خليل إبراهيم في الجزيرة بعد قليل

أعلنت الجزيرة عن لقاء مع خليل إبراهيم بعد قليل

عندها سنعرف الخير اليقين
ونستمع منه لما حدث علنا نسمع
تبرير لما قام به

خبتت معلم يازهير
وجاهزين موية ونور
وحقوا الواحد يسوق بالليل ده ويشوف الناس ديل حيلقوا خليل ده وين
عشان نقسم ماهم ال500 مليون دي...

أخشي أن يكون ناس الجزيرة بقوا زي ناس البورد
أعلنوا عن لقاء معه بعد قليل ومرت قرابة الـ 7 دقائق
ولم يظهر خليل إبراهيم حتي الآن

يا كيكي الجماعة جابو النشرة الاقتصادية
والله يستر علي مصداقيةأخوك
حا نكون علي اعصابنا عشرة دقائق الي نهايةهذه النشرة اللعينة

Quote: والله يستر علي مصداقيةأخوك

غايتو الجزيرة اتلومت معاك يا زهير
والمشاهد والاخبار التي نقلتها الايام الفاتت دي كلها
اعتبرها مكنصلة لحين اشعار اخر

كويس ما براي شايف في كم بوست نزلت بنفس الخبر
يعني الموت مع الجماعة عرس

..
.
شفيق يا راجل !!

_____________

الزول دا لسه جاكى فى الصحراء منتظر الهيلكوبتر

( ما تتابع الجماعة يا زميل )

يبدو بأنهم لم يستطيعوا الأتصال به مرة أخري
ولكننا لا نزال في الأنتظار

خليل يتحدث الآن في الجزيرة
يشكر تلفزيون الجزيرة ، وقال إنه في أمدرمان وفي قيادة جيشه
ومستعدون للهجوم علي الخرطوم

تحدث عن انتصاره علي الحكومة وشكر الجيش علي وقوفه في موقف محايد
وتحدث عن معارك ضارية وهم الآن في الخرطوم ، وبأنهم حرقوا الطائرات في وادي سيدنا
وحرقوا كل المدرعات ،،، وتحدث عن تحويلهم ليل الخرطوم إلي نهار بالحرائق
ونهار الخرطوم إلي ليل بالدخان ،، وأن الحكومة لم تقتل 5 من جنوده

سأله المذيع عن إمكانية عقد مؤتمر صحفي ليراه الناس
قال : ولم لا فنحن نقاتل دفاعاً عن المهمشين
أخي الكريم استقبلتنا الجماهير بالتهليل والتكبير وقدموا لنا التفاح والتمور
ودلتنا علي مواقع الحكومة السودانية وأنضم إلينا الكثير المواطنين
ونقلنا الحرب من دارفور للخرطوم لأن الحكومة غير جادة وأن الحكومة لم تترك لنا
طريق غير السلاح ،

..
..
تم نقل المعركة الى الخرطوم لان الحكومة السودانية غير جادة فى عملية السلام,,!

قال ناس الشفت قدموا لهم التفاح










صحيح يا وليد ?

..
.
لكن والله يا زناتى
انا ما شفت زول كذاب زى الزول دا ..

جماهير وترحيب .. .. وتفاح .. وعصير

وقلب النهار الى دخان ..

وحرق دبابات وطائرات فى وداى سيدنا ؟؟

وقواته موجوده ؟؟

الزول دا نقول عليهو شنو ؟؟

شقى ومجنون
____________

والله نفاق زى دا حسي نحن نصدقو كيف تانى
ومنو من امدرمان بدعمو بعد الدجل دا

آسف الأخ زهير لم أر هذا البوست إلا الآن و فتحت آخر شبيها.

هل تراهنون علي أبناء دارفور في العاصمة ؟
نحن نراخن علي المهمشين من أبناء البجا ومن الجزيرة ومن كردفان
ونسعي لاخراج الناس من الفقر ، وكل المهمشين يؤيدوننا
وأن حركتنا أكثر وعاء جاذب للمهمشين

سأله المذيع عن أعتقال الترابي وأعضاء المؤتمر الشعبي وعلاقته مع المؤتمر الشعبي ؟
ليست لنا أي علاقة فكرية مع الحركة الشعبية ، ولكن لدينا علاقة مع كل الأحزاب السياسية
وعن سؤال المذيع حول علاقة تشاد بالأحداث ؟
قال خليل بأن هذا أفتراء وكذب علي الجارة تشاد ،، وذكر بأن تسليحهم وإمدادتهم تأتي
من وزارة الدفاع بعد المعارك التي يخوضونها في دارفور ، وأن الحكومة السودانية هي
التي تآمرت علي الحكومة التشادية مرتين

..
.
الزول دا غايتو شم العافية
فى فيافي الصحراء بدارفور
ومعاهو تلفون ثريا ..

وداير يعمل هزة اعلامية ..

_____________

تربية الترابي .. بلاشك

حاولت قدر المستطاع أن أنقل حديثه قدر المستطاع بأمانه
ودون تلخيص كبير ،،،
والناس تستطيع أن تميز صدق الحزب من عدمه من خلال معايشتها
للاوضاع ،،، وأعتقد أن حديثه السياسي حديث صادق
إلا أن حديثه عن الأوضاع الميدانية به كثير من عدم الصدق
وقد يكون ذلك في سبيل الحرب النفسية

غايتو الترابي بالغ

اها الترابى

قال على لسانه عند سؤاله عن دعمه لحركة العدل والمساواة
قال بطريقته المعتادة
"هاها كما يقولوا القانونين لا جواب لى سوالكم هذا هاهاها"

!!
قالوا لى انه توجد لدينا مستندات

قلتو لهم :- فتذهبوا بها إلى القضاء

هاهاها
هاهاها

Quote: قالوا لى انه توجد لدينا مستندات قلتو لهم :- فتذهبوا بها إلى القضاء هاهاها هاهاها

غايتو يا ناجي صوت إعجاب للترابي

على الأقل كان واثق من كلامو ومحدد لإجاباتو

شكراً زهير الزيات
..
..
على التنبيه



والرابط للمشاهدة









..
..




وحاة الله نحن بلد ساى,,!!

حديث خليل بأنه لا زال في أمدرمان يثير الدهشة
وفهمت من حديثه بأنه في أطراف أمدرمان أو غربها
أي تخومها ،، وعلي رأس جيش يود إعادة الكرة مرة أخري

يا صالح انا حاجة ما متأكد منها ما قاعد
أكتبها ومرات بكون متأكد وبرضو بقول أنباء عن
يعني عشان الزول يلقي خط رجعة ،،، وبعدين الجماعة
ديل لمن أتأخروا في إذاعة اللقاء ، أعصابي باظت إلا أديتها حبة
ضغط سريع كده ،،،

العوض أخوي ولا يهمك كل البوستات بتؤدي لقناة الجزيرة ،،،
لكن لازال لغز خليل قائماً وسنظل الأسطوانة مدورة خليل لا زال
في أمدرمان وخليل في فيافي دارفور وخليل تم القبض عليه

Miraya

Khalil is in a safe place

Monday, 12 May 2008
Conflicting reports surfaced on the fate of the Justice and Equality Movement leader Dr. Khalil Ibrahim following the attacks launched by his troops on Omdurman last Saturday, as some news reports indicated that Khalil Ibradim has been arrested. There was no official confirmation of these reports. On the other hand, Jibril Ibrahim, brother and assistant of the JEM leader disclosed to Miraya FM that Khalil is in a safe place, and that he can move and speak to the media freely.

Miraya FM’s Muhammed Khalil spoke to Jibril Ibrahim and asked him about his brother’s fate. Meanwhile, Miraya FM’s reporter said that clashes in the city of Omdurman have renewed. He added that the government security forces are chasing JEM forces who are on loose in the suburbs of the city.
In Khartoum, the security forces have arrested a person suspected of belonging to the Justice and Equality Movement after launching a raid against a building in the center of the city. The incident caused a state of panic amid citizens

Quote: غايتو يا ناجي صوت إعجاب للترابي على الأقل كان واثق من كلامو ومحدد لإجاباتو

ابو كلام ..!!



ياخى "الزول دا ضحك ساى"
بخلى الناس تجقلب ,,!!




اغرب شئ إنو قالوا فى سنار "قال حنخش الغابة الخرسانية"
يكون قاصد سد مروى ,,!!





نصدق منو ونكدب منو,,!! "كل زول شايت على إتجاه"؟!!
لمن نلقى روحنا فى الآخرة ...ونرتاح...اريتوا دا ما بلد
,,!!

Quote: اغرب شئ إنو قالوا فى سنار "قال حنخش الغابة الخرسانية" يكون قاصد سد مروى ,,!!

يجوز

غايتو فهمنا قرّب يكمل


الله يستر على الجميع

يا صالح الحرب النفسية يجوز فيها كل شئ من أجل تحطيم معنويات
العدو ، ورفع معنويات الجنود ،،، وأخوانا العرب لديهم تاريخ طويل
وتجارب في الحرب النفسية دي ،،،
في ليلة السبت يوم الأحداث نفسه فتحت بوست نفيت فيه سقوط وادي سيدنا
لأنه أنا ساكن في شارع الوادي وليس بعيداً من القاعدة يعني لوحصلت أي
حاجة نحن بنسمع أول ناس الكلام ده وبعدين الطيارات دي لغاية اليوم الصباح
شايفه تطير وتهبط في مطار وادي سيدنا ،،، دا أنا القدامي وشايفه

يا إنعام كيفك
الترابي بالغ في شنو بالتحديد لانه الحاجات البيبالغ فيها كتيرة
عارفة شفت الترابي في عزاء شهداء طائرة رمبيك
والله شاب في الأربعينات من عمره ،،، وكان ماشاء الله عيني باردة
آخر نشاط ،،، وحسيت بيهو أتعمد إنه يتحرك بخفة ورشاقة ،،، ولف
في صيوات العزاء كله ،،، يعني تاني لو لقي فرقة يحكمنا عشرة سنوات

Quote: الترابي بالغ في شنو بالتحديد

يا زهير سلامات وكيفك

بالغ في إنو ما جاوب أي سؤال

وقال ليهم قدموا مستنداتكم البتقولو عندكم للقضاء

يعني إستجوابهم ليهو طلع سااااااي بالعكس سِخر كالعادة منهم

كلام الترابي ده كلام زول واثق من نفسه
للآن لم اسمع ردة فعل حزبه عن الأحداث
يؤيدأو يدين ،،، وأعتقد بأنه في موقف
حرج ،،، لأنه كل أصابع الأتهام ستشير إليه في كل الأحوال
إن كان مشاركاً أو غير مشارك ،،، فكل الأوساط السياسية
تعرف العلاقة بين المؤتمر الشعبي وحركة العدل والمساواة

زهير .. سلامات..

استمعت لحديث خليل قبل قليل في الجزيرة..

و الحكومة زادت طربقتها ..و يبدو أنها لازالت مخلوعة..


و كده تكون اتهزمت للمرة التالتة على التوالي..

و القصة شكلها عميقة خالص..


شكرا

كبر

Quote: يجوز غايتو فهمنا قرّب يكمل الله يستر على الجميع

فهمنا يكمل!!
يكمل وين ؟؟
ما هو اسى الناس مافاهم التكتح,,!!
الحكومة تعصِـــــــــر
والحركات تعصِــــــــر

..!!
..

يا إنعام يبدو لي إنه الأجهزة الأمنية علي ثقة بأن الترابي
غير مشارك في هذا العمل علي الأقل بشكل مباشر هو أو حزبه
ولكن عملية الأستدعاء هذه عملية استباقية لأي تحركات ممكن
تتم في مقبل الايام ،،،،

زهير خليل كان بتكلم بثقة وثبات عجيب
ويبدو انه في مكان اتاح له الاتصال وتنسيق هذه المقابلة مع الجزيزة ولاتبدو عليه اي بوادر ضيق
والملاحظ ايضا هو وضوح الصوت وقوة نبرته..!!!
الامر بقي عجيب وخليل تحول الان الي اسطورة
وشبح ....
الحكومة تقول انه في حدود تشاد وهو ياكد وجوده في امدرمان

Quote: و القصة شكلها عميقة خالص..

وانا أرجّح ذلك

يا كبر أتفق معاك إنه المسأله ما بالبساطة إنه أحداث وأنتهت
المسألة لها ما لها من دوافع ومرارات وظلم وغبن ،،، يعني أسبابها
لم تنتهي ،،، وحتي إذا تم القضاء علي خليل وحركته ستظهر مليون عدل ومساواة
ومليون خليل إبراهيم ،،، يعني لازم الناس تعالج أساس المشكلة ،،، ونعترف كلنا
بأن الحوار هو السبيل لحل كل مشاكلنا في كل بقاع السودان ،،، وناس دارفور ديل
لازم ترجع ليهم كل حقوقهم كاملة غير منقوصة ،،،، ويتم رفع الظلم عنهم وعن باقي
أهل السودان ،،، ونتمني ما حدث يكون درس لكل القوي السياسية في السودان وعلي
رأسها الحكومة وتحديداً ناس المؤتمر الوطني ،،،،

تعرف يا كيكي المسألة زي ما قال كبر ما بالبساطة دي
وخليل فعلاً عايز يتحول لي لأسطورة لكن ممكن نخت بعض الأحتمالات :
1/ إذا في أمدرمان يكون خارجها تماماً في منطقة نائية وبيتصل بالثريا
وده احتمال أنا ما برجحوا .... لأن القوات الحكومية مشطت كل المناطق
حول أمدرمان ...
2/ يكون رجع المناطق التي يسيطر عليها في الحدود السودانية التشادية
وعايز يعمل لناس الحكومة سهر الجداد ولا نوموا بحرب نفسية

وبعدين ممكن يكون البيتكلم ده ما خليل نفسه
وده برضو احتمال رغم إنه ضعيف جداً انا عموماً أول
مرة استمع ليهو وهو بيتكلم ،،، وممكن الناس القبل
كده استعموا ليهو يؤكدوا الكلام ده أو ينفوه

ده بالتاكيد صوت خليل يا زهير واستايل كلامو
وهنا ايضا الدكتور مهدي محمد خير في البوست المجاور يوكد ذلك

Quote: نعم ياعماد , هو صوت الدكتور خليل إبراهيم.. فالرجل زميل دراسة وسكن فى الداخليات , وخصم سياسى وفكرى فى جامعة الجزيرة لمدة ست سنوات , وزميل عمل فى مستشفى واد مدنى فى فترة الإمتياز .. أيضا . فليس لدى شك مطلقا فى صوته أو أسلوب كلامه .

وبعد ده نقول الله اعلم وتحت السواهي دواهي

سلامات يا باشمهندس عبد الكريم،

أها راسك ارتاح من اللفلفة زي مروحة التربيزة ولاَّ لسع؟؟

أمبارح قريت بوست وضحكت على التعبير البليغ..

أنا شخصيا لا أتوقع أن يكون د. خليل في أمدرمان.. المهم تأكد لي أن الصوت الذي في تسجيل البي بي سي وفي لقاء قناة الجزيرة هو صوته..


ياسر

ذكرت الجزيرة بأن المستشار الاعلامي للرئيس صرح لها بأن
الحكومة لديها مستندات تؤكد تورط عدد من قيادات الشعبي في المخطط
والسؤال لماذا تم اطلاق سراح الترابي بعد استدعاءه ،،، هل هذه القيادات
المتورطة في الأحداث تورطت دون علمه ...؟؟؟
لا زالت مئات الأسئلة تبحث عن إجابة في هذه الأحداث

شكراً يا كيكي علي المعلومة
ونحن في أنتظار ما تحمله لنا الايام

أتوقع إعادة اللقاء مع خليل إبراهيم بعد قليل في الجزيرة لمن
لم يستمع إليه في المرة الأولي

مذيع الأخبار ينوه للقاء الترابي

الجزيرة الآن تعيد لقاء خليل

برنامج ما وراء الخبر الآن في قناة الجزيرة عن أحداث دارفور
تدور الحلقة حول سؤالين :
ماذا حصدت حركة العدل والمساواة من الغزوة
وماذا جنت الحكومة من هذه الأحداث

يستضيف البرنامج أمين حسن عمر المؤتمر الوطني
واحمد حسين آدم الناطق بأسم العدل والمساواة من لندن
وابراهيم السنوسي من المؤتمر الشعبي

شكرا لك اخي زهير الزناتي.
اولا لا تساولا عن امور ان تبدو لكم تسؤكم.
يعني السؤال حلايا عن اين خليل بتخيل لي سؤال بيبدو غبي شويه
فالرجل من حقه التمويه هو في عمل عسكري ضد الحكومة.


ثانيا الرجل صادق في كل ما قاله.
وبعدين يا تبلدين انت ما قلنا لكم اخجلوا وكفوا عن ان تعتقدوا بانكم اهل السودان فقط.

لعلمك خليل دخل الخرطوم قبل قواته واكل وشرب في بيوت كثيرة وعرف الكباري
الجديدة في البلد ورجع طلع ثاني وقاد القوة ودخل الخرطوم.شفت الشغل ده كيف؟؟!!

اه افرض ان شاء الله قعد في بيت زول نصف ساعه
فهذا الواحد يمكن ان يقول عنه بانه من الشعب وانه رحب بهم
فخلينا من احتكاركم للحديث باسم ناس الخرطوم.


خليل البارهيم تهاون فعلا مع ناس كثر وليسوا من اهله
وليسوا من المؤتمر الشعبي انتو من زمن الحجات دي ؟؟؟

دي حاجات قديمة زمانها فات وغنايها مات.


لا يوجد تنسيق مع المؤتمر الشعبي وخليل يعتقد بانه ناس العشبي مخترقين كثير.
التنسيق ده هامشي كله وانتو فكروا فيها بعد كده!!

لا اعتقد بان د.خليل سيهاجم مرة آخرى قريبا
ولكنها الحرب النفسيه
وحيشتغل لهم بسياسة( سهر الجداد ولا نوموا)

Quote: قال رئيس حركة العدل والمساواة في دارفور إنه موجود في أم درمان بالجزء الغربي من العاصمة السودانية، ونفى في تصريح للجزيرة عبر الهاتف انهزام مقاتليه على يد القوات الحكومية. وأشار خليل إبراهيم إلى أن قواته موجودة داخل الخرطوم وقاتلت الثلاثاء قرب السفارة الأميركية، وأوضح أن عددا كبيرا من أهالي أم درمان انضموا إلى حركته في قتالها بالمدينة. وبرر الرجل نقل المعركة إلى الخرطوم بما سماه عدم جدية الحكومة في حل مشاكل السودان سلميا، قائلا "ليس أمامنا سوى القتال". وأضاف زعيم ثاني أكبر حركة تمرد بدارفور أن قواته هزمت القوات الحكومية "نحن في العاصمة القومية وقاتلنا الحكومة داخل العاصمة وهزمنا الحكومة السودانية خلال ساعتين، دحرنا كل المليشيات، والجيش السوداني وقف محايدا بل مناصرا". وزعم إبراهيم أن قواته ما زالت في الخرطوم، مشيرا إلى خسائر مقاتليه لبعض المركبات مقابل حرق طائرات في قاعدة وادي سيدنا ومدرعات في سلاح المهندسين بأم درمان. وأضاف "حولنا نهار الخرطوم إلى ليل بالدخان وليل الخرطوم إلى نهار بالحرائق". كما نفى ما أعلنته الحكومة من خسائر في صفوف قواته، مشيرا إلى أن الحكومة لم تقتل ولا أربعة ولا خمسة. وأضاف "كسبنا الشعب السوداني، لم نخسر بل استقبلتنا الجماهير السودانية كثيرا". وأشار إبراهيم إلى أنه سيتحدث عبر الإعلام قريبا بشأن الأحداث، كما نفى أي علاقة للعدل والمساواة مع المؤتمر الشعبي المعارض مؤكدا أن حركته مستقلة، واعتبر الاتهامات بشأن علاقة تشاد بالهجوم كذبا وافتراء. موقف الحكومة انتشار أمني مكثف ونقاط تفتيش عقب هجوم أم درمان (الفرنسية) ويأتي تأكيد إبراهيم وجوده في أم درمان بعد ساعات من إعلان وزير الدفاع عبد الرحيم محمد حسين عدم وجود زعيم العدل والمساواة بالعاصمة عقب "فشل الهجوم" السبت الماضي. وأشار حسين في تصريح نقلته وكالة السودان للأنباء الرسمية إلى أن الجيش يتابع إبراهيم في الجزء الشمالي الغربي من دارفور. وكانت السلطات أعلنت عن مكافأة قدرها مائة ألف دولار لمن يدلي بمعلومات تؤدي لاعتقال إبراهيم، وبثت صوره في التلفزيون الرسمي. وقد أبقت السلطات على حظر التجول بالخرطوم وتسنى سماع دوي تبادل لإطلاق النار عند مشارف أم درمان، كما جعلت واقعة إطلاق الرصاص وسط العاصمة العمال يفرون في فزع. وأعلن المدير العام للشرطة أن حوالي أربعمائة من مقاتلي العدل والمساواة لقوا حتفهم بأم درمان. كما قتل نحو مائة من القوات النظامية بالإضافة إلى مصرع نساء وأطفال. وأضاف للجزيرة أنه تم تدمير مائة سيارة من أصل أربعمائة استخدمت بالهجوم.

نقلاًُ عن الجزيرة نت
http://www.aljazeera.net/NR/exeres/FBA3967F-65F3-49EF-B83F-EE510B9E53CB.htm

يا تراجي نحن سألنا لأنو الزول قاعد يقول
بعضمة لسانوا إنو في أمدرمان ،،،،
والحكومة يتقول إنو فازي في فيافي كردفان ودارفور

..
.

Quote: ثانيا الرجل صادق في كل ما قاله. وبعدين يا تبلدين انت ما قلنا لكم اخجلوا وكفوا عن ان تعتقدوا بانكم اهل السودان فقط.

عليك الله يا تراجى استحى شوية .. ياخى انا ما قاعد فى اكابولكو انا فى الخرطوم وصادفت الاحداث
فى امدرمان .. صدق شنو وبطيخ شنو ؟؟ وزهير دا جنب وادى سيدنا يعنى الخرف الخرفو خليل دا والاكاذيب التى ذكرها
مجرد اشاعات واضغاث احلام وتهيؤات ..
ومنو القال السودان دا لينا فقط ..
البلد لحم رأس وملقطين من استانبول الى ادغال افريقيا
فالسودان للجميع
ولكن السودان للسودانيين .. فلا يظنن الزغاوة بانهم قادرون على تغير المسمى
وليحصلوا على هويتهم السودانين ولينتقلوا للمرحلة التالية ..

Quote: لعلمك خليل دخل الخرطوم قبل قواته واكل وشرب في بيوت كثيرة وعرف الكباري الجديدة في البلد ورجع طلع ثاني وقاد القوة ودخل الخرطوم.شفت الشغل ده كيف؟؟!!

كباري شنو البتتكلمى عنها هى البلد فيها كبارى قايلاها فنيسيا ولا الرياض
كلهم 3 كباري واحد بوصل للقيادة والتانى للقصر الجمهورى .. والثالت بلاحوجة

وشغل شنو ؟؟ دا جهل ما بعده جهل وعدم تخطيط ينم على سذاجة مفرطة
خليل ابراهيم الدباب وتلميذ الترابي والانقاذ دخل الخرطوم ما بنختلف فيها..
ولكن .. دخل بغباء واستدراج وتشجيع من امثالكم ومن اطراف خفية اخرى ..
بغباء وحماقة وبلاده .. وعدم تخطيط ووعى وحسابات خاطئه .. وخطة غير مدروسة العواقب والمخاطر والنجاح
خطة بلا قادة وبلا توجيه .. جنود لا يعلمونالى اين يتجهون للاذاعة ام للقيادة ام لسلاح الإشارة
تأئهون .. مندهشون .. متوترون .. ينتظرون توجيها وهم فى تقاطع شارع العرضة والاربعين - عند المسلة -
( منطقة لم تصلها قوات انقلاب منذ عهد هاشم العطا )
خليل ابراهيم الكوز وتربية الانقاذالاولى ..
خرج هارباً يخفى سؤته يبحث عن ماؤى .. خاسراً قضيته .. وقوته .. ودعمه
تاركاً جنوده - اطفال دارفور وابناء تشاد - قتلى فى الشوارع وعلى قارعة الطرق
وبعضهم يعانون الضرب بالاحذية والابوات فى المعتقلات وتحت وطأة التعذيب والاذلال ..
جاعلاً اهله فى امدرمان واحياء العاصمة يذوقون ويلات العذاب والتحقيقات كنتيجه حتميه لاخطائه وتهوره
مضيعا مكتسباتهم ومكانتهم الاقتصادية والاجتماعية التى وصلوا لها بجهدهم وعرق جبينهم فى دولة الجلابه _ كما تقولون _
جعلهم يخسرون تجارتهم التى يدعمونه بها .. يخسرون محلاتهم التجارية .. مكانتهم فى الاسواق
مناصبهم فى البلد .. تعاملاتهم مع اخوتهم - جيرانهم فى الاحياء .. عرباتهم واموالهم واطفالهم
والاهم من ذلك جعلهم يفقدون الثقة التى اكتسبوها بعشرتهم وتعامل الاخرين معهم
تماما كما حدث فى الاول من اغسطس 2005 ابان احداث مقتل جون قرنق ..

خليل ابراهيم فــًر للصحراء مرة اخرى
والشعب السودانى والشارع الامدرمانى اكثر تعاضدا مع حكومة البشير
والحكومة اكثر كسباً مما كانت عليه .. وتماسكاً وحذراً .. وانتباهاً وبطشاً .. وتاميناً
والاحزاب والتنظيمات والهيئات والنقابات والاتحادات اكثر التفافا معها ..
خليل ابراهيم فًر هارباً يحمل اجهزة اتصال ويمارس حرب نفسية غير مجدية
واكاذيب جعلت حتى وسائل الاعلام تسخر منه ظاناً انه سيكسب اعلاميا بعد خسارته عسكرياً

خليل ابراهيم الكاذب المنافق عاد للاقامة فى الفنادق ...
ولا زلتم انتم تعيشون دائرة الوهم والاكاذيب معه.. وتدقون طبول مخرومه لفرح لم يتحقق
والاجدى والاجدر ان تتوقفوا قليلا وتقيموا هذه الخسارة وتعيدون الاستراتيجية
تحسبون كل الحلول من مفاوضات او وقف اطلاق نار او صياغة اتفاقية .. او تكاتف وتعاضد
لاجل ابنائكم
لاجل دارفور
لاجل السودان

ليس حباً للسلطة او الجهوية والقبلية .. بل للمصلحة العامة ولاجل المهمشين كما تدعون ..
ولتجنبوننا نحن وانتم والدارفوريين ويلات حرب .. وقتال .. وكره .. وحقد .. لا ندرى متى يتوقف ..

وإن كان خليل ابراهيم كاذباً - وانت تعلمين ذلك - فلا تفعلى مثله
حفظا لماء وجهكـ واخبري محمد سليمان بذلك ..
____________________

تراجى عندى نصيحة اخيرة :
ما تضحكى كتير وبلا سبب فى التعليقات التى تورديدها
شكلها ما لايق عليك .. ولا على الموقف ..

الحكاية عميقة ..ربما لكن لنكن موضوعيين ..خليل دخل ام درمان غازيا ..وخرج او اختبأ واصبح فارا ..هكذا تقول الوقائع ..ترك مقاتليه تتناوشهم الحكومة ..مساطيل لاعلاقة لهم بالارض التي يقفون عليها وبلادليل .. شفع يتساقطون في الشوارع من الجوع ...بعضهم مات والبعض معتقل ..فقد قيادات كانت فاعلة في حركته ..خسر سيارات وسلاح ...جعل القوي السياسية تصطف خلف اعداءه ...قصم ظهر حركته عسكريا ..وخسر سياسيا ..جعل الكثير من مسانديه واقرباءه هدفا للحكومة ..مالفائدة التي جناها ..ماهي حساباته التي بني عليها قراره ..لماذا الاصرار علي عدم مواجهة الاسئلة الحقيقية والذهاب الي انني ساهاجم مرة اخري ...يااخي دعنا من ترهات تقد الذي كان يؤكد انه سيطر علي ام درمان ونحن نشاهد قتلاه واسراه امامنا ...العمل الاعلامي فقط لن يحقق الغايات علي الارض ..مهما قال ومهما ادعي ...خسائره كبيرة خاصة لونجح مسعي الحكومة في ظل تفاهماتها مع لندن وواشنطن وفي ظل التاييد الذي تجده من القوي السياسية داخليا في ادراج اسم العدل والمساواة كمنظمة ارهابية عندها قد نشاهد تقد ورفاقه في اوروبا والخليج في قسم الصناعات بالسوق الشعبي بموجب مذكرة صغيرة من وزارة العدل

الأعزء أمير وتلبدينا

لا زال المشكل قائم ولا يمكن أن ندين خليل وحده فيما فعله
فهنالك من تسبب في الحرب منذ بدايتها لا بد من إدانته
فالأحداث المؤسفة التي شهدتها أمدرمان تشهدها دارفور
منذ عدة سنوات ، والضحايا سودانيين ،،،
الحرب لا تولد إلا المرارات والضغائن ،،،
لا بد أن يجلس الجميع لصلوا إلي كلمة سواء
دعونا نحل مشاكل هذا الوطن بالحوار ،،، والتفاوض
بعيداً عن الحروب ،،، والعنصرية والفتن

Quote: تراجى عندى نصيحة اخيرة : ما تضحكى كتير وبلا سبب فى التعليقات التى تورديدها شكلها ما لايق عليك .. ولا على الموقف ..

وما تضحك ليييه يا تبلدينا ؟
مااهى لامه اطفالها تحت جناحها فى كندا
بيمشوا المدارس الهاى لايف وبياكلوا همبرجر ويشربوا كوكاكولا وبيلعبوا
فى العصارى باالاتارى والعاب الفيديو فى غرفه العاب فاخره
وهى جالسه شبعانه ورويانه تفوح منها رائحة افخر العطور الباريسيه
بينما اولاد الناس الغلبانين اهو دا حالهم

شوف كويس عليك الله يا تبلدينا





وبرضو تقول ليها ما تضحكى
والما بيضحكا شنو ؟

لقت ليها ناس عايشين فى معسكرات اللاجئين صدقوها وصدقوا خليل ابراهيم
وفكوا ليهم اطفالهم عشان يخوضوا ليهم حروبهم بالوكاله
فاذا بخليل يهرب ويترك الاطفال خلفه
واذا بتراجى تضحك ملئ شدقيه وتوزع فى الوجوه الضاحكه على البوستات
فرحه وجزله لما لاقاه هؤلاء الاطفال من مصير مظلم

يحدث كل ذلك وهؤلاء المساكين قتل فيهم من قتل
واسر فيهم من اسر
وهام على وجهه مزعورا وجعانا وعطشانا من هام

برضو تقول ليها ما تضحكى !!

لكم الله يا اطفال دارفور

Quote: 2/ يكون رجع المناطق التي يسيطر عليها في الحدود السودانية التشادية وعايز يعمل لناس الحكومة سهر الجداد ولا نوموا بحرب نفسية

أهلآ يا زهير
وشكرآ على معلوماتك التي لايخامرني اي شك في صدقيتها
وقربها من الواقع

أرجح الإحتمال الثاني المقتطف أعلاه
نسبة لأن الرجل كان بيتكلم بهدوء شديد
لايمكن ان يتوفر لفار او ملاحق او متعرض لخطر
أكيد الزول ده في مكان آمن جدآ بالنسبة له
وغالبآ في مناطق قواته
او ماتبقى منها

أبو ساندرا كيفك والبنيات

كل الدلائل تشير لانو الزول اتخارج
وحتي الحكومة حسب افاداتها تقول إنه اتخارج

عموماً إعلام الحكومة لحد كبير المرة دي أتعلم من تجاربه
السابقه خاصة في مسألة المصداقية ،،،،
وحاول التلفزيون قدر الأمكان يكون قدر الحدث ،،، وما يزيف الحقائق
وأظن أن سير المعركة من بدايتها لنهايتها كان في صالح القوات الحكومية
عشان كده ما أضطر يزيف الحقائق ،،،، لكن قدر يسوق ويسَوق الحقائق لصالح المؤتمر
الوطني سياسياً ،،، ونقدر نقول إنه المؤتمر الوطني كسب من هذه الأحداث أضعاف ما
خسره خليل سياسياً وعسكرياً ،،، عشان كده الناس بتقول إنه الحكومة أستدرجت خليل
لأمدرمان وحسبت الحاجات كلها مسبقاً ويبدو لي ده كلام ما صحيح لحد كبير ....