هل أنت سوداني؟؟؟

وآســــــــــــودآنآآآآآآآآآآآآآه
لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان
لو طالعتك إعلانات شركات (مسئول) كبير وهو لا زال فى الخدمة
تبقى أنت أكيد فى السودان

لو لقيت ليك شرطى (مرور) فى نهاية شارع إتجاه واحد وخلاك لمن دخلت وجاك بى (دفتر إيصالاتو)…
تبقى أنت أكيد فى السودان

لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) …
تبقى أنت أكيد فى السودان

لو إنت فى بلد وزارة الصحة فيهو قالت (الدواء) ده (فاسد) أحظروهو .. وبعد
شويه قالت (ما فاسد) خلوهو .. وبعد شويتين (فاسد) أمنعوهو ….
تبقى أنت أكيد فى السودان

لو لقيت فى بلد (الصحف) بتتقفل بى (ماده) فى القانون معموله للمطاعم …
تبقى أنت أكيد فى السودان

لما تلاقى الترزى كاتب على باب المحل بتاعو آيه بتقول ( وفصلنا كل شئ
تفصيلا) صدق الله العظيم …
تبقى أنت أكيد فى السودان

لو قرأت الصحف فى 1987 و فى 2016 عن إنتهاء قطوعات الكهرباء ولقيت نفس الكلام فى صيف 2030 …
تبقى أنت أكيد فى السودان

لو بهدلوك في اي مكان واشتكيت للشرطة قالوا دا مش اختصاصنا امشي
اشتكي في الثروة الحيوانية
تبقى انت أكيد في السودان
لو لقيت إنو وزارة الداخلية عندها مؤسسات (تعليمية) ووزارة التعليم عندها
مؤسسات صحي ووزارة الصحة عندها (شركات إنشائية)…
تبقى أنت أكيد فى السودان

لو دخلت (الوزارة) وإنت مؤجر فى (زقلونا) وطلعت وعندك عمارتين فى (قاردن
سيتى
تبقى أنت أكيد فى السودان

لو تقدم إبنك (المهندس) لشغل وظيفة وكان (الإنترفيو) عن (صلاة الجنازة)
تبقى أنت أكيد فى السودان

لو (فجأة) إكتشف (المسئولون) أن (الخريف) على الأبواب ….
تبقى أنت أكيد فى السودان
لو عندك (الكلية) اليمين متعطله وعاوزين يشيلوها ليك قامو إستأصوا الشمال السليمة لأنو (الدكتور) كان ماسك الأشعة (بالمقلوب) ….
تبقى أنت أكيد فى السودان
لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل ….
تبقى أنت أكيد فى السودان

لو وجدت أن رؤساء الأحزاب هم (رؤساء) مدى الحياة ….
تبقى أنت أكيد فى السودان

لو وجدت أن نسبة الفقر تزداد بإزدياد (معدل النمو) ….
تبقى أنت أكيد فى السودان

لو قريت الكلام دا وما علقت وكنت بارد شديد ومستسلم أكيد أنت من السودان

التوقيع:: الطافش طفش من السودان

Quote: لو تقدم إبنك (المهندس) لشغل وظيفة وكان (الإنترفيو) عن (صلاة الجنازة) تبقى أنت أكيد فى السودان

احتمال يكون هندسة مقابر

Quote: لو وجدت أن نسبة الفقر تزداد بإزدياد (معدل النمو) ….

ده الكلام البعذب قبورة ذااتو
الفقر
الفقر
اخخخ يا بلد

ولو صحيت الصباح لقيت الموية قاطعة وبيتكم جنب النيل
تبقى أنت أكيد فى السودان
ولو ساكن في بلد الخواجة لمن فتر وما قدر يحدد مساحته قال مليون ميل مربع وما عندك فيها ربع متر
تبقى أنت أكيد فى السودان

أيقونة صغيرة تمنع بلاوي كتيرة
()

تبقى أنت أكيد سووووداني

وكدا

Quote: تبقى أنت أكيد سووووداني

Quote: هل أنت سوداني؟؟؟

المنقول فيهم ياتو يا عمك؟


هذا بعد تحية صاحبة الدار وضيوفها ..!

Quote: أيقونة صغيرة تمنع بلاوي كتيرة

محمد البشري اصلا انا ما نسبتو لى ثم انو فى حاجات كتيرة ظاهر ة اذا الفتها انت او جاتك فى ايميل يهمنا المضمون

وانا ماوصلتني بـ "تبقي انت اكيد سوداني" وصلتني بونفس صيغتها النزلتها بيها


على اى شكرا

ود البشري

Quote: أيقونة صغيرة تمنع بلاوي كتيرة () تبقى أنت أكيد سووووداني وكدا

ولما تلاقي بوليس المنبر ناطي ليك في رقيبتك
وسايط ليك قراصتك.....
تبقي اكيييييييييييييد سوداني
وغايتو جنس غايتو....ياود الصايم

أقول يا الله شفتك وين
شفتك وين!



تحية عطرة

ولو العالم كلو بيفكر في بعد عشره سنين وإنت بتقول ياحليل الستينات والسبعينات والتمانينات برضو بالتأكيد تبقى سوداني
ولو كنت دايما بتقول الناس مابيعرفو يلعبو كوره وانت بتتهزم دايما بالتلاتات أكيد تبقى سوداني
ولو شفت التلفزيون بينقل حديث المسؤولين عن الصحة والمستشفيات والأجهزة الحديثة ولاقتك قصة سناء وقصة الطفل عبدالله أكيد إنت سوداني
ولو شفت ليك عاصمه بتطلع منها في اليوم مليون جريدة وبتتصادر منها مليون وواحد جريده أكيد تبقى سوداني
ولو إمتحنوك براك وجيت التاني أكيد تبقى سوداني
ولو ماعندك إحترام للمواعيد وماعندك قيمه للزمن أكيد تبقى سوداني
ولو بتفكر بعقل لحظتك وبس أكيد تبقى سوداني
ولو لقيت نفسك في وادي ومسؤوليك في وادي تاني أكيد تبقى سوداني
ولو لقيت نفسك في بلد تقول البيموت في الحرب شهيد وبعد شويه تقول فطيس ماشهيد أكيد تبقى سوداني
ولو لقيت حكومتين في بلد واحد متحالفتين ومختلفتين أكيد تبقى سوداني
ولو لقيت وزير بيطارد الروسيات والهنديات من بنات الليل في مدينة خليجية وبصورة فاضحة وما عارف الغرض من زيارتو شنو أكيد برضو تبقى سوداني
ولو ولو ولو ياشمايل .... نقول شنو ونخلي شنو ؟؟؟ بس ربنا يصلح الحال

شنو ياعمك
يعني الواحد في البلد دي ما يعمل مداخلة ويمشي ينوم..!!!
وطوالي يجي يلقي القصة فيها نقل ميكانيكي وسيرة الكلام البجيب الوجع

Quote: لو قريت الكلام دا وما علقت وكنت بارد شديد ومستسلم أكيد أنت من السودان

مخبز مكه المكرمه الالي...
اكيد ليس لانتاج المصاحف...

الأخ ـ عبدالكريم .
لوقلت لا أكيد إنت سوداني
ولو كتبت ذي الكلام الأنا كتبتو أكيد إنت سوداني
ولو ما استغربت من البكتبو أكيد ما حأبقى سوداني
والشكر لشمائل ولك

شكرا كتير عبد الدين



يا محمد الخضر كان ممكن تقول انو الموضوع مكرر عادي

لو ظهر ليك مسؤول في وسائل الإعلام وعلق على موضوع
وقال احسب انه طيب - تبقي انت اكيد في السودان

لو رئيس الدولة الإنت فيها بتشوفو في اليوم الواحد عشرة ملاات
في التلفزيون يبق انت وطاتك اصبحت

ولو قالوا ليك الحكومة باعت الأراضي الفلانية للدولة الفلانية
او المستثمر الفلاني

يبقي بلدك لحقت امات طه

التحية لشمايل وضيوفها

نورالدين

Quote: أيقونة صغيرة تمنع بلاوي كتيرة () تبقى أنت أكيد سووووداني

الأخ: ود البشرى ..سلامات
حتى الأخت ..ميادة لم تشير للموضوع بأنه منقول وعلق في صدر المنبر بإعتبارها هي كاتبه..
لا أدري من هو كاتب الموضوع ..لكن وصلني على إيميل قبل فترة ..
لأنك أتيت برابط بوست ميادة معتقداً بأنها كاتبة الموضوع رغم أنه منقول وهي لم تشر لذلك ..

مع حزيل شكري وتقديري

بشير

Quote: لا أدري من هو كاتب الموضوع ..لكن وصلني على إيميل قبل فترة

هو ايميل

الاستاذة الفاضلة بنت النور

كلامك منطقى و سليم

Quote: لو قريت الكلام دا وما علقت وكنت بارد شديد ومستسلم أكيد أنت من السودان

و لما تجبرى الناس على التعليق يبقى انت اكيد من السودان

بنتنا شمايل و ابننا بشير ما تضايقوا
خلاص بدل منقول ساي ختي منقول من الإيميل
بعدين الأصل لما زول ينزل بوست بإسمه ما لازم يوقع تحته عشان ينسبو لنفسه
تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء

Quote: بنتنا شمايل و ابننا بشير ما تضايقوا خلاص بدل منقول ساي ختي منقول من الإيميل بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء

الأخ: محمد البشرى ..تحياتي
ومنو القال ليك أنا إضايقت ..فقط وضحت أن الأخت ..ميادة ..أيضاً إرتكبت نفس خطأ شمايل ..وهو عدم الإشارة بأن الموضوع منقول ..

ولك إحترامي ..

بشير

بشير يابني ...
طيب منو القاليك انا

Quote: أتيت برابط بوست ميادة معتقداً بأنها كاتبة الموضوع رغم أنه منقول وهي لم تشر لذلك ..

الرابط قريتو كامل قبل ما اجيبو بس مافي داعي اعيد الحكاية من الأول...
ما تضايق دي لازمة اعتدت عليها فقط لا اكثر
لك العتبى ابوي كان اتضايقت منها

Quote: هو ايميل

الأخت ..شمايل .. دا سؤال ولا تأكيد على أنو إيميل؟

يا عــمــك

أيامك والله

لاقي ليك قراصة وصايت فيها بي عود



لو ما لقيت قراصة في بوست .. تكون أكييييد ما في (سودانيز أون لاين)



(وشي الاخدر أب سجارة داك)

ود الصايم
مساء الخير

Quote: يا عــمــك أيامك والله لاقي ليك قراصة وصايت فيها بي عود لو ما لقيت قراصة في بوست .. تكون أكييييد ما في (سودانيز أون لاين) (وشي الاخدر أب سجارة داك)

ههههههههههههههههههههههههههههههههههههاي

اااي ...ده الشغل ....ده الشغل.....!
وبرضو غايتو جنس غايتو ( وعشان خاطر قراصتي ....حقوق الملكية لود الصايم )
وعييييييييييييييييك النكب الزوغة قبل الكترابة .

Quote: بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء

تسلم يا عمك وده الكلام المظبوط
والناس هنا ياجماعة مفروض لمن يقولوا ليهم كلام بحافظ علي المنبر وبمنع اختراقات ممكن تخرب الكورة فيهو حقوا يتعاملوا مع الموضوع بشجاعة ونكران ذات وبدون لوي عنق الحقيقة والمكابرة
عشان القصة ما تكبر وتجيب كلامات ولولوة....
الموضوع شكلوا وحجموا بسيط ولكن التعامل معه بوعي الرقابة المنبرية بوري انو الناس متابعة ومرسية
قوانين رقابة تاتي عفوية ولكن بتكون ملانة بالمنطق والوعي العالي (فحقوا نتعامل معاها بكل رحابة صدر ونكران ذات)...!!

Quote: وبرضو غايتو جنس غايتو ( وعشان خاطر قراصتي ....حقوق الملكية لود الصايم )

يا عمك هارون أبو حديدة جديدة شديدة


إنت خد راحتك يا حبيب .. حقوق قراصتك محفوظة وكدا

نعيب زماننا والعيب فينا وما لزماننا عيب سوانا

مع التحية لك؛ ومع الاعتذار

لأصحاب المدحة الأصليين:

ويا لطيف البشر ميّل
للودار شوفو كيف كيّل
والغشيم فيه اتحمّل
بس عليك كيف بتتخيّل
كل شيء فيه اتحوّل
البريش اتلفّ واتحوّل
والكريش اتلوى واتكوّر
والوليد يوم تاه واتغفل
الدِّيابة تشغّل المشغل
والعمر باقيلو استعجل
الشباب ما تاهو لا مشتل
لا قمح يذروه لا مخمل
في عناد استمرأ المحمل
في دوام تلقاه متغفل
يا حليلو في أمرو استعجل
والنقاص في عمرو ما أمّل18/2/2008
للغنى طَلاّب ومستعجل
الطريق ما عارفو كان أليل
السهاد والصبر ما خيّل
الرقاد والعجز كيف خمّل
للوصول ما حاول يتمهّل
كان حرام او غيرو فليحصل26/2/2008
الشيوخ الحالهم اتبهدل
الشعور كيفن بتتهدل
والطواقي الـ للشباب محمل
والسيور المنها تتبسمل
والختم بالله كيف يحصل
في زمنّا الباقيلو اتبدل
للزغب كيفنو كيف همل
للسفر حلاتو اتأهل

وإيّاك أعني واسمعي يا جارة

برضو ديلا لو كدة؟ أكيد هم سودانيون.

وكيّة كيّة للمابينا


فوق فوق فوق سودانّا فوق



مع احترامنا إلى شمائل والكوكبة الرائعة.

Quote: وكيّة كيّة للمابينا

ابوشيمة ياخ إنت معلم عديل كدة

Quote: والنقاص في عمرو ما أمّل18/2/2008

Quote: كان حرام او غيرو فليحصل26/2/2008

دي تواريخ الصلاحية ولا شنو يا عمك

Quote: دي تواريخ الصلاحية ولا شنو يا عمك

كـااااااااااااااااكــ

Quote: دي تواريخ الصلاحية ولا شنو يا عمك

يا عمّك

الخلعة الخلعتنا ليها

ما مارقة مننّا يوم القيامة العصر ذاتو.

عشان كدي يا عمك تاني أيّي ساعة في اي ساعة في اي حصة لازم تكون مكتوبة وكدة؛ وكنت وين في اليوم الفلاني.
يعني المعنى الكلام دة؛ مكتوب عندي قبل التاريخ الأولاني؛ ويوم ما جيت استأنفت القضية كان التاريخ الأول؛ ولمن خلست البعدو كان التاريخ التاني؛ فهمت ؟ وانا ذاتي ما فاهم.

يعني أصلاً اللبخة واللخمة اللي بيكون فيها البرلم والبرالمة والبرلومات المعاه؛ مافي تقدير ليها

ولا للشيب الكتير دا؛ غايتو كنا ملخومين نشيل من الفولدر قدامنا ونلزّق ما كنا بنعاين؛ لا تبع منو ولا التاريخ؟ وقام حصل الحصل؛ طبعاً ما مصدّق؟؛ نعمل شنو إذا انتو براكم سمّيتو نفسكم "غاوون" بالمناسبة عندنا معناها شمّام.


كان انتو ما عارفين طه الهمباتي، والحردلّو، وعكير الدامر ؛مافي سوداني واحد ما عارفهم.

السوداني اللي ما عارفهم يبقى هو ظاتو ما سوداني.


Ob sorry


بتّنا شمائل ناس البتّنة ديل بتّنونا محل ما نمشي؛ طلّعونا برّة الموضوع


هو السؤال كان شنو؟


انت سوداني وسوداني أنا


طيب في شنو؟


ما خلاس ما كل واحد يسمكر بي جاي بي غادي: وشوية طرطشة وجير؛



ويمكن تنصلّح


واللا قولي لي shutt up وخلاس..















فوقٌ

ولو لقيت واحد بينظر دون أن يعمل أكيد هو سوداني..
ولو لقيت كل الشعب يعمل بالسياسة أكيد أنت في السودان..

ولو في زول فهم كلام عمك ابوشيمة وقدر يرد عليه رد مناسب أكيد يكون بالغ عديل كدة

Quote: بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء

كلام سليم..

أنصح بتعاطي الأيقونة..

ياود البشرى والذين معه

ياجماعة عملوتونى ح..... عديل كدا

دا ايميل وفوروورد كمان

شمايل...
العفو يا بنتي القصد ما كان إحراجك ابدا
الموضوع بسيط نسيتي فقط تشيري لأن الموضوع من الإيميل
لكن يبدو ان التنبيه لم يكن بطريقة مناسبة
لك العتبى حتى ترضي

لما تلاقى الترزى كاتب على باب المحل بتاعو آيه بتقول ( وفصلنا كل شئ
تفصيلا) صدق الله العظيم …

دى قوية جدا وضحكتنى الصباح بدرى