قالت العشاق هيت لكـ و غني المغنون كل ما تيسر و قطعا ضُرب النحاس ضرب غرائب الابل. سارت جحافل القلوب ورقصت البنات علي ايقاع و أنشد الحضور بيت مال و عيال ايها النساء الجميلات رفقاَ بالمزازيكـ .. كيف يتزوج قلبي و انا لست هناكـ ؟ ..
كنت مفتكر انو قلبي (قلب الاسد) حتي ظننتني ريتشارد العنيد فـ عثر علي (عبدالعال) وخرق الهدنة و ابتدر القصف ..
دقيقة خلينا نحسبها تاني
البنات سبب الغناء ولا الغناء سببو البنات ؟
يا عُزاز .. لي صديق صاحب حب .. ساقه قلبه لاحدي بنات الناس الكويسين قلبه لم يكن عاقاَ كقلبي لكن اهلها ودعوه عند الباب بأبتسامات و دعوات بالتوفيق في مقبل حياته العاطفية صديقي لاذال يردد حتي الان (هزمتنا البيروقراطية)
الشاعر عبدالعال السيد .. مواليد القولد صحفى و شاعر و صاحب مجموعة قصصية ايضاَ تغنى له الكثير من المطربين السودانيين مصطفى سيد أحمد (من بعد ما عز المزار) يوسف الموصلي (وينكـ انت الطال غيابكـ) كمال ترباس (حبان قساي نسو) الهادى الجبل (افتقدتكـ)
بسؤال حكيم قريتنا فيما أوردت ... رفع رأسه متعبا و همس لي بأنه لا بكاء على من لا يملك قراره ...او تراجع وقت الحارة و آثر السلامة و النظر في الأرض و عقوبته الهجر و النسيان بانتهاء اليوم الثالث من النكوص ...
صديقك مرق سالم و أتكتب ليهو (حب) جديد!
Quote: البنات سبب الغناء ولا الغناء سببو البنات ؟
لا ده .. لا ده ... الغنا البعرفه يا خدر يا اخوي سببه اللي في قلوب البنات!
الوقوف في حضره ضياء جميله ضياء .. وفي حضره رونق قصيده رونق وقصيده .. و الوقوف في حضره نقـوش دقيقه على كف حسناء حسن دقيق ..!.
اين تسير بنا فســر ..فنحن مع النيل الجميل تيار ..
حبابكــم
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #16 Title: Re: ايها الجميلات .. رفقاَ بالمزازيكـ Author: عمران حسن صالح Date: 05-07-2008, 06:50 PM Parent: #14
والله العظيم أنا ما فاهم أيِ حاجة !!!!!!!! عملت Refresh للصفحة دي أكثر من (مرات) .. واتصلت على أبو اللول قلته ينجدني ..(شكلو نايم) .. ورجعت تاني ولقيت المُداخلات تشيد بالغنى السمح حق خدر .. الله .. كميوتري جنَ .. ... فهموني وبجي أرجع أمسح المُدالخة الشترة دي .. واكتب كلاماًآخر بعد أٍسمع ... .............. أنا جاي من الدوام وراسي ضارب ودرجة (الحمرنة) عالية جداً الآن في راسي (من حمير ) ... يمكن يكون الغُنافي مكان تاني والناس ديل سمعوه من قبيل .. علماً بأني ياستخدم إتصال عالي السرعة والله العظيم جادي ....
Quote: والله العظيم أنا ما فاهم أيِ حاجة !!!!!!!! عملت Refresh للصفحة دي أكثر من (مرات) .. واتصلت على أبو اللول قلته ينجدني ..( شكلو نايم) .. ورجعت تاني ولقيت المُداخلات تشيد بالغنى السمح حق خدر .. الله .. كميوتري جنَ ..
بقوا كمبيوترين مجنونين يا عمران ياخ .. لكن سكتّت .. قلت يمكن خدر عامل غنية سرية .. الدنيا ما معروفة .
..... و أقرا مداخلات خدر يا عمران .. الزول في كلام الله و الرسول الواااحد ده ... بيغني و يطرب . فيا إنتو يا الفنانين .. رجيت الله عليكم .
عبدالله يا حبيب شكرا ليكـ انت ياخي علي وقوفكـ علي اطلالنا انا و اخوي الكاشف و قول للحنينات ديل خافن الله فينا
يا دكتور شهاب ياخي انتو النيل زاتو وده ما كلام شعراء و فنانيين نحن التيار الذي يداهم كيفما اتفق و انتم المجري الذي يضبطـ و يشذب سرياننا نحن بخير يا فنان .. فهل انت بخير !!
Quote: لوئ يا فنان يازول والله كلنا معوقين انت كيف اخبار جروحكـ !!
أنا إسمي لؤي ما لوئ وجروحي غائرة وفادحة بتبالغ جد لكن ياخ
عُمران الكيشة
Quote: واتصلت على أبو اللول قلته ينجدني ..(شكلو نايم) ..
رسّلت ليك الأغنية في إيميلك جيب لينا قضايا ومحاكم مع خدر كمان قال نايم قال
تحاياي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #20 Title: Re: ايها الجميلات .. رفقاَ بالمزازيكـ Author: عمران حسن صالح Date: 05-07-2008, 08:31 PM Parent: #19
أها يا خدر جاني زول جميل ( عاقل وبالغ) يؤخذ بشهادته وطلع كمبيوتري (عاقل وراشد) ومااااااافي أيِ صوت ّّّّّّّّّّّ!!!!!!!! ... يا أبو الول : أنا في إنتظار العذاب (المرسلو) ده .. وكيتاً في خذر (الجميل برضو) حا أنزل الحنان بتاعو ده في كل السايبر (المسجل والغير مسجل) .. عشان عامل مني (طناش ) رغم إنو موجود ( شفت الحكـ ده كيف ) ؟؟؟؟
ياخى والله ياطارق ان كل يوم ادخل اسمع اغنية من خدر واطلع وارجع تانى من جديد
حتى ادمنتا السمع مع خدر .
واليوم وانا مستمخ مع خدر يطلع على زول زى الشيطان ويقولى انت ياابوورقة ماعارف خدر دا منو
قلت ليه ابدا ولكن راجل فنان ليس من الضرورى اعرفه يكفى فقط اسمع هذا الغناء الجميل يوميا
.. ياراجل انت بتعرف خدر دا عز المعرفة من زمن معهد الدراسات الاضافية جامعة الخرطوم ( احمد بابكر- عماد حسن - محمدعبد الرحيم- قصر عابدين )
ياخى دا ماطارق ابو عبيدة .
ياخى الله يجننك ياطارق وياصابر عبد الهادى
وانا كمان ماحااوريك انا منو ... وحدة بواحدة
Post: #32 Title: Re: ايها الجميلات .. رفقاَ بالمزازيكـ Author: Osman Musa Date: 05-08-2008, 03:09 AM Parent: #31
أركض الحق السيرة و الصلاح والدنيا هاجت وماجت حصل ... السيرة مرقت ...لقد نبت العشق فى تلك الأرضى الهولندية .. الحق .. السيرة من ديلفد لى امستردام .. الحق .. الكع .. سيبقى خدر فنانا فتيا ..الحق ..اسرع .. تحياتى
Post: #33 Title: Re: ايها الجميلات .. رفقاَ بالمزازيكـ Author: خالد عويس Date: 05-08-2008, 04:06 AM Parent: #32
جدو خطاب يجازيي حننكـ انت ده تلفونكـ (فيييييهو رسالة لو روحكـ يوم تنسي دلالا) ولاذال الرقم (المصلوب) لايمكن الوصول اليه حاليا كل الدوائر مشغولة الان توت توت توت
ياسر السيد رقم صفر داسي روحكـ ليه ما الزعل بجدي ؟ انت لسه شباب ياخي يا قراء البوست اعلاة اخوكم لاعب الهلال العاصمي (زمن كنا بنشجع الهلال) ياسر ابوورقة ضُبطـ متلبسا بعضوية سودانيزاونلاين مثلة مثل دكين و اخرين قال ما حا يوريني قال تلفوني في البروفايل يا ياسر
يا سمية قسم اصلكـ ما بتتغيري ياكي ذاتكـ و كمان معاكـ بناتكـ طالعات راس هوس زيكـ انت جابتكـ الحِنة و بناتكـ جابن دق النحاس ده ربنا يحفظم ليكـ و لي منعم و بوسوهم لي كلهن
كمال ؟ تقلة الاضان عرفناها الحنانة حقتنا دي مالكـ و مالها عاوز تدبل ؟ راجع فوق ختيت فايل بشتغل بي اضغط هنا
الى متى تظل مطرزا لحذافير الجمال فى دواخل البورد والاماكن الشاغرة
لم أسمع ولكنى قرأت ما رسكته يداك من مداخلات ههنا
أعجبنى طرحك للأشياء والحناء وعزابات الغربة القديمة والحنين للذين فجروا خروجا عن دين الحب وديدنه
على رثـلك أو على رسلك
تصور ؟ غنيتك تطرشنا !! لكن تهانينا استنادا على ما احتواه البوست من اطراء وشهادات
Post: #35 Title: Re: ايها الجميلات .. رفقاَ بالمزازيكـ Author: Ahmed Yousif Abu Harira Date: 05-08-2008, 07:35 AM Parent: #34
يا حاج/خدر
لنك الأوغـاد ده كتب على بوابته access denied فعلمنا انه حصرا على العضوية. نحن صرعى الاناشيد القديمة قدامنا خميس وورانا سفر دحين يا تنعدل معانا كلنا هنا وللا بتلقانا في [رجا البابور متين ما تحِلْ].
Post: #36 Title: Re: ايها الجميلات .. رفقاَ بالمزازيكـ Author: صلاح أبودية Date: 05-08-2008, 09:11 AM Parent: #35
ود العجمي سلامات الاغنية و شجن عبدالعال و هجرتو لي حبيبتو هدوني لي كل الكلام و الرسوم و ياريت اكون قدرت اوصل احساس الكاشف اخوي و احساسي طبعا
اب حريرة الفنان والله اجتهدت قدر ما الله اداني من عِرفه واظني نجحت .. اهو ودالتوم سمع و عمران لسه ما جا و كمال سالم برضو ليه الغريبة اللنكات للحفظ كلها شغالة عندي اضغط بيمين الماوس و اعمل سيف ابوعبيدة
صلاح ابودية المحيرني في رمية الطابق البوخة دي ما تحتة خط الطابق البوخة قام نداه يهتّف نام من الدوخة إيدو عاقباهو والجدلة مملوخة وفي معالق الجوف موسو مجلوخة يا لطيف يا لطيف شفت العرس السوداني و طقوسو من سيرة و ضريرة لحدي ما تنوم الحِسان من الدوخة نسأل الله العفو و السلامة
عماد ياخي .. سلامات في ذمتكـ منو رفقا بي منو اسه دي بت ناس منو الجايبا معاكـ دي ؟
كل الدروب سايقاني ليكـ ؛ مشتاق كتير ولهان عليكـ جاييكـ يا آخر المطاف لابس الضفاف ؛ جرتق زفاف و النيل معاي ................ ركّت علي القاش الغيوم .. دمعة آواخر الليل نجوم .. دي بيوضة ما عاد فيها صيد
جيت هنا زي عمران .. ..(مرة) بس الفرق انه كل مرة بأسمع و ما بقدر أكتب !! أشكي و لا ... أسمع وأمشي من سُكات .. و هل المشي من سُكات بيودي الزول هناكـ !!
جاييكـ يا آخر المطاف !!
و بعد الدروب دي كلها .. يصل لمغارب صحراء بيوضة !! و كمان يوصفها بإنها بدون صيد .. ياخ الزول ده إتقطع !!
أنساكـ من حلول المطر في الوادي ضيف !! _ طارق ياخ رفقاً بهلاكنا.. وغد .. و ستظل وغدا تدري متي تعزف علي حواسنا (وتر خامس) "للعود ذو الاربع أوتار" أقول ليكـ شنو هسي .. الله يخلي حالتكـ زي ما خليت حالتنا
يانوسه سلامات ياخي عمايل اخواتكـ ديل ما بجرسن الله يديهن العافية
ود التوم حمدلله علي السلامة
نوبي الخاين والله صحبتكـ مافيها فايدة انت عارف اوربا دي ما فيها اوتار ولا اعواد زاتو ياخي ما ترسل لي اخوكـ (سَيت اوتار عود) كلها عشرة ريال و ليكـ علي دكين و دينا ما يجو جنبكـ تاني شفت المساومات و الابتزاز الجد جد
كل الدروب سايقاني ليكـ مشتاق كتير ولهان عليكـ جاييكـ يا آخر المطاف لابس الضفاف جرتق زفاف و النيل معاي .. ردد غناي غنت عصافير النهار و العطبراوي عريسنا سار
ركت علي القاش الغيوم/ النجوم لمعت اواخر الليل نجوم بيوضه ما عاد فيها صيف حل المطر في الوادي ضيف
Post: #45 Title: Re: ايها الجميلات .. رفقاَ بالمزازيكـ Author: حسين محي الدين Date: 05-08-2008, 12:46 PM Parent: #1
والله الليلة شككتوني في قدراتي الهندسية الفايل الاصلي اكستينشن mp3 و بلعب اوتوماتكـ الفايل التاني ده بلعب في (المريخ ) و الاكستينشن بتاعو برضو mp3 يعني ما بشتغل الا تضغط عليهو لو ما سامعين بعد ده يبقي حا نغير الاكستينشن بتاع الفايل لي wav او ننادي البوليس
Quote: ممدوح دمكـ تفرق بين الشعر و (عبدالعال السيد) و قيل تفرق بين العذاري الجميلات
عاشت البنات يا ممدوح ياخ
عاشت....عاشت....وعاش خدر....
هي لكن باقيلك نحنا بنقدر علي سيرةوسيرة البحر؟ (بفتح السين مره وكسرها مره)
Post: #50 Title: Re: ايها الجميلات .. رفقاَ بالمزازيكـ Author: Osman Musa Date: 05-08-2008, 02:00 PM Parent: #48
بيوضة ما عاد فيها صيف الصيف الجد هنا .. هنا الصيف البخليك مدبرس صباح العيد . العيد ياتو؟ يا .. ياعطبراوى يا عريس الف مبروك النهر الذى لايجلب الا حطب الشاف والكليت والصندل .. سير سير كل المشايخ على ضفافك .. دفق انداح انشر فى تلك الأرض وابذر فى بطنها الفيتريتا والبر والدبيكرى والدخن . وابذر كل الغناء المجنون .. سير وقطع جرايد النخل ويلعن أبو الشغل .. لحن فاخر وكلمات تنعش القلب .
.. ياخدر اسمع بعد فتنا من البلد الحنه بقت كدى ؟ اللخ والجلبطات ديك بقت اولد فاشن ..
ممدوح سِيرة البحر هينة باقيلكـ نحن بنقدر علي الدلاليكـ دي !! آزول .. حب وافرح ساي
عثمان يا ابن عمي وحاتكـ خوتكـ اللخ و الجليطـ وفقا لقانون الامزجة يستهويني و احس فيه بصدق الرغية في التبرج حالة كونه رسالة تستهدف مُرسل و مُستقبل واحد الجلبطات ادناه تأتي كيفما اتفق لمقتضيات العصر و الله يقطع طارئ القنوات الفضائية ياخي
البنيّات حاحن النوم من عيوني وروحن البنيات المن حلاتن عشرقن ركّن علي غصني بيقوقن نقدن قندول غناي ونقّطن شهد ولبن حسين اسه في ذمتكـ رفقا انا ولا رفقا ازهري
ودالتوم القطر يبرطع وسط السهول قاطع اوربا دي جت عليها .. من شمالا لي جنوبا و قصيدة عبعال قاعدة في القلب و جيب القميص الفوقاني دندنتهاو شيطاني جاب معاها قيدومة العريس لقيت البنيان قام و تم و ما اتعطن في عود افو .. اخوكـ يا امنقة مرقت العود و غنيتها للاسبانية المُحدقة في المعتوه اب عود وقضينا باقي الليل غنا و دخان و جدودو الله يطراها و يطراكـ بالخير ياود التوم
Post: #66 Title: Re: ايها الجميلات .. رفقاَ بالمزازيكـ Author: Emad Abdulla Date: 05-09-2008, 11:05 AM Parent: #55
Quote: دندنتهاو شيطاني جاب معاها قيدومة العريس
مجايبك .. ضريرة
Quote: لقيت البنيان قام و تم و ما اتعطن في عود
الله الله ..
Quote: غنيتها للاسبانية المُحدقة في المعتوه اب عود
لينا بي فالك .. و ينالنا من ( المحدقات ) الروحية و فواتح الشهية .. بركة جاه النبي ..
العزيز خدر حلوة شديد واحلى منها الجو الطلعت منو اتمنيت اكون الاسبانيه الفي القطر على الاقل كنت ح اكون فاهمه بتقول شنو واديك شبال حار في السيرة دي لكن بختها برضو .. مخير الله ..(يدي الحلق للملوش ودان)
ركّن علي غصني بيقوقن نقدن قندول غناي ونقّطن شهد ولبن
طارق جبرين والله انا مجهجهاني صورة بروفايلكـ فيها حَنان مدفق و فيها صرامة و تصميم ياخي اماتنا ديل والله انسب من يربي و يعلم جابن القوة و الحَنان ده كلو من ويين ؟
اسماء السمحة والله ياريتكـ كنت معانا كان شلنا شباكـ و ريحتو كان عطرت لينا قطرنا وكان الفرح عم والله ياريتكـ
Post: #58 Title: Re: ايها الجميلات .. رفقاَ بالمزازيكـ Author: فارس موسى Date: 05-09-2008, 02:07 AM Parent: #1
الصديق خدر
صوتك جميل ومترع ومليان شجن كثيف .
سماعك متعب جدا ..مرهق للروح الاصلا مرهقه ..
بتفتح علينا طاقات وجع لم تعد لنا طاقه لإحتمالها ..فرفقا بنا يا صديقى ..
الصاحب فارس ياخي والله كلنا ممكونين و غلبنا الصبر زاتو متابعكـ في بوستات بي غادي و شايفكـ ممكون و فايض بيكـ والله خجلان اقول ليكـ نصبر بس عندي صاحب يردد دايما انتو قايلين (ايوب) ده مات في حادث حركة ؟
ورق شنو يا سمية انت و بنياتكـ الجعليات ديل احسن تسعن ليكن برنتر printer و تطبعن و تتحنن والله يكون في عون منعم
بت المحيريبا ماعندي خبرها
حمزة سليمان عرفتكـ من امس اللحن هبشكـ راجع ايميلكـ واسمعني نشيدكـ
Post: #63 Title: Re: ايها الجميلات .. رفقاَ بالمزازيكـ Author: HAMZA SULIMAN Date: 05-09-2008, 10:53 AM Parent: #60
Post: #64 Title: Re: ايها الجميلات .. رفقاَ بالمزازيكـ Author: HAMZA SULIMAN Date: 05-09-2008, 10:56 AM Parent: #63
Post: #65 Title: Re: ايها الجميلات .. رفقاَ بالمزازيكـ Author: HAMZA SULIMAN Date: 05-09-2008, 10:58 AM Parent: #64
Post: #67 Title: Re: ايها الجميلات .. رفقاَ بالمزازيكـ Author: Emad Abdulla Date: 05-09-2008, 11:45 AM Parent: #65
حمزة سليمان .. !!!! الله يجهجهك
ثم .. يديك الفي مرادك
...... الللللللله يا همزة ياخي .. زولة حتى شرايينها الخدرا .. منقوشة !!! قادر يا رب .
صائد الجمال المعيق لمثل هؤلاء يضرب البضين ويشد وتين القلب وتترع الأفياء وُتحتشد لتنهل وبعدئذٍ: خم وصُر وخُم وصُر تاني يا أخي رفقا: فإن لنا قلباً ( رهيفاً) لا يقوى على (بهرة الجمال ) خاصة إذا ما رافقه : شَتَمُ ومخنق لك جمال يغرقك بهاء /طوكيو
ياحضرة شربات القوم .. سُكر العشاق أنا جيتِك مشتاق فى حالة درويش وزهوِك مالينى عناق فسّحنى بستان العِشق الطازج فضـّلنى على راحة بال و عزمنى على دهشة و ذوق ..
اووووووو .. عييييكـ مجيد شخصياَ !! والله لقد اخرجت الارض اثقالها مبروكـ الباسوورد ياخي و مبروكـ العرس تاني مقدما .. هل نباء الي علمكـ ان عاطق خيري بين ظهرانينا الاسبوع القادم في بيت السيد الرئيس ؟ ياريت تدق سدركـ و تلحقنا هنا نحن من غيركـ ناقصين ياخي
حاول يا مجيد تكون معانا الجمعة 6 يونيو
ياباشمهندس ياخي نحن ماعندنا من الشعر ده نصيب ؟ خلي البخاله ياخي و اجدع لي اخوكـ و اريتكـ طيب و المعاكـ
ما علينا لا سمعنا لا جابو لينا.. كفاية الشفناه.. وشال معاه قنقرة ضنبنا عارفنكم.. دايرين ترفعوا مننا القلم.. ان اترفع ما يترفع كفاية الكتبو.. وزاد فوق عجبو..
كدي قول لي يا خدوري الجميلات ديل من ياتو بلد وهيل منو.. إنس ولا جان.. ومجموعة المجرة ودرب التبان.. بنسأل وبس ! عسى يوم نتخاطر مع العالم الآخر.. ويتسئل.. وصف الشفتو .. ويقع تحت طائلة المواد...الإطلاع على أسرار في غاية الخطورة.. ويحول للتنفيذ بدون إخطار ولي أمره..
المسافر عارفكـ السماحة ما بتغباكـ يا اخوي الحِنن ديل شي هنود و شي يهود و شي مسلمين ما بتفقو إلا في انهن فيميلز و اهل حنان و مولانا قوقول الله يخدر ضراعو
انت كيفنكـ و مالكـ غايب ياخي
Post: #86 Title: Re: ايها الجميلات .. رفقاَ بالمزازيكـ Author: عمران حسن صالح Date: 06-04-2008, 07:03 AM Parent: #85
صباح أربعاء (وبداية) شهر .... الله يكفينا شر (آخر) الشهر .... قابلو بالجمال .........
