Post: #1
Title: قال احدهم ( قصة لاندركروزرات شركة زين تشاد )
Author: عصام دقداق
Date: 05-14-2008, 11:03 PM
Parent: #0
*الأمانة ليك يا الله .. أمدرمان دي بقت بتاعت كفاوي .. *هي أمدرمان دي إتولد فيها (إدريس ديبي) ونحن ما عارفين ولا شنو؟؟ *ولا الزول ده إسمو (درمان) .. وأمّو سموا عليها البلد دي؟؟ .. *إذا كان عاملين فيها رجال .. *مايجّوا داخلين بالحاج يوسف؟؟ *أنا غايتو عشان عارف إنو التلفزيونات دي كلها هتكضّب .. وهيعومو على عوم (أسيادهم) .. *قررت إنو أعتكف قدام إذاعة ال(PPC) .. *وألقط الشمار الصاح منّها .. *وعليه .. أنا أعتقد .. وإن بعض الإعتقاد إثم .. *إنو الجماعة ديل ما (حركة عدل ومساواة) .. *تعرفو ديل منّو ؟؟؟؟ *ديل التشاديين إللي فازو بعربات لاند كروزر من شركة (زين) التشاديّة .. *وعلى حسب مراسل ال (PPC) .. قال إنو شبكة (زين تشاد) دي .. *بتدي المشترك بتاعها العربيّة لمدة يوم واحد .. يتفسّح بيها .. وبعدها يقوم يرجعها .. *والجماعة (الزينين) دقسّو .. قامو وزعّو العربات كجوائز في يوم واحد .. *والجامعة إياهم .. شردّو بالعربات .. *بــــــــــس .. *دي الحكاية من طقطق للسلامو عليكم .. *يعني هسي الكلام المقنع بتاع ال (PPC) .. ولا بتاع الفضائيّة السودانيّة؟؟؟ *لكن بيني وبينكم .. *العربات دي سمحة سماحة .. *هسي الواحد لو كان (في القوات الباسلة) .. ما كان زاغ ليهو بعربيّة عربيتين كده؟؟ .. *ولكن تأتي (العربات) بما لا تشتهي (السفن) ..
تخريمة:- *في واحد إسمو (مصطفى عثمان إسماعيل) .. *بتعرفوهو؟؟ *الزول ده عرفتوهو قال شنو .. *قال .. نحن خلينا الجماعة إياهم يخشّو أمدرمان .. عشان نكابسم هناك .. وما يلقو دعم ومدد .. *مدد يا (مصطفى) مدد .. *يعني هسي يا (مصطفى) الجامعة ديل كان دقيتوهم في الخلا مالو؟؟ *العساكر بتاعينكم تراب الصحرا بتجيب ليهم حساسيّة .. ولا الكلاشات بتاعتهم ما بتشتغل إلا فوق الأسفلت؟؟ *وفي نفس الوقت (مجلس الوزراء) قال شنو .. *قالو نفتح تحقيق في كيييييييييييف أولاد خليل ديل دخلو أمدرمان دي بالشكل ده .. *يعني مصطفى عارف .. ومجلس الوزراء ما عارف .. *غريييييييييييييييييبة والله ..
تخريمة تانيّة:- *الجائزة يا جماعة زادوها للي بيقبض على (خليل إبراهيم) *من 250 مليون جنيه .. إلى 500 مليون جنيه .. بالقديم طبعاً .. *أنا أقترح لناس الخرطوم .. إنو نعمل إجتماع طارئ .. *نكوّن فيهو مشروع بعنوان (مشروع الجري ورا خليل) .. *ناس أمدرمان يفتّشو في حتتهم .. وناس الخرطوم في مكانهم .. وناس بحري في مكانهم .. *ممنوع دخول الحاج يوسفاب .. *والعدد ما يفوت العشرة أنفار .. عشان تطلع لينا سمينة .. *أي زول ماشي في الشارع أزرقــــــــــــاني .. تقبضوهو وتدقوهو وتفتشوهو زين .. *لو لقيتوهو خليل .. خير وبركة .. ولو ما هو .. تشيلو منّو عشرة ألف جنيه (أتعاب دقة) .. *وتمشو للزول البعدو .. *مفهوم ؟؟ *تاني حاجة .. *خليل ده قالو يمكن يكون لابس هدوم نسوان .. *وعليه .. ممنوع على (ضكور الخرطوم) الهجوم على النسوان .. *دي نكلم بيها بناتنا .. *ما دايرين سمعة .. *وأهم حاجة يا بناتنا .. (أنصاريات السنّة) ديل .. *أنا حاسي .. وإن بعض الإحساس إثم .. *إنو (خليل إبراهيم) ده حايم في ملابس أنصارية سنّة .. *والله الموفق .. *إعلام المشروع ..
تخريمة أخيرة:- *الأمانة ليك يالله .. *كلمة مرتزقة دي عاجباني عجب .. لما فكرت أغيّر اليزر نيم بتاعي ل(مرتزقة) .. *بس في حاجات مانعاني .. *أوّل أمبارح قبضنا في حلتنا إتنين من (المرتزقة) .. واحد منهم بيشبه لي واحد معانا هنا .. شبه ما عادي لمّا أفتكرتو هو .. *إنتو المرتزقة ديل ما معاهم حريم ليه؟؟ .. الناس ديل ما عندهم إعتراف بحقوق المرأة ولا شنو؟؟ *نفسي ومنى عيني .. يكون معاهم نسوان .. ويكونو هاربات .. عشان لمّا ألم لي في واحدة أدقها دق الذين إندقو .. *لي قرابة الإسبوع ما دقيت لي مرا .. *يدي ناتشاني .. *أطرف حكاية سمعتها عن المرتزقة .. *قالو إتنين هاربين وزاغو في (حي العمدة) أمدرمان .. *لقو ليهم بيت حيطتو قصيرة .. قامو تلبّو جوة .. لقو ليهم سرير فاضي .. نامو فيه على طول .. *ناس البيت صحو لقيهوهم في سابع نومة .. *ضربو 999 .. وجو الجماعة رفعوهم .. *تصـــــــــــــوّروا !!!!!!
تسلم علوش
|
Post: #2
Title: Re: قال احدهم ( قصة لاندركروزرات شركة زين تشاد )
Author: عاطف عبدون
Date: 05-15-2008, 00:15 AM
Parent: #1
Quote: *الجائزة يا جماعة زادوها للي بيقبض على (خليل إبراهيم) |
يازول انت ما بتخجل
قبل يومين من اقسمت بي ربك انو خليل قبضوهو؟
عالم ما بتختشي
|
Post: #3
Title: Re: قال احدهم ( قصة لاندركروزرات شركة زين تشاد )
Author: عصام دقداق
Date: 05-15-2008, 00:37 AM
Parent: #1
يااخوي انا عند كلامي وبعدين بتعرف قصدي وكلامي
بس كدي اصبر شوية ماتستعجل
بس خلي موبايلك مفتوح عشان ماتروح عليك اللاندركروزر
|
Post: #4
Title: Re: قال احدهم ( قصة لاندركروزرات شركة زين تشاد )
Author: عاطف عبدون
Date: 05-15-2008, 00:48 AM
Parent: #3
سمح منتظرك
|
Post: #5
Title: Re: قال احدهم ( قصة لاندركروزرات شركة زين تشاد )
Author: amir jabir
Date: 05-15-2008, 00:57 AM
Parent: #4
انته يازول اقعد اتفاصح كويس لمن لاندركروزرات تجيك المرة الجاية من كجبار وتحلف قبضنا على عاطف عبدون
والشاف صلاح قوش نقلك امن المرافق الصحية ما كضب
______________________ سلام الجسور عاطف عبدون
|
Post: #6
Title: Re: قال احدهم ( قصة لاندركروزرات شركة زين تشاد )
Author: Tragie Mustafa
Date: 05-15-2008, 03:52 AM
Parent: #5
.
|
Post: #7
Title: Re: قال احدهم ( قصة لاندركروزرات شركة زين تشاد )
Author: حمور زيادة
Date: 05-15-2008, 03:57 AM
Parent: #6
الاخ عصام تراجي مصطفى و بقية المتداخلين
و عن معركة ام درمان نحكي
مع ودي
|
Post: #8
Title: Re: قال احدهم ( قصة لاندركروزرات شركة زين تشاد )
Author: مجاهد عبدالله
Date: 05-15-2008, 03:59 AM
Parent: #1
Quote: أي زول ماشي في الشارع أزرقــــــــــــاني .. تقبضوهو وتدقوهو وتفتشوهو زين .. |
حتي لو كتب في سبيل الدعابة فهذا كلام مرفوض تماماً ..
وده كمان أيضاً مرفوض ...
(لي قرابة الإسبوع ما دقيت لي مرا .. )
|
Post: #9
Title: Re: قال احدهم ( قصة لاندركروزرات شركة زين تشاد )
Author: 7abib_alkul
Date: 05-15-2008, 01:49 PM
Parent: #8
يا اخونا شوف عينى دى وما قول قايل فى بنات مع المرتزقة ديل والغريبة فى واحدة سايقة عربية
|
|