Post: #1 Title: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-27-2008, 10:04 PM
دعوة للتوثيق لقامة من قامات فننا السوداني الأصيل الفنان علي إبراهيم اللحو الكنينــــــــــــــة
Post: #2 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 07:07 AM Parent: #1
علي إبراهيم اللحو من مواليد قرية مويس جنوب شندي وتبعد من شندي حوالي العشرة كليو مترات .... وحسب ترتيب القرى فهي بعد القليعة ( القرية الأولى جنوب شندي ) ثم تأتي بعد مويس حوش بانقا
والده من الدماماب .. لذا كان معروف في شندي باسم علي وددمامة وأمه من الفدوساب من نفس القرية ..
عمل بالرعي في صغره وكان يرعى بهائم والده. وهم أهل سعية وزراعة. ساعده ذلك في تفتح قريحته لحب النغم والجميل والجمال
عمل بالجيش ( قوات الشعب المسلحة ) وعندما تقاعد سكن بري .... كان أول تسجيل له في نهاية الخمسينات ..شوف عيني الحبيب بي حشمة لابس التوب كلمات الصادق الياس
Post: #3 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 07:20 AM Parent: #2
لحين ميسرة من الله بنرجع ونعود
Post: #4 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الفاتح الجنيد Date: 04-28-2008, 10:18 AM Parent: #3
الاخ خالد
خليتنى اتململ ،،، التسجيل أبا يفتح معالى ،،، ولا ادرى السبب
تفرد الفنان على اللحو ليس فى حنجرته فقط ولكنه يعرف كيف ينقل لك الاحساس بطعم الكلمة واللحن من خلال تفاعله مع الأغنية ،،، فتعيش حالة لا وعى وانت تنسجم مع مقاطع صوته الجهور فنان فلتة ،،، ويستحق أن يكرم ،،،
الله يديك ويديه العافية ،،،
Post: #5 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 04:48 PM Parent: #4
كلمات الأغنية والرمية
الرمــــــــــــية يا ريح الصبا الجيتينا من أبوسالف وكيف حال خيولاً سيدا عابد وكالف أنا الخلاني فوق نيران جهنم خالف حار بالحيل فراق الزول بعدما يوالف
الأغنــــــية وشاعرها ود النزيها من قرية ساردية شندي
الكنينة الكنينة يا رُطب الجنينة الله لينا
الكنينة الدارا أخمجيها الكنينة والروبا تليها الكنينة وخلق الله أنجضيها الكنينة والدنيا شن فيها بنريدا ونموت نخليها كُر علينا
الكنينة يا شتلا يا دُقاقه الكنينة ياالنارك حراقه الكنينة خلق الله مشتاقه الكنينة دي الدنيا فراقه بنريدك ومتين بنتلاقه تعومي لينا
الكنينة الكنينة بت بله الكنينة وأدي الشعر تله الكنينة ومسختي خلق الله الكنينة في نارا بتقلّه بنريدك وادي العريس طلّه الرشا لينا
الكنينة وقلبي داب حته الكنينة وفارقتا لي الجته دا الناجضنا في شندي المحطه
الكنينة يا شبه الأرايل الكنينة ويا المحلب الشايل الكنينة وغِصينك المايل الكنينة وماهماني في القايل بنريدا وفيها الثمار شايل
الكنينة يا بت مالك الكنينة وناجضا الخلق مالك الكنينة وأديني شبالك الكنينة وختيني في بالك بنريدك دي الدنيا دايمه لك نحن إنتهينا
Post: #6 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 05:03 PM Parent: #5
Quote: الاخ خالد
خليتنى اتململ ،،، التسجيل أبا يفتح معالى ،،، ولا ادرى السبب
تفرد الفنان على اللحو ليس فى حنجرته فقط ولكنه يعرف كيف ينقل لك الاحساس بطعم الكلمة واللحن من خلال تفاعله مع الأغنية ،،، فتعيش حالة لا وعى وانت تنسجم مع مقاطع صوته الجهور فنان فلتة ،،، ويستحق أن يكرم ،،،
الله يديك ويديه العافية ،،،
الأخ الفاضل الفاتح الجنيد تحية طيبة سلاااام أولا مشكور شكر جميل على مرورك الجميل مشجعاً للتوثيق لهذا القامة ونأسف شديد أن التسجيل عصلج معاك يا رائع قول بسم الله يامسخر الحديد لنبي الله داؤود عسى ولعل تفتح
نعم اللحو له من الملكة في الأداء ما يجعلك تتمايل طرباً وبالذات في غناء الحماسة والغناء القديم
مودتي وتحياتي أخي الفاتح
Post: #8 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 05:15 PM Parent: #6
أغنية الكنينة شاعرها كما ذكرنا من قرية الشقالوة ( ساردية ) شمال شندي أسمه ود النزيها .. والكنينة التي نظم فيها الأغنية أمرأة معروفة في مدينة شندي في مربع 1 المعروف وكما يحلو لناس شندي حلة المحطة لقربه من محطة السكة الحديد. وللشاعر الكثير من الأغاني المحلية فهو شاعر وفنان معروف عليه رحمة الله
Post: #7 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: salma subhi Date: 04-28-2008, 05:11 PM Parent: #3
الأخ الفاضل خالد المنسي عاطر التحايا
أهو فرع آخر للإنجمامة....
التحية للفنان على ابراهيم اللحو...
كل التقدير
Post: #9 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 05:19 PM Parent: #7
Quote: الأخ الفاضل خالد المنسي عاطر التحايا
أهو فرع آخر للإنجمامة....
التحية للفنان على ابراهيم اللحو...
الأخت الفاضلة / حمامة السلام سلمى حسن عباس صبحي أولاً مشكورة شديد على المرور وما مشحودة إياك بت شندي ونرجو أن تكون لك قصب السبق في هذا البوست من المشاركات ولا عذر حتى توفي لو قليل من دين تلك المدينة الجميلة التي ضمت أهلك والفنان الرائع اللحو ونحن ...
تحياتي سلمى
Post: #10 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 05:22 PM Parent: #9
صورة نادرة للفنان والشاعر ود النزيها
Post: #12 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 06:05 PM Parent: #10
مرثية الهندي الشريف ( منـــــــــــــاحة )
وابل الخريف مو رش تمساح جلقني فوق الصدور عرش في الجود والكرم حاشاهّو ماتحرش من غالي الحرير لي ضيفانو قام فرش دا الهندي الشريف
بتفك السجين القيدو إطوّش وغير الصالحات في الدنيا ماحوش ما بعرف الغضب تلقاهو طارح الوش بي سرعة بيتب لضيفانو ماكوش
حار فرق الشريف الهان عدو وداسو وحار فرق الكِبس البي خيلو بي نحاسو ملوك الكون جميع بتخشى من بأسو من شافع العصاة راجيهو ميراثو يا حليل الشرف
فقداهو البراري ودموعها جاريا بحور ويات من كان فؤادو من ألالم مدحور في الدنيا أم قدود خير كتير مدخور واليوم في الجُنان محتفلة بيهو الحور
كرامتك ظاهرة يا البتكفكف البلوة يا حاوي العلوم من بركة الخلوة يا الأردب دريشتك ما بكيلو بي الملوة موية البير محال يسقيها غير حلوة
الصلى والسلام عدد الوحوش والطير وعدد المذنبين والخلدين في النير تغشى المصطفى في كُل لحظة في كُل ليل تنجي المسلمين يوم وقفة الزرزير
Post: #11 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: محمد الأمين موسى Date: 04-28-2008, 05:23 PM Parent: #9
التحية للمبدع اللحو صاحب الصوت القوي والإحساس العميق.. متعه الله بالصحة.. فنان متفرد.. والشكر الجزيل لك أخي خالد
Post: #13 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 06:07 PM Parent: #11
الأخ الفاضل محمد الأمين تحياتنا طيبات سلااام يا جميل مشكور علي المرور ومودتي
Post: #14 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 06:18 PM Parent: #13
كيف كانت البداية لمشوار شق عباب دروبه الوعرة هذا الفنان الخالد فينا ما بقت الكنينة وأب عاجات اللحو ونمر وسايق الفيات وغيرها من روائعه ..
حسب رأي الفنان الذي يمكن أن طلق عليه فنان لا يمكن تحديد بدايته في مشوار الفن الطويل فكل فنان مكتسب موهبته يوم ميلاده يطورها يوم بعد يوم وحسب أجتهاده..
يمكن أن نقول متى عرفه الجمهور وعرف ملكاته الفنية .. اللحو ممكن أن نقول عرفه الناس على خشبات مسارح قوات الشعب المسلحة ومنها كانت الإنطلاقة لمشوار طويل ما زال يصل الخطى فيه أمد الله في أيامه ومتعه بالصحة والعافية. يشجي يطرب قلوب هذا الشعب الطيب بجميل الكلم في الحماسة وغيرها من ضروب فنه.
بدءً أطرب لابسي الميري ثم عم فضاء ساحات الفن تطريب حنجرته يتبعه بحركة من الصقرية ورثها من جده سليمان وددمامة ..
Post: #15 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-28-2008, 09:50 PM Parent: #14
بـــــــــــري حلاوة والخرطوم طراوة
يا قلبي السراري وفيك دافن أسراري حبيبتك أبعدوها وسكنوها البراري
وسيرو والجنيات برو العريس مرق يلا قدمو
سيرتو ما بتقيف لبري الشريف عريس قمر وعاد عروسو كيف
اللحو عشق بري وحبه أهلها حب لا يضاهيه حب .. فأتخذ بري موطنا أحب اهلها وبادلوه الحب حسن معشر وحبو فنه وأبداعه .. وأكرموه أهل بري وأطبق الكرم لهم مطبوق ... عرف بطبعه المضياف فداره كلها باب وما إن تلج لباطن حوش بيته حتى يشدك ذاك الجمال الذي نقله معه من مويس. ليعيش في ظله متمتع به في العاصمة الراكوبة .. ومعلق فيها قربة الماء تنز مرطبة. وكذلك كل موروث جميل .. يذكره بحياته في التي عشقها في مويس .. مخلوفة الجمل .. السعن .. الكشامبير المنجل الميري والبلدي .. وحتى الزمبارة ( ناي الراعي ) والمشلعيب وكل جمال القرى تجده في بيته ..
Post: #16 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Osman Musa Date: 04-29-2008, 03:36 AM Parent: #15
ود المنسى الله يخدر ضراعك ويفرحك زى ما فرحتنا ... الزول فنان قاطع فنان شامل كامل حماسة دوبيت مديح .. اللحو فنان يستحق الاهتمام والتكريم ___ ويا ودالمنسى عليك الله صورة عمنا الشاعر ودالنزيها دى ختها لينا فى بوست تاريخ الغناء .. الف شكر على ا لحديث عن الفنان الكبير على ابراهيم تحياتى
Post: #17 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 07:04 AM Parent: #16
Quote: ود المنسنى الله يخدر ضراعك ويفرحك زى ما فرحتنا ... الزول فنان قاطع فنان شامل كامل حماسة دوبيت مديح .. اللحو فنان يستحق الاهتمام والتكريم ___ ويا ودالمنسى عليك الله صورة عمنا الشاعر ودالنزيها دى ختها لينا فى بوست تاريخ الغناء .. الف شكر على ا لحديث عن الفنان الكبير على ابراهيم تحياتى
الجميل / عثمان موسى تحياتنا طيبات سلااام للطيبين ومحبي الطيب وزي ما قلت كل جميل بيفرح والفرح والطرب يفرح ويهيج المشاعر ويعبر كل عنه بطريقته الخاصة
اللحو تحس من صوت حنجرته حساً بعيد من طرف الحلة جاي وتتململ ونومك يطير ويتقسّم تخت طاقتك في راسك ولي الدلوكا سايق سوق وهيييييييع زي قول ودشيقوق
لك أعطر تحياتنا على المرور وطلبك مجاب يا رائع
Post: #18 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 06:24 PM Parent: #17
دوماً يشده الحنين لمنطقة شندي وضواحيها ديار أولاد جعل فتراه يحث الخطى وراء كل ما يمت للمنطقة بصلة من شعر وتراث لحن الكثير من أغاني المنطقة وأكتسب بها لونيته الخاصة ذات الطعم المميز ( طعم اللجو ) مثلاً مرات كثيرة أسمع أغناي حماس واراها تشبه اللحو وبعض منها يشبه خلف الله حمد وعلى فكرة رغم أن الاثنين تغنو بالحماسة كثير لكن تجد لكل منهما لونه الخاص وطعمه الخاص ( الله يرحم الفنان الراحل خلف الله حمد ) ويمد في عمر اللحو ويمتعه بالصحة والعافية
Post: #19 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 06:32 PM Parent: #18
يتميز اللحو بصفة فراسة عالية وهي صفات أمتازوا بها أهل البوادي والقرى .. يعرف الناس بدمهم ( يعني عينو نجيضة ماشاء الله ) قد يقابلك في مرة ويكون لم يراك في حياته ويتفرسك ويقول لك ( آ جنى إت ماك ود ناس فلان ) كما أستفاد من جوبانه في نواحي البلاد بمعرفة كل شبر فيها شرقاً وغربا وشمالا وجنوبا
لله درك أيها الفنان المبدع القامة ( اللحو )
Post: #20 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 06:40 PM Parent: #19
سايـــــــــــق الفيات للشاعر العبادي أضغط على التشغيل لسماع الأغنية
Post: #21 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 07:11 PM Parent: #20
سايــــــــــــق الفيات
عود بي وخُد سندا وبي الدرب التحت تجاه ربوع هُندا يا السايق الفيات
بوصيك قبُل تبدأ سيرك وداك طريقك سابق الربده منك بعيد جبدّا حي هُندا المراد ميل بي ربوع عبده يا السايق الفيات
أطوي الأرض وأضرع من أفكارنا سيرك يا الفيات أسرع ميّل علي المشرع لا تريع القطيع بتجفل ألادرع يا السايق الفيات
شقا حشا الطريق وإتيمم الحللال زفنو الكِلاب ما نالن إلا علال فاضلات ثواني قُلال بينك والغروب داك مشرع الشلال يا السايق الفيات
يازين الشباب ياطيب الأخلاق يا أمين الصديق والناس علي الإطلاق من أيدي الصناعة يبعدو المِعلاق أنظر لي الطبيعة ومجد الخلاق يا السايق الفيات
أنزل يا صديق وشوف يد القدرة وشوف حسن البداوة الما لمس بدرا وراد النهر هم أردوني لم أردا الكاتل الصفار أم نضرة الخدرا يا السايق الفيات
شوف النهر مار بي خشوع تقول هجسان زي مر المنام بي مُقلة النعسان جلة قدرتو ما أكفر الإنسان كم ينسى الجميل كم يجحد الإحسان يا السايق الفيات
مانفرن تقول سابق الكلام عرفة عطشان قلتا ليهن وصحة البلفا مافيش كأس قريب قالن بدون كُلفة تشرب بي كفوفنا حتى تتكفى يا السايق الفيات
Post: #22 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-29-2008, 10:32 PM Parent: #21
عود بي وخُد سندا وبي الدرب التحت تجاه ربوع هُندا يا السايق الفيات السندا هي وقفة لنزول راكب أو ركوب راكب وهي برهة من زمن وجرت العادة على تسمية بعض محطات القطار التي لا يقف فيها طويلاً سندات من أشهرها سند الداخلة في جهة بربر وسندة الشجرة ( شجرة ماحي بي أو بك )
الدرب التحت هو الطريق المحازي لنيل وهنا يقصد به الطريق المحازي للنيل الأزرق ...
وكان مقصد الشاعر زيارة ديار المحبوية ونظم قصيدته على نهج المسادير وأن كان المطية نعم ذات أربع لكن لا روح فيها كما جرت عادة شعراء المسادير أن تكون رحلتهم بالجمل ...
قد يكون كان في رحلة عادية ( لا علم لي ) وفي طريقه صادف هُندا وصديقاتها في النهر واردات ونظم القصيدة كأنه كان يقصد ديارها ..
وقد يكون قام من مكانه قاصد ديار المحبوبة ( هُندا ) .. من صلب القصيدة نستشف انه تحرك من سنجة عبدالله حب ما ذكر من محطات ...
ربوع هُندا .. قد ذكر لي الأخ الفاضل المحامي الطيب شيقوق أنه قد إعتاد أن يمر من هذا الطريق عندما تكون عنده محكمة في سنجة في طريقه لقريته في الدندر ( قرية البردانة ) وكان يقف أمام قطية هند التي زيت ببيضة نعامة في أعلاها .. ويجتر كلمات الأغنية الرائعة يردد كلامتها وما زالت هذه الأغنية تحرك فيه مشاعر وحتى هو لا يدري كنهها لك التحية الاستاذ العبادي عليه رحمة الله .. الفنان الرائع اللحو امد الله في عمره ومتعه بالصحة والعافية والجميل المحامي الطيب شيقوق امد الله في عمره وجعل الصحة لابسه
Post: #23 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 07:08 AM Parent: #22
قد أخفق في ذكر وقد أصيب في ذكر بعض المعلومات والحقائق فأنا إنسان والإنسان ليس معصوم من الخطأ .. لكن أوعدكم أني ما أقول إلا مارأيت أو قد سمعت .. فأنا لا ريب عندي فيما رأيت لكن ما سمعت قد قد يحالفه الصدق والعكس .. وقد يكون صدق مع زيادة في الخبر .. لذا عذراً أحبتي والعذر مقدم أولاً للفنان الرائع علي إبراهيم اللحو .. والله ما قصدت من هذا البوست إلا التوثيق لبعض من وفاء لقامة شامخة فينا شموخ الجبال الرواسي ( اللحو )
Post: #26 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Mohamed Yassin Khalifa Date: 04-30-2008, 08:29 AM Parent: #23
Quote: التحية للمبدع اللحو صاحب الصوت القوي والإحساس العميق.. متعه الله بالصحة.. فنان متفرد.. والشكر الجزيل لك أخي خالد
أخوي خالد... ياخالد بتوثيقك الجميل ده لتراث سوداني عذب وأصيل ولفنان بيئة عظمت أعماله لما بها من حقيبة فنية خالدة
علي اللحو جارنا في بري - في حي كوريا. بيته المتواضع والأنيق في محازآة أبوحشيش بيقابل بيت أخوي إبراهيم أبيض شيخ السواقين في القصر الجمهوري.
هو صاحب خالي المرحوم عبد الرؤوف أحمد الزبير... وكان ليهو في حوش خالي جلسات وسهرات سعدنا بها كما سعد بها كل جيرانا!!!
وطبعا كما هو معروف أن اللحو فنان له حنجره ذهبية, وله صوت عالي يرتفع بأرتفاع درجة الطرب والتطريب عنده. وكان الجيران في الحلة عندنا في تلك الأيام يستمتعون وهم علي أسرتهم بغناء فنانا علي اللحو وصوته الرهيب (ما شاء الله عليهو)
أتزكر مرة النور كان قاطع وعلي إبراهيم كان بيغني في حوش خالي فأذا بالبوليس يشرف لأنه كان في حظر تجول بعد الساعة 11 مساءا. هم سمعو الصوت من أول بري الدرايسة وتابعوهو لغاية ما وصلو الزقاق البيفتح فيهو باب حوش خالي ودخلوا البيت علشان يفرتقو القعدة.
ويا أخي ما تشوف إلا الناس تخرج من بيوتها مطالبين البوليس بعدم قطع حبل إستماعهم لللحو... وقريب كانت تكون مظاهرة لولا تدخل البعض ومنهم ضباط بوليس وجيش أمرو البوليس بلأنصراف وحجتهم إنو الدنيا حظر تجول والنور قاطع ومافي حركة وغناء علي إبراهيم الحاجة الوحيدة البتفرق علي الناس في تلك الليلة السخنة.
يا أخي الليلة ديك تشهد علي عشق أهل بري للفنان اللحو وفنه!!!
مرة تانية "تشكرات عظيمات" يا خالد
واصل يا سيدي... وربنا يبارك لينا في الحلو اللحو
Post: #43 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: صديق الموج Date: 04-30-2008, 07:34 PM Parent: #21
الربده: وهى انثى النعام ولونها ابيض يميل للاحمرار اما الذكر منها فهو اسود ويسمى الهضليم ويوصف به الشعر زى ما قال عمك عمر البنا: كيف الحياة غير ليمك ومن بعدك اصبح حظى زى لون هضليمك..
Quote: ميل بي ربوع عبادا
عبده وهو اسم حركى لاحدى ملهماته وقد اخذها العبادى من عمر بن ابى ربيعة آ عبدة كيف ينسى مودتك القلب..
Quote:
يازين الشباب ياطيب الأخلاق يا أمين الصديق
زين هو عمك زين العابدين كوكو وهو من اعيان الابيض ووالد اللواء عثمان زين. امين هو امين نابرى عليه الرحمه وكان الضابط الادارى وهم زملاء رحلته..
على فكرة كان سائق الفيات هو الفنان محمد احمد سرور..
Quote: أنزل يا صديق وشوف يديك البرا وشوف حسن البداوة الما لمس بدرا وراد النهر هم أردوني لم أردا كاتلين الصفار أم نضرة الخدرا يا السايق الفيات
شوف يد القدرة: اى تأمل قدرة الله فى ما صنع من جمال وصور..
اردونى ما بدرا:اى لا ادرى الكاتل الصفار ام نضرة الخضراء
Quote: شوف النهر مار بي خشوع تقول هجسان أو مر المنام بي مُقلة النعسان جلة قدرتو ما أكفر الإنسان كم ينسى الجميل كم يجهل الإحسان يا السايق الفيات
زى مر المنام بى مقلة النعسان
كم يجحد الاحسان
Quote: مانفرن تقول شافن الكلام إلفى
ما نفرن تقول سابق الكلام عرفه:اى ان اولئك الحسان لم ينفرن عندما دنا منهن كما تفعل البنات عادة مع الغرباء وكأن بيننا وشيجه او صله قديمه..
خالد العزيز..اظن القصيده تشرح نفسها وهذا التعديل اوجبه التوثيق ..وزى ما قال احدهم ناس شركة الفيات لو عرفوا مافعله لهم العبادى من دعاية مجانيه لعرباتهم لوضعوه مكان اللوقو الموجود على شكل طائر فى عربات الفيات.. رحم الله العبادى بقدر ما قدم لامته.. ومشكور اللحو على هذا التجسيد للاغنيه.. اما انت ابن عمى تسلم على هذا الخيط الرفيع،،،
Post: #24 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: sama7 Date: 04-30-2008, 07:40 AM Parent: #1
غايتو يا خالد جيت قبيل واستمتعت بالسايق الفيات
تعرف دى أول مرة أسمعها ... كنتم دايما بتغنوها فى الانجمامة 2 مع بنت طلحة
تسلم يا خلود بس لكن بالغت فى فيسل اللا بزيد لا بنقص
نجى ننجم ولما نحس الشباشب اتقلبت نلف بهناك نكمل الشكلة ونجيك كيف كدا
لكن بالجد بوست شديد
تحياتى
Post: #25 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Samer Osman Date: 04-30-2008, 07:58 AM Parent: #1
ود المنسي الما منسي
جميل هذا التوثيق وأذكر أن والدي يقول أن هذا الفنان يملك تطريب نادر
كنت قد استمعت لمرثية عوض الكريم القرشي وبحثت عنه كثيرا أتمنى أن يكون طرفكم
تسلم إيدك
Post: #27 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 08:42 AM Parent: #25
Quote: ربوع هُندا .. قد ذكر لي الأخ الفاضل المحامي الطيب شيقوق أنه قد إعتاد أن يمر من هذا الطريق عندما تكون عنده محكمة في سنجة في طريقه لقريته في الدندر ( قرية البردانة ) وكان يقف أمام قطية هند التي زيت ببيضة نعامة في أعلاها .. ويجتر كلمات الأغنية الرائعة يردد كلامتها وما زالت هذه الأغنية تحرك فيه مشاعر وحتى هو لا يدري كنهها لك التحية الاستاذ العبادي عليه رحمة الله .. الفنان الرائع اللحو امد الله في عمره ومتعه بالصحة والعافية والجميل المحامي الطيب شيقوق امد الله في عمره وجعل الصحة لابسه
ياعرريب الجابك هنا شنو ..دة ما بكان حت بس سيوف وناس تتناقز...
Post: #29 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 01:02 PM Parent: #28
الرطاني
Quote: ياعرريب الجابك هنا شنو ..دة ما بكان حت بس سيوف وناس تتناقز...
وانت العجيمي الجابك هنا ده محل سيوف ولغة عربية اها معاك مترجمك وورقتك وقلمك ولا اخد فيك اجر ؟
Post: #30 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: صديق الموج Date: 04-30-2008, 01:27 PM Parent: #1
خالد المنسى تحياتى
Quote: قابل الخريف مو رش
وابل الخريف مو رش
معليش النصلح ليك دى والوابل معروف هو المطر الغزير.. بعدين بالرواقه جاييك لى سايق الفيات اما ود النزيهة وسليمان قلعه وعوض الجوهرة ومحمد خير قوار والنجومى وعثمان الشيخ وعبد البين .. ديل كلامهم برا.. انا شفت ود النزيهه عام 1976 وكنا ذهبنا للتعاقد معه على حفلة ووجدناه يهتم بغنم يملكها .. فقلت للشخص الانا جاى معاه: ياخى ده الفنان الجايبنى ليه من شندى ليه؟ فاجابنى لما تسمعوا فى العرس.. وقد كان .. هذا رجل يغنى اغانى الحماس والسيرة بطريقه تجعلك ترتجف من الطرب..ويستبد بك الطرب ولا شىء يشفى غليل طربك هذا.. غير صوت كارب او جدوة كما يقول اهلنا.. التحية لاهل شندى.. ولاهل شندى.. ولاهل شندى..وبخاصة اللحو.. ولك التحيات الطيبات وراجع ليك.. وكلنا من تلك النواحى،،،
Post: #31 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:07 PM Parent: #30
Quote: يا ود المنسى مشتاقين والله,, أنا شفت البوست الجميل دا وعلى إبراهيم دا يعتبر فنان الأسرة وصديق الوالد وأقرب صديق لعمى الراحل على الطيب المدير الإدارى لمنطقةالخرطوم سابقا واللحو زول الحلاوين,,أنا أعرفو شخصيا وأعرف الكثير عنه. هذا الإنسان الغريب وعلى دا يا خالد وإنت ما حا تصدق فاتح كم بيت بصرف عليهم وبقرى فى كم زول ويعالج فى كم نفر ياخ اللحو وشارعو فى برى بنضفو براهو والشارع كلو مضروب ازرق وأبيض!! بجيك قريب بعد ما زنقتى تفك.
رسالة خاصة لكن رأيت أنها تفيد للتوثيق لهذا الرجل القامة في فن السودان الرسالة من صديقي وود إنجماتنا أيمن الطيب الحلاوي ود بري الدرايسة ..تسلم يا أيمن على هذه الرسالة .. وأأسف شديد أني لم أستأذنك في نشرها لكن كان اليقين يحدوني أنك لا تمانع في نشرها.
تحياتي ومودتي
Post: #32 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:19 PM Parent: #31
Quote: يا أخي الليلة ديك تشهد علي عشق أهل بري للفنان اللحو وفنه!!!
مرة تانية "تشكرات عظيمات" يا خالد
واصل يا سيدي... وربنا يبارك لينا في الحلو اللحو
الأخ الفاضل محمد ياسين خليفة سلاام وتحية طيبة تقتخر البراري .. كوريا وأبوحشيش والدرايسة والمحس وشارع المعرض وبري الشريف وبري اللاماب ومرابيع أمتداد ناصر بالفنان الرائع علي إيراهيم اللحو فهو أبنها وقد يكون اللحو معروف لديهم أكثر مما يلم به أهله في مويس وشندي ..
على إبراهيم إنسان بكل ما تحمل هذه الكلمة من معاني قبل أن يكون فنان وأعتقد هذا هو الشئ جعل له محبة في قلوب الناس الصغير قبل الكبير ..
لك تحياتي وتشكراتي أخي محمد على هذا المرور وخليك قريب
Post: #33 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:31 PM Parent: #32
Quote: غايتو يا خالد جيت قبيل واستمتعت بالسايق الفيات
تعرف دى أول مرة أسمعها ... كنتم دايما بتغنوها فى الانجمامة 2 مع بنت طلحة
سماح قمر سبعتين وإدوّر يا سلام عليك يا سماح وتحياتنا إليك سلااام وتحملها لك حمامة السلام وتسلمي يا سماح ...
نعم قصيدة أو أغنية سايق الفيات لها عندي بالذات ذكريات جميلة من زمن طفولتي وكنت أحب أن أستمع لها. لدرجة أني كنت إذا كانت تُدار في الراديو وحينها وأرسلوني لمرسال أقرب أن أقول لأمي طيب أغلقي الراديو حتى أمشي وأجي لأستمع لها...
ولصوت اللحو وقع عميق في نفسي أحب ان أستمع له في كل ساعة في كل وقت ..
سماح كترنا عليك الدروب للمساسقة لكن لا أفتر الله لك حرفاً وما تغيبي
مودتي
Post: #34 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:37 PM Parent: #33
Quote: ود المنسي الما منسي
جميل هذا التوثيق وأذكر أن والدي يقول أن هذا الفنان يملك تطريب نادر
كنت قد استمعت لمرثية عوض الكريم القرشي وبحثت عنه كثيرا أتمنى أن يكون طرفكم
تسلم إيدك
الأخ الحبيب سامر عثمان مرحب بناس أم درمان بقعة المهدي ومهد الفن والحضارة ( الجامعة )
نعم يا سامر مرثية القرشي ومرثية الهندي الشريف هي من كلمات وأداء وألحان هذا القامة الشامخة ( اللحو )
لك تحياتي وتشكري على مرورك السمح الجميل
مودتي
Post: #35 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:42 PM Parent: #34
في معلومة للتصحيح فقط بمر بالرماش عندما اكون جاى من السوكي متجه سنجة والعكس لانو بعيدة شوية من الفرقات دى .
بعدين لاخمنا سماح سماح سماح سماح يا ريت تقرأ القصيدة دى وتشوف الجمال عندنا بدون البودرا بتاعة ناس سماح الكلو يوم داعكين بيها وجوهن تلقى الايادي سمراء والوش ابيض .
بالجد انا احلى من الاغنية دى ما سمعت وإن كان لوضاحة راي اخر لانها بتسمع اغاني اجنبية بس واكان جاملتنا ساى بتسمع كاظم او ايهاب توفيق .
هييييييييييييييع اقدل بينا واسرح بينا واحلب البقرة الحلووووووب وسط مراحك - يا ربي تكون منى؟
عقيد الدندر وشيخ البردانة في خِدرها لك السلام يا عاشق الفيات وسايق الفيات ود شيقوق طلب وأرجو أن تلبيه وحتى تعم الفائدة أرجو منك خط سير الفيات محطة محطة والنقطة التي تحرك منها وانت من أهل تلك المنطقة وملم بكل زرة تراب فيها فهلا إستجبت يا شيقوق ؟
تحياتي ومودتي
Post: #36 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 05:46 PM Parent: #35
Quote: ياعرريب الجابك هنا شنو ..دة ما بكان حت بس سيوف وناس تتناقز...
شيخ الرطانة العزاز الباشمهندس أبوبكر سلاام وتحية طيبة تسلم يا أمير على مروك يا هندسة
تحياتي ومودتي
Post: #38 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 06:11 PM Parent: #36
Quote: معليش النصلح ليك دى والوابل معروف هو المطر الغزير.. بعدين بالرواقه جاييك لى سايق الفيات
الحبيب الرجل الجميل صديق الموج تحية سلااام تغطيك وتحفظك من كل شر يا صديق
في تبادي الأمر مشكور شديد يا صديق على التعديل وما كان تعتذر والله العظيم سعدت رسوخ الشئ يأتي بعد التعديل وألا ما كان للمعلم دور في حياتنا وأنت معلمنا في مناحي الفن يا صديق بحب أسمع أقرأ كل ما تكتب عن الفن ودوماً أجد فيه الفائدة من الكم المعلوماتي ونقول ماشاء الله
وكان أهلنا يقولون في المثل المعلومة في مدرمان وانتم أهل أمدرمان.
Quote: اما ود النزيهة وسليمان قلعه وعوض الجوهرة ومحمد خير قوار والنجومى وعثمان الشيخ وعبد البين .. ديل كلامهم برا.. انا شفت ود النزيهه عام 1976 وكنا ذهبنا للتعاقد معه على حفلة ووجدناه يهتم بغنم يملكها .. فقلت للشخص الانا جاى معاه: ياخى ده الفنان الجايبنى ليه من شندى ليه؟ فاجابنى لما تسمعوا فى العرس.. وقد كان .. هذا رجل يغنى اغانى الحماس والسيرة بطريقه تجعلك ترتجف من الطرب..ويستبد بك الطرب ولا شىء يشفى غليل طربك هذا.. غير صوت كارب او جدوة كما يقول اهلنا.. التحية لاهل شندى.. ولاهل شندى.. ولاهل شندى..وبخاصة اللحو.. ولك التحيات الطيبات وراجع ليك.. وكلنا من تلك النواحى،،،
الكلام دخل الحوش يا صديق أنت ود شندي عديل كدي وقد نسيت بعض عظماء الفن في شندي على الأمين عمر .. والفنان عثمان محمد بادي العمدة عم العمدة عباس الجاك والثنائي بادي الأمين وسر الختم بادي وضناب والفنان الرائع آدم الزاكي والثنائي بابكر سيدأحمد وفاروق الشريف ( كما يحلو لناس شندي تسميتهم جوز الباتا من تكرارهم في الحفلات لأنهم كانا يغنيان مجاناً ) يا سلام يا صديق أهجت فينا الحنين لتلك المنطقة وجمال أهلها وحنينهم هناك الحال مغير جد.. وفورة الناس تفوت الحد ..وكان حجازو مدَّ اليد .. بتسمع كع.
صديق أخي الفاضل خليك قريب وتعال صادي لي سايق الفيات حرّم ما واصلها بعد كلامك دا تفندها لي حتّا حتّا وأنا موت في مثل هذه الأشياء ومنتظرك وما بخليك بلحقك بالماسنجر كان تأخرت
ولك منى أجمل التحايا
Post: #39 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: salma subhi Date: 04-30-2008, 06:24 PM Parent: #38
الأستاذ الفنان علي إبراهيم اللحو
تحياتناأخ خالد كل التقدير
Post: #37 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: محمد عثمان Date: 04-30-2008, 05:53 PM Parent: #1
الاخ خالد..
بوست جميل متاابعين معااك و برضو انشاء الله يدنا حتكون معاك..
يديك العاافية..
Post: #40 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 06:31 PM Parent: #37
Quote: الأستاذ الفنان علي إبراهيم اللحو
تحياتناأخ خالد كل التقدير
حمامة السلام تسلمي على المرور والإهداء الجميل
تحياتي
Post: #41 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 06:34 PM Parent: #40
Quote: الاخ خالد..
بوست جميل متاابعين معااك و برضو انشاء الله يدنا حتكون معاك..
يديك العاافية..
الفاضل محمد عثمان سلاام وتحية طيبة بكم يزداد جمال البوست للثوثيق لهذا الرجل الإنسان قبل أن يكون فنانا ومطرب في إنتظار المشاركة يا محمد ولك جل تحياتنا
Post: #42 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Moawia Mohammed Date: 04-30-2008, 06:56 PM Parent: #1
يا سلام عليك يا ود المنسي
يا سامر
Quote: كنت قد استمعت لمرثية عوض الكريم القرشي وبحثت عنه كثيرا أتمنى أن يكون طرفكم
Post: #44 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 07:52 PM Parent: #42
صديق الموج الجميل أهلنا زمان ماعرفو ضبطو المثل وقالوا ( الشدر الكُبار فوقو الصمغ ) لكن بنقول العقول الكُبار فوقا الصمغ تسلم يا الموج ويسلم فوك والله قلت وأفدت وهذا هو المرام والقصد
تعرف يا الموج شايفك زغت من هذا المقطع بحكم انك ولد أم درمان وماعهدتو هذا المنظر.. خلو لينا نحن أولاد الريف. كلابكم ألفت السيارت وحركتها فصارت لا تلقي لها بال العربية ماشة والكلب راقد يهوزز في ضنبو.
شقا حشا الطريق وإتيمم الحللال زفنو الكِلاب ما نالن إلا علال فاضلات ثواني قُلال بينك والغروب داك مشرع الشلال يا السايق الفيات
Post: #45 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 08:01 PM Parent: #42
Quote: يا سلام عليك يا ود المنسي
الأخ معاوية سلاام تسلم يا رائع
شكراً علي المرور المدعّم بالإهداء لمرثية ودالقرشي
تحياتي
Post: #47 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 08:39 PM Parent: #45
تغنى وأنشد الفنان اللحو الكثير من قصائد الرثاء وهي المنـــــــاحة في قاموسنا السوداني. وقد قال الشاعر أبن الروم عندما سألوه ماهي أجمل أشعاركم معشر الشعراء ؟ قال الرثاء لأننا ننظمه وقلوبنا مفجعة ...
من المناحات التي أنشدها اللحو ( عمدة كلي أب جديري ) و ( مناحة ود القرشي ) و ( مناحة الشريف الهندي ) وغيرها قد يكون.
كانت تنظم المناحة قديما. وتنظم بالذات في حالة موت عظيم أو عظيمة شأن بين الناس.وتنظم المرثية بعد الوفاة لكن لا تنشد وتقال حتى موت أول شخص في الحي أو المدينة ويومها تنشد المناحة.
عادة ينظم المناحة أحد أقارب الميت وأن لم يكن يمكن أن ينظمها أي شخص ملم بصفاته. يقال أنه عندما توفى عمدة كلي ( وكلي هي قرية غرب شندي ) ..وكان رجل معروف بكريم خصاله وزاع صيته من حد البلد سافلاً لي حد البلد صعيداً. وكان معروف بأسم أب جديري وكان رجل وقف الحديث عنده ولم يتخطاه. كان له بنتان ( شما وزينب ) ويقال أنهما كانتا لا تجيدان نظم الشعر فأستعانتا برجل عرف بنظم الشعر فنظم لهما المناحة التي من ضمن كلماتها بقول الشاعر ( أب عاجات اللحو ) فصار لقب لفنانا الجميل علي إبراهيم. وقد أشتهر في تلك المنطقة أعني منطقة شندي وضواحيها الكثير من العمد والرجال جمعت بينهم صفات كريمة من شجاعة وكرم ومرؤة وقوة شكيمة وعدل وفراسة وحسن خلق وغيرها من الصفات الجميلة.
أذكر منهم على سبيل المثال ولا حصرا فهم كُثر .. وحسب ما وصل إلي مسامعي وقد أظلم من لم أسمع به فأرجو العذر والعفو في ذلك واني لأيقن أنهم كُثر وفي كل بقاع السودان كافة.. أذكر منهم عمدة شندي محمد بادي ومن بعده عقبه أبنه الجاك محمد بادي .. عمدة كلي أب جديري .. عمدة الجوير ودضبعة ..عمدة البسابير أب شامة .. عمدة حجر العسل ودبليلو وغيرهم كما قلت كثُر.
عمدة كلي هو الذي سوف نتناول كلمات مناحته ( أب عاجات اللحو )
Post: #46 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: صديق الموج Date: 04-30-2008, 08:09 PM Parent: #1
Quote: تعرف يا الموج شايفك زغت من هذا المقطع
خالد العزيز تحياتى ما زغت انا عدلت فقط الابيات الفيهم اخطاء مطبعيه والدايرات شرح فقط... عشان تعدل انت فى النص النزلتو.. لك الحب،،،
Post: #48 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 08:42 PM Parent: #46
Quote: خالد العزيز تحياتى ما زغت انا عدلت فقط الابيات الفيهم اخطاء مطبعيه والدايرات شرح فقط... عشان تعدل انت فى النص النزلتو.. لك الحب،،،
بمزح معك يا جميل وعليك الله خليك قريب البوست محتاجك شديد يا الموج وما تغيب .. سوف أعدل النص بإذن الله
Post: #51 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 08:55 PM Parent: #48
Quote: شقا حشا الطريق وإتيمم الحللال زفنو الكِلاب ما نالن إلا علال فاضلات ثواني قُلال بينك والغروب داك مشرع الشلال يا السايق الفيات
تعرف يا صديق هذه المقطع فيه لوحة جميلة ومشهد معهود نراه في القرى التي قلَّ ما تمر فيها سيارة .. تجد أول ما مرت سيارة تقاطرت الكلاب من حدب تجاها ويسرع سائقها فعلاً ما تنال ألا علال .. وكأني أرى هذا المشهد أمامي وتاكسي حسن خضر يشق دروب قرية مويس وسكنو الكلاب وما نالن ألا علال.
Post: #49 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 08:50 PM Parent: #46
منسي ضو القبيلة ومقنع الكاشفات وحبيب سماح
Quote: عقيد الدندر وشيخ البردانة في خِدرها لك السلام يا عاشق الفيات وسايق الفيات ود شيقوق طلب وأرجو أن تلبيه وحتى تعم الفائدة أرجو منك خط سير الفيات محطة محطة والنقطة التي تحرك منها وانت من أهل تلك المنطقة وملم بكل زرة تراب فيها فهلا إستجبت يا شيقوق ؟
اصلا الرحلة يقال من سنجة وكان الراكبون على الفيات هم العبادي ومعه الشاعر ود الرضى الذي كان يعمل وقتها موظفا مع الانجليز في خزان سنار ومع هولاء الشعراء المخضرمين كان عمك نابري وهو من وجهاء مدينة سنجة وقتئذ . الرحلة اصلا بشارع ترابي موازي النيل الازرق من جهة الغرب يمر بحي من احياء سنجه اسمو 14 و14 دى اسمها ( عليك الرسول تغشاني) لان ناس الولعة ما بفتوها لازم ينجمو فيها ويشربوا ليهم عبار عبارين وينعدلوا اها بعد 14 بيمروا بقرية الرايات ومن الريات طوالي قرية الرماش حيث تقيم الجميلة هوندا وهي من اسرة متواضعة جدا ساكنة في قطية مزينة ببيضة نعام وقد كان اهل الرماش يشربون من ماء النيل الازرق - بعد الرماش تمر رحلتهم الى الشلال ولكن بزاوية عادة الى الشمال منهم وبعد الشلال تنزل طوالي بنطون السوكي ليقلك الى مدينة السوكي .
جدير بالذكر ان الضابط يونس محمود الذى كان يقدم برنامج ( ايها الشعب السوداني البطل) هو من قرية ناس هوندا هذه اى الشلال .
Post: #50 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: علوبه Date: 04-30-2008, 08:51 PM Parent: #1
ده نضم حروفه كلام وكلامه كتر وينك يا خالد يا مك على ابراهيم بيغنى غنى زول شبعان طرب ورويان حنين على ابراهيم بيطرب اولا نفسه ثم يطربنا بطربه لنفسه على ابراهيم بيحلق بيك فى زمان لايمكن ان تنساهو
استمتاع .... وطرب ..... ووذوبان حتى النسيان
بجيك راجع
تقبل سلام د.هاشم بانقا
Post: #52 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 09:00 PM Parent: #50
Quote: ده نضم حروفه كلام وكلامه كتر وينك يا خالد يا مك على ابراهيم بيغنى غنى زول شبعان طرب ورويان حنين على ابراهيم بيطرب اولا نفسه ثم يطربنا بطربه لنفسه على ابراهيم بيحلق بيك فى زمان لايمكن ان تنساهو
استمتاع .... وطرب ..... ووذوبان حتى النسيان
بجيك راجع
تقبل سلام د.هاشم بانقا
ناس المتمة علكم طيبين الحبيب علوبة سلااااام كتير وتحيات طيبات فعلاً اللحو يطرب نفسه وهذا ما يميز أداءه الجميل وجمال تطريب الصوت عنده يقدح في القلوب الشوق فتميل النفس طربا ...
تحياتي لهاشم بانقا
Post: #53 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 09:08 PM Parent: #52
الحبيب عقيد الدندر والله تعرف أكثر ما يشدني لحديثك هو تطعيم الكلام بحلاوة لسانك متعك ربي بصحة وعافية يا شيقوق ..
وصحت البلفا .. يا سلام زمان أقولوا ليك أبلفو أي أخدعه بطريقة حلوة هذه الأغنية يا شيقوق في مفردات تهز البدن هز إتيامن الرماش
إتيمم الحللال
منك بعيد جبدا
أردوني ما بدرا
زفنو الكلاب
شئ يولع بي الزول عديل يا شيقوق
رحمة تغشى الشاعر العبادي وصحة وعافية تغطي الفنان اللحو
Post: #54 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 09:48 PM Parent: #53
Quote: والله تعرف أكثر ما يشدني لحديثك هو تطعيم الكلام بحلاوة لسانك متعك ربي بصحة وعافية يا شيقوق ..
لكن ما جاب مريسة ام زين يا المنسي اخوى .
حرم اللسان لسانك والبلفة بلفتك الحمام يجي يسيكك حولك سااااااى الا تنشو منك شبعااااااااااااان ومستغني وما بتعاين بوراك ولا عندك حتى فضل الظهر . الله يملأ خشمك طين يا سجم الرماد البخيت في
Post: #55 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 09:59 PM Parent: #54
Quote: لكن ما جاب مريسة ام زين يا المنسي اخوى .
حرم اللسان لسانك والبلفة بلفتك الحمام يجي يسيكك حولك سااااااى الا تنشو منك شبعااااااااااااان ومستغني وما بتعاين بوراك ولا عندك حتى فضل الظهر . الله يملأ خشمك طين يا سجم الرماد البخيت في
ما تقول لي من كان عنده فضل ظهر فليعد به لمن لا ظهر له
دي ما سبقك عليها زول يا الملسط المسنوح كتلتني بي الضحك ... شكيتك علي شيخي تور الجريف
شيل كل الظهور بس خلي لي حق الخرتوم
شيقوق انت شفتا هُندا ؟؟
Post: #56 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 10:13 PM Parent: #55
Quote: شيقوق انت شفتا هُندا ؟؟
ما تخاف الله الكلام ده الخمسينات نحن ما ولدنا يا منسي لكن شفت بيتها وجلست تحت ضل هجليجة حقت ابوها
Post: #57 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 10:21 PM Parent: #55
كما ذكرت سابقاً أن موطن الفنان علي إبراهيم ومرتع صباه كان في قرية مويس .. مويس تلك القرية الحالمة التي يجمع من سكنوها حنين وحميمية .. في هذه القرية سكنت عائلات تمددت في تناسلها حتى صارات أفخاد عظم كبرها .. الفدوساب ( آل فدويس ومنهم والدة اللحو ).. الدماماب ( أولاد سليمان وددمامة ومنهم والد اللحو ).. الفزعاب ( آل فزع ) .. الناصراب ( آل ناصر ) الحضور ( آل الحضري ) الزبيدة وسكنو مويس في نهاية الستينيات .. وسكنوها من يسمونهم ناس مويس العرب وهم أسر جاءت من الخلا شرق شندي وضواحيها وأستقروا قرب النيل في كل القرى .. والإزيرقاب ( آل الأزرق ) وسكنو مويس وودالحاج .. الكنوز ..وغيرهم من العائلات الصغيرة .. والنسيج الاجتماعي في قرية مويس ظل دوماً متماسك متين كما حدث تصاهر بين العائلات مما جعلها نسيج موحد ..
Post: #58 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 10:25 PM Parent: #57
له شيقيقان هما عبدالرازق الأخ الأكبر وهو مستقر في القضارف .. وشقيق اصغر منه هو جعفر إبراهيم مستقر في مويس . تزوج علي إبراهيم من أهل والدته (وأسم والدته أم الحسن ) من الفدوساب
Post: #59 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 10:29 PM Parent: #58
Quote: ما تخاف الله الكلام ده الخمسينات نحن ما ولدنا يا منسي لكن شفت بيتها وجلست تحت ضل هجليجة حقت ابوها
دحين انت في الخمسينيات ما كنت مالي جيبك بي أبو الرقيع قر قر قر قر
Post: #60 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 04-30-2008, 10:37 PM Parent: #59
أذكر مرة في سهرة تلفزيونية ذكر الرائع اللحو أنه نزل المعاش الأختياري من قوات الشعب مطلع الستينات برتبة شاويش ... له علاقات واسعة داخل الوسط الفني وخارجه وكما تميزت علاقته الوطيدة مع أهل بري ولها فيها صدقات واسعة والعارف والقريب من اللحو يعرف أنه شخص يدخل لقلبك دون إستئذان بتلك البسمة التي تعلو وجهه قبل ان ينطق مرحباً بك وتواضعه طريقته في الحياة التي تمتاز بالبساطة
Post: #61 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 04-30-2008, 10:43 PM Parent: #57
الاخ خالد محجوب المنسي
اسمح لي ان اهدي هذه الاغنية للاستاذة الجميلة والرائعة سماح
سماح يا السمحة نوارة فريقنا انت العسل النشفت ريقنا
Post: #62 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: وضاحة Date: 05-01-2008, 04:49 AM Parent: #1
صبحات ندية خلودى
والباقين المشاركين ماعدا شيقوق
بالله نشفت ريقك اصبر
بوست رائع بالجد
تسلم خلودى
اناوالله الماعارفة تقول ليها شنو
Post: #63 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 08:51 AM Parent: #62
Quote: صبحات ندية خلودى
والباقين المشاركين ماعدا شيقوق
بالله نشفت ريقك اصبر
بوست رائع بالجد
تسلم خلودى
الأخت الماعارف نقول ليها شنو تحية طيبة سلاااام تسلمي على المرور وهذا الإطراء الجميل إن شاءالله يطيب لك المقام بيننا
تحياتي
Post: #64 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 09:19 AM Parent: #63
Quote: الاخ خالد محجوب المنسي
اسمح لي ان اهدي هذه الاغنية للاستاذة الجميلة والرائعة سماح
سماح يا السمحة نوارة فريقنا انت العسل النشفت ريقنا
ودشيقوق عقيد الدندر الدار كلها باب لك وأرتع وخت الفأس علي كتفك وبوّح غادي بوّح غادي نم فوق البعجبك زين ....؟
تحياتي
Post: #65 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: محمد عثمان Date: 05-01-2008, 09:28 AM Parent: #1
الكنينة مع رميه..اخر version
Post: #66 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 10:30 AM Parent: #65
الحبيب الفاضل / محمد عثمان يا سلام يا محمد أطربتنا بهذا التسجيل وهي قريب جداً من طريقة الأداء التي سجل بها اللحو الأغنية في الإذاعة ويا سلام لو نجد ذلك التسجيل القديم ...
لو أمكن لينك الحفط لو بقدورك ونكون شاكرين
Post: #67 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 10:37 AM Parent: #66
Post: #68 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 10:51 AM Parent: #67
نقل اللحو الكثير من أشعار المنطقة ( شندي وضواحيها ) ولحنها وتغنى بها فأطرب السودان وجعل شعبه يتمايل معه طرباً ... تغنى برائعات ود النزيها ( الكنينة .. وغزلية وين الرايق يا فنية ) .. كما تغنى بمناحة عمدة كلي .. ومناحة عمارة ود المك ( لواي سلسلن قاهرن بلا تحنيس ) وغيرها من أشعار المنطقة وكان يدفعه لذلك حب المنطقة وإنسان المنطقة وتراب المنطقة التي تنسمه عشقاً حرك مشاعره فخرج لنا تطريباً يهيج المشاعر ويذيبها ...
Post: #69 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 11:54 AM Parent: #68
رميات رباعيـــــة ( الدوبيت ) أجاد اللحو هذا الضرب من الفن وقد ساعده في ذلك قوة صوته وحسن الأداء ( وكذلك مهنة الرعي في صغره ) أضغط مفتاح التشغيل للإستماع
Post: #70 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 12:05 PM Parent: #69
اللاموني ما شافّو المتنّى صبيطو لا بفطروبو بدري ولا عليهيو ببيتو السبب الخرب قلبي بعد تثبيتو وقدلاتّو المن الجيران وطالب بيتو
بتجيك بي مهل وبي حنان تتكّل والصندل مرشرش وبي القرنفل عكّل يا حلات توبو الشفون ومشكل بي حشمة وأدب يقدل غزال البركل
Post: #71 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 05:38 PM Parent: #70
لحين ميسرة من الله بنرجع
Post: #72 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 06:28 PM Parent: #71
وأيضا من الرميـــــات
المو باني ليك ولا صارف عليك موجود كلامو ليك زي خنق الحبل في العود الأرزاق مقسمة والعمر محدود والهوا عند كريماً بابو مو مسدود
أرباب دار جعل الفارس الأرباب وليك في قلبي تقدير وإحترام وحساب لوكان شعري في مدحك كتبتو كتاب تستاهل عشان أرباب وود أرباب
Post: #73 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-01-2008, 07:08 PM Parent: #72
كان لنشأته في الريف الأثر الواضح في تشكيل هويته الفنية وقد يستشف المستمع لأغنياته ذلك. نبرات صوته وتطريب الكلمات وتحريكها وحتى الجمادة منها والأعتماد على الحمحمة في الغناء وأبتكار لون خاص له يعطي الأغنية الكثير من روعة الجمال ( القوق قوق القمر القوق قوق ) ( وقلنا الصفقة يا الشباب ).
أثر طبيعة الريف في أداء اللحو مكنه من الأبداع في كل ماهو يمت إلى الريف الكلمة .. الحرف. فأجاد وأبدع في هذا اللون من الغناء .. وهذا لا يعني أنه لم يبدع في الغناء الحضر بل وأجاد أيضاً والأمثلة لا حصر لها نذكر منها .... ( شوف عيني الحبيب بي حشمة لابس التوب ) ..( السمحة نوارة فريقنا) .. ( الشرق لاح ) .. ( الطير الخداري ) .. وغيرها من روائعه الخالدة..
Post: #74 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-02-2008, 06:50 AM Parent: #73
لحين ميسرة من الله
Post: #75 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 05-02-2008, 07:47 AM Parent: #74
دحين الرطاني مشى وين؟
Post: #76 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-02-2008, 08:33 PM Parent: #75
Quote: دحين الرطاني مشى وين؟
حزين الباشمهندس للتعداد الذي تخطاه
Post: #77 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 05-02-2008, 09:12 PM Parent: #76
Quote: حزين الباشمهندس للتعداد الذي تخطاه
تفتكر حتى لو حاضر اكان ممكن يعدوهو؟ والله يبروهو ساااااااااااااى لانهم ما بعدوا الا القوي الامين وفقا لمعايير القوة والامانة الواردة في المشروع الحضاري
Post: #78 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-03-2008, 05:00 PM Parent: #77
نجد أن الفنان علي أبراهيم يمتاز بحضوره المسرحي العالي. فهو دوماً تراه يعبر عن ذلك بوجهه وبإبتسامة عريضة تعلو ولا تفارقه أبدا .. له وقفة مميزة وهو يحمل مايك الميكرفون بين يديه ثم لا يلبث أن ينقل المشاهد له وهو يغني لروعة عرضته الخفيفة وتجدها ( العرضة ) متماشية مع أيقاع الدوكا التي تهتز لها المشاعر طربا ...
فعلاً لإيقاع الدلوكا أثر كبير في النفوس يحرك فيها مشاعر دفينة .. تهتز لها الأبدان ولا يرتاح بال المستمع لهذا الضرب من الأيقاع إلا أن يعبر عن مشاعره بعرضة .. صوقيرة .. وإن كام من النوع الخجول تراه يثني عنقه إلى جنب مصتنت للإيقاع كما هو حال سائق لوري سفنجة في منعطف حاد ودايس علي الأبنص لي الصاجة ( التعبير شيقوقي ).
Post: #79 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 05-03-2008, 05:07 PM Parent: #78
Quote: ودايس علي الأبنص لي الصاجة
بالحيل عاجباك يا خلودى طيب ارسلها لفيصل برضو بيكون من عشاقها
Post: #80 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-03-2008, 06:14 PM Parent: #79
كما قلنا أن أثر الدلوكا قوي في المشاعر والنفس .. أذكر مرة في أيامنا الخوالي ونحن صغار .. كان عرس والفنان يترنم ويغني في أغنية دلوكا حارة شديد حملت كل عصي البلد وسط الدار تخالها تبني وتسقف بيت ( العصي فوق ) فيها المضبب .. والخزيرانة .. والسرهيتا .. والابنوس .. والمهوقنية .. وغيرها من العصي .. هاجت مشاعر عمي الحبيب ( تاج السر طه ) وأرجع له صدى الإيقاع سنين مضت أعادة له عنفوان شبابه ودخل الدارة خجاها خج شي عرضة وشي صوقير وقلب زيييييييين .. متع المشاهدين ومتع نفسه وهو خارج من الدارة قابلته زوجته عليها الرحمة .. وقالت له( يا راجل ما بتخجل دا شنو البتسوي في ) .. فما كان منه إلا ان رد لها والعرق يتصبب منه ( يامرة عليك الله طيري من قدامي الساعة دي .. الدلوكا دي لما تدق الحمار بتقوم لي شعرانية ).
Post: #81 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Osman Musa Date: 05-03-2008, 08:28 PM Parent: #80
الأخ صديق الموج سلامات وعوافى والله يا موج عندى شريط حق ودالنزيهة من سنة 1977 بينى بينك الشريط ده عندى اهم من جواز السفر . اها يا صديق عندى عمى عليه الرحمه فوق التمانين قال لى شغل لينا ودالنزيهة ... قلت ليه المسجل مافيه حجار . قال لى اول الزول ده محتاج حجر الزول ملان من بطاطير الخالق صوت يجيب الضال يا سبحان الله ..
Post: #82 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-03-2008, 09:52 PM Parent: #81
Quote: الأخ صديق الموج سلامات وعوافى والله يا موج عندى شريط حق ودالنزيهة من سنة 1977
عثمان موسى سلااام فعلاً ود النزيها كان يغني بدون مايكرفون وكان تلقى متلفح توبو ويوسع وما بقيف في مكان واحد بكون لافي شايل عصاتو بغني وبرجع في الناس لي ورى يوسع الدارة وصوتو يجلجل غزلية يابا السمح يا الزين غزلية وقول لي الملاقى متين غزلية متين العين تشوف العين
وغزلية يا سلمان ودالعويضية وغزلية يا باسبار ابوالعونية
Post: #83 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 05-03-2008, 10:04 PM Parent: #82
Quote: كما قلنا أن أثر الدلوكا قوي في المشاعر والنفس .. أذكر مرة في أيامنا الخوالي ونحن صغار .. كان عرس والفنان يترنم ويغني في أغنية دلوكا حارة شديد حملت كل عصي البلد وسط الدار تخالها تبني وتسقف بيت ( العصي فوق ) فيها المضبب .. والخزيرانة .. والسرهيتا .. والابنوس .. والمهوقنية .. وغيرها من العصي .. هاجت مشاعر عمي الحبيب ( تاج السر طه ) وأرجع له صدى الإيقاع سنين مضت أعادة له عنفوان شبابه ودخل الدارة خجاها خج شي عرضة وشي صوقير وقلب زيييييييين .. متع المشاهدين ومتع نفسه وهو خارج من الدارة قابلته زوجته عليها الرحمة .. وقالت له( يا راجل ما بتخجل دا شنو البتسوي في ) .. فما كان منه إلا ان رد لها والعرق يتصبب منه ( يامرة عليك الله طيري من قدامي الساعة دي .. الدلوكا دي لما تدق الحمار بتقوم لي شعرانية ).
اجازي محنك المسلط
Post: #84 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Balla Musa Date: 05-03-2008, 10:21 PM Parent: #83
أبوناصر
Post: #85 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Balla Musa Date: 05-03-2008, 10:27 PM Parent: #84
المك نمر
Post: #86 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 09:21 AM Parent: #85
لحين ميسرة من الله برجع لكما الجملين ودشيقوق وعثمان موسى ارقدو عافية يا الطيبين
Post: #87 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 01:34 PM Parent: #86
الأخ الحبيب عثمان موسى تحياتنا طيبات ترافقها العافية والصحة لشخك الكريم شكرا كتيييير على الأبداع بس لينا طلب مع أني مقصر معاك ما نزلت ليك صورة ود النزيها حسب ما طلبت مني فلك العذر وسوف ألبي الطلب قريب وعاجل
طلبنا يا الغالي لينك حفظ أغنية ناصر فوق ناصر وتسلم يا الراقي
تحياتي
Post: #88 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 01:45 PM Parent: #87
Quote: اجازي محنك المسلط
تعرف يا ودشيقوق كان عندنا واحد قريب أولاد خالتي من ناحية والدهم أسمه محميد وهو من جعلين ديم القراي يسكن في ام درمان قرب شارع الدومة ( ودنوباوي ).. هذا المحميد كان مغرم بغناء الدلوكا وبالذات غناء حميرا ( فنانة كبوشية ) .. وبدق ليها الدلوكا واحد أسمو دودو والله ياشيقوق الخرابة دا لما يهبق الدلوكا دي تنتل في قلبك جوه تف تف تف .. مرة كنت مع أبن خالتي لزيارة محميد في منزلة وكان يوم جمعة الساعة 9 صباحا .. كان منجدع في سرير فوق ضل الشاتي وخاتي المسجل تحت سريرو ويسمع في كاسيت ( حميرا ) المهم قدر ما خبتنا الباب ما أتحرك من بكانو في شان يفتح لينا .. أخيراً سمعوا بي الدق الناس الجوه وجاء أبنه فتح .. ابن خالتي قال له شنو ياودالعم ماداير تفتح لينا ؟ قال لي حرم ما سمتعت أنا مشغل شريط ( الست ) ومعاهو بغبي من الدنيا.
Post: #89 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 06:15 PM Parent: #88
قال الشاعر دكتور محمد بادي العكودابي .. في الدلوكا وكا أدرانا ما الدلوكا ... وكت تهبق الأعمى بسيل المكسر ...
قال : هووي يا وليد حصل صحاكَ عِز الهجعة صوت شتماً بعيــــد مخنوق وجاتك شخرة الطمباري مشتاقاً يسوي القوق ونومك طار وإتقسّم والرشرش صِبح مفروق وإتلفحتَّ نص من توبك الجرجار علي الدلوكا سايق سوق تلقى هِناك بنات بلدك وِلاد بلدك يعلو الصفقة تقدح في القلوب الشوق ونغم الفال .. أبشرن آ بنات بي الخير والجِنيات تطير لي فوق وكم زغرودة تتفجر تفور بي الناس بعدما تروق يعوم الوز ... صدورّو تشابي لي المجهول تميل زينوبا زي البان يمين وشمال تودي الطوق وأخوان أم شلخ .. ينكبّو جوه الدارا زي صقراً نزل من فوق ضرب الصوت والركزّا بفرز الناس عشان زينوبا مابتحوق وعاد تتحزم الجِنيات وتتنظم تقيف في روق وكل واحد يهز ضرعاتو والحِجبات تزح لي فوق جفير الخوسة فايت الحد وسيرو مع العضل مطبوق والطاقية تحت الحاجب المعقود هديت ام زين ومامشرية من السوق ويتقدم عريس السمحة رافع صوتو كان بسوقو بيهو النوق والعنجاوي ينزل فوق ضهورهم بس تقول منشحطى فيها بروق يبدأ مجرّو بي الترقوة ويتحدّر مع الضلع القُصار ملصوق وأحمر عين يشم الدم بعدما يرش بنات عمو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة ما يحجزو ألا يخلو ضهرو شقوق هناك الحال مغيُر جد وهيجة الناس تفوت الحد وكان حجازو مدَّ اليد بتسمع كــــــــــــــــع
Post: #90 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 06:24 PM Parent: #89
يا أخوانا كان رقتّو بوصف الشفتّو
( دا لناس شيقوق وأيمن الطيب )
Post: #91 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 06:40 PM Parent: #84
فوق ناصر بجر شعري ولِساني مطرّق جبلي الفيهو من العاديات بدرّق حصحاص البليلة الجوا فيها محرق أب صدراً مِتل بحر المحيط الغرق
Post: #92 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: ناذر محمد الخليفة Date: 05-04-2008, 07:19 PM Parent: #1
سلام يا منسي ..
نساهم معاك حاليا بي الصورة دي من يد الاستاذ عباس عزت :
وبعد داك في بوست كارب في مكتبتي عن اللحو الظاهر فيهو مشكلة لأني كل ما أحاول أفتحو الجهاز بيعلق معاي ويقفل الصفحات وخايف أجيبو هنا يخرب الموضوع ..
متابعين معاك ..
Post: #93 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 07:41 PM Parent: #92
Quote: وبعد داك في بوست كارب في مكتبتي عن اللحو الظاهر فيهو مشكلة لأني كل ما أحاول أفتحو الجهاز بيعلق معاي ويقفل الصفحات وخايف أجيبو هنا يخرب الموضوع ..
متابعين معاك ..
ناذر ولدنا سلامات يا طيب وكلك طيبة
مشكور في التبادي على الزيارة ومدعمة كمان ؟؟؟ تسلم
برضو ما بنخليك تجيب لينا من بوستك كل كلمة توثق وأكيد لديك معلومات تفيد ..
وتسلم يا ناذر وماتغيب وخليك قريب ( طيب ) ما تفتكرو الطيب شيقوق بقصد كويس
Post: #94 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-04-2008, 08:54 PM Parent: #93
يا أخوانا كان رقتّو بوصف الشفتّو شفتا الشعر جار لي حنتو التحتو
الزي فريع البان في الرقصة تتنّى وزي سواد الليل في إيديها دي الحنّة خطوة بي خطوة وبي روقا تتأنّى والنهود تهتز ياهو دا المجننَى
الشعر أسود زي سواد الليل والكِفيِل عالي طبعو خصرو نحيل والقديم مدبور في مشيها وحيل والصدير طامح علمنّي سهر الليل
في الخِشيم بسمة تنور الظلمى وفي الرقيص حشمة كالبانة منقسمّة تجلت الحكمة في قدرت الرسمة والعِطر فايح جابتو النسمة
Post: #95 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: الطيب شيقوق Date: 05-04-2008, 09:05 PM Parent: #94
Post: #96 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: ناذر محمد الخليفة Date: 05-05-2008, 05:29 AM Parent: #1
هذه الاغنية ..
Quote: يا أخوانا كان رقتّو بوصف الشفتّو شفتا الشعر جار لي حنتو التحتو
الزي فريع البان في الرقصة تتنّى وزي سواد الليل في إيديها دي الحنّة خطوة بي خطوة وبي روقا تتأنّى والنهود تهتز ياهو دا المجننَى
الشعر أسود زي سواد الليل والكِفيِل عالي طبعو خصرو نحيل والقديم مدبور في مشيها وحيل والصدير طامح علمنّي سهر الليل
في الخِشيم بسمة تنور الظلمى وفي الرقيص حشمة كالبانة منقسمّة تجلت الحكمة في قدرت الرسمة والعِطر فايح جابتو النسمة
الغريبة أول مرة أسمع هذه الاغنية كلنت في العام 1997 وللمفارقة سمعتها من شخص هندي عاش في السودان أكثر من ثلاثين عاماً ، وكان ذلك في أحتفال للطلبة السودانيين بإحدى المدن الهندية !!
وتلك قصة سأرويها عندما أعود ...
Post: #97 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-05-2008, 06:02 PM Parent: #96
Quote: الغريبة أول مرة أسمع هذه الاغنية كلنت في العام 1997 وللمفارقة سمعتها من شخص هندي عاش في السودان أكثر من ثلاثين عاماً ، وكان ذلك في أحتفال للطلبة السودانيين بإحدى المدن الهندية !!
وتلك قصة سأرويها عندما أعود ...
ناذر ودالخليفة تلهف أروحنا متشحتفة في أنتظار القصة
ما تغيب مع أني سمعت قلصت ساعات الجلوس على النت بعد القفص الذهبي
( وزارة الداخلية )
Post: #98 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-06-2008, 07:53 AM Parent: #97
لحين ميسرة من الله بنعود
Post: #99 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Osman Musa Date: 05-06-2008, 01:04 PM Parent: #98
اللحو اها وصف وصف
Post: #100 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-07-2008, 06:57 AM Parent: #99
عثمان موشى عاد أكتر من كدي وشفتا الشعر جــــــار لي حنتو التحتو
Post: #101 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-08-2008, 08:02 PM Parent: #100
منـــــــــاحة عمارة ودنمر
Post: #102 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-08-2008, 08:38 PM Parent: #101
هناك الحال مغير جد وفورة الناس تفوت الحد وكان حجازّو مدَّ اليد بتسمع كع
Post: #103 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-08-2008, 08:44 PM Parent: #102
ديل أهلي سمحين بالحيل السوانيين وأهل فال وكتال
Post: #104 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-08-2008, 08:54 PM Parent: #103
هناك الموت يمين شافوهو شوف العين ومافي شفيع ومافي مجير تقول الزول يعرف أجلو ومكان موتو لولا إنو ماكشفو الاله لغير
Post: #105 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-08-2008, 08:59 PM Parent: #104
أنا أخو البت اللكعّت قرن الخمرة النازّا علي ويردان الصبوة الراكزا الجنيات الهازّا صدورن لازّا ورق النص زي خيت الشللا
Post: #106 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: Osman Musa Date: 05-08-2008, 09:12 PM Parent: #105
كب العسل يا حبوب .. اها لامن الديك يصيح
Post: #107 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-10-2008, 09:12 AM Parent: #106
Quote: كب العسل يا حبوب .. اها لامن الديك يصيح
مرحباب ود موسى مع اللحو نسرح بعيد نجتر أيام راديو حبوتي بت الأمين ( الأسود ) مسويّا لي رف خشبي حتى لا تطاله أيدينا ( كنا مهابشين ) وبالذات أولاد عمي ( حنين .. محمد الحسن .. عليه رحمة الله والرحمة تنزلي عليهم أجمعين )
حين نسمعها ( الكنينة ) تقلب عمتنا عليها رحمة الله ( ست النفر بت محجوب ) وتوقع مع الأغنية مرددة كلمات كانت تلهب فينا الحماسة ( ااي كدي كدي وجيد لي ) ونحن نعرض زين لامن عرقنا يخر
Post: #108 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-14-2008, 07:40 PM Parent: #107
لحين ميسرة
Post: #109 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-14-2008, 08:04 PM Parent: #108
المتتبع لسيرة الفنان علي إبراهيم اللحو يلحظ أنه كان منفتح على كل بقاع البلد الحبيب تغنى بأغاني الشمال ( الكنينة وأب عاجات اللحو ) تغنى للغرب وعشقه كما تغنى للشرق وعشق الجنوب ... كانت له علاقات واسعة مع كل شعراء بلادي وكان له حب خاص للشاعر الراحل عوض الكريم القرشي وحب كلماته وتغنى بها ( عدت يا عيدي بدون زهور ) هذه القصيدة الجميلة ومن لايدري قصتها يصعب عليه فهم كلماته رغم بساطتها وسوف نتطرق لقصتها لاحقاً
متعك ربي بالصحة والعافية يا اللحو
Post: #110 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-22-2008, 04:47 PM Parent: #109
شوف عيني الحبيب بي حشمة لابس التوب
Post: #111 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-22-2008, 06:19 PM Parent: #110
شوف عيني الحبيب بي حِشمة لابس التوب والتوب زاد جمالك زينة ياالمحبوب
شوف عيني الحبيب مرَّ ورأيت قدرو في كُل البنات أنا مابشوف قدرو الشافوهو جنّو وجنو مانسترّو قالوا الزول دا غالي ونحن ماقدرّو
جود لي يادهر بي مرورو تاني قليل وخليني النشوف الله خالقو جميل أشوف الشعر شعرو السبيب وطويل وأسرح فوق جمال مارأيتلو مثيل
إختار التياب منجمة الألوان والزوق السليم الأصلو كان برهان ياأخوانا الجمال موجود في كُل مكان لكن الجمال الأصلي في السودان
توبو في التياب ماشفنا أمثالو وإيه داعي الزعل لما النسيم شالو جمالك ياحلو ماجائز إهمالو لو شافو البريدوك يا جميل مالو
Post: #112 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-22-2008, 07:56 PM Parent: #111
أغنية شوف عيني الحبيب بي حشمة لابس التوب كانت أول أغنية سجلها الفنان علي إبراهيم اللجو في الإذاعة في مطلع الستينات وكان أول بث لها من خلال برنامج أشكال وألوان
والأغنية هي كلمات الشاعر الجميل الصادق الياس
Post: #113 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 05-23-2008, 02:07 PM Parent: #112
لحين ميسرة من الله بنرجع لكم
Post: #114 Title: Re: على إبراهيم اللحو .. بصمة في غناء الحماسة .. وصوت جهور تفرد به Author: خالد علي محجوب المنسي Date: 06-14-2008, 09:07 PM Parent: #113
