يا ابو ساندر..................... عليك الله تعال

يا ابو ساندر..................... عليك الله تعال


04-27-2008, 07:28 AM


  » http://sudaneseonline.com/cgi-bin/sdb/2bb.cgi?seq=msg&board=160&msg=1209277734&rn=78

Post: #1
Title: يا ابو ساندر..................... عليك الله تعال
Author: Safia Mohamed
Date: 04-27-2008, 07:28 AM
Parent: #0

ولا رايكم شنو يا جماعة
الزول دة ليه فترة طوييلة غايب من المنبر

دايرين نسالوا مالو
الحاصل شنو
والاهم عودته
عودا حميدا مستطاب

صفية
ام محمد
Post: #2
Title: Re: يا ابو ساندر..................... عليك الله تعال
Author: عاطف مكاوى
Date: 04-27-2008, 07:40 AM
Parent: #1

الأخت صافية
لك السبق
أفتقد صديقي العزيز
ولأني كنت الروميت بتاعو لفترة من الزمن
أستطيع أن أخمن أسباب اختفائه
فهي لا تخرج من كونها موقفا من صاحب الدار
وان كنت لا أعرف الأسباب.................!
Post: #3
Title: Re: يا ابو ساندر..................... عليك الله تعال
Author: Safia Mohamed
Date: 04-27-2008, 08:20 AM
Parent: #2

استاذ عاطف مكاوي
شكرا على الرد

Quote: وان كنت لا أعرف الأسباب.................!


كلنا ما عارفين لعل المانع خير
ونقولليه مناشدة بس تعال ارجع ان شاء الله تقول السبب
واذا عرف السبب بطل العجب ولا ما كدي يا جماعة

ام محمد
Post: #4
Title: Re: يا ابو ساندر..................... عليك الله تعال
Author: tayseer alnworani
Date: 04-27-2008, 08:48 AM
Parent: #3

Quote: كلنا ما عارفين لعل المانع خير



ابوساندرا
و ابو الكل
معقول الزول يخلى بيتو ويحردوا


معقول بس؟؟؟؟؟؟؟؟؟؟؟؟؟؟؟؟؟؟
Post: #5
Title: Re: يا ابو ساندر..................... عليك الله تعال
Author: Safia Mohamed
Date: 04-27-2008, 09:20 AM
Parent: #1

تيسير ازيك

وين ياخي
مشتاقين
افتقدناك في عرس سمرية
لعل المانع خير

Quote: معقول بس؟؟؟؟؟؟؟؟؟؟؟؟؟؟؟؟؟؟

مش

ام محمد
Post: #6
Title: Re: يا ابو ساندر..................... عليك الله تعال
Author: الجندرية
Date: 04-27-2008, 09:33 AM
Parent: #5

صفوية ازيك

امس قلت ليهو
شايفة ماهي اون لاين لكن ما بتدخل

اتاريني انا الغبيانة
ابوها زااااااتو بقى مابدخل وانا في هويدي ؟

يحرد لشنو لكن ؟
الغلط عليه منو ؟
Post: #7
Title: Re: يا ابو ساندر..................... عليك الله تعال
Author: Safia Mohamed
Date: 04-27-2008, 09:52 AM
Parent: #1

اماني
ازيكاخباركم شنو
ان ساء الله طيبين

Quote: هويدي ؟

دي ما فهمتها يا ام دس تبع الحدس حق حبوباتنا ولا شنو

Quote: يحرد لشنو لكن ؟
الغلط عليه منو ؟

اسئلة مرفوعة لجنابكم للرد ابو ساندر رد
بس اوعى تكون العيون حصل ليهم حاجة

في الانتظار
ام محمد
Post: #8
Title: Re: يا ابو ساندر..................... عليك الله تعال
Author: haroon diyab
Date: 04-27-2008, 10:02 AM
Parent: #1

ومازلنا في الانتظار

الاهداء لابوساندرا قبل التشفير....... ياحنين

شكرا دكتورة صفية
Post: #9
Title: Re: يا ابو ساندر..................... عليك الله تعال
Author: Ishraga Mustafa
Date: 04-27-2008, 10:58 AM
Parent: #8


ابوساندرا بهار البورد الحادق

لكن حردانو ده مابيشبه مواقفه الصنديدة

يا اخوى لمتين نتراجع
ولمتين نكتف يدينا عند اول {انهزام}


انتو قايلين البورد ده- كاحد وسائل التشبيك بينا- مجرد ونسة وتقضية وقت؟

ما اظن ابوساندرا فاهم كدى!! عندى حق؟

يازول جيب معاولك وسمادك وتعال ونحن فى الانتظار

وتسلمى ياصفية
ويسلم ابوساندرا لى ساندرا واخواتها ورشيدتهم الحلوة
Post: #22
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 12:52 PM
Parent: #8

Quote: شكرا دكتورة صفية

استاذ هارون لا شكر على واجب
صفية ام محمد
Post: #10
Title: Re: يا ابو ساندر..................... عليك الله تعال
Author: Safia Mohamed
Date: 04-27-2008, 02:09 PM
Parent: #1

Quote: انتو قايلين البورد ده- كاحد وسائل التشبيك بينا- مجرد ونسة وتقضية وقت؟


صح 100% يا دكتورة

تسلمي
ام محمد
Post: #11
Title: Re: يا ابو ساندر..................... عليك الله تعال
Author: حسن طه محمد
Date: 04-27-2008, 02:24 PM
Parent: #10


دكتورة صفية

لك التحية

وابو ساندرا زي السمك نمن يطلع من الموية.

بحصل ليه شنو ؟؟؟

وشكرا لك يا دكتورة ونحن معك علي الدوام

ويا ابا ساندرا ...... نحن في الانتظار
Post: #12
Title: Re: يا ابو ساندر..................... عليك الله تعال
Author: Safia Mohamed
Date: 04-27-2008, 02:56 PM
Parent: #11

QUOTE]وابو ساندرا زي السمك نمن يطلع من الموية.


سامع يا ابو ساندرا

مويتك ما تخليها
شكرا
أخ حسن
ام محمد
Post: #23
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 12:58 PM
Parent: #11

Quote: ويا ابا ساندرا ...... نحن في الانتظار
Post: #13
Title: Re: يا ابو ساندر..................... عليك الله تعال
Author: كمال سالم
Date: 04-27-2008, 04:26 PM
Parent: #1

الراجل إعتزل , قال التدريب أحسن من ( اللعب ) ,,






صفيه كيفنك ,, مشتاقين ,,
Post: #14
Title: Re: يا ابو ساندر..................... عليك الله تعال
Author: Emad Abdulla
Date: 04-27-2008, 05:18 PM
Parent: #13


Quote: عليك الله تعال
هنيالك ..
أيامك برتكان ..
يا ود الزمزمي ..
عليك النبي تجي .



....
كده و للا كده ؟؟
Post: #15
Title: Re: يا ابو ساندر..................... عليك الله تعال
Author: كمال علي الزين
Date: 04-27-2008, 05:56 PM
Parent: #14

Quote: يا ابو ساندر..................... عليك الله تعال


ياعمك بعد ماكنت قائد المظاهرات عشان عودة الجماعة أو إعادتهم ,

بقيت أنتا زاتك من الجماعة ,

يعني فعلاً بقيت :

عبدالرحمن بركات أبوقدورة حسين خليل هباني مصطفى محمود , الشهير (بأبوساندرا) ..؟

إسمك ده شكلو ماشي يطول أكتر من كده
Post: #25
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:04 PM
Parent: #15

استاذ كمال ازيك
وشكرا على المرور
Post: #24
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:02 PM
Parent: #14

Quote: يا ود الزمزمي ..
عليك النبي تجي

شكرا عماد
Post: #21
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 12:05 PM
Parent: #13

Quote: صفيه كيفنك ,, مشتاقين ,,

اهلين استاذ كمال

لكن والله ولا اعتزل ولا حاجة
غايتو كان اعتزل مفروض يعمل مؤتمر صحفي مش؟؟

ض
ام محمد
Post: #16
Title: Re: يا ابو ساندر..................... عليك الله تعال
Author: Alsa7afa_30
Date: 04-27-2008, 10:31 PM
Parent: #1



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #17
Title: Re: يا ابو ساندر..................... عليك الله تعال
Author: haroon diyab
Date: 04-27-2008, 10:47 PM
Parent: #16

شكرا....حسامو
وفعلا حبيناك من قلوبنا
وتعال ماتبتعد
Post: #27
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:11 PM
Parent: #17

Quote: شكرا....حسامو
وفعلا حبيناك من قلوبنا
وتعال ماتبتعد

شكرا استاذ هارون
هو بالله اسمو حسامو كان كدي النرد ليه تاني

صفية
Post: #26
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:07 PM
Parent: #16

يا الصحافة 30
ازيك ياخي
والف مرحب بيك اظنك اول مرة تجي ماري بشارع بيتنا لكن بجد اغنية في الصميم
ورينا بنزلو الاغاني كيف؟

ولا اقول ليك الصحافة ما بعيدة من العمارات بيتكم بي وين

صفية
Post: #18
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 06:32 AM
Parent: #1

ابو ساندر بعد الاغنية دي كلها وما داير تجي
عليك الله تعال



صفية
Post: #19
Title: Re: يا ابو ساندر..................... عليك الله تعال
Author: tayseer alnworani
Date: 04-28-2008, 11:36 AM
Parent: #18

سلامات الجميع كيفنكم

كتبت اشراقة الرائعة
Quote: ابوساندرا بهار البورد الحادق

لكن حردانو ده مابيشبه مواقفه الصنديدة

يا اخوى لمتين نتراجع
ولمتين نكتف يدينا عند اول {انهزام}

صدقت يا عزيزة و انا بضع ايدى مع ايدك

Quote: يازول جيب معاولك وسمادك وتعال ونحن فى الانتظار


شفت كيف فى قضايا كتيرة منتظرة الحوار
Post: #29
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:17 PM
Parent: #19

Quote: شفت كيف فى قضايا كتيرة منتظرة الحوار

مش يا تيسير
عليك الله
تعال بس اسمع الكلام دة وانشاء الله ترميه البحر

تعال

شكرا تيسير
Post: #20
Title: Re: يا ابو ساندر..................... عليك الله تعال
Author: بكري الخير
Date: 04-28-2008, 11:52 AM
Parent: #1

يلا يا ابو ساندرا استجيب لنداء صفية
Post: #30
Title: Re: يا ابو ساندر..................... عليك الله تعال
Author: Safia Mohamed
Date: 04-28-2008, 01:21 PM
Parent: #20

Quote: يلا يا ابو ساندرا استجيب لنداء صفية

بكري ازيك
الليلة التخريج
كرتي ما وصلني رسلوا لي ايميليا

تحياتي
اها يا ابو ساندرا ما ليك حق

انا خايفة تكون ما بتخش ولا بامس زائر تبقى عووجة كبيرة لانك كان بس سمعت الاغنية دي كان جيت
كدي يا جماعة زول يضرب ليه تلفون
باقي الاتصالات من السودان غالية

صفية
Post: #28
Title: Re: يا ابو ساندر..................... عليك الله تعال
Author: Ammar Eldaw
Date: 04-28-2008, 01:17 PM
Parent: #1

ياكبير

أجبر بخاطر الناس البتحبك دي .







تجي ولا نجي ؟؟

سلام يا أم محمد
Post: #32
Title: Re: يا ابو ساندر..................... عليك الله تعال
Author: Safia Mohamed
Date: 04-29-2008, 06:02 AM
Parent: #28

الله يسلمك يا عمار
Quote: تجي ولا نجي ؟؟

شكرا
Post: #31
Title: Re: يا ابو ساندر..................... عليك الله تعال
Author: عاطف مكاوى
Date: 04-28-2008, 02:16 PM
Parent: #1

يا دكتورة صباح الخير بتوقيتنا
ومساؤه ان كنت بشرق الله الباردة
(الغريب أنهم يقولون شرق الله الباردة في حين
أنها قلاية...فما هي الأسباب؟)
* علي كل...وحسب معرفتي به التي تتفوق علي معرفته هو لنفسه
بدأت أبحث عن أسباب توقفه, وأول ما بدأت به هو البحث عن
كل بوستاته الآخيرة, وبما أنني من قرائه المواظبين فقد قمت
بالبحث حتي الصفحة العاشرة للأسف لم أجد له عدد بوستان كنت
من قرائهما...فقلت لنفسي :
اذن هذى هي الأسباب خاصة وأن قلم الأستاذ أبوساندرا واضافة
لرشاقته فهو من الأقلام التي لا يمكن أن يندى حبرها بما يسئ
لذا يجب البحث عن لماذا قام الباشمهندس بسحبهما...قد يكون
عن طريق الخطأ الغير مقصود ...وعلي كل حال الأسباب في محفظة
بكرى وهو الوحيد الذى يمكن أن يفيدنا في أمرهما !

_______________________________________
أرجو أن أكون قد ساهمت... في سبر غور أسباب الاختفاء.
Post: #33
Title: Re: يا ابو ساندر..................... عليك الله تعال
Author: Safia Mohamed
Date: 04-29-2008, 06:33 AM
Parent: #31

اهلين استاذ عاطف
Quote: يا دكتورة صباح الخير بتوقيتنا
ومساؤه ان كنت بشرق الله الباردة
(الغريب أنهم يقولون شرق الله الباردة في حين
أنها قلاية...فما هي الأسباب؟)


ينعم صباحك خير يسعد مساك النور
بكدة نكون طلعنا من تخصيص الصباح والمساء

Quote: * علي كل...وحسب معرفتي به التي تتفوق علي معرفته هو لنفسه
بدأت أبحث عن أسباب توقفه, وأول ما بدأت به هو البحث عن
كل بوستاته الآخيرة, وبما أنني من قرائه المواظبين فقد قمت
بالبحث حتي الصفحة العاشرة للأسف لم أجد له عدد بوستان كنت
من قرائهما...فقلت لنفسي :
اذن هذى هي الأسباب خاصة وأن قلم الأستاذ أبوساندرا واضافة
لرشاقته فهو من الأقلام التي لا يمكن أن يندى حبرها بما يسئ
لذا يجب البحث عن لماذا قام الباشمهندس بسحبهما...قد يكون
عن طريق الخطأ الغير مقصود ...وعلي كل حال الأسباب في محفظة
بكرى وهو الوحيد الذى يمكن أن يفيدنا في أمرهما !


حتى ولو كان تحليلك في محلو فاننا هنا ننشاد ابو ساندر بالعودة الطوعية لان كتابته ليست ملكه وحده بل ملك الاف القراء وهم بانتظاره

الطوعية دي اولا اها بعد داك بنرسل ليه وفد مفاوضات لو ما نفع بنشن عليه حربا ضروسا دفاعا عن حقنا وحق الاخرون في قراءة ما يكتب.
ام محمد
Post: #34
Title: Re: يا ابو ساندر..................... عليك الله تعال
Author: عثمان دغيس
Date: 04-29-2008, 06:40 AM
Parent: #1

أقدر إتخيل السودان بدون مشاكل ..
وأقدر إتخيلو بدون نيل زاتو ..
وأقدر إتخيل العربية ماشية بدون ماكينة وبدون جير ..
وأقدر إتخيل البحار والمحيطات بدون سمك ..
والسمك حاااااايم في اليابسة ..
وأقدر إتخيل الخرطوم بدون زحمة وبدون نشالين وبدون سخانة في شهر مايو ..
وأقدر إتخيل الكيزان خلوا السفسفة والإستنكاح .. واللف والدوران ..
وأقدر إتخيل وجود أبراج في قرية الصالحة تفوق إرتفاعاً وتطوراً عن تلك التي في الجميرة وفي هونج كونج ..





لكن إتخيل المنبر العام لسودانيز أون لاين بدون أبو ساندرا ....!

دي صعبت علي خالس خالس ...

المنبر ده مافي شيي شجعنا عليهو غير أبو ساندرا وبعض الأقلام الأخري ..
وأبو ساندرا ده المنبر العام بالنسبة ليه موضوع أساسي وجزء لا يتجزأ من شغله الشاغل ..
وهو بيعتبر كل الزملاء في المنبر أخوانه وأصحابو الحقيقيين ..
والذين إستغنى بهم عن كل من حوله من الأصدقاء والزملاء الحاضرين أمام ناظريه من غير المنبريين ..
(ناظريه دي طبعاً قبل العين الشمال يطعنوه فيها حقنه...!)

الزول ده بالجد بيعتبر سودانيزأونلاين بيته التاني لو لم يكن الأول ...
وبيحمل مودة ومحبة خالصة ومعزة خاصة جداً لبكري أبوبكر ..
وبيعتبره من خاصته ..
إذن وبتحليل بسيييييييييييييط ..
يكون تقديره وحبه لبكري وراء عدم تقبل خذلان بكري له ..

ولا شنو يا أخوانا ..!!
عثمان دغيس
خبير قانوني
وتحت تحت بتاع سايكولوجي ...!!
Post: #35
Title: Re: يا ابو ساندر..................... عليك الله تعال
Author: Safia Mohamed
Date: 04-29-2008, 07:19 AM
Parent: #34

استاذ عثمان سلام
Quote: قدر إتخيل السودان بدون مشاكل ..
وأقدر إتخيلو بدون نيل زاتو ..
وأقدر إتخيل العربية ماشية بدون ماكينة وبدون جير ..
وأقدر إتخيل البحار والمحيطات بدون سمك ..
والسمك حاااااايم في اليابسة ..
وأقدر إتخيل الخرطوم بدون زحمة وبدون نشالين وبدون سخانة في شهر مايو ..
وأقدر إتخيل الكيزان خلوا السفسفة والإستنكاح .. واللف والدوران ..
وأقدر إتخيل قطر ودول الخليج بدون بترول ويشحدوا في الشارع ..
وأقدر إتخيل وجود أبراج في قرية الصالحة تفوق إرتفاعاً وتطوراً عن تلك التي في الجميرة وفي هونج كونج ..





لكن إتخيل المنبر العام لسودانيز أون لاين بدون أبو ساندرا ....!

دي صعبت علي خالس خالس ...

المنبر ده مافي شيي شجعنا عليهو غير أبو ساندرا وبعض الأقلام الأخري ..
وأبو ساندرا ده المنبر العام بالنسبة ليه موضوع أساسي وجزء لا يتجزأ من شغله الشاغل ..
وهو بيعتبر كل الزملاء في المنبر أخوانه وأصحابو الحقيقيين ..
والذين إستغنى بهم عن كل من حوله من الأصدقاء والزملاء الحاضرين أمام ناظريه من غير المنبريين ..
(ناظريه دي طبعاً قبل العين الشمال يطعنوه فيها حقنه...!)


يا سلام عليك يا عثمان دي اجمل كلان اتمتب في حقك يا ابو ساندرا
اها بعد دة كلو قوم ما تجي
Post: #36
Title: Re: يا ابو ساندر..................... عليك الله تعال
Author: esam gabralla
Date: 04-29-2008, 09:24 AM
Parent: #1

سلام صفية

زولك ده بكون فتر ساكت من الكبر، وعمل الحكاية سبة يزوغ بيها ... خلوهو يشيل نفس و بجى راجع

يا عجوز وين قصصكم ديك بتاعت
طويل كالمدى نفسي واتقن حرفة النمل

نفسكم بقا كبنقة ما يتمها

دى حالة دى؟

القصص دى عاوزة مباصره مختلفة

افتحوا التاويل و الخيال وبعض العبثية
Post: #37
Title: Re: يا ابو ساندر..................... عليك الله تعال
Author: Safia Mohamed
Date: 04-29-2008, 10:36 AM
Parent: #1

ازيك يا عصام

Quote: يا عجوز وين قصصكم ديك بتاعت
طويل كالمدى نفسي واتقن حرفة النمل

ابو ساندرا
كيف صفية
Post: #38
Title: Re: يا ابو ساندر..................... عليك الله تعال
Author: Safia Mohamed
Date: 04-29-2008, 11:49 AM
Parent: #1

Quote: دى حالة دى؟
Post: #39
Title: Re: يا ابو ساندر..................... عليك الله تعال
Author: haroon diyab
Date: 04-29-2008, 06:39 PM
Parent: #38

وباذن الله
وقريبا جدا
ولقربي منه
ولثقتي فيه
سيعود....
وسيعود....
اجمل من ماكان
ويعود معه كل الجمال
والاشراقات ....
وحينور المنبر الذي بهتت اضاءته في بعده....
وحاجد من يوانسني....
حبيب الكل
وشيخ البورداب
واجمل الحلوين
ياحنين
Post: #40
Title: Re: يا ابو ساندر..................... عليك الله تعال
Author: رأفت ميلاد
Date: 04-29-2008, 07:34 PM
Parent: #39

والله يا معلم كان أضمن لى بوست زى ده أزوغ ليك شهر
Quote: معقول بس؟؟؟؟؟؟؟؟؟؟؟؟؟؟؟؟؟؟
Quote: ويسلم ابوساندرا
Quote: ويا ابا ساندرا ...... نحن في الانتظار
Quote: عليك الله تعال
Quote: يا ود الزمزمي ..
عليك النبي تجي .
وحبيناك من قلوبنا .. وشنو .. ياحلو
عاد يا صفية برجع كيف .. بكون هسة لاصق فى الكمبيوتر ويدندن وخاتى التلفون جمبو

مين زيك ياإبن خالتى

تعال بالدس تم لى بوستى داك .. عماد طبعآ كالعادة ما قلت سعادتو .. لكن صلاح ما مقصر
Post: #41
Title: Re: يا ابو ساندر..................... عليك الله تعال
Author: tayseer alnworani
Date: 04-29-2008, 08:22 PM
Parent: #40

Quote: يلا يا ابو ساندرا استجيب لنداء صفية
يا ابو ساندرا استجيب

Quote:
ياكبير

أجبر بخاطر الناس البتحبك دي .


معقول بس الخواطر دى كلها ما شايفة و لا شنو ؟؟؟؟؟؟؟؟؟؟؟؟؟؟؟؟؟
Post: #44
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 06:48 AM
Parent: #40

Quote: والله يا معلم كان أضمن لى بوست زى ده أزوغ ليك شهر
Quote: معقول بس؟؟؟؟؟؟؟؟؟؟؟؟؟؟؟؟؟؟

Quote: ويسلم ابوساندرا

Quote: ويا ابا ساندرا ...... نحن في الانتظار

Quote: عليك الله تعال

Quote: يا ود الزمزمي ..
عليك النبي تجي .

وحبيناك من قلوبنا .. وشنو .. ياحلو
عاد يا صفية برجع كيف .. بكون هسة لاصق فى الكمبيوتر ويدندن وخاتى التلفون جمبو

مين زيك ياإبن خالتى

تعال بالدس تم لى بوستى داك .. عماد طبعآ كالعادة ما قلت سعادتو .. لكن صلاح ما مقصر

استاذ رافت
ازيك

شكرا على المرور

مش عليك الله ما عندو حق
خلى الدار مسيخة

كل سنة وانت طيب

صفية
Post: #42
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 06:18 AM
Parent: #39

Quote: ولثقتي فيه
سيعود....
وسيعود....
اجمل من ماكان


نتمنى ذلك شكرا هارون
Post: #43
Title: Re: يا ابو ساندر..................... عليك الله تعال
Author: عثمان دغيس
Date: 04-30-2008, 06:29 AM
Parent: #1

شنو يا عمك ..!
ما خلاص كفاية يا خي ..
ألعن أبو دي زعلة دي ..
حولا ...!
زاد الشوق علينا
أريت يا غالي تسمع ..
أرحم حال قلوبنا ..
وعشان خاطرنا ترجع
عشان الريدة ترجع ...!!
Post: #45
Title: Re: يا ابو ساندر..................... عليك الله تعال
Author: حسن طه محمد
Date: 04-30-2008, 06:49 AM
Parent: #43


يا ابا ساندرا

انت لسه ما بريت قلم الرصاص

ياخي اكتب بالقلم الجاف


ونحن في انتظارك
Post: #55
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 02:28 PM
Parent: #45

Quote: يا ابا ساندرا

انت لسه ما بريت قلم الرصاص

ياخي اكتب بالقلم الجاف


ونحن في انتظارك

شكرا حسن

نحن في انتظارك

صفية والبقية
Post: #47
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 07:23 AM
Parent: #43

Quote: شنو يا عمك ..!
ما خلاص كفاية يا خي ..
ألعن أبو دي زعلة دي ..
حولا ...!
زاد الشوق علينا
أريت يا غالي تسمع ..
أرحم حال قلوبنا ..
وعشان خاطرنا ترجع
عشان الريدة ترجع ...!!

شكرا عثمان
Post: #56
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 02:51 PM
Parent: #43

Quote: شنو يا عمك ..!
ما خلاص كفاية يا خي ..
ألعن أبو دي زعلة دي ..
حولا ...!
زاد الشوق علينا
أريت يا غالي تسمع ..
أرحم حال قلوبنا ..
وعشان خاطرنا ترجع
عشان الريدة ترجع ...!!

اهيلن ومرحب استاذ عثمان
يا محامي وسيكولوجيست مع انهن ما بتلمو مع بعض
المحامي ليه بالمحسوس السيكولوجست ليه باللا محسوس هاهاها


شكرا ليك مرة تانية
ابو ساندر وحات الناس البتعزك من غير اجندة خفية تعااااااال

صفية
Post: #46
Title: Re: يا ابو ساندر..................... عليك الله تعال
Author: عادل سهل
Date: 04-30-2008, 06:51 AM
Parent: #1

هارون دياب من المقربين

وأعتقد دغيس كذلك

فالتكهنات بأن يكون جرى للزعيم تشفير أصبح غير وارد

إذن بقى إحتمالين :

زعلة ، ودى إنشاء الله تتم دورتها وتنتهى ؛ رغم إنها طالت شوية يازعيم

أو موقف تضامنى ، كما فعل أحد الزملاء وذكر أنه سيعلق مشاركاته حتى عودة المفصولين ، وأعتقد نفذ ذلك.

يعنى بإختصار أبو ساندرا طبيب نفسه بيده العلاج وسيد قراره.

بس نتمنى بوست كارب للعودة

وتقوموا يا هارون تعملوا لينا رحلة ثانية بهذه المناسبة

و حرم ما تقولو حاجة حق الفنانيين على.



إزيك يا دكتورة صفية.









شيخ العرب
Post: #48
Title: Re: يا ابو ساندر..................... عليك الله تعال
Author: tayseer alnworani
Date: 04-30-2008, 07:50 AM
Parent: #46

صفية سلامات

فوق الى ان يعود ابوساندرا
Post: #49
Title: Re: يا ابو ساندر..................... عليك الله تعال
Author: haroon diyab
Date: 04-30-2008, 07:51 AM
Parent: #46

كتب شيخ العرب الدكتور / عادل سهل

Quote: هارون دياب من المقربين

وأعتقد دغيس كذلك

فالتكهنات بأن يكون جرى للزعيم تشفير أصبح غير وارد

إذن بقى إحتمالين :

زعلة ، ودى إنشاء الله تتم دورتها وتنتهى ؛ رغم إنها طالت شوية يازعيم

أو موقف تضامنى ، كما فعل أحد الزملاء وذكر أنه سيعلق مشاركاته حتى عودة المفصولين ، وأعتقد نفذ ذلك.

يعنى بإختصار أبو ساندرا طبيب نفسه بيده العلاج وسيد قراره.

بس نتمنى بوست كارب للعودة

وتقوموا يا هارون تعملوا لينا رحلة ثانية بهذه المناسبة

و حرم ما تقولو حاجة حق الفنانيين على.



إزيك يا دكتورة صفية.









شيخ العرب


وطبعا ماخليت اي حاجة .....!
وياشيخ العرب وحاتك كملت الكرم.....
وياصحافة
ومحمد الطيب
وساني
وشباب المنبر
يلا شدو الهمة
شيخ العرب خته ليكم الكورة في ملعبكم
والدنيا اخر شهر
والجيوب عمرانة
احتفالا جميلا بعودة الجميل
لنحتفل....
بس هو ماظهر لحي حسع مالوا .....؟
ماقال بجي ...مالو ماجاء....؟
شكرا ياعادل
والفروسية فاقداك ....
جنس حلل اليومين ديل......!

التحايا
هارون دياب
Post: #50
Title: Re: يا ابو ساندر..................... عليك الله تعال
Author: حليمة محمد عبد الرحمن
Date: 04-30-2008, 08:12 AM
Parent: #49

ابو ساندرا
النبي فوقك كان ترجع هسع..
اديها صنة شوية كمان..
______________
تخريمة جانبية..
غايتو..ايامك ...
من دلع .. لدلع..
Post: #51
Title: Re: يا ابو ساندر..................... عليك الله تعال
Author: tayseer alnworani
Date: 04-30-2008, 08:19 AM
Parent: #50

هو لسه ما رجع يا صفية

أبو البنات بالغت شددددددددددددديد
Post: #52
Title: Re: يا ابو ساندر..................... عليك الله تعال
Author: Emad Abdulla
Date: 04-30-2008, 09:02 AM
Parent: #51


ياااااااا أبّو كبير ( و ده كلام أهلنا البقارة .. و هو قمة في التدليل و التعظيم .. يا أبّو ) ..
إنت يا زول ماك مسلم وللا كيف ؟؟
هسه ( تعال ) دي البيقولنها ليك كل حسان الدنيا الهنا ..
في زول عاقل كده بياباها ؟؟
قالوا صاحب العقل يميز ..
و بعدين دي حمبكة ما بتشبهك , مش قبل كده حصل الحصل ؟؟ ..
( و دي غنية قعدات سمحة يسألني الله , و تقول قمة مقاطعها :
تحت الشدر .. حصل الحصل , ثم تتبعها المغنية المغناج بواحد دلع أبوكديس : ووووب عليّ أنا .. كُر عليّ أنا .. أحييي أنا ) ..
و هكذا تتصاعد الغنوة بشتنةً حتى تعرف الله واحد يا ود اللذين .
المهم ..
شغلك ده كان مكابرة لناس إتوقفت .. فدي مقاومة ميتانة يا اللخو .. عشان تكافؤ قطبي القيامة الرابطة مفقود ..
أها سيد العدة الفيهو إنعرفت .. فأخير تلٍم جكوكك عليك و باقي صحانة الطلس دي المطرقعة دي ..
يعني يكونوا وقفوهم حمرة عين , و وقفت إنت عنقدة ؟؟ .. أها و بعد داك ؟ .. كسبنا شنو يعني ؟؟
إن كمان واقف لتثبيت موقف من الحاصل , برضو ما ظابطة ..
أخير منو تضرب عن الطعام و تاخد محاليل وريدية ( و حقن كيف كيف , و في حتات أصلو ما لافقه ) ..
أما لو كمان لشي في نفس ياغوب .. تكون بااااالغت ..
ياغوب المسيكين ده يا كافي البلا .. نفيستو دي ما توسعوها ليهو شوية !! ( زيها و زي أي زمة أبو لستك بتاعت الزمن ده ) .

يا زول شغلك ده بتاع ( فقدان حنان ) ..
و علاجو حار سئيلي الله .. ( كي ما بتتكوي بعد ده .. مخير الله عليك ) ..
غايتو للضمان كده السنمكة بتجيب نتيجة ..
و في العدم أعمل لبخة حلبة في الحتة المحمبكة ..
بتتفش بإذن واحد أحد ..

و تعال .
Post: #53
Title: Re: يا ابو ساندر..................... عليك الله تعال
Author: hamid murahid
Date: 04-30-2008, 09:59 AM
Parent: #52

يا جماعه إزيكم ....

الموضوع في غاية البساطة ... أبو ساندرا ، لا هو زعلان و لا شي ..بس مزرور ، زرة (كلب في طاحونة) أصل الحكاية الايام دي ما فاضي للكي بورد ... مشغول بقطيع البصل و بدل (الفاره) ماسك (المفراكة)!! إنتو ما عارفين رشيدة سافرت إجازة و الاخ ماسك (دادة) بيبي ستر!! و محاصر بتجهيز البيت للبنيات .... يغسل و (يهوفر) و يفرش و يكوي و الحاصل عليه (راحة بخيت). الفصاحة ديك كلها كملت الله يكون في عونه ... ما تدعوا بعودته ، لكن أدعوا برجوع رشيدة في أول طيارة !! أصله عينة أبو ساندرا ده غيبة المدام تلقاه قاطع بنزين في أول مطعم فول و لابس الجلابية بالقلبة!!
Post: #54
Title: Re: يا ابو ساندر..................... عليك الله تعال
Author: tayseer alnworani
Date: 04-30-2008, 10:35 AM
Parent: #53

Quote: أصله عينة أبو ساندرا ده غيبة المدام تلقاه قاطع بنزين في أول مطعم فول و لابس الجلابية بالقلبة!!



اها شفته يا ابو ساندرا تقلت علينا لم جبت لى روحك الكلام .

بالطريقة دى بتشمت فينا عماد عبدالله و عصام جبر الله و ما خفى اعظم
Post: #61
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 08:22 AM
Parent: #50

Quote: ابو ساندرا
النبي فوقك كان ترجع هسع..
اديها صنة شوية كمان..
______________
تخريمة جانبية..
غايتو..ايامك ...
من دلع .. لدلع..


استاذ حليمة
ازيك
والله دي اجمل تعليق
صحي امكن استعمال الاتجاه المضاد ينفع كدي النجرب وصفتك دي
الرسول كان تجي حسع
اصلهم قالو الرجالة ا'فال صغار تقولي ليهم ما تعملوا كدي يقومو يعاندو ويركبو راسهم

شكرا ليك على المرور

ام محمد
Post: #57
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 03:18 PM
Parent: #46

Quote: هارون دياب من المقربين

وأعتقد دغيس كذلك

اعتقد كذلك
Quote: فالتكهنات بأن يكون جرى للزعيم تشفير أصبح غير وارد

إذن بقى إحتمالين :

زعلة ، ودى إنشاء الله تتم دورتها وتنتهى ؛ رغم إنها طالت شوية يازعيم

أو موقف تضامنى ، كما فعل أحد الزملاء وذكر أنه سيعلق مشاركاته حتى عودة المفصولين ، وأعتقد نفذ ذلك.

والله في كل الاحوال هو ما عنده حق نحن في انتظار مؤتمر صحفي نناقشة وبعد داك نشوف

Quote: يعنى بإختصار أبو ساندرا طبيب نفسه بيده العلاج وسيد قراره.


وهو المفيد والمطلوب اثباته

Quote: بس نتمنى بوست كارب للعودة

دة يبقى دين عليك لما يرجع ابو ساندرا

Quote: وتقوموا يا هارون تعملوا لينا رحلة ثانية بهذه المناسبة

و حرم ما تقولو حاجة حق الفنانيين على.

وفي دي نحن برة اللعبة يعني نحن نتعب ونشقى وانتو تجنو النتائج حال كل دول العالم النامي هاهاهاها

Quote: إزيك يا دكتورة صفية.

اهلا وسهلا

نورت الدار
ابقى صادي
سلام
Post: #66
Title: Re: يا ابو ساندر..................... عليك الله تعال
Author: عادل سهل
Date: 05-01-2008, 10:16 AM
Parent: #57

يعنى والله بالغتى يادكتورة

قمتى "كوتيها" كلها لو الزول عايز ينط من حرامه دا ما يلقى طريقة.

واخوى هارون برضو زماااان بصم عليها بالعشرة.

ابشر ياود دياب وتاني حرم الا تنطوا إنتوا

بس الله يجيبو بالعافية.












ـــــــــــــ
لكن يادكتورة البوست الكارب نحن طالبنو من المحتفى به بمناسبة العودة مش أنا
Post: #58
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 03:37 PM
Parent: #1

Quote: صفية سلامات

الله يسلمك يا تيسير
Post: #59
Title: Re: يا ابو ساندر..................... عليك الله تعال
Author: Safia Mohamed
Date: 04-30-2008, 03:54 PM
Parent: #1

Quote: وطبعا ماخليت اي حاجة .....!
وياشيخ العرب وحاتك كملت الكرم.....
وياصحافة
ومحمد الطيب
وساني
وشباب المنبر
يلا شدو الهمة
شيخ العرب خته ليكم الكورة في ملعبكم
والدنيا اخر شهر
والجيوب عمرانة
احتفالا جميلا بعودة الجميل
لنحتفل....
بس هو ماظهر لحي حسع مالوا .....؟
ماقال بجي ...مالو ماجاء....؟
Post: #60
Title: Re: يا ابو ساندر..................... عليك الله تعال
Author: معتصم محمد صالح
Date: 04-30-2008, 04:34 PM
Parent: #59

يا ابو ساندر..................... عليك الله تعال
Post: #62
Title: Re: يا ابو ساندر..................... عليك الله تعال
Author: عثمان دغيس
Date: 05-01-2008, 08:27 AM
Parent: #1

صفية .. الصفية

عندي إقتراح :

نقوم كلنابإعلان أننا بصدد تقديم إستقالات جماعية في حال عدم عودته في موعد أقصاه ثلاثة أيام ...!
رأيك شنو ورأيكم شنو يا أخوانا ..!

أها برضو ح نهون عليك با أبو الحلوات ...؟!!
Post: #63
Title: Re: يا ابو ساندر..................... عليك الله تعال
Author: tayseer alnworani
Date: 05-01-2008, 08:41 AM
Parent: #62

Quote: نقوم كلنابإعلان أننا بصدد تقديم إستقالات جماعية في حال عدم عودته في موعد أقصاه ثلاثة أيام ...!
رأيك شنو ورأيكم شنو يا أخوانا ..!


موافقون
Quote:

أها برضو ح نهون عليك با أبو الحلوات ...؟!! /QUOTE]



الله يستر
Post: #64
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 09:00 AM
Parent: #1

تيسير
ازيك
Quote: أبو البنات بالغت شددددددددددددديد

جنس مباغة هي
Post: #65
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 09:52 AM
Parent: #1

استاذ عماد
ازيك

Quote: ياااااااا أبّو كبير ( و ده كلام أهلنا البقارة .. و هو قمة في التدليل و التعظيم .. يا أبّو ) ..
إنت يا زول ماك مسلم وللا كيف ؟؟
هسه ( تعال ) دي البيقولنها ليك كل حسان الدنيا الهنا ..
في زول عاقل كده بياباها ؟؟

انا عارف
هن وينن السان غايتو الا تمشي تجيبهن لينا انت


Quote: و بعدين دي حمبكة ما بتشبهك , مش قبل كده حصل الحصل ؟؟ ..

ايوا تلك
ما بتشتبه بقلبه الكبير وحبه للناس وحب الناس ليه

Quote: ( و دي غنية قعدات سمحة يسألني الله , و تقول قمة مقاطعها :
تحت الشدر .. حصل الحصل , ثم تتبعها المغنية المغناج بواحد دلع أبوكديس : ووووب عليّ أنا .. كُر عليّ أنا .. أحييي أنا ) ..

هاهاهاه
Quote: اها شفت يا ابو ساندرا
و هكذا تتصاعد الغنوة بشتنةً حتى تعرف الله واحد يا ود اللذين .
المهم ..

شفت كيف الشغل الناعم دة يا ابو ساندرا
غايتو كان ما جيت بعدد ة تبقى كارثة حقيقية

Quote: شغلك ده كان مكابرة لناس إتوقفت .. فدي مقاومة ميتانة يا اللخو .. عشان تكافؤ قطبي القيامة الرابطة مفقود ..

صح


Quote: أخير منو تضرب عن الطعام و تاخد محاليل وريدية

لذيذة اضراب عن الطعام
مش لما يكون في طعام اولا
ما سمعت الجماعة قالو رشيدة مافي
يكون دة المزعلوا يا ربي؟؟

Quote: أما لو كمان لشي في نفس ياغوب .. تكون بااااالغت ..
ياغوب المسيكين ده يا كافي البلا .. نفيستو دي ما توسعوها ليهو شوية !! ( زيها و زي أي زمة أبو لستك بتاعت الزمن ده ) .

ما اظن زولنا دي صافي زي الحليب


Quote: يا زول شغلك ده بتاع ( فقدان حنان ) ..
..
لو كان كدة دي هينة نجند كل الناس الحينية رجال وحريم هاها جندر وكدة

Quote: و تعال .

وخو المفيد
Post: #68
Title: Re: يا ابو ساندر..................... عليك الله تعال
Author: wadalzain
Date: 05-01-2008, 12:02 PM
Parent: #65







من امثال اهلنا فى غرب السودان

- كان داير تخرب فنجرتك غير منزلتك

- كل شوكاى بسلو بدربو

- شغل دى نط ولا شراب مريسه

- سماحة المطموره حوايل وسماحة البقر شوايل وسماحة النسوان نفايل وسماحة الرجال قبايل

- دواس كان عجباك اندس

- الليك ياهو الليك كان لبن عشر احلبو فى عينيك

- الكلام الحلو بمرق الدبيب من جحرو

- الشبع بعمل بعبعه والزعل بعمل طرومه

- الراجل ضرس بحمل الحلو والمر

- الدواس بغبينتو

- دواس بلا غبينه ولا بجى

- الدنيا ام سفيريك كما كتلاك بوريك

- الدنيا دواره يوم ترضيك ويوم ترميك

- الدنيا سدايه ورضايه

- ابدرباتا فى راسا بعرف خلاصا
Post: #67
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 12:02 PM
Parent: #1

أستاذ حامد
سلام


Quote: الموضوع في غاية البساطة ... أبو ساندرا ، لا هو زعلان و لا شي ..بس مزرور ، زرة (كلب في طاحونة) أصل الحكاية الايام دي ما فاضي للكي بورد ... مشغول بقطيع البصل و بدل (الفاره) ماسك (المفراكة)!! إنتو ما عارفين رشيدة سافرت إجازة و الاخ ماسك (دادة) بيبي ستر!! و محاصر بتجهيز البيت للبنيات .... يغسل و (يهوفر) و يفرش و يكوي و الحاصل عليه (راحة بخيت). الفصاحة ديك كلها كملت الله يكون في عونه ... ما تدعوا بعودته ، لكن أدعوا برجوع رشيدة في أول طيارة !! أصله عينة أبو ساندرا ده غيبة المدام تلقاه قاطع بنزين في أول مطعم فول و لابس الجلابية بالقلبة!!


والله كان كدي ساهلة
نضرب حسع لرشيدة ونقول ليها عودي

شكرا ليك مرة اخرى


اها يا ابو ساندرا تبقى في جنس البهدلة وشيلة الحال دة كان رجعت ما كان اخير ليك
Post: #69
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 12:18 PM
Parent: #1

Quote: يعنى والله بالغتى يادكتورة

قمتى "كوتيها" كلها لو الزول عايز ينط من حرامه دا ما يلقى طريقة.

واخوى هارون برضو زماااان بصم عليها بالعشرة.

ابشر ياود دياب وتاني حرم الا تنطوا إنتوا

بس الله يجيبو بالعافية.


الف مرحب بيك مرة اخرى يا استاذ عادل
طبع ما معانا نط
ادها ودود

بس زي ما قلت يرجع بالعافية
Post: #70
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 12:49 PM
Parent: #1

معتصم ازيك
Quote: يا ابو ساندر..................... عليك الله تعال

كدي بالاوال النسالك
عرفت كيف تسحب القروش
طبعا بوستات زي دي شعرا ما عندنا ليه رقبة

وبعدين وين انت مسجل غياب في الفترة الاخيرة
اكيد بتلملم في القروش


شكرا لتكرار النداء
صفية ام محمد
Post: #71
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 01:08 PM
Parent: #1

Quote: عندي إقتراح :

نقوم كلنابإعلان أننا بصدد تقديم إستقالات جماعية في حال عدم عودته في موعد أقصاه ثلاثة أيام ...!
رأيك شنو ورأيكم شنو يا أخوانا ..!

أها برضو ح نهون عليك با أبو الحلوات ...؟!!

استاذ عثمان
سلام
موافقين والله

تحت تحت قلبي يدق ساي كان زولك ما جاء وخزلنا نقبل وين
عليك الله يا ابو ساندرا ما تخلينا نحس الخوف تعال قبل الاتلاتة يوم ما تخلص سمح

والله انا خايفة تكونو مدبرنها مع بعض

شكرا مرة تانية

خارج النص:

قلت لي ماشي استكهولم
يا ريت نحن في ديك الساعة هاهاها

صفية أم محمد
Post: #72
Title: Re: يا ابو ساندر..................... عليك الله تعال
Author: كمال سالم
Date: 05-01-2008, 01:14 PM
Parent: #1



غايتو ياصفيه عماد عبدالله خلخل ليك حنانو ! ماخلى ليهو جنبه يتخارج بيها ,,
بعد ده ياأبوساندرا بطل ال..... العلقنه وتعال داخل ,,[/B]
Post: #73
Title: Re: يا ابو ساندر..................... عليك الله تعال
Author: فيصل عثمان الحسن
Date: 05-01-2008, 01:32 PM
Parent: #72

تحياتى دكتورة صفية .
أبو ساندرا دا زمان وكت ينادوهو بقولو ليهو , تعال ياولد تجيك
الطاوية حبالا , تقعدو تحنسوهو كدا ولا بجيكم , تعالوا نجرب معاهو
الطاوية حبالا .
أجبر خاطر الناس وأولهم صفية دى , وانا عارفك زول أرباب .
Post: #74
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 01:46 PM
Parent: #1

استاذ كمال

ازيك
Quote: غايتو ياصفيه عماد عبدالله خلخل ليك حنانو ! ماخلى ليهو جنبه يتخارج بيها ,,

والله نتمنى ذلك

شكرا على المرور
Post: #75
Title: Re: يا ابو ساندر..................... عليك الله تعال
Author: Safia Mohamed
Date: 05-01-2008, 01:55 PM
Parent: #1

استاذ فيصل
ازيك

Quote: أبو ساندرا دا زمان وكت ينادوهو بقولو ليهو , تعال ياولد تجيك
الطاوية حبالا , تقعدو تحنسوهو كدا ولا بجيكم , تعالوا نجرب معاهو
الطاوية حبالا .

كدي النحاول الوصفة الجديدة دي

تعال يا تجيك الطاوية حبالا
هي شني هي الطاوية حبالها

صفية
Post: #76
Title: Re: يا ابو ساندر..................... عليك الله تعال
Author: Safia Mohamed
Date: 05-03-2008, 02:17 PM
Parent: #1

الزول دة لسع ما جاء

؟؟؟؟؟؟؟؟؟؟؟؟؟؟؟؟؟؟؟؟
Post: #77
Title: Re: يا ابو ساندر..................... عليك الله تعال
Author: عبد المنعم سيد احمد
Date: 05-03-2008, 02:50 PM
Parent: #76

ابو ساندرا(فرع الاقليات)
هاهو صديق من الزمن الجميل
يشرفنا بالحضور..
الزعيم(الحلوانى)
محمد ابوقصيصة بيننا
فلنرحب به
Post: #78
Title: Re: يا ابو ساندر..................... عليك الله تعال
Author: Safia Mohamed
Date: 05-04-2008, 09:26 AM
Parent: #1

اهلين عبد المنع
سمعنا قالو ابو ساندرا رجع يا ربي؟

الف مرحب بابو قصيصة
صفية
Post: #79
Title: Re: يا ابو ساندر..................... عليك الله تعال
Author: أبو ساندرا
Date: 05-05-2008, 09:30 AM
Parent: #1

أهلآ صفية
وضيوفها الكرام
صديقات وأصدقاء
وخاصة
كلكم
وبالأخص شريكة صفية ، تيسير النوراني
والمشرك الأخر عماد عبدالله
وصديق الضيق هارون دياب
كل الحب

في الحقيقة قادت صفية وتيسير نقاش طويل
حول ضرورة محافظتنا على وجودنا في المنبر
سوف أعكس ذلك الحوار هنا ، في بوست أخر
نضع فيه النقط فوق الحروف

أمهلوني قليلآ
Post: #80
Title: Re: يا ابو ساندر..................... عليك الله تعال
Author: Safia Mohamed
Date: 05-05-2008, 09:34 AM
Parent: #79

ابوساندرا..لوماجيت البورد؟!
Post: #81
Title: Re: يا ابو ساندر..................... عليك الله تعال
Author: عثمان دغيس
Date: 05-05-2008, 10:52 AM
Parent: #1

أوووووووووووووووووووووووووووووووووووه ...!
أخيراً بنت ....؟!؟!؟!؟!؟!؟!
الحمد لله على سلامة العودة ..
تشكري يا صفية الصفية على المجهود الخارق من أجل رجوع البروف.........

والله يا دوب البورد إستعاد عافيته ..
أول شيئ تحكي لينا الوقفك شنو ؟؟
وجابك ياتو كلام ؟؟؟
ومشكلتك من البداية كانت شنو ؟؟
ونت بتقرانا ولا لأ ؟؟؟
Post: #82
Title: Re: يا ابو ساندر..................... عليك الله تعال
Author: Safia Mohamed
Date: 05-05-2008, 11:37 AM
Parent: #1

Quote: أول شيئ تحكي لينا الوقفك شنو ؟؟
وجابك ياتو كلام ؟؟؟
ومشكلتك من البداية كانت شنو ؟؟
ونت بتقرانا ولا لأ ؟؟؟

اشتاذ دغيس
سلام
دي زكرتني (قروشك ديل كمهن والانقضى منهن كمهو والباقي بضي قدر شنو) "بوست سابق"
اها يا ابوساندرا حردتك دي قدر شنو والانقضى منها كمهو والباقي بيحكي قدر شنو؟؟؟؟
Post: #83
Title: Re: يا ابو ساندر..................... عليك الله تعال
Author: haroon diyab
Date: 05-05-2008, 11:42 AM
Parent: #1

شكرا....
دكتورة صفية
Post: #84
Title: Re: يا ابو ساندر..................... عليك الله تعال
Author: Safia Mohamed
Date: 05-06-2008, 08:25 AM
Parent: #1

لا شكر على واجب استاذ هارون