Post: #1 Title: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 04:04 AM
الحاجه دومه تخلد الي سريرها بعد نضال يوم طويل يرن التلفون ولانه السمع عليها تقيل يلكزها حاج دومه يا حاجه البضرب بعد نص الليل دا الا من ناسك قومي الراقده ليها شنو ؟؟ قامت الحاجه بخفه ولفه عشان التلفون ما يقطع الو وجاني صوت بعرفه اهلا يا ولدي . يا يمه مالك خليتي البورد ؟؟ بري خليتو يا ولدي بكري بقي دكتاتور عديل الايام دي وانا جني وجن الدكتاتوريات والدكاتره يا يمه عندي ليك خبر بجيبك البورد . لووووول اها عرست ولا شنو ؟؟؟ اليوم عقدي يا يمه وهنا يغمر الفرح مامه دومه مبروووووووووووووووك يا ولدي الف الف مبروك وكدا فت لي الشمار يا يمه بعد ساعه من الان عقدي في انجمينا . ايوووووي ايووووووووووي بيت مال وعيال تسعدها وتسعدك مبروك الف مبروك ولدي الزين . اها وتفاصيل العرس ؟؟؟ برسلها ليك في سي دي اسع يمه امشي نومي الزمن اتاخر . سمح ودعتك الحي الدائم تصحبك زغاريدنا وملايين التبريكات من بكين ..........................لانجمينا
-------------- اها يا الحبان محمد نور ولدنا باركو لي
Post: #2 Title: Re: زغاريد في تشاد والصين " محمد نور " ولدي عريسا باركوا لي Author: منوت Date: 05-02-2008, 04:16 AM Parent: #1
ألف مبروك أستاذة دومه لابنكم العريس " محمد نور " ، و بالرفاء والبنين .
Post: #3 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 04:20 AM Parent: #2
شكرا الليموني الجميل يا اخي والله عشمانه في تلفونك لو ممكن في المسنجر الداخلي بس عايزه اسلم عليك واشكرك علي خدمات انت قدمتها لي وللان ما لقيت طريق يودي ليك . ام العريس دومه .
Post: #4 Title: Re: زغاريد في تشاد والصين " محمد نور " ولدي عريسا باركوا لي Author: حيدر حسن ميرغني Date: 05-02-2008, 04:24 AM Parent: #2
تهانينا االحارة لصديقنا العزيز ود نور
تمنيات بحياة زوجية سعيدة
شكرا لدوما على البشارة الطيبة
Post: #5 Title: Re: زغاريد في تشاد والصين " محمد نور " ولدي عريسا باركوا لي Author: Dania Elmaki Date: 05-02-2008, 04:26 AM Parent: #1
مبروك و ربنا يتم على خير, محمد نور يستاهل كل خير
Post: #6 Title: Re: زغاريد في تشاد والصين " محمد نور " ولدي عريسا باركوا لي Author: تولوس Date: 05-02-2008, 04:32 AM Parent: #5
الف الف مبروك وبالعديل والزين
Post: #7 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 04:38 AM Parent: #6
شكرا حيدر حسن ميرغني دانيا المكي وتولوس ما تفوتوا اشربوا شربات الفرح دا وعليكم الله لو اي زول بعرف ينزل اغاني سيره ينزل الشيخ سيرو وافضلها بصوت الكابلي وبالعدم ندي القلعه
Post: #8 Title: Re: زغاريد في تشاد والصين " محمد نور " ولدي عريسا باركوا لي Author: HAYDER GASIM Date: 05-02-2008, 04:40 AM Parent: #5
محمد نور ... مبروووك
وربنا إتمو على خير ونسمع منك وعنك ... ألف خير.
شكرا ... العزيزة دوما,
فقد أشعلنا قناديل الفرح وننتظر ... القيدومة والسيرة.
مع مودتي
Post: #9 Title: Re: زغاريد في تشاد والصين " محمد نور " ولدي عريسا باركوا لي Author: ناذر محمد الخليفة Date: 05-02-2008, 04:59 AM Parent: #1
ألف مبروك لأخونا محمد نور ..
بيت مال وعيال بإذن الله ..
شكرا يا دوما
Post: #10 Title: Re: زغاريد في تشاد والصين " محمد نور " ولدي عريسا باركوا لي Author: Mohamed Suleiman Date: 05-02-2008, 05:02 AM Parent: #9
ألف مبروك يا محمد نور أحمد ... و بيت مال و عيال ..
و شكرا دومة
Post: #11 Title: Re: زغاريد في تشاد والصين " محمد نور " ولدي عريسا باركوا لي Author: Imad Khalifa Date: 05-02-2008, 05:21 AM Parent: #10
آلاف التهاني والتبريكات للأخ محمد نور وبيت مال وعيال شكرا دومة على الخبر الجميل
Post: #12 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 05:21 AM Parent: #10
شكرا حباني حيدر قاسم ناذر عماد الخليفه وحماده السكر زياده ( دا لود سليمان )
النبي كان تشاكلني اليوم اكرمني عشان انا ام العريس
Post: #19 Title: Re: زغاريد في تشاد والصين " محمد نور " ولدي عريسا باركوا لي Author: Mohamed Suleiman Date: 05-02-2008, 06:14 AM Parent: #12
دومة :
Quote: وحماده السكر زياده ( دا لود سليمان )
النبي كان تشاكلني اليوم اكرمني عشان انا ام العريس
أشاكلك كيف بعد الكلام العسل ده !!! اليوم يوم فرحنا بمحد نور ... يا أم العريس
Post: #13 Title: Re: زغاريد في تشاد والصين " محمد نور " ولدي عريسا باركوا لي Author: خالد العبيد Date: 05-02-2008, 05:39 AM Parent: #1
مبروك لمحمد نور مبروك لي دوما
Post: #14 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 05:49 AM Parent: #13
شكرا اخي خالد العبيد محمد نور احمد شاب جميل جدا ويستاهل اقامه صيوان عرس بحجم تشاد والسودان , وشكرا لكل الحضور .
Post: #15 Title: Re: زغاريد في تشاد والصين " محمد نور " ولدي عريسا باركوا لي Author: سيف الدين حسن العوض Date: 05-02-2008, 05:50 AM Parent: #13
الخالة / دوما اولا الف مبروك لمحمد نور وعقبال لكل العزابة من بكن الى انجمينا وثانيا :الف مبروك للخالة دوما عرس ولدها محمد نور ودمتم
Post: #16 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 05:57 AM Parent: #15
تشكر ابني العزيز سيف الدين حسن العوض
دا حالتو العقد بس بعد تصلنا العروس ح نقيم ليالي من الافراح وعقبال كل العزابه ناس فلان وفلان هم عارفين روحهم والكلام ليك يا المنطط عينيك في الخرطوم
Post: #17 Title: Re: زغاريد في تشاد والصين " محمد نور " ولدي عريسا باركوا لي Author: أسامة خلف الله مصطفى Date: 05-02-2008, 06:01 AM Parent: #16
عمت بشائرنا وزار الفرح بيتنا
وسط باقات دعاء الطيبيين... نسأل المولى أن يجعلها زيجة مباركة ويجعل الهناء بقربهم..
Post: #18 Title: Re: زغاريد في تشاد والصين " محمد نور " ولدي عريسا باركوا لي Author: Mannan Date: 05-02-2008, 06:02 AM Parent: #1
مبروك يا عريس لقد ادركت الصين (اطلبوا العلم ولو فى الصين) وانت زودتها اكتر وعملتها عرس... من شارى باقيرمى الى اليانج تسى كيانج... رحلة طويلة ارجو ان تكون حياتكم سعيدة وطويلة .. والتهنئة للحجة دوما... منان
Post: #20 Title: Re: زغاريد في تشاد والصين " محمد نور " ولدي عريسا باركوا لي Author: محمد على طه الملك Date: 05-02-2008, 06:23 AM Parent: #18
الأستاذة دوما .. كل التهاني والأمنيات للعروسين بحياة زوجية مديدة وسعيدة .. الف مبروك .
Post: #21 Title: Re: زغاريد في تشاد والصين " محمد نور " ولدي عريسا باركوا لي Author: الطيب شيقوق Date: 05-02-2008, 06:53 AM Parent: #20
الاستاذة دوما
الف الف الف مبرووووووووووووووك تهانينا وبالجد سعدنا معاك وربنا يبارك فيهو ويكمل فرحتكم
Post: #22 Title: Re: زغاريد في تشاد والصين " محمد نور " ولدي عريسا باركوا لي Author: الطيب شيقوق Date: 05-02-2008, 06:59 AM Parent: #21
يتواصل الفرح مع الاخت دوما
Post: #23 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 07:14 AM Parent: #22
شكرا يا الحبان كلكم بدون فرز انتوا اسياد العرس زاتو ابقوا داخلين لي جوه حضروا المويات والحلاويات والكراسي الليله حفلتنا صباحي ام العريس مارقه تجيب الضبايح وبجيكم اسع عريسنا حالف يضبح تور ويا عديله لي وسيرتنا بالبابور يا عديله لي . ايوووووووووووي
Post: #24 Title: Re: زغاريد في تشاد والصين " محمد نور " ولدي عريسا باركوا لي Author: الطيب شيقوق Date: 05-02-2008, 07:18 AM Parent: #23
Quote: شكرا يا الحبان كلكم بدون فرز انتوا اسياد العرس زاتو ابقوا داخلين لي جوه حضروا المويات والحلاويات والكراسي الليله حفلتنا صباحي ام العريس مارقه تجيب الضبايح وبجيكم اسع عريسنا حالف يضبح تور ويا عديله لي وسيرتنا بالبابور يا عديله لي .
اها وين قريبك الماليا بيهو ايدك انا ما قلت ليك الرطانة ما بتلقوا لا في الحارة ولا في الباردة
Post: #39 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 10:47 AM Parent: #24
Quote: اها وين قريبك الماليا بيهو ايدك انا ما قلت ليك الرطانة ما بتلقوا لا في الحارة ولا في الباردة
حباب ود شيقوق توب غتاي ومقنع قفاي انت مهله وخريف سهله lما قصرت تب جبت لي الفانيين اشكال والوان . قريبي وحاتك الا تكون الطياره فاتتو لكين قطع شك اسع بدور ال private Jet وبشرفنا زين الرجال الما اتلوم . اها طلبي فنان من تشاد كمان وبالعدم عبد القادر سالم ولا عبد الرحمن عبد الله .
Post: #26 Title: Re: زغاريد في تشاد والصين " محمد نور " ولدي عريسا باركوا لي Author: اسيا ربيع Date: 05-02-2008, 07:40 AM Parent: #23
ام العريس.. الف مبروك حياة زوجية سعيدة
Post: #40 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 10:54 AM Parent: #26
Quote: ام العريس.. الف مبروك حياة زوجية سعيدة
شرفتينا ونورتي الرسول فجولا اسيا السمحه يتباخت حالك يا حبيبه نجيك في السمح وشاكره كثير هداياك جميله ومقدره
Post: #25 Title: Re: زغاريد في تشاد والصين " محمد نور " ولدي عريسا باركوا لي Author: zumrawi Date: 05-02-2008, 07:37 AM Parent: #1
العزيزة ماما دوما الف الف الف مبروك لابنكم محمد نور عقبال كل الافراح ومشتاقين ياماما دوما وينك ووين اخبارك اضيفينى الى المسنجر [email protected]
Post: #42 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:00 AM Parent: #25
ياسر ابني الحبيب والله انا مشتاقه ليك بالاكتر وجيت الخرطوم لكين منك لا حس لا خبر اتمني انك تكون بخير . شكرا علي التهنئه
Post: #27 Title: Re: زغاريد في تشاد والصين " محمد نور " ولدي عريسا باركوا لي Author: Yasir Elsharif Date: 05-02-2008, 08:03 AM Parent: #1
أولا ألف مبروك لمحمد نور الزواج..
ومرحبا بعودتك للبورد..
ما في داعي تسيبي البورد عشان دكتاتورية بكري.. بكري مرات بكون زي الشاويش عطية..
برضو الواحد يقول الحمد لله أن بكري لم يُعدم البوستين..
وشكرا
ياسر
Post: #28 Title: Re: زغاريد في تشاد والصين " محمد نور " ولدي عريسا باركوا لي Author: Hatim Yousif Date: 05-02-2008, 08:25 AM Parent: #1
العزيز / محمد نور ......... ألآف التبريكات ... والتهاني .... وخطوة أخرى في الطريق ... ______ الجلابية دوما ..... البورد من غيرك كوم رماد ... لا فيهو طب ولا صيدلة .
---
Post: #29 Title: Re: زغاريد في تشاد والصين " محمد نور " ولدي عريسا باركوا لي Author: amir jabir Date: 05-02-2008, 09:03 AM Parent: #28
الف مبروك الاخ محمد نور
Post: #30 Title: Re: زغاريد في تشاد والصين " محمد نور " ولدي عريسا باركوا لي Author: محمد سنى دفع الله Date: 05-02-2008, 09:20 AM Parent: #29
زمان اهلنا بقولوا عرس قريب هس لو عندهم مناسبة تمرقوها في تشاد ماما دومة الف مبروك والف تحية ندية والف امنية بحياة سعيدة
Post: #51 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:31 AM Parent: #30
Quote: زمان اهلنا بقولوا عرس قريب هس لو عندهم مناسبة تمرقوها في تشاد
اهلا يا محمد سني دفع الله شكرا علي الطله وباقه الزهور الجميله لعرسوتنا الحلوه " كبرى آجي" ولعيون كبرى الجميله نمشي اخر الدنيا انجمينا ما بعيده علينا يا اخوي بس الله يبعد العوارض
Post: #31 Title: Re: زغاريد في تشاد والصين " محمد نور " ولدي عريسا باركوا لي Author: haroon diyab Date: 05-02-2008, 09:21 AM Parent: #1
Post: #32 Title: Re: زغاريد في تشاد والصين " محمد نور " ولدي عريسا باركوا لي Author: Frankly Date: 05-02-2008, 09:39 AM Parent: #1
الأخت الفاضلة دومة
اللهم بارك لهما و بارك عليهما واجمع بينهما بالخير وان يرزقهما الله سبحانه وتعالى الذرية الصالحة
الف مبروك للخلوق محمد نور زينة رجال تشاد الأصيل ابن الإصول
ابن اصول لأنه عرف من يختار كوزيرة وناقلة أجمل خبر لأي إنسان في حياته لجميع من يحب
كونه يتصل من البلد البااااااااااارد داك على الصين عشان يجعل من فرحتنا فرحتين
فرحه بعقد قرانه وفرحنا جميعاً بعودتك
عمل يدل على تكتيكاته الإجتماعية العالية
رجل بهذ السماحة وهذا الخلق هنيئاً لزوجته به
محمد نور دا عرس رائع بروعة نبلك يا اصيل
فرح في شمال اميريكا وفرح في الصين وفرح في تشاد وفرح في السودان
كلهم من أجل محمد نور الإنسان
تمم الله على خير وجعل أيامكما كلها سعادة وحب وهناء
كمال
Post: #33 Title: Re: زغاريد في تشاد والصين " محمد نور " ولدي عريسا باركوا لي Author: jini Date: 05-02-2008, 09:57 AM Parent: #32
الف مبروك لحبينا محمد نور جنى
Post: #34 Title: Re: زغاريد في تشاد والصين " محمد نور " ولدي عريسا باركوا لي Author: هند محمد Date: 05-02-2008, 10:01 AM Parent: #33
ألف مبروك أستاذة دومه للعريس محمد نور و بالرفاء والبنين
Post: #37 Title: Re: زغاريد في تشاد والصين " محمد نور " ولدي عريسا باركوا لي Author: فيصل عثمان الحسن Date: 05-02-2008, 10:41 AM Parent: #34
الفاضلة الأستاذة دومة تحياتى , أولا داير أهنيك أنت على الأريحية والروح السمحة , التى أشعتيها فى هذا المكان , باحتفائك بهذه الطريقة الاسفيرية الراقية بالمناسبات السعيدة , حتى رأى فيك الصديق محمد نور الشخص المناسب الذى أوكل اليه زف الخبر السعيد لأحبابه واخوانه بهذا المنتدى , ونهجك يا دومة فى التعامل , من شأنه أن يشيع الالفة والمحبة بين الاخوان هنا, لك تقديرى واحترامى . أما الصديق محمد نور دا , نحن ماشين ليهو عديل فى انجمينا وربما معى رأفت ميلاد وعبد الباقى شحتو , بس يا أبو النور جهز لينا ( أم تبعج) , ألف مبروك يا رجل يا كريم ان أشركتنا فى فرحك الذى هو فرحنا , وجعل الله أيامك كلها أفراح وسعادة , والتهانى موصولة لبتنا الحلوة , وربنا يديكم الفى مرادكم وعقبال نحتفل معكم بالبكارى . أخوك فيصل والأسرة .
Post: #47 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:18 AM Parent: #37
Quote: أما الصديق محمد نور دا , نحن ماشين ليهو عديل فى انجمينا وربما معى رأفت ميلاد وعبد الباقى شحتو , بس يا أبو النور جهز لينا ( أم تبعج) , ألف مبروك يا رجل يا كريم ان أشركتنا فى فرحك الذى هو فرحنا , وجعل الله أيامك كلها أفراح وسعادة , والتهانى موصولة لبتنا الحلوة
العزيز فيصل عثمان الحسن تشكر يا وريف علي الاطراء وانا زاتي بسافر معاكم انجمينا محمد نور ولدي يستاهل ان تشد اليه الرحال .
Post: #44 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:09 AM Parent: #33
Quote: الف مبروك لحبينا محمد نور جنى
اجي يا جني عاد قدر مواجبتك لينا !! دي ما قدر مقامنا لا انا لا ولدي
Post: #52 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:39 AM Parent: #32
Quote: عمل يدل على تكتيكاته الإجتماعية العالية
رجل بهذ السماحة وهذا الخلق هنيئاً لزوجته به
العزيز فرانكلي تحياتي شكرا علي الطله والمباركه للزول السمح دا وحقيقي ما كان قدامي غير ازف ليكم الخبر الجميل دا وقلت لي ح يزوغ اربعين يوما حسوما لووووووووول بلحقوا ليكم بعد يومين يفتح اللاب توب
Post: #35 Title: Re: زغاريد في تشاد والصين " محمد نور " ولدي عريسا باركوا لي Author: محمد البشرى الخضر Date: 05-02-2008, 10:08 AM Parent: #1
ألف مبروك يا محمد نور ياعمك ربنا يتم ليكم على خير و يسعدكم
قاليك دااسبوع الأخبار الجدا مفرحة حرية سامي الحاج و سفر عبدالله و عقد محمد نور واخيرا وليس آخرا عودة دوما تسلمي يا حاجة
Post: #36 Title: Re: زغاريد في تشاد والصين " محمد نور " ولدي عريسا باركوا لي Author: Salah Waspa Date: 05-02-2008, 10:22 AM Parent: #35
ولأنك وش خير لما جيتي صادة جيتينا بالفرح
مبروووك محمد نور وتاني يادومة كان حردتي بعرس تاني(تلاكيك)
لووووووووول
كل الود
صلاح واسبه
Post: #38 Title: Re: زغاريد في تشاد والصين " محمد نور " ولدي عريسا باركوا لي Author: انعام حيمورة Date: 05-02-2008, 10:45 AM Parent: #1
الف الف الف الف مبروووك يا محمد نور .. وربنا يتمم على خير وبيت مال وعيال
والله فرحت فرح اكتر من فرح ماما دوما دا ..
ام العريس الف مبروك وبيت مال وعيال.. وجيتا جيتي ..
محمد نور
كنت بتشتري في الشيلة ولا شنو ما ظاهر ليك كم يوم في المسنجر ...
Post: #41 Title: Re: زغاريد في تشاد والصين " محمد نور " ولدي عريسا باركوا لي Author: Frankly Date: 05-02-2008, 10:56 AM Parent: #1
يا دومة يعني ننتظر العريس دا اربعين يوم حتى نبارك ليهو ولا كيف
Quote: - ماذا بعد العرس:
- بينما يسافر العروسان لقضاء شهر العسل خارج البلاد أو داخلها في بعض البلدان كما في السعودية والأردن؛ نجد أنه في تشاد لا يخرج العروسان من بيت الزوجية لمدة 40 يوماً. وفي موريتانيا يرسل الزوج مبلغاً لأهل الزوجة بعد الزواج، وترسل الزوجة بعض الهدايا لأهل الزوج، أما في الأردن فتقام وليمة للعروسين في بيت أهل الزوجة. كما يقام في اليمن حفل في منزل العروس أو أحد أقاربها في اليوم الثالث، تجتمع فيه النساء مع العروس، وفي اليوم السابع يقدم العريس لأهل الزوجة ذبيحة تذبح عند دارهم. وفي مصر يقوم أهل العروس بزيارة العروسين في اليوم الثاني للعرس مع تقديم بعض الهدايا والحلويات والأطعمة فيما يسمى (بالصباحية)، وفي اليوم السابع يجتمع أهل الزوجين والأقارب في بيت الزوجين لإقامة حفل ما يسمى بـ"السبوع". هذه جولة سريعة بين عادات وتقاليد الزواج في بعض البلدان الإسلامية فمن أي البلاد تريد أن تتزوج وعلى أي طريقة؟.
Post: #43 Title: Re: زغاريد في تشاد والصين " محمد نور " ولدي عريسا باركوا لي Author: Alsa7afa_30 Date: 05-02-2008, 11:02 AM Parent: #1
ألـ1000ـف مبروك ..
Post: #45 Title: Re: زغاريد في تشاد والصين " محمد نور " ولدي عريسا باركوا لي Author: sanaa gaffer Date: 05-02-2008, 11:09 AM Parent: #1
مليون مبروك يا محمد نور ويا ماما دوما ...
الاخبار الحلوة دائما بتجي من الناس الحلوين ...
ربنا يتمم على خير .. وبيت مال وعيال انشاء الله ...
Post: #46 Title: Re: زغاريد في تشاد والصين " محمد نور " ولدي عريسا باركوا لي Author: دوت مجاك Date: 05-02-2008, 11:17 AM Parent: #1
خالتى دوما
والله مشتاقين بالجد
مبروك لولدك وان شاء الله بيت مال وعيال وعقبال الوليدات
Post: #62 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 01:22 PM Parent: #46
Quote: خالتى دوما
والله مشتاقين بالجد
مبروك لولدك وان شاء الله بيت مال وعيال وعقبال الوليدات
دوت حبيب عيوني وعقبال افرح بيك انت كمان يا زين الشباب
Post: #48 Title: Re: زغاريد في تشاد والصين " محمد نور " ولدي عريسا باركوا لي Author: عبدالمحمود محمد عبدالرحمن Date: 05-02-2008, 11:24 AM Parent: #1
الاخت المكرمة دوما؛ الف مبروك زواج الابن محمد نور وبالعديل والزين والرفاه والبنين وعقبال عرس الأحفاد
Post: #49 Title: Re: زغاريد في تشاد والصين " محمد نور " ولدي عريسا باركوا لي Author: ALazhary2 Date: 05-02-2008, 11:29 AM Parent: #1
العزيزة الحبيبة والدتنا doma
سعيد جداً بعودتك للمنبر كنا مشتاقين ليك زي شوق المريض للعافية .
والف مبروك لابنكم العريس " محمد نور "
ربنا يسعده ويرزقه الذرية الصالحة ويجمع بينهم على خير .
تحياتي وتقديري لكم .
Post: #50 Title: Re: زغاريد في تشاد والصين " محمد نور " ولدي عريسا باركوا لي Author: Raja Date: 05-02-2008, 11:29 AM Parent: #1
زغرودة طويييلة من عندنا من هنا كمان عشان محمد نور وعروسته
مبروك يا صديقي.. وإن شا الله تتهنى وتغرق في العسل ليوم الدين سلامي للوالدة شديد وقل ليها دوما امي ورجا وزيرتي (بالله أنا عايزة وزارة الخارجية )
دوما يا حبيبة.. ألف مبروك.. والعقبى لكل الشباب والصبايا الهنا
Post: #53 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-02-2008, 11:44 AM Parent: #50
Quote: سلامي للوالدة شديد وقل ليها دوما امي ورجا وزيرتي (بالله أنا عايزة وزارة الخارجية )
رجويه العسل تعال نمش انجمينا للعرس انا ما عندي ما نع ومحمد نور وكبر ى يستاهلوا
Post: #54 Title: Re: زغاريد في تشاد والصين " محمد نور " ولدي عريسا باركوا لي Author: soma Date: 05-02-2008, 11:50 AM Parent: #53
دومه الحنينة مبرووووووك الف مبروك لولدك محمد نور تعيشى وتفرحى يا غالية من بطن الاهل الف مبروك للعرسان ربى يسعدهم وبيت مال وعيال ان شاء الله يا رب تطلى علينا تانى بى فرحة اكبر تحياتى ومودتى اسماء الجنيد / مسقط
Post: #55 Title: Re: زغاريد في تشاد والصين " محمد نور " ولدي عريسا باركوا لي Author: الطاهر ساتي Date: 05-02-2008, 12:14 PM Parent: #1
الف مبروك ليهو وليك ياخالة.. بيت ومال وعيال يارب وربنا يسعدكم دائما بالمفرحات ويديكم الصحة والعافية مودتى
Post: #56 Title: Re: زغاريد في تشاد والصين " محمد نور " ولدي عريسا باركوا لي Author: ابو جهينة Date: 05-02-2008, 12:17 PM Parent: #55
ألف مبروك دومة نزف التهاني و التبريكات
مع خالص مودتي
Post: #57 Title: Re: زغاريد في تشاد والصين " محمد نور " ولدي عريسا باركوا لي Author: تاج الدين عبدالله آدم Date: 05-02-2008, 12:21 PM Parent: #1
الف الف مبروك للاخ العزيز العريس محمد نور ودامت الافراح....
شكرا دومة علي هذا الخبر الجميل
Post: #59 Title: Re: زغاريد في تشاد والصين " محمد نور " ولدي عريسا باركوا لي Author: حواء سليمان ابراهيم Date: 05-02-2008, 12:51 PM Parent: #57
مبروك لمحمد نور يا دومه يا بشير الخير
ياربى العروس كبرى آجى دى بنت الدبلوماسى المشهور
الحاج محمود آجى ، كان بقت هى يا محمد نور يانا البقينا نسايب
حواء
Post: #58 Title: Re: زغاريد في تشاد والصين " محمد نور " ولدي عريسا باركوا لي Author: Gaafar Ismail Date: 05-02-2008, 12:40 PM Parent: #1
الأخت الفضلى دومــة شــكرا جزيلا على إيراد هذا الخبر السار جدا ..وألف مبروك لولدنا محمد نور
الحبيب محمد نــور ألــف ألــف مبروك وإن شاء الله بيت مال وعيال
تحياتي ومودتي
Post: #60 Title: Re: زغاريد في تشاد والصين " محمد نور " ولدي عريسا باركوا لي Author: معتصم الطاهر Date: 05-02-2008, 01:04 PM Parent: #1
مبروك بدوما ومحمد نور
Post: #61 Title: Re: زغاريد في تشاد والصين " محمد نور " ولدي عريسا باركوا لي Author: عزاز شامي Date: 05-02-2008, 01:12 PM Parent: #1
ألف ألف ألف مبروك يا خالة دوما و بيت مال و عيال
Post: #63 Title: Re: زغاريد في تشاد والصين " محمد نور " ولدي عريسا باركوا لي Author: Rawia Date: 05-02-2008, 01:24 PM Parent: #61
يارب يتهنى ويسعد طول العمر مبروك للعروسين
Post: #86 Title: Re: زغاريد في تشاد والصين " محمد نور " ولدي عريسا باركوا لي Author: ماجدة عوض خوجلى Date: 05-03-2008, 07:31 PM Parent: #61
الف مبروك دوما حبيبه الف مبروك اخى محمدنور ربنا يتمم على
Post: #87 Title: Re: زغاريد في تشاد والصين " محمد نور " ولدي عريسا باركوا لي Author: Magdi Ahmed Elsheikh Date: 05-03-2008, 07:36 PM Parent: #86
الف مبروك وربنا يتمم على...خير
Post: #64 Title: Re: زغاريد في تشاد والصين " محمد نور " ولدي عريسا باركوا لي Author: نصار Date: 05-02-2008, 01:40 PM Parent: #1
العزيزة دوما الف مبروك و ربنا يتمه علي خير و يجعله زواج سعيد و يرزقهما المال و البنون
Post: #65 Title: Re: زغاريد في تشاد والصين " محمد نور " ولدي عريسا باركوا لي Author: عادل جبارة Date: 05-02-2008, 01:50 PM Parent: #64
الخالة دوما ألف مبروك لمحمد نور وبالرفاء والبنين إنشاء الله
Post: #66 Title: فرحانين شديد يا مان Author: محمد عبد الماجد الصايم Date: 05-02-2008, 02:02 PM Parent: #1
يا سلاااااااااام ياخ
محمد نور يا عمك والله فرحنا ليك ياخ وكل سنة وإنت طيب
مبروك ليك يا خالة دوما
عقبالنا يا عمك
Post: #67 Title: Re: زغاريد في تشاد والصين " محمد نور " ولدي عريسا باركوا لي Author: الجندرية Date: 05-02-2008, 02:21 PM Parent: #1
بخيت وسعيد يا دوما ونباخت ليك كمان جديد سامي وسوزان يارب
Post: #69 Title: Re: زغاريد في تشاد والصين " محمد نور " ولدي عريسا باركوا لي Author: Kostawi Date: 05-02-2008, 02:30 PM Parent: #67
Congratulation to Mohamed Nur and his mom
Post: #68 Title: Re: زغاريد في تشاد والصين " محمد نور " ولدي عريسا باركوا لي Author: كمال ادريس Date: 05-02-2008, 02:27 PM Parent: #1
الف مبروك للعريس.
يا خالة وين كشف الختة!!
Post: #70 Title: Re: زغاريد في تشاد والصين " محمد نور " ولدي عريسا باركوا لي Author: معتز تروتسكى Date: 05-02-2008, 02:48 PM Parent: #68
خالص التحايا ماما doma اخبارك والصحة، [محمد نور ] من الذين يجبروك على احترامهم ،سيدا يبدو كبيرا .. فارعا..متجاوزا ..مستأسدا ..متوهجا ..متناميا..وموحدا .. مذهبا ينمو ؛ حاضرا ؛ متساميا ؛ متأدبا ؛ متراميا ؛ متطلعا ؛ ومجددا.. فرحنا ليهو بقدر مساحة وشعب الصين واكتر فهو يستاهل... فقط انتي كان ينكنك التمهل على قلوبنا الصدئه بالفرحه...حتى يمكننا التمهل فى اندلاعه فى الحواس ..فى احتمال فرحنا به والناس..
التحايا النواضر..
Post: #71 Title: Re: زغاريد في تشاد والصين " محمد نور " ولدي عريسا باركوا لي Author: صديق الموج Date: 05-02-2008, 02:51 PM Parent: #1
خالتنا دومه الف مبروك مع امنياتنا بدوام الافراح،،،
Post: #72 Title: Re: زغاريد في تشاد والصين " محمد نور " ولدي عريسا باركوا لي Author: ابوالقاسم ابراهيم الحاج Date: 05-02-2008, 04:53 PM Parent: #1
ماما دوما. حبابك. شكرا لهذه النافذة المفتحة للبشائر والتبريكات. فعلا لقد عمت الأفراح كل إنجمينا من شرقها لغربها ومن شمالها لجنوبها وتمركزت فى وسط البلد وبمسجد حرازاى المطل على شارع (نميري) وبقرب من منزل كبير عائلة(آجي) الحاج آدم آجي, واولاده.
حيث تقاطر زملاء محمد نور من كل فج زملاء دراسة, وزملاء العمل السابق, وزملاء الجامعة والغربة حينما كانو بالسودان, ورابطة خريجى الجامعات العربية.
وتلاميذه فى المدرسة الكويتية والصداقة السودانية ومعهد فيصل العلمى العالى.
وشكرا لك هذه لفتة كريمة من كريمة أصيلة مثلك. كدي بس إنت قولى Deal حتشوفى إنجمينا لحضور العرس الماخمج!1.
Post: #96 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-04-2008, 05:39 AM Parent: #72
Deal يا ابو القاسم امنيتي اشوف انجمينا وننجم مع كبرى ومحمد نور . الحبان المارديت عليهم بجيكم بعد انتهاء ايام حدادي الثلاث علي اخوتي واخواتي وابنائي ممن لقوا مصرعهم في حادث الطائره المشئومه بالجنوب وجددوا علي حزني الكبير وفقدنا العظيم دكتور جون قرنق . شكرا لمشاركتكم بجيكم صاده لو العمر فيهو مدد
Post: #73 Title: Re: زغاريد في تشاد والصين " محمد نور " ولدي عريسا باركوا لي Author: النصرى أمين Date: 05-02-2008, 05:00 PM Parent: #1
الف مبروك وبيت مال وعيال
Post: #74 Title: Re: زغاريد في تشاد والصين " محمد نور " ولدي عريسا باركوا لي Author: شول اشوانق دينق Date: 05-02-2008, 05:27 PM Parent: #1
مبروك يا أم العريس ومبروك للاخ محمد نور
ما تمشى تانى من المنبر
شول اشوانق
Post: #75 Title: Re: زغاريد في تشاد والصين " محمد نور " ولدي عريسا باركوا لي Author: خالد حاكم Date: 05-02-2008, 05:49 PM Parent: #74
مبروك لمحمد نور مبروك لي دوما
Post: #76 Title: Re: زغاريد في تشاد والصين " محمد نور " ولدي عريسا باركوا لي Author: خدر Date: 05-02-2008, 06:29 PM Parent: #75
مبروك للاخ محمد نور و بيت مال و عيال يارب و عودا حميدا يا خالة دومة و للاخبار الحلوة
__ صديق الموج بطل حركات خالة دومة دي قدركـ .. قال خالة دومة قال
Post: #77 Title: Re: زغاريد في تشاد والصين " محمد نور " ولدي عريسا باركوا لي Author: Amira Elsheikh Date: 05-02-2008, 06:33 PM Parent: #76
مبروك للاخ محمد نور و بيت مال و عيال يارب ..
ربنا يهنيك ويسعدك...
ماما دومة..
بركة بالشوفة ومبروك لولدك..
Post: #78 Title: Re: زغاريد في تشاد والصين " محمد نور " ولدي عريسا باركوا لي Author: رأفت ميلاد Date: 05-02-2008, 06:34 PM Parent: #75
مبروك يا دومة ليك وللعريس الجميل محمد نور
وبركة الشفناك عافية
ومشتاقين والصيف على الأبواب
Post: #79 Title: Re: زغاريد في تشاد والصين " محمد نور " ولدي عريسا باركوا لي Author: Munir Date: 05-03-2008, 01:14 AM Parent: #78
مبروك للعريس محمدنور .. والتهنئة للخالة دومة ..
أجمل الأماني بحياة سعيدة بالرفاه والبنين .. .. .
أبشر بالخير ..
Post: #80 Title: Re: زغاريد في تشاد والصين " محمد نور " ولدي عريسا باركوا لي Author: AnwarKing Date: 05-03-2008, 05:43 AM Parent: #79
ألف مليون مبروك للأخ العزيز محمد نور...الله يتموا على خير...
ومبروك لأم العريس الحبيبة والحبوبة دوما..
مع تمنياتي لكم جميعاً بدوام الصحة والفرحة
أنور
Post: #81 Title: Re: زغاريد في تشاد والصين " محمد نور " ولدي عريسا باركوا لي Author: Balla Musa Date: 05-03-2008, 05:50 AM Parent: #80
doma
مبروك لمحمد نور
لكن:
Quote: محمد نور ولدي عريسا
بطلى استهبال الجلابة دا..
Post: #82 Title: Re: زغاريد في تشاد والصين " محمد نور " ولدي عريسا باركوا لي Author: ود محجوب Date: 05-03-2008, 07:44 AM Parent: #81
نبارك للأخ الخلوق المؤدب محمد نور أحمد
وربنا يتم له على خير . ويسعدو ويهنيئه
والشكر للأخت دوما وربنا يجعلها دوما بشارة خير.
Post: #83 Title: Re: زغاريد في تشاد والصين " محمد نور " ولدي عريسا باركوا لي Author: الصادق خليفة Date: 05-03-2008, 07:50 AM Parent: #81
الف مبروك للاخ محمد نور شاكرا الحاجة دومه
Post: #84 Title: Re: زغاريد في تشاد والصين " محمد نور " ولدي عريسا باركوا لي Author: هضيبي علي سعيد Date: 05-03-2008, 08:04 AM Parent: #1
الف ألف مبروك أخ محمد نور
أدام الله أفراحكم......
شكرا .............. دوما
Post: #85 Title: Re: زغاريد في تشاد والصين " محمد نور " ولدي عريسا باركوا لي Author: مجدي عبدالرحيم فضل Date: 05-03-2008, 08:33 AM Parent: #84
الخاله دومه زواج مبارك لأخ محمد نور وزغاريدنا بالعديل والزين
،،،،أبوقصى،،،،
Post: #88 Title: Re: زغاريد في تشاد والصين " محمد نور " ولدي عريسا باركوا لي Author: الطيب شيقوق Date: 05-03-2008, 10:00 PM Parent: #85
Quote: حباب ود شيقوق توب غتاي ومقنع قفاي انت مهله وخريف سهله lما قصرت تب جبت لي الفانيين اشكال والوان . قريبي وحاتك الا تكون الطياره فاتتو لكين قطع شك اسع بدور ال private Jet وبشرفنا زين الرجال الما اتلوم . اها طلبي فنان من تشاد كمان وبالعدم عبد القادر سالم ولا عبد الرحمن عبد الله .
تامري يا اعظم خالة في الدنيا والله عايشين معاك الفرحة بكل احاسينا ومشاعرنا - خودك عبد الرحمن عبد الله يا ام العريس .
Post: #89 Title: Re: زغاريد في تشاد والصين " محمد نور " ولدي عريسا باركوا لي Author: هجو الأقرع Date: 05-03-2008, 10:20 PM Parent: #1
مبروك والف مبروك بيت مال و عيال ، و بالرفاء و البنين .
Post: #90 Title: Re: زغاريد في تشاد والصين " محمد نور " ولدي عريسا باركوا لي Author: انعام عبد الحفيظ Date: 05-03-2008, 10:30 PM Parent: #1
محمد نور مبروك والف مبروك
ماما دوما مبروك لولدك العريس
Post: #91 Title: Re: زغاريد في تشاد والصين " محمد نور " ولدي عريسا باركوا لي Author: محمدين محمد اسحق Date: 05-03-2008, 10:52 PM Parent: #90
الخالة دوما ليك القومة و المعزة دائمأ ..
و الف الف مبروك بزواج الاخ العزيز محمد نور .. و الله يجعل ايامك كلها افراح ..
Post: #92 Title: Re: زغاريد في تشاد والصين " محمد نور " ولدي عريسا باركوا لي Author: bakri abdalla Date: 05-03-2008, 11:37 PM Parent: #91
أخبار جميلة يا دوما والف مبروك للعزيز محمد نور
Post: #93 Title: Re: زغاريد في تشاد والصين " محمد نور " ولدي عريسا باركوا لي Author: ثروت سوار الدهب Date: 05-04-2008, 03:38 AM Parent: #92
الف مبروك للاخ محمدنور و بيت مال و عيال
و يا حاجة دومة الشيلة جايكم مع شعلة الاولمبيات
تهانينا
و تحاياي للاخت دومة
Post: #94 Title: Re: زغاريد في تشاد والصين " محمد نور " ولدي عريسا باركوا لي Author: Seif Elyazal Burae Date: 05-04-2008, 03:44 AM Parent: #93
ماما دوما
الف الف مبروك من الاعماق
ابنك
سيف اليزل
Post: #95 Title: Re: زغاريد في تشاد والصين " محمد نور " ولدي عريسا باركوا لي Author: salma subhi Date: 05-04-2008, 05:23 AM Parent: #94
1000 1000 مبروك يا دوما
انشاء الله دياركم عامرة دايماً بالأفراح
Post: #97 Title: Re: زغاريد في تشاد والصين " محمد نور " ولدي عريسا باركوا لي Author: Ahmed Yousif Abu Harira Date: 05-04-2008, 05:55 AM Parent: #95
مبروووك للزميل محمد نور
شكرا دومه
Post: #98 Title: Re: زغاريد في تشاد والصين " محمد نور " ولدي عريسا باركوا لي Author: عادل سهل Date: 05-04-2008, 08:03 AM Parent: #1
العزيزة doma
سعيد جداً بعودتك للمنبر .
والف مبروك لابنكم العريس " محمد نور "
ربنا يسعده ويرزقه الذرية الصالحة .
تحياتي وتقديري .
ــــــــــ
Post: #99 Title: Re: زغاريد في تشاد والصين " محمد نور " ولدي عريسا باركوا لي Author: محمد نور أحمد Date: 05-05-2008, 05:49 PM Parent: #1
يا الله.. ما أجمل أن تكون جزءا من نسيج هذا السودانيز أون لاين.. معقولة يا اخوانا .. الواحد عاملين ليه حفله بي ربتها ومدوره 3 أيام وهو ساكي الدولار ما قادر يدخل يشكر الناس الجاية تهنئه.. يلعن سنسفيل أبو أهل الدولار ظاااااتو ياخي.. يا اخوانا والله سعيد جدا بيكم ومقدر جيتكم فردا فردا ولساني عاجز عن الشكر.. إنشاءالله يا رب عقبال كل العزابة والعازفين.. والمتزوجين يارب تدبل ليهم ( زعل ما معانا يا ناس الجندر) ونشوفكم كلكم يا شباب وصبايا مبسوطين ومتهنين .. وإنشاءالله ما نجيكم في شينة..
حأجيكم زول زول .. كثر خيركم يا أهلي الإسفيريين..
----------------- أنا مبسوط جدا باستدراجي لماما دومه للعودة للمنبر أكثر من فرحي بالعقد (كلام زول ضامن المدام ما بتقرا البورد)
Post: #100 Title: Re: زغاريد في تشاد والصين " محمد نور " ولدي عريسا باركوا لي Author: AnwarKing Date: 05-05-2008, 05:51 PM Parent: #99
ألف مليون مجدداً يا عريسنا الحبيب محمد نور...
Post: #101 Title: Re: زغاريد في تشاد والصين " محمد نور " ولدي عريسا باركوا لي Author: kamalabas Date: 05-05-2008, 05:52 PM Parent: #1
Quote: العزيزة دوما الف مبروك و ربنا يتمه علي خير و يجعله زواج سعيد و يرزقهما المال و البنون
Post: #102 Title: Re: زغاريد في تشاد والصين " محمد نور " ولدي عريسا باركوا لي Author: Tragie Mustafa Date: 05-05-2008, 07:16 PM Parent: #1
مبروك يا دوما للعزيز محمد نور وكثر خيره اتصل بي يومها وربنا يسعدهم ويوفقهم وبيت مال وعيال. وغايتو يا محمد نور كان مشيت للانجمينا للعرس يانا كلنا المسافرين.
Post: #103 Title: Re: زغاريد في تشاد والصين " محمد نور " ولدي عريسا باركوا لي Author: محمد نور أحمد Date: 05-07-2008, 03:09 AM Parent: #102
والله يااخوانا قدرما أنا سعيد بعودة ماما دوما من خلال البوست دا للمنبر .. وبرضو عودة تراجي المتزامن مع عقد قراني .. و فرحان لحد التحليق بي مواجبتكم.. لكني زعلان من بكري دا .. معقول يا اخوانا دحين بكري غالبه يشيل يافطته المليانة هنابيك ديك واللافي بيها بوستات السمايات والطهور دي ويلصقها لي هنا دا؟ ماما دومه قالت بكري دكتاتور وعشان كدا خلت البورد حتان جبناهنا.. وتراجي عندها رايها الما بيغباني من زمان .. إلا دحين عدم جية بكري هنا دي عشان يهنيني حقارة عدييييييييييل .. حقارة شنو ياخي .. حقارة الشوية دي .. دحين يا اخوانا دا تمييز عنصري ضد الأقليات في البورد..
أنا داير المناضلين يجيبوا لي حقي من بكري دا .. والليلة دي..
Post: #104 Title: Re: زغاريد في تشاد والصين " محمد نور " ولدي عريسا باركوا لي Author: حيدر حسن ميرغني Date: 05-07-2008, 03:22 AM Parent: #103
Quote: دحين يا اخوانا دا تمييز عنصري ضد الأقليات في البورد
بالحيل
بكري ده عندو ناسات هنا ... يجيك طاير بـ
Quote: يافطته المليانة هنابيك ديك
لو كان فى بوست حق واحد متخرج من الروضة برضو
او بوستات مضروبة مثل بتاع بت سوركتي نطراها بالخير
غايتو الليلة حقو راح معانا
سنعلن العصيان فى المنبر حتى تقام العدالة لتوزيع اليافطات دي
معاك يامان ولو جرَو مننا عدة الشغل ذاتها
Post: #105 Title: Re: زغاريد في تشاد والصين " محمد نور " ولدي عريسا باركوا لي Author: محمد نور أحمد Date: 05-07-2008, 03:56 AM Parent: #104
Quote: معاك يامان ولو جرَو مننا عدة الشغل ذاتها
تسلم عدة الشغل من الجر يا اخوي .. والله إنت راجل حقاني يا حيدر.. وأنا إعتبارا من المداخلة دي مديك توكيل رسمي وقانوني في الموضوع دا يا حيدر..
---------------------- كدي النستشيرك يا حيدر يا اخوي .. دحين التمييز العنصري ضد الأقليات الزي مارسوا بكري على بكري دا بيجيب لي تعويض زي كم كدي؟
Post: #106 Title: Re: زغاريد في تشاد والصين " محمد نور " ولدي عريسا باركوا لي Author: حيدر حسن ميرغني Date: 05-07-2008, 04:24 AM Parent: #105
يازول بكرينا ده لو اتفتحت عليهو التعويضات دي والله إلا يكون شريك لبيل غيتس عشان يغطيها
اما تعويض التمميز العنصري ... قبول عضوية ثلاثة مهمشين جدد وبشرط عدم سحب عدتهم ولو تجاوزوا قوانين المنبر (عضوية ذهبية)
Post: #107 Title: Re: زغاريد في تشاد والصين " محمد نور " ولدي عريسا باركوا لي Author: Nasr Date: 05-07-2008, 04:25 AM Parent: #1
ألف مبروك يا دوما وبيت مال وعيال
Post: #108 Title: Re: زغاريد في تشاد والصين " محمد نور " ولدي عريسا باركوا لي Author: Mohammed Haroun Date: 05-07-2008, 12:54 PM Parent: #1
ألف مبروك يا دومة وإن شاء الله بيت مال وعيال وآسفين على الجية المتأخرة.
ولدنا العريس محمد نور ألف الف مبروك وإن شاء الله ربنا يسعدكم ويهنيكم.
تحياتي
Post: #109 Title: Re: زغاريد في تشاد والصين " محمد نور " ولدي عريسا باركوا لي Author: Mohammed Tirab Date: 05-07-2008, 03:04 PM Parent: #108
ألف مبروك
للأخ العريس
محمد نور
وجمع الله بينكما على خير,
وبيت مال وعيال
تمنياتي لكما بالسعادة الدائمة,والسكينة اللازمة.
د.محمد عبدالله تيراب ______________________ الحق يعلوا ولا يُعلى علي
Post: #110 Title: Re: زغاريد في تشاد والصين " محمد نور " ولدي عريسا باركوا لي Author: محمود بكر Date: 05-07-2008, 05:02 PM Parent: #1
الفاضل/ العريس والفضلى ام العريس
مليون مبروك وربنا يتمه على خير
Post: #111 Title: Re: زغاريد في تشاد والصين " محمد نور " ولدي عريسا باركوا لي Author: سجيمان Date: 05-07-2008, 06:00 PM Parent: #1
انشالله بخيت وسعيد عليهم يا دوما
Post: #112 Title: Re: زغاريد في تشاد والصين " محمد نور " ولدي عريسا باركوا لي Author: Elawad Date: 05-07-2008, 06:09 PM Parent: #1
بيت مال و عيال يا محمد و بارك الله لكما و بارك عليكما و جمع بينكما في خير. و خالص الشكر للأخت دوما لنقل الخبر السعيد.
Post: #113 Title: Re: زغاريد في تشاد والصين " محمد نور " ولدي عريسا باركوا لي Author: القلب النابض Date: 05-07-2008, 09:21 PM Parent: #112
اللهم بارك لهما ...
وارزقهما حلالاً طيبا...
الف مبروك دوما أم العريس
Post: #114 Title: Re: زغاريد في تشاد والصين " محمد نور " ولدي عريسا باركوا لي Author: emad altaib Date: 05-07-2008, 11:24 PM Parent: #1
ــــــــــــــ ام العريس "محمد نور"..(الدومه)
شايفك صِرتِ تزعلي من كلمة (ماما)
وكمان انا عندي قناعة تامة ..
كل ماهو (إجتماعي فهو سياسي)!!!
لكن حتماً.. إتفقت معك في فرح
إخي محمد نور.....من جوه قلبي
فمبروك لكم كاملةً..من غير نقصانٍ
او هفوانٍ .. والله يكتب لهم
كل السعادة ..... والهنا....
والــمـــنـــي ..
Post: #115 Title: Re: زغاريد في تشاد والصين " محمد نور " ولدي عريسا باركوا لي Author: emad altaib Date: 05-07-2008, 11:38 PM Parent: #114
ام العريس ..محمد نور.. السمح .. ابشري .. وارفعي يدك لي فوووووق
Post: #116 Title: Re: زغاريد في تشاد والصين " محمد نور " ولدي عريسا باركوا لي Author: somia gassim Date: 05-08-2008, 00:30 AM Parent: #115
يوي يو ي يوي بيت مال وعبال
ويغلبها بالدولارالساكيه ده وتغلبوا باجمل الاطفال
الف مبروك
منعم وسميه
Post: #117 Title: Re: زغاريد في تشاد والصين " محمد نور " ولدي عريسا باركوا لي Author: Khalid Kodi Date: 05-08-2008, 01:16 AM Parent: #1
تهانينا للستاذ محمد نور،
وتحياتنا وتهانينا للعزيزه دومه.
Post: #118 Title: Re: زغاريد في تشاد والصين " محمد نور " ولدي عريسا باركوا لي Author: mansur ali Date: 05-08-2008, 03:11 AM Parent: #117
ألف مبروك للصديق محمد نور أحمد ولدومة التحية والتقدير
Post: #119 Title: Re: زغاريد في تشاد والصين " محمد نور " ولدي عريسا باركوا لي Author: محمَّد زين الشفيع أحمد Date: 05-08-2008, 05:32 AM Parent: #1
مُبارَكٌ لهُ زواجُهُ
ونِصْفُهُ الآخر ،
جعلها ربِّي لهُ
حياةَ خيرٍ وسعادةٍ
أبداً ..
" وبالرّفاءِ وبالبنينَ إنْ شاءَ الله "
ولأُسْرَتِكُمْ آلافُ المعزَّاتْ ..
احترامي ..
أخوك / محمَّد زين ...
Post: #120 Title: Re: زغاريد في تشاد والصين " محمد نور " ولدي عريسا باركوا لي Author: تبارك شيخ الدين جبريل Date: 05-08-2008, 05:56 AM Parent: #1
عندى إحساس انو خبر العرس دا كلو مزيف!!
دوما دى متزوجة "نور الشريف" ؟
ولاّ إسم "محمد نور" كلو اسم ولدا، وهى ما متزوجة خالس؟
لا صورة، ياكافى البلا، لا تسجيل مكالمة من الصين!
سمعت قبل كدة إنها راجل! هل إسمو "نور"؟
المهم ....
Post: #123 Title: Re: زغاريد في تشاد والصين " محمد نور " ولدي عريسا باركوا لي Author: doma Date: 05-08-2008, 12:36 PM Parent: #120
Quote: عندى إحساس انو خبر العرس دا كلو مزيف!!
دوما دى متزوجة "نور الشريف" ؟
ولاّ إسم "محمد نور" كلو اسم ولدا، وهى ما متزوجة خالس؟
لا صورة، ياكافى البلا، لا تسجيل مكالمة من الصين!
سمعت قبل كدة إنها راجل! هل إسمو "نور"؟
لوووووووووول رامبو شيخ الدين غايتو دي ما سبقك عليها زول . كان كنت بعرف انزل الفديو كان نزلت ليك فديو فيه حاجه دومه ترقص بمناسبه فرح ولدها محمد نور احمد
Post: #121 Title: Re: زغاريد في تشاد والصين " محمد نور " ولدي عريسا باركوا لي Author: Adil Osman Date: 05-08-2008, 11:02 AM Parent: #1
الف مبروك للزميل محمد نور ، وتهانينا لكم يا حاجة دومة.
الصين وتشاد سمن على عسل
Post: #122 Title: Re: زغاريد في تشاد والصين " محمد نور " ولدي عريسا باركوا لي Author: ابوعسل السيد احمد Date: 05-08-2008, 12:25 PM Parent: #1
ألف ألف مبارك للأخ الحبيب محمد نور و إن شاء الله بيت مال وعيال.. . . . . قلت لي يا محمد تكاكوا في بلاد العم سام و تبيضوا في فورت لامي، ها؟
Post: #124 Title: Re: زغاريد في تشاد والصين " محمد نور " ولدي عريسا باركوا لي Author: Sidig Rahama Elnour Date: 05-08-2008, 12:38 PM Parent: #1
العزيزة دوما والعزيز محمد نور الف مبروك و ربنا يتمه علي خير وبيت محفوف بالسعادة والمال و البنون
Post: #125 Title: Re: زغاريد في تشاد والصين " محمد نور " ولدي عريسا باركوا لي Author: فيصل نوبي Date: 05-09-2008, 05:52 PM Parent: #1
الف مبروكـ يا محمد و إن شاء الله بيت مال و عيال .. و آسف لأنني لم ألمح هذا الفرح الا الان.
_ الف شكر يا دومة.
Post: #126 Title: Re: زغاريد في تشاد والصين " محمد نور " ولدي عريسا باركوا لي Author: Mahjob Abdalla Date: 05-10-2008, 00:23 AM Parent: #1
الهبيب محمد نور... الف مبروك ... و شكرا عزيزتنا دوما....
Post: #127 Title: Re: زغاريد في تشاد والصين " محمد نور " ولدي عريسا باركوا لي Author: نادية عثمان Date: 05-10-2008, 00:52 AM Parent: #126
Quote: مُبارَكٌ لهُ زواجُهُ
ونِصْفُهُ الآخر ،
جعلها ربِّي لهُ
حياةَ خيرٍ وسعادةٍ
أبداً ..
" وبالرّفاءِ وبالبنينَ إنْ شاءَ الله "
Post: #128 Title: Re: زغاريد في تشاد والصين " محمد نور " ولدي عريسا باركوا لي Author: Elmoiz Abunura Date: 05-10-2008, 00:56 AM Parent: #127
العزيزة دومه
الف مبروك لابنك محمد نور
Post: #129 Title: Re: زغاريد في تشاد والصين " محمد نور " ولدي عريسا باركوا لي Author: عبدالله الشقليني Date: 05-10-2008, 08:34 AM Parent: #1
ألف مبروك
" والحقيقة أنا افتكرت القسمة وقعت في الصين "
**
Post: #130 Title: Re: زغاريد في تشاد والصين " محمد نور " ولدي عريسا باركوا لي Author: عبد اللطيف بكري أحمد Date: 05-10-2008, 11:41 AM Parent: #1
خالص التهاني للعزيزة دوما وللعزيز محمد
ربنا يتمم على خير ويسعدهم يارب،،
أدام الله افراحك غاليتنا دوما وعقبال الباقين يارب،،
Post: #131 Title: Re: زغاريد في تشاد والصين " محمد نور " ولدي عريسا باركوا لي Author: Azhari Nurelhuda Date: 05-10-2008, 12:56 PM Parent: #1
الحاجه دومه و الحاج دومه ألف ألف .....مبروك و ربنا يتم لمحمد نور على خير و بخير
)
