نفسي ألبس ليّ عمّة يا أخي

نفسي ألبس ليّ عمّة يا أخي


04-30-2008, 08:01 PM


  » http://sudaneseonline.com/cgi-bin/sdb/2bb.cgi?seq=msg&board=160&msg=1209582068&rn=94


Post: #1
Title: نفسي ألبس ليّ عمّة يا أخي
Author: عبدالفتاح أبوشيمة
Date: 04-30-2008, 08:01 PM
Parent: #0

كل زول لبس العمامة
واللاّ زولــةً بي تيابة
ناس الطواقي يزحّوا غادي
ما يتلمّوا لينا لمّة ديابة
قبل سنوات ثلاث، كنت في زيارة عابرة إلى جدّة؛ مررت بمستشفى الأرباب؛ بغرض سمكرة أنياب. ما تفرحوا شديد ياهلالاب؛ وبرضو الوالياب؛ عندهم العندهم.
الشاهد؛ كنت مقلوز لي عمة على الأعتاب؛ لما طلعت من الموقع. ركبت خ 11 لأني كنت ماش قريب.
قام وقف لي- بي سيارتو- زول عجيب؛ قال أوصّلك يا دا الحبيب؛ استغربت!؛ قدّمت ليه شكر كتير؛ لأني بس ما ماش بعيد.
الزول نطق بي كلمتين، بس كلمتين؛ ما زاد عليهن شي جديد:
(عشان العمة دي عندها معزّة كبيرة عندنا).
الغريبة هو كان لابس أفرنجي وكان لبســاً جديد؛ وجديد لنجي
من يومها داك والكلمتين تمشي وتجي، وتمشي وتجي، وتمشي وتجي
لكن السؤال لكم ولجميع البورداب وقرائهم في الداخل والخارج؛ لماذا تخلّى السودانيّون عن لبس العمامة؛ وخصوصاً في الأعياد، والجُمع، والمناسبات؛ ولا نقصد العمل.
فقد تناقص المعدّل إلى أكثر من 180 درجة؛ بل إذا لم أكن مبالغاً؛ لم تتبق إلاّ زاوية حادّة؛ وخصوصاً الشباب في الداخل والخارج؛ وأصبح البديل طواقي؛ و ليتها طواقينا البرتقالية تلك!؛ بل طواق من هنا وهناك؛ وربما بتكلفة أعلى؛ هل هي شطارة التجارة والتسويق؟ أم هي أسباب أخرى.
وإذا افترضنا العامل الاقتصادي؛ فالقوارير عندنا يتدثرن بأغلى الثياب؛ و الشباب أغناهم يلبسون جلابيب، وطواق أغلى من تكلفة الزي القومي الذي اعتدنا عليه.
أم هل هو الزهد؟؛ وتلك صفة قديمة؛ قدم حضاراتنا السودانية كلها. إذ في بعض الدول التي أصبحت مهاجر؛ مع أننا ننجز مثل كثيرين بل ربما بإخلاص أكثر؛ إلاّ أن أسهم الآخرين دوماً مرتفعة؛ ذلك لأننا لا نهتم بالمظهر؛ وتلك قضية أخرى.
إنّ التغنّي بالوطن شيء جميل؛ ولكن الاعتزاز بالقيم- مظهراً ومخبراً- أجمل؛ بإثبات عملي.
قد تأتي عوامل التعرية على بعض القيم؛ لعوامل منطقية. ولكن هنالك شعوب لا تزال متمسكة بزيّها القومي.
كما أن الكثيرين يطلقون تفسيرات كثيرة لطول هذه العمّة والأغراض من استخدامها؛ وأنها كالكفن؛ وهذا معنى جميل؛ فإن صحّ فلم نتخلّى عن شيء كهذا. وآخرون يسخرون من طولها؛ كما اشتهرت بعض الشخصيات؛ في اهتمامها بطولها ومظهرها؛ لدرجة أن نعدّدهم وبالأسماء.
وربما نضيف أسئلة أخرى متعلقة بما استجدّ مع هذه الظاهرة من أنواع السلوك؛ فهلاّ شاركتمونا في هذه الأُمنية سواء بالمعلومات أو الخواطر أو الأسباب أو بما قيل أو كتب نثراً وشعراً والحلول.

Post: #2
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 04-30-2008, 09:26 PM
Parent: #1



أها يا شيخ العرب جيتك؛ ويا هرون؛ ويا كل زول لسع ماسك في درب أبواتنا؛ وما نسى قديمنا؛

يا شيخ العرب أوع تكون زعلت منّي؛ البوست أنا قصدت موضوع العمة؛ والحصل؛ من تجافي كثيرين واستثقال

لبسها في ناس معذورين زي الناس العايشين في الغرب؛ مثلاً.


في السودان معظم المساجد في صلاة الجمعة زمان كان تلقى معظم الناس لابسين عممهم؛ الآن الفرق كبير


كنت مقيماً في السعودية قبل أكثر من عقد من الزمان؛ قلّ أن تجد سودانياًلا يتعمم بها؛ وجدت في إحدى زياراتي في السنوات الأخيرة؛ الأمر جدّ مختلف.



لماذا؟ ذاك هو السؤال المحيّر.


أمر آخر؛ كنت إذا التقيت اي سوداني في مدن السعودية مثلاً؛ وخصوصاً بعيداً عن أماكن وجود الحجّاج؛ كان


يكون اللقاء كأحر مايكون؛ أما الآن فتجد تهرباً ولا حتى السلام عليكم؛ هل هكذا تورد الإبل؟


هذا أيضاً من الظواهر الجديدة؛ فكلما تنازلنا مما يميزنا من شيء مهما كان صغيراً؛ تتبعه أشياء.


فنرجو أن تتكرّموا بتناول الأشياء السلبية التي تتبع موضوع التخلّي عن العمامة؛ ونواصل إن شاء الله.



بشأن متعلقات أخرى بالموضوع نفسه

Post: #3
Title: Re: نفسي ألبس ليّ عمّة يا أخي
Author: محمد عبد الماجد الصايم
Date: 05-01-2008, 12:51 PM
Parent: #1

إنت عارف يا عــمــك

أنا واحد من الناس
نفسي ألبس عـمّة بي مزاج كدا

ياخ العمة دي ما قادر أتفاهم معاها عديل كدا

Post: #4
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 02:34 PM
Parent: #3

Quote: ياخ العمة دي ما قادر أتفاهم معاها عديل كدا


ود أختي يا سبّاق يا هميم.




انت ما من مواليد السبعينيات.


وبعدين الوالد الله يرحمه الوقت داك كان في المهاجر.


فلو كان قاعد معاك كنت أصرّيت تلبس جلابية وعمة وتطلع معاه لي صلاة الجمعة مثلاً.




فإنت معذور كنت لغاية الليلة.


أما من اليوم ورايح؛ فحكايتك بقت زي ناس كانوا عايشين في مصر؛ ويجوا أولادهم الفي سنّنا؛ في الإجازات

كنا نورّيهم كيف يكون امتطاء ( الحمار) الله يكرمك ويكرم السامعين؛ وكان الضحك وكان الهظار، والسخرية والضحك إلين تقع على ظهرك.


كذلك كنا نعلّمهم كيف يلبسوا العمة. ولما تشوفوا تحلف تقول لافّينها ليه.



والله مشكلتك بقت مشكلة؛ شوف صحبك يمكن يوريك؛ ولو إنو مشكلة مواليد العاصمة ديل من جيلكم.



لكن نحن قضيتنا مع الناس اللّي كانوا بيلبسوها؛ وقاموا فارقوها مفارقة الطريفي لي جملو؛ جمله تاه؛

وهو زاتو تاه.



سلمت يا بنيّ للسودان وللبورد.












Post: #5
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 04:22 PM
Parent: #4




الناس ما لها مسجلا غياب ما دايرين يلبسوا عمم مالهم.



تعرف أيها القارئ العزيز


التراث عندنا يعطي هذه العمامة اهمية قصوى.


إلى درجة أن يطلق على من يختلّ شرفه؛ بشكل أو بآخر؛ مقولة الله يكرم السامعين والقراء وقبلهم المتداخلين؛ ( أب عمّة واقعة)







ربّما أكون قرأت أو شاهدت مسرحية ربّما للشاعر إبراهيم العبادي؛ بمعنى أنه بمجرد حدوث الأمر يطلقون


في وجهه هذه العبارة اللاذعة

Post: #6
Title: Re: نفسي ألبس ليّ عمّة يا أخي
Author: عبدالكريم الامين احمد
Date: 05-01-2008, 04:55 PM
Parent: #5

هلا ابوشيمة وحبابك
وياريت ياخي ياتينا وصف تفصيلي لكيفية لف العمة
بس ختونا طريقة حسين خوجلي وترباس دي عمم
اخير من لفها انك تلف ليك حاجة تاني

Post: #7
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 05:21 PM
Parent: #6

Quote: هلا ابوشيمة وحبابك



باشمهندس كرومة حبـــ1000000 ــــــاك؛ والله البوست نوّر

وكلامك الكبير دا داير لو قعدة الواحد يعمل تجربة عملية في الكيف والكم؟


وفي تجهيز حصة لي ناس ود الصايم؛ تحضير على قول المدرّسين


برجع ليك يا غالي






سمح؟

Post: #8
Title: Re: نفسي ألبس ليّ عمّة يا أخي
Author: Ammar Eldaw
Date: 05-01-2008, 05:47 PM
Parent: #7

أستاذ عبد الفتاح

تحية طيبة

تعرف ، العمة دي حاجة جميلة جداً لأنها بتميزنا كسودانيين . خاصة خارج الوطن .

بالإضافة لإنها بتدي الواحد هيبة ووقار.

كتير من الناس بات يعتقد إنها ما عملية ، حتى لو طالع مشوار يوم عطلة .

لكن برضو لسة في ناس متمسكة بيها.

(بعض) السودانيين تغيرت أخلاقهم لأسباب عديدة منها ضيق ذات اليد ، وأصبح مجرد رؤية السوداني في الغربة يعني (مشكلة) ، لذلك أصبحت العلاقات بين السودانيين خارج الوطن ما زي زمان.

رغم كل شيء ، أرى السودانيين من أميز الشعوب.







خارج النص

كتبت ليك بالدارجي علشان ما تحولني لبرنامج قل ولا تقل .

تحياتي..

Post: #9
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 07:16 PM
Parent: #8

Quote: تعرف ، العمة دي حاجة جميلة جداً لأنها بتميزنا كسودانيين . خاصة خارج الوطن .

بالإضافة لإنها بتدي الواحد هيبة ووقار.



باشمهندس؛ يالإسفيريّين بالجد؛ حبـــ1000 ـــــابك.


هو الضو دا ما ياهو ضو


كان ضوّا واللاّ إن أرض جـو


والله كانك طليت بي عمة وكدة؛ بي كل هيبة ووقار؛ الله يديك العافية يا ولدي.


Quote: أرى السودانيين من أميز الشعوب



من أميز الشعوب ما ياها المشكلة ظاتا؛

ما دا البجّنن؛ لو ما كنّا من اميز الشعوب؛ أنا ماكنت طالبت السوداني؛ بي كدا؛ عشا البايتات دا

الّلي بضحّي بي كل شي عشان ولده؛ وعشان جاره؛ برضو مها كان شظف الحال؛ رمزو الفوق دا؛ ما يتخلّى عّنو.

Quote: خارج النص


القال ليك دي خاج النص منو ياحبيب

نحن السودانيّون على الرغم من تنوعنا المنسجم(المهرمن)؛ فـ(دارجيتنا أو عاميّتنا) هي الأقرب إلى الفصحى من بين كل الشعوب التي تتحدث العربية؛ بس نحن مشكلتنا في الكتابة سواء في البورد، أو في الصحف؛ المسألة دي نهتم بيها شوية؛ فنحن من أكثر الشعوب قراءة؛ أو هكذا كنّا؛ قبل الشظف.


عشان كدة أقوليك أهرش كيبورديك؛ واستفيد من المميزات الفيه؛ وانتو ناس تقانة وما محتاجين توصية؛ بس عشان نتميّز اكتر؛ وإن شاء الله تجينا تاني؛ انت شايفك؛ بتقدر تطلع لينا من قوقل دي جاحات كتيرة عن العمة؛ أم رسوة.

كتبت ليك بالدارجي علشان ما تحولني لبرنامج قل ولا تقل .






وبرجع ليك تاني

Post: #10
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 08:06 PM
Parent: #6

Quote: وياريت ياخي ياتينا وصف تفصيلي لكيفية لف العمة


الوصف التفصيلي دا نحن راجينّو من المشاركين؛ حتى لو من قوقل؛ أو أطلب لينا الصور بتاعة الجماعة اللي بيسخروا من طول عمتنا؛ معليش يا كرومة ماتشوفلينا الزول اللي جايب الصورة؛ بتاع راجل النسوان الثلاثة داك؛ الناس مواليد السبعينيات الزيكم وزي ناس ود الصايم ديل؛ عشان نديهم حصة لازم يكون عندنا وسائل تعليمية.


المهم الطرق كتيرة؛

ولكن الفئة الأكبر هم الجماعة اللي انت استثنيتم ديل زاتم؛ المعنى يعني يا كرومة انت الظاهر عليك؛ ما عارف السر الفئة دي بالذات؛ أنا خاتي في بطني بطيخة صيفي؛ حقة الرمال حقتكم دي.


تعرف ليه أصلي ما شايل هم إنهم يتخلّوا عن العمّة؛ للأسف أنا زاتي منهم؛ ألا وهي أصحاب الصُّلع؛ بس ما تجيب لينا هوا ما يسمعنا سيد الحوش.

تعرف ناس ترباس وحسين خوجلي والقلّع؛ ديل مكبّرينها لمسألة زيادة في الإنتاج وسوء في التوزيع؛ يعني لو

لو لفّوا عمة زي حقة أصحاب الوجاهات؛- ودي بجيها بعدين- قصّتهم حتبقى مكشوفة؛ عشان كدي؛ هم برطرطروها فوق بعض؛ عشان اللّي داير يفتشهم مهما عمل ما يلقى ليه اثر. بالضبط زي ناس البواريك السمحة ديك؛ والصبغة العينة. فالمصلّعون هم الغالبية؛ وخصوصاً ناس الطواقي اللي من كل بلد شكل ديل؛ وبعدين شنو حكاية الفنانين ديل ورانا؛ كان طواقي؛ طواقي من غرب إفريقيا ومن واغ الواغ.


الفئة الثانية؛ أي المهتمّون زي ناس ود الجبل؛ ديل بقى الطول عندهم ما زي الأولانيين لكن في مقدرة مالية تمام النوعية؛ وكل كم يوم واحدة جديدة؛ والمستعملة ذاتا حرام ممنوع قطعاً إنها تتغسل من دون نشاء جديد لنج. أما طريقة اللفة لازم تستعمل السنّارة بتاعة واللا انتو ما بتعرفوا السنّارة دي زي ناس البحر.


معليش نواصل؛ في ناس قالوا كترت الكلام؛ وهيبة العمّة دايماً بتقول خير الكلام ما قلّ ودلّ.


Post: #11
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 08:16 PM
Parent: #6

Quote: اخير من لفها انك تلف ليك حاجة تاني


كرومة حبيب يا أخي أنا بحبّك من زمن البوست؛ اللي ضيفتونا وكرمتونا داك.


بالله الطريقة بتاعة ناس الكمّون والغاوون ديلاك أنا ما بفهما؛ اتكلم معاي بالواضح؛ كدا

أنا بسمّي ود الصايم في سري؛ زي الزول القال للعصفورة اللّي طلعت من الشبّاك ديك: يعني عملتي شنو؟.


سمح؟ الواضح ما فاضح.




Post: #12
Title: Re: نفسي ألبس ليّ عمّة يا أخي
Author: ابو جهينة
Date: 05-01-2008, 08:33 PM
Parent: #11

عزيزي عبدالفتاح

سلام معمم على جميع أمكنة تواجدك

أنا شخصيا حريف في لف العمة و أحب أن أتعمم مع طاقية حمرا مطرزة بالحرير و مبطنة دمورية ..
و كنت حريصاً عليها في السودان ..
و عندما ضربنا خيامنا بصحاري نجد .. كنت حريصا على التعمم .. خصوصا أيام الجمع و بقية نهار الخميس ...
رويداً رويدا أخذتنا الحياة في دولابها المتسارع ... لذا فإن لبس عمة و جلابية و طاقية و شال ما بيكون في سرعة لبس بنطال و قميص و الهرولة إلى السيارة ..
و لكن رغم ذلك لا زلت متمسكاً بالتعمم و التجْلبب و التطوْقن ( إن صحت الكلمات ) في مناسبات الأفراح و الليالي الملاح .. أشعر أنني مربوط بحبل سري إلى الوطن ( طوله 5 أمتار توتال سويسري ) ..

أما زوغان الناس من الحجيج و المعتمرين و تجار الشنطة .. فالحالة الإقتصادية قد ألقتْ بظلالها القاتمة على جيوب و أريحية السودانيين ...
واحد قريبنا ضربت ليهو في بيتو بجدة .. ردتْ على فلسطينية ... قالت الشقة و التلفون إتنازل ليهم عنهم السوداني ..
بعد تعب شديد لقيت تلفونو الجديد .. فسألته : ليه ما قلت لي إنك رحلت و غيرت رقم تلفونك الجوال و رقم البيت ..؟
فقال : شوف بكل صراحة ... أنا رحلت في بيت و الله ناس Google Earth ما يعرفو محلو ... و التلفون دة بعد كدة بغيرو كل 3 شهور ...

ألبس عمة ياخي ... أكيد بتكون خايلة فيك

مودتي المقيمة

Post: #14
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-01-2008, 09:11 PM
Parent: #12

Quote: سلام معمم على جميع أمكنة تواجدك



تعظيم سلام يا ريس؛


الأدباء ديل ما محتاجين يلبسوا عمم زاتم.


لكن كلامك دا ما بردّ عليه حسع؛ لأنه واحد أبوعمة عازمني قراصة تركيج مطوّل منها شديد؛ مشتاقين زي عمم


أهل الرياض الذين انخفضت نسبة عممهم مقارنة مع الماضي.


طلّتك بالدنيا



خيروق تيق


khairog teeg habeeb














Post: #18
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 03:24 PM
Parent: #12

Quote: أنا شخصيا حريف في لف العمة و أحب أن أتعمم مع طاقية حمرا مطرزة بالحرير و مبطنة دمورية ..


انت أتاريك شاعر كمان؛ والله الكلام دا اسمح من الشعر زاتو؛ عليك الله أقراه تاني ما مموسق؛ حقو انت تنضم للغاوين ديل؛

وبعدين طالما انت حريف كدا؛ ما تفكّنا من كيكي دا بيسألنا اسئلة تصينيفية وكدا؛ هذا بالإضافة إلى إنو ودالصايم داير لو حصة؛ هو والمعاه من الجماعة إياه
مو عندما ضربنا خيامنا بصحاري نجد .


طيّب دا ما المشكلة ظاتو...



Quote: أشعر أنني مربوط بحبل سري إلى الوطن ( طوله 5 أمتار توتال سويسري ) ..

والله ما كضّب القال سمح الغنا في خشم سيدو!

ولو إنو الخشم دا في كلامكم انتو النجدييّن شيّاً تاني.


والله دي الحردلّو زاتو ما يقولا؛ انتو بتجيبوا الكلام السمح دا من يا الأدباء؛ المؤدّبين؟




Quote: واحد قريبنا ضربت ليهو في بيتو بجدة .. ردتْ على فلسطينية ... قالت الشقة و التلفون إتنازل ليهم عنهم السوداني ..
بعد تعب شديد لقيت تلفونو الجديد .. فسألته : ليه ما قلت لي إنك رحلت و غيرت رقم تلفونك الجوال و رقم البيت ..؟
فقال : شوف بكل صراحة ... أنا رحلت في بيت و الله ناس Google Earth ما يعرفو محلو ... و التلفون دة بعد كدة بغيرو كل 3 شهور ...



والله يا ريّس صاحبك دا ريحني تب؛ أنا كنت كاتب جدّة غير على نوعين اللّي بقولوها أهلها؛ وجدّة غير بتاعة السودانيين؛

أها صاحبك دا جدّة غير زاتو.

وبي مناسبة google earth ياخي ما تشوفوا لينا طريقة انتو ناس برة؛ واللا كلم لينا صاحبك بتاع أريزونا يعمل لينا

Contract مع ناس قوقل لعمل طريقة لتكبير الصورة؛ عشان نكشف العمم والطواقي؛ ونقبض المتلبسين بي لبس الطواقي بس.




معليش اللخبطة دي؛ نحن شغالين بي لمبة بنية؛ عشان الجمرة الخبيثة؛ عافانا الله منها

برجع ليك تاني ياريّس؛ جاو.

Post: #20
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 04:22 PM
Parent: #12

Quote: ألبس عمة ياخي ... أكيد بتكون خايلة فيك



تعرف نجديّتك دي اللي خلتنا نلبس العمة طوالي؛ أصلي قبل حوالي عشرين سنة؛ كنا سودانيين بس وسط خرتمة مصري وسعودي؛ وكنا بنلبس بدل؛

وكنا شاذين وسط الجماعة ديل قمنا رمينا البدل ولبسنا عمم؛ وقمنا صلعنا بي سبب العمم.

ومنها وعيك؛
لكن حسع لو قمت صورت لي صورة جديدة بالعمة؛ حتبقى المشكلة؛ حنبقى انا والدّقر بتاعك دا.

وتبقى مشكلة مع شفعكم البتفرجوا معاكم ديل ما عايزين نرتكب جريمة وكدا؛ كفاية الفوبيا الحاصلة.

Post: #13
Title: Re: نفسي ألبس ليّ عمّة يا أخي
Author: محمد نجيب عبدا لرحيم
Date: 05-01-2008, 09:06 PM
Parent: #11

الأستاذ أبوشيمة العمة هي رمز لزينا القومي وزمان كان الفنانات



وزمان كان الفنانات بغنوا للعمة يا أبو عمة يا أبو عمة




حلفناك بالله تزور حارتنا مرة

Post: #15
Title: Re: نفسي ألبس ليّ عمّة يا أخي
Author: ابو جهينة
Date: 05-01-2008, 09:18 PM
Parent: #13

Quote: لأنه واحد أبوعمة عازمني قراصة تركيج


عليك الله يا عبد الفتاح ... مع كل لقمة أطراني بالخير ..
تركينج ؟ يااااااه ... غايتو جنس تمطيق غايتو

هنيئاً مريئاً ... مع إنو التركين دة ما أطن بيْمُر بالمريء .. بينزل عديل للقولون و يلخبط سيرفرات الدماغ

Post: #26
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 09:45 PM
Parent: #15

Quote: هنيئاً مريئاً ... مع إنو التركين دة ما أطن بيْمُر بالمريء .. بينزل عديل للقولون و يلخبط سيرفرات الدماغ



هنّأك الله؛ خلّي المريء والقولون؛ والله كان لخبط سيرفرات الشبكة ذاتا، واللاّ كان سكّرنا زاتو؛ زي العمّة؛ ما مخلّينو؛


كدي جرّب واعزم ناس ود الصايم، وعمر الفاروق اللّي ما بيعرفوا يلفّوا عمّة ديل؛ على قراصة تركين؛ واشترط عليهم:


اللي عايز يجي متعمم؛ واللاّ لا.

طيران حيجوك حتّى لو اخدوا دروس خصوصية.




خارج الموضوع يا أخي انا سرحت ليك البنية؛ ورسلت ليك صورتا بالإيميل، ما قلت لي بغم.


إن شاء الله يكون المانع خير

Post: #17
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 02:44 PM
Parent: #13

Quote: وزمان كان الفنانات بغنوا للعمة يا أبو عمة يا أبو عمة


كابتن حبابك

انتو ناس مدني السنّي ديل ما أسياد الغنا ذاتو

ما تبخل علينا بي كلام مفصّل عن الغنا للعمة.
Quote: حلفناك بالله تزور حارتنا مرة



حارتكم انت طبعاً من ناس غبيرا وداير تجيب لينا الكلام مع بورداب الرياض؛ ياخي معانا الريس أبوجهينة وكدا ما تجيب لينا الكلام مع العمد كمان، هو نحن الشيوخ قادرين عليهم انت تجيب ليناهوا.



عاد انت ما وقعت لينا في جرح،

معليش يا ريّس أبوجهينة خلينا نتفسّح شوية الزول دا دقس دقسة الوزير زاتو.

ناس غبيرا والناصرية ووو أي الصين الشعبية بتاعة السودانيين؛

بلاد الله التانية دي نحن ما زرناها؛ حارجع ليك تاني يا كابتن.












Post: #29
Title: Re: نفسي ألبس ليّ عمّة يا أخي
Author: محمد نجيب عبدا لرحيم
Date: 05-04-2008, 03:45 PM
Parent: #17

يا أبو شيمة عمتنا تجاوزت قارة آسيا ووصلت
الي القارة العجوز ولها لبيسة في مدينة ميونيخ الألمانية
معظم حبايبنا الألمان من أتباع الطريقة البرهانية

Post: #30
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-04-2008, 04:12 PM
Parent: #29

Quote: يا أبو شيمة عمتنا تجاوزت قارة آسيا ووصلت
الي القارة العجوز ولها لبيسة في مدينة ميونيخ الألمانية
معظم حبايبنا الألمان من أتباع الطريقة البرهانية


والله دي ملحوظة مهمة يا كابتن


ودي يخلّيني أهرشكم أكثر يا ناس غبيرا والناصرية




يا بن السودان، رامين قدّام حتى الألمان

يابن السودان، مالك كسلان

واللا انت نسيت فن النسوان

يا أبومروّة واحد يدينا شعر في العمة لو حتى إن كان

حلمنتيش؛ أو حتى يكون غنا النسوان


معليش يا كابتن انت أديتنا دفرة معتبرة أو في الحسبان


نرجع بعدين إلى موضوع غبيرة







Post: #16
Title: Re: نفسي ألبس ليّ عمّة يا أخي
Author: عادل سهل
Date: 05-02-2008, 04:23 PM
Parent: #1



يا ابوشيمة يا حبيب

يأخى والله أنا فى البورد دا حدى الصفحة الأولى بس .

بوستك الجميل دا ما شفتو الا بلنك ود الصايم فى أسابيع البور

Quote: (عشان العمة دي عندها معزّة كبيرة عندنا).

ودا ما المجنن بوبى يأخ.

لا راجع ليك ونتحكر فى البوست دا ، بس خلينى نمشى نصلح عمتى ونجيك صادى











شيخ العرب

Post: #19
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 03:49 PM
Parent: #16

Quote: ودا ما المجنن بوبى يأخ.


مرحب حباب شيخ العرب

جيتنا وخلاص عز الطرب

تعرف عديل كت خاتي اسمك في الطلب

لكن بتيت وأولاد حتيت خلعوني لامن اضطرب

وسحبتو ليك من غير ادب


قال قال وقال بطل نبذ وقلة ادب



شيخ العرب ما تغيب كتير؛ جيب لي معاك ناس العمم

زي ناس عماد؛ والامتداد؛ كل البلد.
نحاسنا ما طرقع خلاصأخوك خلاص حالف طلاق
يعلن حرب

كب كب كرب عايزين طرق للانتشار
والانبهار؛ والازدهار
معليش الباقي دا تابع للبتتاتنة

بعدين كمان ظهر ليك عديل أمراً عجب

عايز علاج بخرة وكدا داير لو طب


ما طرشق عديل وكان كسفة لي ود العرب














Post: #21
Title: Re: نفسي ألبس ليّ عمّة يا أخي
Author: عبود عبد الرحيم
Date: 05-03-2008, 04:39 PM
Parent: #1

يا ابوشيمة تحياتي لهذا البوست الجميل وفيهو حنين البلد
Quote: الزول نطق بي كلمتين، بس كلمتين؛ ما زاد عليهن شي جديد:
(عشان العمة دي عندها معزّة كبيرة عندنا).

الزول دة بيكون زميلنا في المنبر كمال ادريس ... اصلو عامل بوست للعمم في جدة !!!!
غايتو ...
أنا عن نفسي اتمني البس العمة ... بس حاسي اني حأكون (أشتر أشتر كدة)

Post: #22
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 05:38 PM
Parent: #21

Quote: الزول دة بيكون زميلنا في المنبر كمال ادريس ... اصلو عامل بوست للعمم في جدة !!!!
غايتو ...



مرحب مرحب أهل الصحافة؛ كان شارع، أو مدينة؛ أو شركة، أو الصحفيين، أو الصحيفة، أو الصحافة والمدبوعات زاتو.


والله نوّرت البوست، أما البوست اللي قلت عليه، فوالله ما شفتو؛ أصلك ما عارف؛ أنا زول جديد، ولسع ما ناقش حاجة؛

إن شاء الله يكون كمال إدريس السبّاق دا شايفنا؛ يعمل لينا LINK ويشرّفنا بي جاي.


عبود اخوي نحن لسع ما خلصنا البكيات والفواتح الكتيرة دي؛ عشان كدة أعذرنا.


أنا ما علي بي إسفيركم دا؛ أنا زولي بتاع جدّة اللي ضربني في اللحم الحي؛ صحاّني وفوقني؛ من تلات سنين


وأنا افكّر في طريقة؛ أرجّع بيها لبس العمم.


وبعدين بما إنك صحفي وانتو ديل أكتر ناس متعبين المصححّاتية؛ طبعاً؛ عايزين نتفشّى فيكم؛ ونضمكم لي فصل ناس ود الصايم ديل؛

خلاص ضميناك للفصل بتاع تعليم كيفية لبس العمة؛ عشان بالجد تظهر بي شتارتك؛ وشطارتك

سمح؛ ياولدي؟ أيوة خليك شاطر ما تبقى أشتر واللا شاتر.


لو سجلت غياب مشكلة؛ لأنو الموضوع دا عايزين نعمل فيه حملة قومية؛ بنحتاح لي ناس الصحافة هنا و عندكم على الورق.


شاكرين كتير ومقّدرين للطلة الحلوة دي؛ والله مثل التكنّك جيت لابس عمّة ومقلوزة كمان.

Post: #23
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 07:11 PM
Parent: #21

Quote: أشتر أشتر كدة)



منو القالّيك

منو القالّيك



منو القاّليك

Post: #24
Title: Re: نفسي ألبس ليّ عمّة يا أخي
Author: عمر الفاروق
Date: 05-03-2008, 07:32 PM
Parent: #1

اخونا عبد الفتاح :

واحدة من أسباب إستعجالي للزواج هو لبس العمّة ..
ياخ انا في حياتي ما لبست لي عمة وقلت يا قريبك بعد العرس نظام ده حا يكون إستايلي الجديد والنيو لووك جلابية بيضا مكوية وعمة 8 أمتار وجيب خفييف تظهر من خلاله القروش من الفئات العليا ومركوب نمري ونضارة بيرسون والريحة الما خمج ...
إشتريت لي عمّتين والله يسمعوا فيييييييي كلامك ده بيلفوها كيف ما بعرف بالضبط تمت سنة وما حصل ختيتا في راسي وما اظن كمان ..
كل ما أجي الف العمة أقيف في المرايا وأردد:
أما رأيت ابا دلامة
إذا لبس العمامة كان قرداً وخنزيراً إذا خلع العمامة ..
تووووووشك يا الجينز جاك زول وأحلى قميص وخلاص ..

Post: #25
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 09:12 PM
Parent: #24

Quote: وجيب خفييف تظهر من خلاله القروش من الفئات العليا


عليك الله يا عمر الفشخرة بتاعة القروش بتاعة المغتربين الزمان اللي بوظوا بيها أولادنا ما خلّوهم لا قراية ولا زراعة دي؛ حسّع تسوّيها بالجنز كيفن يعني؛ حلّها لي دي.



Quote: والله يسمعوا فيييييييي كلامك ده بيلفوها كيف ما بعرف بالضبط



وبعدين يخوانّا نحن حنحلّ مشكلة التجليس دي كيف؛ نحن أولادنا اللّي هنا ما لقينا ليهم حل؛ العجايز أبان

صلع ديل؛ حنحلّ مشكلتهم كيف وفيهم ناس سمان ماكلين رز. والله دا المشكلة زاتو!


Quote: إذا لبس العمامة كان قرداً



والله دي احسن حاجة؛ نودّيك لي سي جي؛ ويدفعوا ليك بالدولار.

لكن المصيبة في التانية الحاصلة كتير دي.



Quote: تووووووشك يا الجينز جاك زول وأحلى قميص وخلاص ..




أنا موضوعي ما في جريكم دا.


انا في العيد الجاب الناس؛ وبي استعداد؛ وخبيز، وقيامة رابطة؛ واللا صلاة الجمعة؛ وماشي العزاء؛ والجمعية ....إلخ دي كان بقيت فيها قرد واللا أبو دلامة زاتو مالو؟؟؟؟؟؟؟؟؟؟؟؟؟؟؟؟؟


س: سعال؛ كل واحد يقول حياتي حياتي حياتي انتو جايين من السودان واللاّ واغ الواغ



وبعدين تاني دايرين طلّة الصلعة السمحة دي؛ وتعال شايل كرّاساتك؛ والصور الداعمة لموضوع العمّة دي


وكان ما داير تجدّع أقل حاجة جيبنا لينا الحجارة؛ واللاّ نفلقك بي حجارة المايكرفون دا؛ واللا نشتكيك

لي حضرة الناظر؛ بتاع الرياض ( قريبك جلال) ممكن يديك حصة في اللفة واللاّ تعال لينا في اللفة؛ نلم فيك الناس الكتار ديل؛ وبالقوّة نلفها ليك كان بتتلفّ


سمح؛ يا ظريف عايزين نشوف حاجات ظريفة عن العمّة صورة وصوت؛ سمح؟






Post: #27
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-03-2008, 10:17 PM
Parent: #1

كيكي ما كمّلت ليك


بجيك

Post: #28
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-04-2008, 02:36 PM
Parent: #27

Quote: كيكي ما كمّلت ليك


فئة ثالثة؛


وأغلبهم من اهل الشمال؛


فهم يلفّونها لفاً؛ أي العمة ذات نفسها تلفّ تلفّ،؛ حتى تصبح مثل الحبل؛ أي تبرم برماً؛ حرصاً منهم على


ألاّ ينشغلوا بها بعد لفّها.


وقد أثبتت تجاربهم؛ وخصوصاً مع الألس؛ حتقولي إيه هو الألس؟

الألس أضخم أنواع الحبال المصنوعة من نبات الحلفا ذو حجم ضخم جدّاً؛ ومن أطرفها أن الحبل الألس هذا في



موسم النمتّة؛ يربط كالعمامة على الرأس مع أن أحد طرفيه يكون متوقداً؛ بغرض نشر الدخان الذي يخيف هذه


الحشرة؛ فترى المزارع يمشي بين الحقول مثل قطر كريمي الزمان.( والله يقدرنا على...)

Post: #31
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-04-2008, 05:37 PM
Parent: #28

Kutch up


Seven up


أي حاجة أب



يا أبو مروّة

Post: #32
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-04-2008, 09:10 PM
Parent: #31


close up



أو لفّها








Post: #33
Title: Re: نفسي ألبس ليّ عمّة يا أخي
Author: منزول محمد توفيق
Date: 05-05-2008, 06:12 AM
Parent: #32



اخي عبد الفتاح
السلام عليكم ورحمة الله وبركاته
العمة إحدى شعاراتنا الكثيرة التي توارثناها من اباءنا واجدادنا



أما موضوع التخلي عنها او قلة الذين يلبسونها او يضعونها على راسهم
فذلك لعدم التعود عليها فلقد كان في السابق الولد يحاكي اباه
ويحاول ان يلبسها
ولكن مع تغيير كثير من الامور ذابت بعض تقاليدنا وتشوهت بعضها وأصاب الضمور كثير منها

وعلى فكرة العمامة أنواع وأشكال
ولفتها أيضا لها مناسبات وأشكال
وفي لفة العمل ولفة الأفراح ولفة الاتراح


Post: #35
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 02:31 PM
Parent: #33

Quote: وعلى فكرة العمامة أنواع وأشكال
ولفتها أيضا لها مناسبات وأشكال
وفي لفة العمل ولفة الأفراح ولفة الاتراح


10 من 10


ممتاز

Post: #37
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 03:59 PM
Parent: #33

Quote: ولكن مع تغيير كثير من الامور ذابت بعض تقاليدنا وتشوهت بعضها وأصاب الضمور كثير منها


مرحب حباب منزول أخوي؛


(طيّب دا ما المشكلة ظاتو)


أنا مع ناس الكورة؛ كنت قايلك من ناس صديق منزول


يا أخي انت ما من عندينا


ووالله لفّتك للعمّة دي أبوجهينة ذاتو ما يقدر يلفها بي حرفنتو ديك.


يا أخي انت ما جبت لينا قناة الزول ظاتو.


شفت أنا كان فتشت لي فيزا؛ بي أي طريقة واللا عقد واللا صحبة راكب؛ واللاّ يا عم.


انا لازم أشوف طريقة أسلم عليك يا ملك؛ بالمناسبة أنا مرة في واحدة من زياراتي جيت في تأبين في جمعيتكم دي؛ وكنت مقلوز عمتي آخ لو كنت بعرفك!



من زمان؛

شاكرين جداً للصور؛ والكلام ليكم يا ......

لكن يا عمّك الصورة البترقش دي بتاعة الشلوخ دي


أكيد العمدة دا من عندينا؛



(بِْس) من الطلبة التعبانين ديل اللي ما حنلقا لا مقاعد لا أدراج لا كراسي


وحنضطر نقعّدهم( برضو بالتشديد) يا كع كع؛ حبيبنا منزول ياخي عايزين مدرسين للعمة

بالله قدّم طلب؛ وزيارتك دي فوق العين وفوق الراس.


لكن برضو تاني دايرين زيارة.









هييييييييييييييي سودانّا فوق

Post: #34
Title: Re: نفسي ألبس ليّ عمّة يا أخي
Author: عبدالله كع
Date: 05-05-2008, 06:51 AM
Parent: #1

سلامات ابو شيمه

Quote: (عشان العمة دي عندها معزّة كبيرة عندنا).

يا حبا العمه بتزكرني الوالد طوالي .. كان بقعد ليها وبقعده (بشد العين ) قعيد يكيفك يامان
يا عزيزي انا عمري ما لفيت لي عمه . الحاجه يا البتغيظ في ناس شليقه شلاقه وبتاعين لبط
والواحد تلقاهو لفيها زي الطهورة يا عمك ...يا مدلدله وواقعه منو المهم في ناس يكرهوك ليها
وناس تحسدهم عديل كدا يا حبا.
والحاجه اللاحظتها ليك في العمم والمتعمعمه . المتميزين وكدا

1- اللابس العمه لازم يكون من اصحاب الصلع (زول ماساهل وكدا) واظنك كذلك عبدالفتاح اخوي.

2- اللابس العمه لازم يكون من اصحاب الرؤوس الكبيرة (مصعب ولدي) انشالله

3-اللابس العمه لازم يكون من اصحاب روؤس الاموال (ود الجبل )

4اللابس العمه لازم يكون من اصحاب الفخفخه الفاضيه والبوبار (وزي ديل كميه يامان )

5- واهم فئه من الزين لاحظتهم يتعمعمون الشيوخ ( وديل يا عزيزي للوقار والمكانه الرفيعه)

ـــــــــــــــــ
نفسك شنو يا حبا.. انت من الفئه نمرة 1 يعني لازم تلبسه ..

Post: #36
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 03:23 PM
Parent: #34

Quote: يا حبا العمه بتزكرني الوالد طوالي .. كان بقعد ليها وبقعده (بشد العين ) قعيد يكيفك يامان
يا عزيزي انا عمري ما لفيت لي عمه . الحاجه يا البتغيظ في ناس شليقه شلاقه وبتاعين لبط
والواحد تلقاهو لفيها زي الطهورة يا عمك ...يا مدلدله وواقعه منو المهم في ناس يكرهوك ليها
وناس تحسدهم عديل كدا يا حبا.
والحاجه اللاحظتها ليك في العمم والمتعمعمه . المتميزين وكدا

1- اللابس العمه لازم يكون من اصحاب الصلع (زول ماساهل وكدا) واظنك كذلك عبدالفتاح اخوي.

2- اللابس العمه لازم يكون من اصحاب الرؤوس الكبيرة (مصعب ولدي) انشالله

3-اللابس العمه لازم يكون من اصحاب روؤس الاموال (ود الجبل )

4اللابس العمه لازم يكون من اصحاب الفخفخه الفاضيه والبوبار (وزي ديل كميه يامان )

5- واهم فئه من الزين لاحظتهم يتعمعمون الشيوخ ( وديل يا عزيزي للوقار والمكانه الرفيعه)

ـــــــــــــــــ
نفسك شنو يا حبا.. انت من الفئه نمرة 1 يعني لازم تلبسه ..



دا واحد من الدروس ياكيكي

حبابك كعّوكي

الله يديك العافية برجع ليك تاني إن شاء الله.













Post: #38
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 05:16 PM
Parent: #34




Quote: نفسك شنو يا حبا.. انت من الفئه نمرة 1 يعني لازم تلبسه ..



حبيبنا كعّوكي

عشان نفرز من كيكي


انت ما قريت الكلام الفوق ولا شفت الصورة أم ميكرفون


نحن قضيّتنا ما مع ديل (الله يستر كل الصلع من البوار)


Quote: يا حبا العمه بتزكرني الوالد طوالي .. كان بقعد ليها وبقعده (بشد العين ) قعيد يكيفك يامان
؛ آمين يارب العالمين؛


الوالد الله يرحمه كان حي واللا لاقى ربّه؛

لكن رأيك شنو في المثل اللّي بيقول النار تلدا الرماد

نحن حسع نجيب ليكم فصول من وين؛ واللايي دا المشكلة زاتو!

آل

Quote: يا عزيزي انا عمري ما لفيت لي عمه


آل


Quote: زي الطهورة يا عمك


وديل يا كع منو؟ واللاّ شنو منو؟

لخبتّا علينا اللفة ذاتا

Quote: وواقعه منو



يازول نحن بقينا في قناة الزول

ما تغلط ما تغلت؛ قلت ليك ما تغلت؛ ما بتعرف تلفّ العمة قلنا معليش؛

لكن ما تعرف معنى الكلام دا ذاتو؛ دي بقى كبيرة من الكباير


Quote: 1- اللابس العمه لازم يكون من اصحاب الصلع (زول ماساهل وكدا) واظنك كذلك عبدالفتاح اخوي.

ما مشكلة؛ ودا الفضل من الرصيد. ما تضيعو لينا في كلاماتك.

Quote: 2- اللابس العمه لازم يكون من اصحاب الرؤوس الكبيرة (مصعب ولدي) انشالله


لا، مشكلة؛ اللي بعرف يلف العمّة ما بنفذ؛ لكن نعمل شنو؟ ندخلك الفصل بعد داك نشوف


Quote: 3-اللابس العمه لازم يكون من اصحاب روؤس الاموال (ود الجبل )

ما مشكلة؛ قدمنا نبذة تعريفية عنّو وعن النشا ظاتو.

Quote: اللابس العمه لازم يكون من اصحاب الفخفخه الفاضيه والبوبار (وزي ديل كميه يامان )



بوبار واللا ما بوبار؛ ما مشكلة؛

المشكلة يامان ؛ الدنيا دي ما ليها أمان اتعلم ليك صنعة تطلعك بر الأمان


هي الكلام دا ما شعر عديل

والله ما هين يا مان

تصنيفك حنحفظوا ليك لي آخر الزمن


Quote: - واهم فئه من الزين لاحظتهم يتعمعمون الشيوخ ( وديل يا عزيزي للوقار والمكانه الرفيعه)


الله يعدل وقار العدَلْ بتاعك ظاتو يا مان؛ دي بفهما أبو جهينة؛ لأنو بعرف يلفها تمام



مش كدا برضو ياريس؛ الناس اللي ما قادرين يجوا السودان انت افتح ليهم فصل في كل سفارة انت شايفا








قر قر قر قر قرار ظاتو










Post: #39
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 07:00 PM
Parent: #38




close up







Post: #40
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-05-2008, 09:16 PM
Parent: #39

Quote: close up


|close up

شنو يا أخي القصد ارفع فوق زي العمّة كدا

الريّس وكيكي والجميع


الموضوع دا فيه كتير لسع

مدونا بالمعلومات والصور والذي منّو

Post: #41
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-06-2008, 02:25 PM
Parent: #40

Quote: مدونا بالمعلومات والصور والذي منّو



يعني الكلام دا نلحنو ليكم


يا أبو مروّة؛ يا هرون ما تجيب لينا حاجة يسمعوها


والله انت مرصرص عمّتك دي ساي يعني



















Post: #42
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-06-2008, 04:13 PM
Parent: #34

Quote: الحاجه يا البتغيظ في ناس شليقه شلاقه وبتاعين لبط
والواحد تلقاهو لفيها زي الطهورة يا عمك


نحاول يا كيكي نشرح؛ كلام كع دا

ولو إنو المصطلحات الكتيرة دي بتاعة ناس البورد لسع ما اتعلمناها؛ وما لاقين زول جنبنا وكدا.


لو فهمتها؛ ودي يا كيكي ضمّها لي تصنيفاتك الكثيرة دي. ربّما يقصد قصر العمّة وطريق لفها بإحكام؛ مثل
تشبيهه الساخر والذي لا نرضاه لعمّتنا والتي هي نحن!

هذا التشبيه إن فهمت ما يقصده كع؛


يجعلنا نحاول توصيف العمم القصيرة الطول؛ والتي تلفّ بطريقة لاصقة مع الرأس.

وهي تاريخياً؛ ربّما تكون قد بدأت مع الهجرة إلى أرض الكنانة؛ وهي قديمة ربّما منذ عهد التركية


السابقة أو منذ عهد المملكة السنّارية؛ التي اهتمّت ببعث الطلاب؛ الحفظة إلى الأزهر الشريف.

فهؤلاء تأثروا بمشايخهم الذين يتعممون في شكل قريب منه؛ مع التحفظ على تشبيه الأخ كع؛ القصد تكون العمة قصيرة

مطبقة مكويّة تلفّ حول الطاقية أو الطربوش الشيوخي.

هذا وتشبهها عمامة مشايخ المعاهد العلمية عندنا مع احترامنا لهم؛ فهاتان الفئتان المحترمتان

تنحوان إلى هذا الشكل تواضعا؛ لله عز وجل؛ وهم بالطبع الأقرب لهذا الفهم للعلم الذي يستظلّون بظلّه.


ً


ونواصل إن شاء الله.


عمّتنا فوق

Post: #43
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-07-2008, 03:36 PM
Parent: #42

Quote: تواضعا؛ لله عز وجل؛



كل ما صغر الحجم؛ كانت أقرب للتواضع


وكثير من مشايخ الصوفية؛ نلاحظ أنهم يوجهون أتباعهم؛ بل وتجد بعضهم يلبسون فقط الطواقي؛ أيضاً تواضعاً؛...


والتواضع زيّو مافي


تشرب الراح طعمو صافي


حتى لو كان ماشي حافي


البعزّك قلبو دافي

كذلك بعض الجماعات السلفية؛ شبابها يلفونها كذلك؛ لنفس السبب.

ففي الصلاة يحرص المصلي أن تكون عظمة الجبهة ملتقية مع موضع السجود؛ وهذه الطريقة تعين على ذلك؛

بينما العمامة المرتخية تميل إلى أن تغطي؛ أو تتدلى لتغطي موضع الغرّة؛ فيضطر المصلي إلى أن يزيحها


بيده؛ وهو مما يشغل.

ونواصل إن شاء الله.

Post: #44
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-07-2008, 08:12 PM
Parent: #43



في نوع ثالث ذكرناه في البدايات؛

هم اصحاب الوجاهات:

وهؤلاء في الوقت الحاضر كثر:

أي الذين يلبسونها بهذه الطريقة وهي بين لفة الازهريين؛ ولفة الترباسيين.

وهي بين ذلك التواضع الجميل، وهذه الفشخرة البهيّة.

معنى الكلام دا (منحازون للعمة)؛ حتى لو كانت من الأفغان؛ واللاّ السيخ ظاتو.

ربما تكون هذه اللّفة بدأت منذ وجهاء بدايات التاريخ الحديث.

على سبيل زعيم الأنصار الإمام عبد الرحمن المهدي، وزعيم الختمية السيّد على الميرغني رحمهما الله؛

فقد كانت في طولها قريبة من الأزهرييين؛ لهذا يقلدها عدد كبير من وجهاء الحاضر سواء كانوا سياسيين

أو تجار؛ او شباب ميسرين...إلخ.

ونحن لا نستطيع أن نجزم الآن بأن هذا الشكل هو من التواضع أو التقليد؛ بالطبع هذه العبارة ليس مقصوداً بها الزعماء. فهناك حكايات كثيرة عن كل صفاتهم الجميلة؛ وذلك لأن هذه الفئة كبيرة العدد؛ ومشكلة التكوين ففيها وفيها؛

فيها من هدفه التواضع المذكور من قبل؛ وفيها المتمثل بالآخرين؛ وفيها الموضة أيضاً

ذلك لأننا نتكلم عفوالخاطر؛ أما الجانب المدروس؛ فنحن نتوقعه من كل مهتم؛ يثري النقاش؛ ربّما يستفز شخصاً ما ليدرسه علمياً


الصنف الذي كان غالباً في السابق خصوصاً في الشمال والوسط؛ نبحث حوله في المرّات القادمات.



سيبناكم بعمّة


sorry بي عافية.







Post: #45
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-22-2008, 05:36 PM
Parent: #44

Quote: سيبناكم بعمّة


sorry بي عافية.


سلام بعد الغياب











Post: #46
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-22-2008, 06:00 PM
Parent: #45


منقول
Quote: عشانك بكاتل الريح




عشانك فؤادي جريح

عشانك أنا مقتول

وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين
يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين
يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين
يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين
يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية


يا وشمة زنجية
التحية للامبراطور وردي.



التحية للأستاذ وردي

ومثلها للأستاذ سيداحمد الحردلّو

ابن ناوا

نسأل الله أن يتمتّعا بالصحة دائماً

فقط لدينا سؤال منطقي

ترقبّوه














Post: #47
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-22-2008, 08:41 PM
Parent: #46

Quote: http://www.asharqalawsat.com/leader.asp?section=4&artic...&issueno=9736[/QUOTE]

لا يهمّني مستوى السخرية

بقدر ما يهمّني الحل الذي وجده من تُوُفي إلى رحمة مولاه أبوه الذي كان من اغنى الأغنياء


ولم يجد كفناً إلا في عمامة رجل فقير

حاول هذا اللنك

ونواصل إن شاء الله

Post: #52
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 04:05 PM
Parent: #46

Quote: يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين



بالله السؤال ما عرفتوه؟


باااااااااالغتو

وغايتو جنس غايتو

مع الحفاظ بكل الحقوق


لي ود الصايم

عشان ما تنطا لينا بي عمّّتك الماكنة دي يا هرون





Post: #48
Title: Re: نفسي ألبس ليّ عمّة يا أخي
Author: Mohammed Ibrahim Othman
Date: 05-23-2008, 06:02 AM
Parent: #1

الأخ عبد الفتاح ..
سلام ..
ليّ فترة طويلة ونفسي البس العمة ...
بجد عاجباني جدااا وخاصة لمن في عمرنا ...
ومناسبات نهاية الاسبوع ..
وصلاة الجمعة والاعياد ...
بس للأسف لمن البسها احس باني غريب وكان العمة ح تقع من راسي ..
المشكلة نحن تعودنا على لبس البنطلون والفنائل من صغار ...
حتى الجمعة كنا بنمشيها ببنطلون وفنلة ...
وبصراحة بقت ما لائقة مع عمرنا دا ...
تعجبني جداا هندمة السودانين بالعمة ..
وهي رمز عزة لنا ..
ياريت تبقى لبس رسمي في كل دوائر الحكومة زي ما طبق في دول الخليج لبسهم الرسمي..
ويعجبني اعتزاز الخليجين بلبسهم ..

Post: #49
Title: Re: نفسي ألبس ليّ عمّة يا أخي
Author: ادم الهلباوى
Date: 05-23-2008, 01:49 PM
Parent: #48

أخوى ود أبو شيمة الريدة ليك ديمة

يقولون العمم خامة ، طول ، نوع ، لون ، مضمون ، شهرة

خامة : كرب ، لينو ، توتال ، ساكوبيس ، شاشيكا و.............

طول : 4 متر ونص ، 5متر ، ( تربازى ) و..................

نوع : سودانى ، باكستانى ، هندى ( سيخ ) ، فارسى ( إيرانى ) و........

لون : أبيض ( عام ) ، أخضر ( على مهدى ) ، اسود ( أبو قرون ) ، أصفر ( حركة تحرير )و....

مضمون : يقولون عند السودانى ( كفن )

شهرة : يقولون أنها عالمية تتعمعم بها غالبية الشعوب

فماذا تقول انت مع ذكر فؤادها؟







Post: #55
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 06:18 PM
Parent: #49

Quote: أخوى ود أبو شيمة الريدة ليك ديمة


مرحب حباب هلباوي

وعدت وأوفيت يا سيد الغلاوي

كان للريدة شوقنا بحر من نمولي لي مسّاوي

والهلب اللي غتّس بوستينا ما خلاس جاه الهلباوي


تصنيفك عجيب وعجبني ليك طوّالي

عشان كدي في التلاتة اللّي جو ختّيتك أستاذ اجيالي

ما تبعد تغيب مباري حوالي

وما تشفق على عمة خليل يا خالي

قريب تلقاه ختّوه مستشار طوالي



Quote: يقولون العمم خامة ، طول ، نوع ، لون ، مضمون ، شهرة

خامة : كرب ، لينو ، توتال ، ساكوبيس ، شاشيكا و.............

طول : 4 متر ونص ، 5متر ، ( تربازى ) و..................

نوع : سودانى ، باكستانى ، هندى ( سيخ ) ، فارسى ( إيرانى ) و........

لون : أبيض ( عام ) ، أخضر ( على مهدى ) ، اسود ( أبو قرون ) ، أصفر ( حركة تحرير )و....

مضمون : يقولون عند السودانى ( كفن )

شهرة : يقولون أنها عالمية تتعمعم بها غالبية الشعوب



تصنيفك جميل برجع لو تاني وتاني

لكن قلت لي؟

Quote: فماذا تقول انت مع ذكر فؤادها؟




فماذا تقول انت مع ذكر فؤادها؟





اتكلم معاي عربي

اصلي عجوز وقربت أخرّف

عشان لزوم التوثيق لي عممك السمحة دي

مرورك البهي زيّنو لينا بي طلة تانية

وانت لابس عمة كان صفراء كان بيضا ما مشكلة المهم نفسي ألبس عمة

يللا همتك يا استاذ المسرح؛ شايفك وبجيك




Post: #53
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 04:29 PM
Parent: #48

Quote: وبصراحة بقت ما لائقة مع عمرنا دا ...
تعجبني جداا هندمة السودانين بالعمة ..



يا زول انت ما محلّل نظم

انت شاعر كمان

ياخي شاكرين على الطلّة البهية البي مقانص دي


Quote: وصلاة الجمعة والاعياد ...



ونحن ما دايرين أكتر من كدا

عليك الله ما شايف سماحتا في مناسباتكم انتو ناس الخليج ديل

انت من مواليد 67 وتقول لي كبرت!

أنا قبل ما اقرأ بروفايلك كنت شايل هم لي حكاية تجليس الناس الكبار ديل

وكنت بقول بعد ما شاب ودّوه الكتّاب


لكن المقانص اللّي عندك دي حتجيب لينا وللعمّة حقّها بالتمام والكمال انت بس أنوي


Quote: وهي رمز عزة لنا ..


الله على كلامك السمح دا


وفوق فوق عمّتنا فوق









Quote: ياريت تبقى لبس رسمي في كل دوائر الحكومة زي ما طبق في دول الخليج لبسهم الرسمي..


ربّنا يسمع منّك؛ وهذا الاقتراح مرفوع إلى مجلس الأمن العممي

لعمل اللازم بشانه

ومخاطبة جهات الاختصاص

Quote: ويعجبني اعتزاز الخليجين بلبسهم ..



يا اخي انت ما قاعد معاهم يالله هيلا هوبا المليون يبدأ بخطوة


الجمعة الجاية كيف؟ أمش لي شيخ العرب خللّيه يورّيك بتتلفّ كيف

اتفقنا يا حمّودة؟ سمح






Post: #50
Title: Re: نفسي ألبس ليّ عمّة يا أخي
Author: كمال ادريس
Date: 05-23-2008, 02:54 PM
Parent: #1

الاخ ابو شيمة ، تحية واحترام
اولا اتأخرت عن هذا البوست بسبب اني برضو جديد ولا اعرف كيف اجيب لينك موضوع سابق عن العمائم، وعلى كل حال ظللت متابع لك والاخوة الكراموبالمناسبة يمكن ان نخرج بكتاب عن العمة السودانية وده تنازل مني ليك عن حقوق الملكية الفكرية... ابسط ياعم ومنا المساعدة في الاعداد اذا رغبت على شرط الا تقف الان ن واصل فكل يوم رفد جديد للفكرة ...
خالص المحبة.

Post: #56
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 08:35 PM
Parent: #50

Quote: اولا اتأخرت عن هذا البوست بسبب اني برضو جديد ولا اعرف كيف اجيب لينك موضوع سابق عن العمائم،


الاستاذ والدكتور مقدّماً إن شاء الله

كمال إدريس

حقيقة نبهني الأستاذ عبود

قائلاً إنه يجوز يكون الشخص اللّي لاقاك هو كمال إدريس؛ وانا أبحث عنك.

أخجلت تواضعنا يا أخي الكريم

وطلّتك بهيّة وفنجريّة وكرمك حاتمي؛ ويمكن جنب شندي ديك تكون لاقيت عوج الدرب بتاع الكبوشاب

حقيفة سعدت كثيراً باريحيّتك

والحقيقة هذا الوطن المعطاء يحتاج منّا إلى تضافر الجهود؛ وأنا اللي سبقك الصحفي أصونو ليك

بس الله يلمّنا في بوستيك دا.


حقيقة هذا الشتات لا يمكن أن نحول تنوعه إلى لوحة قوس قزحية؛ إلا بشق الأنفس


والمثقف السوداني يؤخذ عليه إقلاله من الكتابة؛ وخصوصاً الدكاترة اللي زيّك؛ وأرجو ألا تكون مثلهم بحكم

أن مهنتك تملي عليك ان تكتب. فلنقل لنتعاون معاً وإن شاء الله حرف الدال ييسر لك كل عسير؛ بس انت اجتهد وخلّص الموضوع وأنا بساعدك بالتصحيح

Quote: واصل فكل يوم رفد جديد للفكرة ...



للمواصلة المهم تواصل الأجيال

وانت بالمقارنة من الجيل الذي أتى بعدنا

صحيح الصحفيين مشغولين شديد


لكن الهمّة تسعف

أشكر لك أستاذنا كمال وليكن هذا عربوناً

لمزيد من التعارف والتآلف


ويالله دودر شوف لينا بوستيك دا غاطس وين


وتصبح على خير وانت بألف خير




Post: #51
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 02:34 PM
Parent: #1

Quote: : سيبناكم بعمّة


sorry بي عافية.




معليش معشر السودانيين سجلنا غياب عشان لخبتنا بين العمة والعافية

قامت العافية اتلخبطت

شوفتوا العمّة مهمة كيف؟

ألمّت بينا وعكة؛ بس أمهلتنا شويّة؛ أبقوا عشرة على العمّة


مرحب حبابكم ياشباب


محمد ابراهيم عثمان


آدم الهلباوي

كمال إدريس

برجع ليكم تاني


لكن بما إنكم دفعتو رسوم التسجيل

الأول نضمّه للفصل

والتاني أستاذ في نفس الفصل

والثالث نسجله حاتم الطائي ذاتو مش عوج الدرب




Post: #54
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-24-2008, 05:44 PM
Parent: #1

منقول منقول منقول


رجل شهامه
حتي وانه قد لبس السروال والعراقي والسديري
في همشكوريب بين اخوته في الشرق
بعدين البشير عربي قح وسيبك ولا تعريفك للعروبه
شنو يالبراق
يتحدث البشير اللغه العربيه احسن من سكان
الجزيره العربيه(طالع طريقة الالقاء عند القاده العرب في مؤتمرات القمه) وبالذات
الحالية في دمشق وقارنها مع طريقة البشير في الالقاء
شعوب الخليج بينهم الاسود الافريقي ا لذي لا تخطأه عين
ونحن يالسودانيين جنبهم قمر اربعتاشر
ومع ذلك جرب قوليهو انت اصولك افريقيه
وحتي العرب بداو يلبسو الزي السوداني
والعرب في بدايات الاسلام والصحابه ورسولنا الكريم
كانت العمامه والجلباب هي اقرب ماتكون للباس السوداني
الحالي

سؤال آخر نطرحه على أهل هذا المنتدى الذي نقلنا منه جزءاً من هذا الجدل

من قال لكم أن العمامة ليست عربية؟

ومن قال لكم ان العربية عنصر؟

العمامة لا تزال موجودة في أماكن كثيرة منها على سبيل المثال في اليمن وعمان


ومن قال لكم ان الصحابة لم يتعمّموا؟


!!!

Post: #57
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 02:22 PM
Parent: #54

Quote: من قال لكم أن العمامة ليست عربية؟

ومن قال لكم ان العربية عنصر؟

العمامة لا تزال موجودة في أماكن كثيرة منها على سبيل المثال في اليمن وعمان

ومن قال لكم ان الصحابة لم يتعمّموا؟



لا اقصد هذا المنتدى

ولكن يقولون ان بعضهم يسخر من عمامتنا بشكل

اقل ما يقال فيه أنه ما ظريف
عليه نبدأ معهم مشوار السنين


العمّة كان محتاجة زول ما كان بقت فوق النجوم

ماشين تمام وعددنا داك تاوق هناك عادّي النجوم

وعمّتنا ديك ما فوق للثريّا بقت تحوم

متمسّكين بي أصلنا وإن شاء الله ديل سعدم يدوم

Post: #58
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 02:40 PM
Parent: #57

Quote: العمّة كان محتاجة زول ما كان بقت فوق النجوم

ماشين تمام وعددنا داك تاوق هناك عادّي النجوم

وعمّتنا ديك ما فوق للثريّا بقت تحوم

متمسّكين بي أصلنا وإن شاء الله ديل سعدم يدوم



أيها المواطنون الأحرار الثوار


هييييييييع أب عاج وصل


اليوم يوم 25 مايو


لا لا لا لا ماتفرحوا يا مايوييييييييين

أنا بتكلم في حاجة تانية

عليك أمان الله كان عليه جنس لفّة

أسمح من لفة الكلاكلة ظاتو

مع إنو كبر؛ إلاّ إنو للّيلي بلفها سمحة

الله يدّيه العافية




Post: #59
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 03:47 PM
Parent: #58

Quote: العمّة كان محتاجة زول ما كان بقت فوق النجوم

ماشين تمام وعددنا داك تاوق هناك عادّي النجوم

وعمّتنا ديك ما فوق للثريّا بقت تحوم

متمسّكين بي أصلنا وإن شاء الله ديل سعدم يدوم



هوي يا أبان طواقي

ما تتاوقوا كتير

المتاوقة بتجيب خبركم

ههههو منو الداير جيّتكم

يللاّ بلا لمة فارغة

هههههو في زول عمّتو واقعة تاني بندار

Post: #60
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 04:27 PM
Parent: #59

Quote: أما رأيت ابا دلامة
إذا لبس العمامة كان قرداً وخنزيراً إذا خلع العمامة ..



عوداً على بدء


أبو دلامة قال:

إذا لبس العمامة كان قرداً

وخنزيراً إذا خلع العمامة

ذاك أبو دلامة أما نحن

فنفضّل أن نكون قروداَ في الأعالي والسوامق من الأشجار

ولا نكون كالخنازير نحبو على الأرض

فالقرد عند سي جي يلعب دوراً

فأخير ليك يا زول تبقى قرد

على الأقل يشبه الإنسان

فحدّث نفسك وقل" نفسي ألبس عمّة

Post: #61
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 05:37 PM
Parent: #60

نناشد الأستاذ الشاعر محجوب شريف


أن يضم عَمَّتنا العمّة

إلى اهتماماته


رفقاً بالمساكين الذين تتوق أنفسهم إلى لبس العمّة


ولا يجدون ثمنها


هذا ونهيب بالإخوة في غبيرا والناصرية وأم الحمام

ومن في كل هذا العالم العريض


بعمل اللازم




Post: #62
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-25-2008, 06:04 PM
Parent: #61

Quote: وربما نضيف أسئلة أخرى متعلقة بما استجدّ مع هذه الظاهرة من أنواع السلوك؛




من الأسئلة

أهلنا البنايين بيقولوا

سنّة فوق العالي بظهر


أو لو زدت مضماق واحد فوق العالي


يظهر الامر في علو شاهق
والعكس

إن حدث العكس إذا أخدت ليك ترمة صغيرة من سور عالي ...


وبما ان عمّتنا تتوهط في مكان عال


إذا تنازلنا عنها

هل يؤثر ذلك على سلوكنا؟

أو بعبارة أخرى

إذا تنازلت حتى لو عن شيء بسيط من مبادئك

ما الذي يترتب على ذلك؟

Post: #63
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-26-2008, 02:33 PM
Parent: #1

Quote: التحية للأستاذ وردي

ومثلها للأستاذ سيداحمد الحردلّو

ابن ناوا

نسأل الله أن يتمتّعا بالصحة دائماً

فقط لدينا سؤال منطقي

ترقبّوه



أيها المواطنون الأحرار الثوار

اجتمع مجلس الأمن العِمَمِي

برئاسة الدكتور كمال إدريس ونائبه منزول

وعضوية كل من عبدالله كع وشيخ العرب وهلباوي وكيكي وأبو شيمة مقرراً

وذلك لتحري رؤية كيف ولماذا وحيثما كذلك؛ لإكمال التحري مع هذين العملاقين.

هذا وقد رأت لجنة التحقيق المنبثقة(حلوي)؛

أنه بما أن الاثنين رطّانيان؛

فقد تقررّ أن يستمر التحقيق وتوجيه الأسئلة باستخدام لغتيهما؛ حفاظاً على سرية التحقيق من جهة؛ ومن

جهة أخرى ربما تجاوز العملاقان القضية المعلقة لأسباب لغوية؛ وربّما تكون هنالك أسباب أخرى.

هذا وقد أعلنت لجنة التحريات الأولية المتفرعة(حلوي)؛ أن السيرة الذاتية للعملاقين تضوع بالمسك

والكافور( وبمناسبة الكافور) وللذين يدّعون أن العمامة ليست عربية ولذا تخلّوا عنها؛

نقول هذا البيت للشاعر عندما بدأ يجفو كافور؛ والكلام ليك يا أبو السيد:

فلو كان مابي من حبيب مُقنَّعَِ
عَذَرْتُ ولكن من حبيب مُعَمَّمِ

ويا أبو السيد هوي اسمع دا كمان؛ ولو إنّك عارفه:

يقول الشاعر أيضاً:

إذا برقوا لم تعرف البيض منهم
ثيابهم من مثلها والعَمَائِمُ

أعرب ما تحته خط يا هارزون

معليش يا جماعة العرب اللّي اسمهم عرب بيسخروا من عمّتنا

وبعضهم بيقولوا إنها ما عربية بس عشان لابسين.....

معليش طوّلنا عليكم وطلعنا برّة الموضوع. كلام اللجان بعد شوية إن شاء الله


سمح!








Post: #64
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-26-2008, 04:21 PM
Parent: #1

Quote: يا مدلدله



أما حكاية مدلدلة يا عبدالله كع

فدي ما ساي

وبعدين هي ما اسمها مدلدلة

يا أولاد يا مدلّعة

اللّي بتلبسوا " الأُسُر نيس"

بالله ترجما ليهم يا أبو جهينة واللا مهتدي يا ود الشيوخ

يا كع اسمها العَزَبَة

وما أدراك ما العزبة


دي فيها سنة

وما كلام ساي

الأنصار عندهم ليه طريقة


والكيزان

والسلفية

والأفغان


واحدين نزلوها باليمين

واحدين بالشمال

واحدين من الخلف

وفي ناساً جداد متفلسفين

نزلوها فوق العمّة بي قدام

المعنى يعني عشان يقشروا بي حتة النقرشة ديك يعني

رياش ورياش.




Post: #65
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-26-2008, 07:19 PM
Parent: #64

Quote:



يا اخوانّا واحد هميم ما يلحقنا بالصورة بتاعة العمّة مع التلاتة نسوان

عشان نردّ ليهم الاساءة بي إحسان




والمرأة عندنا يا ولد تاج راس تمام فايت العلوم


المرأة أم بنحجّجا فوق راسنا زي العمّة دوم


أما العميمة بغسّلا لينا المطر الكابّي دوم


نشّافتا شمس النهار اللافحة في وطن النجوم


قرقرقرقر عليكم


Post: #66
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-27-2008, 03:06 PM
Parent: #1

نواصل
نرجع إلى سيرة العملاقين التي تضوع بالمسك والكافور حسب قرار اللجنة الفرعية؛ أي أن المتهمان

العملاقان يتمتعان بميّزات خاصة؛

فالأول الأستاذ محمد عثمان وردي

يمتاز بأنه كان من قبيلة المدرسين وهي القبيلة التي نقف دوماً إجلالاً وإكباراً.

ثانياً أنه يتجاوز حدود سودانيز أون لاين؛ بل السودان بطوله وعرضه وتنوعه؛ فيتوغل في إفريقيا كلها ؛

إذ يسمى فنان إفريقيا الأول .

ثالثاً: وهذا هو المهم؛ يتميّز بلفة عمّة؛ أو بلفة للعمامة قل أن تجد نظيرها؛ فهي جميلة جميلة؛ بل

ومستحيلة.

أما الأستاذ سيدأحمد الحردلو؛ فشاعر متميّز وإن لم يكن من البطانة فقد ورث بالاسم.

ثانياً خبير دبلوماسي

ثالثاً فهو سليل سحرة فرعون المؤمنين( ودا بخلّي الواحد يلاوز كما صرح أحد أعضاء اللجنة المتفرعة)؛

كما أنّ عليه لفّة عمة تدي ربّك العجب.

عليه فقد رفعت الفرعية تقريرها للمنبثقة؛ وأوصت فيه فقط بطرح الأسئلة؛ وتقديم الالتماسات؛ ومراعاة

مستوى الإنجازات التي حققتها الأغنيات في هذا العمر الطويل وما شاء الله عيني باردة؛ والآن أيها

المواطنون الثوار الأحرار ترقبوا أسئلة المشوار...

Post: #67
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-27-2008, 04:04 PM
Parent: #1













هـــــلاّ هلاّ هلاّ


دار جعل هلاّ

صورتك نوّرت البوست

يا ود المتمّة


إنه أحد الطيور المهاجرة من الإعلاميين

يعيش الآن في مدينة الرياض

في المملكة العربية السعودية


ما رايكم يا سكان غبيرة والناصرية وأم الحمام

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نريد إجابة واضحة ومحدّدة ومن دون مراوغة؛ وأنا وما علموني وشنو... إلخ.


عليكم الله أحسن كدا؛ واللا تحوموا لي بي طواقيكم في الجوامع والجمع؟


أستاذ السر مصطفى

يا أبو مصطفى

طريقة لفتك عاجباني تب

ولو كنت عضو في البورد أنا كنت ألزمتك تدرّس في فصل التجليس بتاعنا

بالمناسبة الطلاب الذين حددناهم للتسجيل شايفهم ما ظهروا تاني حنديكم فترة بسيطة

وبعدين حتجي الإنذارات بترتيبها المعروف؛ ولا عذر لمن أنذر.

إما تظهر لينا صوركم هنا في البورد؛ خلال فترة زمنية لا تتجاوز الشهر الواحد.

اتعلمتوا ما اتعلمتوا ما علينا وما خصانا

العقاب سيكون رادعاً

سمح



Post: #68
Title: Re: نفسي ألبس ليّ عمّة يا أخي
Author: ادم الهلباوى
Date: 05-27-2008, 04:23 PM
Parent: #67


ولد ابو شيمة الجماعة قالوا أكلوا أخوان وإتحاسبو تجار !!

يا أخوى عممكم دى المتر منها بكم ؟!

Post: #70
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-27-2008, 08:23 PM
Parent: #68

Quote: ولد ابو شيمة الجماعة قالوا أكلوا أخوان وإتحاسبو تجار !!




الكلام دا بجيه لي قدام؛ بس انت خلّيك رامي كدا لي قدام

لكن قولي


Quote: يا أخوى عممكم دى المتر منها بكم ؟!



جاوب لي على سؤالي الأول


متر ياتا فيهن البيضا واللاّ الصفرا




حبيبي انت

Post: #69
Title: Re: نفسي ألبس ليّ عمّة يا أخي
Author: عبود عبد الرحيم
Date: 05-27-2008, 07:42 PM
Parent: #1

فوق يا فتاح ...
ورونا العمم اخبارا شنو بعد الغياب؟؟؟

Post: #71
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-27-2008, 08:55 PM
Parent: #69

Quote: فوق يا فتاح ...



دا انت اللّي فوق وسودانّا اللي فوق


والعمّة إن شاء الله دايماً حتكون فوق


بس انت أخبارك شنو

الريحة المضايقاك بي نتانتا ما حتروح لو ما باصرت بي جاي بي جاي

لبست الولد الجميل دا الله يحفظه ليك عمّة ماكنة


وخليتو يظهر بي جلابية وعمة وبعدين تشوف الأرياح المنتنة تروح كيف


ياأخي عندي بوست حيساعدك كتير اسمو سيفي سلّيتو

كواحدة من أدوات النظافة للبورد

Post: #72
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-28-2008, 02:09 PM
Parent: #71

بيت آخر للمتنبي


وهو من نسمّيه عادة الشاعر


يَقْلَى مفارقة الأكفّ قذالهُُ حتى يكاد على يد يتعمّمُ



ويقلى تعني يبغض، القذال مؤخرة الرأس وهو فاعل يقلى( منقول من ديوان المتنبي

Post: #73
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-28-2008, 04:42 PM
Parent: #72

Quote: يقولون العمم خامة ، طول ، نوع ، لون ، مضمون ، شهرة

خامة : كرب ، لينو ، توتال ، ساكوبيس ، شاشيكا و.............

طول : 4 متر ونص ، 5متر ، ( تربازى ) و..................

نوع : سودانى ، باكستانى ، هندى ( سيخ ) ، فارسى ( إيرانى ) و........

لون : أبيض ( عام ) ، أخضر ( على مهدى ) ، اسود ( أبو قرون ) ، أصفر ( حركة تحرير )و....

مضمون : يقولون عند السودانى ( كفن )

شهرة : يقولون أنها عالمية تتعمعم بها غالبية الشعوب

Post: #74
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-28-2008, 05:44 PM
Parent: #73



الخامة

النوع

الجنس الطول

أدب مقارن

تصنيف العزبة

طرق اللبس

المبرومة

الملفوفة

المجدوعة

الوظائف

الاستدفاء

محاحاة الطير

خيال المآتة يلف على رأسه ما يشبه العمامة

الكرّابة

وسيلة إنقاذ ما يمكن إنقاذه

التشمير

الوسادة

الفلقة

اللثام

تسكين الصداع: وأخ من الصداع؛ وآه من جنس الحريم اللواتي يستخدمن عمم الرجال( صباع معضوض) ما عندك

وش ز ي دا با ود أختي... قر قر قر قرقرررررر.

معافرة الكتاحة

تيسير سفر اللواري

والمغرمون بالسطح

النمتّى

اتقاء المجاري الطافحة

ممصّ موية البليلة و محط آمال الكرناف


علاج للاتقاء من الروائح المنتنة في البورد

وخصوصاً العنصرية الشديدة النفاذ

إذكاء حرائق المدرّجات؛ وأشعلت النار يا عمار؛ وشي صهاينة وشي قراقير

Post: #75
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-28-2008, 05:57 PM
Parent: #74

لا تغرنكم هذه الكمية القليلة من العمم


ستنكشف نومتكم عندما تعمل الكاميرا الخفية أيام الجمعة في المقارنة بين أصحاب الطواقي والعمم

Post: #76
Title: Re: نفسي ألبس ليّ عمّة يا أخي
Author: ادم الهلباوى
Date: 05-29-2008, 02:22 PM
Parent: #75



الخامة

النوع

الجنس الطول

أدب مقارن

تصنيف العزبة

طرق اللبس

المبرومة

الملفوفة

المجدوعة

الوظائف

الاستدفاء

محاحاة الطير

خيال المآتة يلف على رأسه ما يشبه العمامة

الكرّابة

وسيلة إنقاذ ما يمكن إنقاذه

التشمير

الوسادة

الفلقة

اللثام

تسكين الصداع: وأخ من الصداع؛ وآه من جنس الحريم اللواتي يستخدمن عمم الرجال( صباع معضوض) ما عندك

وش ز ي دا با ود أختي... قر قر قر قرقرررررر.

معافرة الكتاحة

تيسير سفر اللواري

والمغرمون بالسطح

النمتّى

اتقاء المجاري الطافحة

ممصّ موية البليلة و محط آمال الكرناف


علاج للاتقاء من الروائح المنتنة في البورد

وخصوصاً العنصرية الشديدة النفاذ

إذكاء حرائق المدرّجات؛ وأشعلت النار يا عمار؛ وشي صهاينة وشي قراقير



.......................
ههيكو ....... كلام ولا فى الأحلام يا عوض دكام !!

Post: #77
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-29-2008, 03:23 PM
Parent: #76

Quote: ههيكو ....... كلام ولا فى الأحلام يا عوض دكام !!



الله يرحمك يا عوض دكّام

لو انت في

كنت قلعت لي ضرس العجايز دا

اللّي ما قادرين يضحكوا بيه دا

مع إني يا ابن بني هلبة

ما فاهم أي حاجة لكن برجع ليك؛


ههههو لكن التصنيف دا مش انت اللّي مؤلفو واللا نسيت

آدمو بجيك تاني

شكراً كتير على مرورك الأنيق دا؛ لكن الأزعج نومك دا بجيه وبداويك منّو.



بس قول لي انت قاعد تلبس عمّة يوم الجمعة واللاّ لا؟

س سؤال بس




معليش أول شي خلّيني أجاوب ليك سؤالك بتاع المتر بي كم يا عجوز

هو انت من زمن ما الناس كانوا بقولوا كدا

أيوااا انت ما من المحاسبين اللي بحسبوها بالقرش

احنا ما دقسنا افتكرناك من الغلابا بتاعين المسرح

بي مناسبة المسرح في مسرحية اسمها سفر الجفا ما تجي نخشها سوا

التذاكر علي أنا عشان ما تقول بي كم؛ انت بس أدي عربيتك كليك.

واعزم معاك أستاذنا السني؛ دا قريبنا عديل؛ شفت ناس محمد ابراهيم نقد وسيدرات وهارون العوض

وآل طالب الله، وبشير كوكو الله يرحم الماتو والحيين. ديل كلهم جايين من الشمال

فسوقوا معاك نسويلنا شي فر المرسح دا.
فيها كلام حق الناس الساكين القرش ديل ؛ أنا مرات قاعد أسميهم ناساً وهم؛ إذا انت وصاحبك

سويتولنا مرسح سمح؛ حندفع ليكم تقيل ؛ مش حكاية المتر بي كم ؛ دي حاجة تانية الناس بدسوها من ناس الضرائب؛ بس انت خليها في سرّك

وبعدين انت تعال

انت من زمن ما الناس كانوا بقولوا المتر من دا بي كم؟

يبقى انت عجوز أكتر منّي

متشكّرين ومقدّرين

بس بالجد أنا لسع ما عرفت البورد دا وقدر ما أفتش في الصفحة الأولى ما لاقي لي بوست؛ وداك حق
المرسح داك قريتو مرّة؛ وما لميت فيه تاني.

وبعدين أنا مدرس مش محاسب زيك؛ سألت سؤال ما جاوبت علي نحن فهمنا تقيل أرجع لي حكاية فؤادك

Post: #78
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-29-2008, 06:10 PM
Parent: #1

على رأس البشر المتعممّين محمد المصطفى رسول رب العالمين ولا يقاس معه أحد ولكن فيمن دونه من البشر
السودانيين.



يأتي هؤلاء وهن على سبيل المثال لا الحصر:

ناس عمم وعمم ناس

ولما للعمة من تميز

تفضي بصاحبها إلى التميز العالمي غير المسبوق

مثلاً سوار الذهب بزّ كل الرؤساء الذين ادعوا تسليم السلطة للشعب؛ ولم يقربوا كأؤلئك الذين يهددون

بالانتحار ويمسكون بأقرب قشة. ويكون الخبر عمّ القرى والحضر.

ود السوار ود الدهب

الله عليك إت يا ولد

ود البلد بي صح صحيح

الولدة لات ناساً عزاز

ما ولدة بس حقة خمج

مش عسكري؟

برضيك بتنزل في الحلق

زي موية في عز العطش

الله عليك ات ما ولد

زولاً همام

رافع التمام

وعممنا مرفوعات تمام


يا خي انت ما زولاً تمام

Post: #85
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-01-2008, 02:56 PM
Parent: #78

Quote: وعممنا مرفوعات تمام


ولسّع مع ناس عمم؛ وعمم ناس


السلطان علي دينار والمحمل

الشيخ فرح ود تكتوك الحكمة والفراسة المعجزة

الحلول العملية مع بنته التي تريد الطلاق من زوجها) المضاد الحيوي للكذب؛ إن لم ينجك الصدق.

محمد أحمد المهدي لا يغش السمك

العبيد ود ريّا الجمع الخلوة والجلوة أي بين التصوف والجهاد

بين الزهد والفروسية. هؤلاء هم المثل الحي على أصحاب محمد صلى الله عليه وسلم كانوا رهبان ليل

وفرسان نهار

الأزهري بداهة( التصرف بشأن العلم)؛ واختطافه للإستقلال بي حرفنة؛ وبي شيطنة.

ود عوج الدرب الابتكار في الكرم



Quote: وعممنا مرفوعات تمام

Post: #79
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-29-2008, 07:45 PM
Parent: #1







ما عمّة لكين

خصوصاً لما تكون براها

عفيت منك يا أنور مع إني كنت ماخد على نفسي من زياراتي ليك الكتيرة

اللّي ما ردّيتا

لكن كونك براك في كوريا في آخر الدنيا الوحيد اللّي لابس العمّة

حتى البشير زاتو ما لابسها

انت تمام بقيت عندي

حفيد الشيخ فرح ود تكتوك حلاّل المشبوك

وكل يا كمي قبال فمّي




Post: #80
Title: Re: نفسي ألبس ليّ عمّة يا أخي
Author: AnwarKing
Date: 05-30-2008, 08:33 PM
Parent: #79


تحياتي يا حبيبنا عبد الفتاح،
أعتقد أنو أهمّا حاجة في العمّة أنو تلبسا في وقتها...
غير كده بتفقد معناها تماماًَ
ده على حسب رأيي المتواضع !
هاك دي وسط البلوم الكوري


ودي مع الدوم الكوري



بس انا أي وقت ألبس العمّة، بظهر شكلي أكبر من الطبيعي... وكثيراً ما يناديني
ناس بيتنا ب (عمر إحساس) لما أكون لابسها...بختي، لما أبقا عمر إحساس...

فدارفور، فعلاً بلدنا...دارفور

خالص مودتي،
أنور

Post: #81
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-31-2008, 02:10 PM
Parent: #80















Thus; or now you are a real king

عليكم الله يا جماعة الزول دا مش زي الشامة في الوش السمح

عفيت منك يا حفيد الشيخ فرح سيد السودانيين كلهم

الكلام دا ما صحي في زول في العالم دا كله

جاب كلامكم بالخيوط؛ وسفركم بالبيوت

ما فراسة لكن

عشان كدا هو اعظم سوداني
فوق عين اليرضى ويابا

يا ملك عافي منّك وراضي عنّك

أما عمر إحساس دا فملك دارفور بلا منازع؛ قبل سطّاشر سنة لاقيتو في طرمبة بنزين في امتداد الدرجة الثالثة سلّم علي بي ترحاب شديد ما معقد زي بعض الناس

فوصفوك بي زول سمح ودايماً بيلبس العمّة

ياهو دا السوداني







Post: #82
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-31-2008, 06:22 PM
Parent: #81

عمّتنا فوق

Post: #83
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-31-2008, 08:10 PM
Parent: #82









الزول عمّة والعمّة زول






Post: #84
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 05-31-2008, 10:03 PM
Parent: #83









من دون تعليق كثير

في ناس عمم وعمم ناس




Post: #86
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-01-2008, 04:03 PM
Parent: #84








ولد يا محمد الهلباوي رفعت رأس العمم البيضاء فوق

مبروك قول لي ابوك آدمو؛ يابوي أنا بس داير أمدرمان

هلال مريخ قراقير ما مشكلة

بس قول ليه عمو أبوشيمة قال كدا؛ وهو عارف السبب.

هلباوي يا غلباوي
شابكلي قرقرقرقور
فرحان أوي بي حكاية يا ولد وقعت ليك في جرح؛
والله صحيح أهلنا زمان قالوا من جاور قوماً أربعين قرناً صار بوقاً لهم.
دا الحين( مش بقولوها كدي برضو)؛ واحد عمره 100 سنة تقولوا له يا ولد يفرح وقرقرقر قرقور؛ يفرح الكبير؛ وانت مبسوط زيّه.
أها كدي أمشي قولها لي واحد هلباوي راكز هناك؛ شوف كان ما شالك من أقصى الغرب؛ ودّاك لي أقصى الشرق في البحر المالح( مش اللّي شابكين تقولوا ناس البحر) داك اسمو نهر يا صحراوي انت.
أها وبعد ما يصل بيك سواكن جنب القصور المليانة جن ديك يشوف له هلب تقيل حق حديد مش بتاع قبايل؛ ويربطك بيه يغتس حجرك (ظاتو).
ولد أبوشيمة قال؛ هو أبوشيمة معترف؛ إنو عجوز؛ لغاية ما الأولاد الصغار بقوا يقولوا ليه؛ حناكل زمنّا وزمن غيرنا.
أنا تاني ما تقول لي(ولد) أقوم أقلب من محسي ودنقلاوي وبديري دهمشي لي بني هلبة وأسافر بيك بورتسودان؛ وما تقول لي اليومين ديل أنا قريب منها؛ فركة كعب بس من الحتة اللّي أنا بزور فيها الأيام دي.
لكن ممكن تقولا لي محمد البطل دا. (لايقة معاه) يا عجوز.


والله فوق عين آدمو شايف لي عمّتين بيض.

هوي انتو يا ناس المؤتمر الوطني ديل انتو ما تقولوا لي ناس غبيرا والناصرية وأم الحمام ....

يلبسوا العمم في صلاة الجمعة؛ واللاّ نجيكم بي راجماتنا الكلام دا إنذار ولا عذر لمن أنذر؛ ياخوانّا خلّونا نخلص منكم نشوف باقي الدنيا الواسعة.

سمح؟




آدمو تاني مبروك عشان قريت حكاية الموج الأزرق؛ اطمأننت لانو الولد ماشي امدرمان إن شاء الله؛

ولك التعبى حتى ترضى.


Post: #87
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-01-2008, 06:23 PM
Parent: #1

Quote: Quote: وعممنا مرفوعات تمام




البرعي: دا خلّو ساي؛ أقول السيرة أقول الخلاوي؛ أقول حوّل الصياع لي فنانين؛ أقول ملاها الفضائيات بالمديح؛ خلّى شيخ خالد يمدح ملوك الناس المكجنين المديح زاتم. لكن آخ ما كان بيلبس العمّة من تواضعه لكن كان بتلفح بيها؛ ودا برضو كفن؛ والله يرحمو.



بابكر بدري الريادة والشفافية
حكاياته عن أخطائه
إنها شخصية عممية نادرة
قل الحق ولو على نفسك
حكايته عن الجنس؛ الاختلاسات وهي معذورة الجمرك؛ كانوا معذورين لأنهم عايشوا المجاعة الحقيقية( وليست الدعائية التي يروج لها الغافلون).
لماذا لا يكتبون أهل عصرنا من أين لك هذا؛
لماذا لا يكتبون مذكراتهم وتنشر وهم أحياء.
عن أخطائهم؛ ألا ليت عودة الوعي تاتي ونلبس عمم بي جد وجد.
ياخي دا التاريخ بسجّل للحصل كل الحصل

Post: #88
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-01-2008, 08:12 PM
Parent: #87


عقد الجلاد برضو من الناس العمم

عقد الجلاد
دبل الولاد

رغم التحزّب والتضاد
ماشين سوا مالين بلاد

كم فرقة جات واتقالدت
بعد الفراق صبحو بعاد

صامدين هادول
رغم العناد

دايرين كمان ناس البلد يبقوا جُداد
بعد الشتات نصبح جُداد

ويبدا الولف بعد البُعاد
من تاني عاد

ويبقى الولف من تاني عاد
ديل برضو ما ناساً عمم

يا اخي التزم بي لبسة واحدة للعمم
باكر تشوف حالك يسرك وتبقى عم

Post: #89
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-01-2008, 08:48 PM
Parent: #88

وكمان من الناس العمم

شيخنا المكرّم

سندخل في تفصيل تعريفه فيما بعد:


أنا زول مع العمّة أم خدور
مبروكة دايماً في الشهور
تقعد تعاين في سرور
شفقان عليك أنا ياولد إت يابدور


ومن الناس العمم

شيخنا داك اسمو المكرم
عميمته سغنتوتة جد من التواضع والهمم
كيف عاليه فوق زي ا لعمم
ما تقولوا لي بس شوفوا كم
انصاري سنة وكيزان كتار
جاريين يشوفوا صريفة للمسجدية
الغالبة روحم شان يوازوا الناس زمان
سنين دنين جاريين عشان ياخدوا الكلام
من اب كلام جاهم ملام
من زول وحيدو بيخرجا وبيهندسا
وبيموسقا ويزيدا النقا
ويقول لي ديل جاكم بلا
بلا لما فارغة وابتلا
فوتونا بس جرّيتوا ناسكم للمساجد
وزغتوا للسوق يا بلا
والناس هادول معانا في الصحة أم صفوف
ومعانا في درس العصر
تدبير منازل بالتمام










ونواصل إن شاء الله

Post: #90
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-02-2008, 02:35 PM
Parent: #89

Quote: لدرجة أن نعدّدهم وبالأسماء.




ومن هذه الأسماء


حسين خوجلي


وهو من الناس العمم


ومن العمم الناس


وهذان المصطلحان من عنديّتنا


الععم الناس تهتم بشكل العمامة وجمالها وتميّزها بحيث تنسبها إلى فلان أو علان

أما الناس العمم فهؤلاء فوق فوق سواء بالتميّز على الآحرين؛ أو بالمركز الذي وصلوا إليه بتميزهم

أو البروز الإعلامي بسبب أو آخر


هذا وستجرى محاكمة عادلة إن شاء الله

لهؤلاء الذين سيأتون تباعاً من العمم الناس

Post: #91
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-02-2008, 06:03 PM
Parent: #90

ياخي دا التاريخ بسجّل للحصل كل الحصل


أحفاد شبيكة وشرفوا وبرضوا عارفين الحصل

عبر القرون؛ وشيتاً مسطر في الأزل


مكي شبيكة برضو من الناس العمم

زايد الفهم[
/U]

Post: #92
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-02-2008, 08:47 PM
Parent: #91

عثمان حسين


من غير معاهد او رزم

للنيل يقسموا للوتر من غير إحم


ابن البادية

ما اتنكر لأصلو والتزم

صمد المديح؛ لين جاه بحر النيل

من مديح غطى الفضا من غير بكم

ديل برضو ما ناساً عمم والخير يعم



ما عندك صور للناس العمم ديل يازول

أي زول

الهمة ياشباب العمّة








Post: #93
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-03-2008, 02:45 PM
Parent: #92








لكين ما عمّة

ووسط الزحمة

والزحمة هاديك

دي الـ من غير رحمة




Post: #94
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-03-2008, 06:02 PM
Parent: #93

وبرضو من الناس العمم



عقد الجلاد
ديل الولاد
رغم التحزّب والتضاد
ماشين سوا مالين بلاد
كم فرقة جات واتقالدت
بعد الفراق صبحو بعاد
صامدين هادول
رغم العناد
دايرين كمان ناس البلد يبقوا جُداد
بعد الشتات نصبح جُداد
ويبدا الولف بعد البُعاد
من تاني عاد
ويبقى الولف من تاني عاد
ديل برضو ما ناساً عمم
يا اخي التزم بي لبسة واحدة للعمم
باكر تشوف حالك يسرّك وتبقى عم






Post: #95
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-03-2008, 08:38 PM

Quote: إذكاء حرائق المدرّجات؛ وأشعلت النار يا عمار؛ وشي صهاينة وشي قراقير




وبي مناسبة قراقير كان زمان ونحن برالمة في الدنيا؛ كنا نسرق العمم القديمة و(المتلوق) مع إنو الغلبان صاحبها محتاج ليها وبيلتق المسألة بي جاي وبي جاي؛ يلف الحتة المشرطة باستخدام طريقة البرم؛ لتلافي تطفل الأعين البوبارية؛ وتشانيفها اللاذعة. المهم كنا نمشي البرك وبقايا الفيضان التي أبت نفسها أن تتراجع مع الجذر؛ فتطارد أسماك الصير؛ ويا حلاتا السميكة السغنتوتة؛ تفرفر وتنطط جوة العمّة المشدودة؛ ونحن ننطط؛ ودي وظيفة من وظائف عمّتنا العمة. وما أكثر وظائفها وبرضو مع كدا في ناس خذلوها؛ والله يجازي الـ ...
الاستفادة من الخامات الأولية لحماية المنتج المحلي
ومقابلة الكساد الذي أصاب أسياف العشر
فنحن تعودنا أن نستفيد من كل جزئية حايمة من أي نبات
كما نفعل مع النخلة والدومة و و ...إلخ
ألياف ثمرة العشر يصنّع منها أنواع كلف كثيرة.( ورد هذا الكلام في كتاب حياتي للشيخ بابكر بدري رائد التعليم النسائي؛ ومن الناس العمم والعمم الناس)
التلويح للمراكب المصهينة
إنقاذ سنابيك المهربين من عفص( جاية من عفص يعفص حتى لو جوة البحر) السفن الكبيرة
ربط الطفل الذي ماتت أمه على ظهر أبيه.





Post: #96
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-04-2008, 02:40 PM
Parent: #95

Quote: ألياف ثمرة العشر يصنّع منها أنواع كلف كثيرة.( ورد هذا الكلام في كتاب حياتي للشيخ بابكر بدري رائد التعليم النسائي؛ ومن الناس العمم والعمم الناس)




يا أخي البس عمّة
تكون في القمة
مع الناس العمة
ما لبست تقوم تتخمّ
زي ناساً رمّة
ما حافظين عمّ
جاتم كعة بقوا في إمّ وإمّ
لا لحقوا الإمّ ولا حتى العمّة
مرقت روحهم بي شدة زمّة






هوي يا ناس الطواقي المن غير تواضع

Post: #97
Title: Re: نفسي ألبس ليّ عمّة يا أخي
Author: ALZOLZATOO
Date: 06-04-2008, 03:29 PM
Parent: #1

العزيز ابوشيمة ،،
موضوع جدير بالمناقشة يازول انا اول مرة البس عمة مشيت زي مية خطوة كده لاقاني واحد من اصحابنا قال لي يازول سلامات مفلوق ( مضروب بي حجر ) ولا شنو بس لفيت بالشارع يمين واحد قال لي دي لافيها بي كم كرت اها وحاتك مشواري ماكملتو جيت طلعتها ومن ديك وعيك
لكن يازول شايف لفتك للعمة غريبة شوية زي زول حالق الطيارة قامت هههيكه ولا العمة بتاعة الحرس الجمهوري بس بدون ريش .

عارف اوجه لفة عمة في البورد بتاعة منو ؟

واحد اسمو بدوي صادق ولا منو مامتذكر

تحياتنا لي كل اللافنها والمالافنها ( طبعا العمة )

زاتوووو

Post: #98
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-04-2008, 04:30 PM
Parent: #97

جيت طلعتها ومن ديك وعيك

Quote: جيت طلعتها ومن ديك وعيك








ALZOLZATOO

WELCOME


حبـــــــــــــ1000 ــاك

بوستينا نوّر بي سيد الاسم ظاتو


لكن شردة عيك دي ما المحريّة فيك يازول




Quote: لكن يازول شايف لفتك للعمة غريبة شوية زي زول حالق الطيارة قامت هههيكه ولا العمة بتاعة الحرس الجمهوري بس بدون ريش .



هو العبد لله لو كان بعرف يلفّها كدي؛ كنت قلت (نفسي).

يا ولدي دا عمك أبو مصطفى

لفتو عاجباني تب

انت بس اخدمنا جيب لينا صورة الزول اللي ما مذكّر اسمه كويس

وسجلنا لينا زيارة تاني عشان نسجلك في فصل التقوية؛ نرقيك شوية لأنك أحسن من ناس ما بعرفوا يلفوها

ذاتم.


تحياتنا لي كل اللافنها والمالافنها ( طبعا العمة )


تحياتك واصلا غايتو للّي ما لافينّها؛ لكن الثانيين

ديل موضوعهم تاني بنشاورهم كان قبلوا التحايا بنبلغها ليهم


وإلا انت تقوم تعافر بي جاي بي غادي شوفلك طريقة؛ واللا غير الاسم السمح


شوف ليك اسم تاني




يا زول انت زول فوق عندنا؛ ونحن موضوعنا ما موضوع عمّة بس؛ الزول اللابس العمة ذاتو

وكيف يكون فوق وعمتنا فوق






Post: #99
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-04-2008, 08:38 PM
Parent: #98

Quote: فوق وعمتنا فوق







أو قرصة أزمة

أو حادث لمّة

وقابل ربّه بي خجلة وحشمة

يقدر على غيرهم ما خلاص اتلمّة

راحت فرعنته وديك الهمّة

واجه لي عمره لفاه مذمّة

مسطّر تاريخه بي قلّ الذمة

صحيفة أعماله مخجلة يا أمّة

كل السوّاه ما ندمة في ندمة



Post: #100
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-05-2008, 03:36 PM
Parent: #99




الشوف بعيونه ما كان في الضلمة

وا حسرة قلبه على التم وما تمّ

أرجع يا ربي فد مرة أتمّه

ترجع با ظالم لي نفسه بهمّة

ترجع لي وين يا أعمى وأعمى

عينك مفتوحة لي قبلة وضمّة

سيفك سلّيته إلحاد وعُلُمّة

هَدْيَك للناس أحقاد وضُلُمَّة

ليلك ونهارك ما شادّي الزمة

جاي حسّي تقول لي أرجع وأتمّه

ستين سبعين ما كنت في نعمة






Post: #101
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-05-2008, 07:45 PM
Parent: #100

Quote: ستين سبعين ما كنت في نعمة








العمّة يا ناس ما سترة حال

سنّة بتتنازل ما ببقى زوال

من أيسر حال لي أسوأ حال

بدل ما تقول يا عم يا خال

تطلع ألفاظك متطيّنة طين و بالكنجال

والناس ألفاظا بقت تنقاس وبي مثقال



Post: #102
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-07-2008, 02:56 PM
Parent: #101






زي دهب اتجمّر؛ بقى صعب منال


صاحبك في طينه وَحَال في وَحَال

لا بقدر يمرق لا يرفع حال

والناس ألفاظا بقت مسبوكة بي جلاد المال

كتب مطبوعة جلادا مسبّك زي حزمة نـال

وغلاف دهّــوبي في أغلى مثــــال


يا سمح الحال ويا نعم الحال وكل ما يتقال





Post: #103
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-07-2008, 05:56 PM
Parent: #102

Quote: يا سمح الحال ويا نعم الحال وكل ما يتقال















كلمة زول وعمّة زول

Post: #104
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-07-2008, 08:20 PM
Parent: #103








واحد، اثنين ثلاثة، أربعة، خمسة، ستة، سبعة، ثمانية؛


بس دا ياهو عدد العمم حقتكم يا ناس الرياض واللا الرياضة؛ شويّة يا أخي.

أمال لو جا قووووون؛ حتولعوا النيران بي شنو؟

غايتو جنس غايتو

Post: #105
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-08-2008, 03:43 PM
Parent: #104

Quote: أمال لو جا قووووون؛ حتولعوا النيران بي شنو؟



يا ناس الكورة؛ ويا ناس السياسة


ويا ناس الجهوية

خللو التعصب

وارجعوا لي كلام الناس العمم

منقول

قام ود النعيسان وقال

شايقى و دنقلاوى و جعلى ايه فايدانى
غير خلقت خلاف خلت اخوى عادانى
خلى نبانا يسرى مع البعيد و الدانى
يكفي النيل ابونا و الجنس سودانى

منقول

ويمكن تكون تابعة لمسرحية المك نمر ما بتذكر نحن ما عجّزنا خلاص



تكفي العمّة شعار والجنس سوداني





Post: #106
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-08-2008, 06:24 PM
Parent: #1







عثمان حسين من غير معاهد او رزم


للنيل يقسموا للوتر من غير إحم





اللهمّ ياكريم
ادخله مدخل صدق
اللهمّ ياكريم
نقّه من الذنوب كما ينقّي الثوب الأبيض
اللهمّ يا كريم
اغسله بالماء والثلج والبرد
اللهمّ يا كريم
زد في إحسانه وتجاوز عن سيئاته
اللهمّ ياكريم
أبدله داراً خيراً من داره
وولداً خيراً من ولده
وزوجاً خيراً من زوجه
اللهم ياكريم
واحشره مع الصديقين والشهداء
اللهمّ يا كريم
عبدك عثمان حسين بين يديك
فارحمه واغفر له
اللهم أنت أكرم منزول به
أحبّه الناس؛ وأنت ربّي تحبّ خلقك
وأنت خير راحم
فأنت الرحمن الرحيم
وأنت أكرم الأكرمين
وهو ضيفك
اللهمّ فارحمه
واجعل قبره روضة من رياض الجنّة
اللهمّ ثبّته عند السؤال
واجعل له خير مآل
وارحمنا إذا صرنا إلى ما صار إليه
وارحم موتانا وجميع موتى المسلمين
آمين
أخي هرون
أحسن الله عزاءك
وعزاء الجميع
أرجو الله أن يلهم شعب السودان؛ وأسرته وأحبابه؛ الصبر الجميل.

Post: #107
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-09-2008, 03:45 PM
Parent: #1

بين عمامة ترباس وحسين خوجلي وود الجبل، تقف العمامة البيضاء رمزا لشموخ السوداني، وتحولت وتحورت وتلونت لدى شعوب اخرى لكنها ظلت ناصعة في السودان الا عند الفنان على مهدي.



وأخيراً صادفنا بوست العمايم؛ للأستاذ كمال إدريس




هذا وسيتم التنسيق؛ بيننا

من أجل عمَّتنا العمّة

Post: #108
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-09-2008, 07:52 PM
Parent: #107

Quote: من أجل عمَّتنا العمّة




منقول من بوست كمال إدريس



هذه سياحة تاريخية اخترتها لكم من موقع الجمال دون نت المتخصص في جمال المرأة العربية ـ بتصرف، يحكي عن تاريخ العمامة


غطّى الإنسان رأسه اتقاء لعوامل الطبيعة القاسية منذ فجر التاريخ واتخذ غطاء الرأس عند الجنسين أشكالاً متنوعة وفق واقع البيئة، وتطور العادات والتقاليد. ولعل «العمامة» ـ أو «العِمّة» ـ من أشهر أغطية الرأس المعروفة في العالم، منذ اكتشف الإنسان القماش واستخدمه لملبسه.

Post: #109
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-10-2008, 04:22 PM
Parent: #1

ومن الشعر الشعبي

جاءتنا هذه الأخبار الحلوة من أخونا السر مصطفى(ابو مصطفى).


أبو عمّة اللي ظاهر في الصورة.


واحدين في المجالس مكبّرين عمّامُن

تركوا الحومة والزول أب عوارض لامُن

(ربما يكون لأحد شعراء البطانة)


كمل صبري ومنامي انشال

طريت برق الفويطر الشّال



يا دمعي البكُب وشّال

لبس من ناري عمّة وشّال


رحمك الله يا خليل فرح؛ يابن عازّة

ياتاجاً من تيجان الوطن

وهو طبعاً من الناس العمم الكبار






ومن روائع أحد الناس العمم

الأستاذ إبراهيم العبّادي

إذ قال في مسرحية المك نمر:

نحن... فوق السّماك همّتنا

تيجان الملوك تعمل حساب عمّتنا



واحد هميم يملأ محل النقط دا

يا هرون حرام عليك جيب لينا حتّى لو عازة الفراق بي طال.



هرون خليناهو أي زول بعرف يلبس عمّة






Post: #110
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-10-2008, 07:47 PM
Parent: #109









Quote: كمل صبري ومنامي انشال

طريت برق الفويطر الشّال


يا دمعي البكُب وشّال

لبس من ناري عمّة وشّال

رحمك الله يا خليل فرح؛ يابن عازّة

ياتاجاً من تيجان الوطن

وهو طبعاً من الناس العمم الكبار




كمل صبري ومنامي انشال

طريت برق الفويطر الشّال


يا دمعي البكُب وشّال

لبس من ناري عمّة وشّال

رحمك الله يا خليل فرح؛ يابن عازّة

ياتاجاً من تيجان الوطن

وهو طبعاً من الناس العمم الكبار




Post: #111
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-11-2008, 03:03 PM
Parent: #110

من التعريفات أو الفلذكة التاريخية


التي وردت في بوست الأستاذ الصحفي كمال إدريس ما يأتي:



غطّى الإنسان رأسه اتقاء لعوامل الطبيعة القاسية منذ فجر التاريخ واتخذ غطاء الرأس عند الجنسين أشكالاً متنوعة وفق واقع البيئة، وتطور العادات والتقاليد. ولعل «العمامة» ـ أو «العِمّة» ـ من أشهر أغطية الرأس المعروفة في العالم، منذ اكتشف الإنسان القماش واستخدمه لملبسه.


شكراً كمال




أنا بهبش بس؛ أدينا الإذن؛ عشان نخمش المعلومات الثرّة







Post: #112
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-11-2008, 07:56 PM
Parent: #111

Quote: ومن روائع أحد الناس العمم

الأستاذ إبراهيم العبّادي

إذ قال في مسرحية المك نمر:

نحن... فوق السّماك همّتنا

تيجان الملوك تعمل حساب عمّتنا



صحيح والله تيجان الملوك تعمل حساب عمّتنا

رحمك الله يا عبادي

ياللّي علمتنا

حبل المهلة يربط


والخير مساك وصباحك


والله العمة لما تبقى سمحة

سيدا ذاتو ببقى سمح

Post: #113
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-12-2008, 11:52 AM
Parent: #112

Quote: والله العمة لما تبقى سمحة

سيدا ذاتو ببقى سمح















مصير الحي يلاقي يا (هارزون)









Post: #114
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-12-2008, 03:52 PM
Parent: #1

منقول من بوست الأستاذ كمال إدريس

يشير فيها إلى مراجع؛ تتحدّث عن العمامة؛ أو العمّة

من يصل منها إلى شيء

يعطينا خبر



تحفة الأمة بأحكام العمة»،

و«صوب الغمامة في إرسال طرف العمامة»،

و«درر الغمامة في در الطليسان والعذبة والعمامة»،

و«جزء في العمامة النبوية»،

و«أزهار الكمامة في أخبار العمامة».

في العالم الإسلامي اختلفت صفات العمامة وأسماؤها، فبينما أسماها العرب «عمامة» أو «عِمّة»، أطلق

عليها



ونواصل إن شاء الله

Post: #115
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-13-2008, 04:26 PM
Parent: #1


قبل سنوات ثلاث، كنت في زيارة عابرة إلى جدّة؛ مررت بمستشفى الأرباب؛ بغرض سمكرة أنياب. ما تفرحوا شديد ياهلالاب؛ وبرضو الوالياب؛ عندهم العندهم.
الشاهد؛ كنت مقلوز لي عمة على الأعتاب؛ لما طلعت من الموقع. ركبت خ 11 لأني كنت ماش قريب.
قام وقف لي- بي سيارتو- زول عجيب؛ قال أوصّلك يا دا الحبيب؛ استغربت!؛ قدّمت ليه شكر كتير؛ لأني بس ما ماش بعيد.
الزول نطق بي كلمتين، بس كلمتين؛ ما زاد عليهن شي جديد:
(عشان العمة دي عندها معزّة كبيرة عندنا).


ومن بوست كمال إدريس ننقل الآتي:

بين عمامة ترباس وحسين خوجلي وود الجبل، تقف العمامة البيضاء رمزا لشموخ السوداني، وتحولت وتحورت وتلونت لدى شعوب اخرى لكنها ظلت ناصعة في السودان إلا عند الفنان على مهدي.


وعلي مهدي؛ عمامته خضراء؛ ما أجمل العمّة؛ وإن كانت خضراء؛ فهو يعتزّ بها؛ وباخضرارها.


ما همّاني المهم هي تكون فوق؛

هو علي مهدي ذاتو ما من الناس العمم



لو تابعنا تاريخه؛ أو جريه الآن؛ أكيد حتلقاه من الناس العمم؛

إذ يتميّز بأشياء تخصّه؛ وله الريادة في أشياء.


فله التحية؛ وياللا فوق عمتنا فوق











Post: #116
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-14-2008, 04:36 PM
Parent: #1

Quote: تحفة الأمة بأحكام العمة»،

و«صوب الغمامة في إرسال طرف العمامة»،

و«درر الغمامة في در الطليسان والعذبة والعمامة»،

و«جزء في العمامة النبوية»،

و«أزهار الكمامة في أخبار العمامة».







؟
؟
؟
؟
أين

نجدها؛ ياكمال
؟



























Post: #117
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-15-2008, 04:42 PM
Parent: #116

من الطرائف التي يطلقها دائماً؛

بعض العرب على طول العمامة السودانية؛


ولإثبات ذلك جرت مباراة حبية؛

في مدرسة من المدارس في المملكة العربية السعودية.


بين مدرس سوداني وأحد الطلاب السعوديين؛ في سرعة التزيّي بالعمامة؛ والشماغ؛ أو القطرة.

وبدات المباراة ساخنة؛ وذات جمهور عريض.


ولكن لأن العمامة دايماً؛ فقد قيّض الله لها الانتصار؛



وهكذا دائماً عمّتنا فوق







Post: #118
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-16-2008, 02:57 PM
Parent: #117






ما شاء الله



بيضاء

مائلة إلى الاصفرار

بس ما زي حقتكم يا هلباوي









Post: #119
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-16-2008, 06:16 PM
Parent: #1

Quote: من الطرائف التي يطلقها دائماً؛

بعض العرب على طول العمامة السودانية؛


ولإثبات ذلك جرت مباراة حبية؛

في مدرسة من المدارس في المملكة العربية السعودية.


بين مدرس سوداني وأحد الطلاب السعوديين؛ في سرعة التزيّي بالعمامة؛ والشماغ؛ أو القطرة.

وبدات المباراة ساخنة؛ وذات جمهور عريض.

ولكن لأن العمامة دايماً؛ فقد قيّض الله لها الانتصار؛



وهكذا دائماً عمّتنا فوق

















هذه اللقطة؛ في الثانية التي

انتهى فيها السوداني من إنجازه السريع في لبس هذه العمامة الطويلة؛

بينما لم ينته السعودي؛ على الرغم من أن جمهور المشجعين السعوديين كان أكبر

ويقولوا ليك الزول دا كسلان!







Post: #120
Title: Re: نفسي ألبس ليّ عمّة يا أخي
Author: كمال ادريس
Date: 06-16-2008, 09:26 PM
Parent: #1

متابعة لصيقة لهذا البوست الصديق ترسيخا لعادات تبقى باذن الله.... فووووق يا ابوشيمة

Post: #122
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-17-2008, 05:51 PM
Parent: #120

Quote: متابعة لصيقة لهذا البوست الصديق ترسيخا لعادات تبقى باذن الله



يا دكتور كمال


نحن دايرين الصحفيين بالذات


دايرينهم كطبقة مستنيرة يهتموا بالحاجات دي


وبعدين كلام في سرّك

انتو رعاياكم ديل مالهم اليومين ديل

قول ليهم خلوكم ناس عمم

وروّقوا المنقة

وشكراً على هذه الزيارة البهية

وأستأذنك في الاقتباس

من بوستيك بعض الحاجات






Post: #121
Title: Re: نفسي ألبس ليّ عمّة يا أخي
Author: كمال ادريس
Date: 06-16-2008, 09:26 PM
Parent: #1

متابعة لصيقة لهذا البوست الصديق ترسيخا لعادات تبقى باذن الله.... فووووق يا ابوشيمة

Post: #123
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-18-2008, 03:48 PM
Parent: #1

Quote: متعلقة بما استجدّ مع هذه الظاهرة من أنواع السلوك؛ فهلاّ شاركتمونا في هذه الأُمنية سواء بالمعلومات أو الخواطر أو الأسباب أو بما قيل أو كتب نثراً وشعراً والحلول.



ومن الناس العمم؛

الذين أتى بهم الدكتور يوسف؛ إلى بوست سفر الجفا


ومن

قبيلة الشعراء


تلك القمم السوامق الذين أسسوا للغناء وأرسوا دعائم النهضة الفنية للغناء السوداني .. ومن تلك القامات الشواهق ممن أضافوا إلى الأغنيه السودانية الكلمة المنغمة الراقية التي تستلهم من الشعر العربي القديم لما يحمل في معانيه الإحساس الراقي والتعبير الجميل.
ومن هؤلاء الشاعر ( عبدالرحمن الريح)، ( عبيد عبدالرحمن) .. ( عتيق ) .. (العمرابي) .. ( المساح) .. (العبادي ).. (خليل فرح) ( عبدالله سليمان) .. و ( العشوق) ؛ ونجد أيضاً من رواد النغم في غناء الحقيبة على سبيل المثال لا الحصر( كرومة ) .. ( أولاد توتي ) .. (سرور ) .. ( خليل فرح ) .. (عمر البنا) .. ( عوض وإبراهيم شمبات ) ..( إبراهيم عبد الجليل و التوم عبد الجليل).
وسيد عبدالعزيز.

رحمهم الله جميعاً؛
فقد أدوا ما عليهم؛ وسلكوا.


وقد نتناول بعضهم كلاً على حدة؛ في بعض الجوانب.





شكراً دكتور يوسف

Post: #124
Title: Re: نفسي ألبس ليّ عمّة يا أخي
Author: العوض المسلمي
Date: 06-18-2008, 05:00 PM
Parent: #123

عبدالفتاح سلام

موضوعك رائع وجميل

ولكن

مازالت العمه هي السائده لدي جموع السودانين
رغم انها تكون صعبه علي البعض ارتدائها
والبعض يري انها مقيده له في حركته
ولكنها مازالت مسيطره علي زينا السوداني



Post: #125
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-18-2008, 08:18 PM
Parent: #124

Quote: موضوعك رائع وجميل

ولكن

مازالت العمه هي السائده لدي جموع السودانين
رغم انها تكون صعبه علي البعض ارتدائها
والبعض يري انها مقيده له في حركته
ولكنها مازالت مسيطره علي زينا السوداني



حبيبنا العوض

هلابك يالزوم

وجيداً جيت

نورت البويست

قبّال تزور البيت


دا ظهور الصور الراكزات بالحيل

خلّت قلبي دقّ؛

وللسعد حجّيت



صورتك نوّرت أوعاك تسمع حتاحيت




Quote: موضوعك رائع وجميل



وبعدين ياخي

دا انت الجميل وجميل

لفّتك باحتراف

شوفوها كيف بتخيل



لكن دي ما معانا

نحن عايزين

الناس اللي عندهم قدرة

شوية قدرة

مثلاً زي بعض الناس في السعودية والخليج

ما يخلوها في صلاة الجمعة

ودي حاجة مرصودة؛ شفناها بعيونّا




والله طلّتك بهية وزينة

شاكرينك كتير

بس أديها قراية تانية

لأنها فوق بتطلع بي ناس فوق

وناس خلوها بتنزل بيهم تحت





Post: #126
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-19-2008, 05:28 PM
Parent: #125

Quote: ما يخلوها في صلاة الجمعة

ودي حاجة مرصودة؛ شفناها بعيونّا






العمة يا ناس ما كلام
العمّة قول بعده الفعل
العمة دمغة للورق
العمة باسوورد المرور
العمّة وقتين تلتقوا في الغربة لازم تستحوا
لازم السلام حق زول همام
مش زوغة زي حقة نعام
العمة بالقول والفعل
مش قول خلاص من غير فعل



ونواصل

Post: #127
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-21-2008, 12:32 PM
Parent: #126

Quote: العمة يا ناس ما كلام
العمّة قول بعده الفعل
العمة دمغة للورق
العمة باسوورد المرور
العمّة وقتين تلتقوا في الغربة لازم تستحوا
لازم السلام حق زول همام
مش زوغة زي حقة نعام
العمة بالقول والفعل
مش قول خلاص من غير فعل











اللّي لابس عمّة دا

المرشح(أوباما).


ترى هل سيتعاطف مع هذا الشعب الذي يتعمم بالعمامة البيضاء.

أم هل ستظلّ السياسة الأمريكية كعادتها؟

هل سيرحم اللوبي؟

وهل وهل؟

اللهم احم هذا الشعب الطيب.



هذا سؤال بريء


ونواصل مع العمة




مش قول خلاص من غير فعل

كان تلبسا أو ما تلبسا

ما يبقى كل صبحك مسا

دايرين نقب في الدنيا دي

قبال يجي علّ وعسى

نرجع لأفعالنا الزمان

شهدوبا ناس الهندسة

نبني ونشبد للأرمسا

فرحة نشيد صبح ومسا











ونواصل بإذن الله

Post: #128
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-21-2008, 05:32 PM
Parent: #127

ومن الناس العمم والعمم الناس











ونواصل نهزج بالعمة

في حضور مولانا الضرير العالم النحرير



رحمه الله رحمة واسعة؛ وأسكنه فسيح جنّاته.


(تابع للكلام السابق عن العمّة؛ والسلوك)
يسعد صباحك يا نسا
مرحب حباب يا هندسا
سوداني قال شوف الرفيق قبل الطريق
قبال عيونك تنعسا
قبال يفوت فينا الفوات
نرقد هناك في الأرمسا
في زول خلد في الدنيا
دي يا آمنة يا ست النسا

Post: #129
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-22-2008, 03:26 PM
Parent: #128

Quote: (تابع للكلام السابق عن العمّة؛ والسلوك)
يسعد صباحك يا نسا
مرحب حباب يا هندسا
سوداني قال شوف الرفيق قبل الطريق
قبال عيونك تنعسا
قبال يفوت فينا الفوات
نرقد هناك في الأرمسا
في زول خلد في الدنيا
دي يا آمنة يا ست النسا











هذه السير الذاتية التي ستأتي متتابعة مصورة من نشرات رسمية.








ونواصل مع الناس العمم ومع العمم الناس

Post: #130
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-22-2008, 07:48 PM
Parent: #129

ومن الناس اللّي عممهم فوق حتى لو ما لابسين عمم


هذا الأزهري

الذي كان دائماً يلبس بدلاً بيضاء في لون عمامتنا

أبيض ضمير في بياض لون العمّة؛


يعجبني تاريخه الناصع؛ علاوة على التصرف الحكيم لذوي البديهة الحاضرة

في اختياره العلم







ونواصل بإذن الله

Post: #131
Title: Re: نفسي ألبس ليّ عمّة يا أخي
Author: عبدالله كع
Date: 06-22-2008, 07:59 PM
Parent: #1

عبدالفتاح ابوشميه كيفنك ياحبا

والله من يوم ما فتحتة بوست العمم ..
بالجد جد نفسي اشتري لي عمة والفه ليك
يوم جمعه كدا ومعاها الفاشر كارب يامان
وقدل
ونشوف الوضع حيكون كيف!!!




ــــــــ

ويكون لك فضل التغير يا حبا

Post: #132
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-22-2008, 08:29 PM
Parent: #131

Quote: والله من يوم ما فتحتة بوست العمم ..
بالجد جد نفسي اشتري لي عمة والفه ليك
يوم جمعه كدا ومعاها الفاشر كارب يامان
وقدل
ونشوف الوضع حيكون كيف!!!


يا حبيبنا عبدالله

انت من يومك وارثها؛ لا أنا ولا أحد بيقدر يؤثر على واحد من الناس العمم اللي بيتذكروا أبوهم

ويدعوا ليه؛ ويا هو دا السودان؛ كدي اقرأ كلامك دا تاني شوف أثرت عليك أم أصلك متأثر؟


Quote: يا حبا العمه بتزكرني الوالد طوالي .. كان بقعد ليها وبقعده (بشد العين ) قعيد يكيفك يامان
يا عزيزي انا عمري ما لفيت لي عمه . الحاجه يا البتغيظ في ناس شليقه شلاقه وبتاعين لبط
والواحد تلقاهو لفيها زي الطهورة يا عمك ...يا مدلدله وواقعه منو المهم في ناس يكرهوك ليها
وناس تحسدهم عديل كدا يا حبا.
والحاجه اللاحظتها ليك في العمم والمتعمعمه . المتميزين وكدا

1- اللابس العمه لازم يكون من اصحاب الصلع (زول ماساهل وكدا) واظنك كذلك عبدالفتاح اخوي.

2- اللابس العمه لازم يكون من اصحاب الرؤوس الكبيرة (مصعب ولدي) انشالله

3-اللابس العمه لازم يكون من اصحاب روؤس الاموال (ود الجبل )

4اللابس العمه لازم يكون من اصحاب الفخفخه الفاضيه والبوبار (وزي ديل كميه يامان )

5- واهم فئه من الزين لاحظتهم يتعمعمون الشيوخ ( وديل يا عزيزي للوقار والمكانه الرفيعه)

ـــــــــــــــــ
نفسك شنو يا حبا.. انت من الفئه نمرة 1 يعني لازم تلبسه ..




يا حبا العمه بتزكرني الوالد طوالي .. كان بقعد ليها وبقعده (بشد العين ) قعيد يكيفك يامان


دا تعبير بتاع زول ممكون.



لكن دي بشارة كبيرة؛ بس كمان ما تشطح كدا؛ مركوب نمر وشنو بعدين؛ تقعد ترفع لي شماعة الامكانيات

وكدا عشان نضمن الاستمرارية.

الله يديك العافية والعمة الدافية والمعزّة الحانية



لكين طلّتك ما بي عمّة





وعمّتنا فوق



Post: #133
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-23-2008, 02:28 PM
Parent: #132

Quote: لكين طلّتك ما بي عمّة













وعمّتنا فوق

Post: #134
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-23-2008, 07:32 PM
Parent: #133

Quote: وعمّتنا فوق











اليومين ديل في أعضاء بورد

تمام التمام

إزيّك يا السيدح

والله انت فتّ

ناس كمال ذاتهم

هلاّ هلاّ

بالصحفيين

الذين يظهرون بعممهم








والله قلوزتك سمحة بالحيل

يا أخي ما تدرّب كمال دا

Post: #135
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-24-2008, 09:27 PM
Parent: #134

والله قلوزتك سمحة بالحيل








وفوزك ساحق


من حكايات الاستاذ تاج السر مصطفى صاحب العمّة المميزة اللي في صورة البروفايل


( إذا قدمت إليك عمامة مطرّزة وشغل يد

ويقولوا ليك:

دي للعيدين ومقابلة الحكّام) هنا انتهى كلام أبو مصطفى

ويا سلام وتاني يا سلام

وخصوصاً لو تلقى الحبيبة بتشتغل منديل حرير لحبيب بعيد


والحبيبة دي ممكن تكون أم أو أخت، زوجة، خطيبة إلخ.

أين نحن من ذلك الزمان؟



المهم عزيزي القارئ البس أي عمّة وخلاص تبقى من الناس العمم

Post: #136
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-25-2008, 02:39 PM
Parent: #135

Quote: دي للعيدين ومقابلة الحكّام




سوداني قال شوف الرفيق قبل الطريق
قبال عيونك تنعسا
قبال يفوت فينا الفوات
نرقد هناك في الأرمسا
في زول خلد في الدنيا
دي يا آمنة يا ست النسا
مالك خباراتك بقت الشغلة في صبح ومسا
ما كلموك أكل الموات فيه القسا
ما قالوا ليك نيرانا مليانات نسا
شيتاً نميمة؛ حبة عزيمة
أو ديك تمائم تفرسا
فاتونا أبواتنا الزمان
ونحن رافلين في الحيا
ويا الله يا ست النسا
مالكم زردتوا الأبسا
وين الحيا الكان مجسم
في توبنا المبلّم؛ وصوت يهمسا










وعمّتنا فوق


زي ما تيبانّا فوق

Post: #137
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-25-2008, 08:36 PM
Parent: #136

Quote: وعمّتنا فوق


زي ما تيبانّا فوق


رسالة إلى حسين وترباس


حسين خوجلي
يا حسين ياابني أنا بتكلم باسم عمَّتنْا العِمَّة، أصلها أكبر مني ومنك وأعلى مني ومنك، أقول يازول سوق ساي ،كلب ينبح وجمال ماشة ،إنت لا ناس الحكومة دايرينك ولا ناس المعارضة دايرينك بس عمتك شوية اقتصد فيها


أو انت كمان وزّع ليك شوية عمم للناس اللي محتاجين ليها

عشان بيقولوا عملتوا لينا أزمة في السوق



Quote: فاتونا أبواتنا الزمان
ونحن رافلين في الحيا
ويا الله يا ست النسا
مالكم زردتوا الأبسا
وين الحيا الكان مجسم
في توبنا المبلّم؛ وصوت يهمسا




وين الحيا الكان مجسم
في توبنا المبلّم؛ وصوت يهمسا
صياعنا غنّولنا في وقتاً قبيل
لي فد صباع شافوه وقت الباب قسا
حساه فصل الدين؛ علاّ ورسا
جاريين على الماه توبنا
ولا أساساً ألبسة
عديل كدا من غير هدوم ديك لابسة
معقول أخوي سوداني في الغربة اللئيمة يآنسا
ويجيبها ديك أمراض جديدة يخانسا
جبراً تموت والناس تفوت
عزرائيل دا يونسا
ليلك صباحك بالك مقالد
أضرحة وديك أرمسا
ما ضاق طعم لي دنيا الرماد
طعم السعد ما اتحسّسا
ما ضاق طعم شيتاً حلو
دوماً دوام ما يائسا
أهلوا الحنان متمزّقين
لي حاله كل صبحاً مسا
شايفين وداعه من دون طعم
خايفين حرام دي ملامسة
اللمسة بالحن والحنان
لي إيده أو لي ضو جبينه
آه شيتاً قسا



وعمتنا فوق

Post: #138
Title: Re: نفسي ألبس ليّ عمّة يا أخي
Author: عبدالفتاح أبوشيمة
Date: 06-26-2008, 04:42 AM
Parent: #137

Quote: أهلوا الحنان متمزّقين
لي حاله كل صبحاً مسا
شايفين وداعه من دون طعم
خايفين حرام دي ملامسة
اللمسة بالحن والحنان
لي إيده أو لي ضو جبينه
آه شيتاً قسا



كيف يحمل القلب الحنين
لي هيك معاملة بائسة
يلطف عليك رباً كريم
يا آمنة يا ست النسا
ما الرقدة ديك جابت لها
الضر والألم؛ أجبال كتيرة مورثة
وجنينا داك من ذنب
جاه القدر؛ مكتوب عليه لازم يموت
مهما عملنا مؤانسة
مهما عملنا ضاع الأمل والشايفه دا
بس للأداء ومداقسة
نعمل شنو ما خلاص بقت
الباقية يا ست النسا