قال الشاعر : الهلال في حيص بيص ..

حدثنا أبو مسكين الضلالي عن أبو قريعة رايحة عن ابو محلي الهلالي قال :
يا هلالاب شوفوا ليكم شغلة أقضوها ولا تحلموا بواقع سعيد طالما هناك أهلي وزمالك وأنيمبا ومازمبي وقطن كميروني طويل تيلة وما شابه ..
عودوا إلى محليتكم الدائمة وقشة ما تعتر ليكم .
يتبع ....

قلته كدى انت مادحين الإتنبأت بهزيمة صنداونز للهلال في ام درمان

و لسه مصر طيب الزمالك دا غلبناهو ويرناهو السنة الفاتت

من دوري 32 والاهلي غلبناهو اكتر من غلبه لنا وقبل 4 سنين هزم

في عقر داره والباقين ما افضل منهم

بس انتو بتطيرو وين 4 فرق من تونس جاياكم كان جليتو من واحد ما

بتجلو من التانى ولي علمك ناس تونس ديل بيغلبوكم بالاربعة في دياركم

أخي طلحة
الهلال انتزع في الموسم الماضي سبع نقاط من الأهلي والزمالك في مقابل أربع للأهلي والزمالك
وأحرز في شباك الأهلي والزمالك سبعة أهداف مقابل أربعة أهداف
وبالتالي شوف الفريق الذي مستقبله في المنافسة في حيص بيص حقيقة
والظاهر (اللولوة ) و( الأواوة )أزعجتكم كثير
الترجي أو النجم صن داونز أو .......
لو حظنا كويس ما نقابل النجم الساحلي .. ولو قدر لنا أن نختار الفريق الذي نقابله لطلبنا الهضاب مرة أخرى
حيص بيص يا راجل !!!!!

وانتو يا طلحة

المرة دي مافي قطن ولا دولفين ولا سمك

نجم ساحلي وشرميطي والكناري شبيبة القبائل والتيحة والكورة المليحة والافريقي

ما اظن في دوري تمانية المرة

Quote: المرة دي مافي قطن ولا دولفين ولا سمك نجم ساحلي وشرميطي والكناري شبيبة القبائل والتيحة والكورة المليحة والافريقي

يا خليل لدي المريخ دواء لكل داء ...
مريخ العجب
مابعرف التعب
ومافي شىء عندو صعب ..

استاذ عوض
سلامات ومشتاقين والله
بالمناسبة انت جبتها من الآخر لما قلت :

Quote: الهلال انتزع في الموسم الماضي

قرض علي كدا يا استاذ .

الجبلابي سلامات ..
قلت لي :

Quote: انت مادحين الإتنبأت بهزيمة صنداونز للهلال في ام درمان

أبدا ...
متين الكلام دا حصل ..
لا حولاااااااااا..
أنا اول مرة اتكلم عن الهلال ..

مقتبس من مغالطات الهلالاب الضلالاب الذين يصرون أن فريقهم أفضل برغم أنو ما جاب اية حاجة من برة .

قال حكيم :
قلبي علي هلال المساكين
المنتظرنو يجيب كأس من سنين
لكن يا حسرة يجيبو كيف وبي مين
دا نادي بصراحة واقعو مشين ومهين ...

يا طلوح

فقط لو عالج الهلال مشكلة الدفاع الحبه دى ما بتجيهو
فلا الاهلى هو الاهلى ولا الزمالك هو الزمالك ولا انيمبا
هو انيمبا ولا القطن هو القطن

هناك نزول مريع فى مستويات كل الفرق الافريقيه
ونتمنى انو المريخ والهلال يستثمروا الهبوط دا ويتقدموا
هذه المره ويحققوا مراكز احسن من العام السابق

يعنى المريخ ياخد الذهب والهلال ان لم ياخد الذهب على الاقل
يلعب النهائى انشاء الله

وان كان حتى المريخ والهلال مستواهم ليس هو مستوى العام السابق

Quote: فقط لو عالج الهلال مشكلة الدفاع الحبه دى ما بتجيهو

أبو علوة ..
كدا أول حاجة أستعير ضحكتك الشهيرة قرقرقرقرقرقر ..
وبعد كدا احكي ليك النكتة دي :
قال ليك الجماعة ملوا شوالاتم قروش ومشوا للفكي عشان يكرب ليهم الكورة ..
أها الفكي قال ليهم عوجة مافي طب ..
أول حاجة ختوا سبعة قدام القون ..
تاني حاجة ما تخلوهم يعكسوا كورة قدام أو يشوتوا من بعيد او يحاوروكم ..
تالت حاجة (طلع ليهم رزمة من القروش ) قال ليهم أدوها الحكم ومافي زول يشوفكم ..
رابع حاجة .....
واحد من الجماعة قال ليهو سمح يا شيخنا دا الكريب عرفناهو ولو عايزين نجيب اقوان كيف ..؟
الفكي قال ليهو بسيطة ..
شوتوا بالزاوية البعيدة وركزوا في مقص المرمي ..

نجيء للجد ..
نظرا للحالة الفنية المتازمة التى يعيشها الهلال منذ أواخر الموسم الفائت والتى أخرجته خالي الوفاض من بطولتي العرب والأندية الأفريقية علي يدي كل من المجد السوري في الأولي والنجم الساحلي التونسي في الثانية وعطفا علي الهزة الفنية التى ظلت تطل برأسها لتضرب خط دفاع الفريق تحديدا كل ما واجه هجوما ومنظما كما حدث في المباراتين المذكورتين وأخيرا أمام فريق الشمس الغاربة الجنوب أفريقي إلى جانب المشاكل الإدارية المفتعلة وغير المفتعلة من رئيس النادي وسيده الأوحد الأرباب (الما كضاب ) والتى راح ضحيتها العديد من أبناء الهلال البررة وأخرهم (صاحب السر الباتع في إنتصارات الهلال) في الفترة الأخيرة الكوتش فوزي الأسد فضلا عن بوادر التمرد والتى ظهرت إلى العلن في خواتيم الموسم الماضي علي نحو ما حدث من حارس المرمي المعز محجوب وكذلك لاعب خط الوسط عمر بخيت والذي وإن كان يخفي رغبته في عدم البقاء مع الهلال إلا أن المقربين منه أكدوا نية اللاعب في الرحيل القريب بعدما ما عاناه داخل معسكر المساكين من شظف العيش نتيجة الفقر المدقع الذي يعيشه النادي الكبير .
كل ما ورد اعلاه وغيره من العقبات والنكبات سيجعل المهمة الهلالية في مرحلة دوري المجموعات المقبلة غاية في التعقيد والصعوبة إن لم تك مستحيلة خاصة إذا ما عرفنا أن الفريق سيكون مواجه بمنافسين لا يرحمون من لدن الأهلي المصري (صاحب التار البايت) وكذا شقيقه الزمالك إلى جانب فرق أفريقية شرسة الطباع شديدة البأس كمازيمبي وقطن الكاميرون وخلافه .
قبل أن أعود رددوا معي وقولوا :
الله يستر علي هلال المساكين ..
يتبع ...

الاخ طلحة

الخروج من عباءة الصفر الدولي برضو كمان مستحيلة ....

رغم خروج النجم الساحلي ....الناس بقت تحلم بالكأس الجوي الاول بعد صيام

الثمانين عام الفائتة .....

صدقت يا waw

Quote: الخروج من عباءة الصفر الدولي برضو كمان مستحيلة ....

بس لكن دا قولك واللا قول الشاعر ..

طلحه .. سلامات

Quote: الله يستر علي هلال المساكين ..

:

Quote: الهلال في حيص بيص ..

؟؟؟؟؟؟؟

ـــــــــــ
دايرين لينا كاس محمول جوا وكدا ........ عندكم 50 سنه لي قدام يا مان

Quote: دايرين لينا كاس محمول جوا وكدا ........ عندكم 50 سنه لي قدام يا مان

يا أبو عبدة مشكور علي المرور ..
ناس المريخ ربنا يديهم الفي مرادكم ..

يا طلحة
ما هو النجم خلقوهو أصلا للرجم........ كتبها مزمل يوم كورةة النجم الساحلي.. كويس انه ما قال زمالك يا هندسة .. وأهلي حديد
براكم هباشين
قال ليك ناس الصفاقسي قالو ما دايرين قرعة ..
قالوا أدونا المريخ وأي فريقن تاني ....
كواسي بلازا
معين الشعباني
أمين الشرميطي
هشام ابو شروان
عييييييييييييييييييييك

والله أخير ليكم تتخارجوا من الملحق
عشان ما يربتوكم

ياشباب طلحة دا قاصد المريخ
بس العنوان خدلو ومافى خاصية تصليح,,,,

انت ياطلحة قاصد المريخ...مش

4 توانسة,,,ما بتجلى منهم لكن ان شاء الله تقعو فى دورى ال16 مكرر
مع صن داونز,,,لان الجالية فى جنوب افريقيا بتشجعكم,,واسالو ناس الارصاد
من الجو وقتها,,,خلينا نشوف عماركم مع الجماعة ديل,,
لكن اى فريق عربى فى الخمسة بهزمكم اربعات
وبكرى بتجى تعنون على قول عمر الفاروق
المريخ يستعد للدورى للمتاز 2009 من الان

ابقوتة

Quote: 4 توانسة,,,ما بتجلى منهم لكن ان شاء الله تقعو فى دورى ال16 مكرر مع صن داونز

مراحب باي توانسة وصعايدة ..
المريخ مامنو خوف قلنا ليكم ..
الكلام ناس قريعتي راحت ..

خالد الجبل

Quote: النجم خلقوهو أصلا للرجم

بتاع الرجم النجم الساحلي
نحن بتاعنا النجم الثاقب يا أبو الخل ..

التعديل لحاجة في نفس يعقوب ...

طلحة تنظير يا عمك...
من كل قلبي اتمنى ان الوصيف يتاهل لدوري المجموعات
بالميت كدة فريقين تونسيات كان ما تلاتة
يعني حنتمتع برش الدقايق الأولى و مليص الفنايل السنة دي لمن نقول بس

الله دا ما كريم

حدثنا شيطون ابن قسطنطين عن نتائج المريخ في دور 16 مكرر

النجم الساحلي 5 المريخ 1

الافريقي 3 المريخ 0

شبيبة القبائل 3 المريخ 1

اولمبيك خربيكة 2 المريخ 0

وعليه مافي دور تمانية اذا قابل اي فريق من الاربعة السابقة

وسيتاهل لدور التمانية اذا قابل

صن داونز بلاتنيوم او الاتحاد الليبي او انتر كلوب

واذا صعد دور التمانية لا اتوقع ان يحرز المريخ ولا نقطة واحدة

لانه حايكون مع الصفاقصي والترجي والنجم الساحلي

يعني التوانسة حايشنو حايشنو

طلوح
غايتو حنكك بقي ماسنين
شخصيا اتفائل بكل خطرفاتك وامانيك السراب

مودتي

كتر الاحلام وزيد المحلبية وبطل الرجفة وزعميط الشعر

محمود
ماليزيا

Quote: محمود ماليزيا

الأجواء عندكم كيف بلاي يا محمود عوض في ماليزيا .. ؟
فيها فول وفلافل ..؟
ولو فيها فيها فول ..
بالجبنة واللا سادة .. ؟
الرجاء الرد ..

الخل الوفي (أسم الدلع لخليل ) ..

Quote: حدثنا شيطون ابن قسطنطين عن نتائج المريخ في دور 16 مكرر النجم الساحلي 5 المريخ 1 الافريقي 3 المريخ 0 شبيبة القبائل 3 المريخ 1 اولمبيك خربيكة 2 المريخ 0 وعليه مافي دور تمانية اذا قابل اي فريق من الاربعة السابقة وسيتاهل لدور التمانية اذا قابل صن داونز بلاتنيوم او الاتحاد الليبي او انتر كلوب واذا صعد دور التمانية لا اتوقع ان يحرز المريخ ولا نقطة واحدة لانه حايكون مع الصفاقصي والترجي والنجم الساحلي يعني التوانسة حايشنو حايشنو

أحسن برضو تركزوا علي أحلام وأوهام زي الفوق دي لانو حلمكم العمرو سبعين سنة داك صعب تحققوهوا .. صهب كان ما مستحيل ..

مبتدع ثقافة الجرجير ( من جرجرة )

Quote: يعني حنتمتع برش الدقايق الأولى و مليص الفنايل السنة دي لمن نقول بس

لا انشالله ح تستمتع بتابلوهات عجيبة وأقوان فريدة من بتاعت سليل السخرة الحمر السلطان عجب الناس كلهم .
بس انت حضر مشاعرك كويس .

طلحة (كمين)

شكلكـ حارقكـ الكاركتير ده انت

_
حتي جدادتكم عاملة كمين يا كافي البلا

نوبي أبونكت صهيونة جاب البتاعة دي :

وقال:

Quote: حتي جدادتكم

ومع ديل (وش يفرفر من الضحك )
غايتو الشفع ديل عليهم جنس حنكشة ..
دي ما جدادة دي نعامة يا..... هناي .

طلوح

Quote: دي ما جدادة دي نعامة

قبل ما (تنمعط) ولا بعد ما (إنمعطت)











_
يا زول ماشي أنوم العفو والعافية

ما علينا من نوبي أبو نوكت صهيونية ومصايبو ومحنو ..
بالمناسبة :
مازالت هناك معطيات ومؤشرات تنذر بانو ناس قريعتي راحت ديل المرة ح يشتتوا والشمس حية من مرحلة المجموعات ..
ح ارصها هنا رص القصب ..
ويا جابت يا خابت ..
يتبع ...

أنا اول مرة اتكلم عن الهلال ..


يا جماعه الزول ده مخمس ولا شنو

قال اول مره يتكلم عن الهلال

هو انت عليك الله اتكلمت في المريخ حصل ماهو ناديك وبتشجعو

خلك منطقي مره واحده بس

تونسية يا رسول الله

اربعات في الدار

وستات خارج الدار

سلامات يا عبس ومشتاقين ..

Quote: يا جماعه الزول ده مخمس ولا شنو قال اول مره يتكلم عن الهلال هو انت عليك الله اتكلمت في المريخ حصل ماهو ناديك وبتشجعو

من عاشر قوم صار مثلهم يا عبس أخوي ..
انتوا ليكم سبعين سنة ما قادرين تجيبوا ليكم إنشالله مسمار من برة ..
ومع دا كلو تغالطوا فينا نحن البطل ونحن الأحسن ونحن بتاعين الأسعاف ..؟
أها أنتو قايلين الغلاط دا بشتروهو من البقالة .. ؟؟

أواصل قبل العودة للأعزاء الزائرين ..

أقول ان الهلال سيواجه حتما أعاصير عاتية في مرحلة المجموعات للبطولة الأفريقية كونها ضمت سبعة من أعتي فرق القارة علي الإطلاق مثل مازمبي الكنغولي والقطن الكاميروني وانيمبا النيجيري وأسيك العاجي وديناموز الزمبابوي إلى جانب الأهلي والزمالك المصريين .
والهلال المصنف ضمن المستوي الثالث مع الزمالك حتما سيواجه أما الأهلي المصري أو أنيمبا النيجيري كون أن الفريقين مصنفان ضمن المستوي الأول وبالتالي سيتم وضع كل منهما علي رأس مجموعة وهو أمر يدعو للقلق لأنه وحسب هذا التصنيف فإن الهلال يمكن أن يقع في مجموعة واحدة مع الأهلي وأسيك العاجي والقطن الكاميروني مثلا وهي مجموعة حديدية بلا شك سيعاني الهلال كثيرا في تخطي فرقها ,وحتى لو حملته القرعة ليلعب ضمن المجموعة الاخري فهي تضم فريقين لهما باعهما الطويل وخبرتهما العريضة مثل أنيمبا النيجيري والزمالك المصري إذا إفترضنا أن مازمبي الكنغولي أقرب في مستواه الفني للهلال .
وإلى جانب ذلك فإن الفريق الهلالي يعيش ظروفا فنية مهتزة إلى حد كبير حتى وإن تأهل لهذه المرحلة علي حساب فريق مثل الشمس الغاربة ما يجعل أموره تبدو غاية في التعقيد وربما نقلت مهمته إلى خانة الإستحالة .
وبنظرة سريعة إلى هذه الظروف التى يعانيها الفريق هذا الموسم نجد انه :
* يفتقد لخدمات هدافه السابق الخطير قودوين الذي صنع ثنائية خطيرة مع مواطنه الآخر كليتشي ليقودا الهلال إلى إنتصارات كبيرة في الموسم السابق .
* غياب عراب انتصارات الفريق والأب الروحي للاعبين فوزي المرضي والذي إرتبط أسمه بكل الإنتصارات اللافتة التى حققها الهلال في الفترة الأخيرة وهو أمر سيكون له تأثيره السلبي علي اللاعبين الذين سيفتقدون حتما الرجل الذي ظل يهييء لهم الأجواء التى تجلب العطاء ويبعد عنهم الضغوط ومؤثراتها الخارجية كونه علي صلة وثيقة وعلاقة حميمة معهم علاوة علي خبرته الكبيرة في التعامل مع الفريق ومعسكراته الإعدادية .
* تراجع مستوي لاعبين مهمين في الفريق لعوامل وظروف متباينة مثل ريشارد وهيثم مصطفي ومرق ل(تقدم العمر ) والمعز محجوب لعدم الرغبة في الدفاع عن الوان القميص الأزرق بسبب تعليق مستحقاته المالية ما أدي لتمرده نهاية الموسم الماضي إلى جانب عمر بخيت والذي ظل يراوده الحنين إلى إنتمائه للأحمر فاصبح سيفه مع الهلال وقلبه وعقله مع المريخ وهو أمر يشتت شمل تركيزه وعطائه للفريق .
يتبع ...

Quote: * يفتقد لخدمات هدافه السابق الخطير قودوين الذي صنع ثنائية خطيرة مع مواطنه الآخر كليتشي ليقودا الهلال إلى إنتصارات كبيرة في الموسم السابق .

وجع وجع قودوين رجع

Quote: وجع وجع قودوين رجع

ويييييييييين يا فردة رجع ..
الزول دا قال تاني لو في رجعة إلا ناس جمال الوالي
كفاية العملوا ليهو في المطار ..

طلحة تنظير

Quote: وحسب هذا التصنيف فإن الهلال يمكن أن يقع في مجموعة واحدة مع الأهلي وأسيك العاجي والقطن الكاميروني مثلا وهي مجموعة حديدية بلا شك سيعاني الهلال كثيرا في تخطي فرقها

شيل القطن و خت الترجي
الفلم دا ما ياهو الخشيناه قبل كدا زاتو

جرجير من (جرجرة )

Quote: الفلم دا ما ياهو الخشيناه قبل كدا زاتو

لا داك هندي
ودا كابوي
رش نضيف ..

مافي زول طالبني توضيح للتعديل ..

بس عشان أقول ليك يا دوب شوفت البوست والكمين الجالي بتاعك دا

بجيك بعد ما نخلص غسيل الجمعة


باللاي سلامي لي ود البشرى العربي
والتحايا موصولة لسواقين المغارب




بعدين يا عمك
كان جدادة ولا نعامة ولا طلحة

في النهاية كمين

ودو كماين

Quote: باللاي سلامي لي ود البشرى العربي والتحايا موصولة لسواقين المغارب

ديل برضو تجار معانا في السوق ..

السلام عليكم
بعيداً عن معارك الهلال والمريخ والرياضة
حيص بيص
هو شاعر مشهور اسمه الحقيقي أبو الفوارس سعد بن محمد بن سعد بن الصيفي الملقب شهاب الدين ؛ كان فقيها شافعي المذهب، تفقه بالري على القاضي محمد بن عبد الكريم الوزان، وتكلم في مسائل الخلاف، إلا أنه غلب عليه الأدب ونظم الشعر، وأجاد فيه مع جزالة لفظه، وله رسائل فصيحة بليغة. كان من أخبر الناس بأشعار العرب واختلاف لغاتهم. كان لا يخاطب أحداً إلا بالكلام العربي وكان يلبس زي العرب ويتقلد سيفا.
سمي حيص بيص لأنه رأى الناس يوماً في حركة مزعجة وأمر شديد فقال: «ما للناس في حيص بيص»، فبقي عليه هذا اللقب، ومعنى هاتين الكلمتين الشدة والاختلاط، تقول العرب: وقع الناس في حيص بيص، أي في شدة واختلاط.
كان إذا سئل عن عمره يقول: «أنا أعيش في الدنيا مجازفة»، لأنه كان لا يحفظ مولده، وكان يزعم أنه من ولد أكثم بن صيفي التميمي حكيم العرب. ولم يترك أبو الفوارس عقبا.
من أبياته الشهيرة:
ملكنا فكان العفو منا سجية *** فلما ملكتم سال بالدم أبطح
وحللتم قتل الأسارى وطالما *** غدونا عن الأسرى نعف ونصفح
فحسبكم هذا التفاوت بيننا *** وكل إناء بالذي فيه ينضح
توفي ليلة 6 شعبان 574 هـ ببغداد، ودفن بالجانب الغربي في مقابر قريش.

من ويكيبيديا، الموسوعة الحرة
..............................
وما الناس إلا هالك وأبن هالك *** وذو نسب في الهالكين عريق

Quote: والهلال المصنف ضمن المستوي الثالث مع الزمالك

الاخ طلحة
حسب النشرة الرياضية لتلفزيون السودان اول امس صنف فريق الهلال من قبل الاتحاد الافريقي في المستوي الثاني مع اسيك العاجي بعد الاهلي المصري و انيمبا النيجيري في المركز الاول .







يلا واصل باقي العواسة بناء على كدا .

الأخ حمد فتح الرحمن لك التحية
قلت :

Quote: حسب النشرة الرياضية لتلفزيون السودان اول امس صنف فريق الهلال من قبل الاتحاد الافريقي في المستوي الثاني مع اسيك العاجي بعد الاهلي المصري و انيمبا النيجيري في المركز الاول .

الاهلي المصري وأنيمبا المصري فعلا كما قلت في المستوي الأول بجمعهما لرصيد أكبر من النقاط (16)نقطة لكل بناء علي نتائجهمافي آخر خمس سنوات ويأتي بعدهما في التصنيف كل من أسيك الإيفواري ب(8 نقاط ) والقطن الكاميروني ب(5 نقاط ) ثم في المستوي الثالث الهلال ب(4 نقاط ) والزمالك ب (3 نقاط ) وهذا حسب لوائح المسابقة التى توضح تصنيف الأندية وفقاً لنتائجها في بطولات الكاف خلال آخر خمس سنوات .

Quote: يلا واصل باقي العواسة بناء على كدا

بس لكن العواسة العايزني اواصل بناء عليها يا حمد ما زي ما عوستها انت ..
عموما لك الشكر علي المرور وتقبل كذلك ودي .

نيابة عن الأخو الزائرين واصالة عن نفسي أشكر وأقدر مجهودات الحبيب الزوول الذي رفد البوست بنبذة عن الشاعر (حيص بيص) لتأكيد أنو الهلال فعلا في وضع زي ما قال حيص بيص ..
التحية ليك أيها الزوول الحبيب ..

مافي زول طالبني توضيح للتعديل ..

Quote: والهلال المصنف ضمن المستوي الثالث مع الزمالك

سلامات يا طلحة

ما هي أسس هذا التصنيف؟ [للفائدة]

بالمناسبة: نشرت في موقع الاتحاد لائحة منافسة الدوري الممتاز لموسم 2008:

http://sudanfootball.com/news17.htm

سلامات يا ابو حميد
حسب ما قرات إن تصنيف الفرق التي تأهلت إلي دور المجموعات سيتم بناء علي نتائجها في البطولة خلال السنوات الخمس الماضية.. وفي حال التساوي سيتم اللجوء إلي عدد المشاركات في الكونفدرالية.
لكن بيني وبينك عادي جدا ممكن يحصل تلاعب ..

Quote: الاهلي المصري وأنيمبا المصري فعلا كما قلت في المستوي الأول بجمعهما لرصيد أكبر من النقاط (16)نقطة لكل بناء علي نتائجهمافي آخر خمس سنوات ويأتي بعدهما في التصنيف كل من أسيك الإيفواري ب(8 نقاط ) والقطن الكاميروني ب(5 نقاط ) ثم في المستوي الثالث الهلال ب(4 نقاط ) والزمالك ب (3 نقاط ) وهذا حسب لوائح المسابقة التى توضح تصنيف الأندية وفقاً لنتائجها في بطولات الكاف خلال آخر خمس سنوات .

طلحة تحياتي
دا كلام مزمل الكلنا قريناهو و كان بناء على اتصالو بقرن شطة
خبر تلفزيون السودان كان بعد عمود مزمل








يلا عوس

اخونا حمد
فرصنت دا كلام مزمل الكلكم قريتوهو ..
طيب البخليك تكذب كلام مزمل وتصدق كلام التلفزيون شنو ..؟
بعدين يا مولانا شايفك مكنكش في عوس دي قوي ..
غير الموجة .

Quote: حسب ما قرات إن تصنيف الفرق التي تأهلت إلي دور المجموعات سيتم بناء علي نتائجها في البطولة خلال السنوات الخمس الماضية.. وفي حال التساوي سيتم اللجوء إلي عدد المشاركات في الكونفدرالية. لكن بيني وبينك عادي جدا ممكن يحصل تلاعب

هو نحن أساس التصنيف ما عارفنو؛ كيف نكتشف التلاعب يا ابن عبيد الله؟!

المشكلة هي أن بعض ضوابط الاتحاد الإفريقي غير واضحة، أو لا تطبق بحذافيرها.
لذلك لا بد من استغلال المؤتمرات الصحفية التي يعقدها مسؤولو الاتحاد لاستنطاقهم
حول هذا الأمر وغيره مما استشكل على المتابعين، لأن وجود لائحة واضحة يجنب
الاتحاد شبهات محاباة دول بعينها.

بالنسبة لموضوع الpost: الهلال في حيص بيص فعلا، لأن الفرق المنافسة ليست
سهلة. وعموما، محتاجين مجهود كبير على كل الأصعدة الإدارية والفنية والإعلامية
والجماهيرية، ومحتاجين تركيز يواكب صعوبة المهمة عشان -بإذن الله- ما نفشل
بأخطاء كان يمكن تلافيها.

المريخ -بالمناسبة- مــا في حيص بيص، منافسوه ضعفاء ولا يشكلون خطرا عليه،
فريقو ممتاز في كل الخطوط ولا تشوبه شائبة، وخط دفاعو تعرض لتجارب قوية
في المراحل السابقة ستكون زادا له في المراحل القادمة، ولا توجد فيه خلافات
إدارية ويملك إعلام [ما شاء الله]، وهو لا يخشى الفرق التونسية ولا غيرها من
الفرق...

في كوكب المريخ: الشقق كتيرة والرغيف كبير والمواصلات فاضياااااااا
________________________

أبو حميد

Quote: المريخ -بالمناسبة- مــا في حيص بيص، منافسوه ضعفاء ولا يشكلون خطرا عليه، فريقو ممتاز في كل الخطوط ولا تشوبه شائبة، وخط دفاعو تعرض لتجارب قوية في المراحل السابقة ستكون زادا له في المراحل القادمة، ولا توجد فيه خلافات إدارية ويملك إعلام [ما شاء الله]، وهو لا يخشى الفرق التونسية ولا غيرها من الفرق...

ياخي شكرا ليك كتير أخجلتنا توضعنا كمريخاب بكلمة الحق القلتها دي وحقيقي أنت زول رائع جدا ..
انت مريخابي مدسوس يا أبوحميد .. ؟؟

صورة آخر الليل تاني يا طلوح









_
هبهب كويس يا عمكـ

نوبي الجلابي العنصري البغيض واية حاجة بقولوها ناس السياجة ديلك .

خلاص خليت خم الجداد وبيضو بقيت تجيب بتاعات تانية ..
يالك من شحرير نحرير شبهرير
ملوبخ .

Quote: المريخ -بالمناسبة- مــا في حيص بيص، منافسوه ضعفاء ولا يشكلون خطرا عليه، فريقو ممتاز في كل الخطوط ولا تشوبه شائبة، وخط دفاعو تعرض لتجارب قوية في المراحل السابقة ستكون زادا له في المراحل القادمة، ولا توجد فيه خلافات إدارية ويملك إعلام [ما شاء الله]، وهو لا يخشى الفرق التونسية ولا غيرها من الفرق... في كوكب المريخ: الشقق كتيرة والرغيف كبير والمواصلات فاضياااااااا

احمد الريح
You made my day

مشكور كتير للمرور يا عمر بوب .
انا برضو قلت كدا ..

Quote: غير الموجة .

اوكي نغير













يلا سوط

بعد التصويرة بتاعة الملك
لا عواسه ولا سواطه
وعلى راي نوبي
هبهبه س.................................ا كت
تصبح على خير يا طلحه ال... ( ولا بلاش )

Quote: تصبح على خير يا طلحه ال...

مريخابي ..
موش عايز تقول كدا يا ال....
يا زول لك الود .

عودة ...

والله يانوبى

ضربت طلحوح بالانكل
وسحس بالكوع
فالتوانسة راجينكم
وما عندكم ليهم روح

Quote: ضربت طلحوح وسحس

ديل بلعبوا في ياتو فريق يا ابقوتة أخوي ..

طلحة من الأقلام الرائعة والشخصيات المهذبة
التي يسهل التعامل معها ، أي خالية من العقد
والتعقيد في الفهم البسيط لمكايدات الرياضة التي
تفقد حلاوتها إذا ما أختفت،،
طلحة : اسألك سؤال ، أريد فيه الأجابة مبنية على
المقدمة العصماء أعلاه:
ما مصير الهلال في نظركم يالمريخاب إذا ما أتى
بكأس البطولة القادمة؟؟
==

Quote: طلحة من الأقلام الرائعة والشخصيات المهذبة التي يسهل التعامل معها ، أي خالية من العقد والتعقيد في الفهم البسيط لمكايدات الرياضة التي تفقد حلاوتها إذا ما أختفت،،

مع انه فقر و منظراتي لكن الحق يتقال
ماتمنيت وصيفابيا في الهلال بقدر ما تمنيت المنظراتي دا
ربنا يهديه

المهم
طلحة يا عمك مبروك تأهلكم للمجموعات
اولمبك خريبكة حمام ميت

جرجير (من جرجرة )

Quote: الحق يتقال ماتمنيت وصيفابيا في الهلال بقدر ما تمنيت المنظراتي دا

دي حسادة بس يا عمك ..

Quote: طلحة يا عمك مبروك تأهلكم للمجموعات اولمبك خريبكة حمام ميت

اها قمنا..
انا خايفكم بعد شوية لو لعبنا معاكم تقولوا حمام ميت ..
علي ذكر الحمام الميت مبروك السواسيو بتاعنكم .
لكن برضو قال الشاعر : ....... الخ .

كتب العزيز الحبيب عبداللطيف بكري :

Quote: طلحة من الأقلام الرائعة والشخصيات المهذبة التي يسهل التعامل معها ، أي خالية من العقد والتعقيد في الفهم البسيط لمكايدات الرياضة التي تفقد حلاوتها إذا ما أختفت،،

يأخي اشكرك جزيل الشكر لهذا الأطراء الذي أكد أنو ذوقك علي ودواخلك شفيفة ونقية ودا واضح من صورتك المهذبة في بروفايلك ..

لكن هنا كشف عن دافع لما قاله اعلاه حيث قال :

Quote: طلحة : اسألك سؤال ، أريد فيه الأجابة مبنية على المقدمة العصماء أعلاه:ما مصير الهلال في نظركم يالمريخاب إذا ما أتى بكأس البطولة القادمة؟؟

آسف ما بقبل رشاوي ..

فعلاً

خربانة أم بناياً قش

(دي مساهمتي في بوستيك)

حليم

Quote: خربانة أم بناياً قش

وفي سياق آخر :
إتعشت أم حجاز ..
دا ردي ليك ..

انت ياطلحه الهلال دا صنف ضمن فرق الثانية ولا الثالثة

وحتى لوالثالثة على أساس تم تصنيفه ضمن الثالثة لانها الاخيرة ولاشنو؟؟؟؟؟؟؟؟؟؟؟



ابومصطفى

Quote: الهلال دا صنف ضمن فرق الثانية ولا الثالثة

يا كيجا الثانية واللا الثالثة واللا المية ذاتو بالشىء العارفنو دا :
قال الشاعر : الهلال في حيص بيص ..

أسفرت قرعة دور المجموعات بدوري أبطال أفريقيا لكرة القدم عن وقوع الأهلي والزمالك وأسيك أبيدجان و ديناموز هراري الزيمبابوي في المجموعة الاولى
أما المجموعة الثانية فضمت نادي الهلال وأنيمبا النيجيري و مازيمبي الكونغولي ونادي القطن الكاميروني .

مبروك يا هلالاب التأهل شبه مضمون

Quote: الهلال وأنيمبا النيجيري و مازيمبي الكونغولي ونادي القطن الكاميروني . مبروك يا هلالاب التأهل شبه مضمون

تري الرجل النحيل فتزدريه وفي أثوابه أسد هصور ..
أو كما قال الشاعر يا Amiral ..

Quote: آسف ما بقبل رشاوي ..

ياخي دي حوافز،، أخير ليكم من هسة تبدو
تخططوا لكيفية التعامل مع هذا الأمر لأني
المرة دي عندي إحساس بأن البطولة التي
تلقف كل الكاسات المحمولة على الأبواب،
وحتنتهي أحجية الصفر الدولي والغياب الكبير،،

لن يتبقى لكم حجة بعد ذلك ، دوري محلي بقى حق
حصري ،، ودوري أبطال أفريقيا حق حصري لأول مرة
في السودان،،
نجضتونا نجاض بسيكافا دي وكاس الشارقة وكاس
دبي،،،

هات أجمل تعليق (بعد قرعة دوري المجموعات)

حقوق الملكية التصميمية محفوظة يا نوبـــــــــي

يا عبداللطيف

Quote: المرة دي عندي إحساس بأن البطولة التي تلقف كل الكاسات المحمولة على الأبواب،

بطولة شنو العلي الأبواب وفي المدينة أهلي وزمالك وأسك والذي منو ..
غايتو أنا كمريخي أتمني ليكم البطولة المستحيلة دي وتمشوا بعدها اليابان وتجيبوا برضو البطولة العالمية ..
لكن الحقيقة التى ستظل كشمس الظهيرة في كبد السماء:
المريخ الزعيم أول من جلب البطولات والألقاب المحمولة جوا وشرف بها القصر الجمهوري والشوارع الشعبية لتزغرد له مهيرة السودان ويهز له محمد احمد وقلوال وأبكر وأوشيك وتقوقي له القماري ويتماوج له النيل فرحا وطربا وكبرياء .

الآن وقد كشفت القرعة عن هوية الفرق التى سيقابلها الهلال ( أنيمبا النيجيري و مازيمبي الكونغولي والقطن الكاميروني ) وبرغم أن هذه الفرق أقل في مستواها الفني وخبرتها وتجربتها من الأهلي والزمالك وأسك العاجي فقد تضاعفت معدلات القلق علي الفريق الهلالي والذي سيجد نفسه مواجها بخصوم لهم طموحاتهم العريضة وتطلعاتهم الواسعة في الذهاب بعيدا في المنافسة وبالتالي فمن المؤكد إن ذلك سينعكس علي مستوي تجاسرهم في ميادين المباريات حيث يتوقع أن يقاتلوا بشراسة خاصة في مواجهة الهلال واضعين في الإعتبار المرحلة المتقدمة التى وصلها هذا الأخير في النسخة السابقة من المنافسة .
وعلاوة علي ذلك سيجد الهلاليين أنفسهم أمام خصوم لا يعرفون عنهم إلا بقدر ما تتيحه لهم مواقع الشبكة العنكبوتية من معلومات لا أظنها ستضيف الكثير كون أن أغلب المواقع الإلكترونية لا تهتم كثيرا بالتفاصيل الدقيقة عن الفرق الرياضية وربما أغفلت إيراد الكثير من المستجدات والحقائق عن هذه الفرق وهو الأمر الذي سيزيد من تعقيد مهمة الهلاليين وسيجعلهم يعانون في الدفاع عن ما حققوه في الموسم السابق .
علي الهلالاب أن لا يحتفوا بما أسفرت عنه قرعة الكاميرون التى جنبتهم الأهلي والزمالك وأسك في هذه المرحلة معتبرين أن تفاديهم لهذه الفرق العاتية هو جواز مرور لنصف النهائي بل يجب أن يتحسبوا جيدا لما يمكن أن يحدث من مفأجآت علي اقدام فرق مجموعتهم وذلك حتى لا يؤخذوا علي حين غرة .
يتبع ..

يا طلحة

سلام

ما تكلمنا شوية عن اولمبيك خريبكة المغربى

و تصنيف الهلال فى المستوى الثانى

بعد ان افتيت انه ثالثا

اقول ليك ارحع لموقع الكاف قبل القرعة واقرأ

قرعة التوب 8 فى افريقيا


بعنى انحنا يا مان ضمن اخسن 8 فرق فى افريقيا

وفى هذه ال8 فرق صنقنا على المستوى الثانى تخيل


فى قرعة الكونفدرالية تم الاقتراع مباشرة

بعد وضع الصفاقصى و النجم بعيدين عن بعضهما

ولم يأت ذكر المريخ ولم يصنف
ولم يذكر انه كان قد فاز بكأس مانديلا

وان لاعبه الملك فيصل بن عبد العزيز احرز 18 هدفا عالميا

مش ما عندهم حق الجماعة ديل؟

قليلين أدب بشكل

وعليك السلام صديقي هشام
في الحقيقة انا لم أفتي بخصوص مستوي الهلال بل أوردت معلومات مستقاة من كلام قاله قرن شطة واورده الأخ العزيز مزمل ابو القاسم شارحا فيه تصنيفات فرق مجموعة الهلال حيث منح التصنيف القطن الكاميروني درجات أعلي من الهلال والزمالك وبالتالي تقدم عليهما للمستوي الثاني مع أسك العاجي باعتبار أن لهذا الأخير ثماني نقاط فيما جمع القطن خمس والهلال اربع والزمالك ثلاث .
لكن هذا ليس المهم يا هشام بيد ان موضوع البوست هو الهلال في حيص بيص ومستقبله بالبطولة في كف عفريت وذلك لجملة اعتبارات منها ملاقاة مواجهة الفريق لخصوم قوية مثل الأهلي واسك العاجي بافتراض أنه في التصنيف الثالث وقد كان هذا سببا واحدا من الأسباب التى تجعل مهمة الفريق الهلالي أقرب للإستحالة .
وبما أن هذا السبب إنتفي بعد القرعة التى جنبته (مؤقتا) الاهلي وأسك والزمالك فمازالت هناك أسباب أخري ستعترض طريق الهلال وهي ما ذكرت بعضه اعلاه .
الهلال في حيص بيص دي حاجة ما بتغالطوا فيها اتنين هلالاب يا هشام ..
بخصوص المريخ فالفيهو مشهودة والحارة بخوضا ..
وستري .

تحياتي يا اخي العزيز طلحة

Quote: في الحقيقة انا لم أفتي بخصوص مستوي الهلال بل أوردت معلومات مستقاة من كلام قاله قرن شطة واورده الأخ العزيز مزمل ابو القاسم

عيبكم الوحيد انكم بتصدقوا اي كلام...قرن شطة افاد للصحف المعروفة بأنو الهلال سيتم تصنيفه في المستوي التاني..وكل الناس عارفه الموضوع دا...ماتقولوهوا كلام ماقالوا ...اخوك العزيز مزمل ابوالقاسم دا عندو مقاصد تانية من ايراد الكلام دا...اذا اضطريت انك تنقل كلامو حاول تغربلوا قبل ما توردوا هنا ..حتي لايصيبك رزاز


المهم الان انكم عرفتوا انو الهلال تم تصنيفه في المستوي التاني من الاندية الكبار ..ورغم انها جات متأخرة برضو المهم انو المعلومة تصل افضل من انها لاتصل


أمنياتي الصادقة بتخطي اوليمبيك خريبكة

عودة...

يا ياسر سلام
دعك من المستويات التصنيفية والتى لا تخدم قضية في حال المعمعة الشرسة التى سيخوضها الهلال الشهر المقبل لأنه في كل الأحوال سيواجه منافسين أشداء سواء كان في المستوي الثاني او الثالث أو حتي الخامس وعليه فينبغي أن لا تغفلوا كهلالاب حقيقة أن الفريق يمر بفترة ضعف واضح بدأت بنهاية الموسم السابق واخرجته من مولد البطولات الخارجية بلا حمص سواء علي المستوي الأفريقي أو العربي وإمتدت حتى بداية الموسم الحالي علي نحو ما شهدناه في لقائه بفريق الشمس الغاربة والذي إستطاع أن يسجل هدفين في مرماه وكاد أن يخرجه من المسابقة لولاء لطف الله وتجاسر بعض لاعبيه في جولة الأياب ببيرتوريا .
ان المستوي الذي ظهر عليه الهلال يا ياسر ينذر بما لا تشتهون ومن الحكمة الإعتراف بهذه الحقيقة ومن ثم التفكير في كيفية تجاوز الواقع لأجل الوصول للغاية المأمولة .
بالنسبة للتصنيف يا عزيزي ياسر فأنا واحد من الذين لا يعترفون بهذه الثانويات والبدع ليس فقط لأنها لا تخدم قضية ولكن لأن التلاعب فيها أسهل من شراب موية باردة في نهار شديد السخونة وعليه فلا أجهد نفسي كثيرا في التمحيص والتفحيص إنما أكتفي بأقرب معلومة تحصلت عليها في هذا الإطار دون أن أجزم بصحتها أو خطأها .

طلوح
شايف صور الليل ما نفعت معاكـ
نجيب ليكـ واحدة نص النهار مع الشمس الحارة دي ..


المرحوم رقم واحد كان راجل طيب



_
عمران
حقوقكـ محفوظة لكن ما لقيت مكان غير الكراع دي

أبو نكت صهيونية الحانوتي نوبي
كيفك وكيف العيال
ونخبرك أن عباس دخل الديش
وسلامنا إلى الحاجة نفيسة
وابقي عشرة علي البقيرات
والسلام عليكم ورحمة الله

ملحوظة : قلت ليك الزول الفي بروفايلك العندو عين واحدة وحواجبو مشيبة زي شعر راسو دا منو ..؟

قال شاعر معاصر متسائلا ومتعجبا :
انتوا أبو الهل دا متين يجيب ليهو حاجة من برة زي الناس ..؟
فرد عليهو حكيم :
غايتو حسب الحالة الشايفا أنا دي ما أظن الحاجة تحصل في القرن دي ..
وإستدرك في ثقة :
إحتمال القرن البعد الجائي ..
وكان بالمجلس شاعرا آخر جهبوذا أظنه من قبيلة بني حمر فقال وقد بدأت علي نبرته رنة شفقة :
مساكين شديد وحاة الرد كاسل ..

وقال يوسف محمد بعد أن عاين لفرق مجموعة الهلال:
كيكوقلاين قوبندا خفوكان ..
وترجمتها:
أنا قلقان وخايف شديد ...

المصدر : http://alsadda.net/topics.php?topic_id=2648&on=1

التعديل لإيراد الترجمة ..

وقال فيصل عجب بعد ما شاف المجموعات بعد الملحق

خارجونا من خريبكة .... مافي داعي للمجموعات ....كبرنا علي الفضايح

كتب خالد الجبل :

Quote: وقال فيصل عجب بعد ما شاف المجموعات بعد الملحق خارجونا من خريبكة .... مافي داعي للمجموعات ....كبرنا علي الفضايح

الحقنا بالمصدر سريع يا ابو الخلد ..

Quote: وعليه فينبغي أن لا تغفلوا كهلالاب حقيقة أن الفريق يمر بفترة ضعف واضح بدأت بنهاية الموسم السابق واخرجته من مولد البطولات الخارجية بلا حمص سواء علي المستوي الأفريقي أو العربي وإمتدت حتى بداية الموسم الحالي علي نحو ما شهدناه في لقائه بفريق الشمس الغاربة والذي إستطاع أن يسجل هدفين في مرماه وكاد أن يخرجه من المسابقة لولاء لطف الله وتجاسر بعض لاعبيه في جولة الأياب ببيرتوريا .

سلام يا طلحه:
ان كان هذا مقياس ضعفك للهلال الم يكن من الاولي اذن التركيز علي فريقك الذي تشجعه وتكتب نفس هذا الكلام , لان المريخ خرج ايضا من الموسم الماضي خالي الوفاض من البطوله العربيه ومن الكونفدراليه التي خرج منها بفضيحه داويه اضف الي ذلك الي انه خرج خالي الوفاض من بطوله الممتاز الغائبه عنه لخمس مواسم متتاليه - علي الاقل الهلال الذي تصفه بالضعف - فاز ببطوله الدوري الممتاز عن جداره عندما هزم المريخ بالثلاثيه التاريخيه
اما عن هذا الموسم وبمنطق صن داونز الذي تتحدث عنه يمكن القول ان الهضاب كاد ان يخرج المريخ من البطوله باحرازه للهدف الاول واضاعنه لفرصه اخري مضمونه اصطدمت بالعارضه ولولا لطف الله وتجاسر بعض لاعبيه في الشوط الثاني , هذا بالاضافه الي الهزيمه التي تلاقها المريخ من حي العرب بورسودان والتي كشفت الضعف الواضح في الفرقه المريخيه
ام عن الخلافات الاداريه فخلافات مجلس اداره المريخ منشوره في كل الصحف خاصه امين المال الذي قال ان الوالي يدير المريخ بطريقه خاطئه او نحو ذلك
يعني الهلال الضعيف بمنطقك ده احسن من المريخ والذي اوقعته الفرعه مع احد فرق شمال افريقيا التي مثلت عقده تاريخيه للمريخ

________________________________________________________________
ومع كل هذا اتمني انت يتاهل المريخ لدوري المجموعات وانا متاكد تماما بان الهلال سيعيد تاهله للمربع الذهبي علي اقل تقدير

العزيز عمر بوب كتب :

Quote: اما عن هذا الموسم وبمنطق صن داونز الذي تتحدث عنه يمكن القول ان الهضاب كاد ان يخرج المريخ من البطوله باحرازه للهدف الاول واضاعنه لفرصه اخري مضمونه اصطدمت بالعارضه ولولا لطف الله وتجاسر بعض لاعبيه في الشوط الثاني , هذا بالاضافه الي الهزيمه التي تلاقها المريخ من حي العرب بورسودان والتي كشفت الضعف الواضح في الفرقه المريخيه ام عن الخلافات الاداريه فخلافات مجلس اداره المريخ منشوره في كل الصحف خاصه امين المال الذي قال ان الوالي يدير المريخ بطريقه خاطئه او نحو ذلك يعني الهلال الضعيف بمنطقك ده احسن من المريخ والذي اوقعته الفرعه مع احد فرق شمال افريقيا التي مثلت عقده تاريخيه للمريخ

والله منطق برضو يا ابو عمير ..
أيه رائك نكتب نحن كمريخاب عن الهلال وانتوا أكتبوا عن الزعيم سيد اسياد البلد ..
أتا عارف يا عمر انا دائما اقول ياخ انشالله الهلال دا يجيب كاس افريقيا ويمشي يلعب في اليابان ويجيب بطولة العالم للأندية عشان بس في النهاية الهلالاب ديل يصطدموا بحقيقة أنو :
أول من جلب البطولات المحمولة جوا وأفرح بها جموع الشعب السوداني هو المريخ اسد افريقيا الكاسر ..

بخصوص المريخ فالفيهو مشهودة والحارة بخوضا

الدليل قالولو

نسيت الاربعه بتاعت المره الفاتت

نزكرك

يانت يا عزيز مزمز

يا عباس
ما نسيت اربعة المرة الفاتت
وكمان برضو ما نسيت أنو المريخ يشيل ويخم في الكاسات من برة
وبرضو من نسيت الخمسة الجات في شربة موية ترباس ..
ولا الستة بتاعت الدكتور قاقرين .. دي كانت في ربع ساعة واللا تلت يا عبس ..

يا عباس
ما نسيت اربعة المرة الفاتت
وكمان برضو ما نسيت أنو المريخ يشيل ويخم في الكاسات من برة
وبرضو من نسيت الخمسة الجات في شربة موية ترباس ..
ولا الستة بتاعت الدكتور قاقرين .. دي كانت في ربع ساعة واللا تلت يا عبس ..

يا فرده

الكلام ده قولو لي ناس في اساتدهم اخدوها

انتو جوه البيت المقبره دي خليكم انتو ما قدرها

الكلام ده كبير عليكم

جوه الدار نحنا نيران حامية يا سيد

سلام تاني يا طلحة

Quote: دعك من المستويات التصنيفية والتى لا تخدم قضية

الان بعد ان ثبت الهلال في المستوي التاني لابطال افريقيا تقول دعك من المستويات التصنيفية وامس القريب انت وخلك مزمل ابوالقاسم تبحثون وتنقبون وتلهثون لاثبا ان الهلال مستواه اقل من الثاني والثالث...الان فقط اصبحت لاتخدم قضية...من قال لك انها لاتثبت قضية ...يكفي ان كل وكالات الانباء تناولت بأسهاب خبر ترشيح الهلال القوي لخطف احدي بطاقتي التاهل ..وانتم تلهثون لاثبات ان الهلال دون المستوي الثاني عرفت لماذا عزفت الناس عن اعلامكم المضلل...ببساطة لانكم تسعون لاظهار الهلال بطلكم لخمس سنوات عجاف عليكم بمظهر الضعيف والدليل حديثك

Quote: فينبغي أن لا تغفلوا كهلالاب حقيقة أن الفريق يمر بفترة ضعف واضح بدأت بنهاية الموسم السابق

.ولم يتلطف الله عليك بكلمة عن مريخكم الذي يكابد الان ليتأهل لدوري الستة عشر في البطولة الاضعف بطولة الوصايف والحمام الميت بل تلجأون دائما لتقليب الارشيف الذي عفا عليه الدهر ولم يعترف به الفيفا ولا الاتحاد الافريقي الذي يعترف فقط بنتائج الخمس سنوات الماضية والتي لاتملكون فيها سوي ذكريات مع البطولة المهمشة لدي الاتحاد الافريقي


ذكرت

Quote: ان المستوي الذي ظهر عليه الهلال يا ياسر ينذر بما لا تشتهون ومن الحكمة الإعتراف بهذه الحقيقة ومن ثم التفكير في كيفية تجاوز الواقع

كيف يكون تقييمك هذا والهلال وضع في المستوي الثاني مع اسيك ميموساس العاجي...ياربي يكونو ناس الكاف ديل غلطانين مفروض كان يضعوا المريخ صاحب الكؤوس المحمولة جوا بدلا من الهلال الضعيف

Quote: بالنسبة للتصنيف يا عزيزي ياسر فأنا واحد من الذين لا يعترفون بهذه الثانويات والبدع

اخي طلحة..حسب علمي انك صحفي...يعني رجل مواكب ..كيف يكون التصنيف بدع وثانويات..هل لانه تجاهل المريخ صاحب المحمولات جوا....كيف يكون بدعا وعلي اساسه يتم توزيع الفرق والبطولة كلها تعتمد عليه

هل بدعة لان المريخ غير مصنف علي العموم حأرشف ليك الكلام دا ولما المريخ يتأهل للمرحلة دي يوما ما ستقولون انت وباقي اعلام المريخ غير هذا الكلام وستمجدون المريخ المصنف حتي ولو طيشا

علي العموم جمهور الهلال مثقف وواعي ولايمكن ان يتخدر مثل جمهور المريخ الغلبان المغيب تماما والذي يظن حتي الان انه بطل حتي وان لعب في الكونفدرالية وان الهلال وصيف وان كان مصنفا ولعب في بطولة الابطال...والدليل حديثك اعلاه عن ان الهلال وصيف

Quote: لأن التلاعب فيها أسهل من شراب موية باردة في نهار شديد السخونة

تشبيهك دا يدل فعلا علي انه تم التلاعب كثيرا في القرعة بدليل ملاقاة القطن التشادي والشلف والهضاب واخيرا خريبكة و تحاشي اربعة فرق تونسية الذي يعد ضربا من الحظ فقط

Quote: وعليه فلا أجهد نفسي كثيرا في التمحيص والتفحيص إنما أكتفي بأقرب معلومة تحصلت عليها في هذا الإطار دون أن أجزم بصحتها أو خطأها

وهذا طبع كل جمهور المريخ الذي يأخذ ماتصله من معلومة عن طريق مزمل واشباهة ولا يجتهد في التمحيص عنها حتي وان كانت ان الهلال وصيفا والمريخ بطلا لخمس مواسم ولازم اتمها شمار واقول مريخ المحمولات عشان امنحها شارة الصدق .

فوق عشان ابو اليسر ..

الحبيب ياسر عبدالقادر
أصر علي أن وهمة التصنيفات ما هي إلا بدعة لا تقدم ولا تؤخر لأن المصنف في المستوي الأخير مثلا عادي جدا أن يتفوق علي المصنف في المستوي الأول ويطلعو اوت ومن ثم يصعد الي منصات التتويج ويتوشح باللقب .
قلت بعيدا عن التصانيف والتخاريف اياها أن الهلال يمر بمرحلة ضعف تأسيسا علي حالته الفنية الأخيرة والتى أخرجته خالي الوفاض من البطولتين الأفريقية والعربية الموسم السابق وكادت ان تعصف باحلامه مبكرا هذا الموسم علي نحو ما شهدنافي مباراة العاصفة الأخيرة عندما نجح فريق الشمس الغاربة في زيارة مرماه مرتين ساخرا من كل الهيلمانة والأساطير التى نسجها الهلالاب حول المقابر والحوانيت وما شابه .
صحيح ان الهلال نجح إلى حد كبير في وضع أسمه علي لائحة الفرق اللامعة في البطولة الأفريقية وهو يصل لنصف النهائي الموسم السابق ويلتحق بمرحلة المجموعات هذا الموسم إلا أن ذلك يظل مجرد محاولات ينال عليها الشرف الذي يستحق في حين يظل الحلم الكبير عصيا وبعيد المنال وهو الأمر الذي يبقي علي أسم الهلال علي هامش الفرق المشاركة في البطولات الأفريقية وهي كثيرة وعديدة ومن مختلف احراش افريقيا وأدغالها لكن ذاكرة التاريخ لا تستوعب إلا المتوجين والموشحين بالألقاب فيما تسقط تلقائيا المسميات الأخري كالمصنف والوصيف وما شابه .
من الغريب يا ياسر أنكم تتحدثون عن أن الهلال كبير وعملاق وزعيم وسيد وفي ذات الوقت تستنكرون تناوله فالكبير والسيد والزعيم يظل مادة للحديث والحكي والتناقش والأسمار.. اللهم إلا اذا كنتم في قرارة أنفسكم تعترفون أن هلالكم لا يستحق كل هذه الضجة .
لا أتكلم يا ياسر باسم جماهير المريخ إنما أعبر عن رائي ووجهة نظري التى ربما هي خطأ يحتمل الصواب أو العكس وفي كل الأحوال تظل مجرد أراء قابلة للتناول والتداول .
ملحوظة اخيرة : إعتمد في معلوماتى علي الجرايد الرياضية والأخبار التى ترد عبر النت وماشابه وكلها عندي صحيحة إلى أن يثبت العكس.

يا هلالاب وفرو الموز لريكاردوا وأسالوه عن تحقيق البطولات!

سامي عبد الوهاب قال ليكم يا هلالاب :

Quote: يا هلالاب وفرو الموز لريكاردوا وأسالوه عن تحقيق البطولات!

طلحة المسكين سيب الهلال في حاله ..
والله مافي غيركم كاجينا وجايب لينا الفٌقر غيركم يا المريخاب ..

الحبيب معتصم


تعرف طلحه ده والزيو كاجين المريخ خلي الهلال لانه صعب عليهم

بس لو مسك لسانو البقلد بيه مزمز ده بكون زول كويس وصحفي كويس بس ما يتابع مزمز

كيفك يا عباس ..
ألف مبروك صعود الهلال لهذه المرحلة الأقوى في الدوريات الأفريقية ..

الغريبة الصحفي المشجع داك عامل ليهو جريدة بس فالح يكتب ضد الهلال ..
وطلحة المسكين دا شغال بي هنا في المنبر ..

الهلال عامل ليهم لواية في مصارينهم ديل ..
وخايفين لو جاب كأس الأندية الأفريقية فريقهم دا إلا يلعبو بيهو في الليق ..

Quote: وخايفين لو جاب كأس الأندية الأفريقية

(لو) ....
ماخد بالك يا معتصم ...؟
ركز معاي في لو دي وخت تحتها خط تاني ..
ختيت ..؟
طيب حتى (لو المستحيلة) بتاعتكم دي اتحققت يا معتصم و(ما أظنها) فبرضو زي ما قلت ليكم ح تواجهكم الحقيقة المرة مرارة ترمس الخلا وهي أن أول نادي سوداني في تاريخ الكورة السودانية جاب ليهو بطولة خارجية هو الزعيم الأوحد وسيد الأسياد المريخ الجبار .
شفت كيف يا طيب ..

يا مسكين ..
المشكلة ما في ( لو ) دي زااااااااااتا ..
إنت قايل المخوفكم وقاطع قلبكم شنو ..

انتو عاملين زي ناس الموضة عايزين تظهرو عشان كده لابسين أصفر ..
يا لبؤسكم ..
قال المريخ أول فريق جاب كأس خارجية ..
خلاس دي الفرمالة الجهزتوها من هسي ..
قوم لف عليك الله ..
أكتبو من هسي وخليكم جاهزين عشان يوم الكأس دا ح يكون حار عليكم ..

هاك الحيص بيص دا ..
طيب خر .. خر .. خريبكا كيف

معتصم تسأءل :

Quote: خريبكا كيف

ح نرشو ليك رش نضيف ..

Quote: بكون زول كويس

ماعايز اخليك براك الما كويس يا عزيزي عبس ..
أها قلت لي يعني السنة دي ناوين الحج ..

التعديل لإضافة بيت القصيد وربط الفرس في مربطو ..

العزيز معتصم كتب :

Quote: طلحة المسكين سيب الهلال في حاله ..

أبدا وحاة خوتك يا معتصم بس عايزين نطمئن عليهو لانو بمثل البلد وقالوا السترة والفضيحة متباريات ..
وانت عامل كيف يا معتصم بلاي .

تمام يا مسكين النفسيات ألـ1000ـف
بس إنتو شيلو ساجوركم وكادوكم دا مننا ..
زارعنو لينا في العرضة شمال أصلو ما مرق منها ( فكيكم كارب )
عشان كده البطولات بقت تطير مننا ..
تطير عيشتكم انتو


أها ما قلت لي ..
خريبكة دا يطلع فلفية ولا كمون أسود

الحبيب الغالي : طلحة

لي عودة

قال فيلسوف :
مازال الكلام جنينا في أحشاء الجراب ..

يا طلحة ربنا يخليك للاصفر والاحمر

بعدين العاملين فيها رجال ونضامين كانو اجو البوست بتاعى القف فيهو مع استاذ مزمل

مشكور كتير يا مغيرة علي المرور اللذيذ ..

Quote: بعدين العاملين فيها رجال ونضامين كانو اجو البوست بتاعى القف فيهو مع استاذ مزمل

يا زول الجاب الرجالة هنا شنو هسي ..
نحن بوستات الرياضة دي بقينا ما قاعدين نخشها مع اي زول عارف ليه أسأل طلحة دا ..
طلحة المسكين دا حبيبنا وقاعدين نناكفه بطريقتنا وأسلوبنا وما حصل يوم زعل مننا ولا زعلنا منه رغم مكاواته الشديدة ومكاواتنا ليه ..
وليس لدينا كره أو عداوة مع المريخ أو لاعبيه كما يبدو لكم بل بالعكس لدينا علاقات معهم وسيبقى الند لفريق الهلال أو سمها على كيفك ..
ولا زلت مصر أدعو مزمل أبوالقاسم بالصحفي المشجع وله حق الرد علي وهو عضو موجود معنا هنا ..
مزمل قابلته هنا في الرياض وكانت هناك ندوة أقامتها رابطة الصالحية على شرفه والأستاذ ياسر المنا وعدد من الصحفيين أثناء زيارة لمدينة الرياض وهذا مرت عليه مدة ليست بالقليلة وهو صحفي رياضي شئنا أم أبينا ولكننا نختلف معه في طريقة كتاباته وهذا شأن يخصنا وليست لدينا معه عداوة لا سمح الله إلا في حب الهلال ..
فرجاء أسحب كلامك دا وأعتذر عنه ..

يا almogira

عاجبانا رجالت انت

قوم شوف ليك شغله

طلحه كيفنك ..

Quote: ناس المريخ ربنا يديهم الفي مرادكم ..

الفي مرادنا.. بس تلعبو نهائي تاني ..
ــــــــ
المحمولة راحت في غضب الله يا حبا

حبيبنا معتصم
يا زول ما تخليك جادي كدا ياخ ..
المغيرة دا بهظر ساي ..
كورة شنو البتخلينا نزعل من بعض ياخ .
كمان بقت سياجة(سياسة ) ..

طلحة

Quote: قال فيلسوف : مازال الكلام جنينا في أحشاء الجراب

..


وقال مخمور في حفلة overnght بعد ان سمع اذان الصبح: مازال الليل طفل يحبو




قلت لي :

Quote: قال الشاعر : الهلال في حيص بيص

أريتو حيص بيص السرور



وقال هلالي اخر:

اتنين ان شاء الله لايفوتوا لا يموتوا...الوالي ومزمل ابو القاسم....

فهم سبب هنانا




فتك بعافية

سفن أب

قلت أنا في وصف إمرأة حسناء :
رجعنالكم يا حبايبنا ..