Post: #1 Title: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-01-2008, 11:16 PM
الأعزاء فيصل خليل وعاطف عابدون وبقية أحبتنا
هل هذه موسيقى نوبية؟
والله الشافع دا موهبة ربنا يحفظه ويغتي عليه .
شوف الفيديو
تحياتي وتقديري
Post: #2 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: محمد خليل ساني Date: 05-01-2008, 11:38 PM Parent: #1
العزيز الأزهري
جهزت شعورى قلت أشوف الفيديو ،،،
لكن للأسف الشديد رفض يشتغل ،،،
ياااريت تعيد الحكايه مرة تانيه ،،،
على الأقل عشان نحكم ،،، فى الإنتظار ،،، مع محبتي.
Post: #12 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:13 AM Parent: #2
Post: #3 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: كمال سالم Date: 05-01-2008, 11:43 PM Parent: #1
الازهرى ,, مساك الله بالخير ,,
ياخوى خلينا نعمل حمله زى حقة ( سناء ) بحثا عن هذا الولد فى غياهب دغيم ولا حلفا الجديده ,, الولد ده ثروه قوميه ,, يعنى فى العمر ده ويكون عندو كل هذا الاحساس والتفاعل مع الموسيقى بهذا التناغم , ويظهر إنو كمان مضهد بدليل هروبو المفاجى عندما لمح أحد أفراد أسرته , خوفا من الضرب على مـا إقترفه من جمال ومهاره . ياناس حلفا , كان قديمه ولا جديده , بالله أخدو بيد هذا الشبل فهو مشروع فنان خطير , ليس بالضروره فى الرقص , فطفل فى هذه السن ويحمل فى دواخله هذا الانفعال بالتأكيد فنان فى كل شئ . ألحقوووووووه ,,,
Post: #4 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عاطف عبدون Date: 05-02-2008, 00:01 AM Parent: #3
ســـــــــــــــلام
يا ازهـــــــــــــري
تصدق لي فتره ما بدخل واول ما جيت داخل لقيت اسمي
ولقيت الود الرقاص دا
ولقيتك انت
دا شئ جميل
الموسيقي دي نعم نوبيه
نغمه معروفه لدي النوبيين اسمها
(دهبيه) علي اسم مبدعها الراحل المقيم دهب خليل
وفي ذات النغمه مزج بين الايقاع الحلفاوي السريع
مع موسيقي دهب خليل (السكوتيه)
اما هذي الرقصه
فهي ليست رقصه (حلفاويه) ولا (سكوتاويه)
(وما نوبيه خالص)
انما هي محاوله جاده من الطفل الموهوب
وتعبير جسدي مقدر
خاصه وانه وحده الراقص
قالرقص النوبي يستمد روعته من الجماعيه
انه طفل مبدع دون شك
شكرا جزيلا ازهري
Post: #5 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عاطف عبدون Date: 05-02-2008, 01:22 AM Parent: #4
عندما استمع لهذي الموسيقي
وكأنها تعزف علي اوتار قلبي
او كأن شئ ما بطريقه ما
ينبعث موسيقي من اعماقي
الي وتر عود هذا الشاب المبدع
ليأتي نغماً شجناً وجعاً ألماً
Post: #6 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عاطف عبدون Date: 05-02-2008, 02:07 AM Parent: #5
سلام كمال
Quote: ياناس حلفا , كان قديمه ولا جديده , بالله أخدو بيد هذا الشبل فهو مشروع فنان خطير , ليس بالضروره فى الرقص , فطفل فى هذه السن ويحمل فى دواخله هذا الانفعال بالتأكيد فنان فى كل شئ . ألحقوووووووه ,,,
دا كلام جمييييييييل
جد دا ود ما طبيعي
ود مسكون ابداع
Post: #7 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: hanouf56 Date: 05-02-2008, 04:23 AM Parent: #6
Quote: فهي ليست رقصه (حلفاويه) ولا (سكوتاويه)
(وما نوبيه خالص)
انما هي محاوله جاده من الطفل الموهوب
وتعبير جسدي مقدر
خاصه وانه وحده الراقص
قالرقص النوبي يستمد روعته من الجماعيه
عاطف يا صاحبي
انت شكلك بلجيكا طلعتك برة الزمن ..
رقصة الطفل المبدع دة رقصة نوبية خالصة ..
ارجع لشرائط الحلفات الحديثة .. كل الشباب والشابات برقصو الان مثل هذا الولد (تحديث لزوم موكبة العولمة)
تحاول ترقص معاهم بالاسلوب المحدد (محسي او حلفوي) بتلقي نفسك برة الزمن .. الان الرقص عبارة عن رقص مختلط ما بين اسلوب المحس والحلفاوية والشايقية .. سرعة في الايقاع .. تماسك بشكل عجيبة.. صفقة خماسية (تولع الايد) .. رقصة الجرجار .. كلها ممزوجة في اغنية وحدي .
شوف الشباب ديل برقصو كيف
Post: #15 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:23 AM Parent: #7
الزميل الكريم hanouf56
شكراً لمرورك وإضافتك الجميلة للبوست .
ونرفع ملاحظتك لعاطف عبدون .
Post: #14 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:20 AM Parent: #4
الحبيب عاطف عبدون
فاقدنك لينا كم يوم أخر مرة شفتك كان في بوست محمد عادل الكلو غلط إلا كلمة واحدة صاح
اول ماشفت الولد دا في اليوتيوب إتذكرتك وإتذكرت عمناالحبيب فيصل خليل .
الولد دا موهبة الحقوهو ياعاطف ممكن يعمل ليكم ثورة في الموسيقى والفن النوبي مادام هو من صغير كدا مسكون بكل هذا الإبداع .
تحياتي وتقديري لشخصك الحبيب .
Post: #13 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:17 AM Parent: #3
الأخ الزميل كمال سالم
مساك الله بالنور والسرور
فعلاً الطفل دا موهبة والله أنا شفت الفيديو دا أقل حاجة عشرة مرات . ماشاء الله عليه .
في العالم الثالث الكبت يقتل الإبداع والموهبة .
تحياتي وتقديري لمرورك الكريم
Post: #8 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: abubakr Date: 05-02-2008, 05:00 AM Parent: #1
اللحن نوبي يشدو به المحس والسكوت والفديجا لكنه اصلا لدهب خليل كما يبدو لي .. اللغة النوبية لغة شدو chanting وكل النوبيين يرقصون رقصات مناطقهم كلها منذ الصغر وليس فينا من لم يرقص في عرس او حفلة نوبية منذ الطفولة حتي الكهولة ..هذا الشافع موهوب وله حس عالي عبر عنه باقتدار في رقصه النوبي والذي هو من متابعة لصيقة لطفل ذكي لرقصات نوبية يراها باستمرار ..هذا ليس من جيل الفضائيات ولا رقصات البرييك التي تبهر شباب السودان الذي يفتقد معرفة لما هو اكثر تعبيرا وجمالا من ارثه مثل الذي عبر عنه هذا الطفل الجميل ..
Post: #9 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: فيصل محمد خليل Date: 05-02-2008, 06:21 AM Parent: #8
يا ابو الزهور
تحية طيبة
يا حمام دا مايكل جاكسون النوبي
التسخينات الاولى من الرقيص دا من عنديهو
وبعدين دخل على التقيل الهو كان من صميم رقصاتنا
ولكن على ما يبدو الرقابة القبلية كانت له بالمرصاد
مما اضطره ان يقادر هاربآ.
لا للرقابة القبلية
Post: #10 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ترهاقا Date: 05-02-2008, 07:08 AM Parent: #9
Quote: فهي ليست رقصه (حلفاويه) ولا (سكوتاويه)
(وما نوبيه خالص)
الاخ عاطف سلام
يا خى كلامك الفوق ده جبته من ويين ؟ الطفل ده نسخة مطورة من دهب خليل (دهب شار) وشار بالرطانة طبعا هو المغنى هذا الطفل من عمق المنطقة النوبية ، ويرقص على أنغام لحن دهب شار الذى اخذ طابعا سريعا بحكم سرعة الزمن الذى نعيش فيه الآن
وآآآآفيلقو
Post: #19 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:37 AM Parent: #10
الزميل الكريم ترهاقا
أسعدني مرورك .
ونرفع كلامك لي عاطف عبدون .
Post: #11 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: محمد على طه الملك Date: 05-02-2008, 07:17 AM Parent: #9
أسعتم صباحى .
Post: #16 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: محمد سنى دفع الله Date: 05-02-2008, 10:23 AM Parent: #11
الرجاء عمل معالجة للصورة الفيديو ما شغال كيف العمل ؟؟؟؟؟؟؟؟؟؟
Post: #21 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:41 AM Parent: #16
أستاذنا محمد السني
كان لا بد لهذا العنوان أن يثير الفضول الحميد لفنان مثلكم .
شرفني مرورك . وفي ذات الوقت أحزنني عدم تمكنكم من مشاهدة المقطع .
أخوكم الازهري تقنياً حالته بائسةجداً وأجدني جاهلاً بالتقنية جهل جورج بوش دبليو باحكام الميراث في الإسلام.
ممكن يساعدنا الاخ ناذر الخليفة لو دخل البوست .
تحياتي وتقديري لشخصكم الكريم .
Post: #20 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:38 AM Parent: #11
الزميل محمد علي طه
وأنا أسعدني مرورك الكريم
أسعد الله اوقاتك جميعها بكل خير .
تحياتي وتقديري
Post: #18 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:35 AM Parent: #9
أستاذنا الكريم فيصل خليل
زي ماقلت لعاطف : أول ماشفت الفيديو دا إتذكرتك وإتذكرت أستاذنا فيصل .
طبعاً كل إنسان يفخر ويباهي بقبيلته وتراثه وأهله لكن إعتزاز أهلنا النوبة بتراثهم وحضارتهم مدهش ورائع ومبهر .
بالمناسبة ياأستاذ فيصل تجري في عروقي دماء نوبية (حبوبتي أم أبوي من عنديكم)
الانا بعرف إنو أهلنا النوبة مابدو بناتهم لي غيرهم في الزمن داك ولحدي هسع الكتير منهم كدا لكن الظاهر جدي الله يرحمه قدر ينال حبهم وإحترامهم .
غايتو الزول في السودان دا دمه ملخبط لخبطة غريبة (نوبة على شايقية على بديرية)
وبكل هذا المزيج الفريد (مزيج النيل) أفخر وأباهي .
نرجع لي ولدنا الرقاص دا .
Quote: لا للرقابة القبلية
ونبدأ من كلامك دا .
ياخي أهل الولد دا ظهروا في وقت بايخ جداً الله يسامحهم قطعوا عليناالرقيص المدهش .
الشافع دا موهبة ومايكل جاكسون نوبي زي ماقلتا .
ربنا يحفظه .
تحياتي وتقديري لشخصك الحبيب .
Post: #17 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 10:25 AM Parent: #8
أستاذنا الكريم أبوبكر
شكراً للمرور الباهي والإضافة القيمة .
وفعلاً إبداع هذا الطفل ينم عن ذكاء وموهبة .
Post: #22 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عاطف عبدون Date: 05-02-2008, 11:34 AM Parent: #17
سلاااااام
صديقي محمد
جيتكم تاني
Quote: عاطف يا صاحبي
انت شكلك بلجيكا طلعتك برة الزمن ..
رقصة الطفل المبدع دة رقصة نوبية خالصة ..
يخوانا ما لكم دايرين تشككوني في اني
( اتنروجت)
دي اتنروجت علي النرويج يعني مافي زول بقراها لي اتزوجت
طيب اولا الفيديو دا دقيقه و 11 ثانيه
في ال 30 ثانيه الاولي
كل التسخينات ديك
ما اظن تكون نوبيه بي كل المقايس
لانو حركات اليدين والرجلين
بعيده عن التصميم النوبي للرقص
بعد الثانيه 33
الود دا بيدخل في التقيل
بي بدايه حلفاويه متميزه
مع انو الرقص الحلفاوي
زي ما قلت بجي بي شكل جماعي
ويصعب انو الزول ياديهو وحدو
لكن والود دا عملها
في ثواني ما قبل الرقابه زي ما فيصل قال
الود دا كان بدا (محسي) بدون تصفيق
ودي حركه ايضا ما بقدر عليها الا زول (جاكسوني ) جدا
اما الفيديو بتاعك الفوق دا هو رقص نوبي
موديل الالفيه الجديده
اما الطريقه التي بغني بها افراد الفرقه
لا علاقة لها بالنوبيه
وبتذكرني بي الشفع بتاعين المديح الطلعو السنوات الفاتت دي
ترهاقا وياد؟
Quote: ويرقص على أنغام لحن دهب شار الذى اخذ طابعا سريعا بحكم سرعة الزمن الذى نعيش فيه الآن
وآآآآفيلقو
نعم انا بعد كلامكم شاهدت الرقص تاني
بس في كم هائل من التحديثات
جات علي شكل الرقص
ودي مناسبه جميله لانو الناس تتكلم عن امكانية تطوير تعابير االرقص النوبي
Post: #23 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عاطف عبدون Date: 05-02-2008, 04:07 PM Parent: #22
سلمات ازهري
Quote: الحبيب عاطف عبدون
فاقدنك لينا كم يوم أخر مرة شفتك كان في بوست محمد عادل الكلو غلط إلا كلمة واحدة صاح
اول ماشفت الولد دا في اليوتيوب إتذكرتك وإتذكرت عمناالحبيب فيصل خليل .
الزول دا انت السبب في غيابو من هنا
براحو عليهو ياخي
ما تكترها عشان ما يكلم ليك سيدو مبارك
Quote: الولد دا موهبة الحقوهو ياعاطف ممكن يعمل ليكم ثورة في الموسيقى والفن النوبي مادام هو من صغير كدا مسكون بكل هذا الإبداع .
تحياتي وتقديري لشخصك الحبيب
ايوا دا ود فنان
ملان شجن وبتدفق نغم
شفت عمل فيني شنو؟
مزج ورقص وانطرب
لمن شككني في كلامي الفوق
وناس محمد طلعوني
زول (اتنروج) خلاص
تسلم علي الابداع دا
Post: #24 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: GamarBoBa Date: 05-02-2008, 06:03 PM Parent: #23
شكرا ازهري اتنين طبعا زي ما قال ليك فيصل يا عاطف الود ده عمل تسخينة شفت من الثانية 21 لحدي 28 كدة الود عمل حركة بتاعة معلمين كبار وبعد داك حركات اليدين المفتوحة دي بشتغلها الزول البمسك القروب كلو... وبعد داك شوف الحركة لما يعطش الايقاع اما الحركة الاخيرة من الثانية اريعين ده ده شغل ناس محترفين وجدانهم عالي وزمنهم مقسم مع الاحساس بأجزاء من الثانية والامانة لله الله يديه الصحة والعافية الوليد رقاص وبنوع في الرقيص والفيديو الجابه محمد ادريس (هنوف) برضو بيدل علي تطور الرقصة النوبية مع تقدم الزمن والآلات
ياخي كان في قروب في الاهلية ايامنا الفي الجامعة ديل لمايدخلوا الحلقة الناس بخلوا الفنان والبنات السمحات ويقبلوا علي القروب....
جميل الرقص النوبي خاصة لقروب متفاهم
الرحمة لدهب شار وحسين الالا الذين تركوا احساسا بطعم النيل استقي منهم وردي ليكون فنانا ذا شأن ايضا
تحياتي
Post: #25 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-02-2008, 06:26 PM Parent: #24
الزميل الكريم قمر بوبا
أسعدتني هذه المداخلة التي تابعت رقيص ولدنا ثانية بثانية مع الشرح الجميل.
في الاغاني النوبية الإيقاع والموسيقى والرقص جميل جداً بس ياريت لو الزول كان بفهم الأغنية ويعرف الحاصل شنو عشان يتفاعل معاها بكل حواسه .
تحياتي وتقديري لمرورك الكريم
دي أغنية نوبية لقيتا في النت :
بالمناسبة ياقمر بوبا هل المحسي والحلفاوي والدنقلاوي لهجتهم واحدة؟
يعني مفهومة للجميع ؟
Post: #26 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عماد شمت Date: 05-02-2008, 06:53 PM Parent: #25
ينصر دينك ياابوالزهور
ده رقص حديث لمواكبت العصر
لكن الفنان الغني عديلة مبالغة
الله يديك الفي مرادك ...
Post: #34 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:45 PM Parent: #26
حبيبنا عماد
تسلم على المرور الكريم وأنا سعيد جداً إنو المقاطع عجبتك .
ربنا يملاك عافية
Post: #27 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: abubakr Date: 05-02-2008, 07:19 PM Parent: #1
Quote: بالمناسبة ياقمر بوبا هل المحسي والحلفاوي والدنقلاوي لهجتهم واحدة؟
النوبية لغة وفيها لهجات ثلاث .. وعموما حتي لا اخرج بالبوست عن سياق عنوانه اشير الي المصادر التالية :
صفحاتي النوبية وهي صفحات معلوماتية وباللغة الانجليزية وتعود الي منتصف تسعينات القرت الماضي : http://thenubian.net
Post: #28 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: فيصل محمد خليل Date: 05-03-2008, 09:56 AM Parent: #27
Quote: بالمناسبة ياقمر بوبا هل المحسي والحلفاوي والدنقلاوي لهجتهم واحدة؟
يعني مفهومة للجميع ؟
ابو الزهور سلامات
الحلفاويين و السكوت و المحس لغتهم واحدة
مع اختلاف في اللكنة و الجرس الموسيقي
انا كحلفاوي اسمع لحن في كلام المحس و السكوت
و العكس صحيح ولكن المفردات و تركيب الجملة لا اختلاف فيها
اما بالنسبة لاخواننا الدناقله فتجد القاعدة واحدة مع اختلاف
في المفردات علمآ بانها مشتقة من عائلة لغوية واحدة.
وهناك المحس الذين يسكنون في منطقة التماس مع الدناقلة تراهم
يفهموا اللغة الدونقلاوية بجانب لغتنا
Post: #29 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: hanouf56 Date: 05-03-2008, 10:12 AM Parent: #28
ازهري والمتداخلين
يا جماعة البوست دة جميل جدا
والله انا بخش فيه في اليوم اكتر من 10مرات عشان الود الشقي دة ..
وعشان المداخلات النوعية والجميلة من كل المتداخلين
يا ريت بكري يثبتو في الاعلي عشان كل الناس تنتبه لي جمال وروعة الرقص النوبي ..
شكر ليك تاني يا ازهري
ومعا للحفاظ علي هذا الارث التاريخي بجانب ارضنا ضد الغرق (اصلا القضية وحدي)
محمد
Post: #30 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: GamarBoBa Date: 05-03-2008, 01:34 PM Parent: #29
Quote: النوبية لغة وفيها لهجات ثلاث .. وعموما حتي لا اخرج بالبوست عن سياق عنوانه اشير الي المصادر التالية :
صفحاتي النوبية وهي صفحات معلوماتية وباللغة الانجليزية وتعود الي منتصف تسعينات القرت الماضي : http://thenubian.net
Post: #31 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: mayada kamal Date: 05-03-2008, 04:15 PM Parent: #30
سلمااااااااات ويفيجلوا ما شاء الله عليه الشافع دا مباااااااااااااااااااااااااالغة ياخي انا ناوية أقفل الاوضة وأرقص زي رقصة الشافع دا (عشان ما أضطر أجري بعد ما اندمج في الرقصة وكدا)على اللحن النوبي الشجي دا تصدقوا رجعتوني لحلفا وايام حلفا يا سلاااااااااااااااااااااااااام
*** تخريمة انت يا اخوي لميت في الجنى دا من وييييييييييييييييييييين
تحياتي ليه وربنا يحفظه دا يعتبر ثروة نوبية وكدا في مقابل الهجمة الشرسة اللي سات المنطقة في الاونة الاخيرة وشوية شوية الاطفال النوبيين بقوا ما عندهم ارتباط بالمنطقة وثقافتها يعني مثلا اقل شئ نلاحظ ان معظم الاطفال البنشئوا اهلهم بيطلعوهم بيتكلموا عربي يعني شوية شوية حنجد اللغة النوبية اندثرت وأصبح الجيل الجديد كله صار بيتكلم عربي ...
تحياتي على البوست الجميل
Post: #39 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:55 PM Parent: #31
الأخت الكريمة ميادة
شكراً للمرور الجميل .
بالصدفة في يوتيوب لقيت المقطع دا وطوالي نسخ ولصق في بوردنا الجميل وإتوقعت إنه يعجبكم زي ما أعجبني .
نكرر ونقول ماشاء الله على ولدنا .
تحياتي وتقديري
Post: #49 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ناهد بشير الطيب Date: 05-04-2008, 03:59 PM Parent: #39
Quote: بالصدفة في يوتيوب لقيت المقطع دا وطوالي نسخ ولصق في بوردنا الجميل وإتوقعت إنه يعجبكم زي ما أعجبني .
نكرر ونقول ماشاء الله على ولدنا .
الازهرى المرهف...
انت بس اغتس لينا فى اليوتيوب ده ..... ومحل الغتسان التانى بتاع الصور وجيب ولقط كم صورة كده لانك دائما مابتتحفنا بكلماتك ....وتنور عيونا بالوان الصور من لون الاحبار السوداء العمتنا دى .....تسلم
الولد حلاته وصلاتى على النبى مافيه كلام .... الله يغطيه ويحفظه يارب....(مازال الولد رغوة) زى مابقولوا اهلنا
ودمت
Post: #51 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 05:49 PM Parent: #49
أستاذتنا ناهد بشير
تعرفي الليلة بالصدفة لقيت في البوست بتاع أستاذنا قاسم مداخلة لي واحد من الزملاء فيها روابط لي مقاطع فيديو عبارة عن برامج قدمتيها في النيل الازرق .
طبعاً أنا ماعندي قناة النيل الازرق دي لأنها مشفرة وبي قروش وأنا زي ما إنتي عارفة عزابي مقطع بلم في حق الزبادي والأندومي (الحمد لله على كل حال) (بس ناس وزارة التعليم العالي شكيناهم علي الله كان مرتباتنا كلها شايلنها مصاريف و أقساط جامعات لي أخوانا) .
أعاين أعاين ياربي دي ناهد بشير؟
معقول بس تكون الإعلامية المتميزة دي ناهد البشير الأنا شابكها تاني ماتجي بي عمودك وكملتي اكلنا ؟
أمانة ما إتلومت يا الأزهري .
يا أستاذة ناهد المابعرفك بجهلك , والله سعدت جداً بمعرفتك وإنو المطعم بتاعي بجو فهو ناس نجوم ومشاهير .
ماشاء الله يا أستاذة ناهد سبحان من أنعم عليك بالذوق والادب والطيبة والموهبة زي مابقولوا أهلنا (خلقة وأخلاق) أصلاً قبل ما أعرف إنك إعلامية متميزة غمرتني مشاعر أخوتك وكان ليك (قبول) من أول كلمة كتبتيها وأعتقد إنو (القبول) بي لهجة أهلنا السودانيين صفة وهبة لازم تكون في المذيع أو الإعلامي , هسع شوفي المذيع الإسمو حماميزو دا ماعندو (قبول) بالتكتحه والناس كلها مكجناه .
وتاني يابت العم الغداء والعشاء نرسلو ليكم (دليفري) لأنو الناس المشهورين ديل يستحقوا خدمة خمسة نجوم . بس من فترة لي فترة زوروا مطعمنا عشان تعلموا لينا دعاية مجانية وكدا .
نرجع لي موضوعنا : طبعاً يا أستاذة ناهد (تاني لازم نسبق إسمك بلقب الأستاذة) الفراغ كميات هنا ونحمد الله على النعمة المغبون فيها الناس .ومافي غير الإنترنت دا وجمهورية سودانيز اونلاين حقت الريس بكري ومن حقوق المواطنة الصالحة إنو الزول يعمل لخدمة مواطنيه عشان كدا الواحد بحاول قدر المستطاع يسعد سكان الجمهورية الجميلة دي .
قداسة(اليويتيوب) وآية الله العظمى (قوقول) وسماحة العلامة (فليكر) بيساعدونا في المهمة دي وماقصروا معانا تب .
إن شاء الله الواحد يجيد فن الغطس وربنا يرزقه يخرج ليكم الدرر من أعماق بحور النت .
ولدنا الرقاص الفوق دا لؤلؤة بضة صيدت من شط اليوتيوب والحمد لله عجبت اهلنا النوبة والعرب كمان .
تحياتي وتقديري لمرورك الكريم (بعدين في بوست المطعم في سؤال موجه ليك )
Post: #38 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:52 PM Parent: #30
الزميل الكريم قمر بوبا
الزملاء أساتذتنا فيصل وابوبكر ماقصروا وإجاباتهم كافية ووافية .
شكراً جزيلاً لإهتمامك
Post: #37 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:50 PM Parent: #29
الزميل الأستاذ محمد
تعرف أنا سعيد جداً جداً إنو البوست دا عجبكم وأسعدكم .
ربنا يجعل أيامكم كلها فرح وسرور .
تحياتي وتقديري لمرورك الكريم وياريت لو تعمل داون لود للمقطع في جهازك عشان تتلافى إحتمال فقد المقطع لو إنشال من اليوتيوب .
Post: #36 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:47 PM Parent: #28
تسلم أستاذنا فصيل على التوضيح الوافي .
تحياتي ومودتي
Post: #35 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 06:46 PM Parent: #27
شكراً جزيلاً أستاذنا أبو بكر على التوضيح والصفحات .
تحياتي وتقديري
Post: #32 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: abubakr Date: 05-03-2008, 04:49 PM Parent: #1
Quote: يعني مثلا اقل شئ نلاحظ ان معظم الاطفال البنشئوا اهلهم بيطلعوهم بيتكلموا عربي يعني شوية شوية حنجد اللغة النوبية اندثرت وأصبح الجيل الجديد كله صار بيتكلم عربي ...
يا عزيزتي طالما بقي نوبي واحد ستبقي اللغة النوبية .. والتعريب القسري وكسياسة دولة سبق الاستقلال حيث صارت اللغة العربية هي لغة العمل والتعليم وبالتالي اللغات السودانية الاخري ومنها النوبية تعرضت الي تحديد استعمالات لا تتجاوز الحديث في المنازل والقري ..اما في المدارس وفي المنطقة النوبية فكان التحدث بالنوبية مدخل لعقاب جسدي وحتي ولو قابل احد المدرسيين تلاميذا خارج المدرسة ووجدهم يتحدثون النوبية .. ثم اتت الهجرة الكبري بسبب السد العالي قبل 45 سنة ورحل نصف النوبيين عددا الي خشم القربة وفي منطقة تحاصرها اللغة العربية ولغات اخري والذي حدث هو انه بقدرما تحدث النوبيون بتلك اللغات تحدث من عاشرهم وبقي بالقرب منهم اللغة النوبية .. هذا في السودان اما في مصر فما زالت قري النوبة المهجرة اكثر تمكسكا بنوبيتهاوارثها وتلي الهجرة بعقدين من الزمان اهتمام نوبي اكاديمي باصول اللغة النوبية وصارت اسر كثيرة في العاصمة مثلا كانت قد منعت عن ابنائها اللغة النوبية تهتم بها وبكتابتها وقامت فصول لتعليمها بعد ان تضافرت جهود فرديةبرعاية مركز الدرسات والتوثيق النوبي ( ومؤسستة الاستاذة سعاد ابراهيم احمد ) في تحقيق حروف اللغة النوبية واصدار كتيب لتعليم النوبية وتوجد نسخ منه عند المركز او لدي سعاد ... هذا في التاريخ الحديث اما التاريخ القديم فلقد فرضت اللغة النوبية علي كل من اتي الي ارض النوبة او تزوج منها وحتي الكنيسة التي سبقت دخول الاسلام كتبت الانجيل باللغة النوبية 0 ارجو الرجوع الي صفحاتي النوبية http://thenubian.net في هذا الصدد كما توجد مراجع اخري في الشبكة العتكبوتية )
Post: #33 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: Mannan Date: 05-03-2008, 05:34 PM Parent: #1
سلام يا ابوالزهور شكرا على هذا البوست الراقى ارجو ان نتمكن من معرفة تفاصيل اوفى عن هذا الطفل الجميل ذو الموهبة الفنية العالية..
النوبة مليئة بالمواهب الرائعة ونرجو ان نجد الامكانية لرعاية هذه المواهب .. ولا زلت اذكر الطفل النوبى العبقرى حفيد الشاعر النوبى الراحل مرسى صالح سراج.. كلما اذكر عجزنا وقلة حيلتنا فى رعاية هؤلاء الصغار المبدعين والاذكياء اصاب باحباط شديد واتحسر على عجزنا... يجب ان نبحث عن حلول وهناك رجال مثل مو ابراهيم يمكنهم ان يرعوا هذه المواهب وهم لن يبخلوا على ابنائهم المبدعين لكى يخرجوا لنا قادة تاريخيين ...
يا ازهرى قلت:
Quote: غايتو الزول في السودان دا دمه ملخبط لخبطة غريبة (نوبة على شايقية على بديرية)
ياخى انت نسيت تاريخك... الشوايقة والجعليين والبديرية وغيرهم نوبيون مستعربون.. ومعظم اهل العاصمة المثلثة اصولهم من المحس ودنقلا.. لو ما مصدقنى امشى اعمل فحص DNA لاى واحد من القبائل التى تدعى انها عربية وستكتشف انها نوبية مية المية...
نورالدين منان
Post: #40 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 07:38 PM Parent: #33
العزيز نور الدين منان
مرورك زاد البوست جمال . وتسلم على كلماتك الطيبة .
بالنسبة للفيديو ماعندي عنو معلومات زيادة أنا لقيته في يوتيوب .
Quote: ياخى انت نسيت تاريخك... الشوايقة والجعليين والبديرية وغيرهم نوبيون مستعربون.. ومعظم اهل العاصمة المثلثة اصولهم من المحس ودنقلا.. لو ما مصدقنى امشى اعمل فحص DNA لاى واحد من القبائل التى تدعى انها عربية وستكتشف انها نوبية مية المية...
أكرم وأنعم باهلنا النوبة الذين يجري دمهم في عروقي.
والإنتماء إليهم فخر وشرف وحسب ونسب . أهل حضارة من أعظم حضارات الدنيا .
لكن يامنان شجرة النسب الطويلة وعريضة الورثناها عن أجدانا نوديها وين ؟
والله شجرة واصلة للعباس وبي مصادرها ومحققة من نسابين أشراف
لكن بس نقول عرب ممزوجة بي دم الزنوج الحارة ديل أهلي . وعرباً نحن حملناها ونوبة مجد ترهاقا وإيمان العروبة .
تحياتي وتقديري لمرورك الكريم .
Post: #41 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 08:44 PM Parent: #1
الزملاء الاعزاء
برنامج من اليوتيوب على خمسة اجزاء عن الآثار النوبية في السودان
الجزء الاول
الجزء الثاني
الجزء الثالث
الجزء الرابع
الجزء الخامس
تحياتي وتقديري
Post: #42 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: فيصل محمد خليل Date: 05-03-2008, 09:36 PM Parent: #41
صديقي اللدود ابو الزهور
بعد اذنك حانقل بوستك لبوست حلفا
مع شكري
Post: #43 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-03-2008, 09:44 PM Parent: #42
أستاذنا الحبيب فيصل
زي مابقولوا الخليجين :
تامر أمر طال عمرك .
ويشرف البوست نقله إلى موضوعك الجميل عن حلفا وأهلها الطيبين .
تحياتي وتقديري
Post: #44 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 08:20 AM Parent: #1
الأخوة الزملاء سمعت من بعض الأصدقاء أن هناك من رجع إلى حلفا القديمة أو قريباً منها .
هل غمرت المدينة بالكامل بالمياه ؟ هل إنحسرت المياه حالياً عن بعض المدينة الغارقة؟
في ناس ساكنين قريب من موقع المدينة القديم وماقدروا يفارقوها ؟
وحبب أوطان الرجال إليهمُ ** مآرب قضاها الرجال هنالك
عندما أتذكر قصة حلفا القديمة وتهجير أهلها أتذكر قول الرسول وهو يودع مكة حزيناً :
والله إنك لأحب بلاد الله إلىّ ولولا أن اهلك أخرجوني منك ماخرجت .
Post: #45 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: نورالدين بابكر بدري Date: 05-04-2008, 03:10 PM Parent: #44
فوق فوق يا وليد
Post: #46 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: SAMIR IBRAHIM Date: 05-04-2008, 03:25 PM Parent: #45
الازهري يا ود اخوي والله كلامك في الخاص كلام شيوخ كباااااار ... وتوجيهاتك توجيهات شيوخ
تخريمه ... ورايك شنو في الطفل الكيني ده ...
Post: #52 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 06:04 PM Parent: #46
الزميل سمير إبراهيم
أخوك الازهري ليس شيخاً ولا يدعي المشيخة ولا يمتلك العلم الذي يؤهله لذلك .
تداخلت معك في المسنجر بخصوص بوست لك وكان من باب النصيحة بأن ندع الخلق للخالق وأن نحسن الظن بالناس وأن نتجنب الخوض في خصوصياتهم وهي نصيحة يمكن أن يقدمها أي زول عادي (الدين النصيحة) .
الطفل الصومالي تلاوته جميلة ربنا يحفظه بالقرآن الكريم . وشكراً على إيراد المقطع .
Post: #55 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 06:14 PM Parent: #45
الزميل الكريم بابكر بدري
تحية وتقدير لشخصك الكريم وشكراً على الإحتفاء بولدنا المبدع .
Post: #47 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عمر الفاروق Date: 05-04-2008, 03:50 PM Parent: #1
وربي ده أكتر بوست وكليب أشغلوا منذ إنضمامي لي سودانيز أون لاين .. بالضبط من الصباح وانا بعيد في تكرار المقطع ده فقط توقفت لي بريك الغداء.. ياخ ده حاجة تحفة بي صورة مبااااااااااااااااااااااااااااااااالغة .. أجمل ما شاهدت في العشرة السنين الأخيرة دي .. بالضبط وزي ما قالت ميادة بس الفرق بيني وبين ميادة إنها قالت عندها رغبة تقفل باب الأوضة وترقص بينما انا قفلت باب المكتب فعلاً ورقصت معاهو مع العلم إني ما حلفاوي ولا نوبي وإن كنت قد دخلت ابواب النوبة بطرق أخرى أجمل حاجة في الشافع ده إحساسو العاااااالي وفي لحظة كده بتحس بيهو غرق في اللحن وهو يهوزز راسو وما داري بي اللي حولو .. ده كلو كوم واللحظة اللي بيتغير فيها الإيقاع (الكسرة) كوم تاني ..الشافع ده نقل نفسو نقلة ما طبيعية مع الايقاع والله لا تقول لي الرقاصة دينا ولا مدرسة تعليم الرقص الشرقي زاتو .. ده كلللللللللللو كوم والعرّاقي أبو (خطوة) ده كوم تاني تخريمة : من المقطع يبدو إن الشافع ده مشهور في الحي بي الرقيص والظاهر إنو الناس متعودة تشغل ليهو اللحن ده وهو يرقص ليهم إما للمتعة أو عشان يشيل الفيها النصيب لكن الظاهر أهلو مانعنو والدليل جريتو لمن شاف ليهو زول من ناس بيتهم .. يا ربي يكون ده عمو ؟
Post: #48 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: حيدر حسن ميرغني Date: 05-04-2008, 03:56 PM Parent: #47
الأزهري
شكرا ليك
إبداع فى منتهى الروعة
حفظه الله و موسيقتنا الجميلة
Post: #50 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: GamarBoBa Date: 05-04-2008, 05:37 PM Parent: #48
Quote: يعني مثلا اقل شئ نلاحظ ان معظم الاطفال البنشئوا اهلهم بيطلعوهم بيتكلموا عربي يعني شوية شوية حنجد اللغة النوبية اندثرت وأصبح الجيل الجديد كله صار بيتكلم عربي ...
ليه يا ميادة مستعجلين تخلوا الناس تتكلم عربي طيب الكلام ده قالوه قبل 100 سنة....ما ياهو ده الناس شغالين عداد اللغات Three Face زي الترتيب طيب علي الاقل النوبيين قدروا يكتبوا لغتهم وصار عدد كبير من يسطيع كتباتها...ليه ما نحلم باليوم داك بدل نقول العربي واقع لابد منه وبعدين اذا خمسة من النوبيين اتلاقوا في حتة بعملوا جمعية كيف لغتنا بتندثر
تحياتي ازهري وكل المتداخلين
Post: #54 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 06:13 PM Parent: #48
العزيز حيدر ميرغني
العفو ياباشا وشرفتنا بمرورك الباهي .
تحياتي وتقديري
Post: #53 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-04-2008, 06:11 PM Parent: #47
Post: #56 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: فيصل محمد خليل Date: 05-04-2008, 07:18 PM Parent: #53
ترافولتا
Post: #57 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-05-2008, 05:37 AM Parent: #56
أستاذنا فيصل
راسلت من قام بوضع الفيديو في اليوتيوب وأنتظر رده عشان ناخد معلومات زيادة عن هذا الطفل ومكان التصوير ولو في أي فديو إضافي .
Post: #58 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: عثمان دغيس Date: 05-05-2008, 07:02 AM Parent: #1
تبارك الله .. ربنا يخفظه .. شفت زي الجرية الجراها الود ده هي نموذج ما يعنيه الإبداع في بلادنا منذ نعومة الأظافر ..ومن الأهل كمان .. يقولوا ليك عيب يا ولد ولا يا بت ...! أعمل كده وما تعمل كده .. ما تقعد جنب الناس الكبار .. دي قلة ادب ...!! هلم جراً ..
أتركوهم بلا أدب ....!! ( ده كان عنوان لبوست من الصديق علي سند بموقع البركل ...)
Post: #59 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: فيصل محمد خليل Date: 05-05-2008, 07:15 AM Parent: #58
عثمان دغيس الما داغس
سلام
ابو الزهور الذي لم يخرق الدستور
شغلك نضيف يا راقي
Post: #60 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: Zomrawi Alweli Date: 05-05-2008, 09:48 AM Parent: #59
والله الطفل موهبة جبارة
هذه الاغنية سكوداوية اللحن والايقاع اما الرقصة فهي محسية لان راقصي الاغاني النوبية اغلبهم من المحس واذا شاهدت الحفلات النوبية التي تقام في الخرطوم والمهجر وبالذات في الرياض تجد ان المحس هم احسن الراقصين. ويبدو ان هذا الطفل محسي مشبع من الرقصات التي تتم في قريته..
الرقص الحلفاوي ليس على نمط الجابودي ولا يستعمل الحلفاويون الصفقة بالايدي وانما يرقصون بتشابك الايدي في صفوف متوازية.
Post: #61 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-05-2008, 06:55 PM Parent: #60
الزميل الكريم زمراوي
أول شي مرحب بيك ونورت البوست .
تاني شئ رسونا على بر ولدنا دا حلفاوي ولا محسي ؟
Post: #62 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-06-2008, 08:17 PM Parent: #1
زيارة عبود إلى وادي حلفا قبل التهجير
كان الزمان قد إستدار
Post: #63 Title: Re: قالوا دا شافع ((حلفاوي)) وأحلى موسيقى وأحلى رقيص دايرين رأي فيصل خليل وعاطف عابدون(فيديو) Author: ALazhary2 Date: 05-08-2008, 04:34 PM Parent: #1
الزول الخت الفلم حق ولدنا الرقاص دا في يوتيوب رد علي وقال إنهم مهندسين كهرباء وكانوا بيقوموا بأعمال صيانة دورية لأعمدة الكهرباء في حلفا الجديدة فاتلموا الشفع حول العربية وكانت هذه الرقصة الرائعة على أنغام مسجل بوكسي ناس الكهرباء
