فى بادرة لاتمت للدبلماسية ولاللاخلاق السودانيه بصلة موظفو السفارة يمرمغون انف ابناء الصحافة

رابطة ابناء الصحافه ذلك الكيان النشط والقومى التوجه كعادته فى الاعمال الانسانية
اراد تكريم نفر من منسوبى السفارة بعد انتهاء فترة عملهم.وتوجهوا بدعوتهم لهم
واختار المكرمون اليوم،ومع ان اليوم كان يوم سبت وبعد دوامين شاقات اقتطع ابناء
الصحافة من وقت راحتهم والتزامات اسرهم وقوت ابناؤهم ليكرموا هولاء.
ولم يخزل اعضاء السفارة ابناء الصحافه وكانوا كعادتهم موظفى المؤتمر الوطنى
الذين لا ينسون شئيا ولم يتعلموا شئيا ملوك البوربون هولاء، ولم يحضر احد من الثلاثه المكرمين ولم
يكلفوا انفسهم بان يرفع احدهم تلفون ليعتذر لاكثر من متين شخص احتشدوا
من التاسعة حتى الواحده مساءا..
ولو عرفنا السبب لاذدادت حيرتنا !!اذ كانوا فى احتفال ارتجلته مؤسسات
المؤتمر الوطنى المدجنة..والمسماة مجازا مؤسسات مجتمع مدنى.
ولم يذهبوا لهم لانهم مؤسسة مجتمع مدنى ولكن لانهم شلة مؤتمرجية واشباههم
من اصحاب الموالاة الهامشية الخجولة يخالطهم الانتهازيين والوصوليون.
لاتثريب عليكم ابناء الصحافه فى عمل انطلقتم فيه من حسكم القومى ومن اخلاقكم
السودانيه السمحة ونيتكم البيضاء وكماهو معروف النية اصل العمل وهى زاملة سيدها.
كما يقول اهلنا.ولا يضيركم شىء ان استكثر عليكم مثل هولاء ان يصلوا داركم
العامرة فقد شهدت داركم زمرا من الحجيج الرموز فقد شرفها نجوم المجتمع وساسته
ولفيف من العلماء.وماذا يضبر الطار اذا كان العازفين شتر؟؟
ابناء الصحافه انتم اعزاء والكلام يسر ببعضه ويجهر بالاخر ولحكمة كانت الصلاة.
فلو تافف القوم من الحضور الى داركم لانها فى حى شعبى فتالله لهى ارقى واعمر
من اى فندق خمسة او عشرة نجوم بلطفكم وكرمكم،ولو فضلوأ البوفيه المفتوح على اللقيمات
نشهد الله انكم دفعتوا قيمتها من حر مالكم ومن عرق جبينكم ولم تدفع من بزة اطفال
المرض والجوع والفقر،ولا من عرق من كانت حزوز الملح على جيدهم هى كرفاتتهم.
اخيرا يحضرنى بيت شعر مشهور:
ومن يصنع المعروف فى غير اهله وفى ذكاءكم بقية السطور ..
ولنا عوده لمبلغ الستة عشر الف ريال وحكاية الصررو بى بعرو
واياك اعنى واسمعى ياجارة...
حقيقى الاختشوا ماتوا،،،

Quote: كانوا فى احتفال ارتجلته مؤسسات المؤتمر الوطنى المدجنة

جحا أولى بلحم تورو..




مثل شائع..

طيب يوم الجمعة انا ماكنت قااااعد معاهم إلين الساعة حداشر بالليل ليه ماقالوا لي بكرة ناس السفارة جايييين ؟!!!!
غايتو جنس غايتو




عماد

Quote: جحا أولى بلحم تورو..

ابو رزقة كيف حالك ..قلت درر
كلام زى الفل..
طيب اين القومية التى يدعونها..
قال حكومة وحده وطنية وتحول ديمقراطى
انا متاكد من جرب المجرب حاقت به الندامة،،

أخى صديق الموج

حقيقة تعجبت غاية العجب من تصرف أهل السفارة والذين يفترض فيهم (الدبلوماسية) فكيف بهم يتجاهلون دعوة أتت لتكريمهم ويفوت عليهم حتى الإعتذار

هل حدث هذا حقيقة فى الرياض يا صديق؟؟؟؟؟

والله لو كان الذى قلته حقيقة ، فيا خسارة الدبلوماسية فى بلادى ويا خسارة القيم الجميلة ويا خسارة الإنسن عندما يمتلىء غرورا ويمشى الهوينى ظنا منه أنه قد ملك الدنيا بحذافيرها ،

والتحية عبركم يا صديق أرسلها لأبناء الصحافة لقيامهم بالدور الأصيل وقيامهم بالواجب ولكن مع الأسف قاموا به لمن لا يستحق ذلك

وشكرا لكم

ويا أسفا على الدبلوماسية التى من أبجدياتها الإعتذار لو لم يكن الوصول ممكنا ، أو أقله يرسلون أحدهم لينوب عنهم ويعتذر نيابة عن الآخرين

يا أسفا على الدبلوماسية وكفى

Quote: والتحية عبركم يا صديق أرسلها لأبناء الصحافة لقيامهم بالدور الأصيل وقيامهم بالواجب

شكرا اخي زول وتقبل تحياتي وتحيات اخواني في رابطة ابناء مدينة الصحافة ..

Quote: طيب يوم الجمعة انا ماكنت قااااعد معاهم إلين الساعة حداشر بالليل ليه ماقالوا لي بكرة ناس السفارة جايييين ؟!!!! غايتو جنس غايتو عماد

طيب يا عماد جنبك ما كانو بضربوا فى البوهية والجير
ده ما كلو للناس الما بستاهلو ديل..
تصدق استكثروا عليهم يرسلوا سواق يعتذر
من يهن يسهل الهوان عليه مالجرح بميت ايلاءم،،

والله ياخال أنا قايلها الصيانة السنوية بتاعت الخريف ديييك ، بس مش كان يقولوا لي يمكن كان كلمت ناس السفارة مايتأخروا ناهيك عن أنهم ما يجوا خالص ،

غايتو جنس غايتو ، بس بصراحة ماليهم حق ، أين الدبلوماسية هنا في هذا التصرف المشين ، ياأخي أضعف الايمان يتصلوا ويعتذروا بدل البهدله دي . ويجيك ود الباوقة ويقول ليك ناس السفارة .. ناس السفارة ياخي ديل بقوا ناس الزفارة بتصرفهم الارعن ده . قال سفارة قال .

مودتي


عماد

Quote: والله ياخال أنا قايلها الصيانة السنوية بتاعت الخريف ديييك ، بس مش كان يقولوا لي يمكن كان كلمت ناس السفارة مايتأخروا ناهيك عن أنهم ما يجوا خالص ، غايتو جنس غايتو ، بس بصراحة ماليهم حق ، أين الدبلوماسية هنا في هذا التصرف المشين ، ياأخي أضعف الايمان يتصلوا ويعتذروا بدل البهدله دي . ويجيك ود الباوقة ويقول ليك ناس السفارة .. ناس السفارة ياخي ديل بقوا ناس الزفارة بتصرفهم الارعن ده . قال سفارة قال . مودتي عماد

عماد محمود..تحياتى
لافض فوك ياعمدة...
قلت لى ناس الزفارة ماتخليها السفاهة مش اوجه
لان هذه سفاهة ان تدعو احد وما يعتذر حتى بالجوال
ناهيك كان ممكن يحضر احد المكرمين والا يرسل
واحد من موظفى مكتبهم وعددهم عند التلاته اكثر
من تسة اشخاص..زمن!!!،،،

ما يستاهلوا والله ناس السفارة ديل الاحتفال بيهم ذاتو


اقلاها كان يعتزروا ..


انتو ما كتبتوا رقم في حالة الاعتزار عن الدعوة !!!! ؟؟؟







يااولاد راسنا مرفوع بيكم فووووق

Quote: يستاهلوا والله ناس السفارة ديل الاحتفال بيهم ذاتو اقلاها كان يعتزروا .. انتو ما كتبتوا رقم في حالة الاعتزار عن الدعوة !!!! ؟؟؟ يااولاد راسنا مرفوع بيكم فووووق

انعام تلفون شنو ديل الى الساعة التاسعة بتصلو لياكدو حضورهم بس بكون جاتهم
اشارة ما يمشوا للغبش المعارضين ديل،مع انه ياكد قوميتهم دعوتهم
لدبلماسى الانابيب هولاء..
هسه حا يتصلوا يربتو على كتفهم ويقولو ليهم والله نجيكم اى وقت ونحن اسفين
والطريق ..لكن اولاد الصحافه لاتنطلى عليهم مثل تلك الاعذار الواهية
ثلاثه لم يفتح الله على احدهم بالتكرم بالمجى او الاعتذار..
ولكن كما قلت دار الصحافه جاءها عثمان حسين وهو نجم شكل وجدان
الشعب السودانى فماذا يزيدها حضور هولاء..
اولاد الصحافه قدامكم وراكم عديله اذهبوا فى مشاريعكم
وبرامجكم وسوف يرى الناس عملكم ورسوله والمؤمنون..
ولايهمكم واثقين منكم..واكلافكم التى دفعتموها ان شاء الله
فى ميزان حسناتكم ،مع انه اولى بها اشقياء الوطن..
وموضوع الستة عشر الف ريال حا افتح ليها بوست براها،،

ناس الصحافة يستاهلوا يا موج ..

هم دايرين يركبوا الموجه ..


ناس الباوقة عددهم في الرياض لا يتجاوز اصابع اليد ..

مشوا ليهم .. وقبلوا تكريمهم . عشان مؤتمرجية مصلحة واحدة ..



... ان شاء الله كونوا فهمتوا الدرس يا ناس الصحافة ...

يا صديق

ورينا اسماء الجماعة الرفضوا يمشوا منفوحة

Quote: ناس الصحافة يستاهلوا يا موج .. هم دايرين يركبوا الموجه .. ناس الباوقة عددهم في الرياض لا يتجاوز اصابع اليد .. مشوا ليهم .. وقبلوا تكريمهم . عشان مؤتمرجية مصلحة واحدة .. ... ان شاء الله كونوا فهمتوا الدرس يا ناس الصحافة ... يا صديق ورينا اسماء الجماعة الرفضوا يمشوا منفوحة

احمد والله كلامك صاح هسه دى لو واحده من موسساتكم الكرتونيه كان اتسابقوا عليها
والغريبه بدفعوا ليها حق التكريم ،سبحان الله..يعنى بصرروهم بى بعرهم
وعندى بوست قريبا عن مبلغ ستة عشر الف املك مستنادته اى صورة من
الطلب المقدم لتسول المبلغ،اى والله العظيم ايجار فندق وعشاء فاخر وايجار
ساوند وحق العازفين وحق المشاطه ..
والمساكين ديل دفعوا من عرقهم عشان يكرموهم ولم يصلوا منفوحه..
والمكرمين الذين رفضوا الحضور لمنفوحة والدعوة وصلتهم قبل اسبوع
واختارو يوم التكريم.
اللواء تاج السر عثمان المستشار
العميد الطيب المصباح الملحق العسكرى
العقيد الرشيد موسى الزين مدير الجوازات بالسفارة
الساده موظفى مكاتبهم وعددهم تسعة اشخاص
كان قلنا اللواءات والعمداء والعقداء مابمشوا منفوحه
الامباشيه المعاهم ديك فوق كم..
اى واحد يجى يعتذر بالنيابه عنهم،والبزيد المغصة جوالات الحكومة دى
ما يتصلوا بيها ماقاعدين يتكلموا بيها فى الفارغة والمقدوده..
ابناء الصحافه ازداد طولا كلما احنيت هامتى لكم ،نحن بكم
فخورين..والزول بتعلم بى قروشو،،،

صديق الموج ,, تحياتى ,,



يأخى هو لزومو شنو ,, ناس الرياض بعملوا ليهم فى حاجات عجيبه , أبناء الباوقه
بجيهه وناس الصحافه بجيهه وناس أمبربيطه بجيهه , إنتو ماعندكم جاليه توحد الشغل
ده ؟ ياصديق الناس ديل أديهم رأسهم .[/B]

Quote: أخى صديق الموج حقيقة تعجبت غاية العجب من تصرف أهل السفارة والذين يفترض فيهم (الدبلوماسية) فكيف بهم يتجاهلون دعوة أتت لتكريمهم ويفوت عليهم حتى الإعتذار هل حدث هذا حقيقة فى الرياض يا صديق؟؟؟؟؟ والله لو كان الذى قلته حقيقة ، فيا خسارة الدبلوماسية فى بلادى ويا خسارة القيم الجميلة ويا خسارة الإنسن عندما يمتلىء غرورا ويمشى الهوينى ظنا منه أنه قد ملك الدنيا بحذافيرها ، والتحية عبركم يا صديق أرسلها لأبناء الصحافة لقيامهم بالدور الأصيل وقيامهم بالواجب ولكن مع الأسف قاموا به لمن لا يستحق ذلك وشكرا لكم ويا أسفا على الدبلوماسية التى من أبجدياتها الإعتذار لو لم يكن الوصول ممكنا ، أو أقله يرسلون أحدهم لينوب عنهم ويعتذر نيابة عن الآخرين يا أسفا على الدبلوماسية وكفى

فعلا يا هشام مثل هذا لا تحصل الا من دبلماسى سودان الانقاذ
والله يشهد لم يرسلوا حتى مجرد سواق ليعتذر ناهيك عن الجوال
والاغرب انهم هم من حدد يوم التكريم واختارو اكثر ايام الاسبوع
اذدحاما وازعاجاوهو يوم السبت ولم يقصر ابناء الصحافه وزعوا الدعوات
وعملوا العشاء وجابوا ساوند سستم وظلوا فى انتظار هولاء الاباطره حتى الثانية صباحا
وبحسن نيه استفسروا خوف ان لايكون ان مكروه قد جرى فعلموا انهم
ذهبوا الى واحده من تنظيماتهم الكرتونيه والتى ينشاونها هم
ويملونها ويغدغوا عليها لانها تقيم احتفالها فى فندق مدفوع
اجره من عرق عمال تربيثة المواشى والحدادين الذين يعرقون اليوم
كله لياتى هولاء الافيال ويأطوا ما ادخروا..
حقا ما قلت وا اسفاه على الدبلماسيه،،،

انا ما قايلاها الجريدة

هو صحي سؤال ليه التفرز دي والجهوية والمناطقية بجد
اسلوب الانقسام ما محمود بل المرغوب هو التوحد كسودانيين مستدلين برسالة علي عبد اللطيف حينما رفض ان يطلق عليه سوى اسم سوداني

خلاص قول في كيانات
لزومو شنو يكرموهم يا ربي كانو بعملوا ليهم اعفاء من الضرائب (اشك في ذلك)
بجدددو الجوازات وبضيفوا الشفع بسهووولة من غير لكلكة وبيروقراطية (ما اظن)
سمح نان التكريم في شان شنو


اذا قلنا ما في داعي لتكريكمهم ابقى جوا ولا ما جوا اصلها ما قضية ولا موهيك يا صديق

Quote: صديق الموج ,, تحياتى ,, يأخى هو لزومو شنو ,, ناس الرياض بعملوا ليهم فى حاجات عجيبه , أبناء الباوقه بجيهه وناس الصحافه بجيهه وناس أمبربيطه بجيهه , إنتو ماعندكم جاليه توحد الشغل ده ؟ ياصديق الناس ديل أديهم رأسهم

كمال سالم العزيز ...تحياتى
كلامك فيه كثير من الصحة..ولا اخفيك سر ان قلت لك لاتوجد جاليه فى الرياض.
كيف تقوم جاليه والمؤتمر الوطنى يريدها جاليه تقتصر عضويتها
على منسوبيه،كيف تقوم جاليه وهم يقصون منها كل من يقول كلمة حق
او يدافع عن حق مستضعفين..كيف تقوم جاليه ومواردها مسخرة لعضوية
المؤتمر الوطنى والارزقيه والهتيفة والوصليين والانتهازيين.
ولكن ابناء الصحافه بقومية التوجه ارادو ان يكرموا سودانيين مسافرين
كعادة ابناء السودان اذا حل عليهم ضيف او صديق..ولكنهم لم
يقبلوا تلك لان شعار ابناء الصحافه علم السودان القديم ،ولان ابناء
الصحافه يضعون لوحه كبيرة فيها اسماء من عملوا من اجل ان تكون الصحافه
مدينه وبينهم اسمين وهم الشفيع احمد الشيخ وكان وقتها امين عام
نقابة العمال ،وفاطمة احمد ابراهيم وكانت عضو برلمان ناضلت من اجل
ان تقوم مدينة الصحافه..لذا لم يحضر هولاء..
ولاتنسى فى بالهم مالآت الدائرة 27 فى اخر انتخابات..
الصحافه كبيرة بابنائها وانجازاتهم..
لاتحتاج منى لتقريظ ويكفيها انها الرابطه الاكثر عملا فى الساحه..
قدما سيروا ابناء الصحافه،،،

الأخ صديق اكيد في لبس في الموضوع ما أعتقد
الأخوان في البعثة الدبلوماسية يعتذرون عن تكريم معد له
مسبقاً إلا الآن جمعية الصحافة لم تصرح بالنفي أوالتأكيد
وإذا حصل ذلك فالأمر غير مقبول

و الله فعلا ما يستحقوا تكريم

تصرف مخجل ومشين من منسوبي السفارة .

Quote: تصرف مخجل ومشين من منسوبي السفارة .

مخجل بس...ياخى ده عدم احترام للذات اول شىء
وعدم احترام للبشر..
عموما ناس الصحافه ما متضررين،،،

قلة ذوق ليس إلا ..

Quote: هو صحي سؤال ليه التفرز دي والجهوية

صفية العزيزة تحياتى
ده دأب المؤتمر الوطنى والموالين ليه
مابعرفوا غير مؤتمر وطنى ولم يسمعوا بان
هذه المناصب قوميه،ولا يعرفون ذلك..
من اجل هذا تجاهلوا بقية المسحوقين ،حتى فى
شأن مثل التكريم يا صفيه..
ليكم يوم ،،،

يا اخوانا عشان ما يسرح بيكم ود الموج ده .. هو فى الحقيقة عارف سبب كل هذه الانقسامات والصراعات وبدايتها ..

بعدين ما تخوف الناس بقروش السفارة دى ..

فمن كان منكم بلا خطئة فليرمها بحجر ..

اعنى لا يوجد كيان فى هذه الرياض يستطيع أن ينفى تلقيه دعما من السفارة لتنفيذ احتفالاته ..

عشان ما تكبر المواضيع يا موج .. ودى قروش ما بتساوى فى الغالب 10 فى المية من تكلفة اى احتفال

يقام ..

وهى مساهمة من السفارة لم تستثنى منها احد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تحدى يا موج

Quote: يا اخوانا عشان ما يسرح بيكم ود الموج ده .. هو فى الحقيقة عارف سبب كل هذه الانقسامات والصراعات وبدايتها .. بعدين ما تخوف الناس بقروش السفارة دى .. فمن كان منكم بلا خطئة فليرمها بحجر .. اعنى لا يوجد كيان فى هذه الرياض يستطيع أن ينفى تلقيه دعما من السفارة لتنفيذ احتفالاته .. عشان ما تكبر المواضيع يا موج .. ودى قروش ما بتساوى فى الغالب 10 فى المية من تكلفة اى احتفال يقام .. وهى مساهمة من السفارة لم تستثنى منها احد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تحدى يا موج

طبعا الكلام ده انكتب واخونا صلاح غريبه فى غداء جمعية الصحفيين السودانيين
ما مشكله فقد تعودنا ان يكتب الارزقيه باسمه ولكن نرد لغريبه المستنسخ
لا يضير..
اول شىء موضوع الستة عشر الف انا قاصد بيها ثمن قطعة ارض
فى الدروشاب ما عندهااى علاقة بالبوست ،لكن مادام فى قروش
بتصرفها السفارة وتديها لى ناس عشان يكرموها هى نفسها ومنسوبيها دى
ما ادونا ليها..
بعدين بصفتى عضو فى الرابطه الرياضيه الصالحية ظلت عشرة
اعوام لم تشهد ساحاتها دبلماسيا واحدا ناهيك عن دعم من السفارة
علما بانها اكبر واكثر مؤسسات المجتمع المدنى حضورا وعملا
فى الرياض..
وكل الدعم الذى تتحدث عنه والذى تقول لايساوى 10% من مايكلف
الاحتفال يعنى الاحتفال يكلف 160,000 ريال،ماشاء
الله،طيب ما بسيط المبلغ ده،ما المغتربين بدفعوا..
ان كل قرش تصرفوه على هذه الاحتفالات البذخية ،القشوريه
الترفيه،الهلامية،الصوريه،هو خصما على العلاج وعلى التعليم وعلى
قوت المساكين،من دافعى الضرائب..
صديقى اعلم تماما انك من تكتب الطلب دايما ومن يتولى امر اللغف
والصرف فى مثل هذه الاحتفالات ولكن ارحم نفسك..
اخيرا لايضير الصحافه ان يغيب عنها مثل من لايحترم الغير
وهم ببرامجهم سائرون..
وفقكم الله ابناء الصحافه فى هذا الزمن الردى،،،

صديق !!
جيتنا يومين في حفر الباطن ، وزغت مننا ما عرفنا حتى نتعرف بيك كويس!!
أنحنا ذاتنا الله مرقنا !
لكن قول لي ياخوي ،
هم ناسك ديل شنو بالله البوديهم يكرموا ناس سفارة الرياض الأنا بعرفهم ؟
ياخي ديل ما دبلوماسيين ولا الدبلوماسية جات بي جنبهم .
تحياتي

ولتوضيح مزيد من الحقائق

ناس السفارة ديل مرتبطين باحتفال اخر من قبل اكثر من اسبوعين على يوم السبت 3/5/2008 م

وربما يكون احتفال الصحافة ده جاء بعد كدة ؟؟؟؟؟ وأسالو ناس الصحافة حيكون عندهم الرد الشافى .

وكم مرة تشرفوا بدخول دار ابناء الصحافة العظماء ؟؟؟؟؟؟؟

Quote: و الله فعلا ما يستحقوا تكريم

حمد فتح الرحمن سلام
والله كلامك فى محله
لكن مش بتحرق حكاية زول تعزموا ولا يعتذر ليك
ولا تلفونيا،،،

Quote: فى بادرة لاتمت للدبلماسية ولاللاخلاق السودانيه بصلة موظفو السفارة يمرمغون انف ابناء الصحافة

أبناء الصحافة بيستاهلو




( البباري الجداد بيوديهو الكوشة )

مامثل ايطالي ..

الاخ الفاضل / صديق الموج

الاخوة المتداخلين

لكم جميعا التحية والاحترام

توضيحا لما أثاره الاخ صديق الموج من دعوة رابطة ابناء مدينة الصحافة بالرياض للاخوة في سفارة جمهورية السودان والذين انتهت فترة عملهم بالسفارة ..

الاخوة هم :
الطيب المصباح
الرشيد الزين
تاج السر عثمان

كلفت انا شخصيا من قبل اللجنة التنفيذية وكسكرتير ثقافي للرابطة بالذهاب الى مبنى السفارة والتنسيق مع الاخوة لتحديد موعد الحفل المقام بدار الرابطة بمنفوحة ...

وبالفعل ذهبت وقابلت الاخوة الذين أمنو على ان السبت هو اليوم الانسب لعدم وجود اي ارتباط مع اي جهة كانت ...

اذا جاءت اي جهة أخرى فقد جاءت بعد موافقة الاخوة على يوم السبت ... كان ذلك قبل 10 ايام ..

طيلة هذه الفترة كنت متابعا الاخوة بالاتصال الهاتفي ...

وتجمع الاخوة في الرابطة وعلى مدى اسبوع كامل للتجهيز وتعيير الموكيت والمكيفات ولم يطرأ جديد في برنامج الاخوة وحددوا الزمن ما بين التاسعة للحادية عشر من مساء امس ...

اتصلت ظهرا للتأكيد فلم يعتذروا ...
اتصلت بهم في تمام الساعة الثامنة والنصف فأكدوا انهم في الطريق ...
اتصلت بهم في الساعة التاسعة والنصف فقالوا انهم ما زالوا في الطريق ..
عند العاشرة وحينما اتصلت بهم تحدث معي الاخ الرشيد في انهم مرتبطين مع تجمع الكيانات ولكن سوف يمكثوا معهم ساعة ونصف ويتحركو على دار الصحافة ...


اتصلت بالاخ الرشيد في الحادية عشر وقال انو معاهم السغير ومن ناحية برتكولية لا يمكنهم الذهاب والسفير موجود !!!!!

تململ الاخوة اعضاء الرابطة ...
استاؤا الضيوف
كسرنا الروتين بفاصل غنائي لياسر العيلفون ولم يحضر المحتفى بهم ..
عنى المكاشفي خضر بشير ولم يشرفونا الاخوة المحتفى بهم...
ذهب نصف المدعوين ونحن في انتظار الاخوة
ذهب كل الاخوة الاعضاء والضيوف عند الساعة الثانية صباحا وكان آخر المودعين الاستاذ عبد المنعم عبد العال ..

اتصل الاخوة المحتفى بهم بعد الثانية صباحا ليقولوا لنا نحن في الطريق اليكم !!!!!

ابلغتهم بانه لا يوجد اي شخص في مكان الاحتفال ...

هذا ما حدث ليلة امس ..

شكرا لكل الذين لبوا هذه الدعوة

علاء الدين حيموره
السكرتير الثقافي لرابطة ابناء مدينة الصحافة بالرياض

Quote: الأخ صديق اكيد في لبس في الموضوع ما أعتقد الأخوان في البعثة الدبلوماسية يعتذرون عن تكريم معد له مسبقاً إلا الآن جمعية الصحافة لم تصرح بالنفي أوالتأكيد وإذا حصل ذلك فالأمر غير مقبول

الاخ نجيب تحياتى
تصدق هذا هو الحاصل بالظبط..
وهو غير المقبول الذى تحدثت عنه..
فعلا لم ياتى احد ولم يتصل احد بالتلفون..
ياخى الدبلماسيه دى علم..
ولكن ماذا نفعل للذين ينظرون على ان مناصب السفارة
حكر على حزب او فئة..
وليس للقومية مكانا فى عقولهم او فى اجندتهم..
ولكن هذا هو الحاصل يا حبيب،،،

Quote: قلة ذوق ليس إلا ..

حسام الدين كيف حالك
دى مش قلة ذوق
يا اخى ابسط ابجديات السلوك الاحضارى الاعتذار
خصوصا لما زول يكون عازمك..
وانا بفتكر الزول لما يعتذر بكون احترم نفسه
واحترم الشخص الذى دعاه..
ولكن هذا تصرف اقل ما يمكن ان يقال فيه انه مشين
خصوصا مشوا لجهة اخرى ..
عجبى،،،

وديل ناس الصحافة وجبرا زاتهم؟

البخليهم يبارو الجداد شنو على قول استاذ الطاهر ساتي

ياخوي انت اصلاً متوقع شنو من الناس ديل

غايتو نوع كلام السفارة ليست المؤتمر
ومنابر السودانيين لنا جميعا ًدي
طلعت قصة بايظة ساكت
مافيش فايدة يا صفية كما قال الزعيم

يستاهلوا ناس ( الصحافة ) وخصوصا ناس ( الصحافة شرق ) .. !!

Quote: يستاهلوا ناس ( الصحافة ) وخصوصا ناس ( الصحافة شرق ) .. !!

الاخ حميدة...تحياتى

ده رائك...طيب،،،

ان بقت على دى هينة


بس ما يكونو مقصرين( سفاريا) عندكم

Quote: ان بقت على دى هينة بس ما يكونو مقصرين( سفاريا) عندكم

انت افتكرت دى ما سفاريا؟؟
ياالمر اخوى دى هى الدبلماسية فى اسمى غاياتها،،،

Quote: ولو عرفنا السبب لاذدادت حيرتنا !!اذ كانوا فى احتفال ارتجلته مؤسسات المؤتمر الوطنى المدجنة.

لو عرف السبب بطل العجب!
مدجنة لاكين ما جمرة!
شن قدرهم يمشوا هناك وما يجو هنا!
جنى

Quote: شن قدرهم يمشوا هناك وما يجو هنا! جنى

طبعا ما بقدروا يا جنى..
طيب ما كانوا يلتزموا للناس ويوعدوهم بالحضور،،،

Quote: البخليهم يبارو الجداد شنو على قول ود البشرى

الليلة يا البهتان...
ود البشرى متين قال حاجة

الطاهر الكلام دا كيف ؟
يوم بلم فيني اطرش بنبذني على حسابك لا إيدي لا كراعي

Quote: ناس الصحافة يستاهلوا يا موج .. هم دايرين يركبوا الموجه .. ناس الباوقة عددهم في الرياض لا يتجاوز اصابع اليد .. مشوا ليهم .. وقبلوا تكريمهم . عشان مؤتمرجية مصلحة واحدة .. ... ان شاء الله كونوا فهمتوا الدرس يا ناس الصحافة ... يا صديق ورينا اسماء الجماعة الرفضوا يمشوا منفوحة

الاخ ود الموج وبقية الاخوة الكرام.

أنا أتفق مع رد الاخ أحمد حنين. ويجب نشر أسماء المحتفى بهم لكي نعرف حقيقتهم والى أين يتجهون، علشان ما يرجعوا السودان ويدعو بطولات زائفة عن تفانيهم في العمل وعن قومية السفارة وكلام بمثل هذا القبيل. أما مدافعة صلاح غريبة فهي العزر الاقبح من الذنب نفسه. يا غريبة نحن في زمن ثورة الاتصالات وبلاش أعزار واهية. وهذا يجب أن يكون درس للجميع.


دينق.

Quote: الاخ ود الموج وبقية الاخوة الكرام. أنا أتفق مع رد الاخ أحمد حنين. ويجب نشر أسماء المحتفى بهم لكي نعرف حقيقتهم والى أين يتجهون، علشان ما يرجعوا السودان ويدعو بطولات زائفة عن تفانيهم في العمل وعن قومية السفارة وكلام بمثل هذا القبيل. أما مدافعة صلاح غريبة فهي العزر الاقبح من الذنب نفسه. يا غريبة نحن في زمن ثورة الاتصالات وبلاش أعزار واهية. وهذا يجب أن يكون درس للجميع. دينق.

الاخ دينق هاك الاسماء:
اللواء تاج السر عثمان المستشار بالسفارة
العميد الطيب المصباح الملحق العسكرى
العقيد الرشيد موسى الزين مدير الجوازات بالسفارة
بعدين اعتذر الزول الذى يكتب باسم غريبه ما تشغل به نفسك كثير،،،

Quote: ولتوضيح مزيد من الحقائق ناس السفارة ديل مرتبطين باحتفال اخر من قبل اكثر من اسبوعين على يوم السبت 3/5/2008 م وربما يكون احتفال الصحافة ده جاء بعد كدة ؟؟؟؟؟ وأسالو ناس الصحافة حيكون عندهم الرد الشافى . وكم مرة تشرفوا بدخول دار ابناء الصحافة العظماء ؟؟؟؟؟؟؟

طيب يا الناطق الرسمى باسم السفارة اقتنعنا انو عندهم دعوة قبل شهرين
ولكن هم ثلاثة رجل اى واحد منهم كثيرة على ناس الصحافه؟؟
الا يوجد لدى اى منهم جوال للاعتذار؟؟
كل واحد معاه فى مكتبه سكرتير وبواب مايرسلوا اى واحد يمثلهم..
طيب اذا اتصلو بانفسهم الساعة تسعة وقالوا جايين انت رايك شنو؟
حجج واهية وكلام زول ماشى يقبض عديل..
ياخى الصحافه لابتنقص ولابتزيد بالناس دى على فكرة..
دى كيان كبير يموت مليون زول ويغيبوا مليونين تانين
وتبقى الصحافه..
ناسك ديل الفيهم اتعرفت،،،

Quote: يستاهلوا ناس ( الصحافة ) وخصوصا ناس ( الصحافة شرق ) .. !!

وناس مربع 15 كمان؟

صديق اخوي
تحياتي

قالوا
ان انت اكرمت الكريم.....................

Quote: صديق اخوي تحياتي قالوا ان انت اكرمت الكريم.....................

الاخ عثمان ....سلام
شكرا على ايراد بيت الشر اللئيم هذا،،،

Quote: Quote: فى بادرة لاتمت للدبلماسية ولاللاخلاق السودانيه بصلة موظفو السفارة يمرمغون انف ابناء الصحافة أبناء الصحافة بيستاهلو ( البباري الجداد بيوديهو الكوشة ) مامثل ايطالي

الطاهر ساتى يا شقيق مساءتك عسل
سمعا وطاعا من يوم الليله كل زول دربه براهو..
لكن شفت التصرف اللادبلماسى والما بشبه السودان ده..
كان الله فى عون الوطن،،،

الاخ صديق
خالص تحياتى
عندى اسئلة لناس الصحافة

Quote: علاء الدين حيموره السكرتير الثقافي لرابطة ابناء مدينة الصحافة بالرياض

ماهو السبب لتكريم اعضاء السفارة ؟؟
من هو الشخص او الجهة المسؤلة التى اقرت هذا الاحتفال ؟؟
كم كلف هذا الاحتفال من خزينة الرابطة ؟؟
هل هنالك جمعية عمومية للرابطة لمحاسبة مسوؤلى الرابطة لاقرارهم مثل هذة الاحتفالات المخجلة؟؟؟

الاخ الفاضل / معاوية الطيب
اهلا بيك
ومؤكد طال الزمن وان لم تخوني الذاكرة فقد التقينا أيام كنت في البنك السعودي وعمل شركة حيموره للخدمات الهندسية مع البنك ..

Quote: ماهو السبب لتكريم اعضاء السفارة ؟؟ من هو الشخص او الجهة المسؤلة التى اقرت هذا الاحتفال ؟؟ كم كلف هذا الاحتفال من خزينة الرابطة ؟؟ هل هنالك جمعية عمومية للرابطة لمحاسبة مسوؤلى الرابطة لاقرارهم مثل هذة الاحتفالات المخجلة؟؟؟

وردا على ما اوردته من أسئلة :

ان السبب في تكريم بعض اعضاء السفارة كان لانتهاء فترة عملهم بالرياض ولمشاركتهم اعمال الرابطة في فترة تواجدهم بالرياض ..

اما عن الجهة المسؤلة عند قرار الاحتفال في اللجنة التنفيذية .. واوردت هذا في مداخلتي لتوضيح بعض الحقائق ..
اما عن تكلفة الحفل فنحن في مثل هذه الاحتفالات لانمس مال الرابطة بريال واحد وبتكون التكلفة بقدر مساهمات الاخوة الاعضاء لهذا الغرض ...
وطالما هنالك لجنة تنفيذية مؤسسة ببقى من المؤكد هنالك جمعية عمومية فمثل هذه الاحتفالات ليست مخجلة بقدر رؤيتنا لما تقدمه من كسب اجتماعي للرابطة دون السعي لكسب مادي من اي جهة او منافع شخصية ...


يا ريت تتابع اعمال الرابطة عشان تقدر تغير من هذا المفهوم ...

Quote: الاخ الفاضل / صديق الموج الاخوة المتداخلين لكم جميعا التحية والاحترام توضيحا لما أثاره الاخ صديق الموج من دعوة رابطة ابناء مدينة الصحافة بالرياض للاخوة في سفارة جمهورية السودان والذين انتهت فترة عملهم بالسفارة .. الاخوة هم : الطيب المصباح الرشيد الزين تاج السر عثمان كلفت انا شخصيا من قبل اللجنة التنفيذية وكسكرتير ثقافي للرابطة بالذهاب الى مبنى السفارة والتنسيق مع الاخوة لتحديد موعد الحفل المقام بدار الرابطة بمنفوحة ... وبالفعل ذهبت وقابلت الاخوة الذين أمنو على ان السبت هو اليوم الانسب لعدم وجود اي ارتباط مع اي جهة كانت ... اذا جاءت اي جهة أخرى فقد جاءت بعد موافقة الاخوة على يوم السبت ... كان ذلك قبل 10 ايام .. طيلة هذه الفترة كنت متابعا الاخوة بالاتصال الهاتفي ... وتجمع الاخوة في الرابطة وعلى مدى اسبوع كامل للتجهيز وتعيير الموكيت والمكيفات ولم يطرأ جديد في برنامج الاخوة وحددوا الزمن ما بين التاسعة للحادية عشر من مساء امس ... اتصلت ظهرا للتأكيد فلم يعتذروا ... اتصلت بهم في تمام الساعة الثامنة والنصف فأكدوا انهم في الطريق ... اتصلت بهم في الساعة التاسعة والنصف فقالوا انهم ما زالوا في الطريق .. عند العاشرة وحينما اتصلت بهم تحدث معي الاخ الرشيد في انهم مرتبطين مع تجمع الكيانات ولكن سوف يمكثوا معهم ساعة ونصف ويتحركو على دار الصحافة ... اتصلت بالاخ الرشيد في الحادية عشر وقال انو معاهم السغير ومن ناحية برتكولية لا يمكنهم الذهاب والسفير موجود !!!!! تململ الاخوة اعضاء الرابطة ... استاؤا الضيوف كسرنا الروتين بفاصل غنائي لياسر العيلفون ولم يحضر المحتفى بهم .. عنى المكاشفي خضر بشير ولم يشرفونا الاخوة المحتفى بهم... ذهب نصف المدعوين ونحن في انتظار الاخوة ذهب كل الاخوة الاعضاء والضيوف عند الساعة الثانية صباحا وكان آخر المودعين الاستاذ عبد المنعم عبد العال .. اتصل الاخوة المحتفى بهم بعد الثانية صباحا ليقولوا لنا نحن في الطريق اليكم !!!!! ابلغتهم بانه لا يوجد اي شخص في مكان الاحتفال ... هذا ما حدث ليلة امس .. شكرا لكل الذين لبوا هذه الدعوة علاء الدين حيموره السكرتير الثقافي لرابطة ابناء مدينة الصحافة بالرياض

وقطع علاء الدين قول كل خطيب..
تعال يا العامل فيها غريبه فى شكل ورده..
قال عندهم ارتباط مسبق
ياخى احتفالكم ده قروشو استلمتوها قبل الحفل بيوم..
اذا لم تستحى فافعل ما شئت،،،

Quote: صديق !! جيتنا يومين في حفر الباطن ، وزغت مننا ما عرفنا حتى نتعرف بيك كويس!! أنحنا ذاتنا الله مرقنا ! لكن قول لي ياخوي ، هم ناسك ديل شنو بالله البوديهم يكرموا ناس سفارة الرياض الأنا بعرفهم ؟ ياخي ديل ما دبلوماسيين ولا الدبلوماسية جات بي جنبهم . تحياتي

درديرى يا حبيب والله لو فى شى واحد الزول يبكى عليه فى حفر الباطن
دى ناسها فقط..الحمد لله الله خارجك..
بعدين تقول شنو ده قدرنا يا الدرديرى نبتلى بى ناس
عايز تكرمهم يحقروك ولكن هكذا عودنا ناس المؤتمر الوطنى..
لايمكن ان يتركوا عاداتهم واقصاءهم للناس..
بس العترة بتصلح المشى،،،

العزيز صديق كيفنك
ناس الصحافة تعاملوا بشيم حقتنا وتوارثناها
لكن ناسك بتاعين السفارة ديل يحق فيهم قول الطيب صالح:
من أين أتى هؤلاء الناس؟؟؟؟
ديل ناس لا يستحقوا التكريم لا يستحقوا السلام
الحادثة دي ذكرتني سفير جاد عندنا في المغرب
وزي ما عارف الجالية هنا لا تتعدى الخمسين
المهم زولك دعا كل الناس الا انا ونسيبي
لمن سالنا ليه قال انا دعيت الناس الشغالين في الاعلام
وانا اعمل في اكبر صحيفة توزيعا في المغرب


غايتو ناس الصحافة ديل ربنا يثيبهم
وكويس اديتونا الاسماء عشان لو جوا هنا
نوريهم العين الحمراء

تليشة:
نفسي اعرف غريبة دة شايت وين

Quote: Quote: البخليهم يبارو الجداد شنو على قول ود البشرى الليلة يا البهتان... ود البشرى متين قال حاجة الطاهر الكلام دا كيف ؟ يوم بلم فيني اطرش بنبذني على حسابك لا إيدي لا كراعي

يا استاذ ساتي ، ود البشرى

حوصتو بينا
نحن نلقاها منكم ولا من ناس المؤتمر

ود البشرى العفو ياخ البهيتة احر من الميتة
دحين العفو
بنمش نصلحها لكن انت اتصلح معانا شنو اطرش وبتاع
برانا في راسنا ريشة

العفو ياخ حاشاك الطرش
دي للبنبذو بس - عشان اكون اخدت حقي مقدما


لكن اشمعنى الطاهر استاذ
كلنا اساتذة

السلام والتحية ألأخ صديق الموج والاخوة المتداخلين

سؤال برئ و بسيط جدا: هل هناك أي داعي لتكريم "ناس" السفارة السودانية في أي مكان؟
السفارات التي تكرم هي التي تعمل من أجل مواطنيها وليس عليهم, والجميع يعلم ماهي مهمة السفارات السودانية في هذا العهد البذئ.

السؤال لأهل الصحافة: اذا كنتم أنتم تكرمون أعضاء سفارة المؤتمر الوطني بالرياض فماذا تركتم لهم من عمل؟

والله تستاهلوا ..... وستتكرر التجربة ان لم تورث حكمة

هذه عظة وعبرة والسعيد من اتعظ بغيره

بشير اسماعيل

ولم يخزل اعضاء السفارة ابناء الصحافه وكانوا كعادتهم موظفى المؤتمر الوطنى
الذين لا ينسون شئيا ولم يتعلموا شئيا ملوك البوربون هولاء، ولم يحضر احد من الثلاثه المكرمين ولم
يكلفوا انفسهم بان يرفع احدهم تلفون ليعتذر لاكثر من متين شخص احتشدوا
من التاسعة حتى الواحده مساءا..

اخي الموج وبقية المتداخلين الكرام ..

علمت من مصدر موثوق بان المعنيين بامر الدعوة من اركان السفارة قد تقدموا باعتزارهم للاخ الكريم احمد عوض رئيس رابطة ابناء الصحافة وقد قبل مشكورا اعتزارهم . علما بان المعنيون بالامر سبق وان شاركوا ابناء رابطة الصحافة فعالياتهم مرات عديدة مما يدحض مسالة منفوحة وما نافحها ..



ود الباوقة

Quote: كمال سالم العزيز ...تحياتى كلامك فيه كثير من الصحة..ولا اخفيك سر ان قلت لك لاتوجد جاليه فى الرياض. كيف تقوم جاليه والمؤتمر الوطنى يريدها جاليه تقتصر عضويتها على منسوبيه،كيف تقوم جاليه وهم يقصون منها كل من يقول كلمة حق او يدافع عن حق مستضعفين..كيف تقوم جاليه ومواردها مسخرة لعضوية المؤتمر الوطنى والارزقيه والهتيفة والوصليين والانتهازيين.

سلوك يشبههم
وبعدين يا ناس الصحافة موش زمااان سقطوا الترابي في الانتخابات
احقاد من زمان بيحملوها لينا

Quote: تصرف مخجل ومشين من منسوبي السفارة

التصرف المشين هو تكريم منسوبي السفاره









.......

رضيتو بالهم والهم ابي ليكم
تستاهلو

الاخ صديق الموج ,,,, السلام عليكم ورحمة الله و بركاته

اولا هذه المداخلة ليست دفاعا عن اعضاء السفارة الذين كنتم تنوون تكريمهم , و لكنها كلمة حق اريد ان اقولها
كنت اليوم بالسفارة السودانية و بالتحديد مع الملحق العسكري الجديد و القديم ، لنفس الغرض الذي قمتم به و ذلك لتكريمهم حيث ان هولاء النفر الكريم من ابناء السودان و اعضاء السفارة ، لهم مشاركات و اجتماعيات مع جميع فعاليات الشعب السوداني بكل قطاعاتهم الاهلية و القبلية و المهنية و الفئوية ، ما دعوا لمناسبة الا ولبو افرادا و جماعات
نعود للزيارة التي قمت بها للسفارة
فقد سمعتم يتحدثون عما دار ليلة امس و كيف ارتباطاتم الكثيرة و ضيق الوقت جعلهم يقسمون يومهم الي عدة مناسبات ليرضوا الجميع . و لكن ما حدث يوم امس كان هناك كريم في فندق و معروف ان الفندق لديه نظامه حسب الاتفاق من حيث زمن استئجار الصالة فكان لابد لهم ان يجاملوا هولا الناس ثم يجوا عندكم لانكم حسب علمي كنتم مجتمعين في داركم العامر و بالتالي كان في نظرهم بأنكم ستنتظرون ،،، رغم انهم في حوالي الساعة الواحدة تحركوا ليأتونكم و لكن تم اتصل عليهم احد و قال لهم خلاص الناس مشت ،،، و ارجوا ان نجد لهم العذز و الذي حصل ابدا لم يكن مقصودا فهولاء الناس ما دعوا لاي مناسبة الا و لبوا النداء ..و



ادم العمار

تستاهلوا!! إذا كان من بين المراد تكريمهم المجرم المدعو اللواء أمن تاج السر السنجك أحد أباطرة التعذيب والذى نال المكافأة على ما أقترفت يداه الآثمتين بتعيينه فى هذا المنصب الدبلوماسى بمسمّى المستشار الفنى. هذه الوظيفة التى اخترعها جهاز الأمن للتغطية على عملائه!!
هل سمع أحدكم فى تاريخ الدبلوماسية السودانية أو العالمية مثل هذه التسمية من قبل؟

إنهم يسرقون ويكافئون على جرائمهم من أموال الشعب فذرهم يأكلون ويتمتعون إلى حين.

تفنى اللذاذة ممّن نال صفوتها من الحرام ويبقى الإثم والعار

تبقى عواقب سوء من مغبّتها لا خير فى لذّة من بعدها النار

Quote: تستاهلوا!!

محمد احمد الريح ..سلام يغشاك
لكن طبعا التوبه لى حبوبة...
ما اظن تتكرر تانى..
ما اصلو الزول بتعلم بقروشو!!!

Quote: وبالفعل ذهبت وقابلت الاخوة الذين أمنو على ان السبت هو اليوم الانسب لعدم وجود اي ارتباط مع اي جهة كانت ... اذا جاءت اي جهة أخرى فقد جاءت بعد موافقة الاخوة على يوم السبت ... كان ذلك قبل 10 ايام .. طيلة هذه الفترة كنت متابعا الاخوة بالاتصال الهاتفي ...

الغريب غريبة أها تعال أفتي لينا في الحته دي ، الناس ديل ماقالوا عندنا إرتباط وقالوا لينا بأنهم جاييين جاييين وحتى الساعة التاسعة مساء . يعني أي دعوة أخرى ح تكون جات بعد ذلك . وهنا مربط الفرس . ياأخي لما تدافع دافع عن حق وليس عن باطل والساكت عن الحق شيطان أخرس .

ود الباوقة :

Quote: علمت من مصدر موثوق بان المعنيين بامر الدعوة من اركان السفارة قد تقدموا باعتزارهم للاخ الكريم احمد عوض رئيس رابطة ابناء الصحافة وقد قبل مشكورا اعتزارهم

ود الباوقة بغض النظر عن إعتذارهم أو غير ذلك . هم قالوا جايين ليه ما جوا ، ويعتذروا بعد شنو !!! بعد ما الناس خسرت وساهرت في إنتظارهم !!! هل كنت ستكون سعيداً لو لم يجوا عندكم عندما كرمتهم رابطة أبناء الباوقة !!! هل كنت ستقبل إعتذارهم ؟!! ياخي هم من إختار اليوم يعني ما عندهم أي عذر ، والناس المشوا ليهم ديل أفضل من ناس الصحافة في شنو !!! ولا علشان هم ...... . ياخي لا تدافع عن الباطل وخليك مع الحق وأنت أهل لذلك .


عماد

الاخ / ود الباوقة

تحية واحتراما

Quote: علمت من مصدر موثوق بان المعنيين بامر الدعوة من اركان السفارة قد تقدموا باعتزارهم للاخ الكريم احمد عوض رئيس رابطة ابناء الصحافة وقد قبل مشكورا اعتزارهم .

الحقيقة الغائبة عن اذهان الناس اننا لسنا جهة سياسية وانما رابطة اجتما عية .. خيرية __ ثقافية __ رياضية ..

اذا لا وجود لنشاط سياسي داخل هذا الكيان ولسنا طرف في اي صراع سياسي وكل شخص منا له اهتمامات سياسية بمارسها خارج بوابة الرابطة ...

فالرابطة هي سفارة اهل الصحافة وهي تجتهد في حل ازمات اهلنا في مدينة الصحافة والرابطة زيها وزي اي كيان منضوي تحت سقف السفارة ولن نستطيع التحرك بدون رعاية السفارة حسب القانون ...

اذا فالرابطة تجني من تكريمها احترام الهيئة القائدة وكسبها الادبي وعندما اقامت حفل التكريم كان لمواقع الاخوة وليس بصفات شخصسة او بمنظور عمل سياسي او كسب مادي ..

مبررات واعتذار الاخوة المكرمين والذين لم تسعفنا الظروف لتكريمهم ووداعهم بثصرفهم الذي جانبه الصواب سوف يناقش على مستوى اللجنة التنفيذية بعد رفعي للتقرير وملابسات هذا اليوم ...

لا الاخ رئيس الرابطة ولا اي عضو لديه الصلاحية في قبول عذر او تحديد يوم لاعادة تكريمهم وانما القرار في يد اللجنة التنفيذية بعد اجتماعها ومناقشة كل الجوانب ...


فارجو من الاخوة والذين يتحدثون وكأنهم مفوضين من قبل المحتفى بهم والذين اشك في انهم فوضوا من يتحدث نيابة عنهم ان يتحروا الدقة في مداخلاتهم ويتحدثوا عن وجهة نظرهم فقط .. فأخي ود الباوقة اركان السفارة اتصلو بي عند الساعة الثانية صباحا وانا الذي ابلغتهم بانني لست مفوضا بقبول اعتذار اي شخص ولا استطيع ان ادعو الاخوة اعضاء الرابطة لليوم التاني لتكريمهم حسب مقترحهم والامر برمته يمكنهم الرجوع به للاخ احمد عوض رئيس الرابطة والذي اوضح لهم ان اعتذارهم سيكون امام اللجنة التنفيذية في اجتماعها ... اذا فاي مصدر استندت عليه بقبول اعتذار الاخوة في السفارة ؟؟؟؟

كان الاولى ان تكلف نفسك وتتصل بالرابطة وتنقل وجهة نظرهم بدلا من توضيحك الذي لا نقبله ,,, يمكنك الاتصال بالاخ احمد عوض او الحضور الى دار الرابطة ...

فالصحافة قادرة على وضع الامور في نصابها ..

Quote: هذه عظة وعبرة والسعيد من اتعظ بغيره

بشير اسماعيل تحياتى
اتعظنا ياحبيب...
وفعلا اهلنا بقولو:
السعيد يشوف فى اخوانه،،،

سؤال؟؟

ولماذا يكرم ابناء الصحافه ناس السفاره؟؟؟؟
ناس السفاره عملو شنو لى ناس الصحافه
الصوره غير مكتمله فى بالطريقه القدامنا دى
لكن
يستاهلو

هسع البوست ده مره مرور الكرام كده بهنى وانا ما شفتو والله دى حكاية

ديل مش إخوتنا ناس علاء حيمور ومحمدالأمين وعادل جبارة اكان هم ( الكنداكة ) !!

كدا وضح لى يا ود الموج هم ديل والله ناس تانين الله يرضى عليك ؟

أذا ياهم ياهم بصراحة ده كلام ما ينسكت عليه بس قول لى وما عليك !!

لللامانــــة
كنت مــن ضمــن الحضور باحتفاليــة تجمع الكيانات بقصر الستين
بالملز 0 وأذكر تماما بأن المعنيين بالتكريم كانوا علي عجلـــة من أمرهم
وأن مقدم البرنامج علي الكرار كان ينبـــه لاختصار الكلمات وكل مرة يذكر بأن
المودعين لهم ارتباط اخر 0

ولكن هنــأك مشكلة في كل مناسبات الرياض بشتي ضروبها ومرجعياتها
لانعير الوقــت اهتمـــام هذه حقيقة 0 تصلك الدعوة للبرنامج الساعة التاسعة
ليبدأ البرنامج بعد منتصـف الليل 0 ذيادة علي أن معظم الحضــور
أي زول داير فرصــة للكلام ( واليمسك المايك يفكه منو الشديد القوي)
السودانيين بما فيهم المسئولين علي أعلي المستويات بحاجة كبيــرة
لثقافــة الوقــــت 0 ويجب علي معدي المناسبات تكريس مبدأ بدايةالبرنامج
في الوقت المحــددوالمعلن بمن حضــر انشاء الله مخاطبة الكراسي وهي فاضيـــة 0
اقتـــرح
علي المحتفي بهـــم تحديد يوم في ما تبقي لهم من أيام للحضور لدار الصحافة
ليس ليكونوا( موضع تكــريم ) انمـا لتكريـــم أبناء الصحافـــة واللجنـة التنفيذية
بصفة خاصــة فهؤلاء النفـــر والشهادة لله لم ينظمــوا فعالية والا كانت حديث الناس
وكان النجاح حليفها 0 أذكر اخر فعالية تشرفت بحضورها تكريم الشاعر المبدع حاتم
الدابي (بحضور القنصل الاستاذ احمد يوسف ) لهم قـدرات عالية في صناعة الفــرح
واسستنساخ الليالي السودانيــةالجميلة وانشاء الله أناواثق بأن المحتفي بهم
بحسهم القومي قادرين علي معالجة ماران علي القلــوب خاصة بعد قبـول الاستاد الفاضل
أحمد عوض رئيس الرابطة لعزرهم في نفس اليــوم 0 شكرا ودالمــوج (المثل بقول المادارك مالامــك )

Quote: غايتو نوع كلام السفارة ليست المؤتمر ومنابر السودانيين لنا جميعا ًدي طلعت قصة بايظة ساكت مافيش فايدة يا صفية كما قال الزعيم

الجندريه صباحاتك نواضر
ده كلام للاستهلاك المحلى يعنى بنج موضعى..

يا الحبيب / صديق الموج .. تحياتى الموضوع بايظ !!

ده كلو هين طبعا ناس الصحافة برضك برضك رجال مهتمين بالشان العام مقارنة بهذا

الأب الذى فتح بوست يسال فيه ( عن إمتحانات القياس للشهادة العربية )


وله بورداب الرياض والذين كانوا من المفترض متابعة هذا البوست والمشاركة فيه

عارف ليه لأنو الناس بتعول عليهم في مثل هذه الاخفاقات والممارسات الهوجاء !!

قلت كلام وضحكت منو .. ياأخى هم بورداب الرياض فاضين لي من الحفلات والتصوير والفلاشات

والدعاية والاعلانات الموضة الجديدة... طبعا ده بعد ما أتششتتوا وبقوا يشوفو مصالحهم وين

ومع مين ( التمكين ) بعد أن صاروا شلليات الليلة ناس فلان داعيننا عشا وكده .. يا فلان جيب

الكمرة الديقيتال أنا حالبس القميص الرمادى وغنت البس بدلتك الكحلية !!

قال شنو .. قال بورداب الرياض قال ... 180 درجة عكس رسالة منبر سودانيز أونلاين وطن من لا

وطن له ومنبر من لا منبر له ولسان حال الانسان !! وآسفاى ويا حيف على الرجال ؟!

Quote: وله بورداب الرياض والذين كانوا من المفترض متابعة هذا البوست والمشاركة فيه عارف ليه لأنو الناس بتعول عليهم في مثل هذه الاخفاقات والممارسات الهوجاء !!

.. يا هلبــاوي ..
سؤال لو تكرمت رد لي عليهو بي صراحـة ..
مريت على البوست دا كله بيلعب علي كله في الرياض ولاحظت لي ردك وعبد الفتاح أبو شيمة:

Quote: لو بورداب الرياض برضو داخلين في الموضوع دا؛ تبقى مصيبة والله دي وافضيحتاه اللّي قالوها زاتو

.. ودا ردك ليهو ..

Quote: الأستاذ / أبو شيمة .. تحياتى وفائق إحترامى الرجل ما قال لك : مجتمع الرياض كله بيلعب كله وما فرز جمعيات نسائية ورجالية ونوادى حنة وجرتك وزار كلها فلاشات وتصوير دعاية واعلان !!

.. والان قريت ردك المقتبس فوق داك ..
فما عارف .. إنت عايز تصل لي شنو بالضبط مع بورداب الرياض ..؟
أو بي صورة أوضح ليه قاعد تحشر في اسم بورداب الرياض في التصفيات الشخصية دي .. وفي الما عندهم بيهو اي دخـل .. بورداب الرياض وانا واحد من بينهم .. تجمعني علاقات مميزة معهم ومع اسرهم .. الكلام الاتكتب في بوست نجيب داك ما بيشبه بورداب الرياض ولا اسرهم انهم يكونو فيهو وراح اكتب ليهو الكلام دا هناك وعينك بتشوف .. والكلام الحاصل هنا دا .. بورداب الرياض واسرهم برضو ما ليهم اي علاقة بالحاصل دا ..
مش لو كان عندك موضوع .. كان الافضل ليك تنادي وتسأل وتستفسر عن ابناء الصحافة العضوية هنا دا .. ومعظمهم نشاطاتهم محصورة في منتداهم اكثر من مشاركتهم في تجمع بورداب الرياض ...
عندك كم عضو هنا من ابناء الصحافة له عضوية في البورد دا .. ليه ما استعنت بيهو وبالمقابل دخلت بورداب الرياض ساندوتش في النص ..
يا هلباوي ... العندو فيكم اي تصفيات .. أرجو انو يعمله بعيد عن بورداب الرياض .. إذا تكرمتو لانو لسه نحن المرحلة بتاعتكم دي ما وصلناها .. ولما نصله بعدين بنديكم خبر ..


والله حاجة تقرف بالجد

Quote: والله حاجة تقرف بالجد

لا فض الله فوك يا تامبا ، وتسلم يا أسد وياحارسنا وفارسنا.

مودتي

عماد

Quote: والله حاجة تقرف بالجد

تقرف وبس ..
والطريف في الموضوع شال الرد دا بضبانته ولصقوا في بوست تاني ..
آدم الهلباوي عنده مشكلة كبيرة مع بورداب الرياض .. الظاهر كايس ليهو حاجة وما لقاها ..
رغم انه الناس اعلنت مليون مرة .. انه يا جماعة الخير الكايس ليهو أمجاد شخصية ما بلقاها عند بورداب الرياض ..
والكلام دا اتكرر للهلباوي عدة مرات .. وكنت بفتكر انه استوعبه ..

..
..

اولا

ود الباوقة .. كضاب ...


ويا علاء الدين حيمورة ..

تستاهلوا الشقا والعذاب ...

Quote: صديقى اعلم تماما انك من تكتب الطلب دايما ومن يتولى امر اللغف والصرف فى مثل هذه الاحتفالات ولكن ارحم نفسك.. اخيرا لايضير الصحافه ان يغيب عنها مثل من لايحترم الغير وهم ببرامجهم سائرون.. وفقكم الله ابناء الصحافه فى هذا الزمن الردى،،،

بناء علي الإقتباس اعلاه

سؤال لي ود الباوقة ..

قبضتوا كم من السفارة في التكريم ؟؟؟


ناس يدفعوا من ضرائب المغتربين والصندوق الخيري عشان
يودعوا روحهم ... يا للعار

أخى المحترم جدا / تمبس .. تحياتى وفائق إحترامى

صدقت والله حاجة تقرف .. يا أخوى الحال يغنى عن السؤال ويبدو لي البوستات

الإنت ذكرتها دي بس الدخلت فيها لكن كده نقب ولسع تابع بقية البوستات

تتذكر يا تمبس لما دعى نائب السفير ( يسين ) بورداب الرياض على ما أظن

قبل سنتين وعلى ما أذكر كان هنالك إسماعيل وراق وحميدة وآخرين لماذا

كانت تلك الدعوة كانت للاستقطاب وكده عشان البورداب يكونوا لسان حال السفارة

وبث التوجهات لكن يبدو وقتها كان كل منايدرك دوره ويتفهم معانى وإنفضت السيرة

وذلك لا يعنى أن هدف السفارة إنتهى لابد من تسعى وتسعى ويبدو أخيرا وجدت ضالتها

فى بعض من بورداب الرياض أنا لم أتهم أحد لكن الصور الكتيرة المشتتة فى المنبر

تغنيك عن السؤال ولأنهم هم جزء من بورداب الرياض قطع شك بورداب الرياض حيصيبهم منو

رشاش هذاالذى أقصده دون تاويل وأيضا الأخ الريس ابو جهينة فتح بوست حولنا له وجهة

نظرنا بكل اريحية وموضوعية دون همز ولا لمز وأدخل فيه تفتكر أنا لما قلت الكلام ده

ما عارف ما هى ردود الأفعال !! والله عارف وكمان إلى أى مدى تصل لكن يا صحبى نحن نؤمن

بأن الذى يسكت عن الحق أو مجرد يدارى عليه شيطان اخرس .. وأنا طلبت من الريس أبو جهينة

أن ينعدل الحال لأننا كلنا أعضاء فى بورداب الرياض إن شاء الله يكون وضح ليك كلامى مع تحياتى

وفائق إحترامى وإنت برضك عزيز وغالى ..

Quote: قبل سنتين وعلى ما أذكر كان هنالك إسماعيل وراق وحميدة وآخرين لماذا كانت تلك الدعوة كانت للاستقطاب وكده عشان البورداب يكونوا لسان حال السفارة

كذاب يا هلباوي ..
الدعوة منشورة هنا في ارشيف المنبر ..
وهي دعوة رسمية موجهة من السفارة لكيان بورداب الرياض .. حضره عدد كبير منهم ..
ومثل هذه الدعوات ارسلت لجميع الكيانات الفي الرياض .. ( وجميع الكيانات تكرم السفارة وابناء الصحافة مثال ) ..
لماذا فقط دعوة بورداب الرياض تكون للـ( استقطاب ) .. ما كان يستقطبوا الناس القاعدين في السفارة اربعة وعشرين ساعة ديل ..
وانت واحد منهم ..
ليه يتعبوا معانا نحن .. ما انتو قاعدين وجاهزين وكل يوم بتكرموا فيهم وبتنافقوا ليهم ..
هل بتفترض ان بورداب الرياض دي ( قطيع غنم ) .. كل واحد يمشيهم علي هواه ..

..
..

واصل في تصرفاتك دي .. محتاجين جدا انه الناس تظهر علي حقيقتها ..

Quote: بورداب الرياض على ما أظن قبل سنتين وعلى ما أذكر كان هنالك إسماعيل وراق وحميدة وآخرين لماذا كانت تلك الدعوة كانت للاستقطاب وكده عشان البورداب يكونوا لسان حال السفارة

طيب يا هلباوي .. طالما انك شايل دا كلو في صدرك ومتقل عليك ..
مالك بتجي تدخل في المحلات الغير مناسبة وتجدع ليك كلمة كلمتين تطعن بيهم الناس ..
مش كان من الافضل تفتح ليك بوست يناقش المسالة دي ... دا لو فرضنا جدلا انك تسعى لذلك وبي شفافية وتعرض المسالة دي بين الناس .. وهناك طريقة أخرى داب البورداب على القيام بيها .. وهي كيفية إدارة أي صراع بطريقة دبلوماسية وعن طريقة الاجتماع الداخلي .. وهي الطريقة التي حافظت على هذا التجمع من وقت طويل .. قبل أن تنضم له خلال هذه الفترة البسيطة جدا ..
يا ادم الهلباوي ..
حكاية انو البورداب يكونو لسان حال السفارة دي ما عارفك قاصد بيها شنو .. أو قدرت تكتبه كيف ..؟
يعني يا هلباوي تفتكر انك ح تكون اذكي من كل الناس الفي التجمع بتاع بورداب الرياض دا .. واللا كمان الدعوة الاتوجهت للناس وعملتوها لينا كل دقيقة والتانية زي اللبانه ..
طيب يا هلباوي ما ياكا انت .. وكتيرين زيك .. السفارة دي ساكنين فيها سكن .. حد جا قال ليكم ياخ انتو لسان حال السفارة .. واللا ابواق ليها ..؟
يا هلباوي .. ارجو ان لا تحاول ان تلمح بمثل هذه التلميحات الغير كريمة ..
مجموعة بورداب الرياض .. جسم خاص جدا في تكوينه .. في شكله .. في نفسيات اعضائه .. وله طريقة مميزة في الالتفاف حول نفسه وعضويته .. حاول الكثيرين عبر سلوكيات مختلفة .. ومداخل كثيرة النيل منه وتوجيهه إلى حيث يسبحون من تيار .. محاولتك هذه ايضا لا تخلو من جذب ..
انا كعضو في هذه المجموعة .. بإذن الواحد الأحد .. ساساهم بالتصدي لمثل هذه الحملات كما تصدى باقي الأخوة في هذه المساحة وخارجها .. وسوف يذهب الشخوص .. وتفنى الأعمار .. لكن يكفينا فخرا ان يظل كيان بورداب الرياض في هذا الشكل المتفرد .. العصي عن التصدع والصراعات المحمومة من أجل السلطة وانتصارا للذات..

Quote: طيب اين القومية التى يدعونها..

في الرجاف يا صديق الموج..
يا لنا من أمة ضحكت من جهلها الأمم..


والسعيد بيشوفها هنا في جقلبة بورداب الرياض..
وحليل الكان زمان..
Re: وداع كوكبتنا الدبلوماسية ... الرياض تودع دبلوماسيها

Quote: كوكبتنا لفائدة الترجمة مفردها كوكاب

الله يلعن الكان السبب..


سمحة العافية يا صديق وربنا يرد غربتنا أجمعين..

العزيز : الموج.

تأكد لن يتغير شىء فالمنهج هو المنهج ...من لم يحترمنى لن إحترمه...ياخى الرياض دى والله حقوا يسموها مدينة الدروع ...تكريم تكريم حتى تعب التكريم ذاتو...والسفاره ستظل هى السفاره و لن يكون هناك جديد.

تخريمة :
ياغريبة نحن فى كردفان لم نتلقى أى دعم من السفاره السودانية ... وطلباتنا التى تقدم بها المعنيين بالأمر أضيعت بفعل فاعل ...وتقدمنا بطلبات أخرى لمزيد من التوثيق وأضيعت ولحقت بسابقتها كذلك ... نحن ندرك بأنها لم تضيع ولكنها ذهبت الى سلة المهملات بأيادى كردفانية ... كثير ما نسمع بضرورة وحدة الصف والكلمه والمصير ..السودان مستهدف ....وسلوك مغاير أكثر ضررا من تخويفات بوش التوسعية فى بلاد المليون ميل مربع .

لك الود

انا لا اريد ان ادخل في هذه المساجلة من باب الانحياز لجهة على اخرى ولكن أهلنا بيقولوا ( الغائب عذره معاهـ ) ولمعرفتي الشخصية بالاخ العزيز العقيد الرشيد الزين موسى زول اخو اخوان وفاضل في كل تعامله واكيد لم يقصد ان يتقاعس عن قصد من دعــوة ابناء الصحافة فاذا حدث تأخير فيكون لشيئ خارج عن ارادته فمعروف عن الاخ الرشيد زول مجامل وما يرضى ان يزعل او يحرج شخص حتى في المعاملات الرسمية اذا تضايق شخص منه فتجده يتحسس فيحاول ان يرضيه فهو مشهود له باخلاقه العالية فالابتسامة لا تفارق وجهه لكل المراجعين لمكتبه وزول بيخاف اللوم وخلال فترة عمله ما سمعنا عليه شئ يعيبه ( ذي مابيقولوا اهل العوض ما بتجي منه العيبة ) وايضاً بقية الاخوة المحتفى بهم والكمال لله .
فالاخوان في رابطة الصحافة والأخوة المحتفى بهم الطيب المصباح وتاج السر والرشيد الزين ياريت لو ينسقوا مع بعض عشان نتلم من جديد والغاية تبرر الوسيلة فالغاية كانت تكريمهم فمن اراد ان يكرم شخص فلا يعجز ان يجد له العذر ووضع للاحتفال بطريقة ووقت اخر .
والله الموفق ،،،

Quote: الاخ الرشيد زول مجامل وما يرضى ان يزعل او يحرج شخص حتى في المعاملات الرسمية اذا تضايق شخص منه فتجده يتحسس فيحاول ان يرضيه فهو مشهود له باخلاقه العالية فالابتسامة لا تفارق وجهه لكل المراجعين لمكتبه وزول بيخاف اللوم وخلال فترة عمله ما سمعنا عليه شئ يعيبه ( ذي مابيقولوا اهل العوض ما بتجي منه العيبة ) وايضاً بقية الاخوة المحتفى بهم والكمال لله .

ما قصرت يا خال..
عليكـ ألف نور يا حمزاوي..
وهذا عهدي بالرشيد موسى الزين وكذلك بقية الأخوة المحتفى بهم..

وإذا عرف السبب بطل العجب..
والسبب خطه كي بورد الأخ صديق بدون مكابرة..

Quote: Quote: كانوا فى احتفال ارتجلته مؤسسات المؤتمر الوطنى المدجنة جحا أولى بلحم تورو..

ولرابطة أبناء الصحافة بالرياض بنقول:

"الجايات روابح ولو يجن قماح"..



برضو مثل شائع..

أخى الحبيب / حميدة أو Humida

Quote: كذاب يا هلباوي ..

سامحك الله بس أرجوك خلى نقاشك موضوعى وهادف بدون إندفاع

وأن قايل لك من قبل والله بحبك فى الله والوطن ولو بسطت كلتا

يديك لتقتلنى ما أنا بقاتلك وتبقى العلاقة طيبة نبراس .......

مشى السفارة ده ما بحوجك عشان تتعب نفسك أنا باكد لك ذلك أنا يا نآآآآآس

قاعد امشى على طول للسفارة هذا أولا مش انتو برضك بتقولوا عليها بيت السودان

الحاجة التانية أنا زى ما إنى عضو معاك فى بورداب الرياض وبكون معاك فى كثير

من المناسبات القومية هذا لا يمنع إذا شوفت حاجة ماأقتنعت بيها أسكت عليها عارف

ليه لأنو الساكت عن الحق شيطان أخرس وزى ما برضو بمشى السفارة وبزورها زى ما بزور

تجمعات بورداب الرياض ايضا لا أسكت على الأشياء التى لا أقتنع بها دون خوف ولا وجل

وحسبك البوستات التى فتحتها هنا ومقالاتى فى صفحة مقالات وتحليلات سودانيز أونلاين

وأيضا مقالاتى فى سودانايل ليس ذلك وحسب وحتى فى صفحة ملتقى المهجر التى كان يشرف

عليها الحبيب / إسماعيل وراق والتى كانت تصدر فى جريدة السودانى ونقد كثير لبعض

الأجراءات التعسفية سواء كان ذلك عن المغتربين أو تعليم ابنائهم أو عن مؤسسة جامعة

المغنربين للمساهمة أو ال 100 ريال أو الهيئة الطوعية التى تتحدث بإسم المغتربين

دون تفويض وايضا نسب القبول وأشياء كثيرة ( غلط ) ولعلمك غدا برضى ماشى السفارة

عارف يا حميدة قالوا الما بعرفك ما بعزك هل تعلم أنا المتواضع رئيس جمعية عد الفرسان

الخيرية المسجلة فى السفارة وهل تعلم أخوك المسكين ده نائب رئيس جعية روابط بنى هلبة

الخيرية بالرياض هذا خلاف موقعى بين من بين منظمات المجتمع المدنى بالرياض ليس ذلك وحسب

بل بين أهل السودان عامة فى الرياض وأهلى أبناء دارفور خاصة .. إذن السفارة يقصدها

الموالى والمعارض كلهم بمشوا السفارة وإنت ماشى لبعيد ليه ناس السودان لهم اليوم بتلاقوا

مع بعض المؤتمر الوطنى والحركة الشعبية وحركات دارفور وكل الحزاب إذن خليك فى الموضوع

الأساسى بدون إنفعال حتى ما تخلى الآخرين يقيموك يعنى 1+1 = 2 لأنها ما بتحتاج شدة ...

Quote: أنا يا نآآآآآس قاعد امشى على طول للسفارة

وما قاعدين ( بستقطبوك ) ليه .. ولا انت ( مصفح ) يعني .. !!

..
..

Quote: بيت السودان

دي لمن تمشوها انتو بتكون ( بيت السودان ) لمن نمشي نحن بتكون ( سفارة الجبهة ) ..
ودايرين يستقطبونا ..
ياخي مش حقه نخلي كلامنا منطقي شوية .. عشان الناس ما تضحك فيك ..

..
..

Quote: لا أسكت على الأشياء التى لا أقتنع بها دون خوف ولا وجل

والقطيع بتاع ( الغنم ) الاسمه بورداب الرياض دا .. ربنا ما اداهم قدر الفهم حقك ..؟؟! ..

..
..

Quote: أنا المتواضع رئيس جمعية عد الفرسان الخيرية المسجلة فى السفارة

طيب بكرة دي دايرين نسجل معاكم برضو في ( السفارة ) عسى اننا ننال شئ من ( فتات الموائد ) ..!!
ولا ما بتخاف علينا ( يستقطبونا ) .. ما نحن ما ( مصفحين ) زيكم ..

..
..

Quote: نائب رئيس جعية روابط بنى هلبة الخيرية

Quote: رئيس جمعية عد الفرسان الخيرية

Quote: هذا خلاف موقعى بين من بين منظمات المجتمع المدنى بالرياض

يا هلباوي هنا مريط الفرس .. الكايسا في بورداب الرياض ما بتلقاها .. ( حتي لو شفت حلمة ودنك ) ..
لانه ببساطة ما عندنا الحركات دي ..

Quote: : غايتو نوع كلام السفارة ليست المؤتمر ومنابر السودانيين لنا جميعا ًدي طلعت قصة بايظة ساكت مافيش فايدة يا صفية كما قال الزعيم الجندريه صباحاتك نواضر ده كلام للاستهلاك المحلى يعنى بنج موضعى

..

يا خال ،، الظاهر أنتو ما شايفين شغلكم ،، مقصرين جداً

ابوحمد ترك فراغ ،، لكن ما تزعل كلها شهرين ثلاث ،،

حتى موضوع الجالية الظاهر أنو كلام × كلام

أيوه كده أهو بديت تهدى من روعك وبديت تفهمنى صاح !!

Quote: طيب بكرة دي دايرين نسجل معاكم برضو في ( السفارة ) عسى اننا ننال شئ من ( فتات الموائد ) ..!! ولا ما بتخاف علينا ( يستقطبونا ) .. ما نحن ما ( مصفحين ) زيكم ..

هو ده الهدف بدل القوقعة والحجر وداك مشى السفارة ونحنا ما قاعدين نمشى !!

عشان أيد على إيد تجدع بعيد بمعنى لما نشوف خاجة غلط ونقول ده غلط تقول ايوه

ده غلط يمكن نغير حاجة وقع ليك !! وخليك من ناس فلان مشى السفارة ونحن ما بنمشى

وبعد شويه هاك يا إحتفالات وهاك يا فلاش وهاك يا تصوير وإنت قميصك ده ما مناسب

للاحتفال ده ونادى فلان وفلان وفلان داك أنساهو لا بهش ولا بنش شايف كيف وخليهاعلى ربك بس !!

Quote: هو ده الهدف بدل القوقعة والحجر وداك مشى السفارة ونحنا ما قاعدين نمشى

عارف يا هلباوي ..
قبل تلاتة سنوات كنت شغال في منطقة نائية في السعودية .. مشروع تابع للاتصالات ..
كان معاي صديق ( غبي ولايوق وبتاع غلاط ) .. وما كان في طريقة اتجنبه .. لانه قاعدين تلاتة اشخاص في الخلا داك ..
التالت هندي لا يجيد لا الانجليزية ولا العربية .. وبنتفاهم معاهو بلغة الاشارة ..
المهم علمني صديقي كيفية الصبر في الحوار الطالع نازل القايم علي اسس بليدة ..
يعني يا عمك ( الفورة مليون ) ..

..
..

نجي للرد .. مع العلم ان المقدمة جزء اصيل من الرد ..
السفارة دعتنا قبل كدا .. وجيت انت قلت مشيتو ليه ديل دايرين يستقطبوكم .. ( الكلام فوق ) ..
السؤال هنا .. انت يا هلباوي عندك انفصام شخصية .. ولا في زول بكتب بالباصورد بتاعك بنظام انت رد وهو رد ..!!

Quote: السؤال هنا .. انت يا هلباوي عندك انفصام شخصية ..

طوالي توش موديهو لتيجاني الماحي بإزدواجية معاييركـ الشترة ديكا..
قال منطقة نائية قال..




ياخي قوم شوف ليكـ حفلة في محل تاني..

Quote: ياخي قوم شوف ليكـ حفلة في محل تاني

انت مالك مباريني ذي ( كلب السرة ) ..!!

والله يا حميده . لولا وجودي خارج نطاق البيت ..
لاحظ النطاق دي عامله كيف ..؟
كان نزلت ليك فيديو ويظهر فيه السريالي عبد الرازق الطالب .. وهو يعدد ماثره ويحدثنا عن غزواته في سودانيز اونلاين ضد الشيوعيين واليهود والنصارى ..
من مقولاته المشهورة .. الجوف يطقطق بالكلام .. لمن كراعي بقت اكبر من الشبشب اللابسو ..
ياخي عبد الرازق دا لمن يجيك يرد ليك في بوست اضمن انو البوست ادى غرضو بي نجاح وأعمل خروج وامشي اعمل اختبار ذكاء ف التجاني الماحي .. وجلسات (يوجـا)..
يا عبد الرازق الطالب ... انا شاكي انك ذاتك شيوعي .. اها انت قايلني خسران حاجة ..؟

Quote: انت مالك مباريني ذي ( كلب السرة ) ..!!

الكلب عرفنا بينبح في نطاقو..
لكن بيني وبينكـ..



السرة دي أو تطلع إنت..
تخريمة:
نطاق + نطاق = نطاق
الهلباوي + تمبس + حميدا = قراقير الموردة في جسم بورداب الرياض..





وبرضو يا حميدا تقول لي الطيارة فيها بوري..

Quote: انا شاكي انك ذاتك شيوعي

ده كلو من خالد الطيب..
يا تمبس..
ما تضحكـ فيكـ ناس كوستاوي وخضر خليل ساى وإبراهيم عنكبة..
شكـكـ هذا لا يرتقى إلى مستوى اليقين..
لكن طالما بقى طالع من قراقير الموردة ياهو كل (ستة × ستة)..

يا راآآآجل..



معقولة بس زغللت للدرجة دي..

Quote: لكن طالما بقى طالع من قراقير الموردة ياهو كل (ستة × ستة)..

ومالهم القراقير يا ود العرب ..!!

Quote: Quote: لكن طالما بقى طالع من قراقير الموردة ياهو كل (ستة × ستة).. ومالهم القراقير يا ود العرب ..!!

جنبهم قصر الشباب والأطفال..



منو الجاب سيرة الحبشة يا حميدا الكضاب هسعي..

Quote: ياأخى هم بورداب الرياض فاضين لي من الحفلات والتصوير والفلاشات والدعاية والاعلانات الموضة الجديدة... طبعا ده بعد ما أتششتتوا وبقوا يشوفو مصالحهم وين ومع مين ( التمكين ) بعد أن صاروا شلليات الليلة ناس فلان داعيننا عشا وكده .. يا فلان جيب الكمرة الديقيتال أنا حالبس القميص الرمادى وغنت البس بدلتك الكحلية !! قال شنو .. قال بورداب الرياض قال ... 180 درجة عكس رسالة منبر سودانيز أونلاين وطن من لا وطن له ومنبر من لا منبر له ولسان حال الانسان !! وآسفاى ويا حيف على الرجال ؟!

الموضة اليومين دي السفارة ..
والسفارة في العمارة ..
وزيادة عندنا كم قميص كده جديدة ..
وبدلتين ..
لزوم القشرة وفلاشات المصورين ..
المصورين ديل هم زاتم منو ؟
ما نحن القدامك ديل ..
أي واحد في الرياض عايز يقشر بنجي نصوره عشان ننزله في س أون لاين ..
والما عايز يقشر برضو بنزله هنا دا ..







الشي الحصل دا مخجل ..
وكان الواجب الإعتذار المسبق طالما في هناك إرتباط ثاني ..
معليش يا ناس الصحافة دا درس وتاني ما تركبوا الموجة ..

Quote: معليش يا ناس الصحافة دا درس وتاني ما تركبوا الموجة ..

معتصم الموجة يا اخوي راكبا ود الموج براه ....


ود الباوقة

خالي وخال كل البورداب العزيز حمزاوي

Quote: ولمعرفتي الشخصية بالاخ العزيز العقيد الرشيد الزين موسى زول اخو اخوان وفاضل في كل تعامله

دي ياخال ماقلنا فيها حاجة خاااالص .

Quote: فاذا حدث تأخير فيكون لشيئ خارج عن ارادته

بس دي ياخال مامعاك فيها خاااالص ، لأنهم أكدوا حضورهم حتى الساعة التاسعة مساء إتصل بهم الاخ علاء حيمورة وقالوا هم في الطريق ، فما هو السبب الذي دفعهم لتغيير إتحاههم والذهاب لمحتفل آخر . رغم أنهم هم من إختار هذا اليوم رغم أنه بداية الاسبوع ، وهم أكدوا أنهم في الطريق إلى دار الصحافة . وإذا سلمنا أنه حدث شيء لا قدر الله ، أها ياخال مش كان أضعف الايمان يتصلوا ويبرروا سبب تأخرهم أو عدم حضورهم !!! بس ماتقول لي ماكان عندهم رصيد الثلاثة !!!! فلا عذر هنا يا خال .

Quote: فالاخوان في رابطة الصحافة والأخوة المحتفى بهم الطيب المصباح وتاج السر والرشيد الزين ياريت لو ينسقوا مع بعض عشان نتلم من جديد والغاية تبرر الوسيلة فالغاية كانت تكريمهم فمن اراد ان يكرم شخص فلا يعجز ان يجد له العذر ووضع للاحتفال بطريقة ووقت اخر .

أما دي فلا أعتقد ياخال فالمؤمن لا يلدغ من جحر مرتين ، ناس تتصل الساعة أثنين صباحاً ويقولوا نحن خااالص جاييين ، يعني من الساعة تسعة وحتى الساعة أثنين صباحاً ده كله في الطريق ياخال ؟!! هم جايين من وين من السودان ولا شنو ؟!! والله ياخال لو كانوا جايين من السودان كان وصلوا . والرأي أولاً وأخيراً للجنة التنفيذية برابطة الصحافة .
تسحيبة :
إختلاف الرأي لا يفسد للود قضية ياخال ، فلك ودي .
عماد

Quote: لكن طالما بقى طالع من قراقير الموردة ياهو كل (ستة × ستة)..

يا للقرف ..

Quote: Quote: لكن طالما بقى طالع من قراقير الموردة ياهو كل (ستة × ستة).. يا للقرف ..

حاشاآآآآآآآآآآآكـ..



لا بل غير..

أي واحد في الرياض عايز يقشر بنجي نصوره عشان ننزله في س أون لاين ..
موو أنا عايز أقشر وإتصور وتنزلوا صورتي هنا في هذا العالم الاسفيري . ممكن !!!

مودتي

عماد

عبري متحدث
1. جبرالله علي البشير رابطة ابناء الصحافة
2. سيف الدين علي البشير رابطة ابناء الصحافة
صديق الموج :ابناء الصحافة ماخسرو شي هم الذين قللو من شاءنهم علي العكس تمام فقد استمتعنا جدا بتلك الليلة.
مودتي

العزيز صديق الموج...

عنوان البوست قد لخص القضيه..فهو يكشف ويعلن...ويدين...
وننضم لصوتكم فى الادانه..وفى التحديد..وانت تدرك فى تفاسير هذا الزمن لم تعد الاشياء هى الاشياء..بحقائقها..وحقيقتها.ولم يعد الديبلوماسى هو ذلك الديبلوماسى..فقد تدخلت إنتماءات السياسه.وصبغت الشخصيه بمحاور.الوانها..وهيمنت عليها...اضرت.واتلفت..واسقطت..
تصرف مستهجن..وبغيض..

كل الاعزاز

هذا ما كتب اخونا عمر ود الباوقة....

Quote: اخي الموج وبقية المتداخلين الكرام .. علمت من مصدر موثوق بان المعنيين بامر الدعوة من اركان السفارة قد تقدموا باعتزارهم للاخ الكريم احمد عوض رئيس رابطة ابناء الصحافة وقد قبل مشكورا اعتزارهم . علما بان المعنيون بالامر سبق وان شاركوا ابناء رابطة الصحافة فعالياتهم مرات عديدة مما يدحض مسالة منفوحة وما نافحها .. ود الباوقة

Quote: هذا ما كتب الاخ علاء الدين حيمورة السكرتير الثقافى لرابطة الصحافه الاخ الفاضل / صديق الموج الاخوة المتداخلين لكم جميعا التحية والاحترام توضيحا لما أثاره الاخ صديق الموج من دعوة رابطة ابناء مدينة الصحافة بالرياض للاخوة في سفارة جمهورية السودان والذين انتهت فترة عملهم بالسفارة .. الاخوة هم : الطيب المصباح الرشيد الزين تاج السر عثمان كلفت انا شخصيا من قبل اللجنة التنفيذية وكسكرتير ثقافي للرابطة بالذهاب الى مبنى السفارة والتنسيق مع الاخوة لتحديد موعد الحفل المقام بدار الرابطة بمنفوحة ... وبالفعل ذهبت وقابلت الاخوة الذين أمنو على ان السبت هو اليوم الانسب لعدم وجود اي ارتباط مع اي جهة كانت ... اذا جاءت اي جهة أخرى فقد جاءت بعد موافقة الاخوة على يوم السبت ... كان ذلك قبل 10 ايام .. طيلة هذه الفترة كنت متابعا الاخوة بالاتصال الهاتفي ... وتجمع الاخوة في الرابطة وعلى مدى اسبوع كامل للتجهيز وتعيير الموكيت والمكيفات ولم يطرأ جديد في برنامج الاخوة وحددوا الزمن ما بين التاسعة للحادية عشر من مساء امس ... اتصلت ظهرا للتأكيد فلم يعتذروا ... اتصلت بهم في تمام الساعة الثامنة والنصف فأكدوا انهم في الطريق ... اتصلت بهم في الساعة التاسعة والنصف فقالوا انهم ما زالوا في الطريق .. عند العاشرة وحينما اتصلت بهم تحدث معي الاخ الرشيد في انهم مرتبطين مع تجمع الكيانات ولكن سوف يمكثوا معهم ساعة ونصف ويتحركو على دار الصحافة ... اتصلت بالاخ الرشيد في الحادية عشر وقال انو معاهم السغير ومن ناحية برتكولية لا يمكنهم الذهاب والسفير موجود !!!!! تململ الاخوة اعضاء الرابطة ... استاؤا الضيوف كسرنا الروتين بفاصل غنائي لياسر العيلفون ولم يحضر المحتفى بهم .. عنى المكاشفي خضر بشير ولم يشرفونا الاخوة المحتفى بهم... ذهب نصف المدعوين ونحن في انتظار الاخوة ذهب كل الاخوة الاعضاء والضيوف عند الساعة الثانية صباحا وكان آخر المودعين الاستاذ عبد المنعم عبد العال .. اتصل الاخوة المحتفى بهم بعد الثانية صباحا ليقولوا لنا نحن في الطريق اليكم !!!!! ابلغتهم بانه لا يوجد اي شخص في مكان الاحتفال ... هذا ما حدث ليلة امس .. شكرا لكل الذين لبوا هذه الدعوة علاء الدين حيموره السكرتير الثقافي لرابطة ابناء مدينة الصحافة بالرياض

Quote: وهذا ماكتب الاخ علاء الدين فى مكان اخر: فارجو من الاخوة والذين يتحدثون وكأنهم مفوضين من قبل المحتفى بهم والذين اشك في انهم فوضوا من يتحدث نيابة عنهم ان يتحروا الدقة في مداخلاتهم ويتحدثوا عن وجهة نظرهم فقط .. فأخي ود الباوقة اركان السفارة اتصلو بي عند الساعة الثانية صباحا وانا الذي ابلغتهم بانني لست مفوضا بقبول اعتذار اي شخص ولا استطيع ان ادعو الاخوة اعضاء الرابطة لليوم التاني لتكريمهم حسب مقترحهم والامر برمته يمكنهم الرجوع به للاخ احمد عوض رئيس الرابطة والذي اوضح لهم ان اعتذارهم سيكون امام اللجنة التنفيذية في اجتماعها ... اذا فاي مصدر استندت عليه بقبول اعتذار الاخوة في السفارة ؟؟؟؟ كان الاولى ان تكلف نفسك وتتصل بالرابطة وتنقل وجهة نظرهم بدلا من توضيحك الذي لا نقبله ,,, يمكنك الاتصال بالاخ احمد عوض او الحضور الى دار الرابطة ... فالصحافة قادرة على وضع الامور في نصابها ..

هذا رد الجهة المضيفة ولكن ماذا تفعل مع الذين يتمدد النفاق فى امعاءهم الغليظة
والدقيقة...سبحان الله...
ان شاء الله تكون خجلت يا بتاع منفوحة ونافحيها،،،

وبنفس المنطق والفهم يا صديق الموج

انت فتحت البوست ده بتفويض منهم ولا متبرع

طبعا متبرع لانك لا علاقة لك بالصحافة ولا باهلها

فبأى حق سمحت لنفسك بالدخول فى الموضوع بالعرض

وباى حق تتدخل فيما لا يعنيك

وكما يقولون ( الفتنة نائمة ولعن الله من ايقظها )

أخي وصديقي صديق الموج
عبر اتصال هاتفي من أخي علاء الدين حيمورة عرفت حقيقة ما حدث في تلك الليلة وهو غياب المكرمين عن حضور الأحتفال وعدم التقدم حتى بمجرد اعتذار .. رغم توالي الأتصالات والمتابعة من قبل علاء الدين حيمورة والذي اعرف حرصه ومتابعته الدقيقة للأعمال التي يكلف بها ،
ومن الغريب فعلا أن يأتي البعض هنا بالأعذار الواهية والتي لا تصب حتى في مصلحة من رأت الرابطة تكريمهم والأحتفاء بهم ، ولو أسرع مندوب من السفارة بتقديم أعتذار مقنع لرابطة أبناء مدينة الصحافة لما توانى الأخ علاء الدين حيمورة وهو رئيس اللجنة الثقافية بالرابطة وعضو المنبر من إيجاد المبررات للغايبين والرد على المتداخلين وتسوية الموضوع برمته ..
وأقول للأخوة الذين اعترضوا على قيام رابطة أبناء الصحافة بتكريم نفر من طاقم السفارة أن الرابطة ومنذ نشأتها آلت على نفسها أن تكون رابطة خيرية وثقافية واجتماعية بعيدا عن أي توجهات سياسية ، بل لكل عضو الحق في ممارسة نشاطاته السياسية ومعتقداته دون التأثير على أعمال الرابطة الخيرية والأجتماعية .. ومن هذا المنطلق انطلقت أعمال الرابطة التي حازت على احترام الجميع وتقديرهم بل ساعدت وساهمت في إرساء مفهوم الدبلوماسية الشعبية واجتمع في دارها كل ألوان الطيف السياسي والرياضي والثقافي .. ومن هذا المفهوم كنا نعتقد أن يكون للسفارة دور في تشجيع هذا النهج الأنفتاحي الذي قادته رابطة أبناء مدينة الصحافة بكل حنكة ولكن بكل أسف نجد أن أهمية الكيانات صارت تحدد على أسس هي أبعد ما تكون عن هذا النهج ، فإما أن تكون كيانا معارضا شديد المراس حادا في النقد حتى تهابك السفارة وتسعى لرضاك ، وإما أن تكون من زوار السفارة صباحا ومساء تدخل الي مكتب فلان وتدلف على مكتب علان حتى تنال الرضا وتحصل على ما تريد ..
ولكي لا أجافي الحقيقة لابد من الإقرار بالمحاولات الجادة من القنصل الأستاذ أحمد يوسف لقيادة توجه جديد يسعى لكي تكون السفارة بيتا لكل السودانيين بكل توجهاتهم ومعتقداتهم ونشهد له في دار الرابطة بالعديد من المشاركات المقدرة . ومن هذا المنطلق آمل أن يتم إحتواء هذا الموقف بتبرير عقلاني يرضي اللجنة التنفيذية للرابطة التي سعت بكل طيب نفس وأريحية سودانية لتوديع من هم أخوة قبل كل شئ دون غرض أو محاباة ولم تسعى الرابطة مثل غيرها لتقديم طلب دعم مادي أو عيني لهذا الأحتفال الذي جاء خالصا وصادقا ..
عادل جبارة

الاخ / عادل

تحية طيبة

حقيقة افتقدناك في هذا اليوم وكنا محتاجين لحنكتك وامتصاص غضب الاخوة اعضاء الرابطة والاخوة الضيوف ..

ولكن الاخ احمد عوض ما قصر وادانا فاصل غنائي انسى الاخوة الضيوف مرارة الحدث وتفاعل معه الجميع ..


سوف اعود اليك لاحقا ..

Quote: Quote: كمال سالم العزيز ...تحياتى كلامك فيه كثير من الصحة..ولا اخفيك سر ان قلت لك لاتوجد جاليه فى الرياض. كيف تقوم جاليه والمؤتمر الوطنى يريدها جاليه تقتصر عضويتها على منسوبيه،كيف تقوم جاليه وهم يقصون منها كل من يقول كلمة حق او يدافع عن حق مستضعفين..كيف تقوم جاليه ومواردها مسخرة لعضوية المؤتمر الوطنى والارزقيه والهتيفة والوصليين والانتهازيين.

كمال على الزين...كيف حالك

تاكد ما كذبتك شىء وحات روحك هو الحاصل،،،

Quote: العزيز صديق كيفنك ناس الصحافة تعاملوا بشيم حقتنا وتوارثناها لكن ناسك بتاعين السفارة ديل يحق فيهم قول الطيب صالح: من أين أتى هؤلاء الناس؟؟؟؟

الاخ طارق ..ان شاء الله تبقى طيب
الاخوان فى الصحافه هذا عمل مشوا فيه بالنية الحسنه ولهم
اجر السعى..ولكن غياب المكرمين امامه مليون علامة استفهام
ووصلنى الان اى ميل من الاخ سيف الدين على البشير من اللجنه
التنفيذيه لابناء الصحافه وساورده هنا ليسكت كل الذين
لا يعلموا كوع الرابطه من بوع السفارة،،،

Quote: سلوك يشبههم وبعدين يا ناس الصحافة موش زمااان سقطوا الترابي في الانتخابات احقاد من زمان بيحملوها لينا

الاخ جيمس ..كيفك
يعنى الاباء ياكلون الحصرم والابناء يضرسون..
هذا زمان ردىء جدا يا جيمس،،،

Quote: رضيتو بالهم والهم ابي ليكم تستاهلو

عاطف عبدون...سلام تربيع
امى الله يمسيها بالخير عندها مثل بتردده طوالى.المثل بقول:
من نام وقام بى همه القديم ربحان.
يعنى ما يزيد هم جديد..
هسه المشكله ما بقت الهم بقى اذناب الهم،،،

Quote: ود الباوقة بغض النظر عن إعتذارهم أو غير ذلك . هم قالوا جايين ليه ما جوا ، ويعتذروا بعد شنو !!! بعد ما الناس خسرت وساهرت في إنتظارهم !!! هل كنت ستكون سعيداً لو لم يجوا عندكم عندما كرمتهم رابطة أبناء الباوقة !!! هل كنت ستقبل إعتذارهم ؟!! ياخي هم من إختار اليوم يعني ما عندهم أي عذر ، والناس المشوا ليهم ديل أفضل من ناس الصحافة في شنو !!! ولا علشان هم ...... . ياخي لا تدافع عن الباطل وخليك مع الحق وأنت أهل لذلك . عماد

عماد محمود...عساك سالم
اتذكرت ايام حرب الخليج سالوا الصحاف بعد سقوط بغداد
هل نفهم ان الحرب انتهت وانتهت معها دولة صدام حسين
قال ليهم نعم نحن مقتنعون بهزيمتنا ولكن من يقنع حكومة البشير
وقتها كان يونس يردد فى راديو السودان خسر العراق معركة ولم يخسر الحرب.
هذه هى القادسية الاولى ،وووووو..
هسع البقنع ليك ديل شنو؟؟
ان لم تستحى فافعل ماشئت،،،

Quote: سؤال؟؟ ولماذا يكرم ابناء الصحافه ناس السفاره؟؟؟؟ ناس السفاره عملو شنو لى ناس الصحافه الصوره غير مكتمله فى بالطريقه القدامنا دى لكن يستاهلو

ود الولى...كيف حالك
ياخى ما تشمت فى ناس عملوا باصلهم
وباخلاق السودانى الاصيل لما يجيه زول ويقوم من بيته،،،

Quote: كدا وضح لى يا ود الموج هم ديل والله ناس تانين الله يرضى عليك ؟ أذا ياهم ياهم بصراحة ده كلام ما ينسكت عليه بس قول لى وما عليك !!

تصدق يا هلباوى ياهم زاتهم الناس الطيبين الكريمين
لما تمشى ليهم فى دارهم يدخلوك فى اضافرينك من الحفاوة
والله ابدا ما احترموهم ...
حاجه تغيظ،،،

ان شاء الله تكون خجلت يا بتاع منفوحة ونافحيها،،،

اخي ود الموج .. ليس هناك ما يخجلني يا اخي الكريم .

ابناء الصحافة جميعهم على عيني وراسي قبل ان آتي للسعودية تربطني بهم علاقة الاخوة والقرابة
والنسب وهنا في الرياض اعتز بمعرفتهم ولي معهم علاقة حميمة . الجمري .. عماد محمود .. عادل
جبارة .. علاء حيمورةوغيرهم ...
انا يشهد الله ما كتبته بناء على معلومات من مصدرها واصلا لم اكن اعلم بهذا الاحتفال . ولو كنت
اعلم به لكنت اول الحاضرين ..
درات بيني وبين اخي الكريم علاء حيمورة مكالمة مطولة حول الموضوع وعرفت منه شخصياما حدث .
انا شخصيا اعلم ان اخواني من ابناء الصحافة اهل كرم ونخوة وما قاموا به ليس بمستغرب منهم
واخونا في السفارة قصروا تب والله في حق ابناء الصحافة ولكن يظل الود قائما بعون الله تعالى
التحية والتقدير لكل ابناء الصحافة الاوفياء ...



ود الباوقة

Quote: لللامانــــة كنت مــن ضمــن الحضور باحتفاليــة تجمع الكيانات بقصر الستين بالملز 0 وأذكر تماما بأن المعنيين بالتكريم كانوا علي عجلـــة من أمرهم وأن مقدم البرنامج علي الكرار كان ينبـــه لاختصار الكلمات وكل مرة يذكر بأن المودعين لهم ارتباط اخر 0

الاخ العزيز محمد الحسن كنت عايز ارد لكن لقيت رد السكرتير الثقافى لرابطة ابناء
الصحافه الاخ علاء الدين حيمورة ابلغ من ردى هاك ليه:

Quote: الاخ الفاضل / صديق الموج الاخوة المتداخلين لكم جميعا التحية والاحترام توضيحا لما أثاره الاخ صديق الموج من دعوة رابطة ابناء مدينة الصحافة بالرياض للاخوة في سفارة جمهورية السودان والذين انتهت فترة عملهم بالسفارة .. الاخوة هم : الطيب المصباح الرشيد الزين تاج السر عثمان كلفت انا شخصيا من قبل اللجنة التنفيذية وكسكرتير ثقافي للرابطة بالذهاب الى مبنى السفارة والتنسيق مع الاخوة لتحديد موعد الحفل المقام بدار الرابطة بمنفوحة ... وبالفعل ذهبت وقابلت الاخوة الذين أمنو على ان السبت هو اليوم الانسب لعدم وجود اي ارتباط مع اي جهة كانت ... اذا جاءت اي جهة أخرى فقد جاءت بعد موافقة الاخوة على يوم السبت ... كان ذلك قبل 10 ايام .. طيلة هذه الفترة كنت متابعا الاخوة بالاتصال الهاتفي ...

محمد الحسن بعد رد علاء الدين ان شاء الله تكون عرفت ايهم الارتباط الاصلى وايهم الاخر
عشان بشجاعتك دى تقول للناس ديل اتلومتوا،،،

Quote: العزيز : الموج. تأكد لن يتغير شىء فالمنهج هو المنهج ...من لم يحترمنى لن إحترمه...ياخى الرياض دى والله حقوا يسموها مدينة الدروع ...تكريم تكريم حتى تعب التكريم ذاتو...والسفاره ستظل هى السفاره و لن يكون هناك جديد. تخريمة : ياغريبة نحن فى كردفان لم نتلقى أى دعم من السفاره السودانية ... وطلباتنا التى تقدم بها المعنيين بالأمر أضيعت بفعل فاعل ...وتقدمنا بطلبات أخرى لمزيد من التوثيق وأضيعت ولحقت بسابقتها كذلك ... نحن ندرك بأنها لم تضيع ولكنها ذهبت الى سلة المهملات بأيادى كردفانية ... كثير ما نسمع بضرورة وحدة الصف والكلمه والمصير ..السودان مستهدف ....وسلوك مغاير أكثر ضررا من تخويفات بوش التوسعية فى بلاد المليون ميل مربع . لك الود

مكين الحبيب..لك الود اضعاف
وفعلا من لايحترمنى لا احترمه قطعا..
وبعدين اى دعم يا مكين الممكن يدفعوه لمكين وابوحجاب والعمرانى وشطه
مش الحمد لله الما صفوكم..
والله زول المؤتمر الوطنى لايتغير لو تغيرت الدنيا..
عشان كده زى الطيب مصطفى كان فى الصف الخمسمائه فجأة لقى روحو صانع
قرار والله يدافع بالباطل ولا يتنازل عن الصفوف الامامية ابدا
وكثير من الجرابيع والطفاطيع اصبح لهم اسم ،مع انه الواحد فيهم لو مات
ماكان تسمع اسمه فى نشرة الساعة ثمانيه التى يذاع فيها كل شخص.
والله يا مكين نحن بنكتب متمنيين انه الناس ديل يتصلحوا ويتعاملوا
مع السودانيين سواسيه فى الحقوق والواجبات..
الله يصلحهم،،،

Quote: انا لا اريد ان ادخل في هذه المساجلة من باب الانحياز لجهة على اخرى ولكن أهلنا بيقولوا ( الغائب عذره معاهـ ) ولمعرفتي الشخصية بالاخ العزيز العقيد الرشيد الزين موسى زول اخو اخوان وفاضل في كل تعامله واكيد لم يقصد ان يتقاعس عن قصد من دعــوة ابناء الصحافة فاذا حدث تأخير فيكون لشيئ خارج عن ارادته فمعروف عن الاخ الرشيد زول مجامل وما يرضى ان يزعل او يحرج شخص حتى في المعاملات الرسمية اذا تضايق شخص منه فتجده يتحسس فيحاول ان يرضيه فهو مشهود له باخلاقه العالية فالابتسامة لا تفارق وجهه لكل المراجعين لمكتبه وزول بيخاف اللوم وخلال فترة عمله ما سمعنا عليه شئ يعيبه ( ذي مابيقولوا اهل العوض ما بتجي منه العيبة ) وايضاً بقية الاخوة المحتفى بهم والكمال لله . فالاخوان في رابطة الصحافة والأخوة المحتفى بهم الطيب المصباح وتاج السر والرشيد الزين ياريت لو ينسقوا مع بعض عشان نتلم من جديد والغاية تبرر الوسيلة فالغاية كانت تكريمهم فمن اراد ان يكرم شخص فلا يعجز ان يجد له العذر ووضع للاحتفال بطريقة ووقت اخر . والله الموفق ،،،

حمزاوى العزيز...كيف حالك
القصه هنا ليست قصة ابن ناس واخو اخوان،ولكن القصه قصة ناس معزومين بناءا
على موعد حددوه بانفسهم،ولم بعتذر منهم شخص بل على العكس حتى الساعة العاشرة
كانوا يرددون انهم بالطريق.
حمزاوى الاستهانة بالرجال ليس بالشىء الساهل وتحقير الناس ليس من شيم الكرام او الشيم
الكرام،دحين اخوك من صدقك وليس من صدقك.
امشى قول للناس ديل انتو غلطانين بدل تجى تقول كلام يدمى اكثر..ويبقى الود،،

Quote: يا خال ،، الظاهر أنتو ما شايفين شغلكم ،، مقصرين جداً ابوحمد ترك فراغ ،، لكن ما تزعل كلها شهرين ثلاث ،، حتى موضوع الجالية الظاهر أنو كلام × كلام

كمال والمصحف فراغ ابو حمد الف راجل ما يملوه فنحن فى زمان ردىء
هذا زمان الطفيليات والنباتات المتسلقه من لدن اللعوت والعلق
واللبلاب والليف..
زمن لاتعرف فيه صليحك من عدوك ،كل جربوع يكتب باجنده لاتعرفها شحده
ولاتسول ولاتملق،تشابه علينا البقر كثيرا فى العمل العام.
واى جالية هذه زهدنا فيها طويلا وسوف نكتب ما نفتكر انه الصحيح
وربك كريم،،،

Quote: الشي الحصل دا مخجل .. وكان الواجب الإعتذار المسبق طالما في هناك إرتباط ثاني .. معليش يا ناس الصحافة دا درس وتاني ما تركبوا الموجة ..

معتصم نصيحتا تخدرك فى زمن انعدمت فيه الامانه.
الواحد يتكلم وكانه فرغ من يوم الحساب
بالامس..زمم رخيصه تافهة بى ريال تشترى الف وخمسمائة..
لا والف لا لتحقير الرجال والدوس على كرامتهم بالبوت..
والغلط غلط لوجاء من سفير او من غفير..
والمهم ابناء الصحافه زادهم هذا الامتحان تماسكا،،،

صديق الموج
الراجل الرقيق هاشم خلف الله ما ظاهر مالو انشاء الله ما تكون مرارتة انفقعت من الموقف دة عارفة راجل حساس وكدة بالله طمنا علية

Quote: عبري متحدث 1. جبرالله علي البشير رابطة ابناء الصحافة 2. سيف الدين علي البشير رابطة ابناء الصحافة صديق الموج :ابناء الصحافة ماخسرو شي هم الذين قللو من شاءنهم علي العكس تمام فقد استمتعنا جدا بتلك الليلة. مودتي

ناهد العزيزة...تحياتى
والله كلامك صاح هم الذين خسروا ولم تخسر الصحافه شئيا..
فابناءه ماضون فى برامجهم حسب جداولها..
ولكن الاستبداد والتعالى على الاخوان ما حلو يا ناهد..
المهم هم بخير وزادهم الموقف قوة ..فقط احراج مع ضيوفهم
ولكن الضيوف قدروا ذلك كثيرا..واستمتعوا بالليله تماما.ز
ان شاء الله فى ميزان اعمالهم ..
شكرا للمرور..بالمناسبه سيف كاتب مداخلة طويله سانشرها
هنا بعد الردود على الاخوة الذين اكدوا بوقفتهم الشجاعة
ان السودان بالف الف خير ولو اراد البعض ان يهز الصورة،،،

Quote: فبأى حق سمحت لنفسك بالدخول فى الموضوع بالعرض وباى حق تتدخل فيما لا يعنيك

والله ما ارد عليهوا
الاتردوا عليهوا
انتو يا ناس الصحافة
وتفهموا صديق الموج ده شنو بالنسبه
للصحافه وناسه

معقولة بس
في اجهل من كده!!!!!

Quote: وبنفس المنطق والفهم يا صديق الموج انت فتحت البوست ده بتفويض منهم ولا متبرع طبعا متبرع لانك لا علاقة لك بالصحافة ولا باهلها فبأى حق سمحت لنفسك بالدخول فى الموضوع بالعرض وباى حق تتدخل فيما لا يعنيك وكما يقولون ( الفتنة نائمة ولعن الله من ايقظها )

الى الذى يكتب بباسورد غريبه..
انا بصراحة قبضت من السفا اقصد الصحافه ستاشر الف عشان اكرم
مالى انا الليله كتابتى كلها غلط..
عشان اكتب ليهم هذا البوست..يعنى موضوعى هنا بتاع ارضحالاتت
او عرضحالات ..ما بالضرورة الارضحالجى يكون من بلدك حتى يكتب ليك شكوى
او ارضحال فهمت..
يعنى قابض 16445 او حاجه بالشكل ده ودى جاييها فى بوست براها..
وبعدين بتعرفوا انا من وين...
ياخى طمسوا اقلامكم دى فى ضمائركم لما تكتبوا..
انتوا قايلين كده بحبوكم ،لانهم عارفنكم منافقين وهم ما ناكرين زاتو،،

الاخ الموج
سلام

لماذا تكرم السفارة السودانية؟؟؟؟؟؟

وبعد اقرار التكريم مع احترامي للجنة التفيذية لابناء الصحافة لماذا لم يتم التعامل مع السفارة بخطاب رسمي للارشفة ؟؟؟؟؟؟

اما فيما يتعلق بالاحتفال مع قناعتي بعدم بتكريم السفارة اعتقد ان ماحدث من السفارة السودانية تجاة ابناء الصحافة مرفوض وغير مقبول. ومسئ للدبلوماسية مع علمي ان العقيد الرشيد والعميد المصباح من اكثر الناس حضورا في كثير من المناسبات . ولكن اذا تضاربت الدعوة مع مصالح اهل المؤتمر الوطني فلن يحضر ممثل للسفارة .

ابناء الصحافة يسعون لتكريم السفارة و السفارة تتمنع












__
نسأل الله العفو و السلامة

Quote: أخي وصديقي صديق الموج عبر اتصال هاتفي من أخي علاء الدين حيمورة عرفت حقيقة ما حدث في تلك الليلة وهو غياب المكرمين عن حضور الأحتفال وعدم التقدم حتى بمجرد اعتذار .. رغم توالي الأتصالات والمتابعة من قبل علاء الدين حيمورة والذي اعرف حرصه ومتابعته الدقيقة للأعمال التي يكلف بها ،

عادل تحياتى ...هذا ما حصل بالظبط..
غابو عن التكريم بدون عذر..
غضب الاخوان من هذا التصرف الارعن..
ولكن مرت سحابة الصيف دون ان تترك اثر...
و لا يهمك مازالت رابطة الصحافة متماسكه وما زال ابناؤهااكثر نضجا
ووعيا لما يدور حولهم...
الصحافة قيم..الصحافه مثل،،،

Quote: واخونا في السفارة قصروا تب والله في حق ابناء الصحافة ولكن يظل الود قائما بعون الله تعالى التحية والتقدير لكل ابناء الصحافة الاوفياء ... ود الباوقة

عمر العزيز تحياتى
اثمن لك واحى فيك هذه الروح الشجاعة..
والاعتراف بالذنب فضيلة..والاعتذار شيمة الكبار...
وانا عايزك تعرف ياعمر انا مما نشأت لا اعرف تاييد مطلق
ولا اعرف معارضة مطلقة..
الذى يحسن اقول له احسنت والذى اساء اقول
له اسأءت مهما يكون هذا الشخص..
ولا يهمنى بعد ذلك رد فعله او وقع ذلك عليه..
والحمد لله عرفت لماذا نكتب نحن هنا...
والله لانسىء لشخص ولا نجرح احد..
ولكن اكره تماما هذا التحقير للبشر..
ولما اشوف تعامل مثل هذا اول ما يخطر على بالى ان الشخص
قال فى سريرته حا يجيبو لينا شنو مش كرتونه والا درع
وبعدين ديل زاتهم منو؟
وبهذه السبهلليه التى لا تنم عن خلق تصرف هكذا...
عموما حصل خير ونحن نكتب عسى ان يكون فى ذلك عظة،،،

يا ود الموج... ياتو يوم لقيت مؤتمر لا وطنى عندهم دبلوماسية وأخلاق سودانية بالله عليك؟!!!!!!!!!
ديل لا بفقهون إلا فى الإفك وما شابهه...


شول اشوانق
_________________________________________________
ناس الصحافة ... القابلة على أمانيكم وما تكرموا زول زى الناس ديل تانى... سمح.

Quote: صديق الموج الراجل الرقيق هاشم خلف الله ما ظاهر مالو انشاء الله ما تكون مرارتة انفقعت من الموقف دة عارفة راجل حساس وكدة بالله طمنا علية

هذا واحد من الذين ادماهم هذا التصرف..
وهو يشكو لطوب الارض من ناس لا تكن لهم رابطة الصحافه
الا الاحترام ويبادلونهم تلك المسخرة والتهكم وعدم الاحترام
الزبير لاتنسى ان الاحتفال الاخر يقيمه جماعة المؤتمر الوطنى
اكيد لايرى المكرمون من يستحق ان يزار غيرهم..
اما بقية الناس فطالما لايعتنقون فكر المؤتمر فهولاء
لايستحقون حتى السلام..
والله يا الزبير بعد هذا التصرف كفر الكثير من الاخوة فى الصحافه
بقومية السفارة وصعوبة التحول بعد سنين الغطرسة
والكبر تلك..
كان العشم فى فيما تبقى للسودانيين من قيم عندما يدعون..
ياحليل السودان الذى كان يجاور فيه المسلم المسيحى
والابيض الاسود والدنقلاوى الجعلى والبقارى الهدندوى
ويتلاقو على موائد الطعام وعند الملمات..
اصبحنا... انت غير مؤتمر وطنى لاتساوى خردله..
حسبى الله ونعم الوكيل،،،

Quote: والله ما ارد عليهوا الاتردوا عليهوا انتو يا ناس الصحافة وتفهموا صديق الموج ده شنو بالنسبه للصحافه وناسه معقولة بس في اجهل من كده!!!!!

طارق كيف حالك
ياخى انا فرحان بالسؤال ده
ما الحمد لله الزول ما قال لى انت دخلك بالسودان شنو؟
لا فرق بين ناس المؤتمر الوطنى الاحاديين ديل
بفتكروا اى زول غير مؤتمر وطنى مواطن درجة خامسه
ما شايف تصرف كبارهم كيف؟
بالله انا عايز اعرف الفرق بين الاحتفالين شنو؟
غير ان احتفال الفندق الذى ذهبوا البه يقيمه اعضاء المؤتمر الوطنى
وبعض الكيانات المخصيه او المدجنه..
واحتفال الصحافه يقيمه المواطنين درجه الف ديل،،،

Quote: اعتقد ان ماحدث من السفارة السودانية تجاة ابناء الصحافة مرفوض وغير مقبول. ومسئ للدبلوماسية مع علمي ان العقيد الرشيد والعميد المصباح من اكثر الناس حضورا في كثير من المناسبات . ولكن اذا تضاربت الدعوة مع مصالح اهل المؤتمر الوطني فلن يحضر ممثل للسفارة .

يوسف العزيز ...تحياتى
كيف وجدت السودان..سؤال بايخ مش؟؟
يعنى يا يوسف الموضوع فيه خيار وفقوس..
طيب اين قومية السفارة؟؟؟
اخ من لبمؤتمر الوطنى وعمايله!!
والله الزول يلاقيه يعضيه ليكم فى نص راسه،،،

Quote: ابناء الصحافة يسعون لتكريم السفارة و السفارة تتمن نسأل الله العفو و السلامة

طارق الفنان ..عساك عافيه..
شفت يا خدر بتنا نشكو الغربة وظلم ذوى القربى،،،

Quote: شول اشوانق _________________________________________________ ناس الصحافة ... القابلة على أمانيكم وما تكرموا زول زى الناس ديل تانى... سمح.

سمعا وطاعا يا شول
ولا يلدغ المؤمن من جحر مرتين،،،

Quote: العزيز صديق الموج... عنوان البوست قد لخص القضيه..فهو يكشف ويعلن...ويدين... وننضم لصوتكم فى الادانه..وفى التحديد..وانت تدرك فى تفاسير هذا الزمن لم تعد الاشياء هى الاشياء..بحقائقها..وحقيقتها.ولم يعد الديبلوماسى هو ذلك الديبلوماسى..فقد تدخلت إنتماءات السياسه.وصبغت الشخصيه بمحاور.الوانها..وهيمنت عليها...اضرت.واتلفت..واسقطت.. تصرف مستهجن..وبغيض.. كل الاعزاز

شكرا عصمت العالم العزيز..
ولكن متى يفهم الدبلماسييين ان هناك فرق بين الانتماء الحزبى
الضيق وقومية المنصب..
ولكن مادام جلهم جاء به الانتماء للمنصب فلابد ان يستمر
هذا الخلط وتتشابه عليهم بقر المؤتمر الوطنى البغيضة
ياحليل الدبلماسيين يا عصمت،،،

قال غريبة ( الغريب )

Quote: وبنفس المنطق والفهم يا صديق الموج انت فتحت البوست ده بتفويض منهم ولا متبرع طبعا متبرع لانك لا علاقة لك بالصحافة ولا باهلها فبأى حق سمحت لنفسك بالدخول فى الموضوع بالعرض وباى حق تتدخل فيما لا يعنيك

وأقول له بمنتهى الصراحة : أنك فعلا غريب وعجيب .. ومثل تصريحاتك هذه هي التي ( تفقع ) المرارة بل تزيدنا نحن أبناء الصحافة غيظا وغضبا ..
الموضوع في غاية الوضوح ولا يحتاج لكثير تفسير .. ولعلمك أن الأخ صديق الموج علاقته بالصحافة علاقة وشيجة ومتينة نشأت منذ قيام الرابطة وكان عضوا بمنتدى الصحافة الثقافي ومعه الأخ فيصل سليمان .. وهذه حتى تعلم إن كنت جاهلا أن توجه رابطة أبناء مدينة الصحافة توجها قوميا شاملا ورغبتهم الأكيدة في لم شمل كافة الكيامات والسعي لأتفاقها حول أسس وقيم تحقق المصلحة للجميع دون السعي لتغيير إنتماء أو توجه ولكن لأيجاد اللحمة التي تربط كيان السودان هذا الوطن الذي يسع الجميع .. وهنا كان يبرز دورنا في الرابطة لنكون عونا للدبلوماسية الشعبية .. وقد قمنا بهذا الدور دون توجيه من أحد ودون الحصول على دعم أو امتيازات من السفارة أو غيرها ..
ولكي لا أعود لسؤالك الذي ( فقع ) مرارتي أرى أن تبعد أنت شخصيا عن هذا الموضوع ولك أن تنقل لنا فقط وجهة نظر الأخوة المكرمين إن فوضوك بذلك وكفى استفزازا ..

Quote: وأقول له بمنتهى الصراحة : أنك فعلا غريب وعجيب .. ومثل تصريحاتك هذه هي التي ( تفقع ) المرارة بل تزيدنا نحن أبناء الصحافة غيظا وغضبا ..

الاخ عادل جبارة تحياتى..
شكرا للتوضيح ولاتلوم مثل هذا ولكن اللوم يوجه للقناصل
الذين تنمو مثل هذه الطفيليات فى مكاتبهم ويرعوهم ويتولوهم
بالسقاية والعنايه،،،

يا صديق الموج أكيد الموضوع فيهو سوء تفاهم
وأغلب الظن إنو الناس ديل افتكروا التكريم في الصحافة
كدي أسألوا ناس الصحافة أولاً ثم بعد كده لوموهم..

Quote: يا صديق الموج أكيد الموضوع فيهو سوء تفاهم وأغلب الظن إنو الناس ديل افتكروا التكريم في الصحافة كدي أسألوا ناس الصحافة أولاً ثم بعد كده لوموهم..

الاخ نصر الدين..
والله التكريم لو كان فى الصحافه المدينه نفسها
كان ممكن يعتذروا بالتلفون..
لكن وحاتك اضان السفارة طرشا..
عموما لم تخسر الصحافه شئيا...
وكتر خيرك،،،

صاح محمد
شكرا للتعضيد واريتو يجيب فائدة،،،

الاضينه دقو واتعذرلو
مثل سودانى اصيل..