الى جميلة الجميلات حنين للبلد.. ( هل تحت الصلعة شئ يابكرى؟؟؟)

تعرفى يابنية
منذ ان خلقنى الله وانا لاتـَنْبـَلَّ فى خشمى الفولة!!
ما أعرفه اقوله مباشرة..زولٌ ربرابٌ جدا. ولقد سمعت حكايات عجيبات فى سبب عدم انشغال بكرى بنا هذه الايام!!
قيل لى ان موضوع بيع سودانيز اونلاين لم يكن اشاعة ( سخيفة ) كما تصورنا!! بل هو امر واقعٌ وجد بكرى نفسه مكرفسٌ فى شباكه ولم يستطع لنفسه فكاكاً!!
وقيل ان مبلغ المليون دولار قد ادار صلعة الرجل.
( هل تحت الصلعة شئ يابكرى؟؟؟)
وقد قيل ايضا ان المشترى اشترط خلو الموقع من كافة الموانع العقلية!!
لهذا عمل بكرى على تقسيم الناس فى الموقع الى اربع فئات:
الفئة (أ) وهى الفئة المرضى عنها من قبل المشترى الجديد ولامانع لديه من ان تكون ضمن البيعة.
الفئة(ب) وهى الفئة المغضوب عليها جدا، وهى التى يجب بترها فورا بأية وسيلة كانت!!
الفئة(ج) وهى التى يُتـَوَقـَّع ان تنفعل بفعل بتر الفئة الثانية فتقوم بفعل اشتر، احمق، اروش، وتنفصل بنفسها عن جدار المنبر العام الى الهاوية تحتها فى حركة انتحارية بارعة ويضيع دمها دون دِيَّة.
اما الفئة الأخيرة ( وهى ناس نحنا) فهى ميئوس منها ولايعرف أحد ماذا يُفـْعـَلُ بها وقد ترك امرها لينحسم بعد البيع اذ لربما مات الفقيرُ أو نـَفـَقَ البعيرُ أو هُلِكَ الاميرُ!!
هذا ماسمعته وما أصبح يتضخم احساسى بأنه امر صحيح، اذ ليس عندى مايثبت العكس حتى الآن خاصة وان بكرى نفسه لايرغب فى مناقشة الامر مع أحد مما يعطى الانطباع بمصداقية الخبر!!
هذا ماسمعته ولكم مطلق الحرية فى تصديقه او تكذيبه و....إحتياطيا أنا قد بللتُ رأسى. انتو كيف؟؟

منعم الجزولى

ياربى أنا من ياتو فئة

الاخ منعم
تحيات طيبات
تاريخيا وعرفيا في السودان الغنماية الوالده أغلى
مفروض بكري يشاورنا في الزول الحايشترينا
امكن بعد داك ما يعمل لينا( فك رقبة)


وبعيدا عن هذا
أسمح لي أعبر ليك عن أعجابي بيك
وبي قصص دكتورة بيان التي نشرت معنعنة عنك
سوري قصدي دكتورة نجاة محمود
(عشان بكري ما يشيل العدة)

ياخى دا خبر حلو..

إن شاء الله يكون المشترى الجديد عندو مصحة للإدمان..

غايتو أنا رضيان المشترى الجديد يفكنى من وتد سودانيزاونلاين دا..

ياخى الواحد قرب يقول دعونا نهنق بحرية.

فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ!! حيث تجد نفسك مجبر على المجاملة والابتسام الزائف بل والكذب بادعاء اشياء فى شخصية المتداخل معه، لاوجود لها فى الحقيقة، لهذا فأنا اتجنب تماما عملية ان أفتح بوستات بنفسى الا فيما ندر، واعتمد بشكل كامل على بوستات الآخرين الذين قبلوا ان يورطوا انفسهم ويلزموها بالخوض فى خيران الردود، فأتجدع فى بوستاتهم كما أشاء دون اى التزام بعناء الرد على احد.

اخونا يسرى مصطفى ....بصراحة .. لم أجد لك تصنيفا وأحسبك من اهل الفئة (أ) رضى الله عنك .. وابشر بالخبر فأنت موعود بأن تكون جوَّة البيعة.. الف مبروك.

Quote: الغنماية الوالده

القرضابى تعرف حكاية غنم ابليس فى الجنة؟ عموما شكرا لك وللدكتورة بيان.

Quote: يفكنى من وتد سودانيزاونلاين

.... انت ماعندك مشكلة... الحلاك قبل كدة... بحلك يا..بلة

Quote: فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ!! حيث تجد نفسك مجبر على المجاملة والابتسام الزائف بل والكذب بادعاء اشياء فى شخصية المتداخل معه، لاوجود لها فى الحقيقة،

كلام جاف ... وأصلاً لا داعي له ....
الأصل في الأشياء الأخذ بها أو تركها ...
خذ ما شئت ودع الآخر ...
.....
كلمة شكراً لمروركـ ما فيها (عربي) كتير ...
تركـ الإنطباع الجيد شي سي في عرفكـ ؟؟؟؟
...
ياخي أقول ليكـ حاجة ؟؟؟
أنسى ...

الحمد لله، الذى اطلق فينا من يعلمنا، ما الذى له داعٍ وما الذى ليس له داع
الحمد لله والشكر لله

ياعمران

ياخى جازلوت عندو حنين للبلد.

حنين الكان الناس شابكنها الأخ العزيز.

بعدين معقول إنت عايز جازلوت يرد!!

دا ياخى من فئة يقعد يقوم على كيفو.

ماشايفو وظف الإسم وعايز يحلنى بالموت كما انحل بلة من القيد والذلة ؟

تعرف يادكتور
انت من القلائل الذين يعرفون كيف انحلَّ بلة!!
اغلب الناس لاتعرف
وتتمنى ان تنحلَّ كما انحلَّ بلة وهى لاتعرف كيف بالضبط .

Quote: دا ياخى من فئة يقعد يقوم على كيفو.

الحمد لله المابقيت من الفئة الباغية!!

Quote: فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ!!

لقيتك صعب عديل .. يا منعم
قليل من المجاملة لا يضير

Quote: لهذا فأنا اتجنب تماما عملية ان أفتح بوستات بنفسى الا فيما ندر

هذا حضوري الأول معك
ولا أجدني تابعا لأي من الفئات أعلاه (أو ماشغال بيها)
لكن في انتظار تصنيفك لي .. ما تقول رمادي

تحايا نضرة

Quote: انا زول مسالم جدا بس كلبة الجيران فهمتني غلط

هذا مأخوذ من بريد :
عندما عضتني كلبة الجيران!
لو حتستمر بالطريقة دى انصحك ان تبل راسك يا ولدى
قال مسالم قال!!!

(*)

إلى أي فئة تنتمي (الجندريات) , أرجو أن يكون موقعهن عند (بكري) مغضوب عليهن ..

ويريحنا منهن ..(وجه جادي كده) ..!!

سلامات
منعم الربراب الجميل .
شنو؟
فيها فك تسجيلات ؟
سلام شديد

خ

Quote: فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ

كلام صحيح 100%

فى التنك عديل...

فى بوستات بتزكرنى طبيخ واحد اخونا من مساختها ..والسبب كمية المجاملات الباهته فيها...

Quote: فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ!! حيث تجد نفسك مجبر على المجاملة والابتسام الزائف بل والكذب بادعاء اشياء فى شخصية المتداخل معه،

ياخي ريحتني في حنان حناني زاتو يا ود الجزولي
كنت قد كتبت مصل هذا الرأي يوما وشرعت له بوست مخصوص للاخ طلال عفيفي اعيد ما جاء فيه للمقاربة الموضوعية
النص المقتبس
ـــــــــــ
كشف الحال في اسداء النصح لطلال
كتبت في لحظة تجلي كعادتي

بقية المداخلات ما اثارت اهتمامي للرد عليها


وتسأل طلال

والله يا أساسي وجهتني لحاجة مهمة ، وهي عدم الرد حتى النهاية ..
أنا بكون فرحان بكل الناس ، خصوصا طبعاً إنو الحكايه بيكون فيها
إشادة وتطيب خاطر ، وإنت عارف إبن آدم بيحتاج الحاجات دي وبحبها
وأنا كذلك ..
لكن مرات البوست بيطول والموضوع بيكون إتسهك ! وما بعرف أقول شنو
وبيغلبني الكلام والرد ، مع إنو بكون شاعر بتقدير شديد لكل زول ..

يا ربي الناس الما رديت عليهم بيكون عارفين كلامي ده ولا زعلوا مني ؟
ياخي والله أنا الآن في أمراً ضيق ..

انتهي كلام طلال





طبعا انحنا ناس بنحب الاطراء زي عيونا .. الاطراء بالنسبة لينا كسودانين زي الهواء البنتنفسه بنموت في اي زول يقول لينا كلمة حلوة ما عارف الكلام دا نابع من ايماننا المطلق بالكلمة الطيبة جواز سفر ..
الاطراء احيانا يصعب الرد عليه جدا بل لا اكون قد جافيت الحق اذا قلت ان الرد علي الاطراء هو من اصعب الكتابات بل حتي مساحة الرد دائما ما لا تكون ضيقة جدا بحيث لا تتجاوز بعض الشكر او ابداء الخجل .
كما انه بعض المداخلات تكون في صميم حديثك الذي فتحت به البوست وامتداد له هذه المداخلات ايضا لا يوجد لها ردود اكثر من شكرا للاضافة او شكرا للمرور فكيف ارد علي شخص يقول ما قلته؟ ...المداخلات التي تنبع من فكر مختلف او راي معاكس هي ما تستفز النفس وتشحن الحفيظة للرد عليها بل تكاد تكون ملح البوستات ..الحوار لا بد له من طرفان ليكملاه طرفان لهما اكثر من راي واحد لتكون له اسباب الامتداد الي افاق اخري اما اذا كان هناك رايا واحد والجميع يؤمن عليه فهذا الامر ليس حوارا باي شكل من الاشكال .
كما وان بوستات الادب والشعر والثقافة عامة لا توجب التعقيب الكثير .. وبما انك مثلي ( او زي زيك ) من ادباء المكان فعليك بالجمع والطرح عند الردود علي الاستحسان ورمي الطعمية وكسير التلج .. فيكفي جمع المداخلات في مداخلة واحدة ورص الاسماء وشوت ردا موحدا للجميع وكان الله يحب المكسرين والمكسرات تلجا.
نصحي لك يا طلة من واقع تجربتي المريرة السوداء في هذا المنبر ان تشير صراحة للاخرين انه لا تملك كلمات كافية للتعبير عن امتنانك او الشكر وهم بالتاكيد سيفهموا . بعض الاحيان بعض البوستات التي تكتبها وتطول مدة اقامتها في الواجهة وتكون فقدت نكهتها الاولي واصبحت لك بمثابة ( حمام ميت) هذه البوستات انكرها حطب واعمل فيها رايح منها وانتظر المداخلات لتتجمع وتجمع مثل ماء النقع وشتها بمداخلة واحدة تكون حسن الختام والبيجي يرد بعد داك يبقي دا زول دمه تقيل ويتحمل مسؤلية تقله دمه .

Quote: إلى أي فئة تنتمي (الجندريات)

ألا تتوب من (شـِبـَك) الجندريات يارجل!!
حسناً
كلهن وبلا استثناء مغضوب عليهن.... وأنت ايضا!!
لقد كان الفقيد دمث الاخلاق....

Quote: فيها فك تسجيلات ؟

ياعثمان موسى انت لسع مافكوك!!؟؟؟
النصرى واساسى
والله لا املك الا ان ابتسم مسترخيا فقد كفيتمونى كل الكلام الذي كان من الممكن ان اقضى سحابة يومى افكر فيه والملمه مع بعضه لأجعل منه مداخلة مفيدة
بالمناسبة يا أساسى
الفكرة نفسها خطرت لى عندما كنت اتصعلك فى حوارى كشف الحال في اسداء النصح لطلال
وخاصة تعليقك على تداخل وليد الشفت معك

Quote: وشوف مثلا زي وليد دا في البوست مثار التساؤل تداخل معي اكثر من طاشر مرة او يزيد ولكن لم اري هناك داعي للالتفات لمداخلاته لانها لم تكن بمستوي البوست وان التفت لها لكن شكل البوست تغيرا جدا هذا لم يمنع الاخ وليد ان يداخلني في بوستات اخري واداخله دون ان يحس احدنا الحرج

دائما يظل الكبير كبيرا... تتفق معه او تختلف لاينقص ذلك من قدره مثقال ذرة!!
الآن بدأ مسار البريد فى التـَغـَيـُّرِ الى وجهة اخرى!!!!!!!

Quote: كلهن وبلا استثناء مغضوب عليهن.... وأنت ايضا!! لقد كان الفقيد دمث الاخلاق....

ياخوي السألك مني منو أسي


بالمناسبة:

الملايين دي تمن شنو يالضبط وسعر منو؟

Quote: نصحي لك يا طلة من واقع تجربتي المريرة السوداء في هذا المنبر ان تشير صراحة للاخرين انه لا تملك كلمات كافية للتعبير عن امتنانك او الشكر وهم بالتاكيد سيفهموا . بعض الاحيان بعض البوستات التي تكتبها وتطول مدة اقامتها في الواجهة وتكون فقدت نكهتها الاولي واصبحت لك بمثابة ( حمام ميت ) هذه البوستات انكرها حطب واعمل فيها رايح منها

دنيا و آخرة يريحك يا أساسي ..

إنت ود ناس منو ؟؟؟

( يا بياع الويكة .. شِن جابوني ليكا ) .
...
و قد جاء في الأثر أن ( سيداً ) غضب غضباً شديداً على عبده .. فأمر به فشُدّ وثاقه و قال كدي نهرو و نهرزو و سبّ ليهو و شتمو .. و في الآخر أرغى و أزبد و رمى إليه بما يتخثر له الحليب في ضرع الدّارات : الليلة دي يا العبد يحلك مني الله ده بس , إن ما كمّلت فيك جريد النخلة دي جتتتت .. أبوي ما جابني ( فصاحبنا بله و الحال كذلك سعيد بحللانه الذي هو دون الموت .. إزيك يا بله ) ..
ما علينا , نرجع لعبد السوء فنقول : إتلموا العبيد و حالهم حال السواد .. و كان ( السيد ) قد اختار نخلة ذات عراجين مفدّعة إشتُهِرتْ بالليونة و ان المَحْطَة من جريدة منها نار جهنم بس .. و قعد يتشعبط فيها و هي ما شا الله طويلة ( نخل زمان و رجال زمان حالهم واحد .. دايماً طوال و واقفين ) فطفق العبيد يواسون صاحبهم المُقيّد و راجي الراجيهو , و هم في ذلك له من الناصحين :
- يا زول نفكك .. أمش أقع ليهو في الواطـة دي و إتعضّر .
- يا زول ما بيمرقنك عِلا كرعيك .. فِك البيرق .
- يا زول سيدنا ميتان ساكت عِلاّ مستقوي بي قريشاتو .. أقبضو أعصرو تحت أباطك ده ..
- يا زول كورك .. قول يا بومُروّه , من جودك و كرمك يا مولاي .
و زولنا العِبيّد صاني سااااكت و مديهم الطرشا لامِن ضاقت بيهو الوسيعة ..
قام إتفرجخ في بكانو داك .. عليك يا الله , يعاين لي سيدو القاعد يتشعبط في التمرة ديك و لسان حالو سبحة :
- فرج الله قررررررررريب لامِن سيدي يقطع الجريد .
- فرج الله قررررررررريب لامِن سيدي يقطع الجريد .
- فرج الله قررررررررريب لامِن سيدي يقطع الجريد .
قالوا .. ربك رب الخير قال ليها كوني ..
أها إنت يا ( السيد ) تتفنقل من فوووووووووووق و بردلب من النخلة علي قفاهو ينفقه .. و يلحق الزينين .
و خلاص ..
شمطت و قمطت في باسورد الصغيّر فيكم .

.......
إنت برّه الشمطة و القمطة دي يا ود الجنرال .. نَعَم إنك ( صغير ) ..
فياااا جميلة الجميلات :
هل تحت القبة فكي ؟؟

Salalm,

out of the post subject

Quote: - فرج الله قررررررررريب لامِن سيدي يقطع الجريد . - فرج الله قررررررررريب لامِن سيدي يقطع الجريد . - فرج الله قررررررررريب لامِن سيدي يقطع الجريد . قالوا .. ربك رب الخير قال ليها كوني ..

الحتة دي عجبتني لانها بتذكرني بي روحي لما اتذرة فى موقف صعب و بالذات لما ىوقفني بوليس ترافك ,,,

الإنقلزي بيروح منى والكسنAccent بيضرب في السماء و ما بخلي أية ما بقراها لما البوليس يقعد يقول ليWhat do you say mam
?
Are you talking to me ?

بس عندي سؤال دي قصة بلة الحقيقية و لا تاليف,, بعني عشان نقشر بيها و نحفظ ليك حقوق الطبع

نون

كيفك يا نون ..

زولنا ده بله تاني ..
بله الأولاني داك إتحلّ بالشديد القوي ..
خلي ود الجنرال يحكي ليك قصتو .

لكن الشاهد إنو البلات كتار يا سيدتي ..
من ضمنهم نحن شعب بلاّليزأونلاين ..
باقيات علينا الإتنين : قيد و ذلة ..
( و الغناي بيقول : سوت ليهو القيد حرن ) .


...
و بعدين كان وقفك تاني بوليص الحركة أقري ليهو :
( كَلباَ كَلَبَكْ .. رباَ خَلَقَك , دَنقِر راسك و أرفع ضَنَبَكْ ) ..
أو ( برضي ليكَ المولي الموالي و فيكَ لازم الصبر الجميل .. برضي ) .

Quote: و بعدين كان وقفك تاني بوليص الحركة أقري ليهو : ( كَلباَ كَلَبَكْ .. رباَ خَلَقَك , دَنقِر راسك و أرفع ضَنَبَكْ ) .. أو ( برضي ليكَ المولي الموالي و فيكَ لازم الصبر الجميل .. برضي ) .

سمح

Quote: قيل لى ان موضوع بيع سودانيز اونلاين لم يكن اشاعة ( سخيفة ) كما تصورنا!! بل هو امر واقعٌ وجد بكرى نفسه مكرفسٌ فى شباكه ولم يستطع لنفسه فكاكاً!! وقيل ان مبلغ المليون دولار قد ادار صلعة الرجل. ( هل تحت الصلعة شئ يابكرى؟؟؟) وقد قيل ايضا ان المشترى اشترط خلو الموقع من كافة الموانع العقلية!!

قوالة يعنى؟

Quote: و بعدين كان وقفك تاني بوليص الحركة أقري ليهو : ( كَلباَ كَلَبَكْ .. رباَ خَلَقَك , دَنقِر راسك و أرفع ضَنَبَكْ ) .. أو ( برضي ليكَ المولي الموالي و فيكَ لازم الصبر الجميل .. برضي ) .

في شنو ؟؟؟

Quote: قوالة يعنى؟

قوالة طبعاً .. أمال دايرو يجيب ليك صورة عقد المبايعة!!

Quote: وقيل ان مبلغ المليون دولار قد ادار صلعة الرجل.

يا عبد المنعم

بكري قال المليون شوية وتمنوا أكتر من كدا

اذا فان صلعة الرجل لم تدر, وانما اهتزت يمنة ويسرى
دلالة على الرفض,
لكن كان زادوهو مليون تاني احتمال يهزها من فوق
لي تحت ويلحقكم أمات بلة

Quote: فى كثير من الاحيان تكون عملية الرد على المتداخلين والمتداخلات اشبه بتناول طعام سئ الطبخ!! حيث تجد نفسك مجبر على المجاملة والابتسام الزائف بل والكذب بادعاء اشياء فى شخصية المتداخل معه، لاوجود لها فى الحقيقة، لهذا فأنا اتجنب تماما عملية ان أفتح بوستات بنفسى الا فيما ندر،

ممكن تعمل auto respond system , أي زول
يخش عليك طوالى قول ليهو, شكرا لانضمامك ل سودانيذاونلاين, وتروح مديهو
كلمة المرور والاسم. ويا دار ما دخلك شر, دي طريقة ناجحة, اسأل منها بكري

Quote: بس عندي سؤال دي قصة بلة الحقيقية و لا تاليف,, بعني عشان نقشر بيها و نحفظ ليك حقوق الطبع

شاهدت اسم معروف سند كـ آخر المتداخلين في بوستي هذا الذي اتابعه عن قرب
فتوجست خيفه ان يكون دخوله لشرح ما التبس علي الناس من امر (بله)









___
لذا .. اعتذر لمعروف سند

Quote: Quote: بس عندي سؤال دي قصة بلة الحقيقية و لا تاليف,, بعني عشان نقشر بيها و نحفظ ليك حقوق الطبع شاهدت اسم معروف سند كـ آخر المتداخلين في بوستي هذا الذي اتابعه عن قرب فتوجست خيفه ان يكون دخوله لشرح ما التبس علي الناس من امر (بله)

انا ذااتي يحلني الحلة بلة من البوست دة

بس بقي علي المثل "صمت دهرا ونطق كفرا" , جنس شلاقةعلي وعدم حظ

يوم التعجبي حاجة و اعلق عليها تطلع في بوست قابل للإشتعال

كان مسحت المداخلة وب وكان خليتة وبين

حالتى قلت out of the post subject


Noon

Quote: وانما اهتزت يمنة ويسرى دلالة على الرفض

شاهد عيان قال بانه رأى الصلعة تدور كما المروحة... فرحا من الترطيب!!!

Quote: ياخوي السألك مني منو أسي

يازول لاتنجرس ...اسكت بل راسك ( بلة )!!!

Quote: إنت ود ناس منو ؟؟؟

اساسى.... و...ود ناس!!!!! دى تجى كيفن؟؟!!

Quote: دي قصة بلة الحقيقية و لا تاليف

ياااااااانون.....
والقلم ومايسطرون ...
ان ولد عبدالله هذا لايؤاخذ على أقواله ولا على أفعاله.. شأنه شأن ( ولد جبر الله ) و ( التوم ابو تـِفـَّة ) و ( كَـشـَوْ ) و ( طلَّقها ) وغيرهم من المامؤاخذين

Quote: و بعدين كان وقفك تاني بوليص الحركة أقري ليهو : (كَلباَ كَلَبَكْ .. رباَ خَلَقَك , دَنقِر راسك و أرفع ضَنَبَك). أو ( برضي ليكَ المولي الموالي و فيكَ لازم الصبر الجميل .. برضى)

وقيل اقرى ليهو
( الزهور صاحية وانت نايم.... )...على الريق

ياصلاح عبد الله وعادل عثمان نصيحة لله كدى .. المحل دة مابشبهكم... انتو اولاد ناس..ومهذبين جدا... اخير تتخارجو ماشايفين ناس خدر قالوا البيت دا ( اقصد البوست دا ) مراقب!! ديل يابوى عارفين قصة بلة الحقيقية!!! انت بتهظر!!!

Quote: فياااا جميلة الجميلات : هل تحت القبة فكي ؟؟

ياجميلة الجميلات
امى ( رحمها الله ) كانت قد وصتنى ألا أرد على ( الفقيه ) ولا على ( الشبيه ) ولا على ( السفيه )... اعملى بوصيتها يرحمك الله انت الأخرى

Quote: انا ذااتي يحلني الحلة بلة من البوست دة

نون ياخي العفو لله و الرسول ..
البوست ده لا لايووق .. و لا مفخخ ..
لكن بله شليق .

.....
مرة كان في بلة ..
ما جاتو حاجة و الله .

Quote: مرة كان في بلة .. ما جاتو حاجة و الله .

لا ... كان فى واحد بلة
وجاتو حاجة
شن قولك!!؟؟

و (بلة) هذا حكاياته عديدات
ولد عبد الله اورد واحدة منها...

وهنالك بلة سيد اللبن!!!!وهى قصة بلة الحقيقية فيما نرى ( الامر متروك لخدر... كان راجل جيب سيرتو!!)
وبلة سيد الدكان ( ودة بودى السجن.... مش الخور)

ومن الروايات ايضا ان بلة كان مغضوبا عليه من الخليفة بكرى ابوبكر ( اقصد الخليفة عبدالله التعايشى) وكان حبيسا مقيدا فى سجن الساير، وعند دخول الجنرال كتشنر المدينة، بعد فرار الخليفة الى ام دبيكرات، امر بفك قيده، واطلاق سراحه فسار بين الناس ان الذى حلَّ بلة هو ( كوشتنير) على قول العامة.

وقيل ان حابسه كان الامير محمود ولد احمد. وعند هزيمته فى موقعة النخيلة ( فى عطبرة) امر اركان حرب الجيش الغازى، الجنرال ونجت، بفك قيده، ووضع القيد على ارجل الامير الشاب.

كما قيل ان بلة ظل ملاحقا من قبل ( العاجبة ) صاحبة الانداية، فى دين نما وزاد عن الحد. وكانت تلاحقه حيثما حلَّ، بيدها وبلسانها فكره بسببها المدينة، وكان يفكر فى تركها، وترك اولاده، والهروب الى حيث لاتطاله المرأة. ولم ينفك قيده ولم تُرفع عنه الزَّلة، الا عندما وقع ( مرق ) الراكوبة فوق رأس المرأة فشجه، وماتت. فانحلَّ بلة من دينه العجيب، حيث لم يكن هنالك وريث للمرأ،ة يطارده بالدين المستحق.

وقيل.. وقيل.. وقيل روايات كثيرات بعضها انتهى بالانتحار!!!

لازلنا نميل الى حكاية بلة سيد اللبن.وهى كوميديا سوداء، قيل انها انتهت بالموت المفاجئ، لزوج المرأة، فوق السرير، الذى كان بلة مختبئا تحته!! لينحلَّ بلة من تبعات فعلته الشائنة، بفعل صدفة من صدف الزمان!!


والملاحظ ان أغلب الروايات تذهب فى اتجاه الموت لخصوم بلة، وليس لبلة نفسه، الا فى روايات الانتحار. و فى حكاية سيد الدكان، والذى عندما كسر المهاجمين الغاضبين - والمسلحين بالسيوف والسواطير والفرارير - باب الدكان، وجدوه ميتا من لدغة ثعبان، فانحل بذلك مما كان سيحيق به من جراء فعلته الشنيعة بولد الانصارى!!

ماذا قلت ياجميلة الجميلات!!!

منعم الجزولى

Quote: وهنالك بلة سيد اللبن !!!! وهى قصة بلة الحقيقية فيما نرى ( الامر متروك لخدر... كان راجل جيب سيرتو !! )

آمنتُ بالله ..



.....
فضحك الضبع الكبير :
قها قها قها

الولد ده قلبي ما دارو اصلو ...

يكون بسبب ابوهو؟

انعل اب.....






الكبير .... قها قها قها.... كبيييير


لو بكرى يوما ما باع

بغنج بالفلة براهو و لا بعصر لينا كنجالات بالجمبة كده؟

Quote: بغنج بالفلة براهو و لا بعصر لينا كنجالات بالجمبة كده ؟

لو عملها ..
أنا في خطراتو ..
جبتو لينا الهم بفقركم المستدام
و فصاحتكم ..
قالت العوام : مسح السّدُر الفي الفقُر .



....
و قالت السَوَقَة :
الفله .. بله .

إن كان امر البيع واقع وكدا
فلا اقل من ان تحسموا لينا قصة بلة عشان نحدد تاني نستخدم المثل دا ولا مافي داعي
لأنهن متباريات



لا يتكلفن احدكم عناء الرد عافي ليكم لله و الرسول

Quote: لأنهن متباريات

شنو هن ؟؟
البيع و بله ؟؟؟
و للا السترة و الفضيحة ؟

السترة و اختها طبعا
بلة لحين البت في امر حلته ابعدنا منو

Quote: شاهدت اسم معروف سند كـ آخر المتداخلين في بوستي هذا الذي اتابعه عن قرب فتوجست خيفه ان يكون دخوله لشرح ما التبس علي الناس من امر (بله)

توجست خيفة
ليه يا خدر
النضم دا ما وقع لي

بله أصلا قصتو شنو, مش ياها
القصة القديمة بتاعت انو انحل دي
ولا في حاجة جديدة?

Quote: القصة القديمة بتاعت انو انحل دي ولا في حاجة جديدة?

المشكلة يامعروف مش فى بلة و( انحلاله ) بلة تراهو قد انحلَّ

احنا البحلنا من ( بلة ابوبكر ) دة شنو!!
انا شخصيا معزوم فى منبر مجاور
وهذه الايام اذهب واتاوق من فوق الحائط
ولقد وجدت كثيرا من اصحابى المأفونين وصاحباتى المأفونات متجدعين/ات بين البوستات فى (امن) وأمان!!
وقد انشرُ عندهم بعضا من مصوراتى وانثر بينهم بعضا من المجوهرات الفالصو التى تمتلئ بها شنط الحديد فى بيت حى السوق

اشوف فيك يوم يا خدر

ياااااااجميلة الجميلات
هل انت لسع بى غادى!!؟؟

منعم الجزولى

ونعيد القضايا الساخنة إلى الواجهة
والمواجهة
نعيدها إلى منصة الحوار
أو إلى مشقة البحث والتقصي