( سندس ) واستبرق وحلو أساوره الشيخ / الصافى بن جعفر فى الرياض !!

يقولون اتى الشيخ / بن جعفر هالمرة مبشرا بالحلم الذى صار حقيقة ..

يقول : رغم ماسمعة من إساءات وشتائم لم يزده ذلك إلا إصرارا وعزيمة

يقول : دائما من يخرج للعمل العام لابد وان يتحمل ويشيل فى طرفه الكثير

يقول : دائما وابدا العبرة بالخواتيم واليوم سندس ينتج حبة قمح بها الكبر ومال أيه !!

إذا كان كذلك يا بن جعفر حنا نقول :

زارع الحقل فى البكور عيشك الدهر أخضر

من زراعيك للمستثمر حبة القمح تولد

سيد النجل الكبير انت للناس سيد !!

على فكرة يقولون أن الشيخ / الصافي بن جعفر خير من يروى سيرة الرسول ( صلعم ) ومتمكن !!

يا هلباوي

انت الايام دي مركب مكنة صلاح غريبة

ما عندك

غير اخبار السفارة

وفلان جا

وعلان ودعوه ...

وداك كان معزوم عشا.. وفلان جا للعلاج ..

انتبه

يا صحفي ..

دي اخبار فكة ..

خليها لي ود الباوقة .. وغريبة

وهاشم طمام

اخونا المصادم / حنين .. ما تخليك ضنين !!

غريبة يطراه الله بالخير الراجل الأيام دى مريض أدعو ليه بالشفاء

قلنا نسد خانته لما يجى .. بس الفرق بينى وبين غريبة هو بجيبها

مغلفة وأنا بجيبها من الآخر يعنى ( مقشرة ) !!

بعدين يا أخى غنت ما براك فى المنبر ده ناس كتار إتصلوا بي يتاكدون

وطبعا أخوانك ديل من المستثمرين هل حقيقة وصل الشيخ / الصافى جعفر

ديرين يطمئنوا على المشروع ليه داير تحرمهم يا مكاتل ؟!

وزى ما قلت ليك الشيخ ما جاى بقصة العجول المكنية ولا الزراعة المروية

جاى مبشرا بماأنتجه المشروع من حبوب قمح الحبة الواحدة تسوى الشيئ الفلانى

يا اخى ما كل ما نفتح لينا بوست جاى ناطي يا أخى تفاءل خيرا تجده !!

الصافى جعغر احسن من يروى السيرة

خلاص

يدهو مسجد يتكلم فيهو

واكتر من كدا يدهو برنامج فى التلفزيون مدته ساعة كاملة
يحكى ويبكى زى ما داير

لكن سندس دا يشوفو ليهو زراعى متخصص


اغرب حاجة
زول مدمن الفشل زى الصافى
يلقا ليهو انصار

Quote: اغرب حاجة زول مدمن الفشل زى الصافى يلقا ليهو انصار

اخى الكريم / محمد سيد أحمد .. تحياتى وإحترامي

ما حكاية انصار .. يا سيدى الحكاية وما فيها معلومة لا أكثر ولا أقل !!

ولك حرية الخيار فى قبولها او رفضها بدون تأويل !!

أما حكاية يشوفو ليهو مسجد يروى فيه زى ما داير .. تقدر نقول برضك وجهة نظر معقولة

*
*
الحبيب آدم لك سلامى ،،،،،،،،،،،
رأى ودحنين دهـ ما تديه الواطة مستقبلا ...
وما فى سبب بخلينا كمان نبشر و نعلن ليهم ...
ويشهد الله صـليت ضهر الخميس الفات فى مسجد السفارة
وكان الصافى جعفر هناك .... لكن ما عندى مصلحة
قريبة أو بعيدة عشان أجيب سيرتو حتى فى الونسة .

ثم ثانيا فلنفرض أنو سندس أنتج .... وين تعويض
التاشر سنة الفاتو ديل ؟؟؟؟؟؟؟ فى الجنة !!!

الهلباوي يا لذيذ..

Quote: يقول : دائما وابدا العبرة بالخواتيم واليوم سندس ينتج حبة قمح بها الكبر ومال أيه !!

هالهلباوي..
بهالكبر لطمة وافلليلنا أمدلدوم..



شكراً يا غالي علهالخبر..

اخى الباشمهندس / عبدالمنعم عثمان .. تحياتى وفائق إحترامي

Quote: ثم ثانيا فلنفرض أنو سندس أنتج .... وين تعويض التاشر سنة الفاتو ديل ؟؟؟؟؟؟؟ فى الجنة !!!

أنا كلام حنين ما مديه واطة عندنا إخوان كثيرون مستثمرون فى هذا المشروع

وبقولوا لينا إذا عرفتوا حاجة عنه ورو نا نحن بعاد فى الخرج وحوالين الرياض

بس افتحوا لينا بوست بذلك لأنو توصلنا دائما وأبدا عبر المنبر وعليه قس !!

ثانيا يا باشمهندس أنا لست من أنصار القوقعة والانحسار انا من أنصار الحوار

لآن البعد عن مسرح الأحداث يفوت عليك الكثير وتكون كل السوانح متاحة للغير يعمل

زى ماداير !! عشان كدة كنت توصل ليه المعلومة ومن حقك تسأله من تعويض التاشر سنة

على الأقل حتى لو هو ماعارف تذكره أنت بها ولكن أكرر لست ممن يلزم بيته ويبكى على

الحليب المسكوب طال ما عندى حق اطالب به وما ضاع حق وراه مطالب .. لكن كن سكت تبقى

ضيعت حقك ساكت ... اشكرك يا باشمهندس أنت أخ عزيز ومفامك عندنا سامي مع فائق إحترامي

أخى المحاور اللبق / عبدالرازق الطالب .. تحياتى وفائق إحترامي

شفت إيش لون قال الشيخ / الصافى بن جعفر هالمره انتج حبة قمح هالكبر !!

اشكرك على الطلة يا اعز الناس !!

آدم

عفارم عليكم بجد

فلقد سديتم خانتي أثناء غيابي خير تمثيل

وسديتم الفرقة ............

صلاح غريبة - العائد من فترة غياب

بسم الله الرحمن الرحيم


يا ساتر غريبة لا إله إلا الله .. الله والنبى تبعد من هنا

يا اخى إنت داير تقد الجلد أقصد خرب لي البوست !!

حيا الله الباشمهندس غريبة حمدا لله بالسلامة طهور إنشاء الله

الف لا باس عليك ... بس وصيتى ليك ارجوك إذا داير تشارك هات المفيد !!

الأخ هلباوى، التحية .

عارف أموت وأعرف ماذا تقول لجعفر وأمثاله أنفسهم ليلاً
حين ينزعون عن أنفسهم أرديةً يرتدونها طوعاً، أو كراهةً ،
فالشاهد أن كل كوادر الجبهة من حفظة الكتاب والحديث
قد فقدوا الكثير من وهج ونور العبادة بعد إنخراطهم فى
أعمال ثبت، ومن بعد حصيلة عقدين من الزمان أنها لم تصب فى
مصلحة ولا حياض المسلمين، مأساة يا رجل . إعترف لى أحد
النافذين سابقاً، وأحد المغضوب عليهم من (ناس الشعبى)
بأن داخله قد عاد إليه توازنه وإتزانه من بعد أن ترك
الوظيفة " والله الواحد صلاته بقى مقتنع بيها صلاة ، مش
نقّيد الجداد الكنا بنسوى فيه داك "!!!! وإن كان صادقاً
أو كاذباً، فقد أضاء جانباً مهماً، جانب "صاحب البالين"
و "ركّاب السرجين" ، بال الدنيا وخرجها المليان، وسرج
الآخرة الملئ بما لا عين رأت ، ولا أذنٍ سمعت، وقديماً قال
أهلنا أن الدنيا دى " جلد مقصّر، لو غطّا راسك، ما بغطى
رجليك" ، وقد صدقوا، فأى جزء يغطى دثار الصافى جعفر منه
يا ترى، جزء الأرجل واللهث من وراء الدنيا، أم جزء الرأس
والقلب، واليقين العاتى ؟؟؟!!! .

دمت أخى آدم

أخى الكريم / ود شمس الدين مصطفى .. تحياتى وفائق إحترامى

رؤيتك جميلة ومداخلتك سمحة مرة !!

إنك لا تهدى من أحببت ولكن الله يهدى من يشاء .. حيث تتفاوت الدرجة الإيمانية !!

بمعنى إذا صرنا كلنا ملائكة لن يكون هنالك مالك ولا رضوان يعنى لا جنة ولا نار !!

أشكرك يا غالى ......