Post: #1
Title: على مسئوليتي
Author: حسين محي الدين
Date: 05-17-2008, 01:58 PM
Parent: #0
هذه الحروف لا تعبر بالضرورة عن أراءي ولكنها قد تعبر عن حالتي النفسية الآن..
أول تجربة عاطفية أعيشها بعد ما عملت (عدسات طبية) ولذلك مستوى الرؤية قد يكون دون الطبيعي، رغما عن ذلك كانت أحلى (زولة) حأشوفها..
كل المؤشرات بتقول أنه العلاقة ماشة في الطريق السليم (اللي هو البيت) (الأبيض) .. بس فجأة تم أستبدالي بغاز (خامل) ولا أدري هنا أن كانت المعادلة تحتاج لوزن من الناحية الكيميائية أم (لا) .. المهم عملت فيها (مجنون) وقلت ألملم ذيول الهزيمة وأمشي (بيتنا) .. بعدين الدنيا حرب والناس بتموت في الشارع .. الحابي ليها شنو!!
وطمنت نفسي بأني حألقى الزولة البحلم بيها في مكان وزمان آخر .. (وصدقت) مجبور عشان ما (أتلحس) ..
كسرة:
فول نمرة أتنين ..
عسل وقشطة ولافاش كيري
في أحلى من كدة!!
|
Post: #2
Title: Re: على مسئوليتي
Author: james
Date: 05-17-2008, 02:26 PM
حسين... ازيك
العنصر النشط لا يستبدل بخامل اطلاقا..
يمكن وضع الخامل مع النشط للحد من شدة التفاعل او لاي اعتبارات منطقية...تفرضها ظروف التفاعل..
ولكن اذا افترضنا جدلا (والفرض هنا غير منظقي)انه تم استبدالك بخامل.. فهذا ولكي تكون
المعادلة موزونة يجب ان تكون انت خامل....
يا رااااجل مزحة ما تزعل
|
Post: #3
Title: Re: على مسئوليتي
Author: حسين محي الدين
Date: 05-18-2008, 08:00 AM
Parent: #2
| Quote: يا رااااجل مزحة ما تزعل |
يا حبيبي الله ما جاب زعل
بعدين بيني وبينك أنا ذاتي فكرت زيك!
وبراك شايف النظر ضعيف وكده!
تحيات طيبات
|
Post: #4
Title: Re: على مسئوليتي
Author: james
Date: 05-18-2008, 05:40 PM
Parent: #3
| Quote: بعدين بيني وبينك أنا ذاتي فكرت زيك |
والله يا حسين..حال البورد الايام ديه
يخلي الزول.. ينظر..يفتي..الخ
انت شايف الحال..
كدي خلينا نشوف مواضيع.. ومن ضمنها مسالة ضعف نظرك...
|
Post: #5
Title: Re: على مسئوليتي
Author: حسين محي الدين
Date: 05-19-2008, 03:26 PM
Parent: #4
| Quote: حال البورد الايام ديه |
والله يا جيمس جماعتك ديل حيرونا سياسة سياسة
التقول حيبقو وزراء،، خليك معاي
أصلا من زمان ناوي أشكل مجلس أربعيني لـ(حزب البهجة) فرع (جمهورية السودان المتحدة)
وبما أنك (شواف) حأخليك وزير صحة عشان تعالج حكاية (العمي الليلي) دي ...
تحيات طيبات
كسرتين:
- ومن الحب ما سطل!
- نازل من نهار سري!
|
Post: #6
Title: Re: على مسئوليتي
Author: أشرف البنا
Date: 05-19-2008, 04:36 PM
كسرة ونص :
قالو في واحد مولود أعمى ... عندو شلة أصحاب ما مقصرين معاهو ... أي حاجة يوصفوها ليهو ...
في يوم من الأيام الشباب مشو حفلة و خلو صاحبنا براهو ...
فجأة من غير مقدمات رجع ليهو نظرو ... فتح عيونو شاف ليهو فار جقر كبير دايماً بيستغل لما صاحبنا يكون براهو يطلع يعمل لفة و يشم هواء في الغرفة ...
صاحبنا فجأة فقد البصر تاني قبل ما يجو أصحابو ...
لما الشباب رجعو عاوزين يوصفو لي صاحبهم جكس الحفلة ...
كل ما يقولو ليهو و الله لو شفتها فلانة عاملة كدا ينط و يقول ليهم : ويييين للفار ...
بدون كسرة :
حسين كيفك يا صاحبي ... ما يكون الفول قام بيك و حولك لي غاز خامل ...
ربع كسرة : مودتي
|
Post: #7
Title: Re: على مسئوليتي
Author: حسين محي الدين
Date: 05-20-2008, 08:37 AM
Parent: #6
أشرف البنا
عليك الله زولك ده لمن يفتح يشوف المناظر دي!!
والله كنت محتاج جدا لأني أضحك
ومشكور يا حبيبنا على الطلة السمحة..
كسرات:
قالوا الطشاش في بلد العمى شوف!
|
|