mission.jpg
|
Post: #37
Title: Re: سيناريو الاقتحــام .. مسلسل (بوليصي)
Author: العوض المسلمي
Date: 05-27-2008, 09:57 AM
Parent: #1
العزيز تمبس سلام
والله ياتمبس انا متكيف منك شديد
ودخلت اشوف عندك شنو
وبالجد السيناريو يستحق المتابعه
وتشكر يا راقي
|
|
