وقت المغارب .. إعترافات مصورة ..

تحملكـ الاشواق و الحنين يوما وهي ترسم في مخيلتكـ أشخاص و أمكنة تفتقدها .. لترتمي علي مقعد السيارة بعد نهار عمل طويل تدير المحركـ وهو يزمجر مرحبا بكـ من جديد في ملل يكاد يكون واضحاً و روتين معتاد .. يبداء العقل في البحث عن وسيلة او مكان لكسر الرتابة اليومية .. تتجول العينان بين مؤشرات الحرارة و البترول .. السرعة .. عدد لفات الماكينة لتنتقل الي تلكـ الاضواء الحمراء من البطارية الي مكابح الوقوف مروراً بحزام الامان لتتذكر انكـ لم تضعه فتتحركـ ذراعكـ بحركة لا ارادية خوفا من المخالفة لا حفاظا علي حياتكـ لتضعه مكانه دون ان يختل مسقط النظر عن تلكـ المؤشرات لتتابع اليد من مربط الحزام الي مبدل التروس لتبداء رحلة البحث عن المجهول في غُربة طالت بين طيات شوارع تكاد السيارة ان تكون قد ألفتها زي (حمار اللبن) .. برغم عن كثرة اماكن الترفيه الا انكـ تجد نفسكـ لا تدري الي اين تذهب ؛ لا لتعدد الخيارات بل لتكرارها و عدم جدواها في إزاحة الضجر المحيط بكـ ..

قرار مفاجيء يدير عجلة القيادة صوب شاطيء هاديء بعيد عن ضوضاء تكاد تفتكـ بالسمع .. تقف السيارة علي ضفة الشاطيء هادئة لا تكاد تسمع الا صوت المحركـ مع موجات بدت يائسة و لسان حالها يقول (لا تشكي لي ببكيلكـ) .. لتترجل من السيارة و تطفيء المحركـ و تتجه صوبها سارحا بالبصر الي بُعد لا متناهي .. يجبركـ علي ان تغوص بعمق في رحاب فضاءات فسيحة .. تبداء الاماكن و الشخوص في الظهور من حولكـ لتقل الدائرة و يزداد التركيز لشخص واحد .. و منه الي العينان ..

إضغط للتشغيل

_
ياخ وقت المغرب ده مووووووووووت احمر .....
إهداء للبعيدة الغائبة.....عساكـ بخير ....

_
التعديل لإيقاف الاغنية

Quote: قرار مفاجيء يدير عجلة القيادة صوب شاطيء هاديء بعيد عن ضوضاء تكاد تفتكـ بالسمع .. تقف السيارة علي ضفة الشاطيء هادئة لا تكاد تسمع الي صوت المحركـ مع موجات بدت يائسة و لسان حالها يقول (لا تشكي لي ببكيلكـ) .. لتترجل من السيارة و تطفيء المحركـ و تتجه صوبها سارحا بالبصر الي بُعد لا متناهي .. يجبركـ علي ان تغوص بعمق في رحاب فضاءات فسيحة .. تبداء الاماكن و الشخوص في الظهور من حولكـ لتقل الدائرة و يزداد التركيز لشخص واحد .. و منه الي العينان ..

نوبي ...
اجمل استراحة بعد عناء يوم غربة طويل تكون بالاتجاه صوب شاطئ مفتوح .. تغوص قدماك عميقاً في رمل ما زال يحتفظ ببعض حرارة النهار .. تدريجياً ينتقل اليك دفء الرمل ويرتفع الى اعلى طارداً صقيع الوحدة ووهن الشوق الى وطن رحلنا عنه وحملناه معنا ..
تجلس على طرف الصخور المستوية وترقب رحلة نوارس فاتها السرب فسارعت نحو المغيب بانسياب ...
في البعيد ترقب بحسرة ( اجواز ) من البشر تسير بحميمية تفتقدها انت ... وتبتلع حسرتك بجرعة امنيات قد لا تتحقق ابداً ...
ضفة البحر .. شاطئ تتكسر امواجه بنعومة .. هو سلوانا في غربتنا .. ملجأنا .. صديقنا .. كاتم اسرارنا ...

Quote: _ ياخ وقت المغرب ده مووووووووووت احمر ..... إهداء للبعيدة الغائبة.....عساكـ بخير ....

عساها بخير ... اينما كانت ..














ــــــــــــــــــــ
نوبي يا صديق ... ما عرفتك لكن

دة انت ولا سرقو الباسوورد بتاعك ؟؟!!!! ...

في الافق مع المغيب و حين تبداء اشعة الشمس إسدال ستارها ذو اللون الذهبي علي سطح موج هاديء كأنه قلادة ذهبية علي صدر فاتنة لا تستطيع ان ترفع عيناكـ من عليها في تموجات دائرية تزداد اتساعاً و بريقاً كلما تحركـ الستار درجة الي الاسفل بدت كأنها تمد ذراعيها لتحتضن البحر بأكمله ..

تبتسم الشمس و هي تودع يوماً لتقابل يوماً آخر في منطقة أخري من الكرة الارضية .. حينها دوما يخطر ببالي سؤال " خائنة هي؟ " ..

تبدو و كأنها مسدلة عينيها في أواخر اللحظات .. و كأنها تقول وداعا حبيبي كُن هنا في نفس الموعد .. دوما تذكرني دلال الانثي ..

يقفز الي الذهن سؤال آخر " هل هي غيرة من القمر ؟ " ؛ أكاد أجزم انها في اول الشهر الهجري لا تتدلل كما هو حالها في وسط الشهر ..

افيق لحظتها علي صوت نورس يضرب الماء بجناحيه في خفة محاولا ان يتوسده بحنان .. ليبدو منظر القلادة أروع مما كان و يظهر الازرق الداكن من الاعماق مرة أخري مع إطلالة اضواء خافتة .. ليسال هل إكتفيت من شمس المغيب ؟

عندها تبرق العينان مرة اخري و تجتذب ما تبقي من روح خارجة عن سيطرتها و ينتفض الجسد مع ذكري نفس اللحظات في مكان اخر علي سطح الارض و كأنه يشعر بخيانة الشمس مع نهاية يوم آخر في تلكـ البقعة !!



_
سناء
يا صديقة ... تدرين انه يسعدني تواجدكـ دوماً يا نورس الغربة ..
السرب لا زال قريبا مرمي العين .. أجنحة حروفكـ تجعلها دافئة ..
أدري انكـ تدرين تماماً طعم لون المغيب علي ضفاف الجميرا الفاتنة ..

_
ياني ذاتي مؤجر مكنة عماد عبدالله لمدة ساعتين يومياً عند المغيب

Quote: (لا تشكي لي ببكيلكـ)

غايتو انت..مليان محنّة..غصباً عنّك.





__
شكرا على الاهداء
التوقيع:مسز سَلْبطة

Quote: تحملكـ الاشواق و الحنين يوما وهي ترسم في مخيلتكـ أشخاص و أمكنة تفتقدها ..

Quote: مرحبا بكـ من جديد في ملل يكاد يكون واضحاً و روتين معتاد

Quote: برغم عن كثرة اماكن الترفيه الا انكـ تجد نفسكـ لا تدري الي اين تذهب ؛ لا لتعدد الخيارات بل لتكرارها و عدم جدواها في إزاحة الضجر المحيط بكـ ..

الله يرحم والديك يا نوبي ما ناقصين....
ولو الصورة توضح الغروب الكنت جالس فيهو يبقي الحكي من جانبك لسه ناقص )
هذا منظر يؤدي إلى الهلاك .....يا نوبي لا الكتابة فقط !!!!
وليرحمنا الله من الثلاثية القذرة (أسفلت .. أسمنت .. نيون )

Quote: تبداء الاماكن و الشخوص في الظهور من حولكـ لتقل الدائرة و يزداد التركيز لشخص واحد .. و منه الي العينان ..

..
..
..
..
لا تحلم بعالم وردي ..... ستشتاق لوحدتكـ أحياناً فلا تقسو عليها كثيراً

مغارب زوجين عاشقين

قفزت في السيارة برشاقة بعد دوام طويل علي موعد اللقاء .. تمددت ببطء ملحوظ علي المقعد اليمين و هي ترمي شنطتها في المقعد الخلفي .. رمت بنفسها في دلال علي ساقيه و حملت ساقيها لتضعهم علي الحاجز الزجاجي للباب الايمن للسيارة .. يداها معقودتان حول عُنقه .. تتمايل طربا لانها بين يديه .. و نظراتها لا تفارق تفاصيل وجهه ترسم كل تعبير في ذاكرتها دون ان تتركـ أدق التفاصيل .. وهو يهمس لها بحنية المُشتاق .. كيف كان يومكـ ؟؟ لترد في دلال معهود .. جيد لولا افتقادكـ .. ليتوجها الي اول مكان التقيا فيه لاحتساء قهوة و إستعادة ذكريات كانت قد مرّ عليها سنتان من زواجهما ..
تحركـ ببطء لكي يطيل زمن تواجدهما سويا علي انفراد قدر المستطاع .. وهو يراقب كل حركاتها و يشعر بفخر لانها ترمي كل هموم الدنيا علي عاتقيه و تنسي انها تعيش لانها بين يديه ..
توقف امام المقهي الخافت الاضواء مع إطلالة قمر جديد بداء ظاهرا في السماء ..
و همس لها اتمني ان يديم الله ما بيننا من إلفة الي ان تصعد روحينا الي السماء.



_
عمران

Quote: لا تحلم بعالم وردي ..... ستشتاق لوحدتكـ أحياناً فلا تقسو عليها كثيراً

للوحدة طعم خاص .. و لكن للصحبة طعم آخر مع من تُحب فقد جربت كليهما
لكـ التحايا ..

أحيانا يبدو البحر في ساعة المغربية كفنجان القهوة ..
تشتم رائحته عن بُعد ..
يسيطر علي ما تبقي من حواس .. يهديء ما بقي من توترات مصاحبة لموجة ضخمة ..
يكفي ما فيه لجعل يومكـ هادئاً عميقاً ..
لكن هل يكون كذلكـ دون المغارب !!




_
طُم طُم
حنينة انتي يا صاحبة الحرف الرزين ..


_
كلمتكـ قبل كده انه (السلبطة) بتاعتكـ دي بعدين بتابيها
جيبي كرسي و تعالي ننتظر النوارس ساعة المغربية بس ما تتسلبطي في نورسي بعدين

Quote: ياخ وقت المغرب ده مووووووووووت احمر .....

والعجب لمن تقعد ليهو بى مزاج أخضر
ياخى دى دنيا تانية ....................










كنت غاطس وين ومرقت بى ده..؟

ياخي اعذروني انا ما زيكم كلو كلو ما شايف وقت المغرب دا حاجة جميلة ابدا ولا صور المغيب قاعدة تثير في شجوني سوى الاحساس بالتوتر , لو كان الوقت شروق شمس او فجرا فهو لا محالة خالب لبي ومثير اشجاني وباعث في مشاعر شتى ملتهبة الا ان المغيب عندي هو وقت مستقطع ما بين الليل والنهار بالاضافة الي انه وقت صلاة المغرب فمن الصعب جدا انك تطنش موضوع الصلاة علي اساس انك واقف تتفرج في السماء الحمرة او ذلك المنظر الكئيب الذي يثير شجونكم وجعلكم تتجلون في اظهاره بهذا المظهر الغريب .


ـــــــــــ
بعدين يا نوبي ياتو مغيب القاعد تمشي تشوفه في شاطي ؟ انت قايلنا هنود ؟
الغيب في الخليج العربي ما بتظهر فيهو الشمس الا تكون قاعد في ايران
الاخ شيعي؟

قال الغناي الطنبرابي أب ذمةً واسعة :
( الغروب يسألني منك , أمسياتنا في شوق إليك
الرمال الناعمة مشتاقة لمشيك
الطيور الراحلة في ضل المسا بتسأل عليك
كيف تفارق الضفة و النيل هان عليك ) ..

و الله مشتاقين ..
يا نوبي اللعين .


.....
أنا مكنتي سِنة خشنة ..
تقسيمتك دي ناعمة و ... موجوعة ..
نسأل الله لنا السلامة ..
و لك عتقٌ من النار .

عُمدة الغناي الطنبرابي
حصل فكرت في شكل النيل من المنبع الي المصب في الابيض المتوسط !!
فاتنة قدميها احداهما في تانا و الاخري في فكتوريا .. جيدها عند توتي .. صدرها في ارض النوبة ..
للنيل سحر خاص و لمغاربه عشق بنكهة أخري ؛ دُعاش النيل .. ساعة المغربية .. ريحة الطمي .. لون الموية الممزوج بين الازرق و الابيض .. الازرق منبعه ارض النجاشي بين طياته عنفوان الطبيعة و قوتها لديه جمال خاص برغم عكار لونه يعتصر الاميال قاطعا ارض النجاشي مارا بشرقنا الحبيب ليلتقي بقرينه الابيض الهاديء .. كعاشقين لا يفترقان .. هناكـ ما بين توتي و بعض من جسر متهالكـ و غابات جار عليها الزمان غروب بطعم يختلف عن بقاع الارض شتي .. الشمس قد أحرقت عباد الله بما يكفي بعد نهار طويل .. أرهقت نفسها حتي بانت باكية .. تسدل فوق وجهها خمار لكي لا يري ضعفها عيون ساخطة عليها تراقبها لحظات الوداع و كأنها تقول لهم اني ذاهبة لاكون هنا غدا ..
بينما الشواطيء الطينية تحتضن اقدامكـ مع كل خطوة ..
ياااااااااااااه
يا عمدة نحن عندنا طبيعة ماااااااااا بتنوصف مالكـ علينا ياخ !!



_
عمدة
مكنتكـ لا سِنة خِشنة لا شيتين .. بكاكـ علي الدوحة شاهد ..
هناكـ لحظات لا تستطيع ان تخفي فيها الحنين يا عمكـ ..
أشواقنا مداد البحار .. و في البال و الخاطر ..

موجة أعلنت غضبها علي كلماتكـ يا أساسي ..
يراودني احساس بأن للموجات اصوات و ارتطامات مختلفة ما بين الحين و الحين .. الفينة و الفينة ..
صباحا لها وقع خاص .. و حين الغروب يكون أشد او اقل علي حد كلمات العشاق و خلافاتهم و مزاجهم .. و من يبُث شكواه كحال العبد الضعيف لله في أغلب الاحيان .. وحيدا مع موجة هادئة .. هائجة علي حد المزاج تشارككـ الهموم و الافراح .. تواعدكـ في نفس المكان و الزمان و كأنها تنتظركـ بلهفة حين الوصول مع إرتطامات خفيفة كتصفيق للترحيب و أحضان القدوم .. و شمس تخفيها غيمة لتذهب حميتها إن أحست بكـ منهكاً .. يا صديقي البحر و الشمس و رمل الشواطيء لوحة لا تنفصل عن بعضها البعض و لها طعمها الخاص عند الغروب .. حاول ان تستطعمها ..



_
اساسي

Quote: الغيب في الخليج العربي ما بتظهر فيهو الشمس الا تكون قاعد في ايران

انت قايل الكرة الارضية دي علي شكل نجمة ولا مقعرة !!

_
بإمكانكـ الذهاب الي الشاطيء متوضئا جاهزا للصلاة و أدائها هناكـ ..
لا يوجد ما يمنع يا صديقي ..

مغارب مسطول

جلس وحيدا علي ضفة هادئة ؛ عمّق يديه في جيبه لإخراج لفافة مغلفة بالبلاستيكـ و فركها لتتفتت الي أجزاء .. حمل بعضاً منها و داعبها بأنامله المُسودة من تكرار الفّركـ.. بداء ينقيها من شوائب تتخللها و نظره يتحركـ مع موجة آتية من علي البعد مع كل قطعة غير مرغوب فيها ليقفز الي موجة اخري مع القطعة التالية .. أخرج علبة التبغ من جيب قميصه لينتشل واحدة منها و يبداء في دمجها مع الاخضر بين يديه .. و بداء يتمتم بإغنية محبوبة لديه تقول (No woman No Cry) و عقله يجتر ذكريات جميلة و بداء يرسم في أحلام ما بعد الشهيق الاول من تلكـ الملعونة بين يديه .. حمل ورقة بيضاء ناصعة و صب الناتج و بداء بلفها في عناية فائقة تفوق مصنع (المارلبورو) ليقربها من شفتيه و يمرر لسانه عليها ببطء و متعة لتلتصق الورقة البيضاء من طرفها مع آخر لفة .. ينظر اليها و أنفاسه تتعالي .. يبرُم طرفيها لكي لا يفقد منها شيء .. و يبداء الاشعال مع أول شهيق .. ليخرج الزفير في متعة واهمة دخاناً يرسم كل ما جال في خاطره و لم يتحقق .. و لكن هل يتحقق بعدها !!




_
الطاهر

Quote: والعجب لمن تقعد ليهو بى مزاج أخضر ياخى دى دنيا تانية ....................

كده كيف !
_
ما غاطس ياخ .. مجبر أخاكـ لا بطل

نوبي يا عمك
و دا من متين كمان

اتساءل مع سناء

Quote: نوبي يا صديق ... ما عرفتك لكن

الطاهر ياخ جننتني عديل كدة

نوبى ؟؟؟

شكرا للاهداء ( مسز سلبطة2 ) !

على المتسلبطين والمتسلبطات التزام الدور والصف ومراعاة الترقيم حسب الحضور

( نوبى دا خرخاااااااار كلمتكن )


الرجال ... استووووووا واصطفوووا الاساسيين ، اولا ، ثم المدعيين واخيرا وليس اخرا ياتى

اهل الهامش ،،،،، (سجن سجن ،، غرامة غرامة )



اساسى ؟ والله ما خاتى عليك الحلبى ،، انت ختااااى
انت عارف الموضوع انو الغروب كئيب وصعب وبثير المواجع !
يعنى انت قصدك كلام نوبى ما مفهوم ؟ سمح .. غايتو للضمان كدا ،، وبينى وبينك نوبى
دا الليلة لازم يتقوقل لازم يتقوقل

Quote: انت قايلنا هنود ؟

اوووووووووووووووووووووووووو

اساسى ريدهاند ( متلبسا بعنصرية فاضحة ) !! انت متجدع هنا قايل مافى هنود ؟؟

وانت قايل السماحة الشديدة دى انا جايباها من وين ؟ ياخى انا اسمى دينا خالد لاليت غاندى !!

شفت كيف ناس الجزء الجنوبى من الكرة الارضية الفيهم اتعرفت ؟ ما هبو للدفاع عن الهنود
انهم يكيلون بخمس مكاييل ,,, بس عنصرى لو نبذت ناس اوباما !!

يكونو لسة نايمين .. ما صحوا ؟؟















ــــــــــــــــــــــ
ود البشرى ؟ استعد اولادك ! بس فالحين لى فى اطفال دارفور ؟
الاولاد ديل عارفنى ما برضى فيهم .. رجع البت ،، اب كضووم دا انا عارفاهو
ما عندو مانع !! .. والله تانى جواب ما يرسلو ليك

دندونتي

عُمق النظرة التائهة المتابعة لشمس المغيب و طيور تُحلق في الافق مودعة يوماً طويلاً .. الرداء الاحمر و الشعر المنساب ؛ تعلق اليد بفرع الشجرة الضعيف .. مع تموجات الماء الخفيفة .. همسات خائفة شاكية باحثة .. هذا هو حال الغروب .. غيوم تضاري خلفها أشعة دافئة و بقايا أضواء منبعثة من علي البعد

بمثل هذا الحال بحثت يوما و قادني الغروب الي الحروف .. لهذا السحر افعال بالروح .. تجتذبها لتصقلها و تعيدها مرة اخري الي الجسد المتهالكـ .. تتلاعب بالعقل لترفعه من الجُب الي السماوات السبع سابحاً نظيفا .. تحيل الجسد الي كتلة من اللهب يبعثها دفء الشمس الذي يصقل الدواخل و يحيي الاحاسيس ..

ذات يوم جمعت بعض من أصداف متناثرة باشكال جميلة متعددة .. لفظها البحر لترسو علي أطرافه .. لماذا يا تري ؟
إنتهت مدة صلاحيتها !! ام لتوازن بييء .. ام لتجمعها (ست الودع) و تتلاعب بأحاسيس البشر بها !!
هل هي مؤشرات حقيقية كما يقال !! ام هي مجرد خُزعبلات !!
تملكني إحساس ان أجمعهم لأبحث عن أحداهن لترسم لي ما تجود به مخيلتها .. هي أفكار الغروب فقط

فاقدة عيوني زول

_
يا احلي سلبطة انتي .. مشتاقين و عودا حميداً ..
قوقلي..قوقلي .. و جيبي معاكـ اب رزقة برضو

اساسى ،، تمبس ،، الاخوان

Quote: تبتسم الشمس و هي تودع يوماً لتقابل يوماً آخر في منطقة أخري من الكرة الارضية .. حينها دوما يخطر ببالي سؤال " خائنة هي؟ " .. تبدو و كأنها مسدلة عينيها في أواخر اللحظات .. و كأنها تقول وداعا حبيبي كُن هنا في نفس الموعد .. دوما تذكرني دلال الانثي .. يقفز الي الذهن سؤال آخر " هل هي غيرة من القمر ؟ " ؛ أكاد أجزم انها في اول الشهر الهجري لا تتدلل كما هو حالها في وسط الشهر ..

Quote: افيق لحظتها علي صوت نورس يضرب الماء بجناحيه في خفة محاولا ان يتوسده بحنان .. ليبدو منظر القلادة أروع مما كان و يظهر الازرق الداكن من الاعماق مرة أخري مع إطلالة اضواء خافتة .. ليسال هل إكتفيت من شمس المغيب ؟

نوبى لازم يتقوقل يا جدعان !!!!!!














ـــــــــــــــــــــــــ
ود البشرى ! ياخ مره واحدة خليك مفيد،، واخطف رجلك شوف لينا القاعد
مع نوبى منو اليومين ديل ؟ تكون البتكتب دى ام ريهااام ؟؟
اصل اصل ،، ياخ ، انت بحثك فى احوال البورد دا باى ريسرش؟؟ ما فيهو
ميدانى ؟؟؟ وكل حركة معاها بركة ،، امكن تلقى ليك حاجة كدا ولا كدا
مع نوبى ما فيش مستحييييييييييييييييييييييييييل !

عماد عبدالله !

Quote: عندها تبرق العينان مرة اخري و تجتذب ما تبقي من روح خارجة عن سيطرتها و ينتفض الجسد مع ذكري نفس اللحظات في مكان اخر علي سطح الارض و كأنه يشعر بخيانة الشمس مع نهاية يوم آخر في تلكـ البقعة !!

اصحى للون !!! فقد اتهمت فى ذمتك !

Quote: ستشتاق لوحدتكـ أحياناً فلا تقسو عليها كثيراً

ياسلام يا عمران ياخ انت ال فيهم .... دى مدرستى ذاتها !


ود البشرى ؟ جالك كلامى

Quote: والعجب لمن تقعد ليهو بى مزاج أخضر ياخى دى دنيا تانية ....................

الاولاد ديل لازم يتربو فى جو معافى بعيد من الدخاخين دى !
















ـــــــــــــــــ
قلنا نتسلبط فى البوست ذاتو ونرد وكدا ،،، لحد ما صاحبو
يفضى من البعمل فيهو ،، خلاص ماشه ، ناس التعداد بدقوا فى ال باب
هسه الاولاد ديل نعدهم بـ هناك ولا بى جاى ؟؟

نوبى المشجون

والله انا من العنوان قلت نوبى عامل ( كمين )
لقيتك فعلا عامل كمين لى ناس الاحاسيس المرهفه وعشاق الطبيعه
والتفكير العميق

بس نحنا لينا الله وعيشة السوق
الشفع طيروا لينا الحاجات الحلوه دى من راسنا

تخريمه : -

هل استطيع ان اقول نوبى فى حالة عشق جديد
ام هى هيجان ذكرى قديمه ؟؟

يسلم مزاجك ياقريبي


بوحك رايق تب

_
حملتها بين يدي الي ضفة الشاطيء .. المياه هادئة جدا لا تتحركـ .. تحت أضواء خافتة بدت تموجات رملية تحت الماء واضحه جداً بعد ان هدا و صفا الماء من تعكير كان بسبب حركة أقدامي علي الشاطيء .. قليلا بدت معالم واضحه تبين .. بعض أصداف متناثرة و أحجار صغيرة هنا و هناكـ بدت تموجات الرمل تحكي حكايات عن ترحالها من مكان لآخر بفعل الامواج .. تحكي عن ضعفها و عدم قدرتها علي البقاء في مكان واحد .. ناصعة تلكـ الحبيبات الرملية .. نقية برغم ما تعرضت له ..

بهدوء بدأت أقدامها تلامس المياه .. بدأت ابتسامتها مختلفة .. فهي تستكشف عالم جديد .. كان ماء البحر المالح يدغدغها و هي تبدو مرحة .. بدت تضرب بكفتيها علي الماء .. لتعكر صفوه مرة أخري .. كانت تعكر صفو الماء و تصفو بمزاجي بصرخاتها المرحة .. تحاول الافلات من بين يدي لتحتضن الماء .. تشير بكفتيها للذهاب الي بُعد أعمق .. و الحبيبات الرملية تتحركـ بقوة من مكانها لتبدل لون الماء الي لون عجيب معلنة إعتراضها في هدوء .. مع كل ضربة من كفيها ..

إحتضنتها بعمق .. حينها هدأت الحبيبات و هي تٌعلن رضاها عن تلكـ الحبيبة الصغيرة في حين بدت صرخات الغضب و الهمهمة الغير مفهومة من حبيبتي الصغيرة تعلن رغبتها في العودة الي المياه مرة أخري ..

حنينة هي الطبيعة .. معادلات لا ندري كيفيتها ..


_
حيدر
هي محاولة لنفض بعض الغبار عن أحاسيس مدفونة تحت رمال الحياة ..
لكـ التحايا يا قريبي .. و لنا شرف مروركم بـ "خرمجتنا"

فاتنى ان ازجى بتحية خاصة ( لعازف الساكسفون ) فى الاغنية !


ولا دى بدون ساكسفون


وتحية اخص واشمل لصاحبة الكاميرا ،،،،، دكين لما اجازتو خلصت
ما لقى ليهو كاميرا ,, لدواعى التوثيق وكدا غايتو هو هسه بفتش فى خف اى زول

يرجع بيهو وكدا !!












ــــــــــــــ
على البشير !

Quote: هل استطيع ان اقول نوبى فى حالة عشق جديد ام هى هيجان ذكرى قديمه ؟؟

ما تصعبها ليهو كدا ياخى افتح كل الاحتمالات ...
ما تحددها ,, اى عشق ما بياباهو !

المُغرب غريب ..
دوما تقولها جدتي لتدفعنا للصلاة ..
تأملتها كثيراً .. حروف قلائل تحوي أبعاداً واسعة فيما بينها ..
في ايام قلائل مضت .. بدت اشياء أخري غريبة غرابة المغرب ..
بطعم الغروب .. و كأنها في نفس زمانه !! دقائق معدودة ..
هل هي أضغاث أحلام !! أم هي حقيقة لا بُد من معايشتها !!
..
شُجيرات تكاد تكون جافة و هي علي الضفاف ..
هل جفت لأنها ترتوي فوق رغبتها !! أم جفت لأنها لا تستطعم الماء !!
تستوقفني كلمات تقول ( لا تعرف قيمة الاشياء الا بفقدانها )
هل يا تري نضبت تلكـ الشجيرات :
لأنها لا تدري قيمة الماء المحيط بها !!
أم هو حُكم الطبيعة !!

فعلا يا حبوبة .. المغرب غريب ..


_
علي البشير
كمين شكلو طلع بيش أو أدوهو عين
هكذا خرمجة لا تضيع بالشُفع بل تأتي بهم ..
نوبي يا صديقي يأتي هنا ليخرمج و يضع بعضٌ من اثقال علي كاهله..

Quote: اساسى ،، تمبس ،، الاخوان

Quote: نوبى لازم يتقوقل يا جدعان !!!!!!

يادينـا ..
وحياتك تم اللازم قبييييل .. قبال ترفعي توصياتك
لكن مافي اي نتيجة..
يعني تعتقدي انو تمر فينا جلكسة زي دي ..؟
ما كمان فيصل نوبي دا ما مولود في جزر هاوااي
ياخي انا لما كنت في السودان .. من أنـا صغير .. بكون في ميدان ابو عنجة والدافوري حدو الركب .. بنتظر (كاروو) ابو الليل عشان اتشعبط فيهو في الطريق للبيت .. الطيب خالي كان بيكون منتظرنا لي (حمام) المغربية بي دقتو .. طبعا لو دقس مرة واحده في حياتو .. كان لحدي الآن الواحد ما استحمى ..
يعني تفتكري الوكت داك فيصل نوبي دا بيكون بيلعب في بلي استيشن وجمبو قالب شوكلات مووو..؟
بعدما كبرت شوية وانا في الثانوي .. كنت لما تبدا تمغرب .. خور أبو عنجة بيتملي بي (البقــر) راجع من البحـر وكمية بتاعت غبار مبالغة .. وزبالة ..
لو جاني الغروب في البيت لي اي سبب من الاسباب بتجيني كارووشة..
وحالة من الشوق غريبة جدا .. لي البقــر .. والاكسسوارات المصاحبة لي البقر .. لانو الواحد تلقائيا بيكون ادمن الشم..
إذا حالة نوبي دي تتلخص في محورين :
الأول:
اعراض شيخوخة وخرف مبكر .. وبعض احلام اليقظة.
المحور الثاني:
يكون حسبه بي كل الجهات ما لفقت معاهو .. قال نجرب المدخل الرومانسي دا ..
التوصيات:
لو في زول عندو حاجة عند نوبي .. يعمل حسابو من حسع دي .. الزول دا ليهو فترة ما طبيعي.

ٍSun Downs
مع وداع الشمس ؛ في أيام معدودات يظهر الهلال ..
عند الغروب و مع وداعات الالوان الحمراء تعود للسماء زُرقتها و يظهر الهلال أبيضًا ناصعاً وسط السماء ليعطي اللوحة نكهة أخري و يخيم ستر الليل علي العاشقين ..
لهذه اللحظة متعة خاصة لانها لا تدوم و لأن الهلال يتدلل دلال العاشقين .. يظهر هنيهة في اليوم الاول ليعطي عاشقيه نظرة ثم موعد في اليوم الثاني الي ان يصل الي لقاء في الرابع عشر و يبداء في الدلال مرة أخري الي الاختفاء في آخر الشهر .. ليعيد الكرة بعد غياب يوم أو يومين علي حسب الطقس ..
يهمس في آذان عاشقيه .. ها قد عُدت أليكم لأُنير درباً رسمتموه ..
لذا نعشق لحظات ظهور الهلال مع وداع الـ (Sun Downs) ..


_
ود البشري
سلامات يا صاحب ..
كُلٌ يبكي علي ليلاه ..

ولد دا

Quote: مع وداع الشمس ؛ في أيام معدودات يظهر الهلال ..

ما تقول القصة كدة من الأول ياخ...
هسي دندونتك مستنية مني تقرير
اقول ليها شنو , لقيت يوسف محمد
(وش بدخن)

Quote: امكن تلقى ليك حاجة كدا ولا كدا

قوولي مشيت و قوولي لقيت حاجة كدا ولا كدا
سو وات
متوقعة افشك مثلا .. ابيت
الحياة ثقة امي ... ثقة
بعدين فارقة معاك شنو مش مؤيدة هيلاري وكدا

_
خدر

أنا دخلت غلط ولا شــنو . . .


دا محل كلو رومانســية !


كدى خارجــونا يا ود البشرى قبل ما زول يشوفنا فى المحلات دى











عن إذنك يا نوبى . . .

Quote: تحملكـ الاشواق و الحنين يوما وهي ترسم في مخيلتكـ أشخاص و أمكنة تفتقدها .. لترتمي علي مقعد السيارة بعد نهار عمل طويل تدير المحركـ وهو يزمجر مرحبا بكـ من جديد في ملل يكاد يكون واضحاً و روتين معتاد .. يبداء العقل في البحث عن وسيلة او مكان لكسر الرتابة اليومية .. تتجول العينان بين مؤشرات الحرارة و البترول .. السرعة .. عدد لفات الماكينة لتنتقل الي تلكـ الاضواء الحمراء من البطارية الي مكابح الوقوف مروراً بحزام الامان لتتذكر انكـ لم تضعه فتتحركـ ذراعكـ بحركة لا ارادية خوفا من المخالفة لا حفاظا علي حياتكـ لتضعه مكانه دون ان يختل مسقط النظر عن تلكـ المؤشرات لتتابع اليد من مربط الحزام الي مبدل التروس لتبداء رحلة البحث عن المجهول في غُربة طالت بين طيات شوارع تكاد السيارة ان تكون قد ألفتها زي (حمار اللبن) .. برغم عن كثرة اماكن الترفيه الا انكـ تجد نفسكـ لا تدري الي اين تذهب ؛ لا لتعدد الخيارات بل لتكرارها و عدم جدواها في إزاحة الضجر المحيط بكـ .. قرار مفاجيء يدير عجلة القيادة صوب شاطيء هاديء بعيد عن ضوضاء تكاد تفتكـ بالسمع .. تقف السيارة علي ضفة الشاطيء هادئة لا تكاد تسمع الي صوت المحركـ مع موجات بدت يائسة و لسان حالها يقول (لا تشكي لي ببكيلكـ) .. لتترجل من السيارة و تطفيء المحركـ و تتجه صوبها سارحا بالبصر الي بُعد لا متناهي .. يجبركـ علي ان تغوص بعمق في رحاب فضاءات فسيحة .. تبداء الاماكن و الشخوص في الظهور من حولكـ لتقل الدائرة و يزداد التركيز لشخص واحد .. و منه الي العينان ..

نوبي ..

شكراً ياخي على درس (السواقة) المفيد دا

غايتو يا نوبي انا جنّي وجن كلام المراهقين ده والغروب وما ادراك ما وردتين لمن تهديها وما رأيك في الليل والأم والمطر !!!!!
يا نوبي الله يرضى عليك ارخينا
الغروب ده توقيت زيو وزي الساعة 2 ونص وعالم الرياضة شغال ف يالراديو وعبد الرحمن عبد الرسول بي صوتو المقروش داك بيقول المباراة كانت جمييلة ووووو وظوووووووط قووون أو كما قال ..
المغرب ده عبارة عن بروش يتم فرشها في زوايا البيوت تجهيزاً لي صلاة الجماعة في كل مربوعين مع بعض ..
المغرب ده عبارة عن شيل الجك وأمشي جيب رطلين لبن من عم عبد العظيم ..
المغرب ده عبارة عن ولّيع لي لمبة النايلو(زي ما بتقول بت جيرانا) مع مستوى رؤيا ضبابي بسبب الغبار في شارع التراب بسبب مرور العربات ..
المغرب ده عبارة عن إنطلاق صافرة إنتهاء الهملة ودخول الجميع للبيت إم تتشطّف من كرعينك الكنات ممسحها بي جلسرين أو دخول الحمام مجبوراً وأمك بي الخرطوش تحلف ليك ما بتنوم بي خلقتك دي في الملايات بتاعتا..
المغرب ده عبارة لحظة إعتذار من جكساية لي ولد بعام يلا انا ماشة البيت عشان الواطــــة مغربت ..
والمغرب في جامعة السودان هو لحظة أخراج جميع الطلاب من حرم الجامعة بمن فيهم باعمات الدراسات الإضافية والحرس الجامعي شغال بي الصفارة تيييت تيييت توووت تووت يلا يا طالب أطلع من لوه ..
المغرب لحظات تسمع فيها بكل أسف سبّ الدين بسبب نهاية دافوري بفارق قووون وخرخرة والاذان أذن والكورة إنتهت ويا حكم صفّر ..
المغرب ريحة المريسة والعرقي تبدا تفوح من بيت بابوية ..
والمغرب لحظة أستئذان من الناموس يطرق فيها ابواب البيوت كان فتحت ليهو الباب بيدخل وكان ما فتحت بررررضو بيدخل ..
المغرب هو لحظة المواصلات فيها بتكون ساهلة من امدرمان للخرطوم والحافلة بدل ما تبقا بي الفين جنيه من الثورة للخرطوم الكمساري بيكورك عربي عربي عربي على الف على الف على الف ..
المغرب لحظة زمنية تشاهد فيها في شارع الظلط كل المخلوقات الكونية كارو شاحن سكر وزيت سايقو زول بي سداري وعراقيهو وسخان ..
نفس الظلط بيكون فيهو بتاع موتر لابس طاقية وبيخرم بين العربات ..
ونفس الظلط بيكون فيهو زول ماشي كدّاري وتضرب ليهو بوري يسب لي جد جدك ويقول ليك الطريق ما فاضي امشي بي جاي ..
نفس الظلط بيكون فيهو تنافس بين حافلتين لتلقيط من لفظتهم منازلهم للمحطات ..
نففففس الظلط بتلقى ليك فيهو غنامية راجعة من الكوشة في طريقها للبيت بالجهة التانية بعد ما دخلت حي راقي ضربت قشر البطيخ وباقي الخدرة !!!

ده المغرب يا اخوي لكن تشبكني وحين إحتضنتها وحين إنسدل شعرها على خاصرة الزمن ففاح عبيرها عبقاً إنفطرت له كبد السماء مع مغيب شمس كانت خلف تلك التلّة وهي تودع إحمرار خدّها في إستحياء بكت له سحب صيفية في شاطئ الأحلام الوردية وقبلات قد طبعتها على جبين حبيبتي على حين غرّة فأبعدت عني رهق السنين وأزالت ما بي من تعب يوم عصيب ..
ده لا مغرب ولا يحزنون ..

غلطااان يا نوبي!

دي عالم يكتبوا ليها كلام زي ده؟


____
أعتقد بعد كده.. مكنة عماد عبدالله مفروض تكون مرجوعة في مسمّاها..

يااااااا الفاروق دقيقة دقيقة

خلاص جيت شايل كورتك ومليان تراب !!


ياخى دقيقة بوصفوا ليك فى مغرب الجميرا الجميرررررررا


وقالو الجميرا بتحرق الواطيها ....!!!





سوق ناسك وكاروك واتفرج ساى ... ياخ مالك ياخ ؟؟؟

Quote: المغرب ريحة المريسة والعرقي تبدا تفوح من بيت بابوية ..

اهاأأأأأأأ هسه نسكت نحن ولا نتكلم يا قولك

الاتنين ؟؟؟ مافى واحدة يهدوك منها ؟ لقيتك صعب والله !

قلت لي يعني يا نوبي ساعة المغربية خايف من كلمة وداع ..؟
اغرب عن وجهي يا هذا .

Quote: اغرب عن وجهي يا هذا

يا للهول..

Quote: ياخى دقيقة بوصفوا ليك فى مغرب الجميرا الجميرررررررا وقالو الجميرا بتحرق الواطيها ....!!!

أسة يا دينا علييك الله الفرق شنو بين :
الجميررررررررررررررررررررررررا ..
والحميرررررررررررررررررررررررا ..
ما مشيت بعيد نفس الArea ..

تعرفي يا قريبتك الزمن ده إحساس داخلي ما مربوط لا بي أوقات ساعتنا اليدوية السيكو منها والكاسيو الجلدي منها والحديدي ولا بي ساعات الحائط الوقاف منه الحجر أو الشغال ...
وما مربوط بي لحظة مغير شمس ولا بي لحظة شروق ..
ولا مربوط بي وجود ضل ولا بي وجود هجير ..
الزمن مرات ممكن تشمّو شم في عطر لامس شعيرات أنفك محض صدفة فنقلك لعوالم زمنية وشريط ذكريات قد يمتد سنين للوراء ..
الزمن مرات بتمسكو بي يدّك في هدية أهداك لها صديق بمناسبة نجاحك فأعدتك لزمن أهدتك فيه محبوبة منديل مشغول بي قطيفة وانت جميل والجابك لي ملاج وجميل يا منديل..
الزمن إحساس داخلي ...

عمر مركب مكنة العالم الصيني أروستو خواكين مندل

يا دينا قوقل شنو الوغد نوبي دا بقي ليهو الكلام جدجد غلبو يجي راجع تاني


ــــــــــــــ
زمان وقت المراهقة بعد الموضوع داك يا عمر الفاروغ يعني عمري كم وسبعطاشر وطمنطاشر كدا , اها بقيت اعرف لي كم جكسوية كدا من باب انه الحركة دي الزول مفروض يمر بيها في مراحل حياته , اها شايف ليك كل الشباب بيعملوا ليهم دفتر كدا فيهو كلام شعر واغاني وصور وذكريات وحنك بتاع زيديني عشقا يا سيدتي وما ادراك ما بتقولي لا وشوش بنات مفتولة بي دموعها مرسومة علي اهداب الدفتر دا وكم قلب كدا بي قلم شيني وخط شديد كدا وحاجات كدا (ما لامها داعي) اها قلت اعمل الحركة دي انا زاتي فقمت اشتريت لي دفتر غلافه رهيب كدا وجبت ليك مجلات سمر وما تعرف الكواكب ومقص وصمغ وقعدت اقصقص والصق وجبت لي قلم شيني قعدت انقل فيهو شعر وخلاص عامل الود فيها جون طرافولتا , اها طبعا الدفتر دا ما بيوروهوا الا للجكس وكدا لسؤ الحظ ود خالتي كان معانا في الاجازة جاي من كوستي , اها لسؤ حظي وقع الدفتر في يده , حقيقة انا اتعرضت لاستنزاف نفسي ومعنوي وانساني ما حصل في قواتمالا زاتها ود خالتي دا اتجمجر فيني جنس جمجرة لمن حامضة نكون بنلعب كورة كدا يجي يقيف في الخط ويقعد يكورك لي اسمع يا حِبيبب , دفترك بتاع السحسة داك وينو لقيت لي صورة لي صابرين داير انزلها ليك فيهو طبعا الشباب كولهم يقيفوا ويقعدوا يضحكوا صابرين يا كبير ؟ اها من الزمن داك اخوك بقي عنده حساسية ضد الحنك العاضي الاسمه حبيبتي والمطر

Quote: ياخي اعذروني انا ما زيكم كلو كلو ما شايف وقت المغرب دا حاجة جميلة ابدا ولا صور المغيب قاعدة تثير في شجوني

..

Quote: ده المغرب يا اخوي لكن تشبكني وحين إحتضنتها وحين إنسدل شعرها على خاصرة الزمن ففاح عبيرها عبقاً إنفطرت له كبد السماء مع مغيب شمس كانت خلف تلك التلّة وهي تودع إحمرار خدّها في إستحياء بكت له سحب صيفية في شاطئ الأحلام الوردية وقبلات قد طبعتها على جبين حبيبتي على حين غرّة فأبعدت عني رهق السنين وأزالت ما بي من تعب يوم عصيب .. ده لا مغرب ولا يحزنون ..

بلاي البوست دا الواحد ما يطلع ليهو بي تلاتة اربعة رومانسيين ..؟
حسع لو كنتو هنود يا بنقلاديش .. كان كل واحد فيكم جا داخل ليهو بي خمسطاشر وردة .. ومية وش بيبكي
شرطو عينا يا اساسي ويا عمر الفاروق ..
ياخي جربو تعيشو لحظة رومانتك مرة واحده في حياتكم .. حتى لو بالكضب .. أوهم أنفسكم بشاعرية الروح..
لمتين انتو ح تقعدوا كدا زي الحجار بتاعت البطارية توصلو ليها سلك من تحت وسلك من فوق ولمبة وتولع .. يجيبو ليكم سيرة الغروب وتراكم السحب .. مع بعض اشعة الشمس الخفيفة المتسللة وأزهار بريه وبعض الفراشات وقطرات الندى .. والواحد فيكم يكلمنا عن اكياس نايلون ماركة جيلاني تتأرجح في الهواء الطلق ..
إنتو ليه ثقافتكم دي جافة كدا ـ لمتين ياخ تطلعوا من الحيز التقليدي الضيق بتاع لا معقولية الاشياء .. وتستمتعوا بي رحلة نيلية ..
أو
الواحد فيكم يزرع ليهو حديقة جوه البيت .. ويزين المدخل الرئيسي بالواشنطونية .. والفايكس .. والكلوكازيا.. والورد الانقليزي .. متين الواحد فيكم ينوم تحت اضواء الغرفة الخافته .. جدا .. مستمتعاً بضربات السمفونية الخامسة القدر لبتهوفن .. وموشر جهاز التسجيل في اخفض درجاته ..


يا نوبي..
ياخ فكنا

ال واطة أصبحت خلاس
تاني الا الغروب الجاي



دينا كلّو إلا الضرة

غايتو يانوبى
المغربية ساعة
زمن براهو وفيهو
كسرة لكل المعتاد
حتى كلام الفاروق
بيورى كيف انو المغربية
ماعادية
نهاية زمن وبداية ازمنة جديدة
وكل يغنى على ليلاه

الشيء صورة ولا قاعد تقالد دافنشي يا فيصل..


طبقاً لأشجار الكوكونط (جوز الهند) يبدو الشاطئ تابع لجنوب شرق آسيا..
أجمل حاجة..

الأحاسيس الرهيفة الطلعتها مرة واحدة لامن اساسى حنبكـ وطلعكـ سلبطة ساكت (شيعي)..

منظر الغسق جميل أكان شروق ولا غروب..
طبقاً لحالة مزاج المتلقي النفسية..

أسمع؛


والماجستير يا فيصل..

الي نوووووووووووووووبي امين عام حزب الغاوووووووووووون الجديد

تاريخ التعين : 21/4/2008 الساعة السادسة مساء الاثنين

المؤهلات العلمية :

Quote: في الافق مع المغيب و حين تبداء اشعة الشمس إسدال ستارها ذو اللون الذهبي علي سطح موج هاديء كأنه قلادة ذهبية علي صدر فاتنة لا تستطيع ان ترفع عيناكـ من عليها في تموجات دائرية تزداد اتساعاً و بريقاً كلما تحركـ الستار درجة الي الاسفل بدت كأنها تمد ذراعيها لتحتضن البحر بأكمله .. تبتسم الشمس و هي تودع يوماً لتقابل يوماً آخر في منطقة أخري من الكرة الارضية .. حينها دوما يخطر ببالي سؤال " خائنة هي؟ " .. تبدو و كأنها مسدلة عينيها في أواخر اللحظات .. و كأنها تقول وداعا حبيبي كُن هنا في نفس الموعد .. دوما تذكرني دلال الانثي .. يقفز الي الذهن سؤال آخر " هل هي غيرة من القمر ؟ " ؛ أكاد أجزم انها في اول الشهر الهجري لا تتدلل كما هو حالها في وسط الشهر .. افيق لحظتها علي صوت نورس يضرب الماء بجناحيه في خفة محاولا ان يتوسده بحنان .. ليبدو منظر القلادة أروع مما كان و يظهر الازرق الداكن من الاعماق مرة أخري مع إطلالة اضواء خافتة .. ليسال هل إكتفيت من شمس المغيب ؟

الغربة بتعمل في الناس عجائب ...زي ..ما نوبي هسي بقى

يهذي ....

احيانا يمتلكك الحنين الى الوطن واشخاص حبيبين الى القلب والروح وتبدأ

يومك مع رحلة الكلمات السرية بتاعة ملوكي ...الله يطرا بالخير

وتنجز عملك على اكمل وجه وروحك هناك هايمة مع جناح الريح

لي ناس بعيدة الشوق ليهم كمد ..تخاطبهم و ترفل دواخلك بمشاعر غريبة

تكهرب جسدك احساسيس لا تسطع الفكاك منها ....ويستمر يومك هكذا ..

الى ينتهي ما هو دين عليك ...وتاخد حريتك لتمارس معهم اشياء محببة لك

تهدي روحك وتزيد حنينك اليهم ...

( حنيني اليك وليل الغربة اضناني ..وشوق ذكراك بدمع الفرقة بكاني)

وتسوقك قدماك الى مكان لا ماخذ عليك لتخاطبهم في العلن وتهامسهم بحرية

مكان يسمع انينك وحديثك ...وشي من حتى يجيك حار ما تقدر تعبر عنو

تحدث البحر وتكلم الشواطئ تهذي مع الامواج التي تتكسر على ضفاف البحر

كحسرأتك وتنظر الى الشمس وهي ترسل عسجد المغيب للوداع يزاد حنينك مع رحلة الطيور الى

حضن اوكارها الدافئة وانت هنا بين وحشة الذكرى واحساس الغربة الذي يترك دواخلك

كاسطوانة مفرغة يخلي زفراتك تطلع بلا راحة وبلا تأني الكل مسرع الى الرحيل المغيب

الطيور الزفرات ....المد والامواج تتكسر لترتاح الا انت تظل تحدث البحر عن شوقك وشجنك

وتهذي بكلمات لا تعرف معناها ولا جدوى من قولها ..تتكلم وتودع كما الكل يودع ...

ويستمر هذيانك مع حبيبك الليل لتحكي بدون خجل ولا خوف ولا ملل ولا كلل الى ان يأتي

الصباح وتتوقف عن الكلام المباح ....

وتتم الهذيان عند النطة من السرير ( مافي طريقة ياخ اليوم ما امشي الشغل )

انا زهجانننننننننننننننننة

همسة:

نوووووووووووووووبي اكتب ...وعلي الامان ؟؟؟

الله يجازيك بقيت اهذي زيك ..

جاتني حمتك بعيد عنك الله الشافي

مسعول من الخير انت بقيت كدة متين ما كنت كويس

فجأة قلبت الموجة قلت اخير غاوووووووووون غاووون ولا .....تمها انت

بين هاتان النخلتان و في نفس المكان .. مع إطلالة ذلكـ القارب الصغير و تبدل لونه ..تعود بنا الذكريات تتموج ..
تتلاطم كما هو حال الدنيا .. نصمد ام نغرق .. هو حالنا .. كم أحببت هذا القارب لصموده ..
أغيب عنه شهور لأعود و اجده في نفس الوقت عائداً من حيث كان .. تتبدل السحنات و يظل القارب هو القارب ..
هل نظل نحن كما هو حال القارب !! تتبدل سحنتنا مع تواجدنا في نفس الوقت !!



_
منينة
أختي و عصا غربتي ..
ها قد أتاكـ ردي و أنتِ موعودة بأن تكوني هناكـ في أحضان من تحبين ..
هنيئاً لكـ يا صديقة ..

اهدي اغنية نحن راجعين في المغيرب للحبيب تمبس .

Quote: اهدي اغنية نحن راجعين في المغيرب للحبيب تمبس .

يا مسكين ..
أول حاجة الاغنية دي (اتنهرت) نهير في الدنيا دي ..
جيب ليك اغنية رومانتيك براااحه كدا تتغنى براحه وبي هدوء .. جيب اي حاجة لي عافية حسن .. لي عبير .. لي افراح عصام .. لي هناية الاهداء خليهو بي صوت (سبرانو) .. اصحى للون شوية .. إنت قايل دا حرب يا مسكين.

نوبي كيفنك
والله مشتهيلي شاي لبن مقنن وكت المغربيي

هنا و في هذا المكان علي ضفة النيل الازرق .. ياهو نيلنا الواحد ده ..
حيث تتواري الشمس ما بين توتي و كبري النيل الابيض و في الضفة المقابلة تسطع اضواء الهيلتون ..
تمتزج مع بعض الموسيقي الخجولة الصادرة وقتها من ذلكـ المبني الفخم الذي يحتضن هذه الراكوبة الجميلة ..
برغم شاعريتها و حميميتها التي تظهر في الصورة .. باتت كأنها رأس الاسد المعلقة علي باب أحد الاثرياء ..
مصطنعة هي .. كما هو حال اشياء كثيرة.. لا تحس بالدفء فيها شتاء و لا تواريكـ من صقيع الصيف في عاصمتنا ..
و لكنها الآن ... حميمة و حميمة جداً .. كم اتوق لأكون هناكـ بضع لحظات ..



_
طارق جبريل ..
شاي مغربية مع أنجلينا بيكون كيف ؟ مصطنع ولا طبيعي !!

الأخ فيصل
عاطر التحايا..
كتبت في المقدمة...

Quote: لتبداء رحلة البحث عن المجهول في غُربة طالت بين طيات شوارع ....... وبالرغم من كثرة اماكن الترفيه الا انكـ تجد نفسكـ لا تدري الي أين تذهب

مجرد افتراض وتصوّر للمشهد........ممكن مثلاً تكون كده !





أطيب الأماني

للغروب سحر خاص يجعل لحظات الملل أقصر و يُضفي بعض الامل لينسحب اليأس سريعاً ..
لحظات الغروب تختلف طعماً و لوناً بمكان تواجدكـ حينها .. شاطيء أم طريق خالي من السيارات .. صحراء جدباء .. قمة جبل .. تحت الشلالات او علي قمتها .. بين الامواج .. علي متن طائرة .. شرفة شقة هادئة مطلة علي الصقيع ..


_
الاخت سلمي
عُذرا لأنني أتيت للرد متأخراً ..
فحالي مع هذا البوست كما وصفتيه تماماً ..
هو نقطة مراجعة النفس في طريق مستقيم و النظر الي منحنياتها في محاولة لتعديلها و النظر اليها من أفق آخر ..
هي محض لحظات أُفكر فيها بصوت عال لأزعجكم معي ..
تحياتي .. و جزيل شكري علي الصورة المُعبرة.

يا تامبا :

Quote: إنتو ليه ثقافتكم دي جافة كدا ـ لمتين ياخ تطلعوا من الحيز التقليدي الضيق بتاع لا معقولية الاشياء .. وتستمتعوا بي رحلة نيلية .. أو الواحد فيكم يزرع ليهو حديقة جوه البيت .. ويزين المدخل الرئيسي بالواشنطونية .. والفايكس .. والكلوكازيا.. والورد الانقليزي .. متين الواحد فيكم ينوم تحت اضواء الغرفة الخافته .. جدا .. مستمتعاً بضربات السمفونية الخامسة القدر لبتهوفن .. وموشر جهاز التسجيل في اخفض درجاته

اخوك مرة عايز يخش في الوهمة دي ونظام عايز أصاحب ليك أولاد المنشية والرياض وناس نمرة 2 ..
كل ما أملك كانت برمودة فيدو ديدو وفيها شجرة نخيل إضافة لي فنيلة بنفسجية جازفتها من ود خالتي الكان في الأمارات وجا يقرا في السودان فقعد معانا ..
طرحت نفسي في الحلة عاشقاً للإسلو وجازفت لي شريط فيديو من صديقي كان للعازف كيني جي وأطلقت في الحلة إشاعة مفادها إنو الأيام دي طالع زوووول خطيييير بيضرب ساكسفون زي ما الله خلقو ..
نجحت الخطة وبعد يومين عينك ما تشوف إلا النور والله يا تمبس بقوا يجو يشحدو مني حاجات انا لا عارفا إسم وجبة ولا إسم أغنية ولا إسم جهاز غايتو بس بقول ليهم جا شالا مني فرزدق أسسسسسة وبيرجعها لي بكرة ..
تعرف ياقريبك الطبقة دي لمن تتحشر فيها بتكون ظاااااااااهر إنك دخيل عليها النوع البيكون صوتك وااااطي لمن تتكلم معاهم وبتحس بي إضنينك صاااااااااانة وجمب عيونك بتجي الخيوط الرهابية ديك ولو سألوك هم عن اي شي النوع البتقول ليهو ااااااااااي والله كلامك صاح وتحاول بقدر الإمكان تضرب يدك بي يدو نظام الفردنة وكده !!!
يا تمس ياخ رومانسية شنو العلينا ....ياخ انا قبل كده طلعت مع الشباب ديل حفلة وجيت أحكي للناس في الحلة قلت ليهم أمبارح أقسم بالله العظيم كنا في حفلة بدت بعد الساعة أطناشر !!!!!! أنقر ما طلع دي الإسمها أوفر نايت ؟
تعرف انا واخوي الكاشف اساسي ده من ياتو نوع في الرومانسية ؟
زي الصعيدي اللي جا لي مرتو وقال ليها :
تعرفي يا تفيدي إمبارح وإنتي نايمي أنا أخدت اللبانة من على فمك !!!
قالت ليهو :
يإرفك يا بطران ده بللللللللللللللللغم
..

بعد الليل ما جن...








المدرس جا وقال:

"عجبني الأسلوب

لكين غايتو"
الأصييييييييل يا جمييييييل


ناس جوّة سلام

كان أصبح صباحنا جيناكم إن شاء الكريم؛ معليش الشوف وقت المغارب؛ والنبي نوح...

هو الموضوع كان شنو















_
يشهد الله غلبني امشي البحر ولا اخرمج ولا أشاكل عمر و أساسي ديل

عميانه تكحلها مجنونه، و تقول لها حواجبك سود و مقرونه


نوبي
بعد الرص و الاعترافات دي كلها تقول الفيلم شنو؟

Quote: حواجبك سود و مقرونه

أوبسسسسسسسسس

الجاب سيرة الحواجب المقرونة دي تاني شنو يا ناس
ما تخلونا في البحر دا

Quote: اخوك مرة عايز يخش في الوهمة دي ونظام عايز أصاحب ليك أولاد المنشية والرياض وناس نمرة 2 ..

بروتـاريا حاقدة ...

راكب ليك موديل 2007
وساكن في الربوة .... وفنايلك كلها (كت) ..
والمطاعم الجنبكـ هارديز وكنتاكي
وتقول لي وهمة وما وهمة ...
...
قوم لـــز ( والعهدة على الراوي ) .........

ولا يهمك يا نوبي :
(فش) حاجاتكـ هنا ده وخلينا من أساسي وعمر الفاروق .. (ديلـ الإتنين ناعمين لمن غلطـ)

فى خاطرى لحظاتنا الندية
وإنتى ساعة المغربية
قعدتك جنبى وعيونك ..
سارحة فى الدنيا البهية
خوفنا من سفراً يودى
للمسافات القصية
قصة الزول المفارق
قلبو عشرة على الوصية
*************
كنت جد ناوى الرحيل
إلاّ شايل ذكرى منِّك
خفت فى الغربة البعيدة
المسافات يبعدنك
العيون الشايلة سيرتك
بكرة يبكن .. ويفقدنك
والأماسى الحالمة .. ترحل
والمشاوير يتعبنك
********
شفتى كيف لما الشمس
مدت نوافير الشعاع
والضفاف بعدت كتير
والريح ملت جوف الشراع
كيف هناك بدت الضفاف
تتلاشى فى زمن الضياع
وإنتى ساعة المغربية ..
خايفة من كلمة وداع

مدني النخلي

البوست دا جميل.

----

في طريقة لنك حفظ...
بالصوت الأول...
و...
بصوت نبوية الملاك..؟؟!!!

ممنونة
جميل مروركـ الذي يسعدني..

و هنا لنكات الحفظـ :
الاول : عوض احمودي
بصوت : نبوية الملاكـ




_
تحياتي و إحتراماتي

Quote: هو الموضوع كان شنو

يا لذيذ..
إستهبال وبس..
جيب نايطكـ نقلقلكـ..




المغيرب..

يا عمران :

Quote: بروتـاريا حاقدة ... راكب ليك موديل 2007 وساكن في الربوة .... وفنايلك كلها (كت) .. والمطاعم الجنبكـ هارديز وكنتاكي وتقول لي وهمة وما وهمة ...

يا عمران ياخ انا لحدّي الليلة بستكتر إني أرمي علبة اللبن بعد تفضى عشان حاسي إنو ممكن نعملا جردل ..
ولحدي أسة باقة العصير ما بجدعا عشان نحفظ بيها الموية في التلاجة ..
وحتى الان أكدّس أكياس بندة والعثيم خوفاً من أن أحتاجها عند شراء الرغيف ..
تعرف يا قريبك أمبارح القريبة دي جبت لي سبّاك إشتغل لي مواسير جديدة أها يا عمّك قلت ليهو القديم ده ما تجدعوا عشان بحتاج ليهو ..والله يا عمران بحتاج ليهو في شنو ما عارف لكن أهو ده السودان علّمنا كده !!
وتقول لي سنة ناعمة ؟
تخريمة :
الله بيسألك كم مرة ركبت المواصلات وانت ما عندك حق المشوار وحنّست الكمساري؟

و فاقدة عيوني زول ..













_
UP
إلي حين عودة ..
مع التحايا للجميع أوغادا كانو أم مغاربية

لما ترجع بالسلامة .. عصام محمد نور

_
إهداء للعزيزة الغائبة .. برضو

فاقدة عيوني زول

يا عــمــك


ممكن أهدي الهضربة دي لي زول/ة

يا نـــاس!!



دي عمايل ليك يا نوبي؟؟؟

Quote: مغارب مسطول

Quote: No woman No Cry

بصراحة شديدة انا حزين للتخصيص, فكانما قدره ان يظل مرنبط بها

Re: مبرووووووووووووووووك العوده فيصل نوبى


يجود علينا الخيرون بمالهم(احاسيسهم واشواقهم)

ونحن بمال الخيرين نجود

في المغارب .. هناكـ علي البعد .. علي ضفاف شاطيء مهجور و بعض بقايا مراكب أحيانا أجد نفسي .. حالي كتلكـ القوارب .. كانت يوماً ما ذات فائدة .. أكل عليها الزمن و شرب .. أتجول بينها بعينين متفحصتين لعلي أجد ما يمكن أن يطفيء نار شوق لمن أحالو بعض ايام الي حال كالشاطيء المهجور بإختبائهم طوعاً لا إجباراً ..أبدا مناجاة لعيونهم المتجولة تُراقب علي ضفاف الشواطيء؛
مترنما بالاغنية المصاحبة لهذا البوست منذ مطلعه .. و كلي أمل ان يعيدو بعض مما سُلب بغيابهم .. في تلكـ اللحظات أكاد أجزم أن القوارب بدأت تتحركـ هي الاخري باحثة عنهم .
شدت شراعاتها مع بداية الغروب .. شراعات بيضاء تحمل السلام و الاستسلام ..
لكن هل تستجيب العيون المختبئة ؟

_
* استميحكم عُذرا في الرد علي راوية.. لتقصيري معها .
راوية

Quote: يجود علينا الخيرون بمالهم(احاسيسهم واشواقهم) ونحن بمال الخيرين نجود

ياخ انتي أهل الجود ..
صدقيني يا عزيزة .. لم ار مداخلتكـ الا بتنبيهكـ هذا ..
أعتذر عن ذلكـ و أتمني أن تسامحيني علي تقصيري ..
لكـ و لملهمتي الغائبة الحاضرة كل التحايا..

ممكن نقول فوق !!
















_
برضو فاقدة عيوني زول ياخ !!

نوبي
























وين يا أخي


لم أعد بعد

خليتني للأيام

_
* عصام محمد نور

خليتني للأيــــــام

خليتني للأيـــام وأخترت غيري صديق
بقيت من الأحـــلام يا حبيبي وأنت الضيق
الشيء العجيب وغريب بتقول كلام ما بليق
مع أنه مافي زعـــل
******
فتشت ليك أسباب عشان أسامحك يوم
وأقنع عيني بي جفاك كان تلقى عيني النوم
ما لقيت بلا الأقــدار ظالمني أو مظلــوم
بيناتنا ضاع الحــل
******
أنا عاد أصدق كيف زولي العرفته قبيل
لقياه تصبح طيف ذكراه تصبح ويل
شمت فيني الشوق ضحكت فيني الليل
ما سبت فيني أمـــل
******

البوست دا لو اتحلج بكون من كترة دخولي عشان اسمع عصام محمد نور و خليتني للايام

غايتو مدينين احنا للـagony البيطلع لينا الابداع دا كله












____________________
الصورة المليانة دقيق دي جبتها من وين ياشين

نانسي ... يا زمن

_
تالت إهداء للعزيزة الغائبة .. برضو

نوبى ..


حضرت هنا للمرة الخامسة بعد المائة














ـــــــــــــــــــ
عشان اسمع ... فى غنا سمح ياجماعة جدير بالسماع !!!!!!
ولما ما عندنا حظ فى كتابتك المصريين بقولو لو فاتك الميرى
اتمرغ فى ترابه

.

يا غتيت










خليتني في البوست داك ليه

أجمل الغروب ما جاور البحر ,,!!

وفى مقولة آخرى "النيل"

وأحياناً "مع الحبيبة"


..
..
يا نوبى

يا نوبينا ؟

المغارب عندنا صعبة شديد ما تقول حاجة !