Post: #1 Title: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي تجي Author: Emad Abdulla Date: 05-02-2008, 06:57 PM
حال ما حال يا مسلمين .. وكت الحكاية جابت ليها حنين و أشجان و نصايب تانية .. و المنبر جاب ليهو ( موت سريري منسدح على قفاهو ) .. أخير نمرق الفي النفيسة قبل ما موسم الحرابة و السغافة و الشتيمة الكعبة يجينا صاد .
زبدة الكلام يا حسام ياخي .. أدينا عشرة الأيام , و كتّر لينا بالله من :
( بعدك أماني هواي ياما جَنيتا عدم و لا عرفتَ شريك لي قلبي غير الهم كم غيري يشدو سعيد و أنا في هواك مُغرم ما أظني يوم أنساك و من العذاب أسلم )
إنّا لله ..
.... خدر و صلاح عبدالله و عادل جبارة و دوما و ثروت و حيدر و الجندرية .. و لا كلمة ما دايرا منكم .. غادي غادي بالله .
Post: #2 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: ibrahim kojan Date: 05-02-2008, 07:17 PM Parent: #1
ولا انا............؟
يازول إنشاءالله خير الحاصل شنو؟؟ .. غايتو لو في شكله ..أنا جوا واليحصل يحصلّّ!!
Post: #3 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 07:40 PM Parent: #2
كوجان ياخي كان إنت زول غاوي و عاشق .. فالغنوة دي حلالك .. أها أنا لا ده لا داك .. لكن الغنوة دي بالذات من صباحات ربك شابكه في راسي .. و بتجيب لي معاها حاجات سمحة .. و تيقني الكمده بالرمده .
.... هسه حسام و محمد عثمان ديل أنا داخل علي الله و عليهم .. كان يلحقونا قبل الليل ده ينقسم .. و نبقى بعد داك في حاو و تُر .
Post: #4 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Alsa7afa_30 Date: 05-02-2008, 10:30 PM Parent: #3
على مسؤوليتك يا زول ؟؟
Post: #5 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-02-2008, 10:36 PM Parent: #4
Quote: وكت الحكاية جابت ليها حنين و أشجان و نصايب تانية
في شنو يازول هوووي.؟؟؟ شايف القصة فيها حنين واشجان كدي اجيب عكازي واجي احرس البوست ده نشوف الحاصل شنو والكلامات اييييه
Post: #12 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 11:00 PM Parent: #5
لا إله .. ياخينا ده ما كمبو .. !!! نحنا خاشين في طقوس رمسنة كده .. و شجن شجن و حاجات .. الجاب العكاز و الجُقدي و الفرار شنو ؟؟؟ مافي تمييز ؟؟؟
..... شيل مقانصك و .. الباب بالله .
Post: #21 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-02-2008, 11:31 PM Parent: #12
Quote: الجُقدي
يازول الجقدي في اليد والدموع في الخد
ورغم روحي الجقدية الا شكرا يا عماد وشكرا ياصحافة وتسلم يا محمد عثمان وماتخاف يا عماد بجقدق برفق وحنية
Post: #25 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 11:50 PM Parent: #21
Quote: وماتخاف يا عماد بجقدق برفق وحنية
قلت ليك أنا ود شيوخ .. و الجُقدي ما بيمشي فينا .. ممكن أهنضبك بكلمات الله التامات .. و بنون و القلم و ما يسطرون كدددددددددده لمن ألحقك الفكي أب سُردُبّه .
..... و الليلة وين .
Post: #6 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 10:38 PM Parent: #4
Quote: على مسؤوليتك يا زول ؟؟
Yessssssssssss mooot mooot .. 7ayaa 7ayaa
Post: #7 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Alsa7afa_30 Date: 05-02-2008, 10:44 PM Parent: #1
ما بصح تنساها يا عمدة !
Post: #16 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 11:12 PM Parent: #7
يا حسام .. حسام !! إنت سامعني ؟؟ ..
تصدق و تؤمن بي شنو يا مسلم !!؟ غايتو الليلة دي مباركة عليك قطع شك .. حيث إني ود شيوخ .. و كده .. و أديتك دعوة يا حسام .. إنّا لله .. غايتو كان باب السما الليلة فاتح .. بس أسكت خُم ..
.... هذا .. و الليلة نوم مافي .
Post: #8 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: انعام عبد الحفيظ Date: 05-02-2008, 10:53 PM Parent: #1
ما بصح تنساها
Post: #20 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 11:20 PM Parent: #8
إنعام .. !!!! مممممممم .. .. عرفتك ح تجي واقع على قدومك .. يا أبو القاسم يا حاقد .
بس بالله قبل ما تأخذك نوبة النحيب .. أرخي لينا أضانك للبكية بتاعة الكمنجة في : و إتلاشت الأحلام .. وييييييييين حسن ظنك بييااااا ( هنا .. هنا ) .. شفتي الياء الفي آخر " بيا " الإنسحبت جوه سكلبة الكمنجة دي ؟؟!!
.... بعدين إنتي الدخلك هنا منو ؟
Post: #28 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: انعام عبد الحفيظ Date: 05-03-2008, 00:28 AM Parent: #20
Quote: بس بالله قبل ما تأخذك نوبة النحيب .. أرخي لينا أضانك للبكية بتاعة الكمنجة في : و إتلاشت الأحلام .. وييييييييين حسن ظنك بييااااا ( هنا .. هنا ) .. شفتي الياء الفي آخر " بيا " الإنسحبت جوه سكلبة الكمنجة دي ؟؟!!
شفتها شفتها قصدي سمعتها ياخ الله يعين بس !!!
Quote: بعدين إنتي الدخلك هنا منو ؟
انت نسيت إني انا النصحتك في بوست صباح ببيت البكاء دا
صحي إنا لله !!!
Post: #29 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: انعام عبد الحفيظ Date: 05-03-2008, 00:30 AM Parent: #20
عشرة الأيام ما بصح تنساها كأنه ما حبيتك وكأنو ما عشناها وضمانا أحلى غرام ليه تجفا دون أسباب من غير عتاب أو لوم أخترت غيري صحاب وأصبحت قاسي ظلوم هان ليك فراقي خلاص وانا برضي حولك أحوم كان عهدي بيك ترعاه وأجمل صلاتنا تدوم أمل المحبة سلام بعدك أماني هواي بعدك جنيته عدم ولا عرفت صديق لي قلبي غير الهم كم غيري يشدو سعيد وأنا في هواك مغرم وريني أيه ضراك لو كان صبرت شويه وأسلم في الأوهام ما كان فراقنا المر في بيتي أو في إيدي لكن ظروفك أبت وقست ظروفي علي واتلاشت الأحلام وين حسن ظنك بي وريني أيه صداك لو كان صبرت شوية عمر السنين أيام
وعشرة الأيام ما بصح تنساها
Post: #9 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Huda AbdelMoniem Date: 05-02-2008, 10:56 PM Parent: #1
Post: #11 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-02-2008, 11:00 PM Parent: #9
Quote: اجيب عكازي
عكاز ايييه ياعماد البجي بعد القلب اتكتل بالغنوة الركبها الصحافة 30 دي عفوا يا عمدة سيتحول العكاز الي ورود وزهور واركلوجيا غنوة بالجد تغسل الوجدان غسيل بليفة وراد فيافي البلد الولدت الصوت المدهش ده.. عشرة الايام اغنية بتبكي (فممكن ياعماد اشيل العكاز وابكي)
Post: #22 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-02-2008, 11:41 PM Parent: #9
Quote: فـي داعـي تبكيـني كـدة
خاتي و غلطان يا هدى ياخ .. لكن أنا ما زاتي قاعد على الهبشة يا أمم .. ( إنعام يا حاقدة .. أنا قعدتي سِبه بلا سبب ) .. أقول ليك زي بكيتك دي جاتني زمااااان .. و في محطة قطر سندة .. في الخلا , في كردفان و الواطـة ليل .. المنعول الفي عربية الدرجة التانية الفاتح الراديو منو ؟ .. ما عرفتو .. و كنت ( كويس ) في الليل داك .. تقوم تجي مارقة عشرة الأيام .. و ما عملت حساب الخلا داك و الليل و الكواسة بتاعت الراس و الحبيبة الخاينة بت اللذين .. و بس .. أديها ليك واحد بكية من الحتة ديك لغاية كوستي تاني يوم .
..... غايتو .. و نِعمَ بالله .
Post: #10 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: osman righeem Date: 05-02-2008, 10:58 PM Parent: #1
ما صدقت انو دمعتي وقفت من فديو سامي الحاج اجي نص الليل اعتر في عشرة الايام
العشرة ماب تهون حتي ................
غايتو كلينكس ما لقيت وقعت كم الجلابية (ليس لها علاقة بالهامش)
Post: #27 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 00:24 AM Parent: #10
بالله يا عثمان ياخي .. هسه في هامش و مركز في ليلنا ده ؟؟ يتقاطع الحزن بالفرح بالمساغب من تالاها بالأشواق القديمة بكل خير الدنيا و شرها .. ياخي الليل ده مصفى .. و أخرامها ناعمة .. يشيل منك حُتراب الدنيا والعالمين .. و بالك روّاقو يشتغل .. تنزل المواجد تحت .. و يطفو البني آدم منقّا من عفرة النهار أبو محن .. و تتم الناقصة بشي زي عشرة الأيام دي .
يا صديقي الغنا بيشفي و يغسل .. و يتمّر الروح . ما معانا حزن في الليل ياخي .. فترنا منها أحزان السجم دي .
بكره أحلى .. على قول رجاء .
Post: #30 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 00:48 AM Parent: #10
B] بالله يا عثمان ياخي .. هسه في هامش و مركز في ليلنا ده ؟؟ يتقاطع الحزن بالفرح بالمساغب من تالاها بالأشواق القديمة بكل خير الدنيا و شرها .. ياخي الليل ده مصفى .. و أخرامها ناعمة .. يشيل منك حُتراب الدنيا والعالمين .. و بالك روّاقو يشتغل .. تنزل المواجد تحت .. و يطفو البني آدم منقّا من عفرة النهار أبو محن .. و تتم الناقصة بشي زي عشرة الأيام دي .
يا صديقي الغنا بيشفي و يغسل .. و يتمّر الروح . ما معانا حزن في الليل ياخي .. فترنا منها أحزان السجم دي .
بكره أحلى .. على قول رجاء .
Post: #13 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Alsa7afa_30 Date: 05-02-2008, 11:04 PM Parent: #1
كده كويس يا عمدة ؟؟
دقايق مافي و الدموع غرقت البوست !!
غايتو بكرة إلا ندخل البوست ده عوم ولا بي مراكب ..
Post: #14 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: محمد عثمان Date: 05-02-2008, 11:05 PM Parent: #1
عماد يا اخوى خلاااص عادوك..؟؟؟
والله بينى و بينك اغنية تستاهل فراش ليك حق فى دى..!! ربنا يدى العاافية شاعر الاغنية عوض احمد خليفة و طبعا الفنان الشامخ عثمان حسين طرز الكلمات الجميلة بلحن ابدع ما يكون..
و شكرا صحاافة للاغنية....
Post: #15 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Alsa7afa_30 Date: 05-02-2008, 11:08 PM Parent: #14
أبو حميد
سلامات
ان شاء الله نلقى عندك تسجيل أحسن للأغنية ..
Post: #18 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: محمد عثمان Date: 05-02-2008, 11:18 PM Parent: #15
الصحاافة...
واضح فى تسجيلك تركيب موسيقى جديدة على التسجيل الاصلى للاغنية..يعنى الصوت نفس الصوت القديم للفنان عثمان حسين..
كدا شوف التسجيل دا:
Post: #17 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: غاده محمد موسى Date: 05-02-2008, 11:17 PM Parent: #14
من زماااان بعاين بعيونى من بعيد لبعيد...وعندى راى لكن ساكته ساكت.. البوست بتاع(اسمعنى نشيدك كيفما اتفق)..دخلنى فى حاله ما عندها اى اسم غير انى انجذبت زى ما بقولو الصوفيه ..ودخلنى سودانيز اون لاين..وبرضو بكمنى ضمه.. كل يوم ادخل اقول اكتب اصاب بهاء السكت وامشى..اها الليله نموتو بس..
Post: #32 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 01:19 AM Parent: #17
لله و الرسول يا غادة يا بنيتي .. الله لا جاب الوجع .. و لا الموت .. هو الغنا ده يا غادة بلا التشتة اللت اليرقان ديك تاني بيشبه شي ؟؟ بيحرقك .. لكن فيهو الشفا .
كان عندنا زول بالحيل الغنا بيوجعو .. و يمسك ليك في الشغلات الصغيرة ديك المدكنة بينات الكلام و النغم .. مدسوسة دس .. الزول ده شايقي سمح سماحة الدنيا .. يكون قاعد في صمة خشمو يسمع في الغنوة .. فِنتِررب ينط و يديها جرية و يطنطن : الله لا كسبكم بركة إلهي و سيدي كان دايرين تكتلوني يا الغنايين .. واا ضيقي .. الليلي واا ضيقي .. و يقوم .. و يقعد .. و يتململ لامن الغنية تكمل .. حتين بعد داك الزول يلزم الجابرة .
..... يا زولة موتي موتك .. كلامي الفوق ده كلو ما بيجيب مريسة تامزين .
Post: #31 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 01:06 AM Parent: #14
يا سلام عليك يا محمد .. و أنا أقول الصفقة بتاعت النسوان المشلخات الفي أول الكُفر ديك وين ؟ مشلخات و صفاقات و لابسات الساعة بالشمال و مسايرهن مموجة .. الناس زمان كانوا بيشبهوا الغنا حقهم .. نُضاف و رايقين كده و كويسين ياخي .
عمنا اللواء عوض أحمد خليفة ده حكاية .. كيف عسكري و مليان رقة زي دي البني آدم ده ؟؟ ربيع الدنيا .. خاطرك الغالي .. نورة .. صدقيني .. أغلى من عيني .. كيف يهون .. أغلى الحبايب .. غاية الآمال .. لو كنت ناكر للهوى زيك .
ده زول بديع بديع .. و أبونا الشيخ عثمان حسين ركن من أركان عبقريات الموسيقى و الطرب .. في المنطقة و يمكن العالم . يديهم العافية قدر إمتاعهم لينا .
قدر جمالك يديك يا محمد ياخي .
Post: #19 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: REEL Date: 05-02-2008, 11:19 PM Parent: #1
غايتو !!! الله يجازي الكان السبب القراية حمضت معاي قلتا انوم ..مافيش فايدة .. طيب ادخل اشوف الحاصل...
any how أحححححححمدك يا الله
Post: #35 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 01:32 AM Parent: #19
Quote: أحححححححمدك يا الله
ريل .. جاك الموت يا تارك الصلاة .
..... الغنا يا ريل .. الغنا .
Post: #23 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: كمال سالم Date: 05-02-2008, 11:41 PM Parent: #1
ياالله عليك ياعماد ,, ده شغل من بيت الكلاوى ,, الشمار كاتلنى ,, نفسى أعرف الليله الحاصل عليك شنو ؟ تكون الليله ياربى قطعت الكبرى ؟ يأخـى الغنيه دى بالذات كنا لما نسمعها بنبكى البكى أبو مخاخيت داك , وعثمان حسين كنا بنسك حفلاتو فى المدن التلاته ونرجع مع تباشير الصباح مليانين شجن , ماعارف ده كلو مشى وين هسه , ليش الرومانسيه ياعمده بتتلاشى مع تقدم العمر ؟ وتزورك مره مره زى حالتك الراهنه دى .
واحد صاحبى بيقول , الشايقيه ديل كان ماقدموا أى حاجه للسودان يكفيهم إنهم أنجبوا لينا عثمان حسين ده ,, ردوم من الاشواق والتحايا ,,
Post: #24 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: HAYDER GASIM Date: 05-02-2008, 11:48 PM Parent: #23
آحمم ... أعمل شنو؟
منعوني من الكلام ... لكن كان حسيت إني داير أطق ... بجي أفكها هنا, وسجن سجن ... غرامة غرامة.
Post: #26 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Sabah Hussein Date: 05-03-2008, 00:06 AM Parent: #24
الرفع متين ياخوى؟
وكتين فرزتا برشك من برشنا.
اها نحن ناس زلابيه وشاى.
الحمدلله الفراشك بقى بعد ختيت حنتى .كان انعام لومتنى
ربنا يلزمك الصبر
Post: #33 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Muna Khugali Date: 05-03-2008, 01:19 AM Parent: #26
Quote: خدر و صلاح عبدالله و عادل جبارة و دوما و ثروت و حيدر و الجندرية .. و لا كلمة ما دايرا منكم .. غادي غادي بالله
.
أنا انفع أتكلم؟؟
علي كل حال جبت معاي التوشوز وكمان قطره..
Post: #43 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 08:03 AM Parent: #33
Quote: علي كل حال جبت معاي التوشوز
ديل منو ؟؟؟
غايتو عليك حنكشة السرور يا منى .. الناس جايبة معاها بشاكير ياخي .
Post: #42 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 07:55 AM Parent: #26
صباح ياخي بطلي النقه .. أجعري جعرتك .. و شباشبك تحت أباطك .. و الباب ..
..... الغناي قال شنو ؟؟ المتسبب تبكيهو الريشة .
Post: #41 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 07:21 AM Parent: #24
حيدر ... !!!
أقعد ياخ .. أها نوع الكلام الشايل رسايلو الإنسانية جواهو ده هو البيفوقك على شناة واقعنا يا شيخنا .. ( قول لي إيه ضرّاك .. لو كان صبرت شوية .. غاية المحبة " سلام " ) .. شفت غاية المحبة سلام دي ؟؟؟
أقعد يا زعيم .. حكايتنا بايظة و أيم الحق .
.... أين من عينيّ هاتيك المجالي ؟
Post: #40 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 07:07 AM Parent: #23
Quote: الحاصل عليك شنو ؟
ما حاصل شي يا كيمو .. شوية وحوَحَة في ( مدينة الجوف ) .. إلا أبشّرك أخوك لزّام التقيلة تب .. باقي لي بس أسوي زي عمك " مُخ " لما يسمع أبوداوود : ( خدام جنابن يا زميل ما زلت لامِن أنعدم ) .. و طوالي أشق الجلابية و معاها كوراكة كوراكتين : أوووووووووووو .. أووووك . غير كده ما عندي حاجة و لله الحمد .
Quote: ليش الرومانسيه ياعمده بتتلاشى مع تقدم العمر ؟ وتزورك مره مره زى حالتك الراهنه دى .
القال منو مره مره ؟؟ قاعدة في حتتا .. و داسينها كضب ساكت .. لكن عليَ الله يا كمال أي غنية من خمسة و سبعين و ورا تسمعها .. تلقاك رقدت حُمبُك .. لمن الواحد جاهو حُكاك مستديم في الروح .. و كاروشة كاروشة .
عثمان حسين غناهو مفتري .. و ما بيرحم .. الليلة ربك رب الخير مرقنا بي عشرة الأيام .. ما عارف لو جابت ليها : ( النجم و المسا ) كان ودينا وشنا وين .
Post: #34 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: بهاء بكري Date: 05-03-2008, 01:22 AM Parent: #1
Quote: خاطرك الغالي
ياعمدة ماتتوسط لينا عند حسام عشان يشوف لينا خاطرك الغالي
Post: #36 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: ثروت سوار الدهب Date: 05-03-2008, 01:49 AM Parent: #34
Quote: خدر و صلاح عبدالله و عادل جبارة و دوما و ثروت و حيدر و الجندرية .. و لا كلمة ما دايرا منكم .. غادي غادي بالله .
اها جينا
تم احتلال البوست والناس المفصولين تعسفيا ديل الما جا حقو يجي و الصحافة30 روق الجو كامعتاد. الانقلاب نجح ابقو مارقين قال غادي غادي قال
تحاياي يا عماد
Post: #50 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 12:26 PM Parent: #36
ثروت ياخ ليه ؟؟
إنت الشخيت السويناهو ليكم ده ما عاجبك يعني وللا كيف ؟؟ بعدين شوف الكلام في بساطة عبقريتو و صدقها : ( و إتلاشت الأحلام .. وين حُسن ظنك بيا ؟ وريني إيه ضرّاك لو كان صبرتَ شويه ) . حُسن الظن .. شفت ؟ مفتاح المحبة .. حسن الظن .. !!! ببساطة و كأنها أمر بدهي . ياخي مجموعة قيم كان شايلا غنانا ده على بساطتو و عفويتو .. ( بقت هسه مأثورات أحفورية تليق بها المتاحف ) .. جوه الغنوة البسيطة و عميقة دي تسجيل تأريخي لمرحلة إنسانية من عمر الأمة التعيسة دي .. بقينا نسمع عن حاجات زي دي سمع .. نقوم نحملها أشواقنا ليها في غيابها الشين الخلانا عريانين .. ( يا شناة الزول العريان .. و خِلاقة ) .
ده كلو كوم .. و الضباحين ناس الكمنجات و الفلوت كوم تاني .. و النسوان السمحات البيصفقن ورا ديك .. و زُمبارة عثمان حسين الإلهية الفي صوتو .
..... إنقلاب ما بتقلبونا .. تعيش ديكتاتورية الحنين و الشجن .
Post: #44 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-03-2008, 08:09 AM Parent: #34
يا بهاء .. كلٌ يغني على ليلاه .
( أسأل عليك الليل و نجمو و حتى أنوار الصباح و كل طاير في سماهو في شريعتو الحب مباح أسأل مشاعرك عن هوانا و ليه حنانك ليّ راح تلقاني في غاية الألم .. أمالي تذروها الرياح ) .
.... يا حسام .. أعمل معروف ياخ .. أديهو صاحبك ده حبة عند اللزوم .
Post: #37 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: mamkouna Date: 05-03-2008, 01:56 AM Parent: #1
الساعة ماشة على أربعة صباحاً بتوقيت بطن بيتي.. غلبني النوم..جافاني و قسٌمتو ل جيراني.. دخلت البورد و في بالي أكتب موضوع بعنوان .. (( شِن بتقولو في (( الأرق )) المُعذب سيدو..))..
حسي أقول ليكم شنو.. غير..
--- --- --- --- الله في..!!!
Post: #59 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-04-2008, 06:49 PM Parent: #37
Quote: (( شِن بتقولو في (( الأرق )) المُعذب سيدو..))
لا نقول إلا ما أمرنا الله .. الشكية لى أب إيداً قوية . غايتو كان كده مُكنَتِك كبيرة خلاص .. نحنا مرحلة الأرق أكلناها بالغنا .. هسه بقينا في رقبة الغنا زاااتو .. نداويهو بشنو ؟
..... أنا غايتو لما أنكرب وجع يا ممكونة بدندن براي : و فيم الملامة يا حبيبي .. و كلي هياما يا روحي و يا من تعامى يا حبيبي .. سلاماً سلاما يا روحي تقومي تعلقي في سلاما سلاما الأخيرة دي .. بتريحك .
Post: #38 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: haroon diyab Date: 05-03-2008, 06:26 AM Parent: #1
قريبي / ابو شنبات صباح الخير
Quote: ( بعدك أماني هواي ياما جَنيتا عدم و لا عرفتَ شريك لي قلبي غير الهم كم غيري يشدو سعيد و أنا في هواك مُغرم ما أظني يوم أنساك و من العذاب أسلم )
Post: #61 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-04-2008, 07:08 PM Parent: #38
هارون يا قريبي .. نحنا بخير و على خير .. و الأولاد يسبحون بحمد ربهم .. و مشتاقهم ياخ .. ثم بالله يا هارون سألتك بالذي سمكَ السماء مجاشعا إنك تسمع : ( في الدُجى شاقَ مسمعي صوتها المُلهَمُ النغمْ في الهوى هاجَ مدمعي حُبُها الخالد الألمْ كلما لاحَ بارقٌ من محياها خافقُ ماتَ بالهمِ عاشقُ إنها رُقيتي التي خلدتْ لحنَ شُهرتي أسرَجَتْ ليلَ وحدتي بالأسى و الصبابةِ ) .
و طوالي جُر الغطا و نوم يا هارون نوم يا هارووووووون .. تصحى الصباح كما ولدتك امك , خالٍ من الموانع .
Post: #39 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: ناهد بشير الطيب Date: 05-03-2008, 06:37 AM Parent: #1
اخونا عماد عبدالله اختى منى خوجلى اخونا حيدر ومحمد عثمان والصحافه وهارون وكمال وانعام
وياعماد .....كده ماممكن ...من الصباح والله.... براى داخلة لى فى حالة كده ....كان ماجوا انقذونى منها ناس (911) حيدر قاسم...... ومحمد عثمان ......
غايتوا اليوم ده الله يعديه على خير.....
قتلى غنا سريرى
Post: #45 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: ibrahim kojan Date: 05-03-2008, 10:12 AM Parent: #39
صباحاتك بخيرا يا العماد...
يازول انا صحيت اسع.... ولقيت ليك الشغلانه كلها غني سمح تب وكلام بتاع بكا سكت... يازول والله الشكل والعكاكيز سبناها لناس كيكي
وانا راجع للجمعه المرعبه ديك وبردلب اقع علي وشي ...تتذكر بخاف .. اسال عليك الناس عملت فيني شنو؟؟ ليهسع ماقادر اقيف علي حيلي كويس ...الله يجازي الكان السبب!!!
Post: #63 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-04-2008, 07:57 PM Parent: #39
ناهد ..
أمسحيها لينا ياخ .. نموت برانا يعني وللا النظرية شنو ؟
.... حيدر و 911 و محمد عثمان ديل زحي منهم .. هم زاتهم دايرين ليهم كومر دفاع مدني يخم بلاويهم .
Post: #46 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: انعام عبد الحفيظ Date: 05-03-2008, 10:58 AM Parent: #1
Quote: ( إنعام يا حاقدة .. أنا قعدتي سِبه بلا سبب ) ..
انا ما حاقدة ياخ حاقد النص دا
Quote: وأنا في هواك مغرم وريني أيه ضراك لو كان صبرت شويه
Post: #47 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Safia Mohamed Date: 05-03-2008, 11:18 AM Parent: #1
Quote: يتقاطع الحزن بالفرح بالمساغب من تالاها بالأشواق القديمة بكل خير الدنيا و شرها .. ياخي الليل ده مصفى .. و أخرامها ناعمة .. يشيل منك حُتراب الدنيا والعالمين .. و بالك روّاقو يشتغل .. تنزل المواجد تحت .. و يطفو البني آدم منقّا من عفرة النهار أبو محن .. و تتم الناقصة بشي زي عشرة الأيام دي .
اريتو ليلنا
Post: #48 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالله شمس الدين مصطفى Date: 05-03-2008, 11:39 AM Parent: #47
Quote: و يتمّر الروح
الله يتمِّرنا، بس بى "تمُرنا" ، ياااا حليله يا عماد ، عارف عثمان حسين ده لو غافلك ولفحك بى صوته ده بليل!!! إنا لله ، والله مش تبكى، ده يخليك تـ .... عديييل .
ما سمعته يا عماد، إلآ وتذكرت زجاجة (الليمونادة) "المدقلبة" بتاعة مرطبات السكة حديد ديك، والكراسى الحديدية المقوّسة، ولمبات الزينة الملونة الموضوعة على حواف أسطح البيوت، وناس نضيييفة، جوه وبرّه ، وزجاجات الشيرى والويسكى و "السواسيو" التى تنبت فى رمال الصيوان فى اليوم التالى . أيام ما كانت الخرطوم خرطوم، وأيام ما كانت الناس بتعرف كيف بتفرح، وكيف بترقص، وكيف بتحب، وكيف بتعرِّس . يا سلام يا عماد على هاديك الأيام، لكن الان، الان .... ولا سيبك يا راجل .
الله غالب .
Post: #49 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Amira Elsheikh Date: 05-03-2008, 11:53 AM Parent: #48
عماد...
صباح الخير بتوقيت الحنين...
Post: #66 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-05-2008, 01:15 AM Parent: #48
عبدالله ياخوي .. أبوي الله يرحمو كان مسمى قزازة الليمونادة المفدوعة ديك : الجنجبيرة .. زي الفيها زنجبيل و للا شنو ما عارف .. و البزيانوس .. و الدبل كولا .
في الإتحاد الثانوية العامة .. أستانا طه حسب الرسول كان غول .. غول و بيرعب مدرستنا و المدارس المجاورة .. زول صخرة و صارم و قاسي و شديد .. ما متخيلو عندو علاقة بحاجة إسمها الغنا .. نهائي .. و لا عندو إضنين زاتو . كان زمان في تقليد في المدارس إسمو الإذاعة الداخلية .. قاموا عملوا لقاء مع أستاذنا طه .. و كنت أكن للرجل إعجاب و إحترام مشوب بالرهبة .. و كلامو عندي ما ينزل الواطـة .. قالوا ليهو غنيتك المفضلة يا أستاذ , جاوب بهدوء و صرامة : أنا و النجم و المسا .. من ديك يا عبدالله و هذه الأغنية و غيرها من خيرات أبونا عثمان حسين هم السند و العضد لما تضلم الحاجات . ( أنا و النجم و المسا ضمنا الوجد و الحنين جف في كأسنا الرجا و بكت فرحة السنين آهِ يا شاطيء الغدِ أين في الليل مقعدي أين بالله موعدي ... يا خطاها على الربى عطر أنفاسنا صبا تحمل الشوق و الصبا و الخيالات موكبا و أنا كلما دنا طيفها الحلو و أنثنى عادني الهم و الضنى
..... يا رجل خلينا ننفقه فقهينا .. فقهنا بلا يطلع روحنا ياخ .
Post: #65 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-05-2008, 00:52 AM Parent: #47
Quote: اريتو ليلنا
ما بدورو ليك .. أريتو ليل العدو يا صفية .. بلا يكتّر عليك .. ما فيهو خير تاني .. ما تسمعي النضمي حق المهترشين الفوق ده .
عمك منو القال : ( وليلٍ كمَوجِ البحرِ أرخَى سدولَهُ عليّ بانواعِ الهمومِ ليبتلي فقلتُ لهُ لما تمطّى بصُلبِهِ وأردفَ أعجازً و ناءَ بكلكلِ ألا أيُها الليلُ الطويلُ ألا انجلي بصبحٍ وما الإصباحُ منكَ بأمثَلِ فيا لكَ من ليلٍ كأنَ نجومه بكل مغار الفتلِ شُدّتْ بيذبُلِ كأن الثُريّا عُلقت في مصامِها بامراسِ كِتّانٍ الى صَمِ جندلِ ) .
.... هسه في ذمتك يا صفية .. ده شيتاً بيتشكّر ؟؟؟
Post: #51 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: الجندرية Date: 05-03-2008, 03:59 PM Parent: #1
Quote: خدر و صلاح عبدالله و عادل جبارة و دوما و ثروت و حيدر و الجندرية .. و لا كلمة ما دايرا منكم .. غادي غادي بالله .
شوف جنس دا انا زااااااااااتي ما دايرة لي كلام معاكم اصلو كان ماكتلتوناناقصين عمر روحكم دي ماترقد
بعدين تعال هنا يا اخوي ما كنت تخت لي اي تاء مطرفة كدا
البوست دا شكلو حينقلب بالناس البتردح فيه دي ويجو يرمو بلاهم علينا ، ويقول ليك ما كان تجيب ليك ساسوية
Post: #52 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Moawia Mohammed Date: 05-03-2008, 05:04 PM Parent: #1
خاطرك الغالي - أبوعفان كلمات : عوض أحمد خليفة
دائما أطيب خاطرك الغالي و أسامحك لو نسيت ودعت من يهواك و قلبو في دربك مهما نأيت
كم مره كم حاول يفرق بينا حاسد أو عزول كم مره قالوا جنيت علي بدلت ضؤ أيامي ليل لكني يا نور العذاري أنا ما بضيع حبي قول تلقاني دائما في رجاك غناي في حبك رسول
أسأل عليك الليل و نجمه وحتي أنوار الصباح و كل طائر في سماه في شريعته الحب مباح أسأل مشاعرك عن هوانا وليه حنانك لي راح خليتني في غاية الألم آمالي تذروها الرياح
حيران أسائل نفسي ايه كان السبب أصل الخصام يمكن أكون في حقك اتلومت في ساعة ملام ما اظنو من عرف الهوي يعرف عداوه مع السلام
Post: #53 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-03-2008, 05:17 PM Parent: #52
Quote: والعكاكيز سبناها لناس كيكي
هلا يا دكترة ومشتاقين اخي وانا ذاتي كوجان العكاكيز الليلة والليلة بالذات خليتاها بعيد وعملت شخيت.. والليلة مبسوط او كما يقول اهلنا في الجنوب (مكسوت)او مبسوتة انا شديد ياكوجان واردد براااي وجع وجع الرنين رجع وقال لينا (هلو) واخخخ انا من هلو بتاعة الرنين لو تدري يا كوجان دي الو بمليون ونص يورو عاصر يورو فعشان كده سوف اكسر عكازي حتة حتة وكل حتة تتحول الي مزيكا وغنوة وبوح وصهيل.. وداعا عكاز وداعا مضر
Post: #54 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Nasr Date: 05-03-2008, 06:04 PM Parent: #1
حكاية الشواكيش دي (وأظن أن إسمها الرسمي:خيانة عشرة الأيام) المدورة من المهدية ديك، بالجد بتحير. شباب زي الورد يمشو بيت العرس (لاحظ في حتات تانية بسموه الفرح) ويقعدو يكبوكبو ورا الصيوان ويسمعو الفنان يغني (عني مالهم صدوا وإتوارو....عشرة الأيام....ياخاين .....إنت لو راضى البعاد ..... في الليلة ديك) ويجعرو (لاحظ أنو ست الشاكوش بتكون قاعدة في الكوشة ومتمرة زي الرتينة) في ناس أكثر شجاعة (ولا أتخن جلد ما عارف) بيرقصوا مع الأغاني دي. أها كلها يومين تلاتة تسمع بزولك يا مغترب يا شاعر (ومرات كدا مغترب وشاعر)
غايتو نحن طالما السودان طلعنا منو سالمي الإعضاء (بما في ذلك القلب) تاني ما بتجينا عوجة
عشرة الأيام شنو بالبتبكيني أنا!!!!! يسمعن
Post: #55 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: رشا سالم Date: 05-03-2008, 06:33 PM Parent: #54
Quote: عشرة الأيام شنو بالبتبكيني أنا!!!!! يسمعن
Post: #56 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Osman Musa Date: 05-03-2008, 07:37 PM Parent: #55
ليه تجفا دون أسباب ؟ يا عماد مالك ؟ بهلتها ؟ يعنى يا عماد الواحد يمشى يتشعبط فى الامبير استيت لا حدى الطابق ال 136 ويقول حديد يلاقى حديد ويجى ناطى ؟ التوابيت البتصل من المهاجر وقفت ؟ يا عماد الناس ليش بتشتغل 16 ساعة فى مناجم الفحم ؟ مش عشان ترجع وتنسدح فى كراب عنقريب وتسمع عمك عثمان حسين ده ؟ وحات الشيخ الجعلى يا عماد كل الغناء هنا مهما كان لايساوى دى نعم دى . يازول نسمع وزى ما تجى تجى اول نحنا ساعين ليها بقر ؟ اها علق الاريل ..
Post: #57 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: nourelhadi awad Date: 05-03-2008, 07:37 PM Parent: #1
دستـــــــــــــور ياأولاد مــاما هادي تتفنــة,,,, مالكم ياناس بحتوا ونكشتوا في داعي للردحي دا تتختا عليك ياعمدة الصحافة ماتم الناقصة أجاد أخوي وعشرة الأيام وديك الفيها كل طاير ,,, تطير عيشتنا عشان تدودهنا شرقي وغربي أريتنا مانمنا وتتقد الرهيفة
Post: #58 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Osman Musa Date: 05-03-2008, 08:56 PM Parent: #57
عمكم عثمان حسين عزيز علينا وكت بكرى مو داير يعلق بوست موسم الحنين اها اها النعفرت وزى ما تجى تجى .
Post: #60 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-04-2008, 06:59 PM Parent: #58
Quote: النعفرت
وكلنا بنعفرت معاك ياعثمان
كلمة موغلة وملانة دعاش وبتذكر بنبض البلد الجميل
Post: #62 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: haroon diyab Date: 05-04-2008, 07:31 PM Parent: #1
الحبيب القريب / عماد عبد الله مساء منور
Quote: هارون يا قريبي .. نحنا بخير و على خير .. و الأولاد يسبحون بحمد ربهم .. و مشتاقهم ياخ .. ثم بالله يا هارون سألتك بالذي سمكَ السماء مجاشعا إنك تسمع : ( في الدُجى شاقَ مسمعي صوتها المُلهَمُ النغمْ في الهوى هاجَ مدمعي حُبُها الخالد الألمْ كلما لاحَ بارقٌ من محياها خافقُ ماتَ بالهمِ عاشقُ إنها رُقيتي التي خلدتْ لحنَ شُهرتي أسرَجَتْ ليلَ وحدتي بالأسى و الصبابةِ ) .
و طوالي جُر الغطا و نوم يا هارون نوم يا هارووووووون .. تصحى الصباح كما ولدتك امك , خالٍ من الموانع .
انت عارف اكان عثمان حسين وبازرعة ديل ماكتلوا ليهم زول.... انت بتكتلوا.....!
وبرضو في انتظارك مودتي هارون دياب
Post: #64 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: خدر Date: 05-04-2008, 11:00 PM Parent: #62
ود التوم اعفي لي .. جيتكـ متأخر كان معاي ضيوف من المطارف و من الحنايا جملوا ويكـ انداتي و ( رحلوا و ماتركوا خبر فـ بِلاهي يا طير المشارق ,, إن عَرفت لهم أثر .. فـ ارجع فأني ها هنا في بحر شوق أنتظر*)
نحن نلقاها من الاميرلاي ولا من ع.الواحد ع.الله ولا من ود التوم يا فنان .. اقفل الماسورة دي ياخي الفريق غرقتو .. ______ برجع باكر كان فضل باقي عِمير
Post: #67 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: عبدالكريم الامين احمد Date: 05-10-2008, 01:58 PM Parent: #64
فوووق ياعمدة فوووق
Post: #68 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: وانجا Date: 05-13-2008, 11:49 PM Parent: #67
***
Post: #69 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 05-20-2008, 08:25 PM Parent: #64
يا معين .. فوق
Post: #70 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: انعام عبد الحفيظ Date: 05-20-2008, 10:00 PM Parent: #69
Quote: يا معين ..
يا معين ساي !!!!
غايتو الله يسامحك يا عماد
Post: #71 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 06-07-2008, 10:47 AM Parent: #70
( هان ليك فراقي خلاص ) .. !!
Post: #72 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Emad Abdulla Date: 06-07-2008, 10:47 AM Parent: #70
( هان ليك فراقي خلاص ) .. !!
Post: #75 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: haroon diyab Date: 06-07-2008, 11:23 AM Parent: #72
هان ليه فراقنا كلنا وياصلاح عبد الله الله يصبرك ويصبرنا
Post: #73 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Alsa7afa_30 Date: 06-07-2008, 10:52 AM Parent: #1
Post: #74 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: ناظم ابراهيم Date: 06-07-2008, 11:05 AM Parent: #1
موت دنيا
Post: #76 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: لؤى Date: 06-07-2008, 06:53 PM Parent: #1
على أبو عفّان رحمة الله وواسع مغفرته
إنّا لله وإنّا إليه راجعون اللهم أرحم عُثمان حسين وأسكنه فسيح جنّاتك اللهم باعد بين عثمان حسين وبين خطاياه كما باعدت بين المشرق والمغرب اللهم نقّ عثمان حسين من الخطايا والذّنوب كما يُنَقّىَ الثّوب الأبيض من الدّنس اللهم أغسل عثمان حسين بالثلج والماء والبرد اللهم أبدل عثمان حسين داراً خيراً من داره وأهلاً خيراً من أهله اللهم أجمعنا وعثمان حسين في مستقرّ رحمتك اللهم إنّا نسألك بإسمك الأعظم أن توسّع مدخل عثمان حسين اللهم آنس في القبر وحشة عثمان حسين اللهم ثبّت عثمان حسين عند السُّؤال اللهم لقّن عثمان حسين حجّته اللهم باعد القبر عن جنبات عثمان حسين اللهم أكف عثمان حسين فتنة القبر اللهم أكف عثمان حسين ضمّة القبر اللهم أجعل قبر عثمان حسين روضةً من رياض الجّنّة ولا تجعله حفرة من حفر النار اللهم إن كان أبو عفّان محسناً فزد في إحسانه ، وإن كان مسيئاً فتجاوز عن سيّئاته اللهم ألحق عثمان حسين بالشُّهداء اللهم أفتح على عثمان حسين نافذة من الجّنّة وأجعل قبره روضةً من رياضها
Post: #77 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Magdi Ahmed Elsheikh Date: 06-07-2008, 07:08 PM Parent: #76
تركنا واياكم في غربه وشجن............
له الرحمه والمغفره
Post: #78 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Nasr Date: 06-07-2008, 07:56 PM Parent: #1
عشرة الأيام ما بتبكينا، لكن رحيل مغنيها .... ممكن إتلاشت الأحلام
Post: #79 Title: Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت Author: Ishraga Mustafa Date: 06-07-2008, 08:12 PM Parent: #78
ياعشرة الايام ياوجداننا الذى بقى
يا حبيبنا ياعثمان... لمن تركتنى وإنت رفيقى فى ليل {التعب}
!!!
!!!!
