Post: #1
Title: أنفجار في حوش الخليفة
Author: زهير الزناتي
Date: 05-17-2008, 01:22 PM
Parent: #0
سمع دوي أنفجار في حوش الخليفة حيث معرض أحداث أمدرمان
ويبدو أن الأنفجار ناتج عن الحرارة الشديدة
ولم ترد أنباء عن أي خسائر في الأرواح أو الممتلكات
|
Post: #2
Title: Re: أنفجار في حوش الخليفة
Author: حسين محي الدين
Date: 05-17-2008, 01:31 PM
عليك الله دي شمس يعرضو فيها سلاح
والله لو عرضو تلج كان خلص
كلام غريب
|
Post: #10
Title: Re: أنفجار في حوش الخليفة
Author: humida
Date: 05-17-2008, 08:38 PM
Parent: #2
| Quote: والله لو عرضو تلج كان خلص |
ايوه لانه بديهيا ( التلج بسيح في الشمس ) .. المشكلة وين ..
..
..
يا جماعة بالله لمن نجي ننتقد وضع معين .. حقه نكون موضوعيين ..
..
..
تاني هاك
|
Post: #3
Title: Re: أنفجار في حوش الخليفة
Author: زهير الزناتي
Date: 05-17-2008, 01:31 PM
لم يعرف مكان سقوط الدانة التي أنطلقت من حوش الخليفة
ولكن عرفت بأن هنالك شخصين قد جرحا نتيجة لأنطلاق الدانة
وهل إنطلاق الدانة ناتج عن سوء الحرارة أم نتيجة لأهمال
|
Post: #4
Title: Re: أنفجار في حوش الخليفة
Author: Yasir Elsharif
Date: 05-17-2008, 01:35 PM
معرض للأسلحة المقبوضة.. لماذا؟؟ ألا يكفي تصويرها وعرضها في التلفزيون؟؟
أهو دي نتيجة التصرفات الخاطئة.. انفجار في بعض الذخائر!!!
|
Post: #5
Title: Re: أنفجار في حوش الخليفة
Author: doma
Date: 05-17-2008, 01:53 PM
Parent: #4
اللهم لا اعتراض في حكمك
قبضوا شنو يعني ؟؟؟
ولي عاملين لها معرض ؟؟؟عشان يثبتوا شنو؟؟
و والله انا بستغرب في الناس البتمش تتفرج علي خيابات الانقاذ دي ؟
المعرض دا كلف كم من ارواح البشر؟؟؟ ولا ما كفايه عايزنها تزيد ؟؟؟!!!
|
Post: #6
Title: Re: أنفجار في حوش الخليفة
Author: SARA ISSA
Date: 05-17-2008, 01:54 PM
انا سمعت لواء ركن بقول للناس في التلفزيون الأسلحة دي الآن زي لعبات الأطفال ..لأنو سلاح المفرقعات قام بعملية الفحص!!
طيب طلعوا ألأطفال الأسرى عشان يعلمونكم كيف تتعاملوا مع السلاح
الآن عرفت كيف تمكنت ححركة العدل والمساواة من دخول أمدرمان
|
Post: #7
Title: Re: أنفجار في حوش الخليفة
Author: SARA ISSA
Date: 05-17-2008, 01:56 PM
Parent: #6
ديل فارشين السلاح زي حلاوة مولد
|
Post: #8
Title: Re: أنفجار في حوش الخليفة
Author: زهير الزناتي
Date: 05-17-2008, 08:06 PM
عرفت من بعض الرواد أن الذخائر الحية قد تم سحبها
من المعرض ،،، ولاحظت تدافع كبير جداً من مختلف قطاعات
المجتمع ،، وطبقاتها في المعرض عصر اليوم،،، وكثير من
هؤلاء الناس لا فكرة لديهم حول انفجار الدانة ظهر اليوم
ويتخيل لي لو عرفوا في دانة أنفجرت ممكن يكون العدد
أزيد من الذي شاهدته ،،، لأن يوم الأحداث لاحظت عدد كبير
جداً من المواطنيين في الشوارع يتفرجون علي الأحداث وكأنه فيلم
آكشن ، وليس معركة حقيقية يمكن أن تؤدي بحياتهم
وأذكر في ثمانينيات القرن الماضي ،، أنفجر لغم في خور يحد حيًنا
من الناحية الشرقية ،، في مدينة كسلا ،،، وكل حيُنا والأحياء المجاورة
أندفعنا ناحية الصوت ،،، فأنفجر بعد دقائق لغم آخر لجواره ،، فإزداد جرينا نحو صوت الأنفجار
وفي نفس الفترة أنفجر مخزن ذخيرة في حامية كسلا ،،، ولم يتصدي للمواطنيين المندفعين
نحو مكان الإنفجار سوي السور الشائك للحامية والحراس علي الأبواب ،،،
وهذا سلوك يجب دراسته ،،، فكل شعوب الدنيا تتجنب الأماكن الخطرة إلا شعبنا هذا
|
Post: #9
Title: Re: أنفجار في حوش الخليفة
Author: amir jabir
Date: 05-17-2008, 08:29 PM
Parent: #8
زهير سلامات يازل
قلنا الكلام دة قالوا نحنا بتاعين منظمات وبتاع وشغالين مع اليهود قلنا غلط الشفع يتصورو مع السلاح قالوا علينا بتاعين كضب يا زول الناس ديل البعملوا فى الناس يظهر ...
الله كريم غايتو
|
|