Post: #1
Title: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: SARA ISSA
Date: 05-11-2008, 10:27 AM
اولاً لا يبدو عليهم أنهم محاربين ، فمعظمهم صغار في السن .
يتكلمون اللغة العربية بطريقتها الدارجة في السودان
تعرضوا للتعذيب والضرب الشديد وأُجبروا على الإدلاء بهذه الاعترافات .
الأمر الأخير أن مجاري أمدرمان تعج بالكثير من المشردين الأبرياء ..فبسبب الضجيج الإعلامي ربما لا يلاحظ أحد أن هؤلاء الأسرى المزعومين هم جزء من خليط المشردين الذين إمتلأ به السودان ، هذه المشاهد تذكرنا بساحات الفداء ، حيث تطغى الدعاية ودغدغة المشاعر على قول الحقيقة..فهذه تذكرنا بقصة القرد الذي ضربه رجال الأمن وطلبوا منه الإعتراف بانه أسد
|
Post: #2
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عز الدين بيلو
Date: 05-11-2008, 10:52 AM
Parent: #1
يا سارة
هو في متشردين بلبسوا ليهم عسكري
هههههههههههههههههههههههه
|
Post: #3
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: SARA ISSA
Date: 05-11-2008, 10:58 AM
Parent: #2
ودي صعبة ؟؟
زي القوات المسلحة يُباع في سوق الله أكبر ..يُرمي في القمامة ..مش صعب يا بني
|
Post: #4
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: AMNA MUKHTAR
Date: 05-11-2008, 10:59 AM
Parent: #1
الأخ سارة..
لاحظت نفس ملاحظتك هذه ..
واضح انهم مشردون ..من مظهرهم ومن كلامهم .
|
Post: #5
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: ابراهيم محمد الحسن
Date: 05-11-2008, 11:13 AM
Parent: #4
| Quote: واضح انهم مشردون ..من مظهرهم ومن كلامهم . |
هم فعلا مشردون .. وإلا ما كانوا رموا بأنفسهم إلى التهلكة بمثل هذا التصرف الأرعن ..
وعجبي إن أرادوا السيطرة على الخرطـــــوم وأمدرمـــــان بأمثال هؤلاء !!!!!!!!
يظنون أنها انجمينا وأحراش دارفور ..
|
Post: #6
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: SARA ISSA
Date: 05-11-2008, 11:28 AM
Parent: #4
انا بعرف إن الهجوم تم من خلال اربعة محاور ..صور التلفزيون تكرر صورة واحدة وهي صورة الموز المعبأ في الدوشكا ..يظهر الجماعة دخلوا لمجاري شارع الأربعين وأسروا كل الشماسة ..يعني كل شماسي في الخرطوم هو الآن اسير حرب
|
Post: #7
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عصام دهب
Date: 05-11-2008, 11:55 AM
Parent: #6
| Quote: يعني كل شماسي في الخرطوم هو الآن اسير حرب |
و عقبال كل الشماسيات كمان يكون سبايا حرب ..
|
Post: #8
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: adil amin
Date: 05-11-2008, 12:22 PM
Parent: #1
نعم يا سارة
يبدو انهم من متشردين العاصمة فعلا وتعابير الوجوه اصدق في هذا الامر
وعلى القوات النظامية والامن ان تنتبه اننا في زمن ثورة المعلومات للتعامل مع الاعتقال او الاشتباه وفقا للاعراف الدولية وان تنتبه لقانون القوات المسلحة الذى تم اجازته قبل مدة وان تتعامل مع الظرف باخلاق وضبط نفس وان لا تثير حفيظة ابناء دارفور في العاصمة المثلثة ..
وعلى منظمات المجتمع المدني السودانية ذات الصبغة القانونية ان تتحرك خلف كل من يتم اعتقاله وتتحرى عنه والهلال الاحمر ايضا
لا نريد ان تكرار ماساة حركة يوليو 1976 التي راح ضحيتها لاعب كرة السلة وليم اندريه ومعظم الارتيريين والاجانب من ضيوف السودان من دول الجوار الافريقي وكنت شاهد عيان ان ذاك
ملاحظة ذكية يا سارة وحتى ملابسهم افرنجية ذى الاشتروها من فرشات الخرطوم...
وحتما سينقشع الغبار قريبا وتتجلى الحقيقية
وانتهى زمن كلفتة الناس ساكت
|
Post: #9
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عادل سهل
Date: 05-11-2008, 12:48 PM
Parent: #1
اللهم رد كيدهم فى نحورهم
فقد روعوا اطفالاً صغاراً
وقد يتموا صبية زغب
ورملوا نساءاً
اللهم أرنا فيهم بأسك وقوتك ياشديد ياقوى
اللهم أبدل أمنهم خوفا وهلعا
كما فعلوا بكل الشعب الآمن فى اليومين الماضيين
اللهم عليك بهم فإنهم لا يعجزوك
ونسألك أن تكتب الشهادة لمن إغتيل برشاشاتهم الطائشة
إنك ولى ذلك والقادر عليه
وآخر دعوانا أن الحمد لله رب العالمين
|
Post: #10
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: AnwarKing
Date: 05-11-2008, 12:51 PM
Parent: #1
|
Post: #11
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عوض أحمد عمر
Date: 05-11-2008, 01:22 PM
Parent: #10
المشردون حقيقة هم الذين أرتموا في أحضان الأجنبي وينفذون أجندته الخايبة
بهذا الفهم ما قبض عليهم هم مشردين حقيقة
الخزي والعار للمشردين أصحاب الأجندة الخاسرة
|
Post: #12
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عبود عبد الرحيم
Date: 05-11-2008, 01:38 PM
Parent: #11
Quote: المشردون حقيقة هم الذين أرتموا في أحضان الأجنبي وينفذون أجندته الخايبة
بهذا الفهم ما قبض عليهم هم مشردين حقيقة
الخزي والعار للمشردين أصحاب الأجندة الخاسرة[/QUOTE
تمام يا عوض ...
وأضيف الي قائمة الخزي والعار بعض المشردين هنا في هذا المنبر
|
Post: #13
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: ابراهيم محمد الحسن
Date: 05-11-2008, 01:39 PM
Parent: #11
| Quote: انا بعرف إن الهجوم تم من خلال اربعة محاور ..صور التلفزيون تكرر صورة واحدة وهي صورة الموز المعبأ في الدوشكا ..يظهر الجماعة دخلوا لمجاري شارع الأربعين وأسروا كل الشماسة ..يعني كل شماسي في الخرطوم هو الآن اسير حرب |
طيب نفترض .. ايه المقصود من تلميحاتك هذه؟
هل تقصد انه مرتزقة (أقصد ابطال) حركة العدل والمساواة لم يتم أسرهم ولا قتلهم ..؟؟؟
إذا هم في أمان ..
ويمكن تقصد برضو صحة أخبارهم وأحلامهم عن اجتياح الخرطوم والسيطرة على اثنين من الكباري الرئيسية .. والسيطرة على القيادة العامة
ووادي سيدنا والمطــار ...
يعني ما باقي إلا يجي المدعو خليل ابراهيم ويعلن البيان رقم واحد من داخل القيادة 
ولا نامت أعين الجبناء والخونة ..
طــــــــــــــــــز .....
|
Post: #14
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: ghariba
Date: 05-11-2008, 02:03 PM
Parent: #13
طيب اذا افترضنا جدلا انهم مشردون
طيب اللاندكروزرات دى جات براها فاضية
اختشوا على دمكم وراعو الله فى اهليكم وفى وطنكم وفى ارضكم التى تضم بين جنباتها اشقائكم ووامهاتكم
واولادكم .. ولا تتمنوا لهم التشرد كما انتم فى الخارج تستبدلون الذى هو ادنى بالذى هو خير ؟؟؟؟؟
|
Post: #15
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: SARA ISSA
Date: 05-11-2008, 02:44 PM
Parent: #14
معاك حق يا أخ غريبة أكيد العربات دي كان يقودها ناس ..بل هل أنت متأكد أن هؤلاء الناس الذين رايناهم في التلفزيون كانوا مع المهاجمين ؟؟ دا إعلام حربي زي إعلام محمد سعيد الصحاف .. أو زي إعلام ساحات الفداء فيه أساطير مثل القرد حارب معانا والغربان نبشت الألغام .. أنا أعرف أمدرمان وبنت أمدرمان ..صدقني إذا جيت المحطة الوسطي أمدرمان .. أو ساحة شرق سينما الوطنية أمدرمان فسوف تجد الالاف من هؤلاء المرتزقة ..ولو مشيت أبو سعد بعد مربع 16 أحياء مثل حي بانتيو ..أديك قلاب بتاع مرتزقة ، الحرب هي عرقية وموجهة ضد أبناء غرب السودان سواء أكانوا محاربين أو في بيوتهم .
|
Post: #24
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: tmbis
Date: 05-11-2008, 04:55 PM
Parent: #15
| Quote: أو زي إعلام ساحات الفداء فيه أساطير مثل القرد حارب معانا والغربان نبشت الألغام |
يا (سيد) ســارة ..
الكلام الفوق دا اسال منو صاحبك خالد ابو أحمد .. ما شايفو وين الايامات دي .. ياربي التأشيرة وصلتو اللا لسه ..؟| Quote: أنا أعرف أمدرمان وبنت أمدرمان .. |
...بلالالالاي ..؟| Quote: صدقني إذا جيت المحطة الوسطي أمدرمان .. أو ساحة شرق سينما الوطنية أمدرمان فسوف تجد الالاف من هؤلاء المرتزقة ..ولو مشيت أبو سعد بعد مربع 16 أحياء مثل حي بانتيو ..أديك قلاب بتاع مرتزقة |
ليه ماشي المحطة الوسطى دي مش بعيدة عليك ..؟
انزل في سوق الموردة دا .. عشان تشوف الشماشة العايشين معانا وقاعدين في بيوتنا .. ولاماهم الموردة ومحتضناهم ومن ما قمنما عرفناهم وعايشناهم ..
يللا يا سارة امشي شوف ليك كيته تاني .. اعرض فيها ..
ويكون كويس لو جبت لينا معاك خالد ابو احمد .. الايامات دي يوم حوبتو .. اصلو الخلى عادتو قلت سعادتو ..
جيبو لينا اب أحمد وبطلوا الرقيص البتعملو فوقو دا
|
Post: #16
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: Elmuez
Date: 05-11-2008, 03:06 PM
Parent: #1
(، الحرب هي عرقية وموجهة ضد أبناء غرب السودان سواء أكانوا محاربين أو في بيوتهم .)
----
العرقية في
لكن اليسمع الكلام المطلق بكل إرتياح ده يقول جيش الحكومة كلو دناقلة و جعليين و شوايقة (قبائل سارة ..المختارة) !
|
Post: #17
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: ebrahim_ali
Date: 05-11-2008, 03:20 PM
Parent: #16
و عقبال كل الشماسيات كمان يكون سبايا حرب ..
دي قوية ياعصام دهب
ياسارة امدرمان نحن مقددينها قديد يعني الشماشة البقولي فيهم ديل إلا يكون ناس الحركة زاتهم مشردون وشماشة ياخي اختشي وحاولي لحظة بس كوني صادقة مع نفسك
عالم تساهل الضرب تحت الحزام
|
Post: #18
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: طارق عمر مكاوي
Date: 05-11-2008, 03:54 PM
Parent: #17
مبروك ومشكورين علي المتابعة الرائعة
شكرا المريخابي الاصيل دكتور شهاب
|
Post: #19
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: طارق عمر مكاوي
Date: 05-11-2008, 04:08 PM
Parent: #18
المشاركة السابقة ضلت طريقها الي هذا البوست
ولكن ما اود قوله انني اتفق وساره .. انهم مشردين
وفاقد تربوي .. هذا واضح بجلاء .
|
Post: #20
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: الصادق صديق سلمان
Date: 05-11-2008, 04:09 PM
Parent: #18
| Quote: معاك حق يا أخ غريبة أكيد العربات دي كان يقودها ناس ..بل هل أنت متأكد أن هؤلاء الناس الذين رايناهم في التلفزيون كانوا مع المهاجمين ؟؟ |
أهلنا بقولوا ..
الصقر إن وقع ... كُتر البتابت عيب ..
وقعتوا ؟؟؟
أكلوها جواكم وأسكتوا ساكت ..
قال شنو ... البت بتحلل !!!
|
Post: #21
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: طارق عمر مكاوي
Date: 05-11-2008, 04:11 PM
Parent: #18
المشاركة السابقة ضلت طريقها الي هذا البوست
ولكن ما اود قوله انني اتفق وساره .. انهم مشردين
وفاقد تربوي .. هذا واضح بجلاء .
|
Post: #22
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: معتصم احمد صالح
Date: 05-11-2008, 04:37 PM
Parent: #21
واضح يا سارة ان الاطفال الذين عرضوا
من ازقة ام درمان والحاج يوسف
وطبعا لازم الجماعة ديل يبرهنو انهم اسروا مقاتلين ولو اطفال
الغريب انو الحكومة لازالت تغرر بالناس انها غنمت اكثر من180 سيارة
خلفهاالمهاجمون والاغرب ان لا سيارة عرضت للمغرر بهم لتاكيد الخبر.
وطبعا الشباب ما صدقوا جرّوا انفاسهم..6 ساعات في ام درمان ازالت اقنعة الملايين
واتضح ان الموت امر صعب لا يطيقه احد. وان الخوف افظع .. اهم شئ ان الجميع عرف
وعاش ولو لحين الظروف التي يعيشها انسان دارفور .. 6 سنوات من القتل والخوف والرعب
وليس من بين الناس من مدين الا من رحم ربي.
انت في ولا في الصادق المهدي!!
الراجل نسى انه من علّم اهل دارفور حمل السلاح واول من حمل السلاح في وجه هذا النظام
وكان هدفه ان يصل الخرطوم لتغيير هذه الحكومة بقوة السلاح.. ولما عجز .. حرّم حمله على اي شخص
وحقيقة الاختشوا ماتوا..
اليوم عرفت ان الناس ليسوا سواء لا في المواطنة ولا في الانسانية ولا في شئ.. ليس الاطفال هم الاطفال
وليس النساء هن النساء.. والابعد من ذلك من يدعو للناس ( اللهم عليك بهم..يتم ابنائهم..رمل نساءهم..روع اهلهم...الخ)
تخيلي صورة شخص يدعو هكذ ويزيل كلامه ب المجد والخلود للسودان .. تخيلي
|
Post: #23
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: Seif Elyazal Burae
Date: 05-11-2008, 04:42 PM
Parent: #1
الاخت سارة عيسي
أنا لا اثق في اعلام الكيزان نهائيا..
حتي جثث الضحايا ممكن تستورد من المشرحة..
الناس ديل اخطر مما يتصور العقل البشري..
وقريبا نري إبليس يحمل حقيبت مودعا الخرطوم..لانه وجد من يفوقه مكرا..
مودتي
سيف
|
Post: #25
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: الصادق صديق سلمان
Date: 05-11-2008, 05:07 PM
Parent: #23
Quote: اهم شئ ان الجميع عرف
وعاش ولو لحين الظروف التي يعيشها انسان دارفور |
إقراءوا الجهل والحقد الأعمى ..
الجهل والحقد الذي يمشي على قدمين..
إتفرجوا يا عالم .. بيقول أهم شئ..
أهم ما عنده هو ترويع الآمنين .. حتى لو كانت أم درمان يقطن ثلاث أرباعها أهل دارفور .. لا يهم ..
المهم أن هذا المناضل لا يشفي غليله إلا أن يرى بقية أهل السودان يعانون مثل ما عانى أهل دارفور..
أهل السودان الذين ناصروا قضية دارفور بحق .. ويمكنك ياهذا مراجعة هذا المنبر لتقرأ بأم عينيك وتتأكد بنفسك ..
تريد لأهل من ناصروك أن يتروعوا .. هل هناك طعنة أكثر غدراً من هذه .. هل هناك أكثر خيانة وخسة مما تقول يا هذا ؟؟
ونحن نبحث عن أس البلاء لإنسان دارفور المنكوب .. نجده هو نفسه سبب النكبة..
فهل تريدوا عقليات أكثر مرضاً من هذه ..
وفعلاً وكما كان يقول سيدنا علي كرم الله وجهه "تكلم لأعرفك"
اللهم إني أعوذ بك أن أحمل حقداً أو ضغينة لأحدٍ من خلقك
وعافنا وأعفو عنا وتولنا برحمتك يا أرحم الراحمين ...
|
Post: #26
Title: Re: ملاحظة حول صور الأسرى الذين تم عرضهم في التلفزيون السوداني ..هل صحيح أنهم مشردون ؟؟
Author: عز الدين بيلو
Date: 05-12-2008, 02:50 PM
Parent: #1
الصورة دي يا سارة من ميدان حركة العدل والمساواة
أها برضهم شماسة هههه
|
|
|