Post: #1
Title: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:04 AM
خليل قبضوا
لا خليل ما قبضوا...
لا خليل قبضوا في خور كديس ومعاهو تلفون ثريا ومسدس من النوع ابو كديس...!!!
لالا..!!
خليل قبضوا في مرزوق جنب ست شاي .
خليل قبضوا في الرياض في شقة مفروشة ديلوكس وحتي عفش الشقة ذاتو انا بعرف جابو من وين
خليل قبضوا سائق رقششششششة...
لا لا يازول سائق امجاد...
.................
لا يازول هوووي خليل في البي بي سي
لالا خليل في صوت فرنسا...وبعد شوية حيكلم الناس من خور برنغا..!!!!
الناس قعادين في خليل قبضوا ولا خليل ما قبضوا
اهااا في النهاية الترابي ذااااتو قبضوا
والقصة ولعت وليعة ليها ضل...
والمثل بقول
كيزان لو شاكلو بخت شعب سوداني...
وعاش الشعب السوداني
وتسقط الاشاعات التي جعلت من راسنا اكبر مروحة للتربيزةفي منطقة الخليج العربي وما وراء البحار العربية..
|
Post: #2
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:09 AM
Parent: #1
هنالك مثل اعتقد انه سوداني
لاتعلم راسك وخشمك الخفة..!!!
اي لا تترك فاهك حتي الفولة لا تسطيع البلل فيه..!!!
ادي الفولة مساحة وزمن تتبلبل كويسسسسس وبعدين شوتها وهي موغلة في البلل..!!!
|
Post: #3
Title: Re: الاشاعييون والاشاعيات....وراسنا البقي زي مروحة التربيزة...!!!
Author: سامى عتبانى
Date: 05-12-2008, 06:10 AM
Parent: #1
لا خليل قبضوا في منطقة المويلح غرب امدرمان
راسو مقطوع ما عارف يقبل على وين
|
Post: #4
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:12 AM
Parent: #3
والله يا سامي ا اخوي احنا البقينا راسنا مقطوع
مع المويلح والجزيرة اسلانج ولا الرياض والقضارف (انا سمعت تحت تحت انهم مسكوهو في القضارف)..
...
هات اثبات المويلح يا ابو سيم ولك الف ناقة اسفيرية
|
Post: #5
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:35 AM
Parent: #4
وكانك تتخيل الان بان قوات الامن ومن اجل حسم كل هذه الارهاصات والاشاعات والاقاويل..
تمارس القبقبة مع احدي الابرياء في اطراف امدرمان حتي يعترف بانه خليل...
..طبعا ان صح افتراض ان خليل اتي مع القوي التي غزت الخرطوم..!!!
...
بعض خبثاء المدينة صرح بانه يتخوف بان يكون خليل قد عمل
بمن جهز غازيا قد غزا
والله اعلم
|
Post: #6
Title: Re: الاشاعييون والاشاعيات....وراسنا البقي زي مروحة التربيزة...!!!
Author: معتز القريش
Date: 05-12-2008, 08:04 AM
Parent: #1
يا خبر بفلوس بكرة يبقى ببلاش
|
Post: #8
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 01:37 PM
Parent: #6
بل قل يا شيخنا
يا قبض بالقروش لانو شايف في 250 مليون تتهادي الان في شوارع الخرطوم
جائزة القبض علي خليل (عجبي)...
250 دي كان مفروض يغطوا بيها ظهر دفوعات الخرطوم التي اعتقد الان بان
جبل مرة لو تحركت صوبها لدخلها بدون ملاوة او يحزنون
|
Post: #7
Title: Re: الاشاعييون والاشاعيات....وراسنا البقي زي مروحة التربيزة...!!!
Author: الطاهر عثمان
Date: 05-12-2008, 08:31 AM
Parent: #1
والله يا عبد الكريم ما قلته الا حق
وكمان مرة قالوا في الجزيرة اسلانج
الواحد يجي المنبر ونفسه يلقه خبر حقيقي فاذا به يحتار مع سيل البوستات الكاذبة
والغريبة الناس تكذب وبدون اي خجل
|
Post: #9
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 01:44 PM
Parent: #7
Quote: الواحد يجي المنبر ونفسه يلقه خبر حقيقي فاذا به يحتار مع سيل البوستات الكاذبة
والغريبة الناس تكذب وبدون اي خجل |
هلا يا الطاهر وفعلا القصة محيرة
وبتهد المنبر كمصدر للخبورات الصحيحة...
الليلة اسلانج وبكرة وتوتي وبعد بكرة كفياقنجي...
وتبقي الحقيقة دائما هي الغايبة....
|
Post: #11
Title: Re: الاشاعييون والاشاعيات....وراسنا البقي زي مروحة التربيزة...!!!
Author: الفاتح خليل الفكي
Date: 05-12-2008, 02:39 PM
Parent: #9
الأخ / عبد الكريم
سلام واحترام ،،،
أولاً مبروك تأهل هلال الملايين وعقبال الكاس
ثانياً كلامك الفوق دا كلو صاح مليون بوست مفتوح وكل واحد بيشوت في اتجاه وكل واحد بيلعب صالح
ورقو والناس هنا شغالة طحن وفي السودان برضو شغالين طحن والمستفيدين من كل الحاصل دا ناس معينة
والمتضرر الوحيد هو هذا الشعب المسكين والمواطنين الذين قتلوا وما معروف منو القاتل والناس
هنا شغالين طبيل كلو واحد بيطبل للتابع له ونحن راسنا بقي موش مروحة طربيزة مروحة طيارة عديل
يا جماعة ارحمونا واكتبوا لينا حقائق او اسكتوا ساكت وخلونا من الكذب الفارغ دا .
وربنا يكون في عون الوطن ويحميهو من شر الفتن ما ظهر منها وما بطن
اللهم احفظ اهلنا الطيبين الصابرين واستر عليهم
اللهم احفظ اهلنا الطيبين الصابرين واستر عليهم
اللهم احفظ اهلنا الطيبين الصابرين واستر عليهم
لك تحياتي أخي عبد الكريم
أبو كريم
|
Post: #13
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 05:28 PM
Parent: #11
Quote: هنا شغالين طبيل كلو واحد بيطبل للتابع له ونحن راسنا بقي موش مروحة طربيزة مروحة طيارة عديل
يا جماعة ارحمونا واكتبوا لينا حقائق او اسكتوا ساكت وخلونا من الكذب الفارغ دا |
هلا ييا الفاتح وحبابك الف...
والهلال الجميل اهدانا مساحة للفرح يا الفاتح ونحن في وسط الاحزان علي بلاوي هذا الزمن العجيب...
وفعلا يا الفاتح القصة هنا صارت استقطاب حاد وتعصب اعمي وغياب للموضوعية الا من رحم ربه
وعلي العليهم جابت ليها كضب واشاعات
وكل الود والتحايا يا ابوكريم
|
Post: #10
Title: Re: الاشاعييون والاشاعيات....وراسنا البقي زي مروحة التربيزة...!!!
Author: معاوية الطيب
Date: 05-12-2008, 02:13 PM
Parent: #1
كيكى
تحايا نضرة
تعرف انو نحن السودانين مدمنين سياسة وتحليل
انا وصديقى تقابلنا صدفة مع احد الاخوة اللبنانين
وتناقشنا حول احداث لبنان الاخيرة وتحير صديقنا
اللبنانى وصعق ونحن نحاورة فى ادق دهاليز الاحداث اللبنانية
وبمعلومات بديهية يجهلها و لا يلم هو بها .....
وطلع مننا وراسو برضو لافى زى مروحتك دى .....
عاوز الفت نظرك لحاجتين مهمات جدا ( مع الزحمة الحاصلة دى )
شوف تجمع الكيزان وامنجية المنبر وكيفية ادارة وتوزيع الادوار بدقة
( الموضوع يحتاج لدراسة وبوست تحليلى )
راجع مقال المهم للحاج وراق المحذوف بواسطة امن السلطة
مقال الاستاذ وراق بصحيفة اجراس الحرية عن الازمة .. الذي... من نسخة غدا الاثنين
|
Post: #12
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 05:16 PM
Parent: #10
Quote: اللبنانى وصعق ونحن نحاورة فى ادق دهاليز الاحداث اللبنانية
وبمعلومات بديهية يجهلها و لا يلم هو بها .....
وطلع مننا وراسو برضو لافى زى مروحتك دى .....
عاوز الفت نظرك لحاجتين مهمات جدا ( مع الزحمة الحاصلة دى )
شوف تجمع الكيزان وامنجية المنبر وكيفية ادارة وتوزيع الادوار بدقة
( الموضوع يحتاج لدراسة وبوست تحليلى )
راجع مقال المهم للحاج وراق المحذوف بواسطة امن السلطة |
هلا يا معاوية والف سلام...
وفي الجانب الاخر يا معاوية الاحداث التي جرت في السودان اخيرا كشفت ايضا جهلا من الاخوة العرب والكثيرين من الاجانب هنا بالشان السوداني...
ويشبكوك شووو خليل هاي
وايش لون هاي
وايش دعوة...واسئلة تخليك تقوم تعضي الزول في راسو
واما المنبر فالاحداث اظهرت وظواهر عديدة وبان المستخبي من لغة منحطة عنصرية جاهلة
وحاولو في الايام الاولي ايام الربكة سواقة المنبر الي مدارات تخدم هذا الخطاب وسبحت فيه الاشاعات والاكاذيب ولكن الان عادت اليه الموضوعية وحجم ذلك الخطاب الرجرجي الدهمائي
وفعلا الكعة دي داير بوست تحليلي حتي نشوف سودانيز اونلاين في هذه الاحداث
|
Post: #16
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبده عبدا لحميد جاد الله
Date: 05-12-2008, 06:18 PM
Parent: #12
العزيز عبدالكريم
تحية طيبة
بالله انت برضو عايشت هذه الحالة الغريبة؟
الأدهى والامر صب الزيت على النار ،واستفراغ
كل محتوى عنصري
نسأل الله السلامة
تحياتي
|
Post: #18
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:32 PM
Parent: #16
Quote: بالله انت برضو عايشت هذه الحالة الغريبة؟
الأدهى والامر صب الزيت على النار ،واستفراغ
كل محتوى عنصري |
هلا ياعبده ومشتاقين والله...
وحالة فعلا غريبة وتضليل غريب وعجيب وكانه مقصود ارسال رسالة تهز مصداقية هذا المكان الذي يهرع اليه الجميع في مثل هذه الوقت ...
وكل زول ياصحبي شايل ليهو خبر فطير ملفوح لفح ورايح شايت لفت..!!
واتفق معاك في ظهور الخطاب العنصري البغيض وبقوة عين كبري والحاح والتفاف من الكثيرين...
وربنا يقي هذا البلد شرور المكابرين والجهلاء والعنصريين الجدد القدام
وكل الود
|
Post: #14
Title: Re: الاشاعييون والاشاعيات....وراسنا البقي زي مروحة التربيزة...!!!
Author: Kabar
Date: 05-12-2008, 06:03 PM
Parent: #1
عبد الكريم..حبابك
طبعا يا صديق.. ناس الحيكومة في الخرطوم..شغالة بمبدأ سد الثغور..و هو مبدأ اهلك الأنصار بتاع املوا الفرقات.. عشان كده عارفة كويس انو الدواس ممكن يتموه كلام و محامشة..لكن الحقيقة لسع قاعدة هناك.. انو الحكومة فرطت فضرطت..و الحصل ده ليه حصل في الأساس؟
اها رئيس الجمهورية قايم سداري.. الغزو التشادي..و الناس ديل تشاديين..و القبضناهم فيهم تشاديين..و هو ناسي تماما انو في الخرطوم في معارضة تشادية و هو راعيها زي ما بيرعى قواتنا المسلحة..و ما بعيد في سبيل مداراة سؤاته.. انو يقوم يقبض ناس المعارضة التشادية..و يجيبهم في التلفزيون السوداني و يقول ليك ديل من ناس حركة العدل و المساواة.. شفت جنس الحرفنة دي كيف؟..
المضحك.. الإعلام السوداني..و ناس الصحافة في الخرطوم لسع دافنين دقن..
و المحيرني وين مستر صلاح قوش؟..الله يستر ما يكون جماعتو صفوهو بسبب التفريط ده..!
كبر
|
Post: #19
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 06:41 PM
Parent: #14
| Quote: اها رئيس الجمهورية قايم سداري |
هلا يا كبر وتحياتي
والسداري ده ياكبر الناس ديل كلهم قاموا صوف ونفسهم قايم لحدي حسع..!!
وما قام به خليل ووقواته اربك وخلط اوراق هذه السلطة وكشف زيفها وتفكك التامين عندها...
وموسف هو الترديد بان هولا القوم تشاديين فالانقاذ نست عن عمدبان هولا الناس (سودانين ) وضارب جذورهم ي تراب هذا الوطن ولهم حق في كل اشيائه ولكن انه الظلم يفعل بهم اكثر من ذلك...
حزين انا ياصديقي لواقع البلد واهلنا الغلابة الذي يعانون اليوم تحت سياط التعذيب وهم ضحايا
التمثيليات سيئة الاخراج وخطاب السلطة االقاتل...
| Quote: المحيرني وين مستر صلاح قوش؟..الله يستر ما يكون جماعتو صفوهو بسبب التفريط ده..! |
هذا الرجل يجب ان يجلد في مكان عام ثم يصلب من خلاف لانه قاتل وفاشل وردي
وكل هذه البلاوي طالعة منو...
كل الود
|
Post: #15
Title: Re: الاشاعييون والاشاعيات....وراسنا البقي زي مروحة التربيزة...!!!
Author: haroon diyab
Date: 05-12-2008, 06:12 PM
Parent: #1
كيكي
مساء جميل
| Quote: والهلال الجميل اهدانا مساحة للفرح يا الفاتح ونحن في وسط الاحزان علي بلاوي هذا الزمن العجيب... |
وبرضو المريخ اكمل الفرح.....!
جنس حسادة...
ماعاوز احرف ليك موضوع البوست ولكن صدقني ياصديقي العزيز لقد ازدادت الجراحات
ومازال الجروح يزداد فتقا كل صباح
اما آن لهذا الشعب الطيب ان يستريح حتي ولو استراحة محارب .
قد تنادينا خفافا كخيوط الريح في جوف العتامير
ادعو الله العلي العظيم ان يجنب هذا الشعب كل المصائب والمحن
وان ياتي يوم نحزم فيه حقائبنا تجاه الوطن
لا ان نكون كلما اقتربنا منه خطوة
ابعدنا منه ساستنا خطوات
ونحزم حقائبنا مرة اخري لمكان اكثر امن .
كل ودي وتقديري
هارون دياب
|
Post: #20
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 07:12 PM
Parent: #17
ظهر الان علي شاشة تلفزيون السودان المتحركة واثناء بثه لاحدي البرنامج
جائزة مقدرها 5000 مليون جنية(جنيه عاصر جنيه) في نداء موجه لاهل شمال كردفان ودارفور
للقبض علي خليل ابراهيم...
هناك 5000 مليون جنيه
وهنا 5000 مليون بوست تفيد عن قبضه...!!
|
Post: #22
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 07:34 PM
Parent: #17
| Quote: الساده كـــــــــــلاب أمن البورد ( قبضتو كم خليل لغايه...ع؟؟) ارجـــو الافاده |
هلا ياعاطف
وهولا الطفابيع يمارسون في فنون التضليل وتوجيه الامر حسب نواياهم الرديئة
ولكن الكلام ده يقولوا لناس ما عندهم حدائد
|
Post: #21
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 07:27 PM
Parent: #15
| Quote: اما آن لهذا الشعب الطيب ان يستريح حتي ولو استراحة محارب |
هلا ياهارون
وفعلا ياهارون هذا الشعب يجب ان يستريح من هذه البلاوي والمصائب الواقعة كع كرع في راسو ده...
مبروك للمريخ
وقالوا ياصحبي جمهوركم اليوم داك فتح لعب وجري جري شديد
وركبوا مكنة ناس البدري بتاعين العاب الجري في الدوحة ما مركبنها
|
Post: #23
Title: Re: الاشاعييون والاشاعيات....وراسنا البقي زي مروحة التربيزة...!!!
Author: محمد على طه الملك
Date: 05-12-2008, 07:53 PM
Parent: #21
سلام عبد الكريم ..
الحقيقة اكتر شيئ خذلني مصداقية عضوية البورد الملتزمة ..
كان العشم وهم عارفين إنو سوانيز اونلاين اصبح مصدر المعلومة
علي الاقل للسودانين في الخارج ..
أن يلتزموا ويحرصوا علي مصداقيتهم ..
عارف المشكلة دي كشفت لي تماما إننا بسبب التعجل كما ذكرت افقدنا البورد
توازنه ومصداقية انباءه ..
آمل يكون هذا الحدث تجربه نستفيد منها مستقبلا .
شكرا لك .
|
Post: #24
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 10:04 PM
Parent: #23
| Quote: آمل يكون هذا الحدث تجربه نستفيد منها مستقبلا |
.
هلا يا محمد
وفعلا هذا هو المرجو والمامل
والبورد تشوه كثير بالاخبار التي جاي بدون سند او ارضية
ونتمني ان يكون الدرس بليغا ويجعل الاخريين يفكروا الف مرة قبل اطلاق مثل هذه الاخبار الفطير
|
Post: #25
Title: Re: الاشاعييون والاشاعيات....وراسنا البقي زي مروحة التربيزة...!!!
Author: كمبورة
Date: 05-12-2008, 10:20 PM
Parent: #23
كيكي سلامات وعوافي يارجل
خليل قبضو والله ما قبضو هو خليل دا ما خليلم
خليل دا ما ياهو اكبر مجاهد في حيكومة الانقاذ دي والله واحد تاني ؟
الشغلانة كلها زيتهم في بيتهم
لكن الجماعة للان ما شافو بيوتهم
الواحد بعد دا داير ليهو عشرة ورا وعشرة قدام
وين الاجهزة الامنية والاستخبارات وهلم جرا
وكمان جابتلها اعتقال لي شيخهم ذاتو الخراب ال........
الشغلانة مش راسنا بقى مروحة تربيزة بقى
|
Post: #26
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-12-2008, 11:09 PM
Parent: #25
| Quote: وكمان جابتلها اعتقال لي شيخهم ذاتو الخراب ال........ |
هلا يا كمبورة
والقصةجاطت جوطة ليها ضل
وشيخهم ذااتو نكرهم ايد ورجل وشبكهم (ها ها ها)
والعندو اثبات يمشي القضاة...
علي الحاج ايضا قبل قليل في الجزيرو مارس بعض اللولوة والف والدوران
وطلع المذيعة شمار في مرقة(لا ادان ولا قدر يايد)
|
Post: #27
Title: Re: الاشاعييون والاشاعيات....وراسنا البقي زي مروحة التربيزة...!!!
Author: ثروت سوار الدهب
Date: 05-13-2008, 00:12 AM
Parent: #26
هرجلة و شائعات و كلام غير مسؤول و عصبيات و تهريج و استثمار في ماساة بلد باكمله
شكرا عبد الكريم
|
Post: #28
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-13-2008, 07:27 AM
Parent: #27
| Quote: هرجلة و شائعات و كلام غير مسؤول و عصبيات و تهريج و استثمار في ماساة بلد باكمله |
هلا يا ثروت
وفعلا شي موسف وتهافت كاذب بورقة توت لا تقوي علي الثبات..
ومكابرة وكذب اجوف...
ولكن حتما ستنجلي الحقيقة طال الزمن ام قصر
|
Post: #29
Title: Re: الاشاعييون والاشاعيات....وراسنا البقي زي مروحة التربيزة...!!!
Author: عبدالكريم الامين احمد
Date: 05-14-2008, 09:40 PM
Parent: #28
وين جماعة بتاع اشاعات دي...
كبوا واحد اشاعة بالله
|
|