Post: #1
Title: المبدعة سناء جعفر
Author: عبدالمنعم الزين
Date: 05-06-2008, 11:13 AM
افتقدنا حرفك المبدع واحساسك الرائع وتلك الصور المرسومة بحرفك النابض ...هيا ابري القلم وابدي الكتابة وخلينا نستمتع بتلك الاحساسيس المدفونة ....طولتي الغياب ياخي خلاص الشمس غابت وعاوزين نحلل الصيام ....
ارجوك رجاء شديد جدا مرفوع للقوة تريلون ....
ومشتاقين كثير خالص
اخوك
عبدالمنعم الزين الطيب
|
Post: #2
Title: Re: المبدعة سناء جعفر
Author: عبدالغني كرم الله بشير
Date: 05-06-2008, 11:47 AM
Parent: #1
أخي عبدالمنعم، صباح خير وجمال..
فعلا، شوقنا لها، ولدقة وتهكم حدسها الجميل..
وتلك الكائنات المهمشة التي تسكن حوارى وازقها سطورها الحنونة...
عوالم خيري شلبي، وعوالمها..
والمانع خير ان شاء الله، رواية جديدة، فالخلوة للمبدع، تعني ميلاد طفل جديد...
كوني بخير..
|
Post: #16
Title: Re: المبدعة سناء جعفر
Author: sanaa gaffer
Date: 05-07-2008, 12:50 PM
Parent: #2
| Quote: والمانع خير ان شاء الله، رواية جديدة، فالخلوة للمبدع، تعني ميلاد طفل جديد... |
اديبنا الاستاذ عبد الغني كرم الله ...
اكتب خليط من اشياء اجد نفسي احيانا عاجزة عن فهمها .. هل ستكون شيئاً ؟؟!! .. لا ادري .. ربما ...
ما زالتي شخوصي المهمشة نفسيا تتصارع فيما بينها لتنهي حيرتي ... وانا انتظر بصبر حتى تفك اسري وتمنحني حرية افكاري ...
لك الود والتقدير ...
|
Post: #3
Title: Re: المبدعة سناء جعفر
Author: abubakr
Date: 05-06-2008, 03:02 PM
Parent: #1
ما عندها اية عوجةوبالف خير بس كسلانة كسلانة كسلانة
|
Post: #4
Title: Re: المبدعة سناء جعفر
Author: Muna Khugali
Date: 05-06-2008, 03:13 PM
Parent: #3
| Quote: ما عندها اية عوجةوبالف خير بس كسلانة كسلانة كسلانة |
خلاص يا سنويه..
كفاك كسل..
انفضيه واقعدي اكتبي كتاباتك الجميله..واملي البورد بيها...
مشتاقين ليك كتير..
شكرا اخي عبد المنعم زين..
|
Post: #18
Title: Re: المبدعة سناء جعفر
Author: sanaa gaffer
Date: 05-07-2008, 01:02 PM
Parent: #4
Quote: خلاص يا سنويه..
كفاك كسل..
انفضيه واقعدي اكتبي كتاباتك الجميله..واملي البورد بيها...
مشتاقين ليك كتير..
شكرا اخي عبد المنعم زين.. |
منوية العسل ... ازيك ... ياخي من اللقاء اليتيم داك وانا نفسي الاقيك تاني ...
لكن ما بالغتي في الصورة ؟؟ ... ( ريلي كيوت ) .. صحي السمح سمح ولو حلق قرعة  
وفعلا شكرا عبد المنعم لانو جاب لي الناس الحلوين ...
|
Post: #17
Title: Re: المبدعة سناء جعفر
Author: sanaa gaffer
Date: 05-07-2008, 12:57 PM
Parent: #3
| Quote: ما عندها اية عوجة وبالف خير بس كسلانة كسلانة كسلانة |
ابوبكر !!! ..
دة كلو وكسلانة ؟؟!! ...
انت غايتو الصحاري البتقطعها يوميا دي خلتك تشوف العالم كلو كسلان
خلاص ... هانت يا ابوبكر .. قربنا نمشي للتعب الجد ...
ـــــــــــــــــــــــــــ
الفرق بين الكسل والنشاط .. اجازة في السودان ... وواحدة في ماليزيا  اها .. تبدل ؟؟ ...
|
Post: #5
Title: Re: المبدعة سناء جعفر
Author: عزاز شامي
Date: 05-06-2008, 03:27 PM
Parent: #1
سناء،
تعالي...
نقرى ليك نبل ريقنا من عطشنا لحروف ليها معنى !
|
Post: #19
Title: Re: المبدعة سناء جعفر
Author: sanaa gaffer
Date: 05-07-2008, 01:06 PM
Parent: #5
Quote: سناء،
تعالي...
نقرى ليك نبل ريقنا من عطشنا لحروف ليها معنى ! |
عزوز ...
جاية جاية
ومتابعة باستمتاع مطباتك الخلتك تكتبي احلى كلام ...
اها جنس نضمك داك هو البيبل الريق ... وحمد الله على السلامة ...
|
Post: #6
Title: Re: المبدعة سناء جعفر
Author: انعام عبد الحفيظ
Date: 05-06-2008, 03:36 PM
Parent: #1
كتاباتك ليها طعم إفتقدناها
بطلي الكسل يا سناء ويلا منتظرنك تجي
شكراً عبد المنعم
|
Post: #20
Title: Re: المبدعة سناء جعفر
Author: sanaa gaffer
Date: 05-07-2008, 01:10 PM
Parent: #6
Quote: كتاباتك ليها طعم إفتقدناها
بطلي الكسل يا سناء ويلا منتظرنك تجي |
نعومي السكرة ...
جاياك بالدرب  عبي البترول لزوم مشاوير الكلاكلة وكدة ... عرفت انو حبيبتنا وصلت بطرفكم الليلة .. حمد الله على السلامة ...
لو مشيتي ليها بلغيها تحياتي ... بس خلي بالك من الرصيف
|
Post: #7
Title: Re: المبدعة سناء جعفر
Author: abubakr
Date: 05-06-2008, 04:29 PM
Parent: #1
عزاز -انعام- مني مدام اتلمتين هنا الا اجر البنية دي واجيبها للبوست دة حتي لو نايمة ....
|
Post: #8
Title: Re: المبدعة سناء جعفر
Author: الجندرية
Date: 05-06-2008, 06:35 PM
Parent: #7
سناء وصاحبتها كمان منى
في رجاك يا اخ ابوبكر تجرجرن لينا الاتنين
|
Post: #21
Title: Re: المبدعة سناء جعفر
Author: sanaa gaffer
Date: 05-07-2008, 01:14 PM
Parent: #8
Quote: سناء وصاحبتها كمان منى
في رجاك يا اخ ابوبكر تجرجرن لينا الاتنين |
اماني الجندرية ..
اها جيناك انا ومنى ... وكان لازم نجي ... لانكم احلى ناس .. والجية ليكم ليها طعم تاني ...
تسلمي ويسلم ذوقك ...
|
Post: #9
Title: Re: المبدعة سناء جعفر
Author: sanaa gaffer
Date: 05-06-2008, 08:07 PM
Parent: #1
| Quote: عزاز -انعام- مني مدام اتلمتين هنا الا اجر البنية دي واجيبها للبوست دة حتي لو نايمة .... |
ود الزين ... كل الناس الحلوين المرو من هنا ...
جاياكم ....
بس آخد نفس من كمية حوامة انت يا ابوبكر بالذات عارف سببها ...
ولكم محبتي ....
|
Post: #10
Title: Re: المبدعة سناء جعفر
Author: mamkouna
Date: 05-07-2008, 09:08 AM
Parent: #9
| Quote: بس آخد نفس من كمية حوامة انت يا ابوبكر بالذات عارف سببها ... |
ما تنسي في حوامتك دي..
تجيبي كل الهدوم مقاسين أكبر + جلاليب واااااااسعة و وهيييييييييييطة..
جردل الكعك دا كان ما خلصتيهو..ما بتمرقي من بطن بيتي!!!!
|
Post: #22
Title: Re: المبدعة سناء جعفر
Author: sanaa gaffer
Date: 05-07-2008, 01:22 PM
Parent: #10
Quote: ما تنسي في حوامتك دي..
تجيبي كل الهدوم مقاسين أكبر + جلاليب واااااااسعة و وهيييييييييييطة..
جردل الكعك دا كان ما خلصتيهو..ما بتمرقي من بطن بيتي!!!! |
ممكونة سلامات ...
ما تخافي .. الما بيخلص في بطن بيتك .. باشيلو اخلصو في بطن بيتنا
ومن هسة حاعمل عطاء لونش برافعة جبارة لزوم الزيادة المتوقعة وكدة يعني ...
تحيات كتااااااااااار ...
|
Post: #11
Title: Re: المبدعة سناء جعفر
Author: منى على الحسن
Date: 05-07-2008, 09:30 AM
Parent: #1
منعم ود امي كيفنك وكيف الحاجات الحلوة كلها
طلتك خلتني مرقت من جحر السجم ده والشغل الهده اضاي ...
بركة بي طلتك هناوالله فرحةوعيد ...
التحايا لكل من بطرفك ...سلام مودة مطبوق
سنوية دي يا منعم جاية بي اشراق خاص بس اصبر عليها تخلص اتفاقية اوسلو ...دي
تسلم يا منعم على السؤال
|
Post: #12
Title: Re: المبدعة سناء جعفر
Author: منى على الحسن
Date: 05-07-2008, 09:43 AM
Parent: #1
| Quote: سناء وصاحبتها كمان منى |
الجندرية سلامات .....
قد :
يصيبنا البيات واليباب احيانا ...وشي من حتى يقفل منافذ التواصل معكم ؟؟؟؟
ولكن تبقوا انتو الخاطر والفرح الممدود لينا ..
وتبقى الرجعة حتمية ....بلا تردد
( الليلة جيت كايس الفرح )
جندرية تسلمي على السؤال ...
|
Post: #13
Title: Re: المبدعة سناء جعفر
Author: abubakr
Date: 05-07-2008, 10:09 AM
Parent: #1
| Quote: جردل الكعك دا كان ما خلصتيهو..ما بتمرقي من بطن بيتي!!!! |
ممكونة
زي بعض المطارات في العالم سمعنا انو مطاركم بيعتبر الاوزان الاخري تبع الوزن الزائد وبعملو كمان قياس BMI .. اها الا كان بطن بيتكم دة يبقي helipad وسنوية يقلوها من هناك مع الجردل الفاضي
|
Post: #14
Title: Re: المبدعة سناء جعفر
Author: عبدالله داش
Date: 05-07-2008, 12:01 PM
Parent: #1
ود الزين الوجيه ...
جورى
المياسم خضّبت تذركانا ليك ...
توما ...
خصمّتك
(النبى ... الرسول ) أدينا مخّرج للوصول
فى صمتها تؤسس لفكرة إبداعها على مهل .
هي قد تعلم مدى إشتياق الجميع لما يخط يراعها ،
ولكنها كغيمة بين أحضان الريح
رهينة صدفة القدر الذي يسري ولاندري إلي أى البلاد يسوقها عمداً .
ونحن على إنتظار الوعد ( يا ... توما )
على مدار العام نترقب رزاز السحب كي تروي نضار الياسمين
هي من علمتني أن التصالح مع القلق حاله يجب معايشتها بإقتناع
( فقد فعلت )
وأفادت أن الإرتياح يأتى مشروطاً بتقبل أمر حالتك التي من صنع إنفاعالات المزاج .
كثيراً كنت أحاول جاهداً قراءة ما وراء العباره
فهي دائماً تخطها بفكرتين ،
الأولي قريبه جداً من إدراكى . والثانيه تُبحر في أقاصي الفهم ،
إذ أن أقاصيها تحتاج منا لوقفه متأمله حتي نتمكن من إصابة الهدف ،
هي المفاجأه التى ســرت في مفاصلي ولم أستطع تجاوزها بأي حال ،
كنت سعيداً بها وسأظل أذكرها كل حين ،
توما .....
منتظرين سماواتك تبشّرنا المطر ...
|
Post: #23
Title: Re: المبدعة سناء جعفر
Author: sanaa gaffer
Date: 05-07-2008, 01:33 PM
Parent: #14
Quote: ولكنها كغيمة بين أحضان الريح
رهينة صدفة القدر الذي يسري ولاندري إلي أى البلاد يسوقها عمداً .
ونحن على إنتظار الوعد ( يا ... توما )
على مدار العام نترقب رزاز السحب كي تروي نضار الياسمين |
داش ... يا صديق الزمن الجميل ...
كلما اتاني طيفك زائرا .. اتاني بصحبته عبق الياسمين الابيض ... روائح حلم مغلف بصوت ابوعركي وموسيقى الفاتح حسين ...
انا والغيم والريح .. تجمعنا امزجة ... وهوايات ... نعلن عن فرحتنا وغضبنا .. بنفس الاسلوب ...
دوما تسعدني لقياك ايها الكائن المتفرد بحلو الكلام وهمس حروف تعبث بالخيال ....
لك من الود ... اقصاه ... وكن بالف خير ...
|
Post: #15
Title: Re: المبدعة سناء جعفر
Author: sanaa gaffer
Date: 05-07-2008, 12:41 PM
Parent: #1
عبد المنعم الزين .. يا زول يا نسمة ..
كتر خيرك على سؤالك ..
تجدني مبعثرة هنا وهناك ... غالباً اقرأ بصمت ... واتفاعل احيانا عندما يستفزني شئ ما .. وقليلة هي الاشياء التي تستفزنا هذه الايام ...
اتصارع مع الحياة ودهاليزها .. فاصرعها حينا .. وتصرعني كثيرا .. وتخبئني بين ضفتيها كقطرة حائرة في بحر هائج ...
ساعود بماتسال عنه وتتوقعه .. اتمنى فقط ان يكون بمستوى التوقع ويستحق فترة الانتظار ...
لك تحيات طيبات زاكيات ... وعميق مودة ....
ـــــــــــــــــــــــ
تحية خاصة جدا لعروستنا الحلوة ... ولكل من هم بطرفك ...
|
Post: #24
Title: Re: المبدعة سناء جعفر
Author: عبدالمنعم الزين
Date: 05-08-2008, 09:39 AM
Parent: #15
الرائعة جدا سناء جعفر
عندما كتبت هذه الاحرف كان احتراقي الفؤاد من شوقي هو السبب ولم اكن اعرف ان الكثيرين يحترقون مثلي
هذا الرسالة هي عبارة عن استفتاء حقيقي لك يابت جعفر ......
مشتاقين كثير يعلم الله
الاحبة الكرام المتداخلين
لكم التجلة والاحترام واعذروني ان قصرت في الرد عليكم لكني وعدي لكم قائم فانتم اهل للوفاء دوما
لكم محبتي وحبي واجلالي
اخوكم
ود الزين
|
Post: #25
Title: Re: المبدعة سناء جعفر
Author: Tagelsir Elmelik
Date: 05-08-2008, 01:08 PM
Parent: #24
ان كان خير الكلام ما قل و دل
فيا سلام على سناء جعفر..
|
Post: #26
Title: Re: المبدعة سناء جعفر
Author: salma subhi
Date: 05-08-2008, 02:29 PM
Parent: #25
سناء
خالص الود والتقدير
|
|